رواية المتمرده (الجزء الثاني) الفصل السادس عشر والسابع عشر والثامن عشر والتاسع عشر والعشرين بقلم وعد يحيي البكري (جميع الفصول كامله في مدونة قصر الروايات)

 رواية المتمرده (الجزء الثاني) الفصل السادس عشر والسابع عشر والثامن عشر والتاسع عشر والعشرين  بقلم وعد يحيي البكري (جميع الفصول كامله في مدونة قصر الروايات)

رواية المتمرده (الجزء الثاني) الفصل السادس عشر والسابع عشر والثامن عشر والتاسع عشر والعشرين  بقلم وعد يحيي البكري (جميع الفصول كامله في مدونة قصر الروايات)

الحلقه 16:-

__________

المتمرده ج2:-

_____________

روح بانبهار:-اده؟!

ادهم حط ايديه الاتنين علي كتافها من ورا

ادهم:-عاجبك؟

تملصت منه و هي لسه بتتفرج ع منظر الحاجه

الشاليه كان كله انوار ملونه و شكلها جميل و في موسيقي هاديه في المكان و الشبابيك تل الوان كان عامل زي الجنه

روح:-انا داخله ان...ثواني..هو انت سيبت الحاجه ملونه كده و شغاله و الموسيقي و جيت المنوفيه؟!

ادهم:-اه

روح:-((و بعدين بقه في الجنون ده)) ماشي

ادهم:-هممم؟!

روح:-تصبح ع خير بكره نتكلم

ادهم:-يعني بعد كل ده هتنامي ده في عشا جوا و..

روح:-انت مش مقتنع اني مش طيقاك

و قفت باب الاوضه وراها بنرفزه و نامت بلبسها

____________________________________

وداد كانت غرقانه في اخر تجهيزات فرحها و مبسوطه لكن فاتن كانت دبلانه و مضيقه جدا و دلوت كانت ديما مترفزه لان احمد لطفي كان عاوز يخلي الحاجه باسم ادهم و هيه لسه مش موفقه

وداد:-ماما هو ادهم فين؟

دلوت:-بقاله يومين في لندن

فاتن:-المفروض انو في لندن و الله اعلم

دولت:-تعرفي حاجه يا فاتن؟

فاتن:-لا

و قامت طلعت اوضتها

وداد:-قليله الذوق اوي

دولت:-شايله كتير ربنا يكون في عونها الي تقدر ع ادهم تبقي بطله

وداد:-هههههه مممم ((روح بطله هههههه))

دولت:-بتفكري في ايه

وداد:-هه؟لا ولا حاجه هههههههه

و جريت بسرعه قبل ما تفتح

دولت:-طول عمرك بتخبي علي ادهم عمرك ما كنتي معايا

____________________________________

ادهم صحي الصبح و ظهره وجعه جدا من النوم ع الكنبه و ده لان الاوضه التانيه الي في الشاليه مش جهزه

دخل الاوضه لقاها صحيت و بصه من الشباك و في اديها مج في حاجه

ادهم:-كمان فطرتي؟

روح:-ده نسكافيه

ادهم:-ده غلط الصبح علفكره

روح افتكرت انها حامل و انو فعلا غلط قامت سابته

ادهم:-ههههه بتسمعي كلامي؟

روح:-لا ده عشان الب...

ادهم:-ال..ايه؟!

روح:-ال..ال...صحتي يعني

ادهم:-اااااه طيب بقلك هغيب ست سعات و هرجعلك بمفجأه

روح:-مش عوزه حاجه

ادهم:-ملكيش دعوه انتي هتفرحي اوي يلا اعملي فطار

روح:-مش هعمل حاجه

ادهم قرب منها براحه و قال بهمس و هو مبتسم:-و الله لو مرحتيش عاملتي فطار و اكلتي معايا لهشيلك علي كتفي و انزلك في البحر بلبسك ده؟!!!!!

روح عرفه انو بيتكلم جد و خافت اوي عشان البيبي فجريت ع المطبخ بسرعه و ادهم اعد يضحك

و بعد ما ادهم فطر ركب عربيته و مشي و منساش يقفل عليها بالمفتاح عشان مش تمشي و لكن روح مفكرتش حتي تفتح الباب..

____________________________________

ادهم دخل القصر بتاعه 

دولت:-حمد لله ع سلامه الرجل الغامض

ادهم:-ماما انا مستعجل

دولت:-خير

ادهم وجهه كلامه لواحد من الخدم:-اندهلي البيبي سيتر بتاع الاولاد

دولت مستغربه من الي بيعمله

البيبي سيتر:-ايوه يا باشا

ادهم:-جهزي شنطهم بسرعه و لبسيهم

دولت:-ليه

ادهم:-هخدهم فسحه يومين لشرم الشيخ

دولت:-طب...ما تاخد فاتن معاك و...

ادهم:-اوعدك انو هيحصل بس المره دي نفسي انفرد بيهم

وداد نزله جري ع السلالم

وداد:-ادهمتي حبيبي

ادهم:-هو اهي حكايه ادهمتي دي؟

وداد فهمت قصده:-ههههههه قلك ايه انا فرحي بعد بكره

ادهم:-هاجي متخفيش

جت البيبي سيتر بعد شويه و معها شنط الولاد

ادهم:-خدوا الشنط للعربيه

و مسك ايد فادي و ساندي

فادي:-احنا هنروح فين يا بابي

ادهم:-شرم الشيخ

ساندي:-هيييييييييييييييييه 

و بعد ما ركبهم العربيه و طلع

ادهم:-اسمعوا بقه احنا هنشوف حد بس متقلوش لاي حد اننا شفناه

فادي:-اوكيه يا دادي مين؟

ادهم:-مين فاكر رورو

ساندي بفرح:-خوووووووووخ هنشوفها

فادي:-هيييييييييه

ادهم:-بس لو قلتوا لحد روح هتزعل اوي

فادي:-لا مش هنقول لحد يا بابي

ساندي:-ابدا

ادهم:-وعد؟

ساندي و فادي بفرح:-وعد يا بابي

_________________________________

ادهم:-خليكوا هنا في العربيه

ساندي:-تمام

ادهم فتح باب الشاليه:-روح؟روح؟

جت من جوا:-نعم

ادهم:-لمي شنطه هدومك

روح بقلق:-ليه

ادهم بجد:-هرجعك لاهلك كفايه كدا

بصتله و تنحت و حاشت دموعها بالعافيه:-ماشي اللبس الي جوا ده مش بتاعي و لا الي عليا ده بتاعي

ادهم:-لمي كل اللبس و ملكيش دعوه مش ليكي

دخلت جوا بسرعه و انفجرت دموعها و قهره قلبها اما ادهم ففصل ضحك

*خرجت مسكه الشنطه بقوه:-خد...انا همشي بالقطر

شدها من اديها و قفل باب الشاليه

ادهم:-اركبي

روح:-لا

ركبها العربيه بالعافيه و لسه هتفتح الباب و تزعق

ساندي و فادي:-خوووووووووووووخ!

روح اديرت فاموا نطوا عليها و حضنوها و هيه بردوا كانت فرحانه بيهم

و ادهم ركب العربيه و ع وشه ابتسامه

روح:-هو ايه الي بيحصل

ادهم مسك وشها:-دي هيه العيله الي نفسي فيها يا روح

روح بدموع:-بس...

ادهم:-خلاص بقه دول هما يويمن في شرم عشانك و ليهم و ليا

روح:-ماشي

ادهم:-انا تعبت من السواقه و الله

روح حست بسماحه نفس اتجاهه و حطت ايديها ع بطنها و كان نفسها تقوله بس قالت لنفسها بعدين

و اعدوا الاطفال يغنوا و يهيصوا و ادهم حاسس ان ملك جمبه و انو فرحان اوي بوجود روح معاه و احساس انو ليه عيله لغايه ما وصلوا للمطار

روح كانت عرفه انو خطر علي البيبي الطيران عشان ضغط الهواء بس مش عرفه تعمل ايه

ملحوظه من الكاتبه:-حقيقه الطيران خطر ع الحمل بسبب ضغط الهواء

روح:-ادهم لا و اقسم بالله مش هركب

ادهم:-خيفه؟

رح:-ايوه

ادهم:-طب مش انا معاكي

روح:-لا و حياه ربنا المره دي ابدا

ادهم:-طب..

روح بعياط:-لا

ادهم:-اده؟؟ايه ايه؟؟براحه خلاص و الله لنروح بالعربيه

ساندي:-يوووووووه بقه

فادي:-عوسين طياله

روح:-طب سافروا انتوا و انا...

ادهم مسك اديها:-لا طبعا

روح سحبت اديها لانها لسه زعلانه

روح:-اسفه

ادهم:-و لا يهمك بس التذاكر و كمان انا تعبت من السواقه و الوقت

روح:-معلش يا ادهم اسفه

ادهم:-طب..

روح:-لا لا لا

ادهم:-خلاص يلا

و راحوا ركبوا العربيه تاني...

استنوني بكرا عشان نكمل ايه الي هيحصل..

#يتبع

الحلقه 17و18:-

__________

المتمرده ج2:-

__________

روح و ادهم و ساندي و فادي وصلوا قريه صغيره في شرم الشيخ و كانت الساعه 2 و نص بليل و الكل كان تعبان حتي الي كان نايم اما ادهم فكان فاصل وصلهم للفيلا الي مأجرها هناك و سابهم ع الباب و طلع نام من غير و لا كلمه اما روح فخدت ساندي و فادي و غيرتلهم و غطتهم و دخلت الاوضه الي دخلها ادهم..

لقته نايم بهدومه و كل حاجه صعب عليها اوي منظره

روح:-ادهم؟!ادهم قوم غير الاول و هعملك اي حاجه تكلها

مردش عليها و هو في رحله نوم عميقه قامت خلعتله الجزمه و فكتله حرف القميص من فوق و حولت تعدله بس معرفتش و ملقتش مكان ع السرير لانه كان نايم بطريقه غريبه فغيرت و نامت علي الكنبه الي في الاوضه...

___________________________________

ابو هيام:-بصراحه يا بنتي روح رخصت نفسها اوي

هيام:-يا بابا و الله ده بيحبها بس...

ابو هيام:-حب ايه ده بس الي يخليه يجرها بالبجامه في الشارع و اكيد بهدلها ضرب لما روحوا

هيام:-ان شاء الله يصلح الحال

ابو هيام:-بصراحه روح لازم تتطلق

هيام:-و بالنسبه للبيبي؟

ابو هيام:-هتربيه هيه يعني هو مش هيقدم و لا هيأخر

هيام:-يا سلاااام و هو هيسيبه كده

ابو هيام:-بس هيه تستاهل الي هيه فيه ازاي تتجوز من غير ما تقول لحد

هيام بسخريه:-و تقول لمين بعد ما الكل ظلمها

 ابو هيام:-ظلمها؟

هيام:-اها و ناس كده كمان طردتها من الشقه

ابو هيام اضايق لما افتكر و حس ان هيام معاها حق

ابو هيام:-المهم عماد مستعجل ع الجواز و انتي جبتي كل حاجه و مش ناقصك غير الفستان ها قلتي ايه نعجل

هيام:-نفسي افهم هو مدلوق كده ليه

ابو هيام بارتباك:-يعني...عادي هو...كويس...و..و ما شاء الله...ايوه كويس و ال...

هيام:-بابا؟...في ايه؟انت مخبي ايه عليا؟؟عارف ايه و ساكت؟

ابو هيام:-ايه الهبل ده ههههه 

هيام:-لو سمحت عوزه افهم في ايه

ابو هيام قام وقف:-في اني نازل اعد ع القهوه شويه متفتحيش لحد الا عماد و بردوا مدخليهوش الشقه

هيام:-مهو مكتوب الكتاب

ابو هيام:-لا مفيش الكلام ده الناس مش كويسه  و لسنهم وحش

هيام بقرف:-يخربيت الناس طيب يا بابا

ابو هيام:-السلام عليكم

هيام:-و عليكم السام يا بابا

_________________________________

ادهم صحي من النوم و حاسس بآلام فظيعه في رجله من كتر السواقه بص جمبه لقي روح نايمه ع الكنبه و هو حد خلعله الجزمه و فكله القميص فابتسم و هو بيبص لروح بص في الساعه لقاها الساعه 12

ادهم:-رورو؟رورو؟

اعد جمبها ع الارض و باسها قامت صحيت علطول

ادهم:-هههههههههههههه بعد كده مش هصحيكي غير كده

روح قامت و بعدت عنه

ادهم:-لسه زعلانه لدرجه انك تنامي ع الكنبه

روح بغيظ طفولي:-يا سلام هو انت اصلا عملت حسابي ده انت مليت السرير كله

ادهم بخبث:-يعني كنتي هتنامي جمبي؟

روح:-هه؟لا مش قصدي بس...قصدي...

ادهم:-هههههههه خلاص خلاص قومي البسي بقه مش عوزين نضيع وقت هما يومين و لبسي الولاد الميوهات

روح:-ماشي و هلبس انا كمان الم...

ادهم:-لا هنا في ناس كتير مش عاوز حد يشوفك في اسكنريه مفيش حد تقريبا

روح:-طب هلبس بتاع المحجبات بس هسيب شعري

ادهم:-لا برده الميه بتخليه يلزق ابقي انزلي حمام السباحه الي في الفيلا

روح اتبسطت بغيرته بس مخلتوش يحس بكده

روح:-مش مشكله انا مش بحب الميه اوي بس كنت هعمل كده عشان ساندي و فادي يلا روح البس بقه

جت تمشي قام مسك اديها

ادهم:-لسه زعلانه

سحبت اديها:-مش هفتح الموضوع ده خلينا نتكلم بعد الفسحه

ادهم:-ماشي

الجو كان جميل اوي و ساندي و فادي فرحنين و اعدين علي حرف الميه بيلعبوا و روح اعده علي كرسي و ادهم جمبها

روح:-هفففففف

ادهم:-ايه مالك؟

روح:-مليش

ادهم:-مالك بس مش مبسوطه؟

ربعت اديها و قالت بضيق طفولي:-

-و انا اتبسط ازاي و كل شويه وحده تعدي قلعه اكتر ما هي لبسه من قدامي

ادهم بصلها بدهشه ع اسلوب كلمها و فجأه انفجر ضحك:-

-هههههههههههه غيرانه منهم؟بس انا مختش بالي

روح:-يا سلام هغير منهم ليه بقه ان شاء الله و بعدين مختش بالك ازاي طب اهه وحده اهه

قالتها و هي بتشاور علي وحده اجنبيه لبسه عريان

ادهم:-فووووووو يا لهوي!

روح ضربته ع كتفه بأقوي ما عندها:-اده؟

ادهم:-آيييييييي ايه؟انتي فهمتي غلط انا ببص علي تسريحه شعرها

روح:-و الله هقوم و اسيبك

ادهم:-هههههه يعني غيرانه عليا اهو؟

روح:-انا؟...لا مش غيرانه بس انا مش كيس فجل

ادهم:-خلاص ههههه

سكتوا شويه

روح:-يوووووه بطل تبص عليهم

ادهم بدهشه حقيقيه:-و الله ما بصيت يا روح ههههههه انتي جالك هوس و لا ايه

روح:-علفكره انا لو لبست زيهم مش هقل عنهم حاجه

ادهم:-كنت ادبحك اصلا يا حببتي

بعدين كمل كلامه و هو بيغمز:-بس ممكن في فيلتنا تلبسي كده عادي

ضربته و هي بتقول بغيظ:-انت قليل الادب

ادهم:-ههههههههههههه عثل يا ناس

و ع الساعه خمسه بليل روحوا و استحموا و غيروا و راحوا يتعشوا في مطعم و روح بدأت تضحك معاهم عادي بس كل ما تفتكر ان ادهم فضل الفلوس عنها ترجع تاني كئيبه

و الساعه عشره بليل في الفيلا:-

ساندي:-بابي انا عوزه عوامه و ميوه جديد عشان بتعاي اتقطع و عوزه بمبه

فادي:-و انا عاوز جردل العب بيه

ادهم:-طب ما تيجوا ننزل المدينه نشتري حجات

روح:-لا انا تعبت و مش قدره

قلتها و هيه حطه ايدها علي بطنها

ادهم:-مالك؟اجبلك دكتور

فرحت لانو قلقان:-لا لا لا انا كويسه بس عوزه انام

ادهم:-طب هروح انا اشتري شويه حجات و ارجع بسرعه و خلي الولاد معاكي

روح:-تمام

ادهم غير هدومه و خد عربيته و مشي

ساندي:-ماما رورو؟

روح بابتسامه:-ايون

ساندي:-ان و فادي عوزين ننزل حمام السباحه

روح:-دلوقتي؟بليل كده

فادي:-عادي يا ماما رورو

روح:-لا مش هينفع خيها بكره

ساندي:-بلييييييز؟!

روح:-لا يا ساندي ماما رورو قالت لا

فادي بزعل:-اوكيه

روح:-العبوا برحتكوا انا طالعه اوضتي تمام؟لو عوزتوا حاجه اندهو

ساندي:-ينفع نلعب في الجنينه

روح بقلق:-لا مهو...

فادي:-في حارس برا يا ماما رورو

روح:-ماشي بس متتأخروش برا

ساندي:-اوك يلا يا فادي

روح طلعت اوضتها و هي بتفكر:-يعني هفضل مخبيه عليه لغايه امتي ان في بيبي ادهم يستحيل يآذيه ابدا ده ابنه و هو مش اهبل...طب مش ممكن يتعصب؟لا لا مش هيتعصب لاننا في مصيف و ده الوقت المناسب الي اقله عليه

روح سرحت شعرها و لبست فستان ماسك و قصير احمر لغايع فوق الركبه و هو بحملات و قررت تقله النهارده و نزلت تراقب ساندي و فادي من ورا الازاز الي في الفيلا و بعدين اعدت شويه و هي بتفكر في البيبي و فرحانه اوي و بعدين افتكرت فاتن و الظروف و زعلت شويه و...

ساندي:-آآآآآآآآآآآآآآآآآآآ ماما رووووح

و سمعت صوت عيطها خرجت جري و كأنهم ولادها بس مش لقياهم في حته

-آآآآه روروووو

بصت لقت ساندي ماسكه في حرف حمام السباحه لانو طلع غويط اما فادي فكان اختفي تحت الميه تماما و شويه و ساندي سابت حرف حمام السباحه و صرخت و اختفت روح اتذعرت تمااما و نطت من غير تفكير مع انها مبتعرفش تعوم اصلا و بتخاف بس نسيت انها لبسه كعب عالي!

طلعت فادي بسرعه بس كان فقد التنفس فعلا و طلعت ساندي و كانت اعده تكح جامد و مش عرفه تتنفس

اما روح فتوزنت و فجأه كعب الجزمه اتزحلق و وقعت ع دهرها اعدت تقوم و تقع

روح:-حا...حاااااااااااازم...حا...حاااااازم

و ده كان اسم الحارس الي جه جري  و كانت روح نزلت خالص في القاع و نزل بسرعه اتقذها و هيه برده فقدت التنفس...

في نفس اللحظه ادهم كان وصل و سمع صريخ و راح جري يشوف الي بيحصل لقي الحارس شاي روح و بيحطها ع الارض و هيه مش بتتنفس و الاسوء انها بتنزفّ!

جري بسرعه

ادهم:-في ايه؟

الحارس بارتباك:-اعتقد ان الهانم اتزحلقت و وقعت اما الاطفال معرفش اليه الي حصلهم

ادهم نقلهم بسرعه العربيه و طلع ع اقرب مستشفي

و بعد ساعه و نص:-

الدكتور:-الاطفال بخير وصلنلهم شويه اكسجين و الحمد لله

الغريب ان ادهم مسألش عن روح

الدكتور:-و المدام بخير بس...

ادهم:-ماشي!

الدكتور باستغراب:-احم...بس الطفل مات

ادهم:-طفل؟

الدكتور:-اها معلش البقاء لله

ادهم:-اصل كما تدين تدان يا دكتور

الدكتور بغباء:-هه؟

ادهم:-و لا حاجه

دخل للاوضه الي فيها روح و ساندي و فادي و اعد جمب ولاده

ادهم:-حبيبي الف سلامه

ساندي:-بابي انا تعبانه

فادي:-و انا

ادهمك-ايه الي حصل

روح بضعف:-ادهم؟

ادم قام وقف و قرب منها براحه

روح:-قلتلهم متنزلوش بس نزلو

ادهم:- الله! المفروض اني اصدق

برغم تعب روح بصتله بدهشه و عدم فهم

ادهم:-للدرجه دي عوزه تبقي لوحدك عشان كده قلتي تعبانه و تخليني امشي و تحولي تفريقهم مش كده لكن ربتا وقعك في شر اعمالك و اتزحلقتي و وقعتي و الي انتي متعرفيهوش انك كنتي حامل و مات

روح وشها جاب الوان:-انت؟؟...انت بتقول ايه

ادهم بيبصلها بقرف:-انا فهمتك اخيرا زي اي وحده مثلتي البراءه عشان تحولي تقتلي ولادي و انتي الي تجيبي اطفال و اضيقتي لما عرفتي ان فاتن هتجيب طفل بس تستهلي طلعتي كنتي حامل و انتي مش عرفه و مات مااااات و انتي طالق يا روح طاااااالق

عكس توقعات الممرضات الي اتجمعوا و توقع ادهم روح رفعت راسها براحه و ابتسمت

روح:-كده احسن!

قامت براحه

الممرضه:-حضرتك لازم تعدي هنا يويمن ع الاقل

روح:-لا همشي

الممرضه:-لكن...

ادهم مسك روح من درعها:-مفيش وقت يا انسه انا هروحها بسرعه خلينا نخلص

مع ان الممرضه مكنتش تعرفها الا ان روح صعبت عليها اوي و حست انها مظلومه

روح شدت درعها بضعف بس مقدرتش

روح:-لو سمحت ملكش حق تمسكني انا عوزه امشي

ادهم لسه خايف و لو شويه عليها:-يلا مفيش وقت

و وجهه كلامه للمرضه:-هسيب الاولاد لغايه بليل 

راح ركبها العربيه و فضلو طول الطريق سكتين و مش طيقين بعض اما روح حطه اديها علي بطنها و بتعيط من غير صوت

ادهم:-تستهلي!حولتي تأزي طفلين

روح مدفعتش عن نفسها و فضلت سكته

ادهم:-تقدري تقوليلي عملتك ايه عشان تحولي تعملي كده

روح سكته

ادهم وقف العربيه:-انطقي!...كان نقصك ايه؟مع انك عرفه انك اول وحده انا حبيتها بعد ملك...ملك لو كانت مكانك مكنتش..

روح قاطعته بزعيق:-بلا ملك ولا زفت انت متعرفش حاجه انا احسن من ملك بتاعتك دي 100 مره حرام عليك بقه حراااااام

ضربها بالألم بقسوه:-اوعي تشتميها تاني

روح:-ماااااااااااااشي ماشي مش هشتمها اسكت بقه انا بكرهك

ادهم:-و ليكي عين تتكلمي؟!انا بقه الي فعلا بقيت بكرهك و هعيش مع فاتن و فلوسي و ولادي دي احسن منك ميت الف مره

روح مقدرتش تتحمل قامت فتحه الباب و نزله و هو نزل وراها

ادهم:-ريحه فين

و مسك درعها

روح:-خلاص بقه سبني هعرف اكمل متشكره ع كل كل حاجه

ادهمك-اركبي مش ناقص

روح:-و قلقان ليه اخصك في ايه

ادهم:-بقول اركبي احسلك

جه واحد من ورا:-بيضيقك في حاجه يا انسه؟

روح:-اه

ادهم:-انت مالك انت انا جوزها

روح:-لا كداب

ادهم:-ماشي انا غلطان

و راح ركب عربيته و مشي و روح عرفت تروح لوحدها و مجرد ما دخلت عند هيام اغم عليها لانها مكنتش مستحمله مجهود

هيام:-خير يا دكتور

الدكتور:-لا مفيش حاجه بس هيه متحملتش اجهاد نتيجه اجهاض الطفل

هيام بخضه:-ايه؟

الدكتور:-خير في حاجه المفروض تكونوا عرفين

هيام فهمت ان في حاجه حصلت

هيام:-اه اه شكرا لحضرتك

_________________________________

ادهم رجع بيته و شكله متعصب و مضايق

دولت:-مش المفروض ترجع بكره الصبخ قبل فرح وداد

ادهم:-و رجعت دلوقتي فيها حاجه دي؟

دولت:-لا ابدا

ادهم اعد مع اولاده و عايز يفهم بالتفصيل

ادهم بعصبيه:-ايه الي حصل

ساندي بخوف:-احنا نزلنا و غرقنا

فادي:-و خوخ وفقت و الله

ساندي بصتله لانه بيكدب بس سكتتل انها خيفه من ادهم

ادهم:-و بعدين

ساندي:-مش عرفه غرقنا ازاي محستش بحاجه

ادهم:-يعني روح هيه ايل نزلتكوا لتحت

ساندي:-مش فهمه!

ادهم:-هيه اي غرقتكوا؟

فادي:-مش فاكر

ساندي:-لا دي خوخ يا بابي

و رفعت ايدها لفوق

ساندي:-عملتلي كده هو

ساندي كانت طفله  مش فهمه توصف هيه كان قصدها ان روح جبتهم بس شرحت غلط لانها تعتبر مش فهمه مصطلح ((غرقتكوا))

ادهم:-ماشي متخفوش ابدا تاني انا معاكو

فادي:-و خوخ؟

ادهم:-ملناش دعوه بيها انسوها...خالص

_______________________________

روح:-بس...ده الي حصل

و كانت مبتسمه ابتسامه مراره و حزن و في عنيها دموع نشفت

هيام عيونها دمعت:-انسان وقح ازاي انتي ضحيتي بابنك عشان ولاده و يعملك كده؟ازاي

روح:-لا و كمان فاكرني مكنتش اعرف اني حامل

هيام:-طب متكلمتيش ليه؟ليه مصرختيش و قلتي لا مش انا و فهمتيه كان هيصدق

روح:-هو ظن فيا وحش و ضربني بالألم لكن ربنا مش هينساه الي حصل يا هيام و هيندم اوي سعتها انا مش هكون ليه

و رجعت تعيط تاني:-بس الي وجعني اوي كلامه محسش بالرحمه حتي ازاي اصلا يصدق المفروض انو بيحبني للدرجه دي شافني وحشه؟

هيام:-بالله عليكي متعيطيش تاني

روح:-ده قالي طالق مرتين وسط كل الناس

و حطت اديها ع بطنها:-و محسش بوجعي ع ابني و فكرني وحشه و بيعيرني بموته يا هيام!انا كنت بحبه اوووي بس هو نسي حبه في ثانيه

رجعت راسها لورا و قالت بوجع و عياط:-

-ازاي انسي ان عنده ولاد

مسح دموعها عشان تنزل غيرها

-و اكيد اغلي مني عنده

________________________________

يوم فرح وداد البيت كله كان في غايه الانبساط حتي احمد خطيبها كان مبسوط بس عشان اسباب تانيه طبعا

الا ادهم طبعا كان فرحان عشان وداد لكنه مضايق اوي بس في الحقيقه هو كان حيران مش عارف مضايق عشان روح ضحكت عليه و لا صعبت عليه؟!

وداد:-ادهم؟ادهمتي؟

ادهم:-متقليش تاني الزفت الاسم ده

وداد:-حاضر متعملش كده يا عم مسيركوا هترجعوا

ادهم:-ممكن تسكتي المره دي لا

وداد:-طب احكيلي الي حصل المره دي

ادهم:-هفففف انتي عروسه ممكن تركزي في لبسك و حجتك و تسكتي

سكتت وداد و هيه مضيقه علي حاله

فاتن:-مالك يا ادهم

ادهم:-مفيش يا فاتن تعان

فاتن:-خير فيك ايه

ادهم:-مخنوق

فاتن فرحانه انو بيرد عليه من غير عصبيه

فاتن:-طب ينفع اعرف مخنوق من ايه

ادهم:-عادي يعني...

فاتكر انو بيتكلم مع فاتن فرجع لعصبيته:-بس بقه!

و مشي و سبها

فاتن:-ربنا يهديك يا ادهم

_______________________________

اهو ده الي قلت عليه

اعيش و اموت لعنيه

معقوله باع؟

كان الحنين لعنيك

احب مين بعديك

علقني بيه و مشيت

و انا ليه أمنت

الله يجزيك يا غرام

علقني بيك ايام

بنيت عليك اوهام

و في حضنه ياما حلمت

________________________________

هيام:-مش هتكلي حاجه برده؟

روح:-لا يا هيام مليش نفس

هيام:-بس انتي خسيتي اوي يا روح

روح:-بتهيألك

هيام بعصبيه:-مش معقول بقه كده يا روح كل ده عشان واحد ولا يسوي زمانه عايش حياته مع الي اسمها فاتن و لا همه و انتي عامله في نفسك كده بقالك اسبوع عيشه ع الميه مهو حرام بقه يا روح

ابو هيام دخل علي الصوت:-ايه خير لسه مش عوزه تاكل ول ا تخرج؟

هيام:-اه

ابو هيام بابتسامه حنينه:-فرح هيام يوم الخميس الي جي يا روح و هتلبس و هتغني في فرح اختك مش كده؟

روح مردتش

هيام:-الله يخليكي كفايه مش قدره اشوفك كده و الله لو مرجعتيش بتهزري زي الاول و تضحكي لهأجل الفرح مش هسيبك

روح:-لا يا هيام ده الحاجه الوحيده الي هتفرحني بجد

هيام:-طب الله يخليكي كلي

روح:-صدقيني مش قدره و مش عرفه

هيام:-طيب ول ا انا كمان و الله ما وكله

روح مردتش برده

ابو هيام بزعل ع حالها:-لا حول ولا قوه الا بالله الله يجزيك يا شيخ

و خرج برا

هيام بزعيق:-و بعدين بقه فوقي يا روح

روح بعياط:-يا هيام حسي بيه انا لسه فكراه لما شلني و لف بيا يوم فرحنا ولما وعدني انو عمره ما هيسبني ابدا و لما قلي طول ما انتي معايا متخفيش و لما قلي بصي في عيني و ثقي فيا لسه فكره لما كان بيصحيني و هو بيبوسني الكلام ده كان من اسبوع بس مش معقول هنسي بسرعه يا هيام بقه!

هيام بدموع:-طب خلاص طيب و النبي

روح اترمت في حضنها:-كفايه بقه وجع يا ناس كفايه كسره قلب مش قدره يا هيام مش قدره

هيام:-منه لله منه لله!

_______________________________

احمد لطفي دخل ع ادهم اوضه مكتبه في القصر و اعد قدامه

احمد:-ايه يا ادهم في ايه الي انت فيه ده؟

ادهم:-مالي؟

قالها و هو بيطفي السجاره و بيولع غيرها

احمد:-من امتي و انت بتشرب و مالك كده و لا اكل و لاشرب في ايه جرا ايه؟

ادهم:-مفيش

احمد:-علفكره خلاص كل شيئ بقه باسمك و باسم وداد نص الثروه باسمها و النص التاني باسمك انا خلاص بقه قررت ارتاح شويه و انتوا تشيلوا الشغل و شغل وداد الي ماسكه ممدوح

ادهم:-طيب

احمد:-مش فرحان؟

ادهم:-عادي يا بابا مبقتش عاوز حاجه

احمد:-طب مالك يا ادهم ريحني ليه مبقتش تسافر اسكندريه زي كل اسبوع مع صحابك و لا لندن ول ا اي حاجه؟

ادهم عنيه فيها دموع:-لو سمحت يا بابا ورايا شغل كتير

احمد:-طب بلاش سجاير يا ابني حرام عليك نفسك

ادهم:-يا بابا انا تعبان انااااااااا تعبان سبني في حالي بقه

احمد خرج برا الاوضه و سابه و مجاش في باله روح خالص لانو فاكر انها كانت نزوه و خلصت من زمان مفكرش انها جواز و قصه حب بس الحاله الي ادهم فيها فكرته بابنه ساعه ما ملك ماتت و كان نفسه يعرف ماله بس مكنش عارف يفكهل ان وداد في شهر العسل و لسه هترجع بعد يومين

ادهم:-آاااه يا تري ليه عملتي كده يا روح؟

_________________________________

مبنساش الي كان بينا و لا بنساك

و مش قادر بتوحشني حياتي معاك

**مسبتش حتي ليه بينا في باب مفتوح

و سبته يروح

طب اندم ليه؟

______________________________

وداد اعده مع احمد في البلكونه في شاليه في الغردقه

احمد:-دودو حياتي عاوز اتكلم معاكي في موضوع

وداد:-قول يا احمد

احمد:-انا عوزك تعمليلي توكيل بأملاكك و انا اديرها و احافظ عليها ايه رأيك

وداد بصتله باستغراب:-طب ما ممدوح..

احمد:-اه ممدوح بيدرها و كل شويه يقبلك و يتحجج صح؟لا انا اديرها

وداد:-غيران؟

احمد:-طبعا...ها قلتي ايه

وداد:-طب ما تديرها بس مش لازم توكيل

احمد:-لا يا حببتي عشان...عشان محدش يحس اني شغال عند مراتي يعني شكلها وحش في حقنا احنا الاتنين و بعدين كده هاخد بالي و هتصرف في المشاريع براحتي

وداد:-هممم طيب موافقه هقول لادهم ان...

احمد:-خليها بيني و بينك

وداد بشك:-ليه؟

احمد:-عشان محدش يضايق يا واداد

وداد:-طويب يا حبيبي هعملك توكيل بالشركه

احمد:-الشركات بقه و جميع فروعها و الفلوس الخاص بيها في البنوك عشان افتح مشاريع و اطرو الشركات لو مش حبه خلاص و لو مش واثقه عادي مش هزعل

وداد:-لا طبعا يا حبيبي واثقه بس العربيه خليها باسمي و هات انت وحده

احمد:-((مش هسيبلك حاجه انتي اتمتعتي كتير و انتي صغيره حقي بقه انا)) لا و ع ايه هيه زياده عربيات هيه تبقي بتاعتي و انا اخدك بيها

وداد:-مواقفع يا حبيبي بس قلي هتفهم في الشغل ده

احمد:-طبعا طبعا الا افهم فيه

وداد:-خلاص اول ما ننزل القاهره هعملك توكيل

مسك اديها و باسها:-حببتي و الله و احسن حاجه انك واثقه فيا

وداد:-طبعا يا احمد الا وثقه فيك

و ابتسمت بحنان

_________________________________

عدي اسبوع كمان و يوم فرح هيام جه كانت روح رفيعه بمعني الكلامه و جملها دبل حضرت الفرح بلبس غامق لانها مرديتش تلبس اسود عشان خاطر الفرح بس برده غامق عشان خاطر ابنها و هيام طلعت ع بيتها و روح روحت مع ابو هيام و احزنها بتزيد عليها لان هيام سبتها و سمعت مكالمه تليفونيه

ابو هيام:-ايوه و الله يا دكتور انا استعجلت في جوازه بنتي عشان لو حصل حاجه لقدر الله تبقي هيه بخير بس مش هينفع اعمل العمليه برده

سكت شويه و كأن الدكتور بيسأله عن السبب

ابو هيام:-اصل بنتي التانيه حصل مشاكل مع جوزها و اطلقوا عاوز اسيبها في امان او اصالحها ع جوزها و شكل في كده جوازه تانيه مستنياها و هجوزها و آامن عليها و اعمل العمليه ان قمت منها يبقي انا مرتاح و عايش وسطيهم و ان مقمتش يبقي مرتاح و عندر ربي

سكت شويه تانيني و روح حطت ايدها ع بقها بفزع و خوف

ابو هيام:-مهو انت يا دكتور قلت ان نسبه نجحها 40 % ايه؟.....يعني لو اتأخرت عن كده الحاله تسوء؟معلش ان شاء الله بس اطمن ع روح بنتي التانيه و اعملها......ماشي...مع الف سلامه...سلام

ع قد فرحه روح بخوف ابو هيام عليها ع قد قلقها ع الي اتقال و ان في جوازه جديده جيلها...

يا تري هتعمل ايه؟

معداش دقيقتين الا و ابو هيام دخلها

ابو هيام:-ازيك يا روح عامله ايه

روح:-الحمد لله يا بابا كويسه

ابو هيام:-هههه و الله البيت ناقصه هيام

روح:-اه و الله

ابو هيام:-كنت عاوز اقلك حاجه

روح:-اتفضل يا بابا

ابو هيام:-بصراحه يا بنتي انتي جالك عريس عارف انك مطلقه بقالك اسبوعين بس و لسه في العده بس اتخطبوا مؤقتا ع الضيق و بعدين اتجوزوا اصلي...اصلي...مستعجل يعني....عشان.....هو عريس كويس

روح:-.....

ابو هيام:-هو شريف ابن صاحب العماره قلتي ايه؟

#يتبع

الحلقه19:-

_________

المتمرده ج2:-

__________

روح:-انا....انا سمعت المكالمه التليفونيه يا بابا ازاي تستني كل ده ع نفسك

ابو هيام:-يا بنتي مهو انا كنت عاوز اطمن عليكو

روح بعتاب:-تطمن ايه بس؟انت لازم تكلم الدكتور حالا و تقوله انك هتعمل العمليه

ابو هيام:-و انتي وفقتي ع العريس؟

روح بابتسامه مراره:-صدقني مهما اجلت العميله مش هتجوز تااني ابدا يا بابا

ابة هيام:-يا بنتي حرام عليكي ده جوزكوا كان شهرين و نص و انتي 20 سنه بس هتعدي كده عشان واحد طلع مش كويس هتكرهي كل الناس

روح:-مش حكايه كره لكني...

اتحرجت لانها مش عرفه تفهمه عشقها لادهم و انو يستحيل حد يبقي في حيتها ابدا

روح بابتسامه:-لو سمحت يا بابا انا هكمل دراستي و هقضي حياتي في الشغل فممكن بقه تكلم الدكتور حالا؟!

ابو هيام:-طب ما انا مش عارف هقول لهيام ازاي دي مسافره بكرا اسكندريه شهر عسل و هتعد اسبوعين و لو قلتلها هتلغي

روح افتكرت اول يوم ليها في اسكندريه لما ادهم شالها و اعد يلف بس مسكت دموعها بالعافيه

روح:-احم...طب..مهو يا بابا انت عقبال ما تحجز في المستشفي هيكون بعد حوالي اسبوعين و شويه هتكون هيام رجعت و انا فهمتها بس دي عمليه ايه؟

ابو هيام:-قلب مفتوح

روح:-ربنا يجيب العواقب سليمه يا بابا و تقملنا بالسلامه

ابو هيام:-طب انا عملت عشا بأيدي لاول مره مش هتكلي؟

روح بصت للارض و رجعت بصتله:-انا تعبانه و عوزه انام و الله يا بابا

ابو هيام:-مهو انا مش هاكل و انتي كده يا بنتي عشان خطري دوقي الاكل بتاعي

روح:-ما انا بقيت أكل و خلاص فكيت يا بابا بس دلوقتي انا مش قدره

ابو هيام:-ماشي يا بنتي تصبحي ع خير

روح:-و حضرتك من اهلو

قفل الباب وراه الاوضه ضلمه...

و سكته..

سمعه صوت انفسها بانتظام...

زي اي يوم بس المره دي كان نقصها هيام تكون جمبها تخفف عنها و تهزر معاها لغايه ما تنام اما دلوقتي فمش هتعرف تهرب من افكارها و ذكريتها...

و دموعها...

___________________________________

عدت الايام بسرعه  و هيام سافرت و لكن وداد كانت رجعت لادهم الي حاله تغير تماما بقه عامل زي اول شهر لما ملك ماتت

وداد:-ادهم ممكن تحكيلي المشكله من اولها

ادهم:-انا مش هحكي حاجه يا وداد كل الي هقوله انها كانت بتخدعني

وداد بدهشه:-روح؟لا لا اكيد في سوء تفاهم

ادهم بعصبيه:-لا مفيش كل شيئ كان واضح خلاص بقه انا طالع اعد مع ولادي

طلع ادهم من التراث متعصب

احمد:-دوما؟!

ادهم زقه و مشي قام بصله باستغراب و اعد جمب وداد

احمد:-ماله؟

وداد:-مضايق شويه

احمد:-اممم بقلك نروح بكرا نعمل التوكيل و لا انتي عوزه ممدوح هو الي يفضل مسؤل انتي حرا صدقيني مش هعزعل لو مستأمناه اكتر مني مش هضايق

وداد:-اخس عليك يا بيبي لا انا فعلا قلت لممدوح انك هتمسك الشغل و بكرا نعمل التوكيل تمام

احمد كان هيطير من الفرحه بس مبينش ده و بين انو عادي:-اوك تمام

___________________________________

ادهم اعد مع سانيد و فادي و هما بيتفرجوا ع التلفزيون بس هو كان سرحان و بعدين انتبه ان الفيلم اكشن

ادهم:-اده؟انتو مين شغلكوا الفيلم ده

ساندي:-البيبي سيتر 

ادهم:-ايه الغباء ده؟هيه فين

فادي:-بليز يا بابي الفيلم كميل خالث 

ادهم بص لقي ناس بتغرق و ضرب نار

ادهم:-لا ده يعلمكو العنف

ساندي:-احنا حثلنا كده قبل كده و خوخ عملت زي الراجل ده هههه نطت بسلعه و جابت فادي و انا

ادهم انتبه:-ايه؟

فادي:-و لا حاجه

ادهم:-لا لا قولوا تاني مش انتوا قلتو انها غرقتكوا؟

فادي:-اه و جبتنا

ادهم:-يووووه انا مش فاهم 

ساندي بخوف:-بابي احنا كدبنا بصراحه ابله خوخ قالت محدش ينزل بس احنا نزلنا و هيه جت طلعتنا و اتزحلقت

ادهم:-اييييييييه؟يعني مش هيه ايل نزلتكوا؟

فادي:-لا

ادهم بزعيق:-و كدبتوا ليه؟

فادي:-خفت منك يا بابي اسف

ادهم نسي ان قدامه اطفال:-اسف؟؟و اعمل بيها ايه؟انا...انا..

قدم جز علي سنانه بغيظ و دولت دخلت ع الصوت

دولت:-في ايه يا ادهم

ادهم لاول مره ميخفش ان مضوع روح يتكشف:-

-مفيش حاجه سبيني في حالي

و خرج راح مشوار...

دولت:-في ايه يا ولاد

فادي بعياط:-و الله يا نانا مكنتش اعرف ان بابي هضايق لما اقله ان خوخ سمحتلي انزل انا كدبت عشان كنت خايف

ساندي:-بس مكنش ينفع يا فادي نكدب

دولت:-براحه يا ولاد فهموني انا سمعت سيره خوخ ديه في ايه بقه؟

فادي اعد يعيط اكتر و ساندي تطبطب عليه و دولت مش فهمه حاجه فعلابس قررت تفهم من شخص واحد بس...

((ادهم))!

_________________________________

ابو هيام:-العمليه يوم الجمعه هتكون هيام رجعت الخميس و هروح من الخميس الصبح هيجهزوني 

روح:-هوا...حضرتك يعني ...الفلوس و كده!؟

ابو هيام:-انا دفعت الفلوس بعت دهب مراتي الله يرحمها و الله قلبي كان وجعني و مضايق بس معرفتش اعمل حاجه

روح طبطبت ع كتفه:-

-الله يرحمها يا بابا هيه كده مبسوطه لانك هتكون بخير 

ابو هيام:-هتفهمي هيام بقه؟

روح:-اه بس دي هترجع الخميس الصبح يعني هتكون حضرتك روحت بالفعل

ابو هيام:-معلش يا بنتي هتقل عليكي و تفهميها

روح:-و لا يهمك يا بابا انت حضرتك تروح و لما تيجي تسأل ع حضرتك هيكون معاها عماد و هفهمم براحه و...

ابو هيام:-عماد عارف كل حاجه عشان كده عجلنا في الجواز

روح بابتسامه:-كده هيكون اسهل عليا

ابو هيام:-كتر خيرك يا بنتي و ادعيلي اشوف احفادي سواء منك او من هيام

روح ابتسمت ابتسامه حزينه و بعدين قالت بأمل لاول مره تتكلم بيه من بعد شهر الا 4 ايام :-

-ان شاء الله تقوملنا بالسلامه و تشوف احفاد احفاد هيام

ابو هيام:-ههههههههههه ده انتي طماعه اوي يا شيخه و بعدين تعالي هنا انتي مش عوزه توريني احفادك انتي كمان

روح رجعتلها كسره عيونها و ابتسمتها الحزينه:-

-لو في نصيب يا بابا

ابو هيام:-فيه ان شاء الله

____________________________________

ادهم رجع بليل اوي و دخل اوضته لقي فاتن مشغله اغاني و لبسه حلو و حطه برفان في الاوضه كلها و في اكل جميل محطوط

فاتن:-ادهم ممكن اقلك مفجأه

ادهم:-نعم؟

فاتن:-انا حامل يا حبيبي رسمي

ادهم:-ماشي

افتكر ابنه الي مات من روح و انو عيرها بكده و حس بوجع قلبه

فاتن:-طب يلا نحتفل مع بعضينا ده عشان ابنك مش ليا

ادهم:-تعبان و عاوز انام

فاتن:-انت كل يوم تعبان؟!

و قربت منو براحه و هيه مبتسمه:-

-ادهم اديني فرصه اثبتلك اني..

ادهم بزعيق:-فاتن انتي ليه مصره تضيقي نفسك و تنكدي عليا من الاخر انتي كنتي عندي مجرد صفقه و ياريتها كانت صفقه عدله صفقه غبيه و زباله عشان شويه ملاليم و خسرت بسببها احلي حاجه في حياتي لاني فاكر ان الكل طمعان فيا فهمتي؟كنتي صفقه صفقه

فاتن بدأت تعيط:-عملتلك ايه لكل ده؟حرام عليك يا ادهم ليه كده؟و انت بتسمي الي اسمها روح دي احلي حاجه في حياتك؟

ادهم بعصبيه:-اتكلمي عنها عدل و انا مظلمتكيش انا قلتهالك ش من قبل جوزنا انتي عندي فلوس بالنسبالي كنتي مفتاح للجنه لكن الفلوس اتقلبت لجحيم عايش فيه بقالي شهر مر عليا سنه

فاتن:-انا بكرها بكرها و الله لاقتلها لو طولت و الله لاقتلها

ادهم قرب منها و عنيه بيطلع منها شرار:-

-طول ما انا في روح....اعرفي انها مش روح بتنفس فيها دي روح الانسانه الي كانت مراتي في يوم مش روح و خلاص و محدش هيقدر ياخد روحي الا لما ربنا يأذن بموتي سعتها ممكن تتآذي لكن و انا عايش....لا لا لا

فاتن:-طيب بقه انا عوزه اقلك حاجه انت ظلمتني و ظلمت بنات كتير زمان و ربنا انتقم منك و خد ملك و دوقتي انت بتظلمني و ربنا هياخد روح او حاجه بتحبها

ادهم بزعيق و دموع:-خد خلاص ارتاحي خد ابني من وحده حبيتها اكتر من ملك شخصيا!

فاتن بسخريه:-احسن!

قام بكل ضيقه و غيظه و انهال عليها ضرب و مهتمش انها مجرد وحده و ضعيفه بالنسباله

و فجأه الباب اتفتح و دخلت وداد و احمد

احمد مسكه و وداد خدت فاتن و اعدت تطبطب عليها و منظرها صعب عليها

احمد:-ايه يا ادهم انت اتجننت؟

ادهم بيحاول يفلت و يروح يكمل عليها

ادهم بزعيق:-بقه كده بتشمتي فيا؟و في ابني طب انا هقتلك ابنك بقه يا فاتن!

وداد سابت فاتن و قربت من ادهم و زقته و خرجت برا الاوضه

وداد بزعيق:-بطل جنان بقه في ايه مش قلت انها خداعه و...

ادهم:-لااااااااا انا الي زباله و مش عارف اروحلها بأي وش اعتذر و لا اعمل ايه

وداد بزعيق:-بس بقه يا ادهم انت كبرت ع جو المراهقه و الحب ده انتي وحده من الاخر متنفعلكش فقيره و مش مستوانا و غبيه في تصرفتها و شم ليك و بعدين هتقتل ابنك؟مهو ابنك برده و من الاخر روح وحده الحمد لله اننا خلصنا منها

ملحقتش تكمل جملتها عشان تلاقي ألم نازل علي خدها من ادهم و لاول مره تتضرب من ادهم اول مره تتضرب اصلا

احمد:-لا ده انت اتجننت رسمي بقه يلا يا وداد نخش اوضتنا

فاتن خرجت:-وداد خديني بعيد اي اوضه

ادهم دخل يعد جوا لوحده و قفل علي نفسه زمان لما كان بيجيله الحاله دي و يشتاق لملك كان يجري يفتح الدولاب و يعد بين ذكريتها لكن روح جت و مشيت من غير ذكريات ماديه او صوره حتي كل الي متبقي مواقف و ضحك و ده بيوجعه اكتر حط ايده في جيبه و طلع اغلي حاجه عليه الدبله الي روح جبتهاله بنفسها...

_____________________________________

روح مسكت الدبله الي ادهم ادهلها تاني يوم جواز و دمعت عيونها للحظه...

((و فجأه ضرب ع دماغه:-اخخخخخخخخخخخخ

روح:-ايه

ادهم:-ازاي نسيت كان المفروض ادهالك اول ما كتبنا الكتاب ثواني

قام فتح الدولاب و طلع علبه قطيفه حمره

ادهم:-دي دبله البسيها عشان الكل يعرف انك بتاعتي يا رورو))

روح مسكه الدبله و بضمها لصدرها:-فعلا بقيت بتاعتك و مسجونه فيك....انت عملت ايه فيا؟

كانت عرفه و مدركه انها مش هتعرف تعيش ابدا طول ما كل كلمه حلوه قالوها لسه جواها

كانت عرفه انها مش هتعرف تعيش طول ما هيه لسه حسه بمكان ابنها الي مات في بطنها

كانت عرفه و مدركه انها مش هتعرف تعيش طول ما هيه فكره اللحظه الي قالها ثقي فيا و قالتلو انا واثقه فيك

كانت عرفه انها مش هتعرف تعيش طول ما هي فكره انو فضل الفلوس عنها مرتين و هو اكتر حد هيه عشقته

كانت عرفه انها مش هتعرف تعيش طول ما لسه في بالها صورته و شكل وشه و شراره عيونه و هو بيعيرها بموت ابنها

كانت عرفه انها مش هتعرف تعيش طول ما هيه فكره و اكتر حد حبته و عاشت جواه و فيه مفكرش يسمعها

كانت عرفه انها مش هتعرف تعيش طول ما هيه فكره الألم الي ضربهله من غير ما ايده ترتعش او تطرف رموشه

ازاي هانت عليه اوي كده؟

و اخيرا كانت متأكده انها مش هتعرف تعيش و جواها سؤال بياكل في عقلها ليل و نهار مهمه ضحكت و اتكلمت و اتشغلت هيفضل في دماغها....

-يا تري انت حبتني بجد يا ادهم؟

__________________________________

تاني يوم الصبح ادهم راح شغله عادي و الجرس رن ع الساعه 3 العصر و فتح الخدام....

الخدام:-فاتن هانم في واحد عوزك

نزلت فاتن لقت واحد شكله فقير و شايل شنطه مليانه حجات

ساعي البريد:-ممكن تمضي هنا مروسلك حاجه

فاتن و هي بتمضي باستغراب((ايه الاسلوب القديم ده)) شكرا

و قفلت الباب و هيه بتفتح الورقه..

فاتن بصريخ:-طنط دولت؟الحقينيييييييي

دولت:-ايه في ايه يا فاتن؟

فاتن:-ادهم طلقني!

#يتبع

الحلقه 20:-

_________

المتمرده ج2:-

_________

ادهم رجع براسه لورا و قدامه ممدوح

ممدوح:-انا بقول انت تعد في لندن يومين حلوين ترتاح شويه يا ادهم لانك كده هتموت

ادهم:-انا لسه هموت؟؟انا جسد من غير روح....ايوه من غير روح....روحي سافرت

ممدوح:-طب ممكن تبطل بقه الكآبه دي لو سمحت انا لازم امشي بقه

ادهم باهتمام:-تمشي ليه؟ما انت كده كده ماسك شغل وداد

ممدوح:-اصل احمد جوز اختك مسك الشغل بتاعها بالتوكيل ده

ادهم بخضه:-توكيل ايه؟

ممدوح:-انت متعرفش؟

ادهم:-لا

ممدوح:-وداد عملت توكيل لاحمد بكل حاجه بتعتها

ادهم:-اييييييييييه؟؟؟

_______________________________

دولت:-اييييييييييه؟

فاتن مسكت ظهرها و هي بتعيط:-اااااااااااااااه ليه كده يا ربي

مع ان فاتن كانت عرفه عدم حب ادهم الا انها افتكرت انو مش هيعرف يطلقها عشان البيبي و حست انها زعلانه اوي كان لسه عندها امل في حبه ليها

دولت:-خلاص يا فاتن اهدي عشان البيبي طيب

طلعت جري ع اوضتها الي هيه اوضه ادهم و اعدت تعيط جاامد

وداد:-ادهم زودها اوي

دولت:-وداد عيزه افهم فيه ايه

وداد:-ماما من الاخر ادهم اتجوز روح و...

دولت:-عرفه قولي شيئ جديد

وداد:-و اطلقوا من شهر من سعتها و هو مدمن سجاير و خس اوي و اتغير و عصبي زي ايام...ايام ملك الله يرحمها

دولت:-عملتله ايه البنت دي؟؟عملت في ايه ؟انا لو بصدق في سحر كنت قلت انها سحرتله لكن ده كلام جهل 

وداد:-بس بدأت اصدقه ده كان بيحبها اوي لما تزعل كان بيشيل همها

دولت:-في حجات كتير لازم تتفهم

سمعوا صوت فتح الباب و ادهم داخل بخطوا واسعه

ادهم بصوت قوي:-وداد!

حست وداد بالخوف بس هدت نفسها

وداد:-هو ده معاد رجوعك؟

مسكها من درعها:-انتي اتجننتي؟

وداد:-ايه يا ادهم في ايه؟

ادهم:-الاتوكيل ده لازم يتلغي

وداد شدت درعها من ايده:-انا حره ده جوزي و محدش يدخل

دولت:-توكيل ايه

ادهم:-الهاااانم عملت توكيل لجوزها بكل حاجه بتعتها ختي العربيه

دولت قامت وقفت بخضه:-انتي اتججنتي يعني عشان ابوكي كتب كل حاجه باسمكوا انتي اديتي نص الثروه بالظبط لواحد غريب

وداد:-الغريب ده يبقي جوزي يا ماما

ادهم:-اسمعي يا بت انتي بابا مش هعيرف حاجه عشام ميروحش فيها و تروحي معاه تلغو التوكيل ده النهارده قبل بكرا ده لو طلقك تبقي روحتي فشنك

وداد:-فال الله و لا فالك طلاق ايه بس

ادهم:-مش مشكلتي و الله اروح اطربق الدنيا ع دماغه التوكيل هيتلغي

وداد:-حاضر حاضر بس اديني فرصه امهد الموضوع عشان ميحصلش مشاكل

ادهم:-طيب..طيب و بعد كده تستشيري الي حوليكي

وداد حست انها غلطت:-حاضر

__________________________________

امنيه:-هيهيهيهيهيهيي! البت هبله هبله يعني

احمد:-انا خلاص بعت معظم العماير و الفلل و حولتها لفلوس كاش باسمي في البنك و فضلي ال3 شركات و العربيه و انا هبدأ يوم الجمعه اتفاوض مع واحد كبير هبعله الشركات و هبيع العربيه و اجيب وحده جديده تماما باسمي

امنيه:- و الطلاق؟

احمد:-بعد ما ابيع اخر حاجه!

امنيه قربت منو و قالت بدلع:-طب و مش هيبقي كده في حاجه باسمي يا بيبي

احمد:-هههههه لا يا روحي مهو انتي حببتي و كل حاجه و هصرف عليكي

امنيه بزعل و دلع:-لا بقه كده اسحل و مكلمش و اخنصك خالث مالث

احمد:-لا مقدرش ع زعل الحاجه الحلوه بتاعتي خلاص يا ستي هجبلك عربيه باسمك و فيلا

امنيه:-لا لا مش ده بث!

احمد و هو يضمها:-امال؟

امنيه:-عوزه ال3 شركات....فلوس ال3 شركات

احمد:-لا ا امنيه خليها شركه وحده

بعدت عنه خالص:-خلاص مش عيزه حاجه

احمد:-طب خلاص يا ستي ال3 شركات

امنيه بسرعه:-و هخليك انت الي تديرهم و هعملك توكيل بس اوعي تبعني يا ميدو

احمد:-يا هبله ما انا الي هدهملك

امنيه قربت تاني:-يا حبيبي!

__________________________________

روح يوم الجمعه الصبح بتستقبل عماد و هيام

هيام و روح اشتغلو عياط و احضان و بوس

هيام:-وحشيني يا بنت اللذينه

روح:-و انتي وحشتيني اوي اوي اوي اوي

عماد:-هههههههه بفكر اغير مش عارف ليه

روح بعدت عن هيام و هيه بتضحك من قلبها اخيرا و سلمت ع عماد

روح:-حمد لله علي السلامه يا استاذ عماد

عماد:-الله يسلمك يا روح و اسف اني مقلتلكيش البقاء لله في ابنك

هيام برقت عيونها لانه فكر روح و بصت في الارض

عماد:-انا...انا اسف اوي

روح رسمت ابتسامه كدابه:-و لا يهمك يا استاذ عماد اتفضلوا اتفضلوا

دخلوا لقوا روح طبخه اكل جميل

هيام:-يا ابوياااااااااااا يا راجل يا طيب!يا عم الحج

طبعا ابو هيام كان في المستشفي بيجهزو للعمليه

روح:-احم بابا راح يشتري الحاجه و هو اكل و بيقلنا كلو انتوا اتفضلو قبل ما الاكل يبرد

عماد:-كده برده حمايا ميستنناش ماشي

بص للاكل:-بس بصراحه..بصراحه يعني الاكل مينفعش حد يستني عليه تسلم ايدك يا روح

روح:-ههه شكرا و الله هيام أكلها جميل كده بالظبط

عماد بيسبل لهيام الي اعدت جمبه:-

-كل شيئ هبه بتعمله جميل!

هيام:-هههههه ثنكس

عماد:-ثنكس؟؟ما من شويه كانت ابويا

روح:-هههه كلوا بقه قبل ما الاكل يبرد

اعدوا كلهم يكلوا و عماد و هيام لاحظو ان روح بتقطم حتت صغيره و بردوا لسه خسه و مصفره و مش بتاكل

هيام:-اما بابا راح فين

روح:-مش عارفه قال مفجأه

عماد و هو بيمضغ الاكل:-يارب يكون الحلويات

هيام:-هههههه براحه ع نفسك لتشفطني

عماد:-ههههه شفتي بقه يا روح اهي ديما كسفاني كده

روح:-هههه بالهنا و الشفا

بعد ما خلصوا اكل عماد نزل يقابل صحابه و هيام و روح اعدوا يشربوا الشاي مع بعض

هيام:-ياااااااااه يا روح عالم تاني خالص انا و البحر و حبيبي و بس مكنتش شيفه حد كل الي بنعمله اننا بنضحك و بس و...

لمحت دموع روح فلامت نفسها و اعدت تشتم علي نفسها من جواها لانها اكيد فكرت روح

هيام:-و اقسم بالله اسفه

روح بابتسامه:-صدقيني انا فرحانه لفرحتك انا بس...مش عارفه مالي..

هيام:-طب خلاص خلاص سفي الشاي و انا هسكت خالص

روح بصتلها بقلق:-هيام هوا....بابا....

هيام:-ايه؟

روح:-هو راح الصبح المستشفي

هيام :-ايه؟ليه ماله جلطه تاني 

روح:-لا لا ده كويس و هنروحله حالا هو راح برجليه يجهزوا للعمليه بتاعت بكره

هيام ضربت علي صدرها:-عمليه؟!و انتي بتاكلي و مأعداني كده

روح:-و الله هو الي وصاني بكده و لسه بكرا العمليه

هيام:-طب...عمليه ايه

روح:-قلب مفتوح

هيام بدموع:-طب هتصل بعماد و...

روح:-عماد مش مع صحابه

هيام تنحت -_-

روح:-عماد راح له المستشفي لانو مقدرش يقلك

هيام بعياط:-يعني كنتو عرفين؟

روح:-لا و الله انا لسه عرفه من اسبوع اما عماد فعارف من ساعه الخطوبه و عشان كده كانو بيعجلوا في الجواز

هيام بزعيق و عياط:-ليه بس كده يا بابا

روح:-اهدي بس خلينا نروحله

هيام:-يلا

__________________________________

الساعه تسعه بليل:-

روح و هيام و عماد كانو في المستشفي لما عماد راح البيت و معاه المفتاح عشان يجيب لبس لهيام و ليه لان هيام اصرت تبات و هو هيبات معاها و روح اصلا كانت جيبه هدوم

لمح عربيه سودا مألوفه بتاعت حد هو عرفه بس كدب نفسه و لما طلع للشقه لقي الي كان متوقعه...

ادهم واقف و عمال يرن الجرس

ادهم بص لعماد و بيشبه

ادهم:-استاذ عماد مش كده؟

عماد كان بيعتبر روح زي اخته بالظبط بالذات بعد ما هيام أكدتله انها وحده كويسه

عماد:-اه و انت استاذ ادهم؟-_-

ادهم:-ايوه انا...

عماد:-جي تصالحها؟

ادهم:-هيه حكتلك؟

قالها بغيره و ضيق

عماد:-لا....مراتي هيه الي حكتلي و مدام روح اصلا متعرفش اني عارف الموضوع كله

ادهم ارتاح لما عرف ان مش بنهم كلام

ادهم:-انا جي...

عماد مقاطعه:-مش عاوز اعرف بس هقلك كلمتين لو سمحتلي

سكتوا شويه و ادهم مقلوش لا او اه

عماد:-لو كانت مراتي هيه الي هنا يمكن كانت قتلتك!...لو سمحت يا..يا ادهم....باشا.......ابعد عننا و عنها هيه وحده مسكينه و فقيره و سيبها في حالها دي اتوجعت كتير منك و هيه زي اختي و انا مرضلهاش كده لما صدقنا انها تنسي شويه مع انها لا بتاكل و لا بتشرب

ادهم:-و انا والله م....

عماد:-سيبها في حالها بقه حاليا هيام هتحاول تقنعها بالعريس الي هيه رفضاه

ادهم انهار لما سمع كلمه عريس

ادهم بزعيق:-انت بتتكلم عنها كده ليه اصلا و مفيش حاجه اسمها عريس روح بتاعتي و ملكي و بس!

عماد:-اسمع يا...

ادهم:-انا هردها!

عماد:-لو حضرتك فعلا بتحبها سيبها لو شافتك هتنار و لو ردتها ليك يمكن تروح فيها من الألم و احساسها بالضعف

ادهم:-انت ليه بتتكلم عنها كده تعرف ايه انت عن احساسها روح بتحبني فاهم؟

عماد:-كانت!....كانت بتحبك و انا مش بتكلم كده عشان حاجه و الله يا ادهم باشا عشان هيه اختي و أكدلك انها مش بتقلي غير استاذ و بقلها مدام روح او روح بس في بعض الاحيان و انا بفضل تسيبها في حالها حرام بقه كفايه في واحد تاني كفيل باسعدها

ادهم:-محدش هيسعدها غيري فاهم؟انا بحبها بحبها بحبهااااااااااااااااااااا

و ادير و اعد يخبط ع الباب بجنون:-روح افتحي اسمعيني

عماد بيوقفه:-محدش موجود جوه والد مراتي بيعمل عمليه و هما جمبه سيبها بقه و سيبنا لو سمحت

ادهم:-ماشي!

و نزل السلم بغضب عماد بصله و حس فيه بانانيه غريبه و دخل جاب اللبس و مشي

لما عماد وصل المستشفي:-

عماد:-اهون اللبس

روح:-ممنوع يبات اكتر من اتنين هبات انا و هيام

عماد:-لا مش هينفع اسيبكو لوحدكو

روح:-طب روحي يا...

لقت ان عيب هيام تروح و هيه تفضل مع عماد

روح:-طب هروح انا

عماد قلق لتقابل ادهم و خاف يقلها لا عشان ادهم هناك يفكرها بيه ع الفاضي و هو مشي

هيام:-طيب يا حببتي تروحي بالسلامه

عماد:-اوصلك؟

هيام:-ده سؤال طبعا وصلها

روح:-لا معلش الناس هنا دمغهم متركبه غلط و اي شيئ بيمسكوا فيه البيت قريب من المستشفي

عماد بتردد:-ط...طيب ماشي 

هيام:خدي موبايلي و لو اي حاجه حصلت قوليلي و طمنيني لما توصلي و اقفلي الباب و الشباك و البلكونه كويس

روح:-ماشي

طول الطريق و روح بتفتكر ايام ما كان ادهم بيقلها نفس الكلام مخدش بالها لما عدت من ان دي عربيه ادهم

لا...

هي مخدش بالها اصلاان في عربيه!

طلعه علي السلم و لسه بتفتكر ذكريتها

روح:-يا نهار اسود المفتاح!

كانت وقفه مديها وشها للباب لما حست بحد بيحط ايده حوليها من ورا و سمعت صوته الهامس:-

-روح!

#يتبع

تكملة الرواية من هناااااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الاول من هناااااااااا

الرواية كامله الجزء الثاني من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا