روايه فى قبضة الفهد الجزء الثاني(عشق الابناء)الفصل الثامن والثلاثون 38بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء الثاني(عشق الابناء)الفصل الثامن والثلاثون 38بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء الثاني(عشق الابناء)الفصل الثامن والثلاثون 38بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء الثاني(عشق الابناء)الفصل الثامن والثلاثون 38بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء التانى

﴿عشق الابناء﴾

«« الفصل ٣٨ »»

فى المستشفى جنه نايمه على السرير وزين ماسك ايديها بعد الدكتورة ماطمنته عليها انها اتعرضت لضغط وجالها الحاله اللى بتجيلها دايما لما بتخاف 

جنه بدات تتحرك كانها بتشوف كابوس وكل اللى حصل بيظهر قدامها وافتكرت زين هو بيضرب احمد قامت مفزوعه وهى بتنادى باعلى صوت:زيـــــــــن

زين قعد جمبها على السرير واخدها فى حضنه:انا جمبك ياجنتى اهدى ياحبيبتى

جنه حضنته بقوة:كنت خايفه اوى يازين اوى

زين:الحمدلله ياجنه انك كلمتينى بسرعه 

جنه بعدت عن حضنه وبصت لزين اوى:هو مات

زين:للاسف لسه فيه عمر لو مكنتش وقعتى على الارض كان زمانى قتله

جنه:لالا يازين انا خوفت عليك يحصله حاجه وانا اخسرك بسببه

زين:اهدى ياحبيبتى انا معاكى اهو ... انا سلمته لادهم هو ومراته

جنه:حنان

زين:اه

جنه:لا يا زين هى ملهاش ذنب هو اللى اجبرها تعمل كدا  وهددها انه هيقتل والدتها سيبها ترجع لمامتها هى ملهاش غيرها يازين لو سمحت عشان خاطرى

زين:بس هى قالت ان مامتها ملهاش ذنب وان هى اللى انفقت معاه

جنه:اكيد عشان تحمى مامتها يازين عشان خاطرى كلم ادهم يسيبها لترجعلها عشان خاطرى

زين باس راسها:حاضر اهدى وانا هعملك كل اللى انتى عايزاه ممكن

جنه:حاضر

زين:الوقت فى حاجه اهم

جنه:ايه هيا

زين:الدكتورة لما كانت هنا قالتلى لازم اخد بالى منك الفترة دى كويس جداا

جنه:ليه فى حاجه

زين:فى حاجات ياجنتى والظاهر كدا انا مش هاخد بالى منك لوحدك

جنه:اومال هتاخد بالك من مين يازين

زين حط ايده على بطنها:عليكى وعليه

جنه بصت على ايده وبصتله بصدمه:بجد

زين هز راسه باه

جنه عيطت:انا حامل بجد يازين

زين:اه ياروح قلب زين حامل بقالك شهر....مبروك ياجنتى

جنه:الله يبارك فيك انا فرحانه جدااا.....ازاى والدكتورة اللى كنت عندها ماقالتش انى حامل

زين:شكلها مش بتفهم

جنه ضحكت اوى

زين:عايزك بقي ترتاحى على اخر ومافيش نزول شغل تانى تاخدى اجازة مفتوح

جنه:حاضر

الباب خبط ودخل كنان ومريم اللى جرت على جنه واخدتها فى حضنها:انتى كويسه ياجنه

جنه:الحمدلله ياماما

كنان:عامله ايه الوقت ياحبيبتى

جنه:كويسه وفرحانه جدااا .. ماما انا حامل

مريم وكنان فرحو وباركو لجنه وزين وباقى العيله جت تطمن على جنه لانهم كانو عند اسيل فى نفس المستشفى وباركو لجنه وزين والكل جهزو عشان يرجعو على القصر واسيل كمان رجعت معاهم 

================

عدى اسبوع على الكل

فى قصر الفهد البنات قاعدين مع اسيل فى اوضتها وزينه شايله ادم وجنه شايله سيلا

جنه:بنوتك دى كيوته اوى يااسيل

اسيل:دى كيوته دى عليه صوت لما بتعيط بيودى اخر اسكندريه

جميله ضحكت اوى:حرام عليكى مش قادرة اضحك

جنه:انتى دخلتى الشهر التاسع ولا لسه

جميله:النهارده ٢ تانى فيه

زينه:يعنى هانت وهتجبلنا بيبي كمان

اسيل:وانتى ياست زينه هتفضلى شايله الواد ده كدا ولا تكونى هتحجزيه لبنتك

زينه:انا اطول يبقي القمر ده عريس بنتى ده حلو اوى

اسيل:طبعاا عشان شبه ادهم

جنه:بقولكو ايه انا نفسي اولد النهارده قبل بكرة نفسى اشوفها

اسيل:متستعجليش على رزقك ياحبيبتى بكرة يطلع عينك على حق

جميله:طب افرض جه ولد

جنه:ولد بنت اللى يجيبه ربنا هيكون احلى نعمه

زينه:انتو هتعملو السبوع امته

اسيل:لما ابقي كويسه جداا ان شاء الله ممكن على الاسبوع الجاى

جميله:هتعملوه ولا فى فيلا ادهم

اسيل:لا هعمله فى الفيلا ان شاء الله

البنات:باذن الله

اسيل:عايزاكو تختارو معايا الديكور والبس ايه وكل الكلام ده

البنات:قشطااااا

جميله:انا كنت منزله شويا ديكورات حلوة اوى تعالو نختار منها

اسيل:يلا

=====================

فى المطبخ الماميز بيجهزو الاكل 

مروة:مش عارفه انتى بتسمعى كلامها ليه

شروق:الله بنت اختى ونفسها فى بيتزا وبعملها انتى زعلانه ليه

مريم:لا دى واحده والده المفروض تاكل حاجات صحيه مش بيتزا

تمارا:مش هيحصل حاجه لو كلت قطعه او ٢ ياجماعه والبنات كمان هياكلو معاها

شروق:وبعدين دى معموله فى البيت يعنى متقلقيش احسن ماتطلبها من برا

مروة:على رايك

واحده من الخدم:تمارا هانم فى واحده برا عايزة الدكتورة جنه

مريم:مين دى

تمارا:هتلاقى واحده من المرضي روحى نادى لجنه من فوق

البنت:حاضر

بعد شويا نزلت جنه واتفاجأت بحنان هى اللى عايزاها:ازيكو يادكتورة جنه انا اسفه انى جيت من غير معاد

جنه:اقعدى ياحنان اتفضلى

حنان قعدت وجنه قدامها:انا اسفه عارفه انك مش عايزة تبصى فى وشي حتى

جنه:انا نسيت الموضوع ياحنان 

حنان:والله كان غصبن عنى هو هددنى بامر وانا مليش غيرها ومقدرش اخسرها

جنه:عارفه ياحنان انا سمعت كلامك لما كنتى بتكلميه فى المطبخ

حنان:يعنى حضرتك مسمحانى انا مش قادرة ارتاح ولا انام وضميرى مش مرتاح بسبب اللى عملته معاكى

جنه ابتسمت:انا مش زعلانه منك ومسمحاكى جداا كمان والمهم انك تعيشي حياتك وتنسيه هو ميستهالش حبك ياحنان

حنان:انا الحمدلله اطلقت منه وبدات شغل جديد وهعيش انا وامى بعيد عنه باذن الله

جنه:والله ده كويس جداا ربنا يسعدك ويبعتبك اللى يستهالك

حنان:تسلمى يارب عن اذنك لازم امشي عشان امى

جنه:ماشي وسلميلى عليها كتير

حنان:يوصل

حنان خرجت وزين شافها وهو داخل القصر وقرب من جنه:دى كانت بتعمل ايه هنا

جنه:كانت جيالى بتعتذر عن اللى عملته وعايزانى اسامحها

زين:واكيد جنه قلبي سامحتها

جنه:هى ملهاش ذنب يازين فى اللى حصل

زين:ماشي ياحبيبتى فين الباقى

جنه:فى المطبخ وانا والبنات قاعدين مع اسيل

زين:اوكى هطلع اغير وانزل

جنه:خدى معاك

=====================

زينه سابت البنات وراحت جناح اسر دخلت اقعدت على سرير والباب اتفتح ودخل اسر اللى اول ماشافها ابتسم:ده توتا قالتلى انك مع اسيل

زينه قامت وحضنته:انا لسه داخله الجناح قبلك

اسر:ده من حظى القمر

زينه:طب يلا خد شاور وغير عشان ننزل ناكل انا جعانه جدااا

اسر:وحبيبه ابوها عامله ايه

زينه:جعانه هى كمان

اسر:هاخد شاور وننزل بسرعه

زينه:حاضر

الكل نزلو واكلو سوا وبعدها كل واحد طلع على جناحه

==============

فى اوضه اسيل شايله ادم وسيلا نايمه جمبها على السرير الباب اتفتح ودخل ادهم:حبايب قلبي اللى وحشونى

اسيل ضحكت:حبيبي يادومى 

ادهم دخل قعد جمبها وباس راس اسيل وسيلا وادم

ادهم:عامله ايه ياحبيبتى

اسيل:الحمدلله ياادهم بس ابنك مش راضي ينام وتعبنى معاه

ادهم شال ادم:انت صاحي ليه ياض وتاعب حبيبتى ليه

اسيل:كنتى مختفى فين ياادهم

ادهم:كنت بعمل اكتر حاجه انت نفسك فيها

اسيل:ايه هيا

ادهم:خلصت المهمه بتاعتى وقدمت استقالتى للجيش

اسيل بصدمه:انت بتتكلم بجد ياادهم 

ادهم:اه ياروح ادهم

اسيل بزعل:انت عملت كدا عشانى صح بس انت بتحب شغلك ده جداا ياادهم

ادهم نيم ادم على السرير وشد اسيل قعدها فى حضنه:انا مش عايز ابعد عنكو تانى يااسيل مش قادر انسي اللى حصلك وتعبك وانا مش موجود معاكى 

اسيل:بس

ادهم:من غير بس انا هكتفى بشغلى مع عمى فهد والشباب وانا ببقي مبسوط وانا معاهم اصلااا

اسيل:ربنا يخليك لينا ياادهم

ادهم ضحك:كنتى دايما بتقوليلى ربنا يخليك ليا الوقت بقت لينا.....ربنا يخليكو انتو ليا

اسيل:يارب ياحبيبي... بقولك ايه

ادهم:نعم

اسيل:انا عايزة اروح بقي

ادهم:انا سيبك هنا عشان انتى تعبانه يااسيل وكمان بيساعدوكى هنا

اسيل:لا انا مش تعبانه بقيت كويسه جداا وكمان سوسو هتبقي معايا وهتساعدى والبيت وحشنى .... ولا حضرتك مش عايزنى ارجع بيتى ولا ايه 

ادهم ضحك:يعنى البيت بس اللى وحشك

اسيل:البيت وصاحب البيت الصراحه

ادهم اخدها فى حضنه ولسه هيرد عليها سيلا عيطت

ادهم:ااااااه هو احنا فينا من كدا شكلك عيالك مش هيخلونى اتهنى بيكى بعد كدا

اسيل ضحكت:ماهما عيالك انت كمان الله

ادهم:طب شوفى عيالك ياختى وانا همشي....صح انتى هتعملى السبوع اول ماترجعى البيت

اسيل:ان شاء الله انا اختارت كل حاجه مع البنات مش ناقص غير انى اكلم اللى هينظمو الحفله واقولهم على المعاد

ادهم:تمام يلا تصبحى على خير

اسيل:خليك معايا ياادهم النهارده ونمشي بكرة سوا ونبي ونبي

ادهم:ماشي هكلم سوسو اعرفها

اسيل بفرحه:اوكى

=====================

جميله نايمه فى حضن ريان حست بوجع فى بطنها قامت قعدت بتعب ومسكت بطنهااا

جميله بتعب:ريااان...رياااان ااااه

ريان قام قعد:مالك ياجميله

جميله:بطنى وجعانى اوى

ريان:مش لسه بدرى على ولادتك

جميله:مش عارفه ااااه

ريان:استنى هجبلك اسدال ونروح المستشفى

جميله:طب نادر لماما بسرعه

ريان:حاضر استنى

ريان ساعد جميله تلبس اسدال وخرج راح خبط على مريم وشروق وقالهم ان جميله تعبانه ونزل يقولهم يحضرو العربيه......

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الأول 1من هناااااااااا

الرواية كامله الجزء الثاني 2من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا