رواية مأساة حورية البارت السابع والثلاثون 37بقلم فريدة احمد (حصريه وجديده في مدونة قصر الروايات)

رواية مأساة حورية البارت السابع والثلاثون  37بقلم فريدة احمد (حصريه وجديده في مدونة قصر الروايات)

رواية مأساة حورية البارت السابع والثلاثون  37بقلم فريدة احمد (حصريه وجديده في مدونة قصر الروايات)

: انا مش هشيلها ياحج.. مش انا اللي هلبسها

قالها عاصم بغضب ل زكريا ابوه،، ليرد زكريا ويقول بصرامة وانا قولتلك مش باخد رأيك.. انا بأمرك.. بنت عمك مفيش غيرك يستر عليها ولا عاوز الخلق يجيبو في سيرتنا

رد بجنون... يعني ايه.. يعني هي تغلط هي وابن الكـ لب وانا اللي اشيلها ليه!! 

اتنهد زكريا وحاول يتكلم بهدوء وقال... يابني البنت بنتا ومحدش غيرك ينفع يشيلها ... بص اتجوزها سنه وبعدها.. عاوز تطلقها طلقها. بس المهم تستر عليها قبل ما نتفضح

هنا اتكلمت بهيرة وقالت بقوة.... مش هيتجوزها ولا يوم واحد يازكريا.. انا لايمكن اوافق علي كده.. ابني يشيلها ليه. ذنبه ايه.. يعني هي تدور تفجر وتعمل عملتها وفي الاخر تشيلها لابني

وبغضب.... انا استحالة اسمح ان ده يحصل. علي جثـ تي 

زكريا بحدة.... مش انتي اللي بتقرري.. انا قولت كلمه خلاص. محدش هيتجوزها غير ابنك.

بهيرة بغضب... انت كده بتظلمه.. هو من حقه يتجوز واحدة شريفة.. ذنبه ايه يشيل شيلة غيره..

وبتحذير....ملكش دعوة ب ابني.انا محلتيش غيره.. 

وبجنون... يعني انا رافضة حورية الشريفة. تقوم توقعه في دي.. لا اسمع بقا

قاطعها وقال بزعيق .... انا مش عاوز اسمع ولا كلمه لان كلامك مش هيغير حاجة. اللي بقوله هو اللي هيتنفذ. . ف ياتقنعي ابنك ياتسكتي سامعة

بهيرة بجنون... يعني ايه. خلاص. حكمت عليه بالاعدام. مفيش حل تاني

زكريا... عندك حل تاني.هاااا 

اتنهد وبص ل عاصم اللي كان واقف في دوامة مش قادر يقبل بكدة.لكن في نفس الوقت شايف ان ابوه بيتكلم صح حتي لو مش راضي عن اللي هيحصل وقالو بهدوء..... انا عارف اني ممكن اكون بظلمك.. بس يابني مفيش حلول تانية.. دي بنت عمك وعرضك. لو مكنتش انت تستر عليها مين هيستر عليها 

لسه بهيرة هتتكلم عاصم قال بهدوء... اللي تشوفو ياحج 

وخرج بدون ولا كلمة تانية 

اما بهيرة بقت تبص ل زكريا بغضب لكن هي كمان سكتت 

........... 

في سينا 

: انا من ساعت ما لاقيتك في الجبل عرفت انك من ابناءنا  المفقودين اللي كانو في الجيش وقت الانفجار

يوسف قام بسرعة وهو بيقول بتعب... ينهااار اسود.. دول اهلي زمانهم فاكريني مو..تت 

الراجل باسف... سامحني يابني. بس لو اعرف مين اهلك كنت طمنتهم عليك.. وكمان بردو اتلهيت فيك. كان اهم حاجة عندي اعالجك واتطمن عليك 

يوسف بامتنان... انا مش عارف اقولك ايه ياعم حكيم.. جميلك عمري ما هنساه. هفضل طول عمري شايله فوق راسي 

حكيم.... انا معملتش غير الواجب يابني.. دانتو اللي بتحمونا.. يجي ايه جمب اللي بتعملوه وتعرضكم كل ساعة للخطر.. كان واجب عليا اعمل اكتر من كده 

يوسف ميل باس ايده وقال... انت عملت اللي محدش ممكن يعملو.. انت بتقول ان الدكاترة اللي كشفو عليا قالو اني ميـ ت اصلا.. يعني كان زماني مدفون لو سمعت كلامهم 

حكيم بضحك... دول بهايم مش دكاترة.. انا كان عندي احساس انك عايش.. والحمدلله

بصله بحب وقال... الف حمدلله علي السلامة ياولدي.ربنا اللي يعلم ان من وقت ما شوفتك وانا مش شايفك غير ولدي... اسمع انت من هنا ورايح هتكون ولدي. وغصب عنك مش برضاك 

يوسف... دا شرف ليا يا عم حكيم. ان يكوني اب زيك

قام وهو بيقول....بس دلوقتي لازم ارجع لاهلي اطمنهم عليا 

حكيم... هسيبك ترجع بس استني يومين. انت لسه تعبان 

يوسف... انا كويس 

قاطعه حكيم وقال... طب تاكل الاول لقمة تسندك

ابتسم وقال... البت رحيل واقفة عي رجلها من بدري عمالة بتحضرلك في اكل جوا..تاكل الاول وبعدين هسيبك 

في اللحظة دي دخلت رحيل بالاكل وهي بتقول ببتسامة... الدكتور قال لازم تاكل كويس علشان مناعك تشتغل . وتقدر تاكل اي اكل كمان.. يعني مش هتعرف تتحجج

........ 

نزلت حورية من اوبر ولسه هتدخل المكتب، فجأة حد جي من وراها وحط ايده علي بوقها بمنديل في مخدر ومفيش لحظات وكانت فاقدة الوعي

....... 

في الغردقة 

فتحت منار الباب لتتفاجأ!!!!! 

بلعت ريقها وقالت.... انت

ليرد بسخرية ويقول....  ازيك يا بنت عمي 

منار....  جاي ليه؟  وعايز ايه؟؟! 

: عايزك 

وقبل ما ترد قال بأمر ....  خمس دقايق تدخلي تيجيبي حاجتك عشان هتيجي معايا يلاا

لتبلع منار ريقها بخوف وتقول.... اجي معاك فين 

: ترجعي لاهلك 

كمل بسخرية..... ولا ناسية ان ليكي اهل

لترد منار بسخرية اكبر وتقول..... لا مش ناسية..الظاهر ان انتو اللي كنتو ناسيين..ايه بقا اللي فكركو بيا فجأة!!!!! 

وقبل ما يرد اتنهدت وقالت بضيق وغضب ... بقولك ايه. امشي 

قرب عليها لترجع لورا تلقائي لكن بسرعة مسكها وبعد مارفع ايده وابتدي يمررها علي خدها بشهوانية لترتعب من نظراته الجريئة 

قال .... انا همشي 

وقبل ماتتنفس براحة كمل.... بس هتيجي معايا.. ادخلي هاتي حاجتك. ولا اساعدك.. يلا عشان مستعجل

لترد منار باندفاع وغضب برغم خوفها وتقول وهي بتزقه بقوة ..... اجي معاك فين.. 

و بتهديد... امشي يلا بدال ما اطلبلك البوليس 

ليسمكها بغضب ويقول.... انا مش بحايلك ياروح امك.. ويلا امشي قدامي بالذوق بدال ما اخليها عافية

لترد منار بقوة وغضب وهي تحرر نفسها منه...... لو ممشيتش حالا انا هطلبلك البوليس يازبا،، لة.. غور يالا من هنا احسلك 

: تمام شكلك حابة تيجي عافية 

وقرب عليا لترجع لورا وتقول بخوف... ارجوك امشي 

وهي بتبلع ريقها وتقول....  مش هينفع اصلا.. انا متجوزة عاوزين مني ايه 

: ما احنا هنخليه يطلقك..

وهو بيقرب ويطلع من جيبه بخاخه ويرش عليها لتفقد الوعي بعد لحظات ويشيلها ويخرج من الشقة

...... 

: هو انت خاطب؟؟!! 

قالتها رحيل بتردد ليوسف وهما واقفين قدام بيتهم 

ليبتسم يوسف بحب ويقول ... بنت الجيران..وكاتب عليها كمان ...كنت مستني بس تخلص امتحانتها عشان اعملها احلي فرح

رحيل... بتحبها

يوسف.... بعشقها من واحنا اطفال.

ابتسمت بحزن وقالت.... ربنا يخليكم لبعض 

قرب عليهم حكيم وهو بيقول... مصمم بردو تمشي النهاردة يا ولدي

يوسف.... يادوب الحق.. لازم اطمنهم يا عم حكيم.. يلا اشوف وشك علي خير 

وسلم عليه وحضنه 

وبص ل رحيل اللي علطول مدت ايدها ليه وقالت بدموع محبوسة... ابقي خلينا نشوفك يا يوسف.

كملت ببتسامة الم... وابقي اعزمنا علي الفرح بقا

يوسف بحب... اكيد طبعا. هتكونو اول المعازيم.. انتو خلاص بقيتو اهلي 

وصافحهم ومشي بعد ما ودعوه 

......... 

فاقت حورية لتتفاجأ بنفسها نايمة في اوضة غريبة اول مرة تشوفها 

بقت تحاول تستوعب ومرة واحدة قامت بزعر وهي بتطمن علي نفسها بجنون 

بس كانت هدومها زي ماهي حتي طرحتها كانت لسه علي شعرها.. فتحت باب الاوضة و خرجت وهي مرعوبة. كانت اوضة في مزرعة مش في بيت.. خرجت وهي بتبص حواليها برعب لحد ما شافته واقف بعيد بيحرك ايده علي الحصان بشرود

قربت عليه بغضب وهو اول ما شافها قال بمرح... منورة مزرعتتي المتواضعة والله 

حورية بغضب....يازبا،،لة ياحيو،، ان.انت بتخطفني خاطفني ليه..عملت فيا اييييه.انتطق يازبا، لة يابن ال

قاطعها بزعيق...ماتفصلي بقاا 

بلعت ريقها بخوف من صوته وهو رجع قال بهدوء ....احنا قولنا ايه..لسانك ميطولش تاني.. وبعدين اهدي.. انا مقربتلكيش

كانت بتبصله بعدم تصديق فقال....صدقيني..انا قولتلك قبل كده استحالة هلمسك بدون رضاكي 

حورية بغضب ...انت خطفتني ليه 

موسي ...الصراحة صحيت النهاردة لقيتني حابب اقضي معاكي اليوم.عشان كده جبتك

حورية...بالطريقة دي.تخطفني!!!

موسي... وهو يعني لو كنت طلبت اقابلك كنتي هتوافقي. مكانش في طريقة تانية.

ابتسم وقال... بس ايه رايك في المفاجأة 

بصتله بغضب ولسه هترد قاطعها تليفونها 

بقت تتلفت حواليها وهي بتقول... دي رنة تليفوني.. هو فين 

شاورلها علي الترابيزة....هناك اهو

جريت واخدته وكانت السكرتيرة بتكلمها من المكتب ردت عليها بتردد وبمجرّد ما فتحت الخط قالت السكرتيرة.... يا استاذة حورية. حضرتك مجتيش المكتب ليه النهاردة. وبنكلمك من الصبح مش بتردي..كده مش هينفع عدم الالتزام ده. دكتور مختار متعصب جدا . انا مش عارفه هو ممكن يعمل معاكي ايه بصراحة 

حورية غمضت عيونها بعد ما اتيقنت انها هتترفد لكن قالت باسف.... انا بعتذر جداا. حصلي ظروف مقدرتش اجي. اسفة. غصب عني 

السكرتيرة.... تمام انا هبلغه وربنا يستر 

وقفلت معاها 

كانت بتبص علي موسي بغضب وهي بتقول بغيظ... منك لله يابعيد. هترفد من شغلي بسببك. ادعي عليك بإيه يا اخي

وقربت عليه بغضب وهي بتقول... عاجبك كده.. هترفد من شغلي بسببك 

موسي بسرعة.... افتحلك اكبر مكتب محاماه من الصبح.. بس انتي توافقي يافرسة.. قولتي ايه

: الشاي جنابك 

اخد منه الشاي وقال....... معملتش كوباية تانية ليه يا بجم انت 

الغفير... جنابك طلبك كباية واحدة ياموسي بيه

موسي... طب يلا اعمل واحدة للفرسة بسرعة 

حمدان... هاا

موسي... للاستاذة يا بجم

حورية بضيق... ومين قالك اني عايزة اصلا

اتجاهلها وقال... ماتتحرك يازفت

حمدان... حاضر . حاضر جنابك دقيقة واحلي كوباية شاي للاستاذة

............... 

في بيت اهل منار 

كانت فاقت منار وبقت زي المجنونة اول ما لاقت نفسها معاهم

كانت راحة جاية في الاوضة بجنون وغضب شديد 

عمتها... ياحبيبتي اهدي.. احنا اهلك وانتي بنتنا فيها ايه لما تكوني معانا

منار بغضب....  انا مش غبية وعارفة كويس اوي انتو جبتوني هنا ليه.. بس لا. اللي في دماغكو مش هيحصل.. انا استحالة اتجوز الحيوان ده. دا غير اني متحوزة اصلا 

عمتها...طب اهدي.محدش هيغصبك علي حاجة 

احنا بس عايزينك معانا. احنا اهلك

منار بسخرية.... اهلي ااه

عمتها بخزي.... انا عارفة انتا مكناش بنسأل عليكي ومقصرين. بس 

قاطعتها منار وقالت.... انا لازم ارجع يا عمتو. انا مش هينفع افضل معاكو. حياتي كلها في الغردقة جامعتي.. كملت بتلقائية... وامجد كمان. انا مقدرش ابعد عنه

ابتسمت عمتها وقالت.... بتحبيه 

منار... اوووي ياعمتو.

كانت عمتها عارفة نوايا عمها رشيد وابنه فقالت...  انا هساعدك تكلميه ييجي ياخدك

منار بفرحة.... بجد ياعمتو 

عمتها بحب... بجد يروح قلب عمتك. 

باستها منار وقالت... انا بحبك اوي ياعمتو

........ 

كانت واقفة بتمرر ايدها علي الحصان بهدوء منافي لعصبيتها بعد مانسيت نفسها وهي بتقول.... انت ليك في الخيل

وفجأة شهقت بخوف ورجعت لورا بسرعة بمجرد ما الحصان اتحرك وعمل صوت ،، ليحاوطها بإيديه ويقول.... اهدي.. مش بيعمل حاجة... 

كانت بتتنفس بصوت عالي اثر خوفها لتستكين بين ايديه بطمأنينة

: تحبي تجربي 

ردت بسرعة... لا طبعا 

فتحت عينها بدهشة بعد مااستوعبت انها في حضنه لتدفعه بقوة وهي بتبصله بغضب وتقول.... عاوزة امشي حالا.. 

وبعصبية... يلااا خرجني من هناا 

موسي... يابنت ال.. بتتحولي يابت.. ماكنتي كويسة 

حورية بغضب.... انت هتفتحلي الباب ولا اطلبلك البوليس

موسي وهو يبنفث دخان سيجارته ببرود ويرفع ايده يلمس خدها ويقول.... واهون عليكي يافرسة

لتنظر له بغيظ وتقول.... يلا روحني حالا

فتح ايده وقال...طب تعالي 

قالت باندفاع..  نعممم. اجي فين. ماتحترم نفسك 

ليقاطعها وهو بيمسك ايدها ويقول.... يخربيت دماغك الشمال دي... يابت ما انا محترم خالص اهو.. دانا حتي اول مرة اكون محترم.. انا مش واخد علي كده

سحبت ايدها منو وقالت.... وبتمسك ايدي ليه يامحترم 

وبسخرية.... ولا مش قادر تفضل دققتين علي بعض باحترامك

موسي وهو بيسمك ايدها تاني رغما عنها... بعديكي ولا اسيبك للكلاب 

بلعت ريقها بخوف وسكتت وبدون وعي منها مسكت هي في ايده اكتر 

اتحركو و لسه هيخرجو من البوابة قاطعهم صوت هوهوة الكلاب، لتصرخ بزعر وهي بتترمي في حضنه وتمسك فيه اكتر برعب.. وهي بتقول... مشيهم. مشيهم بالله

حضنها بحمايه وقال... اهدي متخافيش.. هما شايفينك معايا. مش هيقروبو اساسا

وخرج بيها وقفل البوابة وهي لسه ماسكة فيه خايفة تسيبو وهو بيقولها... بااس. اهدي متخافيش. خلاص اهو

وهو مستمتع وبيمرر ايده عليها بخبث،، لتستوعب وتدفعه مرة تانية وتقول بغضب.... ما خلاص ياخويا. انت استحليت.. هو ايه اللي ما صدق ده

ضحك عليها وقال.... لسانك محتاج يتقص منه مترين 

حورية بتحذير... اخر مرة تلمسني سامع

موسي.... علي اساس ايه.. مش انتي اللي كنتي ماسكة فيا ومتسبنيش.. معداش ثواني. لحقتي تنسي..

ابتسم بتسلية وقال... لا بس حضني عجبك. متنكريش

لسه هترد.قاطعها وقال.... انا متأكد انه عجبك 

وهو بيغمزلها 

حورية... انت قليل الادب.

.........

عند امجد بمجرد ما عرف اللي حصل ل منار بقي في قمة غضبه وراحلها فورا وهو بيتوعدلهم بشر 

كانو متجمعين فجاة لقوه داخل وهو بيقول بغضب... مراتي فين ياكمال بيه.. هي اصول بردو تروحو تخطفوها

قام عمها وقال... اتفضل يا باشمهندس 

امجد.... انا مش جاي اتفضل.. فين مراتي.. ازاي تروحو تاخدوها غصب عنها وبدون اذني 

هنا رشيد اتقدم عليه وقال.... كويس انك جيت. عشان تتطلقها ونخلص 

امجد بسخرية.... وانت اللي هتخليني اطلقها

في اللحظة دي نزلت منار تجري من علي السلم بمجرد ماسمعت صوته 

واترمت في حضنه بلهفة وهي بتقول... الحقني. الحقني يا امجد 

امجد ضمها ليه وقال... متخافيش 

وبصلهم وقال وهو بيبص بالتحديد ل رشيد عمها التاني لانه كان متاكد ان هو اللي بعت ابنه وبتحذير...  اللي هيقرب منها مرة تانية ميلومش الا نفسه

قرب ابن عمها اللي كان واقف وقال بغضب..لو فاكر اننا هنسيبهالك تبقي غلطان 

امجد .... انت بقا اللي عملت سبع رجالة في بعض وروحت تخطفها 

ابن عمها ....  لا وهخليك تطلقها كمان 

امجد.... طب اسكت ياحبيبي عشان مزعلش بابا عليك. لو دماغك وزتك تعمل الحركة دي تاني صدقني مش هسمي عليك. وقدام ابوك اهو عشان يبقي شاهد 

وبصلهم كلهم وقال...دا اخر تحذير

واخد منار وخرج بيها 

....... 

عند حور في اوضتها 

كانت واقفة قدام المرايا اتفاجات باللي بيدخل من البلكونة 

شهقت بعدم تصديق وهي بتقول بهمس... يوسف

يتبع.... 

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا