رواية المتمرده (الجزء الثاني) الفصل الحادي عشر والثاني عشر والثالث عشر والرابع عشر والخامس عشر بقلم وعد يحيي البكري (جميع الفصول كامله في مدونة قصر الروايات)

 رواية المتمرده (الجزء الثاني) الفصل الحادي عشر والثاني عشر والثالث عشر والرابع عشر والخامس عشر  بقلم وعد يحيي البكري (جميع الفصول كامله في مدونة قصر الروايات)

رواية المتمرده (الجزء الثاني) الفصل الحادي عشر والثاني عشر والثالث عشر والرابع عشر والخامس عشر  بقلم وعد يحيي البكري (جميع الفصول كامله في مدونة قصر الروايات)

الحلقه 11:-

___________

المتمرده ج2:-

__________

روح قربت من باب الشاليه براحه

روح بخوف:-مين؟

محدش رد عليها فاتنهدت و عادت بصوت اعلي:-

-مين؟

بردوا محدش رد روح قالت يمكن حد خبط و فكر مفيش حد خاصهل ان روح موطيه كل انوار الشقه لكن اعتق كل واحد فينا عارف الفضول الجم الي عند الناس

روح فتحت الباب ملقتش حد فأتجرأت و فتحته اكتر و بصت يمين و...

....:-اسف اول ع ال...

روح:-آاااه!

و رجعت لورا و هديت شويه لما لقت وحده قدمها

روح:-م...مين ؟

...:-انا هنا في الشاليه الي جمبك

روح انتبهت انها مسكه قطه بيضه شبه بتعتها

روح:-اه...اهلا وسهلا

.....:-اهلا انا منال

روح:-انا روح خير؟

منال:-القطه دي لقتها و انا بتمشي هنا فقلت يمكن بتعتكوا

روح:-ممكن لحظه؟

منال:-اتفضلي

روح ردت الباب و بصت بصه سريعه ملقتش القطه فرجعت تاني لمنال

روح:-اها دي فعلا بتاعتي

منال نولتها لروح

منال:-جميله اوي خلي بالك منها

روح:-انا فعلا مش عارفه هيه خرجت ازاي

منال:-اصل البلكونه قريبه اوي من الارض

روح:-مهو انا قافله البلكونه!

منال:-شغل قطط بقه ههههههههههه

روح ابتسمت بهدوء:-امال ليه لما قلت مين مردتيش؟

منال:-انا مسمعتش و كنت همشي

روح:-اها كتر خيرك..

روح عيونها بتقلها امشي بالذوق

منال:-انتي جديده هنا و لا مصيف و لا ايه

روح:-لا هعيش هنا فتره

منال:-اه...بس لوحدك مش كده؟

روح:-لا

منال:-اصلي كنت بشوف واحد بيمشي و...

روح بحده:-ده جوزي و وراه شغل و بيروح و يجي

منال:-طب براحه و الله مقصدش انا حبيت نكون صحاب

روح:-لا عادي

منال:-انا بقه جيه هنا مصيف مع جوزي و بنتي الصغننه و انا في الشاليه الي هناك ده

روح:-اممم

منال:-بقلك ما تقفلي الشاليه و يلا نتمشي شويه ع البحر

روح:-لا و الله اسفه مش هقدر اطلع برا

منال:-ليه

روح:-عشان مش قيله لجوزي ادهم

منال:-كلميه

روح بملل:-نام

منال:-ههههههه اصل لوجي و محمد نامو فقلت اعد معاكي تسمحيلس ادخل؟؟

روح استغربت من جرأتها الغريبه دي

روح بتردد و خوف:-هوا...ال...الشاليه مش متوضب

منال:-و لا بتاعي و الله هههههههه

روح بخوف:-ههه اه اتفضلي

منال دخلت

منال:-مهو متوضب اه الله!ده مفروش حلو اوي

و اترمت ع الكنبه

روح بصلها بدهشه من تصرفتها:-اه..

منال:-معندكيش عيال؟

روح:-لا انا اتجوزت من اسبوعين 

منال:-هههههههههه طب اوعي تجيب عيال دول شيطين هههههههههههههه

روح:-اه ههه

روح مرتحتش لتصرفتها و كانت خيفه شويه

منال:-عندك كام سنه شكلك صغيره

روح:-20

منال:-انا 29

روح:-العمر كله

منال:-شكرا

روح وقفه  و بردو مستغربها و خيفه

و بعد نص ساعه من كلام منال المتواصل و التعارف

منال:-طيب يلا باي بقه يا روح عشان اصحيهم بقه و كده

روح بنص ابتسامه:-باي

خرجت منال و روح قفلت الباب

روح:-استرها يارب انا مش مطمنه

____________________________________

ادهم:-نععععععععععم؟

دولت:-زي ما سمعت

ادهم قام وقف و قال بزعيق:-انتوا بتعملو ايه بالظبط هو انا بمزاجوكو و بعد بقه ما تبقي حامل تقليلي لما تولد مش كده؟

دولت:-و انت ليه مضايق ما ده هيحصل اكيد

ادهم بغضب:-انا مش عاوز عيال عادي انا حر و بعدين مش شغل حد بقه بصراحه سواء حامل او لا انتوا قلت اتجوزها و انا اتنيلت

دولت:-ده الي عندنا

ادهم:-ماشي يا ماما انا بقه هسيلكوا الشركات و البيت و كل حاجه و حتي العربيه و مش عاوز منكوا حاجه 

لف و جه يخرج

دولت:-ادهم!

ادهم لف و فاكر انها هتراضيه

دولت:-عوزه مفاتيح الشاليه

ادهم:-شاليه ايه

دولت:-بتاع اسكندريه مش انت قلت هتسيب كل حاجه...آااه و كمان الفيزا

ادهم بصلها باستفزاز و ادير تاني

دولت:-يييييييي عليه اتصدق نسيت ان الشاليه مشغول

ادهم وقف و ثبت في مكانه

دولت بتابع:-فيه روح مش كده؟علفكره باباك قبلها

ادهم ادير:-اه و قالتله ان البيت حضرتك كنتي عوزه تهدي علي دماغ الي فيه و انا ادهتله هيه و امها7

دولت بابتسامه:-هممم عرفه

ادهم:-عن ازنك لما تعوزيني او تفتكروا ان ليكوا ابن نسيونوا ابقي اتصلي

دولت:-و الفيزا؟

ادهم رما الفيزا ع الارض و مشي

_____________________________________

كانت الساعه خمه الفجر و روح في سابع نومه لما لقت حد بيحسس ع شعرها قامت مفزوعه لقت ادهم جمبها

روح بتتنهد:-حرام عليك خضتني و...ادهم....ايه ايه جابك؟

قرب منها شويه:-وحشتني

روح:-انا بتكلم جد ايه الي جابك؟اكيد محستش اني وحشاك و جيت !

ادهم بنظره حزن:-سيبت البيت و العربيه و الشركه و الفيزا و جيت موصلات بفلوس في جيبي

روح بصتله بدهشه و اتعدلت:-ليه ايه الي حصل؟

ادهم حط راسه ع صدرها:-انا عاوز نام و بس يا روح مش عايز اتكلم في حاجه عاوز احس بالامان بقه مع عيله

روح حطت اديها علي راسه:-طيب يا حبيبي نام دلوقتي

مفيش شويه كده روح بصت عليه لقته نام فعلا معرفتش تقوم او تنام فضلت في وضعها عشان راسه و خافت تقلقه و اعدت تحسس ع شعره براحه لغايه ما نامت في وضعها...

____________________________________

فاتن الصبح لما عرفت الي حصل اعدت تعيط كتير و مكنش تمثيل لن فاتن كانت بتحب ادهم بجد...

دولت:-بطلي هبل مش ادهم الي يعمل كده مش هيقدر يستغني عن الفلوس و الشركا و هيرجع في الاخر

فاتن بعياط:-لو سمحتوا اكتبوا الفلوس باسمه ممكن؟كده بيكرهني اكتر

دولت:-لا يا فاتن متستسلميش هيجعلك متخفيش

فاتن:-لا....مش عوزاه يرجع خليه مبسوط

دولت:-غباء!....ملكيش دعوه بس انتي 

فاتن بيأس:-لكن...انا الي بقول...

دولت:-فاتن!اسمعي الكلام

فاتن قامت دخلت اضتها و اعدت تعيط كتير

فاتن:-يعني حتي بعد موتها وقت ما تحب تبقي وحده غيري...ليه؟

_____________________________________

روح صحيت الصبح رقبتها وجعها بس كانت  نيمه لوحدها قامت لقت ادهم اعد برا و شكله مضايق

روح:-في ايه يا ادهم؟

ادهم:-مفيش عادي

روح:-يا سلام عليا ده انا مراتك و...

طلع فيها بزعيق:-اعتقد انك هتقولي و مراتك و عرفه كل حاجه عنك صح؟

روح:-أ...اه...كنت...هقول كدا

ادهم بنفس الاسلوب:-تعرفي ايه عني؟؟هه؟

روح بابتسامه حرزينه:-انك طيب و انا بحبك

و حطت اديها ع كتفه:-و ده كفايه

ادهم بهدوء:-شكرا يا روح

روح:-شكرا؟؟ما علينا مالك بقه

ادهم:-اشطرتوا شرط تاني عشان الفلوس قمت انا قلتلهم

روح:-شرط ايه؟

ادهم كأنه مش سامع:-انا قلتلهم اني مش عاوز حاجه و سبت...

روح:-ايوه شرط ايه؟

ادهم بيتابع:-و سبت كل حاجه و مشيت بس...

روح:-ادهممممممممم؟!

ادهم:-ايه؟

روح:-شرط ايه؟

ادهم بصلها و تأملها فتره:-مش مهم اهو شرط

روح:-مممكن اعرف

ادهم:-خايف لتزعلي

روح:-لا شرط ايه؟

ادهم:-ان فاتن تحمل 

روح بصتله بثبات و بصت الناحيه التانيه

روح:-اه 

ادهم:-متخفيش انا عمري ما هوافق

روح:-ادهم انت المره الي فاتت قلتلي عمري ما هتجوزها بس اتجوزتها صح؟

ادهم:-لا المره دي لا لا لا

روح:-ماشي

سكتوا شويه و روح مش حسه بالثقه جت القطه تجري ناحيه روح قامت روح رفعها و حطها ع رجلها

روح:-امبارح حصل حاجه غريبه

ادهم:-حاجه ايه

روح:-بعد ما قفلت السكه الباب خبط

ادهم بصلها باهتمام:-و بعدين

روح:-اعدت اقول مين مين محدش ردش حد شويه كدا و فتحت اشوف في ايه لقيت وحده اسمها منال جارتنا و ادتني القطه و قالتلي انها لقتها و قالت تشوف بتاعت مين شكرتها لقتها دلقه نفسها عليا و دخلت اعدت معايا شويه

ادهم بغضب:-الله الله!اولا مش قلتلك لما الباب يخبط متقليش مين و لا حاجه صح؟لا و كمان فتحتي و دخلتيها بيتك 

روح:-و الله يا ادهم هيه فرضت نسها و اتكسفت و معرفتش اقلك

ادهم:-يا روح انا بخاف عليكي ازاي تفتحي الباب

روح:-اسفه يا ادهم

ادهم:-خلاص يا حببتي و لا يهمك بس اخر مره

روح:-طب ينفع منال تبقي صحبتي و اروحله او تيجي و...

ادهم:-لا تيجي اه تروحي لا

روح:-شكرا عشان لما تمشي مبقاش لوحدي

ادهم:-لا مهو انا شكلي مش همشي تاني

روح:-حاول تتكلم مع والدك

ادهم:-هحاول هرتاح يومين و هحاول

روح:-ماشي

ادهم:-عرفه المشكله الحقيقه ايه؟

روح:-ايه

ادهم:-انهم عرفين انك هنا

روح:-اه مهو انا بقيت مشكله كبيره

ادهم:-مش قصدي و الله بقلك ايه بلاش نتكلم عليهم 

روح:-ماشي..

ادهم:-انتي بقه عامله ايه

روح:-زي ما انا

ادهم:-يا ساتر يا رب

روح:-هههههههههه ليه مالي

ادهم:-ملكيش اجمل وحده في الكون

روح:-عرفه

ادهم:-ايه الثقاله دي؟....[قلك ايه قومي البسي و نخرج

روح:-ماشي احم.....انا معايا فلوس ل انت...

ادهم:-مش للدرجه دي يعني انا جيت بشويه فلوس كاش كانو معايا

روح:-ههههههه تمام

___________________________________

عدي يومين ع روح و ادهم حلوين مع ذلك كانت روح بتقدر تشوف كسره عنيه و انو مضايق و مخنوق

ادهم:-رورو انا همشي بكره علفكره

روح:-بسرعه كده؟

ادهم:-ايوه وداد قالتلي انو جي و ماشي في نفس اليوم هتكلم معاه كده ااه و علفكره وداد فرحها الخميس الي بعد الجي فممكن...

روح:-ممكن متجيش الخميس....مش كده؟

ادهم:-لا بس...

روح:-مش مشكله عاجي علفكره

ادهم:-خلاص خلاص مش مهم انتي اهم

روح:-ادعي بس الاول ربنا ان باباك يرضي 

ادهم:-يارب

روح:-طب لو مرضاش؟

ادهم:-مش عاوز فلوس!

ابتسمت روح بفرحه

____________________________________

احمد:-اعد يا ابني اعد يا ادهم

ادهم اعد قصاد ابوه

احمد:-انا هكلمك اني اب

ادهم:-اتفضل يا بابا

احمد:-يا حبيبي انا عاوز اطمن ع مستقبلك

ادهم:-انا مش عاوز ولاد غير ساندي و فادي

احمد:-ما انت هطلقها لو اديتك الفلوس

ادهم:-لا لا مش هيحصل

احمد:-معلش يا ادهم ارضيني

ادهم:-كل مره بتقولوا كده و لما برضيكوا بترجعوا تشرطوا تاني

احمد:-المره دي لا اقسملك اننا لو فرحنا بمجرد طفل الركه الفلوس و العربيه بتوعك و ليك جزء في القصر و كمان....كمان هسيبك لروح

ادهم:-نعم؟

احمد:-انا فاهم كل حاجه 

ادهم بارتباك:-لا انا...

احمد:-كنت اعد فين اليمين دول

ادهم:- في لند...

احمد:-متقلش لندن لاني سألت في المطار

ادهم اتنهد و سكت لما عرف ان الموضوع اتكشف

احم بيغمز:-و كمان دولت مش هتعرف ها قلت ايه؟

المشكله مكنتش في الشرط....

المشكله الحقيقيه ان ادهم اقتنع...

و نكمل بعد شويه انا طولتها عشنكوا و الله و هطولها اكتر ان شاء الله بكره و بجد شكرا ع التفاعل انتوا فنزات عثل

#يتبع

الحلقه 12:-

___________

المتمرده ج2:-

__________

صحيت روح الصبح و كالعاده كلمت ادهم

ادهم:-الو

روح:-ازيك يا ادهم عامل ايه

ادهم:-الحمد لله

روح:-مال صوتك؟

كان صوته غريب و مضايق

ادهم:-الشغل تقيل

روح:-طيب انا خرجه اشتري حجات انا مخرجتش الاسبوع ده

ادهم:-ماشي روحي

روح:-مالك يا ادهم

ادهم:-مفيش يا رح تعبان اوي

روح:-و ايه الي حصل امبارح مع باباك

ادهم بدموع:-((اسف اووي)) و لا حاجه يا حببتي 

روح:-يعني الموضوع رسي علي ايه

ادهم:-اتحل يا قلبي خلاص

و دموعه بتزيد

روح:-طيب يا حبيبي الحمد لله هتروح لوداد الخميس عشان الفرح؟

ادهم:-ده الخميس الي بعد الجاي

روح:-مالك يا ادهم انت بتعيط؟

شال السماعه الي ع ودنه و عض ع شفته عشان يكتم دموعه

روح:-الوووووو؟

ادهم:-حببتي اسف لازم اقفل دلوقتي في اجنماع

روح:-ماشي يا ادهمتي باي يا احلي ادهم

ادهم دموعه بتزيد:-باي

و قفل بسرعه و رمي الموبايل بطول ايده

اسلام كان قاعد جمبه

اسلام:-ايه يا عم ادهم انا اول مره اشوفك كده

ادهم:-.........

اسلام:-انت حبيتنها بجد؟

ادهم:-اه و الله و مش عارف ازاي عملت كده معقول انا فضلت الفلوس

اسلام:-انت اهبل؟هيه حاجه حرام ده العادي

ادهم:-لا يا اسلام انا وعدتها

اسلام:-خلاص و هيه هتعرف منين

ادهم:-انا كده بخدعها 

اسلام:-من امتي يا ادهم و انت بتهتم

ادهم:-من ساعه ما عشقتها

اسلام:-طب خلاص يا عم كنت وافقت ليه عشان الفولوس

ادهم:-معرفش كنت بفكر ازاي بس الي حصل...حصل و هيه كان عندها حق انا وحش و بفضل الفلوس عنها فعلا معرفتش معزتها غير بعد ايه

اسلام بصله بخباثه من غير ما ادهم ياخد باله

اسلام:-بصراحه انت كده بتخدعها جااااااااااامد و مينفعش تعيش معاها بعد ما وعدتها و خليت

ادهم من بين دموعه:-طب اعمل ايه

اسلام:-تسيبها

ادهم:-ايه

اسلام:-اها تسيبها عشان انت خلاص كده وحده تاني هتجيب طفل من وحده غير حببتك و ايما رح كمان تجيب طفل و يبقي عندك اربع اطفال و هتبقي حاجه فظيعه شوف انت بقه اطفال من 3 مختلفين و في المستقبل هيكرهوا بعض و بالذات ابن روح لانهم مش هيبقوا قرايب و روح مش هتجيب اولاد و تجيب من فاتن لا لا مش معقول يا ادهم انت سيبها في حلها و مش تظلمها

ادهم:-لكن انا بحبها

اسلام:-دي انانيه خليها لغيرك بقه بدل ما هيه لوحدها و كمان انت خدعتها و خليت بالوعد

ادهم مردتش و هو بيفكر في كل كلمه كويس...

كويس اوي

___________________________________

روح لبس و خرجت شيله القطه بتعتها و فجأه

منال:-بخخخخخخخخخ

روح:-يالهوي!

منال:-هههههههههههههه سوري يا قلبي انتي ريحه المدينه

روح:-اه

منال:-طيب انا ريحه نروح مع بعض؟

روح بابتسامه:-اوكيه

خرجوا و اعدو يلفوا مع بعض و يتكلموا في حجات كتير

منال:-يعني مش بتشوفيه غير مره في الاسبوع

روح:-اه

منال:- و انتي مأمنه ع كده؟

روح بحده و غضب:-اعتقد اني دي حجات خاصه بينا و بينا و بس علفكره و الثقه متبادله علفكره

منال:-اسفه انا بدردش

روح هديت شويه:-عادي

منال:-انا قلت احنا بقينا صحاب و بنقول رأينا عادي

روح متجاهله الكلام:-هتسافري امتي؟

منال:-الجمعه الي جايه

روح:-الي هيه بعد بكرا؟

منال:-لا لا الي بعدها

روح:-همممم ماشي تروحي بالسلامه

________________________________

روح صحيت تاني يوم الصبح و كانت مبسوطه لان المفروض ان ادهم هيجي بليل

روح:-الو

السكرتير:-الو

روح:-ادهم؟

السكرتير:-لا اانا السكرتير

روح:-طب ممكن اكلم ادهم

السكرتير:-اقله مين

روح:-قله روح

السكرتير:ثواني

روح من جواها:-من اامتي و حد بيرد ع تليفونه الخاص

شويه كده و جالها صوت السكرتير:-هو مش موجود لقيته مشي 

روح:-هيجي امتي

السكرتير سعتها بص لادهم الي واقف قدامه بحيره و ادهم شورله

السكرتير:-هو راح لندن

روح:-و موبايله هنا ليه

السكرتيتر:-اصله نسيه هنا و هنبعتهوله هناك

روح:-ماشي شكرا

و قفلت و هي بتفكر:-نساه؟ادهم ينسي تليفونه؟؟يمكن...لكن هو ليه راح لندن يعني هيلحق يجي بليل؟؟

روح كانت اعده سرحانه و لقت موبيلها بيرن و اسم هيام مكتوب

روح:-الو

هيام بعياط:-روح انا عوزاكي جمبي ارجوكي

روح:-ايه يا هيام مالك اطقي

هيام:-بابا يا روح تعبان و في المستشفي يا روح

روح:-طب...اهدي

هيامك-عوزاكي جمبي يا روح مرفش غيرك انتي و عماد

روح:-حاضر حاضر اقفلي دلوقتي

هيام قفلت مع روح

روح:-اعمل ايه و اقول لادهم ازاي لازم اروحلها بس اروح بموصلات ايه بس يا ربي و لو هوه جه بليل

روح محطتش في بالها حاجه غير منالك حطت في جيبها فلوس من بتعتها و العقد الدهب بتاع امها و الموبايل و قررت انها تضحي باي حاجه و تبيع اي حاجه عشان هيام

كانت خرجه بسرعه و مستعجله

منال:-رورو؟

روح:-حسبي انا مستعجله

منال:-ايه في ايه

روح:-صحبتي في المنوفيه محتاجاني و ريحلها

منال:-طب تعالي اوصلك معايا عربيه

روح:-بجد؟؟طيب شكرا اوي وصليني لغايه المحطه بتاعت القطر  اشوف اول قطر للمنوفيه 

منال:-ماشي اركبي العربيه و هلبس لبس غير ده و جيه

روح:-ماشي شكرا...

تكمل بكرا

#يتبع

الحلقه 13:-

____________

المتمرده ج2:-

___________

منال وصلت روح للمحطه و سلمت عليها و روح لقت قطر بعد ساعه فضلت في المحطه لغايه ما القطر جه و ركبت بس مكنش معاها تذكره و فضلت وقفه او تعد لو في كرسي فاضي و تقوم لو جه حد...

*روح اول ما وصلت راحت علطول المستشفي و شافت هيام اعده و حطه اديها ع راسها و عماد جمبها

روح:-هياام؟ايه الاخيار

عماد:-الحمد لله هيه نايمه شويه

روح:-هو ايه الي حصل؟

عماد:-معرفش اتصلت بيه و جيت ع ملا وشي

روح:-اه و انا كمان

عماد:-و الله قلتلها متكلميهاش اسف انها كلمتك و بعتذر لادهم زوجك

روح:-عيب عليك يا عماد انا اختها و اصلا ادهم مسافر

عماد:-يرجع بالسلامه

روح بطلع موبيلها بالصدفه لقت 7 مكلمات من ادهم و هيه محستش

روح:-هيه الساعه كام؟

عماد:-8

روح عقبال ما راحت القطر و ركبته و وصلت خد وقت طبعا

روح:-عماد خلي بالك من هيام و لو في حاجه جديده اندهلي هخرج اكلم ادهم

عماد:-ماشي

____________________________________

ادهم:-شفت اديها مش بترد اكيد زعلت

اسلام:-انت نويت ع ايه

ادهم:-مش عارف انا مفهما اني في لندن و هما رسلولي الموبايل و مش هروحلها النهارده مش قاد اشوفها عشان مدمعش قدمها

اسلام:-مش هتسيبها؟

ادهم:-لا طبعا

اسلام بيأس:-طيب

ادهم:-ثواني يا اسلام هيه بترن

ادهم:-الو

روح:-الو ازيك يا ادهم

ادهم:-الحمد لله مكنتيش بتردي ليه

روح بخوف:-انا...انا مش في البيت و لا في اسكندريه اصلا و مسمعتش الموبايل في القطر

ادهم:-ايه الكلام ده انتي فين؟

روح:-في المنوفيه ابو هيام في المستشفي

ادهم:-و بعدين بقه يا روح انتي تروحي و بعدين تقولي متصلتيش ليه

روح:-و انا اتصل ازاي مش حضرتك في لندن و التليفون نسيته

ادهم:-بس...طيب ماشي ما علينا

روح:-انا هبات هنا بقه مع هيام

ادهم:-ماشي...انا برده مكنتش هاجي النهارده

روح بملل:-عرفه جالك اجتماع في لنجن ضروري و اظريت تسافر و مش هتقدر تيجي انا حفظت

ادهم:-انا..

روح:-و الخميس الي بعده مش هتيجي عشان فرح وداد و لا يهمك يا ادهم....عادي

ادهم:-انتي عوزه تعملي خناقه و خلاص مهو انتي كده كده مش مجوده

روح:-و لا خناقه و لا حاجه تصبح ع خير

و قفلت السكه لاول مره في وشه بملل

روح بتخبط الارض برجلها:-انا مليت...ملييييييييييييت اوي يا ادهم منك و لما الملل بيمسك الانسان...بتبقي نهايه المشوار!

___________________________________

فاتن:-ادهم؟اده انت مش يوم الخميس بتروح لندن

ادهم:-و رجعت انتي مالك بقه؟

فاتن:-طيب خلاص

ادهم مبقاش طايق فاتن اكتر من الاول و دخل لاوضه اولاده ينام كالعاده...

فاتن:-ادهم؟و بعدين بقه؟ايه اخره كده؟

ادهم:-اخره ايه

فاتن:-هتفضل ديما بعيد طب اديني فرصه

ادهم:-انا فهمتك اني اتجوزتك عشان الفلوي و بس و هتجبي بيبي عشان الفلوس غير كده شيلي من دماغك

فاتن:-طب فرصه بس

ادهم:-بس بقه بس

كان هيخرج بس وقفته صرختها

فاتن:-يعني حتي بعد ملك متبقاش انا؟؟تكون وحده تاني

ادهم قفل الباب و اديرلها

ادهم:-شكلك مش هاتلمي يومك يا فاتن

فاتن:-ادهم بجد حرام انا بحبك بقال اكتر من 13 سنه!ايه مفيش احساس من لما كنت صغيره و بنلعب مع بعض من ساعه ما انت كنت ف ثانوي و بدعي انك تنجح و كل ده انت ول ا هنا كنت لعبي و بتاع بنات و صحبتني فتره و بعدين ظهرت ملك و حبيتها هيه و اتحملت و لما ماتت فرحت

بصلها بدهشه و قرف

فاتن:-ايوه فرحت و بعدها فضلت 8 سنين مش معبرني و لا معبر حد

علت صوتها اوي:-و يوم ما تحب تحب غيري!ليه يعني ليه؟

ادهم:-مفيش غيرك مفيش اكلام ده اصلا لا انتي و لا حد تاني

فاتن:-والله؟

ادهم:-ايوا و اخرسي بقه عشان متعصبش انا مش طيقك اصلا

و رزع الباب و مشي

فاتن:-ماشي ماشي

طلعت موبيلها و هيه بتمسح دموعها و طلعت رقم روح الي نقلته من موبايل وداد...

____________________________________

هيام صحيت من النوم لقت روح جمبها قامت مرميه في حضنها و اعدت تعيط

هيام:-الحمد لله انك جمبي

روح:-ايه ايل حصل بس يا حببتي

هيام:-كنا بنفطر و فجأه اغم عليه و بقلوا انها جلطه بس لسه نتيجها مش بينه هشوف لما يفوق ادعيلوا و النبي يا روح

روح:-ان شاء الله خير يا قلبي

هيام مسحت دموعها

هيام:-هتباتي معايا تمام

روح بابتسامه:-اكيد

عماد:-طب...انا مش عاوز اروح و بدل مدام روح هتبات معاكي يبقي مش هينفع ادخل لاننا مكتوب كتبنا و كنت هبات معاكي بس عشان مدام روح

روح:-طب...

هيام:-طب ما تفتح شقتنا الي فوق

عماد:-يعني هنام ع العفش الجديد قبل ما تكوني معايا

هيام:-معلش يا عماد

روح:-انا ممكن اشوف فنجق قريب

عماد:-لا لا و الله ابدا خلاص انا هتصرف

روح:-معلش اسفه يا استاذ عماد

عماد:-لا و الله مجراش حاجه يلا خلوني اوصلكوا

و بعد ما روحوا هيام دخلت تستحمي و روح قررت انا تنام و لقت موبيلها بيرن و رقم غريب

روح:-الو

فاتن:-الو

روح:-ايوه؟

فاتن:-انتي....

فاتن ارتبكت متعرفش الي هيه بتعمله ده جنون ول ا عادي

فاتن:-انتي مرات ادهم باشا؟

روح بحذر:-مين معايا

فاتن:-يعني انتي مراتو؟

روح:-هفففف اه

فاتن بضيق:-طيب هقبلك يوم الحد اختاري مكان

روح:-اده ده؟انتي مين اصلا

فاتن:-انا فاتن مش هتعرفيني انا بنت عمه و مراته

طبعا فاتن متعرفش ان مراته تكون روح و فكراها مش هتعرفها الا ان روح كانت عرفاها

روح:-انا مش هقابل حد

فاتن:-صدقيني الموضوع هيهمك

روح بتردد:-لا

فاتن:-ماشي مع السلامه

و قفلت السكه و كانت خيفه اوي من رد فعل ادهم لما يعرف ان فاتن عملت كده

هيام:-ايه يا روح مالك بصه للموبايل كده ليك؟

روح:-اتصلت بيا فاتن مراته التانيه و عوزه تقبلني في موضوع يهمني و انا رفضت

هيام:-لازم توفقي متبقيش هبله

روح:-بس انا قلتلها لا و قفلت

هيام:-اتصلي تاني

روح:-بس هسه متعرفش ان انا الي كنت شغاله فكراني وحده و خلاص

هيام:-ده احسن عشان الكل يعرف قيمتك و انك كسبتي وحده غنيه و مفيش فرق بين غني و فقير

روح:-لكن ادهم هيضايق

هيام:-بطلي تفكري في ادهم بقه يعني هو فكر في ضيقك لما اتجوزها و لما بيسيبك و لو زعل فكريه انتي كام مره صلحتيه

روح:-تفتكري؟

هيام:-بصراحه بقه....انتي لازم تعملي موقف عشان يعرف انك جدعه مش وحده و خلاص

روح مسكت موبيلها و اتصلت بفاتن الي مصدقتش نفسها لما لقت رقمها ع الشاشه

فاتن:-الو

روح:-الو هقبلك يوم الحد في كافيه....في اسكندريه

فاتن:-اسكندريه؟؟

روح:-مش باجي القاهره

فاتن:-اه..طيب موفقه الساعه خمسه بليل تمام؟

روح:-ماشي

قفلت روح و قلبها بيتنفض و بتسأل نفسها سؤال واحد؟

يا تري هيحصل ايه و هتقلي ايه؟

هنكمل بعد شويه

#يتبع

الحلقه 14 :-

__________

المتمرده ج2:-

___________

ابو هيام بقه كويس و الجلطه مأثرتش عليه سلبا و روح كل ده مخصمه ادهم و مش بترد عليه و جه يوم الحد.....

روح فضلت اعده في المطعم مش عرفه ايه هيكون موقف فاتن لما تعرف ان مرات ادهم هيه روح

موبايل روح رن و اسم فاتن

روح:-الو

فاتن:-انا وصلت شوريلي انا عند الباب

روح لمحتها و حست بالخوف و بعدين ادت لنفسها ثقه و شورتلها و فاتن قربت و اول ما شافت روح

فاتن:-انتي...انتي...الخدامه؟

روح:-البيبي سيتر لو سمحتي

فاتن:-مش معقول!

روح:-هتقولي و لا اقوم

فاتن:-خلاص!

روح اعدت و لسه نظرات الدهشه من عين فاتن بتحوطها

روح:-نعم؟

فاتن:-((انا اعد معاكي انتي في مكان واحد منك لله يا ادهم))...بصي و انا صغيره كنت ديما بلعب مع ادهم و بحبه اوي و لما كبرنا كنت بدعي انو يخش الكليه الي يحبها و مره وحده حود بقي بتاع بنات كتير اوي و انا برده كنت بتحمل و سكته لغايه ما حبني و اتصحبنا شويه و شاف ملك و اتجوزاو انا برده متحمله و بعد ما ماتت قلت انو من نصيبي فضل 8 سنسن كاره البنات كلها و في الاخر يتجوز وحده غيري ده يرضيكي

روح ببرد:-ما انتي مراته برده

فاتن:-ماشي بس قلبه ليكي

سكتوا شويه

فاتن بخبث:-صحيح انا هبقي حامل قريب اوي و....

روح:-حامل؟!

فاتن بابتسامه:-اها اصل طنط دولت اشترطت اني اكون حامل الاول عشان يثبتوا الفلوس باسمي اكيد قالك

روح بصدمه:-اه

فاتن:-و اكيد فهمك ان ده مش هيحصل

روح قامت وقفت:-انا مشيه

فاتن:-استني بس انا مش جيه من القاهره لاسكندريه عشان كده في الاخر

روح بعصبيه:-ايه؟

فاتن:-انا حبه اقلك ان ادهم في الاخر هيكون لينا مجرد ما ابني هيشرف هيتعلق بيه و يحبه و الفلوس معاه صدقيني حبه مش هيدملك

روح قامت وقفت:-انا فهمت ايه الغرض من المقابله انتي بتحرقي دمي صح؟

فاتن:-لا ابدا انا..

روح:-عن اذنك

و مشيت و اول ما روح اديرت دموعها نزلت لان ادهم كدب عليها تاني و المره دي قررت متسمحهوش و لما روحت لمت الهدوم الي جت بيها و سابت كل حجاه هو جبهلها و الدبله و حتي القطه و سبتله ورقه و كمان شالت الشريحه و رمتها و سبتله الموبايل و مشيت و قررت فعلا مترجعش.........

___________________________________

ادهم:-و بعدين بقه يا اسلام دي مش بترد و بعدين موبيلها اتقفل

اسلام:-علفكره انت قرفتني و انا زهقت من الشريط البايظ ده يا ادهم فكك منها و الخميس الي بعد فرح وداد ابقي شوف مالها

ادهم:-انا هروح بليل اشوفها

اسلام:-انت مبقتش تسمع كلام حد و انا مش هدخل تاني في الموضوع ده

ادهم:-طب انت ايه رأيك الاخير

اسلام:-رأي انها جوازه رخيصه و معفنه و هتخسرك كل حاجه

ادهم بصله بضيق:-اتكلم عدل انا ب...

اسلام:-انت مبتحبهاش بأماره انك فضلت عنها الفلوس مرتين انت بتحب ملاك الي فيها صدقني و الله انت بتحبها صوتها عشان شبه و رقتها و جنونها زي ما بتقول عشان شبه ملك و هيه من الاخر بدأت تاخد منحني تاني فسيبها بقه

ادهم:-اسلام انا فعلا غلطان اني بتكلم معاك خلاص لو سمحت متدخلش و انا مش هحكي حاجه تاني مع اني كنت فاكرك الي بتشيل همومي

اسلام:-خلاص يا عم متحبكهاش

ادهم:-سلام

اسلام:-رايح فين

ادهم:-اسكندريه

خرج ادهم قام اسلام رفع ايده لفوق:-ربنا يهديك و تفوق من الهبل ده...

___________________________________

ادهم دخل الشاليه:-

ادهم:-روح؟رورو؟انا جيت

بص و ملقهاش بس لاحظ ان شنطه سفرها مش موجوده الموبايل ة اللبس الي جابهلها مرمي ع السرير و الموبايل و ...و الدبله!

هنا وقع قلب ادهم لما شاف ورقه و فوقيها الموبايل و فوقيهم الدبله و قرب بسرعه من الورقه و فتحها

((وعدتك اني مش هخاف طول ما انا معاك لكني خليت بوعدي و احب اقلك انك اكتر حاجه بتخوفني و كرهتني في الزمن اوي يا ادهم بس متزعلش من كلامي مش انا بس الي خليت بالوعد انت كمان وعدتني انك مش هتفضل الفلوس عني بس فضلتها مرتين مش مره و مبروك مقدما البيبي و اشكرلي فاتن ع التوضيح))

ادهم كور الورقه بقبضه ايده  بغضب

ادهم:-فاتن؟؟عملت ايه الحقيره دي

سمع صوت في الصاله فخرج برا لقه القطه اعده بتلعب بكوره

طلع موبيله و اتصل بفاتن

فاتن:-اده ادهم بيتصل بنفسه و...

ادهم:-انتي عملتي ايه؟؟خلتيها تمشي و تسبني ازاي؟؟

فاتن:-قبلتها يا حبيبي و اتكلمنا و بقينا صحاب اوي هههه

ادهم:-انتي اتجننتي؟

فاتن:-انا عمري ما كنت كده بس مش هينفع معاك غير كده

ادهم:-فعلا؟؟و انا بقه عمر ما هنت وحده و ضربتها بس لما تيجي هتعرفي ايه الي هينفع معاكي

و قفل السكه في وشها و هو عمال يفكر يروجلها يقلها ايه و فجأه الجرز رن جري بسرعه قال يمكن روح مع انه متأكد انها مش هيه

و فتح الباب

ادهم-منال؟؟!

منال:-ادهم؟!!!

____________________________________

هيام فتحت الباب لقت روح رمت شنطتها ع الارض و حضنت هيام و اعدت تعيط

هيام:-بس بس في ايه يا بنتي؟

روح لمحت ابو هيام ممدد ع الكنبه قامت مسحت دموعها و شالت شنطتها و دخلت

روح بعياط:-اسف اوي اني...

هيام:-كلمه كمان و هخبطك ألم عيب بقه ده بيت ابوكي يعني

ابو هيام بصوت تعبان:-طبعا يا بنتي

روح:-حمد ع السلامه يا بابا

ابو هيام:-الله يسلمك يا بنتي

اتعدل براحه و اعد:-ايه؟جوزك زعلك و لا ايه؟

روح:-بلاش السيره دي

و عيونها دمعت

هيام:-طب تعالي معايا تعالي

دخلوا الاوضه و روح كملت عياط

روح:-عوزه انام

هيام:-طب مش هتحكيلي الي...

روح علت صوتها:-هناااااااااام!

هيام:-طيب يا ستي خلاص نامي

هيام قفلت باب الاوضه ع روح و اول ما خرجت النور قطع

هيام:-انا هتشل من البلد دي اه و ربنا

ابو هيام:-متظلميش البلد يا هيام هنشوف الاول الكهربا الي في مدخل العماره انتي عرفه ان صنجق الكهربا بايظ

هيام:-و احنا كل مره ننزل و الجران اعدين مش كده؟

ابو هيام:-انا هقوم البس عبايه و انزل

هيام:-تنزل فيني ا عم اعد انت قادر انا هنزل

ابو هيام:-طب خدي كشاف و خلي بالك دي كهربا انتي مش نقصه لسعه

هيام:-هههههههه اوك

هيام خدت كشاف صغير و نزلت ووجهت الكشاف لصندوق الكهربا و فجأه حست بأيد بتتلف حوليها و ع بقها

هيام:-مممممممممممممم!!!!!!!!

ده طبعا صوت صويتها الي مش باين لانو مكمم بقها....

و النور جه!

الحلقه 15:-

__________

المتمرده ج2:-

__________

ادهم بشك:-بتعملي ايه هنا؟

منال:-عادي يا ادهم...أ...مصيف!

ادهم:-فعلا؟يا سلام ع الصدف!

قالها بسخريه لانو فهم الي بيحصل

منال:-أ...و انت عامل ايه؟

ادهم:-ما انتي عرفه...بترقبيني بقالك اد ايه؟امتي ماما بعتتك؟

منال:-بربقك؟هههه انت بتهزر يا بني؟؟ايه الي بتقوله ده

ادهم:-انا بقول تردي احسلك

منال:-و الله عادي انا جيت مع صحابي

ادهم:-ممم...هما فين بقه

منال:-مشيوا و انا مشيه 

ادهم:-و كنتي بتخبطي ع الشاليه....

سكت ادهم فجأه لما افتكر:-

فلاش باك:-

روح:-اعدت اقول مين مين محدش ردش حد شويه كدا و فتحت اشوف في ايه لقيت وحده اسمها منال جارتنا و ادتني القطه و قالتلي انها لقتها و قالت تشوف بتاعت مين شكرتها لقتها دلقه نفسها عليا و دخلت اعدت معايا شويه

باكك:-

ادهم:-انتي كدابه!ان كنتي فكرا ان مراتي بتخبي عني حاجه تبقي مغفله انا عارف كل حاجه عنك

منال:-ايوه عارف اني دخلت عندها البيت و اتفسحنا مع بعض؟

ادهم:-ايوه

منال:-و انها ركبت معايا العربيه؟ركبت مع حد غريب

ادهم مكنش يعرف بس تغاضي عن الامر

ادهم:-اه

منال بغيظ:-طيب انا مش جايه لا اتسلط و لا ارقبك انا جايه اتفسح و صحبت مراتك الي كنت بتسبها لوحدها كل ده و هيه وحده طيبه و جميله اوي و انا ماشيه و جايه اسلم عليها

ادهم:-مش موجوده

منال:-لو سمحت خليني اشوفها

ادهم:-و الله مش موجوده

منال:-امال هترجع امتي

ادهم:-مش عارف راحت تزور اهلها

منال بخبث:-اااه مبروك ع جوازه فاتن

ادهم:-انتي عرفتي منين؟!

منال:-انت نسيت انا صحبه فاتن جدا

**طبعا الكل بيسأل مين منال دي...

منال دي بنت شريك احمد لطفي في كل حاجه و هيه صديقه للعائله و كان ادهم بيشفها كتير و مكنش بيرتحلها لانها شبه فاتن في حجات كتير و كانت منال و فاتن قريبين جدا من دولت لكن وداد و ادهم مكنوش بيرتحلهم

ادهم:-لا بس ماما شطره اوي متوقفعتش انك انتي الي هنيجي بنفسك و ترقبيني

منال:-انا كنت هنا مع صحابي و بعيدها تاني يا ادهم انت عارف اننا عندنا شاليه هنا 

ادهم:-ماشي هحاول اقتنع...مع السلامه

جه يقفل الباب قامت مسكاه:-طب هيه روح مش بترد ليه ع موبيلها

ادهم:-ففففف معرفش

منال بخبث:-هيه سابت البيت؟!

ادهم بنفاد صبر:-اه

منال:-عملتلها ايه؟

ادهم:-انا معملتش حاجه بس شكلي هعمل و هطردك يلا بقي

منال:-طيب يا ادهم 

كان هيقفل الباب للمره التانيه قامت مسكه الباب و دخلت  و قفلت الباب وراها

منال:-مش عاوز مساعده

ادهم:-براااااا بقلك براااااا

منال:-طيب ماشي كنت هعملك اكل

و خرجت برا قام ادهم رزع الباب

ادهم:-انا اتخنقت!

_____________________________________

هيام اديرت بسرعه لقت عماد وراها

هيام:-منك لله فزعتني

عماد بيقرب:-ههه فكرتيني حرامي؟!

هيام:-طب ما انت فعلا حرامي و سرقت

عماد:-انا؟!و سرقت ايه بقه؟

هيام بدلع:-قلبي

عماد:-هههههههه يا خلاثي يا ناس

هيام:-هههههههه بس ياض انا طالعه عشان بابا مش يقلق

عماد:-كنت عاوز اقلك حاجه بجد

هيام باهتمام:-ايه؟

عماد:-روح دي هتعد عندكوا؟

هيام:-مالك بتتكلم عنها كده ليه؟

عماد:-انا مش برتاح لل...

هيام:-لو سمحت متبقاش متخلف زي كل واحد ظلمها انا فهّمتك موضوعها من اوله

عماد:-انتي مصدقه انها متجوزه ادهم بجد؟

هيام:-كلمة كمان و هطلع و اسيبك

عماد:-مالك بتتكلمي عنها كده ليه انا بقولك كلمتين بيني و بينك

هيام بتأثر حقيقي:-و الله يا عماد دي شافت كتير اوي و حتي ادهم ده بيعملها وحش اوي

عماد:-انا حسيت انو هيضيقها شكله مغرور

هيام:-طب سلام بقه خليني اطلع

عماد:-سلام

هيام:-ايه الي جابك هنا صحيح؟

عماد:-ههههه كنت جي بحط لبسي في الدولاب

هيام بكسوف:-طب سلام

و طلعت جري دخلت اوضتها مبسوطه لما لقت روح مديلها ضهرها و نيمه

هيام:-روح بقلك ايه

روح:-....

هيام:-ملحتقيش تنامي يعني

روح:-.....

هيام اعدت جمبها ع حرف السرير

هيام:-روح بالله عليكي لتكلميني مش شرط في المشكله في اي حاجه لو تعرفي اد ايه صمتك ده بيضيقني....

هيام:-يا رووح الله يخليكي قولي انك كويسه حتي ردي عليا و فتحي عيونك انا عرفه انك مش نيمه

مره وحده هيام قامت وقفت و حست ان روح مش نايمه ان في حاجه تاني بجد شدت دراع روح قامت اتقلبت ع ظهرها و بانت انها اغم عليها او...او حاجه تاني

هيام:-بابااااااااا يا بابااااا روح اغم عليها يا بابا هروح اجيب دكتور

ابو هيام:-طب اروح انا

هيام بتلبس اسدلها:-لا لا انا ريحه اهو اجيب دكتور الصيدليه

و نزلت جري قبلت عماد واقف ع باب العماره مع صاحبه مهمتمتش و هي بتجري

عماد:-هيام؟؟هيام في ايه؟

هيام:-روح تعبانه و انا هجيب الدكتور

عماد:-طب انا جي معاكي

*و بعد شويه كان الدكتور خارج من اوضه روح

ابو هيام:-خير يا بني طمني

الدكتور:-متقلقش يا حاج المدام  حامل

هيام بفرحه:-قول و الله؟

ابو هيام:-هيام؟!خشي جوا

عماد:-ايوه خشي جوا

هيام دخلت لروح الي بدأت تفوق

هيام:-روح قلبي

روح:-انا كان مالي؟

هيام:-انتي حامل يا قلبي

روح بخضه:-ايه؟ازاي؟

هيام:-هو ايه الي ازاي

روح:-ياربي ليه كده؟؟انا كنت هسيب ادهم

هيام:-احلفي انك مش فرحانه

روح اترمت في حضن هام و انهارت اوي و هي بتقول

روح:-فاتن حامل!

و اعدت تعيط اكتر

هيام اتصدمت لانها فهمت ان ادهم خدع روح مرتين و حست انها بتكره اوي و ياريتها معاها رقمه

روح بتكمل عياط:-سيبتله الفلوس الي كان سيبها معايا و الموباسيل و اللبس الي هوه جابه و القطه و مشيت

هيام:-عين العقل

روح بصتلها اوي كده:-طب و هعمل ايه؟؟اقله

هيام:-لا لا يا عبيطه

روح:-ليه

هيام:-ممكن يأزي البيبي

روح:-صح!...لا...لكن ادهم طيب و..

هيام:-طيب؟مهو خدعك مرتين

روح اعدت تعيط تاني بقهر اكبر و هيه زعلانه اوي و هيام بتبطب عليها و زعلها اكبر و نفسها تشوف ادهم ده عشان توريه...

_____________________________________

ابو هيام و هيام و روح اعدين بيتنقشوا في موضع روح

ابو هيام:-معلش يا بنتي هو من حقه اربعه

روح:-لكنه خدعني يا بابا و..

ابو هيام:-خدعك لو عرف وحده عليكي لكنه كان قلك انو متجوزها و انتي كنتي عرفه و الجواز مش خدعه و كان الجواز ده هيبقي حرام لو مقربش منها

روح اتكسفت من جرأه الكلام و سكتت و هيه مش عرفه توصله افكارها و النار الي حجواها

هيام:-يعني ايه يا بابا؟

ابو هيام:-اسكتي انتي

هيام:-طيب

روح:-لكن..

ابو هيام:-ملكنش هو مغلطش و غلط انك تسيبي بيت جوزك

هيام:-يعني لو جه صالحها تروح معاه

ابو هيام:-انا هكلمه الاول

روح:-طيب لو...لو جه يعني و سأل فيا متقلوش اني حامل لو سمحت يا بابا

ابو هيام:-ماشي بس ليه

روح ارتبكت و مش عفه ترد

هيام:-عشان هيه عوزه تقوله و تكون مفجأه

ابو هيام:-اااه ماشي

معداش شويه الا و كان الجرس بيرن و قلب روح اكدلها انو ادهم و فعلا هيام فتحت و بصتله بضيق

ادهم بترفع:-عاوز مراتي

هيام:-هو ايه ده انت تخش تصالحها و متتكلمش كده 

ادهم بضيق:-بقلك ايه اندهي روح و ملكيش دعوه

هيام:-كده؟!طيييييب روح مش هنا بقه معرفش هيه فين عن اذنك

كانت هتقفل الباب قام ادهم مسك الباب

ادهم:-انا متحمل و مش عاوز اتعصب

جه ابو هيام من ورا

ابو هيام:-امشي انتي يا هيام

هيام بتبص لادهم بقرف:-حاضر

و مشيت..

ابو هيام:-انت حسبتها ملهاش اهل يا استاذ ادهم انت لازم تعرف اني انا الواصي عليها

ادهم:-محدش اهلها غيري و محدش واصي عليها الا انا و هخدها و امشي خلوني اتكلم معاها و محدش يدخل

ادهم كان بيتكلم بغرور غريب ابو هيام اول مره يسمعه في لهجته

ابو هيام:-ماشي هتدخل و لا تتكلموا ع الباب

ادهم:-ع الباب

شويه كده و روح جت

ادهم:-روح لو سمحتي هاتي حجتك و يلا

روح:-معلش يا ادهم انا عوزه اط...

قبل ما تكمل كلمتها كانت اديه علي بقها 

ادهم:-لو سمحتي بلاش تنطقي الكلمه دي

روح بدموع:-بس انت كدبت عليا فضلت الفلوس عني يا ادهم مرتين

ادهم:-اسف يا روح انا...

روح:-مش هقبل اعذار

ادهم:-روح خلينا نروح و نتكلم هناك

روح:-لا

ادهم بغضب:-بقلك يلا

روح:-مش هروح حنه غصب عني

ادهم مسك اديها و جرها وراه

روح:-انت اتجننت انا بلبس البيت

مهتمش بيها و خرجوا لحد العربيه و ركبها العربيه و طلع

روح:-انت مش طبيعي و لا بتحبني لانك لو كنت بتحبني مكنتش خرجتني كده

مشي شويه بالعربيه كانت الدنيا ليل وقف في نص الطريق و اديرلها

ادهم:-اولا بطلي عياك خالص

و مسحلها رموشها و خدها من العياط

ادهم:-ثانيا انا مش هتكلم في اي حاجه و ثالثا نامي و راتاحي شويه لغايه ما نوصل

روح بصتله بقرف:-انا بك...

ادهم:-اوعي تقليها!

روح:-ادهم انت بقيت شخص تاني خالص بقيت..

ادهم:-ماشي يا حببتي نامي بس انتي

روح بضيق:-بطل تقطعني ي الكلام

بدأ يسوق العربيه و أكنه مش سمعها و مبتسم

ادهم:-اهم حاجه انك معايا

روح بصتله بكراهيه و ضيق و بصت من الشباك الي جمبها و اتفجأت بأيده بتمسك اديها

ادهم:-جعانه؟

روح:-اسمعني يا ادهم بجد انا فعلا مش هسمحك المره دي

ادهم:-كده هزعل

روح:-ادهممم بطل طريقتك دي

ادهم:-لما نوصل نتكلم

روح بعد كده محستش بحاجه الا لما حست بيه بيبوسها فاتنفضت و لقت انها في العربيه و قصدها الشاليه

روح:-اده؟

ادهم:-ايه بصحيكي

روح فتحت الباب:-و مفيش غير الطريقه دي عشان تصحيني

ادهم:-بحبها اوي الطريقه دي

فتح ادهم باب الشاليه و روح وقفه قدامه و كانت المفجأه...

نكمل بعد شويه

#ادمونه #عسوله

#يتبع

تكملة الرواية من هناااااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الاول من هناااااااااا

الرواية كامله الجزء الثاني من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا