روايه فى قبضة الفهد الجزء الثاني(عشق الابناء)الفصل الواحد وعشرين والثاني وعشرون والثالث وعشرون بقلم الكاتبة جنات (حصرية وجديدة في مدونة قصر الروايات)
روايه فى قبضة الفهد الجزء الثاني(عشق الابناء)الفصل الواحد وعشرين والثاني وعشرون والثالث وعشرون بقلم الكاتبة جنات (حصرية وجديدة في مدونة قصر الروايات)
روايه فى قبضة الفهد الجزء التانى
﴿عشق الابناء﴾
««الفصل ٢١ »»
عدى اسبوع والكل عايشين حياه طبيعيه جداا وفريد اللى مختفى عن الانظار ومش بيخرج ابدااا لا هو ولا اهله ولا حتى الست اللى عايش معاها
البنات والشباب اللى مشغولين فى شغلهم
جنه وزين اللى عايشين احلى ايام سواا وحبهم بيكبر مع الايام
ريان وجميله اللى جنانهم محلى حياتهم
وادهم اللى كلم حسن عشان عايز يعمل فرح بقي وفهد قرر انه يعمل فرح الشباب والبنات كمان شهر والكل كانو فرحانين جدااا
حسن وكنان وراكان اللى كانو معترضين على موضوع الفرح وخايفين حد يفكر ياذى البنات او الشباب بس هو كان بيطمنهم
الماميز اللى كانو فرحانين جداا وبداو يجهزو كل حاجه عشان الفرح
اسر اللى كان طول الوقت حزين لانه تقريبا خلاص خسر حب عمره وقرر يعمل زيها ويتجاهلها تماما وشايف ان كفايه يتعب قلبه اكتر من كدا معاها هو مفكر انها لسه بتحب فريد بس ميعرفش انها اكتر حد بتكرهه فى حياتها هو فريد
وفريد طبعاا اللى هدى اللعب شويا وخصوصا بعد ما كشف نفسه لاسر واتعرف انه هو السبب فى كل اللى حصلهم
دكتور احمد طبعاا بعد تهديد ادهم وزين ساب مصر كلها مش اسكندريه بس وسافر
زين عمل زى ماوعد جنه محدش عرف باللى حصل غير فهد لانه طبعا كان مراقب الشباب وجمع ادهم وزين عشان يعرف هما كانو فى المصنع القديم ده ليه وزين عارف ان فهد مينفعش يخبي عنه حاجه وقاله على الحكايه كلها وطلب منه محدش يعرف فى القصر وفهد طبعاا وافق على طلب ابنه
=====================
فى يوم الكل متجمعين على السطح سهرانين سواا ماعدا فهد
زينه قاعده فى حضن تمارا وزين قاعد جمبهم
وجنه فى حضن كنان وجمبهم مريم وفى حضنها جميله
حسن فى حضنه اسيل وجمبه مروة واسر
وريان اللى نايم على الكنبه وراسه على رجل شروق اللى قاعده جمب راكان
مريم:مش مصدقه ان بناتى كبرو وهيتجوزو الاتنين سوااا
كنان:انا بحمد ربنا انهم مش هيبعدو عن عينى
اسيل:ابو على
حسن:نعم ياحبيبتى
اسيل:انا مش عايزة اتجوز وابعد عنكوو
حسن:دى سنه الحياه ياحبيبتى
اسيل بعدت عنه وبصتله:بقولك ايه ماتقول لادهم ويجى يعيش معانا هنا ونجيب سوسو كمان
اسر:ماتجيبى عيله جوزك كلها بقي
اسيل:ما القصر شرح وبرح يسيع من الحبايب ميا
مروة:صبرنى ياربنى بقي دى منظر واحده هتتجوز وتفتح بيت يارب ونبي هتفتحه ازاى بهبلها ده
اسيل:بالمفتاح يامرمر
كلهم ضحك عليها
تمارا:اسيل دى حته سكر واكيد هتكون اد المسؤليه
اسيل قامت حضنت تمارا:حبيبتى ياعمتو
تمارا:روح قلب عمتو
زينه زقت اسيل:ابعدى كدا حضن توتا ليا لوحدى
تمارا:دانتى قلبي يازينوو
حسن:مسمعكيش فهد وانتى بتقولى حضن توتا ليا
زينه:لا بابا حبيبي عمره مايزعلنى ابدااا
ريان:نفس كلامك يامرمر ينطبق على الهبله اللى انا متجوزها
جميله:يابوب
كنان:روح البوب
جميله:الواد اللى هناك ده بيغلط فيا يرضيك يعنى
كنان:بصراحه عنده حق
ريان:ظهر الحق ياناس
مريم:هى هبله ومجنونه اه بس بنتى حبيبتى
جميله حضنتها وباستها من خدها:قلبي يامريومه
مريم:قلب مريومه من جواا
جنه قامت من حضن كنان:يعنى جميله قلبك وانا ايه ياست ماما
مريم:انتى حبيبه قلبي ياجوجو
كنان شدها لحضنه تانى وباس حدها:جنه دى احلى نعمه من ربنا
جنه:حبيبي يااحن بابا
زين:ايه ياكنان باشا عمال تحضن وتبوس ولا كانى موجود
كنان باس جنه تانى من راسها اللى اتكسفت:بنتى ياابن فهد عندك اعتراض
زين:ودى جنه زين الفهد ياكنان باشا
راكان:رد بقي لو جدع
كنان:انت وابوك شبه بعض ياخى سبحان الله
فهد دخل:وماله ابوه ياكنان باشا
اسر:جالك الموت ياتارك الصلاه
كنان:ابوه ده صاحب عمرى وحبيبي
قهد قعد بعيد عنهم شويا:بحسب....جنه جميله اسيل زينه تعالو جمبى هنا
البنات قامو وقعدو جمبووو
فهد كان فى ايده ظرف فتحه وطلع دعوات
جميله:دى دعوات الفرح ياعمو
فهد:ايوا
فهد ادا لكل بنت فيهم دعوة فرحها
البنات فرحو وحضنو فهد معادا زينه
فهد مد ايده لزينه بدعوة فرح
زينه:ايه ده يابابا
فهد:دعوة فرحك
الكل اتصدمو وقامو وقفو
زينه بصتله:فرح مين يابابا
فهد:اظن سمعتينى كويس امسكى دعوة فرحك
تمارا قربت من فهد:دعوة فرحها ازاى يافهد
فهد باصص لزينه زى ماهى:امسكى يازينه
زينه:بابا انا مش فاهمه حاجه فرحى ازاى
فهد:امسكى يازينه
زينه اخدت منه الدعوة وفتحتها واتصدمت اكتر ورفعت عينها جت على اسر اللى مصدوم من كلام فهد
تمارا شدت الدعوة منها:زينه واسر
الكل:ايييييه
فهد:اسر وزينه هيتجوزو معاكوو وبكرة كتب كتابهم
زينه عيطت:بس يابابا
فهد بحده:مافيش بس كلمتى هتتنفذ يازينه
حسن:اهدى يافهد وفهمنا ليه كدا
فهد:ده الصح زينه لازم تتجوز عشان جوزها يحميها من خطر فريد ومافيش غير اسر
اسر:ياعمى انا احمى زينه وافديها بروحى مش لازم جواز يعنى
فهد:انا قولت اللى عندى والدعوات اتوزعت خلاص وبكرة كتب كتابكو
تمارا:ليه بتعمل كدا يافهد
فهد:ده كان لازم يحصل من زمان
اسر:بس الطريقه غلط ياعمى
حسن:اسر معاه حق يافهد
فهد:انا قولت كلمتى زينه لازم تتجوز عشان فريد مايفكرش ياذيهاا ولو انت مش موافق يااسر اشوفلها عريس تانى
زينه بدموع:انا طلعت عبئ تقيل عليك اوى كدا يابابا عايز تجوزنى لاى حد وخلاص
تمارا:فهد انت تقدر تحمى بنتك كويس جداا ليه بتعمل كدا
فهد بعصبيه وصوت عالى:الكلام خلص وجهزى نفسك بكره كتب الكتاب زى ماقولت
زينه نزلت بسرعه والبنات راحو وراها
كنان:ليه كدا يافهد
راكان:اكيد فى حاجه فى دماغك يافهد قولنا بتفكر فى ايه
فهد:اللى بفكر فيه قولته وياريت كل حاجه تجهز عشان بكرة
فهد سابهم ونزل
اسر بعصبيه:كل اللى بيعمله غلط
مروة:انت زعلان يااسر ده المفروض تكون اكتر واحد فرحان
اسر:مش عايزها كدا انتو ليه مش عايزين تفهمونى
زين:اهدى يااسر اكيد الفهد فى حاجه فى دماغه عشان يعمل كدا هو عمره مااجبرنا على حاجه
حسن:زين معاه حق
راكان:خلينا نمشي ورا دماغه ونشوف اخره ايه
مريم:انزلى لفهد ياتمارا واعرفى منه فى ايه
تمارا:فهد لو ماعايز يقول مش هيقول يامريم
شروق:طب هنعمل ايه
كنان:ولا اى حاجه هنفذ اللى هو قاله عشان مايهدش القصر على دماغنا كلنا
حسن:طب يلا كل واحد على اوضته وبكرة يحلها الف حلال
الكل نزلو وكان لسه اسر وزين وريا
زين:مبروك ياصاحبي
اسر:ماكنتش عايزها بالغصب يازين عايزها تحبنى زى مابحبها
ريان:بكرة لما تتجوزو وتعيشو سواا اكيد هتحبك وتعيشو احلى حياه يا صاحبي
زين:الواد ده اهبل بس اول مرة يقول كلام صح
ريان:حبيبي يازيزوو
اسر ضحك
ريان:يلا ننزل ننام احسن الفهد يشلوحنا بكرة
زين:يشلوحنا
اسر:يلا ننزل
كل واحد نزل وراح على اوضته
===============
فى اوضه فهد وتمارا
تمارا دخلت كان فهد واقف فى البلكونه حضنته من ضهره وهو لف ليها وشدها لحضنه:عايزة ايه ياتمارا
تمارا:عايزة اعرف بتفكر فى ايه عشان تعمل كدا
فهد:ولا اى حاجه زينه محدش هيحبها زى اسر
تمارا:بس انت عارف زينه كانت بتحب فريد وصعب تنساه بسهوله كدا
فهد:اكبر غلط عملته فى حياتى ان واقفت ادخل فريد ده حياه بنتى وحياتنا
تمارا:انت دورت وراه كويس وعملت اللى عليك يافهد
فهد:وانا بصحح غلطى ياتمارا زينه لازم تتجوز اسر
تمارا:فهد انا عندى ثقه كامله فيك ومتاكده ان فى هدف فى دماغك عشان تعمل كدا
فهد:صدقينى ياتمارا مافيش اى اهداف انا بجد نفسي زينه تبقي من نصيب اسر ومن زمان وانا بعمل دعوات الفرح فكرت اجوزهم مع البنات والشباب مش دى امنيتك بردو
تمارا:حبيبي يافهد بس انا صعبان عليا زينه
فهد:بكرة لما تقرب من اسر وتحبه هتدعيلى انى عملت كدا
تمارا ضحكت ودخلت جوا حضنه:ربنا يخليك لينا يافهد
فهد:ويخليك ليا يانبض الفهد
===================
تانى يوم الكل صحو وبدا التجهيز لكتب الكتاب زى ماامر الفهد
زينه اللى كانت قاعده فى اوضتهاا ومش عارفه ليه باباها عمل كدا الباب خبط ودخلت جنه:عروستنا القمرايه
زينه:بذمتك دى منظر عروسه
جنه:احلى عروسه فى الدنيا
زينه:مش عارفه ليه بابا عمل كدا باللى بيعمله ده حسسنى انى رخيصه اوى
جنه:ليه بتقولى كدا يازينو انتى عارفه عمو فهد بيحبك اد ايه هو بس خايف عليكى من فريد من بعد ماهدد اسر انه هياذيكى
زينه:بابا وزين والكل يقدرو يحمونى من غير جواز ياجنه
جنه:بصي انا معرفش هو عمل كدا ليه بس مش يمكن يبقي خير ليكى
زينه:لما يجبرنا على الجواز يبقي خير ازاى
جنه:انا بصراحه مش عارفه انتى ليه زعلانه اسر ماشاء الله عليه حلو وكويس ومحترم جداا واى بنت تتمناه والبنات اصلا هتموت عليها وهو مافيش فى قلبه غير واحده غبيه
زينه بصدمه:انتى بتتكلمى جد هو كمان بيحب
جنه بهمس:اقسم بالله غبيه
جنه:بقولك ايه سيبك من كل ده اسر جبلك حته فستان قمر البت اسيل بتفرجو للكل ده وهتجيبو
زينه:هو اللى جابه
جنه:بامر من الفهد يلا قومى خدى شاور على مااسيل تطلع عشان تجهزى لان عمو فهد على اخره ومش عايز ولا غلطه
زينه:حاضر
زينه اخدت شاور ولبست الفستان اللى كان غايه فى الرقه والجمال كان بلون الازف وايت ضيق مع بعض الكسرات من فوق وحذام بسيط على الخصر ونازل واسع واكمام واسعه وطرحه وشوز بنفس اللون مع ميكب بسيط كانت زينه قمرايه من الاخر
جنه قربت من زينه وهمست:شايفه الناس اللى بتفهم وذوقها راقى فى اختيار الفساتين بس الغبي التانى
زينه ابتسمت
اسيل:بتقولو ايه
جنه:وانتى مالك
جميله:الله مش مرات اخوهاا افرضى بتقويها على اخوها مثلا
اسيل:تصدقى صح بت يازينه البت دى كانت بتقولك ايه هااا
جنه:اسكتى يابت انتى وهياا
الباب خبط ودخل فهد وقرب من زينه:بسم الله ماشاء الله زى القمر يازينه ... انتى عارفه انى بحبك جداا وعمرى مااختارلك حاجه وحشه صح
زينه:صح يابابا
فهد باس راسها:يلا عشان ننزل الماذون وصل
فهد مسك ايد زينه ونزلو والبنات كانو نازلين وراه وكانو لابسين دريسات بسيطه جداا لا ماكنش فى حد غير العيله وادهم ومامته واسر اللى انبهر بجمال زينه
فهد قعد جمب الماذون وجمبه زينه وعلى الجنب التانى اسر وزين وادهم الشهود
وبدا الماذون بكتب الكتاب وزينه سرحت بكل حاجه مرت فيها مع فريد من اول مااتعرفت عليه لحد اخر موقف بينهم يوم خطوبه الشباب وعينيها دمعت غصبن عنها واسر عينه عليها وشاف دموعها
زينه فاقت من افكارها على جمله الماذون الشهيرة﴿ بارك الله لكما وبارك عليكم وجمع بينكم فى خير ﴾ زينه مسحت دموعها بسرعه وعينها جت على اسر اللى بيبصلهاا والكل بدا يبارك ليهم .......
&&&&&&&&
اتاخرت عليكم بجد انا اسفه بس كان عندى مشكله فى النت
فين الناس اللى كان نفسهم زينه واسر يتجوزو انا جوزتهم اهو بس تفتكرو علاقتهم هتكون ازاى🤔
وياترى فريد هتكون رده فعله ايه؟؟
روايه فى قبضة الفهد الجزء التانى
﴿عشق الابناء﴾
««الفصل ٢٢ »»
بعد كتب الكتاب اسر طلب من فهد انه يخرج هو وزينه وفهد طبعاا وافق
زينه قاعده مع البنات فهد دخل عليهم:زينه
زينه قربت منه:نعم يابابا
فهد:انا طلبت من اسر تخرجو تتعشو سوا
زينه:ماحنا نتعشي معاكو هنا احسن
فهد:حبيبتى النهارده كان كتب كتابكوو ولازم تخرجو عشان يكون فى فرصه تتكلمو سوا
زينه:بابا هو حضرتك مصدق اللى حصل ده انا شايفه ان كله غلط فى غلط
فهد:اسر الوقت بقي جوزك يازينه سواء وافقتى او رفضتى ويلا اخرجى هو مستنيكى برا
زينه:حاضر
فهد خرج وجنه قربت من زينه:يلا ياعروسه
زينه:انا خايفه اوى
اسيل:خايفه من ايه ياعبيطه ده الواد اسر بيـــــ
جنه قاطعت كلامها:بيستناكى برا ياحبيبتى يلا مش لازم تتاخرى عليه
زينه:حاضر باى
البنات:باى
جميله:انتى مسبتهاش تقولها ليه
جنه:عشان ياذكيه انتى وهي لازم زينه تعرف بحبها لاسر من نفسها مش لما تعرف انه بيحبها فتفتكر فيه بقي
جميله:تصدقى صح انا فرحانه اوى عشان اسر
اسيل:بس اسر مش فرحان وشكله زعلان جداا
جنه:لانه ماكنش حابب تكون دى الطريقه اللى تجمعه بزينه يابنات
اسيل:ربنا يسعدهم ويبعد عنهم ابن الباردة اللى اسمه فريد
البنات ضحكو:ياااارب
==================
زينه خرجت كان اسر ساند على العربيه ولما سمع صوت خطواتها رفع راسه ليها وهى قربت منه بكسوف
اسر:جاهزة
زينه هزت راسها باه
اسر فتحلها الباب وهى ركبت واسر لف ركب مكانه وساق العربيه وبعد شويا وصلو قدام مطعم راقى اسر نزل من العربيه ولف فتح الباب لزينه ومد ايده ليها وهى بصتله شويت وبعد كدا مدت ايدها ومسكت ايده ونزلت من العربيه ودخلوو سواا واسر كان حاجز ترابيزة فى مكان هادى بعيد عن الناس عشان يكونو براحتهم
اسر شد الكرسي لزينه اللى قعدت وراح قعد مكانه قدامهاا وملاحظ توتر زينه وكسوفهاا
اسر:تحبي تاكلى ايه بقي
زينه:مش عارفه بس اى حاجه
اسر:استنى نشوف المنيو ونطلب
اسر نادى على الجرسون واخد منه المنيوو وبدوا يشرفو هياكلوو ايه بعد شويا زينه قررت هتاكل ايه واسر كمان ونادى على الجرسون وقاله
زينه كانت بتتفرج على المطعم
اسر:عجبك المكان
زينه بصتله:اه حلو جدا وهادى
اسر:زينه انا عارف ان كل حاجه حصلت النهارده كانت بسرعه وانك مش موافقه على جوازك منى
زينه:اسر انت شخص كويس جدااا واى بنت تتمناك طبعاا بس انا التجربه اللى مريت بيها مش هقدر اتخطاها بسرعه كدا
اسر:قصدك فريد
زينه:ايوا ده شخص انا اتعرفت عليه واتخطبنا من ٨ شهور تقريباا فترة مش قليله انى انساه بسرعه انت فاهمنى
اسر:فهمك يازينه .... ممكن اسالك سؤال
زينه:اكيد اتفضل
اسر:لسه بتحبيه
زينه:توتا لما حكتلها كل اللى حصل بينا قالتلى انتى مش بتحبيه اللى كان بينكو كان اعجاب بس والظاهر هى معاها حق انا اللى رميت الخاتم فى وشه وقطعت علاقتى بيه ماكنتش زعلانه عشان سبته بالعكس انا كنت زعلانه لانى كنت غبيه اوى
اسر فرح لما سمع كلامهاا بس فى نفس الوقت شايف الحزن فى عينيها:بصى يازينه انا اول لما نخلص من اللى اسمه فريد ومايكونش فى اى خطر عليكى انا مستعد اطلقك وتعيشي حياتك زى مانتى عايزه وده هيكون قرارك انتى نكمل سوا ولا نطلق
زينه حست من كلامه انه هو كمان مش موافق بعلاقتهم وافتكرت كلام جنه انه بيحب واحده غبيه:اكيييد
طااااال الصمت بينهم وقطعته زينه:شكراا على الفستان بجد حلو جداا
اسر:حلو لانك لبساه يازينو
زينه ابتسمت والاكل وصلو واكلو وبعد شويا قامو وركبو العربيه ورجعو على القصر
====================
على سطح القصر زين قاعد على السور وبعد شويا جت جنه ومعاها صنيه عليها ٢ ايس كوفى:اتفضل دوق وقولى رايك
زين اخد واحد وداقه:اممممم
جنه:ايه مش عجبك
زين نزل وحط المج على السور واخد الصنيه من جنه وحطها على السور كمان
جنه:فى ايه
زين فجاه شالها وقعدها على السور وجنه خافت ومسكت فى رقبه زين وزين محاوطها بايديه
جنه:نزلى ونبي يازين
زين:لا
جنه:مش عارفه يعنى السطح واسع اشمعن يعنى بتحب تقعد هنا
زين:مش عارف بس من وانا صغير ودى قعدتى المفضله
جنه:طب ايه رايك فى الايس كوفى
زين:هو مين اللى عمله
جنه:انا مانت عارف
زين:عشان كدا حلو زى اللى عملته
جنه:طب ممكن تنزلنى عشان نشربهم بقي
زين جاب المج وقربه من جنه:اتفضلى اشربي
جنه:نزلنى تحت يازين لو سمحت
زين طلع قعد جمبهاا واخد المج بتاعه:انسي خوفك وانتى هتحبي القاعده هنا جدااا وبعدين انا معاكى معقول خايفه وانتى جمب زين الفهد
جنه بصتله بعشق:مستحيل انام وانا جمب زين حبيبي ابداا
زين ابتسم وفضلو يتكلمو كتير اوى وجنه نست خوفهاا وحطت راسها على كتف زين وكانو مستمتعين بالمنظر وبعد شويا زين بص عليها لاقاها نايمه نزل من على السور وشالها ونزل قابل تمارا:ايه ده جنه مالها
زين:كنا قاعدين على السطح ونامت هدخلها اوضتها
تمارا:حاضر ياحبيبي
زين دخل اوضتها اللى اول مرة يشوفهاا ونيمها على السرير وقلعها الاسدال كانت لابسه تحته بجامه كط وزين غطاها كويس وباس راسهاا وقعد يتفرج على اوضتهاا وقرب من المكتب كان فى دفتر مكتوب عليه مذكرات جنه الزين زين مسكه وفضل يقلب فيه وقرر ياخده عشان يقراه كله وكان فى ركن كله صور جنه مع زين فى حفله الخطوبه زين بصلها بحب وخرج من الاوضه وراح على اوضته عشان ينام
===================
فى شقه فريد كان بيتكلم فى الفون
فريد:يعنى كتبو الكتاب وكانت خارجه معاه
الشخص:اه ياباشااا
فريد:تمام اقفل انت وجهز نفسك ورجلتك عشان هنفذ قريب خطتنا
الشخص:جاهزين دايما ياباشا
فريد قفل:يعنى اتجوزتها يااسر باشا .... كدا يعنى بتحميها منى ومش هعرف اوصلهاا .... انسى زينه دى بتاعتى ومحدش هيقدر ياخدها منى
الست جت قعدت جمبه:انت بتكلم نفسك يابنى
فريد:الفهد خلى اسر يكتب على زينه مفكر كدا انه بيحميها منى
الست:احنا هدفنا العيله كلها يا فريد مش زينه بس بلاش تنسي
فريد قام وقف واتكلم بعصبيه:بس زينه دى بتاعتى انا
الست بصتله اوى:مش قولتلك انت حبيتها يافريد
فريد:اه حبيتها وهو مين مجنون ميحبش بنت زى زينه ورحمه ابويا وامى ماهسيبها لابن حسن ابدااا
الست:اهدى ياحبيبي ومتنساش انها خلاص بقت مراته
فريد:حتى لو بقت مراته بردو هاخدها منه وبكرة تشوفى
فريد دخل اوضته
الست:قولتلك بلاش تفكر فيها كتير وتحبها وشكلك هتتعب زيي يابنى وهتبوظ كل اللى بنخطط ليه ربنا يستر
فريد دخل اوضته وكلم واحد من رجالته:بكرة تنفذ الخطه اللى قولتلك عليها ومش عايز ولا غلطه فاهم
الراجل:متقلقش ياباشا
فريد قفل ونام على السرير:بكرة هتبقي معايا وفى حضنى يازينه
===================
صباح يوم جديد فى قصر الفهد الكل متجمعين على السفرة بيفطروو
زينه:الحمدلله يلا ياجوجو عشان منتاخرش
جنه:يلا انا خلصت الحمدلله
زين:استنو انا هوصلكوو
اسر عينه على زينه:نفسه يقولها ان هو اللى هيوصلها بس خايف تضايق
فهد:زين وصل جنه واسر هيوصل زينه
زينه:بس احنا بنروح سوا يابابا
فهد:جنه وجميله كل واحده جوزها بيوصلها واسر جوزك هيوصلك يازينه .... اسر زين زى ماقولت
فهد قام ودخل المكتب وزينه بصت لاسر
زين:يلا ياجنه
زين وجنه خرجوو واسر بص لزينه:يلا عشان متتاخريش
زينه اخدع شنطتها وخرجت واسر وراهاا والكل خلصو فطار وخرجووو
مريم:زينه كانت مضايقه على فكرة
تمارا:مش عارفه فهد بيعمل كدا ليه
شروق:فهد عايز يقربهم من بعض ياتمارا
مروة بحزن:بس كدا غلط هى كدا هتضايق من اسر ومش هتقرب بالاجبار وابنى اللى هيتعب
تمارا:متخافيش يامروة وان شاء الله ربنا يجمع بينهم
الكل:يارب
===================
البنات وصلو المستشفى وكل واحده راحت على مكتبها وبعد يوم طوييييل فى الشغل
جنه خلصت وراحت على مكتب زينه دخلت ماكنتش موجوده خرجت وسالت الممرضه:الدكتورة زينه خلصت ومشت من زمان
جنه لنفسها:مشت لوحدها لا لا اكيد اسر اخدهاا
جنه فونها رن:حاضر انا نازله اهوو
جنه نزلن وركبت عربيه زين
زين:اومال فين زينه
جنه:زينه روحت بقالها شوياا
زين:تمام
زين وجنه وصلو على القصر ودخلوو وكان الكل متجمعين سواا
جنه:مساء الخير
الكل:مساء الخير
تمارا:اومال فين زينه ياجوجو
جنه بصتلها:زينه روحت قبلى من زمان
اسر:روحت مع مين
جنه:معرفش انا بعد ماخلصت روحتلها مكتبها الممرضه قالتلى انها مشت من زمان هى لسه ماجيتش
فهد قام وقف:اسر انت مكلمتهاش طول اليوم
اسر:انا وصلتها الصبح وقولتلها لما تخلص ترن عليا
تمارا بخوف:يعنى بنتى هتكون فين يافهد
حسن:اهدو ياجماعه اسر رن عليها
اسر رن عليها فونها مقفول
اسر:انتى متعرفيش هى خلصت امته ياجنه
جنه:لا انا كان عندى عمليتين وهى قالتلى عندها شغل كتير وكل واحده كانت فى مكتبهاا احنا متعودين اللى بتخلص بتروح لتانيه
تمارا بصت لفهد وعيطت:بنتى فين يافهد
فهد حضنها:اهدى ياتمارا اهدى ... زين اسر كلمو ادهم خلوه يجيلنا على المستشفى يلا بينا
حسن:احنا كمان هنيجى معاكو
فهد:كنان وراكان خليكو هنا لو رجعت تعرفونا ويلا ياحسن
الكل عملو زى مافهد قالهم وتمارا كانت منهارة وجميله وجنه واسيل بيعيطو وخايفين على زينه وبيعيطوو
مروة:اهدو يابنات
مريم حضنتها:ان شاء الله خير ياتمارا اهدى
مروة:ربنا يحميها وترجع بسلامه يارب
شروق:ان شاء الله هتكون بخير اهدى ياتمارا
تمارا بعياط:ياااااارب
&&&&&&&
طبعاا كلنا عارفين زينه فين بس تفتكرو فريد ناوى على ايه؟؟؟؟
روايه فى قبضة الفهد الجزء التانى
﴿عشق الابناء﴾
««الفصل ٢٣ »»
فى المستشفى فهد وحسن وزين واسر وصلو كان ادهم هناك
ادهم قرب منهم:عمى انا سالت كذا حد هنا وقالو ان زينه جالها حاله وخرجت تشوفها فى الاسعاف ومش ساعتها محدش شافها
اسر:يعنى راحت معاهم فى الاسعاف ولا ايه
ادهم:المشكله انا شوفت سواقين الاسعاف وسالتهم ولا واحد فيهم شاف زينه
زين:ده معناه ايه بقي
فهد:معناه ان الاسعاف اللى جه لزينه مش تبع المستشفى
حسن:طب هنعمل ايه الوقت
ادهم طلع ورقه من جيبه:ده رقم عربيه الاسعاف وانا كلمت واحد تبعى فى شرطه المرور وهيعرفلى العربيه تبع انهو مستشفى ومسارها
فهد:يعنى وجودنا هنا ملوش لازمه
حسن:خلينا نرجع على القصر
زين:هما الناس اللى مراقبين فريد قالولك انه خرج من بيته
اسر:لا محدش فيهم اتكلم يبقي مخرجش
حسن:معقول طول الفترة دى مش بيخرج
فهد:اسر خلى الناس اللى تبعك يطلعو الشقه باى حجه ويشوفو هو فوق ولا لأ
اسر:حاضر
==================
عند عمارة اللى فيها شقه فريد واحد من الرجاله قرب من البواب
الراجل:ازيك ياحاج
البواب:بخير يابيه
الراجل طلع فلوس من جيبه واداها للبواب:هو الباشمهندس فريد فوق فى شقته
البواب:اه المفروض فوق بيه
الراجل:المفروض ازاى يعنى
البواب:اصله كل يوم او يومين كان بيطلب طلبات بس من ٤ ايام مطلبش اى حاجه يابيه
الراجل:يعنى هو خرج
البواب:لا منزلش هو انت تعرفه يابيه
الراجل:انا صاحبه وبتصل بيه كتير وهو مش بيرد خلاص هنطلعله انا والرجاله اللى معايا
البواب:اتفضل يابيه هو فى الدور الرابع
الراجل:تمام
الراجل شاور للى معاه وطلعو خبطو على باب الشقه محدش فتح
الراجل بص لواحد من اللى معاه:افتحه
الراجل التانى قرب من الباب وطلع حاجات من جيبه وبدا يفتح الباب بعد شويا كان اتفتح ودخلوو الشقه ماكنش فيها حد ودورو فيها كتير
واحد منهم كلم اسر:يابيه محدش موجود فى الشقه
اسر بعصبيه:نزلو ازاى وانتو واقفين
الراجل:يابيه ده حتى البواب كان مفكر انهم موجودين فى الشقه
واحد من الرجاله جه عليه:فى باب فى المطبخ الظاهر خرجو منه
اسر:يبقو نزلو منه طب دور فى الشقه كويس عن اى حاجه تخصه او تخص الست اللى معاه
الراجل:تمام ياباشا
الراجل قفل وامر رجالته يدورو كويس عن اى حاجه تخصهم وبدا الكل يدورو ولقو صور لفريد مع الست اللى عايشه معاه وصورها عشان يبعتو الصور لاسر
====================
فى منتصف الليل الكل رجعو للقصر
تمارا جرت على فهد:بنتى فين يافهد
فهد:اهدى ياتمارا اهدى
فهد حضنها لحد ماوصلو للكنبه وقعدوو
كنان:عملتو ايه يافهد
حسن حكالهم كل كلام ادهم وكلام الرجاله اللى مراقبين فريد
تمارا بعياط:يعنى خطف بنتى يافهد
فهد:اهدى بنتك هترجع لحضنك وهو هيتعاقب على عملته وهيندم على اليوم اللى فكر يقرب من عيلتى
حسن:كلم ادهم شوفه وصل للعربيه يازين
زين:هو قال لما يجيله معلومات هيجى القصر او يكلمنا
راكان:انتو شكلكو تعبانين اطلعو ارتاحو شويا لحد ادهم مايجى
فهد بص لتمارا اللى منهارة فى حضنه:يلا كل واحد على اوضته ولو ادهم كلمك يازين تعرفنا فاهم
زين:حاضر
الكل طلعو على اوضهم
=================
زين طلع على السطح كانت جنه قاعده على المرجيحه وبتعيط جامد
زين:جنه
جنه رفعت وشها وشافته وجرت على حضنه وعيطت جامد اوى
زين:اهدى يا جنه
جنه بعياط:خايفه على زينه اوى يازين
زين:اهدى ياحبيبتى زينه ان شاء الله هترجع بسلامه متخافيش عليها
جنه:يارب
زين بعدها عن حضنه وقعدو على المرجيحه ومسك ايديهاا وجنه بصتله:هو ممكن ياذيها يازين
زين:مش عارف ياجنه والله انا راسي هتنفجر من التفكير
جنه:اعتقد هو مش بالوحشيه انه ياذيها وبعدين زينه كانت بتحبه وعمرها ماعملتله حاجه تضايقه
زين:ياريت يكون زى مانتى بتقولى كدا
جنه:اسر عامل ايه
زين:اسر هادى اوى زياده عن اللزوم والهدوء ده مش مطمنى بصراحه
جنه:ان شاء الله خير انت اكيد تعبان انزل ارتاح شويا
زين:تفتكرى ممكن حد فينا ينام او يرتاح الليله دى واحنا مش عارفين زينه فين
جنه:عندك حق بس ارتاح شويا عشان تكون فايق لو ادهم كلمكوو
زين:انتى كمان انزلى ارتاحى شويا وبلاش تروحى المستشفى اليومين دول
جنه:حاضر تصبح على خير
زين ابتسم:وانت من اهل الخير
جنه مشت عشان تنزل لفت تبص على زين لاقيته قاعد على المرجيحه وحاطط ايده على وشه جنه قربت منه تانى وقعدت على ركبتها قدامه زين رفع وشه وبصلها وجنه مسكت وشه بين ايدها:زينه هترجع بسلامه مش انت قولتيلى كدا
زين:ان شاء الله
جنه:انا عارفه انك بتحاول تطمنى بس انت جواك خايف عليها جداا بس زينه طيبه وعمرها مااذت حد واكيد ربنا هيحميهاا
زين:يارب ياجنه
جنه قامت وقفت ومسكت ايده:يلا عشان تنزل ترتاح شويا
زين قام معاها ونزل واتفاجأ لما لاقى جنه داخله معاه الاوضه بتاعته
جنه ضحكت:عارفه انك مستغرب اكيد بس انا هفضل معاك لحد مااطمن انك نمت لانى لو سبتك ونزلت اكيد هتفضل تفكر ومش هتنام ادخل غير يلا
زين شدها لحضنه:انتى احلى حاجه حصلت فى حياتى ياجنتى
جنه:طب يلا عشان تلحق ترتاح شويا
زين دخل غير وخرج نام على السرير وجنه قعدت جمبه فضلت تلعب فى شعره وهو من التعب ناام على طول جنه باسته من راسه وخرجت من الاوضه وراحت على اوضتها ونامت
==================
فى اوضه اسر اللى كان رايح جاى فى الاوضه مش عارف يفكر وميت قصه فى دماغه ياترى زينه فين ولا عمل فيها ايه ولا حالتها ايه كانت راسه هتنفجر من التفكير جاله رساله من رجالته بصوره واحده مع فريد ومسدج (دى الست اللى عايشه معاه ياباشا بس مافيش اى حاجه رسميه تخصها او تخص فريد تقريبا اخد كل الاوراق معاه)
اسر بص لصور اوى:مين الست دى معقول تكون امه .... بكرة هوريهاا لعمى فهد
فون اسر رن وكان ادهم:ايه ياادهم وصلت لحاجه
ادهم:لسه يااسر الناس بتوع المرور بيدورو وبكرة ان شاء الله يكونو وصلو لمكانهم
اسر:رجالتى طلعو شقه فريد وتقريبا هرب من الباب الخلفى ودورو فى شقته ملقوش حاجه بس بعتولى صورة الست اللى عايشه معاه
ادهم:حلو ابعتهالى وانا اجبلك قرارها
اسر:تصدق راحت عن بالى استنى
اسر بعتها لادهم:انت كويس يااسر
اسر بهدوء:كويس
ادهم:هدوءك ده مش طبيعى يااسر ومش مطمنى
اسر اتنهد:عايزنى اعمل ايه ياادهم انا هتجنن لما بتخيل انها معاه فى مكان واحد ومليون سيناريو بيجى فى دماغه
ادهم:هنجيبه وهيتعاقب ياصاحبي متقلقش وعلى فكرة عمى فهد مش ساكت انا عرفت انه مكلف ناس تبعه قالبين اسكندريه كلها
اسر:انا بردو كنت مستغربه لما بيقولنا كل واحد يطلع اوضته يرتاح
ادهم:تفتكر هو ممكن يرتاح وزينه برا البيت
اسر:ومين ممكن يرتاح
ادهم:اهدى يااسر وارتاح شويا وانا هجمع كل معلومات عن الست دى
اسر:تمام
===================
فى اوضه فهد نايم على السرير وفى حضنه تمارا اللى نامت بس صوت شهقاتها عاليه بسبب عياطها قبل ماتنام وفهد اللى حاول يهديها بكل الطرق لحد مانامت
فهد فونه رن قام بهدوء من على السرير ورد:فى جديد
راجل:لقينا اهل فريد ياباشا
فهد:هاتهملى القصر
راجل:اعتبره حصل ياباشا
فهد:والله لاندمكو انكو فكرتو تلعبو معايا ياولاد🐶
=======================
صباح يوم جديد زينه بدات تفتح عينيها وحطت ايدها على راسها اللى كانت بتوجعهاا:اااااه
زينه قامت قعدت بتعب وبصت حوليها لاقت نفسها فى مكان جديد اللى كانت عبارة عن اوضه اثاثها بلون البنى وكان طرازه قديم
زينه فضلت شويا على مااستوعبت وافتكرت لما حد جه قالها فى مريض فى الاسعاف حالته صعبه وخرجت بسرعه تشوفه واول مادخلت الاسعاف حد رش عليها حاجه وبعدها مش فاكرة اى حاجه
قامت بسرعه من على السرير وراحت تفتح الباب وخرجت كان الشقه كلها الاثاث بتاعها قديم زينه لفت لما سمعت صوت فريد:اخيراا صحيتى ياحبيبتى
زينه بصتله بخوف وفريد قرب منها:وحشتينى يازينو
زينه زقته:انت اتجننت اكيد عشان تعمل كدا
زينه جرت على باب الشقه تفتحه كان مقفول بالمفتاح
ولفت لفريد اللى وافق ساند على الحيطه:سبنى امشي يافريد وانا مش هقول لحد انك خطفتنى
فريد:مجنون انا عشان اسيبك بعد مابقيتى فى ايدى انتى بتاعتى
زينه بعصبيه:لا مش بتاعتك انا الوقت مرات اسر
فريد بعصبيه:انتى مش مرات حد انتى فاهمه انتى بتاعتى انا وبس
زينه بصوت عالى:لا مش بتاعتك ولا عمرى هكون بتاعتك
الست خرجت من الاوضه:مزعل ضيفتنا ليه يافريد
زينه بصتلها اوى لانها اول مرة تشوفهاا والست قربت منها:قعدى ياحبيبتى وهدى نفسك
زينه بعدت عنها:انتى مين
فريد قرب من الست:دى ست الكل اللى مربيانى وفضلها عليا من وانا عيل صغير
الست:اقعدى ياقمر عشان افهمك كل حاجه
زينه بعصبيه وصوت عالى:انتو مجانين انا مش هقعد ولا هتزفت انا عايزة امشي من هنا
فريد بصوت عالى:صوتك ميعلاش احسنلك انتى فاهمه
زينه خافت وعيطت
الست:كدا تخوف القمرايه بتاعتنا
وقربت من زينه:تعالى ياحبيبتى اقعدى متخافيش
زينه اتعصبت وزقتها والست كانت هتقع لولا ايد فريد اللى سندها وقعدها على الكنبه وقرب من زينه وضربها بالقلم من قوته وقعت على الارض وقرب منها وشدها من دراعها واخدها وزقها جوااا الاوضه وقفل عليهااا ........
&&&&&&&&
وحشتونى ي قمرات♥️♥️
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الأول 1من هناااااااااا
الرواية كامله الجزء الثاني 2من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
الفصل الواحد وعشرين والثاني وعشرون والثالث وعشرون بقلم الكاتبة جنات (حصرية وجديدة في مدونة ق…){kind=link}
تعليقات
إرسال تعليق
فضلا اترك تعليق من هنا