رواية نصيبي في الحب الفصل الثانى 2 بقلم بتول عبد الرحمن (حصريه وجديده في مدونة قصر الروايات)

 رواية نصيبي في الحب الفصل الثانى 2 بقلم بتول عبد الرحمن (حصريه وجديده في مدونة قصر الروايات)

رواية نصيبي في الحب الفصل الثانى 2 بقلم بتول عبد الرحمن (حصريه وجديده في مدونة قصر الروايات)

بارت 2

خرجوا كلهم يشوفوا في ايه اللي بيحصل وكان في واحده صوتها عالي هيا اول مره تشوفها، وقفوا يتابعوا الحوار والواحده دي قالت بصوت عالي 

" أنا مش همشي من هنا غير وابني معايا "

رد عليها محمد خال نور بغضب وقال "انتي فعلا شكلك اتجننتي ومحتاجه وقفه فعلا، وأنا اللي سمحتلك تتمادي " 

علت صوتها اكتر وقالت بغضب "  انت لسه شوفت جنان ده أنا هوريك الجنان على أصوله "

 رد عليها الجد وقال بهدوء "امشي من هنا يا هدي وبطلي مشاكل مش كل اما تتزنقي في فلوس تيجي تقولي عايزه ابني ابنك اللي بتقولي عليه ابنك ده مش طايقك اصلا من اخر مره اخدتيه فيها، هو فرحان ومبسوط معانا هنا ولو فاكره أن ابني هيتكفل بيكي تبقى غلطانه، انتي خلاص بقيتي طليقته وملكيش حقوق هنا " 

حافظت على نبرة صوتها العاليه وقالت "اه مهو ابنك وطبعا لازم تدافع عنه " 

بصلها محمد بنفاذ صبر وقال "لا ده انتي زودتيها اوي ومحتاجه حد يلمك فعلا "

حطت ايديها على وسطها وقالت بردح "يلم مين يا راجل يا خرفان ،شكلك انت اللي عايز حد اللي يلمك " 

أما نهال اللي كانت متفرجه بصتلها باشمئزاز وقالت " ادم ابني أنا مش انتي وانا اللي مربياه مش انتي وهو عندك اسأليه، لو اختارك انتي يبقى خديه " 

بصتلها بحقد وقالت" اه مانتي خلفتك كلها بنات ومصدقتي تاخدي ابني مني" 

بصت لمحمد وقالتلها بحقد اكبر" أنا مش عارفه اصلا انتي ازاي عايشه معاه بعد لما سابك وجالي"

راحت وقفت جنب جوزها وحطت ايديها في أيده وقالت بابتسامه هاديه " أولا أنا راضيه بخلفتي جدا والحمد لله عليها وعندي بنت من بناتي أحسن من ميت راجل ثانيا أنا اللي قولتله يتجوز عشان يجيب الولد اللي نفسه فيه وعمره ما كان هيبصلك لو انا مقولتلهوش " 

اتكلمت صفيه بحنق وقالت "خلاص يا نهال مانتي عارفه انها مجنونه ايه الجديد يعني "

وزعت نظراتها على الكل وبصتلها بحقد"طبعا مهيا اللي مرات ابنك بس "

رد عليها محمد بتأكيد "اه لانك مش على ذمتي حاليا ويلا بقا اطلعي بره وقتك خلص" 

قالت الجمله اللي بتقولها للمره الألف قبل ما تخرج "أنا هعرف أنا هاخد ابني ازاي وهسجنكوا كلكوا "

"يوووه بقا انتي معندكيش غير ام الكلمتين دول " قالتها نهال بصوت واطي بس اتفاجئت بيها بترد عليها " بس يا أم البنات انتي مهياش نقصاكي "

كانت لسه هترد بس محمد ضغط على ايديها وبصلها تسكت وهو قرب منها شدها لبره تحت تهديداتها ومقاومتها ليه ، زقها لبره وقال بغضب شديد " لو عتبتي هنا تاني هرد عليكي بطريقتي، متختبريش صبري اكتر من كده " 

بصتله بفحيح " انت لسه مشوفتش حاجه، لسه هتشوف يا محمد، خليك مستعد " 

اما نهال فشافت ادم اللي كان واقف بيتابع الحوار بصمت وراحتله، قبل ما تتكلم قالها بحزم " عارف كل الكلام اللي هتقوليه، ومش متضايق " 

قالتله بحنان" مش هقولك زي كل مره، انت خلاص عارف اللي فيها، بس مش هبطل اقولك انك ابني انا، وعمري ما هنكر الحقيقه دي لو ايه اللي حصل " 

رسم ابتسامه مزيفه وقال " ربنا يخليكي ليا " 

سابها ومشي وهيا مراقباه لحد ما اختفي وابتسامتها اختفت مع اختفائه 

عند البنات بعد ما دخلوا الأوضه تاني سألت نور بفضول " مين اللي كانت بتزعق تحت دي؟ "

ردت عليها ندى بملل " دي حكايه طويله " 

ايمان وملك اتكلموا مع بعض في نفس الوقت فملك قالت " اتكلمي انتي " 

اتعدلت في قعدتها وبدأت تشرحلها " بصي يا ستي، انتي عارفه أن احنا ٣ بنات بس من ام واحده وادم من ام، ماما لما خلفت اول مره كانوا كلهم عايزين ولد " 

بصت لندى اختها وقالت " بس شرفنا احنا، وتاني مره كانوا برضو عايزين ولد بس شرفت الاستاذه ملك، اما المره التالته" 

قاطعتها نور بحيره " مره تالته؟ مش انتوا 3 بس " 

حركت راسها بموافقه وقالت " منا جيالك في الكلام اهو، المره التالته كانت التابته، ماما وقتها كانت حامل في ولد فعلا بس للاسف " 

اتوقعت وقالت بزهول" مات ؟!" 

" مش كده بالظبط، بس وقتها قبل الولاده بكام يوم جالها نزيف وخسرت الطفل والرحم كله كمان، فبكده أي امل كان موجود انها تخلف تاني اصلا اتنسف" 

كانت بتسمع بزهول ومش مستوعبه صدمة نهال والكل وقتها، كملت ايمان " بدأ وقتها الزن بقا، من جدو بالتحديد وأنه عايز ولد يشيل اسمه وبابا كان رافض الفكره بس مع إصرار جدو وطلب ماما منه اتجوز هدى " 

سألت باستفسار " دي اللي كانت تحت؟" 

حركت راسها بتأكيد وكملت " قبل ما بابا يتجوزها مضحكش عليها وقالها السبب وقالها أنه بيحب ماما بس مضطر يتجوز وهيا وافقت علطول عادي بس هيا كانت ليها خطه تانيه، كانت عايزه تاخد مكان ماما وتمشيها، كانت عارفه مكان الدهب بتاع تيتا وفي مره اخدت منها خاتم تقيل وغالي وراحت تحطه في دولاب ماما ولما تيتا اكتشفت أنه ناقص شكت في هدى بس قالت انها مش هتتكلم دلوقتي وتفهم في ايه وبعدها بدأت تراقب حركاتها وتصرفاتها وهدي لما لقت أن تيتا مفيش رد راحت خدت كمان خاتم وحطته لماما بس تيتا وقتها شافتها وعرفت وبعدها عرفت ماما وبابا اللي حصل ولأنها كانت حامل وقتها مكانوش عارفين يتصرفوا ازاي فتيتا قالتلها أن في دهب ناقص من عندها فعيطت وقالت مخدتش حاجه ودوروا عندي بس شرطت انها قبل ما تدور عندها تدور عند ماما كمان فتيتا وكلهم فهموا هيا عايزه ايه ولما لاقوه عند ماما ماما قالت إنها متعرفش عنه حاجه وهما قالوا قدام هدي انهم مش مصدقينها عشان خاطر يشوفوا هيا عايزه ايه ووقتها بابا قال لماما تروح عند تيتا لحد ما هدي تولد " 

كانت بتسمع بزهول وقالت باعتراض " بس ليه يمشي طنط اصلا وهو عارف ان هدي دي هيا السبب اصلا " 

وضحت بهدوء " عشان هيا كانت حامل في ادم وبعد ما خلفت بابا رجع ماما تاني والمشاكل بقت اكتر انتهت بطلاق بابا منها "

سألت بحيره" طب وهيا ايه اللي جابها دلوقتي مش المفروض خلاص كده؟ " 

هزت أكتافها بلا مبالاه وقالت " عشان الفلوس اكيد " 

اتدخلت ساره وقالت " يعني البنت لسه جايه وقعدتوا تحكولها المشاكل كلها من اول يوم؟" 

قالت نور بزوق" ادينا بنتكلم مع بعض وبنعرف بعض اكتر " 

سألتها ايمان بشك " صدعتي مني ؟" 

نفت براسها" لا والله مصدعتش، وبعدين منا كمان رغايه يا بنات " 

سألتها ندى بفضول " طب اتكلمي عنك يلا ؟؟" 

سألتها بمراوغه " عايزه تعرفي ايه ؟!" 

عملت نفسها بتفكر وقالت بمرح " لاء قولي من الاول يلا ؟!"

ابتسمت وقالت بهدوء " انا حياتي عاديه عادي مفيهاش اثاره يعني عشان احكيها، هو بس بعد وفاة بابا وماما بقيت عايشه مع عمو وكل سنه تيتا وجدو بيجولي زياره، يعني حياه عاديه جدا" 

بصتلها ملك وضيقت عينيها وقالت" تؤ تؤ انتي كده بتهزري، كل ده احنا عارفينه عادي، بصي انا الشخص هنا الاكثر فضوليه فهتلاقيني أقل تحدثا وبقولك انتي كده محكيتيش حاجه، احنا نبدأ من الاول خالص، ليه باباكي وعمتو ماتوا اصلا والسبب اللي خلاكي تيجي هنا هو ايه، والسبب اللي كان مخليكي مش عايزه تيجي برضو، بصي مش هنخرج غير لما تقولي"

أكدت هبه كلامها وقالت " بالظبط، انا كمان فضوليه وأقل تحدثا فممكن نسمع بقا!" 

قبل ما تتكلم نور قالت ساره بغضب " ايه يا جماعه هو تحقيق؟ مهي قالت اللي حصل ومش عايزه تقول تفاصيل يبقى خلوا عندكوا دم واتكتموا شويه " 

ردت نور عليها " علفكره انتي خلقك ضيق اوي واحنا متفقناش على كده " 

بصتلها وكشرت " انا بتكلم عشان انتي لسه جايه انهارده وهما نازلين اسأله، يعني عشانك" 

ابتسمت وقالت " انا مش متضايقه عادي " 

اتنهدت وقالت " بابا وماما ماتوا في حادثه ووقتها كان في جدال عليا ومين هياخدني اقعد عنه لحد ما استقروا على عمو وبس دلوقتي كل ممتلكات عمو حصل عليها ضرايب وكل حاجه اتحجزت فجيت هنا " 

الباب خبط ودخلت نهال، بصتلهم وقالت "  يلا يا بنات كفايه عليكوا كده وسيبوها ترتاح " 

اعترضوا كلهم وهيا قالت بنفاذ صبر " سيبوها شويه انتوا بقالكوا شويه قاعدين، زهقتوا البت " 

ردت نور بابتسامه " لاء انا مش زهقانه عادي، بالعكس خرجوني من المود " 

قالت ندي بانتصار " شوفتي، اسكتي بقا " 

هزت راسها بقلة حيله " طب شويه بس متطولوش " 

قبل ما تخرج سألتها ساره باهتمام " ادم فين ؟!" 

" في اوضته، قالي هينام " 

حركت راسها بتفهم ونهال خرجت وسابتهم، قعدوا كلهم مع بعض وبدأوا يتعرفوا على بعض اكتر، الوقت اتاخر جدا وكل واحد راح لاوضته ينام وهيا حاولت تنام بس معرفتش لأن المكان جديد عليها، خرجت البلكونه شويه لأنها حاسه بملل، وقفت شويه وبعدها لمحت حد واقف تحت

يتبع........

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا