رواية جمرية الصقر الفصل الرابع والثلاثون 34بقلم سلوى عوض (حصريه في مدونة قصر الروايات)

رواية جمرية الصقر الفصل الرابع والثلاثون 34بقلم سلوى عوض (حصريه في مدونة قصر الروايات)

رواية جمرية الصقر الفصل الرابع والثلاثون 34بقلم سلوى عوض (حصريه في مدونة قصر الروايات)

#جمرية_الصقر

#بقلم_سلوى_عوض

بارت 34

في نجع الصايغ

محمود: غزاله، خدي البنته وروحي البندر، هاتي الشوار.

غزاله: حاضر.

نجمه: أنا عاوزه أجيب شواري من مصر.

محاسن: وايه مصر وايه، هنا خلصي ولمي دورك. وبعدين اللي متلاقيهوش هنا اطلبيه بالتليفون يوصلك على طول.

نجمه: موافج يا أبوي؟

محمود: موافج طبعًا.

(يدخل زيدان وعمار)

زيدان: عاوزين ناخد البنته وننزل البندر نجيب الشبكة.

محمود: روحو، بس متعوجوش. خلاص يا غزاله، النهارده يجيبو الشبكة، وبكره إن شاء الله تبجوا تجهزوا الشوار.

عمار: وليه بكره؟ متخلوها النهارده بالمرة.

نجمه: يا سلام! عاوزنا نجهز كل حاجة قدامكم؟ ده انت واد بارد جوي.

محمود: وبعدين معاكي يا نجمه؟

زيدان: سيبها يا عمي، بعد الجواز هجصلها لسانها اللي فرحانه بيه ديتي.

نجمه: نعم؟ هتقص لسان مين؟ أنت؟

محاسن: خلاص بقى خلونا نخلص.

محمود: فين صجر؟

زيدان: الكبير راح للمهندس عشان يطمن على أحوال البيت.

محمود: خلاص، روحو انتوا عشان ترجعوا قبل الليل.

نجمه: حمامه يا أبوي.

محمود: غزاله، أي حاجة يعوزوها هاتيها على طول.

محاسن: هيه جمريه مش هتيجي معانا؟

جمريه: لا، طبعًا جاية معاكم، مقدرش أهملكم لحالكم.

نجمه: إنتِ إيه؟ أول ما نجيب سيرتك تطلعي زي العفريت.

جمريه: أنا عفريته؟ ماشي يا نجمه.

(تخرج لها نجمه لسانها)

نجمه: إحنا هنروح نجيب الشوار ومعانا العرسان. وأنتِ يا عيني، صجر أخوي هيسيبك تروحي لوحدك؟

محاسن: يا بت بطلي، إنتِ إيه؟ شعلة نار.

نجمه: أنا غلبانة، هو أنا عملت حاجة؟

جمريه: (بتمثل الزعل) صجر هيهمّلني لوحدي؟ كيف العزول؟

(يدخل صقر)

صقر: سمعتك يا جمريه. مين اللي هيهمّلك؟ مش أنا كلمتك في التليفون وقلتلك أفوت أخدك؟ قولتِ لي: لا، هروح أنا وعروسة يوسف وأمها، عشان أمها تيجي تقعد مع أمي، أحسن متقعد لحالها.

(تضحك جمريه وتخرج لسانها لنجمه)

جمريه : حبيبي اللي عياخدلي حجي.

 غزاله : أمال فين مرت أخوكي وأمها؟

جمريه: يا مري، واجفين برا، أصل أمها مكسوفة شويه.

غزاله: أنا هطلع أجيبهم.

نجمه: بقولك إيه يا أبوي، متخلي أمي تقعد هنا معاكم، وإحنا نروح شباب مع بعضينا، وصجر أخوي معانا أهو.

محمود: روحو، هو أنا هخلص معاكي؟

(تدخل غزاله ومعها صابرين)

غزاله: تعالي يا غاليه، بيتك ومطرحك.

صابرين: السلام عليكم.

الكل: وعليكم السلام ورحمة الله وبركاته.

(يتصل طارق بصقر)

طارق: صقر، افتح التلفزيون على القناة الأولى.

صقر: خير يا طارق؟

طارق: افتح بس.

(يفتح صقر التلفزيون، ليشاهد مؤتمرًا صحفيًا للوزير)

(تُعرض على الشاشة عبارة: "مؤتمر اعتذار وتكريم الدكتورة هيام الصائغ")

(يعلن الوزير خلال المؤتمر إطلاق اسم الدكتورة هيام الصائغ على إحدى المستشفيات الحكومية، وأيضًا تسمية قسم النساء والتوليد باسمها تكريمًا لها.)

(يُذاع المؤتمر على كل القنوات الفضائية، ومحمود يبكي من الفرح)

محمود: الله يرحمك يا بتي...

 نجاه: هاتلي عيال بتي يا صجر، هاتلي عيال الغاليه دلوك.

صقر: حاضر يا أمي.

(يتصل صقر بطارق)

صقر: طارق، هات العيلة ورضوى وتعالوا الصعيد، العيلة كلها يا طارق.

طارق: ما إحنا متفقين هنيجي على الفرح.

صقر: أمي عاوزاكم.

طارق: حاضر، هنجهز حالنا ونيجي.

صقر: اعملوا حسابكم تقعدوا لحد بعد الفرح إن شاء الله.

غزاله: جيتك فيها الخير كله يا حجة صابرين.

نجاه: صح والله.

صابرين: كتر خيركم.

محمود: يلا، روحوا انتوا هاتوا حاجتكم.

صقر: حاضر يا أبوي.

(يدخل يوسف المنزل)

يوسف: أنا بقالي ساعة مستني في العربية، اخلصوا بقى.

محمود: طيب السلام عليكم.

يوسف: معلش يا عمي، عليكم السلام ورحمة الله وبركاته.

نجمه: اعذره يا أبوي، عريس ومستعجل.

زيدان: يعني كلنا ساكتين وإنتي اللي سحبوكي من لسانك؟

نجمه: شاهد يا أبوي.

محمود: ليش صالح أنا بيكم؟

صقر: ما هو إنتِ لو تسكتي

 محاسن: ديه تسكت كيف يعني؟

نجمه: (بتمثل الزعل) وأنا قلت عتاخدوا لي حجي منه

محمود: إنتِ حرة إنتِ وعريسك، وبعد كده تسمعي كلامه، فاهمة؟

نجمه: حاضر، وأنا عجدر مسمعش كلام بعلي؟

زيدان: حبيبتي إنتِ يا أم صجر.

نجمه: أحلى أبو صجر ده ولا إيه؟

محاسن: لأ، أنا اللي هسمي صجر.

نجاه: متتخانجوش إنتو الاتنين، سموا عيالكم صجر.

صقر: ده على كده العيلة كلها هتبقى صجور.

جمريه: لأ، هو صجر واحد بس، أبو محمود وهيام.

يوسف: يلا يا حلوة، منك ليها.

(فعلاً يروحوا يجيبوا الشوار ويرجعوا بالليل، وبيكون طارق وصل البلد مع رضوى والأولاد)

نجاه: تعالوا في حضني يا أولاد الغالية. حجك عليا يا طارق، إنت ورضوى.

طارق: حق إيه بس يا أمي؟

___________________________________

(يصل زياد)

زياد: أنا جيت، الفرح أمتى بقى؟

صقر: خلاص، البيت بيتفرش، الفرح بعد يومين.

زياد: بعد إذنك يا أبوي، أنا في بنت بحبها في شرم. بنت ناس ومحترمة، ممكن أعزمها على الفرح؟

محمود: أخيراً ربنا هداك! وماله يا ولدي، اعزمها، وبعد الفرح خد أخوك وروح اخطبها.

زياد: ما هما كلهم جايين من شرم الشيخ.

نجمه: ليه؟ كلنا هنروح نخطبلك؟

زيدان: لا يا جدري، هنقضي شهر العسل. أصل زياد حجز لنا كلنا هناك في الفندق. اسكتي شوية، ما فيش غيرك دايماً يناكف في الكلام.

زياد: لأ، بقولك إيه؟ نجمه ديه أختي وحبيبتي، تعمل اللي هي عايزاه.

نجمه: شالله يخليك ليا يا زيزو، إنت بس اللي واجف في صفي، كلهم جايين عليا!

محاسن: وهو حد يجدر عليكِ؟

زيدان: محاسن هملي مرتي لحالها واوعاكي تزعليها

محاسن: لسه ما بجيتش مراتك.

صقر: شكلي كده هغير رأيي ونتجوز كلنا ونأجل جواز العصافير. زيدان ونجمة؟

نجمة: واهون عليك يا أبو محمود؟

صقر: عشان خاطر محمود الصغير، خلاص.

زياد (ببلاهة): هو أنت خلفت محمود؟ أوعى تكون زي أبوك متجوز من غير محد يعرف.

غزالة: كتر خيرك يا ولدي.

نجاه: ما تاخدوش عليه ده مهبل، هما قصدهم بعد ما يتجوزوا يا حمار.

زياد: معلش يا خالتي كنت بهزر، خلاص يبقى أنا كمان أبو نجاه.

نجاه: لا يا ولدي، اسمي قديم، ويمكن عروستك ما ترضاش.

جمريه (بتضحك): على أساس إن اسمها ماهوتاب! دي اسمها؟

زياد: اخرسي إنتي خالص!

صقر: أنت اللي تخرس، بتتحدت مع مرات أخوك الكبير.

جمريه: والله هقول اسمها، الحجة جيجي.

محمود: قولي ومتخافيش.

جمريه: وعخاف من مين؟ (تضحك) اسمها جسمت.

زياد: قسمت يا جاهلة، اسم أميرة تركية.

محاسن :جسمت ونصيب.

زياد: إيه، ما تخفوا العسل يا حلوين.

وفجأة يُسمع صوت تجمع خارج البيت

محمود: يا ساتر يا رب، فيه إيه؟ اخرج يا صجر، خد زيدان وشوفوا.

(يخرج صقر وزيدان ليجدوا رجال البلد متجمعين)

رجال البلد: حجك علينا يا كبير، سامحنا يا كبير، انت كبيرنا وملناش كبير غيرك.

صقر: اهدوا طيب.

زيدان: دلوك عرفتوا الكبير؟

صقر: خلاص يا زيدان، المسامح كريم، روّحوا كلكم، ومين على أفراحنا، أفراح بيت الصايغ.

الرجال: ألف مبروك يا كبير.

(يطلق الرجال الأعيرة النارية، ويخرج يوسف وجهه مصفر)

صقر: مالك؟ فيك إيه؟

يوسف: بكره هيعدموا أمي، ومش عارف أقول إيه لجمريه.

صقر: مين خبرك؟

يوسف: المحامي، لسه مكلمني، وأمي طالبة تشوفنا الصبح قبل تنفيذ الحكم.

صقر: لازم تروحوا، وجمريه لازم تعرف.

يوسف: مش هقدر.

صقر: أنا هقولها.

(يصرف صقر الناس، ويدخل إلى جمريه)

صقر: تعالي، عاوزك.

(يخبرها بطلب أمها وميعاد تنفيذ الحكم)

جمريه (تبكي): أمي هتتعدم؟ كان عندي أمل يحاكموها.

صقر: أمك جتلت واعترفت.

جمريه: عنروح، ميته.

صقر: كمان شوية، تنفيذ الحكم بعد الفجر.

____________________________________

(يمر الليل ويذهب يوسف، صقر، وجمريه إلى السجن، حيث كان المحامي مأخذ لهم إذن زيارة. تدخل جمريه على أمها)

جمريه: ليه يا أمي عملتي كده؟ حرمتيني منك طول العمر. هتجوز من غير ما تكوني معايا، كل البنات هيفرحوا وأمهاتهم معاهم، وأنا لأ. الله يسامحك يا أمي.

زبيده: خلاص يا بتي، ما عادش له لزوم الحديت. تعالي في حضني، أحضنك قبل ما أفارج الدنيا. ادعيلي يا بتي ربنا يسامحني، وانتوا كمان سامحوني.

يوسف: مسامحينك يا أمي، وربنا يسامحنا كلنا.

(تسقط جمريه مغشيًا عليها، يحملها يوسف وصقر، يفيقوها ويغادرون قبل تنفيذ الحكم. في الطريق يتلقى يوسف وصقر خبر تنفيذ الإعدام)

يوسف (يصرخ): خلاص!

جمريه (تفوق): إيه يا يوسف؟ خلاص؟

يوسف: خلاص يا خيتي.

صقر: استهدوا بالله يا جماعة، أمر الله نُفذ لا محالة.

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا