رواية قلوب حائرة الفصل الأول والثاني والثالث والرابع والخامس للكاتبة روز أمين (جميع الفصول كامله في مدونة قصر الروايات)

رواية قلوب حائرة الفصل الأول والثاني والثالث والرابع والخامس للكاتبة روز أمين (جميع الفصول كامله في مدونة قصر الروايات)

رواية قلوب حائرة الفصل الأول والثاني والثالث والرابع والخامس للكاتبة روز أمين (جميع الفصول كامله في مدونة قصر الروايات)

حنبدا ان شاء الله يا جماعه رواية جديدة اسمها قلوب حائره للكاتبه روز امين اتمنى انها تعجبكم ⚘

مين حيتابع معايا الروايه  الجديده 😊

اقتباس  ❤❤❤

كانت تشدد من إحتضانهٌ وهي تتخيله رائف حبيبها الراحل،، إندمجت معهٌ لأبعد الحدود ،، 

كان سعيداً كاد قلبهٌ أن يتوقف من شدة سعادته 

أبعد وجهها عن حضنهِ وأمسك ذقنها ومال برقه علي شفاها بإستمتاع ،،،وضع قبله رقيقه أذابتهْ وأخبرته كم هو مسكين وأنهٌ وبرغم تعدد علاقاته إلا أنهٌ لم يتذوق شهد قبلة العشق،،فهي حقاً تختلف بمذاقها،، 

جن جنونهٌ كاد أن يلتهم شفاها بنهم ويذوبٌ معها أكثر وأكثر،، 

حتي أفتحت عيناها بعشق لتنظر إلي رائف حبيبها  ،،ولكنها نظرت لهٌ بصدمه وأستغراب ،،

وفجأه أفلتت حالها من بين أحضانهٌ بحده ودفعتهٌ عنها بعنف ،،أولتهٌ ظهرها خجلاً ووضعت كفيها فوق عيناها وبكت بكت بندم وحٌزنٍ وخِزي ،، 

إنصدم من ردة فعلها العنيفه،،لقد هدمت أحلامهٌ بلحظه،،

تحركَ إليها ببطئ ولمس كَتِفها ليطمئن عليها،،،،إقشعر بدنها وأنتفضت برعب رافضتاً تلك اللمسه  !!! 

ثم إستدارت ونظرت لهٌ بندم وخزي وتحدثت بإرتياب ٠٠٠٠٠أنا أسفه ،،،أنا مش عارفه ده حصل إزاي،،أرجوك يا أبيه تسامحني ،، أنا مش فاهمه إزاي للحظه تخيلتك رائف،، أنا أسفه ،،،بجد والله أسفه !!! 

كان ينظر لها بعيون مصدومه وداخلهٌ يصرخ ويتمزق ،،لم يعد لقلبهِ التحمل رفضها لهٌ بتلك الطريقة المٌهينه لرجولتهِ 

نظر لها بحده وأستغراب وتحدث بتهكم٠٠٠٠أسفه،،،،،،أسفه علي أيه يا مدام،،،

المفروض إنك مراتي وإن إللي حصل بينا من شويه ده طبيعي جدآ إنه يحصل ،،لكن إللي مش طبيعي يا هانم إنك تتأسفيلي،، 

وأكمل بصياحٍ عالي٠٠٠٠٠ وكمان تقوليلي وبكل بجاحه،،، أسفه أصلي تخيلتك رائف ،، 

وأكمل بصراخ أرعب أوصالها٠٠٠٠٠٠٠بتتأسفي لجوزك وبكل جرأه وبجاحه بتعترفي إنك كنتي بتتخيليه راجل غيره ،،،،يا بجاحتك وجبروتك،،،

صفق بيداه ساخراً٠٠٠٠٠برافو يا مدام ،،،لا بجد زوجه محترمه ومتربيه  !!! 

كانت تستمع لهٌ ودموعها تنهمر علي وجنتيها وتضع يدها علي فمها وتهز رأسها بإستنكار من حديثه الغير مٌقنع لها ٠٠٠٠٠أنت بتقول أيه ٠٠٠٠٠٠ 

نظر لها بإشمئزاز وهدر بها بقوه وحده٠٠٠٠٠٠إخرسي يا مليكه،،،،مش عاوز أسمع صوتك ولا حتي طايق أشوفك قدامي،،،

ثم أشار لها بيدهِ لمقدمة الطريق ٠٠٠٠٠٠إتفضلي قدامي يا محترمه علشان تروحي لأولادك ،،،،،،يلااااااااااا 

إرتعبت أوصالها وأنتفض جسدها خوفاً من لهجتهِ وصراخهٌ عليها ،،،

تقدمت أمامهٌ وتحركت بصمتٍ تام وهي تجفف دموعها وتتنفس الصعداء حتي تٌهدئ من روعها قبل الرجوع لمنزلها كي لا يراها أحدآ وهي بتلك الهيئه المٌزريه !!!!

🔹️بسم الله الرحمن الرحيم 🔹️

رواية ☆ قلوب حائره ☆

بقلمي روز آمين 

                      🦋 الشخصيات 🦋 

في إحدي الأحياء الراقيه المتواجده داخل مدينة الإسكندرية عروس البحر كما يٌلقبونها،،كانت تٌقنط بطلة روايتٌنا الجميله،،دعونا نستقبلها وتحدثنا هي عن حالها !!! 

مرحبآ بكم،،أنا مليكه سالم،، إبنة سالم عثمان ومٌدللته الوحيده علي ذكرين،، تعرفت علي زوجي وحبيب عمري رائف المغربي ،،وأنا بالفرقه الأولي بكلية الإعلام ،،في إحدي حفلات أعياد الميلاد لإحدي صديقاتي 

رأيته ورأني ♡ومٌنذ الوهلةِ الأوليَ لنظرتنا التي دامت طويلآ ،،

حدثتني عيونه قائله ٠٠أين كٌنتي يافتاه،،فقد ظللتٌ أبحثٌ عنكي مٌنذٌ زمنٍ بعيد،، لما تأخرتي هكذا ؟؟ 

تَبسمتٌ له بخجل،،وسحبتٌ نظري بعيدآ،،

أتي إلي علي الفور وبنظره ساحره مد يدهٌ لي بإحترام وتحدث بوسامه وأبتسامه ساهره٠٠مرحبآ،،،،،،أنا رائف المغربي !!!

وجدتٌ حالي أمدٌ يدي له بدونَ وعي مع إبتسامه وتحدثت،،مرحبآ رائف ،،أنا مليكه سالم ،،

أجابني بإبتسامه،، أهلآ مليكه،،أتسمحين لي بالمكوثِ معكي ولو دقائق ،،تبسمتٌ وأمأتٌ برأسي دليلآ علي الموافقه،،

تعارفنا وقضينا بعض الوقت في الحفل وبعد ستةٍ أشهٌر كان رائف بمنزل والدي وبصحبة عائلتهِ لخٌطبتي ،،وتزوجنا وأنا بالفرقه الثالثه بكليتي وعشت معهٌ أجمل ليالي عمري،، 

تعوا معي لنتعرف علي قصتي سويآ  !!!! 

تعريف الشخصيات !!!!! 

بطلة قصتنا ،،مليكه٠٠٠٠٠فتاه رقيقه للغايه تبلغ من العمر 28 عامآ،،ذو طله ملائكيه،،وعيونٍ بلون العسلٌ الصافي شعرها بنيِ طويل ٠حريريآ يصل لمنتصف ظهرٌها لكنها تخفيه تحت حجابها الذي يذيدها جمالآ ونقاء،،ذات بشره بيضاء اللون،، تمتلك جسدٍ يٌعبر عن إنوثه طاغيه،،متزوجه ولديها ولدان،، الأول مروان ذات الست سنوات والصغير أنس ذات العامان ،، 

والد مليكه٠٠٠٠سالم عثمان،،مديرآ لإحدي كٌبريات البنوك بالإسكندرية وذو منصب رفيع المستوي،، يبلغ من العمر 57عامآ ذو جسد رياضي وصحه جيده لديه من الأبناء 3 ترتيبهم سيف،، مليكه ،،شريف !! 

والدة مليكه٠٠٠٠سٌهير سامي،، إمرأه جميله تشببها مليكه بجمالها وأناقتها ورقتها،،تبلغ من العمر 51 عامآ حنون وتعشق أبنائها !!!

سيف سالم ٠٠٠٠الأخ الأكبر ل مَليكه يبلغ من العمر 30 عامآ يعمل طبيبآ بخارج البلاد متزوج  من فتاه تدعي نهي ،،ولديهِ إبنه تدعي جاسي !!! 

شريف الأخ الأصغر ل مَليكه٠٠٠تخرج من كلية الإعلام ويعمل مذيعآ بالراديو يبلغ من العمر 26 عامآ !!! 

رائف أحمد المغربي::: زوج مَليكه شاب يافع ذو طله بهيه،،طويل ذات عيون بنيه وشعرُ بني كثيف وجسد رياضي ،،يبلغ من العمر 34 عامآ ،،حنون ورومانسي ويعشق مليكه لأبعد الحدود،،تَخَرجَ من كلية التجاره وأسسَا شركه هو وإبن عمهِ طارق المغربي للإستيراد والتصدير ،، 

ثريا،، والدة رائف٠٠إمرأه حنون تبلغ من العمر 55عامآ، ،وتعشق أبنائها بشده وأيضآ مليكه،،  توفي زوجها مبكرآ وتولت هي تربية أبنائها بجانب ومساعدة  أخوة زوجها !!! 

يسرا،، الأخت الكبري ل رائف ٠٠٠إمرأه حنون تبلغ من العمر 36 عامآ،، أرمله منذ عامان ولديها ولد يٌدعي ياسر،، عمره 15عامآ ،،وفتاه تدعي ساره بعمر ال 12،، وتسكن بالفيلا مع والدتها وأخيها وزوجتهٍ مليكه،، ورائف مٌتكفل بها كليآ هي وأبنائها منذ وفاة زوجها !!! 

أما الأخت الصغري ل رائف تدعي نرمين ،،فتاه مٌدلله وتعشق ذاتها وتغار كثيرآ من مليكه علي زوجها،،فتاه جميله ذات الشعر الأصفر والعيون البنيه تبلغ من العمر 29عامآ،، متزوجه من رجل يدعي مٌحمد ولديها منه طفلآ يٌدعي علي ،،يبلغ من العمر 5 سنوات !!!! 

سلمي٠٠٠٠صديقة مليكه المقربه متزوجه من أحمد يعمل محاسب بشركه كبري ولديها ولد يدعي عمرو يبلغ من العمر 5 سنوات !!! 

☆☆٠٠٠☆☆٠٠٠٠☆☆٠٠٠☆☆٠٠٠☆☆٠٠٠☆☆٠٠٠☆☆☆

أما بطل قصتنا فهو 

ياسين عز المغربي ٠٠٠٠إبن عم رائف ،،رجل مٌكتمل الرجوله جاهٌ ومال ووجهٍ حَسن ،،يبلغ من العمر 40 عامآ ولكن من يراه يعتقد أنه في أوائل العقد الثالث من جاذبيته وجسده الرياضي الذي إكتسبه بحكم عملهِ كا عقيد في جهاز المخابرات الحربيه،، ولهٌ وضعهْ وكيانهٌ،، يمتلك عيون بزرقة لون البحر ورثها من والدته وبشره خمريهِ اللون،، تمتزج شخصيتهٌ بالحنيه والعصبيه في أنٍ واحد فهو مزيج من كل شيئٍ وعكسهْ حنون،،قاسي،،عصبي،،عاشق،، وسنتعرف عليه جيدآ خلال سرد الأحداث  !!!! 

ليالي٠٠٠٠،،زوجة ياسين إمرأه جميله وممشوقة القوام ،،تشبه الإنجليز بملامحها وأيضآ برودها،، تبلغ من العمر 33 عامآ لديها فتاه تٌدعي،، أيسل تبلغ من العمر 13 عامآ وولد يدعي حمزه يبلغ من العمر 8 سنوات !! 

عز المغربي٠٠٠والد ياسين وعم رائف ،،يعمل لواء بالمخابرات الحربيه ،،لديه من الأبناء أربع أكبرهم ياسين 

منال٠٠٠٠والدة ياسين،،إمرأه جميله وتهتم بجمالها وتدلل حالها كثيرآ ومغروره بعض الشيئ !!! 

طارق عز المغربي٠٠٠الأخ التالي ل ياسين متزوج من جيجي ،،ولديه ولد يدعي،،أمير،، وشريك رائف في شركته 

عمر عز المغربي٠٠٠الأخ الأصغر يدرس الهندسه خارج البلاد !!!

شرين عز المغربي ٠٠٠متزوجه وتعيش بالخارج مع زوجها وأطفالها !!!

أما باقي الشخصيات سنتعرف عليها ف الأحداث !!! 

                            ☆قلوب حائره ☆

روز آمين

🔹️بسم الله الرحمن الرحيم 🔹️

لا إله إلا أنت سبحانك إني كنت من الظالمين 

رواية☆قلوب حائره ☆

بقلمي روز آمين 

                        🦋 البارت الأول 🦋  

في مدينة الإسكندرية،، في إحدي الأحياء الراقيه القريبه جدآ من شاطئ البحر،، تقطِن عائلة المغربي في أرقي تجمع سكني ( كمبوند ) حيث المساحات الخضراء والماء والطبيعه الخلابه،،

يسكن عز المغربي بفيلا راقيه هو وزوجته وولديه ياسين وطارق وزوجتيهما وأولادهما،، 

بجواره مباشرةً توجد فيلا رائف أحمد المغربي يسكن بها هو وزوجتهِ وأبنائه ووالدته  وأخته يسرا وأولادها !! 

تجاورهم فيلا عبدالرحمن المغربي يسكن بها هو وزوجتهٌ راقيه ،،وأبنائهم وليد وزوجته وباقي أبنائه،، وباقي التجمع ملك لعائلة المغربي المقيمين به،،، سنتعرف عليهم داخل الأحداث 

                 ◇◇◇◇◇¤◇◇◇◇◇

في فيلا رائف ليلآ  🎶

كان التصفيق حاد من الجميع وهم يرفعونَ قاماتهٌم لأعلي ليٌشاهدون الهابطه فوق الدرَجْ  بدلالٍ وجمالْ وأناقه،، وهي متأبطه بذراع زوجها بفخرٍ وعشق ♡

زوجها الناظر لها بعيون عاشقه ذائبه في سحر عيناها وأبتسامتٌها الخلابه ♡ 

إنها♡ مليكه♡ بسحرها وجمالها الروحي الطابع علي وجهها ♡ وهي ترتدي الساري الهندي باللون النبيتي الجذاب الذي إختاره لها رائف خصيصآ للإحتفال بذكري زواجهما الثامن الذي أقامهُ رائف في فيلتهِ بمساعدة إحدي كبريات شركات تنظيم الحفلات  !!!

تهافت عليهما المٌهنئون من الأهل والأصدقاء والأحباء ،، 

تحدثت ثريا ب وجهِ بشوش وهي تحتضن ولدٌهاَ بحنان٠٠٠كل سنه وإنت طيب يا حبيبي وعقبال 100 سنه مع بعض في سعاده !! 

نظر لها رائف بحب وأمسك يدها،، وضع بها قبلة إحترام وتقدير قائلآ ٠٠٠٠وإنتي طيبه وبخير ومنوره حياتي يا ماما،، ربنا يخليكي ليا يا حبيبتي !!!

ثم حولت بصرها إلي مليكه بإبتسامة رضي وتحدثت٠٠٠٠أيه الجمال ده كله يا مليكه،، الساري هياكل منك حته !! 

نظرت لها مليكه بحب وسعاده وتحدثت برقه٠٠٠حبيبتي يا ماما عيونك الحلوين،،

ثم نظرت ل رائف بعيون تنطقٌ عِشقاً وتحدثت٠٠٠ده ذوق حبيبي وطبعآ لازم يكون جميل وهايل زيه !! 

نظر لها رائف بحب وقبل خدها برقه وتحدث٠٠٠٠حبيبتي هي اللي جميله أوي وأي حاجه بتلبسها بتذيدها جمال ♡

إبتسمت له بخجل !!! 

جاء إليهم ياسين وضحكه علي صغريهِ أحتضنَ رائف بأخوه وأحتواء وتحدث٠٠٠٠كل سنه وإنت طيب يا حبيبي،، 

ثم نظر إلي مليكه بإبتسامه جذابه وتحدث ٠٠٠٠كل سنة وانتي طيبة يا مليكه وعقبال 100 سنه مع بعض في سعاده !!!

وأخرج من جيبهِ عٌلبه من القطيفه بها خاتم ألماس ثمين وفريد من نوعه ،،نظر لها بإبتسامه حانيه وأعطاها إياه !!! 

نظرت له بسعاده ووجهِ بشوش وهي تمد يدها وتأخذ منه الخاتم وتحدثت برقه٠٠٠٠متشكره أوي يا"أبيه"تعبت نفسك ليه بس،،

ونظرت للخاتم وهي مٌنبهره بجماله وأناقته٠٠٠٠وااااو تحفه يا أبيه،، وكالعاده ذوقك يجنن ! 

ثم نظرت له بإبتسامه ساحره ونطقت برقه٠٠٠٠بجد ميرسي ليك،،كل سنه بنتظر هديتك مخصوص علشان بتبهرني بيها وبكون مٌتأكده إنها هاتبقي تحفه وأضيفها جنب باقي هداياك القيمه   !! 

نظر لها بإبتسامة سعاده وتحدث برضي٠٠٠٠٠كل سنه وإنتي سعيده،، وبجد مبسوط جدآ إن الخاتم عجبك  !!

نظرت له وتحدثت بإنبهار٠٠٠عجبني بس،، ده يجنن يا أبيه،، 

ثم نظرت له بشكر وإيماء٠٠٠٠ميرسي بجد !! 

وهنا نظر له رائف وتحدث بعرفان ٠٠٠٠كتير أوي يا ياسين اللي بتعمله معانا ده !!

رد عليه ياسين مٌبتسمآ ٠٠٠٠ما فيش حاجة تكتر عليك يا غالي،، الدنيا كلها تحت رجليك إنتَ ومليكه   !!! 

كان كل هذا يحدث أمام أعين ليالي المستشاطه غضبآ من تلك الهديه الثمينه التي أهداها زوجها لزوجة إبن عمه والتي دائما ما يغمرها بالهدايا الثمينه المنتقاه بعنايه فائقه في مناسباتها !!! 

ليالي وهي تهمس له ببرود عكس ما يدور بداخلها ٠٠٠٠ذوقك يجنن يا حبيبي،، لكن لهدايا مليكه بس ،،نفسي في مره تجبلي هديه وتفاجئني كده زي مليكه ؟؟ 

نظر ياسين لزوجتهِ ببرود وأستغراب وتحدث ساخراً٠٠٠٠لما يبقي ذوقي يعجبك زي ما بيعجب مليكه ويبهرها كده هابقي أجيبلك يا حبيبتي،، إنتي بتنسي ولا أيه ؟؟

ده أنا أخر كوليه جبتهولك من سنتين روحتي بدلتيله في نفس اليوم من الجواهرجي وماعجبكيش ذوقي ،،مع إني كنت موصي عليه 

وأكمل بتفاخر٠٠٠٠٠والجواهرجي كان عامله  مخصوص قطعه نادره ل حرم ياسين المغربي  !!! 

نظرت له ليالي ثم تحدثت بغرور٠٠٠٠٠أعمل أيه يا ياسين ،،قدرك بقا يا حبيبي إنك متجوز هانم أرٌستقراطيه وليها ذوقها الفريد النادر في شياكتها وأناقتها،، والدليل علي كده إني إختارتك تكون شريك لحياتي ،،بحب أختار كل حاجه بعنايه فائقه ومش بيعجبني ذوق أي شخص علي الإطلاق  !!

! 

نظر لها ياسين وتحدث ببرود٠٠٠يبقي ماتشتكيش يا ليالي لما أجيب هدايا لناس بتقدر ذوقي وبيعجبها !!

وتركها ببرود وذهب ليقف بجانب أبيه !!

كتمت غيظها ثم حولت نظرها ل مليكه ومدت يدها تعطيها هديتها وتحدثت بإبتسامة مجامله٠٠٠٠كل سنه وإنتي طيبة يا مليكه ويارب ذوقي يعجبك  !!

تحدثت مليكه بإبتسامه وشكر٠٠٠٠يا خبر يا ليالي،،إنتي كمان جيبالي هديه كان كفايه أوي هدية أبيه ياسين وخصوصاً إنها غاليه جداً  

ومدت يدها بإحترام وأمسكت هدية ليالي وأخرجتها كانت عباره عن شنطة يد ماركة عالميه عالية الجوده 

نظرت لها مليكه بإبتسامه قائله٠٠٠واااو تجنن يا لي لي ،،طول عمر ذوقك لا يٌعلي عليه،،بس أنا كده غرمتكم أوي هديتك وهدية أبيه ياسين وكمان الهديتين غاليين جداً بجد ميرسي أوي يا لي لي  !!

تحدثت ليالي ٠٠٠٠إنتي قيمتك عندنا عاليه أوي يا مليكه وبعدين أنا حاجه وياسين حاجه تانيه !! 

ذهبت مليكه إلي أبيها الناظر إليها بإبتسامه عريضه ووجهِ بشوش دلفت داخل أحضانه بحنان وبدورهِ ملس سالم علي ظهرها بحنان أبوي،، 

وتحدث سالم وهو يقدم لها هديتها التي كانت عباره عن طقم من الألماس يحتوي علي قلاده وخاتم وفرط وإسواره،،

تحدث سالم بإبتسامه وحب٠٠٠٠كل سنة وانتي طيبة يا حبيبتي،، وعقبال كل سنة وإنتي سعيده !!

نظرت له مليكه بعيون مبتسمه وسعيده ٠٠٠٠ ربنا يخليك ليا يا بابا،، الحقيقه أجمل هديه في حياتي كلها هي إن حضرتك أبويا وإني بنتك يا حبيبي ♡ 

سحبتها سٌهير داخل أحضانها بحب وتحدثت بدعابه ٠٠٠وأنا ياست مليكه،، مش هديه بالنسبالك ولا أيه ؟؟

شددت مليكه من إحتضان والدتها وتحدثت بمداعبه ٠٠٠٠إنتي حبيبتي يا سو،، ربنا يخليكي ليا يا ماما،، أنا من غيرك ولا حاجه !!

سهير بحب ورضي٠٠٠٠٠كل سنة وانتي طيبة يا حبيبتى !! 

إحتضنتها سلمي صديقتها المقربه٠٠٠كل سنه وإنتي طيبة يا ليكه،، مش قادره أقولك الساري جميل فيكي إزاي،، تحفه عليكي ،،

تحدثت مليكه بإبتسامه وحب ٠٠٠٠ميرسي يا سلمي ،،ده بس علشان إنتي بتحبيني فادايما بتشوفيني جميله !!!

وبعد مده والإنتهاء من السلام إشتغلت الموسيقي ل تعلن عن بدأ رقصة رائف مع حبيبته مليكه،،

أمسك بيدها بحنان ونظر داخل عيناها بولع ،، وضعت هي رأسها علي كتفه بحنان وبدأو برقصتهم الرومانسيه التي تنم عن مدي عشقهما وحبهما بعضهما البعض ♡ 

كان الجميع ينظر لهما نظرات متناقضه،، فمنهم الفرح السعيد بتلك الثنائي،، مثل سالم وسهير وشريف أهل مليكه،،وثريا وعز وطارق وأخت رائف الكبري يسرا ،،

ومنهم الحاقد علي مليكه مثل أخت رائف الصغري نرمين،،

ومنهم المحب الغائر ،،ومنهم الحاسد،، إنتها من رقصتهما 

وذهب رائف يجلس بجانب أعمامه وأبنائهم ،،ذهبت مليكه هي الأخري لتجلس مع نساء العائله 

تحدثت ليالي بوجه مبتسم٠٠٠٠حلوه أوي فكرة الساري دي يا مليكه لاء وجديده في حفلات عيلتنا ،،وبصراحه لايق عليكي جدآ  !! 

تحدثت مليكه بفخر وحب لزوجها٠٠٠٠ميرسي يا ليالي ،،لكن الحقيقه دي فكرة رائف وأختياره وذوقه،، جابه وعملهولي مفاجأه !!! 

تحدثت جيجي زوجة طارق الأخ الأصغر ل ياسين وشريك رائف بالشركه 

جيجي بإبتسامة وإعجاب٠٠٠٠بصراحه يا بختك بحب رائف ليكي وإهتمامه بكل تفاصيلك يا مليكه ،،ياريت يعلم طارق شويه من الإهتمام ده،،حقيقي الساري حلو أوي عليكي  !!!

أكملت سلمي٠٠٠٠بجد شااابوه لرائف علي ذوقه يا مليكه !! 

تحدثت يسرا أخت رائف الكبري بفخر وأعتزاز٠٠٠هو فيه زي رائف ولا ذوق رائف،، ربنا يحميه حبيبي ويباركلنا فيه !!! 

نظرت لهم نرمين الأخت الصغري ل رائف وتحدثت بإستعلاء وغرور٠٠٠٠أيه يا بنات  الأوفر اللي إنتو فيه ده ،،الساري شكله عادي وأقل من العادي كمان ،،وفكرته قديمه جدآ،، ده أتهرس في حفلات وأفراح إسكندريه كلها ،،

ثم نظرت ل مليكه وتحدثت بإستهجان٠٠٠٠وكمان سوري يا مليكه مش متناسق مع جسمك خالص !! 

إحمرت وجنتي مليكه خجلآ وإحراجآ ثم تمالكت حالها وتحدثت بثبات وهدوء٠٠٠٠دي أذواق يا نرمين ،،لولا إختلاف الأذواق ل بارت السلع،،وبعدين كفايه أوي إن رائف إهتم بيا وأفتكرني في وسط إنشغاله بأعماله وشركته،، وده عندي يساوي الدٌنيا كلها  !!! 

إستشاطت نرمين غضبآ من رد مليكه عليها وأنها لم تستطيع أن تحزنها وتٌغضبها بتلك الكلمات المسمومه،، فا نرمين غاضبه بشده من مليكه ومن إهتمام رائف والجميع بها،

وإغراقها من الجميع بالهدايا الثمينه والقيمه،، 

ولكن أكثر ما أغضبها هي نظرات الإعجاب والرغبه التي شاهدتها بعيون زوجها الوقح ل مليكه والنظر بعيناه ل جسدها ومفاتنها بكل جرأه ووقاحه،،

وحمدت الله أن رائف أو ياسين أو عمها  أو حتي والد مليكه ،،لم يروا تلك النظرات وإلا كانوا دفنوهٌ حيآ تحت أقدامهم،، ولكنه أيضآ ذكي وحذر للغايه، ، فهو يسترق النظر لها دون أن يراه أحد،، إلا نرمين التي تسلط عليه نظرها طيلة الوقت ،، ولن يفارق عيناها قط من وقت مجيئهما لحضور الحفل ،،

ولهذا فهي الوحيده التي إبتعدت عن الحي الساكن به جميع عائلتها وسكنت بعيدآ عنهم رغم إلحاح زوجها وأهلها عليها بالمكوث بجوارهم لكنها رفضت بشده ،،وفسرت لزوجها وأهلها أنها تريد الإستقرار والإستقلال بعيدآ،،

فهي تعشق زوجها ولا تريد خسارته ورغم تأكدها من إعجاب زوجها ب مليكه إلا أنها لم تخبره قط بتلك الموضوع حفظآ لكرامتها وغرورها أيضآ كاإمرأه !!!! 

دلف شاب من باب الفيلا وأوشي بأذن رائف يبدو أنه يخبره عن وصول هدية رائف ل مليكة فؤاده ♡

ذهب لها وبسمه علي صغريه تنير وجههٌ العاشق وأمسك بيدها وأوقفها قباله وتحت أنظار جميع المتواجدون،،

ثم تحدث بحب وأحترام٠٠٠٠هديتك وصلت يا حبيبتي،، يلا بينا علشان تشوفيها !!

أجابتهٌ مليكه برقه وهي تنظر داخل عيناه بعشق٠٠٠٠هديتي وصلت من زمان يا رائف إنت أغلي هديه ربنا أهدهالي !!! 

صفق طارق وتحدث بدعابه٠٠٠٠ياسلام علي الحب والرومانسيه،، أيه بس الجمال ده كله ♡

ثم تحدث شريف أخاها مداعباً إياهم٠٠٠٠٠طب خلوا الكلام الحلو ده بينكم وبين بعض ،،وياريت تعملوا حساب إن في سناجل بائسه في الحفله زي حالاتي مثلآ !!! 

تحدث رائف بإبتسامه وهو يسحب مليكه من يدها ويخرج بها للخارج٠٠٠٠ماحدش قالك تبقي سنجل لحد دالوقتي يا حضرة المذيع المحترم  !!! 

خرج جميع الحضور ليروا بأعينهم ما هي هدية رائف لمدللتهٌ مليكه 

وإذا بشابين يقفان بوجهِ بشوش ويرفعا غطاء سياره فراري أحدث موديل باللون السيلفر المحبب لقلب مليكه ،،

نظرت لها بإنبهار وسعاده ثم أحالت بنظرها له وأحتضنتهٌ وشدد هو بإحتضانها بحب ثم أخرجها من حضنه وأحاط وجهها بيداه وتحدث٠٠٠٠كل سنه وإنتي طيبة يا قلبي،، كل سنة وانتي معايا وجوه حضني،،كل سنه وأنا شايف سعادتك طله عليا من بين سحر عيونك  ♡ 

تحدثت وهي تنظر له بعيون مغيمه بدموع الفرح٠٠٠كل سنه وأنتَ معايا يا حبيبي ،،بحبك يا رائف ♡

إنهالت عليهم المباركات من الجميع عدا نرمين التي دلفت لداخل الفيلا بغضب عارم لاحظته والدتها وأختها اللتان دلفتا إليها سريعآ ليرا ماذا أصابها  

تحدثث ثريا بقلق٠٠٠٠خير يا نرمين ،،مالك يا حبيبتي فيكي أيه؟؟

نرمين وهي تدور حول نفسها بغضب وتفرق يداها ببعضهما من شدة التعصب٠٠٠٠حضرتك مش عارفه مالي يا ماما ؟؟

مالي كله أتاخد مني و بيتصرف علي رضي الهانم،، البرنسيس مليكه !!! 

تلفتت ثريا حولها يمينآ ويسارآ بحذر تخوفآ من أن يستمع أحداً بما تهذيه إبنتها الثائره الغاضبه 

أمسكتها من يدها وسحبتها لداخل غرفتها الخاصه وأغلقت الباب بعد دخول يسرا معهما 

وتحدثت ثريا بغضب٠٠٠٠ممكن أفهم أيه الكلام الفارغ اللي بتقوليه ده،، مال أيه وزفت ايه اللي بتتكلمي عنه ؟؟ 

تحدثت نرمين بصياح والغضب يسيطر علي ملامحها ٠٠٠٠بتكلم عن فلوسي يا ماما،،ورثي أنا ويسرا من بابا الله يرحمه إللي البيه إبنك حارمنا منه وعمال يصرفه علي البرنسيس بتاعته،، 

وأشارت بيدها بغضب٠٠٠٠العربيه اللي جيبهالها دي مين الأولي فينا إنها تركبها،، أنا نرمين أحمد المغربي ولا مليكه سالم  ؟؟ 

نظرت لها يسرا بحزن وتحدثت٠٠٠وهو رائف كان قصر معانا في أيه بس يا نرمين ،،ده يا حبيبي مش مخلينا محتاجين أي حاجه !!! 

هنا صاحت نرمين بغضب٠٠٠٠ماحدش بيدينا حاجه من جيبه يا يسرا،،دي فلوسنا وحقنا وورثنا إللي البيه حاطط إيده عليه في شركته ومش راضي يدينا حقنا،، ومكتفي بشوية الأرباح اللي بيرمهالنا كل أخر السنه !!!! 

صرخت بها ثريا وصاحت٠٠٠٠إحترمي نفسك وإنتي بتتكلمي عن أخوكي ،،أوعي تفتكري إنك علشان بنتي  هاسمحلك تغلطي فيه وتتهميه في أخلاقه،، وهو ربنا يعلم بيديكم أكتر من حقكم وذياده ،،

وأكملت بنبرة صوت ملامه٠٠٠٠بقا علشان خاف علي ورثكم وأخده شغلهولكم معاه في شركته وكبرهولكم يكون ده جزائه ؟؟ 

تحدثت يسرا لتهدئة والدتها٠٠٠٠إهدي يا ماما أرجوكي علشان صحتك،، أكيد نرمين ماتقصدش المعني اللي وصل لحضرتك !! 

ثم نظرت ل نرمين بعتاب ٠٠٠٠رائف مافيش أحن منه في الدنيا دي كلها يا نرمين،، ده كفايه من يوم وفاة جوزي وهو مٌتكفل بيا وبأولادي من ماله الخاص،، حتي مدارس أولادي الإنترناشيونال بيدفع أقساطها من فلوسه وكل أرباحي بيحولهالي علي البنك مباشر ،،حرام عليكي يانرمين تفتري علي رائف بالشكل ده !!! 

تحدثت ثريا وما زال الغضب يسيطر علي ملامحها ونبرة صوتها٠٠٠٠ليه،، وهي نفسها لما حبت تشتري شقه بعيد عن هنا وفلوس جوزها ماكفتش تشتري الدوبليكس اللي كان نفسها فيه،،

وهنا حولت ثريا بصرها ل نرمين٠٠٠٠٠مين وقتها اللي كملك علي فلوسك ومن معاه ،،مش رائف يا نرمين ؟؟

نرمين وقد شعرت بغضب والدتها عليها ففضلت التراجع عن حدة غضبها كي لا تخسر إصطفاف والدتها بجانبها ودعمها الدائم لها ،،سواءً كان دعمِ مادي أو معنوي 

خرج صوتِ نرمين أقل حده وهي تحاول السيطره علي غضبها وتحاول إستعطاف ثريا لها٠٠٠٠خلاص يا ماما،، إهدي من فضلك علشان صحتك،، 

وأكملت مٌدعية الحزن٠٠٠٠أنا بس صعبان عليا تبقي فلوس بابا وغيرنا اللي يتمتع بيها ويركب عربيات أخر موديل وأنا وأختي ماغيرناش عربياتنا من أكتر من سنتين 

وأومأت رأسها للأسفل بحزن وأنكسار مٌصطنع  !!! 

هنا لم تتحمل ثريا بقلب الأم إنكسار صغيرتها هكذا ذهبت إليها وأخذتها داحل أحضانها بحنان 

وتحدثت ثريا٠٠٠٠٠ليه بس نظرت الحزن اللي في عيونك دي يا حبيبتي ؟؟

نظرت لها نرمين بإنكسار وتحدثت٠٠٠٠٠لازم أحزن يا ماما لما ألاقي حضرتك دايمآ واقفه في صف مليكه ضدي تفتكري ده شيئ ممكن يسعدني ؟؟

ربتت ثريا علي ظهر إبنتها بحنان قائله ٠٠٠٠يا حبيبتي أنا لايمكن أجي في صف حد علي حسابك إنتي وإخواتك أنا بس ما بحبش الظلم لأخوكي أو لمراته،، 

وأكملت بتعقل٠٠٠٠مليكه مرات رائف ومن حقها عليه إنه يهاديها ويعيشها في مستوي يليق بيه قبلها !!

وبالنسبه لعربيتك إنتي ويسرا أنا هاغيرهم ليكم من حسابي الشخصي،، روحي بكره إنتي ويسرا وأختارو أغلا وأفخم عربيتين من المعرض إللي تختاروه ،،وقوليله يبعت الفواتير علي هنا وأنا هسددهم

أرتمت نرمين بحضن والدتها بسعاده وتحدثت٠٠٠٠٠يا حبيبتي يا ماما ربنا يخليكي ليا  

أما يسرا التي ردت معترضه علي عرض والدتها ٠٠٠٠لا يا ماما أنا مش عاوزه أغير عربيتي،، غيري عربية نرمين كفايه،،

أنا عربيتي كويسه ومرتاحه معاها،، وبعدين دي فلوس حضرتك وأنا معايا فلوس لو عاوزه أغير العربيه هغيرها لنفسي،، الحمدلله رائف مش مخليني محتاجه حاجه وفلوسي متوفره في البنك !!! 

نظرت لها ثريا وتحدثت بتصميم٠٠٠ أنا قولت إنتو الاتنين هتغيرو عربياتكم وده أمر ومش عاوزه نقاش فيه !!!

هٌنا إستمعنْ إلي دقات فوق باب الغرفه سمحت بعدها ثريا للطارق بالدخول ففٌتح الباب وظهر منه رائف بإبتسامتهِ الخلابه المليئه بالبرائه والحب 

تحدث بوجهِ بشوش٠٠٠٠أيه يا ماما قاعدين هنا ليه؟ الناس بيسألوا عليكم بره ،،خير فيه مشكله ولا حاجه ؟؟ 

ذهبت إليه ثريا ووضعت يدها علي وجنتهٌ بحنان و تحدثت ٠٠٠٠ربنا ما يجيب مشاكل أبدآ يا حبيبي ،، 

ثم نظرت لإبنتيها وتحدثت٠٠٠كل الحكايه إن بناتي واحشني أوي وقولت أقعد معاهم شويه علي إنفراد !!!

رائف وهو ينظر لأختيهِ بحنان وحب٠٠٠ماقولتش حاجه طبعآ ،،وواحشني أنا كمان جداً والله ،،لكن مش في وسط الحفله كده يا حبيبتي ! 

ثم وجه بصره ل نرمين قائلآ ٠٠٠خليكي بايته مع ماما إنهارده يا نرمين إنتي وجوزك وإبنك علشان ماما تشبع منك  !!

تحدثت سريعآ برفضِ تام ووجهِ عابس٠٠٠٠لا يا رائف،، أنا مابحبش أبات بره بيتي وإنتَ عارف !! 

نظروا لها جميعآ بإستغراب علي رفضها بتلك الطريقه العنيفه 

أكملت وهي تحاول إصلاح ما أفسدتهٌ٠٠٠٠أنااا قصدي يعني علشان ما أضايقكش إنتَ ومراتك وأنهارده عيد جوازكم !! 

تحدث رائف ببرائه وعفويه٠٠٠ولا هاتضيقينا ولا حاجه ياحبيبتي ،،لو ده اللي مخليكي رافضه إطمني،، أنا أصلآ حاجز Suite في فندق هانقضي فيه ليلتنا أنا ومليكه،، يعني مش هانكون موجودين هنا أساسآ !! 

وبجوابهِ هذا قد أشعل النار بداخلها من جديد وجعلها تحقد علي تلك المليكه المدلله بمال أبيها ،،هي من تستحقٌ كل تلك الدلال،،هو مال أبيها وأخيها كيف لمليكه التنعم به لحالها وهي تٌحرم منه هكذا !!! 

ولكنها بنفس التوقيت أمائت بموافقتها علي المبيت بالمنزل فقد إطمئن قلبها بإبتعاد مليكه ،،

فالأن يمكنها المبيت وهي لا تخشي علي زوجها من وجود مليكه أمام أعيٌنها،، فقد أصبحت مليكه تسبب لها كابوسآ مزعجآ ولو بيدها الأمر لتخلصت منها وللأبد لتنعم هي بسلامها النفسي والداخلي  !!! 

في الخارج كانت مليكه تنزل الدرج بدلال بعد إطمئنانها علي صغيريها والتأكد من سلامتهما ونومهما بسلام،، لمحها ياسين فذهب إليها ووقف بإنتظارها وأسند بذراعه القوي علي ترابزين السٌلم حتي وصلت لمكان وقوفه 

نظرت له وأبتسمت برقه فأبتسم لها وتحدث٠٠٠كل سنه وإنتي طيبة يا مليكه !!

ردت عليه بصوتٍ رقيق كالنسيم ٠٠٠٠وأنت طيب يا أبيه ،،ميرسي أوي،، الخاتم بجد يجنن وعجبني جدآ 

تحدث وهو ينظر داخل عيناها بإهتمام٠٠٠أنا موصي الجواهرجي عليه من شهرين علشان يجهزهولك،، يعني معمول مخصوص ل مليكه !!

نظرت له بسعاده ٠٠٠ربنا يخليك ليا يا أبيه ،،أنا عندي أخين وحضرتك التالت،، أخويا الكبير وسندي اللي دايمآ موجود !! 

تحدث ياسين بسعاده ووجه بشوش٠٠٠٠طبعآ يا مليكه،، أنا سندك إللي دايمآ موجود وإللي وقت ماتحتاجيه بإشاره واحده هاتلاقيه !!! 

إبتسمت برقه وشكرته 

في تلك اللحظه أتت إليهم أيسل إبنة ياسين الجميله التي تشبه والدتها بجمالها وورثت من ياسين زٌرقَة عَيناه فأصبحت أيقونة جمال صغيره ،،

فتح ياسين أحضانه ليستقبل قرة عيناهٌ الجميله !! 

دلفت أيسل لحضن والدها الذي قابلها بإبتسامه سعيده وحاوطها بذراعهِ بإحتواء وتحدث بمرح٠٠٠٠أهلآ بأميرة بابي الجميله !!!

قابلته أيسل ببسمه وحب وهي تدفن حالها داخل أحضانه ٠٠٠بابي حبيبي ♡

أما مليكه فكانت تنظر لهما بإعجاب لعلاقة ياسين الجميله بإبنتهِ 

تحدثت أيسل وهي تنظر لمليكه بإنبهار٠٠٠٠حلو أوي الساري يا ليكه !!

مليكه بإبتسامه ساحره٠٠٠٠ياقلبي يا سيلا،،إنتي اللي حلوه أوي !!

وجه ياسين حديثه ل أيسل ٠٠٠٠والأجمل الحجاب اللي لبساه مليكه يا سيلا ومنور وشها !!!

أجابتهٌ أيسل بتملل ٠٠٠٠أوووو يا بابي بقا،، هنرجع تاني لموضوع الحجاب ،،سبق وقولت لحضرتك أنا لسه صغيره ولسه بدري أوي علي الكلام في الموضوع ده ،،وكمان مامي مش محجبه ،،يبقي ليه أنا ألبس حجاب  !!! 

كاد ياسين أن يجيب علي إبنته لكن لفت إنتباهه نظرات مليكه الساحره وأبتسامتها المٌهلكه وهي تنظر علي يمينها،، لف نظره سريعآ ليري من ذلك السعيد الذي تنظر له بكل تلك السحر ،،وجده بالطبع رائف ،،معشوق عيناها ،،

هٌنا عَلِم ما سر تلك اللمعه التي برقت بعيناها فجأة وبدون مقدمات،، 

أتي إليها رائف وحاوطها من خسرها وقبل وجنتها أمام ياسين وأيسل،، وبدورها خجلت مليكه وأحمرت وجنتيها مما ذادها سحرآ ودلالآ وهي تنظر لأسفل قدميها !!

وفي تلك اللحظات خرجت نرمين وجدت محمد عيونهٌ مٌعلقه بضيق لمكانٍ ما،، نظرت وجدتها مليكه ورائف يحتضنها بحنان،، إستشاطت غضبآ ولكنها تمالكت حالها أمام الجميع وذهبت إليه لتقف بجانبه !!! 

هٌنا ذهب شريف إلي حيث تقف مليكه وتحدث إلي رائف وياسين٠٠٠ممكن رائف باشا يسمحلي أخطف منه ملِيكتٌه شويه ؟؟

نظر لهٌ رائف وتحدث بتملك وهو يشدد من إحتضان خصرها٠٠٠٠وبعدين معاك بقا يا حضرت المذيع ،،هو أنا مش هخلص من تطفلك ده ،، ده انت بقيت موجود في حياتي طول الوقت ،،ده حتي يا أخي وإنت مش موجود بتطلعلي من الراديو وأختك تسيب الدنيا كلها ولازم تتصل بيك في البرنامج وتتناقش معاك في موضوع الحلقه،،ده أنا خايف في مره تطلعلي من جوه الدولاب !! 

ضحكت مليكه بسحر وتحدثت٠٠٠معلش يا حبيبي،،هاشوفه عاوز أيه وأرجعلك علي طول !!

نظر لها بإستسلام وتحدث٠٠٠٠ وهو أنا بعد كلمة حبيبي دي هاقدر أرفض ،،إتفضلي يا قلبي بس ماتتأخريش عليا إنتي عارفه بتوحشيني وإنتي في حضني ♡ 

أمائت له ونظرت للناظر عليها بإهتمام ٠٠٠٠بعد إذن حضرتك يا أبيه،،أماءَ لها رأسهِ بإحترام وأبتسامه 

نظرت ل أيسل بحب٠٠٠٠بعد إذنك يا سيلا  

ذهبت مع أخيها ونظر رائف ل ياسين وتحدث٠٠٠٠أخبار شغلك أيه يا وحش المخابرات ؟؟

أجابَ ياسين وهو مازال محتضن أيسل٠٠٠٠تمام يا حبيبي ،،كله ماشي تمام !!

نظر رائف إلي أيسل وإبتسم بحب قائلآ ٠٠٠٠أيه يا سيلا الجمال ده كله،،هو أحنا كل ما نكبر نحلو ونبقا قمرات كده ،،هتوصلي بجمالك ده لحد فين يا بنت ؟؟

ضحكت أيسل قائله ٠٠٠٠عيونك الحلوين يا حبيبي،،وبعدين أنا هاجي أيه في جمال مليكه !! 

إبتسم ياسين وشدد من إحتضانها قائلاً ٠٠٠٠شايف يا رائف، ،سيلا مش بس جميله،،لا دي كمان لبقه وذوق في كلامها !!

إبتسم رائف وأجابه٠٠٠طبعاً يا ياسين لازم تكون كده دي بنت ياسين عز المغربي ،،سيلا أيقونة الجمال والسحر واللباقه،،ربنا يباركلك فيها هي وحمزه يا حبيبي !!

إبتسم ياسين له قائلاً٠٠٠ويباركلك في مروان وأنس يا رائف !!! 

عند مليكه تحدث شريف قائلآ ٠٠٠٠عاوز أحكيلك عن حاجه هاتفرحك أوي ،،

نظرت له بحب وتحدثت بلهفه وهي تمسك يداه بتساؤل٠٠٠٠لا ماتقولش،،أخيرآ يا شريف،،إسمها أيه وشوفتها فين وعرفتها إزاي ،،وهاتعرفني عليها أمتي ؟؟

نظر لها بإستغراب قائلآ ٠٠٠إنتي عرفتي إزاي أنا عاوز أكلمك في أيه ؟؟

نظرت له بتفاخر وأشارت بأصبعها علي حالها٠٠٠٠يا أبني أنا مليكه عثمان ،،يعني أفهم إللي قدامي عاوز يقول أيه من غير  ما ينطق،،كفايه بس أبص جوه عيونه أعرف كل حاجه من غير كلام !!

تحدث بحب وغرور متصنع٠٠٠٠طالعه ذكيه زي أخوكي ،،المهم ،،هي إسمها سالي بتشتغل مذيعه معايا في الإذاعه،،كلمتها عنك كتير ونفسها تشوفك وتتعرف عليكي !!! 

نظرت له بحب وأمسكت يدهٌ ٠٠٠٠أخيرآ حبيبت يا شريف،،ربنا يسعدك يا حبيبي،،إن شاء الله في أقرب وقت هاخليك تحددلنا معاد علشان نتقابل ونتعرف فيه علي بعض !!!

وبعد مٌده كانت مليكه تقف بجانب رائف في الحديقه لتستقل معه سيارته ليذهبا للفندق ليحتفلا معآ بعيد زواجهما السعيد،، كانت ثريا تقف بجانبهما هي وياسين الناظر لهما بحب وحنان !!

ياسين وهو يرتب علي كتف رائف بحنان٠٠٠٠كل سنه وإنت طيب يا حبيبي،، خلي بالك من مليكه وإنبسطوا ♡

إبتسم له رائف ٠٠٠٠وإنت طيب يا ياسين ،،إنتَ كمان خلي بالك من ماما ويسرا والولاد !!

ياسين ٠٠٠٠ماتشغلش بالك بأي حاجه إنهارده غير إنك تنبسط إنت ومليكه وبس ،،وأنا موجود ،،يعني ما تقلقش يارائف !!! 

إبتسم له رائف وتحدث٠٠٠٠ربنا يخليك ليا يا ياسين،،طول ماأنت موجود أنا دايمآ مطمن وعمري ما أقلق !!! 

ذهب رائف بإتجاه مليكه وفتح لها باب السياره

نظرت لياسين وثريا وتحدثت٠٠٠٠تصبحي علي خير يا ماما !!

ثم نظرت لياسين بسعاده٠٠٠٠تصبح علي خير يا أبيه !! 

أجابها بوجهِ سعيد ٠٠٠٠وإنتي من أهله يا مليكه !! 

إنطلق رائف بسيارتهِ ،،

 حول ياسين نظره لثريا وتحدث بدعابه٠٠٠٠٠بس أيه الجمال والرشاقه دي كلها يا عمتي !! 

يٌناديها عَمتي لأنها إبنة عم والدهِ وزوجةِ عَمه !! 

ثريا بإبتسامه ورضي٠٠٠٠٠جمال أيه بس يا ياسين،، ماخلاص ياأبني راحت عليا،، البركه في الجيل الجديد بقا !!

رد عليها ياسين وهو يحاوطها بذراعه بإحتواء ويتجها للداخل٠٠٠جيل جديد أيه بس يا باشا،، دول جيل عمليات التجميل والنفخ والشد ،،إنما أنت بقا يا جميل جمالك طبيعي ملوش مثيل !!!

ضحكت ثريا ودلفا للداخل ليكملا سهرتهم مع باقي العائله بسعاده !!!

تٌري ماالذي يخبأه القدر لتلك العائله ؟؟

وهل رائف ومليكه سيظل الحب هائم هكذا علي منزلهما السعيد ؟؟

كل هذا سنتعرف عليه في البارت القادم بإذن الله 

إنتهي البارت

                   قلوب حائره 

                                     بقلمي روز آمين

🔹️بسم الله الرحمن الرحيم 🔹️

رواية☆قلوب حائره☆

بقلمي روز آمين

                         💙🦋 البارت الثاني🦋 💙

لا إله إلا أنت سبحانك إني كنت من الظالمين 

وصلا رائف ومليكه إلي الفندق 

صعدا داخل  الأسانسير ودلفا داخل الممر المؤدي إلي ال Suite الذي إحتجزهٌ رائف لقضاء ليلتهما المٌميزه داخله ،، كان الممر خالي تماماً من البشر إلا من العامله التي تذهب أمامهما لترشدهما للطريق ،،هٌنا إنطلقت مليكه بحريه وجرت بدعابه وسعاده أمام رائف وهي تستدير له وتنظر إليهِ بمرح،،

سَعِدَ لرؤيتها بمرحها المٌعتاد التي تٌمارسهُ لرائف فقط لا غير،، 

أدخلت العامله الكارت الخاص بال Suite وفتحتهٌ ،،دلفت مليكه بسعاده ثم تسمرت فجأه وهي تنظر أمامها بإنبهار إلي المكان وتجهيزاته الساحرهْ 

حيث الورود المتناثره فوق التخت بشكل متناسق برسمة قلب،،وباقات الزهور الجميله باللونين الأبيض والبنفسجي المحبب لها ،،والشموع الخافته ذاتَ الرائحه الجذابه التي تملئ المكان،،

والستائر الشفافه التي ترفرف بسحر من أثر مداعبة نسمات سبتمبر الليليه المنعشه لها ،،

وقالب الحلوي الكبير المطبوع عليه صورتهما معآ وهي بفستان زفافها ،،

والفاكهه ونوع الشيكولا المحببه إليها ،،حقآ كانت أجواء المكان أشبه بحٌلم إليها ،، 

إلتفَتْ بوجهها للناظر خلفها يتأملها وسعادة الدنيا ترتسم فوقَ ملامحهٌ،، نظرت له بحنان وعشق وجرت عليه لترتمي داخل أحضانه قابلها هو بقبلات شغوفه متناثره علي وجهها مما جعل تلك العامله تخجل،،

وهنا إنتبه لها رائف وأخرج من جيبه بضعة ورقات ذاتَ الفئه العاليه وأعطاها إياها وشكرها،، وأنسحبت العامله من المكان بهدوء !! 

ثم خرجت مليكه من بين أحضانه تنظر له بعيون عاشقه قائله  ٠٠٠٠كل ده عملته علشاني يا رائف؟؟للدرجادي بتحبني ؟؟ 

شدها عليه حاوطها من خصرها وألصقها به تمامآ ونظر لها بحب وهو يداعب أنفهٌ بأنفها قائلا بصوتّ هامس٠٠٠٠أنا بعشقك يا مليكه،، ولو أقدر أجبلك نجمه من السما أحطها بين إديكي علشان بس أشوفك سعيده أكيد عمري ما هتأخر  ♡ 

كانت تستمع له وأبتسامة عشق ووله علي وجهها،، وضعت أناملها الرقيقه تتخلل بها خصلات شعره الناعم التي تعشقها بحركه أذابت حصونه ،،فأخذ يدور بها المكان وهو مازال محتضنها ثم ألصقها بجدار الحائط وهو ينهال علي شفتاها بالقبلات الهادئه التي سرعان ماتحولت إلي عنيفه ومليئه بالشغف ،،ثم غاصا بعيدآ في عالمهما الخاص بهما ♡ عالم العٌشاق ♡ 

♡♡٠٠٠٠٠♡♡٠٠٠٠٠♡♡٠٠٠٠٠♡♡٠٠٠٠٠♡♡٠٠٠♡♡

في فيلا رائف،،

مازالت العائله متجمعه،، إلا من عائلة مليكه التي إنسحبت من المكان بعد ذهاب إبنتهم ،،

خرجت نرمين إلي الحديقه تبحث عن زوجها وجدتهٌ ينفث بسيجارته بشراهه ،،

ذهبت إليه وتحدثت ٠٠٠أيه يا محمد قاعد لوحدك هنا ليه وسايبني جوه لوحدي؟؟ 

نظر لها محمد  مضيقآ عيناه بإستغراب وأجابها بتساؤل٠٠٠سايبك لوحدك إزاي وإنتي مع مامتك وأٌختك وعيلتك ؟؟

نظرت لهٌ بتساؤل٠٠٠مالك يا محمد،، إنتَ فيه حاجه مضيقاك ؟؟ 

رد عليها محمد بملل٠٠٠مش متضايق ولا حاجه،، بس ما كانش ليه لزوم بياتنا هنا،، كٌنا رجعنا بيتنا نمنا فيه براحتنا !!! 

أجابته بصوتٍ عالي وغاضب ٠٠٠٠يسلام ،،وأيه بقا اللي غير رأيك فجأه كده يا أستاذ،، دأنت من أسبوعين في عيد ميلاد ماما فضلت تتحايل عليا إننا نبات هنا،، ولما أنا رفضت وروحنا بيتنا فضلت قالب وشك عليا إسبوع بحاله !!! 

تنحنح هو خوفآ من أن تكتشف زوجتهٌ أنه لايري روح ولا معني بتلك المكان بدونَ مليكه،، فهو حقآ يعشقها ويختلس النظر إليها طيلة الوقت ولكن بحذر حتي لا يشعر به رائف أو أي من رجال المنزل !! 

إلتفتَ لها بحب بمحاوله منه بتمويه لإمرأته ،،وحاوط وجهها بنظرات حب مصطنعه قائلآ ٠٠٠٠أيوه ده كان المره اللي فاتت،، لكن إنهارده بالذات كنت حابب نبقي لوحدنا،، أصل عندي كلام كتير أوي كنت عاوز أقولهولك،، وقبل وجنتها وغمز لها بعينيه !!! 

تبدلت نظراتها بلحظه من نظرة غاضبه لأخره عاشقه ،،فهي حقآ تعشقه حد الجنون وتغار عليه من نِسمةِ الهَواءِ ،،

وتحدثت بصوتٍ أنثوي ناعم٠٠٠طب ما أحنا ممكن نقول هنا كل اللي كنا هنقوله في بيتنا وأكتر،، إحنا عندنا جناحنا الخاص بينا فوق نعمل فيه كل اللي إحنا عاوزينه براحتنا !!! 

أجابها بإبتسامه مزيفه٠٠٠٠عندك حق يا حبيبتي،، وماله نقول كل إللي إحنا عاوزينه هو أحنا بيهمنا ،،

وضحكا سويآ ودلفا للداخل !!! 

☆☆٠٠٠٠☆☆٠٠٠٠٠☆☆٠٠٠٠☆☆٠٠٠٠☆☆٠٠٠٠٠☆☆ 

كانت تتمدد بجانبهِ بسعاده تحت الغطاء فوق التخت وتضع رأسها براحه وهيام علي صدرهٌ العاري وهو يلعب بخصلات شعرها البني الحريري بهيام أمسك ذقنها بأناملهِ ورفع وجهها له ووضع قبله ناعمه علي شفاها

وتحدث بعيون عاشق٠٠٠٠كل سنه وإنتي طيبة يا مليكة قلبي وكياني ♡

نظرت له بهيام وتحدثت٠٠٠كل سنه وإنت في حضني،، كل سنه وأنا بحبك أكتر وبعشق نظرت عيونك ليا أكتر ♡ 

تحدث معتذرآ ٠٠٠معلش يا حبيبتي ماأقدرتش أسفرك بره السنادي علشان ضغط الشغل ،،لكن أوعدك في أقرب فرصه هاخدك ونسافر للمكان اللي إنتي تختاريه  !! 

أجابتهٌ مليكه بعيون عاشقه٠٠٠٠ المكان عمره ما كان مهم يا رائف أد ما مهم الناس اللي بنكون معاهم وإحنا مبسوطين وبنضحك من قلبنا ،،وأنا أهم حاجه عندي إني أكون معاك في أي مكان ،،وده المهم بالنسبالي  ♡♡ 

قبلها رائف بحب وأردفَ٠٠٠٠بحبك يا مليكه وبحب كل ما فيكي،،

فاتت سنين كتير علي أول يوم شفتك وحبيتك فيه،، لكن عمر شغفي بيكي وحبي ليكي ما قل أبدآ،،بالعكس ده بيذيد كل يوم عن إللي قبله  ♡ 

لفت ذراعيها عليه بحب وتحدثت٠٠٠ربنا يخليك ليا يا رائف ♡ 

ثم هبت واقفه بمرحها المعتاد وهي تداري جسدها العاري وترتدي ثيابآ للنوم كانت بجانبها قائله ٠٠٠٠طب يلا قوم بقا علشان ناكل الشيكولا بتاعتي وتشغلي الميوزك اللي بحبها وترقصني

وتحدثت بمرح ٠٠٠أوعي تكون فاكر نفسك جايبني هنا علشان ننام يا أستاذ ؟؟

ضحك علي مرحها الذي يعشقه وأجابها٠٠٠٠لا يا قلبي مش جايبك علشان ننام ،،بس كنت باخد هدنه في حبك شويه وهاعملك كل اللي إنتي عاوزاه حاضر !! 

بعد مده من رقصهما خرجا للشرفة وجلس وأجلسها علي ساقيه وهو يدللها ويطعمها الفاكهه بفمها بدلال وحب ،،كانت تتنهد وهي تنظر لليل وصفائه وسحره وتتنفس الهواء النقي وتخرجهٌ براحه ♡ 

بنفس التوقيت كان يقف بشرفته ينظر للسماء بذهنٍ شارد كليآ،، ويتنفس الهواء ويخرجهٌ براحه ،،أتت إليهِ ليالي تتحرك بتناسق وهي ترتدي ملابس بيتيه ملفته للنظر،، وقفت بجواره وسندت برأسها علي كتفه بإنوثه،،

نظر لها بدون حديث،، ثم أرجع ببصرهِ إلي السماء مجددآ 

وتحدث بذهنِ صافي٠٠٠السما أنهارده صافيه أوي ،،القمر مكتمل والجو فيه نسمه هوا منعشه تٌرد الروح !! 

نظرت له وتحدثت بضحكه خفيفه٠٠٠٠اللي يسمعك وأنت بتتكلم يقول عليك شاعر يا ياسين،،مش عقيد في المخابرات العامه !! 

نظر لها ببشاشه وتحدث بإنتشاء وحماس٠٠٠٠٠تعرفي إني زمان كنت فعلآ بكتب شعر،، وفي مره عز باشا إكتشف ده وشاف الدفتر وكان يوم،، يااااا وضحك !!! 

نظرت له بحب وأمسكت يده تتلمسها برقه ،،نظر لها وفهم أن إمرأته تشتاقه،، إبتسم لها بحب وأمسك بيدها ودلفا للداخل ليعيشا بعالمهما الخاص ♡ 

بعد مده كانت مليكه غافيه بثبات بين أحضان رائف وهو ينظر لها ويتأمل ملامحها بعشق،، حقاً كان يعشقها ويعشق تفاصيلٌها إستسلم هو أيضآ للنوم وهو يحاوطها بذراعيه بحب وعنايه،، 

                     ◇◇◇◇¤◇◇◇◇ 

وفي الصباح

كانت ثريا تجلس داخل حديقة منزلها هي وإبنتيها ومٌحمد زوج نرمين وأحفادها يلتفون جميعآ حولَ منضدة الطعام وهي تٌجلس أنس صَغير رائف علي ساقيها وتطعمه بحنان !! 

ثريا وهي توجه حديثها ل نرمين وزوجها٠٠٠٠إقعدوا كملوا معانا اليوم إنهارده يا محمد،،رائف هيكون هنا علي الغذا،، إتغدوا معانا وكملوا اليوم ونسهر سوا مع بعض،، إمبارح كان زحمه ومعرفناش نقعد براحتنا !!! 

ردت نرمين سريعاً وهي تري إبداء الموافقه والسعاده علي وجه زوجها ٠٠٠لا يا ماما مش هاينفع،،حضرتك عارفه أنا مابقدرش أبعد عن بيتي وقت كتير،، وبعدين حضرتك نسيتي ولا أيه أنا هاخد يسرا وهانروح نختار العربيات بتاعتنا !! 

زفر محمد بضيق فور رفض زوجتهٌ الغبيه بعرض ثريا فحقاً كان يريد أن يكمل يومهِ هنا ليري مليكه ويشبع نظره وأشتياقه منها ولكن سبقتهٌ تلك الحمقاء بالرفض القاطع !!! 

تحدثت يسرا برضي٠٠٠لا يا نرمين أنا مش هاروح ،،روحي إنتي يا حبيبتي وأختاري العربيه اللي نفسك فيها ،،لكن أنا عربيتي الحمدلله عجباني ومريحاني ومش حابه أغيرها ،،وبعدين هو أنا بروح فين يعني !!! 

ردت عليها ثريا بحزم٠٠٠٠أنا مش هاعيد كلامي تاني يا يسرا ،،أنا قولت هاتروحي مع أٌختك وتغيري عربيتك ومش عاوزه نقاش تاني !!! 

أجابت يسرا بإستسلام٠٠٠خلاص يا ماما اللي تشوفيه حضرتك،، هانروح ونديله عربياتنا القديمه وناخد الجديده وحضرتك تبقي تدفعيله الفرق !! 

ردت عليها نرمين ب معارضه لحديثها ٠٠٠٠إتكلمي عن نفسك يا يسرا،، أنا عن نفسي محتاجه فلوس عربيتي عاوزه أشتري بتمنها شوية حاجات نقصاني !!! 

نظرت لها ثريا وتحدثت٠٠٠وأنا يا بنتي ما قولتش تبدلوا،، أنا كلامي كان واضح ليكم إمبارح،،أنا قولت روحوا إختاروا اللي نفسكم فيه وأنا هادفع !!!

نظر محمد وتحدث٠٠٠ربنا يخليكي ليهم يا ماما !!! 

نظرت يسرا بحزن وهي تري طمع أختها الواضح بالرغم من مستوي زوجها وأهله المادي المعقول إلا أن غيرتها من مليكه جعلتها تريد أن تأخذ كل ما تٌطاله يدها حتي وإن لم تكن بحاجه لهْ !!!

                     ◇◇◇◇¤◇◇◇◇ 

فتحت عيناها بتثاقل ونعاس وجدت حالها مقيده داخل أحضانه،، إبتسمت بسعاده حينما تذكرت ليلتها المٌميزه معه،، كادت أن تسحب حالها من بين أحضانه لتهاتف يسرا للإطمئنان منها علي طفليها،، وما إن شعر بها حتي شدها إليه من جديد ! 

وتحدث بصوتٍ متحشرج ناعس٠٠٠رايحه فين وسايبه حضني !! 

ردت عليه وهي تضع قبله سريعه علي شفتيه بحب٠٠٠هاروح أتصل ب يسرا علشان أطمن علي مروان وأنس وأجيلك بسرعه  !!! 

نظر لها بحب قائلاً بصوتٍ متحشرج ٠٠٠نامي يا حبيبي وإطمني،، أكيد ماما واخده بالها منهم كويس أوي،، نامي يا ليكه أحنا نايمين الساعه 5 بعد الفجر،،

إستسلمت له ودفنت نفسها داخل أحضانه وغفت من جديد ♡

في حديقة فيلا رائف دلف عز المغربي من باب الفيلا الحديدي الملاصق لفلتهِ وجد ثريا وأبنتيها ومحمد يحتسيان قهوة الصباح 

تحدث عز مبتسمآ ٠٠٠صباح الخير ،،ردوا جميعهم الصباح !! 

نظر عليه أنس صغير مليكه الجالس بحضن ثرياوهلل بصياح٠٠٠٠٠جدووو 

عز وهو يلتقطهٌ من حضن ثريا بسعاده٠٠٠٠يا قلب جدو وروحه ،، 

وأخذ يقبله بنهم ويفرق قبلاته الحنون علي وجههِ وشعره ويداه ،،فا عز يعشق أطفال رائف اللذان ينادوهٌ جدوا،، ويناديه رائف بأبي لكثرة حنينهِ عليه منذ وفاة والدهِ ،،،وأعتباره إبن رابع له !! 

نظرت له يسرا بإبتسامه٠٠٠أعمل لحضرتك فنجان قهوه يا عمو ؟؟

نظرت له ثريا بإهتمام وتحدثت ٠٠٠فطرت يا سيادة اللوا ولا أجهزلك فطار الأول ؟؟

رد عليها عز بإبتسامة شكر وهو مازال يقبل أنس الذي يبادلهٌ القٌبل بسعاده٠٠٠٠مٌتشكر يا ثريا ،،أنا فطرت الحمدلله !! 

ثم نظر ل يسرا وتحدث٠٠٠هو  فنجان قهوه بس يا يسرا،، ياريت تخلي عَليه تعملهولي !!!

أجابتهٌ يسرا بإبتسامه حنون ٠٠٠٠عَليه مين بس يا عمو إللي تعملهولك،، ماحدش هيعمل لحضرتك القهوه غيري !! 

إبتسم لها بحب وتحدث٠٠٠ربنا يخليكي ليا يا قلب عمو !! 

جلس عز وهو يتسائل٠٠٠هو رائف ومليكه لسه ما وصلوش ؟؟ 

تحدثت نرمين بتهكم٠٠٠٠لا يا عمو لسه ،،الهانم هاتيجي أخر النهار ،،طبعآ ماهي لاقيه اللي بيدلعها ويهتم بأولادها ،،ماتتغرش علينا ليه بقا ؟؟

نظرت لها ثريا وتنهدت بقلة حيلة وهي تري تهكم إبنتها الناقمه علي زوجة أخيها !!! 

نظر لها عز مستغربآ وتحدث ٠٠٠ولادها؟؟ هما ولادها هي بردو يا بنتي ،،دول ولادنا،، أولاد المغربي ورجالته،، وبعدين ده عيد جوازها ومن حقها علي جوزها إنه يحتفل بيها ويدللها في يوم زي ده !! 

نظرت لها ثريا متحدثه٠٠٠دي حتي مليكه الوحيده اللي بتهتم بأولادها بنفسها ،،و الناني بتاعت أنس مابتسمحلهاش تعمله أي حاجه،، هي اللي بتحميه هو وأخوه وتأكله وتغيرله وبتهتم بكل تفاصيله ،،وبتذاكر كمان ل مروان !!! 

نظر لها محمد  وتحدث بسخريه ٠٠٠٠لا ،،وشوفوا مين إللي بتتكلم ،،داأنتي في عيد جوازنا اللي فات سيبتي الولد هنا عند ماما ثريا وسافرنا بيروت إسبوع بحاله !!

نظرت لهم بغضب وتحدثت بتذمر ٠٠٠٠٠هو أنتو ماصدقتم وكلكم نازلين جلد فيا،،كل ده علشان غلط في الكونتيسه مليكه ؟؟

تحدث أنس صغير مليكه وهو ينظر إلي عز ببرائه٠٠٠جدو هو بابي ومامي فين ؟؟ 

أجابهٌ عز بإبتسامه عذبه٠٠٠٠بابي ومامي في مشوار وبعد شويه هييجوا ويجيبوا معاهم حاجات حلوه كتير ل أنوس حبيبنا كلنا !!

ضحك أنس ببرائه وقبل عز،،

وبعد مٌده أخذ محمد نرمين ويسرا ليوصلهما إلي معرض السيارات التي تتعامل معهٌ عائلة المغربي لإختيار سيارتهما الجديده  !!

                        ◇◇◇◇¤◇◇◇◇ 

عند رائف ومليكه بالفندق كانت تجلس علي ساقيه في الشرفة  تتناول إفطارها بشهيه مفتوحه وهو ينظر لها ويبتسم بسعاده ،،أمسك قطعه من التوست ووضع عليها المربي ووضعها بفمها،، إقتطمتها وهي تنظر له بسعاده !! 

تحدثت مليكه بسعاده٠٠٠٠٠ربنا يخليك ليا يا رائف،،هو إنت إزاي بتقدر توصلني للمستوي العالي من السعاده ده ؟؟ 

أجابها بثقه٠٠٠٠دي قدرات بقا يا ليكه 

وأكمل بتساؤل٠٠٠بقولك يا حبيبي أيه رأيك نقضي الليله كمان هنا  !!

أجابته مليكه بإعتذار٠٠٠٠ياريت يا رائف كان ينفع،، لكن أنا مش هاقدر أبعد عن أنس ومروان أكتر من كده،،إنت بنفسك شوفت أنس متضايق إزاي وإحنا بنكلمه من شويه وعمال يسأل إتأخرتوا ليه  !! 

تحدث رائف بتفهم٠٠٠خلاص يا حبيبي ،،إن شاء الله نكررها الويك إند الجاي !!

نظرت له بحب وأجابت٠٠٠٠إن شاء الله يا حبيبي ♡ 

كانت الساعه الرابعه عصرآ ومازالا رائف ومليكه بالفندق،،ولكنهٌ أيضاً توقيت إذاعة برنامج شريف أخاها الذي يقدمه مباشر من الإذاعه المصريه (الراديو ) 

جرت علي الفون وشغلت به الإذاعه لتستمع مع زوجها لبرنامج أخاها التي تعودت أن تستمع إليه يوميآ مهما كانت الظروف ،، 

تحدث شريف بصوتٍ مٌتفائل ٠٠٠مساء الخير أعزائي المستمعين ورجعنالكم تاني في حلقه جديده من برنامج ساعه مع شريف 

،،الحب ،،حلقتنا إنهارده بتتكلم عن الحب وأهميته في حياتنا ،،خلينا نستقبل إتصالتكم علي تليفون البرنامج********

وأي حد عاش قصة حب ياريت يحكيلنا عنها،،ويحكلنا كمان أد أيه فاده الحب ده في حياته،،

وهل الحب ده كان دافع ليه إن حياته تتحول للأفضل ولا العكس ،،

ونستقبل أول إتصال من صديقة البرنامج مليكه ونقول ألووو

تحدثت مليكه بسعاده ومرح وهي تنظر لرائف ٠٠٠٠ألو يا شريف إزيك،،

شريف بسعاده٠٠٠٠٠أنا تمام،،إحكيلنا يا مليكه ،،ياتري حبيتي قبل كده؟؟

ولو حبيتي ياريت تحكيلنا وتقوليلنا أيه إللي غيره فيكي الحب !! 

نظرت لزوجها الناظر لها بسعاده وتحدثت بهيام ٠٠٠٠٠أول حاجه عاوزه أقولك إن الحب ده أحلا حاجه في الدنيا ،،ومن غيره الحياه تبقي صعبه أوي ،،الحب أثمي معاني الوجود ،،الحب بيملي قلوبنا خير ويخلينا نرحم بعض ونعذر بعض،،، من غير الحب الحياه تبقي صعبه أوي يا شريف،، 

وبالنسبه لسؤالك أه طبعاً الحب غيرني كتير خلاني سعيده،، رحيمه،،مٌتفهمه،، وبقيت ببص للحياه بشكل أفضل وأحسن 

وأخيرآ أتمنالك إنك تلاقي نصك الحلو وتعيش معاه أحلا قصة حب في الدنيا،،علشان إنتَ بجد حد يستاهل  !! 

شريف بسعاده٠٠٠٠متشكر جدآ يا مليكه ،،وطبعا أعزائي المستمعين كلنا عارفين إن مليكه بتحب فيروز جدآ ،،فا هانسمع غنوة فيروز كيفك إنتَ لعيون مليكه !! 

أغلقت الهاتف وأحتضنت الناظر لها بعشق وهيام وتحدثت٠٠٠٠٠أنا بحبك أوي يا رائف، ،ربنا يخليك ليا يا حبيبي♡ 

رائف بسعاده٠٠٠٠ويخليكي ليا يا حبيبتي،،ويخلينا سي شريف اللي مابتفوتيش ولا حلقه في البرنامج بتاعه،،حتي في عيد جوازنا 

ضحكت بسعاده وتحدثت٠٠٠٠مش أخويا ولازم أشجعه ،،وبعدين أنا ببقا مبسوطه أوي وأنا بتكلم معاه وبتناقش،، وبصراحه شريف بيطرح مواضيع للنقاش حلوه أوي !!!!

ضحك وتحدث بدعابه ٠٠٠٠طبعآ،، ومين يشهد للعروسه !!

                    ◇◇◇◇¤◇◇◇◇ 

عند شريف ٠٠٠ورجعنالكم تاني بعد فيروز ومعانا إتصال تاني ونقول ألووووووو 

المتصله بمرح ٠٠٠٠ ألو،، أزيك يا حضرة الباشمذيع 

أجابها شريف ٠٠٠أهلاً وسهلاً يا أفندم نتعرف بحضرتك ؟؟

تحدثت بصوتٍ ملام حزين ٠٠٠٠أزاي معرفتش صوتي وميزته،،طب هقول إنك إتلغبطت في نبرة صوتي،،طب بالنسبه لحضرة الباشمذيع أيه،، ماخدتش بالك إن ماحدش بيقولهالك غير الباشمحاميه ؟؟ 

ضحك شريف علي تلك المستمعه المشاغبه وتحدث ٠٠٠٠٠خلاص خلاص حقك علينا يا حضرة الباشمحاميه،،

وأهلاً بيكي مستمعتنا الكريمه إللي بتكلمنا من أجمل مكان في مصر حيث الدفئ والسياحه والجمال والسحر،،،أسوان الساحره بلد النيل 

تحدثت بكبرياء ومداعبه ٠٠٠٠أيوا كده أنا أتأكدت إن الذاكره رجعتلك تاني !!!

ضحك شريف وتحدث ٠٠٠٠إنتي مشكله والله،،طب نرجع بقا لموضوع حلقتنا علشان وقت البرنامج ونقول ياتري الحب بيمثل أيه للباشمحاميه ؟؟ 

                      ◇◇◇◇¤◇◇◇◇ 

في المساء 🌑 

ذهبت مليكه إلي فيلا عز المغربي وهي تحمل أنس الذي بدأ بالبكاء والصريخ يريد والدهٌ المتواجد بفيلا عمه،،

دلفت للداخل وألقت السلام علي الجالسين في البهو كانت منال والدة ياسين تجلس وتجاورها ليالي زوجة ياسين وإبنة أخ منال ،،وأيضا كانت تجلس جيجي زوجة طارق !! 

تحدثت منال بإبتسامه حانيه وهي تنظر إلي أنس الباكي ٠٠٠مالك يا أنوس،، بتعيط ليه يا قلبي؟؟ 

أجابتها مليكه وهي تهدهد طفلها بين ذراعيها٠٠٠٠عاوز بباه ومش مبطل عياط،، ماأعرفش ليه كام يوم كل ما رائف يخرج بره يزن ويفضل يعيط ويسأل عليه ؟؟

ثم تسائلت مليكه ٠٠٠٠هو رائف فين يا طنط،،   

أجابتها منال ٠٠٠٠جوه في المكتب مع ياسين وطارق بيقفلوا حسابات الشركه !!! 

تحدثت ليالي ٠٠٠٠إدخليلهم يا مليكه تلاقيهم خلصوا !!

أمائت مليكه برأسها ٠٠٠تمام بعد إذنكم !! 

وذهبت بإتجاه المكتب وطرقت أبوابه،،حتي إستمعت لصوت ياسين وهو يأذن لها بالدخول،، دلفت وعلي وجهها إبتسامه ساحره 

وتحدثت مبتسمه٠٠٠٠مساء الخير،، ردو عليها ثلاثتهم 

نظر لها ياسين مبتسمآ ٠٠٠إزيك يا مليكه !!

نظرت له بإبتسامتها الساحره ووجهها البشوش٠٠٠أنا تمام،، إنتَ كويس ؟؟

هز لها رأسه بإبتسامه علي طريقتها المٌميزه له٠٠٠٠كويس جدآ  !!! 

وهٌنا بكي الصغير مٌجدداً وهو يلوح بيداه علي والدهِ ويردد إسمه ،،إنتفض رائف من جلستهِ وأسرع وألتقطهٌ من بين أحضان أمهِ

وأخذ يٌهدهدهٌ بحنان قائلاً ٠٠٠٠٠أيه يا قلب بابي،، مالك يا حبيبي زعلان ليه ؟؟

إرتمي الصغير بحضن أبيه ولف ذراعيه حول عنقه بتملك ،،مما إستدعي إستغراب رائف وهو ينظر إلي مليكه !! 

سأل رائف مليكه بإنزعاج٠٠٠ماله أنس يا مليكه،، حد مزعله؟؟ 

أجابتهٌ بنفي ٠٠٠خالص يا رائف،،هو كده ليه كام يوم كل شويه يسأل عليك ويعيط لو لقاك مش موجود  !! 

إبتسم الصغير لأبيه وتحدث بكل برائه٠٠٠أنت حبيبي يا بابي !!

أجابه رائف وهو يقبله بنهم ٠٠٠وإنت قلب بابي من جوه ونور عيونه !!! 

إنتصبَ ياسين وطارق من جلستهما وأتجها للصغير وأخذا يقبلاه ويحتضناه ولكن وهو داخل حضن أبيه ،،

فقد أبي أنس أن يخرج من حضن أبيه وكان مٌمسكاً به لدجه كبيره إستدعت إستغراب الجميع  !!! 

تٌري ما الذي جعل الصغير يبكي هكذا ؟؟ 

إنتهي البارت

                       ☆  قلوب حائره ☆

               بقلمي روز آمين

🔹️بسم الله الرحمن الرحيم 🔹️

لا إله إلا أنت سبحانك إني كنت من الظالمين 

رواية ☆قلوب حائره☆

بقلمي روز آمين

                         💙🦋 البارت الثالث 🦋 💙

في صباح اليوم التالي 

إستيقظت مليكه من فراشها علي صوت زقزقة العصافير الذي يشبه العزف علي أوتار ألات الموسيقي ،، 

تمللت فوق فراشها بدلع وهي تنظر بسعاده للغافي بثبات جوارها ،،مالت عليه وضعت قٌبله علي ذقنه التي تعشقها 

أفتح عيناهٌ بتثاقل ونظر لها بحب وشد وجهها عليه وقبل شفاها برقه 

قائلآ بصوتٍ متحشرج ناعس٠٠٠صباح الخير يا حبيبي ♡ 

أجابتهٌ مليكه بإبتسامه حنون٠٠٠٠صباح النور يا قلبي  ♡

يلا يا بيبي قوم خد الشاور بتاعك علشان تنزل تفطر وتلحق وقتك وما تتأخرش علي شغلك !! 

أجابها رائف بتملٌل وهو يتمدد بجسدهِ فوق الفراش بتكاسل٠٠٠حاسس إني مش عاوز أروح الشغل إنهارده،،تعبان ومحتاج للراحه جدآ،، 

لكن في نفس الوقت مش هاينفع أسيب طارق لوحده في الشركه ،،في ورق وشغل متأخر لازم يخلص إنهارده !!! 

نظرت لهٌ مليكه بحزن مشفقتاً علي حال حبيبها٠٠٠٠معلش يا حبيبي ربنا يقويك ،،إضغط شويه علي نفسك لحد ماتخلص إلتزماتك والشغل المتعطل 

وبعدين خدلك أجازه كام يوم نقضيهم هنا في جناحنا،، وأوعدك مش هانخرج منه أبدآ،، ووعد مني هاعوضلك عن التعب ده كله،، وضحكت له بدلال 

قام منتفضاً من نومتهِ حاملاً إياها بحماس متجهاً إلي المرحاض  !!

صرخت بصياح وسعاده٠٠٠٠بتعمل أيه يا مجنون ؟؟ 

مال علي شفتيها وهو يسير وقبلها قائلاً٠٠٠٠هناخد شاور مع بعض،، أصلي بصراحه مكسل أخده لوحدي وإنتي إللي هاتشجعيني !! 

ضحكا معاً ودلف بها داخل المرحاض وأغلق الباب ليأخذا غفله من الزمن لإسعاد قلبهما وإنعاشه !!! 

خرجت مليكه بعد مده،، وأرتدت إسدالها وصلت هي وزوجها فرضهما ودعا الله أن يرزقهما السعاده ويديم عليهما حياتهما معآ ويحفظ طفليهما وأحبائهم !!! 

بعد مٌده نزل الدرج وهي بجانبهِ تتشابك أيديهم بسعاده ونظرات عاشقه مٌتبادله بينهما 

تحدثت مليكه بحب ناظره لعيناه بهيام٠٠٠مٌمكن ماتتأخرش عليا علشان بتوحشني ♡

أجابها بعيون عاشقه وهو يٌقبل يدها٠٠٠٠مافيش حاجه تقدر تأخرني عنك في الدنيا دي كلها ♡

أجابتهٌ بسعاده٠٠٠بحبك يا رائف ♡

خرجاَ إلي الحديقه وجداَ ثريا تنتظر رائف ككٌل يوم وقد أعدت له إفطاره بمساعدة عَليه وباقي عاملات الفيلا !!

إتجه إلي حيث تجلس والدته وقبل جبينها بحب قائلاً٠٠٠صباح الخير يا حبيبتي !! 

أجابتهٌ ثريا بإبتسامه حانيه٠٠٠٠صباح الفل يا حبيبي ،،إتأخرت ليه كده،، أنا بعت الناني بتاعت أنس من شويه علشان تصحيك لما لاقيتك إتأخرت،، خوفت لتكون مليكه راحت عليها نومه ونسيت تصحيك،، لكن البنت قالتلي إنكم ماردتوش عليها فانزلت !!!

تحمحمت مليكه ونظرت للأسفل بخجل وتحدث رائف وهو ينظر لخجلها ويكتم ضحكاته ٠٠٠كنا بنصلي يا ماما لما كانت بتخبط !! 

أجابتهٌ ثريا بحب ٠٠٠تقبل الله يا حبيبي !!!

ردت مليكه بوجهِ بشوش٠٠٠مِنا ومِنكِ يا ماما،،هو أنس لسه نايم ؟؟ 

أجابتها ثريا ٠٠٠٠أه نايم،،أنا أتحركت من جنبه بالراحه علشان مايقلقش ويصحي،، أصله إمبارح الجلاله كانت وخداه ومفرفش أوي بعد سهرته ولعبه مع أبوه ،،بعد ما طلعتوا فضل صاحي يلعب لحد الفجر !!! 

تحدث رائف وهو يضع الذٌبده والمربيَ علي التوست ويتذوقها ٠٠٠ماأنا قولت لحضرتك يا ماما بلاش تنيميه معاكي في الأوضه هايتعبك،، وخليه في أوضته أحسن وأهي الناني كانت بتبات معاه وتاخد بالها منه لما يصحي ،،وكمان مليكه كانت كل شويه تروح تطمن عليه !! 

أجابتهٌ ثريا بسعاده وهي تناولهٌ قدح الشاي٠٠٠٠ومين بس إللي قالك إني تعبانه كده يا حبيبي،، بالعكس،، ده علي قلبي زي العسل،، ده وجوده معايا مونسني طول الليل،، داأنا عمري بيطول لما باخده في حضني وأنا نايمه يا رائف !!! 

أجابها بحب ٠٠٠٠ربنا يخليكي لينا يا ماما ♡ 

وأثناء حديثهم دلف من البوابه الحديديه عز وياسين وطارق،، 

طل ياسين بثيابهِ الرسميه التي ذاتهٌ وسامه فوق وسامته وهو يرتدي النظاره الشمسيه،، كان يطل عليهم أشبه بأمير أو فارس من فرسان العصر الذهبي !! 

فقد إعتادوا ياسين وطارق وعز علي حضورهم يوميآ إلي فيلا رائف لتناول وجبة الإفطار معهم قبل ذهابهم لعملهم ،، 

فا منال وزوجتي أبنيها لا يستيقظون صباحاً علي الإطلاق،،

ويعتمدون علي عاملات المنزل لإفطار أزواجهم،، لكن عز وأبنائه فضلو الإفطار بمنزل رائف حيث العائله والجو الأٌسري المبهج !!!! 

تحدث عز بهيبه وبشاشة وجه ٠٠٠٠صباح الخير ،،

ردو عليه جميعآ !!!

تحدث طارق بدعابه وهو يجلس سريعاً مٌمسكاً بقطعة خبز٠٠٠٠أيه النداله إللي إنتَ فيها دي يا سي رائف قاعد تفطر قبل ماأجي كده ولا هامك،،أنا عودتك علي كده بردو ؟؟ 

أجابهٌ رائف بإبتسامه٠٠٠هاموت من الجوع، ماأكولش يعني وأستني أما سعادتك تشرف ؟؟ 

تحدثت ثريا بذعر٠٠٠بعد الشر عنك يا حبيبي الله أكبر !! 

تحدث ياسين بإشراقه وبسمه٠٠٠صباح الخير يا عمتي،، صباح الخير يا مليكه !! 

ردو عليه الصباح بإبتسامه !! 

وقفت مليكه كي تسكب لهما الشاي وناولتهٌ لهم بإبتسامه  !!!

عز بإبتسامه٠٠٠تسلم إيدك يا حبيبتي !!!

نظرت له بإبتسامه قائله بصوتٍ هادئ٠٠٠بالهنا يا عمو  !!! 

تحدث ياسين وهو ينظر إليها بإهتمام ويلتقط قطعة جبن بالشوكة٠٠٠٠مابتاكليش ليه يا مليكه ؟؟ 

أجابتهٌ مليكه بإبتسامه٠٠٠٠ما أنت عارف يا أبيه أنا مش بفطر بدري كده،، أنا بقوم بس علشان أعمل ل رائف وليكم القهوه وأرجع أنام تاني،، ولما بقوم بفطر مع يسرا !! 

نظر لها رائف بحب وأمسك يدها قبلها متحدثاً ٠٠٠٠ربنا يخليكي ليا يا حبيبتي !!!

بادلتهٌ بإبتسامه خجوله !!! 

نظر لهما ياسين وحينها تذكر زوجته ليالي التي لا تعلم حتي ميعاد إستيقاظه ،،ولا تعلم كيف هو مذاق قهوتهِ المفضل ،،

هي لا تهتم سوي بجمالها ودلالها وأصحابها والنادي،، وحياتها الخاصه ،،أما هو فبالنسبة لها وجهه مشرفه أمام المجتمع ،،

هي تعشقهٌ هو لاينكر هذا،، ولكن حب بدون إهتمام لا يجدي نفعآ بالنسبةِ لهْ !!! 

دلفت مليكه للمطبخ لتصنع لهم قهوة الصباح المحببه لديهم جميعآ ويحبذونها من صنع يدها حتي ثريا فقد كانت تعشقها من يد مليكه !!! 

بعد دلوف مليكه للداخل نظر رائف لوالدتهِ موجهآ الحديث لها بتساؤل ونظرات مٌلامه٠٠٠٠إنتي ليه يا ماما ماقولتليش إنك هاتجيبي عربيات جديده ل يسرا ونرمين،، كنتي قولتيلي وأنا كٌنت غيرتهم بنفسي ،،يعني ينفع أعرف زيي زي الغريب  ؟؟ 

أجابتهٌ ثريا وهي تبرر تصرفها٠٠٠ياحبيبي أنا عارفه إنك مشغول في شغلك فا ماحبيتش أدوشك معانا،، وأهو محمد جوز نرمين راح معاهم وخلصلهم كل الأوراق وأشتروهم !! 

تحدث رائف بإصرار ٠٠٠٠خلاص حضرتك إديني الفواتير  وأنا هاسددها،، أنا كده كده كنت بفكر أغيرلهم عربياتهم علشان مايزعلوش إني جبت ل مليكه ونسيتهم،،

لكن صدقيني أنا كان في نيتي الموضوع ،،

لكن بصراحه حبيت أجيب ل مليكه الأول علشان تفرح بيها بما إنها هدية عيد جوازها علشان يعني تحس بفرحة الهديه !!

وقولت بعدها بكام يوم أبقي أجيب لإخواتي،، 

وأكمل بتبرير٠٠٠لكن أنا مش ناسيهم يا ماما والله !!! 

أجابتهٌ ثريا بحنان ٠٠٠٠أنا عارفه يا حبيبي بس إنتَ كفايه عليك مصاريف ولاد أختك ومدارسهم وبعدين هو أنا هعمل أيه بالفلوس يعني،،هو أنت مخليني محتاجه حاجه يا نور عيوني ♡ 

تحدث ياسين بجديه٠٠٠٠خلاص يا رائف،، أنا هاساعد بتمن عربية يسرا،، وإنت إدفع عربية نرمين !! 

تحدثت ثريا برفض وإصرار ٠٠٠٠٠ولا أنت ولا هو ،،ماحدش منكم هايدفع ولا مليم ،،أنا وعدت بناتي وجبتلهم ودفعت الفلوس وخلاص ،،

وبعدين بيني وبينكم أنا كنت ناويه أحطلهم كل واحده قرشين في البنك،، خوفت ليكونوا زعلوا علشان كتبت الأرض بتاعت مرسي مطروح إللي ورثتها وخدتها من إخواتي ل أولاد رائف،، وقولت أراضيهم،، 

لكن لما لاقيت نرمين نفسها تغير العربيه،، قولت خلاص أغيرلهم عربياتهم وأراضيهم بكده !!! 

تحدث عز بإعجاب٠٠٠٠برافوا عليكي يا ثريا،،كده أحسن علشان بناتك مايزعلوش ويشيلوا من أخوهم !! 

هٌنا أتت مليكه بالقهوة وقدمتها لهم بوجهها البشوش 

طارق٠٠٠٠٠يلا يا رائف إشرب قهوتك بسرعه علشان إتأخرنا ،،شربا القهوة سريعآ !! 

إرتشف عز قهوتهٌ وتحدث متمزجاً بمذاقها٠٠٠٠الله عليكي يا مليكه،،أحلا فنجان قهوه بيظبطلي دماغي بجد بشربه من إيدك ،،تسلم ايدك يا حبيبتي !!

إبتسمت بسعاده وتحدثت٠٠٠٠بألف هنا يا عمو !! 

كان ياسين ينظر لها سعيداً لسعادتها وأبتسم ببشاشه !! 

وقف رائف بتعجل وقبل يد وجبين والدتهُ وتحدث ٠٠٠إدعيلي يا أمي !!

أجابتهٌ بحب٠٠٠دعيالك من قلبي يا حبيبي،،ربنا يباركلي فيك ويحفظك بحفظه !!

نظر لمليكته بعشق وقبل وجنتها وتحدث٠٠٠سلام يا حبيبي عاوزه حاجه ؟؟

أجابتهٌ بإبتسامتها الساحره ٠٠٠سلامتك يا رائف متتأخرش علي الغدا !!

هز لها رأسه بإيجاب ٠٠٠إن شاء الله !!! 

بعد ذهابهم جميعآ إستأذنت مليكه من ثريا وصعدت لجناحها لتٌكمل غفوتها بسلام حتي تعود لنشاطها مرة أٌخري ،،قبل رجوع رائف من عمله !!!

                      ◇◇◇◇¤◇◇◇◇ 

في منزل نرمين 

كانت تجلس حول منضدة الطعام تصنع لطفلها  بعض الشطائر لتضعها له في صندوق طعامه المدرسي وبجانبها زوجها يتناول إفطاره 

تحدث الصغير بتملٌل٠٠٠يلا يا مامي بسرعه،،الباص خلاص قرب يوصل !!!

تحدثت نرمين بعجاله٠٠٠خلاص يا علي أخر ساندوتش في إيدي أهو !!

وأخذت بالصياح مناديه علي العامله الفلبينيه التي تعمل لديها ٠٠٠ليندا ،،إنتي يا ليندا 

أتت العامله مٌسرعه حتي تتلاشي غضب تلك المتجبره وتحدثت بلغه عربيه ركِيكه ٠٠٠أفندِم مَدَام !!

تحدثت نرمين٠٠٠٠ خدي علي خرجيه ومتسبيهوش من إيدك غير وهو راكب الباص قدام عنيكي ،،إنتي فاهمه ؟؟ 

أجابتها العامله بإيماء٠٠٠٠حاضر مَدَام 

ذهب الصغير لمكان جلوس والدهٌ وقبلهٌ وتحدث بإحترام٠٠٠باي باي يا بابي !!

نظر لهٌ مٌحمد بإبتسامه سعيده وتحدث ٠٠٠٠باي باي يا قلب بابي،،خلي بالك من نفسك يا لولو !!!

تحدثت نرمين بضيق٠٠٠وبعدين يا محمد مش قولنا بلاش كلمة لولو دي للولد،،هو فيه راجل يتقاله لولو ؟؟

ضحك محمد وتحدث ٠٠٠خلاص يا ستي طالما كلمة لولو بتزعلك مش هقولها تاني !!! 

أخذت العامله الطفل وخرجا

نظرت نرمين إلي محمد وهي ترفع كأس الماء وترتشف منه بعض القطرات ثم تحدثت٠٠٠علي فكره يا حبيبي أنا قررت أروح لرائف إنهارده الشركه وأطلب منه يديني نصيبي فيها وأخلص !! 

نظر لها وتأفأف بضيق ٠٠٠تاني يا نرمين،،مش كلمتي مامتك في الموضوع ده قبل كده ورفضت ليه جايه تفتحيه تاني،،أنا مش فاهم أصلاً إنتي ليه عاوزه تبيعي نصيبك مع إنك مش محتاجه فلوسه في حاجه،،وبعدين تقدري تقوليلي بعد ما تاخدي فلوسك هتوديها فين ؟؟ 

أجابته ببرود٠٠٠٠هحطهم في البنك طبعاً !!! 

تحدث هو منتقضاً لحديثها ٠٠٠٠هو فيه حد عاقل يعمل كده يا نرمين ،،بقا عاوزه تفٌضي شراكه بتجبلك مبلغ محترم كل سنه علشان تاخدي الفلوس وتحطيها في البنك تجبلك فوايد ملاليم ؟؟ 

تنهدت بضيق وأجابته٠٠٠٠يا محمد أنا هبقي مرتاحه كده،،وبعدين يا سيدي أنا دخلت علي صفحة البنك وسألت ولاقيت برامج جديده حلوه أوي وأختارت شهاده هعملها لمدة خمس سنين هتديني عائد عالي ، ،يعني مش هاخد ملاليم ولا حاجه زي ما بتقول !!! 

وقف وهو يرتدي سترته الخارجيه وأمسك بحقيبته ونظر لها وتحدث٠٠٠٠إنتي حره أنا عارف إن كلامي معاكي لا هيقدم ولا هيأخر ،،وفي النهايه دي فلوسك إعملي فيها إللي إنتي عاوزاه،،المهم انا ماشي عاوزه حاجه ؟؟ 

وقفت تودعه وقبلته وتحدثت ٠٠٠٠ميرسي يا روحي،،إعمل حسابك هنتغدي بره إنهارده !!!

تحدث وهو يتحرك٠٠٠أوك ،،يلا سلام !!!! 

                     ◇◇◇◇¤◇◇◇◇ 

داخل مكتب رائف كان يجلس بمكتبهِ ينظر بأوراقه بإهتمام دلفت إليهِ السكرتيره لتبلغه بوصول أختهِ نرمين وتطلب لها إذن الدخول طلب منها سريعآ دلوفلها ووقف وتحركَ بإتجاه الباب لإستقبالها 

رائف بوجهِ حنون وهو يحتضنها بحب٠٠٠٠أهلا أهلا يا حبيبتي،، ده أيه المفاجأه الحلوه دي !! 

ردت نرمين بوجهِ بشوش٠٠٠٠أهلا بيك يا رائف !!

رائف وهو يشير لها بالدخول بإهتمام ويمسك معصمها بحب٠٠٠٠إتفضلي يا حبيبتي إدخلي !!! 

جلست نرمين فوق الأريكه تفرق يديها بتوتر ويبدو علي وجهها عدم الراحه  !!! 

جلس رائف بجانبها وتحدث٠٠٠٠تشربي أيه يا حبيبتي ؟؟

أجابتهٌ نرمين  ٠٠٠٠مالوش لزوم يا رائف  !! 

أجابها رائف بإصرار٠٠٠٠لا إزاي،، لازم تشربي حاجه ،،طب أيه رأيك أجبلك أي عصير فريش !!! 

هزت رأسها بإيماء،،فنظر هو إلي السكرتيره التي مازالت تقف بإنتظار أوامره ،،

وتحدث٠٠٠من فضلك يا سحر ،،خلي البوفيه يبعتلنا 2 عصير جريب فروت فريش !!

سحر بوجه مبتسم٠٠٠٠تحت أمرك يا أفندم !!

نظر لها رائف وتحدث٠٠٠نورتي الشركه يا نرمين !! 

حمحمت نرمين بإحراج٠٠٠٠متشكره يا رائف،، أنا هادخل في الموضوع علي طول علشان ماأعطلكش !! 

أجابها رائف بترحاب٠٠٠٠أنا تحت أمرك يا نرمين،، أؤمري يا حبيبتي !!

تحدثت نرمين بنبرة جديه٠٠٠٠رائف،،لو سمحت أنا عاوزاك تحسبلي حقي في الشركه فلوس وتدهولي،،وياريت من غير ماتقول لماما لأني قولتلها من فتره وهي رفضت،،

فامن فضلك ياريت تديني حقي وبعدين إبقي قولها براحتك !!!! 

إستغرب رائف من طلبها هذا ونظر لها مضيقآ عيناه بإستفهام٠٠٠٠عاوزه تفضي الشراكه ليه يا نرمين ،،قوليلي لو محتاجه فلوس أنا هديهالك وبلاش تخسري نصيبك وتضيعيه !!! 

نرمين بوجهِ مبهم٠٠٠٠لا يا رائف مش عاوزه فلوس،، أنا كل اللي محتاجاه إني أستقل بحياتي وفلوسي بعيد عنكم ،،وأظن ده حقي ؟؟ 

أجابها رائف بإستغراب من طريقتها ٠٠٠٠تستقلي بحياتك،،هو أنا ليه ملاحظ إنك بتحاولي تبعدي عننا يا نرمين ،،ليه ملاحظ إنك كل شويه بتبعدي نفسك أكتر ،،الأول سيبتي المكان وسكنتي بعيد عننا ،،

ودالوقتي عايزه تقطعي أخر حاجه بتربطك بينا واللي هي نصيبك في الشركه !!! 

أنا حره يا رائف،، أعمل اللي أنا شيفاه مناسب لحياتي ،،إنت هتحاسبني ولا أيه ؟؟ قالتها بإنفعال شديد ووجهِ غاضب !!! 

رائف وقد نفد صبره عليها٠٠٠أيه الطريقه إللي بتكلميني بيها دي يا نرمين ،،ومن أمتي بتعلي صوتك عليا كده ؟؟ 

وقفت نرمين بغضب وتحدثت٠٠٠٠أيه يا رائف إنت هاتعلمني الأدب من جديد ولا أيه؟ أنا أتكلم زي ماأنا عاوزه !! 

تحدث بسخريه٠٠٠٠لا طبعاً ياأستاذه ،،وأنا أيه أكون بالنسبالك علشان أقولك تعملي أيه ولا تقولي أيه ،،

وأكمل برفض٠٠٠٠بس أنا أسف إتفضلي روحي إتكلمي مع أمك وشوفي رأيها أيه ،،ولو وافقت وقتها مش هيكون عندي أي مانع إني أشتري نصيبك !! 

صاحت بغضب٠٠٠ما قولتلك ماما مش موافقه،، إنتوا هاتزلوني وترموني لبعضيكم،، إديني حقي وسيبوني في حالي بقا،، أنا واحده عايزه أعيش في سلام وأحافظ علي جوزي ومش عاوزه حرقة دم وأعصاب كل شويه !!! 

ضيق عيناه بإستهجان مما يستمعه من أختهِ٠٠٠٠قصدك أيه أنا مش فاهمك،، تقصدي أيه بإنك عايزه تحافظي علي جوزك ومن مين أصلآ ؟؟ 

تحدثت بتهكم وهي تضع يدها علي صدرها وتهز رجليها بعصبيه٠٠٠٠ماأقصدش يا رائف ،،مش لازم تفهم حاجه،، أنا بقول تديني فلوسي أحسن وكل واحد يعيش في حاله !! 

تحدث رائف بإصرار٠٠٠٠وأنا مش هديكي ولا مليم غير لما أفهم تقصدي أيه بالكلام إللي قولتيه ده ؟؟ 

نظرت لهٌ نرمين بحقد وتحدثت بغل ٠٠٠٠٠عايز تعرف أقصد أيه ،،ماشي يارائف بيه هاقولك ،،،أقصد الهانم بتاعتك إللي حضرتك متجوزها وعاملها هانم علينا ،،إللي كل شويه تشاغل جوزي بكلامها وحركاتها المايعه، ،

وقدامك عامله فيها الملاك الطاهر البرئ،، وهي مٌجرد شيطان مش أكتر !!! 

حدقت عيناهٌ بإتساع ونظر لها بذهول وصدمه٠٠٠٠إخرسي،، إنتي إزاي تسمحي لنفسك تجيبي سيرة مراتي بالطريقه القذره دي ،،جايه تتهمي مراتي في شرفها قدامي عيني عينك كده وبكل بجاحه،، ومع مين،، مع محمد جوزك،، عايزه تقنعيني إن واحده زي مليكه بتربيتها وأخلاقها ممكن تبص لراجل غيري؟؟

وساعة ماتتجنن وتبص تبص لجوزك إنتي !!!

تحدثت بغل وتهكم ٠٠٠٠تربيتها وأخلاقها ،،،ياأخي فلقتني بتربيتها ،،إوعي يكون غشك الحجاب اللي لبساه ورسمالنا بيه وش البرائه ده تحته بلاوي ،،فوق يارائف وبص حواليك وفتح عيونك كويس !!! 

نظر لها رائف بإشمئزاز٠٠٠٠ياااااا ،،،،دانتي طلعتي وحشه أوي يا نرمين وأنا ماأعرفش،، أنا إزاي ماكنتش شايف السواد والغل اللي جواكي ليا ولمراتي ده كله ،، 

ثم تحدث بتهديد٠٠٠الكلام اللي قولتيه علي مليكه من شويه ده،،ورحمة بابا لو نطقتيه قدام أي مخلوق تاني لأنسي أنك أختي ووصية بابا ليا وأتصرف معاكي بشكل مش هايعجبك !!! 

تحدثت بصياح وغضب٠٠٠٠إنت بتهددني علشان الجربوعه بتاعتك دي ،،ده بدل ماتروح تضربها وتلمها ولا تطلقها وتخلص من قرفها جاي تتشطر عليا أنا وتهددني ،، 

وأكملت حديثها بتهديد٠٠٠٠٠طيب يا رائف بيه ،،قدامك يومين بالظبط وتكون فلوسي عندي ،،ياأما والله العظيم هاروح أشتكيك في المجلس الحسبي وأخليهم ييجوا يدوني ورثي غصب عنك !!! 

وخرجت كالاعصار بعد رمي كل سمها وغلها عليه !!! 

كان ينظر علي أثرها بذهول وتساؤل،، من كانت تلك الفتاه الحقوده،،هل هذه نرمين أختهِ الصغري التي رباها علي يده ؟؟

هو لم يفعل لها غير كل الخير،، وماكل الهذيان التي تفوهت به منذ قليل ؟؟ 

وبدأ الشيطان يوسوس بهِ ،،،أيعقل رائف أن يكون ماتفوهت به منذ قليل صحيح،،هل من الممكن أن تكون مليكه خائنه حقآ وأنتَ معمي بغرامها ولاتدري ؟؟ 

أه ياالله،، رأسي ستنفجر ماالذي فعلتهِ بي نرمين،، لما فعلتي بي هذا إبنةٌ أبي ؟؟

أنا لم أستحق ذلك مِنكيْ أختي !!

لابد أن أذهب وأستجوب مليكه لأعرف منها الجواب،، نعم يتوجب علي معرفة الحقيقه،،

رأسي ياالله ساعدني أرجوك !!! 

كان صدرة مشتعل ناااارً ويجوب المكتب بغضبٍ عارم،، إنتفض وأخذ مفاتيح سيارته ومتعلقاته وخرج كالإعصار،،

قابلتهٌ سَحر السكرتيره فحدثته٠٠٠٠حضرتك رايح فين يا أفندم،،فيه إجتماع كمان 10 دقايق ؟؟ 

أجابها وهو يتحرك مٌسرعاً٠٠٠٠إلغي كل حاجه أنا مروح !!! 

إستقل سيارته ليذهب إلي مليكه ويستجوبها وإن صح حديث نرمين فاسيقتٌلها ويقتِل حالهٌ بعدها ،، نعم فهو لم يستطيع العيش بعدها !!

حدث حاله من جديد،،ولكن كيف رائف،، مليكه لاتفعلها يارجل ،،إنها إمرأة الرَجٌلٌ الواحد ،،هي حقآ تعشقني،، لا رائف لا تهذي يا رجل ،،أتشك بمليكه ؟؟

إذن فاأنت جننت رسميآ ،،،

اللعنةٌ عليكي نرمين أيتها الخبيثه الحقيره،، 

كل هذا كان يدور بعقله وهو يقود سيارتهِ بغضبِ عارم ،،وسرعه جنونيه !!

تٌري ما اللذي سيحدث مع رائف ؟؟

وماذا سيقول ل مليكه وماذا سيفعلٌ بها ؟؟

كل هذا وأكثر سنتعرف عليه من خلال البارت القادم تصويت من فضلك 

          إنتهي البارت 

                           ☆  قلوب حائره ☆

بقلمي روز آمين

🔹️بسم الله الرحمن الرحيم 🔹️

لا إله إلا أنت سبحانك إني كنت من الظالمين 

  رواية ☆قلوب حائره☆

بقلم روز آمين

                           💙 🦋 البارت الرابع🦋 💙

زادَ رائف من سرعتهِ للقياده بطريقه جنونيه ومازالَ الغضب يسيطر علي جسدهِ كلياً،، يريد أن يري مليكه ليستجوبها،،

ولكن فيما سايستجوبها ؟؟ 

فهو يعلم علم اليقين بأنهٌ وإذا نطق بحرفِ واحد بهِ شكٌ بها،، فاستتركهٌ علي الفور لا محال،،ولن يراها مجددآ حتي بأحلامه،، 

أطلقَ صرخه من أعماق قلبه المتألم٠٠٠٠أااااااااااه،،،،،يارب ساعدني أنا ماليش غيرك !!

دق علي مقود السياره بغضب عارم وأغمض عيناه رافضآ أفكاره ،،وكلمات نرمين البذيئه تدور برأسهِ تكاد تٌفجِرُها،، 

وإذا بلحظه تخرج بوجههِ شاحنة نقل كبيره محمله بإسطوانات الغاز وللأسف لم يرها رائف لغلق عيناه،، وبالفعل حدث إصتدام هائل رأه رائف بعد فتح عيناهٌ بذهول ورعب من صوت عزوف الشاحنه ،،نتج عنه حشر سيارة رائف تحت تلك الشاحنه الضخمه ،،

ولولا ستر الله لأنفجرت الشاحنه وأحترق كلٍ من بداخل السيارتان !!!! 

نٌقل رائف إلي المشفي سريعآ بعد إبلاغ الشهود سيارة الإسعاف والشرطه التي أتت علي الفور لمٌعاينة الحادث،، 

أكتشف الشرطي المكلف بالمعاينه شخصية رائف المغربي من خلال بطاقتهِ،، وبدورهِ إتصل برأيسه علي الفور لإبلاغ اللواء عز المغربي بحادث إبن أخيه،،

عندما علم عز هاتف ياسين وأبلغه وأتجها إثنتيهم علي الفور إلي المشفي التي يقنط بها رائف،، 

دخلا للمر المتواجد به رائف خرج عليهم الطبيب ويبدو علي وجههِ علامات الأسي !! 

تحدث عز بخوف وأرتياب ٠٠٠أنا اللوا عز المغربي عم رائف  !!

الطبيب بإحترام٠٠٠٠أهلا وسهلا يا أفندم !!! 

نظر ياسين بتساؤل وترقب لوجه الطبيب٠٠٠طمنا يا دكتور عن حالة رائف ؟؟ 

أجابهم الطبيب بأسي وهو مٌنكس الرأس ٠٠٠للأسف يا أفندم ،،الحاله شبه منتهيه ،،رائف بيه عنده نزيف داخلي في المخ شديد وصعب التحكم فيه ،،وفيه بعض قطع الإزاز دخلت في المخ نتيجة الإصتدام عملت تهتك في الخلايا،،

وأكمل بحزن ٠٠٠٠فاللأسف مش هنقدر نعمله حاجه ،،كل إللي ممكن نعمله حالياً هو إننا ندعيله  !! 

تحدث عز بإنفعال وغضب٠٠٠٠يعني أيه مش هاتقدر تعمل حاجه،،إتصل بأي دكتور كبير في القاهره ممكن يتدخل ويفيده،،أو حضرلي طياره مجهزه وأنا أسفره ل ألمانيا حالآ !! 

هز الطبيب رأسهٌ بأسف وتحدث بعمليه ٠٠٠للأسف يا أفندم،، حالة رائف بيه متأخره جداً وأنا لو شايف إن فيه أمل ولو حتي 5% ماكنتش هستني سيادتك تطلب مني ده وكنت هتحرك بأقصي سرعتي علشان نلحق ننقذه،،

وأكمل ٠٠٠٠ ياريت يا سيادة اللوا تجهزوا نفسكم لكل الإحتمالات،، ولو حابين تودعوه لآخر مره إتفضلوا !! 

نظر له ياسين بصدمه ٠٠٠٠إنت بتقول أيه،، لاء ،،رائف لاء،، وتحركَ مسرعآ بإتجاه غرفة العنايه الفائقه المتواجد بها رائف وخلفهٌ أباه يجر ساقيهِ بألم 

دلفا إثنتيهم وجدا رائف برأسٍ مٌضمده بالشاش وعيناه متورمه ،،موصل بأجهزه تنفس،،وأسلاك مٌتصله بالقلب وجميع أجهزة جسده  !! 

جري عليه ياسين وأمسك يده قائلآ بقوه وطمأنه٠٠٠ماتخافش ياحبيبي،، هاتبقي كويس إحنا جنبك ومٌش هنسيبك  !!! 

قبل عز جبينه وتحدث بصمود وقوه يحاول أن يظهر بهِما أمامه٠٠٠٠أنا هاسفرك بره يا رائف ،،إتصلت بطياره مجهزه وهاننقلك حالاً وهاتبقي كويس جدآ ،،أوعي تخاف ياأبني !! 

فتح عيناه ببطيئ وشدد علي يد ياسين المٌمسكه بيده،،ونطق كلمات محدده،،

رائف ببطيئ وتلعثم ٠٠٠ياااسين،، قول ل مليكه تسامحني وخلي بالك من أٌمي وولادي،،أشهد أن لا إله إلا الله وأن محمدا رسول الله 

وأغمض عيناه للأبد 💔 

وبدأت الأجهزه الموصله بقلبه بالتصفير ،،معلنتاً عن توقف القلب وللأبد،، 

حضرَ الأطِباء سريعآ لينعشوا القلب مرةً أٌخري ،،هرج ومرج من الأطباء وطاقم التمريض داخل الغرفه،، وعز ينظر لإبن أخيه الغالي برعب وعيون جاحظه مترقبه بقلبٍ يتأمل في وجه الله الكريم،،،  ولكن أمر الله قد نفذ وما بأيدينا لنفعله،، كل نفسِ ذائقة الموت واللهم لا إعتراض !! 

نظر ياسين لرائف ونزفت دموع قلبه قبل عيناه،، لقد فقد للتو أخاه الذي لم تلدهٌ أمه،، صرخ ياسين بإسمه وقد تخلي عن شخصيتهٌ الصارمه وهيبتهِ أمام تلك الفاجعةِ الكٌبري !! 

نظر لأباه وجده ولأول مره يذرف الدمع بحزن وأنكسار،، جري عليه وأحتضنه ليشدد من أزره ،،ولكن من يهون عليه تلك المصيبه،، فإنه رائف،، زينة شباب العائله وفخرها ،،ولدهٌ الذي رباه وأعتبرهٌ عوضاً له عن أخاه الذي إفتقده مٌبكراً !! 

نظر لهما الطبيب ونكس رأسه بأسف وتفوه٠٠٠أنا أسف يا سيادة اللوا،،،البقاء لله !!

هٌنا لم يتمالك عز حاله ،،أرتجفت ساقيهِ وكاد أن يسقط أرضاً لولا يداي  ياسين التي سبقتهٌ وأسندته ،، وفي تلك اللحظه أتي إليهم طارق المصدوم ودكتور أحمد طبيب النساء والتوليد إبن عمهما،، وعمهِ عبدالرحمن الأخ الأصغر ل عز،،

وباقي عائلة المغربي الذي إنتشر لهم الخبر المشؤؤم كالنار في الهشيم !! 

جري عليه طارق مٌحتضنآ إياه بصراااخ يٌدمي القلوب٠٠٠٠راااائف،، قوم يا حبيبي،، قوم يأ أخويا سايبني ورايح فين دأنا ماليش غيرك ،، طب هاحكي لمين أسراري يابير أسراري،،قوم يا شريكي يارفيق عمري متسبنيش لوحدي ،،

كان يبكي ويصرخ كاطفلٍ في المهدِ فقد أباه !! 

ربت عمهٌ عبدالرحمن علي كتفهِ وأسندهٌ وأخرجوهم الأطباء عنوةً عنهم ،،ليستكملوا إجرائات تجهيزهٌ لمثواهِ الأخير !!

في منزل ثٌريا،،كان الصغير يبكي بشده وعلي غير العاده وينطق بإسم أبيه ،،

وكأن قلبه الصغير يشعر بأنه فقد سنده وعزيز قلبه،، كانت ثريا تتمشي به في بهو الفيلا وتهدهده وقلبها يشعر بإنقباض !! 

نظرت لهٌ مليكه بتألم لصراخه وملست فوق رأسه بحنان قائله٠٠٠يا حبيبي مالك بس فيك أيه ؟؟ 

صرخ الصغير من داخل أحضان جدتهُ ٠٠٠باباااااا ،،،أنا عاوز بابا !! 

وجهت ثريا حديثها إلي مليكه٠٠٠٠إدخلي يا مليكه جهزيله أكله يمكن جعان،، وأنا هحاول أكلم رائف فيديو يمكن يهدي شويه لما يشوفه،، يارب بس يٌرد !! 

أطاعتها مليكه ودلفت للمطبخ تجهز وجبة صغيرها ،،كانت ترتدي فستانآ قصيرآ طالقه لشعرها العنان فوق ظهرها بمظهرٍ ساحر ،،مٌتزينة بأجمل صورها ككٌل يوم لإستقبال زوجها الذي أوشك علي ميعاد وصولهٌ اليومي،، 

ولكن قلبها كان مٌحمل بالهموم وشعور سيئ قد إجتاح قلبها لا تعرف مصدره،، لكنها فسرت هذا الشعور السيئ لصراخ الصغير وضِيق قلبها لأجله،، 

تحدثت عَليه بإحترام٠٠٠٠أجهز السفره يا ست مليكه ؟؟

ردت مليكه بتشتٌت٠٠٠٠هو الأكل خٌلص يا داده ؟؟

ردت عَليه بإيماء٠٠٠٠أيوه يا بنتي خٌلص وطفيت النار عليه !! 

تحدثت مليكه٠٠٠٠طب جهزي السفره وحطي السلطات،، وما تخرجيش باقي الأكل غير لما  ييجي رائف بيه علشان ما يبردش ،،ما إنتي عارفه يا داده ،،رائف بيحب الأكل يكون سٌخن  !!

أمائت لها عَليه بطاعه !!! 

  إنتهت من تحضير طعام صغيرها وخرجت للبهو في طريقها لثريا،، وجدت ياسين يقف في وجه ثريا والدموع تملئ عيناه ،،كادت أن تتراجع سريعآ للخلف للإختباء منهٌ،،لعدم إرتدائها الزي الشرعي !!! 

حدثت حالها٠٠٠ولكن كيف لياسين أن يأتي هكذا وبدون إستأذان ؟؟

هو يعلم جيدآ أنني محتشمه في ملابسي وأرتدي حجابا،، لذا أي رجلٌ من العائله يريد المجيئ يهاتف عًليه من خارج البوابه أولآ ؟؟ 

كادت أن تتراجع حتي شاهدت دخول منال وليالي وجيجي من باب الفيلا وهم يذرفون الدموعَ بحرقه وألم،،أخذت جيجي الصغير الذي ذاد نحيبه وصراخه وخرجت به للحديقه !!! 

إستمعت لثريا وهي تصرخ بعلو صوتها٠٠٠٠إنتَ بتقول أيه يا ياسين ،،بتقول أيه ،،رائف لا،، قولي إبني فيه أيه بالظبط ؟؟ 

وقع إناء طعام طفلها من بين يديها وتحول لمائة قطعه مٌتناثره،،،

مما جعل الجميع يحول أنظاره عليها في فزع ،، 

هٌنا جرت إلي ياسين الواقف كتمثال الشمع لا يتحرك منه شيئ سوي الدموع التي تنهمر من عيناه بغزاره،، 

أمسكتهٌ من تلابيب بدلته وصرخت ٠٠٠٠إنت بتعيط ليه يا أبيه،،ورائف فين ماجاش معاك ليه ؟؟

إنتَ ساكت ليه رد علياااااا !!! 

هٌنا لم يتمالك حاله وبكي بحرقه من أعماق داخلهْ،،،أخذها هي وثريا بين أحضانه وتحدث٠٠٠٠رائف راح للي أغلي وأحن عليه مننا كلنا !! 

إنتفضت من بين أحضانه وهي تصرخ وتدفعهٌ عنها بشده وعنف٠٠٠ إسكت يا أبيه ماتقولش كده إسكت،، إنت بتكذب ليه ،،،قولي؟؟ 

وهٌنا أتت يسرا من الداخل مهروله بصراخ لما إستمعت لهٌ 

لم تستطيع ثريا تحمل خبر فقدان صغيرها وعزيز عيناها،، وقعت أرضآ أمسكها ياسين قبل أن تلامس رأسها الأرض ،،

حملها وأدخلها غرفتها 

وسط صراخ وعويل من الجميع حتي أطفال المنزل،،

  وبلحظه تحول المنزل إلي حاله من الذعر والصراخ،،

إتصلت منال بطبيب العائله ليطمئنوا علي ثريا،، 

أما مليكه المٌتصلبه بمكانها فكان الذهول وعدم التصديق لما جري وإنكاره سيد موقفها،، فقد كانت تهز رأسها بنفي وتكتم فمها بيدها بذهول !! 

في نفس التوقيت دلفت من الباب والدتها وهي تتلفت بلهفه تبحث بعيناها عن إبنتها ،،وجدتها تقف وحيده شارده ،،جرت عليها هي وأبيها وشريف،،

أسرعوا إليها جميعآ ليقفوا بجوار إبنتهم في مصيبتها تلك 

إحتضنتها سهير وتحدثت٠٠٠٠مليكه حبيبتي،، البقاء لله يا قلبي،، ربنا يصبرك علي مصيبتك الكبيره يا بنتي !! 

دفعتها مليكه بقوه وهي تصرخ٠٠٠إنتي بتقولي أيه يا ماما،،إنتي كمان هاتتكلمي زيهم،، رائف لايمكن يتخلي عني ولا يسبني،، رائف عارف كويس أوي إن حياتي من بعده مستحيله،،

مستحيله يا بابا ،،كانت تنظر ل أبيها بإنكار وتهز رأسها برفض !! 

أخذها والدها بين أحضانه يحاول تهدأتها ٠٠٠٠إهدي يا مليكه،، إنتي مؤمنه بربنا وقدره يا بنتي إدعيله بالرحمه !!! 

صرخت بكل ما أوتيت من قوه ووضعت يديها علي أذنيها برفض وهي تصرخ ٠٠٠كفااايه حراااام عليكم،، إنتوا ليه بتقولوا كده علي حبيبي،، بتفولوا ليه عليه،، ليه كده يا بابااا لييييه ؟؟ 

خرج ياسين من غرفة ثريا ليستعجل حضور الطبيب حتي يري زوجة عمهِ الغائبه عن الوعي،،

وجدها تصرخ وتتألم بوجع  ،،ذهب إليها بدموعه وأمسك يدها 

وتحدث٠٠٠إهدي يا مليكه ماتعمليش في نفسك كده،،إهدي علشان خاطر أولادك ،،إدعيله،، إدعيله حبيبي ربنا يرحمه ويثبته عند السؤال !!! 

تشبثت بيدهِ سريعآ وكأنها وجدت طوق نجاتها و نظرت داخل عيناه بترجي ٠٠٠٠٠قولي الحقيقه أرجوك ياأبيه،، إنت مابتكدبش أنا عارفه،، إنت شوفته ؟؟

وأكملت بتيهه ورفض للواقع ٠٠٠٠هو بجد ولا ده واحد شبهه ؟؟

طب مش مٌمكن تكون عربيه تشبه عربيته ؟؟

مٌمكن كمان يكون كويس،، أو حتي مٌمكن يكون كان عنده إغماء وفاق في المستشفي بعد ماسبتوه ،،

هٌنا أمسكت يد ياسين وهي تسحبهٌ خلفها بقوه٠٠٠٠٠يلا وديني عنده أنا هاعرف أفوقه،،رائف أول ماهايشوفني صدقني هايقوم وهاييجي معايا علشان أولاده !!! 

أوقفها ياسين وتشبث بيدها متحدثاً بدموع وعيون راجيه٠٠٠٠مليكه !!! 

هٌنا صرخت بقوه ورفض٠٠٠٠ماهو ما تحاولش تقنعني إن رائف مٌمكن يسيبني أنا ومروان وأنس ويمشي بسهوله كده،،ده يبقي أناني أوي،،

وأكملت بحنين وضعف٠٠٠٠ ورائف عمره ماكان أناني !! 

أخذها والدها بحضنه وهو يشدد عليها ويحاول إحتواء هلعها وذهولها وصراخها !! 

وهٌنا لم تعٌد تتحمل وأخرجت صرخه من أعماق قلبها زلزلت بها جميع أركان المنزل !!!! 

كان قلب ياسين يذرف دمآ علي رائف ومليكه وأطفالهما وعمتهِ ويسرا

ونرمين التي حضرت وهي تصرخ غير مستوعبه لما جري والذنب يتأكل قلبها وتتسائل بين حالها،،،هل لها ذنب بما حدث لأخيها ؟؟ 

كان الحزن والصدمه والذهول يسيطر علي الجميع 

مضي الجميع ليله حزينه كئيبه !! 

مرَ الوقت ودَفنا فقيدهم ودٌفنت معهٌ أحلام وأمل وحياة زوجه وأطفالها ،،دٌفنَ معهٌ قلب عاشقه وحبيبه تركها حبيبها وسط ليالي كالحه حزينه،،، 

دٌفنَ ودُفن معهٌ قلب أم مكلومه علي صغيرها الوحيد وسندها في دنياها ،،،صغيرها التي كانت تتأمل ان يواريها إلي مثواها الأخير وإذ بها هي من تودعه وتوصله لنهاية مشواره !!! 

دٌفن ودٌفنَ معهٌ سند يسرا وظهرها التي تتكأ عليهِ هي وصغيريها في الحياه،،

دٌفنَ ودٌفنَ شبابهٌ وأحلام ورديه كانت بإنتظاره ليحققها ☆ 

كانت ليله حزينه،، الحزن خيم علي حي المغربي بأكمله،، فقد واروا للتوِ تحت الثري خير شبابهم وأكثرهم أخلاصآ وأخلاقآ وأدبا 

ولكن ماذا عساهم يفعلون فاتلك إرادة الله ،، سبحانه وتعالي من له الدوام !!!

في المساء،،كانت غافيه فوق تختها تتأوه بألم وتهذي بإسمه بخفوت،، بعد ما حقنها الطبيب بجرعة منوِم وذلك ليسيطروا عليها من شدة صراخها وألمها ،،

مسحت والدتها علي شعرها بحنان وهي تبكي علي ما أصاب صغيرتها ،، 

حقآ هي ليست حزينه فقط علي إبنتها ،،بل حزينه علي رائف فهو كان نعم الزوج الصالح لإبنتها ،،حزينه لأجل شبابه وطفليهِ اللذان أصبحا بلا أب ولا سند،، 

تحدثت سلمي صديقتها بحزن ودموع٠٠٠٠٠٠مليكه تعبانه أوي يا طنط ،،هانعمل أيه لما تأثير المنوم ده يروح !!

أجابتها سٌهير بدموع وأنكسار٠٠٠٠ربنا يتولاها برحمته يا سلمي ويهون عليها !! 

تحدثت سلمي بدموع وشرود ٠٠٠٠أنا بجد مصدومه ومش قادره أصدق ولا أستوعب الخبر،،،،معقوله رائف خلاص مابقاش موجود بينا،،،طب ومليكه إزاي هتقدر تكمل حياتها من غيره ؟؟

ياااااه يا مليكه،،،،ربنا يصبرك ويقويكي علي اللي جاي يا قلبي !!!!! 

                     ◇◇◇◇¤◇◇◇◇ 

في الصباح كانت الفيلا تأجٌ بالنساء اللواتي أتين لتأدية واجب العزاء ،،كانت ثريا تجلس لتلقي العزاء في فقيدها بصبر وإيمان،، وبجانبها إبنتيها وجميع نساء العائله،، والكل يتسائل عن مليكه،،أين هي مليكه ؟؟ 

كانت مٌستلقيه بفراشها كالموتي تتوجع وتنتحب بصمت ناظره لسقف غرفتها  ،، فقد رفضت بشده النزول لأخذ عزاء زوجها فلم تستطع،،،

فاروحها تتألم بشده وكل ما تحتاجه هو الإبتعاد عن البشر والإستلقاء كالموتي،، جسدٍ بلا روح فقد ذهبت روحها معه وتركتها !!

كانت والدتها وسلمي وجيجي يجاوروها ،،ينتحبن بدموع الألم علي الحال التي وصلت إليه تلك العاشقه الموجوعه !!!! 

أما نرمين التي إنتابتها حالة بكاء هيستيريه ورعب،،كان الذنب يتأكلها،،وكلما تذكرت ماتفوهت به لشقيقها تصرخ وتبكي بشده وأنهيار،، 

كانت نساء العائله يشفقن علي تلك الشقيقه الحنون التي كادت تٌجن من فراق شقيقها الغالي ،،

ولا أحد يعلم كم الشر التي صنعتهٌ بأيديها تلك اللعينه لذلك المسكين !!

                     ◇◇◇◇¤◇◇◇◇

مضي إسبوع علي تلك النكبه،، ومازالت أجواء الحزن تٌخيم علي المكان والجميع ،،

مضي إسبوعاً لم تري فيه الشمس ولا الضوء ،، حبيسة غرفتها المٌظلمه ،،تأخذ طفليها داخل أحضانها وتشتم بهما رائحتهٌ ،،ناظره إلي أنس نسخة أبيهِ المٌصغره  ،، 

دلف داخل المنزل وجده خالي من الجميع وكأنهٌ أصبح مكاناً مهجوراً،،

أتت إليه عَليه من المطبخ بوجهِ حزين مرحبةً به ٠٠٠٠أهلا يا ياسين بيه ،،إتفضل يا أبني !! 

نظر لها ياسين بوجهِ يكسوه الهم والشجن٠٠٠٠٠إزيك يا عَليه !!

أجابتهٌ٠٠٠٠بخير يا بيه الحمدلله !!!

نظر لها ياسين بتساؤل٠٠٠٠أومال فين عمتي ومليكه ويسرا والولاد،،الفيلا فاضيه كده ليه ؟؟ 

أجابتهٌ عَليه والحزن يكسو ملامحها والدموع تغيم مِقلتيها٠٠٠٠٠ماهو ده بقا حال البيت من يوم فراق الغالي،،الست ثريا قاعده في أوضتها مابتخرجش ياأما بتصلي يا أما بتقرأ قرأن والدموع ما بتفارقش عنيها من يوم إللي حصل ،،، 

ومدام مليكه حابسه نفسها فوق في جناحها وواخده عيالها في حضنها مابتسبهومش لحظه واحده،، 

والست يسرا كذلك الأمر ياأما جوه عند والدتها بتتحايل عليها تاكل أي حاجه علشان تاخد الدوا،، يا أما في أوضتها بتعيط علي الغالي إللي سابنا وراح ،، 

وهنا نزلت دموع عَليه علي خديها قائله ٠٠٠البيت بقا وحش أوي من غير الغالي يا ياسين بيه !!! 

وضع ياسين يدهٌ علي كَتف عَليه مربتآ عليها بحنان٠٠٠٠٠ربنا يهون علينا كلنا يا عَليه ،،مصيبتنا في رائف كبيره أوي !! 

ثم.نظر لأعلي الدرج وتحدث٠٠٠ هي مليكه مابتنزلش خالص يا عَليه،،أنا مشفتهاش من يوم الدفنه ؟؟ 

أجابتهْ بحٌزن٠٠٠لا مبتنزلش يا باشا،،ده حتي سالم بيه كان هنا إمبارح وطلعت مٌني تديها خبر علشان تنزله رفضت وقالتلها إن رجليها مش شيلاها ومش قادره تتحرك ،،فاسالم بيه طلعلها !!! 

إنزعج بشده من حديثها وتحدث بهلع٠٠٠٠يعني ايه رجليها مش شيلاها؟؟أوعي تكون تعبانه يا عَليه ؟؟ 

أجابتهْ٠٠٠٠يا ياسين بيه دي رافضه الأكل من ساعة إللي حصل،،دي يدوب عايشه علي صباع بقسماط أو كوباية عصير ست سٌهير بتضغط عليها بيها فطبيعي يحصلها ضٌعف ،،إن شاء الله تعدي محنتها علي خير وهتبقي كويسه !!!

تنهد بألم وتحدث٠٠٠٠طب أنا هادخل ل عمتي أطمن عليها !! 

أجابتهْ عَليه بإحترام وهي تمسح دموعها٠٠٠٠٠٠إتفضل يا باشا وأنا هاعمل لحضرتك القهوة وأدخلهالك !!! 

ذهبت عَليه إلي المطبخ لتصنع لياسين قهوتهٌ 

دق ياسين علي باب ثريا للإستئذان منها للدخول ،،وبعد مده قصيره سمع إذنها له،،ففتح الباب ودلفَ للداخل 

وجدها جالسه فوق مقعد بجانب الشرفه المٌطله علي حديقة المنزل وتمسك بيدها كتاب الله العزيز (القرأن الكريم ) وهي تصدق وتقبلهٌ بإحترام وتضعهٌ بجانبها علي الكومود  !!!

نظرت له بحنان وتحدثت بعيون دابله وصوتٍ ضعيف ووجهٍ شاحب كشحوب الموتيَ٠٠٠٠تعالي يا ياسين !! 

ذهب ياسين إليها وجثيَ علي ركبتيهِ تحت قدميها وأمسك يدها وقبلها بإحترام 

وتحدث بحنان٠٠٠٠عامله أيه يا عمتي إنهارده ؟؟ 

تنهدت ثريا بألم وتحدثت٠٠٠الحمدلله علي كل حال يا ياسين !! 

نظر لها ياسين بحزن ٠٠٠حابسه نفسك ليه كده يا حبيبتي،، تعالي نتمشي أنا وإنتي شويه في الجنينه علشان تمشي رجليكي وصحتك ماتتعبش !!! 

أجابتهٌ بدموع أم مكلومه علي صغيرها الغالي٠٠٠٠وأيه أهمية صحتي يا ياسين،،ماراح إللي كنت بخاف علي صحتي علشان مايزعلش عليا،،

ثم تحدثت بدموع ٠٠٠رائف خلاص راح وسابني لوحدي،، سابني زي أبوه ماسابني زمان ،،سابني أنا وولاده ومراته وأخواته من غير سند ولا ضهر ،،

ونظرت لهُ مٌتسائله بذهول٠٠٠هو خلاص كده يا ياسين مش هاشوفه ولا هاسمع كلمة ماما منه تاني ؟؟ 

كانت تتحدث بحرقه ودموع تنزف من قلبها قبل عيناها 

قبل ياسين يديها وتحدث بألم ٠٠٠ ليه بتقولي كده يا عمتي،، طب وأنا روحت فين يا حبيبتي،، أنا راجلكم وسندكم وضهركم،، ربنا يقدرني وأقدر أعوضكم عن غياب رائف،، 

وأكمل ٠٠٠٠أنا عارف ومتأكد إني مش هاقدر أعوضك عن الغالي ولا حتي الدنيا كلها تعوضه،، لكن إسمحيلي أقف جنبكم وأكون سند ليكم يا ماما !! 

نظرت له بحب وهي تستمع له وهو ينطق ماما لأول مره !! 

نظر لها بحب وتساؤل ٠٠٠تسمحيلي أقولك يا ماما ؟؟ 

وأكمل بإبتسامه خافته مداعباً إياها٠٠٠أنا عارف إنك أصغر من إن واحد في سني يقولهالك ،،لكن أنا بقا حابب أقولها !!! 

إبتسمت بخفه من بين دموعها وربتت علي كَتفهِ قائله٠٠٠٠طب ماأنت فعلآ إبني يا ياسين وغالي أوي علي قلبي ،،

طول عمرك كنت نعم الأخ والسند ل رائف،، ربنا يبارك فيك وفي أولادك يا حبيبي !!

وقف منتصب الظهر ،،وأمسك بيدها وأوقفها قائلآ ٠٠٠٠طب لو أنا فعلاً غالي عندك زي مابتقولي كده تعالي أخرجي معايا نتمشي في الجنينه ،،وأنا هاخلي عَليه تنده لأولاد رائف يقعدوا معاكي،،

إقعدي يا أمي ونوري بيتك من تاني ،،البيت بقا وحش ومضلم أوي ،،

وأكمل بإقناعها٠٠٠٠٠طب لو مش علشانكم يبقي علشان خاطر ولاد رائف،،

مروان وأنس بقوا محبوسين طول الوقت ووشهم بقا أصفر وحزنكم واصلهم وطفيهم،،

حرام كده يا ماما ،،

وأكمل بحب٠٠٠٠٠حضرتك ست مؤمنه وموحده بالله وراضيه بقضائه،،إحتسبيه عند ربنا وأدعيله وأطلبي من ربنا الصبر !!! 

أجابته وهي تهز رأسها بإيماء والدموع تنهمر من عينيها بغزاره ٠٠٠ونعم بالله يا حبيبي،،ونعم بالله  !!!

خرجا معآ وأحضر ياسين أولاد رائف ويسرا وجلس في الحديقه وطلب لهم وجبات طعام جاهزه (دليفري) المفضل لدي الأطفال،، ليدخل علي قلوبهم السعاده ولو قليلآ  !!! 

                   ◇◇◇◇¤◇◇◇◇◇

في اليوم التالي،،

دلف عز إلي منزله وجد منال زوجته،،وليالي تجلستان سوياً وتضحكان وتشاهدتان فيلماً كوميدياً،،،شعر عز بغصه في قلبه وحزن علي مشاهدتهِ لزوجتهِ وزوجة إبنه الغير مبالين بما تعيشهٌ العائله بأكملها من حزن علي فقيدهم الغالي،، 

خطي نحوهم بغضب وأمسك بجهاز التحكم وأغلقه وألقاهٌ فوق المنضده بعنف !! 

نظرت له منال وتحدثت بضيق٠٠٠٠أيه يا عز البواخه دي،،إزاي تقفل التي في كده وإحنا بنتفرج ؟؟ 

نظر لها عز بغضب قائلاً ٠٠٠٠أنا أسف علي بواختي يا هانم،،لكن إللي أفظع من البواخه هي قلة التقدير وعدم الإحساس بالغير،، 

وأكمل معنفاً لهما ٠٠٠٠أظن عيب أوي يا منال هانم لما يبقي إبن أخويا متوفي من كام إسبوع وإسكندريه كلها لسه في حداد عليه وعلي شبابه ،،

وإنتي قاعده إنتي وبنت أخوكي تتفرجي علي أفلام كوميدي وضحككم جايب لأخر الجنينه،،

طب إحترموا حزني علي إبن أخويا إللي كان بمثابة إبني ،،بلاش دي،،،،،علي الأقل إحترموا شكلكم قدام عمال البيت !!! 

تحدثت ليالي بإحراج ٠٠٠٠٠والله يا عمو أحنا لسه جايين من عند طنط ثريا ،،إطمنا عليها هي ويسرا ومليكه وجينا ،،ومن كتر الزهق والكأبه وإننا بقالنا فتره مش بنخرج ،،قولنا نشغل حاجه كوميدي نفك بيها الزهق والحزن شويه !!! 

أجابها عز بضيق وحده٠٠٠٠٠ أهو ده كمان إللي ناقص يا ليالي هانم إنكم تخرجوا وتتفسحوا ،،،

وأكمل ساخراً٠٠٠٠أقولك،، إبقوا روحوا ديسكو بالمره وأرقصوا !!! 

وقفت منال من جلستها بعنف وتحدثت بحده٠٠٠٠٠هو فيه أيه بالظبط  يا عز ،،إنتَ بتدور علي أي مشاكل والسلام،،ما البنت قالتلك كنا لسه عندهم،،ولا هو المطلوب مننا إننا نفضل قاعدين هناك في وسط الغم والحزن ده ونندب معاهم بالمره !! 

نظر لهما عز وتحدث بحزن ويأس٠٠٠٠لاء طبعآ يا مدام مش مطلوب منكم كده،،لكن علي الأقل تقدروا حزني أنا وولادي علي إبن أخويا 

وأكمل متسائلاً بتهكم٠٠٠٠أه،،، وبمناسبة ولادك يا منال هانم،،تقدري تقوليلي إنتي فين في حياتهم اليومين دول،،

مش المفروض إنك تكوني دايمآ جنبهم ومسنداهم،،إنتي ناسيه إن اللي مات ده كان أخوهم ولا أيه ؟؟ 

تفوهت سريعآ بغضب٠٠٠٠بعد الشر،،أيه أخوهم دي،، ماتنقي ألفاظك يا سيادة اللوا،،إنتَ بتفول علي إبني في غربته ؟؟ 

أجابها عز بتهكم٠٠٠٠إبنك،،،،إبنك إللي ماكلفش خاطره يحجز وينزل يحضر جنازة إبن عمه ويعزيني ويعزي مرات عمه وبنات عمه ،،

دي أخته شرين طلعت أرجل منه،،حجزت في نفس اليوم وسابت ولادها وجوزها ،،ونزلت علشان تقف معانا وتواسينا ؟؟ 

تحدثت منال بتبرير٠٠٠٠يعني كان هايسيب دراسته ويهملها وينزل يا عز ،،وبعدين ما هو ياحبيبي إتصل فيديو كول وكلمهم كلهم ،،ماعدا مليكه علشان كانت حابسه نفسها ورافضه تتكلم مع حد !!! 

حدثها عز بنبرة ساخره ٠٠٠٠لا والله كتر خيره وخيرك،،لا طبعآ مايصحش يهمل دراسته إللي بياخد فيها السنه في سنتين ،، 

وأكمل معنفاً إياها٠٠٠فضلتي تدلعي فيه لحد ما فسدتيه،، ربنا يستر وما يجلناش بكره بمصيبه ،،الحمدلله إني كنت بشرف علي تربية ياسين وطارق وطلعتهم رجاله !!! 

وتركهما بغضب وصعدَ للأعلي ليأخذ حمامه التي أشرفت علي تجهيزهٌ إحدي العاملات ،، 

أشاحت منال بيدها بغضب بعد صعوده وتحدثت بضيق٠٠٠٠أيه الأرف ده ،،راجل نكدي،،ما ينفعش يشوفني مبسوطه غير لما ينكد عليا !!! 

تحدثت ليالي وهي تضحك بكبرياء٠٠٠٠بصراحه يا عمتو،،عمو عز أوفر أوي،،مش بس هو،، لاء،، دي عيلة المغربي كلها أوفر أوي ،،دي مامي مش مصدقه إننا لسه مش بنخرج ونسهر لحد دالوقتي ،،بتقولي دول ناس بلدي ودقة قديمه أوي !!!

أجابتها منال بحنق٠٠٠٠هانعمل أيه بس يا لي لي ،،هما أه دقة قديمه ومتمسكين بالعادات والتقاليد،،لكن ماتنسيش إنهم من أكبر وأعرق وأغني عائلات إسكندريه،،وشرف لأي حد يدخل وسطهم ،،علشان كده أصريت إني أجوزك ياسين  وتنضمي معايا لعيلة المغربي !! 

ضحكا معآ وأشعلت التي في من جديد وكأن شيئآ لم يكن !!! 

تٌري ما الذي تحملهٌ الأيام القادمة ل مليكه وطفليها ؟؟ 

☆قلوب حائره☆ 

       إنتهي البارت 

                         روز آمين

🔹️بسم الله الرحمن الرحيم 🔹️

لا إله إلا أنت سبحانك إني كنت من الظالمين 

رواية ☆قلوب حائره☆

بقلمي روز آمين 

                     💙  🦋 البارت الخامس🦋 💙💙

بعد مرور ثلاثة أسابيع علي تلك النكبه التي أصابت عائلة المغربي !! 

كانت ثريا تجلس في بهو المنزل تٌجاورٌها إبنتيها وأطفالهم وأطفال رائف،،

حيث كانت أول زياره ل نرمين بعد أنتهاء العزاء،،فهي حقآ تشعر بالذنب والخذلان من حالها ففضلت الإبتعاد ،،

لكنها أتت لزيارة والدتها المريضه الحزينه علي فراق فلذة كبدِها وأيضآ لرؤية صغار أخاها اللذان أصبحا يتيمين وبفضلها !!!!

دلف ياسين وطارق معاً من باب الفيلا بعد الإستئذان،،

وجدا نرمين تحتضن مروان ويبدو علي وجهها التأثر والألم،، 

أمال عليها ياسين وقبلَ جبهتها بحب قائلاً٠٠٠٠إزيك يا نرمين،، عامله أيه ياحبيبتي  !! 

أجابتهٌ نرمين بتأثر وحزن نابع من داخلٌها٠٠٠الحمدلله يا أبيه أنا كويسه !! 

نظر لها طارق وسألها بفضول٠٠٠٠إلا قوليلي يا نرمين ،،إنتي كنتي عند رائف في المكتب يوم الحادثه بتعملي أيه ؟؟ 

إلتفتت إليه برعب ظهر بعيناها ثم أجابتهٌ بتلعثم٠٠٠٠و،،وووو  ولا حاجه،،كنت رايحه أطمن عليه،، كان واحشني وروحت أزوره ،،عادي يعني !! 

نظرت لها يسرا بإستغراب وتحدثت ٠٠٠٠ماقولتليش يعني إنك روحتي ل رائف مكتبه يوم الحادثه ؟؟ 

ردت عليها نرمين بتلعثم وهي تحجب عيناها عن عيون شقيقتها ٠٠٠٠ماجتش مناسبه يا يسرا ،،وبعدين هو أحنا كنا في أيه ولا ف أيه ؟؟ 

تسائلت ثٌريا بتأثر وألم وشغف لمعرفة تفاصيل حالة إبنها قبل الرحيل ٠٠٠٠يعني إنتي شوفتي أخوكي قبل الحادثه يا بنتي،، طب قالك أيه ؟؟

وإتكلمتوا ف أيه  ،،كان خايف ولا مطمن ؟؟،،، طب ماقلكيش علي أي حاجه مضيقاه ؟؟ 

كانت نرمين تبكي بحرقه علي رؤية والدتها وهي تتسائل بلهفه ،،،حينها تذكرت كيف كانت حالة رائف وغضبهٌ من حديثها الذي نزلَ كالرصاص الطاعن علي قلبه البرئ ،، 

أجابتها نرمين ببكاء مرير والذنب يتأكل قلبها ٠٠٠٠ماقالش حاجه يا ماما ،،كان عادي جدآ

وأكملت بكذب٠٠٠٠ بالعكس كان مبسوط ومرتاح جداً بسبب زيارتي ليه !! 

تحدث طارق موجهاً حديثهُ لها بشك٠٠٠٠غريبه،، مع إن سَحر سكرتيره رائف الله يرحمه قالتلي إنها سمعت صوتكم عالي قبل ماتخرجي من عنده ،، وبعد ماخرجتي قالتلي إن رائف خرج بسرعه وهو متضايق ومتنرفز وقالها تلغي الميعاد إللي كان عنده ؟؟ 

نظرت يسرا لشقيقتها بريبه من حالتها التي تحولت وبدَ علي وجهها الهلع والقلق !!! 

نظرت لهٌ ثريا بحزن وتحدثت بدموع وألم٠٠٠٠كان متضايق إزاي يعني يا طارق ؟؟ 

نظر ياسين إلي طارق وتحدث بحزم وهو يري إنهيار زوجة عمه ونرمين ويسرا وبكائهم الهيستيري لذكر تفاصيل يوم الحادث 

تحدثَ ياسين بحده وحزم٠٠٠٠٠خلاص يا طارق،، لازمته أيه الكلام في الموضوع ده دالوقتي ؟؟ 

ثم تحدث بجديه مغيراً الموضوع٠٠٠٠هي مليكه فين ياماما ؟؟ 

تحدثت ثريا وهي تجفف دموع عيناها٠٠٠مليكه حابسه نفسها في أوضتها يا ياسين،، من يوم إللي حصل وهي مانزلتش تحت أبداً، ،

حتي شريف أخوها جه إمبارح وطلعلها وفضل يتحايل عليها تنزل تخرج معاه شويه تشم هوا أو حتي تنزل تقعد معاه شويه في الجنينه،،

لكن للأسف،، حتي شريف إللي بتحبه وعمرها ما رفضتله طلب،، فشل في إنه يخرجها من حالتها دي ،،ربنا يصبرها ويصبرني علي فراق الغالي يا أبني  !!!

شعر بألم يجتاح قلبه لأجلها وتحدث بتعقل ٠٠٠٠بس كده مش هينفع يا ماما،،مليكه لازم تنزل وتحاول تكمل حياتها علي الأقل علشان ولادها يقدروا يتجاوزا الحاله إللي وصلولها من يوم ما سمعوا الصراخ في اليوم أياه،،

وأكمل بضيق٠٠٠٠كمان أنس إللي وخداه في حضنها ليل ونهار مبتسبهوش لحد ما جابتله إكتئاب،،

ده الولد يا حبيبي طول الوقت ساكت ولا بقا بيضحك زي الأول ولابياكل ولا عاوز حتي يلعب !!! 

تحدثت ثريا بحزن٠٠٠الولد يا حبيبي زي إللي قلبه حاسس ،،مع إن كل ما يسأل عليه بنقوله إنه سافر وهيرجع قريب !!! 

                      ◇◇◇◇¤◇◇◇◇ 

في المساء !! 

خرج لشرفة غرفته يشتم هواء البحر ويٌدخله إلي رأتيه ليٌنعش روحهْ بعد عناء يوم مٌتعب في العمل ،، 

طار قلبهٌ وسعدَ حين رأها جالسه في شرفتها تنظر أمامها بشرود ،،حاضنه صغيرها الغافي بسلام بين أحضانها ،،

إبتسم تلقائياً من رؤية عيناه لها برغم إبتعادها عنه بضع مترات وبرغم الظٌلمه التي حجبت عنهٌ وضوح ملامحها ،، 

إلا أن قلبهٌ كان يُكفيهِ رؤية حتي ظِلٌها ♡ 

تحمحم بصوتٍ عالي عَلها تستمع وتلتفت له ليري عيناها 

ولكن لا حياة لمن تنادي،،

هي سارحه في ملكوتها الخاص،، تتذكر حبيبها الذي رحل عنها وتركها غارقه بأحزانها ولم يتبقي منهٌ سوي ذكرياته التي أصبحت لا تفارقها ليلاً ولا نهاراً  !!!! 

كانت شارده تنظر للبحر الذي بالكاد تستمع إلي صوته لبٌعد المسافه بينهما إلي حدٍ ما ،،

فٌزِعت بهلع وهي تنظر إلي اليد التي تتلمس كتفها 

تنهدت براحه حين وجدتها يسرا التي إستغربت من هلعها هذا 

وتحدثت بتهدئه ٠٠٠٠٠بسم الله إهدي يا حبيبتي،، دي أنا  !!! 

تنهدت وهي تٌغلق عيناها متحدثه٠٠٠٠خضتيني يا يٌسرا !!! 

أجابتها ٠٠٠٠معلش يا مليكه أكيد مكٌنتش أقصد ،، أنا بخبط عليكي من بدري ولما ماردتيش قولت أكيد في الحمام ولا في البلكونة،، وحتي لما دخلت ندهت عليكي لكن يظهر إنك كٌنتي سرحانه لدرجة إنك مسمعتيش حتي صوتي !!!! 

تنهدت وأجابتها بضعف٠٠٠ولا يهمك يا يسرا ،،أقعدي واقفه ليه !! 

أجابتها يٌسرا ٠٠٠٠مش وقته يا روحي الوقت متأخر وإنتي أكيد تعبانه ومحتاجه ترتاحي،،أنا بس كٌنت جايه أستأذنك لو ينفع تديني أنس يبات مع ماما علشان نفسيتها وحشه جداً إنهاردة ،،

وأكملت بأسي ٠٠٠٠يمكن وجوده معاها يهون عليها حٌزنها شويه !! 

نظرت مليكه لصغيرها الغافي فوق ذراعيها وقبلت وجنته ودفنت أنفها بعٌنقه وأخذت نفساً عميقاً لتٌدخل رائحتهٌ الذكيه وتحتفظ بها داخل رئتيها لأطولِ وقتٍ ♡ 

ثم نظرت إلي يُسرا وتحدثت بخفوت٠٠٠سمي الله وخديه يا يٌسرا  !! 

أجابتها يٌسرا ببسمه خفيفه ٠٠٠مٌتشكره أوي يا مليكه،،تحبي أخلي مٌني تجبلك مروان يبات معاكي  ؟؟

هزت رأسها بنفي وتحدثت بهدوء٠٠٠٠ملوش لزوم خليه مرتاح في أوضته أحسن وكفايه عليه تشتت لحد كده ،،من يوم إللي حصل وهو يا حبيبي متبهدل معانا شويه معايا هنا وشويه عند ماما تحت وكده ممكن الولد يتأثر نفسياً !!!

إلتقطت يٌسرا الصغير وحملته فوق صدرها وتحركت خلفها مليكه للداخل تحت أنظار ذلك الناظر عليها،، تنهد بيأس وعاود النظر من جديد للبحر وأستنشاق هوائه  !!! 

                   ◇◇◇◇¤◇◇◇◇◇

بعد مرور خمسة أشهٌر علي وفاة رائف !!! 

كان جالساً علي مكتبهِ سانداً ظهرهٌ بأريحيه راسماً علي صَغريهِ إبتسامه جذابه مٌمسكاً بقلمه يدق بهِ علي مكتبهِ بتسلي،،وهو يتذكرها يوم حادث رائف،، 

نعم كان يوماً حزيناً ومريراً بالنسبةِ لهٌ،،ولكن بقيَ لهٌ ذِكري تٌسعدهٌ من تلك اليوم،،

فهو ولأول مره يراها بثيابها المٌتحرره من القيود ،،وشعرها المنسدل كاشلالاتِ علي ظهرها مما زادَ سِحرٌها ودلالها،،،

وثناياتِ جسدِها المٌثير الذي طالما تخيلهٌ من قبل،، 

فكم من المرات قد سرحَ بخيالهِ يتخيل شعرها ويتسائل !!

كيف هو لونه ؟؟

وكم هو طوله ؟؟

وكيف ملمسهٌ ؟؟

كان يسرح دون وعيِ منهٌ وكأنهٌ مسلوب الإرادة ،، ولا يدري لما كان يفعل هذا ؟؟ 

ولكن سرعان ماكان ينفض تلك الأفكار المتداخله علي رأسه بعيدآ ،،ويَلُمْ حاله بغضب،،فهي زوجة أخاهٌ الغالي رائف،، فكيف يسمح لخياله بتلك الشطحات ؟؟ 

لكنها الآن لم تعد زوجة رائف،، ولم يوجد ما يمنع التفكير بها من وجهة نظره،،ولم يعد أيضآ التفكير بها خيانه كما كان يؤنبهٌ ضميرهٌ بتلك الكلمات !!! 

إبتسمَ وتنهدَ براحه،،،ثم إستمع لطرقات علي الباب،، 

إعتدلَ بجلستهِ وسمح للطارق بالدخول،،دلف الطارق وكان أحد رجالهْ في جهاز المخابرات يٌدعي الرائد مٌحمد،،ألقي عليه السلام وجلس أمامه !! 

تحدثَ الرائد محمد بإحترام٠٠٠٠ سيادة اللوا أحمد العسال طلب مني أجي علشان أساعد حضرتك في قضية العيال بتوع شقة المعموره يا أفندم  !! 

ردَ ياسين بجديه وحزم٠٠٠٠عارف ياسيادة الرائد  ،،سيادة اللوا كلمني وبلغني ،،المهم يا محمد بيه العيال دي مش لازم تحس إنها متراقبه ولا يشعروا بأي حاجه غريبه حواليهم ،،

يعني من الأخر كده عايزك تختار إللي هايرقبوهم من أكفئ رجالتنا وأمهرهم ،،

العيال دول أذكيه جدآ ودماغهم شغاله مابتهداش !! 

تحدثَ مٌحمد بطاعه ٠٠٠٠ أمر سعادتك يا باشا !!! 

وأكمل ياسين بتوجيه٠٠٠٠تاني حاجه لازم خطوط تليفونات المنطقه كلها تبقي تحت إدينا ومتراقبه 24 ساعه بمنتهي الدقه علشان نعرف لو فيه حد تاني متعاون معاهم،، وكل ده طبعآ هايكون في سريه تامه،، لحد مانعرف مين إللي بيمولهم ولصالح أي دوله بيشتغلوا،، 

وأكمل بتحذير ٠٠٠٠بس خلي بالك يا باشا،،العيال دي في منتهي الذكاء وواخدين إحتيطاتهم وتدابيرهم كويس جدآ ،،ده لولا بس ربنا بيحبنا والصدفه هي إللي وقعتهم في أدينا ماكٌناش كشفناهم،، 

تحدثَ الرائد محمد بإحترام ٠٠٠تمام يا باشا تحت أمر معاليك ،،أنا هاشوف هاكر كويس من إللي شغالين معانا في الجهاز يخترقلنا كل مايخصهم في مجال الاتصالات،،سواء خطوط تليفوناتهم  أو الواتس،، أو أي وسائل إتصالات تانيه !! 

هز رأسهٌ ياسين بإيماء وتحدث ٠٠٠٠تمام،،،وكمان عاوزك توسعلي المجموعه إللي هتشتغل في مراقبتهم علشان ما نضغطش عليهم في الشغل ويعرفوا يركذوا كويس ،،وإبقي بلغني بكل الخطوات أول بأول !!!! 

وقف الرائد محمد وتحدث بإحترام ٠٠٠٠٠عٌلم وينفذ يا باشا،، أي أوامر تانيه سيادتك ؟؟ 

أجابهٌ ياسين بجديه ٠٠٠٠٠شكراً يا سيادة الرائد ،،تقدر تتفضل علي مكتبك !! 

أنهي ياسين إجتماعه مع الرائد مٌحمد وبعد مده عاد لمنزلهِ بعد أنتهاء دوام عمله !!! 

                         ◇◇◇◇¤◇◇◇◇◇

كانت جالسه بحديقة المنزل،، تنظر أمامها بتيهه وشرود،، فقد أصبح هذا حالٌها منذ وفاة رائف قبل خَمسةِ أشهٌر ،،

أخرجها رنين هاتفها من شرودها،،أمسكت هاتفها تنظر به بإهمال وجدته رقم إدارة مدرسة طفلٌها مروان ،، 

أجابت علي الفور،، أبلغتها المٌتصله أن إدارة المدرسه تبلغها بأنَ عليها التوجه غدآ للمدرسه للتحدث مع المتخصصه بخصوص أمر يهمٌ مروان ،، 

أبلغت المٌتصله بالحضور غدآ وأغلقت الهاتف وزفرت بضيق وتذكرت أن رائف لم يكن يسمح لها بالذهاب لمدرسة مروان وكان يقوم هو بتلك المهام لكي لايٌرهِقها فقد كان يعاملها رائف وكأنها ملكه مٌتوجه !!! 

في نفس التوقيت صف ياسين سيارتهٌ بجانب سور فيلا رائف بدلآ من أن يدلف بها لداخل جراج العائله،،فقد أرادَ أن يدلف للداخل علهٌ يراها ويطفئ لهيب قلبه المشتعل  لعدم رؤيتهِ لها منذ اليومين الماضيين لإنشغاله في جهاز المخابرات بقضيه مهمه ،،حيث كان يصِل بوقت مُتأخر من الليل ،، 

ألقي السلام علي رجل الأمن المكلف بحماية المنزل ،،

ودلف للداخل إنتفض قلبهْ فَرحآ حينَ رأها وهي تجلس أمامهٌ بوجهها البريئ ،، 

كم كانت جميله وجذابه رغم حزنها الواضح الذي أصبح ملازماً لملامحها،، كان ينظر لها وسط شرودها كي يٌشبع نظره بتلك الملامح التي باتَ يعشقها ♡

كان يود أن يذهب إليها ويٌمسك بيدها ويحاوط وجنتيها بعنايه ،، 

ينظر داخل عيناها ويتوهٌ داخل سحرهما،،ثم يٌخبئٌها داخل أحضانه الدافئه كي يٌرضي حنينه وقلبه المشتاقان لها بجنون ♡

وأخيراً حمحم كي تشعٌر بوجوده وتنظر بعيناها ليري مِقلتيها ويذوبٌ بداخلهما ،،

نظرت له ب فتور وبدت منها نصف إبتسامه حزينه 

وتحدثت بهدوء ٠٠٠٠أهلآ يا أبيه،،إتفضل !! 

إبتسمَ لها بحنان وجلس مقابلآ لها وتحدث بعيون لامعه بنظرات العشق٠٠٠٠إزيك يا مليكه ،،عامله أيه ؟؟ 

أجابته بتنهيدة ألم٠٠٠٠الحمدلله يا أبيه !! 

نظر لها بأسي علي حالتها تلك وتحدث٠٠٠٠وبعدين معاكي يا مليكه،،لازم تٌخرجي من الحاله إللي إنتي حابسه نفسك فيها دي ،،لو مش علشانك يبقي علي الأقل علشان خاطر أنس ومروان ،،

ثم أخرج تنهيدة ألم وحزن قائلآ ٠٠٠٠كفايه عليهم خسارة أبوهم وحرمانهم منه،،مش هاتحرميهم منك إنتي كمان وإنتي لسه علي وش الدنيا ؟؟ 

تنهدت وتحدثت بألم٠٠٠٠غصب عني صدقني،،مش قادره أتقبل ولا أتخيل إن خلاص رائف مابقاش موجود في حياتي ،،أنا كل يوم بقوم من النوم زي المجنونه أدور عليه جنبي،، ولما ماألاقيهوش أجري أفتح باب الحمام علي أمل إني ألاقيه ويطلع كل إللي عيشته الفتره إللي فاتت دي مش أكتر من كابوس وإنتهي،،

وأكملت بعيون مٌتمنيه ٠٠٠٠وأرجع أعيش حياتي تاني معاه وأترمي في حٌضنه أنا وولاده ،،

ومن جديد نحس بالأمان إللي راح وسابني من يوم فراقه !!!

كان يستمع لها وقلبه ينزف دماً ،، تاره عليها وعلي ألمها الواضح،، وتاره علي رائف فقيدهم الغالي ،،وتارةِ أٌخري علي قلبهِ المٌحطم وهو يستمع لحبيبتهِ وهي تتألم من فقدان رجٌل أخر ،،

نعم يعلم أنه رائف،، ويعلم أنهٌ حبيبٌها الأول وربما يكون الأبدي،، 

ولكن،، ماذا عساهٌ فاعلاً لذلكَ القلب العاشق الذي فكَ وثاقهِ وأنطلق بأريحيه منذ وفاة رائف ! 

وكأن قلبهٌ إستشعر أن من كان وجودهٌ يحجمهٌ ويكبح رماحه قد فارق الحياه ورحلْ،، 

ليٌعطي فرصةً أخري لقلبٍ كٌبحَ رِماحهْ وضٌغطَ عليهِ كي يهدأ ولا ينبض بحبها مجددآ،، 

ولكنه الآن نهض ونبض بعشقها من جديد وبحراره ،،ولن يمنعهٌ عن عشقها إلا توقفهٌ وعدم نبضهِ للحياه بأكملها ♡ 

تحدث ياسين ب جديه وعقلانيه ٠٠٠بصي يا مليكه،،إنتي واحده بتصلي وعندك إيمان ب ربنا سبحانهٌ وتعالي ،،

إللي بتعمليه ده إسمه إعتراض على أمر ربنا ونكران للواقع ،،حاولي تتخطي إللي حصل وتحتوي أولادك وتعيشي حياتك من تاني ،،

لازم تستمري في حياتك ،،الحياه مابتوقفش علي حد،، 

وأكمل بأسي٠٠٠٠ عارف إنك كنتي بتحبي رائف جدآ،، وعارف كمان إنه صعب يتنسي،، لكن مش لدرجة إنك تدفني حياتك وشبابك معاه ؟؟ 

نظرت له مليكه بإستغراب لكلامه،، فأخر شخص كانت تتوقع منه سماع تلك الكلمات هو ياسين،،فهي تعلم كم كانا قريبين من بعضهما وكم كان ياسين يحترمهٌ ويحبهٌ كثيرا كأخٍ لهْ بل وأكثر ،

حتي بعد رحيل رائف كان ياسين أكثر من تأثر برحيله ودخل بنوبة إكتئاب لفتره معينه،، ثم عاود مرةَ أخري لطبيعته،، ولكنها فسرت كلماته كاخوفِ عليها ودعمِ منهٌ كأخ،، لتخطيها أزمة فقدان حبيبها الغالي لا أكثر !!!

في تلك اللحظه أتت إليهم ثريا وهي تحمل صغير رائف علي قلبها وتتمسك بيد مروان،، فهي ومنذٌ وفاة عزيزها أصبحت لا تفارق الصغيرين ولو لحظه،، 

نهض سريعآ ومد يدهٌ بإحترام وألتقط الصغير من فوقَ ذراع زوجةِ عمه ،،منهٌ ليريحها،،ومنه لتقبيل الصغير فهو حقآ يشتاقهٌ بشده لعدم رؤيتهِ ليومان متتاليان،، 

بادلهٌ الصغير قبلاته بمحبه ♡ 

نظرت له ثريا وتحدثت بإبتسامة ترحاب علي صَغرِها٠٠٠٠إزيك يا ياسين ،،ليا يومين ماشوفتكش حاسه إنهم شهر مٍش مجرد يومين !!! 

أجابها ياسين بإبتسامه٠٠٠٠والله وأنا كمان يا ماما حاسس إني بقالي كتير ماشفتكوش،، وبجد وحشتوني أوي كلكم !!! 

وهنا وجهَ نظره بإتجاه مليكه  !! 

أجابتهٌ ثريا ٠٠٠٠وإنت كمان يا أبني وحشتني !! 

تحدث ياسين وهو ينظر إلي مروان بحب ٠٠٠٠مروان باشا،،عامل أيه في مدرستك ،،أنا عاوزك تتشطر وتطلع السنادي الأول علي المدرسه كلها !!! 

أجابهٌ مروان ببرائه وأحترام ٠٠٠حاضر يا أٌنكل !! 

تحدثت مليكه بوجهٍ حزين موجهتآ حديثها إلي ثريا٠٠٠٠إدارة المدرسه بتاعة مروان إتصلوا بيا من شويه و طلبوا مني أروحلهم بكره،، المختصه قالتلي إن المديره عاوزاني في أمر يخص مروان ومهم جدآ الحضور،،

تنهدت مليكه بأسي وأكملت ٠٠٠الله يرحمك يا رائف،، كٌنت شايل عني كتير   !!! 

تحدثت ثريا ب تأثر علي ذكر إسم فقيدها٠٠٠٠الله يرحمك ياغالي،،ماقالتلكيش عايزاكي بخصوص أيه يا حبيبتي ؟؟ 

أجابتها مليكه بنفي ٠٠٠لا يا ماما ،،ماقالتش حضرتك !! 

تحدث ياسين ب عمليه٠٠٠٠ماتقلقيش كده يا ماما،، أكيد هايعملوا توسعات في المدرسه وعايزين يلموا تبرعات،،ماأنتي عارفه المدارس دي مبتشبعش !!! 

ثم وجه بصرهِ إلي مليكه وتحدث٠٠٠٠خليكي إنتي يا مليكه،، أنا هاروح بكره وأتكلم مع المديره وأشوفها عاوزه أيه !! 

تحدثت مليكه بهدوء ٠٠٠لا يا أبيه مٌتشكره جدآ مٌش عاوزه أتعب حضرتك،،وبعدين أنا لازم أروح بنفسي علشان أطمن علي إبني !!! 

تحدثت ثريا ٠٠٠٠٠خلاص يا بنتي روحي مع ياسين ماهو مش هاينفع كمان تروحي لوحدك !! 

تهللت أساريره لسماع كلمات عمتهِ وأنه سيحظي بمٌجالستها بسيارته جنباً إلي جنبْ !!! 

هزت رأسها بموافقه وتحدثت ثريا ناظره إليهْ٠٠٠٠شكلك لسه ماأتغديتش زينا يا ياسين ؟؟ 

هز رأسه بنفي قائلآ ٠٠٠أنا لسه راجع من شغلي حالآ يا ماما وقولت أجي أشوفكم الأول لتكونوا محتاجين حاجه !!! 

ثريا ٠٠٠٠ماأتحرمش منك يا حبيبي،،بص بقا،،أنا عامله نجرسكو وكشك ألمظ وبط محشي ولحمه بصوص الدمجلاس هتاكل صوابعك وراهم ،،

وأكملت بتنهد٠٠٠٠٠مروان وساره بنت يسرا طالبينهم مني بقالهم إسبوع،، وأخيرآ إنهارده إتشجعت ودخلت المطبخ إللي ليا شهور ما دخلتهوش وعملتلهم إللي طلبوه ،،هاتتغدي معانا أكيد !! 

نظر لها بسعاده وتحدث٠٠٠طب هو ينفع بعد الأصناف إللي حضرتك قولتي عليها دي أسيبها كده بالساهل وأروح أتغدي شوربة خضار ولحمه مسلوقه عند منال هانم ؟؟ 

وضحك وأردف قائلا ٠٠٠أمي محسساني هي وليالي إنهم داخلين مسابقة ملكات الجمال والرشاقه ،،ومش ملاحظين إننا خلاص جبنا أخرنا من أكل العيانين بتاع كل يوم ده !!

أردفت ثريا بحب٠٠٠٠تعالي يا حبيبي كل يوم إتغدي معانا وأهو حتي تفتح نفسنا علي الأكل إحنا والولاد !!

أتت يسرا إليهم ونظرت إلي ياسين بإبتسامه أخويه٠٠٠٠إزيك يا ياسين !!

أجابها ياسين بإبتسامه مقابله٠٠٠٠٠إزيك إنتي يايسرا،،عامله ايه وساره وياسر أخبارهم أيه ؟؟ 

أجابته يسرا بوجهِ بشوش ٠٠٠الحمدلله كلنا بخير !!!

ثم نظرت إلي ثريا ٠٠٠٠السفره جاهزه يا ماما،،يلا بينا !!

نهضوا جميعآ متوجهين إلي الداخل وألتفوا حول مائده الطعام ليتناولوا غدائهم وسط سعادة ياسين لجلوسهٌ أمام مليكتهٌ وهو يراها أمامهٌ بوجهها البرئ وملامحها التي باتَ يعشقها  !!! 

رفعَ ياسين صَحنهْ مٌشيراً إلي مليكه بإبتسامه سعيده مٌتحدثاً٠٠٠مٌمكن يا مليكه تحٌطيلي قطعة لحمه وتكتري الصوص  ؟؟ 

إنتبهت له وأجابتهٌ بإبتسامة مجامله ٠٠٠٠أكيد طبعاً يا أبيه،، 

وضعت له ثم نظرت لهٌ بإهتمام وأردفت بتساؤل٠٠٠تحب أحط لحضرتك بط ؟؟

إبتسم بعشق وأردف ٠٠٠٠والله أنا سايبلك نفسي إعملي فيا إللي إنتي عاوزاه !!

هزت رأسها بجديه وبدأت بغرف الطعام لهْ تحت سعادته ونظرات لعيون مٌحبه وقلبٍ أدماهٌ الغرام ♡ 

                        ◇◇◇◇¤◇◇◇◇

في صباح اليوم التالي  !! 

فاق ياسين مبكراً بنشاط وحيويه،، أخذ حماماً دافئاً ليٌجدد نشاطهِ ويٌنعش روحهْ،، 

إرتدي أجمل ثيابه و وضع عِطرهٌ المٌفضل لديه،، وأرتدي نظارتهٌ الشمسيه مِما زادَ من وسامتهِ وأصبح أيقونة رِجولهْ مٌتحركه علي الأرض !!!! 

كل هذا يحدث في غرفة تغيير الملابس الموصوله بغرفة نومه وتلك الغافيه بجواره ولا تشعر بهْ ولا بما وصلَ إليهِ زوجها من عشقٍ لإمرأةٍ أخري !!! 

فقد تحول ياسين ذلك الصخرةِ القويه مثلما يُلقبوهٌ في جهاز المخابرات وذلكَ لشدة صلابتهِ وقوته وحزمه،،لعاشق ولهان ♡ 

ألقي نظره أخيره علي حاله وحركَ أصابع يده بين خصلات شعرهِ الجذاب وأبتسمَ برضي وتحرك برجوله وكبرياء للخارج !! 

نزل الدرج وجد طارق بوجهه،، 

نظر إليهِ طارق بإعجاب وتحدث بإنبهار٠٠٠٠٠إش إش إش ،،ده أيه الجمال والأناقة والشياكه دي كلها ياسيادة العقيد ،،أيه يا أبني ده كٌله هو أنتَ مش ناوي تكبر أبدآ ،،ده إللي يشوفنا جنب بعض يفتكر إني أكبر منك ب 15 سنه علي الأقل !!

ياسين وقد بدَ علي وجههِ علامات السرور من مغازلة أخيهِ الراقيه لهٌ وتغزلهٌ بشياكتهِ وعمرهِ الذي لا يظهر علي الإطلاق،، فما إن رأه أحدآ أيآ كان إلا وأستغرب بشده لعلمهِ أنه برتبة عقيد !!!

تحدثَ ياسين بإبتسامه واسعه تظهر صف أسنانهِ ناصعة البياض ٠٠٠٠٠وإنتَ أمتي بقا هاتبطل بكش يا طروق باشا ؟؟ 

أطلق طارق ضحكه سعيده متحدثاً ٠٠٠٠والله يا أبني ما بكش ،،إنتَ ماعندكش مرايه في أوضتك ولا أيه ؟؟ 

ثم أكمل بتساؤل٠٠٠٠إنتَ لابس ملكي ليه إنهارده ورايح فين بدري كده ؟؟ 

أجابهٌ ياسين بجديه٠٠٠رايح مع مليكه مدرسة مروان،،إتصلوا بيها إمبارح علشان عاوزينها في أمر مهم بخصوص الولد ،،أنا كنت هاروح لوحدي لكن هي أصرت تروح بنفسها علشان تطمن علي مروان !!!

هٌنا أطلق طارق صافره وتحدث وهو يغمز بعيناه لأخاه ٠٠٠قولتلي بقااااااا ،،وأنا إللي كٌنت مستغرب أيه الشياكه دي كلها ،،أتاريك ياباشا رايح مع مليكه المدرسه ؟؟

إرتعب ياسين من فكرة أن يكونَ أخاهٌ علي علم بمشاعرهِ تجاه مليكه فهو ليس مستعد حالياً لمواجهة هذا الأمر وخصوصاً أن رائف لم يمٌر علي وفاته سوي عدة أشهٌر لاتٌذكر !! 

تحدث ياسين بإبهام ونظره ثاقبه حذره قائلآ ٠٠٠تقصد أيه بكلامك ده ؟؟ 

تحدث طارق بحذر بعدما رأي تلك النظره وفهم منها أن ياسين قد غضبَ٠٠٠٠ماأقصدش حاجه يا ياسين،، مالك قلبت مره واحده كده ليه ؟؟ 

أجابهٌ ياسين بحزم٠٠٠٠طارق من فضلك،، إنتَ عارف إني مابحبش الكلام بالطريقه دي،، مش هاترد عليا السؤال بسؤال،،فامن فضلك قولي تقصد أيه بكلامك ده ؟؟ 

أجابهٌ طارق بوجه مٌبهم ٠٠٠٠مالك كَبرت الموضوع كده ليه يا ياسين؟؟ 

وأكملَ مٌبرراً٠٠٠٠٠أنا كل إللي أقصده إنك رايح مع مليكه مدرسة مروان،، والمدرسه دي بريطاني وكل الميس بتاعتها موزز وصغيرين وجمال جداً،،،،متنقيين علي الفرازه زي مابيقول الكتاب ،،بس،، أدي كل الحكايه !!!

هٌنا تنهد ياسين بإرتياح بعد تبرير طارق لهٌ لتلك الكلمات وتحدث٠٠٠طب يلا لو خارج علشان مانتأخرش !!

خرجا معاً ووصلا لفيلا رائف كعادتهم صباحاً،،

فاحتي بعد وفاة رائف مازالت ثريا تٌحضر سفرة الإفطار في حديقتها وتستقبل عز وياسين وطارق يومياً  ! 

ما زادَ عليهم هو وليد عبدالرحمن،، إبن عمهم الذي قرر وبدونَ مقدمات بعد وفاة رائف أن يذهب يومياً إلي ثريا يتناول معها وجبة الإفطار بحجة تعويضها عن وجود رائف !!!

دلفا سوياً وجدا عز يجلس وبجانبهِ وليد وثريا التي تٌسكٌب لهما الشاي،، إحتقن وجه ياسين بغضب لرؤيتهُ لجلوس ذلك الوليد بأريحيه وكأنه يجلس بحديقة منزلهْ 

تحدث ياسين بوجهِ مُبهِم٠٠٠٠السلام عليكم ورحمة الله وبركاته !!

رددو السلام ثَلاثَتهِم 

وجهَ عز نظره إلي ياسين وتحدث٠٠٠٠إنتَ لابس مليكي ليه إنهارده يا سيادة العقيد،،مش رايح الجهاز إنهارده ولا أيه ؟؟

رد ياسين علي والدهِ بإحترام٠٠٠٠٠لا يا باشا مش رايح الجهاز،،رايح مع مليكه مدرسة مروان ،،إدارة المدرسه إتصلوا ب مليكه وعاوزنها في أمر مهم بخصوص مروان !! 

تحدث وليد ب لهفه٠٠٠٠ماتعطلش نفسك إنتَ يا سيادة العقيد،،روح شغلك وأنا هاخد مليكه وأوديها المدرسه ونشوف أيه الموضوع !!! 

نظر له ياسين بحده وتحدث بتهكم٠٠٠٠لا ماتشغلش بالك إنتَ يا وليد ،،أنا عامل حسابي من إمبارح ومجهز نفسي للمشوار ومبلغهم في المكتب إني مش جاي إنهارده ،،

يعني إرتاح وإهدي كده يا وليد وقوم روح شغلك علشان ماتتأخرش !!! 

نظر لهٌ وليد بضيق ثم أكمل تناول طعامه !!! 

تحدث عز ناظراً إلي وليد٠٠٠٠هو إنتَ يا أبني مش ناوي ترجع مراتك  ؟؟ 

أجابهٌ وليد وهو يبتلع طعامه بلامبالاه ٠٠٠٠لا يا عمي مش ناوي،، وشكلي كده هاطلق قريب !!

نظرت ثريا إلي وليد وتحدثت٠٠٠٠٠لا حول ولا قوة الا بالله العلي العظيم،،أيه يا أبني الكلام اللي بتقوله ده،،إستهدي بالله كده ورجع مراتك علشان خاطر بنتك إللي ملهاش ذنب دي !!

أجابها وليد بلا مبالاه٠٠٠بنتي هاجيبها أربيها معايا يا عمتي ،،مش هاغلب يعني ،،أنا ومروه خلاص مابقاش ينفع نكمل مع بعض،،وصلنا لأخر الطريق  !!!

نظر له ياسين بعيون مٌستغربه مٌتسائله٠٠٠٠وياتري بقا أيه السبب في إنك فجأه كده وبدون مقدمات حسيت إنك خلاص مابقاش ينفع تكمل مع مراتك !!!

وليد وهو ينظر إلي ياسين بتهكم وتحدي٠٠٠تخيل بقا يا ياسين فجأه كده حسيت إني عمري ماحبيتها وإن قلبي مش معاها خالص !!! 

وهنا جحظت عين وليد ناظراً لمدخل الفيلا بنظرات إعجاب وأنجذاب 

حول ياسين بصرهٌ بإتجاه ماينظر إليهِ وليد وجد مليكه تخرج من الباب وهاله من الجمال والسحر تحوم حولها،، 

و برغم إرتدائها الأسود الحزين ،،وبرغم حزنها وأنكسارها الظاهر علي ملامحها منذ رحيل رفيقها الغالي ،،إلا أنها وحقآ !!! 

☆ الأسود يليق بكي أيتٌها الجميله ☆

إستشاط غضباً من نظرات ذلك الحقير لجوهرتهِ الثمينه،، وتمني لو أن له الحق لأبرحه ضرباً علي تلك النظرات الوقحه !! 

هلت عليهم بنصف إبتسامه حزينه وأردفت٠٠٠٠٠السلام عليكم ورحمة الله وبركاته !! 

ردو جميعآ عليها السلام 

نظر لها عز بحب أبوي٠٠٠٠إزيك يا مليكه،،عامله أيه يا حبيبتي ؟؟ 

أجابتهٌ مليكه بحب٠٠٠الحمدلله يا عمو أنا بخير !!! 

وقف ياسين سريعاً كي يختفي بها من أمام أعيٌن ذلك الوقح !!

تحدث وليد بثقه ناظراً إلي مليكه٠٠٠٠ماقولتليش ليه يا مليكه إنك رايحه مدرسة مروان كنت جيت أنا معاكي وماعطلناش سيادة العقيد عن شغله ؟؟ 

نظرت لهٌ مليكه بإستغراب لحديثه،،فالعلاقه بينهما لا تسمح له بطرح ذلك السؤال أو أن تطلب منه هي خدمه ؟؟ 

كادت أن تتحدث لكن ياسين سبقها وأجابه 

نظر له ياسين وأجاب بحده وثبات٠٠٠٠٠ إنتَ ليه بتحب تهلك كلام كتير يا وليد ،،ثم أمتي مليكه طلبت منك أي حاجه علشان تطلب دالوقتي ؟؟ 

ثم نظر إلي مليكه الغير مباليه بحديثهما ولا غضبهٌما هذا،، فا أخر همٌها هو صراع ذلك الثٌنائي ،،وكل مايهمها الآن هو أن تطمئن علي صغيرها وفقط !!

نظر لها ياسين وتحدث بحده٠٠٠يلا بينا يا مليكه !!

أمائت له بموافقه وخرجا 

أخذها وأنطلق سريعآ بسيارته وقاد السياره بغضب وبسرعه زائده إلي حدٍ ما 

نظرت لهٌ مليكه بخوف وتحدثت بإرتعاب  ٠٠٠٠أبيه من فضلك هدي السرعه شويه !! 

نظر لها وجدها ترتعب والزعر والهلع يظهران بعيونها،، 

هدئ السرعه أولآ

ثم نظر إليها وتحدث بأسي٠٠٠إهدي يا مليكه،،أنا أسف ماأخدتش بالي،، معلش حقك عليا !!! 

وضعت يدها علي صدرها ،، 

إبتلعت لٌعابها برٌعب وتنهدت براحه ثم

تحدثت٠٠٠٠حصل خير يا أبيه،،لكن من فضلك خد بالك دايماً من سرعة العربيه ،،طب أنا موجوده معاك إنهارده ونبهتك ،،لكن لو لوحدك ولاقدر الله سرحت تاني وسوقت بالسرعه دي أيه إللي ممكن يحصل ،،أرجوك يا أبيه خلي بالك علي نفسك !!

كان يستمع لكلماتها وخوفها عليه وقلبه يتراقص فرحاً 

نظر لها وعلي صغريهِ إبتسامه واسعه قائلآ ٠٠٠حاضر يا مليكه،، هاخلي بالي علي نفسي علشان خاطرك !! 

هزت لهٌ رأسها بإيماء ثم نظرت أمامها غيرَ مباليه من كلماتهِ التي نطقها بعشق وعيونه التي كانت تتراقص بها السعاده،، فاهي غير مباليه بكل تلك المشاعر التي تجتاح قلب الجالس بجوارها ،، 

فقد أصبحت بعالم آخر ولا عادت تشعر  بأحاسيس البشر،،وأخر همٌها تلك ال ياسين ومشاعره  !!

رن هاتفها فأخرجتهٌ من حقيبتها لتري من المٌتصل وما إن نظرت لشاشتهِ حتي إنفرج فمها مبتسماً

ردت بإبتسامه ٠٠٠٠أيوه يا حبيبي ،،أخبارك أيه ؟؟ 

نظر لها بإستغراب وضيق وحدث حاله٠٠٠أجٌنِنتِي يا فتاه ؟؟

لمن تقولين حبيبي أيتها البلهاء ،،يبدو أنكي تستعجلين علي فقدان حياتٌكِ علي يدي ؟؟ 

نظر لها ونطق بغضب وبحده شعرت هي بها ٠٠٠٠بتكلمي مين ؟؟

نظرت لهْ بإستغراب من حدة صوته وأجابته٠٠٠٠ده شريف أخويا ؟؟

هز لها رأسه بإيماء ولكنه مازال غاضباً !! 

مليكه وهي تحادث شريف٠٠٠٠مش هاقدر يا شريف صدقني ،،ياحبيبي إنتَ كمان وحشتني جداً ووحشتني قعدتنا وكل حاجه،، لكن صدقني مش هاقدر ،، 

وبعد مده تحدثت٠٠٠٠خلاص يا حبيبي ،،هاجيلك بكره عند ماما ونقضي اليوم كله مع بعض !!! 

أغلقت معه الهاتف ولا تدي بإشتعال القانط بجوارها وجنونه من نطقها حبيبي لأخاها،، 

فاياسين رجٌل غيور جدآ وأناني بحبه،، فهو عندما يعشق إمرأه،، يريدها إمرأة الرجل الواحد،، وليس بمنطق الخيانه ،،لا هو يريدها إمرأة الرجل الواحد بكل ما تحملهٌ الكلمه من معني ،،،،بما يعني أن لا تلاطف أباها أو أخاها أو حتي طفلها،، هذه هي شخصيته الغريبه !!!

تمللت مليكه بجانبه ونطق هو يحادثها بتساؤل٠٠٠٠هو شريف كان عاوز منك أيه ؟؟ 

نظرت له بإستغراب وحدثت حالها٠٠٠ماذا أصابَ هذا الرجل اليوم،، هل أصابه الجنون؟؟ 

حقاً غريباً أمرٌك اليوم أيها الياسين ،،تاره تسأل بحده من يحادثني،،وتاره أٌخري تسأل ماذا يريد مني أخي ؟؟ 

ماشأنك أنتَ بي وبأخي أيها المٌتداخل ولما تٌحشٌر أنفك بما لا يٌعنيك ؟؟ 

تحدثت بلامبالاه وهي تحاول تخبأت غضبها من تداخٌله٠٠٠٠عادي يعني ،،كان عاوز يعزمني علي العشا بره إنهارده وأنا قولتله مش قادره !! 

تسائل بتداخل٠٠٠٠هو إنتي رايحه بكره عند بباكي ؟؟ 

أجابته بنعم !! 

ياسين ٠٠٠٠طب أنا إللي هوصلك،، 

ثم تحمحم مبرراً موقفهٌ٠٠٠بصراحه أخاف عليكي من السواقه وخصوصاً إن الولاد هيكونوا معاكي،،

وبعدين إنتي عارفه إن عمتي بقي عندها فوبيا من السواقه والعربيات من يوم الحادثه بتاعت رائف الله يرحمه ،،وأكيد هتخاف علي الأولاد !!! 

أقنعها رده،، حتي هي شخصياً أصبح لديها رعب من فكرة القياده ،،فوافقت بترحاب  !!! 

وأخيرا وصلا ،،صف سيارتهٌ بجراج المدرسه ونزلا من السياره سويآ متجهين إلي مكتب المديره !!!! 

☆قلوب حائره ☆

                   إنتهي البارت

روز آمين

تكملة الرواية من هنااااااا