رواية سر شقه الاسكندريه الفصل الاول1 بقلم نور محمد (حصريه وجديده في مدونة قصر الروايات)

 رواية سر شقه الاسكندريه الفصل الاول1 بقلم نور محمد (حصريه وجديده في مدونة قصر الروايات)

رواية سر شقه الاسكندريه الفصل الاول1 بقلم نور محمد (حصريه وجديده في مدونة قصر الروايات)

#الفصل_الاول

دخل الليل وانا مرعوبه وزي كل يوم باب الاوضه مقفول عليا وانا على سريري ببص حوليا برعب لغايه ماشوفت نفس الخيال بره الاوضه بيمشي بطريقه غريبه اترعبت منها بس تمالكت نفسي وقولت

: دي اكيد خيالات من عقلي بس من شده خوفي من المكان هنا

فضلت الليل كله على نفس الحال وده كان حالي من اسبوع تقريبا في الشقه هنا 

مسكت دفترى اللي بكتب فيه كل يوم ملاحظاتي في الشقه وكتبت

: النهاردا اليوم السابع على وجودي هنا في شقه الاسكندريه ومثل كل يوم شوفت نفس الخيال قريب من الاوضه النوم بتاعتي رغم اني وحيده في الشقه؟!!

خلصت وقفلت دفتري تاني وتسطحت على السرير وانا بفتكر في سبب وجودي في الشقه دي قبل اسبوع من دلوقتي

بقلم نور محمد

قبل اسبوع كنت في شغلي في الصحافه بحاول اجمع معلومات عن قضيه وقعت قدامي بالصدفه قصتها غريبه جدا جريمه قتل في شقه متواضعه موجوده في عماره بمحافظه الاسكندريه قضيه غامضه الشرطه نفسها احتارت في حلها موت ثلاث بنات بنفس الشقه وبنفس الطريقه كمان حاجه في منتهي الغموض فعلا 

بس اللي حيرني بجد كلام سكان العماره في التحقيق ان الشقه دي كان في شاب اعذب سكانها قبل سنتين وفجأه في يوم سكان العماره دخلوا الشقه علشان يطمنوا عليه لانه غاب ايام ومطلعش منها واول مادخلوا لقوه ميت بسبب المخد*رات اللي كان بيعاطها وقتها 

بقلم الكاتبه نور محمد

بس السر كان هنا ان الثلاث بنات كمان ماتوا بنفس طريقه موت الشاب ده وده اللي حير الشرطه وكمان المنطقه كلها كانت بتقول ان شبح الشاب ده هو اللي قتلهم والدليل انهم ماتوا بنفس طريقه موته هو كمان 

وانا بعد ماقرأت اخبار القضيه دي باصدفه قررت اني لازم اعرف الحقيقه الغامضه دي بنفسي ورحت طلبت من صاحب العماره نفس الشقه وبعد اصرار كبير مني وافق على طلبي وفضلت اسبوع جوه الشقه براقب هيحصل ايه بس كان الوضع عادي جدا غير ان كل يوم كنت بشوف خيال شخص قدام اوضه النوم بتاعتي وكان بيفضل الليل كله يتحرك قدام الاوضه وفي النهار يختفي فجأه و مكنش فيه حاجه غير طبيعيه تاني جوه الشقه

وده اللي زاد الشك والاصرار جوايا اني لازم اعرف سر الشقه دي ايه وبأي تمن كمان وفي يوم سمعت صوت جرس الباب فخرجت اشوف مين ولقيت قدامي احمد زميلي في الشغل سلم عليا الاول وبعدها وقال بخوف

: عبير انا عرفت سر مهم في القضيه الشقه دي ولازم تعرفيه انتي كمان

رديت عليه بتوتر: تمام ادخل بسرعه قبل ماحد يشوفك هنا ويشك في حاجه

احمد سمع كلامي ودخل الصالون معايا وقعد بتوتر وقال: عبير انتي لازم تخرجي من الشقه دي بأسرع وقت قبل مايحصل فيكي نفس اللي حصل مع الثلاث بنات قبلك 

برقت فيه بصدمه وقولت: قصدك ايه يااحمد وضح كلامك لو سمحت؟!

رد عليا بخوف وقال: خدي الملف ده وهتفهمي انا قصدي ايه انا جبته من الطب الشرعي بتاع الثلاث بنات بمساعده صديق ليا هناك

مسكت الملف منه بقلق وتوتر واول مافتحته تسمرت عيوني بزهول من الموجود جواه و كانت هنا الصدمه الحقيقيه بجد بالنسبالي بلعت ريقي برعب وقولت بصدمه كبيره......

يتبع..

تتوقعوا عبير شافت ايه جوه الملف 

تكملة الرواية من هناااااا

لمتابعة باقى الرواية زوروا قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا