رواية خيانة حور الفصل السادس عشر والسابع عشر والثامن عشر والتاسع عشر بقلم منار ابراهيم جميع الفصول كامله حصريه ( مدونة قصر الروايات)
رواية خيانة حور الفصل السادس عشر والسابع عشر والثامن عشر والتاسع عشر بقلم منار ابراهيم جميع الفصول كامله حصريه ( مدونة قصر الروايات)
البارت١٦
منصور.. يا اهلا يا اهلا بمرات الغالي
زينت.. نوتي يا غاليه ثم عانقه ام سهي ووقفت بجانب زوجها
ام سهي.. تسلم يا حج دا نوركم ثم وجهت حديثها لسهي وقالت تعالي ياسهي سلمي علي عمك
اقتربت سهي من عمها وقبلت يده فعانقها منصور وقال.. حبيبه عمك عامله اي
سهي.. الحمد لله
منصور... طب يلا يا عروسه ابني سلمي علي حماتك
اومات سهي براسها واقتربت من زوجه منصور وعانقتها
زينت.. قمر اللهم بارك يا مرات ابني يا عسل انتي
كان مروان يستمع للحوار بغضب فهي حبيبته وزوجته
هي ملك له ليس لاحد
فنظر لهم منصور وقال.. اهلا بالناس الغالين اتفضلو
ام سهي... دي حور صديقه سهي
منصور.. نورتينا يا بنتي
ابتسمت له حور ثم اقتربت وقبلت يده فحرك منصور يده علي راسها بحنان
ام سهي... ودا احمد خطيبها ومروان
منصور.. نورتونا والله خديهم يا ام شادي يلا للاوض بتاعتهم يرتاحو لحد ما الاكل يجهز
زينب.. اتفضلو
ودخل الجميع للبيت وهم ينظرون للمناظر الجميله حولهم باعجاب واوصلتهم زينب لغرفهم فسهي وحور معا واحمد ومروان معا في غرفه
عند سهي وحور كانت سهي تجلس علي الفراش بحزن تفكر ما الحل لهذه الورطه التي وقعت فيها فمن المستحيل ان تتزوج بابن عمها ولكن كيف سيلغون الزواج قطع تفكيرها حور وهي تضع يدها علي كتفها فالتفت سهي لها
حور.. متقلقيش ان شاء الله خير
نظرت لها سهي بحزن ثم عانقت حور بقوه فبادلتها حور العناق وهي تحرك يدها علي راسها بحنان....
###########
اما في غرفه الشباب كان مروان يتحرك بغضب
مروان.. انا اي اللي جابني انا كنت خدتها ومشيت
احمد.. اهدي يا مروان وهنلاقي حل
مروان بغضب.. حل اي هو فين الحل دا سهي هتتجوز كمان اربع ايام يا احمد
احمد بهدوء.. صدقني هنلاقي حل وفي الوقت دا لازم تبعد عن سهي وبلاش تشوفها كتير عشان محدش يشك ولسا قدامنا وقت واكيد هنلاقي حل
مروان بحزن.. اتمني يا احمد صدقني بحبها اووي مش مستعد انها تبعد عني هي حياتي فكره انها تكون لغيري بتموتني افهمني
احمد بوجع.. فاهم ياصحبي فاهم
قطع كلامهم دق علي الباب
احمد.. ايوه
فسمع صوت فتاه تقول.. بابا مستنيكم تحت عشان العشا
احمد.. حاضر هننزل اهو ثم وجه كلامه لمروان وقال.. يلا بدل هدومك عشان ننزل
مروان.. ماشي
وبعد قليل انتهي مروان فذهبو لاسفل وفي طريقهم صادفو سهي وحور فنظر مروان لسهي ولمح نظره الحزن التي في عينيها فشعر بالالم بسبب حزنها اما احمد فنظر لحور بشي من الاستغراب فقد كانت حور ترتدي حجاب وليس خمارها
حور.. يلا يا جماعه ننزل مينفعش وقفتنا دي
احمد.. حور معلش ثانيه مروان انزل انت سهي
اوما مروان له وذهب مع سهي لاسفل فكانو يمشون بجانب بعض وتلامست ايديهم فنظرو لبعضهم بسرعه فقطع نظراتهم صوت فتاه تقول ... انتي سهي صح
سهي.. ايوه انا
مريم بابتسامه.. انا مريم بنت عمك
سهي بحب وهي تعانقها.. عامله اي
مريم.. الحمد لله ثم نظرت لمروان واندهشت من وسامته ثم انزلت نظرها بسرعه وبخجل
مريم بخجل.. احم اتفضلو اوضه الاكل من هنا
وذهبت بسرعه وتبعها مروان وسهي
اما في الاعلي
حور.. خير يا احمد في اي
احمد.. فين خمارك
حور. جوه
احمد.. ما انا عارف انه جوه بس جوه بيعمل اي ملبستوش لي
حور.. احم اصل قلت اكيد هساعد في حاجه وكده فالبس حجاب وبعدين مفيش شباب هنا
احمد.. حور مين قال ان مفيش شباب امال ابن عم سهي دا لي يلا ادخلي لو سمحتي البسي خمارك وميتقلعش نهائي
حور .. حاضر وذهبت بسرعه لغرفتها وارتدت خمارها وخرجت فوجدت احمد بانتظارها وعندما وقع نظره عليها ابتسم بحب وقال.. كده قمر
حور بخجل.. احم مرسي يلا بينا ننزل
احمد.. اوك
ونزلو الدرج سويا ووقفو في نهايته حائرين اين يذهبون فسمعو صوت يقول.. بتدورو علي حاجه
التفت احمد فوجد شاب ينظر لهم بتمعن وبالاخص لحور
احمد.. ايوه احنا بندور علي الحج منصور والجماعه
شادي بخبث.. اكيد في الصالون بس متعرفناش ثم نظر لحور بمكر
احمد بحده من نظراته.. انا احمد ثم وضع يده علي كتف حور وقال.. ودي حور خطيبتي صديقه سهي وجينا عشان الفرح
شادي.. امم خطيبتك علي العموم نورتونا ثم قال لحور. نورتينا ياقمر
حور بخوف.. احم شكرا
احمد بغضب.. ممكن تقولنا المكان فين
شادي.. امم اكيد اتفضلو وذهب امامهم وتبعه احمد وحور فامسك احمد بيد حور وقال .. مترديش علي البني ادم ده
حور باستغراب.. لي
احمد بحده.. حور ثم ضغط علي يدها بقوه
حور بالم.. ايدي يا احمد
ترك احمد يدهابسرعه ثم امسكها وقال بلهفه .. انا اسف متزعليش بس انا مش مستريح للشخص دا
حور. لا عادي حصل خير وبصراحه ولا انا مرتاحه ليه
احمد.. ماشي خدي بالك منه
حور.. حاضر ثم تبعو شادي حتي وصلو لغرفه وجدو فيها الجميع مجتمع علي مائده الطعام
منصور.. اتفضلو يا حبايبي تعال ياشادي سلم علي مرات عمك وعروستك
شادي بخبث.. حاضر ثم ذهب وقبل يده ام سهي وقال.. نورتي ياعمتي
ام سهي.. دا نورك يا حبيبي
ثم نزر لسهي بخبث ومد يده وقال.. اذيك ياسهي
نظرت له سهي بتوتر و نظرت لمروان الذي ينظر لها بغضب فقالت.. احم الله يسلمك احم اسفه مش بسلم
شادي بخبث.. اممم عادي بكره تسلمي وهيبقي في حاجات كتير هههه
اما والده سهي نظرت لسهي بغضب علي فعلتها وقالت.. معلش يا حبيبي محروجه بس
شادي.. عادي يامرات عمي بكره تكون مراتي ومش هتتكثف مني
ضغط مروان علي قبضه يده بشده وهو يستمع لخرافات ذالك الشاب اما احمد فكان يشعر بعدم الارتياح له وكذلك حور
منصور.. يلا يا جماعه اتفضلو كلو الاكل هيبرد
وبدا الجميع في الاكل وفجاه بدا مروان يسعل بشده فخافت سهي عليه وجاءت لتعطيه ماء وجدت مريم اعطته كاس فنظرت لها بغضب
مروان.. شكرا
مريم بخجل.. العفو ثم ذهبت وجلس مكانها
الحج منصور.. سلامتك يلا ابني
مروان.. الله يسلمك يا حج انا كويس بس تقريبا فيها شطه وانا مليش في الحاجه الحراقه كده
الحج منصور.. طب خلاص يا بني متكلش منها ونخايهم يعملولك حاجه تانيه
مروان.. لا طبعا الاكل كتير اهو هاكل من دا متتعبش نفسك
الحج منصور.. ميصحش يبني بت يا مرين شوفي البشمهندس ياكل اي
مروان.. ابدا والله اقعدي يا انسه مريم كملي اكلك
استسلم الحج منصور لرغبه مروان ومر العشاء علي خير وجلس الجميع حور وسهي بجانب بعض واحمد ومروان اما شادي فكان يجلس وينظر لسهي وحور نظرات خبيثه وبالنسبه للحج منصور وام سهي وزوجته غكانو يجلسون يتفقون علي تجهيزات الزواج
الحج منصور.. كده اتفقنا يا مرات الغالي ان شاء الله الفرح بعد اربع ايام
ام سهي.. ان شاء الله
اطلقت زينب الزغاريط اما مروان فشعر بالغضب وقام واستاذن و خرج من البيت اما سهي نظرت لحور بحزن وذهبت بسرعه لغرفتها
احمد.. حور روحي ورا سهي وانا هروح لمروان
حور.. حاضر
وصعدت بسرعه لسهي ودقت الباب ودخلت فوجدتها تبكي فجلست بجانبها واخذتها في حضنها وقالت.. ششش اهدي
سهي ببكاء.. هموت يا حور حاسه بوجع صعب لي القدر بيلعب معايا كده لي اللي احبه يبقي قدامي واشوفه وانا بكون لحد تاني صعبه يا حور صعبه اووي
حور.. اهدي با سهي باذن الله هنلاقي حل متخافيش
##########
كان مروان يمشي بحزن في الظلام يتذكر كل اوقاته الجميله مع سهي وكيف خطفت قلبه من نظره واحده
فرفع راسه للسماء ونظر للنجوم وقال بحزن.. انا عمري ما اعترضت علي حاجه كنت طول عمري وحيد اهلي ماتو وسابوني عشت وحدي ويوم ما احب تتاخد مني لي يا رب
احمد.. متياسش من رحمه ربنا يا مروان
التفت له مروان وقال.. مش بياس بس موجوع اووي يا احمد
جلس احمد فجلس مروان بجانبه
احمد.. عارف وجعك وانه صعب بس علي الاقل انت بتحارب لحبك اهو والبنت بتحبك غير انك تكون بتحب حد وهو بيحب غيرك وانت تشوفه مع غيرك وتتكسر
مروان.. مين دا
احمد.. مش مهم المهم يا مروان اتحكم في نفسك شوبه فاهمني وان شاء الله هنلاقي حل
مروان.. يااارب
احمد.. يلا بينا الوقت اتاخر
اوما له مروان وذهبو سويا للبيت ووجدو الحج منصور مع ام سهي يرتبون الزفاف فصعدو لغرفتهم لينامو قليلا
.
مر الليل علي ابطالنا ليل ملي بالالم والوجع فكل القلوب تعاني من الحب وجراحه اما بالنسبه لحور فمر الليل عليها وكانه دهرا من الوجع فهي قضته جالسه ولم تنم ابدا تفكر في ريان وخيانته وتهطل دموعها بشده وتحاول منع شهقاتها من الوصول لسهي...
في الصباح خرجت سهي من الغرفه فوجدت احمد امامها
احمد.. صباح الخير يا سهي
سهي..صباح النور مروان فين
احمد.. راح يتمشي شويه وحور لسا نايمه ولا اي
سهي . ايوه تقريبا فضلت سهرانه عشان جيت اصحيها لقيتها راحه في النوم
احمد.. اوك.
ابتسمت له سهي وذهبت لاسفل اما احمد فجاء ليرحل ولكنه اراد ان يطمئن علي حوريته ففتح الباب ببطي ونظر للسرير فوجد حوريته تنام وشعرها يتناثر حولها بطريقه جميله وترتدي بيجامه رقيقه جعلت من هيئتها تخطف قلب احمد ونظر لوجهها فوجد عليه اثار البكاء فتنهظ بحزن واقترب منها ونظر اليها طويلا ثم وضع يده علي راسها وحركها علي شعرهابحنان وقال..نفسي اخد الوجع منك يا حوريتي
بس اوعدك هحاول علي قد ما اقدر اني امحي الوجع دا وارجعلك الابتسامه لوشك من تاني
تحركت حور في نومها فابعد احمد يده بسرعه ونظر لهافوجدها تنام بعمق فابتسم بحب ثم خرج واغلق الباب خلفه
##########
كان مروان يقف امام خيل اسودجميل يملس علي راسه
بحنان فقد اعجبه حقا
سهي.. عجبك
التفت مروان لصوتها وابتسم بحب ....جدا انا بحب الخيول
ابتسمت له سهي ووقفت بجانبه ووضعت يدها علي راس الحصان ..دا فهد من الخيول الاصيله كان بابا الله يرحمه بيحبه جدا
مروان.. الله يرحمه يا حبيبتي
نظرت له سهي بحب وامسك مروان يدها فخجلت بشده وقالت بتوتر.. احم انا هركبه
مروان بخوف.. طب خلي بالك
سهي.. حاضر ثم قامت بالجاوس فوق الحصان ومشي بها قليلا وهي فرحه جدا ومروان يتابعها بحب ولحظات وانطلقت رصاصه في الجو ففزع الحصان بشده واسرع في الجري وسهي تصرخ ولا تستطيع ان تتحكم فيه ومروان يكاد ينخلع قلبه عليها
مروان.. سهي حاولي تتحكمي فيه
ولكن سهي لم تستطع ولحظات وكانت تقع من فوقه وفور وقوعها اغمي عليها
مروان بصريخ.. سهاااااااااااااا
##############
مركب ورق في البحر والبحر قلبه كبيييير كبير كبير
مركب ورق قلبي بتعاند المجاديف
مركب ورق قلبي بتعاند المجاديف
موج يخدها لفووووق وموج يطوحها
شطوط بتحضنها وشطوط بتجرحها
موووج ياخدها لفوق وموج يطوحها
شطوط بتحضنها وشطوط بتجرحها
والبحر بجلاله كتير مبيسعهاش
مركب ورق قلبي اوان فرحها مجاش
مركب ورق قلبي اوان فرحها مجاش
كانت حور تجلس تحت شجره وتغمض عينيها وتغني هذه الاغنيه ودموعها تنزل بغزاره علي خدها فشعرت باحد يمسح دموعها ففتحت عينيها بسرعه فكان احمد يجلس امامها وينظر لها بحنان فنظرت له بحزن فتوقف نظر احمد عند فمها وبدون شعور منه اقترب ببطي وحور تنظر في عيناه وقبل ان تتلامس شفتاه مع خاصتها سمعو مروان يصرخ فابتعد احمد بسرعه عن حور وكذالك حور احمر وجهها بشده وسرعان ما فزعو عندما راو مروان يحمل سهي ويصرخ فذهبو بسرعه
مروان بخوف.. حد يطلب الدكتور بسررررعه
ام سهي بخوف... بنتي يالهووووي بنتي اي حصلها
حور بفزع.. مالها سهي يا مروان
مروان بحزن شديد.. كانت راكبه الحصان وفجاه سمعنا ضرب نار والحصان هاج و فقدت القدره انها تتحكم فيه ووقعت
الحج منصور... بسرعه اطلبي الدكتور يا زينب
زينب.. حاضر يا حج
كان مروان ينظر لسهي الفاقده للوعي امامه علي الكنبه بحزن شديد فوضع احمد يده علي كتفه
احمد.. متخفش هتكون بخير
اوما مروان براسه ثم اعاد بنظره لسهي وبعد قليل حضر الطبيب
ام سهي... فين شادي يطلعها اوضتها
مروان بسرعه.. انا هطلعها
وجاءت لتعترض ولكن مروان سبقها واخذها لغرفتها ودخل الطبيب ليفحصها ومعه حور ووالدتها ومروان في الخارج يشعر بالخوف عليها
وبعد قليل خرج الطبيب فذهب له مروان بسرعه واحمد
الحج منصور.. طمني يا دكتور مالها
الدكتور.. لا متخافوش هي كويسه الاغماء نتيجه الخوف بس ومفيش الا كدمه في دماغها مكان الخبطه وهتبقي كويسه باذن الله
مروان.. شكرا يا دكتور
الدكتور.. العفو واتفضلو العلاج دا ليها
احمد..اتفضل انا هوصلك
ورحل الطبيب وذهب الحج منصور لاحضار العلاج اما مروان فظل واقف امام غرفت سهي بقلق فوجد حور تخرج
مروان.. حور سهي كويسه صح
حور.. ايوه متقلقش هي كويسه والدكتور قال شويه وهتفوق
الحج منصور.. اتفضلي يا بنتي العلاج اهو
اخذت حور العلاج وشكرته وذهبت للداخل ورحل الحج منصور اما مروان فظل جالس امام غرفه سهي
وحل الليل سريعا وجاءت ام سهي لتخرج من غرفت ابنتها فوجدت مروان يغفو امام غرفتها فوق قلبها له بشده فاقتربت منه
ام سهي . مروان مروان
مروان بفزع.. اه ايوه سهي هي كويسه صح
ام سهي.. ايوه متخفش يلا روح نام في اوضتك
اوما لها مروان براسه ورحلت ام سهي ولكن مروان لم يرحل وفتح باب غرفه سهي فوجدها تجلس مع حور فنظر لها بحب وذهب بسرعه وعانقها
مروان.. الحمد لله كنت خايف اووي عليكي
سهي بحب.. انا كويسه متخفش
حور. مروان يلا اخرج قبل ما حد يجي
اوما مروان براسه وقبل جبين سهي وخرج فتنهدت سهي بحزن اما حور فوقفت وذهبت لتقف امام النافذه فرات احمد يجلس لوحده تحت الشجره فخجلت بشده عندما تذكرت ما حدث
############
توجهت ام سهي لاسفل فوجدت شادي يجلس امام التلفاز ويضحك
ام سهي... شادي انت جيت امتي
شادي.. من زمان يا مرات عمي
ام سهي.. انت عرفت اللي حصل لسهي
شادي.. ايوه الف سلامه عليها هههه بس حظها ركبت الحصان وانا بصطاد فالحصان خاف من صوت النار
ام سهي بحده..يعني انت اللي ضربت النار
شادي.. اممم ثم نظر للتلفاز واكمل ضحك فنظرت له بغضب وقارنت بينه وبين مروان وذهبت لغرفتها
اما شادي فرن هاتفه فابتسم بخبث وخرج من المنزل وقاد سيارته ووقف امام بيت ودق الباب ففتحت له فتاه وهي تضحك بصوت عالي فغمز لها شادي وذهب للداخل حيث الدخان يملي المكان وشباب يشربون الخمر والمخدارت فجلس بجانب اصدقاءه وتناول جرعه من المخدرات
شادي .. امممم ايوه هو دا المزاج
صديقه.. هههه اتقل يا عريس
شادي بضحكه.. هههه عريس انما اي عندنا اتنين اجمل من بعض مش عارف هصبر عليهم ازاي دول
صديقه.. للدرجادتي حلوين
شادي وهوويشرب الخمر.. اجمل من بعض اذا كان بنت عمي ولا صحبتها
صحبه برغبه.. طب ما ندوق معاك
شادي بمكر.. الصبر حلو واخذ فتاه من الموجودين وتوجه لاحد الغرف ليفعل ما حرمه الله
##########
ومر يومين بدون احداث فسهي لم تخرج من غرفتها لتعبها وحور تتجنب احمد واحمد لم يعترض فلها الحق اما مروان فيشعر بالحزن الشديد فلم يجدو حل حتي الان فاليوم الحنه
مروان بغضب.. انا هطلع اخد سهي ونمشي
احمد. . مروان اهدي مينفعش كده
مروان ... انت بتقول اي النهارده الحنه وبكره فرحها اصبر لحد ما تتجوز
قاطع حديثهم الحج منصور... تعال يا ابني ساعدني
نظر له احمد فاوما مروان راسه بحزن وذهب وقام بمساعده الحج منصور والعمال في تعليق الزينه فقد كان يعمل بحده وعصبيه
اما سهي فكانت تراثب مروان من نافذتها. ودموعها علي خدها فدق احدهم الباب
سهي وهي تزيل دموعها.. ادخل
دخلت ام سهي ونظرت لابنتها بحب ومعها فستان حنتها وقالت..حبيبتي فستانك اهو يلا اجهزي مفيش وقت
سهي وهي تشعر باالم في قلبها.. حاضر
فابتسمت لها والدتها ورحلت اما سهي فامسكت الفستان وبكت بشده
حور وهي تفتح الباب.. سهي شوفتي..
قطعت كلامها عندما وجدت سهي تبكي بشده
فذهبت وعانقتها اما سهي فانفجرت في البكاء وعانقت حور بقوه
سهي ببكاء.. مش قادؤه يا حور مش قادره
حزنت حور بشده علي ضديقتها فحاولت تهدئتها فلم تستطع فخرجت من الغرفه وتوجهت لاحمد فوجدته يقف مع بعض الناس فلما راها ذهب اليها بسرعه
احمد.. في اي يا حور
حور ببكاء.. سهي يا احمد ثم عانقت احمد بشده وبكت
صدم احمد بشده ولكنه تمالك نفسه وابعدها عنه بحنان وقال.. متهافيش باءن الله هنلاقي حل وربنا مش هيسيبهم المهم حاليا خليكي مع سهي
حور بحزن.. حاضر ثم رحلت فوقف احمد بحزن ينظر لمروان ولحوريته يتمني فعل شي ولكن ليس بيده شي..
وحل الليل بسرعه وكانت سهي تجلس وخواها فتيات كثيره والنساء يضعون الحنه ويرقصون وسهي في عالم اخر وحور تنظر لها بحزن شديد
اما عند الشباب فكانو يرقصون واصدقاء شادي يشربون الخمر والمخدرات فصدم مروان واحمد بشده فابتعدو عنهم وذهبو ووقفو مع الحج منصور وكبار السن
مريم.. يلا يا عروسه عشان تحطي حنه
سهي بحزن.. حاضر ثم مدت يدها لهم فنقشو الحنه عاي يديها وحور بجانبها تشعر بالحزن الشديد علي صديقتها ومر ساعه من الرقص والغناء
سهي.. حور انا تعبت عوزه اطلع
حور.. حاضر لحظه
ثم ذهبت لزينب وام سهي وقالت.. طنط سهي تعبانه شويه وحبه ترتاح ممكن
زينب.. اكيد ليا تعبانه من الخبطه ماشي يا حليبتي خدبها علي فوق يلا ترتاح
حور.. حاضر ثم توجهت لسهي وامسكت يديها وصعدو لغرفتهم وظلت الفتيات ترقص وبمجىد دخول سهي للغرفه انفجرت في البكاء
حور.. ششش اهدي يا عمري
سهي ببكاء.. خلاص كل حاجه هتروح مش هنكون لبعض
حور.. خلي املك كبير في ربنا
يلا قومي نصلي وندعي ربنا
سهي بالم.. حاضر
ثم قامت الفتيات بتبديل ملابسهم واستعدو للصلاه فكانو يسجدون وكل فتاه منهم دموعها علي خدها تناجي ربها
حور بدموع..يارب ريح قلبي وقلب سهي بارب احنا ملناش غيرك يا رب انا مش معترضه علي حكمتك خدت اهلي وقلبي اتكسر راضيه والله بس اجبر بخاطرنا احنا ملناش غيرك
اما سهي فكانت تدعو وهي تبكي بشده... يارب انت دخلت الحب قلوبنا وقادر انك تحافظ عليه متوجعش قلبنا يارب خليك جنلنا احنا محتاجينك اووي يارب متحرمنيش منه ذي ما اخدت والدي مش هستحمل والله
وظلت الفتيات تدعو وتبكي حتي انتهو من الصلاه وجلست سهي بهدوء فذهبت حور وجلست بجانبها وامالت راسها علي كتفها وحركت يدها علي راسها بحنان
في الاسفل كان شادي واصدقاءه سكرانين بشده
صديقه.. اي يابرنس مفيش مزز
شادي بخبث... اكيد في تعال معايا
وتحرك بثمل ودخل البيت من الخلف ومع صديقه يترنحون اثر الشرب وصعدو للاعلي وفتحو الباب علي حور وسهي. ففزعت الفتيات ووقفن بسرعه
كانت حور وسهي يرتعشان من الخوف يمسكان بيد بعضهما بهلع وفزع وينظرون بخوف للذان يقفان امامهم ويظهر علي ملامحهم الشر وهيئتهم تدل علي انهم كانو يشربون الخمر
حور بخوف.. ف في اي عوزين اي
الشاب .. هنستمتع شويه ياقمر
سهي بغضب.. امشو اطلعو بره بره ياشادي بره
شادي وهو يضغط علي شفتاه ... وهو دا يصح برصو يا موزه بس بيني وبينك انتي طلعتي جامد اووي
حور... لو سمحتي اخرجووسبونا في حالنا ثم نظرت لسهي ودموعها في عينيها فهي تقف امام هذان الحقيران بشعرها وملابس بيت فنظرت بجانبها وجدت خمارها فءهبت بسرعه لتحضره لتستر نفسها ففوجات بشخص يحتضنها من الخلف
حور بفزع... ابعد عني ابعد
شادي برغبه.. وانا اقدر برضو ثم حاول تقبيلها علي خدها فصرخت حور وابتعدت عنه بسرعه فذهب شادي بسرعه وامسك يدها بقوه ليثبتها وحاول تقبيلها وحور تصرخ
حور.. ااااااو ابعد عني احمد لاااااا احماااااااااااااد
وبجانبها كان ذلك الغريب يحاول تمزيق ملابس سهي وتقبيلها وهي تقاوم بشده فقام بضربها وصفعها
سهي بصراخ... ابعد عنييي مروااااااان الحقني لااااا
الشاب برغبه.. ما تهدي بقي يا بت انتي وبلاش العنف دا
سهي ببكاء.. ابوس ايدك ابعد عني
ابتسم الشاب من بين اسنانه التي يخرج منها رائحه الخمر ثم قام بقطع بلوزتها فصرخت سهي
وعلي اثرها نظرت حور لها بخوف فبسرعه ثبتها شادي وقام بتمزيق بلوزتها و...
في الاسفل كان مروان يقف في مكان هادي فذهب احمد ووقف بجانبه
مروان.. الحب صعب اووي ووجعه صعب بنحب وقلوبنا بتتكسر ساعات القدر بيحكم علينا اننا منكنش نصيب بعض ويوجعنا فنزلت دموعه بالم ومسحها بسرعه فنظر له احمد بحزن فهو يفهمه جدا ويفهم حزنه الان
مروان.. انا لازم امشي
احمد... طب وسهي
مروان بالم.. للاسف ملناش نصيب سوا مش قادر اخدها واهرب بعد ما عمها وثق فيا وعاملني كابنه وامها وثقت فيا انا هروح اودعها
احمد.. بس هي في الحنه لسا
مروان.. لا شوفت مريم وسالتها قالت انهم طلعو يرتاحو هطلع اودعها يا احمد اي حرام اودعها كمان دا مش من حقي
احمد.. انا متاكد ان ربنا هيساعدكم يا مروان
مروان بالم.. للاسف شكلها النهايه يلا يا احمد ثم ذهب هو واحمد لغرفه الفتيات......
البارت١٧
قام شادي بتمزيق بلوزه حور فصرخت حور وظلت تخبي نفسها من نظراته وشادي يبتسم بخبث
حور وهي تقاوم... احماااااااد لاا ابعد عني لا ابعد عني
شادي بغضب.. ما تهدي بقي
قام شادي بصفع حور فبكت بشده واغمضت عينيها ودموعها تغرق وجنتيها
اما بالخارج اقترب مروان واحمد من غرفه الفتيات
احمد.. هتقدر تمشي يا مروان
مروان بحزن... للاسف لازم مبقاش ينفع افضل
احمد.. بس ولم يكمل كلامه حتي سمع صريخ حور فجري بسرعه وفتح الباب وصدم احمد بشده عندما وجد فادي يصفع حور ومزق ملابسها وخلفه مروان الذي وقع قلبه عندما وجد سهي تصرخ وذلك الحيوان يحاول تمزيق ملابسها
فانقض احمد علي شادي وابعده عن حور
احمد بغضب.. يا ابن*** وظل يضرب شادي وهو لا يستطيع الدفاع عن نفسه لانه ليس في وعيه ويترنج من الشرب
اما مروان فابعد ذلك الشاب عن سهي وظل يكيل له الضربات
مروان بغضب.. يا ابن الكلب ازاي تتجرا تعمل كده
امسكت سهي بغطاء السرير وظلت تبكي بشده اما حور فقد جلست وهي تضم نفسها في زوايه من الغرفه وترتعش من الخوف
##############
كانت مريم في الداخل لتحضر مياه وجاءت لتخرج فوجدت احمد ومروان يجرون وسمعت صراخا فذهبت بسرعه وراءهم وصدمت من حاله حور وسهي فذهبت بسرعه لوالدها وام سهي لتحضرهم
احمد بغضب... هموتك والله لموتك عشان تتجرا وتلمس شعره من حوره
ظل احمد يضربه بشده حتي نزف شادي فوقع علي الارض فاقد الوعي
فنظر حوله فوجد مروان يضرب في ذلك الشاب بشده فذهب وابعده عنه
مروان بغضب.. سيبني اخلص عليه
احمد... مروان اهدي هتموته خلاص خد جزاته
اوما مروان له وذهب بسرعه لسهي
مروان.. سهي حبيبتي انتي كويسه
سهي بخوف.. م مروان ه هو ثم انفجرت في البكاء فاخذها مروان بين احضانه ليهدئها
اما احمد فنظر لحاله حور بحزن وذهب لها وجلس امامها فكانت حور تضم نفسها وراسها بين قدميها فوضع يده علي كتفها فصرخت حور بشده
احمد... اهدي يا حور انا احمد
حور ببكاء.. احمد احمد ثم انفجرت في البكاء وعانقته بشده فقبض احمد علي يده بغضب بسبب حالتها فذلك الحقير تسبب في وجع حوريته
دخل الحج منصور للغرفه ومعه زوجته وام سهي ومريم فوجد احمد يحتضن حور ومروان يحتضن سهي وابنه وصديق له علي الارض ينزفون
الحج منصور بغضب... في اي هنا
ام سهي... سهي بنتي وذهبت بسرعه اليها فابتعد مروان واحتضنتها والدتها فبكت سهي بشده
سهي ببكاء.. ماما
ام سهي.. اهدي با حبيبتي فهميني في اي اهدي
احمد... اظن الاجابه واضحه يا حج منصور
الحج منصور.. اجابه اي فهمني ابني ليه مضروب كده
حاول احمد الابتعاد عن حور فتمسكت به بخوف فابتسم لحور ونسح دموعها وقبل جبينها وقلع جاكت بدلته ووضعه عليها ووقف وقال.. ابن حضرتك حاول يعتدي علي حور لا ومش بس كده جايب صحبه عشان سهي
ام سهي بغضب.. انت بتقول اي
زينب بحده.. انت كداب ابني مش هيعمل كده مستحيل
مروان بهدوء.. اظن حاله البنات تثبت لوحدها
مريم بتردد. . ماما انا كنت هنا وشوفت اللي حصل وفعلا شادي كان بيحاول يعتدي علي حور ولولا احمد ومروان مكناش نعرف اي هيحصل
نظر الحج منصور لابنه بغضب ونظر لزوجه اخيه بخجل لا يعلم ما يقول اما زوجته فجلست بحزن بسبب ولدها
ام سهي بغضب.... ابنك حاول يعتدي علي ابني يا حح منصور دا اخرها ابن عمها وكمان خطيبها ويكون اول حد ينهش في لحمها
الحج منصور بحزن.. حقك عليا يا مرات الغالي صدقيني مش عارف اقول اي
ام سهي.. خلاص ياحج منصور الموضوع انتهي اعتبر الفرح اتلغي مستحيل اجوز بنتي لابنك ولو اخر حد
زينب... اهدي بس يا ام سهي مش كده
وقفت ام سهي وقالت بحده . لو سمحتو الموضوع انتهب وبعد اذنكم اخرجو عشان البنات تلبس ونمشي
الحج منصور.. طب خليكو لبكره طيب
ام سهي.. لا يا حج كفايا كده مروان يلا جهز العربيه انت
واحمد
اوما مروان براسه وذهب وتبعه احمد بعد ان نظر لحور كانها يطمئنها وقبل جبينها وخرج اما الحج منصور فنظر لام سهي بحزن وخرج هو زوجته ومريم
فنظرت ام سهي بغضب لشادي الممد علي الارض فادارت وجهها بعيدا وبعد قليل جاء شخص واخذ شادي وصديقه فاغلقت ام سهي الباب وذهبت لحو وسهي وهما ينظران لها بحزن فعانقتهم بحنان
ام سهي.. يلا اجهزو
اومات لها الفتاتان براسهم وذهبو ليحضرو حقيبتهم ..
بعد قليل نزلت ام سهي وبصحبتها حور وسهي ويجرون الحقائب خلفهم وذهب اليهم مروان واحمد واخذو الحقائب وخرجو ليضعوها في السياره
اما الحج منصور فكان يشعر بالحزن والخجل من ام سهي فقال... حقك عليا يا مرات الغالي
ام سهي.. خلاص ياحج اللي حصل حصل بس ابنك لو جرب يقرب من بنتي هقتله
الحج منصور.. متقلقيش يا ام سهي سهي بنتي برضو ثم اقترب وقبل جبين سهي بحنان ونظر لحور وذهب وقبل جبينها
الحج منصور.. توصلو بالسلامه
ابتسمت لهم الفتيات ثم ذهبو للخارج فوجدو مروان واحمد يقفون امام السياره فذهبو وجلست ام سهي بالخلف ومعها سهي وحور ومروان واحمد في الامام
كان مروان يسرق نظرات من سهي وهو يشعر بالحزن يتمني ان يعانقها فهو يعلم حجم المعاناه التي تعرضت لها وسهي تنظر له بحزن فادمعت عيونها فمسحت دموعها بسرعه ونظرت من النافذه فلاحظت امها نظراتهم فتنهدت بحزن
اما حور فكانت تنظر من النافذه شارده عن اي شي حولها وكانها فقدت الجزء الباقي من روحها لا تبكي ولا تتكلم فقط تنظر للخارج بهدوء واحمد ينمر لها بالم من حالتها هذه فقلبه يالمه كثيرا عليها فتنهد بحزن وواصل القياده.....
انا مش معاهم انا معاكي
مطرح ما هتروحي وراكي
انا كنت تايه وصغير
والحب خلاني اتغير
انا كنت حبيبتي كاني شيطان
وبقيت ملاك وانتي ملاكي
انا مش معاهم انا معاكي
مطرح ما هتروحي وراكي
انا كنت تايه وصغير
والحب خلاني اتغير
انا كنت حبيبتي كاني شيطان
وبقيت ملاك وانتي ملاكي
صدقيني انا عايز اعمل اي حاجه عشان ارضيكي
عايز ابقي حد يستاهل بجد يبقي ليكي
صدقيني انا عايز اعمل اي حاجه عشان ارضيكي
عايز ابقي حد يستاهل بجد يبقي ليكي
كنت تايه ولما شوفتك ابتدأ احلام بيكي
واللي فات بقي ذكريات
دنا ابتديت عمري بهواكي
انااااااا كنت قبلك مييين
انااااااا كنت قبلك فين
غلطان بأيديا اخترت التوهه مع التائهين
انا بعدت عني الحقيقه وعرفت طريقها منيييين
اول ما قلبي حس هواكي يعني مشوفتش غير وياكي
صدقيني انا عايز اعمل اي حاجه عشان ارضيكي
عايز ابقي حد يستاهل بجد يبقي ليكي
كنت تايه ولما شوفتك ابتدأ احلام بيكي
واللي فات بقي ذكريات
دنا ابتديت عمري بهواكي
انا مش معاهم انا معاكي...
وكان هذه الاغنيه لخصت كل الكلام في قلب مروان واحمد فكان احمد ينظر لحوريته وهي تائهه في عالمها وسهي ومروان ينظرون لبعض بالم
وبعد مظه وصل احمد امام بيت سهي فنزلت سهي ووالدتها وظلت حور في السياره شارده الذهن اما احمد ومروان فاخرجو الحقائب وحملها مروان لاعلي ثم نزل اليهم
مروان.. الشنط فوق
ام سهي.. شكرا يبني
مروان وهو ينظر لسهي بحزن... العفو يا امي
ابتسمت ام سهي لمروان ونظرت لابنتها بحنان ووضعت يدها علي راسها وحركتها بحنان وقالت... انا مليش الا سهي هي اللي طلعت بيها بعد ابوها الله يرحمه كنت عوزه احقق وصبته بس للاسف كان علي حساب سعاده بنتي مروان حبيبي تقدر تيجي تطلب سهي انت تستحقها انت اللي تقدر تحميها وتسعدها
مروان بسعاده.. انتي بتتكلمي جد
سهي بفرحه.. بجد يا ماما
ام سهي... ايوه
ابتسمت سهي بسعاده وعانقت امها بشده
سهي.. شكراااااا ثم ابتعدت نها وذهبت لحور وفتحت باب السياره وعانقتها ففاقت حور من شرودها ونظرت لسهي بحنان
سهي بفرحه .. ماما وافقت يا حور
حور بسعاده... مبروك يا عمري الف مبروك
شعر احمد بالسعاده لمروان وعانقه
احمد.. مبروك يا مروان
مروان بسعاده... الله يبارك فيك يا احمد شكرا شكرا بجد لكل حاجه
احمد..متقولش كده عيب عليك احنا ذي الاخوات
ابتسم مروان له ثم نظر بحب لسهي التي نظرت لاسفل بخجل وصعدت بسرعه لمنزلها فضحكت والدتها عليها وودعت احمد ومروان ورحلت
فتنهد احمد براحه ونظر لحور فوجدها تبتسم فابتسم لها وصعدو للسياره واوصل احمد مروان لبيته ثم توجهه لبيت حور
فتح احمد الباب ودخل فدخلت حور ورائه بهدوء وجلست علي الاريكه فوضع احمد الحقائب جانبا ووقف امام حور ثم انحني امامها وامسك بذقنها وجعلها تنظر له وقال... عيطي يا حوري
وكان حور كانت تنتظر منه الاذن لتبكي فانفجرت في البكاء فاخذها احمد بين احضانها لتهدا
حور ببكاء.... لي يا احمد لي بيحصل فيا كده ليييي الحيوان شافني من غير حجاب وكمان قطعلي ال لم تكمل كلامها وبكت
كم تالم قلب احمد عليها وتمني لو قتل ذلك الحقير شادي فتنهد بغضب وابعد حور عنه ونظر لعيناها وقال... حبيبتي اللي حصل حصل والحمد لله انها جات علي قد كده لازم تكوني قويه يا حور لازم ترجعي تقفي علي رجلك افتكري كلامنا واتفاقنا سوا
حور بحزن.. حاضر
احمد بحنان.. يلا ادخل غيري هدومك وانا هخضر اكل
ابتسمت له حور بامتنان وقالت.. شكرا
احمد.. العفو يا حوري
نظرت له حور نظره امتنان وشكر ومشاعر اخري لا تعلم ماهي ثم ذهبت لغرفتها وتوجه احمد للمطبخ ليعد الطعام
وبعد قليل خرجت حور وجلست علي المائده وبجانبها احمد فنظرت للطعام الذي امامها باستغراب ولطعام احمد بدهشه
حور... اي دا
احمد.. اممم نسيتي الرجيم يا انسه
نظرت حور للبيضه التي امامها وربع رغيف بحسره
حور... دول بس
احمد بمشاغبه.. اه
نظرت له حور بغيظ وبدات في الاكل وتنظر لطعام احمد ولطعامها بحسره
احمد.. الحمد لله ياااه الواحد شبع
نظرت له حور بغيظ وهي تشعر بالجوع وقالت. اوف بقي ثم ذهبت لغرفتها وهي تضرب قدمها في الارض واحمد يضحك عليها
##########
: ومرت الايام سريعا وحور تتبع نظام غذايي واحمد يتابعها وايضا وذهب مروان وطلب سهي التي كانت تطير من الفرحه والسعاده ووالدتها تحمد ربها بانها لم تخطي وتزوجها شادي
كان الجميع يقف وسهي تختار شبكتها وبجانبها مروان ينمر لها بخب ويساعدها علي الاختيار
سهي... حلو دا يا مروان
مروان بحب...بقي حلو عشان لبستيه
ابتسمت سهي بخجل ونظرت امامها لتختار باقي الشبكه
اما حور فنظرت لصديقتها بحب وفرحه لسعادتها ولكن هناك غصه في حلقها تجعلها تريد البكاء عندما رات مروان وفرحته بسهي وتذكرت ريان تالم قلبها كثيرا فلاحظ احمد ملامحها فامسك يدها وضغط عليها برفق فنزرت له بابتسامه مصطنعه وقالت.. هروح الحمام ثم ذهبت سريعا واغلقت باب الحمام عليها وانفحرت في البكاء
حور ببكاء... لي مش عارفه انساك ليييي كفايا بقي كفايااااا واكملت بكاءها وبعد قليل غسلت وجهها وعدلت خمارها وخرجت فوجدت احمد بانتظارها وبيده منديل قدمه لها فاخذته منه بحزن فابتسم لها وامسك يدها وذهبو حيث الجميع
وتمت خطبه سهي ومروان بفرحه وسعاده شديده من مروان وسهي فاخيرا تحقق حلمهم فقد كانو علي وشك الفراق ولكن شاء الله ان يجمعهم ومرت الايام بينهم بسعاده
.
: كانت تقف امام المراه تنظر لهيئتها بسعاده وفرحه فقد مر شهر وقد خسرت الكثير من الوزن بمساعده احمد ظلت تدور حول نفسها بفرحه فدق الباب ودخل احمد وابتسم لخوريته التي اصبحت اجمل واجمل وتطلع لفستانها البنفسجي وخمارها التي يزينها ويجعلها لؤلؤه وسط الجميع
احمد.. ها جاهزه
حور بسعاده... ايوه
احمد.. طب يلا
اومات حور براسها ثم ذهبت مع احمد وركبو السياره وحور تدعي ربها في سرها وبعد مده وصل احمد امام مبني فنظرت حور للمكان بتوتر
احمد.. حور متقلقيش
حور... خايفه اووي
امسك احمد بيدها وقبلها وقال متقلقيش انا واثق هيختاروكي
ابتسمت حور بخجل ثم ذهبت للداخل بصحبه تحمد وجلست بجانب الفتيات حتي ياتي دورها وبعد مده حان دور حور فذهبت للداخل بتوتر وخوف ووقفت امام ثلاثه اشخاص وامسكت الميكروفون بخوف
وظل الحكام ينتظرون ان تغني ولكن خور كانت قلقه بشده فنظرت بجانبها وجدت احمد يحرك لها راسه ان تبدا فابتسمت حور وجمعت شجاعتها وبدات في الغناء
وماله لو توهنا يوم في البعد
وسبنا كل الناس
انا يا حبيبي حاسس بحب جدبد
ماليني دا الاحساس
وانا هنا جنبي اغلي الناس
جنبي احلي الناس
حبيبي ليله تعال ننسي فيها الي راح
تعال جوه حضني وارتاح
دي ليله تسوي كل الحياه
ومالي ليله
ولولا حبك اعيش لمين
حبيبي جايه اجمل سنين
وكل ماده تحلي الحياه
حبيبي المس ايديا عشان اصدق اللي انا فيه
ياما كان نفسي اقابلك بقالي زمان
خلاص وهحلم لي
دنا هنا جنبي اغلي الناس
دنا جنبي احلي الناس
حبيبي المس ايديا عشان اصدق اللي انا فيه
ياما كان نفسي اقابلك بقالي زمان
خلاص وهحلم لي
دنا هنا جنبي اغلي الناس
دنا جنبي احلي الناس
حبيبي ليله تعال ننسي فيها الي راح
تعال جوه حضني وارتاح
دي ليله تسوي كل الحياه
ومالي ليله
ولولا حبك اعيش لمين
حبيبي جايه اجمل سنين
وكل ماده تحلي الحياه
انتهت حور من الغناء ونظرت للحكام بتوتر فهم صامتون لم يتكلم احد واحمد يتنظر في قلق وفجاه وقف احد الحكام وصفق بحراره لحور وكذلك البقيه فشعرت حور بالسعاده وصفق احمد بشده لها
الحلقه١٨
حور بسعاده... احمد اختاروني انا مش مصدقه
احمد بحب... مبروك يا حور انتي تستحقيها بجد خلاص كده حياه جديده اوعديني
حور بامتنان.. اوعدك يا احمد اوعدك....
.
بعد سنه
كانت تقف علي المسرح تغني بصوتها العذب والجميل
الومه ع ايه ؟؟
قلبى خلاص مش حاسس بيه ..
هو اللى كان يدينى الحنان
ماخلاص غدرنى وخان
قلبى … مجروح … مجروح … مجروح … مجروح
قلبى … مجروح … مجروح … مجروح … مجروح
وهاااااانت عشره سنين وقالى انسى الحنين
وهاااااانت عشره سنين وقالى انسى الحنين
هو اللى كان يدينى الحنان
ماخلاص غدرنى وخان
قلبى … مجروح … مجروح … مجروح … مجروح
قلبى … مجروح … مجروح … مجروح … مجروح
قلبى … مجروح … مجروح … مجروح … مجروح
قلبى … مجروح … مجروح … مجروح … مجروح
الومه ع ايه ؟؟
قلبى خلاص مش حاسس بيه ..
هو اللى كان يدينى الحنان
ماخلاص غدرنى وخان
كان الجميع يصفق لتلك المغنيه التي اصبحت مشهوره في وقت صغير واحب الجميع صوت غناءها الجميل
انتهت حور من الغناء وحيت الجمهور وذهبت خلف الكواليس
فقابلتها مديره اعمالها
مريم.. غناءك كان روعه يا حور
حور.. مرسي يا مريم يلا عوزه امشي..
خرجت حور من الحفل فهجم عليها العديد من الصحافيين ويطرحون العديد من الاسئله
صحفي.. انسه حور مين كشف موهبتك
حور بابتسامه.. احمد
الصحفي.. حبيبك
حور..لا ابن عمي واخويا
الصحفي..يعني حضرتك مش مرتبطه ولا كنتي مرتبطه قبل كده
تالم قلب حور من سؤاله فهي لم تنس جرح ريان بعد فاستاذنت منهم وذهبت ومنع الامن الصحافين من اللحاق بها
ركبت سيارتها وقادها السائق بها وهي تنظر من النافذه بشرود علي الرغم من تغير حياتها ولكن تظل نقطه تعكر صفو حياتها لم تنسي ريان ولا خيانته وككل ليله تشكي وجعها للقدر
وصلت السباره امام فيلا راقيه وجميله ونزلت حور وتوجهت للباب ففتحت لها الخادمه
ثريا.. نورتي يا حور هانم
حور بزهق.. ثريا حبيبتي اسمي حور بس
ثريا.. العين متعلاش علي الحاجه يا ست حور
حور.. حبيبتي ارجوكي حور بس
ثريا بابتسامه ... حاضر يا
حور .. ها حاضر يا اي
ثريا.. حور
حور بابتسامه.. ايوه كده يلا بقي حضري الغدا لحد ما اغير هدومي
اومات لها ثريا وصعدت حور لغرفتها وابدلت ملابسها ثم التقطت هاتفها
حور.. الو
احمد بابتسامه.. الفنانه بذات نفسها
حور بضحكه.. هههه البشمهندس اللي مش بشوفه الا فين وفين
نظر احمد للشاشه التي امامه بحب وقال.. معلش بقي انشغلت وانتي طبعا مشغوله
حور.. امممم غذر اقبح من جرم المهم يا هندسه انا عازمه نفسي علي حسابك
احمد بضحكه.. بس كده تؤمري
حور... اشطا يلا سلاموز جعاااانه
ضحك احمد علي جنون طفلته واغلق الهاتف ونظر للشاشه التي امامه
فكانت حفله حور الاخيره فنظر لها بعشق من طلتها التي تخطف قلبه
احمد لنفسه... عدي سنه يا حوري اتغيرتي كتير اوووي بقيتي نجمه مشهوره يا حبيبتي ودا مفرحني انك مبسوطه بس عارف ان لسا في وجع جواكي بس انا يكفيني اني اشوفك من بعيد وافضل جنبك حته لو مش هتحبيني
تنهد احمد بحزن ثم ارجع راسه للخلف واغمض عينيه ليفكر....
###########
انتهت حور من طعامها ثم جلست في الجنينه تقرا كتاب فقطع خلوتها رنين الهاتف فنزرت له بابتسامه
حور.. ايوه يا كلب البحر
سهي .. بس يا حيوانه انا مش بكلمك اصلا
حور.. ههههه لي بس
سهي بزعل طفولي... يعني فرحي قرب والنفروض تقفي جنبي بس نش بشوفك
حور بحنان.. متزعليش مني والله يا سهي مضغوطه بسبب الحفلات
سهي... ايوه بقي يا عم المشهور
المهم انا راحه انقي الفستان بكره هتكوني معايا مليش دعوه
حور... ماشي ياستي
سهي...اشطا يلا طيري بقي اتصل علي حبيبي
حور.. اه يا واطيه
اغلقت سهي الهاتف فضحكت حور علي صديقتها ثم نظرت امامها واخذت نفس عميق علي الرغم من شهرتها وتغيرها ولكن حزن قلبها يالمها تحاول النسيان ولكن لم تستطع تري ريان في كل مره تري فيه اثنان يحبان بعض تتذكر جرحه لها وانكسارهاهي لم تعد تحبه ولكن خيانته تالمها وبشده...
############
وصل احمد امام فيله حور وفتحت له الخادمه
ثريا... انسه حور فوق بتجهز وطلبت مني اما تيجي اقولك تستناها شويه
اوما لها احمد براسه وجلس
ثريا.. تشرب اي
احمد.. قوه لو سمحتي
ذهبت ثريا لتعد القهوه وبعد قليل احضرتها لاحمد فامسك الفنجان واخذ رشفه منه فسمع صوت كعب فرفع نظره فوجد شي جعل قلبه يخفق بشده
كانت حور تنزل من علي الدرج بفستانها الاحمر ومكياجها الهادي الجميل وحجابها الذي يزينها
وتنظر لاحمد وتبتسم وكانت هذه الابتسامه كافيه ليخفق قلبه بشده وكانه يقع في حبها من جديد
اقتربت منه حور وقالت بابتسامه... يلا
احمد بتوهان... ها
حور... احمد الووو وحركت يدها امام عينيه
احمد ... احم معلش سرحت شويه
حور... ولا يهمك مش يلا
احمد.. ايوه بس اي القمر دا
حور بخجل... مرسي
ابتسم احمد علي خجلها ومد يده لها فامسكتها حور وذهبو لسبارته وركبت بجانبه وقاد احمد السياره
حور.. ها هتعشيني فين
احمد ... المكان اللي تختاريه يا ستي
حور.. اممم لا انت وديني علي مزاجك
احمد بابتسامه... حاضر ياستي انتي تؤمري
نظرت له حور وابتسمت ثم نظرت امامها ونزرت للاشرطه وامسكتها فوجدتها جميعها لها
حور باستغراب.. كلهم بتوعي
احمد.. ايوه
حور... انت من المعجبين بقي
احمد بضحكه.. كل الحكايه ياستي بحب اسمع صوتك جدا ثم نظر لها وقال وصلنا نظرت حور فوجدت مطعم شيك جدا
فتح احمد باب سيارته لحور فخرجت وامسكت في يديه وذهبو للداخل ودلهم النادل لطربيزه
النادل... تطلبو اي يا فندم
حور.. اممم عوزه ايس كريم
احمد. نطلب اكل الاول
حور.. تؤ عوزه ايس كريم
احمد .. هههه ماشي ثم طلب اثنان ايس كريم وذهب النادل ليحضر طلبهم
حور.... سالي اخبارها اي
احمد .. ههههه بقت زنانه اووي
حور.. لي
احمد .. اممم مصره اني اتجوز
حور.. وانت في حد في بالك
احمد... تقريبا
شعرت حور بنغزه في قلبها وضيق ولكن حاولت التماسك وقالت.. مين
احمد بحب... بنت بعشقها
حور بحزن.. يعني بتحب
احمد.. ايوه
حور.. طب خلاص مبروك
احمد.. علي اي هي للاسف بتحب غيري
حور باستغراب... تبقي هبله حد يسيبك يا برنس ويحب غيرك
احمد وهو ينظر في عينيها بشده.. تفتكري
خجلت حور من نظراته وقطع حديثهم قدوم النادل ووضع الايس كريم امام حور واحمد
فامسكت حور بسرعه بالمعلقه وتناولته بشهيه وتلوث بجانب فمها فابتسم احمد عليها وامسك منديل ومسح لها فنظرت له بخجل واكملت تناول الايس كريم
وبعد مده خرج احمد وحور من المطعم بعد وركبو السياره
احمد.. ها يا ستي تحبي تروحي فين
حور بطفوله.. الملاهي
احمد بصدمه.. نعن
حور .. بليييز بليييز
احمد بضحكه.. حور حبيبتي انتي مش طفله وكمان مشهوره يعني اكبري حبه
نظرت له حور بقرف ثم نظرت تمامها بغيظ فابتسم احمد عليها وقاد السياره بعد مده ثم توقف فنظرت حور امامها فوجدتهم امام الملاهي فنظرت لاحمد بفرحه وامسكت يده وذهبو للداخل بسرعه
لعبت حور كالطفله تماما واحمد سعيد لفرحتها ويلتقط لها العديد من الصور ويشاركها اللعب
وبعد مده طويله خرجت حور من الملاهي وهي تمسك غزا البنات وعروسه كبيره في يديها
احمد بضحكه.. هههه والله عيب في حقك يا طفله اللي مسكاه دي
حور .. نننن ملكش دعوه عبو شكلك
ابتسم احمد عليها ثم ركبو السياره متوجهين لفيلا حور.
وصل احمد امام الفيلا فنظر لحور بجانبه فوجدها نائمه فوضع يده علي راسها بحنان ونزل من السباره وقام بحملهاوصعد بها لغرفتها
وضعها بحنان علي الفرلش ووضع الغطاء عليها جيدا فنظر لها بحنان وقبل جبينها ثم رحل....
في الصباح
كانت تقف امام المراه تستعد من اجل الذهاب مع سهي وبعدقليل انتهت وخرجت فوجدت سهي ومروان يقفون بسباره مروان امام الفيلا
مروان.. يا اهلا بالنجمه
حور.. ازيك يا مروان
مروان.. الحمد لله وانتي
حور.. الحمد لاه ثم نظرت لسهي وعانقتها بحب
سهي.. وحشاني يا موزه
حور.. وانتي كمان
احمد من داخل السياره يلا يا جدعان
ضحكت حور وقالت.. انت هنا
غمز لها احمد فابتسمت حور وصعدت بجانب سهي في الخلف واحمد ومروان في الامام
قاد مروان السباره وفي الهلف سهي وحور تتحدثان فنظرت حور امامها فجدت احمد ينظر لها فابتسمت بخحل ونظرت لسهي فنظرت سهي لاحمد الذي لا يزيح نظره عن حور بشك
وبعد مده وصلو لاتيليه مشهور. فذهبو جميعا للداخل
العامله.. اهلا وسهلا نورتونا
الجميع.. مرسي
العامله بفرحه..المغنيه حور واااااو انا من اشد المعجبين بيكي ممكن توقيعك بليييز
حور بابتسامه.. طبعا ثم وقعت لها فابتسمت العامله بسعاده
سهي... يلا ياجماعه بقي الله
مروان.. ماشي يا حبيبتي اختاري اللي انتي عوزاه
ابتسمت سهي له بحب وذهبو للداخل وسهي تتنقل من بين فستان لاخر حتي وقع نظرها علي واحد اعجبها بشده وكذلك حور وكذلك مروان اعجب به فذهبت سهي للداخل لترتديه. وحور ومروان ينتظرون في الخارج فنظرت حور بجانبها فلم تجد احمد فابتعدت قليلا حته راته يقف اما فستان ازرق جميل جدا
فوقفت بجانبه فقال احمد.. جميل صح
حور... ايوه
نظر لها احمد وابتسم ثم رن هاتفه فذهب جانبا ليجيب فنظرت حور امامها بشرود ثم ذهبت للداخل واشترت الفستان وخرجت بسرعه ثم ذهبت لمكان سهي
خرجت سهي وهي ترتدي فستانها الذي جعلها كالاميرات وبمجرد ان رأيها مروان حتي ابتسم بحب وووقف امامها وقبل جبينها بحب وقال.. قمر يا عمري
ابتسمت سهي بخجل وعانقته فبادلها مروان العناق
من بعيد كانت حور تنظر لهم بحب وسعاده لفرحتهم وتتمني ان تكتمل سعادتهم للابد......
###########
كان يجلس امام الكمبيوتر الخاص به ينظر لها ويستمع لصوتها الجميل بحث عنها فوجد لها الكثير من الحفلات دقق النظر لوجهها فوجدها حقا فاتنه كيف لم يلحظ هذا
عدل نظارته وابتسم عندما تذكر شكلها القديم وتغيرها هذا
ريان بتفكير.. حوور
البارت١٩
حور بتعب... لا مش قادر خلاص تعبت
مروان .. ومين سمعك انا رجلي مبقتش شيلاني
سهي ... بس لسا في حاجات ناقصه
احمد بضحكه... لا مع نفسكم بقي انا عرفت دلوقتي لي الشباب بترفض تنزل مول مع بنات
حور وسهي.. احمد
مروان... هههه قابل بقي
حور ... انا بجد تعبت وكمان عندي مقابله كمان ساعه
سهي.. خلااص مش مهم الباقي اشتريه بعدين
مروان... اوك يلا نروح كافيه
حور.. معلش يا مروان مش هقدر هتاخر عن المقابله بدوب اجهز
سهي ... انتي يا حجه المفروض خلاص هتجوز وتفضيلي
حور وهي تغمز لها.. المقابله دي بس يا عروسه وبعد كده انا معاكي علي طول ياباشا
احمد.. اوك يلا يا حور هوصلك واروج الشؤكه ورايا شغل
حور.. متتعبش نفسك هاخد تاكسي
احمد.. اممم تاكسي اوك ماشي حور دقيقه وتيجي ورايا احسنلك
ابتسمت حور وذهبت بسرعه وراء احمد واتجه مروان وسهي للكافيه
كانت حور طول الطريق شارده وتنظر للفستان بشرود من تصرفها ثم نظرت لاحمد وهو يركز في القياده وابتسمت ودققت في ملامحه الجميله تقسم بانها تراه اجمل شخص فتنهدت بتوهان ثم نظرت من النافذه
اما احمد فكان يتابع نظراتها وشرودها بحب شديد يتمني ان تشعر له وتقدر حبه يريد البوح ولكن يخاف ...
بعد مده وصل احمد امام فيلا حور
حور.. مرسي يا احمد
احمد.. العفو
حور.. اتفضل تشرب حاجه
احمد.. لا معلش يا حوري مره تانيه اتاخرت
اومات حور براسها ثم نزلت من السياره وانطلق احمد مبتعدا عنها اما هي فظلت تنظر لاثره بشده
#########
مروان بحب... كلها يومين بس انا مش مصدق
سهي بخجل.. ولا انا
امسك مروان بيد سهي ونظر لها بحب وقال . بجد انا بشكر ربنا انه هيخليكي من نصيبي
سهي بحب... مكنتش اعرف اني هحبك كده تعرف في حب بيخلي الانسان مبسوط ازوي وحب بيكسره ثم تنهدت بحزن وقالت ذي ما ريان كسر حور
مروان .... لو حور بصت كويس حوليها هتلاقي الحب الحقيقي
سهي... قصدك مين
مروان... احمد
سهي بدهشه.. اي احمد
مروان... ايوه باين جدا ان احمد بيحب حور من نظراته ليها تعامله معاها كل حاجه بتوحي انه بيحبها
سهي.. بس لي مقلش
مروان.. فكري بالعقل ازاي هيقول ليها وهي كانت بتحب اخوه وياترا هي لسا بتحبه ولا لا
سهي...ياترا القدر مخبيلك اي يا حور......
كانت تقف امام المراه تمسك بذلك الفستان وتنظر له بتمعن شديد وجاء في بالها احمد فابتسمت بحب ثم نفضت تلك الافكار من بالها واتجهت لمقعد وجلست بحزن
حزر بتعب.. انا مش فاهمه في اي واي المشاعر الي بحسها دي معقول بحب احمد بس لا هو بيحب بنت مينفعش اتجرح تاني لا يا حور فوفي الي حصل مغ ريان مينفعش يتكرر
وضعت حور راسها بين يديها ونزلت دموعها وقال.. بس انا ليه بغير عليه ولي ببقي مبسوطه لما بشوفه ولي نفسي احضنه واحس بالامان لي بقي شي مميز عندي لييي مينفعش احبه مينفعش
رفعت حور راسها ثم ميحت دموعها ونظرت لنفسها في المراه وكانها تحث نفسها علي تجاهل مشاعرها ثم ذهبت لتجهز نفسها للمقابله
########
كان احمد يجلس علي مكتبه وامامه صوره حور ينظر لها بحب وعشق دفين بداخله ابتسم بحب حين اغمض عينيه وجاءت صورتها امامه
ثم وقف وذهب ليعد كوب قهوه وبينما هو يحضر القهوه انتبه علي صوت التلفاز وبدايه البرنامج فنظر بسرعه
المذيع... السلام عليكم ورحمه الله وبركاته اعذائي المشاهدين النهارده معانا ضيفه مميزه الكل بيحبها نجمتنا الصاعده الي في وقت قليل قدرت تحصل علي الشهره بصوتها الجميل والعذب ومع الفنانه حور
حور بابتسامه... شكرا
نظر احمد لابتسامه حور بحب شديد واكمل الاستماع لمحادثتها
المذيع... عاوزين نعرف ازاي قدرتي تعرفي موهبتك
حور.. دا كان حلم ماما اني ادخل معهد موسيقي وقدرت ادخله وصوتي ساعدني
المذيع... ازاي قدرتي توصلي صوتك للناس
حور بحب.. الفضل لاحمد
كان احمد يكمل اعداد قهوته وحين استمع لاسمه منها التفت بسرعه ووقع الفنجان منه وانصت لكلامها
المذيع... احمد دا حبيبك
شردت حور قليلا ثم قلت.. احمد دا ابن عمي واخويا وصديقي هو السبب في الي انا فيه طبعا وساعدني كتير
ابتسم احمد بالم علي كلام حور وبانه اخ لها فقط فتنهد بحزن واعد فنجان اخر من القهوه .....
###########
في صباح اليوم التالي كانت سهي تنام بعمق حتي استيقظت وهي فزعه من ماء قذف عليها
سهي بفزع... في اي اي الي حصل
ونظرت حولها بخوف فوجدت حور تحمل كوب
حور بضحكه.. اي يا عروسه لسا نايمه
سهي بغضب.. حوووووووور ثم وقفت وذهب اليها وجرت حور بسرعه وخلفها سهي
سهي.. والله لهقتلك
حور بضحكه.. ههههه اهدي بس ثم امسكت بمخده وظلت تضرب سهي وكذلك سهي امسكت بواحده وكانت تضرب حور بها
وبعد مده ارتمت الفتيات علي الفراش يتنفسون بصعوبه ويضحكون
سهي .. هي الساعه كام
حور.. ١٢
سهي.. يالهوي وسيبني نايمه
حور بضحك.. هههه طنط حاولت بس انتي كنتي ذي القتيله
سهي... طب يلا بسؤعه يدوب نجهز
حور.. اممم لسا بدري
سهي.. ولا بدري ولا حاجه يدوب الفريق هيجي ينظم المكان ويجهزو البس
حور بزهق.. مش عارفه لي عاوزه تعملي حنه هنديه
سهي.. بس يا بت ملكيش دعوه
ابتسمت حور علي جنون صديقتها التي اثرت ان تقيم حنه ولكن مثل الهنود بذي هندي للفتيات والشباب في مكان والفتيات في مكان منفصل
حل الليل سريعا
كانت حور تثف امام المراه تتطلع لفستانها الهندي وشعرها المفرود خلفها وبجانبها سهي بفستانها وشعرها المغرود علي جانب واحد وكانت الفتيات حقا جميلات جدا
حور.. يخربيتك يا سهي دا منظر
سهي بضحكه.. ههههه طب والله قمر
حور.. بس عريان اووي
سهي.. بنات بس يا ماما ثم امسكت بيد حور وقالت.. يلا بينا
ونزلت الفتيات لاسفل ووجدو عدد كبير من الفتيات وموسيقي صاخبه فدخلت حور وسهي وظلو يرقصون بسعاده والعديد من الفتيات تجمعت حول حور لياخذو توقيعها..
##########
كان مروان يجلس بضجر ويشاهد الفتيان يرقصون بسعاده
احمد بضحكه.. ههههه مالك قاعد كده لي
مروان بغيض.. مش كنت عملت حنه ذي الناس انما المجنونه خلتها منفصله
احمد. ههههه معلش هي حابه كده
وقف مروان بغيظ وقال.. انا هروح اشوفهم بيعملو اي
احمد... استني يا مجنون
مروان.. ابدا ثم ذهب بسرعه وتبعه احمد وهو يضحك عليه
عند الفتيات شعرت حور بالتعب قليلا من هجوم الفتيات عليها لياخذو الصور وتوقيعها فقررت الخروج لتستنشق القليل من الهواء فخرجت ووقفت في مكان هادي
كان احمد يتبع مروان حتي وجد فتاه تجلس لوحدها بذي هندي دق قلبه بعنف حين لمح وجهها انها حوريته الجميله فظل يتابعها من بعيد حتي شاهد شاب يقترب منها فتصاعدت النيران في جسده وذهب بسرعه اليها
حور بغضب... لو سمحت امشي من هنا
الشاب بخبث.. لي يا جميل بس يخربيتك وانتي قمر كده
حور.. بغضب .. انت .. لم تكمل كلامها حتي وجدت الشاب يسقط ارضا واحمد يكيل له الضربات
حور.. احمد كفايا
توقف احمد عنزضرب الشاب ونظر لها بغضب ثم امسك يدها وسحبها لبعيد
حور بالم.. احمد ايدي
احمد بغضب... انتي ازاي تقفي بره بالبس دا
نظرت حور لنفسها وصدمت بشده فقد نست انها بالذي الهندي فوضعت يدها حور نفسها فخلع احمد ستراه واعطاها اياها فارتدها بسرعه
حور بخحل.. انا كنت احمر وجهها بشده ولم تكمل كلامها
نظر احمد لزجهها بعشق ثم اقترب منها وحور ترجع للخلف حتي اصتدمت بحائظ ونظرت لاحمد وجدته ينظر لها بشده فاغمضت عينيها بتوتر وخجل ثم فتحتها بسرعه حينما وجدت احمد يقبلها
لم يستطع احمد المقاومه نعم يعشقها يعشق كل تفصيلها رئيتها امامه هكذا سلبت عقله فسمح لمشاعره ان تتحكم به
ظلت قبلتهم كثيرا قبله مليئه بالكثير من المشاعر الحيره والخوف الحب والعشق الابدي كان احمد يشعر وكانه في الجنه وظل يقبل حور بحنيه بالغه ثم ابتعد حين شعر بحاجته للهواء ووضع جبينه علي جبينها ويتنفس بقوه
اما حور فكانت تقف مكانها تشعر بالصدمه والسعاده في نفس الوثت فنظرت لاحمد وتلاقت اعينهم فخجلت بشده ثم ابعدته عنها وذهبت بسرعه
اما احمد فوضع يده علي شعره وحركها وتنهد بسعاده حين تذكر قبلتها
############
كانت سهي ترقص بسعاده حين قالت لها فتاه بان احد بالخارج يريدها فاومات براسها وذهبت لتعرف من يريدها
ذهبت للخارج وظلت تنظر حولها ولم تجد احد وجاءت لتدخل فامسكت يد بها وجذبتها بسرعه خلف الستاره
سهي بخوف.. مين انت مين
مروان بحب... متخافيش دا انا
نظرت سهي لمروان وتنفست بطمانينه ثم قالت بغضب.. ينفع كده كنت هتموتني
مروان بخبث.. سلامتك يا قمر
سهي.. انت اصلا بتعمل اي هنا و لم تكمل كلامها حتي تذكرت ملابسها فصرخت فوضع مروان يده علي فمها
مروان.. شششش اي في اي
سهي وعي تبعد يده وتقول بخجل.. انا انا لازم امشي وجاءت لتذهب حتي جذبها مروان من يدها
مروان بمكر... اي مكثوفه
سهي بكسوف.. مروان
مروان بحب.. عيون مروان ثم نظر لوجهها الملائكي وتوجه بنظره لفمها ولم يستطع منع نفسه واقترب منها وقبلها بحب وحنان شديد وبادلته سهي القبله بكثوف وحب
وبعد مرور وقت لا يعلموه ابتعد مروان عنها ونظر لسهي التي احمر وجهها بشده ودفعته وذهبت فضحك بشده عليها....
انتهي الحفل ورحل الجميع
في غرفه حور وسهي كانت الاثنان تنامان بجانب بعض وكل واحده تنظر لسقف الغرفه وتسرح في افكارها ثم نظرو لبعض وابتسمو بشده وعانقو بعض بحب شديد
############
اليوم يوم الزفاف كانت حور تتطلع لصديقتها وهي بفستانها الابيض بسعاده وحب واقتربت منها وعانقتها بشده
ولحظات ودق الباب ففتحت احدي الفتيات ودخل مروان ونظر لسهي بحب شديد واقترب منها وادمعت عيناه من الفرحه ثم قبل جبينها وحضنها بشده وحملها ودار بها ثم انزلها وقال.. بحبك
سهي بعشق.. وانا بعشقك
امسك مروان بيدها ثم خرج
اما حور فكانت تتابعهم بحب بشديد ولم تنتبه لذلك الذي يقف ويراقبها ودقات قلبه وكانها طبل من شده دقها يتطلع لها بفستانها الذي راه في ذلك المحل ايعقل اشترته من اجله ايعقل
جاءت حور لتخرج ولكنها انتبهت لاحمد فنظرت له بتوتر وخجل وذهبت بسرعه من امامه
اما احمد فابتسم بسعاده وذهب خلفها
كان الزفاف رائع بمعني الكلمه ومروان يمسك بيد سهي ويشعر بانه سيطير من السعاده ووالدته سهي تنظر لسعاده ابنتها بحب اما حور فكانت تهرب من نمرات احمك لها فامسكت بالميكرفون واغمضت عينيها وبدات في الغناء
فابتسم مروان لحبيته سهي وجذبها لساحه الرقص وحاوط خصرها بيده بعشق فنظرت سهي لعينيه وابتسمت بخجل وبداو في الرقص
#############
توقف تاكسي امام الفندق الذي يقام فيه حفل الزفاف ونزل منه شخص ونظر للفندق بغموض فعدل جاكيت بدلته وابتسم بخبث وتوجهه للداخل
كانت حور تغني لسهي ومروان بينما ها يرقصان رقصتهم الرومانسيه
بين قلبي وقلبك احساس مابيتقالش كلام !
بين روحي و روحك حب يريح اي الام !!
انا وانت عشان نبقي لبعض استنينا كتير !
و حيفضل حبك في حياتي جوايا كبير !!
بين قلبي و قلبك إحساس مبيتقالش كلام !
بين روحي وروحك حب يريح أي آلام !!
أنا وإنت عشان نبقي لبعض إستنينا كتير !
و حايفضل حبك ف حياتي جوايا كبير !!
كل الحب اللي عاشوا و قالوا الناس عليه !
اكتر منهم يا عمري معاك عشت فيه !
و بكل روحي وياك انا نهار وليل !
دة انت الحب اللي تتعاش الدنيا دي بيه !!
كل الحب اللي عاشوا وقالوا الناس عليه !
أكتر منهم يا عمرى معاك عشت فيه !
وبكل روحي وياك أنا نهار و ليل !
ده إنت الحب اللي تتعاش الدنيا دى بيه !!
انا بيك بستقوي بحبك ليا على الاحزان !
وفي حضنك او لو شوفتك بلقى الدنيا امان !
يا مالكني بحبك انت في قلبي بكل الناس !
و محدش غيرك علمني معني الاحساس !!
أنا بيك بستقوي بحبك ليا على الأحزان !
وف حضنك أو لو شوفتك بلقى الدنيا أمان !
يا مالكني بحبك إنت ف قلبي بكل الناس !
و ماحدش غيرك علمني معني الإحساس !!
كل الحب اللي عاشوا و قالوا الناس عليه !
اكتر منهم ياعمري معاك عشت فيه !
و بكل روحي وياك انا نهار وليل !
دا انت الحب اللي تتعاش الدنيا دي بيه !!
كل الحب اللي عاشوا وقالوا الناس عليه !
أكتر منهم ياعمرى معاك عشت فيه !
وبكل روحي وياك أنا نهار و ليل !
ده إنت الحب اللي تتعاش الدنيا دى بيه !!
كانت حور تغني وفي عيونها دموع الفرحه لصديقتها واحمد ينظر لها بفخر وحب وهي تنظر له بفرحه فابعدت نظرها عنه واكملت غناءها حته جاء نظرها علي شخص خفق قلبها بقوه
توقفت حور عن الغناء ونظرت امامها بصدمه شعرت بخنجر ينغرس في قلبها تتمني ان يكون وهم وليس حقيقه فهي لم تتخطي الوجع حتي الان لم تلتام جروحها ليست مستعده لمواجهته حتي الان
ظلت تنظر امامها بصدمه ووقع المايك من يدها فنظر الجميع لها باستغراب فنظر احمد خيث تنظر فوجد ريان
احمد ... ريان
فجاه ارتفع صوت صريخ في القاعه فوجد احمد حور مغمي عليها فجري بسرعه اليها
احمد بلهفه.. حور حور فوقي حووور...
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
 رواية…){kind=link}
تعليقات
إرسال تعليق
فضلا اترك تعليق من هنا