روايه جنون العشق الفصل الواحد والثلاثون 31بقلم دينا عبدالله(حصرية وجديدة في مدونة قصر الروايات)
روايه جنون العشق الفصل الواحد والثلاثون 31بقلم دينا عبدالله(حصرية وجديدة في مدونة قصر الروايات)
#روايه_جنون_العشق
#الفصل_الثلاثون
#بقلمي_دينا_عبدالله
الدكتور: لا مفيش تحسن بالعكس دي حالته بتتدهور وخصوصا انه.....
باسل بقلق وخوف شديد: انه اييييه انطق
الدكتور: مفعول السم كان شديد اوي ودا ادى الي دخوله في غيبوبه
باسل بصدمه ودموع: غيبوبه
مرفت بعياط وخوف شديد: طيب هوا هيفضل في غيبوبه كتير
الدكتور: مقدرش احدد او اقول هيفضل فيها مده قد ايه... ان فاق منها اووو مفقش
مسكه باسل بقوة وقال بغضب ودموع: انت تعمل المستحيل عشان تنقذه وحصله حاجه هقتلك
الدكتور بخوف: احنا بنعمل كل اللي نقدر عليه... بعدين انتو احمدو ربنا انه في غيبوبه دا كان ممكن يحصله فشل في القلب او فشل في جهاز التنفس و يموت يمكن دخل في غيبوبه مرحله عشان يتحسن احمدو ربنا و ادعوله
سابه باسل بصله الدكتور بخوف وسابهم ومشي
مرفت بعياط وحزن شديد: كان مستخبيلك فين دا كله يبني
جوري في التليفون: ازيك يا ليلي عامله ايه
ليلي بحزن وصوت مخنوق: محدش من اهله متقبلني بيبصولي نظرات وحشه... بفكر امشي من هنا
جوري! هتمشي تروحي فين... طبيعي يتعامله معاكي كدا في البدايه لحد ما يستوعبه اللي ابنهم عمله ونتيجته هتبقي ازاي
ليلي: طيب اعمل ايه دلوقتي
جوري: حاولي تندمجي معاهم ساعدي حماتك في المطبخ شغل البيت الخفيف حاولي تخليها تحبك
ليلي بحزن: مستحيل تحبني دي بتكرهني اوي
جوري: هيا ست طيبه اوي انا اتعاملت معاها صدقيني اديها شوية وقت تستوعب اللي حصل وهتلاقيها اتغيرت معاكي
ليلي بحزن: يارب يا جوري... طمنيني عنك عامله ايه دلوقتي
جوري: تمام الحمدلله اشتريت بيت جديد ابقا تعالي في يوم نقعد مع بعض شويه
ليلي: ان شاء الله.... هتكملي دراسه
جوري: اكيد طبعا لازم اكمل وانجح واثبت للكل اني مش محتاجه حد
ليلي: ربنا يوفقك يارب....
بعد شهر
حالة ياسين مكنش فيها اي تحسن وكان لسه في غيبوبه
كانت ليلي طول الوقت بتحاول تقرب من غاده شويه شويه عشان تحبها وتتقبل وجودها معاهم
جوري خلصت امتحانات بعد ما بذلت جهد كبير في المذاكره وكانت مستنيه النتيجه
باسل: خدي يا رهف امي واسيل هفضل قاعد انا مع ياسين النهارده
بصت مرفت علي ياسين بدموع وحزن كل يوم يبقا عندها امل انه يفوق اليوم اللي بعده.... خدت اسيل وطلعت
بصت رهف علي باسل وقالت: خلي بالك من نفسك
بصلها هز راسه وقال: قوليلي انتي كويسه النهارده ولا لسه بتحسي بدوخه
رهف: شويه بس متقلقش انا كويسه
بعدين راحت اتجاه الباب عشان تطلع بس وقفت فجأه لما حست بدوخه جامده سندت علي الباب عشان متقعش بصلها باسل بقلق قام قرب منها مسكها سندها وقال بقلق: انتي كويسه اجبلك الدكتور
هزت راسها بالنفي وقالت: مش لازم انا كويسه اطمن
باسل بقلق: لا مش هطمن غير لما اجبلك دكتور يشوف سبب الدوخه دي تعالي معايا
وخدها عند دكتوره في المستشفى فحصتها الدكتوره تحت نظرات القلق والخوف من باسل بس رهف كانت هاديه تماما ومش قلقانه
خلصت الدكتوره وراحت قعدت علي مكتبها... مسك باسل رهف وقعدها علي الكرسي وراح قعد قدامها بص للدكتوره وقال بقلق: طمنينا يا دكتوره هيا كويسه سبب الدوخه اللي بتجيلها علي طول دي اي
الدكتوره بابتسامة: متقلقش يا استاذ باسل دي اعراض طبيعيه خالص
بصتلها رهف بابتسامة كانت متأكده... بس باسل مكنش فاهم وقال بقلق: اعراض اي
الدكتوره بابتسامة: حمل... الف مبروك مراتك حامل و داخله في الشهر التاني
بص باسل علي رهف يستوعب اللي سمعه فجأه ابتسم بفرحه وقال: حامل انتي متاكده
ضحكت الدكتوره وقالت: اه متقلقش انا متاكده... خد بالك منها بقاا تاكل كويس اهم حاجه الراحه وهكتبلك علي مثبت ومكمل غذائي تخديهم في الموعد و اشوفك اول الشهر الجديد
خد باسل الروشته وخد رهف ومشيو... بصتله رهف كانت شايفه الفرحه والسعاده علي وشه اللي مكنتش بتشوفهم من اول دا دخل ياسين المستشفى كانت مبسوطه عشانه
اندهشت لما لقيته حضنها بفرحه كبيره.... كان مستني اللحظه دي من وقت طويل
باسل بفرحه ودموع: شكرا... انتي مش متخيله انا مبسوط اد ايه دلوقتي
بعدت عنه وبصتله بابتسامة وقالت: الشكر لله وحده هوا اللي رزقنا بيه
باسل بلهفه: بصي خلي بالك من نفسك كويس متعمليش اي حاجه انتي ترتاحي بس وكل حاجه تجيلك لحد عندك انت بس اطلبي و........
قاطعته وهيا بتحاوط وشه بكفوف ايديها بابتسامة وحب وقالت: باسل انا مش عايزه حاجه غير اني اشوفك مبسوط كدا علي طول مش عايزه حاجه تانيه من الدنيا
مسك ايديها وباسها بحب وقال: ربنا يخليكي ليا
رهف بابتسامة وحب: ويخليك ليا يا حبيبي هروح انا زمان حماتي مستنياني في العربيه
باسل: دقيقه اجبلك العلاج
خدت رهف الروشته وقالت: هجيبهم انا وبالمره افرح حماتي بالخبر دا.... نفسها تسمع حاجه تفرح قلبها
هز راسه بابتسامة... سابته ومشيت بص لطيفه بفرحه كبيره.... يمكن ربنا رزقه بطفل في الفتره دي تحديدا عشان يهون عليهم ويخفف عنهم حزنهم علي ياسين
رفع ايده ودعا ربه يكمل فرحتهم وياسين يخف و يفوق و يرجع لهم
اتخرجت جوري وحصلت علي شهاده البكالوريوس في الهندسه الكيميائية فدا حلمها تبقا باحثه كميائيه وتوصل للعالميه
كانت مبسوطه اوي ان حلمها بيتحقق تدريجيا وحصلت النتيجة اللي هيا عايزها وكانت راضيه عنها.. كريمه كانت فرحانه بيها اوي وفخوره بيها جدا
قعدت جوري علي سريرها بتبص علي الصور اللي خدتها لنفسها وقت التخرج وتكريم الطلاب وتسليمهم الشهادات... قفلت التلفون
مش عارفه ليه خطر في بالها باسل هوا الانسان الوحيد اللي كانت مشاعره صافيه وحقيقه فكرة تتصل بيه وتفرحه بتخرجها
جوري بابتسامة: الو ازيك يا باسل عامل ايه
باسل: الحمدلله طمنيني عليكي اخبارك ايه
جوري: تمام الحمدلله
باسل: عملتي ايه في الامتحانات والنتيجه
جوري بابتسامة: نجحت واتكرمت وحصلت علي شهاده البكالوريوس
باسل بفرحه ليها: الف مبروك انتي تستاهلي
جوري.: شكرا... اسيل وباقي العيله عاملين ايه سمعت ان اسيل رجعت تمشي دا بجد
باسل: اه عملت العملية وبقت كويسه دلوقتي بتمشي احسن من الاول
جوري: فرحت لها اوي والف مبروك علي جوازك جات متأخّر معلش
باسل: الله يبارك فيكي
كانت حاسه جوري من صوته ان فيه حاجه فقالت: هوا فيه حاجه اصل صوتك كأنك زعلان مخنوق في حاجه حصلت
باسل بحزن: ياسين
اتبدلت ملامحها اول سمعت اسمع وقالت: ماله
باسل بحزن شديد: في المستشفى حالته حرجه جدا وهوا دلوقتي في غيبوبه
قامت جوري من مكانها بصدمه من اللي سمعته......
#يتبع
تكملة الرواية من هناااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
 روايه جنون العشق الفصل الواحد والثلاثون 3…){kind=link}
تعليقات
إرسال تعليق
فضلا اترك تعليق من هنا