روايه جنون العشق الفصل التاسع وعشرون 29بقلم دينا عبدالله(حصرية وجديدة في مدونة قصر الروايات)

 روايه جنون العشق الفصل التاسع وعشرون 29بقلم دينا عبدالله(حصرية وجديدة في مدونة قصر الروايات)

 روايه جنون العشق الفصل التاسع وعشرون 29بقلم دينا عبدالله(حصرية وجديدة في مدونة قصر الروايات)

الهديه ❤

خد المأذون الورق حطو قدام جوري وقال: وقعي هنا يا بنتي

خدت جوري القلم منه وهوا بتبص علي كريم بابتسامة كبيره... كان هشام مركذ معاها ومع القلم ومستنيها توقع بفارغ الصبر 

سابت جوري القلم فجأه وقامت واتبدلت ملامحها لجمود وقالت بقوة: مفيش توقيع

بصلها الكل بصدمه و زهول.. مسكت كريمه ايدها وقالت: انتي بتقولي ايه 

بص كريم علي هشام وهما الاتنين خايفين اوي احسن جوري تكون عرفت حاجه 

غاده: في ايه يا جوري.... وقعي علي الورق 

بصتلها جوري بعدين بصت علي كريم وقالت بجمود و قوة: اوقع ازاي..... ازاي اصلا اتجوز من واحد متجوز 

قام كريم وهوا بيبصلها بصدمه ومحدش كان مصدق اللي بتقوله جوري 

فوزي بغضب: اي الجنان اللي انتي بتقوليه ده كريم مش متجوز 

جوري: لا متجوز وكمان مراته حامل 

بدأ كل اللي في القاعه يتكلم عليهم... بصت غاده علي كريم بصدمه شديدة ودموع وقالت: الكلام ده صحيح..... رد عليااااا 

كريم بقلق وخوف شديد: لا دي كدابه انا اتجوز ازاي من غير علمكم 

"كنت واثقه انك هتنكر جوازنا وتنكر ابننا اللي جاي علي الدنيا قريب "

بص الكل اتجاه الصوت وكانت ليلي بصلها كريم وهشام بصدمه شديدة 

قربت ليلي منهم وبصت لـ اهل كريم وقالت: انا ليلي مرات ابنكم 

حطت ايدها على بطنها وقالت: وام حفيدكم كمان 

حطت كريمه ايدها على بؤها بصدمه..... بصتلها غاده بصدمه بعدين قالت بغضب: انتي كدابه ابني مستحيل يعمل كده 

بصت ليلي علي كريم بسخريه وقالت: اي مش هتقول حاجه... قول قدام الكل و اعترف اني ميراتك واللي في بطني ابنك 

مكنش كريم عارف يقول اي ولا يتصرف ازاي في المصيبه اللي وقع فيها 

وقف فوزي قدام كريم وقال بغضب: الكلام اللي بتقوله البنت دي صح 

بصله كريم بقلق من غير ما يقول اي حاجه.... انصدم فوزي من سكوته اللي يدل علي ان كلامها صح 

انصدم كريم لما لقي ابوه ضربه علي وشه بقوة قدام كل اللي موجودين حط كريم ايده علي وشه وهوا بيبص علي ابوه بشده 

جوري: ولسه متعرفش ابنك عمل ايه تاني 

بصلها الكل... بصت علي كريم بغضب وقالت: ابنك المحترم كان عايز يسرقني يسرق فلوسي و ارضي اللي ورثتها بعد وفاة بابا الله يرحمه 

كريمه بصدمه: ورث 

جوري: اه ورثنا الللي عمي وابنه كانو عايزين يسرقوه مننا 

بصت علي هشام وقالت: مش كدا يا بن عمي 

بصت كريمه وقالت بصدمه كبيره: هشام 

من صدمة غاده مقدرتش تتحمل كل اللي بيتقال عن ابنها فوقعت مغشيّا عليها.... جري فوزي عليها وحاول يفوقها بس من غير فايده... شالها وطلع بيها بسرعه حطها في العربيه وجري علي اقرب مستشفى 

بص كريم علي جوري وقال بغضب شديد: ارتحتي كدا 

جوري بسخرية: هوا انا عملت حاجه لسه....(كملت بحزن) بس انت عارف طلعت شاطر عرفت تخدعني تلعب بيا وبمشاعري عرفت تحسبها صح.... وانا بغبائي كنت بصدقك.... بصدقك في كل تصرفاتك وكلامك في كل حاجه عمري ما كنت اتخيل انك ممكن تعمل فيا كده 

كملت بوجع و دموعها بتنزل: قلبي اتكسر للمرة التانيه  ..... كنت فاكره اني هلاقي الحب الحقيقي حد بيحبني بجد بس طلعت غلطانه... اول حب كان لشخص غلط شايفني مجرد شهـ وه بالنسباله واحد ماشي ورا رغباته وبس... وحبي التاني كان لواحد طمعان في ورثي.... انت وياسين زي بعض كل واحد كان بيتنافس مع التاني مين فيكم هيجرحني اكتر مين فيكم هيكسرني اكتر من التاني..... برافو عليكم قدرتو تكسروني تجرحوني تدمرو كل حاجه فيا..... دلوقتي بس عرفت ان مفيش حاجه اسمها حب.... الحب بيبقا في الافلام و الروايات بس... لكن في واقعنا احنا مفيش حاجه اسمها حب 

مسحت دموعها واضافت قائله: كل واحد فيكم علمني درس مهم.... مهم اوي... بشكركم علي الدروس اللي علمتوهالي 

فجأه دخل البوليس وقبضو علي هشام و كريم بس قبل ما ياخدوه خلت جوري ليلي توقع مكانها علي عقد الجواز وبكدا تكون اتجوزته ليلي رسمي وقدام الكل 

بصت جوري علي هشام وقالت بسخرية: متقلقش عمي هيشرف معاك في السجن 

خد البوليس هشام و كريم وطلعو... بدأ كل الموجودين يطلعو من القاعه واحد ورا التاني وكل واحد بيقول كلمة غير التاني 

بصت ليلي علي جروري وقالت: شكرا ليكي بجد لولاكي مكنتش بقيت مراته رسمي وقدام الكل.. مش عارفه من غيرك كنت هعمل ايه 

بصتلها جوري وقالت: انا اللي من المفروض اشكرك على اللي انتي عملتيه معايا 

فلاش 

اتصلت جوري علي الرقم اللي اتبعتت منه الرساله.. اتصلت كتير لحد ما اخيرا ليلي فتحت عليها 

جوري: ممكن اعرف انت او انتي مين وايه الرساله اللي اتبعتت لي دي 

ليلي: بحذرك من اللي حوليكي 

جوري: انتي مين انا اعرفك

ليلي: لا بس انا اعرفك كويس 

جوري: تعرفيني منين وقصدك اي و بتحذرني من اي 

سكتت ليلي شويه بعدين قالت: عايزه تعرفي مين البت اللي كانت مع كريم خطيبك 

اندهشت جوري وقالت: انتي تعرفيها 

ليلي: اه اصل البت دي تبقااا انا 

جوري بشده: انتي..... كنتي عايزه كريم في اي 

ليلي: قصدك تقولي كريم عايز منك انتي ايه 

جوري بعدم فهم: مش فاهمه قصدك ايه 

ليلي: اي رأيك نتقابل و افهمك علي كل حاجه 

سكتت جوري تفكر بعدين قالت: ماشي... نتقابل في نفس الكافتريا 

راحت جوري علي الكافتريا وكانت ليلي قاعده مستنيها قعدت جوري قدامها علي التربيزه ومن هنا حكت ليلي لجوري علي كل حاجه 

انصدمت جوري صدمة شديدة مكنتش مصدقه اللي بتسمعه 

ليلي: كريم مخدعكيش انتي وحدك... خدعني انا كمان عرف يلعب بيا وياخد مني اللي هوا عايزه.... وانا عارفه انه مستحيل يعترف بجوازنا او يعترف بـ ابننا عشان كدا قررت اقولك علي كل حاجه 

باك 

طلعت جوري مفتاح الشقه بتاعت كريم اللي هما قاعدين فيها وعطته لـ ليلي وقالت: خدي دا مفتاح بيت جوزك من النهارده تروحي تعيشي فيه لانه من حقك 

خدت ليلي المفتاح وقالت بابتسامة: شكرا 

مشيت ليلي... بصت كريمه علي بنتها وكانت زعلانه عليها اوي وعلي قلة حظها في الدنيا 

كريمه: هنروح فين دلوقتي 

ابتسمت جوري عكس النار و الوجع اللي حاسه بيه وقالت: دلوقتي بقا معانا فلوس و ارض مساحتها كبيره يعني نعمل كل حاجه احنا عايزينها نقدر نشتري قصر ونعيش فيه سوا انا وانتي 

حاوطت كريمه وشها بكفوف ايديها وقالت بحنان وحزن: مش عايزه حاجه من الدنيا غير اني اشوفك مبسوطه 

بعدت جوري ايديها وباستها وقالت: اطمني من النهارده مفيش حاجه هتأثر فيا من النهارده اتولدت جوري تانيه خالص واحده قويه صعب تتكسر وصعب حد يقتحم حصونها تاني من النهارده هنبدأ حياه جديده انا وانتي وبس 

صحيت رهف علي لمسات ناعمه علي وشها فتحت عنيها بابتسامة شافت باسل نايم جنبها وبيبصلها بابتسامة وحب وهوا بيمرر ورده حمره علي وشها وقال: صباح الورد علي احلي ورده في الدنيا 

بعدين حط الوده ورا ودنها بصتله بتوهان وحب وقالت: صباح الورد ياقلبي 

لاحظت هدومه وقالت: انت خارج

باسل: اه رايح الشركه 

رهف بزعل طفولي: هتمشي و تسيبني 

ابتسم وقال: غصب عني لو كان عليا مش عايز اسيبك لحظه واحده 

رهف: طيب هتتأخر 

باسل: لا هخلص بدري و ارجعلك... انزلي انتي مع ماما واسيل تحت هتحبيهم اوي 

رهف بابتسامة: اي حد من طرفك انت اكيد هحبه بس مش قد حبي ليك 

قرب منها وباسـ ها من شفايفها بحب وشغف بعد عنها بصعوبه وقام وقال: لازم امشي عشان لو فضلت ثانيه تاني هغير رأي 

ضحكت رهف وعضت شفايفها بكسوف وخجل مفرط 

كان قاعد ياسين في مكتبه في الشركه شغال علي اللاب توب... فجأه حس بخنقه جامد ومكنش قادر يتنفس كويس... قفل اللاب توب وفك اول كان زرار من قميصه بس غير فايده... راح قام وقف علي شباك المكتب عشان يعرف يتنفس كويس 

بس كانت كل ثانيه بتعدي نفسه يقل اكتر.... رجليه مقدرتش تشيله وقع علي الارض وهوا حاسس ان خلاص دي نهايته... اتفتح باب المكتب والصدمه لما شاف ساره قدامه.... بصتله ومكنتش مصدومه من الحاله اللي هوا فيها كأنها كانت عارفه 

قربت منه وقعدت علي ركبتها علي الارض بصتله وهوا بياخد انفاسه بصعوبه شديدة 

حطت ايدها على وشه بحب وقالت: معلش يا حبيبي اسحمل شويه بس و هترتاح صدقني 

بصلها بشده وهوا مش قادر يتكلم... ابتسمت ساره بمكر وقالت: انت عارف اللي بيحصل لك دا من اي 

قربت منه اكتر وقالت بهمس: سم  ..... في القهوه اللي شربتها 

بصلها بصدمه شديدة اضافت قائله: السم دا هيعملك التهاب في جهاز التنفس و وحده وحده نفسك هيتقطع خالص ولو مروحتش المستشفى دلوقتي هتموت

كملت بحب وقالت: انا عملت فيك كدا عشان انت يا حبيبي مسمعتش كلامي... بس متقلقش مش هسيبك انا هفضل قاعده هنا جنبك لحد اخر نفس ليك.... بعديها هموت نفسي وراك بـ دي 

وطلعت حقنه فيها سم........... 

#يتبع

تكملة الرواية من هنااااااا