رواية عذاب رعد الفصل الرابع وعشرون والخامس وعشرون والسادس وعشرون بقلم دي دي فتحي( حصريه وجديده في مدونة قصر الروايات)

 رواية عذاب رعد الفصل الرابع وعشرون والخامس وعشرون والسادس  وعشرون  بقلم دي دي فتحي( حصريه وجديده في مدونة قصر الروايات)

رواية عذاب رعد الفصل الرابع وعشرون والخامس وعشرون والسادس  وعشرون  بقلم دي دي فتحي( حصريه وجديده في مدونة قصر الروايات)

البارت الرابع والعشرون 😘 من روايه عذاب رعد

🌷🌷🌷بشكر كل اللى سأل عليه وبعتلى على الخاص واهتم بيه وبراويه عذاب رعد والله كنت سعيده جدا جدا بحبكم ليه وبدعواتكم واهتمامكم بزعلى والله كنت ناويه اوقفها مؤقت بس صعب انى الاقى كل الحب ده ليه ولراويتى وأرميه وراء ضهرى وعشان حبكم ليه وتقديركم انا كمان قدرت ده ورجعتلكم أنا وراويتى ويارب يارب أكون دايما عند حسن ظنكم بيه وربنا يديم حبكم ليه وربنا يديمكم نعمه فى حتى وان شاء الله باقى الراويه تنال أعجابكم بس كل اللى اقدر أقولهولكم ان الاحداث الجايه هتخطف قلوبكم وعقولكم وقبل ما أسيبكم مع روايتكم *عذاب رعد* 🌷🌷🌷

 💗عيزه منكم طلب او اعتبروه رجاء 💗

👐عيزه منكم تدعوا لصحبتى وأختى وحبيبتى ان ربنا يرزقها الذريه الصالحه عاجل وليس آجل لانها بقالها سنين متجوزه ولسه ربنا ما رزقهاش ياريت يااحلى فانز ندعيلها كلنا بالذريه الصالحه عاجل وليس آجل 👐   أسيبكم مع البارت

                 🌹 قراءه ممتعه 🌹

يامن ...بعصبيه وغيره ظاهره وقرب منهم وبصوت عالى ...حمد لله على سلامتكم ...رعد انتبهت لوضعها وسحبت نفسها من حضن عدى ...يامن بيبصلها ونظرته لها مش خير ابدا

رعد بهروب ..انا متشكره اوى ولسه هتمشى تسلم على اللواء صبرى...عدى مسك وشها بين ايديه متشكره دى تقوليها لحد غريب انا بموت وانتى بعيده عنى ...رعد شالت ايديه من على وشها ...بعد الشر عليك انا هروح اسلم على بابا صبري..وسابته ومشت..جرت على اللواء صبرى وحضنته بحب ابوى وبدموع كنت خايفه عليك اوى يابابا...اللواء صبرى...بدموع هو كمان انا اللى كنت هتجنن عليكى ياقلب ابوكى...رعد بحب متقلقش عليه ياحبيبي..*قل لايصيبنا الا ماكتب الله لنا * ...اللواء صبرى ..ونعم بالله ياحبيبتى...

رعد سلمت على مؤمن ...حمد لله على السلامه دينا هتجنن عليك...مؤمن بحزن...واضح ...رعد ..صدقنى هتجنن عليك...وللكل يله بينا عشان ترتاحوا الكل بدا يمشى ...ويامن واقف بس على اخره من منظر رعد وعدى وحضنه لها ونظرات شرسه لرعد ...محدش اخد باله منها غير كرم....وبعنف ليامن ..لو بصتلها كدا تانى هخلعلك عنيك فاهم ولا افهمك بطريقتى

يامن بعنف وغضب...لامش فاهم وانا ابص زى ماانا عايز 

كرم بعنف..اكتر منه انت ازاى تتكلم معايه كدا انت نسيت نفسك ولا ايه...ولسه هيضربه....رعد جرت عليه وفصلت بينهم ...فيه ايه انتم الاتنين ...ليه دايما زى ناكر ونكير كدا 

كرم بغضب اساليه وخليه يقولك ولو يقدر يقول 

يامن بغضب...وانا مش هقول لحد حاجه وسابهم ومشى

كرم بعنف لرعد وسؤال ...ممكن اعرف ليه مش بتوقفيه عند حده بقا 

رعد بهروب...ممكن تدينى شويه وقت انا طلبت منك قبل كدا شويه وقت ممكن 

كرم بزهق وخوف عليها ...ممكن... بس اوعى تسمحى لحد يجرحك او يكسرك تانى فاهمه عشان مش هسمحلك تعيشى عشر سنين فى عذاب تانى كفايه عليكى اللى انتى شوفتيه من الحيوان جاسر كفايه وسابها ومشى 

وهى كمان روحت بس هتجنن من اللى يامن عمله...وليه معاها كدا ...شويه بهيئه أمير...وشويه بهيئه وحش...كل ده وهى بتفكر وسرحانه ومااخدتش بالها ان يامن قاعد فى الريسبشن طلعت اوضتها وقعده وهى سرحانه ...ويامن طلع وراها وفتح الباب ودخل...وهى اتخضت من وجوده

رعد بخضه وخوف ...انت جيت امته ودخلت هنا ازاى

يامن بعنف وهجوم...أنا كنت قاعد فى الريسبشن بس سيادتك مااخدتيش بالك ...ومالك مخضوضه كدا ليه ...لاتكونى مستنيه حد تانى يجى غيرى

رعد بصدمه..من كلامه حد تانى انت تقصدايه

يامن...اقصد اللى اقصده ..ولسه هيمشى ..رعد شددته لها انت مش هتمشى غير لما تفهمنى قصدك ايه بكلامك ده

يامن بغضب وعنف...اقصد عدى ما كل واحد فيهم بيحضنك شويه ...ممكن تكونى مستنياه عشان يكمل السهره معاكى زى ماحصل قبل كدا مع كرم وانتى بايته معاه عذاب رعد بقلم دى دى فتحى...اللهم أسالك الفردوس لوالدى

رعد بغضب وصدمه...ضربته بالقلم جامد...وبصوت غاضب أخرج بره ومش عايزه اشوف وشك تانى فاهم مش عايزه اشوف وشك تانى وانهارت على الارض...وحطته ايديها على وشها وعيطت بحرقه ووجع لاتهام حبيبها ليها

يامن ...مش قادر يستحمل صوت عيطها اكتر من كدا نزل على الارض جنبها ...وبهدوء انا اسف مقصدتش ازعلك ولسه بيقرب منها رعد زقته بعنف ...وبصريخ ابعد عنى انت عايز منى ايه...واحد اتخلى عنى وانا فى عز احتاجى ليه والتانى اتجوزنى وورانى من العذاب اشكال والوان...وانت وغمضت عنيها بوجع ...بتتهمنى فى شرفى ...انتوا ليه بتعملوا معايه كدا ليه ...وبعياط وشهقات اكتر ...ارجوك ابعد عنى وسبنى انا كتت عايشه وحيده بس كنت مرتاحه فى وحدتتى انا مش عيزاك تكون فى حياتى انتى عمرك ماهتعوضنى ابدا ...انت هتجرحنى زيهم وتوجعنى زيهم ...ابعد عنى ارجوك انا مش حمل جرح وعذاب تانى 

يامن شدها لحضنه جامد ورعد بتزق فيه وبتضربه على صدره ..وبصريخ ابعد عنى ابعد....يامن كتفها جامد وضمها لصدره جامد...وباسف ودموع...حقك على قلبى وعلى عينى دموعك دى بتوجعنى اوى ...بس والله انا اتجنتت لما لقيت عدى حضنك بشكل ده...وكمان مسك وشك وافتكرت وانتى نازله من عند كرم...غيرتى اتحكمت فيه ومبقتش عارف بقول ايه

رعد بعياط وشهقات ...طب كنت عيزنى اعمل ايه لما حضنى وانتوا وافقين كدا...اضربه ولا اعمل ايه ...وهو بقاله عشر سنين بيحبنى وانا قفله على قلبى عشان منجرحش تانى ...معرفتش اعمل ايه مجرد انى معرفتش أعمل حاجه

وبشهقات اكتر...وكرم ده اكتر من اخويه وهو على طول واقف جنبى ومسبنيش فى اى محنه فى حياتى ...ولما كنت بايته عنده كان فى محنه كبيره...كان محتاج لحد يفضل معاه..واطريت ابات معاه عشان اطمنه..ان فيه حد جنبه واحميه من اى حاجه ممكن يعملها فى نفسه 

وبشهقات اكتر ودموع...والله بعتبرهم كلهم اكتر من اخواتى ...يامن ضمها اكتر ليه...انا اسف غصب عنى انتى متعرفش انا اتوجعت ازاى لما حضنك وكنت عايز اولع فى الدنيا كلها

رعد بعياط اكتر...بس انت وجعتنى بتهامك ليه أنا مستهلشى منك كدا ابدا

يامن باسف ...خلاص بقا حقك على قلبى ياقلبى انتى وشالها بين ايديه ...وودها الحمام ممكن تاخدى شور عشان نعمل عشاء انا هموت من الجوع 

رعد وهى بتمسح دموعها بضهر ايديها زى الاطفال...انا هاخد شور وانام مش عايزه اكل

يامن بحب...بس انا جعان وعايز اكل من ايديك ممكن ولاهتسبينى جعان وبعدين انا هبات معاكى هنا يعنى هتنايمينى من غير اكل اهون عليكى يارعد قلبى اهون عليكى

رعد بحب وشهقات بسيطه اثر عياطها...لا مش تهون عليه

يامن ...مسك وشها وباس جبينها ...واخدها فى حضنه تانى ..حقك على قلبى ياحب عمرى حقك على قلبى ياكل حياتى حقك على قلبى رعد قلبى

رعدبحب...وهى بين احضانه...انا بحبك اوى اوى 

يامن...بحب اكتر...وانا بموت فيكى ويله خدى شور وانا مستنيكى تحت عشان اخد شور انا كمان

يامن ورعد اخدوا شور ...ودخلوا يحضروا العشاء ..ورعد كانت مديه ليامن ضهرها وهو جه من وراها وحضنها بحب وشغف...وبهمس بقول ايه ...رعد من غير ماتبصله وهى جسمها مش قادره تسيطرعليه ويامن حضنها كدا...ايه...يامن بمكر وحب ...ماتيجى نتجوز عشان عايز اقولك على سر لما نتجوز ...رعد لفت ليه وزقته ..وبهزار والله انت قليل الادب ويله اخرج من هنا وانا هحضر العشاء...يامن بضحك والله ظلمانى انا كنت هقولك يعنى ليه العريس بيدبح لعروسته القطه ليله فرحها...رعد بضحك ...مش عايزه اعرف منك حاجه 

حضروا العشاء هما الاتنين ورعد طبعا اعترضت عشان تحمى نفسها من قرب يامن اللى بيوترها جدا...بس طبعا يامن تجاهل كدا وحضر العشاء معاها واتعشوا سوا..وبعد ماخلصوا اكل...رعد بجديه..انت متنفعش تنام معايه فى اوضتى..انت ممكن تنام فى اى مكان هنا.. ومره واحده يامن شالها بحب وطلع بيها لاوضه النوم...وبهمس وهو طالع بيها على السلم وليه بقا منمش معاكى ..وبمكر وحب ..يعنى لاجواز ولا نوم أهون عليكى يعنى ابات فى الجنينه...رعد بحب وتوتر...لالا مقصدش الجنيه ..انا اقصد اى مكان فى الفيلا بس بلاش اوضتى...يامن بحب ومكر ..بلاش اوضتك ليه انا مش عايز حاجه عايز اخدك فى حضنى بس ..وبخبث ولو مش عايزه كدا خدينى انتى فى حضنك...اختارى مين اللى هياخد مين فى حضنه...رعد بتلقائيه وكسوف خبت وشها فى حضنه ....وهو وصل و حطها على السرير بحب ورقه شديده ونام جنبها ...رعد اتوترت للحظات ...بس التوتر ده ضاع لما يامن اخدها فى حضنه وضمها جامد ليه وبحب...تصبحى على خير ياملاكى ...تصبحى على خير يارعد قلبى...

رعد بحب وهى فى حضنه ..وانت من اهل الخير ...يامن حاف كدا...رعد بمكر اه حاف ولو مش عجبك بلاش خالص...يامن بحب ورجاء...طب قوليلى مينو بس..رعد بعشق وشوق...تصبح على خير وسعاده يااحلى مينو فى الدنيا كلها ...يامن باسها من شعرها وانتى من اهل السعاده ياروح وقلب وعقل مينو...وذهبوا هما الاتنين فى ثبات عميق وسعاده عذاب رعد بقلمى دى دى فتحى...اللهم اسالك الفردوس لوالدى

رعد صحت بعد الفجر ...لقت نفسها فى حضن يامن وهو ضاممها بشده ...رفعت وشها تتأمل ملامحه واكتشفت اد ايه هو وسيم واد ايه هى بتعشق تفاصيله حتى لو كانت بسيطه ...وبتملس على وشه بحب وعشق...يامن فتح عيونه ومسك ايديها من على وشه وباسها بحب وبصوت خافت ...ممكن اعرف صاحيه ليه وسايبه حضنى 

رعد بهمس عشان بحب أتاملك وانت نايم 

يامن يعنى وانا صاحى مبتحبيش تتأملى فيه 

رعد بهمس ...لابحبك فى الحالتين..بس وانت نايم اكتر على الاقل مش بتتشاقا وانت نايم وبتكون مؤدب...يامن فى لحظه وبحركه جريئه ...خلاها هى تحت وهو فوقها ...وبهمس مين قالك انى بتشاقا وانا نايم دانا حتى مؤدب معاكى خالص ...قوليلى بقا كنت بتقولى ايه

رعد فى الموقف ده ماشفتش يامن ابدا...ولاسف شافت جاسر فى هئيه يامن وبخوف ورعب ...ابعد عنى ابعد وزقته بعنف من عليها واتخبط فى الكوميدينه اللى جنب السرير...ورعد فضلت ترتعش ويامن استغرب من رده فعلها...هو مكنش عايز منها حاجه هو كان عايز يهزر معاها وبس ...وقرب منها وبهمس انا اسف...مقصدتش ابدا أخوفك 

رعد بصت ليامن وانتبهت هى عملت ايه لما لقت جبين يامن متعور...جرت وجات علبه الاسعافات...ولسه هطهر جرحه ...يامن مسك ايدها وشدها عليه وضمها جامد ...انا عمرى ماهأذيكى أبدا عمرى ...رعد بدموع ياريتنى عرفتك فى اول حياتى مكنش ده حصل معايه ياريتنى

يامن بخوف حقيقى وحب...هششش خلاص انسئ وعيشى بقا وان شاء الله طول ماانا جنبك مفيش حاجه هتأذيكى ابدا ولاحتى انا

رعد أستخبت فى حضنه بحب وعشق...والاهم بالاطمنئان...هى خلاص لقت الحمايه والامان اللى اتحرمت منه ...ولاسف اللى مش هيدوم كتير

رعد سحبت نفسها من حضنه ...يله عشان نفطر وتروح بيتك عشان تلبس وتروح الجهاز وانا كمان البس واروح الجهاز عشان أشوفك هناك

يامن بحب انا نفسى افضل معاكى كدا على طوال وماابعدش عنك ابدا ماتسيبك من الشغل ده وتعالى نروح المكان اللى احنا روحناه تانى 

رعد بحب...لالا مينفعش انا ورايه شغل كتير وانا اخدت يومين اجازه كدا كفايه بقا عشان اناقش الفلاشه والاوراق اللى معايه ونشتغل عليهم ومش هبدا غير لما انت تيجى

يامن بزعل...يعنى كل حاجه فى حياتك شغل شغل وانا مليش الحق فيكى 

رعد بحب وبتفهم ...مسكت وشه انت بقيت كل حياتى والحاجه الحلوه اللى بتحلى أيامى بعد عذاب سنين ...وبعشق ادينى بس فرصه اخلص العمليه دى ووعد منى هطلع معاك فى المكان ده تانى

يامن بحب...خلاص ياقلبى براحتك وبمكر...بس ادينى تصبيره عما نطلع المكان ده تانى

رعد..قامت جرت وبهزار لالا انت كدا طماع ويله عشان نفطر ونروح الجهاز ولسه هتمشى ...وتطلع من الاوضه يامن ثبتها على الباب بقولك ادينى تصبيره...عيزه تمشى وتسيبنى ...رعد بتوهان وهى بتبص فى عنيه يعنى عايز ايه...يامن بحب أى تصبيره منك هتكون حلوه...رعد بجراه لاول مره ...غمضت عنيها ورفعت نفسها وباسته فى خده ...وبعشق وهمس انا بحبك اوى اوى ...ولسه هترجع لوضعها الطبيعى ..يامن رفعها ليه اكتر وبهمس انتى ادتينى تصبيره ..انا كمان لازم اديكى تصبيره...وفى لحظه كان ملتهم شفايفها فى عشق وشوق جارف...ورعد بادلته بوسته بحب وعشق اكتر ...وبعد وقت من بواستهم بعدوا عن بعد وهما بينهجوا عشان يتنفسوا ...وهما لسه قريبين من بعض...يامن انا بحبك وبعشقك اوى اوى

رعد وانا كمان بحبك وبعشقك اوى اوى ياحبيبي ...ونفسى افضل معاك على طول وبين ايديك ومفيش حاجه تفرق بينا ابدا...يامن بصوح مبحوح...ان شاء الله ياحبيبتى مفيش حاجه هتفرق بينا غير الموت فاهمه مفيش حاجه ابدا...رعد خبت نفسها فى حضنه...وحست بواخده فى قلبها خوفتها وهى مش عارفه سببها ايه وحاسه ان ده ...هيكون اخر لقاء بينهم ...وهتتحرم منه زى ماتحرمت من كل حاجه بتحبها ...مسكت فى هدوم يامن بخوف ورعب ...يامن حس بيها وبيحاول يسحب نفسه عشان يشوفها مالها...بس رعد ماسكه فيه جامد ...وهو لما لقاها كدا زود ضمته لها اكتر واكتر وبهمس ..حبيبتى إهدى متخافيش مفيش حاجه هتقدر تبعدنى عنك ابدا أرجوكى أهدى

رعد بدموع ...لالا انا خايفه اوى خايفه تروح منى زى ما كل حاجه بحبها بتروح منى

يامن بحب وحنان...بس انا عمرى ماهروح منك وهواجه الدنيا كلها عشانك بس انتى خليكى جنبى ورفع وشها ومسح دموعها ممكن بقا ماشوفش...دموعك دى تانى عشان قلبى بيوجعنى اوى لما اشوف دموعك دى

رعد بدموع والله غصب عنى انت متعرفش أنا اتعذبت اد ايه ...يامن بحب...ان شاء الله اقدر اعوضك عن العذاب اللى انتى شوفتيه فى حياتك

رعد بحب ...ربنا يخليك ليه ياحبيبي ونفضل مع بعض طول العمر...يامن ...ويخليكى ليه ياقلب حبيبك ويله عشان نفطر وامشى ونتقابل فى الجهاز

نزلوا فطروا وهما فى قمه السعاده والرومانسيه ...يامن ودع رعد ولسه هيخرج...رعد نددت عليه وهو وقف ...وجرت عليه وحضنته جامد ..بكل الحب والخوف اللى جواها وهى مش عارفه سبب الخوف ده ايه...وبصوت كله خوف هتوحشنى اوى ياحبيبي هتوحشنى اوى...

يامن ..شدد من ضمته ليها حبيبتى انا هشوفك فى الجهاز وكمان هاجى اتغداء معاكى وأبات معاكى لو تحبى انا اساس معدتش اقدر استغنى عنك ابدا

رعد بحب يغلبه الخوف  ..بجد يايامن بجد متقدرش تستغنى عنى

يامن بحب وعشق بجد ياقلبى وروح يامن ...ويله بقا اسيبك واروح البس ونتقابل فى الجهاز وباس جبينها وخرج....بعد خروج يامن...رعد غمضت عنيها بوجع وخوف ...يارب تفضل جنبى ومعايه يارب ابعد عنى احساس الخوف ده يارب

@@@@@@@@@@@@@@@@@

يامن من ساعه مارجع من السفر وهو مرجعش البيت خوفا من مواجهه مامته واسئلتها عن رعد وانتقامه منها ووصل لفين معاها

بس خلاص قرر يواجه مامته ويحاول يخليها تسامح رعد وتنساء اللى حصل بس عند مين الكلام ده هيهات هيهات ده هياخد اكبر صدمه فى حياته دلوقتى 😲😲😲👇👇

يامن دخل الفيلا واول مادخل المفاجاه لجمته ومبقاش عارف يقول ايه ولايعمل ايه ..وبصوت مكتوم جاسر 

جاسر بشر وكره...ايوا جاسر امال عفريته 

يامن بكره وغضب ...انت ايه اللى جابك هنا ومين عرفك بيتى

جاسر بضحكه شر...بيت مين ياابو بيت البيت اللى انت قاعد فيه ده بيتى و حتى عربيتك اللى انت ركبها والفلوس اللى انت بتصرف منها دى فلوسى

يامن بغضب انت كداب...دى فلوس بابا الله يرحمه

جاسر بشر وكره...مامتك قدامك اهيه اسالها وهو تجاوبك

يامن بسؤال ...الكلام ده صح ياماما

سرايه بتردد..ايوا صح 

يامن بعنف...طب ليه مقولتيلش ليه تسبينا نصرف من حرام ليه ياامى ليه

جاسر بشر وانتقام منه لدفاعه عن رعد...على اساس انك ابن حلال ماانت كمان ابن حرام

يامن مسكه من لياقه قميصه ...انت بتقول ايه ياحيوان وضربه كذا بوكس فى وشه

سرايه بتحاول تفصل بينهم ...اهداء يايامن اهداء جاسر مقصدش حاجه ابدا ارجوك اهداء

يامن بغضب وصوت عالى ...لامش هداء غير لما يقولى يقصد ايه

جاسر زق ايده بعيد عنه بعنف ...أقصد اللى اقصده ودلوقتى انا ليه حاجه عندك ولازم ترجعهالى

يامن بعنف وغضب...انت ملكش اى حاجه عندى وان كان على رعد..لا انت ولا امى ولاحد فيكم هيقدر يأذيها لان قبل مايوصلها لازم يواجهنى انا بالاول

سرايه بغضب...ضربته بالقلم  ...وبعنف وصوت عالى  يعنى ايه الكلام اللى انت قولته ده يعنى ايه

يامن مش متفاجا من رده فعلها ابدا ...وبقوه ايوا محدش يقدر يأذيها لانى بحبها وبعشقها ومش هسمح يحصلها حاجه ابدا

سرايه بهجوم ومن غير تفكير ...مسكته من لياقه قميصه...وبعنف أنا جبتك من الملجا وربيتك وعلمتك عشان تنتقملى منها بعد ماموتت جوزى وابنى وجاى انت دلوقتى تدافع عنها طب ازاى...وبغضب اكتر...انت لازم تردلى تمن تربيتى ليك فاهم لازم تردلى تمن تربيتى ليك

يامن بصدمه  وذهول ...أيه جبتينى من ملجا يعنى انا مش ابنك وانا ابن حرام

سرايه وهى مازالت على حالتها...ايوا مش ابنى انا ابنى مات واللى انت بدافع عنها هى اللى موتته...وانت لازم تردلى تمن تربيتى ليك وتتنقملى منها

يامن وقع على اقرب كرسى وراه وجاسر قرب منه..و بشر ايوا كدا اهداء عشان نعرف نتكلم ....وبشر ومكر اكتر ...انا عايزك تجبلى الاوارق والفلاشه اللى انتوا اخدتوها من عندى ... وكمان تسلملى رعد ...

بس المهم الاول تسلملى الفلاشه اللى معاها !!!

@@@@@@@@@@@@@@

👏البارت خلص✋ نكمل بكره ان شاء الله 👐

👌توقعاتكم 👇👇

👈انا عن نفس مش قادره اتوقع ايه اللى هيحصل مع رعد وقصه حبهم هتكمل ولا لا😢 وصدمت يامن بعد ماعرف انه هو ابن حرام وانه من ملجا 😢وهيجب الفلاشه لجاسر ولا لا ؟؟؟ 

🌹🌹🌹🌹🌹🌹🌹🌹🌹🌹🌹

البارت الخامس والعشرون 😘من روايه عذاب رعد

👐اللهم ياجامع الغيم فى السماء أجمع بينى وبين فرحى وسعادتى وتوفيقى ومن أحب وكل امر تعلم انه خير لى إنك على كل شئ قدير 👐 أنا وكل من قال أمين 👐

            💑 قراءه ممتعه 💑

يامن وهو مازال على صدمته وتجاهل لكلام جاسر...امال انا ابن مين ارجوكى احكيلى ...سرايه بغضب انا معرفش انت ابن مين أنا جبتك من الملجا و....

فلاش باااااك

سرايه لجوزها ...ارجوك ياسعد ارجوك انا عايزه اتبناء ولد من الملجا يملى علينا حياتنا ارجوك وافق

سعد ...انتى عارفه ان الموضوع ده بيضايقنى يبقا بلاش تتكلمى فيه 

سرايه برجاء ودموع..ارجوك ياسعد خلينى اجيبه هيملا علينا البيت 

سعد ...انا ليه اعداء كتير متخليش العيل اللى انتى هتجبيه ده يكون شوكه فى ضهرى

سرايه بدموع اكتر...أنا هخفيه عن الدنيا كلها بس وافق ارجوك ياسعد وافق ومع الحاح سرايه سعد وافق وجابوا يامن من الملجا وكان عنده حوالى خمس سنين ...وفهموا يامن ساعتها انهم هما باباها ومامته وكانوا مسافرين فى شغل ...ويامن طبعا عشان طفل ولسه صغير صدق ..واتحفرت فى ذاكرته كدا ان سرايه وسعد هما ابوه وامه...وبعد خمس سنين تانين سرايه حملت وخلفت شادى وكان عندها شادى بالدنيا ومافيها كانت بتحبه بجنون لانها غابت فتره طويله متخلفش عشان مشاكل عندها اخرتها انها تحمل ...يامن كان اكبر من شادى بخمس سنين ...يامن كان طيب وبيحب شادى جدا وكبروا الاتنين سواء على حبهم لبعض مع ان سرايه كانت بتهتم بشادى اكتر وبتحبه اكتر من يامن ...كبروا واتعلموا بره وعاشوا معظم حياتهم بره خوفا من العصابات اللى كان بيتعامل معاها سعد ليقتلوهم وكانوا يامن وشادى بيزلوا اجازات او سعد وسرايه بيسافرولهم عشان يطمنوا عليهم

وطبعا شغل سعد الغير مشروع وتجاره فى المخدرات والتهريب...هى سبب العداوه بين رعد وسرايه

وفى مره يامن وشادى كانوا نزلين مصر اجازه ...ويامن كان عنده ساعتها 20 سنه وشادى كان عنده 15 سنه

رعد كانت بتقوم بعمليه من عمليات القبض على المهربين وسعد طبعا كان واحد منهم ...وسرايه عارفه كدا كويس...حصل هجوم من رعد وفريقها على فيلا سعد ..ويامن كان فى الوقته ده سهران بره مع اصحابه...وبدا الهجوم وبدا الاشبكات كتيره وضرب نار بين رعد وفريقها وبين سعد ورجالته 

رعد كانت بتضرب فى اللى بره وشويه من فريقها دخلوا جوا وخلصوا على سعد وشادى كان نازل من على السلم وفريقها ضرب عليه نار رعدت دخلت جواه تكمل باقى الاشبكات وسرايه كمان نزلت اللى كانت مستخبيه من ضرب النار ...سرايه مسكت رعد من هدومها وبدموع انتى اللى موتي ابنى انتى اللى موتيه ...انا خلفته بعد عذاب وحرمان سنين طويله..بس...وحيات كل نقطه دم نزلت منه لازم احرق قلبك زى ماحرقتى قلبى وادفعك التمن غالى اوى 

رعد بتفهم وحزن لحالتها...نزلت ايديها اللى مسكه بيها هدوم رعد...سعد العمرى اكبر تاجر مخدرات  هو اللى موته مش انا ...انتى فاكره ايه كما تدين تدان...زى مابيموت كل يوم ارواح وبيدمر الشباب ...كان لازم ابنه يدفع التمن وهو دفعه وانا اسفه مقصدتش ابدا اموته صحيح مش انا اللى موته بس اهوا مات ...انا كان قصدى سعد العمرى.. بس كما تدين تدان ...وسابتها وخرجت مع باقى فريقها ...وسرايه انهارت جنب شادى واغمى عليها

يامن لمارجع من بره انصدم من اللى شافه والحزن كسر قلبه لموت ابويه واخوه وامه اللى مش عارف هى عيشه ولا ميته...شالها وودها المستشفى ...وسرايه فضلت فى المستشفى شهر تعانى من الانهار العصبى الحاد بسبب موت شادى ...واما فاقت حكت ليامن كل اللى حصل بس طبعا قالتله ان رعد هى اللى موتت ابوه واخوه بايديها وهما كانوا مظلموين ومكنوش بيتاجروا فى المخدرات وان رعد افترت على ابوه وطبعا يامن صدقها وكان وقتها فى كليه الهندسه اللى اطري يكمل فيها وبعدين يسبها  ويقدر يحول لكليه الشرطه عشان ينتقم من رعد ...ولاسف زى الموت مش بادينا ...الحب كمان مش بادينا ...يامن بدل مابنتقم من رعد ويخليها تحبه وتعشق وينتقم منها...هو كمان حبها وعشقها بجنون

بااااااك 

سرايه بكره وغضب...ليامن وبعد كدا اتحجز على ثروتنا ولولا جاسر والفلوس اللى ساعدنا بيها كان زمنا مرمين وبنشحت فى الشوارع....وبعد كل ده جاى انت تقولى حبتها ومش عايز نتقم منها على الاقل ردلى تمن تربيتى ليك

يامن قاعد على الكرسى منهار وجاسر فرحان فيه ويبصله بشماته وكره ...يامن بحزن ووجع ...وايه المطلوب منى 

جاسر بشر...انتوا اخدتوا من عندى اوراق وفلاشه مهمين جدا فاانا عيزهم وانت اللى تقدر تجبهم وكمان تسلملى رعد ...اعمل فيها اللى انا عيزه 

يامن بصله بوجع وحزن ...وسابهم وطلع اوضته وقعد على اقرب كرسى وحط دماغه بين ايديه ...وكره نفسه وكره كل حاجه فى حياته ...ولنفسه وبدموع طب انا هعمل ايه وهقدر انى اذيها فى شغلها حتى لو قدرت اذيها فى شغلها ..هقدر ازاى اسلمها جاسر اكتر حد اذيها فى الدنيا واكتر حد هى بتخاف منه...بس هى قتلت ابويه واخويه... وسكت وبعد شويه بس هما مش ابويه واخويه ...لاهما ابويه واخويه انا اتربيت فى وسطهم حتى لو انا من ملجا..وبتفكير وحزن طب هعمل ايه فى.امى اللى هى مش امى وحياتى اللى اتدمرت...وحبيبتى اللى قتلت ابويه واخويه ...واتحرمت منها وحكايتى معاها اللى خلصت قبل ماتبتدى...طب كل ده ليه ....بس انا لازم أرد لامى لالا مش امى سرايه هانم لازم اردلها تمن تربيتى واعملها اللى هى عيزاه ...وقاطع تفكيره خبط سرايه على الباب ...ودخلت لقت يامن فى حال غير الحال...لاول مره تشوفه كدا هو صحيح مش ابنها وقلبها مليان انتقام وكره لرعد....بس هى ربيته وليه معزه فى قلبها ومنظره كدا وجعها 

قعده جنبه وقربت منه ...ويامن قام وقف وادلها ضهره ...وبدموع انا متشكر اوى لحضرتك عشان ربتينى وعلمتينى ...وانا اوعدك اى حاجه هتطلبيها منى انا هنفذها حتى كانت حياتى التمن....عشان انتقملك من رعد عشان موتت سعد باشا وموتت ابن حضرتك

سرايه قامت وقفت...وبحزن حقيقى وقربت منه مش معنى انى عايزه انتقم من رعد انى مش بحبك و انك مش ابنى وحياتك متهمنيش عذاب رعد بقلمى دى دى فتحى...اللهم اسالك الفردوس لواالدى

يامن بعنف ودموع..لا انا مش ابنك ...انا مش ابنك...انا ابن حرام ..وجبتينى من ملجا تعرفى لو انا اللى كنت موت بدل شادى مكنتيش هضحى ابدا بشادى عشان ينتقم من رعد عشان موتتنى

سرايه...بحب لا انت ابنى وانا مش هسمح لحد يأذيك حتى لو كان جاسر فاهم بس انا عيزاك تنتقملى من رعد عشان احرقك قلبها زى ماحرقت قلبى على ابوك واخوك

يامن بحزن وانا موافق عشان ارد لحضرتك الجميل وتمن تربيتك ليه

سرايه بهجوم ...انا مش حضرتك انا مامتك

يامن بتجاهل كلمه مامتك...انا سامع حضرتك قوليلى أعمل ايه وانا هعمله

سرايه بعنف ...ماشى هقولك وبعدين نبقا نشوف موضوع حضرتك دى ايه

سرايه قالت ليامن على الخطه اللى هميشى عليها تكمله خطتها الاولى انه يوقع رعد فى حبه وينتقم منها بس هو حبها هو كمان ...عشان يكمل خطه سرايه وجاسر لازم يدوس على قلبه ولاسف هيدوس على قلب رعد كمان ويشيل كل شئ جميل حصل بينه وبين رعد...ولبس وراح الجهاز

رعد راحت شغلها...ودخلت مكتبها وبلغت الشويش على يبلغ الرائد عدى والنقيب كرم ومؤمن ودينا والخمسه اللى اختارتهم ضمن الفريق بتاعها ويامن كمان اللى يعتبر اتحط  زياده مع انهم كانوا المفروض يكونوا خمسه بس ...الشويش بلغ الكل ان المقدم رعد عيزاهم فى قاعه الاجتماعات بعد نص ساعه

الكل اجتمع ...ورعد دخلت بكل هيبتها وقوتها والكل قام وقف وحيت الكل ولاحظت على وش يامن الحزن والكائبه ...بس تجاهلت ده لبعض ماتخلص عشان مينفعشى تساله وتكشف مشاعرها...قدام الكل....قعده واحتلت الكرسى الرئيسى للترابيزه الاجتماع ...وبقوه وصوت زى اسمها ...طبعا انتم مستغربين احنا مجتمعين ليه النهارده ...بس أحب اقولكم خبر هيفرحكم كلكم

الكل بتراقب خير يافندم

رعد بقوه احنا لما كنا بنقبض على المعلمه واللى معاها قدرنا نوصل لفلاشه مهمه جدا وخطيره واوراق فى غايه الاهميه...وطبعا الفلاشه موجوده معايه وهعرضها عليكم دلوقت عشان نشتغل عليها هى والاوراق...

يامن ملامحه اتغيرت وبان عليه التوتر ...معنى كدا انه مش هيقدر يوصل للفلاشه اويديها لجاسر ومامته ...ورعد هتعرضها دلوقت فلازم يتصرف حاليا ...وجتله فكره وقرر ينفذها...يامن بدأ يعمل نفسه تعبان ويحط ايده على دماغه بمعنى انه تعبان ومش مركز ...ورعد طبعا عشان كان عنيها على يامن من اول الاجتماع لحظت ده كويس

بس سكتت وكملت ..واحنا طبعا بعدمانشتغل عليها هنقوم بااكبر عمليه ممكن نعملها وهى التصفيه الخارجيه للمجموعه كلها وان شاء الله تعدى من خير من غير اى خسائر مننا ودلوقتى هشغلكم الفلاشه ونبدأ الشغل عليها رعد رايحه ناحيه شاشه العرض عشان تشغلها

يامن لنفسه لازم أوقفها بسرعه قبل ماتشغلها

رعد وهى فى طريقها للشاشه العرض ...يامن وقف وبيمثل التعب ...وبصوت متعب وراح عند رعد ممكن بعد اذنك أروح الحمام ثوانى وارجع ...رعد باستغراب من شكله وكلامه...ممكن طبعا اتفضل روح واحنا هنستناك 

يامن مش خطوتين وعمل نفسه مغمى عليه ووقع على الارض...رعد جرت عليه وبصريخ ..يااامن يامن ...الكل استغرب من رده فى رعد ...بس كرم علق عشان يدارى موقفها...وبقوه مقدم رعد متقلقيش احنا عارفين ان انتى بتخافى على فريقك ازاى ...وانك ممكن تضحى بنفسك عشان خاطر اى حد من فريقك...رعد انتبهت لكلام كرم ...والوضع اللى هى فيه...وحاولات تدارى خوفها على يامن ...وبقوه مخلوطه بخوف ...حد يفوقه ويوديه للدكتور يشوف ماله ونكمل اجتماع بعدين يله اتفضلوا

ومشت وراحت مكتبها وهتجنن عشان يامن ومنظره وعايزه تطمن عليه باى شكل بس لاسف مش عارفه ازاى ومش من حقها ده تكشف مشاعرها قدام الكل

كرم راح وراها المكتب وقعد جنبها وبسؤال ممكن اعرف ايه حكايتك وليه كل الخوف ده على يامن ممكن تحكيلى 

رعد بحزن ودموع ...ممكن تخدنى فى حضنك ممكن ورمت نفسها فى حضن كرم بخوف 

كرم بخوف عليهاوحب اخوه...ضمها ليه جامد وبحب طب احكيلى وانا هساعدك ارجوكى احكيلى واالله هساعدك

رعد بدموع وخوف...هحكيلك بس مش دلوقتى بس ارجوك خلينى فى حضنك مش عايزه حاجه تانيه غير كدا ممكن ياكرم 

كرم زاد من ضمته ليها وبحب اخوه...ممكن ياقلب كرم ممكن وهما مازالوا على وضعهم الباب اتفتح وكان يامن اللى اتفاحا من شكلهم كدا ..ورعد اتخضت وسحبت نفسها من حضن كرم ووقفت

يامن اتضايق من شكلهم كدا بس خلاص مش لازم يضايق هو لازم يكمل خطته سرايه وبس...يامن انا اسف مكنتش بحسب معاكى حد عن اذانك انا ما... رعد بمقاطعه..لالا ابدا دا كرم..وكرم بمقاطعه وانتى تبرريره ليه هو ماله اصلا معاكى حد ولا لا هو ملهوش دخل

يامن بهدوء عكس اللى جواه...عندك حق انا مليش اى دخل فى اللى هى بتعمله

كرم بهجوم...اسمها المقدم رعد مش هى حاسب على كلامك بعد كدا

رعد بهدوء ...خلاص ياكرم محصلش حاجه 

كرم بعنف ...لاحصل وحصل كتير وهو اتعدا حدوده كتير واخرهم فتحه الباب من غير استاذان ولازم يلزم حدوده بقا

يامن وهو على نفس هدوءه...فعلن انا اتعدتها ولازم الزمها بس كنت جى استاذن من حضرتك عشان تعبان وعايز امشى ...عن اذنك

رعد بحزن ...يامن استنى كرم ميقصدش ...بس لاسف هو سابها ومشى...ورعد غمضت عنيها بوجع...كرم راح عندها...انا اسف بس كان يلزم اعرفه حدوده معاكى انا اسف عن اذنك وسابها وخرج هو كمان

رعد رجعت اقعدت تانى مكانها بشرود تام ولنفسها طب ليه عمل معايه كدا ليه شويه بوش امير وشويه بوش وحش..هو كان كويس معايه الصبح طب ايه اللى حصله 

رعد كانت بتخلص شغلها وبالها مشغول من تصرفات يامن ولنفسها اكيد هيجى يتغداء معايه ويقولى هو مضايق من ايه اكيد

خلصت شغلها وروحت واخدت شور وحضرت الغداء وحطته على السفره واستنت يامن كتير بس هو مجاش وفكرت تروحله بس رجعت فى قرارها ...هى مش ضامنه رده فعله ايه وهو مضايق هى مش عيزاه يجرحها بكلامه فقررت انها تسيبه لغيت لما يهداء و لنفسها اكيد هيجى بالليل هو قال مش هيقدر يستغناء عنى اكيد وسابت الاكل زى ماهو وطلعت اوضتها تنام

@@@@@@@@@@@@@

يامن استناء لغيت لما الساعه جت 3 صباحا ودخل الفيلا وهو متنكر عشان ياخد الفلاشه والاوراق..واتاكد انها اخدتها من الجهاز وماسبتهاش فيه...عرف واتاكد انها اكيد شالتها فى الخزنه السريه اللى فى اوضتها وهو طالع فوق...لمح الاكل على السفر ...وغمض عنيه بوجع لانه كان قايلها انه هيجى يتغداء معاها بس لاسف هو مجاش وهى مااكلتش حاجه ...ولنفسه ...انا اسف بس معدش ينفع ابدا

وطلع لفوق ودخل اوضه النوم اللى فيها خزنتها...ولقاه نايمه بس بتحلم لالا مش حلم ده كابوس ...وعرقانه جامد وبتخترف بكلام...ارجوك يابابا ارجوك بلاش جاسر ارجوك ...ابعد عنى ياحيوان مش هتلمسنى تانى ابعد عنى لالالا وقامت تنهج ووشها كله عرق ...وبعياط ضمت نفسها بين رجليها .وبدموع وشهقات..انت فين يايامن سبتنى انت كمان ليه انت قولت هتجى تتغداء معايه وتنام معايه ...مجتش ليه يايامن انا زعلانه منك ومش هكلمك تانى...ولنفسها بسرعه لالا انا هكلمك بس هفضل زعلانه لغيت لما انت تصالحنى وتقولى مش هبعد عنك تانى يارعد قلبى

يامن وهو مستخبى فى مكان فى الاوضه ...غمض عنيه بوجع على منظرها ونفسه يروح ويجرى عليها وياخدها فى حضنه وبدموع لنفسه سامحينى يارعد ياقلبى سامحينى معدش ينفع ابدا عذاب رعد بقلمى دى دى فتحى...اللهم اسالك الفردوس لوالدى

رعد استعيذت بالله من الشيطان ...وشربت مايه ونامت تانى بس حاسه بى نفس يامن معها فى الاوضه...وبصوت خافت وبهمس يامن يامن وبتبص حواليها...ولنفسها اكيد هو مش هنا انا اللى متهايكلى عشان اخدت على وجوده معايه بس هو مش هنا بس انا مفتقده وجوده معايه وبدموع يارب رجعهوله يارب انا محتاجله اوى اوى

يامن للحظه كان هيسيب كل شئ ويجرى عليها وياخدها ويهربوا من الدنيا كلها ...بس افتكر انه ابن حرام ومن ملجا ولازم يرد لسرايه تمن تربيتها ليه ...وقف مكانه ورعد رجعت نامت تانى 

يامن بحزن ...فتح الخزنه واخد الفلاشه والاوراق منها لان رعد ده امن مكان هتحطهم فيه

فلاش باااااك

يامن ورعد قاعدين مع بعض وهو بيملس على شعرها بحب وبيبص على صوره على الحائط ممكن اعرف مين دوال . ...رعد بحزن دوال بابا وماما...يامن طب هما فين...رعد عنيها دمعت ما اجوبش دلوقتى

يامن بحب ...ممكن ياقلب يامن ممكن بس حاسس فيها حاجه غريبه ...رعد بحب اه لانها مش صوره عاديه ابدا...يامن باستفسرار...يعنى ايه مش عاديه...رعد بتفسير لانها صوره سحريه ولها رموز خاصه بتفتح بيها..وبحط فيها حاجات مهمه مينفعش احطها فى الجهاز ولا فى اى مكان تانى

يامن ...طب ما ممكن حد يكسرها أو يفتحها باى طريقه وياخد اللى فيها...رعد بضحك استحاله...الصوره دى لو متفتحش بارقمها السريه استحاله تعرف تاخد منها المعلومات اللى فيها...ولو اتكسرت او اتفتحت بأى طريقه عنف لان الجهاز اللى فيها يتميز بخاصيه التدمير الذاتى

يامن ...بحب وهزار هو انا بحبك من شويه ماهو من دماغك الحلوه دى...رعد أه اه استناء فكرتنى ..احط الفلاشه والاوراق اللى احنا جبناهم النهارده....يامن طب هخرج واما تخلصى ناديلى...رعد شددت ايده وخددته عند الصوره..ومسكت وشه بحب اللى اسلمه قلبى وحياتى اكيد مش هخاف منه على معلومات تخص شغلى ....يامن ...اخد ايديها وباسها ان شاء الله ياحبيبتى اكون اد الثقه دى ...رعد بحب قولى بقا تاريخ ميلادك ايه..انا كنت عملاها بتاريخ ميلادى ...بس هغيرها بتاريخ ميلادك انت...يامن بحب طب خليها ياقلبى زى ماهو...رعد بحب لا أنا عيزاه يكون بتاريخ ميلادك انت...يامن قالها وهى غيرته ....يامن بحب انا بحبك اوى اوى يارعد...رعد بحب اكتر منه...وانا كمان بحبك اوى اوى ياقلب وروح رعد

باااااك

يامن غمض عنيه بوجع ودموع...عشان خان ثقتها وحبها ليه وكمان هتتأذى فى شغلها و...قرب منها وهى نايمه وقعد جنبها وبيملس على شعرها ووشها بحب ووجع وقلبه يكاد يتعصر من الالم ...باسها بهدوء من شفايفها وقام ولسه هيخرج خبط فى فازه واتكسرت

رعد صحت مخضوضه وقامت بسرعه من على سريرها ويامن اول ماشفها نزل بسرعه ورعد جرت وراه و لحقته وشدت من تحته السجاده ويامن وقع ...وهى مسكته من لياقه قميصه وضربته بالبوكس ...وبعنف وقوه وهى مسكاه انت مين وعايز ايه ...ولسه هتشد القناع اللى على وشه عشان تعرف هو مين...

يامن شد فازه من وراه وضرب رعد بيها على دماغها ...وقعت على الارض مغمى عليها وغرقانه فى دمها 

@@@@@@@@@@@@@@

👌توقعاتكم👇👇 

👈لالا انا معدتش هتوقع حاجه اتوقعوا انتم بقا😭😭😭😭😭😭😭

👈يارب يامن رعد تصعب عليه ويرجعلها الفلاشه والاوراق عشان مش هتتاذى فى شغلها..ويارب ينقذها البت دمها هيتصفا وجرحها القديم كمان لسه مالمش 😭😭😭😭😭

🌹🌹🌹🌹🌹🌹🌹🌹🌹🌹🌹

البارت السادس والعشرون 😍 من عذاب رعد 

👐اللهم أرزقنى ...فرح يعقوب...وإيمان موسى

وفرج يونس ...وإحتمال نوح

وتقوى يوسف ...وطهر عسى 

وصبر أيوب ...وزهد محمد

أمين يارب العالمين 👐 انا وكل من قال أمين

                👸  قراءه ممتعه 👸

رعد قامت بسرعه جرت وراه ولحقته وشددت السجاده من تحته ويامن وقع وهى مسكته من لياقه قميصه وضربته بالبوكس ولسه هتشد القناع من على وشه ...يامن شد فازه من وراه وضرب رعد بيها على دماغه وقعت على الارض وأغمى عليها وهى غرقانه فى دمها ولاسف يامن سابها وهرب

يامن رجع بيته وهو شكله يغنى عن السؤال و سرايه وجاسر كانوا موجودين يامن ادالهم الفلاشه والاوراق

جاسر بشر وانتقام...برافو عليك كدا نص المهمه خلصت عايزك بقا يابطل تكمل مهمتك وتسلملى رعد ...يامن بصلهم بنظره حزن وانكسار ووجع ...سرايه حست بيه بس جاسر نساها الاحساس ده فى لحظه...وعرض عليها الخروج عشان يحتفلوا باللى يامن عمله

جاسر راح عند يامن وحط ايده على كتفه وبشر وانتقام...يله يابطل تعاله اتحتفل معانا باللى انت عملته ده ...يامن نزل ايده من على كتفه بعنف وطلع لاوضته

جاسر وسرايه خرجوا يحتفلوا ...ويامن طلع على اوضته...وكسر كل اللى فيها وبيفتكر منظر رعد وهى غرقانه فى دمها وبيصريخ وهو بيكسر...انا حيوان حيوان...انا جبان انا خاين وغشاش..أنا أذتها بايدى هى أمنتنى وانا خنتها ...وبصريخ اكتر..انا ضربتها ضربتها...وفضل يصرخ ويصرخ لغيت لما تعب وانهار على الارض...وجى جى دخلت على صريخه...واتخضتت من منظر الاوضه ومن كميه التكسير اللى فيها

قربت من  يامن ولقت ايده مجروحه وبتنزف...مسكتها وبشهقه ...ايه ده انت ايدك بتنزف جامد...يامن بصلها بتوهان وعيون دامعه...خليها تنزف زى دماغك ماهى بتنزف ...جى جى باستغراب بس انا دماغى مش بتنزف...يامن انا اسف أرجوكى سامحينى والله غصب عنى والله غصب عنى...وارتمى فى حضن جى جى على اساس انها رعد وبيعتذر منها.

جى جى باستغراب اكتر...اسف على ايه بس...قوم يله معايه انا مش عارفه ايه اللى جرالك ...واخددته وراحت اوضتها تعاله خد شور وبعدين نام ...يامن تجاهل كلامها ونام على السرير...وهى راحت نامت جنبه...ويامن افتكر رعد هى اللى فى حضنه قرب من جى جى ونام فى حضنها ...وبدموع ارجوكى ياحبيبتى سامحينى وخدينى فى حضنك ...انا محتاج لحضنك اوى اوى واستخبى فى حضن جى جى على اساس انها رعد...وجى جى شددت ضمتها ليه...لانها مابتصدق ان يامن يكون فى حضنها ميمهاش الطريقه ولا الدافع المهم يكون بين ايديها ...يامن فضل يتأسفلها كتير ..لغيت لما ذهب فى ثبات عميق ودموعه على وشه...وجى جى كمان نامت بفرحه وانبساط

رعد...فاقت بعد وقت هى مش عارفه اد ايه...فاقت بكل وجع والم ولقت نفسها حواليها دم كتير...وبتحاول تقوم تتصل على اى حد واول واحد فكرت فيه كان يامن ...بس لاسف هى معهاش رقمه...فقررت تتصل على كرم...فضلت تحاول كتير عشان تقوم وتوصل للتليفون ..وبعد تعب ومجهود وصلت واتصلت على كرم...وبصوت كله تعب ..الحقنى ياكرم الحقنى وأغمى عليها تانى

كرم كان نايم ولما سمع رعد بتقوله كدا اتفزع  وبصريخ...رعد رعد ردى عليه يارعد ...قام بسرعه ونزل حتى مفكرش يغير لبسه البيتى اللى كان نايم بيه..واخد عربيته وطار بيها ...على بيت رعد اللى مش متاكد هى فى بيتها ولالا...بس لازم يروح ويتاكد

وفعلا وصل واول ماوصل لاقا باب الفيلا مفتوح قلبه انقبض وخاف جدا على رعد ودخل يجرى ولاقاها نايمه على الارض وحوالها دم كتير ودماغها بينزف ...قرب منها وبصريخ وخوف رعد رعد فوقى يارعد...وفى لحظه كان شايلها ومنايمها على الكنبه واتصل على الدكتور وحاول يوقف النزيف لغيت الدكتور ما يجى

الدكتور وصل وخيطلها جرحها وربطلها دماغها ...وبجديه لكرم لازم تخلى بالها من نفسها اكتر من كدا لان انا شايف جرح تانى كبير فى دمغها ولسه مالمش وكمان الجرح ده فياريت تخلى بالها من نفسها اكتر من كدا

كرم افتكر لما شاف رعد تعبانه بس هو ماشفش غير جبينها بس وغمض عنيه بوجع ولنفسه ...كمان يارعد خبيتى عليه جرح كبير زى ده طب ليه وعشان مين بتعملى فى نفسك كدا...عذاب رعد بقلمى دى دى فتحى ...اللهم اسالك الفردوس لوالدى

وبحزن للدكتور...انا متشكر اوى يادكتور واكيد هنخلى... بالنا منها...بس معلش خلى حد من عند حضرتك يجيب العلاج لانى مش هينفع اسبها لوحدها واروح ..الدكتور تحت امرك يافندم 

وبعد خروج الدكتور ...كرم شال رعد وطلعها اوضتها اللى دور عليها لغيت لما لقاها لانه مادخلهاش قبل كدا..نايمها وغطاها وشاف الفازه المكسوره ...والقلق والخوف مالوه على رعد وان أى حاجه ممكن تأذيها وغمض عنيه بوجع ...ودعا ربنا انه يحميها ومفيش حاجه تأذيها ابدا لانها اتعذبت كتير فى حياتها

وبعد وقت الدكتور بعت لكرم العلاج 

@@@@@@@@@@@@@@@@@

تانى يوم الصبح 

رعد بتفوق ولسه بتبدا تقوم وهى موجوعه ودماغها بتالمها بشده لان جرحين فى دماغها والاتنين وجعنها جامدين ولسه هتقوم كرم جرى عليها ونايمه تانى

رعد بتعب ...ارجوك ياكرم سبنى انا لازم اروح الجهاز واشتغل على الفلاشه ونمسك العصابه وغمضت عنيها تانى

كرم بدموع ...اه يارعد لو اعرف مين اللى عمل فيكى كدا بس اكيد... انت جاسر الزفت والله ماهرحمك ابدا انا لازم انتقملها منك

كرم بلغ الجهاز بغياب رعد لانها تعبانه والكل قلق عليها بس هو طمنهم بس الكل قرر انهم يروحوا يطمنوا عليها...ادهم اتصل على يامن اللى مكنش لسه وصل الجهاز عشان يقوله على تعب رعد ولو هو كمان حابب يروح معاهم

ادهم اتصل على يامن اللى كان لسه فى حضن جى جى ...قام على رن موبيله وبعنف لجى جى انتى ايه اللى جابك اوضتى انطقى

جى جى بمكر ..والله دى اوضتى وانت اللى فيها مش انا ...يامن بيبص حواليها وبيفتكر اللى حصل واول ماافتكر منظر رعد وهى مغمى عليها وغرقانه فى دمها غمض عنيه بوجع... وكل ده وادهم بيرن عليه ...يامن مسك التليفون بخوف واول ماشاف ادهم اللى بيرن...وبصوت مرتعش يغلبه الخوف ...ايه اللى حصل لرعد ياادهم

ادهم مااخدش باله ان يامن بيقول رعد من غير القاب...وباستغراب مين اللى قالك داحنا لسه عارفين حالا

يامن بخوف اكتر..أيه اللى حصلها اتكلم بسرعه

أدهم بحزن...انا مش عارف بالضبط ايه اللى حصلها بس النقيب كرم بلغ انها مش هتيجى النهارده عشان تعبانه واحنا هنروحلها دلوقت ولو حابب تي...يامن بمقاطعه هالبس واجى حالا

يامن قام بسرعه ودخل اوضته اللى كانت كلها متكسره لبس وخرج بسرعه وسرايه قابلته وبسؤال ايه اللى حصل ومستعجل كدا ليه ...يامن تجاهل كلامها وخرج بسرعه

جى جى نزلت وراه...وسرايه سالتها وحكتلها على كل حاجه ...من اول مادخلت على يامن وهو بيكسر اوضته ...لغيت مكالمه ادهم

سرايه بشر وكره...ياريت تكون اتاذت فى شغلها اوحتى ماتت خلينا نرتاح منها

جى جى ...لدرجادى ياخالتوه بتكريهها

سرايه بكره اكتر...يااااه دانا لو اطول اقطعها بايدى وارميها  مش هتردد ابدا عشان احقق انتقامى منها

جى جى...طب وانا ياخالتوه نستينى ولا ايه

سرايه بمكر انساكى ازاى وانتى جزء من اللعبه

جى جى بعدم فهم...يعنى ايه ياخالتوه

سرايه بعنف ...قولتلك قبل كدا متساليش عن جاحه ابدا لما اعوز اعرفك حاجه هعرفهالك

جى جى بخوف منها...حاضر ياخالتوه مش هسأل تانى أهم شئ يكون يامن ليه وبس

سرايه بينها وبين نفسها....مش ده المهم عندى المهم باقى الخطه بتاعتى تتنفذ واشوفها قدامى مذلوله ومكسوره وبعدين جاسر ينتقم منها ويخلص عليها واخد العشره مليون جنيه

عند رعد..

رعد نايمه وبتخترف باسم يامن كرم قرب منها عشان يسمعها... وسمع اسم يامن غمض عنيه بوجع واتاكد ان رعد بتحبه وبتحبه اوى كمان بس حصل امته وازاى...بس ياترى هو بيحبها هو كمان ولا هيكون زى مؤمن وجاسر ولنفسه بس لو اتاكدت انه هو مش بيحبها ولا بيلعب بيها هنسفه من على وش الدنيا والله هنسفه...قاطع تفكيره خبط باب فيلا رعد...وكان اللواء صبرى وادهم وعدى ومؤمن ويامن

كرم فتحلهم الباب...وطلعوا فوق ودخلوا اوضه رعد اللى اتفاجوا من جمالها وشيكتها الايامن اللى شافها قبل كدا مرار وتكرار ...وبرغم ان مؤمن وعدى وكرم اصحابها من زمان بس محدش شافها قبل كدا ....عذاب رعد بقلمى دى دى فتحى...اللهم اسالك الفردوس لوالدى

يامن اول ...مادخل وشاف حبيبتك ورعد قلبه وحب عمره وحياته...وشها اصفر ودماغها مربوط وواضح عليها التعب ..غمض عنيه بوجع ونفسه يصرخ ويصرخ ويقولها أنا اسف ياحبيبتى انا اللى عملت فيكى كدا انا اللى هونتى عليه وخطبتك وسابتك غرقانه فى دمك ...انا اللى خنت ثقتك وسرقتك عشان اااذيكى...قاطع تفكيره ..همسات رعد باسمه اللى قدر يفهم حركه شفايفها وهى بتنطق باسمه...ولنفسه والله انا مستاهل تنطقى اسمى مابين شافيفك ولا بينك وبين نفسك... ارجوكى سامحينى

ورعد مازالت تهمس باسم يامن ...كرم قرب عليها بسرعه عشان محدش ياخد باله وينبهها ...وبصوت خافت لها ...رعد رعد فوقى الكل هنا جاين عشان يطمنوا عليكى ...رعد فتحت عنيها ببطء ومشفتش حد فى الاوضه كلها غير يامن...اللى باصتله بنظره عتاب انه مجاش زى ما وعدها وأكن الدنيا كلها وقفت على اللحظه دى ويامن كان خايف ان رعد تكون عرفت باللى هو عمله فا لف وشه الناحيه التانيه..عشان مش قادر يواجه عيونها اكتر من كدا بعد ماخان ثقتها فيه....ورعد زعلت جواها ولنفسها لدرجادى مش عايز يشوفنى

كرم قبل الكل مايلاحظ ...رعد الكل جاي عشان يطمن عليكى...رعد اتنبهت ولسه هتقوم..كرم مانعها...عدى قرب من رعد وبيملس ايده على شعرها وجبنها وبدموع الف سلامه عليكى يارعد ياريتنى كنت مكانك... بس اوعدك هعرف مين وانتقملك منه قريب...يامن كان واقف هيولع ونفسه يولع فى عدى عشان بيحط ايده على حبيبته وحب عمرى ...رعد لعدى الله يسلمك انا كويسه اطمن

أدهم بدموع وحب ...الف سلامه عليكى يافندم يارب كنت موت اقبل مااشوفك نايمه كدا

رعد بحب ...الله يسلمك ياادهم وبلاش الدموع دى لانى انا كويسه...ادهم دموعه نزلت بصمت على كلامها ...وهى بصتله بحب وحزت وسكتت

مؤمن بحزن حقيقى ...الف سلامه عليكى يارعد الف سلامه 

رعد ...الله يسلملك متشكره على اهتمامك

...رعد بصت للواء صبرى ..تعاله يابابا واقف بعيد ليه ...اللواء صبرى بدموع ...انا مستاهليش اكون ابوكى لو انا ابوكى فعلا كنت حميتك واهتميت بيكى ومخلتش حد يأذيكى ابدا

رعد بحب وتعب ...لالا ياحبيبى متقولش كدا انت احسن اب فى الدنيا كلها

اللواء صبرى ..فضل يتكلم معها كتير ...والكل حزين لتعب رعد...وكرم بعتاب لها قدام الكل ...ممكن اعرف أيه اللى عمل فيكى كدا والجرح التانى اللى فى دماغك ده من ايه ...لان الدكتور قال انه لسه ملمش وكدا غلط عليكى 

يامن...غمض عنيه بوجع لانه هو السبب فى الجرحين وبأديه أذاها وبيموتها بالبطئ

رعد بهروب...خلاص ياكرم متكبرش الموضوع أنا كويسه اهوا...كرم باعتراض لا انتى مش كويسه.انتى..رعد بمقاطعه أرجوك ياكرم متقلقش الكل عليه انا كويسه...هرتاح شويه وكل حاجه هتبقا تمام

كرم سكت..لانه عرف ان هى مش عايزه تتكلم قدام الكل فاحترم قررها

الكل اطمن على رعد وبعد وقت كرم للكل ...احنا لازم نسيبها ترتاح شويه وتاخد علاجها 

اللواء صبرى اعترض وكمان عدى...بس كرم قالهم لازم يكونوا موجودين فى الجهاز بدل رعد ..ومع اصرار رعد وكرم وافقوا والكل بدأ يمشى حتى يامن اللى منطقش ولا كلمه من اول مادخل ...وهو ماشى رعد عنيها متعلقه بيه ونفسها يستناء أويقولها اى حاجه بس خرج ومتكلمش ولاكلمه ورعد غمضت عنيها بوجع وانكسار ...وكرم لاحظ كدا ...ونزلوا كلهم تحت وكرم نزل عشان يوصلهم...وجتله فكره عشان يامن يرجع تانى للرعد ...وبسؤال ليامن ممكن تجبلى مفاتيح عربيتى من اوضه رعد عشان اخرج اجيب اكل من بره

عدى بلهفه ...خليه وانا اطلع اجيبهم ...كرم باعتراض لالا خليك يامن هيطلع هجيبهم ..ويامن مكنش عايز يطلع عشان عنيه متتقبلش مع عيون رعد اللى مش عارف يواجهم

وكرم معرفش يفسره موقف يامن ده ايه بس قرر انه لازم يعرف ايه اللى وراءه ...وهو فعلا يستاهل حب رعد ولالا 

يامن طلع والكل خلاص مشوا لان كرم قالهم امشوا انتوا ويامن هيبقا يحصلكم والكل طبعا عشان مش شاكك فى حاجه ولا عارف حاجه مشى من غير استفسار

كرم قرر يسيبهم شويه لوحدهم عشان خاطر رعد وعيونها اللى متعلقه بيه ...مع انه صعبان عليه عدى جدا بس ماباليد حيله محدش يعرف يتحكم فى قلبه ابدا وقعد وبيسترجع ذكرياته بينه وبين ملك

فلاش بااااك

ملك وهى فى بيتها فى منطقه شعبيه ...كرم خبط ومامتها فتحتله وطبعا مامتها وباباها ميعرفوش حاجه من اللى حصلت بين ملك وكرم

كرم ...ممكن اعرف مابتروحيش جامعتك ليه ولا بتردى على تليفونك 

ملك بتهرب..مبردش على تليفونى عشان مش عايزه أرد عليك ومبروحش جامعتى عشان معدش لها لازمه عندى

كرم ...وانا كمان معدتش ليه لازمه عندك عشان مش بتردى على تليفونى

ملك بعنف...لالا متقولش كدا ياسياده النقيب... انا اللى معدتش ليه لازمه عندك انت اخدت اللى انت عايزه وخلاص عايز منى ايه تانى ارجوك بقا سبنى فى حالى

كرم بحب..انا عايز ملك بتاعت زمان ..عايز..ملك بمقاطعه وعنف ...ملك بتاعت زمان دى خلاص ماتت وانت اللى موتها بايدك 

كرم بحب اكتر...ارجوكى سامحينى أنا كان غصب عنى

ملك بدموع..وانا كمان كان غصب عنى بس انت اللى مادتنيش فرصه اوضحلك وانت تسمعنى  وبعدين اللى انت عايزه اخدته ومعدتش انفع لا ليك ولا لغيرك ودلوقتى اتفضل امشى واحمد ربنا ان مقولتش لبابا وماما عشان صورتك متتشوهش قدامهم 

كرم انا ميهمنيش حد غيرك انتى ارجوكى ادينى فرصه وسامحينى وانا هعوضك عن اى حاجه شوفتها

ملك قامت وبعنف...اتفضل اخرج بره ومتجيش هنا تانى فاهم وخلعت بدلتها وحطها فى ايديه

كرم بحزن ...دبلتك دى هشيلها فى قلبى لغيت لما اخدلك حقك من اللى عمل كدا وفرق بينا هخدك حقك منه حتى لو التمن هيكون حياتى سامعه حتى لو التمن هيكون حياتى...وسابها وخرج...وملك جرت على اوضتها وعيطت بكل الوجع والالم... والاهم من كل ده عيطت بكل الحب اللى جواها وضياع حبيبها منها

بااااااك

كرم فضل سرحان فى ذكراياته مع ملك 

عند رعد

يامن...خبط ...رعد بصوت متعب ادخل ياكرم...واول مايامن دخل رعد حاولت تقوم بس أتالمت ويامن جرى عليها ...وهى بحب أنا كنت متاكده انك هترجع لانى مش هاهون عليك تشوفنى كدا وتسبنى ...يامن نايمها تانى وبوجع بيداريه...بس انا مش راجع عشانك انا راجع اخد مفاتيح عربيه النقيب كرم...رعد غمضت عنيها بوجع ...وهو شافها ولفلها ضهره عشان ميضعفش ...واخد المفاتيح ولسه هيخرج ..اتفاجا برعد بتحضنه من ضهره وبحب واشتياق وحشتنى اوى...يامن غمص عنيه بوجع والم واشتياق .اكتر منها..ولف لها ونزل ايديها ووشها عليه علامات استفسار كتيره...وبهدوء عكس اللى جواه لانه جواه بركان عايز ينفجر من كابت مشاعره لها....وبهدوء انتى ايه اللى قاومك من سريرك انتى لسه تعبانه 

رعد بحب واشتياق...تعبى هو بعدك عنى ومسكت وشه بحب ظاهر أرجوك قولى ايه اللى حصل وليه بعيد عنى كدا أرجوك قولى وانا هساعدك

يامن بيحاول...يكون عادى مفيش حاجه حصلت بس ده الطبيعى...رعد بعدم تصديق ولسه حاطه ايديها على وشه ارجوك...قولى ايه اللى بعدك عنى انت متعرفش تجاهلك ليه وبعدك عنى عامل فيه ايه 

يامن بشبه عنف...نزل ايديها احنا مفيش بينا حاجه عشان تقوليلى كدا عن اذنك ولسه هيمشى ...رعد شددت ايديه بتعب ظاهر...أرجوك خليك شويه وانا مش هتكلم معاك فى حاجه خالص...منظر رعد وكلامها وجعه اوى بس مش قادر يضحك عليها اكتر من كدا لازم يبعد عنها ويقولها اى حاجه تجرحها حتى لو ده هيجرحه هو كمان 

وبعنف زق ايديها...ارجوكى كفايه كدا انا أكتفيت من التمثيل عليكى دور العاشق الولهان كفايه بقا كدا

رعد بصدمه ...يعنى انت مش بتحبنى

يامن بعنف ووجع ...لا مش بحبك وعمرى ماحبيتك

 ابدا ...انتى كنتى بالنسبالى رهان بينى وبين أصحابى أنى اوقعك فى حبى وأخدك معايه اى مكان أنا عيزه

رعد انهارت على الارض ..وبدموع ووجع ...أنا بالنسبالك رهان طيب ازاى

يامن بوجع وحزن ...ايوه ...رهان وعمرى ماحبيتك ولا بحبك ...انا مبحبش غير جى جى وهتجوزها قريب

رعد بصدمه اكبر...امال اللى حصل بينا تسميه ايه واوعه تقول رغبه

يامن بعنف ...لامش هقولك رغبه ...بس هقولك انتقام منك

رعد بقت شبه مغيبه ...انتقام منى انا ...طب عملت فيك ايه عشان تنتقم منى بشكل ده 

يامن بعنف ...بنتقم منك عشان قتلتى ابويه وأخويه 

@@@@@@@@@@@@@@@@

👏البارت انتهاء✋ نكمل بكره ان شاء الله👐

👌توقعاتكم👌

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا