روايه جنون العشق الفصل الخامس وعشرون 25بقلم دينا عبدالله(حصرية وجديدة في مدونة قصر الروايات)

روايه جنون العشق الفصل الخامس وعشرون 25بقلم دينا عبدالله(حصرية وجديدة في مدونة قصر الروايات)

روايه جنون العشق الفصل الخامس وعشرون 25بقلم دينا عبدالله(حصرية وجديدة في مدونة قصر الروايات)

كان ياسين بيبصلهم من فتحه صغيره من الباب بحزن شديد وهوا شايف البنت اللي حبها بتروح من ايديه و بتبقي لواحد غيره مكنش يتخيل انه في يوم من الايام هيحبها بالطريقة دي ويحبها كل الحب.... قفل الباب وهوا حاسس بخنقه.. شاف باسل واقف قدامه وكان باسل ملاحظ الحزن اللي في عنين اخوه 

باسل: عمري ما كنت اتخيل انك ممكن تحب اوي بالشكل ده مكنتش اتخيل اصلا انك ممكن في يوم من الايام تحب 

ياسين بحزن: ولا انا.... بس اكتشفت دا بعد ما الوقت اتأخر... اتأخر اوي 

باسل: خليك مقتنع بحاجه ان لو كان ليك نصيب في حاجه هتاخدها هتاخدها مهما دارت الايام لو من نصيبك هتبقي ليك

ياسين: ولو كانت مش من نصيبي 

سكت باسل شويه بعدين قال: تدور علي نصيبك وتسيب نصيب غيرك 

بصله ياسين بحزن و تفكير بعدين سابه ومشي... بصله باسل وهوا زعلان علي اخوه 

.................... 

بعد ما اتحسنت جوري وكتب لها الدكتور علي الخروج خدها كريم ورجعها الشقه اللي قاعدين فيها 

غاده بابتسامة: حمدالله على سلامتك يا بنتي اخيرا رجعتي البيت تاني 

كريمه وهيا بتحضن بنتها: المكان والدنيا كلها وحشه اوي من غيرك 

حصنتها جوري وقالت بابتسامة: ربنا يخليكم ليا 

فوزي: عايزنك ترتاحي خالص واللي انتي عايزاه شاوري عليه بس و هتلاقيه عندك

كريم بابتسامة: دي لو طلبت الكون كله هجيبهولها تحت رجليها 

بصتله جوري بابتسامة وخجل 

كريمه: ادخلي اوضتك ارتاحي لحد ما اجبلك لقمة تاكليها 

هزت جوري راسها ودخلت اوضتها 

................ 

وليد بابتسامة: اهلا نورتونا يا بني 

باسل: اعرفك دا اخويا ياسين 

بص وليد علي ياسين وقال: اهلا وسهلا بيك 

بصله ياسين بابتسامة من غير كلام.. بص باسل علي ياسين فـ شاور له ياسين انه يتكلم 

باسل: كنا جايين نتكلم معاك في الموضوع اللي كلمتني فيه قبل كده ووو طالب ايد بنتك رهف 

بصله وليد بابتسامة وقال: اظن انك عرف رأي 

ياسين: نعرف رأي العروسه 

هز وليد رااسه وقال: لحظه وراجع لكم.... سابهم وطلع وقفل الباب كانت رهف واقفه علي الباب وهيا مبسوطه قوى و معطتش وليد فرصه يتكلم وقالت: انا اكيد موافقه 

هز وليد راسه وقال: تمام علي بركة الله 

رجع دخل وليد وقعد وقال: اخدنا رأي العروسه هيا كمان موافقه 

فرح باسل علي موافقة رهف وقال: حلو اوى احنا هنقرا الفاتحه دلوقتي وان شاء الله اول ما ترجع اختي وماما من السفر نحدد الخطوبه و الدخله علي طول 

وليد بابتسامة: تمام يا بني مفيش مشكله 

رفعو ايديهم وبدأو يقراو الفاتحه و رهف بتقراها من ورا الباب وهيا في قمة السعاده و الفرحه 

................ 

جوري بشده: شهر... بس احنا اتفقنا اننا مش هنعمل الفرح غير بعد ما نخلص دراسه صح ليه غيرت رأيك دلوقتي 

كريم: انتي شوفتي حصل لك اي... طول مانتي بعيده عني هفضل قلقان عليكي 

جوري: انت اللي رفضت نقول ان ياسين ورا كل حاجه... يبقا قلقان ليه دلوقتي 

كريم: لا يهمني ياسين ولا غيره... المهم اني ابقا مطمن عليكي وانتي معايا وجنبي.... ومتقلقيش هنكمل دراسه سوا الجواز مش هيمنعنا من الدراسه 

سكتت جوري وهيا مش عارفه تقرر ولا تقول ايه... مسك ايديها وقال: بتفكري في ايه... قوليلي لو فيه مشكله نحلها مع بعض 

جوري: هوا مفيش مشكله بس شهر واحد قريب اوي وانا مش مجهزه حاجه ومش مستعده محتاجه وقت يا كريم 

كريم: وانا مش محتاج تجيبي اي حاجه انتي عندي بالدنيا كلها..... مش عايز ردك دلوقتي اقعدي مع نفسك وفكري بعدين ابقا قوليلي قررتي اي اتفقنا 

هزت راسها بابتسامة.... سابها ومشي اختفت ابتسامتها وهيا بتفكر هتعمل ايه وهتقرر اي 

...............  

ركب كريم عربيه سودا علي اول الطريق كان قاعد فيها شاب في عمر التلاتين تقريبا... بصله كريم وقال: عمال ترن عليا مش قولتلك مترنش احسن حد يكشفنا 

بصله الشاب بهدوء وقال: ومين هيكشفنا مثلا مين اصلا يعرف اننا نعرف بعض او نقابل بعض 

كريم: خلص يا هشام عايز ايه دلوقتي عندي شغل 

هشام: موضوعك انت و جوري هيطول كتير 

كريم: اتكلمت معاها اننا نعمل الفرح بعد شهر

هشام: قالتلك ايه

كريم: باين عليها مش موافقه بس انا قولتلها تفكر 

بصله هشام بضيق وقال: مفيش حاجه اسمها تفكر انا مش هقعد استنا كدا كتير تحاول تقنعها بأي طريقه انها توافق 

كريم: وافرض بنت عمك رفضت هقنعها بالعافيه 

هشام بغضب: اتصرف يا كريم اتصرف 

كريم: ماشي سبني افكر بس فيه مشكله 

هشام: اي هيا

كريم: الواد اللي اسمه ياسين الواضح انه مش هيسيبها وهيفضل وراها 

هشام: متقلقش منو طول ما جوري تحت ايدك مش هيعرف يقرب منها.... وحده وحده وبالحب والاهتمام والحنيه هتلاقي جوري خاتم في صباعك تحركها زي منتا عايز.. بنت عمي وانا عارفها كويس 

كريم بتفكير: ماشى يا هشام ام نشوف اخرة اللعبه دي اي 

........... 

دخل باسل وستغرب لما لقى ياسين بيحط هدومه في شنطة قرب منه وقال: انت بتعمل ايه 

حط ياسين الهدوم في الشنطه وقفلها وقال: زي منتا شايف

باسل: ايوه يعني انت رايح فين 

نزل ياسين الشنطه من علي السرير وبص لـ باسل وقال: مسافر 

باسل بدهشة: مسافر.... مسافر فين وهتسافر دلوقتي اصلا ليه 

ياسين: حاسس بخنقه هنا ومحتاج اقعد مع نفسي شويه 

بصله باسل شويه بعدين قال: جوري السبب مش كدا 

سكت ياسين شويه بعدين قال بحزن: انت قولت لو مش من نصيبي اسيبها لنصيبها وانا بعمل كده ومن الافضل اني ابعد عن هنا لفتره 

باسل: وانت لو بعدت بالطريقه دي هتبطل تفكير فيها او تنساها 

ياسين بحزن: لا بس علي الاقل مش هعمل لها مشاكل اكتر من كده.. كريم بيحبها وهيا كمان واضح انهااااا.... بتحبه.... مشكلتي اني بفهم كل حاجه متأخّر بعد ما اكون سببت مشاكل وارجع اندم عليها في الاخر..... بس المرادي هحاول قراري يبقا الصح 

باسل: دلوقتي عرفت غلطك كويس وندمان علي كل حاجه عملتها قبل كده 

ياسين بحزن: يمكن متأخر بس عرفت غلطي كويس هحاول اقرب من ربنا يمكن يمكن يسامحني علي اللي كنت بعمله 

باسل: هتقعد قد ايه وهتسافر فين

ياسين: اي حته مش هتفرق 

باسل: هتفعد قد ايه 

ياسين: مش عارف بس لحد ما احس اني اقدر ارجع واكمل حياتي عادي زي ما كنت بس بطريقه احسن وابعد عن المعاصي 

باسل: مبسوط انك اتغيرت ندمت وبتحاول تبعد عن الغلط... متتأخرش اسيل فتره صغيره وهترجع عايزها ترجع تبقي موجود في البيت 

ياسين بابتسامة: ان شاء الله.... 

............... 

كان قاعد راجل فوق الاربعين علي كرسي وباصص لـ هشام وقال بضيف: لحد دلوقتي مش قادر تجيب توقيع من حتة بت معفنه زي دي 

هشام: يا بابا الموضوع مش سهل مش عايزنها تاخد بالها من حاجه ومتقلقش كل حاجه هتحصل زي منتا عايز بالظبط 

مصطفى ابوه: بقولك ايه سهل ولا صعب لازم البنت توقع علي الاوراق دي و بسرعه انت فاهم ولا لا 

هشام: حاضر خلال شهر بس وهتلاقي توقيعها علي الاوراق........ 

#يتبع

تكملة الرواية من هناااااا