رواية عذاب رعد الفصل الخامس والثلاثون والسادس والثلاثون بقلم دي دي فتحي( حصريه وجديده في مدونة قصر الروايات)
رواية عذاب رعد الفصل الخامس والثلاثون والسادس والثلاثون بقلم دي دي فتحي( حصريه وجديده في مدونة قصر الروايات)
👐اللهم إنى أسالك فهم النبيين ...وحفظ المرسلين ...والملائكه المقربين ...اللهم اجعل السنتنا ...عامره بذكرك ...وقلوبنا بخشيتك واسرارنا بطاعتك ...انك على كل شئ قدير ...وحسبنا الله ونعم الوكيل👐
💗 قراءه ممتعه 💗
سرايه اتفقت على رعد ...وجى جى اتفقت على يامن
كرم كان رايح يشوف رعد ليه قالتله كدا ...وهو مستحيل يستحمل خسارتها ابدا لان خسارتها بالنسباله خسارته لدنيا كلها...ضرب الجرس كتير ورعد مكنتش راضيه ترد ...بس فى الاخر اطرت ترد وكلمته من السماعه الخارجيه ...امشى ياكرم امشى انا مش هفتح
كرم بدموع ارجوكى يارعد ارجوكى افتحى واسمعينى ..ارجوكى ...رعد بعنف قولتلك مش هفتح مش هفتح وابعدوا عنى انا مش عيزه اعرف حد فيكم كفايه اللى حصلى بسببكم عايزين تعملوا فيه ايه تانى
كرم بدموع وصوت عالى ...ارجوكى يارعد ارجوكى افتحى انتى امى وابويه واختى وصحبتى وحبيبتى وكل دنيتى ...ارجوكى افتحى وبلاش تحرمنى منك ...انا اقدر اتحمل كل حاجه الا بعدك عنك ارجوكى يارعد انا اهون عليه الموت ولانك تبعدنى عنك ...وفى لحظه رعد سمعت ضرب نار خافت وفكرت كرم ضرب نفسه بنار ونزلت تجرى وفتحت الباب ولقت كرم مضروب رصاصه فى كفته من وراء ...رعد بصريخ عملت ايه فى نفسك يامجنون عملت ايه
كرم بالم وصوت متقطع مش انا اللى ضربت نفسى يارعد انا عمرى ماهسيبك فى الدنيا لوحدك ابدا وغمض عيونه
رعد بدموع انا مش هسيبك انا كمان كرم مش هسيبك ...رعد انتبهت لضرب النار اللى محاوطها من كل الجهات .. شددت كرم ودخلته جوه بسرعه وربطتله جرحه عشان توقف النزيف ...وطلعت اوضتها بسرعه لبست واقى الرصاص وجابت سلاحها وشويه حاجات تساعدها فى الدفاع عن نفسها
ونزلت عشان تشوف فيه ايه ولا ضرب النار ده ليه
لقت يامن كذا واحد بيضربوه ...جرت عليه وبتحاول تتفادى ضرب النار اللى محاوط الفيلا من كل مكان ..واحت لى يامن اللى من جرح صدره مش قادر يقاوم ضربهم ليه ..بس مكنش يقدر يسيب مراته وحبيبته تموت حتى لو التمن حياته
رعد ضربت اللى كانوا بيضربوه ويامن كمان كان بيضرب بس بيضرب بالم
رعد شددته وجرت لى جوا ...وبسؤال ممكن اعرف مين دوال وليه بتشتبك معاهم وعيزين ايه
يامن مش عارف يقولها ايه دوال امى بعتاهم عشان يموتوكى ولا يقول لها ايه هو مش عارف مجرد انه مش عارف دموعه نزلت بصمت
رعد بفهم ...اه اه انا كدا فهمت مامتك اللى بعتاهم مش كدا وانت جاى تمثل عليه انك مش معاهم
يامن بصدق انا فعلا مش معاهم لانى انا معاكى انتى
رعد بعنف ...وانا قولتلك ابعد عنى وزقته عشان تخرج يامن شدها جامد ليه انتى مش هتخرجى لوحدك عشان انا معاكى ومش هسيبك حتى لو انتى ضربتينى بنار تانى ..ولسه هيطلعوا ...دخل الناس اللى كانت جايه تموت يامن دخلوا واتلاشوا رعد ...وبيضربوا فى يامن ورعد هجمت على رئيسهم انت مين وجاين هنا ليه وليه بتضربوه المفروض انكم جاين ليه انا
رئيسهم بعنف وبتحذير ...احنا هدفنا يامن العمرى مش انتى ...وبامر لرجالته موتوه ...وفى لحظه كان واحد منهم ضربه رصاصه..ولسه هيضربوه تانى ...رعد ضربته رئيسهم بعنف وقوه وبصوت عالى قولهم يسبوه قولهم ...رئيسهم بصوت مكتوم ورعد خناقه من رقبته سبوه يابهائم سبوه ...فعلا سبوه بس رعد كانت لفت رقبته كسرتهاله وقع جثه هامده ورجالته طلعوا يجروا يهربوا
رعد راحت بسرعه ليامن اللى جرحه اتفتح وكمان الرصاصه التانيه... ومعدتش قادر يقاوم ابدا كان هيوقع بس رعد لحقته وسندته ...يامن بتعب سبينى وامشى يارعد سبينى وامشى ماما بعته الناس دوال عشان يموتوكى والناس كتير بره ارجوكى اهربى انتى لازم تعيشى حياتك كفايه كدا كفايه وبيغمض عيونه
رعد بدموع وبتهز فيه ...فوق يايامن فوق عشان مامتك وعشان ابنك لازم تعيش عشانهم وبلاش تستسلم للموت
يامن بتعب وشبه ابتسامه ...مامتى هى فين مامتى دى ...وابنى مش لو كان ابنى وغمض عيونه...رعد سمعت ناس تانيه داخله ...خبت يامن بسرعه وربطلته جرحه ...وبتبص لعددهم من غير هما مايخدوا بالهم ولقيتهم عددهم كبير
ولنفسها انا مش هقدر عليهم كلهم هماعددهم كبير انا لو عليه مش مشكله بس كرم ويامن لو انا مت طيب مين اللى هيلحقهم انا لازم اتصرف ...واتصل على بابا صبرى وهو هيجى بسرعه وبتدور على تليفونها ..افتكرت انها سيباها فى اوضتها واستحاله تعرف تعدى منهم
وسمعت صوت رئيسهم انا عيزكم تلقوهالى باى تمن دى غاليه اوى عند الرئيسه عيزين نقرى عليها الفاتحه وناخد المكافاه ..ولسه هتمشى يامن حس بيها وشدها من ايدها وبضعف ارجوكى ياحبيبتى ارجوكى اهربى وبلاش تضحى بنفسك عشان حد ...وابقى افتكرينى وبلاش تنسينى وافتكرى اللحظات الحلوه اللى احنا عشناها سوا ..وبدموع والله كان نفسى اعوضك بس انا ضعيت كل حاجه وغمض عنيه ورعد بصتله بحزن ووجع ...وبتحاول تطلع تجيب التليفون بس رجاله سرايه كانوا مالوا الفيلا جوا...ولاول مره فى تاريخها المهنى تحس بالعجز ده ...هى لو عليها مش مهم بس كرم ويامن هتعمل فيهم ايه ..بس جتلها فكره وقررت تنفذها خلاص وهى ونصيبها ياتصيب ياتخيب
طلعت بخطوات ثابته وبثقه وهى مش معاها اى سلاحها ...وبتصقف بايدها للرجاله اللى مالين الصاله بتاعتها ...وبمكر وخبث ...تعرفوا برافوا عليكم انكم قدرتوا تدخلوا فيلا المقدم رعد اللى محدش بيقدر يدخلها ابدا ...بس انتم ماشاء الله عددكم كبير وتقدروا تدخلوا اى مكان بعددكم ده ...وبصراحه فضلت افكر اعمل ايييه ...اعمل ايييه ..تعملى ايييه يامقدم رعد ...ومش هكدب عليكم قولت انا كدا كدا ميته ...فقولت خلاص نموت كلنا سوا
رئيسهم ...كلنا مين انتى اللى هتموتى انتى لوحدك انتى متعرفيش هنكسب اد ايه من وراكى
رعد بس لاسف مش هتعرفوا تكسبوا من موتى حاجه لان احنا هنموت كلنا ..وبصراحه انا كهربت اسوار الفيلا كلها ...ده غير القنابل اللى انا زرعتها فى كل مكان .يعنى كلها 5 دقايق ونموت كلنا...يعنى كدا ميتين وكدا ميتين
الكل اتصدم ونزل سلاحه وسهم ...وبصدمه ايه مش ممكن احنا اللى معانا القنابل وهنفجر بيكى الفيلا انتى كدابه انتى متعرفيش تعملى كل ده لوحدك
رعد فى لحظه سهو منهم كانت هاجمه على رئيسهم ..واخدت سلاحه وحطته على دماغه...وبمكر وخبث ...هو من ناحيه اقدر اعمل كدا اقدر اعمل ....واه انا كدابه مع ان ده مش من طبعى بس الاغبيه اللى زيكم مش ينفع معاهم غير كدا ...وبعدين ياغبى انت وهو انا كنت اعرف بمعاد هجومك عليه عشان اعمل كدا بس انتم اغبيه ...وبعنف وغضب...ويله اديلهم الامر عشان يرموا سلاحهم بدل ما افجر دماغك المتكلفه دى
رئيسهم بسرعه ...ارموا سلاحكم بسرعه ارموه...كلهم نزلوا سلاحهم ..ورعد فى لحظه كانت ضرباهم وكومتهم مكانهم... وفيه منهم خاف وهرب
ده كله ولسه مسكه رئيسهم وهى محاوطه رقبته بايدها ...وبمكر ...هااا قولى بقا مين اللى اتجرا وبعتك عشان تقتل المقدم رعد...وبمكر على فكره انا عارفه بس عيزه اسمعها منك ...هااا هتقول ولا افرتكلك دماغك الحلوه دى
رئيسهم بخوف ..سرايه هانم هى اللى بعتانى ..وبمكر انا مكدبتش عليكى اهوا سبينى بقا ...رعد بمكر اكتر منه ده على اساس انا لو سبتك انتى هتسبنى وضربته بنار كومته جنب رجالته
ولحظات وتليفونه كان بيرن وكانت سريه
رعد اخدت التليفون وفتحت ..سرايه بعنف وغضب ايوا يازفت انا برن عليك مش بترد ليه
رعد بكره وغضب ...الزفت مش بيرد عشان مات وشبع موت
سريه بغضب وصدمه ...انتى لسه عايشه
رعد باستفزاز ..اه انا لسه عايشه ...وابقى خلى بالك المره الجايه اما تبعتى حد يقتل المقدم رعد ..ابقى ابعتى بدل 10 عشرين وبدل 20 تلاتين ...لان انا اقوى من الرعد نفسه
سرايه انا هدفعك التمن غالى يارعد والله هدفعك التمن غالى
رعد باستفزاز اكتر ...اه اه نسيت اقولك ان ابنك الغبى موجود عندى ومتصاب ...بس صدقى صعبان عليه...كان جاى ينقذنى بس معرفش حتى ينقذ نفسه ... عشان غبى ...ومامته أغبى منه ...على العموم انا مش غبيه زيكم ...وهوديه المستشفى ...وبمكر ابقى روحيله لو لحقته
سرايه بغضب وجنون ...هقتل يارعد هقتل والله
رعد بمكر واستفزاز اكتر...بس حاسبى تيجى تقتلينى اقتلك انا وقفلت فى وشها الخط
سرايه اتجننت بزياده وكسرت كل اللى قابلها
جى جى نزلت على التكسير ...وبسؤال ومكر فيه ايه ياخالتوه ايه اللى حصل
سرايه بصريخ وغضب ...فيه ...انها لسه عايشه وابنى اللى اتصاب ...جى جى فرحت جواها بس دارت فرحتها
سرايه بجنون ...طيب ازاى اكيد كان بيدافع عنها واخد الطلقه بدالها ...جى جى بمكر...خلاص ياخالتوه متزعليش يعنى هو مات...سرايه بغضب انتى بتقولى ايه..جى جى لحقت نفسها بسرعه قصدى يله نلحقه قبل مايموت
*************************
عند رعد ...رعد اتصلت على المستشفى وبعتتلها الاسعاف ...واخدوا كرم ويامن وركبت معاهم ووصلوا المستشفى ودخلوا العمليات وبعد وقت خرجوا وكل واحد دخل اوضه
وبعد وقت...رعد دخلت اوضه كرم عشان تطمن عليه ...كرم اول ماشافها دموعه نزلت وبيحاول يقوم ...رعد منعته ...بلاش تقوم انت لسه تعبان
كرم بدموع ...ارجوكى يارعد ارجوكى بلاش تسبينى زى كلهم ماسبونى ارجوكى خليكى انتى معايه
رعد بحب وبحنان ...انا عمرى ماهسيبك انا هفضل معاك
كرم بدموع بس انتى قو...رعد بمقاطعه انسئ الكلام اللى انا قولته وارتاح ...كرم بدموع ...ارجوكى خليكى جنبى وبدا يغمض عيونه وينام
رعد فضلت جنبه لغيت لما نامت هى كمان على الكرسى جنبه...وبعد وقت فاقت وكرم كان لسه نايم ...وفكرها وذهنها راح ليامن ..قلبها لازم تروحى تطمنى عليه هو كمان متصاب ...عقلها اوعى تعملى كدا اوعى هترجعى تندمى تانى بلاش تأذي نفسك تانى ...وقدرت انها متروحش تشوف يامن مع انه نايم فى الاوضه اللى جنب كرم
عند يامن ...سرايه وجى جى راحوا عشان يطمنوا عليه وسرايه كانت فى قمه غضبها ...وبعنف وغضب ليامن روحت ليه انت عايز تحرق قلبى عليك
يامن بحزن وتعب ...وانتى ليه عيزه تحرقى قلبى عليها وببص على الباب ..وعنده امل ان رعد تيجى وتشوفه
سرايه اخدت بالها من عيون يامن وهى على الباب ..وبعنف ايه مستنيها عشان تيجى وتستعطفها وتتحايل عليها وتذل نفسك ليها
يامن بحب ...ده مش ذل ده حب ده عشق وانا بحبها وبعشقها..سرايه بغضب ...انا مش عارفه هى عملاك ايه مش عارفه
جى جى بمكر ...حمد لله على سلامتك يايامن كناء فكرينك انا وخالتى انك موت ..سرايه بصتلها بغضب ايه اللى انتى بتقوليه ده ...جى جى بمكر ...انا مش بقول حاجه ياخالتوه
يامن بحزن وهو بيبص على الباب ...يارتنى موت يارتنى موت ولا حسيت بالعذاب ده ارجوكم سبونى لوحدى عايز ارتاح وغمض عيونه
سرايه لا انا هبات معاك ...يامن بحزن ارجوكم سبونى لوحدى ارجوكم وذهب فى ثبات عميق ...وهما كمان بعد شويه مشوا على اساس انهم هيرجعوله الصبح
يامن فاق بعد الفجر بتعب والم ...بس اشتياقه لرعد كان اكبر من الالم والتعب ده شد المحلول من ايده ...هو متاكد انها مع كرم وخرج من اوضته بتعب...الممرضه حاولت توقفه ...بس هو بنظره منه سكتها وبتعب فين اوضه النقيب كرم انطقى ...الممرضه شاورت على الاوضه اللى جنبه ..خبط على اوضه كرم واما محدش رد دخل ولاقا كرم نايم على سريره ...ورعد نايمه على كرسى جنبه ...قعد على ركبته جنبها ..وبيملس على وشها بحب وعشق ...هى وحشها كل حاجه فيها عيونها وشفايفها وخدوها حتى كلمه مينو منها وحشاه جدا ...قرب منها زياده ولسه هيلمس شفايفها رعد فاقت وزقيته بعيد عنها ...وبعنف قولتلك قبل كدا متحاولش تقرب منى تانى فاهم ...كرم فاق من الصوت بس عمل نفسه نايم ..على امل انهم يتصالحوا
يامن بدموع وتعب والله انا بحبك ومقدرش استغنى عنك
رعد بعنف وغضب وانا بكرهك ولو بايدى اموتك بدل المره مييت مره مش هتردد ...يامن قرب منها ...وبتعب ومين قالك انى عايش انا بغيابك عنى فعلا ميت ارجوكى سامحينى والله وحشتينى اوى ومش قادر على بعدك اكتر من كدا
رعد بعنف وانا عمرى ماهسمحك ويله اطلع بره
يامن بعنف وتعب ...يعنى انتى بتكرهنى وعيزه تموتنى بدل المره ميييت مره ...طيب خلى انتى عنك وانا هقوم بالمهمه دى ...وفى لحظه كان ماسك سكينه من طبق الفاكهه اللى جنبه ولسه هيضرب نفسه بيها رعد صرخت بصوتها كل وكرم معدتش ينفع يعمل نفسه نايم اكتر من كدا شد المحلول من ايده ونزل بسرعه
رعد بقوه وبتقرب منه ابعد السكينه دى ابعد...يامن بتهديد متقربيش اكتر لان كدا كدا هموتلك نفسك انتى بس استمتعى بالمشهد ...كرم بخوف ...ابعد يايامن السكينه دى ده مش حل ابدا ابعدها
يامن بدموع وحزن لا هو ده الحل الوحيد عشان ارتاح من الدنيا كلها انا تعبت والله تعبت...رعد كانت قربت منه زياده وبتشد السكينه منه اتعورت وهو اول ماشاف ايدها رما السكينه من ايده...كرم سحب نفسه وطلع بره عشان يسيبهم سوا
رعد بعنف انت ليه بتعمل كدا انت ليك مامتك ومراتك وابنك عايز منى انا ايه ابعد عنى وعيش حياتك
يامن بصريخ ودموع ...انا مليش بيت ومليش ام وكمان ده مش ابنى ...انا مليش حد غيرك فى الدنيا...وانتى كمان استكترتى نفسك عليه ...ارجوكى بلاش تسبينى...ورما نفسه فى حضنها ...ورعد واقفه ثابته مش عارفه تعمل ايه ...فيه حرب بين قلبها وعقلها ولاسف عقلها هو اللى انتصر لتانى مره...بعدته عنها بهدوء ...ويامن مسكها من وسطها ارجوكى انا محتاجلك اوى ...وبهمس وعشق وحشتينى اوى اوى وبيقرب من شفايفها ...رعد حطتت ايديها حاجز بين شفايفه وشفايفها ...وبهدوء اللى انت عيزه ده معدتش ينفع ابدا
يامن بسؤال وهو مازال على وضعه يعنى ايه معدتش ينفع
رعد على نفس هدوئها ...يعنى انا طلقت نفسى منك
يامن بصدمه وذهول ...ايه طلقتى نفسك منى طيب ازاى وحبك ليه والوعود اللى بينا
رعد بحزن ...خلاص معدتش لها مكان عندى وانت كمان معدتش ليك مكان فى قلبى لان انا عمرى ماهسمحك على اللى انت عملته معايه
يامن متكلمش تانى ...خرج من اوضه كرم عشان يروح اوضته...وماشى بخطوات مميته ..كرم جرى عليه وبسؤال فيه ايه يايامن وايه اللى حصل ومالك ماشى كدا ليه
يامن بتوهان ودموع ...رعد طلقت نفسها منى ...رعد طلقت نفسها منى ...واغمى عليه وهو قدام اوضته...كرم بصريخ يامن يامن ...رعد طلعت تجرى لقيته مغمى عليه ...دموعها نزلت بصمت على حالها وحال حبيبها
الممرضين دخلوه اوضته ...الدكتور بتعنيف للمرضه ازاى مريض بحاله دى يخرج من الاوضه وهو تعبان كدا ...انا هحملك المسؤليه لو حصله حاجه...الممرضه بدموع والله يادكتور انا حاولت امنعه وهو مش سمع كلامى ...الدكتور بعنف كان لازم تمنعيه بالقوه او تنادى حد مننا ...وعلقوله المحاليل تانى وسبوه وخرجوا
كرم بصدق انا مش عايز اعرف ايه اللى حصل بينكم بس خليكى جنبه يارعد خليكى جنبه هو محتاجلك اعتبريه حد زيه زى اى حد من الفريق ومحتاج مساعدتك ...وانا هروح اوضتى ...بعد خروج كرم رعد قعدت جنبه وفضلت تبصله بحزن ووجع... لغيت لما ذهبت فى ثبات عميق
فاقوا الاتنين على صوت الممرضه اللى جايه تغيرله على الجرح وهى عيونها هتاكل يامن وفيه عيون تانيه هتاكلها وعيزه تولع فيها...الممرضه بدلع وبتوطى على يامن ...اللى كان صاحى بس ثابت وسرحان فى دنيا غير الدنيا
الممرضه بدلع واغراء...لو عايز حاجه اى حاجه ولا محتاج انى ابات معاك انا تحت امرك فى اى حاجه ...رعد فهمت كلامها من حركه شفايفها ...قربت منها ومسكتها من رقبتها ...وهى موطيه عليه...الممرضه بصوت مكتوم سبينى ارجوكى سبينى هموت ...
رعد بهمس للممرضه قوليلى بقا ..اى حاجه زى ايه انا عيزه اعرف انا كمان ...الممرضه بنفس نبره صوتها ...مفيش حاجه ارجوكى سبينى ...رعد زقتها بعنف ووقعتها على الارض وبتحذير تعرفى لو شوفتك فى الاوضه دى تانى هعمل فيكى ايه...مش عيزه اقولك انه هيكون اخر يوم فى عمرك ...ويله اخفى من وشى الساعه دى
الممرضه اترعبت من منظر رعد وطارت من قدامها
ده كله ويامن سرحانه فى دنيا غير الدنيا ...ومخدش باله من غيره رعد عليه من الممرضه ...رعد قربت منه عشان تكمل اللى الممرضه بداته ..لانها مكنتش كملت تغير لجرحه ...قربت من يامن وهو سرحان تمام ودموعه نزله بصمت ...هو متخيلش ابدا انها تطلق نفسها منه ...ولنفسه هى اكيييد عرفت انك من الملجا وعشان هو ميشرفهاش انها تكون مراته طلقت نفسها منه ...رعد غيرتله على جرحه وحس بيها وبيبصلها ودموعه نزله ...وهى عمله نفسها متجاهلها ...بس هى فى الحقيقه قلبها بيتقطع من جوه على دموعه دى...خلصت تغير جرحه...ويامن نفسه تقوله ان الكلام اللى هى قالتوله من شويه كدب وانها لسه مراته وحبيبته ...بس رعد اتكلمت غير اللى هو نفسه يسمعه منها
رعد بجديه لو عوزت حاجه انا عند كرم او ممكن تطلب اللى انت عيزه من اى حد من الدكاتره وسابته وخرجت
يامن غمض عيونه بحزن ووجع ...ودموعه نزله ولنفسه فوق يايامن فوق هى ممكن تكون بتحبك بس لما عرفت بحكايه الملجا طلقت نفسها منك وخافت على مركزها ووضعها الاجتماعى وهى عندها حق ...ابعد عنها وخليها تعيش حياتها مع اللى يستاهلها...انت لازم تعرف انك ملكاش الحق فى اى حاجه ...والحقيقه ان حياتك كلها عباره عن كذبه ...فضلت تكبر يوم عن يوم لغيت لما اتحولت لجحيم وانت لوحدك اللى اتحطيت فيه
رعد دخلت عند كرم ...وعرف من شكلها انهم مش اتصالحوا ولا هى هتسامح بساهل ...نفس اللى حصل بينه وبين ملك
*************************
👈👈👈عيزه اقول لكل راجل
👈المرآه كائن ضعيف ...خلقت انت لتكون سندها ومصدر قوتها ...وتكون لها مصدر للحب والاحتواء والحنان والاهتمام ....فجميع النساء ...عندما يهمس لها الرجل بكلمات غزل وحب 👈 تهيم معه وتطير فوق السحاب وتكون اسعد النساء ...وعندما يقول لها 👈
👈بحبك ...وانتى كل حياتى و انا السند ليكى عندما يميل عليكى الزمن 👈 تحس انها امتلكت الدنيا وما عليها
👈وعندما يعنفها ويقول لها كلام جارح او كلمات مؤلمه او يستهين بمشاعرها ...او يخون ثقتها وحبها ....👈 يحولها لكائن ضعيف هاش ...اقل شئ يوثر فيه وتكون عرضه للذئاب البشريه من البشر...او تتحول الى كائن يفقد الثقه فى كل اللى حواليه حتى اقرب الناس ليه
👈وتكون المراه فى الحالتين ...تكون مجروحه ومكسوره القلب وغائبه الروح
👈فقال الرسول * عليه الصلاه والسلام * رفقا بالقوارير ويقصد بالقوارير ( النساء )
👈ويقول *عليه افضل الصلاه والسلام * فى حديث غيره
( استوصوا بالنساء خير )
👈أفلا يجدر بكم أيه الرجال بعد كل هذا ...ان تكون لها مصدر ...للحب والعطف والاحتواء وتكون رمزا للوقار والاخلاص....ان تحتوى مشاعرها ...واحساسيها الفياضه وان تشعرها بالدفء والامان ...وان تهمس فى اذنيها 💗بجبك💗 ...ان تاخدها الى صدرك الحنون
👈فما أحوج نسائكم الى تلك الكلمات ...وما أحوجهم الى صدرك الدفيء الحنون والى تلك نظره الحب هذا
👈والمراه ليست سوا ...امك او زوجتك او اختك او بنتك ...وكلهن بحاجه الى العطف والدفء والامان والحنان
👈فان انت لم تمنحهن ذالك الشعور وترعاهن حق الرعايه ...فلا تلمهن فى انخراف سلوكهم فى غياب الوازع الدينى ..
👈فاما ان تتخطفهن الطير ...او تهوى بهن الريح فى مكان سحيق
فارفقا بالقوارير ايها الرجال
فارفقا بالقوارير ايها الرجال
فارفقا بالقوارير ايها الرجال
@@@@@@@@@@@@@@@@
👌البارت انتهاء ✋نكمل بكره ان شاء الله👐
🌹لان بصراحه بعد ماكتبت الكلمات دى مش عيزه اكتب حاجه تانى🌹
👈توقعاتكم👇👇👇
👈سرايه هتعلم ايه تانى فى رعد؟؟؟
👈هيعملوا بكره ايه فى العمليه الكبيره اللى هيقوموا بيها كلهم ؟؟؟
👈ايه ريكم فى قذف الجبهه اللى رعد قذفته لسرايه؟؟؟
👈رعد بطلاقها من يامن كدا نهت حكايتهم ولا ايه؟؟؟
🌹🌹🌹🌹🌹🌹🌹🌹🌹🌹🌹🌹
🌷
البارت السادس والثلاثون😓 من روايتكم عذاب رعد
👐دعاء خاص لابراهيم اخو صحبتى المتوفى امبارح 😓😓😓😓😓😓😓😓😓😓😓😓😓😓😓😓
اللهم ارحمه واغفرله و سامحه...اللهم اجعل قبره روضه من رياض الجنه ...اللهم تجاوزت عن سيئاته وعن أخطائه ...اللهم اسكنه فسيح جناتك وارزقه الفردوس الاعلى من الجنه...اللهم أجمعه بامه وأبيه ولا تفرقه عن اهله وأحبابه فى جناتك يارب العالمين👐
رعد بعد ما اطمنت على كرم سابته وروحت بيتها وعملت نشاطها اليومى وراحت على الجهاز...ونادت على الشويش...وبعد دخوله الشويش ...الشويش تحت امرك يافندم ...رعد بجديه ..عيزاك تبعت حد للنقيب كرم و الملازم يامن يبلغهم ان النهارده اجازه ومن بكره يبدوا فى المهمات اللى انا مكلفاهم بيها ...الشويش ...تحت امرك يافندم
وبعد خروج الشويش ...رعد فضلت تشتغل على الﻻب بتاعها لغيت لما خلصت شغلها وروحت
تانى يوم ...رعد استدعت فريقها كله فى قاعه الاجتماعات ...عشان تعرف وصلوا لغيت فين ...ماعدا كرم ويامن لانهم كانوا تعبانين ...اتناقشت معاهم فى اللى جمعوه... وفى اخر اليوم رعد روحت بيتها عشان ترتاح
وعدا الاسبوع على كدا ...رعد تجتمع بيهم وتناقش معاهم ...وجمعوا كل المعلومات الازمه ...وحددو ميعاد العمليه ...وطول الاسبوع ...رعد بتتجاهل الكل بما فيهم يامن ...بتكلم الكل فى الشغل وبس ...ومش بتسمح لحد يقرب منها ابدا واقنعت نفسها ان كدا احسن ليها
*************************
وجه ميعاد العمليه ...والعمليه كانت عباره عن تصفيه خارجيه وكانت فى ايطاليا ...بالاتفاق مع المخابرات بتاعت ايطاليا ...عشان يصفوا المافيا
رعد وفريقها ...كل واحد حجز على ميعاد مختلف عشان شخصيتهم مش تنكشف بسهوله ...بس اتقابلوا كلهم فى فندق واحد (( اللواء صبرى ...رعد...عدى...مؤمن...دينا...كرم ...6 اللى اخدتهم من الفريق...ومن ضمنهم يامن وادهم ))
رعد كانت معرفه الكل انهم يريحوا يوم السفر وتانى يوم بالليل هيكون ميعاد العمليه عشان يكونوا مركزين
يوم ماوصلوا من السفر ..رعد بالليل حست انها مخنوقه ومضايقه ...راحت اقعده على البحر وكان قريب من الفندق ...ويامن كان رايح بالصدفه واقعد هو كمان قدام البحر ورعد شافته واتجاهلته وهو كمان سابها براحتها ...ومش حب يضايقها عشان مش يكون مصدر ضغط عليها
وبعد وقت رعد قامت وراحت الفندق ويامن كانت وحشاه وكان نفسه ياخدها فى حضنه ويشوفها باى طريقه ...وكمان اخد نزله برد جامده من تغير الجو
يامن قرر يروح يشوفها من غير هى ماتاخد بالها لانه مش ضامن رده فعلها ...طلعت لوضتها عن طريق البلكونات لان اوضتها كانت جنب اوضته ...وفتح باب البلكونه ودخل لقاها نايمه زى الملاك ...نايم جنبها واخدها فى حضنه ...بهدوء ونام وهى محستش باللى عمله ده
وبعد وقت ورعد فى حضنه ...بدا يخترف وكان جسمه سخن ...وبتعب ارجوكى ياامى ارجوكى انا بحبها ...اهربى يارعد جاسر هيقتلك ...ارجوكى سامحينى يارعد
رعد صحت مخضوضه وبتحاول تبعده عنها بس هو كان حضنها بخوف وبتملك ...رعد باستغراب ازاى جه هنا وازاى نايم كدا ازاى ...رعد انتبهت لوش يامن اللى كله عرق وجسمه اللى سخن وخلا جسمها كمان سخن ...وبعد محاولات قدرت تبعده عنها ...ومردتش تستدعى دكتور الفندق عشان شخصيته مش تنكشف وكمان يامن فى اوضتها شئ يسير الشك
رعد فضلت تعمله كمدات لغيت الصبح ...وحرارته كانت بدات تنزل ...وبدا يفوق وبصوت خافت مايه عايز مايه ...رعد جبتله المايه ...وبهدوء وبتحاول تقومه شويه عشان يعرف يشرب ...المايه اهيه قوم اشرب
يامن قام شرب بتوهان ونام تانى ...وبعد وقت الباب خبط وكان اللواء صبرى ...رعد فتحتله و شاف يامن وببتسامه اكيد اتصالحتوا انا قولت انكم بتحبوا بعد وعمركم ماتقدروا تبعدوا عن بعض ابدا
رعد بعنف ...لا مش اللى فى بالك لانى طلقت نفسى منه ...هو كان تعبان وانا كنت بعمله الازم مش اكتر من كدا .زيه زى اى واحد فى الفريق
صبرى بحزن ليه كدا يابنتى ليه طلقتى نفسك منه انتى بتحبيه وهو بيحبك
رعد بعنف ...كنت بحبه اما دلوقت مفيش اى حاجه تربطنى بيه ..صبرى ...طيب انا كنت جاى عشان نتغدا سوا ...وبمكر بس خلاص مش هينفع لانك مش هتسيبى يامن كدا وتيجى معايه
رعد بعنف وغضب ...لا هو بقا كويس وانا هنزل معاك وهو لما يصحا هيبقا يروح اوضته ..صبرى بمكر اكتر ...يعنى افهم من كلامك انك هتنزلى معايه وتسيبه مرمى كدا لاحولا ليه ولا قوه ...رعد بشبه عنف ...انا هبقا ابعتله اكل ...صبرى بخبث...يعنى شويه هو يصحا ويروح اوضته وشويه هتبعتيله اكل خلاص احنا هناكل هنا كلنا وكمان محدش يعرفنا على الاقل
رعد لا محدش هيعرفنا عشان مش هنبقا كلنا سوا وغير كدا انا ما اكده على الفريق محدش يفضل مع التانى غير مؤمن ودينا
اللواء صبرى بحب...لا خلاص خلينا نطلب اكل هنا ...وفعلا طلبوا الاكل
رعد للواء صبري لو حابب تصحيه صحيه لو مش حابب خلاص سيبوه
يامن فى الوقت ده كان صحا وكان نفسه هى اللى تروح تصحيه ...وبصوت كله تعب من اثر نزله البرد ...وبيحاول يقوم لا انا هروح اوضتى ارتاح لغيت ميعاد العمليه واسف على الازعاج ...ولسه هينزل كان دايخ واللواء صبرى لحقه بسرعه وبحب تعاله ياابنى تعاله شكل البرد مدوخك وكمان انت دايخ من قله الاكل
يامن لا انا كويس يافندم انا هروح ارتاح لغيت ميعاد العمليه ..صبري بصدق ...استبعد نفسك عن العمليه وبلاش انت
يامن بجديه ...لالا يافندم مش شويه برد اللى هيقعدونى
صبرى ...طب يله يابنى كل معانا وبعد اصرار من اللواء صبرى يامن قعد عشان ياكل وكل ده ورعد ماتكلمتش
وبدوا ياكلوا بس يامن مدروخ ومش قادر ياكل ...واللواء صبرى اول ماشافه كدا ...عمل نفسه كان ناسى حاجه واتاخر عنها وهيروح عشان يشوفها وسابهم ومشى وهو هدفه الاساسى يسيبهم مع بعض ورعد تاكله لانه مش قادر ياكله وكمان عشان مش تتكسف من اللواء صبرى
يامن بدا ياكل بس مش قادر يمسك الشوكه والسكينه وياكل نفسه ...رعد مسكتهم منه وبدات تاكله ويامن كان مبسوط عشان بتاكله وقلبها حن ليه واكل كتير فوق طاقته هو مش عايز يحرم نفسه من انها تاكل ويكون قريب منه كدا ...بعد ما اكل رعد بدات تاكل وهو قاعد يبصلها نظرات كلهاحب وعشق والاهم نظرات كلها اشتياق لحبيبته وروحه الغائبه اللى اخيرا وبقا قريب منها
رعد قامت وقعدت بعيد عنه ومسكت الﻻب بتاعها ...وبهدوء تقدر تفضل تروح اوضتك ترتاح فيها لغيت ميعاد العمليه ولو مش قادر ممكن تستبعد نفسك من العمليه النهارده
يامن راح اقعد جنبها وبحب وعشق لا خلينى انام هنا لغيت ميعاد العمليه لان انا عمرى م هستبعد نفسى من العمليه حتى لو هموت المهم انى اقدر احميكى ...رعد بصتله وبهدوء اللى انت عيزه اعمله بس ياريت كفايه كدا عشان عطلتنى وانا ورايه شغل مهم ولازم اخلصه قبل العمليه..يامن بحب طب انا ممكن اساعدك واشاركك..رعد بهدؤء قولتلك كفايه عشان عيزه اخلص
يامن قام من جنبها وراح نام على سريرها كون انها تسيبه ينام على سريرها دى حاجه بسطاه جدا فضل يبوسلها لغيت لما ذهب فى ثبات عميق...ورعد بعد ما خلصت شغلها نامت زى ماهى على الكنبه
وبعد وقت رعد صحت على يامن وهو بيكلم نفسه وهو نايم ...راحتله وبتحاول تفوقه ...يامن فاق ورما نفسه فى حضنها بخوف شديد وبعيط بهستريه ...رعد ضربات قلبها زادت بشده ...وبخوف وسؤال ...فيه ايه وايه اللى حصل لده كله ...يامن مش بيتكلم هو خايف وبعيط وبس ...رعد كان رد فعلها الطبيعى...انها تلف ايديها حواليه عشان تهديه ...وفضلت تقريله قران لغيت لما نام ومستغربه من منظره وايه اللى وصله للحاله دى
وبعد وقت يامن فاق ولقاء نفسه فى حضن رعد ولنفسه معنى كدا انها سامحته ...وحب يتاكد قرب منها وبيحاول يبوسها ...رعد زقته بعنف بعيد عنها ...وبغضب اتعقد انك بقيت كويس تقدر تتفضل تروح اوضتك وتجهز للعمليه
يامن بعنف ...ومسكها من دراعها ليه بتعملى كدا معايه ...انتى بتحبينى وانا بحبك ...ليه بتعذبينى كدا ...رعد شددت دراعها بعنف وغضب...لا انا معدتش بحبك ..انت موهوم انى لسه بحبك..بس انا خلاص كرهتك
يامن بعنف وغضب ...يعنى عيزه تفهمينى ان كل اللى بينا انتهى ..رعد بعنف اكتر منه ..ايوا انتهى ومفيش حاجه تربطنا ببعض ابدا وتفضل يله روح اجهز للعمليه وابقا خدلك حاجه للبرد وبتريقه بدل ماتفرفر مننا هناك
يامن بغضب ماشى يارعد بس خليكى فاكره بى اللى انتى بتعمليه ده احنا الاتنين خسارنين وسابها وخرج وقفل الباب وراه بعنف...وهى غمضه عنيها بوجع ...بس هى خلاص قررت بعد العمليه تبعد عن الدنيا كلها
لبست وجهزت للعمليه ...والفريق كله استعد...كلهم وراحو للمكان وكمان فريق من المخابرات بتاعت ايطاليا راحت معاهم
والعمليه كانت عباره عن اكبر عصابه للمخدرات والاسلحه والذخيره... وبدوا يهجموا عليهم والعصابه كانوا عددهم كبير جدا ...وبعدين دى مش اى عصابه دوال مافيا يعنى مفيش عندهم هزار ...بدات الاشبكات بضرب النار وبعد كدا بالاتنين ...ورعد وفريقها وفريق المخابرات لايطاليا ...صفوا كتير منهم ...بس فاضل اكتر ..ورئيس المافيا كان لازم ياخد الكرت الكسبان فيهم ...ويلعب بيه ..وطبعا الكرت ده كان ...رعد...كثفوا الضرب عليها وحاوطوها لان كان كل واحد بيضرب فى ناحيه
يامن صحيح كان قريب منها بس مشفهمش وهما بيحاوطوها ...رئيس العصابه بعنف ...الكل يرمى سلاحه والا هطيرلكم دماغها الحلوه دى ...الكل اتصدم ...رعد بقوه وعنف اوعوا حد يرمى سلاحه ...انا القائد بتاعكم وبامركم اوعوا حد يرمى سلاحه
رئيس العصابه بلغه الايطاليه للواء صبرى ...مستر صبرى ...انت عاقل ولازم ترمى سلاحك عشان باقى الفريق يرمى سلاحه
رعد بقوه وعنف ...اوعى يابابا اوعى ...لو سيبتم سلاحكم هيموتوكم كلكم ...ارجوك يابابا ارجوك انا مش مهم ...بس انتم لا ارجوك بلاش
اللواء صبري..اول مارعد قالتله بابا الكلمه دى كانت كفيلها انه يرمى سلاحه من غير مايتردد لحظه واحده..وباقى الفريف نزل هو كمان سلاحه
رعد بصريخ ..انا القائد بتاعكم وبامركم كل واحد يشيل سلاحه ..بس محدش شاله لانه خايفين عليها
رئيس العصابه ...ايوا كدا برافو عليكم شطار ...وبعنف لرجالته خلصوا عليهم ...رعد فى لحظه كانت مستعمله قوه الشبح اللى عندها ..واللى مش بتظهر غير فى الاوقات الصعبه ...وضربه رئيس العصابه بكل غل وكره ..وبدات الاشبكات العنيفه بينهم تانى وعصابه المافيا كانت قويه جدا
اللواء صبرى كان بيشتك بس بدا يفقد قوته ومش قادر يقاوم اللى قدامه ..رعد جرت وضربت اللى قدامه بعنف وغضب وبرجاء للواء صبري ارجوك يابابا ارجوك روح استناء فى العربيه ارجوك...صبرى ...بشبه قوه لا ياحبيبه ابوكى انا عمرى ماهسيبك لوحدك روحى يله وشوفى باقى الفريق
رعد لمحت كذا واحد بيضربوا فى عدى ..وهو مستلم ليهم اكنه بيقولهم موتونى عشان ارتاح ...رعد جرت عليه بسرعه وضربت اللى كانوا بيضربوه ..وضربته هو كمان بالبوكس فى وشه ...وبعنف وقوه ...فوق ياعدى فوق انت اقوى من كدا
عدى بصريخ ودموع لا انا مش قوى انا خاين وجبان انا استاهل الموت سبيهم يموتونى عشان ارتاح من العذاب اللى انا فيه
رعد بصدق ..لا انت مش جبان ولا خاين ...انت انسان حب بصدق ...ارجوك مش تستسلم ارجوك عشان ماما سميرو اختك ارجوك عشان خطرى بلاش تستسلم
عدى بحزن..انا ضعيتك منى خلاص حتى صداقتنا خسرتها ...رعد بجديه لا ياعدى انت هتفضل طول عمرك اخويه وصديقى ..بس ارجوك بلاش تستسلم ارجوك يله...ولسه هتكمل ..لقت واحد جاى من خلف عدى وكان هيضربه بنار ...وفى لحظه كانت لفاها واخدت الطلقه بداله وجتلها فى كتفها الشمال
عدى بصريخ ...ليه كدا يارعد ليه كدا انا مستهلش انك تضحى عشانى ...رعد بوجع بتداريه ...لو انت مش تستاهل امال مين اللى يستاهل ارجوك دافع عن نفسك وعن الفريق وبلاش تستسلم وبلاش تعرف حد ...عدى بحزن وبخوف عليها انا عمرى ماهسيبك كدا انتى لازم ترتاحى
رعد بجديه انا القائد يعنى انا روح الفريق مينفعش استسلم ارجوك ساعدنى نخلص المهمه ...عدى باس جبينها بحب ..اوعدك ان احنا هنقضى عليهم كلهم ..وراحوا عند الاشتباكات تانى ..ورعد دارت المها واشتبكت بكل قوتها
رئيس العصابه اخد باله من اصابتها ...وهجم عليها وركز فى الضرب عليها وهى بتقاوم الضرب يامن شافها وجرى عليها بسرعه ينقذها منه ...واحد كان هيضربه بالنار وعدى كان شايفه ...طلع يجرى عليه وبصريخ ...حاسب يايامن حاسب ...ولاسف عدى اضرب بنار طلقتين وراء بعض
يامن كان رايح لرعد واما لقا عدى اخد الطلقتين بداله طلع يجرى عليه ...يامن بدموع ليه عملت كدا ان مستهلش انك تضحى عشانى
عدى بدموع وتعب ...بس هى تستاهل انى اضحى عشانها وانقذلها حبيبها ..وبصدق تعرف لو انا كنت سيبتك تموت عمرى ماكنت هقدر اسامح نفسى ابدا ...لان رعد عمرها ماحبت ولا هتحب حد اد ماحبيتك ...هى اتعذبت كتير ارجوك بلاش تسيبها ارجوك هى محتاجلك اوعى تصدق ... عنفها وغضبها ده ..هى بتعمله عشان مجروحه ...وبيبص عليها ارجوك روح الحقها بسرعه ارجوك ..قبل فوات الاوان ...هى مضروبه بنار وبتدارى ارجوك الحقها وغمض عنيها
يامن بصريخ عدى فوق ياعدى فوق ..وبيبص لرعد اللى كانت من كتر الضرب خلاص بدات تفقد قواتها ..جرى عليهاوضرب رئيس العصابه بنار فى دماغه
يامن بجديه روحى ارتاحى يارعد روحى ...رعد بصتله بتعب وجرت تكمل اشتباك مع باقى الفريق
ادهم كان بيشتبك مع واحد بس كان قوى عنه ورعد بحالتها دى مكنتش هتعرف تغلبه وبصوتها كله لكرم
...الحق ادهم ياكرم الحقه..كرم بصلها وجرى على ادهم وضرب اللى قدامه
الكل بان عليه الارهاق والتعب من قوه المافيا بس كانوا قضوا على عدد كبير منهم ...رعد وهى بتشتبك مع واحد من افراد العصابه ...لمحت واحد كان بيوجه سلاحه ولسه هيضرب اللواء صبرى فى دماغه ...رعد بصريخ وبصوتها كله ...حااااااسب يابابا حااااسب ...وجرت عليه بسرعه ولاسف اخدت الطلقه فى ضهرها بداله ..وقعت على الارض ...الفريق شافها وبدوا يضربوا اللى قدامهم بكل قوتهم وبعد وقت قضوا عليهم كلهم
واتفضت الاشتباكات ...بس لاسف عدى كان انضرب طلقتيت ورعد طلقتين...اللواء صبرى جرى عليه وباقى الفريق ...واخدها فى حضنه وبصريخ ...ليه كدا ياحبيبه ابوكى ليه تعملى فى نفسك كدا
رعد بتعب وبصوت مقطع ...عشان مقدرش اشوف حد منكم هيتاذى ومدافعش عنه حتى لو التمن حياتى...وبحزن انا مليش حد ابدا وبتبص ليامن اللى دموعه نزله بحرقه على حبيبته اللى هيموت ويخدها فى حضنه ويحميها من الدنيا كلها...انا مليش حد ابدا بس انت ليك دينا وكمان ابنها .. كلكم ليكم اللى تخافوا عليه بس انا مليش حد ابدا وبصت ليامن وغمضه عنيها ...يامن بصريخ وقرب منها وبيهزها وهى فى حضن اللواء صبري فوقى يارعد فوقى انا مش هسمحلك تروحى منى فوقى وبصريخ ليه دايما بتضحى بنفسك ليه
اللواء صبري بصريخ ودموع...شيلها ووديها العربيه حالا ..يامن شالها وجرى بيها ...وكرم بيدور فى اللى واقفين على عدى بس مش لقيه ...جرى بخوف وبيدور عليه فى اللى مرمين على الارض ولقاه غرقان فى دمه
جرى عليه وبصريخ عدى عدى فووق ياعدى فوق ...شاله بسرعه ووداه العربيه ...وصلوا المستشفى والكل مرعوب عليهم
دخلوا العمليات والاتنين حالتهم حرجه ومش اقل خطوره من بعض ...الكل واقف وحاله من الصمت ميسطره على الجميع ودعوات ليهم ...وبعد وقت كبير خرجوا من العمليات ...ودخلوهم العنايه المركزه...الكل جرى على الدكاتره ...الدكتور ...احنا منقدرش نقيم حالتهم غير بعد 24 ساعه من دلوقت
وبعد ماعدا 24 والكل على اعصابه وبيدعولهم دعوات مستمره...اللواء صبري قرب من... الدكاتره وبيكلهم...بلغتهم الايطاليه ...ارجوك اوعى تقولى ان بنتى ...الدكتور بمقاطعه ..الرائد عدى مع الوقت هيفوق من الغيبوبه وممكن يتحسن ...لكن المقدم رعد ...لاسف جسمها رافض العلاج ...وده دافع نفسى من عندها انها مش عيزه تعيش احنا ملناش اى تدخل فى الحاله دى ...ولاسف تعتبر كدا شبه ميته ...ياريت نشيل من عليها الاجهزه وبلاش تعذبوها اكتر من كدا ...وسابه ومشى ...يامن جرى على غرفه العنايه عشان يدخل لرعد و الدكاتره منعوه...وبصريخ ودموع بهستريا ...هى هتعيش لازم هتعيش ...لازم اقولها انى هموت من بعدها لازم تعيش ...الدكتور...لاسف ملهوش لازمه الكلام ده لانها هى اللى رافضه تعيش وجسمها مش قابل للعلاج ...وسابه ومش ..ويامن انهار على الارض
االواء صبري ...حاسس ان هو اللى هيموت وشبه مغيب ..ولحظه وتليفونه رن ...صبرى بدموع وحزن...ايوا مين
اعتماد بفرحه ...ايوا ياصبرى انا اعتماد انا مقدرتش استناء لغيت لما ترجعوا عشان اكلمكم ...وبفرحه اكتر وحب ...انا عيزه اقولك ان بنتنا عايشه و بنتنا تبقا رعد ...صبرى بتوهان رعد مين...اعتماد وهو مازالت على فرحتها المقدم رعد اللى معاك فى الجهاز ...هى مش بنت احمد الويدى هى بنتنا احنا هو مووتهاش هو كان بينتقم منى
اللواء صبري بصدمه ايه اللى انتى بتقوليه ده ...اعتماد بفرحه اكتر ...بقولك ان رعد بنتنا عايشه وهى نفسها المقدم رعد اللى معاك فى الجهاز
اللواء صبرى بصدمه اكتر مين اللى قالك الكلام ده انطقى
اعتماد انا هبقا احكيلك على كل حاجه بس دلوقتى ادينى رعد عشان نفسى اسمع صوتها
اللواء صبرى بصدمه ودموع بهستريا...يعنى انتى عيزه تفهمينى ان البنت اللى اتعذبت طول السنين ده كلها تبقا بنتى ...عيزه تفهمينى ان البنت اللى احمد الوديدى عذبها وباع واشترى فيها دى تبقا بنتى ...عيزه تفهمينى ان البنت اللى اتحرمت من الحب والحنان دى تبقا بنتى ...عيزه تفهمينى انى فضلت اربى فى بنت غيرى ...فى الوقت اللى بنتى كانت فى عز احتياجها ليه
وبصريخ وهستريا ...عيزه تفهمينى ان البنت اللى فى العنايه وبتموت جوه دى تبقا بنتى ...وبصريخ اكتر...انتى كدابه كدابه ...وبقهر وبنكسار ...يارتنى كنت فضلت فاكران بنتى ميته ...ولا عرفت انها عايشه واتعذبت العذاب ده كله ...وأغمى عليه
@@@@@@@@@@@@@@@
البارت انتهى ...اسفه على التاخير
بس والله والله انا مكنتش هكتبه انهارده وكنت هعتذر عن نزوله لان أخو صحبتى أتوفى امبارح بالليل ...وهى ملهاش غيره لان مامتها وبابها متوفين ...يعنى كان هو سندها وكل دنيتها ...وكمان لسه شباب وكان فرحه فى الصيف الجاى ... والله حالها يبكى الحجر ...هى خلاص معدتش لها حد فى الدنيا ابدا غير ربنا
انا كتبت البارت النهارده ومكنتش مركزه وانا بكتبه بس كتبته مخصوص عشانه والله العظيم والله العظيم انا بعيط علي عياطها وعليه من امبارح من ساعه ماعرفت الخبر وبرغم ان الضغط عندى عالى جدا من امبارح بس قولت اكتبلكم البارت النهارده وانا فى قمه تعبى وحزنى ....كتبته بهدف واحد بس ...انى عارفه انه هيوصل لاكبر عدد من الناس ...فعشان كدا كتبته
وبترجاكم رجاء خاص منى
انا مش عيزه منكم توقعاتكم ولا عيزه ريكم فى البارت ولا اى حاجه منكم ابدا غير ان احنا كلنا
👐👐ندعيله ان ربنا يرحمه ويصبر اخته ... ويغفرله ويسكنه فسيح جناته ...ويسكنه الفردوس الفردوس الاعلى من الجنه 👐👐 رجاء خاص منى ...عيزين ندعيله كلنا عشان الدعاء يوصله وكمان اورى لخته كميه اللى اترحم عليه ودعاله ...واستغفرله
👐يارب يرحمك ياابراهيم و يصبر اختك ويرزقك الفردوس الاعلى من الجنه ويغفرلك ويجعل قبرك روضه من رياض الجنه 👐
ارجوكم عيزه كل كومنتاتكم ...برحمه والدعاء لابراهيم
مش عيزه ولا كومنت عن البارت عشان محسش انى مذنبه والله العظيم انا نزلتها مخصوص عشان عارفه انه هيوصل لاكبر عدد...وعدد كبير هيدعيله ويترحم عليه لانى واثقه من قلوبكم الرحيمه ...يله كلنا ندعيله ونترحم عليه ونستغفرله😓😓😓
😓😓😓😓😓😓😓😓😓😓😓😓😓😓😓😓🌹
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
 رواية عذاب رعد الفصل الخامس…){kind=link}
تعليقات
إرسال تعليق
فضلا اترك تعليق من هنا