رواية المتمرده (الجزء الثاني) الفصل الأول والثاني والثالث والرابع والخامس بقلم وعد يحيي البكري (جميع الفصول كامله في مدونة قصر الروايات)

 رواية المتمرده (الجزء الثاني) الفصل الأول والثاني والثالث والرابع والخامس بقلم وعد يحيي البكري (جميع الفصول كامله في مدونة قصر الروايات)

رواية المتمرده (الجزء الثاني) الفصل الأول والثاني والثالث والرابع والخامس بقلم وعد يحيي البكري (جميع الفصول كامله في مدونة قصر الروايات)

الحلقه الاولي:-ج2

__________

_________

صحيت روح الصبح من النوم قبل ادهم و قامت عملت فطار بالاكل الي لقته في الثلاجه كان فطار خفيف و عادي بس هيه خلته جميل و شكله حلو اد ايه كانت مبسوطه و أ:نها في حلم جميل لكن في سؤال ديما ع بالها و السؤال هوه...

انا خيفه ليه؟؟

راحت براحه جمب ادهم و صحته

ادهم بيتاوب:-صباح الجمال

روح بكسوف:-ههههه صباح القمر

ادهم:-ايه الغش ده يعني ازاي صباح و قمر؟

روح:-معاك كل حاجه بتفع الشمس بتطلع بليل و القمر بتطلع الصبح عااادي يا ادهمتي

ادهم:-ادهمتي؟؟ماشي يا ستي هكلها بمزاجي هههههه

روح:-ههههه طب قوم عشان الفطار

ادهم:-ما يلا نام و سيبك من الفطار

روح:-قوووووووووووووم

قامت شداه

ادهم:-يا ساتر يارب هقوم هقوم

_____________________________________

وداد اعده ع الفطار هيه و فاتن و دولت و كلو بياكل بصمت 

دولت:-هففففففففففف

كلو بصلها 

فاتن:-خير يا طنط في حاجه في الاكل وحشه

دولت بعصبيه:-لا لا

وداد:-امال مالك يا ماما

دولت:-ادهم و بعدين بقه فيه انا هفضل كده و لا ع حامي و لا ع بارد 

فاتن:-مش قال في لندن يا طنط

دولت:-هه؟انتي بتصدقي يا فاتن لا في حاجه مش طبيعيه و تليفونه مقفول و مش بيتصل

وداد:-حاجه ايه بس يا ماما ((يا تري انت فين يا ادهم رحت لروح و مرجعتش يا داهيه لتكون قتلته))

دولت:-يا وداد...وداد...ودااااااااااااد؟!!

وداد:-ها؟ ايوه يا ماما سوري سرحت

فاتن:-طنط دولت بتقول ابي كلميه من وقت للتاني و هيه في الشغل

وداد:-حاضر يا ماما بس عمتا عوزاكي تعرفي انو هيعد اسبوع في لندن 

دولت:- و مش هيجي خطوبتك؟

وداد افتكرت

وداد:-عااااااا لا بقه عوزه ادهم

دولت و هي بتقوم:-يبقي قوليله يتنيل يجي

و زقت الكرسي بعصبيه و مشيت

فاتن:-وداد انا عرفه اننا مش صحاب بس ممكن تقوليلي بصراحه ادهم فين انا مستعده احلف 100 يمين انك عرفه

وداد:-لا احنا صحاب و نص

قامت وداد اعدت جمب فاتن

وداد:-عوزه تعرفي ادهم فين؟

فاتن بلهفه:-فين؟

وداد بهمس:-في لندن!!!

و قامت وقفت:-اه و الله هناك

و مشيت قامت فاتن زقه الطبق بغيظ و وقع اتكسر

فاتن:-هفففففففف ماشي!

____________________________________

هيام:-بابا و الله العظيم زعلانه منك و مش مسمحاك ابدا

ابو هيام:-ليه بس يا بنتي

هيام:-روح مش عرفه مش شيفاها و مش في بيتها يا تري هيه فين

ابو هيام:-تلاقيها سفرت القاهره و هترجع و الله اعلم بيها و بعدين ايش عرفك انها مش في بيتها انتي روحتي و خبطتي؟؟

هيام:-ها؟...لا لا...ده انا....انا...

ابو هيام:-انتي ايه؟

هيام:-مهو بصراحه يا بابا محدش بيمنع اتنين بقلهم مع بعض 20 سنه بسهوله كده في يوم و ليله منتكلمش و الله حرام يا بابا

ابو هيام:-حرام في عينك دي وحده مش كويسه

هيام:-لا يا بابا انت الي مش عارف حاجه

ابو هيام:-و الله؟؟؟ما شاء الله ما شاء الله طب نا تفهميني انتي يا فهمه

هيام:-((اقوله ايه بس مهو مش هيصدق في كلام الحب)) خلاص يا بابا خلاص بس و الله في يوم هتعرف غلطتك و هتزعل اوي انك طردتها

و قامت دخلت اوضتها بزعل

ابو هيام:-ربنا ينورلها طريقها و لو بتعمل حاجه وحشه يوفوقها و لو ظلمنها يفوقنا احنا....

_____________________________________

ادهم راجع من البجر و اعد جمب روح علي الرمل

ادهم:-يعني مش هتنزلي؟؟

روح:-لا بخاف

ادهم:-طب هاتي ايدك و انزلك انا

روح:-لا بخاف و الله انا كده مبسوطه

ادهم:-تاااااني؟؟مش انتي وعدتيني انك مش هتخافي طول ما انتي معايا

روح:-الا من البحر

ادهم قام وقف:-طيب هنزل انا بس انا زعلان

روح وقفت جمبه:-و الله يا ادهم صدقني انا كده مبسوطه و الم...آااااااااااااااااااااه

ادهم شالها و جري علي البحر

روح:-لا لا لا لا لااااااااااااااااااااااااااااااااااااا

فضل مغمضه عنيها و مسكه فيه زي الاطفال لغايه ما دخل شويه في البحر و نزلها براحه و برده هيه مسكه فيه و مغمضه عنيها

ادهم:-ها ايه الي جرا بقه متي؟؟

فتحت عنيها براحه  و هديت شويه

روح:-صدقني مش هسمحك ابدا علي الي عملته

ادهم:-هههههههههههههه

روح:-يالهوي و كمان اللبس و الحاجه لوحدها ممكن نتسرق كده

ادهم:-مش مهم

روح:-طب مفاتيح الشاليه و الموبيلات

ادهم بيبص في عنيها:-مش مهم!

روح:-احم....طيب و بعدين يعني هنفضل كده الناس هتفهم غلط

ادهم:-مش مهم!

قرب اكتر و هيه رجعت قامت وقعه

روح:-ااااااه بببببببب

ادهم قومها تاني:-هههههههههههه انتي فظيعه يلا نرجع احسن لو استنيت شويه هرجع من غيرك

روح:-شعري اتبل!!!

ادهم:-ههههههه احسن علفكره ميه البحر بتخشن الشعر

روح:-فعلا؟؟

ادهم:-اه

روح اعدت تحط علش شعره ميه و يضحكوا و يجروا و الحجات دي سيبنا منهم احتراما للسناجل...احم...و ليا!

**بليل روح نامت شويه و ادهم سهران بيتفرج علي التلفزيون و فجأه افتكر انو ناسي ناس في القاهره قام بسرعه راح اتصل بوداد

وداد:-ايو يا عم انت فين؟

ادهم:-في حد جمبك؟

وداد:-اه اه

ادهم:-ههههههههه ماشي دودو انا في لندن ما انتي عرفه

وداد:-طب مش هتيجي خطوبيت بكره

ادهم:-اوبااااااااااااااا ده انا سقطتك خالص مش هينفع اجي و الله

وداد:-ليييييييييه....فاتن قامت انت فين يا عم؟

ادهم:-انا في شهر عسل بس هو اسبوع يعني

وداد:-ههههههه يا صلاه النبي!!مع مين

ادهم:-ايه الغباوه دي....روح طبعا انا في اسكندريه في الشاليه القديم بتاعنها

وداد:-يختيييييييييييييييي...طب و الخطوبه

ادهم:-هحاول اجي

وداد:-و روح هتيجي؟

ادهم:-ايه رأيك ادخل بيها و تبقي فضحتي فضيحه

وداد:-هههههههه امال هتسيبها لوحدها؟؟

ادهم:-مش عارف

روح صحيت و اعدت تسرح شعرها و بدأت تسمع

وداد:-يعني ايه مش عارف فهمني هتعمل ايه؟

ادهم:-اعمل ايه في ايه خلاص مش هاجي اكيد مش هسيب روح لوحدها

وداد:-طب فهمني هتفضل عايش معاها علطول هناك و سيبنا؟؟و بعدين هتخلف روح و هيفضلوا عيلها معاها؟؟مش هيدخلوا مدارس؟؟مش مصاريف زياده؟؟

كلها حجات ادهم مفكرش فيها

ادهم:-يا وداد لو سمحتي متشغليش بالك انا و روح متفهمين و هسيبها لوحدها هنا لغايه اول الشهر بس لما بابا يرجع و يثبت الفوس بأسمي و سعتها هظهرها للعالم

وداد:-و ايش عرفك ان بابا هيوافق ما ممكن يقلك مش قبل ما تتجوز وحده سعتها هتعمل ايه؟

ادهم اتعصب من الحاح وداد

ادهم:-خلاص خلاص هبقي اسيب روح يا ستي هفففففف

و قفل السكه في وشها روح سمعت اخر جمله و زعلت اوي طبعا لانها مش فهمه ادهم قفل التلفزيون و قام لقاها وقفه وراه و الدموع في عنيها

روح:-هو...هو سهل عندك تسبني؟

ادهم:-لا لا انتي فهمتي غلط دي وداد عماله تلح عليا بأفكار وحشه و اضيقت و الله و قفلت في وشها

روح:-ادهم اوعدني انك مش هتسبني

ادهم حضنها

ادهم:-اوعدك اوعدك يا روح اني مش هسيبك ابدا...مهما حصل؟؟

___________________________________

وداد بصت للتلفيون بدهشه

وداد:-ماشي يا عم ادهم شاله ما جيت

فاتن دخلت تاني

فاتن:-هيجي؟

وداد:-ها؟؟قالي هيشوف رجال الاعمال الي معاه و...

فاتن:-ادهم مش في لندن...انا عرفه

وداد:-هو ايه ده؟استغفر الله

قامت وداد عشان تكلم احمد و ترغي معاه شويه...

**ترن ترن ترن

موبايل احمد بيرن

احمد:-ثواني يا قلبي وداد بترن

امنيه:-يوووووووه بقه البت دي مبتسكتش مش خطوبتكوا بكره و انا سكته

احمد:-انا عارف هشش بقه متعمليش صوت

احمد:-الو...

وداد:-ازيك يا احمد عامل ايه

احمد:-تمام بس مش فاضي يا قلبي

وداد بزعل:-ليه؟؟في ايدك ايه؟

احمد:-بيعملولي التظابيط الاخيره في البدله بتاعت بكره يا عمري

وداد:-ههههه اوك لما تخلص كلمني

احمد:-من عنيا الاتنين

وداد:-سلام

احمد:-سلام

امنيه:-هفففففففف قفلتني

احمد:-يا حببتي فكك بقه تعالي انتي بس و الله انتي الي في القلب

امنيه:-ههههههههه حبيبي!

#يتبع

ايه رأيكوا يلا كلوا يقول رأيوا في كمنت

#باااااااااااااااي

الحلقه 2:-

__________

المتمرده ج2:-

___________

تاني يوم الصبح ادهم كان مضايق اوي لانه مش هيحضر خطوبه اخته الي مستنيها لانه كان بيحب وداد اوي و كان نفسه يشفها بفستان الخطوبه كان داخل الاوضه و لمح روح بتصلي فضل مدهوش و بصصلها لحد ما خلصت و قلعت الخمار

روح:-ايه يا ادهم مالك؟

ادهم:-هه؟انتي بتصلي بانتظام؟

روح:-ايوه طبعا

ادهم:-امممم

روح:-طب و انت؟

ادهم:-انا لا

روح بزعل:-اخس عليك امال ازاي ربنا يباركلك في مراتك و ولادك و شغلك

ادهم:-بصراحه انا عمر ما حد نصحني اصلي و لا حتي ملك

روح مسكت ايده:-طب روح اتوضي و نصلي جماعه ايه رأيك

ادهم:-ما انتي صليتي خلاص

روح:-هصلي تاني يا عم زياده الخير خيرين

ادهم:-حاضر

راح اتوضي و وقفوا صلو مع بعض و ادهم كان مبسوووووط اوي ان روح خلته يصلي

روح:-تقبل الله يا سيدي

ادهم:-مني و منك

باسها في راسها و هي بتقول:-

-اوعدني متسبش الصلاه تاني؟!

ادهم:-اوعدك

و فجأه ضرب ع دماغه:-اخخخخخخخخخخخخ

روح:-ايه

ادهم:-ازاي نسيت كان المفروض ادهالك اول ما كتبنا الكتاب ثواني

قام فتح الدولاب و طلع علبه قطيفه حمره

ادهم:-دي دبله البسيها عشان الكل يعرف انك بتاعتي يا رورو

روح:-و الله؟؟طب و اشمعني انت

ادهم:-و الله دورت علي وحده ليه و ملقتش لو نزلت القاهره هجبلي وحده يلا بقه هاتي ايدك

لبسها الدبله في ايدها الشمال و روح فضلت تبصلها و هيه مبسوطه

ادهم:-مش جعانه؟

روح:-اه

ادهم:-طب يلا البسي و نروح ناكل في اي مطعم

روح:-اوك

______________________________________

في المطعم:-

___________

ادهم:-انا عاوز اقلك حاجه بس اوعديني انك تجوبي بصراحه و انا مش هزعل

روح:-اتفضل

ادهم:-ممكن اغيب عنك 8 سعات و اجي بليل؟

روح:-ليه؟

ادهم:-نفسي اكون موجود في خطوبه اختي

روح بضيق:-مفيش مشكله

ادهم:-لا لا خلاص

روح رسمت ابتسامه:-يا حبيبي و فيها ايه ع الاقل تجبلي بوكيه الورد بتاعها

ادهم:-بجد مش هتضيقي

روح:-لا

ادهم:-طويب انا هسيبك و هجي بليل بس متخرجيش خالص المنظقه ساكته

روح:-ماشي

_____________________________________

وداد في اخر تظابيط الفستان و المكياج و فرحانه جداااا و احمد كان شكله مخنوق و هو بيلبس 

فاتن:-زي القمر يا دودي

وداد:-ثنكس 

الباب خبط و ادهم دخل

ادهم:-حبيبيه ادهم!!!

وداد جريت عليه و حضنته و همست في ودنه

وداد:-يا ابن المجنونه سبت المسكينه لوحدها؟

ادهم:-قفلت عليها و هي موفقه و بتقلك مبروك احنا متفهمين

وداد:-ادهم حاسب لتظلمها

ادهم:-مالك بتتكلمي عليها اكنها بنت خالتك من الازل؟

وداد:-في حاجه انت متعرفهاش عرفتها الصبح

ادهم:-ايه؟

وداد:-م...

فاتن:-بخخخخخخخخخخخخخخ

وداد:-خضتيني

فاتن:-روحي كملي بقه لبس و سبيلي ادهم

وداد:-ههههههه البس

و مشيت 

فاتن:-وحشتني علفكره

ادهم مسهم:-اه شكرا

فاتن:-اسمها شكرا؟؟

ادهم:-يعين اقول ايه؟

فاتن:-ادهم و الله نفسي اسمع كلمه حلوه منك !

و كان برا الاوضه الي فيها وداد بتجهز الصحفين وقفين طبعا احنا عرفين العئلات و رجال الاعمال

الصحفيه:-بص احنا عوزين صورتين صوره ليها لوحدها و صوره ليها مع العريس و ننلزقهم مع بعض و نحطهم و نكتب اول فرحات احمد لطفي

الصحفي:-فرحات؟؟لا لا نكتب ابنه احمد لطفي ع مشارف السعاده

الصحفيه:-لا مش حلوه

الصحفي:-طب نبقي نفكر بعدين يلا يلا اهه خرجه من اوضتها خدي صوره خلينا نغور من هنا

و في وسط الزحمه فاتن بتعلي صوتها

فاتن:-عقبلنا يا حبيبي

ادهم اديرلها بضيق

ادهم:-فاتن بقلك ايه انا....

و في وسط الزحمه عدت وحده زقت ادهم فقلقي نفسه لزق في فاتن و بينه و بينها سم واحد بس..

الصحفيه:-هههههههههه بص انا لقطت ايه

الصحفي بص في الصوره

الصحفي:-اده؟؟ده وقته

الصحفيه:-يا اهبل دي هتبقي جمده ده ادهم ابن احمد لطفي يعني لما نحط صورته في الجرنال مع الي بيحبها و هما في لحظه زي دي و نكتب انا الفرحه هتبقي فرحتين الخبر هيفجر الدنيا ايه رأيك؟

الصحفي:-طب خدي صوره لوداد بس و بعدين نفكر في الموضوع ده..

**ادهم سرح في الرقص مع وداد و الفرحه و كان مبسوووووط جدا و دولت بتراقبه من بعيد و شايفه اد ايه فاتن بتتلزق فيه و هو بيبعد عنه

دولت:-ربنا يهديك يا ادهم انا فعلا مش عيزاك تزعل مني

___________________________________

مع ان ادهم نبه ع روح انها متخرجش خالص من البيت الا انها خرجت و راحت مشوار و جت و لبست بيجامه جميله و شيك اشترتها و رفعت شعرها و طفت كل الانوار و ولعت شموع كتيره و عملت اكل جميل و كل شيئ كان جاهز الساعه 1 و نص و هو قيلها انو هيرجع ع الساعه اتنين بليل...

استنيت.....مجاش...

مجاش....

مجاش.....

الساعه 3 و الشمع ساح....مجاش

روح تعبت و طفت الشمع و شالت الاكل و دخلت نامت...

**الخطوبه خلصت و المعازيم مشيوا

ادهم:-مبروك يا عريس

احمد:-الله يبارك فيك يا ديمو

ادهم:-عوزك متزعلش وداد ابدا

احمد:-في عيوني

وداد بأبتسامه:-كان نفسي الخطوبه تخلص بدري عن كده عشان نخرج

احمد:-لا انا يدوبك اروح

ادهم:-ليه الساعه كام؟

وداد:-3 و نص

ادهم بخضه:-يا نهااااااااااااااار اسودد!!!

و خرج جري برا الفيلا

دولت بصوت قوي:-ادهم!

ادهم وقف و بصلها باستعجال:-ايوه يا مااما

دولت:-رايح جري كده ع فين؟؟

ادهم اتلبخ و مش عارف يرتب افكاره و وداد فهمت

وداد:-الطياره الساعه 4 و ربع و هو اتأخر

دولت:-طياره ايه

ادهم:-لندن

دولت:-ول ا يهمك هحجزلك مستعجل بكره الساعه تسعه

ادهم:-لا مش هينفع انا لازم اوصل عشره

دولت:-قلت بكره استأذن منهم

ادهم:-لكن.....

دولت:-بكره الساعه تسعه يا ادهم تصبح ع خير

ادهم نفخ و اضايق جدا من نفسه و انو معرفش يتهرب في الزحمه

وداد:-متقلقش كلمها و طمنها عليك

ادهم:-معاش زفت موبايل

وداد:-اااااه طب...معلش

ادهم:-معلش ازاي؟؟كده هتزعل مني اوي يا وداد ده شهر عسل و كمان هو اسبوع و المفروض اكون جمبها ابيتها لوحدها في حته زي دي؟؟

وداد:-خلاص معلش هيه هتتفهم يا ادهم

ادهم نفخ و طلع اوضته و نام..

____________________________________

الساعه اتنين الدهر:-

______________

ادهم دخل الشاليه لقي شمع سايح

ادهم:-روح؟؟

دخل الاوضه لقاها اعده معيطه ع السرير

ادهم:-اسف!..انا....و الله ماما قالتلي متمشيش و انا خرجت من البيت الساعه 8 أكني رايح المطار و الله اسف

روح بدموع:-و لا يهمك عادي

ادهم:-طب....ايه اللبس الحلو ده؟؟ايه القمر الي طالع الصبح ده؟؟

اع جمبها و باس راسها

ادهم:-خلاص بقه قلبك ابيض

روح:-امبارح عملتلك اكل و لبست و ولعت شمع و فضلت مستنياك و انت مجتش

ادهم:-طب خدي 

مد ايده بموبايل

ادهم:-لازم اطمن عليكي ديما

روح نخدتوهوش من ايده و بصت الناحيه التانيه

روح:-و ليه تطمن عليا يعني؟عادي

ادهم:-يااااااااه قلبك اسود اوي

روح قامت خدت كيس صغير من ع الكمودينو و طلعت منه دبله فضه

روح بقرف طفولي:-خد

ادهم:-ايه ده؟؟

روح:-دبله

ادهم:-طب و جبتيها ازاي و امتي و جبتي الاكل منين و اللبس؟

روح:-كان معايا فلوس بتاعتي و......

ادهم:-لا مش فلوس اصدي يوم ايه ده؟

روح:-امبارح بعد ما مشيت سألت ع المدينه و نزلت جبت ال...

قطعتها نظرته و قالت بخوف:-

-ايه؟

ادهم:-مش قلتلك متخرجيش

روح:-كنت عايزه اعملهالك مفجأه يا ادهم

ادهم:-بس المفروض لما اقول كلمه تتنفذ

روح:-بقلك مفجأه يعني اقلك خرجه اشتريلك هديه؟

ادهم:-لا تخرجي من ورايا

روح:-مش من وراك من قلتلك

ادهم:-حلو المبدأ ده تعملي الحاجه و تيجي تقولي بعد ما عملتيها طب بتقوليلي ليه ما كده كده عملتيها

روح:-بس الموقف مش مستاهل كل ده

ادهم بزعيق:-لا مستاهل دلوقتي خرجتي من ورايا بكره تعملي حجات تانيه من ورايا

روح:-ايه يا ادهم الكلام ده هو انا رحت قبلت واحد ده انا كنت...

ادهم بيقطعها:-قبلت واحد؟؟كنت كسرت رقبتك

بصتله بطريقه مصدومه

روح:-انت عاوز تتخانق معايا و خلاص؟؟...خلاص يا ادهم انا هسكت خالص و اسفه

ادهم نفخ و اعد تاني جمبها

ادهم:-اسف و الله انا اسف انا دماغي مليانه بأفكار وحشه كتير و خايف و بعدين انا كنت قلقان عليكي اسف

روح:-و لايهمك

و نسيت كل حاجه في لحظه  مسكت ايده و لبسته الدبله

روح:-هههههه حلوه؟

ادهم بارتباك:-حلو اوي و الله.....بس.....جميل

روح:-مالك

ادهم:-مالي؟

روح:-ارتبكت ليه لو مش حلوه قولي و الله مش هزعل

ادهم:-بصي انا مش هينفع البس دبله

روح:-ليه

ادهم:-انا لبستك دبله عشان يعرفوا انك متجوزه و محدش يضيقك اما انا مينفعش حد يشك اني متجوز

روح:-و الله؟

ادهم:-معلش اصل..

روح قلعت الدبله

روح:-لما تلبسها ابقي البسها

ادهم:-يوووووووووه واضح ان الحياه معاكي مستحيله!!!!!!

و قام خرج برا الاوضه و سابها اعده مدهوشه

روح بهمس:-شكلي خت مقلب فيك!!...مقلب كبير يا ادهم

____________________________________

تليفون ادهم رن و الاسم وداد 

ادهم بعصبيه:-الو

وداد:-حبيب قلبي...عندي مفأجه!!

ادهم:-هممم؟

وداد:-بابا جي بكره يا معلم و ممكن تقنعه انو يثبت فلوسه

ادهم:-و هيمشي امتي

وداد:-بعد بكره

ادهم بصوت واطي:-يييييييييي يعني هطر اسيب روح؟

وداد:-معلش فهمها بقه الوضع

ادهم:-استغفر الله العظيم ...طيب

وداد:-هيجي تاني بعد اشهر

ادهم:-لا لا مينفعش هو بكره كويس

وداد:-طيب تمام يا روما

ادهم:-روما مين

وداد:-اه اه مامي جمبي

ادهم:-طب سلام ي ستي

وداد:-سلام

__________________________________

دولت:-روما مين

وداد:-صحبتي من الفيس

دولت:-و مال ماما بالموضوع؟

وداد:-بتتكسف تتكلم معايا و انتي جمبي عشان انتي مش تضيقي

دولت:-اه

موببايل دولت رن

دولت:-الو؟؟ايه؟؟...همممم ماشي شكرا

قفلت التليفون

وداد:-مين يا ماما

دولت:-المطار

وداد:-و بعدين

دولت:-ادهم مركبش الطياره!!!.....ادهم في مصر يا وداد و مع وحده و انا متأكده  عرفه هعمل ايه؟؟!......

الحلقه الثالثه:-

_________

المتمرده ج2:-

___________

عماد:-انا...جي اطلب ايد بنت حضرتك هيام

ابو هيام فرح اوي لانو عارف حال عماد جارهم الي كان ساكن فقيهم و مشي لكن هيام مكنتش مبسوطه...

ابو هيام:-و الله يا بني انت واحد كويس و انا الي مربيك بس الكلمه لهيام بردوا 

عماد:-تمام انا هسيبلها مهله تفكر يا عمي

ابو هيام:-ماشي يا بني

عماد:-السلام عليكم

ابو هيام:-و عليكم السلام

و بعد ما قفل الباب

ابو هيام:-اما مفجأه و الله يا هيام بصراحه عماد ده هديه....مالك سكته ليه؟

هيام:-مليش نفس افرح 

ابو هيام:-ليه خير يا بنتي

هيام:-انا لا عرفه حاجه عن روح و لا مكنها و لا حاجه افرح ازاي و اختي مش مطمنه عليها

ابو هيام:-يا سلام خلاص بقت اختك؟؟

هيام:-و اكتر

ابو هيام:-ده بدل ما تضيقي منها الله اعلم بيها بتعمل ايه و لا فين

هيام:-يا بابا و الله حرام عليك بقه روح مفيش حد زيها كفايه ظلم يا ناس

ابو هيام:-امال هتكون فين ؟؟

هيام بدموع:-معرفش يا بابا معرفش

ابو هيام بحان ابوي:-ربنا يهدي المهم عوزك تفكري في موضوع عماد

هيام بحزن:-حاضر يا بابا

_____________________________________

ادهم بعد ما قفل مع وداد اعد يفكر ازاي يقنع روح انو يمشي بكرا تاني

دخل الاوضه براحه لقاها لسه بتعيط

ادهم:-مهو انا عايز افهم انتي بتعيطي ليه؟

مردتش عليه و هيه بتعيط

ادهم:-مينفعش كل شيئ تعيطي لان الجواز فيه مشاكل كتير و دي مش نهايه الدنيا

روح بعياط:-و مينفعش كل حاجه تتعصب عليا كده

ادهم:-اسف...يا روح ما انتي فهمه ايه الي انا فيه صح

روح:-و مقدراك

اعد جمبها و اتنهد

ادهم:-لا مهو واضح التقدير...يعني قوليلي هيبقي كويس لما البس دبله و يشفوها مكتوب عليها روح و تبقي مصيبه و سعتها هتبعد بالغصب؟؟

روح زي الاطفال:-لا

مسك خدودها الاتنين:-متتأمصيش تاني يا بت

روح:-حاضر

ادهم:-بصي بقه....اده؟؟

بص ع ايديها

ادهم:-البسي الدبله يا بت

روح:-حاضر

و لبستها

ادهم:-بصي بقه انا بابا جي بكره و ماشي بعد بكره و دي فرصتي عشان اقنعه انو يثبت الفلوس بأسمي و بعدين اظهرك للدنيا كلها و محدش هيفتح بقه 

روح:-اه و طبعا لازم تمشي؟

ادهم:-اسمعي للاخر....هيجي تاني بعد كام شهر...تحبي اروح بكره و ارجع و لا اعد معاكي لاخر الاسبوع و اسيبك هنا شهرين؟؟

روح:-لا بجد؟ادهم ممكن سؤال

ادهم:-عيوني

روح:-للدرجه دي الفلوي مهمه

ادهم:-ايه يا روح محنا متقفين

روح:-ماشي بس انت هتسبني تاني

ادهم:-و بعد ما اجي هنعد هنا برحتنا و يمكن اكتر من اسبوع

روح بضيق:-ماشي يا ادهم سبني طول اليم بكره تاني مهو انت متعرفش اد ايه انا ببقه خيفه و انا لوحدي

ادهم:-يا خلاثي حببتي يا ناس خيفه...انتي خلبوثه علفكره 

روح:-ليه

ادهم:-هو الخايف بيخرج يشتري حجات

روح:-انا الحق عليا كنت هعمل سهره جميله عمتا خلاص هيه فاتتك

ادهم بخباثه:-هههههههه لا مفتتنيش و لا حاجه لسه احنا فيها

روح ابتسمت و. ابتسم ادهم..

___________________________________

تاني يوم الصبح:-

______________

دولت:-اسمع يا احمد انت بصراحه كده ابنك اتجنن

احمد لطفي:-ليه؟خير

دولت:-بيقو في لندن لكنه بيكدب انا عرفه انو في القاهره لاني قلت للمطار يبلغني 

احمد:-و بعدين

دولت:-اكيد يعني مع وحده

احمد:-تعرفيها؟

دولت:-كانت خدامه هنا في السريا

احمد ببريق شر:-خدامه؟؟

دولت:-او بيبي سيتر...المهم شغاله عندنا و ابنك اتجنن و لازم تتصرف

احمد:-طيب سبيلي الموضوع ده بأكمله

دولت:-ماشي..

____________________________________

ادهم قام الصبح بدري و لبس و جهز و مكنش ناوي يصحي روح الا انها صحيت

روح بكسل:-صباح الخير

ادهم:-صبا النور

روح:-هتسافر دلوقتي؟

ادهم:-اه...عشان ارجع بدري

روح:-فطرت؟

ادهم:-لا

روح قامت:-طب لحظه و هعمل الفطار

ادهم:-لا لا مش مشكله انا نفسي مسدوده

روح قلبت شفتها:-ليه؟

ادهم:-قلقان من الي هيدور بيني و بين بابا

روح حوطت رقبته بايديها

روح بدلع:-متخفش

باس جبينها:-مش خايف عشان بدعي ربنا و صليت الصبح

روح:-شاطر يا حبيبي...اوعي تتأخر

ادهم:-ان شاء الله لا.....انا ...بحبك اوي

روح بغرور طفولي:-عرفه علفكره

ادهم:-ههههههههههههههه ماشي...لا اله الا الله

روح:-لا استني

لبست الروب بتاعها 

روح:-هوصلك للعربيه

ادهم:-لا...مش هتخرجي كده

روح:-مفيش حد اصلا حولينا حتي الشاليهات الي جمبنا فاضيه

ادهم:-لحد بابا الشاليه من برا اما للعربيه لا

روح:-هههههه اوك

راحت معاه لغايه الباب

روح:-لااله الا..اااااه ثواني

ادهم:-يارب تعقلي

دخلت جوا و غابت شويه و جت

روح:-خد دول سندويتشات عشان الطريق افطر بقه و متزعلش رورو

ادهم باس ايديها:-تسلم ايد رورو يا ستي...اااه بقلك عرفه لو خرجتي؟؟نهارك مش فايت

روح:-طب مينفعش اروح اعد ع البحر

ادهم:-لا

روح:-طب كده هتخنق

ادهم:-اتخنقي...عصافيري ميشفهاش حد و لا حتي البلكونه لانها مش عاليه عن الارض 

بصتله بزعل

ادهم:-يا روح و الله انا خايف لحد يشفي ماشي دلوقتي و يعرف انك لوحدك عايزك تقفلي الانوار و تولعي نور خافت عشان و الله خايف

روح:-طب انت خوفتني

ادهم:-خليكي مع ربنا

روح بابتسامه:-حاضر يا حبيبي

ادهم:-هكلمك كل شويه

روح:-ادهم انا خيفه اوي لابوك ميوفقش و انا مش عشان الفلوس عشان انت هتطر تتجوز

ادهم مسك راسها بايديه:-هيوافق يا روح...هيوافق

روح:-ان شاء الله

قالتها بخوف و بعدم ثقه فرفع راسها ليه

ادهم:-بصي في عنيا

روح:-اهه

ادهم:-ثقي فيا!!

روح بأبتسامه:-واثقه فيك

ادهم بنفس الابتسامه:-خلي بالك من نفسك

روح:-ماشي...لا اله الا الله

ادهم:-محمد رسول الله

خرج ادهم و قفلت هيه بالمفتاح 

روح:-يااااارب خير

__________________________________

ادهم:-ازيك يا بابا

احمد بشك:-اتيسطت في لندن؟

ادهم:-اه و بليل هسافر اسكندريه هقابل صحابي

احمد:-علطول كده؟

ادهم:-عشان ارجع الشغل بقه 

احمد:-همممم ماشي و ايه اخبار الشركه

ادهم:-كلو تمام

احمد:-و الاخبار مع فاتن؟

ادهم:-الحمد لله

سكتوا شويه و ابوه مركز في ملف قدامه و بشرب قهوته

ادهم:-بابا...عوزك في موضوع ممكن تركز معايا شويه

احمد ساب الحاجه و قلع نضارته

احمد:-خير يا ادهم

ادهم قام قفل باب المكتب

ادهم:-بابا لو سمحت انا عايز فلوسي تكون باسمي مينفعش الي ماما بتعمله كل حاجه تقلي هاخد الشركه و الحاجه

احمد:-المطلوب؟

ادهم:-الشركه و العربيه و الفلوس الي في البنك تبقي بتاعتي رسمي

احمد:-ماشي تمام....هتتجوز فاتن امتي

ادهم:-اهو ده بقه الي بيغظني يا بابا انا مش عاوز فاتن و لو اتجوزتها هظلمها

احمد:-عشان غبي

ادهم:-هففففففففف

احمد:-انت عارف فاتن دي هيجي من وراها فلوس اد ايه

ادهم:-ابوها اخوك

احمد:-انا في الشغل مبعرفش ابويا يا ادهم.

سكت شويه

احمد:-و لا ابني!

ادهم:-مش هتجوز فاتن يا بابا

احمد:-ليه؟

ادهم:-كده مش بطيقها و بكرها

احمد بخباثه:-ده حتي المجلات الطبعه الجديده بتاعت النهارده مش بتقول كده

ادهم باستغراب:-مجلات؟؟

احمد رمي مجله قدام ادهم،،و ادهم فتحها  في الصفحه بتاعت اهم الاخبار صوره فاتن مع احمد و فاتن لوحدها و مكتوب((نهنئ الاستاذ احمد لطفي علي خطبه ابنته الانسه وداد احمد لطفي و نتمني عن قرب اتمام الزفاف))

ادهم:-و انا مالي؟

احمد:-بص تحت

ادهم بص تحت لقي صوره صغيره ليه هو و فاتن و بينهم مسافه لا تتعدي النص سنتي و فاتن بتبصله بحب و ع الحظ ادهم كان عادي و مكتوب((مبروك مقدما للعصفورين)) و كلام كتير تحت عنهم

ادهم بعصبيه:-اده؟؟

#يتبع

الحلقه الرابعه:-

___________

المتمرده ج2:-

__________

ادهم بعصبيه:-اده؟

احمد بيغمز:-هههههههههه طلعت مش سهل يا عفريت

ادهم:-بابا لو سمحت في سوء تفاهم البنت دي مفيش بيني و بينها اي حاجه و اسأل فاتن شخصيا

احمد:-مش مهم ما كده او كده هتتجوزوا

ادهم:-ده في شرع مين ده؟

احمد:-في شرعي انا يا ادهم؟ايه هتعصي اومري؟

ادهم:-بابا انا مش عيل انا راجل و عندي اولاد كمان

احمد:-تصرفاتك مش بدل ع كده

ادهم:-بابا لو سمحت ثبت الفلوس بأسمي

احمد:-هتتجوز فاتن الاول؟

ادهم:-طب ثبتها الاول

احمد:-و الله؟؟مش عليا يا ادهم

ادهم:-مبحبهاش و الله مبحبها بس متخفش اول ما تثبت الفولس باسمي هتجوزها

احمد:-و ليه مش قبل؟

ادهم:-عشان مش واثق فيكوا ايش عرفني مش يمكن بعد ما ادبس تقوليلي لا اعمل كذا الاول

احمد:-مفيش الكلام ده

ادهم:-يعني ايه؟

احمد بزعيق:-كلامي واضح تتجوز فاتن كل شيئ بتاعك مش هتتجوزها خلاص بقه انت مدرور في ايه يا ابني اصرف فلوس براحتك و معاك العربيه و خلاص

ادهم:-يعني ايه؟مش هعرف استقل بحياتي

احمد بخباثه:-ليه؟في وحده تاني في حياتك

ادهم:-تقريبا

احمد:-طيب هعملك معاك عرض احسن بكتير يا ادهم.....اي وحده تتجوزها يا سيدي اختار انت وحده غنيه و من مستواك

ادهم:-بابا لو سمحت اقلك ع حاجه؟....انا مش هتجوز خلص انت عارف انا كنت بحب المرحومه ملك اد ايه و مش هتجوز بعده و عايش لاولادي

احمد:-هممم معلش انا عارف انك في يوم هتتجوز و ده شرطي يا اما استني لحد ما ان اموت او اقتلني هههههههههههه

ادهم:-بعد الشر يا بابا في داهيه الفلوس بس لو سمحت عاوز احس اني مش متأيد

ابوه قرب منه:-فاتن....ده اسم مفتاح الفلوس غير كده معنديش!!!

ادهم بصله بقرف و خرج متعصب

احمد:-ع فين

ادهم:-في داهيه...في ستيييييييييييييييييييين الف داهيه

و خرج برا المكتب...

برا القصر كله.....

______________________________________

روح طلعت موبيلها و ورقه كانت معاها فيها رقم هيام و اتصلت..

هيام:-الو

روح:-الو

هيام:-مين

روح:-اخس عليكي يا وحشه م عرفه صوتي

هيام:-روووووووووووووووووووووح

ابو هيام من برا:-بتقولي حاجه يا هيام؟؟

هيام:-لا يا بابا ده صرصار

هيام بصوت واطي:-انتي فيني ا بت كنت هموت

روح:-هههههه بعد الشر عليكي

هيام:-استني بس...انتي فين؟؟بتتكلمي منين و ازاي

روح:-انا اولا بتكلم من شاليه في اسكندريه ثانيا ده موبيلي

هيام بغباء:-اسكندريه؟موبايلك؟

روح:-ايون جوزي حبيبي جبهولي

هيام:-يالهويييييييي انتي اتجوزتي؟

ابو هيام من برا:-نعم؟؟ايه يا بنتي انا مش سامع

هيام:-ففففففف مش عندك يا بابا

هيام بصوت واطي:-مين بقه؟

روح بفرح:-ادهمتي...ادهم

هيام بهمس:-عرفي؟

روح:-لا لا...هههههه لا طبعااااااااا

هيام:-من غير متقوليلي يا زباله

روح:-جت فجأه

هيام كانت مسكه مجله و بتقلب فيها

هيام:-ههههههه مش انا جبت مجله ب 45 جنيه

روح:-هههههههههههه ورثتي؟

هيام:-اده اده الحقي صحبتك الله!!دي حلوه اوي...

روح:-صحبتي؟؟في مجله؟

هيام:-وداد الي هيه اخت ادهم دي

روح:-مالها؟

هيام:-نشرين صورتها يوم خطوبتها ما شاء الله جميله اوي

روح:-هههههههه اها

هيام بصت تحت:-اده؟

روح:-ايه

هيام بزعل:-لا و لا حاجه مفيش لازم اقفل..

روح:-هوا في حاجه؟

هيام:-لا سلام

و قفلت الخط روح بصت للتليفون و قلبت شفتها بعدم فهم و بعدين سمعت باب الشاليه بيتفتح

روح:-حياااااااااااتي...جيت بدري يعني

ادهم مكشر و مضايق

ادهم:-اه

روح:-ها يا حبيبي البس و نروح ناكل برا؟

ادهم:-تعبان مش قادر

روح:-طويب يا حبيبي خد دش سخن و انا هعمل اكل جميل سريع

ادهم بعصبيه:-مش هاكل...كلي انتي انا شبعان

روح:-مالك يا ادهم

ادهم:-تعبان

و دخل الاوضه بسرعه عشان يتهرب من الحديث روح دخلت وراه

روح بجزن:-باباك موفقش؟صح؟؟

ادهم:-اه

و اعد ع السرير بضيق اعدت جمبه و طبطبت عليه

روح:-معلش يا حبيبي....طب فهمني ايه الي حصل؟

ادهم بانت في عنيه دموع:-عرفه؟انا صحيح غني اوي و كتير كان يقلي عاوز اعيش حياتك بس حاسس اني مليش اهل...حاسس....حاسس اني مش حر يا روح

و نزلت دموع رقيقيه من عنيه قامت روح حضناه

روح:-كده هزعل...فاكر لما قلتلي انك انت علتي؟؟انا عيلتك يا ادهم مراتك و اختك و صحبتك و حببتك اتفقنا؟؟

ادهم بصوت ضعيف:-انا مش فاهم ليه بيعملو كده ليه مش بيحبوني مش بيحبولي السعاده يا روح مش بيهمهم غير المصالح حتي بابا قلهالي وش قلي في الشغل معرفش ابني

روح صعب عليها ادهم:-طب فهمني الي حصل يا ادهم

ادهم بعد عن حضنها و مسح دموعه

ادهم:-لازم اتجوز زفت فاتن بس ده مش هيحصل يا روح ازاي هيحصل لو قبل ما اتجوزك كان ممكن لكن انا اتجوزتك و كمان بحبك اووووووووووووي انا مش ع الفلوس انا عاوز ابقي حر يا روح و بعدين انا كل شيئ او كل مبلغ بصرفه بيوصل لماما انا مخنووووووووق

و اعد يعيط تاني....

روح:-طب...انا مش بحب اشوفك كده

ادهم:-طب قوليلي اعمل ايه؟؟هتفضلي هنا؟؟انا اسف يا روح ظلمتك اوي...

روح مسكت ايد ادهم و قالت و كل حته في قلبها بتتقطع:-

-ادهم.....اتجوز فاتن!!!

بصلها بدهشه...

#يتبع

الحلقه الخامسه:-

____________

المتمرده ج2:-

__________

روح مسكت ايد ادهم و قالت و كل حته في قلبها بتتقطع:-

-ادهم.....اتجوز فاتن!!!

بصلها بدهشه...

ادهم بعصبيه:-روح انا مش ناقص جنان

روح:-ده الحل الوحيد يا ادهم عشان سعادتك

ادهم:-ساعدتي؟؟انتي هبله؟روح لو سمحتي اسكتي خالص

روح:-طيب ممكن نسيبنا من جو الافلام ده  و الحزن و خليك واقعي و قلي هتعمل ايه؟

ادهم:-مش عرف حقيقي مش عارف

روح:-هوا....طب ما خلاص!

ادهم:-خلاص ايه؟

روح:-مش عايزين حاجه المهم نكون مع بعض صح؟

ادهم:-ايه الجنون ده؟؟لا طبعا انا مش هستغني ابدا عن الموضوع ده

روح:-ليه يا حبيبي؟؟ممكن تخدلي شقه في القاهره و تصرف براحتك و مش تتجوز فاتن و...

ادهم قاطعها:-اسمعي يا روح!احنا اتفقنا قبل ما نتجوز ع حجات معينه و مش هتتغير ابدا

روح قامت وقفت باعتراض:-حاجه ايه دي؟

ادهم:-انك مش هتتحركي من الشاليه ده ابدا!و انا هسار و اجيلك يوم اجازتي

روح:-و طول الاسبوع؟

ادهم:-بالتلفون

روح بزعيق:-اه و طبعا انا طول الاسبوع لوحدي و ممنوع اخرج من السجن ده مهو انت لو تعرف خوفي لما الليل يجي من المكان ده مكنتش قلت كده لو بتخاف عليا مكنتش قلت كدا

ادهم قرب منها بطريقه مرعبه:-انتي بتزعقي كده لمين؟

روح لزقت في الحيطه و اول مره تحس انها خيفه اوي منه كده

روح بصوت واطي:-يعني ايه لمين؟

ادهم:-يعني انا جوزك و عيب كده ملك مكنتش تجرأ تعمل كده

الكلمه استفزت روح بس سكتت

روح:-خلاص يا ادهم سافر و انا برده هروح اعد في المنوفيه و هقلهم اني اتجوزت ع سنه الله و رسوله و اوريهم قسيمه جوزنا و هعيش معاهم يبقي ليا حد

ادهم:-لا مفيش الكلام ده هتعدي هنا و متخلنيش اطر اني اقفل عليكي بالمفتاح

روح بصدمه:-انا استعجلت اوي لما اتجوزتك!

الكلمه وجعت ادهم و روح زقته من قدامها و خرجت...

____________________________________

احمد لطفي اعد في اوضه مكتبه لما جاله تليفون

احمد بصوت قوي:-الو؟....همممم...اه...استني لحظه

جاب ورقه و ألم و كتب حاجه الي ع التليفون بيمليهاله

احمد:-ماشي...لا لا خلاص...سلام

احمد بص للورقه بضيق و نفخ 

احمد:-ايه الي بيحصل ده بس؟

____________________________________

روح فضلت اعده مدمعه و بعد ساعه او ساعتين ادهم جه وقف قدامها و حك شعره

ادهم:-انا جعان!

روح بصت لبعيد و ادهم بيعد جمبها

ادهم:-انا جعان يا روح...تيجي نخرج؟

روح عنيها دمعت تاني

ادهم:-مهو انا مش غلطان لوحدي يا روح....انتي اصلا ضيقتيني من اول لما قلتي...

روح بصتله بحده:-بقلك ايه يا ادهم انت كل شويه بتتعصب عليا و بتخوفني منك اكتر و تيجي تقلي خلاص يا ادهم ده 3 يوم جواز اكيد بعد فتره هتزهق

ادهم:-ازهق؟انتي هبله يا بت؟....عرفه يعني ايه اعدت اكتر من 5 سنين مش عاوز اتجوز و بعدين اتجوزتك؟يعني اكيد بحبك...لا اكيد بموت فيكي

روح:-مش باين سهل عندك تسبني لوحدي اسبوع و سهل عندك تزعلني

ادهم:-اخس عليكي يا وحشه مهو ده عيبي يا روح انا عصبي

روح بحده:-و اناني!

ادهم:-اناني؟؟

روح:-ايوه لما تكون بتفكر بس في الفلوس و مش همك انا و مش عايز تخدني القاهره عشان خايف حد يشفني و كمان خايف اقول لهيام اني اتجوزت و اعيش مطمنه و كمان مش عيزني اخرج و مش فارق معاك خوفي و مش عايز تلبس دبله و انا البس تبقي اناني و ستين اناني

ادهم بضيق:-روح لحظي انك زودتيها اوي و انا ساكت

روح:-اضربني مبقاش ناقص غير دي

ادهم:-و ايه اخره كده يعني؟!

روح:-و لا حاجه انا عندي حل حلو اوي انا بقول تمشي بكره الصبح و تتجوز فاتن و تعيش حايتك و تكلمني مره بالتليفون في الاسبوع و تزورني مره في الشهر و...

ادهم:-كفايه!

قام من جمبها بضيق و زعل

ادهم:-تصبحي ع خير

روح:-....

ادهم بصلها بغضب و رزع الباب. و روح اعدت تعيط

*صحي ادهم الصبح ملقاش روح جمبه خمن انها ممكن تكون بتعمل الفطار و خرج برا الاوضه

ادهم:-روح؟...روح؟؟

دور عليها و ملقهاش تماما فاتخض لتكون مشيت و فتح باب الشاليه لمحها وقفه قدام البحر من بعيد فابتسم

ادهم:-و الله انت دماغك غريبه يعني هتهرب من غير جزمه؟؟!

قرب منها براحه و هي وقفه سرحانه خالص قام شيلها مره واحده

روح:-آاااااااااااه!

سكتت لما لقت ادهم

روح:-نزلني لو سمحت

ادهم:-صلحتيني؟

روح:-لا يا ادهم لو سمحت نزلني

قرب ناحيه البحر

روح:-لا لا لا مش لبسه الميوووووووه

ادهم:-هههههههه و لا انا

دخل جوا الميه

روح:-و الله اللبس جديد متنزلنيش في الميه لو سمحت

ادهم:-طب قولي سمحتك

روح:-لا

ادهم قربها من الميه

وح:-مسمحااااااااك و الله مسمحاك و ربنا

ادهم:-هههههههههه قولي بحبك

روح مغمضه عنيها و مردتش

ادهم:-قولي و اما و الله ارميكي في الميه

روح:-بحبك بحبك بحبك و الله!

ادهم فصل ضحك 

ادهم:-انا تعبت من كتر ما انا شيلك فمطر انزلك

روح:-لا لا لا حراااام

و نزلها في الميه

ادهم:-ههههههههههههههه

روح ضربته بأديها براحه

ادهم:-هههههههههه خرجتي ليه من غير ما تقوليلي مفيش فايده فيكي يعني؟

روح:-كنت هموت من الخنقه و بعدين ده هنا ع البحر مرجتش المدينه

ادهم:-طب خلاص فكي البوز

روح:-مهو مفكوك

ادهم بصوت واطي:-و حياه الي خلقك يا روح ان مضحكتيش لاضحكك انا بطرقتي!

روح:-خلاص خلاص اهو

و ابتسمت

ادهم:-ايوه شطوووره يلا بقه نرجع و نفطر برا

روح:-طب امشي قدامي عشان اتعود ع الميه متمسكش ايدي

ادهم:-ماشي

ادير و هيه وراه عماله تضحك بصوت واطي و مبسوطه ادهم بصلها قامت عملت نفسها مش بتضحك...

روح:-ايه؟

ادهم بابتسامه:-مفيش..

روح اتنهدت و كعادتها نسيت كل زعلها من ادهم الا ان ادهم لسه دماغه بتلف و تدور ع موضوع الفلوس...

___________________________________

هيام:-بابا انا...عوزه...

ابو هيام:-ايه يا حببتي؟

هيام:-انا....يعني...

ابو هيام:-متتكلمي

هيام بسرعه:-انا موفقه ع عماد

و اديرت بسرعه تدخل اوضتها

ابو هيام:-ههههههه تعالي هنا يا بت

هيام اديرت و خدودها محمره

ابو هيام:-اخيرا يا بنتي هشوفك عروسه و.....لحظه لحظه...انتي مش زعلانه يعني عشان روح؟؟انتي شوفتيها؟

هيام:-انا؟لا و اقسم بالله

ابو هيام:-ماشي بس بجد لو عرفتي عنها حاجه قوليلي بردوا يعني....زي بنتي و عايز اطمن

هيام:-لا معرفش حاجه

ابو هيام:-ماشي يا بنتي

هيام:-بابا؟...انا بكدب روح اتصلت بيه...((الله يخرب بيتي من امتي الصراحه دي يعني))

ابو هيام:-اتصلت؟؟منين؟

هيام:-دي اشتغلت و اعده في دار طالبات و بتدرس

ابو هيام:-ربنا معاها

هيام:-اه...يارب و افهم اللغز بتاع المجله

ابو هيام:-لغز ايه؟

هيام:-لا ولا حاجه انا داخله اوضتي عشان دقيقه كمان و هفشي اسرار تودي في داهيه

ابو هيام:-هههههههههه ماشي يا عفريته انتي

_____________________________________

عدي الاسبوع ع روح و ادهم بسرعه اوي بالنسبلهم كانت الايام حلوه و محصلش اي مشاكل تاني و ادهم مرضاش يفتح الموضوع تاني 

الساعه 2 الفجر:-

__________

روح سانده راسها ع كتف ادهم و بيتفرجوا ع التلفزيون الا ان دماغ ادهم مكنتش مركزه خالص كان بيفكر في كذا حاجه

روح:-احم....ايه الي واخد عقلك بقالي سنه بتكلم

ادهم:-.......

روح:-ادهم!؟

ادهم:-هه؟ايه؟

روح اتعدلت و قفلت التلفزيون:-مالك يا حبيبي؟

ادهم:-مش عارف بفكر

روح بزعل:-انت هتمشي الصبح صح؟

ادهم:-اها

روح:-يعني مش هتوديني المنوفيه؟

ادهم:-لا يا روح و الله مش عشان متقليش لهيام و ابوها لا عشان انا عوزك هنا و متخفيش هاجي الخميس الجاي

روح:-والله؟يعني هعد من الخميس ده للجي مش اشوفك؟و لا اخرج؟و افضل كل ليله خيفه لحسن ميطلعليش نهار

ادهم:-بعد الشر عليكي يا روحي

روح:-طب شفلي مكان في القاهره

ادهم بيتنهد:-ربنا يسهل

روح:-انا خيفه اوي!

ادهم:-روح متتحسسنيش اني سايب طفله

الدموع اتجمعت في عنيها قام ادهم ماسك خدودها

ادهم:-لا و الله ده انا سايب طفله!

روح:-هتوحشني

ادهم:-يعني بتعيطي من دلوقتي و هوحشك من دلوقتي؟ما انا لسه هطفح و بعدين اتخمد

روح:-اطفح؟اتخمد؟...امشي يا ادهم يلا و متجيش تاني

ادهم:-ههههههههههههه حببتي....قفلتي التلفزيون ليه؟

روح:-قرفت...طب ينفع يا ادهم يوم واحد في الاسبوع اروح المدينه و اتفسح

ادهم:-والله؟وحده زي القمر مشيه زي الهبله لوحدها بتتفسح؟

روح:-لا قصدي يعني اجيب اكل لبس لو عايزه اشوف الدنيا

ادهم بصلها و بيفكر

روح:-و النبيييييييييييييييي؟!

ادهم:-ماشي يوم واحد بس!

روح:-اوك يلا بقه استني اما اقوم احضر حاجه نكلها

ادهم:-لا مش قادر انا عايز انام مش عاوز اكل

روح بابتسامه:-لا انا جعانه بقه!و انت هتاكل

ادهم:-هههههههه ماشي!

__________________________________

روح:-ادهم؟؟يا ادهم...اصحاااااااااااااااا

ادهم:-ايه؟ايه؟

روح:-يلا الساعه 12 ايه الكسل ده

ادهم:-طويب ماشي يا ستي الله يرحم اول يوم كانت صباح القمر

روح:-ههههههههههههههههه صباح الورد و الف و الياسمين

ادهم:-لا كده مش هقدر هههههههههه

روح:-قوم يا عم الرومانسي قوم

ادهم:-عم؟

و قدام العربيه:-

روح:-خد السندويتشات ديه!

ادهم:-ههههههههه انتي تاني؟

روح:-يلا بقه 

ادهم باس راسها:-هتوحشيني

روح:-هتوحشني اووووووووي

ادهم:-لا اله الا الله!

روح:-محمد رسولا الله!

روح عيونها دمعت و قفلت باب الشاليه بالمفتاح و هيه لسه مش مستوعبه ازاي هتعد لوحدها اسبوع؟

اما ادهم ركب العربيه و اول ما طلع اتغيرت ملامح وشه

ادهم:-اسف يا روح

ادهم خد قرار بالنسبه لموضوع الفلوس خلاص...

*اول ما وصل مفكرش ينام او يروح البيت و راح الشركه علطول الباب خبط و دخلت فاتن

فاتن:-شفت ال...

ادهم بيقطعها:-المجلات عارف

فاتن:-انا اسفه اوي

ادهم بضيق:-فاتن؟

فاتن:-ايه

ادهم:-محدش هيعرف غيري انا و انتي و ماما و وداد و امك و ابوكي و بابا و لا صحافه ولا صور

فاتن:-يعرف بايه؟

ادهم بصرامه:-كتب الكتاب بكره

فاتن بفرحه:-بجد؟

#اطولت الحلقات عشان انتوا بتتفعلو

#يتبع

تكملة الرواية من هناااااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الاول من هناااااااااا

الرواية كامله الجزء الثاني من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا