رواية قلوب صماء الفصل الأول والثاني والثالث والرابع والخامس بقلم فاطمة الألفى

رواية قلوب صماء الفصل الأول والثاني والثالث والرابع والخامس بقلم فاطمة الألفى 

رواية قلوب صماء الفصل الأول والثاني والثالث والرابع والخامس بقلم فاطمة الألفى 

الفصل الاول قلوب صماء بقلم فاطمة الألفي . مازال صراع الثأر قائم الي يومنا هذا ، وبحور الدم مازالت عالقه بين عائلات الصعيد ، وأرتوت اراضي الصعيد بدماء فلذة أكبادهم ، ومازال النزاع مستمر حتى الآن ، يحاول كل من كبير العائلتين إلي فض النزاع والخلاف القائم بينهم ، تُرا هل ينجح فى وقف بحور الدم أم سوف يخسر أحدهم بخوض المعركة .. سوف نتعرف فى الاحداث القادمة على ماذا سيحدث .. بقلم فاطمة الألفي. فى احدي القري من قري الصعيد وبالتحديد( نجع الشهاوي )فى مدينه قنا كان يجلس كبير عائلة الشهاوي الحاج واصف الشهاوي مع أولاده (علي وشاكر ) يتناقش معهم فى الامور المالية وعن زراعة المحصول القادم لهذا العام واذا هو يتحدث معهم آت زائر غير متوقع .. وقفت السيارة أمام الدوار وترجل منها الحاج قاسم السمنودي كبير عائلة السمنودي. وسار فى هيبته المعتادة وهو يمسك بعصاه يضرب بها الارض في خفه ووقف بقوته وهو ينظر لهم بشموخ وألقى السلام عليهم . الحاج قاسم . سلام عليكو يا حج واصف تطلع الابناء الى بعضهم بضيق ورد الحاج واصف السلام . الحاج واصف . وعليكو السلام يا حج جاسم قاسم . عاوز اتحدتو امعاك ياحج فى كلمتين اكديه واصف يتحدث مع ابنائه . هملونا لحالنا وجول للبنته تعمل كوبايتين شاى على بنظرة كرة إلى قاسم . امرك يا بوي واصف . اجعد ياحج دارك ومطرحك قاسم . تعيش يا حج واصف جلس الاثنان يتحدث قاسم ويستمع واصف باهتمام إلى الحديث . قاسم بجدية . بجولك ايه يا واصف ياخوي كفيانا عداوة بجه عايزين الولد يعيشو بسلام بعيد عن بحور الدم دى عاد بلاش الزغيرين يدفعو التمن ، انت من يمتك تتحدت مع إلا عنديك وانا من يمتي مش هسكت واصل لازمن نوضع حد ونفض العراك الجديم ونفتح صفحة جديدة ياخوي ، أنا خايف على زينة الشباب إللى فى العلتين يروحو فطيس اكدية ، كفيانا طار عاد ونصلح بيناتهم يا خوي اني رايح الصالح والخير . واصف باهتمام . ومين سمعك ياحج انى منى عيني الدم يجف واني معاك يا حج واصف . يبج تحط يدك فى يدي وبدل العداوة الجايمه بيناتنا يبج نسب وعزوة وعيله واحدة وننسي اللي فات ، إحنا الاساس وعمود العيله يا خوي من غير العمود الدار تتهد ، لو وفجت على حديتي الطار هيلتم عشان الشباب اللي كيف الزرع الاخضر حرام يضيع فى الرجلين اكديه ، ها جولت اية هتحط يدك فيدي ونجرو الفاتحة . واصف باستغراب . نسب كيف يا حج قاسم . وها يا حج يعنى جواز، نجوز ولد ولدى لبت ولدك يا حج واكديه الفرح والخير يوعم على الجميع وربنا ميجيبش عداوة تاني واصل ، ها جولت اية عاد واصف بتردد . بس البنته لستها زغيرة كيف اجوزها حداكم وانت خابر زين احفادك كوبار يا حج وكلهاتهم متجوزين ومخلفين عاد واني مش هظلم بت المرحوم يا حج دي الغالية بنت الغالي الله يرحمو قاسم . ومين جلك ان أرضي تظلم بت ولدك ، بت ولدك عريسها عندي شاب زين ولد ولدى امحمد ماانت خابر مهملين البلد من زمان وهم دلوك عيشين في سكندرية ولد المرحوم امحمد الله يرحمو يا حج ها جولت ايه لو وافجت هدله سكندريه واتحدت امعاه مالك ولد الغالي لا يمكن يتني كلمه جدو جولت ايه بجه نجرو الفاتحه بجة واصف بحزن . والله ماخابر اجول ايه بس يا حج قاسم . كيف يا حج واصف مش الكلمه اهني كلمتك والشورة شورتك وكلمتك مسموعه على رجبت التخين اهني واصف . ايوة اني اهني الكول فى الكول بس حفيدتي يا حج عيندها موشكله اكديه . قاسم باهتمام . خير عاد موشكله ايه كفله الشر واصف بحزن . جميلة من وهى ازغيرة ..... قاسم بحزن . لا حول ولا جوة الا بالله واصف . لساتك رايدها جبل سابج لولد ولدك . قاسم بجدية . ومن ميته الحج جاسم السمنودي رجع في كلمتو يا حج على بركه الله يدك نجرو الفاتحة بلاش تجفل موخك امعايا أومال . مد يدة فى يد الحاج قاسم وبدأ فى قراءة الفاتحه . ...... تعريف الابطال قلوب صماء . (مالك السمنودي ).. شاب فى الثلاثون من عمره ذات بشرة حنطيه وشعر اسود كثيف وعينان سود ذات ملامح قاسيه ولديه شارب ولحيه خفيفه تعطي لمظهرة الجاذبيه وطويل القامه ،ذات هيبه وطباع جذاب مغرور ولديه علاقه حب مع فتاة تدعي (تاليا ) عمرها خمسه وعشرون عام مطلقه ، تعشق المال والمظاهر وذات جمال صارخ وتتجمل بمساحيق التجميل لتبرز قوة جمالها ، بشرتها بيضاء وعينان بنيه حادة وشعر بني غامق يميل إلى الاحمر مموج يصل لمنتصف ظهرها ولا تعرف للحب عنوان .. تخرج مالك من فنون جميله قسم تصميم ويعمل فى مجال الازياء ولديه مصنع خاص بالملابس وشركه عالميه لتصميم الأزياء .. لديه شقيقان تؤام( محمود وماريا ) فى الحادي والعشرون من عمرهم فى اخر سنه للجامعه وفى نفس مجال شقيقهم الاكبر . ماريا تعشق الازياء والموضه ولها طباع خاص ولمسه جماليه ومحمود أيضا فهم تؤام متطابق فى كل شئ ونفس الموهبه والاختيار واحد . (ماريا )ذات جمال بشرة بيضاء وعينان مزيج بين الازرق والرصاصي الغامق وشعر اسود حريرى وطويل يصل إلى أسفل ظهرها .. (محمود) يشبه ماريا كثيرا فى البشرة ولون العينان وسواد الشعر ولكن يتميز عنها فى الطول فقط ، وعلاقته بتؤامه قويه جدا ... (جميله الشهاوى ) فتاة جميله حقا بمعني الكلمه ذات جمال هادئ بعينان خضرويتان وبشرة بيضاء صافيه وملامح ملائكيه رقيقه وشعرها بني وترتدي حجاب يعطي لمظهرها الاناقه والجمال فى الثامنه عشر من عمرها(ولكن حقا كما قال الحلو لا يكمل) لديها اعاقه منذ الصغر فهى صماء بكماء .. (يزيد الشهاوي )الاخ الاكبر لجميله شاب فى السادس والعشرون من عمره يدرس بالخارج ويحضر الدكتوراة بلندن يريد أن يعالج شقيقته فهى حبه الاول ويعاملها بكل حب واحتواء هو السند لها يعاملها كطفله صغيرة برئيه هو من تعلم لغه الإشارة من أجلها وعلمها كيف تقرأ وتكتب وعلمها كيف تفهم بتحريك الشفاه والحركات ، كان يبحث من اجلها عن اى شئ يخص حالتها الصحيه وكيف التعامل معها وهو من نمي لها موهبتها واصبحت تفهمه دون أن تسمعه بلغه الشفايف والاشارة أصبح هو معلمها وسافر من اجلها ليصبح جراحا ممتازاً ويعالجها وقد اقسم على نفسه ان يظل يبحث ويحارب من أجل شقيقته . ذات ملامح جذابه ابيض البشرة وشعر بني مائل إلى السواد وعينان خضراء صافيه ولكن ذات طباع عصبي لا يتحمل أي شئ. يصيب شقيقته طويل القامه وملامحه تشبه ملامح شقيقته .. (عز الشهاوي) شاب فى الثامنه والعشرون من عمره ابن عم جميله شاب ذات طول ووسيم الملامح ، عينان بنيه وبشرة خمريه ولديه لحيه وشارب خفيفين يعطى لمظهره الوسامه . مهندس يعمل بالقاهرة ويعشق جميله منذ الصغر وهى تعد فى حكم المخطوبين وهو يسعي لإتمام الزيجه ويحاول بكل جهده أن يجمعهم الله فى بيت واحد ولكن للقدر كلمه اخري . فليس كل من يطلبه الإنسان يتمناه 

الفصل الثاني قلوب صماء بقلم فاطمة الألفي. عاد الحاج قاسم السمنودي إلي دوارة وجلس مع ابنائه ليتحدث معهم عن أمر الزيجة والنسب بين العائلتين . جلس الجميع ينتظرو ان يلقي عليهم النبئ المهم الذي جمعهم من أجله . حامد الابن الاكبر لديه متزوج وله من الأبناء( محمد ، رحيم ، منذر ) ونصر الابن الثاني متزوج وله من الأبناء (قاسم ، حامد ) وابنته منتهي ارمله بعد وفاه زوجها تقطن فى بيت والدها وليس لديها سوا ابنتها (عنبر). والابن الأصغر محمد متوفي منذ زمن وتقطن زوجته واولاده بمدينه الاسكندريه بعيدا عن مشاكل الثأر والصعيد وله من الأولاد (مالك ، محمود ، ماريا ) جلس الأبناء باهتمام يتبادل النظرات بينهم وتحدث الحاج قاسم وقصي عليهم القرار الذي اقبل عليه واستمع الأبناء حامد ونصر ومنتهى حوار والدهم بصدمة شلت الجميع من هول هذا القرار فكيف يحدث نسب بين العائلتين وبينهم دم . . لم يستطع حامد الصمود وتحدث بانفعال . كيف يابوي تحط يدك في يد اللي جتل خوي امحمد الله يرحمو ، كيف طاوعك جلبك تعمل إكيدة والدم اللي بيناتنا يا بوي ، عاوز تجوز ولد امحمد من عيله الشهاوي اللي جتلو ابوة كيف بس ،بدل ماتشيع تجيبو اهنيه ويأخد بطاره ويطخهم عيران عاوز اتجوزو قاسم يضرب بعصاة الأرض بقوة ليصمت الجميع . ولا كلمة زيادة يا حامد اللي حوصل زمان كولهتنا خابرينو زين يا ولدي وكفيانا عداوة لحد اكيدة ، والازغيرين ذنبهم ايه فى اللي حوصل ، وانت ولادك جارك وخيك كمان ولادة فى حضنه لكن ولد امحمد متغرب وعايش بعيد عن اهني كيف المطارد عشان الطار ومش هنفضل أكيدة اني خايف على مالك وخواتو عاوزهم يعيشو في امان ، وولاد الحج واصف مش هيسكتو ويهملو عايش أكيدة وانت خابر زين بيفكرو كيف ، واني اتصرف بالعجل لم حطيت يدي فيد الحج واصف عشان شاري روح حفيدي و خايف عليه يموت فطيس بعيد الشر عنيه ، والحج واصف امعاي ولحد دلوك مانع ولادو عن ولد خيك ، يبج لازمن يوحصل نسب ونلم المستور يا ولدي ونجفل على الدفاتر الجديمة وماتتفتحش وأصل ، وبت عامر الشهاوي ملهاش يد بلي حوصل زمان وكل حي خد جزاتو يا ولدي . الكلام للكول مش عاوز مخلوج يفتح خاشمة بنص كلمة وكلمتي هتمشي علي الكول الزغير جبل الكبير واني هدلة سكندرية اتحدت مع مالك ولم اعاود هنتم الجواز وخولص الكلام . منتهي بغضب . وها يا بوي وبتي مش هى اوله بولد خالها كيف راح يتجوز بت نوارة ويهمل بتي يرضيك عاد يابوي قاسم بشدة . سدي خاشمك يابتي وبتك عريسها موجود لم يعاود من ديشو هنتم الجوازة ومين جالك ان مالك هيتجوز بتك يا ام مخ ضلم لو مالك كان رايد عنبر كان اتجوزها من زمان واكتمي مش عاوز كُتر حديت ماسخ ، اني لازمن الحج الجطر جبل مايتحرك وادلي دلوك على سكندريه نصر . كيف لحالك يابوي اجي امعاك ولا قاسم يجي امعاك قاسم بجدية . لاع مش عاوز حد امعاى يا ولدي همولني لحالي المشوار دي لازمن اكون لحالي فوتكم بعافية . تركهم الحاج قاسم وتوجه إلى محطه القطار ... ..........فى دوار الحاج واصف الشهاوي ......... دلف لداخل الدوار بعد رحيل الحاج قاسم وجد ابنائه فى انتظارة. على . بوي كان عاوز ايه الراجل دي منيك واصف . قعمز ياولدي وانا اجولكم كان عاوز اية الحج جاسم جلس على وشاكر باهتمام . واصف . على وينها نوارة عيط عليها يا ولدي لازمن تحضر الحديت اللي هجوله . علي . حاضر يا بوي . ذهب علي لاحضار زوجته فقد تزوجها بعد وفاه شقيقه وهذة عادتهم فى الصعيد ، إذا توفي الزوج على الاخ ان يتزوج من ارمله اخية من أجل الحفاظ على المال والابناء ، وهذا ما حدث بعد وفاه عامر الشقيق الأصغر وترك خلفه زوجته واثنان من الابناء (يزيد ، جميلة ) يزيد 26عام ويدرس الطب بالخارج . وجميلة فى الثامنه عشر من عمرها وتركها والدها وهى فى عامها الأول ، وعمها هو الذى تكفل بها ، فهو يعاملها بكل حب وطيبه ويفضلها علي جميع ابنائه من زوجته الاولى ، التى دائما تبغظها وتبغض والدتها نوارة لانها تشاركها زوجها ، لكن لم ينجب علي من نوارة وله من زوجته الاولى ثلاث أبناء (واصف ، عامر ، عنود ) وزوجته تدعي زينب . اما شاكر متزوج من ابنه عمه إسمها هنيه وله من الأولاد (سند ، كرم ، عز ) بعد دقائق حضرت نوارة وجلس الجميع أمام الحاج واصف وقصي واصف على مسامعهم طلب الحاج قاسم واخبرهم بموافقته وتم قراءة الفاتحه ، وانه لا يقبل باي اعتراض وسوف تتم الزيجه بأسرع وقت منعا لبحور الدم وعليهم الانصاع لطلبه واخماد نار الثأر .. تعصب علي وصرخ بانفعال . كيف اللي بتجوله دي يا بوي واصف بحدة . الزم حدودك وانت بتتحدت امعاي بوك مش عيل ازغير عشان تعلي صوتك عليه اكيدة . شاكر بهدوء . طب فهمنا يابوي كيف توافج تحط يدك فيدهم وعز ولدي رايد جميله وهى مكتوبة على اسمو من وهم عيال ازغيرين ، كيف تترك ود عمها وتجوزها الغريب ومن مين من ابن اللي جتل بوها كيف دى يوحصل يا بوي دى جنان عاد واصف بشدة . وها يعني بوك اتجنن إياك هى كلمه وجولتها ومش هرجع فيها واصل ومش عاوز اسمع حس فيكم ، دي حفيدتي واني اللي اجرر تتجوز مين وتهمل مين ، اني بس اجول مين ينفعها وخولص الحديت ، نوارة عيطي على جميله رايد اتحددت امعاها فى قاعتي ومش عاوز حد يفتح خاشمه في الموضوع دي خابرين وطول مااني عايش جميلة ملزومه مني اني ومن بعدي جوزها ، ولم ابج اموت ابجو اعملو كيف ما بدالكو خابرين عاد علي . واني يابوي ماليش رأي جميله دي بتي ومن حجي اوافج علي عريسها واصف بجديه . لاع جميلة بت المرحوم عامر يا علي وهملني دلوك ... تركهم وتوجه إلى غرفته ، جلس بالفراش ينتظر قدوم حفيدته ليخبرها عن أمر زواجها ... عندما اخبرتها والدتها توجهت إلى غرفه جدها وقفت أمام الغرفه ودقت الباب وبعد ذلك دلفت إلى مكان جدها . كان يجلس بتعب على الفراش ونظر إليها بحنان وابتسامته المعهودة . واصف بابتسامه يشاور لها أن تقترب وتجلس جانبه . تعي يابتي جاري اهني رايدك فى كلمتين جلست جميله بجانب جدها وهى تبادله الابتسامه وتنظر له باهتمام . وضع الجد يدة يرتب على ظهرها بحنيه وهم بالتحدث اليها . واصف . خابرة يا جميلة انتي غاليه عندي جوي جوي وانتي بتي اللي مخلفتهاش ، واني رايدلك الخير يا بتي والصالح ، ويعلم ربنا اني دي الزين ليكي ولخيك يزيد نظرت له باستغراب عندما نطق هذة الكلمات اذا الأمر جد وفى غايه الأهمية لأجل أن يتحدث ويلقي بمقدمه قبل الحديث فى الموضوع . تابع واصف حديثه معها . انتي خابرة ان فى طار بينا وبين عيله السمنودى ولاجل الدم يابتي مايطلش خيك يزيد لازمن نوافج على طلبهم هو صعيب شويا بس انتي يابتي جدها وجدود وباذن واحد أحد مش هترفضي لجدك كلمه ولا تزغيرني جدام الناس ، وعشان نجفل الجديم يابتي والكول يعيش بأمان بعيد عن بحور الدم والعداوة تتجفل ومش تعاود واصل ، عشان اكيدة لازمن نناسب عيله السمنودي وانتي يا حبه عين جدك تجوزي من ولد ولدهم واكيدة نخفي على الجديم عشان الشباب اللي كيف الورد يا بتي يفضل وسطينا وكفاينا دم وطار عاد يا بتي جولتي ايه يا بتي هترفضي لجدك طلبه وانتي خابرة اني بعمل اكيدة لاجل مصلحتك انتي ويزيد ولاد المرحوم الله يرحمو وأن كان علي عز ولد عمك هنفص الكلام فى موضوعه ودي عشان الصالح للعيلتين يا بتي نظرت إليه جميله بتردد . وجدت جدها مرحب بالفكرة من أجل إخماد الثأر فاذا عليها أن تضحي من أجل ارواح الكثير من العائلتين ومن أجل اخيها فهي لم تتحمل ان يصيبه أي مكروة . ابتسمت لجدها وارتمت بحضنه وهى تمنع الدموع من التساقط بصعوبه ، ضمها جدها بحنان وقبل رأسها بحب وهو يتنهد . كنت خابر انك لا ممكن تتني كلمه جدك يا جلب جدك .

الفصل الثالث قلوب صماء بقلم فاطمة الألفي توجه الحاج قاسم إلى مدينة الإسكندرية. بعد عدة ساعات من وصول القطار إلى المحطه ترجل من القطار واستقل سياره الاجره وأخبر السائق بالعنوان المطلوب. خلال نصف ساعه كان أمام منزل ولده. سار بخطواته وهو يحمل عصاه في شموخ وطرق بها عدة دقات على الباب ووقف ينتظر الرد. بعد لحظات كانت تفتح له الباب حفيدته التي تفاجئت من وجود جدها أمامها. ماريا بفرحه. جدو حبيبى أقبلت عليه تقبله وهو ضمها بحنان. قاسم. اتوحشتك يابتي كيفك ماريا بابتسامه. وحضرتك واحشني اوي يا جدو وعلي صوتها تنادي والدتها وتوامها. ماريا بصراخ. ماما يا ماما ، محمود تعالو شوفو مين عندنا أسرعت والدتها على صوت صراخ ابنتها. في ايه يا ميرو مش تعقلي شويا وتبطلي جنان انتي واخوكي. محمود من خلف والدته. اخوها ماله بقى يا ماما بنتك مجنونه وانا ماليش فيه برئ يا بية. انتبهت مها لوجود والد زوجها الراحل. مها بابتسامه. عمي اتفضل يا اهلا بيك دي إسكندرية نورت وصافحته وقبلت يده، وأسرع محمود ليقبل جده أيضا. وجلس الجميع بغرفة الصالون، وهمت مها لإحضار الغداء،وجلس الأحفاد مع جدهم يتحدثو معه... وبعد أن انتهت مها من إعداد الطعام، أحضرت المائدة وجلس الجميع لتناول الطعام ولكن تحدث الجد عن غياب الحفيد الأكبر له. قاسم. أموال فين مالك يا ام مالك مها بإحراج. مالك في الشغل لسه ياحج مابيرجعش دلوقتي وكمان بيعدي على المصنع قاسم بجدية. تلفنيلو خلية يجي دلوك مها. حاضر يا عمي بس كل الأول قاسم. جولت دلوك ومش هحط لجمة في جوفي غير لم مالك يعاود وتعالى عاوز اتحدت امعاكي على مايعاود ولدك. مها. أمرك ياعمي. توجه الحاج قاسم ينتظر بالصالون ليتحدث عن أمر الزيجه لارمله ولدهُ. وهي أخبرت ولدها بالعودة إلى المنزل على وجه السرعه لأن الجد في انتظاره وأغلقت الهاتف. استغرب مالك من زيارة جده الغير متوقعة وأنهى عمله واستلق سيارهُ عائد إلى المنزل...... تحدث قاسم بجديه إلى مها وشرح لها موضوع الجواز الذي يخص مالك من أجل الحفاظ على حياته وحياه أخيه الأصغر، وشعرت بالخوف والقلق من أجل أولادها، فهي تعلم عادات الثأر لن ولم تنتهي بعد ولذلك وافقت الحاج قاسم في قرارة فهي تعرفه رجل صارم وشديد الحكمه والفطنه ويخشى على احفاده ولكن الخوف الان من قرار ولدها فهي تعلم أنه لم يتقبل الأمر بكل سهوله.. قاسم. جولتي ايه ياام مالك امعاي في جراري دي ولا ليكي رأي تاني مها. و انا معاك طبعا يا عمي، انا عارفه ان حضرتك خايف على مالك ودي الصح ليه، بس مالك يا عمي مش عارفه هل هيوافق ولا ايه ، انا عارفه مالك كويس وخصوصا في موضوع الجواز. قاسم. و مالك مش هيتنيلي كلمه وانتي لازمن تجنعيه عشان مصلحة الكول، مالك كبر لازمن يتجوز عاد مها بتوتر. معاك حق لازم يتجوز آت مالك وقبل جده بفرحه ورتب قاسم على ظهره بحنان. اتوحشتك ياولد الغالي ، أكيدة ماتطمنش على جدك مالك بابتسامه.غثب عني والله يا جدي الشركه والمصنع واخدين كل وقتي مها. طب انا هعملك القهوة يا عمي بعد اذنكم. ... على مائدة الطعام. ماريا بهمس إلى توأمها. حودة هو في ايه محمود باستغراب. و النبي يا ختي ولا اعرف بس واضح ان جدو جاي في مشكله عويصه وتخص مالك باشا، ماتستعجليش دلوقتي نعرف ماريا. ماما هو في ايه مها. كملو اكلكم ومالكمش دعوة محمود. ههههه تموتي في الكسفه انتي، شكلك بقى وحش اوي ماريا. اسكت يا فقر محمود. هههههه دي انا بردو اللي فقر هههه...... ............................. في النجع في دوار الشهاوي........ مازال الجد يتحدث مع حفيدته. واصف بحنيه. خابرة يا جميله أن جدك لا ممكن يرمكي في النار واصل وعشان تتوكدي من حديتي زين انا هجولك على الطار اللي جايم بين العلتين ويعلم ربنا اني صادق يابتي في كول كلمه هنطوق بيها عشان بوك وامحمد السمنودي في ذمه الله يا بتي واني لو كونت خابر أن جتل ولدي كونت خدت طار ولدي بنفسي مش استنيت عاد يابتي، وعشان اكيده اني وافجت على الجوازه يابتي والحج جاسم بيشكر في ولد ولده وبيجول أن راجل زين ومش هيظلمك واصل،بس بلاش تخبري يزيد حاجه دلوك عشان مش يعاود من بلاد بره ويهد كول حاجه عشان هو حمجي كيف عامر ولدي الله يرحمو وكمان بوك على زرع جواه العداوة والطار واني خايف عليه يابتي ودي عشان مصلحتو، واني هدق على عمك شريف يعاود هو ومرتو عشان خابر زين كيف عمك ومرتو جريبين منيكي يابتي ومرتو هتجلك كول شوارك واللي انتي عوازة يابتي مش تحملي هم واصل، ربنا يباركلي فيكي يابتي وعشان اكيده هطمنك عشان تكوني خابرة أن بوكي برئ من دم امحمد السمنودي وكمان امحمد برئ من دم بوكي. زمان جوي يابتي كنتي انتي لساتك ازغيرة جد سنه اكيده و ........................... .......في الإسكندرية......... في فيلا مالك السمنودي كان يجلس الجد مع حفيدهٌ. مالك. نورت يا جدي ليه ماقولتش كنت استنيتك في المحطه. قاسم. المرة الجايه يا ولدي، عاوز اتحدت امعاك وتسمعني زين مالك. أومر يا جدي قاسم. مش أن الأوان تجوز يا ولدي انت مش ازغير دلوك مالك بابتسامه. هيحصل قريب ان شاء الله قاسم بجديه . واني عندي العروسه الزين اللي تليج بيك يا ولدي وكمان جرينه فاتحتكو مالك بصدمه. نعم قريتو فاتحه مين مش فاهم قاسم بحدة. فاتحتك على العروسه وخلال سبوع نتمم الجوازة مالك بعصبيه. و وانا ايه كيس جوافه ماليش اي لازمه ايه الكلام الغريب اللي حضرتك بتقوله دي قاسم بشده. ولد ألزم أدبك وانت بتتحدت امعاي مالك. اسف يا جدي بس حضرتك بتقول كلام خرجني عن شعوري قاسم بلين. يا ولدي انا خايف عليك ورايد مصالحتك عشان حياتك وحياة خيك الازغير مالك . مش فاهم حضرتك تقصد ايه قاسم بحزن . الطار يا ولدى وظل يتحدث مع حفيدة ساعتين متواصلتين يحاول اقناعه بالجواز ولكن مالك ليس بالهين ولن يقبل بهذا الوضع . ثأر الجد وغضب وترك منزل ولدهُ وهو عازم إلا يعود إليه مرة أخرى وسوف يقطع صلته بهم وسوف يسحب من يدهُ جميع المال وادارة الشركه والمصنع الذي تركه فى مسئوليته بعد تخرجه وانشا له مصنع ملابس وشركه تصميم للازياء فى مجال تخصصه ولكن الشركه والمصنع وكل شئ باسم الجد واذا لم ينصاع إلى اوامرة سوف يسلب منه كل شئ وهذا اخر ما توصل إليه الجد ورحل وهو يعلم أن حفيدهُ لن ينتظر كثيرا وسوف يستمع لقرار جده وينفذه . ............... بعد رحيل الجد توجهت إليه والدته لتتحدث معه وتحاول اقناعه . مها . مالك هتعمل ايه مع جدك هو عنده حق ولازم تتجوز وتنفذ كلامه عشان حياتك انت واخوك انا مش مستغنيه عن حياتكم يابني انا ماليش غيركم مالك بعصبية . يعني ايه اتجوز بنت اللي قتل ابويا عشان الطار ، يعني ايه احط صباعي تحت ضرسهم ، كمان جدى بيقرر وينفذ ولازم انصاع لاوامرة وانا ماليش اى تلاتين لازمه صح ، وحضرتك عاحبك الحكايه أوى وطبعا جايه على مزاجك ماانتى رافضه الانسانه اللي بحبها وماصدقتي بقي جدى يجبرني اتجوز واحدة من الصعيد قال ايه عشان موضوع الطار يخلص ، انا مالي يخلص ولا مايخلصش حتي ،ذنبي انا ايه اتجوز واحدة صعيديه جاهله مش فاهمه حاجه فى اى حاجه ، واكيد شكلها هيكون عدل يعني وبتلبس خيمه ولا شوال ، انا مالك محمد السمنودى يتجوز واحدة لا شافها ولا يعرفها ومنين من الصعيد ليه يا ماما ،ليه جدى بيعمل كدة ، ليه عايز يهد كل احلامي فى لحظه عايز ياخد مني كل حاجه لو ماتجوزتش من اختيارة طب وتاليا يا ماما انا بحبها مها . بتحب واحد كانت لغيرك قبل منك بتحب واحدة أطلقت من جوزها عشان خسر كل فلوسه ودلوقتي بتضحك عليك وعايشه معاك دور الحب مش عشان بتحبك بس عشان انت عندك شركه ومصنع روح قولها جدى مُصر يجوزني من البلد والا يسحب مني كل حاجه تبق ماحلتكش حاجه خالص ، انا واثقه انها هتسيبك وتشوف غيرك زى ماعملت مع جوزها قبلك ، وخليك فاكر انا مع جدك وموافقه على الجواز من بنت الشهاوى ونفض المشاكل والطار ونشترى حياتنا وسعادتنا يا بني صدقني جدك طول عمره بيعمل اللي شايفه صح وهو عندهُ حق ، اسمع الكلام يا مالك ربنا يهديك ، فكر يابني بلاش الكبر والغرور يعمي قلبك ومش عشان العروسه من الصعيد هتبق جاهله ولا مش حلوة ،الحلاوة مش فى الشكل مالك بسخرية . أيوة عارف هتقولي الحلاوة فى الروح صح طلعت روحها البعيدة .

الفصل الرابع قلوب صماء بقلم فاطمة الألفي. ترك المنزل بضيق بعد حديثه مع والدته واستقل سيارته بعد ان هاتف محبوبته وطلب لقاءها على وجه السرعة . قاد سيارته متوجه الى الكافية لينتظر قدومها ، وبعد لحظات كان يترجل من سيارته ويدخل الكافيه جلس على الطاوله ينتظر قدوم محبوبته ليتحدث معها ... وبعد لحظات كانت تقف أمامه بكل ثقه وغرور وتبتسم له ابتسامتها المعتادة . تاليا . هاي حبيبي مالك بابتسامه . هاي حبيبتي واحشتيني يا توتا تاليا وهى تجلس امامه . وأنت كمان حبيبي واحشني مالك . ها تشربي ايه ولا تتغدي معايا انا ماتغدتش لحد دلوقتي اطلب غدا تاليا . سوري حبيبي مش هقدر ، بس مالك صوتك علي الفون كان مضايق ، مالك يا روحي مالك بضيق . فعلا مضايق جدا ، جدو عاوز يجوزني لا واختار العروسه كمان وقرأ الفاتحه ولا كأنى ليه اي لازمة، عايز يدبسني تدبيسة إنما ايه تاليا بصدمه . يجوزك وانت رائيك أية وافقت مالك بحب . معقول يا حبيبى تسئل السؤال دي ،انا اقدر اتجوز ولا أكون لغيرك يا قلبي تاليا تتصنع الحزن . بس مامتك رفضاني واكيد جدك هيرفضني كمان وبدليل اختارلك العروسه مالك . حبيبى أنا عمرى ماهتخلي عنك ومستعد اتجوزك ودلوقتي حالا ،بس المشكله جدى حطني فى اختيار صعب تاليا باهتمام . اختيار ايه دى . مالك بتنهيدة . لو ماوافقتش اتجوز العروسه هيسحب مني الشركه والمصنع وكل حاجه تاليا بصدمه. ليه هى مش الشركة والمصنع باسمك دى مش ملكك ولا ايه مالك . لا كل حاجه باسم جدى ، هو سابلي اديرهم وانا اللي اخترت اشتغل فى مجال تخرجي وجدي هو اللي ساعدني ونفذ كل اللي طلبته وبق عندى الشركه والمصنع وانا اشتغلت وكبرتهم وبقي ليا اسمي فى السوق ، وجدي وعدني لو اثبت جدارتي هيسجل كل حاجه باسمي انا واخواتي بس دلوقتي بقي الكلام اتغير ولو ما تجوزتش العروسه هيسحب كل حاجه وانا مش عارف اتصرف ازاى جاى اتكلم معاكي عشان نفكر مع بعض اعمل ايه تاليا بضيق . هتعمل ايه اسمع كلام جدك مش معقول تخسر كل حاجه مالك بصدمه . يعني ايه اتجوز غيرك انتي راضيه بكدة ازاي ، ولا ماما فعلا عندها حق قالت انك اول حد هيتخلي عني لو خسرت كل حاجه ، معقول ماما عارفه حقيقتك وانا لأ اعمي تاليا بسرعه . لا حبيبى انت فهمت غلط انا قصدي تسمع كلام جدك عشان ماتخسرش كل حاجه ونفضل مع بعض بردو انا مااقدرش استغني عنك يا مالك انت حب عمري ازاى تفكر فيه كدة مالك بضيق . اسف يا حبيبتي بس انا بجد مضغوط ومش عارف اتصرف تاليا بدموع مصطنعه. وانا استحملك يا حبيبي بس احكيلي الأول كل حاجه بالتفصيل وهنوصل مع بعض لقرار يريحك ياقلبي . تنهد مالك وقصي عليها حكايه الثأر وقرار جده فى فض النزاع والعداوة بهذا النسب ... تاليا . حبيبى جدك خايف عليك ، لا دى حكايه كبيرة وموضوع التار دى صعب اوى ، لا انا كدة قلقت عليك بجد بلاش عداوة فعلا واسمع كلام جدك ونفذ طلبه انا مااقدرش اخسرك يا حبيبى مالك . ما انا لو نفذت كدة هخسرك انتي وانا مااقدرش أبعد عنك ولا اقدر اتجوز واحدة غيرك يا قلبي تاليا بدلع . ربنا يخليك ليا بس حياتك اهم عندى من اى حاجه تانيه ، صحيح هيكون صعب عليا تكون لغيرى بس دى عشان التار وحياتك ، يعني جوازة مصلحه وممكن تكون مجرد فترة بسيطه فى حياتك وبعدين تنفصل عنها لم الموضوع ينتهي خالص ونكون لبعض ، وانا واثقه فى حبيبي مش هيحب غيري ولا هيبص لغيرى مالك بابتسامه . هو انا اقدر احب حد غيرك يا روح قلبي ، دي انا ابيع الدنيا كلها ولا فلوس ولا غيرة يهمني غيرك انتي وبس تاليا بابتسامة . انا راضيه أكون فى حياتك مهم حصل ومش هبعد عنك وسهل بعد الجواز تعمل أى مشكله يخليها هى تطلب الطلاق بنفسها وكدة تبق انت فى أمان وكمان ماخسرتش جدك ولا شركتك ومصنعك دول تعبك انت وانت اللي كبرت شغلك واسمك مالك بتردد . تقصدي انفذ طلب جدى وازهق العروسه عشان تبعد هى عني والله هى فكرة مش بطاله ، واكيد هتكون غيري خالص لا تفكير ولا تعليم ولا ثقافه ولا شكل حتي انا واثق مافيش اى تكافئ بينا وسهل جدا ننفصل تاليا . عشان تعرف اني خايفه عليك وعايزة مصلحطك يا حبيبي واكيد انا هفضل جنبك وهستناك لم تخلص من موضوع الصعيد دي وساعتها هكون ليك فى اى وقت . ابتسم مالك بحب وقبل يدها برقه . ربنا يخليكي ليا مش عارف من غيرك كنت عملت ايه . تاليا بدلع . ويخليك ليا يا روحي .. .......................فى نجع الشهاوي .... عاد عز إلى المنزل علي وجه السرعه وترك عمله بعد مهاتف شقيقه يبلغه عن زواج ابنه عمه ومحبوبته التي انتظرها كثيرا حتي تصبح زوجته فهو يعشقها منذ الصغر والجميع يعلم أنهم فى حكم المخطوبين .. عز بحزن يجلس مع جده ليفهم منه سبب هذا القرار الصارم . واصف . عز يا ولدي دى الصالح للكل وكلمتي مش هتنيها ومش هرجع فى كلمتي واصل عز . وليه ترجع فى كلمتك معايا يا جدي ، وأنت أكتر حد عارف ان بحب جميله وهى مكتوبالي من وهى لسه عيله ، انا عايش فى القاهرة بشتغل ليل مع نهار وبجهز شقتها اللي هنتجوز فيها ، ليه يا جدى تحرمنا من بعض ، أنا اللي هقدر احافظ عليها هتكون فى قلبي وعنيه يا جدى ، يا جدي انا قاعد بعيد عنها بينزل كل فين وفين عشانها واصف بحزن . علي عيني يا ولدي بس عشان مصلحة جميله ويزيد ود عمك اكيدة الصالح واعتبر جميله خيتك من السعادى عز بصدمه . خيتي فجأة بقت خيتي يا جدي انا تعبان وطالع اوضتي بعد اذنك .. غادر عز وظل واصف حزين على احفادة وتفريقهم ... ........... ولكن عز لم يهدئ ولا يستسلم فقرر الذهاب ليتحدث مع جميله فهي صاحبه الشأن . توجه إلى غرفتها وهو يتلفت حول نفسه لا يريد أن يرا أحد ودلف غرفتها بسرعه وأغلق الباب خلفه . وجدها تجلس على مكتبها الصغير وتمسك بالقلم ترسم عدة خطوت بالوان مختلفه ، وقف امامها يتطلع لها بحب . عندما شعرت بظل يقف امامها رفعت رائسها تنظر من وجدهُ عز ابن عمها .. عز بابتسامه . ازيك يا جميله عامله ايه نظرة لها وابتسمت فقط . عز وهو ينظر لها . جميله احنا لازم نسيب البيت النهاردة مافيش وقت ، وأول لم نوصل القاهرة هنتجوز لكن مش هقبل تدفعي التمن عشان عادات تخصهم هم وبس إحنا مش لازم نتاخد فى الصراع القديم بتعهم جميله انتي فهماني . نظرة لها بقوة وهى تهز رأسها بالنفي . عز بحيرة . مش فاهمه انا قولت ايه اشارت له بالقلم والورقه . انتظرها حتى خطت بعض الكلمات وهو فى حاله يرثي لها ماذا سوف تكتب ... اعطته جميله الورقه وجحصت عيناه وهو يقرأ الكلمات بصدمه .(جدي مش غصبني على قراري ،ومواقفه اتجوز ومش بنت عامر الشهاوي اللي تهرب ، مش ههرب من مصير لمصير يا عز وانت غالي عندي زى خي يزيد وهنفذ كلمه جدي وحكايه الطار لازم تقف حتي لو علي حساب سعادتي ، انا مش عارفه حياتي هتكون ازاي ، بس اي كان حياتي انا راضيه بيها بحلوها ومرها ) عز بعصبيه مزق الورقه وهو ينظر لها بقوة . دى جنان فاهمه جنان يعني ايه اسمعي كلامي انا بحبك ومستعد أحارب الكل عشانك ومش ذنبك تضحي بحياتك وسعادتك عشان الكبار عايزين الطار يقف وربنا اقلبها حرب عليهم بس خليكي معايا ياجميله انا بحبك وعايزك وهحميكي من الكل حتى لو جدى ارجوكي بلاش تتخلي انتي كمان وتضعفي وتنفذي كلامهم هنقف قصاد عيلتنا ونواجهم بس خليكي معايا وهنحارب الدنيا كلها ، الشقه موجودة وجاهزة وجنب شغلي وممكن نمشى من النهاردة ، بلاش ضعف خليكي معايا اشارت بوجهها بعيدا عنه . وشعر عز بالإحباط والاسف وغادر غرفتها وقلبه يعتصر من الم الفراق ......... .................. بعد ان اوصل محبوبته إلى منزلها ، عاد إلى المنزل وجد والدته تنتظرة . مها بقلق . مالك حبيبى قلقتني عليك مالك . انا كويس يا ماما بس كنت محتاج أفكر بهدوء واخد القرار المناسب مها بقلق . وقررت ايه مالك بتنهيدة . موافق يا ماما على الجواز مها بابتسامة . بجد يا حبيبي ربنا يهديك يارب كدة احسن للكل ، ربنا يخليك ليا يارب انت واخواتك مالك . يارب حضرتك تكوني ارتحتي وبلغي جدي كمان عشان يرتاح ، تصبحي على خير ..

الفصل الخامس قلوب صماء بقلم فاطمة الألفي. دلف عز إلى غرفته بجرح عميق بعد خذلانه من إبنه عمه فلم يتوقع أنها سوف تتخلي عنه .. أحضر حقيبته وقرر العودة إلى القاهرة مرة أخري . دلفت إليه والدته وجدته يحمل الحقيبه بيده . هنيه . عز يا ولدي انت لامم خلاجتك ومعاود تاني ليه ، انت لسه واصل من هبابه عز بضيق . وهقعد اعمل ايه لم اشوفها بتتزف لغيري ، المفروض كنت هاخد اجازة من شغلي عشان انزل نتجوز ، خلاص كل حاجه اتبخرت يا أمي هنيه وهى ترتب على كتفه بحنيه . بركه يا ولدي أني بكرة اجوزك ست ستها ولا تتكدر يا ولدي عز بحزن . بس انا عايزها هي مش غيرها ، ليه مش حد فيكم فكر فيه ولا فى جميله ليه عايزين نمشى ورا كلامكم وخلاص ليه ذنبنا احنا ايه ، انا مستني منك ايه غير انك هتيجي على جميله اللي جميله.فيه مش ذنبها ولا يعيبها ولا يقلل منها فى نظرى ، جميله هى إللى بتدفع تمن جهلكم زمان وتمن التار دلوقتي ، اشوف وشك بخير يا أمي ، قبل جبينها وحمل حقيبته وغادر الغرفه ، بلا المنزل باكمله ... ................................ فى القاهرة . كان يجلس على حاسوبه الشخصي يتابع بعض الاعمال عليه ودق هاتفه . القي نظرة علي شاشه الهاتف وجدهُ والدهُ . ترك الحاسوب بلهفه والتقط الهاتف . السلام عليكم كيفك يا بوي، على الجانب الآخر يتحدث واصف إلى ولدهُ الأصغر . واصف . زين يا ولدي كنت عاوز تيجي البلد رايد اتحدت امعاك لازمن تكون اهنيه ويكون امعاك مرتك وولدك شريف بقلق . خير يابوي حضرتك بعافيه ولا حد من خواتى في حاجه كفله الشر واصف بجديه . كلهاتنا زين ولازمن تيجي شريف . حاضر تحت امرك ، بس هاخد آذن من الشغل بكرة وأن شاء الله أكون عندك واصف . زين اشوفك على خير يا ولدي . شريف . فى رعايه الله يا بوي . أغلق الهاتف وظل يفكر عن سبب اتصال والده وبعد فترة عاد.ليكمل عمله .. فى تمام الساعه الواحدة بعد منتصف الليل دق جرس الباب . شريف بقلق نظر إلى ساعه يده . مين ممكن يجلنا فى الوقت المتاخر دي وهم بفتح الباب . شريف بصدمه . عز خير فى حد حصله حاجه فى البلد عز بحزن . لا انا اللي هيحصلي يا عمي شريف . طب ادخل واقفل الباب وطمنئ فى ايه . عز بتنهيدة . يرضيك يا عمي جدي عاوز يجوز جميله لحد غيري شريف بصدمة . يجوز جميله هو الموضوع كدة بقي ، جدك اتصل بيه وعايزنى أكون فى البلد بكرة معايا ادم ومنى عز بحزن . اكيد عشان تحضر الفرح شريف . براحه كدة عليه وواحدة واحده عايز افهم . قصي عليه عز كل ما يعرفه عن هذة الزيجه . انصدم شريف من هذا القرار المفاجئ للجميع . عز ..انا جتلك عشان توقف جنبي وتساعدني كدة جميله هتتظلم يا عمي ، هى موافقه عشان خاطر جدى ، ارجوك اتصرف . شريف بتنهيدة . بكرة هتكلم مع جدك وكمان جميله وان شاء الله هنوصل لحل ممكن تهدئ وادخل نام دلوقتي، عز . لا انا هرجع السكن عند اصحابي شريف . هو انت مش شطبت شقتك عز بحزن . مش هقعد فيها من غير جميله شريف . ربنا يقدم اللي فيه الخير عز . سلام بقي يا عمي شريف . عمي مين يا ابني دى فرق بينا كام سنه عز بابتسامه . خلاص سلام يا شريف شريف وهو يرتب على كتفه . سلام يا هندسه ، ودعه وأغلق الباب خلفه . استيقظت زوجته من نومها وتوجهت إليه لتعرف ما الأمر . منى . شريف هو فى حد كان معاك هنا شريف . دى عز ابن أخويا مني . خير هو فى حاجه ولا ايه شكلك مضايق ليه خير شريف . والله مش خير ابدا يا مني مني بقلق . ليه يا حبيبي فهمني حصل ايه . شريف . اقعدي كدة وركزي معايا عشان بكرة هننزل البلد ياقاتل يا مقتول مني . يا ساتر يارب . قصي علي زوجته كل شئ وبعد ذلك خلد لنوم وهو يعزم علي ذهابه إلى النجع يحاول أن ينهي هذة الزيجه .. .......................... فى مكان آخر وبلد اخري فى المملكة المتحدةوبالتحديد فى ( لندن) كان يجلس بقلق وينظر إلى هاتفه الشخصي كل ثانيه وقد شعر بالقلق على شقيقته فهي لم تراسله منذ يومان ، فقد تعود على مراسلتها ليعلم ما يحدث فى يومها ، يريد أن يشاركها كل لحظه ، لا يريد أن تشعر بانشغاله فهو يفعل كل ما يفعله كما لو كانت قريبه منه لا يريد أن تشعر بتغير بعد سفره .وظل شارد يفكر فى صغيرته والأفكار تراود ذهنه هل هي مريضه ، هل حدث لها مكروة ، لماذا لم تراسله مثل كل يوم وتقصي عليه ماذا فعلت .. أتت إليه رفيقته بالسكن فتاة عربيه تدعي كارلا من اصل عربي ولكن تقطن بلندن وتحمل الجنسيه الامريكيه ، ومستقله بحياتها منفصله عن اهلها منذ خمس سنوات . ذات بشرة بيضاء وعينان بنيتان وشعر بني غامق يصل إلى كتفها وعمرها اثنان وعشرون عاما تعرفت على يزيد منذ عام واصطحبته للعيش معها بالسكن فقد تقابلت معه عن طريق الصدفه وقررت أن تساعده بعد ان علمت أنه مصرى ووافق يزيد على عرضها مقابل مبلغ مالي وأن لا يتدخل أحد فى شئون الاخر ... كارلا باهتمام . يزيد مالك يزيد بتنهيدة . قلقان علي جميله بقالي يومين مش عارف اتواصل معاها ، خايف احسن تكون تعبانه كارلا . اتصل باي حد اطمئن عليها يزيد . الوقت مايسمحش دلوقتي انتي عارفه فرق التوقيت كارلا . خلاص ماتقلقش ولا انت غاوي قلق جايز النت عندكم فاصل فى الصعيد الجواني كل حاجه واردة هناك يزيد بضيق . مش وقت هزارك على فكرة والصعيد دخلها التكنولوجيا من قبل انت ماتتولدى ماتستقليش بيها لو سمحتي كارلا . يزيد سوري انا بهزر ماقصدش يزيد . ولا تقصدي عادي ، بعد اذنك عندي مذاكرة مهمه كارلا . سي يو تركته ودخلت غرفتها تشعر بالضيق والملل من تصرفاته معها يعاملها بإهمال وهى تعشقه . كارلا. اوف دي انت قفل الصعيد ذات نفسه ولا كأنى موجودة قدامه يا ساتر علي دي عقليه متخلفة نظرت إلى انعاكس صورتها بالمرآة وقبلت نفسها . معقول مش شايفني خالص ، بس مسيرك تستسلم يا صعيدي يخربيتك شو حبيتك وحبيت رجولتك ... حاول أن يتفقد دروسه ولكن لم يركز بسبب قلقه علي صغيرته فترك الدروس وامسك بكتاب الله وبدأ فى تلاوة ما تيسر من القرآن الكريم ، لعل يهدي قلبه .... ................. سافر شريف واسرته إلى النجع وحاول مع والده عدم اتمام هذا الزواج ولكن كان جاء الرد بموافقه مالك على اتمام الزواج وكان الحاج قاسم يجلس بدوار الحاج واصف ويتفق معه على اتمام الزفاف كم اتفق قبل سابق وفى نهايه الاسبوع سوف يقام العرس وكتب الكتاب وتتحد العائلتين من جديد .. .............. طلب واصف من ابنه الأصغر شريف وزوجته أن يتكفل بشراء كل ما يخص العروس وقد تفننت مني فى شراء الملابس مصممه على احدث الطراز وذات جمال ورقه وألوان هادئ تناسب جميله .. ومرت الأيام الأخرى على خير وسلام وجاء قبل ليله الزفاف بيوم حضر مالك واسرته إلى النجع وجلس مع عائلته . وطلب الحاج قاسم من والدة مالك ان تذهب معه إلى بيت العروسه لترها فهى والدة العريس ومن حقها التعرف على زوجه ابنها ورفض أن يحضر غيرها . ذهبت معه مها وهى متحمسه لتتعرف على زوجه ابنها وهى تحمد الله فى سرها علي أبعاد تاليا عن ابنها وانه سوف يستقر ويتزوج من فتاه محتشمه وذات اصل طيب .. ..........

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا