رواية سر زائرة الجبل الفصل الثالث 3 بقلم زهرة الربيع (حصرية وجديدة في مدونة قصر الروايات)

رواية سر زائرة الجبل الفصل الثالث 3 بقلم زهرة الربيع (حصرية وجديدة في مدونة قصر الروايات)

رواية سر زائرة الجبل الفصل الثالث 3 بقلم زهرة الربيع (حصرية وجديدة في مدونة قصر الروايات)

#الحلقه_الثالثه 🌹 رحيل رفعت عبايتها قدام الشخص اللي جوه و هيه بتضحكلو وقاعده بشعرها 

جاسم اتصدم بشده وحس الارض بتدور بيه وبقى يحاول يشوف مين الشخص اللي معاها بس مكانش شايف غير رحيل لان الفتحه اللي بيبص منها صغيره  وقبل ما يشوفه او يفهم اي حاجه انتفض بخضه لما وهدان لف ايده االي ماسك بيها العلبه ورا ضهره بقوه وقال ...والله ورزق ديابة الجبل هتتعشى لحم ولاد الذوات

جاسم بلع ريقه وقال بتوتر...اهدى..اهدى يا ريس هفهمك 

وهدان قال بغضب وزعيق...تفهمني ايه ..ده انا هطلع عنيك الجوز.. وصلت هنه كيف وعملت ايه في الرجاله انطق

رحيل سمعت صوتهم من جوه نزلت هدومها بسرعه وطلعت جري 

بس اتصدمت بوجود جاسم ولطمت بخوف لانه ممكن يكون شافها.... اتقدمت عليه بسرعه وهيه بتقول...فيه ايه..فيه ايه يا ريس وهدان

وهدان قال بغضب...الكلب ده كان بيراقبك يا ست البنات 

رحيل بصت لجاسم بخوف وهو بصلها بحزن وخيبة امل رغم كل الي سمعو عنها لكن كان عقله وقلبه رافضين يصدقوا

سر زائره الجبل بقلم زهرة الربيع

رحيل بعدت عيونها عنو بخوف وقالت...همله يا ريس..انا..انا مسمحاه

وهدان قال بصدمه..مسمحاه كيف ده شافك و

بس قاطعته وقالت..انا بقولك مسمحاه هو من البندر وميعرفش حاجه عن اهنه وقريب ماشي يعني محدش هيعرف حاجه

وهدان قال بغضب منها...لاه..ده جه في ملكي واتهجم علي رجالتي والله اعلم عملهم ايه

جاسم اتكلم بيأس وهو حاسس انها مش فارقه وقال...رجالتك بخير ده مخدر لنص ساعه بس.. انا مستحيل اذي حد..انا...انا بس خوفت على رحيل بدل ما تطلع لوحدها وجيت وراها

رحيل قالت بسرعه..ايوه كيف ما قولتلك امبارح فيه رجاله اتهجموا علي وهو لجل كده جيه وراي همله الله لا يسيئك..لو ليا خاطر عنديك

وهدان اتنهد وسابو بضيق وقال..انتي اكتر واحده تعرفي ان خاطرك عندي بالدنيا ياست رحيل...يلا روحي دلوك اتاخرتي

وبص لجاسم وقال بغضب..ربك بيحبك يا ولد البندر لو اي حد اتوسطلك غيرها كان زمانك اكل للديابه بس هسيبك لجل عيون رحيل

جاسم بصلوا بغضب لما قال كده وقال...شكرا يا ريس تسلم قرونك..قصدي عيونك 

ومشي بغضب قدامها وهو منهار من جواه

وهدان استغرب وقال....يقصد ايه المخبول ده

رحيل قالت بخوف..هو..هو شافو..شافو صوح

وهدان اتنهد وقال..متخافيش باين مشافش حاجه  والا كان سأل..يلا روحي دلوك وربك كبير يا رحيل 

رحيل ابتسمت بحزن ومشيت بسرعه ورا جاسم وبقت تنادي عليه بس كان بيمشي بسرعه ومش بيرد عليها

رحيل جريت وراه اكتر بس اتخبطت في حجر ووقعت على الارض ومسكت رجلها بألم وقالت...اااااه

جاسم وقف لما سمع صوتها ورجعلها بسرعه وقال..مالك ايه اللي حصل

رحيل قالت بغضب..مالي تميل عليك حيطه ملهاش صحاب ..مبتردش ليه مخليني اجري وراك كيف الهبله

اتنهد بضيق وقال...انتي هبله فعلا...لان المفروض تفهمي اني مش حابب ارد ولا اتكلم معاكي ..مكانش فيه داعي تجري وبصلها بسخريه وقال..متقلقيش مني مش هحكي عن اللي شوفته لحد

بلعت ريقها بإرتباك وقالت...هو انت ..احم ...شوفت ايه

بصلها بغضب وقال....انتي عارفه نفسك عامله ايه يا رحيل ومفيش داعي تنكري لاني شوفتك وعرفت كل حاجه 

ولسه هيمشي اتصدم بشده لما مسكت رجله تبوسها وهيه بتقول ببكا.... احب على رجلك ما تجيب سيره لحد...ابووس جزمتك ده اخويا الوحيد لو عرفو انو لسه عايش هيقتلوه ..هيقتلوه وانا مليش غيره لجل النبي ماتتكلم

جاسم كان متجمد مكانوا وبقى يبصلها بزهول وميل وقفها بسرعه وقال...انتي بتعملي ايه اهدي..  انا مش هقول حاجه  اهدي 

 رحيل قالت بسرعه ودموع...لا هتقول اكيد هتقول..انا انا ممكن ادفعلك اللي عايزه بس متخليش حد يعرف ان طاهر هنه انا مليش غيره 

وبقت تقلع حلقها ودهبها وقالت ...خد دول يسوو كتير وهجبلك اكتر منهم

جاسم اندهش اكتر وفهم ان اللي كان معاها اخوها طاهر اللي اتقالو انو مات قال بسرعه..بطلي هبل شيلي دهبك ده وردي عليا.. هو ازاي اخوكي طاهر عايش انا سمعت انو مات

نزلت دموعها اكتر وقالت..لاه..مماتش....اخوي ..اخوي طاهر لسه عايش...كل الحكايه انو عشق بت من النجع التاني بس اهلها كانو هيجوزوها لولد عمها بس طاهر مستحملش وحاول كتير لحد يوم فرحها اتعارك مع عريسها قوي وذادت العركه بينهم وطاهر قتلوا في لحظة شيطان 

جاسم كان بيسمعها باهتمام وهيه كملت بدموع وقالت...اهلوا اصرو على التار ومعرفناش نلحقه ضربو عليه بالنار ...وقتها اهل القتيل افتكروه مات واحنا كمان افتكرنا اننا خسرناه انا كنت هروح فيها طاهر كان كل حاجه ليا بعد موت امي وابوي ...بس ربنا اكرمنا انو طلع لسه عايش وبيتنفس وقدرنا نلحقو وانا هربتو على الجبل خبيتوا هناك وبروح اشوفوا كل ليله هو ملوش غيري احب على يدك ما تأذيه

جاسم قال بسرعه..اهدي يا رحيل من غير اي حاجه مستحيل اذيه حتى لو محكتيش بالعكس انا هساعدك..بس..بس فيه سؤال هيجنني لو مقولتوش ...فيه حاجه كده شوفتها لما راقبتك ..وبعد كلامك ده عقلي وقف حرفيا ...انا وببص عليكوا..شوفت..احم..شوفتك بترفعيلوا العبايه سوري في اللفظ يعني بس كنتي بتوريه حاجه احم يعني ازاي اخوكي و

رحيل قاطعتوا لما رفعت العبايه وقالت...فيها ايه ما انا لابسه جلابيه تحتها 

جاسم اندهش وبقى يبصلها وكانت لابسه جلابيه طويله تحتها مغطياها كويس

ورحيل قالت...اصلي كنت بديلو فلوس علشان يشتري الدخان ...وانا بطبيعتي بربط الفلوس على خصري لما اجي اطلع الجبل علشان قطاع الطريق وهجامة الجبل

جاسم ابتسم بسعاده وهو مش مصدق نفسه  وقال...بجد...يعني اخوكي..وكنتي يتديلو فلوس...انا مش مصدق والله ...انا كنت متأكد كنت واثق فيكي بجد

رحيل بصتلوا باستغراب وقالت...انت بتقول ايه مش مصدق ولا متأكد مالك ما ترتب كلامك

جاسم ضحك بسعاده وقال..الكلام كلو هرب مني يا قمر....يلا امسحي الدموع الي دبحت قلبي دي .... رغم انها اجمل دموع شوفتها بس مش عايز المحها تاني انا معاكي وهساعدك متقلقيش 

رحيل قالت باستغراب ...تساعدني جد..كيف

ابتسم وقال بحماس..هسفره علشان ميفضلش متخبي... وانتي كمان هاخدك معاه

رحيل ابتسمت بسعاده شديده وقالت...صوح..هتعرف تسفره من غير ما حد يعرف

جاسم ابتسم وقال..ايوه متقلقيش ....انا اعرف ناس هتساعدنا قوي سيبيها على الله ثم العبد لله

رحيل مكانتش مصدقه نفسها وقالت بسعاده شديده..والله انا معرفاش اشكرك كيف

ابتسم وقرب منها وقال....مش عايزك تشكريني عايزك تعشقيني

رحيل رفعت شفتها لفوق بغيظ منو 

بس جاسم قال بسرعه...قصدي تعتقيني ..تعتقيني من طلعة الجبل دي لان رجليا ورمت انا مش عارف انتي بتطلعي ازاي كل ليله اصلا

ضحكت على كلامو وقالت..ااممم..بحسب كن وداني سمعو كلمه تانيه..على العموم انت مش مضطر واصل تاجي وياي انت اللي حاشر مناخيرك في امور الناس

جاسم ابتسم وقال..لا والله في امورك انتي وبس..اصلي بصراحه مهتم.. وفي طريقك شلت الهم

ابتسمت وبقت تمشي وقالت....بعيد الشر عليك من الهموم يا ولد البندر

جاسم ابتسم بخفه وجري وراها وفضلو يتكلموا لحد ما وصلو قبل بيت رحيل بخطوات  

رحيل وقفت وبصتلو وقالت..كفايه كده لاحسن عمي يمسكك تاني ارجع على دارك 

جاسم اتنهد و قال...تمام...بس حاولي تقابليني بكره في الأرض بتاعتكم...علشان افهمك هنعمل ايه علشان نهرب طاهر

رحيل ابتسمت بسعاده وقالت...تمام هكون هناك من النجمه

جاسم ابتسم وقرب خطوه وقال..طب ممكن اطلب طلب قبل ما امشي

رحيل قالت باستغراب...خير

ابتسم وقال..هو فعلا خير وكل الخير ..ممكن تشيلي البتاعه اللي على وشك دي..اكرميني بنظره للقمر اكافئ بيها العيون 

ابتسمت على كلامو وقالت بضيق مصتنع....روح يا جاسم ربنا يهديك

ولسه هتمشي مسك ايدها وقال..ده انا بطلب نظره كتيره عليا 

رحيل سحبت ايدها وقالت بكسوف...وواه..ما كفياك محن عاد..انا مبحبوش

ضحك جامد وقال..ايه ..محن

قالت بسرعه..ايوه محن...شوف العين مسأوله كمان يا ولد البندر خد بالك عليها من الفتنه

ومشيت خطوات بس جاسم قال..بس هما اتفتنو خلاص يا رحيل ..بسبب عيونك شلت الذنب.. هزموني واحتلو القلب

بصتلو وضحكت بخفه وقالت...اهو ده المحن اللي اقصده...تصبح على خير

ابتسم وقال...اصبح على ملامحك قدامي من غير اي حاجه تحجب عني جمالك...دي بقت امنيه يا رحيل

رحيل ابتسمت وجريت بسرعه على البيت وقلبها بيدق جامد من كلامه وجاسم بيتابعها بعيونه اللي بيلمعوا بسعاده لان امنيتو اتحققت وطلعت مش مرتبطه وكلام الغفير عنها طلع مش صحيح

عند رحيل رجعت على البيت ولسه هتطلع وقفت على صوت ست قالت...رحيل استني يا بتي

رحيل قربت منها وقالت باستغراب....انتي لسه صاحيه يا مرت عمي

قامت ست في الخمسين وقالت بتوتر...كنتي فين يا بتي

رحيل قالت باستغراب...هكون فين يا مرت عمي... في الجبل عند طاهر ما انتي عارفه

قاطعها عمها لما خرج من اوضتو بغضب وقال..ولما انتي رايحه لاخوكي ليه بترجعي مع الجدع المصوراتي اللي جاي من البندر فاكره مش هعرف اياك

سر زائرة الجبل بقلم زهرة الربيع

رحيل قالت بتوتر....يا عمي انا ..انا والله ما بطلع وياه هو اللي جيه وراي..و... وبعدين الجدع نيته طيبه وكان ....

قاطعها عمها لما قال بغضب..اسمعي يا رحيل..من وقت ما ابوكي  اتوفى وسابك انتي وطاهر امانه عندي  وانا بعاملكم كيف ولادي...وعلشان اللي جرى لاخوكي وبعده عنينا كنت حاطك في عيني وبعمل اطرش عن كلام الناس واقول الي يتكلم انهارده يسكت بكره المهم تبقي مرتاحه رغم ان اللي بيتقال ميتحكيش

رحيل قالت بعصبيه..مين يقدر يتكلم عني يا عمي انا بت الشيخ عبد التواب وتربية مختار الضوي اللي النجع كلو يحلف بتربيتوا

مختار قال  بغضب...كانو بيحلفو بتربيتي قبل اللي حصل لاخوكي..لكن من وقت ما بقيتي تطلعي الجبل وبيتقال كلام كتير وبيوصلني ...سمعت اللي محدش يرضاه قالو عنك فاجره وتربيتك شينه..وقالو عليا بطلعك لرجالة الجبل واقبض منهم قالو اللي محدش يرضاه واصل  بس انا عارف بتي وتربيتها ولجل كده ساكت ...لكن لما تنزلي مرتين مع الجدع ده من الجبل وتأكديلهم انك  جاهزه تروحي وتاجي مع اي راجل الكلام ده مينفعش واصل ...سامعه كفايه كده ...مهتطلعيش الجبل تاني

اتسعت عنيها بصدمه وقالت..انت بتقول ايه يا عمي ..انا مقدرش اعدي يوم واحد من غير ما اشوف طاهر

عمها اتنهد بحزن وقال...هتقدري يا بتي هتتعودي زينا

رحيل قالت بدموع.....لاه..انا مش زيكم واصل 

..طاهر ده مش اخوي..ده ابوي وولدي وعزوتي وكل ما ليا في الدنيا مهستغناش عنيه

مختار قال بحزم....يبقى خلاص تقصري الكلام و توافقي على اللي قولتلك عليه قبل سابق لجل نخرس الناس يا كده يا اما مفيش طلوع الجبل تاتي...وده اخر كلام عندي

قال كده ومشي بعصبيه وهيه قعدت جمب مرات عمها  وقالت بدموع...ده برضيكي يا مرت عمي...يعني يا اما اتجوز واحد  مريداهوش يا اما اتحرم اشوف اخوي 

مرات عمها طبطبت عليها وقالت بحزن..والله يا بتي عمك بيحبك ورايد مصلحتك...والريس وهدان جدع زين هو صوح من قطاع الجبل لكن راجل وسند. واديكي شايفه كيف واقف معاكي ومع طاهر... وكمان عارف بقصتك كلها وبطلوعك الجبل ومعندوش مانع 

يلا يا ابنيتي روحي ناميلك حبه واللي فيه الخبر يقدمو ربنا

رحيل اتنهدت بحزن وطلعت على اوضتها وهيه مخنوقه ومش عارفه تعمل ايه

في صباح يوم جديد جاسم راح الارض  و استني رحيل هناك وقت طويل بس مجاتش 

عدت ساعه واتنين وتلاته وبدأت الناس تشتغل في الاراضي ويبصولوا باستغراب من وجوده...وكان الجو بقى حر جدا بس مكانش قادر يمشي وبيتمنى تيجي بس فقد الامل نهائيا مع غروب الشمس ورجع على البيت بتعب

استقبله احمد بغضب وقال....انت ايه حكايتك يعني هتشلني ...بص احنا بكره هنمشي من هنا  المعلومات اللي اخدناها كفايه اوي 

جاسم قال بضيق...احمد انا مش ناقصك بجد السعادي

احمد قال .... ياسلام ... معلش هصدعك بقى ... والدتك اتصلت وبتقول تليفونك ديما مقفول وبتقولك كمان  ارجع لانها قلقانه وانا كمان قلقان وهرجع وده اخري معاك..علشان انت مش سامع كلام حد

جاسم اتنهد بضيق وقال..خلاص يا احمد اديني الليله دي بس اعرف ايه اللي حصل معاها وليه مجاتش وفيه موضوع كده هخلصو معاها ونمشي الصبح

احمد اتنهد وقال...طيب اخري معاك الليله لما اشوف اخرك بس بكره لو ممشتش معايا همشي واسيبك وكده عداني العيب

قال كده وسابو ودخل 

وجاسم اتنهد بحزن وفضل مستني بره يمكن تطلع او تبص من الشباك ويلمحها اتنهد وقال..ياترى مجتيش ليه يا رحيل ....ان شاء الله تكوني بخير

سر زائرة الجبل بقلم..زهرة الربيع

في نص الليل رحيل طلعت زي العاده على الجبل بس اتصدمت في نص الطريق لما جاسم وقف قدامها

ضربت على صدرها برعب وقالت...يا مري. حرام عليك يا جاسم وقعت قلبي

جاسم ابتسم وهو بيبص حواليه وقال..طب وقع فين خليني الحقو دي فرصه مش هتتكرر

ابتسمت وقالت..انت قاعد هنه من ميته

جاسم ابتسم ابتسامه جانبيه وقال....لا ابدا مش كتير من بعد الغروب على طول بقالي اكتر من اربع سعات

قالت بدهشه..يخربيت جنانك....ليه كل ده

جاسم قال بسخريه  ...ايه كتير....طب خدي الكبيره بقى انا قعدت اكتر من ٨ سعات مستنيكي في الارض ليه عملتي معايا كده ليه مجتيش على معادنا

اتنهدت بحزن وقالت..حقك علي ياولد الناس..عمي مخلانيش اطلع ..ودلوك بالعافيه هملني اروح لطاهر ...مراضيش يطلعني لانه شافني راجعه معاك مرتين وقلي هيجوزني يا اما مطلعش الجبل تاني

جاسم قال بصدمه... ايه...يجوزك يجوزك لمين.

رحيل قالت بحزن..هيكون لمين...للريس وهدان

جاسم قال بغضب...وانتي موافقه

قالت بحزن..لاه...بس لو هيمنعني اشوف طاهر هوافق..انا معنديش غيره ومهستغناش عنه

جاسم اتنهد بحزن عليها وبقى يبص لعيونها اللي كان واضح فيهم انها بكت كتير ابتسم وقال....انتي معيطه صح...مش عايزه تتجوزيه ليه فيه حد تاني

رحيل اتنهدت ومشيت قدامو وقالت..روح يا ابن الناس متجبلناش المشاكل

بس طلع جري وراها وقال..لا مش هرجع هطلع معاكي الجبل واقابل اخوكي علشان ههربه اليومين دول ..كده مهتبقيش مجبره على الجواز

رحيل بصتلو بدهشه وقالت..صوح..هتهربه اليومين دول

جاسم قال بثقه ....ايوه ...خليني اقابله واشرحلوا هنعمل ايه

رحيل قالت بتوتر...بس مش عارفه اذا ....

جاسم قال بسرعه..ايه مش واثقه فيا

رحيل قالت بسرعه وثقه....لا انا واثقه فيك...بس هو الله اعلم يمكن ميرضاش ويزعل مني

جاسم ابتسم وقال..احلى حاجه في اللي قولتيه انك واثقه فيا..يلا بينا 

رحيل بصتلو بدهشه وقالت...هو ده اللي لفت نظرك وباقي حديتي مسمعتوش 

جاسم قال بسرعه..لا سمعتو ..بس لو بتحبي اخوكي خليني اقابلو وانا هقنعه ده لو فعلا يتحبيه وعايزه تساعديه

رحيل فكرت شويه بحيره و اتنهدت وقالت...تعالى وراي وتفضل ساكت هناك

جاسم ابتسم بسعاده  ومشي معاها واول ما وصلو ووهدان شافو معاها بصلها بغضب شديد  وقال....انتي جيباه معاكي تاني ليه يا رحيل..هو ايه الحكايه بالظبط

رحيل اتنهدت وقالت....احم...اسمع يا وهدان..جاسم بيه هيطلع طاهر من البلد من غير ما اي حد يعرف...ولازم يتكلم معاه...معلش تدخلنا ليه خمس دقايق

سر زائرة الجبل بقلم زهرة الربيع

وهدان اتسعت عنيه بصدمه وقال بغضب وتوتر...ان..انتي بتقولي ايه..اتهفيتي في دماغك اياك...هو اي واحد يقولك كلمتين تصدقيهم وتجبيه لحد هنه ..مخيفاش على اخوكي ولا ايه..ازاي تحكيلوا عنيه اصلا اش ضمنك انو هيقفل خشمه...انا عارف اننا مهنخلصش منو بالود و قولتلك نقتله ونخلص منيه و

بس قاطعتو وقالت بسرعه وحزم...ريس وهدان..انت اكيد مهتخافش على طاهر قدي ده اخوي..وانا سبتو هنه معاك علشان عارف انك صاحب عمره ورايدلو الخير...فمتحجبش الخير عنيه دلوك

وهدان قال ...بس...

قاطعتو رحيل وقالت بسرعه.... من غير بس هندخلو وانا هقنعه متخافش

وبصت لجاسم وقالت..تعالى معاي يا جاسم افندي

جاسم راح وراها ووهدان حط اديه الأتنين على دماغو بزهول وقال...يادي المصايب يا دي البلاوي استر يا رب

رحيل دخلت مع جاسم البيت وقالت بابتسامه...كيفك يا طاهر ..عامل ايه يا اخوي..واتقدمت عليه تحضنه

جاسم اتسعت عنيه بصدمه شديده  وهو مش مصدق اللي شايفو قدامو

 ورحيل قالت بسرعه..متخافش كده ده جاسم بيه راجل زين ومهيأذيكش ده عايز يطلعك من هنه صدقني

جاسم بصلها بتوتر وصدمه حقيقيه وبلع ريقه بصعوبه وقال....رحيل...هو...احم..هو فين اخوكي ده...مفيش حد في الاوضه غيرنا  وووووو

😳😳😳😳😳

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا