رواية شظايا العشق الفصل الأول والثاني بقلم ميفو السلطان (حصريه وجديده في مدونة قصر الروايات)

 رواية شظايا العشق الفصل الأول والثاني بقلم ميفو السلطان (حصريه وجديده في مدونة قصر الروايات)

رواية شظايا العشق الفصل الأول والثاني بقلم ميفو السلطان (حصريه وجديده في مدونة قصر الروايات)

#شظايا_العشق

البارت الأول..... صرخ و هو في وسط الاجتماع ...بقولكو ايه انا اللي ليا الكلام وليا الحكم اللي مش عاجبه يتفضل من سكات وهرزع وراه الباب هاه مش ناقص قرف بلاها مناقصه من اساسه .

قام امامه عمه ..هو اتفاق عيال انت مجنون ياض انت .

قام هو ونظر اليه بغل ..طب اركن انت علي جنب ماحدش وجهلك كلام انت ايه اللي جابك هنا اصلا وحاشر نفسك في منقصاتنا ليه بتلف ليه علينا...ونظر لشريكه .،شوف يا مدحت بيه انا ماضي معاك هتجبلي ده هفرج عليك امه لا اله الا الله هاه. تاخده من سكات وتخرج بدل ما امسح بيكو البلاط.. لا هيا عافيه ولا فرض سيطره وقوه .وان كان علي قرشين الجزاء هرميهم ليك عالجزمه .تلف وتدخلهولي هلدعك وانت عارف لدعه رائف الصباغ انا مضيت معاك انت ده ماعرفوش .خده بقه عشان هتقلب مدبحه انا جبت اخري والتفت وخرج هائجا ..

دخل مكتبه ..كان يقف والغضب ينهش قلبه  يشعر ان الدنيا تتكالب عليه كان يغلي ويدور ويدور من شده ما يمر به دخلت عليه عمته .. ليستدير غاضبا.. انت هتفضلي ساكته لما اقتله صح ماهو مش هيسكت الا اما يتقتل  ..

تنهدت العمه فهيا في مثابه امه فهي من ربته ...قالت عمته...  يا رائف يا حبيبي هو محراب شر ماعرفش عايز يكوش علي الدنيا معلش .

صرخ ..معلش ايه وطين ايه هو اخرتها يا يقتلني يا اقتله عشان انا جبت اخري يا عمتي دي مش عيشه .

تنهدت بغلب ...يا حبيبي انت برضه مش قليل ومابتسكتلوش. وانت من دور عياله او اصغر بتبهدل فيه وتذله .

قال مهتاجا ..... ماهو خلاني مصعور زيه ومش طايق روحي قلبني عفريت الناس بتخاف مني. انا بقيت بخون الناس كلها ماعتش بثق في مخلوق يا عمتي. مستني السكينه تتحط في ضهري من اي مخلوق انا حاسس ان الكل بيجنده دا من اخر مره و لما قفشت الخدامه بتنقله كل حاجه كنت هتجنن ..ليلي يا امي معايا من عشر سنين كنت سبعتاشر سنه الاقيها بتنقله وبتتفق معاه ازاي يتخلصو مني ..انا كنت هموتها .

قالت العمه ..والله يابني مالاقيه كلام اقوله .

صرخ ..يبقي توقفيه بدل ماحسره علي نفسه انا بكرهه.

لتتنهد.. طب اهدي طيب هتنجلط يابني.

صرخ.. اعمل ايه تعبان ازرق بيلف عايز ياخد الشركات وقولتله ميت مره مش هسمحله يقرب من شركاتي عنده مجموعته ماله بينا بيحرب ليه يدخل ويدور ويخرب ويخشلنا في مناقصاتنا يخسرنا انا حاسس انه بيتمني موتي يا عمتي عشان يكوش علي كل حاجه.

العمه.. طب اهدي طيب. انت بس تبطل تنطح فيه هو بينقهر لما تهزأه هو برضه عمك يا رائف انت لسه برضه صغير سبعه وعشرين سنه يا قلبي هو كبيرنا برضه .

صرخ.. ماهو مهزأ اعمله ايه مابيعديش يوم الا اما يحرق دمي وانا مابسكتش وانت عارفه .احترمه ازاي وهو مش محترم . انا مش عارف جايب شره ده منين ومش معني اني صغير يركب ويكوش انا في السوق مع ابويا من وانا عيل صغير وبقيت افهم عنه ميت مره  ..لا وعايز يجوزني بنته وحادفها عليا لما اتخنقت من عيشتهم السوده.

لتتنهد.. طب وماله.. ما لينا كويسه وبنت عمك مالها حلوه وقمر ماجايز يهدي وينهد  لما تتجوزها. 

...يا عمتي انا لا عايز اتجوز ولا عايز اتهبب انا مابطيقش السيره دي اصلا وانت عارفه مشكلتي. 

.. يا حبيبي مش كل الستات زي امك.. امك اللي كت جاحده وماعندهاش مشاعر لابوك .

صرخ.. وانا ماعندها ليا ..ابنها ماتسال عليه كل همها سفرها ونفسها وجمالها دا فضحاني في كل حته وبتكسف اقول انها امي ايه ده دي عايزه حد يلمها بسفالتها لا وجايه في الاخر عايزه ترجعلي ليه هو انا اعرفها .تقوليلي اتجوز واعيده من اوله واجيب عيل يتقهر ويتعقد اسكتي يا عمتي الله يخليكي. 

قالت ..يا حبيبي فيه الكويسه اللي تصون .

صرخ ..مافيش مافيش كلهم جميله الدالي خيانه وغدر وسفاله اسكتي بقه انا والله ساعات بتمني الموت ايه العيله دي هو ذنب اعيش فيه طول عمري .

لتتنهد فهو عاني الكثير وعزلته سبب وجعه فهو لا يقرب أحدا وليس له أحد إلا عمته من الأساس يتكلم معها. فرائف شاب في السابعه والعشرين من عمره يمتلك مجموعه كبيره للاستثمار العقاري .منذ صغره ابيه لا يتركه الا وغرز فيه العمل ليشتد عوده ويكبر ويصبح شخصيه جباره رغم صغر سنه .كان والده متزوج امراه  جميله ولكثره سفره اختلفا وتركت لهم البيت ورحلت عنهم وعاشت حياتها بطريقتها   ورغم ذلك حاولت كثيرا ان تكلمه وهو يرفض ولا يجعلها حتي تراه واتت له كثيرا دون جدوي .

ليموت الاب ويصبح وحيدا وياتي عمه ويصارع من اجل مجموعه اخيه فهو كان يافعا ولكن رائف وقف له بالمرصاد ليضطر ان يتوحش بزياده ويكيل لعمه الذي تجاوز كل الخطوط الحمراء في فجوره ويفتعل ما لا يتخيله بشر لكي يخرب له كل شيء .

جلس مقهورا ورحلت عمته  دخل عليه صديقه... رائف عايزين نسافر اسكندريه نمضي عقود شركه النصر ماشي الخبطة دي تمام هتنقل الشركه في حته تانيه. 

رائف.. طيب خلاص بكره رتب ميعاد بس اوعي تقول لحد عشان ماتخربش لاني دا اخري بعدها هنسي هو مين. وهجبله القديم والجديد واحرق قلبه. 

تنهد سامر ...ماعرفش اخرتها ايه الهم ده الراجل ده ملبوس عفريت انا ماشفتش شر كده .

قال رائف ..لا هو الشر بعينه منقوع نجاسه انا متاكد انه لو طال يوديني في نصيبه هتحصل .

جلس سامر ..طب ما توايم معاه مش عايزك تتجوز بنته .

صرخ رائف ..انت التاني انتو ايه متاجرين عليا تقهروني ماتبطل يا زفت بلا جواز بلا هم ازرق .

ضحك سامر ..يا واد انت بومه ..مالكش في النسوان انت كويس طيب والا سوسن الا ماشفتك بتبص لحد .

نظر اليه بغضب ..مين انا ابص طب تمام وبعد ما ابص هتخوني مع انهي حلوف ماهم مابيخنوش الا مع الحلاليف والزباله اللي زيهم .

تنهد سامر ..يا رائف يا حبيبي اخرتها هتعمل عيله امال هتعيش بطولك عيال وست وبيت لازم .

قال رائف..اولا انا مش بتاع جواز .ثانيا هجيبها منين مافيش ست محترمه حتي لو فيه يجي حد يلعب في دماغها تخون عادي دا في الدم يابني ماعندهمش امان اسكت بقه ويلا نتهبب نتنيل انا عايش عشان حرقه الدم .

**********

في مكان آخر بعيد...  ديمه  الفتاه ذو التاسعه عشر .تحولت حياتها جحيم  بعد موت ابيها  لم يعد  لها احد في الدنيا .فهناك زوجه ابيها التي تريها الويل وابنها الذي يتعرض لها دائما كانت فتاه رقيقه وجميله تعيش حياه حالمه طفله جميله لتتوفي الام ويتزوج الاب وياتي باخري  تدير حياته ولكنها شخص سيء النفس ما ان مات الرجل حتي تحولت الي شيطان تريها من العذاب الوانا .وديمه تكبر وتكتم في نفسها لتصبح منطويه بلا احد في حياتها واصبحت منكمشه لا تنطق وتتصنم ولا ترد من كثره القسوه التي تعاني  منها. 

كانت تجلس في حجرتها تقفل عليها بالمفتاح خوفا من ابن زوجه ابيها فهو منذ وفاه ابيها يتعرض لها ويريدها في الحرام تحت علم امه ولكنها لا تبالي بها او بشرفها .

سمعت خبطا.. انت يا زفته قافله ليه افتحي. 

لتقوم هيا وتفتح ....فصرخت السيده . قافله علي روحك ليه يا حليتها هاه مش وراكي حاجات. 

ديمه... يا مرات ابويا انا جايه من الشغل وتعبانه. 

خبطتها زوجه ابيها.. وانا مالي مش  بتصرفي علي روحك ياختي  انما شغل البيت مين هيعمله. الصبح بتروحي المعهد وبالليل المستشفي هاه مين يعمل شغل البيت. 

قالت ديمه بغلب ...والله يا مرات ابويا رجلي ما قادره اقوم انا من الصبح في الشارع بصحي بدري وارجع متاخر ما باكل حتي لقمه في البيت .

صرخت السيده ،،،اه غني غني بقه وما باكلش ومابتهببش كت حوشت عنك ياختي ماقولتلك اتهببي اقعدي من المعهد لزومه ايه وجبتلك شغلانه .

قالت ديمه بوجع ...خدامه يا مرات ابويا عايزاني اشتغل خدامه وانا ابويا كان راجل مالوش اد .

قالت السيده بسخريه ..واهو مات فقران هتخدمي ومرتب عالي ايه هتنهبي بنت بارم ديله . 

هزت ديمه راسها بقله حيله فالنقاش عقيم..لتقوم ... حاضر يا مرات ابويا هقوم.

لتتحامل علي نفسها وتقوم فهيا متعبه من كثره العمل  فهيا في السنه النهائيه من معهد التمريض وتحاول ان تنجزه وتعمل في احد المستشفيات الكبري تحاول ان تكمل تعليمها من مرتبها وتصرف علي نفسها  حتي تاخذ شهادتها رغم اعتراض زوجه ابيها .كانت تعيش معهم العذاب والمرار فالسيده تتحكم في كل شيء وتريها من العذاب الوانا .

لتقوم وتبدأ في تنظيف المطبخ رغم تهالكها .مر الوقت دخل عليها مجدي ابن زوجه ابيها .. الله اخيرا المزه خرجت من المحراب.. اقترب منها ينظر اليها برغبه لتبتعد وتحاول ان تخرج .

شدها.. ايه راحه فين وسيباني يا مزتي. ماتيجي نسهر في قوضتي هضبطك كان يتلمسها بوقاحه. 

دفعته بقهر .. ما تبطل بقه انت ايه ده اتلم يا مجدي بدل ماصوت وألم عليك الخلق. 

ضحك.. طب صوتي ساعتها هقول بتعرضي نفسك عليا وامي هتشهد يلا صوتي. 

لتدمع عينها بقهر اقترب منها يحتضنها وهيا تتملص منه .. تعالي وانا هديكي فلوس واقعدي من الشغل ههننك يا بت بس اديني الجسم النار ده هموت عليه. عايزه كام انا كسيب .

صرخت..ابعد بقه انت ايه مابتزهقش حرام بقه انت عايزني امشي في الحرام .

ضحك ..طب نمشي في الحلال ..ورقتين عرفي من ورا امي من سكات هيا بتنام بدري و اجيلك القوضه واعيش يا بت عايزك انت فورتيكه .

صرخت ..اوعي ايدك والله اموت روحي انتو ايه مابتخافش ربنا خالص .

قال بتحذير ..لا لا انا ليا اخر وصبري بدا يخلص وانت عارفاني واخرتها هاخدك بعرفي من غير هاخدك تفكري تروحي لحد تاني انا الاول يا روح امك .

صرخت  ...منك لله منك لله ربنا ينتقم منك بقه .. ودفعته وجريت لحجرتها تقفل عليها لتنهار من البكاء والقهر مما يحدث لها تمنت ان تهرب من ذلك الجحيم ولكن أين تذهب وليس لها أحدا. 

وقف هو ينظر في اثرها بخبث ..الصبر يا مجدي الصبر لو ماجتش باللين تيجي بالغصب اخرها قريب تبقي تقدر ساعتها بقه عليا .

*********

كان ذلك الجاحد يقف مع عائلته تكلمت  زوجته.. يا شوكت خف شويه وخده باللين ونجوزه لينا انت اخره عمايلك دي ايه بيرمح بعيد وهيطفش من البت. 

صرخ شوكت بغل.. انا علي اخر الزمن اتهزأ من عيل بشخه يقولي اعلي ما في خيلك اركبه قدام المهندسين ويضحكو عليا ..ويقولي اتركن بعيد مش ناقص قرف.. انا أتهان قدام الناس عيل زي ده ماسك مجموعه بملايين. 

قالت بغلب .... ماهي بتاعته يا  شوكت هو حر فيها .

صرخ.. لا مش بتاعته دي بتاعه ابويا وشقاه يجي عيل زي ده يلهفها ليه ياخد احسن الشركات ليه لا دول بتوعي وأخرتها هاخدهم من نن عينه. 

.. يا شوكت هتفضلو في نقار انا بحاول اخلي بنتك توقعه عشان يتجوزها وبدادي وبسايس والبت بتحاول بكل الطرق .

صرخ.. توقع ايه توقع حلوف.. دا حلوف مابيحسش ولا بيطيق صنف النسوان ماهو زي أمه زباله هما الاتنين اتحدفو علينا ربنا ياخدهم.  بنتك لو قعدت سنين ترسم عليه ما هيتجوزهاش .دا اخره يترزي في حته ماحد يقرب منه من زفاره لسانه وقله ادبه مين بنتك المايصه اللي بتحب علي روحها تتجوز حدايه حنش دا عامل زي التنين المجنح بيبخ نار ..الواد مغلول من النسوان ومدود من جوا تجوزيها مين اعوذ بالله ..ده صنف نمرود عايز الحرق. 

الام.. لا ماهي اختك معانا وموافقه عالبت وهتلين دماغه. 

شوكت..... اختي.. جتها الهم هيا كمان واحده براويه و جاحده لاخوها ..بدل ماتقف جنبي واقفه جنب البيه منها لله. 

قالت زوجته ..يا شوكت مش كده ..سميه قريبه انت بطل نطح فيهم ونقرب ..الواد صغير ونقدر نلفه .

ضحك شوكت ..تلفي مين رائف ..دا يلفك ويعبيكي ويكيسك ويحطك تحت رجليه..هو  مش عيل بصحيح بس الدوده في قلبه حنش ،،يلين دا مابيعرفش معني اللين عيل ماترباش ابوه دعكه من صغره لما بقي ابن كلب جزمه جاحد .تلفي مين صلي عالنبي دانا بقيت اخاف منه ربنا ياخده البعيد .

قالت بغلب ...طب واخرتها بقه الله ما تلين انت انت الكبير .

صرخ ..الين انا الين ...هو الكبير بيلين دلوقتي ...لااا دا انا هطلع روح اهله في ايدي عشان بس يحرم يتطاول عليا.. انا شوكت اللي ما حد يقدر عليه يقولي اتركن علي جنب طب يا رائف ان ماكت اجيب رقبتك .

مر الوقت اتصل به المحامي ظل يسمعه في التليفون  ليهب.. ايه ايه نهار ابوه طين ..مضي عقد النصر .

رزع التليفون وقف هائجا.. خلاص ابن فضل لهف البتاعه اللي حاطط عيني عليها ملايين ضاعت مني عيل بشخه يكسب ملاين ويخرجني منها .. اعمل ايه يا حرقه قلبي الواد ده انا بكرهه ونفسي اخلص عليه. بيلف زي التعبان وكل خبطه بموته.. ظل يدور .

لتهتف زوجته.. اهدي هتنجلط 

صرخ.. اعمل ايه اعمل ايه قلبي محروق هموت واروح اخلص عليه ابن فضل الجاحد. ايه شيطان مابيقعدش كل غرزه والتانيه وشركاته بتعلي وانا قاعد اتحسر علي رأيه اتركن جنب الحيط ..دانا خلاص قولت الصفقه هشيلها وتحلو يقوم ياخدها كده والكل عارف اني هاخدها بيفضحني ابن فضل..كان مهتاجا وظل يرزع في للاثاث ...اه يابن الجزمه نفسي اجيب رقبتك انا انا تغرز الغرزه دي ...اعمل ايه اروح فين اجيب قلبه ازاي . كان يقف مهتاجا .

ظل واقفا لتتوحش عيناه مره واحده.. .. بس لا خلاص عليا صبر لحد كده ليستدير مسرعا ويخرج وهو ينوي شئ في نفسه. 

******

أنجز رائف وسامر المناقصة لينتهيا منها بسعاده هتف سامر.. ضربة معلم نفسي اشوف وش امه . 

ضحك رائف.. زمانه كبده انهري من القهر اسكت فرحان حاسس ان كل خساره ليه براحه ليا. مايهمنيش المكسب اد ما يهمني قهرته 

تنهد سامر...بس اللدعه المره دي في قلبه في الجون زمانه بيجيب جاز .. ماعرفش الراجل ده فيه كمية شر غير عاديه  منه لله عارف بحس انه هيجي يوم و يقتلك من قهرته. 

ضحك رائف.. مين عمي.. دا بق.. سيبك منه مش قدي انا صحيح صغير بس متمرمط من وانا صغير انا شفت كتير. واقدر اقف له ولعشره من عينته .

تنهد سامر.. يا رائف براحه علي روحك انت ماينفعش تعيش كده لوحدك يابني حاول تعرف ناس تحب تتجوز ماحدش بيعيش جاحد كده انت طيب وحنين بس مابتبينش ده. 

رائف.. انت اهبل يا سامر هو ايه اللي طيب وحنين انا مابحبش حد يقول عليا كده الطيبه عبط والحنيه تخلي الناس تركبك انا اللي وصلني مكاني الجحود والقوه عشان مابرحمش حد والغلط عندي بفوره. 

سامر.. طب هتكمل جاحد كده انت يا واد  مش عايز تتجوز وتمز جتك هم  انا قولت انك سوسن. 

خبطه رائف.. اتلم يا حيوان مين اللي سوسن.. الفكره اني بكره الستات ماعرفش ليه بشوفهم شياطين لما واحده بتقرب مني بحسها خاينه وزباله انا بشوفهم كده وبقرف منهم عمر ما ست دخلت عيني او قربت مني الا وحسيت بالقرف .الستات تكبش وبس مافيش ست بتشيل ولو شالت بتنتهز الفرصه وتغدر عايز تجيب ليا مثال واحده شالت جوزها تعرفها وما ذلتوش في الاخر .

تنهد سامر ....،يا ابني انت اللي مجتمعك هم الهم عالم صعرانه فيه ناس عايشه ومبسوطه ..يابني فيه ناس محترمه. 

.. مش هعارضك بس حتي المحترمه مابشوفهاش محترمه انا نظرتي ما بتتغير وتلاقيني اي واحده تقرب مني بعض فيها. 

سامر...يا ابني انت عجيب بعقلك دي .. دانت عامل تجميد اجنه انت عبيط عايز الناس تشك فيك ... يا رائف اي راجل عنده رغبات ماتقولييش انك مش عندك. 

تنهد.. لا عندي زي اي راجل بس مالقيتش الست اللي ارغبها تخليني أقرب منها من اساسه. عشان كده عملت تجميد اجنه لو عوزت عيل في يوم اهو تنفع ..انا لو قربت من واحده والله بطني بتقلب. 

ضحك سام.. طب لو حصل  وطبيت هتعمل ايه. 

رفع حاجبيه ..... هعمل ايه يعني.. هديها قرشين ونخلص انت اهبل كل الدنيا بتمشي بالفلوس. 

تنهد سامر.. انت عقلك مفوت وانا تعبت معاك بكره تجيلك اللي توقعك علي بوزك. 

ضحك رائف.. ساعتها امحيها من علي وش الدنيا. اللي تخلي رائف يركع ويقرب منها. 

نظر اليه سامر باستغراب... انت مجنون.. لو قلبك دق لواحده هتبعد عنها. 

.... اولا قلبي مش هيدق ودا متأكد منه.. ثانيا لو حصل ودا مستحيل هاخد رغبتي منها  واخليها تحت جزمتي ماهتخرج من القصر لو روحها طلعت. 

قطب سامر.. يا ساتر ايه الشر ده.. يا ريتك ماتحب انت هتحب والا هتنتقم. 

.. لا هحافظ علي اللي عايزها.. مش بعد شويه تسيبني وتروح تتصرمح مع غيري. اللي اعوزها همنع عنها ميه وهو ...ويلا بقه بلا وجع دماغ. 

. 

تركه سامر ....ماشي يا حبيبي يلا سلام. 

ركب رائف عربته واتجه الي القاهره كان سعيدا انه ضربه ضربه قاسمه لعمه واخذ منه مناقصه بملايين ..اتصل بعمه .فتح تليفونه ورد .. حبيبي ازيك وحشتني والله. 

ضحك ...مالك محروق كده بالراحه يا عمي مش عمي برضه. اعصابك يجيلك جلطه وتنشل او تموت وندفنك اخاف عليك هبقي واقف في اول صف عزا مقهور .

صرخ عمه ..الاهي ياخدك ربنا يا شيخ ويريحني منك ... بقي بتلف من ورايا وتاخد المناقصة اللي اتفقت عليها. 

ضحك رائف.. ماهو انت لفيت وخدت المناقصة اللي فاتت لتكون فاكر اني اهبل وبرياله وهعدي ليك عمايلك واحده بواحد ..هتغرز غرزه هغرز قدامها عشره ... انسي واظن القصه دي بخراب.. لدعتك انا صح يا عمي. 

صرخ العم.. بقي كده انت متصل تتشفي فيا يابن فضل عيل بشخه زيك. 

ضحك رائف... اهو ابو شخه ده علم علي وشك وخلاه لك شوارع ايه رايك. ابو شخه ده هيفضل مسمار يقهرك في نعشك. ابو شخه ده اكبر منك ومن صنفك ومن كل هيلامانك ..ابو شخه له اسم في السوق اكبر منك ..ايه مابتشبعش نهب كل حاجه خراب عينك علي اللي مش ليك ليه .. سنين من يوم ما ابويا ما مات وانت طايح وفاجر ايه يا اخي دا مش دم دا سم ماشي في الدم ...لتكون فاكر اني مش عارف مين اللي عصي امي زمان علي ابويا عشان طيب . عشان انتم اتنين وسخين اتفقت عالراجل لما حصرتوه وموتوه. هاه. . عملتك دي هفضل اخلص منك فيها ليوم الدين رائف هيفضل ياخد حقه لحد مايوصلك لتربتك يا عمي. ساعتها عهد عليا لاعملك صوان البلد كلها تنحاكي عليه. واه هورث في سيادتك واحتمال برضه اجوز بنتك يبقي كوشت علي كل حاجه يبقي انت الدود كلك وانا بتهني بمالك وحالك. تصدق مستقبل حلو برضه.. الا انت بقي عندك رصيد كام في البنك بطمن بس علي مالي اللي هاخده يا ...يا عمي .

صرخ عمه.. خدك ربنا يا حيوان بتفول عليا مين يا زباله اللي هيدفني. 

ضحك رائف.. انا يا عمي ان ابن  اخوك الوحيد. اطمن هجبلك كفن من الغالي وهعملك ليله  كويسه مش هسترخص مع انك رخيص وتستحق كل رخيص .

صرخ  عمه.... بقي كده.. طب يابن فضل الرخيص ده هيعرفك كويس انت ايه وتستحق ده. الرخيص ده هياخد حقه تالت ومتلت وقله ادبك هبلعهالك  هوريك.. مش شوكت اللي يتعلم عليه من عيل بشخه زيك. شوكت هو اللي هيعلم عليك وهوريك يابن فضل مين هيطلع علي مين. 

قفل الخط وتنهد رائف.. ربنا ياخدك ايه محراب شر شيطان بقرنين أعوذ بالله انا هفضل عايش في العذاب ده لامتي. 

كان يسير وقد صعد علي الصحراوي وفتح جهاز الموسيقي وركن براسه للخلف  يهدي من نفسه وبدا يقود السياره ..هدا هو وتلاشت الدنيا من حوله يحاول ان يستعيد هدوءه  الذي يؤخذ منه عنوه من ذلك الحاقد .وفجأه ..

يا تري إللي جاي إيه وشوكت عمل إيه وهيتقابلو ازاي.... اللي جاااي حوارااااات خمنو  بقه ❤️❤️❤️❤️❤️

#شظايا_العشق

البارت الثاني.. كان رائف ساهما يقود عربته في هدوء ليحس بخبطه تفاجا بعربه تقترب منه وتخبطه نظر اليها بغضب ظن ان السائق بعقله شيء او ربما يكون مخمورا ..لياتي مره اخري ويخبطه  ...اندفع رائف بالعربه والاخري تسير خلفه بجنون كانت عربه دفع كبيره سوداء ..و رائف يقود بجنون وتلك العربه لا تفلته يبدو انه يتعمد ذلك ..كان  يصارع من أجل الحياه ولكن العربه كانت عازمه علي النيل منه ورائف يحاول ان ينجو بنفسه ويسرع بالعربه ولكن لم يستطع .كانت السرعه عاليه والعربه الاخري اقوي واسرع لتلحقه العربه وتخبطه خبطه كبيره ومع رعه رائف لينتهي به الامر وتنقلب العربه عده مرات  علي الطريق   بشكل شنيع وتستقر اخيرا كجثه هامده علي الطريق  ليترك  هو مسجي  في عداد الاموات .ركن السائق ونزل يتفقد رائف ليجد ملامحه لا تظهر من الدماء والعربه اصبحت اشلاء لا تنفع وهو امامهم فقد النفس ..استدار مسرعا وركب عربته وفر هاربا بالعربه بسرعه وتركه لمصيره.

ومن رأفه ربن العباد في تلك الاثناء كانت هناك عربه إسعاف عائدة من الاسكندريه الي القاهره لتجد ذلك الحادث المروع . توقفت العربه مسرعه و نزل المسعفين علي الفور واتجهو للعربه وجدو رائف مضرج بدماءه داخل العربه ولم يعد له ملامح من كثره الدماء .اسرعو لانقاذه اخذو رائف لحسن حظه وتم وضعه في العربه بعنايه  واسرعو به للمشفي .فتشه المسعف وجد تليفونه وجد رقم عمتي فاتصل المسعف بذلك الرقم يخبرهم عن الحادث .

لترد العمه.. حبيبي ايه ازيك وصلت .

رد عليها  المسعف.. الاستاذ اللي معانا وصاحب التليفون عمل حادثه وفيه عربيه كانت بتطارده ووقع عالصحراوي والعربيه اتقلبت وحالته خطيره  واحنا لاقيناه وطالعين بيه تاني علي اسكندريه أقرب من القاهره وبنبلغكو تيجو حالته صعبه .

لتهب العمه صارخه...انت بتقول ايه مين اللي عمل رائف عمل حادثه .... فين فين قولي بسرعه  اخبرها بالعنوان  .

صرخت بحرقه ورعب .... ابوس ايديكو ماتكلموش حد تاني انا جايه اياك حد يعرف بالحادثه انتو فاهمين فيه خطر علي حياته .... لتقوم مفزوعه وتستدعي علي المحامي صديقها والمسؤل عن المجموعه ... وتذهب اليه فهو بمثابة ابنها .اتي علي واخذها واتجهو الي المستشفي ...

ظلت تفكر طوال.... عربيه بتطارده ..شفت يا علي الواد هيتقتل مفيش غيره الجاحد اخويا عايز يخلص عليه.. يا نهارك الطين يا سميه هيموت الواد منك لله يا شوكت ربنا ينتقم منك.للدرجادي الغل وصل بيك تبعت لابن اخوك عربيه تموته ايه الفجر ده ..كده  يا شوكت عايز تقتل الواد من فجرك ...طيب ليك فوقه انا هعرفك مش انت جبروت طيب اختك بقه سميه الصباغ هتعرفك وتنهش قلبك تقرب منه تاني منك لله انت قلبته عفريت وجاحد انا بقه هقلبلك حيه حنش يلدع قلبك ليك فوقه ..

وصلت اخيرا الي المشفي دخلت كالمجنونه تبحث عنه وقلبها يصرخ الي ان وجدته داخل العمليات وبقي بالداخل لساعات وساعات  وهيا تشعر بالجنون ..خرج الطبيب اخيرا يعلمها حاله رائف .....احنا عملنا اللي علينا وهو بين ايدين ربنا الحاله صعبه وكان فيه كسر في الجمجمه ونزيف ولحقناه بس الاثار مانعرفش . المريض دخل في غيبوبه عميقه والله اعلم هيخرج منها امتي ادعوله ربنا ينجيه.

لتقف سميه محصوره تنتحب. .. غيبوبه يا مصيبتي يا مصيبتي كده كده يا قلب عمتك دانا ماحلتيش غيرك يعمل فيك كده الفاجر غيبوبه يا رب انجده يا رب اشفيه .منك لله يا شوكت يحرق قلبك يا اخي . الواد عايز يخلص عليه طب هعمل ايه نهار طين ممكن يموته والا يبعت حد يسمه جوا المستشفي اه ...فكري فكره ... .احميك ازاي يا ضنايا رحت كده ..دا هيستولي علي شركاته خلاص الواد نام والفاجر هيخش الشركات وصي ..... قلبي اروح فين ابني راح مني منك لله يا شوكت ينتقم منك ربنا ....ظلت  تفكر لا تعلم ماذا تفعل .

اقترب علي المحامي ..... اهدي يا سميه هانم هنفكر ونشوف بس اهم حاجه ماحدش يعرف لحد مانشوف هنعمل ايه.

صرخت ..... ماحدش يعرف ازاي.. ماهو اكيد  عارف مش عملته السوده. وهيطبل ويزمر ويجي ينهش فيه ويكمل وجايز يموته بحقنه وللا يسمه .اعمل ايه منه لله .

هتف علي .... اه بس مش عارف هو فين.. احنا بقه نفكر في حل ننجده ونحافظ عليه وعلي فلوسه.

ظلت تفكر  ماذا تفعل من أجل الحفاظ علي ابن أخيها. .. ننقله الاول من هنا هاه يلا نفذ الإجراءات  ليتم نقل رائف الي مستشفي اخري برعايه طبيه في سريه تامه و باسم اخر حتي لا يعثر عليه عمه ويحاول ان ينال منه.

في مكان آخر كانت جميلتنا ديمه قد انهت معهدها وتخرجت واخدت شهادتها كانت تعمل عامله في المشفي لتقدم أوراقها ويتم تعينها في المشفي ممرضه لتسعد هيا وتقرر ان تاخذ جميع الورديات حتي لا تعود الي ذلك الجحيم مره اخره كانت تقريبا لا تعود الي البيت. واخبرت من بالبيت انها تعينت في مشفي بعيد ولا تستطيع ان تتحمل المواصلات فكانت تذهب نادرا .

كانت تعمل بالمشفي الذي نقل بها رائف ليعهد لها مدير المشفي مراقبه رائف تلازمه ولا تتركه وافقت هيا سعيده وحاولت ان تثبت نفسها فهيا كانت تتعلم أثناء فتره عملها  لتدخل هيا وتلازمه وتهتم به وترعاه علي اكمل وجه .

كان رائف وسيما ذو جسد رياضي وملامح حاده لتقترب هيا وتنظر اليه وتبتسم.. ربنا يشفيك حد شكله حلو كده ويتوه التوها دي. يا تري  انت هتقوم امتي يا رب اشفيك ورجعك لاهلك يا رب .

لتدخل عمته تسلم عليها ديمه بأدب وتجلس معها وظلا يثرثران لتعرف عنها سميه كل شئ .

ديمه.. بكره يقوم بالسلامه يا هانم ادعيله وانا كمان وانا بصلي هدعيله.

قالت سميه.. انا ملاحظه انك مابتروحيش خالص يا ديمه ليه.

تنهدت ديمه ....اروح لمين ماليش حد.

سميه ...... ايه ده.. عايشه لوحدك.

لتقول ....لا مع مرات ابويا وابنها.. بس لوحدى واتمني ابقي لوحدي

سميه.. ايه بيعاملوكي وحش.

لتتنهد ديمه.. وحش دي كلمه بسيطه.. والله يا هانم ساعات بتمني الموت ولا اني اقعد معاهم ناس ماعندهمش رحمه.

لتظل سميه تفكر لتلمع في راسها فكره عجيبه لتقوم ديمه هستاذنك اروح اغير حاجتي واجي علي طول البيت مش بعيد لتقوم ديمه و تستدعي سميه  علي وتطرح عليه فكرتها .

ليهتف علي.. نهارك اسود يا سميه انت عايزه شوكت  يقتلها دي عيله صغيره.

قالت سميه .... ماحنا موجودين يا علي ايه اللي هيجرا وكده كده كان هيحصل في يوم من الايام يبقي ليه لا انا بحافظ عالواد لازم لما يصحي يلاقي دنيته موجوده وماله موجود مش مرمي في تربه انا عارفه شوكت يا علي مش هيسكت الا اما يقتله وياخد فلوسه 

قال علي.. بس اللي بتقوليه ده جنون انت مجنونه يا سميه حد يعمل كده.

سميه.. ادعي بس ان الموضوع يتم وجهز اوراقك ماشي يا علي انت معاك توكيل بكل حاجه بالله عليك عايزه كل حاجه قانوني انت عقر يا علي.

تنهد علي..يا سميه خطر والبت صغيره شوكت هيقتلها حرام عليكي ورائف لو فاق هيقتلها برضه البت في كلتا الحالات هتتقتل وشكلها غلبانه ..

هتفت سميه ..مافيش قدامي حل تاني وانا موجوده اللي يقربلها هاكل قلبه دي هتبقي زي رائف احميها بعيوني .

تنهد علي مستسلما  وقام ينفذ ماطلبته.

دخلت ديمه البيت تحضر شنطتها فهيا تعود فقط من اجل جلب ملابسها وتنظيفها وفقط .مر الوقت لتقوم وتنهي شنطتها وتفتح الباب لتشهق فكان مجدي يقف امامها يترنح ارتعبت  وابتعدت نظر اليها برغبه وابتسامه لعوب ...ثم دخل وقفل الباب.. راحه فين وسيباني ماعتش بتلم عليكي ولا اعرفلك مكان  لتكوني فاكره انك هتفلتي مني.

خافت وارتعبت.... ابعد يا مجدي بدل ماصوت وألم الناس.

ضحك ..تصوتي ..صوتي انا فاجر وما بيهمنيش .

صرخت ..انت ربنا ينتقم منك يا شيخ اوعي والله ماعت دخلالكو حته .

اهتاج و هجم عليها يمزق ملابسها وهيا تصرخ..بقه عايزه تطفشي .. صوتي انا عايزك تصوتي.. امي بره والناس هتتلم وافضحك  بدا يمزق ملابسها وهيا تصرخ وتصارعه سقطا ارضا وتدحاجا وهو مترنحا وهيا تشحذ قوتها تدافع عن شرفها وهو مالشيطان لا يرتدع سقط فانخبطت راسه في الكومدينو لتدفعه وتمسك احد الابجورات الحديد وتخبطها به اكثر من مره ليقع  يسيل دماءه .

ظلت واقفه تنهج بشده متصنمه فمجدي مضرج بدماءه فاقد للنفس ارتعبت واحست بالجنون.اقتربت منه تتفحصه ومن رعبها تخيلت انه مات .... نهار اسود قتلته انا قتلته اعمل ايه اعمل ايه هتشنق هيموتوني انا ماعملتش حاجه كانت تبكي بحرقه ..مهزوزه ضعيفه وصغيره كيف تتصرف ...لتقرر ان تهرب استدارت  تلم ملابسها وتأخذ اشياؤها وتهرب من ذلك المنزل خوفا وهلعا.تاركه مجدي في دماءه جثه هامده .

ذهبت ديمه مرتعبه باكيه  الي السيده سميه تنتحب.. الحقني يا سميه هانم انا هتحبس الحقيني.

بهتت السيده وسألت لتحكي لها. ابتسمت السيده ...طب اهدي اهدي وهنشوف هبعت ونشوف ايه اللي حصل .

صرخت ديمه ..انا قتلته قتلته بس والله كان بيعتدي علي شرفي والله يا هانم انا غصب عني .

اقتربت سميه واحتضنتها ..،طب اهدي اهدي انا معاكي ماتخافيش حبيبتي .خشي بس اقعدي مع رائف وانا هتصرف .

دخلت ديمه وجلست بجوار رائف تبكي كان قد مر اسبوع عليها وهيا لا تفارقه كملازمه شخصيه لا تفعل شيئا الا قربه ومداواته لتعتاد علي قربه وتحبه .. اقتربت منه وجلست بجواره ونظرت اليه باكيه ..

...انا عارفه اني ماليش حد اتكلم معاه بس هتكلم معاك انت انا عارفه هتحس بيا ماهو اعمل ايه ماليش والله اتخلقت في الدنيا لوحدي ....اقتربت ومسكت يده ..انا غلبانه قوي عشت سنين مرار والله مرار عارف انا بخاف اتكلم مع حد بخاف اقرب من حد .كانت تملس علي يديه بحنان ..انا حاسه اني مرتاحه وانا بكلمك صحيح بقالك فتره صغيره بس خدت عليك حاساك صاحبي الوحيد ماليش الا انت اقعد جنبك واكلمك ..مش لاقيه حد .،انا مش متخيله اني موت حد والله غصب عني انا خايفه خايفه مرعوبه اعمل ايه اعمل ايه اقتربت وركنت بجواره ومسكت يده واغمضت عيونها وظلت ساهمه...انت عارف نفسي ارقد جنبك واتوه انت في نعمه والله الدنيا دي بشعه انا قلبي بيتقطع ..احست باصابعه تتحرك لتهب وتنظر اليه بحنان ،.،انت حسيت بيا مش كده حسيت اه انت لتنفجر في البكاء وسندت بجواره ...انت غلبانه ليه كده هو مين اللي حس دا في دنيا تانيه انت مش لاقيه حد يساندك بتتوهمي .

احست باصابعه تتحرك مره اخري مسحت دموعها ونظرت اليه بحنان وابتسمت ...انت حاسس اه حاسس مش كده ...تنهدت ،،انا بقه نفسي  ماخرجش من هنا حاسه براحه وانا معاك حاسه بامان مش عارفه ليه .تنهدت وركنت بجواره ويدها في يده  الي ان احست براحه من كلامها معه فهو لا يتكلم واعتبرته مقربا لها تشكي له همها لتبدا قصه القرب النفسي من ذلك المسجي الذي لا يعلم متي سيعود للدنيا ولكن لرحمه من الله ان يجعله يحس بمشاعر ولمسات من حوله .

كانت سميه قد بعثت واستفسرت عن كل شئ يخص ديمه لتعلم انها فتاه حسنه الخلق مهذبه ذو شرف وأخلاق وتأكدت من حكايتها وعلمت ان مجدي لم يمت بل تم إصابته وفقط ويبحث عنها بجنون واشاع في الحاره انها اغوته واراد ان يتم زواجه منها ولكنها تعرفت علي رجل ثري وطفشت من اجل ذلك وانها فتاه عديمه الشرف اغوته الي ان وقع لها واخذت منه مالا ورحلت  ...علمت سميه كل ذلك . لتكتمها في نفسها حتي  تتم كامل خطتها .... دخلت علي ديمه وجدتها نائمه بجوار رائف وتركن بجواره كان رائف غيبوبته يتنفس بدون اجهزه ويعيش علي المحاليل ويبدو في نومه كرجل عادي ظلت سميه تتاملها تنهدت وشجعت نفسها علي ما سوف تفعله ..

اقتربت توقظها فهبت ديمه مرتعبه ...ايه ايه مين هيموتوني .

قالت سميه مسرعه ...اهدي اهدي دا انا .

سالت دموعها...اهدي حبيبتي ..

قالت ديمه...انا رحت في مصيبه صح صح يا سميه هانم .

تنهدت سميه وتصنعت الاسي ...والله مش عارفه اقولك ايه بس الدنيا مقلوبه .

صرخت ديمه ...ايه هيعدموني صح انا هموت مش كده والله كان غصب كان غصب .

قالت سميه ...بيتقال كلام وحش قوي عليكي مين هيصدق .

سالت دموعها ...انا ضعت خلاص صح ضعت .

ظلت سميه صامته تلعب علي اعصابها وهيا تبكي اقتربت واحتضنتها ..طب .. طب واللي يحللك مشكلتك يا ديمه.

قالت  مندفعه ....بجد بجد يا ست سميه والله ابقي خدامتك العمر كله.

قالت سميه بخبث ..... عندي ليكي عرض توافقي عليه لو كده هخليكي تطلعي منها واقول انك كتي معايا واجيب شهود انا مش قليله.

صرخت  ديمه...... موافقه موافقه والله موافقه علي اي حاجه .

لتبتسم سميه وتهتف.. طب اسمعي بقه عشان الموضوع كبير فتحي مخك .. رائف ابن اخويا زي مانت شايفه في حال ودنيا والله اعلم هيرجع امتي وعنده شركات وفلوس هتخرب لاسباب عندي هقولهالك بعدين ..يعني لازم يكون ليه حد يقف للناس .

نظرت اليها ديمه لا تفهم شيئا ..فاكملت سميه .. انا- عايز  اجوزه.

بهتت ديمه ...ايه تجوزيه... تجوزيه ازاي وهو مش في الدنيا .وبعدين ايه علاقته بحكايتي .

قالت سميه ...ما هو انت اللي هتتجوزيه .

لتبهت ديمه وترتعب.. ايه ايه اتجوزه انت بتقولي ايه اتجوزه ازاي..

قالت  سميه... ازاي دي مالكيش فيها.. انت هتبقي مراته وتقدري ساعتها ليكي الحق تديري شركات معايا ومع المحامي والمحامي هيكتبلكو عقد جواز بتاريخ قديم ويسجله كمان بطريقته .

نظرت اليها ديمه ببلاهه  .. ازاي وهو كده.

لتقول سميه.. علي معاه توكيل بكل حاجه   وهتصرف في كل حاجه بس انت توافقي.

ديمه.. وانا اعرف ايه في الشركات والفلوس يا ست هانم انت بتقولي ايه انا غلبانه.

قالت سميه ..... انا هبقي معاكي وعلي هيبقي معاكي اسمعي رائف اللي عمل فيه كده عمه  عشان ياخد فلوسه.

ارتعبت ديمه..... نهار اسود يقتله عشان ياخد فلوسه ايه الكفر ده. لتخاف.. طب يا هانم ماهو ممكن يقتلني انا كمان انا غلبانه والنبي سيبيني في حالي.

قالت سميه.. اسمعي بقه انا ما قدامي غيرك. عشان احافظ علي ابن اخويا من الموت والخراب .

قالت ديمه برجاء ..يا هانم اتجوز ايه انا مش عايزه اتجوز ماعرفوش ولا يعرفني هتلزقيني ليه ...وشركات ايه انا ممرضه هعمل ايه بفلوسكو لا والنبي سيبيني في حالي .

قالت سميه بجمود ...انت لازم توافقي ماعنديش حل تاني والا هبلغ عنك.

لترتعب ديمه.. ايه  ليه والله غصب عني دا كان بيعتدي عليا والله.

قالت  عمته.... ماعنديش حل تاني انا بساعدك وانت تساعديني مافيش حل تاني بقولك.

قالت ديمه.. طب مانا لو مراته عمه برضه ماهيسكتش  مش هيسيبني.

قالت سميه... مالكيش دعوه بحاجه انا معاكي وهقفله وهنقف سوا فاهمه. انت تتجوزيه الاول وبعدين نقول عالخطوه التانيه نخلص من دي الاول .

قالت ديمه بقهر ..هو لسه فيه تاني انا خايفه  هتقتل الراجل هيقتلنا . حرام والنبي .

قامت سميه ..طب خلاص بقه انا اصلا مش هوافق ان راىف تقعد معاه واحده هتتسجن اما اقوم ابلغ المستشفي تتصرف. 

هبت ديمه مرتعبه ....لا وحياه النبي بالله عليكي انا والله غصب عني .

هتفت سميه ...هتوافقي والا ايه .

احنت ديمه راسها وسالت دموعها وهزت راسها بقهر .

لتتنهد سميه ... وتبعث هيا الي علي ياتي وكان قد حضر الأوراق كلها وديمه ترجوها ان تتركها ولكن بلا فائده وتهددها ان تبلغ عنها فديمه لا تعلم شيئا عن مجدي وما حدث له ..

لتتم الجوازه  ويكون علي بالتوكيل مكان رائف بتاريخ قديم كأنه الولي الخاص به ويحضر الشهود وبذلك تمت زيجه ديمه علي رائف وتتم الاجراءات في سريه تامه في غضون ايام . وتنفذ الإجراءات لتنتهي وتصبح ديمه زوجه رائف شرعا وقانون ولها حق الولايه اذا حدث له شئ وهنا مازلت معضله ايضا انها بمفردها ربما يفتعل شوكت كوارث لها ايضا .فسميه تتمتع بالدهاء الشديد فهيا لابد أن تقف لشوكت  وتردعه وتفكر في شي اخر يضمن حق رائف. 

مرت الايام و اخذت ابن أخيها وضعته في فيلا خاصه بهم  تحت رعايه طبيه مجهزه وتضع عليها حرس كل ذلك  حتي تتم بقيه الإجراءات.

في أثناء ذلك كان شوكت يبحث عن جثه رائف كالثور الهائج فهو كان يظن انه سوف ياخذ كل شئ فور ان يعلن وفاته ولكن رائف اختفي اثره وايضا العمه اختفت فهيا اوهمتهم انها سافرت للخارج للعلاج فشوكت لم يجد الا علي. 

وقف له علي بالتوكيل الخاص به انه سيدير الي ان تأتي العمه  فلم يخبره بأي شئ اوهمه ان المحكمه ستعين وصيا لاداره الشركات وعلي سيظل المسؤل الي ان تبت المحكمه في امور الولي وان تعود سميه من الخارج .

هنا انتفخ شوكت  وانتظر ان تاخذ المحكمه قراراته ليؤجل القرار شهرا وراء الاخر لان العمه بالخارج ولابد ان تحضر ليتم الاختيار من الذي سيقود المجموعه. حاول علي ان يهدئ شوكت ويطمعه انه سيكون هو المتحكم في الشركات حتي يستكين ويدخل هو الي الشركه لمكتب رائف ويجلس علي كرسيه ويتصنع انه اصبح مدير الشركات حتي لو صوريا فاختفاء رائف لابد أن يمر عليه وقت حتي يعتبر ميتا وهنا سيقود المجموعه في حاله اختفاءه الي ان يعلن وفاته.

جلست سميه مع علي ليهتف.. يا سميه.. ادينا جوزناهم مش كفايه برضه شوكت هياخد الشركات ديمه مالهاش صفه برضه قوي وحجتها مش قويه وممكن شوكت يلجأ لاساليب قذره. كده كده شوكت هياخد الوصايه ديمه مراته وبس وهو برضه العم والعضد .

ابتسمت سميه..... ومين قالك اني هسيب الأمور كده.

قطب جبينه.. ايه مش فاهم هتعملي ايه

ضحكت..... هعمل ايه.. انا مدبره لشوكت  مغرز يخلص عليه انا صحيح طيبه بس مش سهله. يا علي انا شاربه من عيله الصباغ زي  شوكت  في خبثه وجبروته بس فيا طيبه وانا عشان رائف اعمل المستحيل لاحافظ عليه.

قال بتوجس ..... طب ايه هتعملي ايه.. 

ابتسمت ولمعت عيونها ..... تعالي بقه اقولك هعمل ايه .. لتشرع في حكايه ماتنوي فعله.

هب علي ..يا نهار اسود ايه بتقولي ايه انت اتجننتي ازاي .

وقفت وقالت بتصميم ..عشان رائف اعمل اي حاجه وادوس علي اي حد ولما يرجع يلاقي دنيته متستفه وهيشكرني.

هتف علي ..يا سميه انت بتلعبي في عداد عمرنا شوكت هيقلب شيطان حد يتخيل عمايلك دي البت غلبانه .

قالت ..اسمع يا علي ..انا اللي هعمله ماحدش هيمنعني فاهم وضبط امورك علي كده وورقك ساعتها ماهيطولش مليم واحرق قلبه عشان يبقي يموت الواد الجاحد ..

مرت الشهور وشوكت  قد استتب له الامر واصبح هو المتحكم في الشركات ونسي القضيه تماما وعلي يؤجل في القضيه ولكنه يمتثل لشوكت ويوافق علي طلباته.. فشوكت يفعل من أجل الشركه ومصلحتها فهيا تعتبر ملكه .كان يديرها بنجاح فهو ليس سهلا . ولكنه كان يحصن نفسه ببعض التلاعب والمكسب الخاص أيضا 

عدت سنه لياتي ميعاد المحكمه ويدخل شوكت ينتظر قرار المحكمه.. .تفاجا شوكت بظهور العمه اخيرا .. استعجب  واقترب منها.. انت ايه اللي جابك مش كتي مخفيه وخلصنا بتنطيلي تاني ليه.

ضحكت سميه.. ايه يا شوكت مش اطمن علي ابن اخويا وماله.

قال.... هو فين ابن اخوكي حد لقاه بقالي سنه بدور علي جثته انما الله اعلم مرمي في انهي حته خلاص الله يرحمه.

ضحكت.... ومالك متأكد كده يا شوكت انه الله يرحمه.. تكونش تعرف جراله ايه.

ارتبك شوكت... وانا اعرف منين اهو واحد كان جبروت وليه أعداء الدنيا زمان حد خلص عليه في اي مطرح.

قالت بشماته هنشوف يا شوكت مين اللي هيترمي في انهي مطرح . 

سمعا القاضي يدخل وتبدأ إجراءات المحاكمه  وشرع القاضي في بت امر الوصايه وشوكت يقف منتفخا  بانه علي قاب قوسين من تملك كل شيء ..

هنا وقف علي معترضا ..... بس معلش يا سياده القاضي فيه حاجه ظهرت وعرفنا مكان رائف بيه يعني الحمد لله عايش.

هب شوكت ... انت بتقول ايه يا علي لقيته لقيته فين.

قال علي.. لقيته في مستشفي واتعرفنا عليه لفتره وخرج من المستشفي وهو في غيبوبه  بس مش عارفين فين.. اقترب وقدم الأوراق للقاضي. نظر اليها القاضي ليقول ..تمام يبقي المذكور حي وبكده تنطبق عليه شروط الوصاية.حتي يظهر. 

وقف محامي شوكت .. احنا طالبين الوصاية احنا بقالنا سنه بندير وحققنا نجاحات هايله.

ليقول القاضي.. اه تمام يبقي كده موافقه يا سميه هانم اخوكي ياخد الوصاية.

قالت ... والله يا سياده القاضي ماليش أوافق من حكم في ماله ماظلم

قال ... يعني ايه.

لتبرز سميه بعض الاوراق... دا ورق جديد خاص برائف يا سيادة القاضي وبيبين ان فيه مين اللي احق يتحط في الوصايه وليه ..و نحطهم بعين الاعتبار لرائف بيه...

لتبرز هيا الأوراق مسكهم القاضي تفحص فيهم...طب تمام يبقي بكده تتنقل الوصايه باوامر من المحكمه والمجلس الحسبي ل....

هنا هاج شوكت صارخا عندما علم ان .....

أعوذ بالله عيله عقارب يا تري سميه عملت إيه يا عيااال... 

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا