روايه فى قبضة الفهد الجزء الثاني(عشق الابناء)الفصل التاسع والثلاثون 39بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء الثاني(عشق الابناء)الفصل التاسع والثلاثون 39بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء الثاني(عشق الابناء)الفصل التاسع والثلاثون 39بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء التانى

﴿عشق الابناء﴾

«« الفصل ٣٩ قبل الاخير»»

فى المستشفى الكل واقفين قدام اوضه العمليات ماعدا اسيل ومعاها مروة عشان الولاد

ريان:هما اتاخرو ليه كدا

شروق:اهدى يا ريان الولاده القيصريه بتاخد وقت

بعد شويا سمعو صوت بيبي بيعيط والممرضه خرجت بيه وريان اخده منها:جميله عامله ايه

الممرضه:كويسه متقلقش شويا كدا وهتتنقل اوضه عاديه

ريان بص على ابنه:ماشاء الله 

ريان قرب من فهد:اذنله ياعمى

فهد اخده وباس راسه وبدا ياذنله فى ودنه:يتربي فى عزكو يابنى

ريان:تسلم ياعمى

شروق اخدته:ماشاء الله زى القمر

مريم قربت من شروق:ده نسخه من جميله

ريان:عشان كدا زى القمر

راكان:ربنا يباركلكو فيه يابنى

ريان:تسلم ياحاج

بعد شويااا الكل كانو فى اوضه اللى اتنقلت ليها جميله اللى كانت فرحانه بابنها واخداه فى حضنها والكل بدا يباركلها

مريم:هتسميه ايه ياريان

ريان:لا دى مهمه جميله

تمارا:هااا ياميلا هتسمى ايه

جميله:ايان  عشان يبقي ايان ريان راكان

كنان:وعمه كنان

اسر:هبل حتى فى اختيار اسم ابنكو

جنه:بس والله اسم جديد وجميل 

فهد يلا كل واحد ياخد مراته ويرجع على القصر ومريم وشروق هيفضلو هنا معاهم وبكرة الصبح هيرجعو سوا

الكل عملو زى فهد ماقال

======================

تانى يوم جميله وريان رجعو على البيت واسيل كانت نازله على السلم عشان ترجع على فيلا ادهم

اسيل حضنت جميله:حمدلله على سلامتك ياميلا

جميله:الله يسلمك ي قلبي شوفتى ايان

اسيل اخدته:ياروحى على الجمال ربنا يباركلكو فيه يارب

ادهم:مبروك ياصاحبي

ريان:الله يبارك فيك ياادهم

مروة:مبروك ياميلا كان نفسي اكون معاكى

جميله:ولا يهمك يامرمر

كنان:هتعملو السبوع ده بقي ولا ايه

مروة:خلو كل سبوع لوحده

تمارا:لسه عشان يبقي فى سبوع فى فيلا ادهم وسبوع عندنا هنا

مريم:ايوا كدا احسن

ادهم:خلاص زى مانتو عايزين نستاذن احنا بقي 

مروة قربت من اسيل:خدى بالك على نفسك يااسيل ولو احتاجتينى فى حاجه عرفينى 

اسيل:حبيبتى ياماما ربنا يخليكى ليا يارب

الكل ودعو اسيل ومشت مع ادهم 

وجميله طلعت على اوضتها القديمه عشان مريم تكون معاها دايماا عشان البيبي

==================

فى فيلا ادهم سهام كانت فى استقبالهم

سهام:حمدلله على سلامتكو ياحبايبى نورتو البيت

اسيل حضنتها:حبيبتى ياسوسو البيت منور بيكى والله

ادهم:استلمى ياست الكل

سهام اخد ادم من ادهم وادهم اخد سيلا اللى كانت شيلاها اسيل

سهام:ياروح قلبي انا ربنا يباركلكو فيهم ياحبايبى ويتربو فى عزكوو

ادهم:ويباركلنا فيكى ياست الكل

سهام:يلا ياحبيبي خد مراتك عشان ترتاح من الطريق

اسيل:لا راحه ايه داحنا لازم نجهز لسبوع ياسوسو هيكون كمان يومين باذن الله

سهام:طب ارتاحى شويا وبعد كدا قوليلى عايزه تعملى ايه وانا هساعدك فى كل حاجه

اسيل:حبيبتى ياسوسو انا بحبك اوى 

سهام:حبيبتى ربنا اللى يعلم انتى بنتى اللى كان نفسي فيها

اسيل حضنتها:حبيبتى ياسوسو

ادهم:وانا ايه ماليش من الحب جانب

سهام:ربنا يخليكو ليا يلا اطلعو ارتاحو

اسيل اخدت ادم وطلعت مع ادهظ اللى شايل سيلا

=====================

فى جناح ادهم دخلو

اسيل:تصدق اوضتى وحشتنى جدااا

ادهم:الاوضه بس

اسيل:وحبيبي اللى بيشاركنى الاوضه كمان

ادهم:ياواد ياواد

اسيل لسه هتنيم ادم على السرير

ادهم:استنى ياحبيبتى

اسيل:فى ايه

ادهم:تعالى معايا

ادهم مسك ايد اسيل فتحت باب اوضه جدا الجناح واسيل اتفاجت انها اوضه اطفال مقسومه للونين لون بينك ولون بيبي بلو وكل سرير فوقه اسم الطفل وفى لعب وكل حاجه ممكن يحتاجوها البيبهات



اسيل:وااااو دى حلوة اوى ياادهم

ادهم:من يوم ماولدتى وانا بجهز فيها عشان لما ترجعى تتفاجى

اسيل  وادهم نيمو ادم وسيلا كل واحد فى سرير واسيل حضنته بقوة:انا بحبك اوى يادومى اوى

ادهم باسها من خدها:وانا بعشقك ياقلب دومى

اسيل بعدت عنه:بس دى كانت اوضه المكتب يتاعتك

ادهم:انا نقلت كل حاجاتى فى اوضه فى نفس الدور وعملتها مكتب ليا

اسيل:انا هروح اخد شاور وانام شويا لانى بجد تعبانه اوى

ادهم:مالك يااسيل

اسيل:امبارح طول الليل بيعيطو ماما قالتلى هما بيكونو كدا الشهور الاولى ومنمناش ابداا

ادهم:طب تعالى ياقلبي نامى شويا وانا هاخد بالى منهم لو صحو

اسيل:ربنا يخليك ليا ياادهم

ادهم:يلا روحى بسرعه

اسيل:حاضر

=====================

فى قصر الفهد زينه وجنه قاعدين مع جميله فى اوضتها وايان اللى مش بيطبل عياط

جنه:ايه ده من اول يوم وعامل دوشه كدا

زينه:لا ده ادم كان ملاك بقي 

جميله:انا راسي هتنفجر هو مش راضي يسكت ليه

جنه:اهدى ياجميله ماما راحت تحضرله الرضعه اهو

زينه:هو ليه رافض يرضع

جميله:الدكتورة قالت عشان لسه فى الاول شويا شويا هيتعود

جنه:طب تعالى حاولى يمكن يرضع على ما ماما تطلع

جميله:طب هاتيه

زينه وجنه ساعدو جميله لحد ما ايان رضع ونام

جنه:ياروح خالتو انت كنت جعان ياقمر

جميلة:هو حد قاله مايرضعش من الاول ايه الواد ده

زينه:انتى لسه فى اول يوم ياجميله اهدى شويا

جميله:مانا هاديه اهو ياختى

جنه:انتى حالتك حاله

الباب اتفتح ودخلت مريم:هو نام

جنه:رضع ونام ياماما

مريم:الحمدلله انه رضع نامى شويا ياجميله قبل مايصحى

جميله:انا تعبانه جداا ياماما

مريم:معلش ياحبيبتى هما فى الاولى بيبقو كدا بكرة يتعود وانتى كمان تتعودى يلا نامى شويا

جميله:حاضر

مريم:نيميه فى سريره ياجنه وروحو ارتاحو انتو كمان شويا

زينه وجنه:حاضر

=====================

مرت الايام وسهام وادهم بيساعدو اسيل فى تحضيرات السبوع 

صباح يوم السبوع

فى قصر الفهد الكل بيجهزو عشان يروحو فيلا ادهم 

حسن بصوت عالى:يلا عشان منتاخرش

مروة:خلاص كلنا جهزنا اهو

فهد:فين البنات

تمارا:نازلين مع الشباب اهو

كنان:العربيات جاهزة برا

فهد:طب يلا كل واحد ياخد مراته على العربيه على ماالبنات والشبااب ينزلو

شويا والكل نزلو وركبو العربيات واتحركو وراحوو على فيلا ادهم

===================

فى فيلا ادهم اللى كانت الجنينه متزينه كلها بالبلالين بلون البينك والبيبي بلو والابيض واسامى البيبهات وكان شكلها روعه

العيله وصلو ودخلوو ونزلو من العربيات

جنه:واااااو 

زينه:الجنينه شكلها قمر اوى

جميله:زى ماخططنا بظبط

تمارا:تعالو ندخل يلا

ادهم جه عليهم:اهلا اهلا الفيلا نورت والله

حسن:منورة باهلها ياادهم

مروة:فين اسيل والولاد ياادهم

ادهم:فوق بتجهز يامرمر

جنه:ممكن نطلعلها

ادهم:ممكن ونص كمان اتفضلو

البنات طلعو  والكل دخلو قعدو جوا الفيلا وكانت سهام فى استقابلهم 

============

فى جناح ادهم الباب خبط 

اسيل:تعالى ياسوسو

البنات دخلو:احنا جينا

اسيل:حبايب قلبي تعالو

اسيل سلمت عليهم واخدت ايان من جميله: ايه القمر ده ... ده حته من ريان

جنه:قوليلها كلنا بنقول شبه ريان وهى مصممه انه شبهها

اسيل ضحكت:لا دع ريان الصغير

جميله:محدش يقول لريان كدا انا اقنعته خلاص انه شبههى انا وهو صدق

البنات ضحكو عليهاا

زينه:فين الولاد يااسيل

اسيل: فى اوضتهم تعالو

اسيل دخلت اوضه البيبهات ووراها البنات اللى انبهرو بجمال الاوضه وزينه اخدت ادم:قلبي اللى وحشنى

جنه:سيلا ياقمرايه انتى

جميله:حلو اوى انكو لابسين ابيض زى بعض

اسيل:اه حبيت الفكرة انى البس انا وهما وادهم اللى طلع عينى لحد ما افق يلبس ابيض

جنه:فكرة حلوة بس مش هعرف اعملها

زينه:ليه

جنه:لان اخوكى مش بيحب الفواتح

جميله:احتمال يقولك نلبس اسود

البنات ضحكووو

اسيل:هتعملى سبوعك امته ياميلا

جميله:الاسبوع الجاى باذن الله وطبعااا هتساعدونى فى اختيار كل حاجه

البنات:طبعاااا

اسيل:انا خلصت يلا ننزل

البنات:يلا

==============

البنات نزلو واسيل سلمت على العيله والناس كانت بدات تيجى والكل خرجو الجنينه وبدات حفله السبوع اللى كانت حفله عائليه كلها لعب وهزار وضحك والكل كانو مبسوطين والكل اتصورو سوا مع اسيل وادهم والبيبهات

وبعد وقت طويل خلصت الحفله والكل رجع على بيته

==============

بتمر الايام على ابطالنا وحياتهم هاديه وطبيعيه والكل متحمسين وبيجهزو لسبوع ايان 

واسيل جت هى والبيبهات القصر عشان يفضلو لحد وقت السبوع

=============

صباح يوم جديد يوم سبوع ايان الكل جاهز ومتحمس جميله اللى لبست لون الازرق وطرحه بيضه وريان شميز ازرق وبنطلون ابيض والصغنن سالوبت ابيض فى ازرق نزلو وخرجو الجنينه وكان شكلهم قمر والجنينه كانت كلها متزينه بالبلالين بلون الازرق والابيض 

اللى حضر السبوع الناس القريبه منهم بس وكانت حفله خفيفه جداا وعدى وقتها بسرعه جداا على الكل اللى كانو مبسوطين جداااا وبعد ماخلصت الحفله الكل رجع على بيته

=====================

بتمر الشهور يوم بعد يوم وابطالنا عايشين مبسوطين وفيهم اللى سعيد بحياته مع حبيبه وبانتظار فرد جديد هينور عيلتهم

وفيهم اللى بيعيش تجارب ومغامرات مختلفه مع البيبهات الصغيرة

زينه اللى بقت فى الشهر التاسع وبتستنى معاد الولاده بفارغ الصبر واسر اللى متحمس اكتر منهااا وصمم انه يحضر كل حاجه خاصه بالبيبي بنفسه

جنه اللى عرفت انها هتجيب ولد وكانت فرحانه جدااا وبتعدى الايام عشان يجى وينور حياتها هى زين الفهد اللى بيهتم بيها ودايماا معاهااا

==============

فى يوم الكل متجمعين على سطح القصر وقررو يسهرو كلهم سواا

كل واحد قاعد وجمبه مراته وشروق اللى شايله ايان فى حضنها

ريان:ماتيجو نلعب لعبه الازازة

جميلة:دى لعبه قديمه اوى

زينه:بس حلوة تعالو نلعبها بجد

ريان:ثوانى هجيب ازازة

اسر:يلا الكل يجمع

حسن:العبو انتو واحنا هنتفرج عليهم

جميله:تعالو نلعب سوا

فهد:العبو انت

جنه:طب يلا

الشباب والبنات اتجمعو حولين الترابيزة وزين لف الازازة جت على ريان وجنه

ريان:انا اللى هسال 

جنه:اسال

ريان:هتسمى النونو ايه

جنه:لا دى مفاجاه

اسر:لازم تردى على السؤال

زين:لا مش هترد

ريان:اووف هتبوظو اللعبه من اولها

جنه:لان دى هتكون مفاجاه لو سمحت ياريان

جميله:خلاص لف الازازة يلا

زينه كانت حاسه بتعب بس مش عايزة تبين عشان السهرة ماتبوظ

ريان لف الازازة وجت على جميله واسر

جميله:تعالالى انا اللى هسال

اسر:ياساتر على الشر اسالى ياختى

جميله:ايه احساسك لما ربنا استجاب لدعوتك وزينه بقت من نصيبك

اسر مسك ايد زينه وباسها:دى احلى حاجه حصلت فى حياتى كلهااا

ريان:وياترى زينه ندمانه على اختيارها ليك 

زين:هو سؤال واحد

ريان:طب خليها ترد ندمانه ولا

زينه بوجع:ااه

اسر بصلها باستغراب:انتى قولتى ان يازينه انتى بجد ندمانه

ريان :ياكسفتك يااسورة

زينه مسكت بطنها:اااااااااه

تمارا قامت بسرعه:زينه مالك ياحبيبتى

زينه:وجع صعب اوى ياماما اااااااه

اسر شالها:خلونا نروح المستشفى بسرعه

اسر نزل وركب العربيه ومعاه تمارا وراح على المستشفى 

البنات والماميز لبسو ونزلو وكل واحد معاه مراته واتحركو فى طريقهم للمستشفى........

&&&&&&&&

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الأول 1من هناااااااااا

الرواية كامله الجزء الثاني 2من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا