رواية نصيبي في الحب الفصل الاول1بقلم بتول عبد الرحمن (حصريه وجديده في مدونة قصر الروايات)

 رواية نصيبي في الحب الفصل الاول1بقلم بتول عبد الرحمن (حصريه وجديده في مدونة قصر الروايات)

رواية نصيبي في الحب الفصل الاول1بقلم بتول عبد الرحمن (حصريه وجديده في مدونة قصر الروايات)

كانت نايمه على سريرها في اوضتها وصحيت على صوت دوشه وحاجات مزعجه بتتحرك ، فاقت واتعدلت وهيا معندهاش اي فكره ايه اللي بيحصل تحت ، لسه هتقوم من مكانها الباب خبط خبطه خفيفه وهيا سمحت للي بيخبط يدخل، الباب اتفتح ودخلت واحده باين عليها الحزن وحاولت ترسم ابتسامه على وشها بس متعدتش شفايفها وهيا بتقول بحزن " صحيتي يا حبيبتي ؟!" 

بصتلها بتفحص وقالت بهدوء " اه صحيت بس هو في ايه، ايه الأصوات دي وايه اللي بيحصل، والأهم انتي متضايقه ليه كده" 

بصتلها بحزن حاولت تخفيه وقالت " سيبك من كل اللي بيحصل وانزلي كلمي حسن بيه، وعشان خاطري يا نور متزعليش من اللي هيحصل لأن كله في مصلحتك "

بصتلها وهيا بتحاول تحلل كلامها اللي مش فاهمه نصه وقالت بعبوس " ايه اللي هيحصل، بتتكلمي بألغاز ليه ؟ " 

اتنهدت وقالت بنفاذ صبر " حسن بيه في اوضته روحيله بسرعه " 

قالت كلامها وجت تخرج لقت نور مسكت فيها وقالت برجاء " قوليلي في ايه عشان خاطري، مش انتي زي ماما، متخبيش عليا وقولي في ايه ؟" 

بصتلها بحزن وقالت " انا مش بخبي، هتعرفي كل حاجه دلوقتي بس هيبقى احسن لو مش مني " 

هزت راسها بتفهم وخرجت تروحله بسرعه، بمجرد ما خرجت من اوضتها لقت أشخاص غريبه بياخدوا كل حاجه موجوده، جريت على اوضة عمها حسن ودخلت وهيا مذهوله، بصلها بابتسامه حاول يظهرها وقال " صباح الخير "

قربت منه وقالت بحيره " هو في ايه، ايه اللي بيحصل بره ومين دول وليه كل حاجه في البيت مش في مكانها ؟" 

سكت شويه وبعدين قال بهدوء "بصراحه كده الڤيلا والعربيات والفلوس اللي في البنك كلهم اتحجزوا ... كل حاجه اتحجزت مؤقتا لأن زي ما انتي عارفه اخر مشروع دخلته للاسف فشل ولازم اسدد الديون فمحتاج شوية وقت اقدر ارجع بيها كل حاجه " 

بصتله بصدمه وتدراكت الموقف وقالت "اه وبعدين"

اتنهد وقال بضيق " هتروحي عند أهل مامتك فتره علي ما اتصرف في الدين ده وهديكي مبلغ تمشي بيه حالك وكل فتره هبعتلك " 

خلص كلامه وبعدها قال بتذكر قبل ما هيا تتكلم " واه نقلتلك جامعتك هناك "  

قالت بزهول " ليه هي هتطول؟ وبعدين ما حضرتك عارف اني مبحبش اروح هناك بأي طريقه، ولما بروح بيكون يوم مش اكتر، فتطلب مني اقعد هناك فتره والله اعلم هتكون لامتى ؟" 

قالها بحنان ابوي " يا نور يا حبيبتي انتي عارفه أنه غصب عني بس انا مضطر، كل حاجه محجوز عليها وأنا لو وقتي خلص من غير ما ادبر الدين، وكده هتحبس فلازم ابعدك دلوقتي عن المشاكل دي، ركزي في دراستك دلوقتي وده عندي المهم " 

سكتت شويه وبعدها قالت باستفسار " طب وحضرتك هتروح فين؟ " 

"عند واحد صحبي كده علي ما اشوف ايه اللي ممكن يحصل "

قالت بسرعه "طب هو مينفعش اروح معاك ؟"

قال برفض قاطع" لا طبعا مينفعش أنا شايل هم نفسي هشيل همك انتي كمان وبعدين هما هناك بيحبوكي وهياخدوا بالهم منك كويس واحسن مني، استحملي يا نور ده وضع مؤقت " 

شبكت ايديها بتوتر وقالت بملل" طب هو أنا هروح هناك امتى ؟"

قال باقتصاب " انهارده ودلوقتي، سمير هيوصلك لحد باب البيت" 

بصتله بزهول "بالسرعه دي؟"

" انتي شايفه ايه ؟!" 

قالت بنبره حزينه "طيب أنا هطلع  اجهز حاجتي " 

طلعت اوضتها وهيا مش مصدقه اللي حصل، ازاي هتسيب كل حياتها وتتنقل لحياه جديده تماما، ازاي هتعيش في بدل تانيه وهيكون ليها بيت تاني ومع أشخاص تانيه، ازاي هتسيب كل حاجه وتمشي، صحابها وجامعتها ودنيتها كلها،لمت حاجاتها وبصت لاوضتها بصه اخيره واتمنت انها ترجع تاني في اقرب وقت، ودعت كل حاجه في البيت بحزن وكأنها حاسه انها مش هترجع تاني ونزلت لتحت ودعت عمها ومشيت بعد ما بصت علي البيت بصه اخيره ، طول الطريقه كانت سرحانه في شكل حياتها الجاي هيكون ازاي وايه هو مصيرها، حياتها الجايه غامضه اوي ومعندهاش ادني تفكير ايه اللي ممكن يحصل، اتفاجئت بدموعها اللي نزلت بصمت واتمنت لو كان باباها ومامتها موجودين وعايشين معاها زي اي حد عنده اب وام، افتكرت ازاي كانت سعيده في وجودهم واليوم اللي العربيه اتقلبت بيهم وهيا الوحيده اللي نجت، وقتها حصل جدال كبير بين أهل باباها ومامتها عن مين اللي هياخدها لحد ما انتصر عمها في الاخر وراحت تعيش في بيته، فاقت من ذكرياتها بعد وقت طويل لما العربيه وقفت ولقت نفسها وصلت، اخدت نفس عميق قبل ما تنزل من العربيه ولقت الكل في انتظارها، 

دخلت سلمت عليهم كلهم واول حد استقبلها كانت جدتها اللي بصتلها بابتسامه واسعه وقال "ازيك ي نور ي بنتي بسم الله ماشاء الله ملامحك كلها زي شيرين يا حبيبتي " 

ابتسمت بتكلف" الحمد لله ي تيته وحشتيني كتير "

ابتسمت ببشاشه وقالت"ما أنا لو كنت وحشتك كان زمانك اتصلتي عليا وطمنتيني عليكي "

سكتت وبتدور على رد فاتدخل جدها وقال "خلاص يا صفيه مش اول متيجي سيبك منها يا نور وقوليلي انتي عامله ايه يا حبيبتي " 

سلمت عليهم كلهم وطلبت بخجل انها تطلع اوضتها الجديده وانسحبت بهدوء، اخدت نفس طويل وقعدت على اقرب كرسي وحطت راسها بين ايديها بتعب، ملل، شعور هيا مش فاهماه بالأدق، بدأت تنقل حاجاتها بس قاطعها خبطه خفيفه على باب اوضتها، فتحت الباب ولقت ساره بنت خالتها، بصتلها باستفسار وقالت

" في حاجه يا ساره؟"

قالت بابتسامه "كانوا بينادولك تحت عشان الغدا "

" تمام انزلي انتي وأنا هنزل وراكي " 

نزلت ولقت الكل موجود، قعدت بصمت والجو عائلي هيا مش متعوده عليه، كانوا بيحاولوا يخرجوها من المود وبيسألوها اسئله عاديه بس كان ردها هزه بدماغها، قامت وقفت وكلهم بصولها فقالت بحرج " طالعه اوضتي "

ردت عليها مرات خالها نهال وقالت " مأكلتيش ليه ؟ ليكون مش عاجبك اكلي يا نور " 

ابتسمت بتكلف وقالت " لاء والله تسلم ايدك بس الأكل تقيل اوي ولو اكلت اكتر من كده وزني هيزيد بسرعه " 

قالت بعتاب" مقولتليش ليه كنت عملتلك اكله خفيفه مفيهاش كوليسترول كتير " 

رد جدها وقال " خلاص يا نهال اديكي عرفتي، وانتي يا نور مش غريبه يا بنتي، البيت بيتك واللي عايزاه اطلبيه هيكون عندك " 

شكرته وطلعت اوضتها، الوقت بيعدي ببطء والجو ممل، فتحت فونها قلبت فيه وقفلته علطول، حاسه بالملل، بدأت تنقل باقي حاجاتها وقاطعها خبط الباب

فتحت الباب بملل ولقت بنات العيله قدامها، بصتلهم بحيره وواحده منهم اسمها ندى قالتلها بود "ممكن نقعد معاكي شويه ؟"

ردت بابتسامه وقالت "اه اتفضلوا طبعا "

دخلوا كلهم وقعدوا وندى قالتلها " ها بقا يا ست نور، مالك واخده جنب ليه ؟؟"

قالت بتبرير" مفيش والله بس انا بس مش واخده على المكان مش اكتر، يعني شويه وهاخد على الجو إن شاء الله " 

ردت ايمان اخت ندى وقالت بابتسامه بشوشه " متقلقيش شويه وهتتعودي علينا و هتحبينا كمان " 

بدأوا يتكلموا معاها كلهم وكانوا خمس بنات ندى وإيمان ساره وهبه وملك، اندمجت معاهم فعلا في الكلام بس قاطعهم صوت عالي جاي من تحت، خرجوا كلهم يشوفوا في ايه اللي بيحصل 

يتبع........

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا