رواية المتمرده (الجزء الثاني) الفصل الواحد وعشرون والثانى وعشرون والثالث وعشرون والرابع وعشرون والخامس وعشرون والسادس وعشرون الأخير بقلم وعد يحيي البكري (جميع الفصول كامله في مدونة قصر الروايات)

 رواية المتمرده (الجزء الثاني) الفصل الواحد وعشرون والثانى وعشرون والثالث وعشرون والرابع وعشرون والخامس وعشرون والسادس وعشرون الأخير بقلم وعد يحيي البكري (جميع الفصول كامله في مدونة قصر الروايات)

رواية المتمرده (الجزء الثاني) الفصل الواحد وعشرون والثانى وعشرون والثالث وعشرون والرابع وعشرون والخامس وعشرون والسادس وعشرون الأخير بقلم وعد يحيي البكري (جميع الفصول كامله في مدونة قصر الروايات)

الحلقه 21:-

________

المتمرده ج2:-

___________

عماد:-هيااام؟!

هيام:-هممم؟كنت هنام يا حج

عماد:-هيه روح معاها مفتاح و لا مفيش غير النسخه دي

هيام اتنفضت:-

-الشقه ملهاش غير مفتاح واحد و لما هو معاك اما البنيه دي ايه ظروفها

عماد:-هههههههههههههههه هتبات ع السلم

هيام:-انت بتستهبل؟قوم شوف كده

عماد:-مينفعش حد يشوفني طالع و هما عرفين انها فوق لوحدها

هيام:-بدأت اتخنق من كلام الناس و حرصنا الزايد ده

عماد:-المهم نعمل ايه

هيام:-هقوم البس و هتنيل ننزل نشوف الحاجه و المفتاح او...اتصل بيها ع تليفوني الي معاها و قبلها في حته

عماد:-فكره و الله طلعتي بتفكري

هيام ضربته بهزار:-هههههههه طب هات تليفونك يا خفيف اكلمها انا عشان هيه بتتكسف تكلمك ع التليفون معرفش ليه بالذات

عماد:-هههههههه خدي يا ستي

____________________________________

اتنفضت روح اول ما سمعت صوته في ودنها و حست بايده و اديرت بسرعه و هيه بتبعده عنها

روح:-انت بتعمل ايه هنا؟و ازاي تمد ايدك عليا وازاي...

حط ايده علي شفتها:-هششششششش...وحشتيني

روح:-حضرتك متقربليش حاجه و حرام لما تمسكني و...

بصت لايده الي حوليها

روح:-اوعي ايدك انا مقربلكش حاجه و ابعد شويه عيب كده

ادهم:-روح انا مش عاوز اضيقك ول ا اغصبك ع حاجه ممكن اردك؟

روح بصتله و علمات الاستفهام ع وشها:-عارف يا ادهم انا عشقتك و كنت بموووووووت فيك بس...بس انا بكرهك اوي عرفه انك مش هتصدق بس انا بكرهك و الله بكرهك اوي

ادهم:-ممكن تسنعي انا...

روح:-و انت كنت سمعتني؟!انت عمرك ما سمعت نفس اخطائك الغبيه

ادهم:-و النبي يا روح انا...

روح بقوه فجأت ادهم:-اسمع يا استاذ ادهم لو ردتني ليك غصب عني اعرف اني هرفع قضيه خلع و ان مش هسمع و مش هفكر اسمع انت ماضي و اتقفل و مش عوزه اشوف وشك تاني

ادهم قرب خطوه و هيه لزقت في الباب:-

-روح انا...

روح بتزقه:-و لو قربت تاني و الله ألم عليك العالم يلا امشي بقه

ادهم:-لا يا روح لا و الله انا...بحبك و كنت غلطان...صحيح في عريس؟

روح بقوه:-ايوه في و لسه بفكر واحد كويش و واضح انو بيحبني

ادهم بغيظ:-لا لا لاانتي ليا بتاعتي فهمه؟اسمعي يا روح انا هردك في اي حاله هجيلك بعد يويمن تكوني جهزتي نفسك عشان تمشي و احنا في الطريق هفهمك غلطي  و الحياه هتكون جديده اما لو فكرتي انك توفقي ع العريس او تعرضيني هردك غصب عنك و هحبسك يا روح و ابقي وريني هتخرجي ازاي عشان ترفعي قضيه 

روح بصتله بدهشه اتحولت بسرعه لعياط:-ما تسبني بقه سبني حراااام عليك خلاص مش هتجوز بس سبني انا و الله مكنتش هتجوز اصلا

ادهم حط ايده علي وشها:-لا لا متعيطيش و الله انا اسف و هوعضك عن الي فات

زقته بعنف :-ابعد بقه و النبي سبني يا ادهم سبني

وقعت ع الارض تعيط بألم و مراره و عماد طالع هو وهيام لان روح مردتش ع التليفون

هيام بزعيق:-يا اخي منك لله عاوز ايه تاني بقه غور في ستين داهيه لا طلبنا منك مؤخر ولا تعويش ع موت ابنها بسبب عيالك

ادهم بدموع:-ممكن لو..

عماد:-لو سمحت ممكن تمشي بقه ممكن؟

روح اعدت تاخد نفسها بصعوبه و مسكت قلبها لانو افش فيهتا و اعدت تشهق و الناس بدأت تفتح البيبان

هيام:-عجبك الي بيحصل ده منك لله الهي ياخدك يا رب غور بقه امشي زو سبنا في حالنا عاوز مننا ايه تاني؟

عماد:-هيهام ممكن تسكتي

جارتهم:-في ايه خير؟

هيام:-في ان المسكينه جي اتجوزت الزفت ده و طلقها و بهدلها و دلوقتي مش عاوز يسيبها في حالها

جرتها قربت تطبطب ع روح الي ع الارض

هيام:-شفوا يا ناس ولاد الزواد بي...

ادهم مسكها من درعها:-كفايه فضايح

عماد بيزق ايده:-انت ازاي تتجرأ تمد ايدك ع مراتي

ادهم ساب درعها لما ادرك عمل ايه

هيام:-و علفكره روح قبل ما تنقظ عيالك و يارتها سبتهم كانت عرفه انها حامل و خافت تقلك و عشان كده مرديتش تركب طياره!حبيت اقلك بس و اتفضل بقه من هنا متورنيش وشك تاني

ادهم لما عرف انها تعتبر ضحت بانها مع انها كانت عرفه بوجوده لعياله اتوجع اكتر

ادهم:-بقلك ايه ملكيش دعوه اخرسي بقه

عماد:-اقسم بالله لو ممشتش كلمه كمان و هضربك و مش هرحمك

الناتس بدأت تقول عبارات زي:-

((لا حلو و لا قوه الا بالله))

((هي السبب))

((هو عايز ايه منها تاني))

((أدي اخرتها))

((و الله الرجاله دول مش بيختشوا ع دمهم))

((يا حرام))

ادهم:-كل واحد يخرس خالص!

عماد:-يوووه بقه ده انا هأدبك

كان ادهم هيرفع ايده و يضربه بس الكل سكت مره واحده

روح:-كفااااااايه!

الكل بصلها و هي قامت وقفت و زقت ادهم

روح:-امشي!

ادهم:-لكن...

روح:-امشي

ادهم:-ماشي يا روح...حاضر

و نزل بيكتم دموعه و مجرد ما نزل روح انهارت تاني..

و كأنه هو نازل خد روحها معاه...

______________________________________

تاني يون الصبح:-

___________

ادهم بدموع:-بس.....و قالتلي امشي....!

اسلام:-مشفتش قليل منك

ممدوح:-بصراحه اه

ادهم كان اعد في النادي مع اكتر اتنين صحابه اسلام و ممدوح خدوه بالعافيه عشان يفك

اسلام:-انت ازاي شايف الحب يا ادهم

ادهم:-حاجه جميله بس جرحها غويط اوي

ممدوح:-الحب هو الامتلاك و ان الي قدامك بقه بتاعك

اسلام:-لا مفهومي مختلف...الحب كلمه من حرفين ملهاش اي لزمه انا اعرف الجد كلمه من حرفين بس جميله كل شيئ بمصلحه 

ادهم:-يبقي متفهمش حاجه

ممدوح:-ادهم انا عوزك تفك و تختار وحده من زملئنا تعد معانا و تروش عليها

ادهم:-كان قدامي فاتن.....الموضوع مش سهل

قام وقف و لبس جكته

ادهم:-روشو انتوا

_________________________________

دخل ادهم اوضته لقي فاتن غرقانه عياط

ادهم متأثرش:-بتعملي ايه هنا احنا اطلقنا

قامت وقفت و مسحت دموعها:-

-للمره الاخيره بس اسمعني 

ادهم:-هففففف انا خارج

خرج برا الاوضه و توجهه عشان ينزل فمسكت اديه

فاتن:-عشان خاطر ابنك يا ادهم و النبي خلينا نرجع و اديني فرصه انا بحبك اوي

ادهم:-فاتن انا تعبان

فاتن:-و النبي يا ادهم

ادهم ادير عشان ينزل قامت وقفت قدامه

فاتن:-بس اسمع بس و النبي

ادهم زقها بغيظ:-

-بس بقه!

بس نسي انها وقفت قدامه و ان وراها سلم و في غمضه عين كانت بتقع من الارتفاع ده 

ادهم مش بيحبها لكنه مش شرير

ادهم مش عاوز الطفل

لكن عمره ما فكر يآذي ابنه

حاول يمسكها بس مسك الهوا و نزل وراها جري يطمن عليها لما سمع صوت صريخ من فوق و معرفش يعمل ايه لما فاتن اغم عليها و لقاها بتنزف

و لما سمع صوت صريخ وداد..

و اليوم ده كانت دولت سافرت لاحمد لطفي في لندن و هيرجعو بليل مع بعض..

و الخدم في اجازه رسميه!

كان لوحده مع وداد و فاتن لان جوز وداد في الشغل و حس بارتباك..

نكمل بعد شويه (-:

#يتبع

الحلقه  23و22:-

__________

المتمرده ج2:-

__________

عماد راجح المستشفي يبقي جمب ابو هيام لكن هيام معرفتش تسيب روح في حالتها دي..

لان روح فضلت ساعه الا ربع بالظبط في حضن هيام بتعيط من غير و لا كلمه و هيام سكته و بتبطب عليها

هيام:-و النبي بس جوبي ع سؤالي ايه اخره كده؟

روح من بين شهقتها:-عاوز ايه تاني؟!كمان عاوز يرجعني بالعافيه ليه بقه كده انا خيفه يا هيام ليعمل كده خيفه اوي

هيام:-للدرجه دي كرهتيه؟!

روح:-كرهته؟!لا يا هيام بس مش هقدر تاني ع العذاب ده انا بحس انو شخصين مبعرفش اقول لا قدام حنيته و بخاف اوي من قسوته

هيام:-طب...ما انتي المفروض تكوني مبسوطه لانه فهم و جه ندمان

روح:-دي مش اول مره يا هيام و انا تعبت و بالذات المره الاخيره دي كل ما افتكر شكله و هو بيزعق و بيعيرني بموت ابني و كمان و هو بيضربني بزعل اوي ع كل لحظه حب حبتهاله

هيام:-استغفر الله العظيم يا رب و الله مش عرفه اعمل ايه و لا اتصرف ازاي

روح:-و لا حاجه قومي روحي لعماد و سبيني

هيام:-اسكتي يا بت و الله مش هسيبك ابدا

روح حضنتها تاني:-

-شكرا يا هيام

و عيطت تاني..

_________________________________

ادهم:-وداااااد؟في ايه عندك

ادهم شال فات بقلق و حطها ع السرير و اتصل بالدكتور بسرعه و راح اوضه وداد

لقاها اعده ع السرير و شغاله عياط

ادهم:-مالك في ايه؟

وداد:-مش عرفه بتصل ببنك يجهزلي مبلغ عشان حاجه لقيته بيقولي ان حسابي فاااضي!و كل شيئ اتحول للاحمد!!!!!!!

ادهم:-اييييييييييييه؟!طب...طب قومي خليكي جمب فاتن عقبال ما الدكتور يجي و انا هكلم احمد باشا اما نشوف

وداد جريت ع فاتن تشوف في ايه

وداد:-ادهم انت بتهزر؟دكتور رايه دي بتنزف لازم نوديها المستشفي

ادهم بحيره:-فعلا؟

وداد:-بسرعه لسه هتفكر ابنك هيموت

ادهم شالها تاني و حطها في العربيه كل ده و فاتن فاقده الوعي و راحو المستشفي...

الدكتوره:-البقاء لله الحمل سقط لانو في الشهور الاولي و متحملش

افتكر لحظه ما الدكتور قاله ان ابنه من روح مات و هو متأثرش وراح يعيرها بكده و حس ان ربنا بيردهاله عنيه دمعت و وداد استغربت من ادهم

ادهم:-ماشي سكرا لحضرتك و هيه صحتها عامله ايه؟

الدكتوره:-كويسه بس هتبات في المستشفي عشان نراقب حاله الرحم في استقرار و الله و الوقعه مكنتش سهله بردو

ادهم:-شكرا

الدكتوره:-تقدر تشوفها

ادهم دخل شافها ع مضض

ادهم:-انا رايح لجوزك و ربنا يستر

وداد بقلق:-يعني ايه

ادهم:-مش عارف خليكي جمبها

_______________________________

دولت و احمد لطفي رجعو البيت

دولت:-ادهم؟!فاااتن؟وداد؟

احمد:-الظاهر مفيش حد

دولت:-اه ممكن تكون وداد خرجت مع فاتن يروحو للدكتوره 

احمد:-ليه خير

دلوت:-اصل فاتن حامل

احمد:-كويس ان شاء الله ادهم يرتبط بيها بعد الطفل

دولت:-ان شاء الله انا بتصل بأدهم اهو

احمد:-طيب..

*ادهم في عربيته و في دماغه كذا فكره وحشه خاف ليكون احمد نصب علي وداد و ده معناه نص الثروه كلها تقريبا و معناها خساره كبيره و فادحه

بس اقنع نفسه ان احمد يبقي ابن خالته و يستحيل ينصب علي خالتو..

موبيله رن لقي اسم دولت

ادهم:-الو

دولت:-انتوا فين

ادهم:-فاتن وقعت من فوق السلم يا ماما و وداد معاها في المستشفي و انا رايح الشركه

دولت:-يالهوي و الحمل؟

ادهم:-سقط!

دولت:-مبسوط طبعا؟

ادهم:-ماما انا بكرها بس مبكرهش ابني 

دولت:-حرام عليك يا اخي حتي و هيه تعبانه متبقاش جمبها

ادهم:-في الحقيقه انا مكنتش هسيبها بس طالع ع شركه وداد اأقابل احمد

دولت بقلق:-و اشمعني دلوقتي بالذات حصل حاجه؟

ادهم:-حول كل شيئ باسمه رسمي

دولت بصت علي احمد لطفي و تمالكت اعصابها

دولت بهمس:-استر يا رب...

ادهم:-ماما انا وصلت شركه وداد سلام دلوقتي

دولت:-ادهم؟

ادهم:-ها؟

دولت:-متتعصبش عليه و افهم براحه انت عارف ايه ايل هيحصل لو الي في بالك و بالي حصل

ادهم:-خير يا مااما ده ابن اختك يا ماما

دولت:-ماشي سلام

ادهم:-سلام

قفلت دولت التليفون و حست انها قلقانه مجرد التفكير فان نص الثروه بالظبط تضيع معناها ضياعهم شخصيا

احمد لطفي:-ايه؟مين ده الي ادهم ميتعصبش عليه

دولت:-مشكله مش هتهمك

و قالت بسرعه قبل ما يسأل:-فاتن ربنا يكون في عونها

احمد:-ليه خير؟

دولت:-وقعت من فوق السلم و انت تقدر تستنتج الباقي

احمد:-اراهنك ان ادهم هو الي وقعها

دولت:-لاحظ ان ده ابنه و يستحيل يعمل كده

احمد:-ماشي

و سكتو و لسه دولت بتفكر..

يا تري هيحصل ايه؟

_______________________________

ادهم دخل اوضه مكتب احمد متعصب و...

لقي معاه امنيه الي بعدت بسرعه عن احمد باحراج مصطنع من ادهم

احمد بيقفل الجاكت:-حد يدخل كده علي حد؟

ادهم اندهش و مقدرش يلم افكاره فضل باصص للموقف و هو مش مستوعب ازاي يكون متجوز وداد من شهر واحد و بيخونها دلوقتي

امنيه:-عن اذنكوا

بصت لادهم بصه معينه و ابتسمتله من غير ما احمد ياخد باله و هيه خرجه خبطت فيه و كانت هتقع بس مسكت كتفه

امنيه:-سوري

ادهم بعد عنها و هي كملت طريقها و بعتت بوسه لاحمد و قفلت وراها الباب

ادهم:-انسان صفيق و ندل و...

احمد ببرود مقاطع:-و زباله و حقير و صنف الشتايم القديم ده..زانا مش بخون اختك

ادهم:-و الله امال بتسمي الي كان دلوقتي ايه

احمد:-انا طلقتها

ادهم المره دي اترسم ع وشه الذهول

ادهم:-ل...ليه؟!

احمد:-كده

قام من ورا مكتبه و قدم من ادهم و بيكمل:-و الله كنت هبيع الشركات بس قررت ده يبقي شغلي

ادهم:-شغلك ده في المشمش كل حاجه هترجع باسم وداد انت فاهم

احمد:-هههه ايه يا ادهم هو خدوهم بالصوت ليغلبوكو؟؟يعني ايه الي هيجبرني خلاص كده يا حلو كل شيئ بتاعي

ادهم:-هو ده خطأها انها وثقت في واحد واطي زيك؟

احمد:-لالا عيب كده يا ادهم انا ممكن انده الامن

ادهم مسكه من ياقته:-هترجع الحاجه و لا لا

بعد عن ادهم و عدل جاكته و قال بابتسامه:-لا....

ادهم فجأه ببوكس في وشه خلاه يرجع لورا

ادهم:-ماشي يا احمد ماااااشي بس افتكر انك وقفت قدام ادهم احمد لطفي!افتكر!

ادهم ادير يمشي و هو متعصب

احمد:-سلملي ع عروستي هههههههههههههه

جاله الرد ان ادهم بيرزع الباب

__________________________________

ادهم ثرب من عربيته الي في الجراش و راسه مشغوله بألف فكره و مش عارف يعمل ايه

.....:-توصلني؟!

ادير لمصدر الصوت لقي امنيه الي كانت مع احمد وقفه قدامه كان هيصرخ فيها و يضربها و بعدين حاجه جواه قالتله يصبر

ادهم:-مين؟!

امنيه:-اسمي امنيه و انت ادهم....بس كده....توصلني؟!

ادهم:-اتفضلي!

امنيه ركبت العربيه بثقه

ادهم:-ع فين

امنيه:-اي كافيه

ادهم فهم انها عوزاه يتكلم معاها في حاجه مهمه فطلع ع اول كافيه لقاه

ادهم:-ها قولي

امنيه:-بص بقه احمد عملي توكيل بالشركات ال3 و ممكن يبقوا بين اديك و تقهر احمد

ادهم بسخريه:-و هتعملي كده تطوع لله؟!

شعرها كان كيرلي فمسكت خصله منه و قالت بدلع:-

-كل شيئ بمقابل

ادهم:-ايه المقابل؟!

قلعت خاتم في اديها و حطته قدامه

ادهم بعدم فهم:-يعني ايه

امنيه:-تتجوزني....و عشان اضمن انك مش هطلقني تكتبلي مؤخر 12 مليون 

ادهم بسخريه:-للدرجه دي عجبتك؟!

امنيه بأسلوب شرس:-لا يا حبيبي...ده كان غرضي من الاول و الخطه مشيه صح انا ممكن اخلي الشركات باسمي و اخدها من قصيرها بس انا عوزه ابقي مرات حد مهم

ادهم قام وقف:-معطلكيش

قالت من غير ما تدير و هيه مدياله ظهرها:-

-هتلاقي نمرتي في جيب الجاكت بتاعك و انا بقع حطيت الكارت بتاعي فيه لو غيرت رأيك اتصل

و قامت وقفت و علقت شنطتها و ابتسمتله:-اولفوار

و مشيت ادهم حط ايده في جيبه بدهشه لقي الكارت بتاعها:-

-كمان نشاله!

__________________________________

ادهم دخل البيت بتوتر ملحوظ للكل

دولت :-ها عملت ايه

ادهم:-فين بابا؟

دلوت:-في مكتبه

ادهم بعصبيه:-كتب كل حاجه باسمه و....و طلقها

دولت بخضه:-طلق مين

ادهم بضيق:-وداد

دولت:-يانهار اسود و هسه عرفت

ادهم:-لا بس يا ماما دلوقتي احنا في مشكله اكبر من دي بكتير بكتير اوووي اننا خسرنا نص الثروه بالظبط....بالظبط؟!

دولت اترمت ع اقرب كرسي:-و بعدين؟

ادهم:-هنخبي ع بابا فتره لغايه ما اشوف حل

دولت:-م...ماشي

__________________________________

روح صحيت الصبح متعرفش نامت امتي و ازاي بس حسه بصداع رهيب

روح:-هيام؟هيااااام؟

بصت في الساعه لقيتها اربعه العصر يعني ابو هيام دخل العمليات من 3 ساعات و فهمت ان هيام راحتله فلبست فستانها الاسود المشهور و سابت شعرها عادي و نزلت

راحت المستشفي لقت هيام اعده تعيط و عماد بيطبطب عليها و شكله زعلان

روح:-في ايه خير؟

عماد:-هما في العمليات بس حالته مش مستقره و الدكتره مش متبشره خير

روح اعدت جمب هيام:-هيام يا حببتي متقلقيش ان شاء الله يقوملنا بالسلامه

هيام:-يا رب يا روح

روح:-طب انتي بتعيطي ليه؟بتفولي يعني

هيام:-خلاص اهو

و مسحت عيونها

عماد:-فينك يا روح من زماااااان انا بقالي ساعه بحاول اخليها تبطل

خرج الدكتور من اوضه العمليات

روح:-خير يا دكتور؟

قام عماد وقف و هيام مستنين كلمه من الدكتور...

____________________________________

وداد دخلت مع فاتن من باب القصر كان شكل فاتن مرهق جدا و تعبانه الا انها اول ما شافت ادهم قدمها رمت تعبها ع جمب و بصتله بشرار و قربت منه

ادهمك-حمد لله ع سلامتك

و رفعت اديها و ضربته بالألم الا ان قبل ما اديها توصل كان مسك اديها بقوه

ادهم:-انتي اتجنننتي؟!

فاتن:-قتلت ابني قتلته!

ادهم:-لا حول و لا قوه الا بالله و هو مش ابني؟

فاتن:-بس انت واحد خقير

دولت:-فاتن انا اعصابي متوتره بس بقه

فاتن:-و الله هو الي زقني من فوق السلم

وداد:-عيب بقه يا فاتن كده ده ابنه برده 

فاتن بصريخ:-لااااا و الله هو الي زقني

اجمد لطفي:-فاتن اعتقد انكو انفصلتوا مبقاش ليكي مكان هنا ارجعي بيتك يا بنتي

فاتن:-يعني خلاص كلو مصدقه ما انتو عرفين انو بيكرهني انا و ابني و هو الي قلتله يا ناااااس و الله هو الي قتله

ادهم:-فاتن و الله انا وقعتك غصب عني

دولت:-يعني انتي الي زقتها؟

ادهم بغضب:-غصب عني غصب عني انا ربنا بيعقبني ع الي عملته في روح فهمتو؟!

و طلع اوضته بعصبيه

_________________________________

وداد بليل دخلت اوضه مكتب ادهم تتكلم معاه بس لقيته في الحمام بيستحمه فقررت تستناه في اوضه المكتب

لقت ورقه قدام الكرسي بتاعه و عليها الدباسه عشان متطرش منالهوا فمسكتها و هي بتبص فيها عادي

و بصت للورقه بقهر دخل ادهم ع الباب

ادهم:-دو....اده؟

وداد وقفت ببطء و الدموع ملت عينيها:-ده الي انا اسأله...اده؟عشان كده احمد مش بيرد عليا عشان كده مردعش البيت امبارح و انت قلتلي انو هيبات في الشركه؟ازاي تعرف و متقليش و هو طلقني ليه؟ليييييييييه يا ادهم؟

ادهم:-اهدي يا وداد

وداد:-اهدي؟....

و اعدت تعيط جامد:-اهدي ازاي؟؟انا مش فهمه حاجه ازاي الورقه دي معاكم و امتي رسالها و مين استلامها

ادهم:-مااما

وداد بزعيق و عياط:-مااما؟!كمااااااااااااااااان يا ادهم مااما عرفه

ادهم:-وطي صوتك يا وداد و اسمعي الموضوع كبير احمد نصب علينا و خد كل حاجه

وداد بصريخ:-انت كداااااااااااااااااااااااب كدتاااااااااااااب

 و يصت للورقه تاني:-ياريتك كدااااااااااااب!

احمد لطفي دخل الاوضه و وراه دولت الي اول ما شافت الورقه في ايد وداد و فهمت ان وداد شافت الورقه

احمد لطفي:-في ايه؟!

وداد بترميله الورقه:-طلقني و نصب عليااااااااااااا!!و انتوا عرفين و سكتوا لييييييه؟!

احمد مسك الورقه:-ايه؟!

ادهم حط ايده ع راسه و حس ان الي حصل لاخته ربنا بينتقم منه عشان فاتن و الي حصل لابنه انتقاما للي عمله في روح...

يا تري ايه الي هيحصل؟!

الحلقه 24 و 25:-

__________

المتمرده ج2:-

___________

روح:-خير يا دكتور؟

الدكتور:-خير العمليه نجحت الحمد لله هيعد 3 ايام في المستشفي و بعدين يعد فتره نقاهه شهر في البيت تحت رعايه

هيام:-الحمد لله يا رب الحمد لله

روح:-ربنا يبشرك بالخير يا دكتور الف شكر

عماد:-الحمد لله حمد لله ع سلامته يا حببتي

هيام حضنت روح و بردوا بتعيط

روح:-يا بت انتي هبله؟بتعيطي ليه

هيام:-فرحانه الحمد لله يارب

عماد:-مع انك المفروض تحضنيني انا بس ماشي مهي ست روح خدتك منا

هيام اديرتله و حضنته:-لا يا حبيبي انا اقدر؟!

روح:-هههههههههه من لقي احبابه نسي اصحابه

هيام:-يوووووه حيرتوني

روح و عماد:-ههههههههه

روح كانت مبسوطه و تقريبا نسيت الي حصل امبارح و سعيده جدا ان ابو هيام هيكون معاها في البيت زي ابوها 

هيام:-بس مين هيرعاه خليه يطلع يعيش معانا فوق

عماد:-اه فكره

روح:-و انا وقعت من قعر الاوفه؟!

هيام:-هههههه مش حبه اتقل عليكي

بصتلها روح بعتاب:-اخس عليكي ده انا لوحدي

عماد:-خلينا ندخل نشوفه بقه

هيام:-اوك

___________________________________

احمد ماسك دراع امنيه:-متستهبليش في ناس شفوكي معاه

امنيه بدلع:-اييي دراعي يا احمد و الله هو الي قلي عوزك في حاجه

احمد:-و قلك ايه؟

امنيه:-طلب مني نتصاحب

احمد:-انتي كدابه مش ادهم الي يطلب كده

امنيه ارتبكت لان واضح ان احمد حفظه

امنيه:-طب سيب دراعي

احمد:-لا و انطقي

امنيه:-هففففف عرض عليا يتجوزني و اديلو الشركات

احمد تبت اكتر ع درعاها:-و مقلتليش ليه طبعا وفقتي

امنيه زقته و اتحول دلعها لشراسه:-و بعدين بقه؟اقلك حاجه انا الي عرضت عليه يا احمد

احمد:-اييييه؟!

امنيه:-ايوه انا الي عرضت عليه لاني بكرهك

احمد بدهشه:-امنيه؟!...انتي...

امنيه:-انا ايه؟انا كنت بتقم منك يا حبيبي فوق

احمد:-تنتقمي؟

امنيه:-ايوه بنتقم لريم!

احمد:-تااني؟بنتك ماتت يا امنيه و انتي حضرتي العزا

امنيه:-لا ممتتش عادي انت الي كلمت العربيه دي عشان تدوسها انا سمعتك بتهنيهم و يومها اقسمت اني اوصلك للقمه و ارميك بأقوي قوه عندي

احمد:-امنيه بطلي جنان و انا غلطان اصلا و هلغي التوكيل

امنيه:-لازم يكون بموافقتي يا حبيبي

احمد مسكها من درعها بقسوه:-امنيه اتقي شري

امنيه:-لا يا احمد انا مش عوزه فلوس و لا شركات و هرجع الشركات لادهم

احمد مسكها من شعرها:-انتي مجنونه مجنونه يعني ايه الاستفاده مكنتش ختهم من الاول

امنيه:-ما الحاجه هترجعلوا هتعرف هيعمل فيك ايه هيدمرك و انت خسرت وداد و خسرتني

احمد لما لقي نفسه كان مجرد قطعه في لعبه في ايد امنيه بتحركوا ع حسب الخطه الي هيه عملاها اتغاظ جدا بس هدي نفسه عشان يعرف يتفاهم

ساب شعرها براحه:-يا امنيه مش انا الي قتلت ريم دي كانت بنتي برده هقتلها ليه و بعدين دي طفله عندها سنتين و نص يستحيل كنت اقتلها

امنيه:-لا انا سمعتك انت خوفت من ان البنت دي مني و احنا مش متجوزين و قتلتها و انا سمعتك 

احمد:-امنيه و الله مش عاوز اذيكي تعالي زي الشطره نلغي التوكيل و هديكي فلوي و عيشي

امنيه:-لا يا احمد مش هطلع خسرانه كل حاجه بنتي و كمان مش هتجوز طول عمري يبقي لازم ندفع التمن معايا و ادهم لما ترجعله الشركات هتشوف انت هيحصلك ايه

وصلت عند الباب

احمد:-امنيه هتخسري مش انا بس الي هخسر من الي ادهم هيعمله انتي هتتعكي

اديرت ليه و قالت بصوت قوي:-عليا و ع اعدائي

و قفلت الباب وراها و بعد ما مشيت كان في اوضه احمد اتنين احمد اولهم و الخوف ثانيهم!!!

اترمي احمد ع الكرسي:-كل ده كنتي عرفاه!

__________________________________

احمد لطفي مسك الورقه و برق عنيه بعدم تصديق

احمد:-مش معقول مش معقول لا لا لا لا كل الي بنيته زمان و الي اجدادي ضيعوه عمرهم فيه يجي ياخد اهم 3 شركات لااااااااااا

ادهم:-بابا اهدي كل شيئ هيتحل و...

وداد:-مش هيتحل و انااااااااااا كمان ايه؟ايه؟دلوقتي ايه موقفي؟

ادهم:-بس اصبروا و اسمعوني...

المره دي قطع ادهم صوت شيئ بيقع

دولت:-آاااااااه احمد احمد!

ادهم و وداد:-بابا؟!

احمد كان وقع ع الارض بيتنفس بصعوبه

ادهم بدموع:-بابا اهدي و الله انا بدأت احل الامر

و قطع النفس

ادهم:-ماما اتصلي بالدكتور

دولت:-لا لا قوم معايا نروح المستشفي

سندوه مع بعض للعمليه و ادهم مش متمالك اعصابه تماما اما وداد كانت منهاره و مرحتش مع ادهم و دلوت

و راحو لاقرب مستشفي و نقلوه ع العنايه المركزه بسرعه و ادهم و دلوت وقفوا برا

الدكتور:-مفيش امل مقدمناش غير الصدمات الكهربيه.

و ادير للمرضه:-مني بسرعه حضري جهاز الصدمات الكهربيه بسرعه يلا

ادهم:-هو حصله ايه؟

الدكتور:-صدمه عصبيه جمده مع سكته قلبيه مفجأه

ادهم:-طب..زو...و بعدين؟

الدكتور:-املنا الصدمات العصبيه

الدكتور قال جملته الاخيره و مستناش رد ادهم و دخل بسرعه مع الممرضه و قفل الباب وراه

دولت:-بارب استر يارب

ادهم بدموع:-يارب و النبي خير يا رب

__________________________________

هيام كانت اعده ع طرف السرير جمب ابوها و روح من الطرف التاني اما عماد كان واقف

روح:-خضتنا عليك يا بابا

هيام بتقلد الدكتور و بتقول بصوت طخين:-ربنا يستر مش متبشرين خير املنا في ربنا

روح:-ههههههه

عماد:-ههههههههه يخرب عقلك بس بقه ليسمعك

ابو هيام بصوت ضعيف:-يا بنتي حرام عليكي الراجل عمل المستحيل

هيام:-انت يا راجل انت اياك تعملها تاني و تخبي عليا

روح:-ان شاء الله ميكنش في حاجه تاني اصلا

هيام:-ان شاء الله....لا و اسأله و اقله بابا هو ليه عماد مدلوق عليا كده و هيموت و يتجوزني بسرعه يقلي اصله كويس ههههههههههه

عماد:-مدلوق عليكي؟؟هههههههههه لا يختي ارجعي بيتك

هيام اديرتله و رفعت حاجبها:-متأكد؟

عماد:-لا لا خلاص

هيام:-ههههههههههههه شفت يا بابا بنتك مسيطره

عماد:-هههههههههه اه مسيطره اوي بأماره اول امبارح

روح:-ايه ايل حصل اول امبارح يا هيام؟

ابو هيام بابتسامه:-ايوه ايه الي حصل؟

هيام:-لا لا و الله محصلش حاجه ههههههههههه صح يا عماد

عماد:-اه اه خالص نزلت فيها ضرب بالمخدات لغايه ما اعدت تقلي خلاص و النبي و باست راسي عشان اسكت

الكل:-ههههههههههههه

ابو هيام:-ربنا يدخل الفرحه قلبكوا كلها

الكل:-امين

اتنهدت روح و عادت:-امييييييييييييييين!

_________________________________

الدكتور خرج و من قبل ما ينطق هزه راسه مع غمضه عنيه بأسف فهمت دلوت الي حصل و اترمت ع الكرسي بتبكي و ادهم اعد و حط اديه ع راسه و اعد يعيط

ادهم:-و رحمه ملك ما هسيبك يا احمد و رحمه ملك!

و وطي صوته و همس:-و حياه روح ما هسيبك!

___________________________________

**بعد مرور اسبوعين:-

_______________

دولت كانت اعده في البيت و اعده تعيط و ادهم اعد بصمت بيفكر في حالهم و الحزن الي خيم ع البيت اكتر و اكتر من الاول و حس انو نفسه اوي يحضن روح و يعيط و وداد كانت اعده في حاله صدمه مش بتعيط و لا بتتكلم

الجرس رن و الخدامه فتحت الباب

الخدامه:-ادهم باشا في وحده عوزاك

ادهم ببرود:-مين؟

الخدامه:-بتقول اسمها امنيه

ادهم وقف بعصبيه و محدش من الي اعدين اهتم بالاسم و لا سأل

ادهم:-دخليها اوضه مكتبي الي تحت مش الي في اوضتي

الخدامه:-حاضر

ادهم مسح عيونه و راح ورا امنيه 

شعرها الكرلي كان مستفز و لبسها الملون كان مستفز برده بالنسبه له لانه في عزا

ادهم اعد قدامها:-نعم؟عيزه ايه مش خيفه مني؟

حطت قدامه دوسيه و قالت بحزن مش لايق مع مظهرها:-اسفه اني جيت بس انا مش خيفه و مبقتش اخاف اصلا....معنديش حاجه اخسرها يا استاذ ادهم.....محولتي في الجواز منك كنت عرفه انها فشله و انا مش عوزه الشركات و لا الفلوس عندي طلب واحد بس

شورت ع الدوسيه:-الدوسيه ده في ورق الشركات بتاعتك كلها بين اديك و سواء عملت طلبي او لا خدهم

ادهم مصدقش و فتح الورق و اتأكد بنفسه

ادهم:-طلبك ايه؟

امنيه:-مش عوزاك تسيبه في حاله نفسي اخد بطاري منه بس انا اضعف من كده عشان كده انا الي زقيته للخطه دي عشان ارجعلك الشركات في الاخر و ايما تتجوزيني و ابقي كسبت و اما تنتقم منه و تبهدله حياته و تقلبهاله جحيم و انا اتمني تعمل رقم اتنين عشان انا ضعيفه و مش قدره انتقم بس اعتقد ان انا كده انتقمت لو انت عملت الي انا بقول عليه

ادهم:-من غير ما تقولي انا يستحيل اسيب حق اختي و...و والدي اتوفي بسببه يمكن لو جيتي من اسبعوين و يوم مكنش مات...بس ده قدره

امنيه:-البقاء لله

ادهم:-شكرا...و انتي عوزه تنتقمي ليه

امنيه بابتسامه حزينه:-عمل كتير

ادهم:-بس لما شفتك معاه...

امنيه:-كلها كانت خطه

ادهم كان عنده فضول يعرف بس متجرأش يسأل الا انها بدأت تحكي بحزن مره واحده:-

-كنت بنت عاديه زي اي بنت ضحك عليا زي ما انت عارف و معرفتش ارجع لاهلي و هربت و عشت معاه و جبت بنت صغيره عاشت سنتين و نص و بعدين هو لما انا اعدت اهدده اني اقول لامه و ابوه و ارميله البنت و ابهدله في المحاكم قام...قام قتلها...سمعته من تسع اشهر بيتفق مع الي قتلوها ع الفلوس بانت في المحضر انها حادثه لكني عرفت و سعتها حلفت لانتقم مثلت دوري بانتقام...و اهو....اسفه لو انتقامي جه ع حساب اختك و ووالدك لكن...بنتي...و...

كانت هتعيط بس مسكت نفسها

ادهم لقي نفسه اتأثر:-متخفيش انا عمري ما هسيبه

قامت وقفت:-انا عملت الي عليا  الشركات بين اديك عن اذنك..

ادهم:-مع السلامه

امنيه:-سلام

__________________________________

روح:-يا بابا المعلقه دي و خلاص

ابو هيام:-شبعت شبعت يا بنتي

روح:-عشان خطري بقه كل دي كمان

ابو هيام:-يووووه يا روح و الله مش قادر

روح بعدت الطبق:-خلاص يا بابا بس انت مش شاطر علفكره ههههه

ابو هيام مسك ايدها قبل ما تقوم:-بردوا يا بنتي مش هتتجوزي او تتخطبي لغايه ما العده تخلص؟!

روح بضيق:-لو سمحت يا بابا مش عوزه كلام في الموضوع ده انا هغسل الاطباق عن اذنك

و قامت بسرعه

ابو هيام:-ربنا يهديكي يا بنتي

_______________________________

ادهم راح اعد جمب دولت

ادهم:-ماما الشركات اهه و متسأليش انا جبت الدوسيه ازاي انا اتصرفت و مش هسيبه في حاله ....اهه االشركات

دوت خد الدوسيه و طوحته باديها

دولت:-مش عوزه حاجه يا ادهم انا عوزه احمد لطفي الي عشره 33 سنه..مش عوزاه الغني الاليط و لا عوازه بفلوسه عوزاه لوحده

و عنيها دمعت

ادهم:-صدقتي يا مااما؟شفتي؟شفتي ان الي بيقول امي زي الي بيقول ماما و ان دولت هانم هيه هيه دولت و ان الكل بيموت و بنستوي عند الي خلقنا و الي بيكلو فول زي الي بيكلو فراخ و ان الي شغلين عندنا بالظبط زينا صدقتي؟!صدقتي ان مفيش فرق بين فقير و غني و الكل ناس و بشر

دولت بتهز راسها يعني اه و بتعيط قام ادهم حضنها و لاول مره ادهم يشفها امه مش دولت هانم...

و عيونه دمعت و قرر قرار اخير...

الحلقه و الاخيره26:-

__________

المتمرده ج2:-

_انت ايه مش كفايه عليك تجرحني حرام عليك انت ايه

انت ايه دموعي حبيبي تهون عليك

طب وليه انا راضيه انك تجرحني وروحي فيك

طب وليه يعني ايه راضيه بعذابي بين ايديك

لو كان ده حب ياويلي منه

لوكان ده ذنبي ماتوب عنه

لو كان نصيبي اعيش ف جراح حاعيش في جراح

مش حراااااااااااام

مش حرام انك تخدعني ف حبي ليك مش حرام

مش حرام الغرام وسنين حياتي وعشقي ليك

ضاع قوام ولا كان لعبه ف حياتك بتداويك

ضاع قوام الحنان وحضن قلبي واملي فيك

لو كان ده حب ياويلي منه

لوكان ده زمب ما توب عنه

لو كان نصيبي اعيش ف جراح حاعيش في جراح

____________________________________

روح لقت حد بيقفل الراديو الي جمبها بتبص لقيته ابو هايم

روح بعتاب:-يعني ينفع كده؟

ابو هيام:-معلش عشان تركزي في مذاكرتك

روح:-لا انا مش ع كده انا بقول كده انك قمت من سريرك

ابو هيام:-يا بنتي مهو انا لوحدي انت بتذكري و سيباني و انا اعد لوحدي و هيام بتنزل سعتين بليل و مشغوله مع عماد و انا مش عاوز اضيقهم

روح:-مهو عماد هينزل شغله بعد بكره و هيام هتعد معانا طول اليوم و اهو يا سيدي

روح قفلت الكتاب و قامت

روح:-هعد معاك نتكلم

ابو هيام:-لا لا كملي مذكرتك انا نازل اعد ع القهوه

روح:-ده في المشمش انت لسه تعبان يا بابا

ابو هيام:-معلش اوعدك مش هتأخر

روح رفعت صبعها محذره:-بابا..اوعي تاخد نفس كده او كده و لا تشرب شيشه

ابو هيام:-هههههه لا خلاص كان زمان و جبر يا بنتي لازم اتقي ربنا

روح:-ماشي يا سيدي متتأخرش

ابو هيام:-عوزه حاجه

روح:-سلمتك يا بابا

روح كانت قدمت في الجامعه من جديد بالفلوس الي هيه شيلاها و بدأت في كليه حقوق عشان يكون معاها شهاده و كمان شيئ يشغلها

**اول ما ابو هيام نزل روح جريت ع دولابها و طلعت الدبله الي ادهم كان مديهالها و بصتلها و دمعت عيونها

روح بتتنهد:-كل يوم هسأل نفس السؤال يا ادهم.....حبيتني...و لا حبيت فيا ملك؟!

____________________________________

ادهم وصل شركه وداد و طلع السلالم بعصبيه الدنيا و قبل ما يفتح الباب و يخش المكتب...:-

احمد بزعيق:-و ايه هيمنعني امشي؟

امنيه:-انا يا احمد انا الي همنعك

احمد:-اوعي من طريقي احسلك يا امنيه 

امنيه:-لا لغايه ما ادهم يجي و الله ما هخليك تهرب و رحمه ريم

سمع صوت ضرب و أكن احمد بيضربها و فتح الباب

احمد الرعب اترسم ع وشه

ادهم:-ع فين ما بدري

احمد:-بقلك ايه انا هعمل اي شيئ عشان امشي انا طيرتي بعد شويه و لو مبعدتش هتندم

ادهم:-هتعمل ايه يعني

احمد:-كده!

و مسك كوبايه ازاز كانت علي المكتب و في لحظه كان ضرب ادهم ع دماغه و طالع يجري

بس ادهم موقعش داخ شويه و حس بالدم نازل ع وشه و لسه هيدير و يجري وراه سمع صوت ضرب نار..

احمد مسك قلبه:آ...آ...اه...

و وقع ع الارض و الدم في كل مكان

ادهم بزعيق:-انتي مجنونه انتي عملتي ايه انتي ضيعتي كل حاجه 

امنيه بانهيار:-الحمد لله يارب لحمد لله

ادهم بدهشه:-الحمد لله؟انتي هتدخلي السجن

جه الامن و لما شافو احمد و امنيه في ايدها المسدس بصوا لادهم باستفهام

ادهم:-اتصلو بالبوليس و الاسعاف بسرعه يلا

بص ادهم ع امنيه و لسه هيكمل توبيخ لقاها مسكه صوره و اعده ع الارض بتعيط:-

-حببتي يا ريمو بابا جي يونسك مش هتبقي لوحدك يا عيوني

و اعدت تعيط تاني فعلا منظرها صعب ع ادهم بس هيعمل ايه مكنش ينفع يهربها

شويه و جم البوليس و خدوا امنيه و لقوا ان احمد مات و بعد تحقيقات ملهاش اول من اخر مع ادهم اخيرا روح بيته..

لقي فاتن و دولت و وداد اعدين

ادهم:-احمد مات....امنيه قتلته لو يهمكو تعرفوا ازاي

دولت:-خد مصيره

فاتن:-....

وداد:-مش زعلانه غار في داهيه

ادهم بصلها بمعني متأكده؟

وداد:-كل شيئ انتهي بالنسبه ليه انا بكرهه لانه كداب كبير

ادهم:-خلاص يا وداد الله يرحمه

دولت بقسوه:-الله يلعنه...ده بسببه مات ابوك

ادهم:-استغفر الله العظيم عن اذنكوا انا طالع اوضتي

البيت كان كئيب اكتر من الاول و ادهم حاسس ان عدي قرون ع فراقه من روح مستني لحظه امل عشان يرجعو

نفسو يروح يتكلم معاها و يحضنها و يعيط

بس خايف ليتجرح زي المره الي فاتت

رجع يقول لنفسه:-بس انا استاهل....شافت كتير

...:-سرحان في ايه؟

بص وراه لقي فاتن ع باب الاوضه كان عايز يقولها ايه الي جابك و دخلتي ازاي و عيزه ايه و بأي حق تدخلي بس قبل ما يتكلم كانت هيه قرأت افكاره من عنيه

فاتن:-خبطت بس واضح انك كنت خسران جيت عشان افهمك حجات كتير

ادهم بصلها بتساؤل و متكلمش

فاتن:-انا مسفره باريس...جالي عرض كويس و هسافر و هرجع كمان سنه بس عوزه اقول كلام كتير بدل دي اخر مره هشوفك

سكتت شويه استنت اي تعليق منه بس متكلمش

فاتن:-انا عرفه ايه الي شاغل تفكيرك و بتفكر فيه ديما مش موت عمي و لا حاله وداد و لا ابنك الي راح...لا....هيه الي شغله بالك و عوزه اقول كلام كتير عنها بس...

اتنهدت و كملت:-بس هسكت...لاني فعلا بحبك لكن مش هسكت ع حجات تاني يا ادهم...مش هسكت انك قتلت ابنك بايدك و بتنكر ول ا عمري هسمحك و لا هو هيسمحك

ادهم:-فاتن اقسملك اني كنت بزقك من طريقي و نسيت اني وراكي السلم

فاتن بصت للارض و مسحت دمعه متسلله

ادهم:-انا تعبان لو سمحتي...

فاتن:-لا....ادهم عوزه اعرف ابنك مات ازاي؟

ادهم:-ابني؟

فاتن:-ايوه ابنك التاني

ادهم بيتهرب من السؤال:-مش فاهم قصدك

فاتن بعصبيه:-ابنك من بنت الخدم روح هانم!

ادهم قرب منها بسرعه خرافيه و ضربها بعنف لدرجه ان الالم كان جامد و وقعت ع الارض

ادهم:-اخرسي!

بصتله بدهشه ع رد فعله

ادهم:-مش هسمح لجنس مخلوق تاني ابدا انو يجيب سيرتها ع لسانه بنت الخدم الي انتي قلتي عليها دي قدرت انها تسعدني و تبسطني قدرت تمسح كآبتي قدرت تقربني من ربي الي نسيته و تسألني ع كل وقت صليته ولا لا لما نكون مشين و يجي حد يشحت كنت ازعقله كانت بتزعل قدرت تكسر منخيري و تخليني بني أدم مش حيوان الغاب المتكبر!

فضلت سكته و مقمتش من ع الارض و بصاله بحقد

ادهم بيكمل:-بس فضلت من جوا فيا حجات متغيرتش انا قبلت ده بايه؟ها؟بأيه؟غير اني كنت بهينها و فضلت الفلوس عنها مرتين و بردو في الاخر ضحت بابنها عشان ولادي و انا بدل ما احضنها و اصبرها عيرتها و طلقتها و اتهمتها بالغش...مش هسمح ابدا لوحده زيك انها تقول عليها نص كلمه انتي متجيش وحده فيها يلا برا

شدها من درعها و وقفها:-برا توصلي بالسلامه باريس هتريحيني

فتح الباب لقي دولا في وشه توقع التوبيخ و الاهانه و الزعل و فاتن توقعت ان دولت هتخدها في حضنها و تبهدل ادهم

دولت بحده:-فاتن!...امشي بقه الدنيا ليلت مع السلامه

فاتن بصتلها بدهشه

دولت:-مع الف سلامه!

فاتن خرجت متعصبه و مضيقه مة الي حصل

*دولت بصت لادهم و ابتسمت:-صليت العشا؟

ادهم:-لا

دولت:-طب روح صلي

ادهم بفرح:-حاضر

شويه كده و سمع باب الفيلا بيرن و حد دخل قرر يغير هدوه و يستحمي و بعدين يشوف مين تحت...

**ممدوح:-ازيك يا وداد؟

وداد:-الحمد لله

ممدوح:-ايه بطلتي يعني تيجي تقريفينا بصوتك و مرحك

وداد بسخريه:-كان زمان

ممدوح بصلها و دقق فيها و لمح الدمعه الي في عينها بتحارب عشان تنزل

وداد:-احم هتبصلي كتير؟؟

ممدوح:-ها؟اسف فين ادهم

وداد:-في اوضته

ممدوح:-انا طالع عن اذنك يا طنط دولت

دولت بصتله باعجاب:-اتفضل

و بعدين همست:-يارب يكون من نصيبك يا وداد

ممدوح:-دوما؟يا ادهم يا حج

ادهم فتح باب الحمام

ادهم:-نورت البيت معلش كنت باخد دوش

ممدوح:-اولا البقيه في حياتك

ادهم:-حياتك البقيه

ممدوح:-صح انت رجعت روح

ادهم:-ليه السيره دي بس يا اخي انا مش ناقص و الله انا شويه و هعيط

ممدوح:-تعيط؟؟ادهم بنفسه يعيط؟

ادهم:-انا بشر...مجرد بشر...ده الي اتعلمته منها

ممدوح:-انت فعلا حبيتها

ادهم:-مكنتش لسه صدقت؟!..ايوه حبيتها ول سه بحبها يا ممدوح و بموت فيها ادتني كل حاجه و بنينا احلي دنيا 

سكت و عنيه دمعت:-و في يوم كل شيئ اتهد....كل شيئ

ممدوح:-طب...انا هقلك حاجه بس مش عوزك تخدها ع سبيل البجاحه 

ادهم:-قول

ممدوح:-انا عارف ان عمي الله يرحمه مبقولش 3 اسابيع بس..

ادهم:-ادخل في المفيد و النبي عاوز انام

ممدوح:-عاوز اتجوز اختك

و غمض عنيه

ادهم مع كل تعبه و حزنه و عصبيته من فاتن لقي نفسه بيبتسم:-و مالك خايف ليه؟

ممدوح فتح عين وحده لقي ادهم مبتسم قام فتح عنيه الاتنين

ممدوح:-انا في الاول عارضت اتجوزها بس دلوقتي انا شايف اني اولي بيها من اي حد انا ابن عمها و كمان هيه انسانه رقيقه و متستهلش الي حصل و عاوز احطها في عيوني

ادهم:-انا شخصيا موافق بس لما بابا يتم الاربعين هكلمها في الموضوع

ممدوح:-فعلا؟

ادهم:-فعلا

ممدوح:-تفتكر هتوافق

ادهم:-ملكش دعوه بقه يلا اتكل ع الله عاوز انام

ممدوح بفرحه:-ربنا يكرمك و يااااارب روح ترجعلك

ادهم بسرحان:-يارب!

_______________________________

عدي ع وفاه ابو ادهم 50 يوم كانو مش سهلين ابدا ع دولت لانها مع كل الي كانت فيه كانت بتحبه لانه عشره 33 سنه و كانو مش سهلين ع وداد لانها فكره اد ايه هيه حبت احمد و هو شافها فلوس بس الغريب انها مش لقيه دموع ع موته!

اما عن ادهم فهو اتغير تماما و اكتر زادت كآبته في كل يوم يعدي و روح مش بين ايديه قلب بيتشرخ اكتر

و كل يوم بليل روح بتحكي لصحبتها الي بتحبها اوي كل شيئ و تعيطلها....الدبله...كانت تطلها و تفتكر كل لحظه مرت عليها معاه و تبكي و طول النهار بتذاكر عشان تتشغل

هيام و عماد حياتهم كانت مشيه و هيام مبسوطه بكل ثانيه و خاصه بعد ما عرفت ان في بيبي في الطريق بس في جزء ديما متعكر في حيتها بسبب دموع روح الي بتقتل قلبها

____________________________________

ادهم نزل جاب حاجه من مول كبير و ركب عربيته و راح...

راح المنوفيه...

مطرح ما قلبه هرب هناك و كان عاوز يستني اكتر بس كان خايف يروح بعد ما العده تخلص لحسن تتخطب و تتجوز و تسيبه فقرر يروح دلوقتي قبل ما تخلص بخمس ايام...

**روح كانت اعده لوحدها لانه يوم اجازه عماد فخد هيام و راحو للدكتور و ابو هيام كان اعد ع القهوه و سايبها بتذاكر في اللحظه الي كانت روح اعده و منهمكه في المذاكره و الحفظ كان ادهم واقف علي الباب من برا و ماسك كيس كبير في حجات بص للكيس و همس:-

-اتمني انك تنفعني النهارده!

و خبط ع الباب و قلبه دقاته اعلي من دقات ايده ع الباب...

روح فتحت و هي مسكه الملزمه قلبه اختلج اول ما شافها و هيه الملزمه وقعت من اديها و عنيها دمعت من غير اراده ليها!

اديها اتجمدت مش عرفه تفتح الباب او تقفله و مش عرفه تنطق

ادهم:-ينفع نتكلم؟نتكلم بس دقيقتين و النبي يا روح قولللهم جوا اني عاوز اتكلم كلمتين و امشي اسمعيني و لو وفقتي ماشي و لو موفقتيش هاخد بعضي و امشي و مش هتشوفي وشي تاني قلتي ايه؟

روح وسعت فتحت الباب و دخلت شال الشنطه و دخل و قفل الباب و بص حوليه

ادهم:-مفيش حد؟

روح:-عايز ايه

ادهم:-عارف انك بتحبيني و مش هيهون عليكي امشي و انا...

روح مقاطعه:- دموعي خلاص نشفت و تقدر تمشي لانها مش فرقه معايا سواء موجود او لا

ادهم:-فعلا؟؟

روح:-فعلا

قلتها و هي بتعد ع الكنبه اعد جمبها ع الارض و هيه استغربت تصرفه اوي

روح:-لو سمحت...

ادهم:-المره دي انا الي هتكلم

سكتت و بصت الناحيه التانيه و سكت هو كمان شويه و عنيه دمعت و بدأ كلام:-

-انا بابا توفي...طلقت فاتن و ابني منها مات...و وداد حالتها وحشه لان احمد نصب عليها و خدعها...ربنا بينتقم مني...انا بقه....قلبي بيموت في كل لحظه بعده عنك و النبي يا روح تسمحيني كل ما اتخيل انك ممكن تتجوزي اه لو تعرفي الي بيحصلي اه لو تعرفي حالتي...روح انا تعبان قلبي وجعني اوي مش قادر...كل ما افتكر الي عملته اوعدك اني مش هضيقك ابدا تاني و النبي ارجعيلي انا بيكي بعيش انتي عملتي فيا ايه بحبك بغباء انا موجوع يا روح اوي موجوع

روح بصتله و عنيه اتملت دموع:-كان قلبك اسود اوي بس سكت لكن مش هسكت تاني ابدا لحد لأني خت كفايتي من العذاب

ادهم:-و الله عارف و انا برده خت كفايتي من العذاب و موجوع موجوع اوووووي يا روح

روح:-و انا يعني مكنتش موجوعه و كل يوم بعيط لوحدي؟

ادهم:-لا لا خلاص يا رورو مش هتعيطي تاني...اسف اوي روح نا تعبان اوي اوي مش قادر لو تعرفي وجعي هتغفري لو تعرفي تعبي هترجعي لو تعرفي شوقي هتحني لو تعرفي كميه دموعي هتعيطي ارجوكي متخلنيش امشي فاضي عوزك في ايدي

و فجاه انفجر عياط روح شافته كتير بيدمع لكن ينهار؟قلبها وجعها ع دموعه لامت نفسها لانها بدأت تحن لكن انهياره مقدرتنش تسمعه نزلت اعدت جمبه ع الارض 

روح:-خلاص متعيطش

بصلها و من بين دموعه بانت ابتسامه

ادهم:-سامحتني؟

روح:-سامحتك بس مش هرجع

حس بتوتر بيجتاح نفسيته ان ده يحصل و ميرجعش بيها طلع سجاره و ولعها

ادهم بتوتر و دموع:-انا مش....

سحبت السجاير من بقه و رمتها:-من امتي يا ادهم

ادهم:-من يوم ما سبتيني

روح:-لا...انا بابا مات بسببها 

ادهم مسك اديها:-بتحبيني؟

سحبت اجيها:-ادهم الكلام انتهي كفايه اني سامحتك

رجع ينهار تاني:-يبقي مش مصدقاني نش مصدقه اني بجد تعبان و فعلا ندمان لو مرجعتيش معايه اوعدك تسمعي خبر موتي في اقرب مجله

لقت نفسها بتعيط:-بعد الشر

ابتسم و هو بيعيط:-بحبك اوي

-و انا كمان!بس انتي جرحتني...حرجتني اوي و مسمعتنيش و ضربتني و اتوجعت

ادهم:-كنت حيوان سامحيني يا روح اسف اخر مره

روح زاد عيطها:-مسمحاك يا ادهم مسمحاك

فضلت تعيط شويه و هو بيبصلها و بيدمع و قال:-

-هنرجع عيله تاني انا و انتي و ساندي و فادي و انتي هتجيبي لؤي و سلمي صح؟

روح:-لا يا ادهم

زادت دموعه مع رفضها و فجأه بصتله:-

-مش لؤي و سلمي...هيكونوا احمد و رؤي

اعد يضحك و يدمع و حضنها و همس:-

-رددتك لعصمتي

زاد تعلقها برقبته و دموعها مع كلمته و بعد ما هديو و بعدت عنه حست ان ادهم رجع وشه يمشي الدم فيه و راحت كسره عيونه

ادهم:-يلا...قومي بسرعه مش هنروح اسكندريه..هنروح القصر و هيبقي بيتك

روح:-لا يا ادهم مش هروح هناك و في حد م موافق عليا

ادهم:-لا خلاص ماما اتعلمت و الله

روح:-مش هدخل القصر ده

ادهم:-خلاص و لا يهمك انا و انتي و ساندي و فادي نروح فيلا الزمالك هناك في وحده بقت باسمي و مفروشه هنروحها و نستقل

روح بدموع:-فعلا؟

ادهم:-اوعدك و السعاده مش هتفرقنا تاني ابدا

روح:-مصدقاك!

ادهم:-يعني انتي ضحيتي بابنك عشان ولادي؟بجد؟

روح هزت راسها يعني اه و دمعت

ادهم:-انتي مش معقول مش انسانه مش طبيعيه....انتي ملاك حقيقي...

روح:-خلاص يا ادهم عوزه اقفل الي فات

ادهم:-و انا كمان

التفت للشنطه الي كانت معاه بلهفه قامت روح مسكه ايده بفرح:-

-انت لابس الدبله؟!

ادهم:-و مخلعتهاش لحظه

ابتسمت بفرح و هو بيديها الشنطه

ادهم:-يلا بسرعه

روح بصت في الشنطه:-لا مش معقول يا ادهم

 ادهم:-لو بتحبيني سبيلي نفسك و يلا اسمعي الكلام

بصت للكيس بحماس و فرح و...

روح بخضه:-استني و دراستي؟

ادهم:-هحولها في القاهره 

روح:-ماشي ثواني و هكون جيت

دخلت اوضتها و ادهم سرح مش مصدق انو هيمشي و هي في ايده و الجرس رن

قام براحه و فتح الباب لقي هيام و عماد و ابو هيام في وشه

هيام:-قفشناه اعد ع القهوه و....انت؟!فين روح؟عملت فيها ايه يا حيوان

عماد زقه و دخل:-روح؟

هيام:-روح؟

روح خرجت من اوضتها لبسه فستان فرح ابيض و مسكه بوكيه وقت

روح:-مجبتليش جزمه يا ادهم؟

لمحت هيام و ابوها و عماد و الذهول ع وشهم

روح:-براحه و هفهمكوا

ادهم:-احنا اتفهمنا و انا ردتها

هيام بصت لروح بدهشه

روح:-حصل

هيام رسمت ابتسامه:-روح خلي بالك..

روح:-متخفيش

هيام حضنتها و هيه فرحانه

ابو هيام:-ربنا يصلح الامور

ما عماد فضل باصص لادهم و حاسس ان روح استعجلت

ابو هيام:-هتمشي يا بنتي؟

روح:-اه

هيام:-و دراستك؟

ادهم بسرعه:-هحولها ع القاهره

هيام بلوم:-و هتسيبها لوحدها و.....

ادهم:-لا لا لا خلاص مفيش الكلام ده

هيام ابتسمت باطمئنان

ادهم بيمد ايده:-يلا؟

روح:-ههههههههه ما انت جبت فستان و طرحه و ورد بس مش همشي حافيه اكيد

ادهم:-اخخخخخخخ مش مهم مش هنحتجلها

روح بصتله باستفهام

ادهم:-عن اذنكوا هنمشي بقه

روح:-الجزمه؟!!!!

ادهم قرب منها قام شيلها فجأه

روح:-ادهم صدقني م هينفع تنزل بيه قدام الناس كده

ادهم:-مراتي محدش ليه دعوه

عماد:-ممكن تقع بيها ع السلم

ادهم:-نتشغلوش بالكوا

و فتح الباب و نزل بيها كده قدام الناس الكل كان بيبصلها مستغرب و هيه مكسوفه اوي من الي بيعمله

و الكل همس بكلمه وحده من جواه...

((فعلا يا بختك))

حطها في العربيه و لف و ركب و االابتسامه مفرقتهوش لحظه

روح:اه ول يعرفوا اني حفيه

ادهم:-هههههههههههه...خلينا نتفق كل عيد جواز تلبس الفستان ده

روح:-موافقه

و شغل اغاني و طلع بالعريه و طول الطريق روح سانده ع حرف الشاباك و مغمضه عنيها و شعرها بيطير وراها هو و الطرحه لغايه محست بايده

ادهم:-وصلنا

روح بصت لقت القصر:-مش...

ادهم:-لازم تقبليم و بعدين نمشي و هاخد شنطه هدومي و لا هلبس معاكي و بعد يومين نجيب الاولاد ايه رأيك

روح:-ماشي...انا حفيه علفكره

ادهم ضحك و لف شالها برده و الكل بيتفرج عليهم لغايه ما وصل قدام باب القصر و رن الجرس و فتحلهم خدام بص لروح بيشبه و بعدين سكت من بصات ادهم

روح اتوترت لانها هتقبلهم

ادهم:-ماما...انا جيت

دولت بصت لروح و معلقتش ول ا اضيقت و ابتسمتلها روح اتشجعت و قربت مبتسمه

روح:-بوكيه الورد ده ليكي

و ادتها بوكيه الورد بتاعها

دولت ابتسمت و متكلمتش برده لان في جزء جواها مش راضي و جزء بيقولها الناس زي بعض

روح خدت ورده من البوكيه و قربت من وداد و حطتها ورا ودن وداد

وداد بابتسامه:-وحشتيني

روح:-و انتي

وداد حضنتها

ادهم:-خلاص بقه يا جماعه يلا يا روح تعالي ساعديني احضر شنطتي

وداد غمزت:-تحضر شنطتك بس

روح بسرعه:-اه و الله

وداد:-هههه ماشي

طلعت روح مع ادهم 

روح:-انا فكرا اول مره دخلتها

قرب منها براحه:-و انا كمان

روح:-بقول نحضر الشنطه

ادهم:-فهمتيني غلط برده انا عاوز ارقص معاكي

ابتسمت:-ماشي يلا

حطت اديها حولين رقبته

ادهم:-ههههههه مفيش اغاني

روح:-لا فيه

ادهم:-فين

روح:-و مالو لو ليله دوبنا بعيد و سيبنا كل الناس انا يا حبيبي حاسس بحب كبير حبيبي ده الاحساسا انا هنا جمي احلي الناس انا جمبي اغلي الناااااااس حبيبي ليله تعالي ننسي فيها الي راح تعالي جوا حضني و ارتاح دي ليله تسوي كل الحياااااااه حبيبي ليله و لولا حبك اعيش سنين حبيب جيه اجمل سنيييييييييييين

المره دي اهم كمل مع روح:-حبيبي المس اديا عشان اصدق الي انا فيه ده كان نفس اقبلك بقالي زمان خلاص و هحلم ليه ده انا هنا جمبي احلي الناس انا جمبي اغلي الناااااااااس 

بصوا لبعض و ابتسموا

ادهم:-احسن من 100 اغنيه

روح بهمس:-انا بحبك كده ازاي؟

ادهم:-انا كده دوخت...بقلك ايه؟

روح:-هممممممم

ادهم:-بقول يعني بدل ما انتي حافيه و الفيلا بعيد خلينا  نبات النهارده بس هنا....!ههههههههه و لا ايه

روح:-كنت بقول كده بردوا ههههههه

و سرحوا مع بعضيهم...

_________________________________

بعد مرور خمس سنين:-

__________________

روح:-يووووه بسرعه بقه الضيوف هيوصلوا مكنتش عزومه

ادهم خارج من اوضه مكتوبه:-مالك حلوه كده ليه

روح بعصبيه:-صدقني مش وقته الاكل بيتوي في سنه و الضيوف هيوصلو

ادهم:-ههههههه طب سيبي الاكل و تعالي نطلع نلبس و لما ننزل يكون استوي

جت ساندي جري من برا:-يا اماااااااااه

روح:-ايوه يا سوسو

ساندي:-يا ماما فادي خد الرفان بتاعي

ادهم:-مش البرفان بناتي؟

فادي جه من برا:-اه بس كلو ينفع

ادهم:-بكره ننزل و اشتري لكل واحد اربعه

روح:-واحد كفايه لكل واحد

سانيدي:-ايه يا ماما ده اكل عيش

فادي:-ايه يا حجه ماما

دي بقه كانت مشكله روح و ادهم في الحياه ادهم بيحب كل حاجه كتير و بابذار شويه و روح شيقه ان الموضوع ابسط و بدل الحاجه كفايه يبقي كده كفايه

روح:-ادهم مش انا قلتلك تقلع نضاره النظر لما تكون مش بتشتغل من ساعه ما عملتها و انت مغلبني

ادهم:-هههههههه للدرجه جدي وحشه

روح:-بالعكس انا غيارنه تستقبلهم بيها اصلها بتديك رجوله اوي و بتخليك عثول

ساندي:-ايوه بقه يا ست ماما

ادهم:-هههههههههه ربنا يخليكوا ليا 

و حضنهم كلهم مع بعض

طلت عليهم راس صغيره:-يا ثلام ياثي بابا و انا وقعت منكو

ادهم شاله:-لا يا حبيبي ده انت احمد الصغنن بتاع البيت

روح:-ههههههه حد ينساك يا مشمش انت

احمد ببراءه:-يظهر محدش بيحبني

روح:-ههههههه لا يا حبيبي كلنا بنحبك و تيته الله يرحمها ماما بابا كانت بتحبك اوي لانك ع اسم جوزها

احمد:-بابا هو الي في بطن ماما ده مش زعلان لانو لوحدو

ادهم:-اولا دي اختك و هتبقي اسمها رؤي و بعدين مهو واقف معانا اهو صح؟

احمد:-اه ههههههه

ادهم ادي احمد لساندي:-يلا بقه نيميه و نامو انتوا كمان عشان الساعه 9 و عندكوا مدراس و لا كمان هتعدوا معانا ده عشا كبار اعتقد 

فادي:-يا سلام سعني معهمش عيال

ادهم:-لا معاهم ياابو لسان بس هيكوا نايمن

فاد و ساندي:-تصبحوا ع خير

ادهم:-و انتو من اهلو

احمد:-بااااااااي!

روح:-هههههه بااااااااي!

ادهم:-يلا بقه نطلع نلبس

اليوم ده كان عيد جوزهم و هما عزين حد ع العشا و كالعاده روح لبست الفستان الابيض بتاع الفرح زي ما اتفقوا

ادهم:-هههههه انتي مش بتتخني

روح:-ههههههههه بالعكس ده مبين الحمل

ادهم:-ههههه عادي بقه بس انا نفس في اليوم الي الفستان ميدخلش فيكي

روح:-بعد الشر

شويه كده  هيام و عماد جم و معاهم رؤيا بنتهم عندها اربع سنين بس كانت نيمه ع دراعهم و بعد شويه كمان جت وداد و ممدوح و معاهم يحيي 3 سنين و بردوا نايم و بعد ما العشي خلص و الكل مشي ادهم قرب من روح براحه و هيه طالعه السلالم و شالها

روح:-اه!...اتخضيت و الله

ادهم:-ههههههه

روح:-نزلني لحد من الولاد يشوفنا

ادهم بيسبل:-عادي بقه

روح:-عيب عليك ده انت عندك شعره بيضه اهه

ادهم رفه حاجبه:-يعني انا عجزت؟

روح:-ههههههه اه

ادهم:-طييييييييييييييب!

روح:-لا لا لا ههههههههه خلاص

ادهم:-ايوه كده هههههه

روح بدلع:-ادهمتي؟

ادهم:-عيونه و قلبه؟

روح:-اوصفني زي كل عيد جواز

ادهم:-هقلولك كلمه واحده انك متمرده و متسأليش ليه

روح:-ليه

ادهم:-ههههههههههه عشان انتي تمردتي ع العالم و ع حزنك و بنيتي طريق السعاده من غير ما حد يقف قدامك و عشان ديما بتحفظي ع بسمات الكل مع ان قوانين الطبيعه بتمنع ان السعاده تفتضل ديما بس انتي اتمردتي ع قوانين الطبيعه و خليتي كل الي حوليكي مبسووووووووط و اتمردتي ع قلبي و خلتيه يعرف معني العشق بعد الوش الخشب

روح:-ههههههه شاعر

باسها في خدها:-ما انتي علمتيني كل حاجه و دوختي امي

روح:-ههههههه بحبك

ادهم:-بموت فيكي

و كملوا طريقم لاوضتهم بضحك و الكعاده زي كل عيد جواز غنوا لعمرو دياب و مالو)) و ديما ادهم كان بيرسم بسمات لروح و روح بترسم الامان للعيله دي...

#النهايه

يارب تكون عجبتكوا رأيكوا بقه

بقلم/وعد يحيي

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الاول من هناااااااااا

الرواية كامله الجزء الثاني من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا