رواية جمرية الصقر الفصل الثامن وعشرون 28بقلم سلوى عوض (حصريه في مدونة قصر الروايات)

 رواية جمرية الصقر الفصل الثامن وعشرون 28بقلم سلوى عوض (حصريه في مدونة قصر الروايات)

رواية جمرية الصقر الفصل الثامن وعشرون 28بقلم سلوى عوض (حصريه في مدونة قصر الروايات)

#جمرية_الصقر

#بقلم_سلوى_عوض

بارت 28

يوسف: سامحيني يا اختي سامحيني اني مكنتش معاكي والله، كان غصب عني. 

جمريه: صجر حكالي كل حاجه. ولولا ربنا وعمار وصجر كانوا واقفين معاي، الله أعلم كان ممكن يجرالي ايه. أمانة عليك يا خيي، أوعى تهملني تاني. خلاص جلبي مبقاش جادر على فراق تاني. 

يوسف : عمري مهسيبك تاني أبدًا.

ليمسح يوسف عينه من البكاء وينظر إلى عمار

يوسف: مش عارف أشكرك إزاي على وقفتك جنب أختي.

عمار: أنا معملتش حاجه. جمريه السبب أن ربنا يهديني وأرجع لعقلي وأعرف إن الله حق.

يوسف: معلش بقى، البركة فيك. والبقاء لله في عمي أمين.

عمار: ونعم بالله. وانت كمان البقاء لله في الحج حمدان.

يوسف: ربنا يرحم أمواتنا جميعًا.

عمار: تعوزوا من حاجة؟ عمشي أنا بقى.

يوسف: تمشي؟ تروح فين؟

عمار: أرض الله الواسعة.

يوسف: انت هتجعد هنا معانا.

عمار: كتر خيرك.

يوسف: أنا مش بعرض عليك، انت موظف عندي.

عمار: مش فاهم.

يوسف: انت هتمسك كل مصالحنا هنا، عشان أنا إن شاء الله هعمل مشروع بعيد عن شغلنا وهتفرغلُه. أصل أنا أخدت مكافأة كبيرة أوي وهعمل بيها مشروع وهنتشارك أنا وصجر، بس بعد ما يطمن على والدته. أما انت بقى يا عمار، المدير المسؤول عن كل حاجه من أرض، مزرعة السمك، والشونة.

عمار: سامحني يا يوسف، شوف حد غيري.

جمريه: محدش غيرك يمسك الشغل، وبالنسبة كمان فالأرباح هنجسمها على تلاته.

يوسف: وأنا موافق.

عمار: مش عارف أقولكم إيه.

يوسف: انت أخونا، متقولش حاجه. المهم أنا لازم أزور أمي. مهما عملت، في النهاية هي أمي.

جمريه: ولازم نجومو محامي.

يوسف: أنا هكلم محامي صاحبي عشان يدافع عنها، وكمان يجيب لنا إذن زيارة.

ويتحدث يوسف مع المحامي

المحامي صفوت: للأسف موقفنا صعب. على حسب كلامك، والدتك معترفة. بس خليني أشوف المحضر وأقرأ التحقيقات، وبعدها اللي عايزه ربنا هيكون. أما الزيارة، هحاول أجيبلك إذن بيها.

يوسف:  حاول يا صفوت. تجيب إذن زيارة وبسرعة.

صفوت المحامي: حاضر يا يوسف. هقدم على طلب الزيارة وأبلغك.

يوسف: ماشي يا صفوت.

ويجلس يوسف مع جمريه ليحكي لها ما مر به، وجمريه تستمع وتبكي على ما حدث لأخيها.

_______________________________

في المستشفى، قرر الطبيب إجراء العملية لنجاه. واتصل بصقر ليبلغه. ليذهب صقر إلى المستشفى، ودخلت نجاه العمليات.

الوقت يمر ثقيلًا جدًا.

_____________________________

في منزل الحج محمود، كان محمود جالس مع غزالة يشربون الشاي.

نجمة: الله الله على العشق والغرام. هنيالك يا غزالة.

غزالة: يا أبوي، على عينك صحيح. على رأي اللي قال حسدوا الغوازي على مجدرها، عتحسديني على هبابة الشاي؟

محمود: البت ديه طالعة عكيسة كده لمين؟

غزالة: والله ما عارفة. ربنا يهديها. فينها محاسن؟

نجمة: اتخمدت، جالت مصدعة.

محمود: مالها بتي، سلامتها؟

نجمة: مصدعة يا أبوي، مصدعة.

لتضحك غزالة.

غزالة: متجلجش، محاسن زينة،.

محمود: ربنا يشفيكي يا بتي.

__________________________________

في المستشفى، بعد عدة ساعات، تخرج نجاه من العملية وقد تحسنت حالتها، لكن بعض الحروق ساب أثر، وأصبحت ضريرة.

صقر: خير يا دكتور؟

الدكتور: الحمد لله تمام. قدرنا نعالج معظم الحروق، أما بالنسبة للعين محدش يقدر يرجعها. أحمد ربنا، احنا فين وبقينا فين.

صقر: الحمد لله على كل حال.

الدكتور: ونعم بالله. 

زيدان :وهنعملو إيه بعد كده يا دكتور؟

الدكتور: هنتابع الحالة النفسية للمريضة، وطبعًا هتكون كل الجروح التئمت، ولو الحالة تمام، هنكتبلها على خروج.

صقر: ربنا بجيبها بارده ويشافيكي يا أمي.

ويخرج صقر وزيدان من المستشفى.

صقر: تعالى يا صاحبي نشوف حالنا. بجالنا كتير منعرفش حاجه عن الأرض، ومهملين مكتب توريد الفاكهة والخضار عندنا. حجوزات واخدين عرابين من ناس لازم نبعت لهم بضاعتهم قبل ميعادهم.

زيدان: يعني اللي حصل لنا ديتي جليل، الحمد لله إن إحنا واقفين على رجلينا. متشيلش هم، إن شاء الله هنتمم كل شغلنا على خير.

ليتصل صقر بوالده ليبلغه بما حدث لنجاه.

محمود: لا حول ولا قوة إلا بالله. وبعدين يا صجر؟

صقر: خلاص يا أبوي، عملت العملية، وإدينا مستنين الحالة تتحسن.

محمود: ربنا يشفيها يا ولدي ويعفو عنها.

صقر: آمين يا رب يا أبوي. أنا بكلمك عشان أعرفك إن أنا وزيدان هنشتغل في الأرض عشان بجالنا كتير مهملين حالنا.

محمود: ربنا معاك يا ولدي.

صقر: يارب يا أبوي. طب معزّيش حاجة أجيبها لك أو أبعتها لك؟

محمود: لا يا ولدي، كتر خيرك.

____________________________________

ويمر يوم وصقر وزيدان في الأرض، وبيت محمود لا يخلو من مناغشات نجمة مع عائلتها.

يتصل صفوت المحامي بيوسف.

صفوت: أنا جبت لك إذن الزيارة لشخصين زي ما قلتلي.

يوسف: وأخبار المحضر إيه؟

صفوت: للأسف، القضية لبساها. وخصوصًا هي معترفة، يعني قتل مع سبق الإصرار والترصد، يعني إعدام.

وفي زيارة يوسف وجمريه لوالدتهم في مكتب المأمور، كان يوسف وجمريه في انتظار والدتهم، ليأتي بها أحد العساكر ووجهها كله كدمات وتمشي وهي تعرج، وتنظر إليهم.

زبيده: جايين ليه؟

يوسف: جينا نشوفك يا أمي.

جمريه: ايه اللي في وشك ديتي؟

زبيده: أنا عاوزة أروح.

يوسف: احنا جينا نطمن عليكي، وأنا قومت لك محامي، لكن للأسف مطمننيش لأنك معترفة بجريمتك.

زبيده: طب خلوهم يودوني مكان تاني غير اللي أنا فيه، الحريم بيضربوني ومجعديني، جار الكنيف.

لتبكي جمريه على حال أمها.

يوسف: ليه عملتي كده يا أمي؟ ليه تقتلي؟ ازاي جالك قلب؟ طب أنا واختي مكناش في حسابك خالص، لما الناس يشاوروا علينا ولاد القاتلة أهم.

زبيده: أنت جاي تطمن علي ولا جاي تحجج معاي؟ امشوا ومتجيشوا تاني.

جمريه: نفسي أحضنك يا أمي.

زبيده: خد اختك وامشي يا يوسف، وأنا خلاص عرفت اللي فيها. هي موتة ولا أكتر.

ليذهب يوسف وجمريه إلى منزلهم.

يوسف: كفاية بكا يا جمريه، صدقيني هي تستاهل كل اللي يجرالها ده جزاء طمعها. خلاص بقى يا أختي، إحنا مبقاش لنا غير بعض.

لتحضنه جمريه.

جمريه: ربنا معانا يا يوسف، وربنا أحسن وأبجي من أي حد. بجولك صح، عاوزين نطمن على الحجة نجاه أم صجر.

يوسف: عندك حق، لازم نروح نطمن عليها. أنا هكلم صقر وأخذ منه ميعاد عشان نروح.

جمريه: أه، كلمه وأنا هجهز زيارة للخالة غزالة والبنات.

يوسف: شكلك بتحبيهم يا جمريه.

جمريه: والله يا يوسف، هما اللي كانوا واقفين جاري وبيصبروني على فراقك.

يوسف: إن شاء الله مش هنفترق تاني أبدًا.

جمريه: طب، ايه؟ مش ناوي تتجوز؟ عاوزين نفرح بيك. كفاينا حزن يا أخوي.

يوسف: أكيد كفايا حزن لحد كده. إن شاء الله بعد ما نرجع من عند صقر، هاخذك وننزل مصر عشان نصالح لارا وأفهمها موقفي.

جمريه: شكلك وجعت يا أخوي.

يوسف: حبيتها يا جمريه، لكن اللي حصل خلاها تكرهني، خلاها مش طايقة تشوفني.

جمريه: إن شاء الله ربك هيحلها وتتعدل يا خيي. وبكره عتشوف إن البت ديه الصح هي. اسميها إيه؟

يوسف: لارا، اسمها لارا.

جمريه: اهي لارا ديه. هتعجول يوسف، يوسف لما تشنج.

يوسف: (يضحك) يخربيت تشبيهاتك ديه، ده اللي يسمعك كده يقول معدتيش من جنب مدرسة.

جمريه: (تضحك) عمضحكك يا يوستفندي.

يوسف: ماشي يا حداية.قال جمريه قال. وانتي شبه الحداية كده.

جمريه: والله وحشتني يا يوسف. أيا، مكنا بنتناجرو مع بعض، وأبوي الله يرحمه كان يقلك: "متزعلش الجمريه بتاعتنا."  تجوم انت تجوله، ومين يليج عليها اسم جمريه؟ إلا اختي، أجمل جمريه في الجماري كلها.

تنزل من عينيه دمعة حارقة.

يوسف: الله يرحمك يا أبويا. ياريتني كنت موجود وخدت عزّاك. الله يرحمك. عرفت قيمتك بس متأخر أوي.

جمريه: بكفاية بقى. حزنا كتير يا أخوي.

__________________________________

وفي نجع الصايغ، محمود جالس مع غزاله والبنات ليتحدث:

محمود: وبعدين هنعمل إيه مع نجاه؟

غزاله: هاتها هنا يا محمود، وأنا هخدمها أنا والبنت نجمة.

نجمه : أيوه يا أبوي. والله نخدموها يعنينا. صح؟ أنا كنت مش عطيجها، لكن كل يهون عشانك يا أبوي.

محاسن: ربنا يكفينا شر أنفسنا وشر الشيطان. يارب

 الجميع :آمين يارب

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا