رواية عذاب رعد الفصل الثالث والثلاثون والرابع والثلاثون بقلم دي دي فتحي( حصريه وجديده في مدونة قصر الروايات)
رواية عذاب رعد الفصل الثالث والثلاثون والرابع والثلاثون بقلم دي دي فتحي( حصريه وجديده في مدونة قصر الروايات)
البارت الثالث والثلاثون😘 من روايتكم عذاب رعد
قبل ما أبدا البارت عيزه اقولكم انى بشكرك جدا جدا كل اللى فرحلى من قلبه وباركلى وبعتذر منكم رديت على كتير كومنتات ومقدرتش ارد على الباقى وعملت لايك بس لكن والله كلامكم اسعدنى جدا ...وعيزه اقول للفانز اللى دخلولى خاص وقالولى ان روايتك مش top عشان تتعمل مسلسل وفيه روايات تانيه تستحق ...اكيد هما بيقروا كلامى دلوقت وبقولهم هى مش top بس انا تعبت فيها كتيييير والحمد لله ربنا عوض تعبى خير ولقيت تفاعل حلو من الفانز ...بدل ماتقولوا كدا كنتم اتمنولى الخير وباركولى وبعدين ياعالم الموضوع يكمل ولا لا ...لو كمل الحمد لله ...ولو لقدر الله وقف يبقا برده الحمد لله على كل حال ...وبقولكم انا قولت الموضوع للفانز اللى بيحبونى وانا بحبهم ...مش ليكم انتم ابدا ...بجد انا بشكر كل اللى فرحلى امبارح من قلبه وان شاء الله بدعواتكم ليه الموضوع يكمل على خير ...لانى أنا حزنى أكتر من فرحى
👐اللهم انت حسبى فى من ظلمنى 👐
👐 وانت حسبى فى من أذانى وانت حسبى👐
👐فى من خذلنى ...فحسبى الله وكفى بالله حسيبا 👐
😘 قراءه ممتعه 😘
جاسر بقوه وشر ...إرمى سلاحك والا ه...وقبل مايكمل كانت رعد ضربه يامن بنار ووقع على الارض أثر الضربه
يامن بصوت متقطع ووجع اهربى يارعد اهربى قبل فوات الاوان اهربى قبل جاسر مايقتلك اهربى
جاسر لسه هيضرب رعد بنار كانت اسرع منه وضربته طلقتين فى صدره ...اترمى على الارض جنب يامن...ورعد قربت منه شوفت اخرتك ونهايتك على ايدى ازاى هااا ايه ريك بقا انفع صح
جاسر بصوت متقطع عشان انتى خاينه وملكيش أمان زى ابوكى ...رعد بعنف ومين قالك انى خاينه انا كنت باخد حقى مش اكتر
جاسر بالم وصوت متقطع ..تعرفى لو كان فاضل فى عمرى 5 دقايق كنت هعذبك برده فيهم وانتقم منك وغمض عنيه
رعد بصت على يامن اللى مرمى جنبه ومش هاين عليها تشوفه بينزف كدا وتسيبه هى مهما كانت زعلانه منه ومجروحه بس متقدرش تشوفه فى الحاله دى وتسيبه ...قطعت جزء من هدومها وبتحاول تربط ليامن جرحه عشان تكتم الدم ...يامن فاق وبتوهان اهربى يارعد اهربى ياحبيبتى اهربى قبل ماجاسر يموتك وغمض عنيه
رعد غمضه عنيها هى كمان بوجع على اللى هما وصلوله وسابته...وطلعت فوق فضلت تدور على الفلاشه والاوراق لغيت لما لقيتهم ...بس طبعا مش فى نفس المكان الاولانى
اللواء صبرى جه هو والقوه وكمان كرم وعدى ولاقوا يامن وجاسر مرمين على الارض وغرقنين فى دمهم
اللواء صبرى جرى على رعد انتى كويسه وبيدور فى جسمها فيكى حاجه
رعد بهدؤء ...ايوا يابابا انا كويسه اطمن
وبيبص ليامن ...جاسر اللى ضربه وهو بيدافع عنك
رعد بنفس الهدؤء لا انا اللى ضربته عشان جاسر كان بيهددنى بيه
الكل اتصدم من كلامها المفروض انه جوزها ازاى تعمل فيه كدا
كرم جرى عليه عشان يشوفه واتاكد انه عايش ...وبيكلم اللواء صبرى هو عايش يافندم عايش ...رعد بصتله وسابتهم ومشت روحت بيتها واللواء صبرى وكرم اخدوه وراحوا المستشفى بيه
رعد روحت بيتها عشان ترتاح ولسه هتطلع الباب خبط ...ولنفسها مين اللى هيجى الوقت فى الوقت المتاخر ده ...اكيد مش هو لانه زمانه فى المستشفى
راحت فتحت الباب ولقيته عدى
رعد بسؤال ...عدى خير فيه حاجه حصلت
عدى بنبره جديده وغريبه عليها ايه مش هتقوليلى اتفضل ولا انا مش زى يامن العمرى
رعد باستغراب ...لا طبعا اتفضل انت مش زى اى حد انت
عدى قرب منها ذياده بعد مادخل... انا ايه هاا ايه
رعد باستغراب من طريقته ...عدى فيه ايه ممكن اعرف مالك وبتتكلم كدا ليه
عدى بعنف وشدها من وسطها ولف ايدها وراء ضهرها ...فيه انى طلعت اكتر واحد مغفل فى الحكايه دى وطلعت عبيط واهبل
رعد بصدمه ..انت ايه اللى انت بتقوله ده انت اتجننت
عدى بعنف ..ايوا اتجننت وحبى ليكى هو اللى جننى انا فضلت عشر سنين أحبك وانتى عمرك ماسمحتيلى انى اقرب منك زى يامن العمرى ...وبغضب وصوت عالى ...ايه اللى عجبك فيه ايه وهو أحسن منى فى ايه
رعد بتحاول تفك ايدها وبعنف سبنى ياعدى سبنى بلاش استعمل معاك القوه انا طول عمرى بعتبرك صديق واخ ليه بلاش تضيع الصداقه والاخوه دى
عدى بعنف وانا مش اخوكى ولا انتى اختى انتى حبيبتى اللى بحبها وبعشقها وهموت عشان المسها ولا اخدها فى حضنى
رعد سبنى ياعدى انت ازاى تسمح لنفسك تقول كدا
عدى بعنف ...عندك حقك لانى استكفيت من الكلام انا هجرب فعل وفى لحظه كان التهم شفايفها بعنف وغضب وحب ...رعد عضته فى شفايفه وزقته بعيد عنها وهو شفايفه اتعورت من عضتها
رعد بعنف وغضب ...انت حيوان زيك زيهم كلكم حيوانات
عدى بعنف وغضب ...وبيقرب منها تانى لا انا مش حيوان انا اهبل عشان خليتك تبصى لغيرى ...رعد بترجع لوراء وبتتكلم وهى بترجع وبتحذير ...ارجع ياعدى انا مش عايزه اخسرك ارجوك ارجع لعقلك ارجوك بلاش تنهى الصداقه اللى بينا بكدا
عدى بعنف وغضب انا طول عمرى عاقل ايه اللى اخدته من العقل ..غير غدرك بيه...رعد بصدق ...انا عمرى ماغدرت بيك ابدا ولاعمرى وعدتك بحاجه ارجوك بلاش تخلينى اخسرك انت كمان
عدى شياطين غيرته كانت اتحكمت فيه ومنظر صور رعد مع يامن جننته ذياده...ورعد خلاص معدتش وراها فاضى لانها خبطت فى الحائطه ...وعدى كان قرب منها ذياده وبعنف شقلها هدومها نصين ...ومسكها جامد من وسطها ...انا هخليكى تبقى ملكى وبعدين نبقا نشوف موضوع الخساره والمكسب ده
رعد مصدومه منه اكتر من صدمتها من يامن ...وبتزق فيه جامد ابعد عنى ياحيوان ابعد وبتضربه على صدره ...عدى متجاهل كلامها ولسه هشيلها ...رعد ضربتها بدماغها خلتيه فقد التركيز للحظه ...وجرت ومسكت مسدسها ووقفت قصاده..وبعنف وغضب اطلع بره حالا والا فرغ المسدس ده كله فيك ...عدى واقف قصادها عادى ومش هامه من تهديها هو عايزها باى تمن وبس...وبيقرب عليها ...وهى بتحذير ابعد ياعدى ابعد...هى مش عايزه تضربه عشان مامته واخته ...وبدموع ارجوك ياعدى ابعد ارجوك ...عدى مره واحده شالها ورماها على الريسبشن ...وبيحاول يبوسها وهى بتزق فيه جامد ...وبعنف ابعد عنى ياعدى وارجع عقلك ابعد عنى انا واحده متجوزه ارجوك بلاش اللى انت بتعمله ده ...عذاب رعد بقلمى دى دى فتحى ..اللهم اسالك الفردوس لوالدى
عدى بعنف وغضب ...مسكها من شعرها جامد اوعى تقولى متجوزه دى تانى انا اللى متجوزك من عشر سنين انا اللى جوزك مش هو ...عدى مكتفها جامد وبيبوسها بعنف وايديه بدات تلمس منحنيات جسمها وهى بتقاومه بس هو عامل زى الثور ...عدى وهو بيبوسها بشراسه وعنف وبيلمس منحنيات جسمها ...رعد جسمها بدا ...يرتعش بشده وخوف ...هى صحيح اتغلبت على خوفها قدام جاسر ...بس لاسف معرفتش تتخلص من وحشيته فى التعامل معاها تحت مسمى حقوقه الشريعه
عدى انتبه لرعشه جسم رعد ...قام من عليها بسرعه ورعد كانت بترتعش جامد شد مفرش من على الطربيزه من جنبه وغطاها ورعد بتحاول تقاوم بس مش قادره من رعشه جسمها ...وبصوت خافت وحزين اطلع بره اطلع ومش عايزه اشوف وشك تانى اطلع
عدى بدموع واسف ...انا اسف يارعد والله ماعارف عملت كدا ازاى ارجوكى سامحينى
رعد بشبه قوه قولت اطلع بره يعنى اطلع بره
عدى خرج ودموعه مغرقه وشه ومش مصدق انه اذى رعد وعمل كدا ...ولنفسه ليه انت كمان تنتقم منها عشان مش حبيبتك وهى هتعملك ايه هى حبت غيرك ومش بايدها ابدا ...فضل يانب نفسه كتير انه ضيع اجمل حاجه فى حياته ممكن كان بعد من غير مايشوه صورته كدا قدامها
رعد بعد وقت قامت ودموعها مغرقه وشها وطلعت على اوضتها اخدت شور ورمت نفسها على السرير وبتفكر فى اللى بيحصلها من خيانه مؤمن وجاسر ويامن وكمان صديقها اللى بتعتبره اخ وصديق ليه عمل فيها كدا طيب ليه...بتنخدع فى الكل حتى ابوها مش ابوها مفيش حاجه حقيقه فى حياتها ..غير العذاب والوجع والالم ...فضلت تفكر لغيت لما ذهبت فى ثبات عميق
*************************
عند يامن
اللواء صبري وكرم وادوه المستشفى والدكاتره عملوله الازم ...يامن فى البنج بيخترف ...ارجوكى يارعد سامحينى ارجوكى اهربى قبل ماجاسر يموتك وبيهزء بدماغه... وبصوته كله وبصريخ اهربى يارعد اهربى ...اللواء صبري وكرم دخلوا يجروا عليه ...وهو كان بيحاول ينزل ...وبتعب سبونى جاسر هيموتها سبونى ...اللواء صبري ...مسكه هو وكرم ...وكرم بصوته كله اهدى يايامن اهدى رعد كويسه وجاسر اللى مات اهدى ...يامن بعيون دامعه ...ويبص للواء صبرى ارجوك قولى انت ...هى بخير طيب هى فين هى متقدر تشوفنى كدا ومتجيش هى بره صح ارجوك قولى ...اللواء صبرى بحزن لحالته لاحولا ولا قوه الا بالله ..استهدى بالله ياابنى هى مش بره هى روحت ...يامن بصريخ انتم كدابين ...اكيد جاسر موتها اكييد وبصريخ انا لازم اشوفها ارجوكم عايز اشوفها ..وبيشد نفسه منهم بعنف ...اللواء صبرى لكرم امسكه جامد عما اديله حقنه مهده من اللى كان الدكتور سايبهم ...ولحظه واللواء صبرى اداله حقنه مهدا ...يامن بتوهان ...انتى فين يارعد ارجوكى تعالى ياحبيبتى ارجوكى انا محتاجلك ارجوكى ...وغمض عنيه وذهب فى ثبات عميق
كرم بدموع احنا لازم نصلح بينهم برغم كل اللى هو عمله بس كان من خوفه عليه و حماها بطريقه غلط هو غبى كان ممكن يقولها او يقول لحد فينا واحنا نساعده ...بس هو اتصرف غلط وطلع نفسه قدامها انه خاين ...والمشكله انهم الاتنين بيحبوا بعض
اللواء صبري ...بس مش بساهل انها تسامحه هى فضلت عشر سنين قافله قلبها ولا سف فتحته لشخص غبى معرفش يحافظ عليها وعلى حبها ولاسف ممكن هى بايدها تدمر كل حاجه تربطهم ببعض
كرم بحزن ...بس احنا لازم نصلح بينهم يافندم لان رعد بتعشق وهو كمان بيعشقها
اللواء صبري ...ربنا يقدم اللى فيه الخير ويله نمشى دلوقتى وابقا اتصل باهله عرفهم وقولهم انه اتصاب فى عمليه بلاش تجيب سيره رعد هى مش ناقصه مشاكل كفايه اللى عندها ..وأما نتقابل فى الجهاز نبقا نتكلم
كرم بامل جواه ...ان شاء الله يافندم ان شاء الله
كل واحد روح على بيته وكرم اتصل على سريه وبلغها وراحتله بسرعه ...وشافت يامن كدا والشر ملا قلبها تانى ...سريه بتتصل على رعد عشان تكلمها وتستفزها بالكلام ورعد كانت نايمه وعامله تليفونها صامت ...سريه بشر وغضب يعنى هتروحى منى فين والله لازم اعلمك الادب
************************
كرم بعد ما خلص ت مع سريه...حس اد ايه ان ملك وحشاه وخصوصا بعد اللى يامن عمله عشان رعد وهو تعبان ...ولنفسه انا لازم اخليها تسامحنى ولازم نتجوز لان انا مقدرش استغنى عنها ابدا وأعوضها عن اللى فات ...لبس ونزل جاب ماذون واتنين شهود وراحلها و...خبطت على الباب وابوها فتحله ودخلهم
بابا ملك ...باستفسار خير ياابنى وجايب الماذون والاتنين الشهود دوال ليه
كرم انا اسف ياعمى انى جيت من غير ميعاد
باباها ...ولايهمك ياابنى بس عايز افهم هما جاين ليه
كرم بتوجس...انا عايز اتجوز ملك لو حضرتك معندكاش مانع نكتب كتب الكتاب دلوقتى وبعد كدا حضرتك حدد ميعاد الفرح والمكان اللى يناسب حضرتك
باباها باستغراب ...هى ايه الحكايه ياابنى انت بقالك فتره مجتش هنا ودلوقتى جاى ومعاك المأذون هى ايه الحكايه بالضبط
ملك خرجت من اوضتها وبعنف وغضب أنا هقولك يابابا ...سياده النقيب كرم جاى ليه
***************************
يوم جديد وغريب على ابطالنا
رعد صحت من نومها وصلت وخرجت تعمل رياضه ورجعت اخدت شور وفطرت ولبست وراح الجهاز...وكل اللى فى دماغها حاجه واحده بس وهى المعامله بالمثل وتلغى قلبها وعواطفها مع الكل حتى مع اللواء صبرى اللى مش عمل فيها حاجه اصلا.
رعد راحت تورى الفلاشه والاوراق للقاضى ورئيس الجهاز وشغلتها ليهم ...وبعصبيه اظن دلوقتى ملهوش لازمه حبس الملازم ادهم ولا ايه
القاضى ورئيس الجهاز مستغربين من عصبيتها اللى ملهاش مبرر
رئيس الجهاز ...طيب يابنتى مالك متعصبه كدا ليه
رعد بعنف ...انا مش بنت حضرتك انا المقدم رعد...وياريت تطلعوا ادهم بسرعه وانا همشى وهاخدالفلاشه والاوراق عشان هشتغل عليهم انا وباقى الفريق
هما استغربوا عصبيتها بس عذروها عشان اللى حصله مكنش شويه
دخلت مكتبها وهى فى قمه العنف والغضب من الكل ...وبصوتها كله شويش على شويش على ...الشويش دخل بسرعه خير يافندم خير
رعد بعنف وغضب ...عيزاك تروح للرائد عدى والنقيب كرم ومومن ودينا و6 اللى انا اخدتهم من ضمن الفريق ...عيزاهم كلهم بعد نص ساعه من دلوقت فى قاعه الاجتماعات
الشويش على بس الملازم يامن فى المستشفى والملازم ادهم لسه خارج من الحبس
رعد بعنف وغضب وصوت عالى انا قولت الكل يكون عندى بعد نص ساعه يعنى الكل يكون عندى ...وبلغهم اى حد مش هيجى فيهم ملهوش شغل هنا معانا فى الجهاز تانى
الشويش اول مره يشوف رعد فى الحاله دى ...وبهدوء حاضر يافندم هبلغ الكل
رعد قعدت تخلص شغلها على الﻻب بتاعها بكل عصبيه وعنف ...الباب خبطت وبعد السماح بدخول للى بيخبط ...دخلت مامت ادهم بوش كله حب هى اقنعت نفسها ان رعد ملهاش ذنب وانها لازم تصالحها لانها جرحتها بكلامها
رعد ببرود اعصاب وهى قاعده على كراسيها وبتشتغل على الﻻب ...وقبل مامامت ادهم تتكلم ..رعد اتكلمت بعنف لو كنتى جايه تسألى عن ابنك فهو فى مكتبه مش هنا ...اتفضلى روحيله وسبينى اخلص شغلى
اعتماد مامت ادهم بحب ...طيب مش هتقولى اقعدى ياامى ...رعد بصتلها وشافت فى عنيها حب صادق وحقيقى بس قالت لنفسها اكيد بتضحك عليه هى كمان ...وغمضه عنيها يااااه لو فعلا كانت امها كانت قامت جرت عليها واستخبت فى حضنها وعطيت بكل الوجع اللى جواها وبكل الحزن ...بس هى من وجهه نظرها مش امها زى ماهى قالت امبارح هى ابنها ادهم وبس
رعد فتحت عنيها على صوت اعتماد ...ياااه يابنتى كل ده سرحان ...رعد بعنف انا مش بنتك ومش بنت اى حد
اعتماد حست اد ايه هى موجوعه لوجعها ..وبحب انا جايه اعتذر منك ياريت تسامحينى
رعد بعنف وغضب وبصوت عالى لا انا مش مسمحاكى ويله اطلعى بره عشان مش فاضيه لكلامك ولعتذارك ..اعتماد لسه هترد...اللواء صبرى كان دخل ومخدش باله من وجود اعتماد لانه دخل على طول واعتماد كانت وراه
اللواء صبرى بسؤال لرعد ...فيه ايه يابنتى مالك صوتك عالى ليه
رعد بعنف ...بنتى بنتى انا زهقت من الكلمه المزيفه دى ...ولو سمحت معدتش تقولهالى تانى انا المقدم رعد وبس وانت اللواء صبرى ...صبرى قرب منها عشان يخدها فى حضنه ويهديها بس هى رجعت لوراء عنه وهو بحنان مالك ياحبيبه ابوكى مالك والله كل حاجه هتتصلح بس انتى سامحيه هو كان غصب عنه والله هو بيحبك انتى متعرفيش هو عمل ايه عشانك فى المستشفى
رعد بعنف وغضب وانا مش هسامحه و مش هسامح اى حد فيهم كلهم خانونى ...هو ومؤمن وجاسر وكمان عدى صديق عمرى ...وبدموع حتى احمد الوديدى خانى هو كمان كلهم خانونى ودلوقتى لازم اخد حقى من الكل حتى لو اخر يوم فى عمرى
اللواء صبري بذهول ليه كدا يابنتى انتى عمرك ماكنتى كدا ابدا واحمد الوديدى انتى مش شفتيه بقالك عشر سنين ليه بتفتكيره دلوقتى وبعدين مهما كان هو برده ابوكى
رعد دموعها نزله ومش بتقف ...انتم كلكم عذبتونى وجرحتونى وبدموع اكتر مؤمن اللى اتخلا عنى وفضل مصلحه اخته عليه وسابنى لجاسر الحيوان اللى ورانى من العذاب اشكال والوان ...وكمان يامن كسرنى وخان ثقتى فيه وسرق منى الفلاشه والاوراق بعد ماامنته ...وانت جاى تقولى بيحبك طب باماره ايه قولى هو عمره ماحبنى ابدا ...وعدى اللى اعتبرته اخ وصديق ليه طلع حيوان هو كمان
اللواء صبرى بدموع كفايه ياحبيبه ابوكى كفايه
رعد بعنف وصريخ...قولتلك انا مش بنتك ..انت...بنتك دينا وبس دينا اللى سبتنى اعيش لوحدى عشانها خمس سنين فى عذاب
اللواء صبري ...بدموع اكتر انا اترجيتك تقعدى واتحايلت عليكى كتير وانتى رفضتى
رعد بدموع وانكسار ...كنت احبسنى كنت اضربنى عشان مش امشى من عندك ...كنت تعاله شاركنى فى وحدتى واقعد معايه ...كنت قولى انك مش هتعيشى لو حدك ولازم تفضلى معايه ...كنت خلى دينا ومؤمن يشوفوا بيت تانى يقعدوا فيه وخلينى انا معاك ...وبقهر ووجع ...بس عارف انت معملتش كدا ليه ...عشان انا مش بنتك انا مش زى دينا انا هنت عليك وسبتنى اعيش لوحدى ...بس مهنش عليك تخلى دينا تقعد لوحدها مع ان معها جوزها وابنها ...وكمان كانت مستكتره عليه انى احضنك او اعيط فى حضنك
عرفت ليه انا مش بنتك عشان انا مفيش حد بيتشرف انى اكون بنته ...وبدموع ووجع ...انا مشرفتش مامت عدى انى اكون بنتها ...ومشرفتش دينا انى اكون اختها ومشرفتش مامت ادهم وبتبص عليها واللواء صبرى لسه مشفهاش لانه مركز مع رعد لان منظرها بيقطع فى قلبه ...انا مشرفتهاش انى اكون بنتها ..انا مشرفش اى حد انى اكون معاه ...ودلوقتى وبتبص للواء صبرى واعتماد ..اطلعوا بره انتم الاتنين بره مكتبى عشان ورايه شغل وياريت ترحمونى بقا وتبطلوا عذاب فيه ومتقوليش يابنتى تانى
اعتماد بدموع وشهقات عاليه ...ارجوكى يابنتى سامحينى ارجوكى
اللواء صبرى صوت اعتماد هو حفظه وعايش فى قلبه وكيانه ...حب يتاكد وبص وراه على مصدر الصوت والصدمه لجمته ...وبصدمه وذهول إنتى !!!
@@@@@@@@@@@@@@@@@
👌البارت انتهى ✋نكمل بكره ان شاء الله 👐
👈توقعاتكم 👇👇👇
👈يامن اما يروح الاجتماع وهو تعبان كدا هيحصل ايه؟
👈ملك هتقول لبابها ايه ؟؟؟
👈موقف عدى ايه بعد اللى هو عمله مع رعد ؟؟؟
البارت الرابع والثلاثون 😘 من راويتكم عذاب رعد
👐 يامن سجدت لك وأنا لم أراك ...ودعوتك وأنالم أراك ..وأستعنت بك وأنا لم أراك...أحسن لقائى حينما ترانى وأراك 👐
🌷 قراءه ممتعه 🌷
اللواء صبري بصدمه انتى !!!
إعتماد بدموع وشهقات ...ايوا انا ياصبرى انا اعتماد
اللواء صبري ومازال على صدمته ياااه بعد السنين دى كلها نتقابل تانى
اعتماد ...بدموع انت لسه عايش طيب ازاى...اللواء صبري لسه هيتكلم الباب خبط وكان الشويش على
الشويش على ...تمام يافندم الكل موجود ومستنين حضرتك...رعد بقوه ..تمام روح انت وانا جايه وراك
بعد خروج الشويش ...رعد لسه هتمشى
اللواء صبري بحزن ...استنى يابنتى استنى
رعد بعنف لو سمحتى بلاش تقول الكلمه دى تانى لانى خلاص قرفت منها ومعدتش عيزه اسمعها
اعتماد بدموع حقك عليه يابنتى حقك عليه
رعد تجاهلت كلامهم وخرجت وسابتهم
اللواء صبرى يااااه بعد السنين دى كلها اشوفك بس مشكله المهم انك كويسه وانك بخير وبتريقه...وياترى جوزك عامل ايه اتمنى يكون كويس وعندك اولاد ايه خمسه ولا سته ولا كدا ايه انتى كنتى عيزه تجيب اولاد كتير ويكونوا كلهم بنات
اعتماد بدموع وشهقات ...خلفت بنت واحده واحمد الوديدى موتها ...صبرى بصدمه وهو هيموتها ليه وهى بنته...اعتماد بقهر ودموع وشهقات...لا هى مش بنته وشهقاتها بدات تعلا هى بنتك انت اللى انت سافرت وانا حامل فيها
اللواء صبرى ...بصدمه ايه بنتى طيب ازاى وهو يموتها ليه ومسكها من دراعها بعنف وقوه انطقى موتها ليه
اعتماد بدموع وشهقات اكتر...حكيتله عن كل حاجه من ساعه ماسابها وسافر وقولها ان هو مات وسفرها لغيت لما ولددت ورجوعها وجوزها من الويددى وبنتها اللى ادتها للداده فاطمه وقتل احمد الويددى لها و وطلقها منه وجوازها من ابو ادهم اللى هو الدكتور اللى كان بيعالجها من الانهيار العصبى
اللواء صبرى بدموع وصدمه ...يعنى انتى جايه بعد السنين دى كلها تقولى انى كان عندى بنت وطليقك كمان هو اللى موتها وبدموع بس مش هو اللى موتها انتى بانينتك اللى موتيها انتى اللى رجعتى عشان عيزه كل حاجه
اعتماد بدموع حرام عليك متظلمنيش كنت عيزنى اعمل ايه وانت سبتنى وانا حامل وفكرتك انك موت واهلى مكنوش هيرحمونى
اللواء صبرى...بعنف وعصبيه انتى اللى ظلمتى نفسك لما حبيتى تاخدى كل حاجه عيزه اهلك وعيزه جوزك وعيزه بينتك مكنش ينفع اعتماد هانم تضحى بحاجه لانها انانيه وعيزه كل حاجه بس ادى انتى خسرتى كل حاجه وبدموع وخسرتينى بنتى انا كمان ...وخنتى ثقتى فيكى ...اعتماد والله قوليلى انك موت وانا مكنتش عارفه اعمل ايه واوجه الناس ازاى وانا حامل كدا من غير جواز رسمى
اللواء صبري...اللى بتحب انسان بجد تفضل مخلصه ليه حتى لو الدنيا كلها قالتلها انه مات المفروض ياست ياهانم بدل ماتروحى تتجوزى وجوزك يقتل بنتنا كنتى عشتى على ذكرى حبك ليه بس انتى هتفضلى طول عمرك انانيه
اعتماد بدموع ...ارجوك كفايه ارجوك
اللواء صبرى بحزن ووجع ...فعلا كفايه لان الكلام بقا زى قلته...ولسه هيمشى...اعتماد شددته من ايديه أرجوكى سامحنى ارجوكى كان غصب عنى
اللواء صبرى ...شد ايديه منها بعنف وتجاهل كلامها وخرج وراح قاعه الاجتماعات عند رعد اللى اتحولت لرعد فعلا وعواصف
**************************
رعد دخلت قاعه الاجتماعات وشكلها يغنى عن السؤال ...دخلت بكل قوتها وقعدت واحتلت الكرسى الرئيسى لطربيزه الاجتماعات والكل كان موجود...ادهم اللى نظراته كلها حب لرعد بس معدتش فارق معاها...ويامن اللى قاعد وباين على وشه التعب والارهاق الشديد بس تجاهلته هو كمان ...وعدى اللى قاعد والحزن والزعل مالى وشه للى هو عمله مع رعد وهى بصتله نظرات كلها عنف وشراسه ...ودينا اللى نظراتها كلها غل وحقد ومؤمن اللى نظراته كلها حب ...قاطع النظرات دى دخول اللواء صبرى قاعه الاجتماعات ...عذاب رعد بقلمى دى دى فتحى ...اللهم اسالك الفردوس لوالدى
الكل قام وعمله التحيه ورعد سابت الكرسى بتاعها للواء صبرى ومكنش راضى يقعد عليه بس مع اصرار رعد وافق
رعد راحت شغلت الفلاشه وشافوا الاسماء اللى عليها اللى كل اسم وله وزنه وميعاد العمليات اللى كانوا عيزين يعملوها ...فضلوا يشتغلوا على المعلومات وكمان الاوراق حوالى 3 سعات كان يامن جاب اخره من التعب بس بيحاول يداريه ...ورعد كمان شافته وتجاهلته وكملت ...وبقوه وعنف كل واحد هكلفه بمهمه هيعملها عشان يبقا معانا كل الادله والمعلومات الازمه ...ومعاكم اسبوع من دلوقت عشان كل واحد يخلص المهمه اللى انا مكلفاها بيها وبعد كدا نعمل المهمه الكبيره
اللواء صبرى بجديه...بس انتى مش شايفه اسبوع شويه على مهمه كبيره زى دى
رعد بقوه ...لا مش شويه ولاهما فاكرين جاين هنا يلعبوا ...وبعنف وبتبص ليامن والناس اللى بتسهر وماشيه على مزاجها تنسى كل ده وتقوم بالمهمتها كامله والا هيكون مصيرهم السجن...يامن بصلها بتعب ظاهر وسكت
رعد بقوه ...ياريت لوفيه اى حد ليه استفسار يتفضل يقوله عشان مش مسموح لحد يسأل عن اى حاجه بعد مايخلص الاجتماع
رعد بقوه وصوت زى اسمها افهم من كدا ان محدش ليه اسئله ودلوقتى كل واحد يروح على مكتبه ...الكل بدا يمشى ويامن بيحاول يقوم بس مش قادر ابدا ...رعد عيونها عليه واللواء صبرى واخد باله وبهمس لها...روحيله ياحبيبه ابوكى روحيله هو محتاجلك سامحيه وروحيله رعد بصتله بنظره وجع وسابتهم ومشت ...اللواء صبرى بحزن لحالتها ...نقيب كرم خد ملازم يامن ووديه عن الدكتور خليه يشوفه
بعد خروج الكل ...اللواء صبرى قعد على الكرس وبيعيد كلام اعتماد تانى ولنفسه لاهى عمرها ماهتكون مظلومه ابدا هى خانت حبى لها وخانت ثقتى فيها...هى تستاهل كل اللى هى فيه ..بس دلوقتى لازم انتقم من احمد الويددى لقتله لبنتى ...بس الاول لازم اخلص المهمه دى مع رعد لانها كبيره وخطيره ولازم اطلع معاها عشان احميها من نفسها ومن كل اللى حواليها
رعد دخلت مكتبها وهى فى قمه غضبها من كل اللى حواليها وزعلانه من نفسها عشان قلبها وجعها على منظر يامن برغم كل اللى هو عمله فيها ...قاطع تفيكرها خبط الباب وكان عدى وبعد السماح له بالدخول
عدى بدموع انا اسف يارعد انا اسف
رعد وهى بتشتغل على الﻻب بتاعها ومن غير ماتبصله إسمى المقدم رعد وانا قولت مفيش اسئله بعد الاجتماع يعنى مفيش اسئله بعد الاجتماع
عدى بحزن ودموع ...انا مش جاي اسالك عن حاجه انا جاى اعتذرلك عشان تسامحينى انا مش عارف عملت كدا ازاى والله
رعد قامت بعنف وغضب ورمت الﻻب والﻻب اتكسر نصين وبعنف وغضب قولى بقا عايزنى اسمحلك على ايه بالظبط ...قولى على ايه على تعديك عليه...ولا على خيانتك لصداقتنا ...ولا على الوحش الثأثر اللى جواك وانت طلعته عليه ...وبعنف وغضب اوعى تفكر انى مكنتش اقدر اقتلك ساعتها ...لا انا كنت اقدر وذياده بس انا عملت خاطر عشان مامتك واختك وكمان خاطر لصداقتنا اللى انت معملتش خاطر لها ...وبصوت عالى ...ودلوقتى اطلع بره واياك تجيلى هنا تانى غير لما اكون عيزاك ولسه هيطلع بره
دخل كرم وبسؤال فيه ايه يارعد وصوتك عالى ليه وبيبص لعدى وايه الدموع دى فيه ايه وايه اللى بيحصل بالضبط
رعد بعنف وغضب ...فيه انى قرفت منكم كلكم فيه انى معدتش عيزه اعرف فيكم بعد النهارده ودلوقتى يله اطلعوا بره يله
كرم بصدمه ..طب انا ذنبى ايه عملت فيكى ايه
رعد بعنف ...ذنبك انكم عجينه واحده كل الرجاله خاينين وغدارين ...البنت مننا تحب الشاب وتخلص ليه ويبقا كل حياتها وهو بيكون بيلعب بيها وبيعرف بنات كتير عليها ذنبك ان مفيش حد فيكم مخلص ..الا من رحم ربه...ودلوقتى انا مش عايزه حد فيكم فى حياتى ...كل اللى هيبقا بينا هى علاقه الشغل وبس عما انقل نفسى فى مكان تانى او انقلكم انتم ...نخلص المهمه بس
كرم بدموع ...ارجوكى يارعد ارجوكى متعمليش فيه كدا ارجوكى
رعد بقوه وعنف لاول مره معاه ...اسمى المقدم رعد ودلوقتى اطلعوا بره انتم الاتنين وخدوا الباب معاكم
كرم ارجو...ولسه مكملش رعد قاطعته بعنف ...نقيب كرم رائد عدى اطلعوا بره حالا والا هتصرف معاكم تصرف مش هيعجبكم ابدا
بعد خروجهم مكسورين القلب والخاطر من عند اهم شخص فى حياتهم وهى صديقتهم وحبيبتهم رعد
رعد قاعده هى مش عارفه ناويه على ايه ولا هتعمل ايه ايه بس لازم تبعد عن الكل لازم مايكونش لاى حد مكان فى حياتها عشان محدش يوجعها تانى ولا يكسرها تانى
كرم دخل مكتبه بكل وجع والم من تعنيف رعد له وافتكر لما راح عند ملك
فلاش باااك
ملك طلعت بعنف وغضب...انا هقولك يابابا هو فيه ايه والنقيب كرم جاى ليه ...وبنكسار النقيب كرم المحترم اغتصب بنتكم وخلها زيها زى بنات الليل ...فيه انه كسرنى وذلنى وضيع كرامتى فى الارض فيه انه حيوان زى كل الحيوانات اللى زيه
باباها قام وقف ومسك كرم من لياقه قميصه وبعنف الكلام ده حصل ياسياده النقيب ...كرم بدموع وحزن ...ايوا حصل بس والله غصب عنى والله انا ولسه هيكمل ابو ملك ضرب كرم كذا بوكس فى وشه وبعنف وغضب وانت بقا تصلح غلطك والمطلوب مننا ان احنا نسكت مش كدا
كرم بدموع والله كان غصب عنى ...ابوملك بغضب هو الشرف عندكم لعبه ولا ايه...ملك للحظه ندمت انها قالت لبابها بس رجعت قالت كدا احسن لانه كسرها وعمرها ما هترجع زى الاول
كرم بدموع ارجوكم سامحونى وا
إدونى فرصه اصلح اللى انا عملته
ابوها بعنف وغضب ...واحنا مش عيزينك تصلح اللى انت عملته لان اللى انت عملته ميتصلحش غير بالدم ..وشده من لياقه قميصه وطلعه بره انا هعرف اجيب حق بنتى ازاى منك ياسياده النقيب ودخل وقفل الباب...وملك جرت على اوضتها تعيط وكرم روح بيته بعد الحزن ماكسر قلبه
بااااااك
كرم فتحت عيونه ودموعه نزله على حب عمره وحبيبته ملك...وعلى صديقه عمره واخته وامه وابويه وكل دنيته واللى عوضتته عن اى حرمان فى الدنيا ...قرر يروحلها تانى مكتبها ويترجاها عشان تسمحه هو مش ليه ذنب ابدا ...راح ولاسف لقاها مشت
************************
عنديامن
دخل الفيلا وهو موجوع والحزن مالى قلبه وشكله يغنى عن السؤال
سرايه بهجوم ...برده روحت الشغل وانت تعبانه وسمعت كلامها أنا لازم اع ...ولسه هتكمل...يامن بقوه مخلوطه بتعب كفايه بقا كفايه اللى انتى عملتيه فيها ولو باقى ليه عمر انا اللى هحميها من الدنيا كلها حتى لو كنتى انتى
سرايه بصدمه ايه اللى انت بتقوله ده
يامن بتعب وقوه ...بقول اللى انتى سمعتيه ولسه هيمشى جت جى جى وبتدلع عليها ...يامن مسكها من رقبتها بعنف وغضب انتى ايه مبتتهديش انتى ايه وعيزه منى ايه ...جى جى بتضربه بايديها على ايديه عشان تخلص نفسها وسريه جت تجرى عشان تنقذها منه ...وبعنف وغضب سبها يايامن سبها انت اتجننت ولا ايه...عذاب رعد بقلمى دى دى فتحى ...اللهم اسالك الفردوس لوالدى
يامن زق جى جى بعنف وغضب ووقعت على الارض ..وبصوت عالى وغضب ايوا اتجننت وعمايلكم هى اللى جننتنى واللى فى بطتها ده مش ابنى انا ميشرفنيش ان يكون ليه اولاد منها ...لان انا متجوز رعد وبحب مراتى وهى اللى هيكون ليه منها اولاد وبعنف فاهمين ولا اعيد تانى هى اللى هيكون ليه منها اولاد
سرايه بصدمه وعنف متجوز انت عارف بتقول ايه ولا الضربه اثرت عليك وجننتك
يامن بعنف وصوت عالى ...لا انا متجننتش انتى اللى اتجننتى انك تفكرى انى اتجوز بنت اختك واقبل اللى فى بطنها ده ...سرايه ضربته بالقلم وبعنف وغضب اصرخ انت ازاى تتكلم معايه كدا ازاى ...انت فعلا ابن حرام ومطمرش فيكى تربيتى ليكى
يامن بدموع وهستريا...ومسك دراعتها الاتنين ..انا مش ابن حرام ولو انا مطمرش فيه تربيتك مكنتش أذيت مراتى وحبيبتى عشان خطرك مكنتش ضعفت قدامك انت والحيوان جاسر وخليتكم تدوسوا عليها وتكسروا قلبها ...وبدموع وقهر ..مش انا اللى ابن حرام ..انتم اللى حرمين انتم اللى سرقتوا منى أنا وحبيبتى الفرحه ...سرقتوا مننا احلامنا ودمرتونا...وبدموع اكتر خلتوها تبعد عنى وتكرهنى ..خلتونى وبيرفع ايديه قدام عنيه خلتونى اضربها وأاذيها ...وبدموع وحزن وببيص لمامته ...أرجوكى رجعهالى ارجوكى انا عمرى ما اذيتك طول عمرى الابن المطيع ليكى حتى لما طلبتى ان ااذي اقرب الناس ليه أذيتها وهانت عليه وانهار على الارض
سرايه قعدت جنبه على الارض ...وبجديه انساها ياابنى انساها هى متستهلش حبك ابدا ولا دموعك دى خلى الدموع دى لحد يستاهل
يامن بصلها بحزن ووجع ...وبنت اخت اللى تستاهل مش كدا ...اللى كل يوم فى حضن واحد شكل هى اللى تستاهل مش كدا ...سرايه هى بنت خ...يامن قاطعها وبحب تعرفى لما كنت المس جسم رعد كان جسمها بيرتعش كانت هاشه وجميله كانت كل شئ ونقيده ...وبحزن بس انا حولتها لوحش يمحى كل اللى قدامه انا بايدى دمرتلها حياتها وثقتها فى الناس ...وبعنف وبيبص لجى جى على فكره اللى فى بطنك ده تروحى تنزليه لانى مش معترف بيه او روحى دورى على ابوه بعيد عنى ...وقام وسابهم طلع اوضته ..وقرر انه هيمشى ويسيبهم وبعد ماكان هياخد هدومه ...افتكر ان حتى الهدوم دى مش من حقه ومفيش اى حاجه بقت من حقه ...نزل عشان يمشى
سرايه بسؤال انت رايح فين وانت تعبان كدا انت لسه طالع ...يامن بحزن انا ماشى وسايبلكم الفيلا والفلوس والعربيات ليكى انتى وبنت اختك
سرايه بدموع وحزن ومسكته من لياقه قميصه انت عمرك ماهتسبنى ابدا فاهم انا خسرت واحد معنديش استعداد اخسر التانى ...يامن بحزن بس انا مش ابنك انتى ابنك مات وانا اخدتلك حقه وكسرت قلبها
سرايه بعنف كل ده عشان خاطرها
يامن بدموع وحزن ...اه كل ده عشانها ...عشان هى الوحيده اللى حسستنى بقيمه نفسى وانا معاها كنت بحس انى مالك الدنيا بما فيها بس انتى اخدتى منى دنيتى وياعالم ان كنت هعرف ارجعها ولا لا
سرايه بعنف وغضب ...وانا مش هسمحلك تمشى وتسبنى فاهم مش هسمحلك...عذاب رعد بقلمى دى دى فتحى ...اللهم اسالك الفردوس لوالدى
يامن تجاهل كلامها وبيحاول يخلص نفسه من ايديها اللى مسكاه
سرايه بعنف وغضب ...لو خرجت من هنا وسبتنى ...هبعتلها ناس تقتلها فاهم هقتلها
يامن نزل ايديها بعنف وبغضب يبقا لازم اللى انتى تبعتيه يموتها ده يموتنى انا الاول عشان يوصلها...طول ماانا عايش محدش هيقدر يلمس شعره واحده منها حتى لو كان التمن حياتى وسابها وخرج
سرايه بعنف وغضب انا هموتهالك يايامن والله هموتهالك وبصريخ استنى هنا انا بكلمك استنى انت متقدرش تبعد عنى وانهارات على الارض....وبدموع ارجوك يايامن استنى وخليك معايه ...طب مين اللى هيصرف الملاين دى ومين اللى هيعيش فى الفيلا دى ومين اللى هيركب كل العربيات دى....ولحظه ومسحت دموعها وقامت وبعنف وغضب مسكت التليفون ورنت على واحد من رجالتها
وبعنف انا عيزاك تاخد رجالتنا كلها وتطلع على المكان ؟ ده وهتلاقى فيه واحده هناك عيزاكى تخلصلى عليها لو حصلت تفجر بيها الفيلا فجرها المهم ان بعد ساعه من دلوقت عايزه الناس تترحم عليها وعيزاها تموت ابشع موته فاهم ..واى غلطه حصلت فى الموضوع هيكون نهايتكم كلكم على ايدى فاهم ولا اجى وافهمكم بطريقتى
الشخص ...بس ياريسه انتى مش شايفه ان غلط لما نطلع الرجاله كلها عشان خاطر واحده انا ممكن اقوم انا بالمهمه دى لوحدى
سرايه بغضب انا قولت الرجاله كلها يعنى الرجاله كلها لازم تخلصولى عليها النهارده وكل واحد فيكم ليه ربع مليون جنيه
الشخص بصدمه ايه ربع ايه...سرايه بتاكيد ...ربع مليون جنيه ومش كدا وبس وكل واحد شقه يقعد فيها هو واهله
الشخص بذهول ...بس هوانتى عارفه عددنا كام
سرايه ايوا عارفه ان عددكم كتير وبرده انا عند كلامى
الشخص بجديه ...اعتبريها ماتت من دلوقتى يافندم
سرايه فهم الرجاله اللى انا قولتهولك ولازم تموت فاهم لازم تموت باى طريقه وباى تمن
الشخص فاهم يافندم فاهم
سرايه قفلت التليفون ..وبشر وكره ...خلاص ياسياده المقدم كلها ساعه زمن و نترحم عليكى والرحمه كمان هتكون خساره فيكى لازم ابنى يرجعلى تانى وانتى تغور فى ستين داهيه
جى جى كانت واقفه فوق وسمعت المكالمه كلها..وبخبث ومكر دا كدا احلوت اوى وجه الوقت اللى هدفعك فيه تمن اللى انت قولته ليه غالى اوى وبتريقه ياابن خالتى ياغالى ...وجه وقت انتقامى منك
ومسكت التليفون ...ايوا يابيبي عيزه اقولك احنا مش هنلاقى وقت احسن من ده عشان نضرب ضربتنا
الشخص ..يعنى ايه
جى جى وهى دى محتاجه سؤال يعنى ابعت ناس تروحله على الفيلا بتاعت وبتريقه حبيبه قلبه
الشخص وايه ضمنك انه هيروح هناك
جى جى بمكر وخبث ...انا يابيبي الضامن متركز معايه بقا انا اللى هتصل عليه واعمل نفسى خايفه على حبيبه قلبه من اذيه مامته ...ويله عشان تلحق تبعت الرجاله اللى هيخلصوا عليه ونعرف ناخد الاملاك بتاعت خالتوه كلها
الشخص هو انا بحبك من شويه ماهو من دماغك الحلوه دى ...وبوقاحه بس ايه انا موحشتكيش ولا ايه
جى جى بدلع ...لا طبعا وحشتنى وجدا كمان هو انا مستحمله غتاتت يامن عشان ايه ...مش عشان ابننا اللى جاى ويله بقا عشان تلحق تعمل اللى احنا اتفقنا عليه
وبعد ماقفلت مع حبيبها ...اتصلت على يامن وبعد كذا رنه ...يامن فتح قولتلك اللى فى بطنك ده ما يخصنيش
جى جى بمكر وخبث ...بس اكيد حبيبه قلبك تخصك
يامن بفزع ...ايه اللى حصلها وانتى مالك بيها اصلا
جى جى بمكر وخبث ...حكيتله عن مكالمه سرايه
يامن بفزع وخوف ...والكلام ده من امته
جى جى بمكر اكتر ...من شويه يعنى يدوبك تلحق حبيبه قلبك واللى هت...ولسه هتكمل ...يامن كان قفل الخط وطلع بسرعه على فيلا رعد
@@@@@@@@@@@@@@@@@
👌البارت خلص ✋نكمل بكره ان شاء الله👐
👌توقعاتكم 👇👇👇👇
👈اللواء صبري هيسامح اعتماد وهيعمل ايه مع احمد الويددى ؟؟؟
👈اللواء صبري واعتماد هيعرفوا ان رعد بنتهم عايشه عن طريق مين ؟؟؟
👈ملك بمعرفت ابوها الحقيقه حكايتهم انتهت ولا ايه ؟؟
👈اصحاب رعد فعلا كدا خسروها ولا ايه ؟؟؟
👈أايه اللى هيحصل فى فيلا رعد وياترى مع كل الرجاله دى هيقدروا يعيشوا ولا دى هتكون نهايه حد فيهم ؟؟؟
🌹🌹🌹🌹🌹🌹🌹🌹🌹🌹🌹🌹
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
 رواية عذاب رعد الفصل الثالث…){kind=link}
تعليقات
إرسال تعليق
فضلا اترك تعليق من هنا