رواية سر شقه الاسكندريه الفصل الثالث3 بقلم نور محمد (حصريه وجديده في مدونة قصر الروايات)

 رواية سر شقه الاسكندريه الفصل الثالث3 بقلم نور محمد (حصريه وجديده في مدونة قصر الروايات)

رواية سر شقه الاسكندريه الفصل الثالث3 بقلم نور محمد (حصريه وجديده في مدونة قصر الروايات)

دخلت بسرعه على المطبخ علشان اجبله الميه وبعد دقايق خرجت ومعايا جردل الميه السخنه

عبير:اتفضل ياستاذ محمد الميـ 

وقفلت باقي الجمله على لساني وقولت بصدمه وزهول:انت بتعمل ايه ياستاذ محمد؟!

وقع الملف من ايد الاستاذ محمد قدامي وقال بترتر وارتباك: انا انا اسف ياانسه عبير بس انا شوفته والفضول خلاني افتحه بس انا اسف

خلص كلامه وانا قربت منه بشك وغموض ومديت له جردل الميه وقولت: لا عادي ياستاذ محمد اتفضل الجردل اهو وتقدر تتفضل دلوقتي

محمد اخده مني بسرعه وخوف باين على ملامحه وخرج من الشقه بعد ماشكرني تاني وانا بصيت في اثره بشك وتفكير ياترى هو ليه توتر وخاف بطريقه دي لما شاف الملف اكيد له علاقه بالجريمه دي وانا لازم اعرفها

قعدت مكاني ومسكت الملف تاني وانا لسه بفكر لغايه مامر الوقت وقومت علشان انام دخلت غرفه النوم وسبت نور الشقه كله شغال زي كل يوم ونومت على السرير بتعب كبير وارهاق

بس بعد نص الليل صحيت زي العاده على نفس الصوت وبصيت بره الاوضه لقيت نفس الظل تاني بس المره دي قرب اوي من الاوضه وفضل واقف قدامها بشكل دب الخوف في قلبي 

فمسكت الملا*يه وغطيت نفسي بيها كلها وانا برتعش تحتها وفجأه سمعت صوت باب الاوضه بيتفتح وصوت اقدام شخص جوه الاوضه 

فغمضت عنيا بقوه وانا بنطق الشهاده طبعا في الوقت ده لغايه ماحسيت ان الشخص ده وقف جنب السرير بتاعي باظبط وفضل واقف مكانه وانا هموت من الرعب حرفيا في الوقت ده

عدا نص ساعه كامله واحنا على نفس الحال بس بعدها لقيته تحرك اخير من مكانه وطلع من الاوضه زي مادخل وهنا انا بعدت الملايه عن وشي وبصيت قدامي بصدمه وزهول وانا بقول: بسم الله الرحمن الرحيم أي ده يعني فعلا فيه شبح هنا والا ايه ياربي بس ازاي ده اكيد بشر مش عفريت يعني لكن هو دخل الاوضه النهاردا بازات ليه ووقف هنا جنبي ليه ياترى؟! 

فضلت على نفس الحال ده لغايه الصبح ماطلع وانا مش قادره اتحرك من مكاني لكن فجأه سمعت صوت جرس الباب فوقفت علشان افتح اشوف مين 

وفعلا طلعت وفتحت الباب الشقه وهنا كانت الصدمه بجد

عبير بصدمه وزهول: انت؟!!  

احمد ببسمه: مالك يابنتي انتي شوفتي عفريت قدامك والا ايه وشك مخطوف كده ليه؟! 

بلعت ريقي قدامه وقولت: اهلا يااحمد اتفضل انا بس استغربت وجودك في الوقت ده

احمد باحراج وبسمه: انا احم بس جيت اطمن عليكي هنا لاني بصراحه الفتره دي انتي بقيتي شاغله بالي وتفكيري معاكي 

بصتله بكسوف رهيب لانه فعلا احرجني بكلامه اللطيف ده وقولت: تسلم يااحمد كلك زوق والله بس انا كويسه الحمد لله تعال ادخل افطر معايا

احمد بسعاده: تمام ياريت لاني ميت من الجوع فعلا

ابتسمت له ودخلنا الشقه وحضرت لنا الفطار وقعدنا ناكل سوى وبعدها قولت: احمد انا في حاجه حصلت معايا هنا غريبه اوي وحابه اقولها لك لاني بثق فيك

احمد بقلق وشك: حاجه ايه ياعبير قولي ومتقلقيش 

عبير بتوتر وقلق: بصراحه انا امبارح  حسيت ان الظل اللي كل يوم بشوفه بره الاوضه النوم دخل عني المره دي ووقف جنبي كمان بس انا من خوفي مقدرتش ابص عليه وقتها

احمد انصدم من كلامي ووقف بسرعه وقال: اييه انتي بتقولي ايه لا كده كتير انتي لازم تسيبي الشقه دي حالا ياله تعالي معايا

خلص كلامه ومسك ايدي بقوه بس انا سحبتها منه وقولت بعند: لا يامحمد انا مش هسيب الشقه دي قبل مااعرف المجر*م الحقيقي هنا واخد حق البنات دول كمان 

احمد بصلي بضيق بس تهند وقعد تاني وقال: ماشي ياعبير انا عارفك عنيده اوي بس انا كده هبقى خايف عليكي اوي هنا لوحدك 

بصيتله بحب من كلامه الجميل ليا وقولت: لا متخفش عليا انا اخيرا لقيت طرف الخيط حل اللغز ده وقريب هوصل لحله بسرعه متقلقش 

احمد هز رأسه بقله حيله ووقف وقال: ماشي ياعبير براحتك بس خدي بالك من نفسك كويس وابقى طمنيني عليكي ديما تمام

عبير ببسمه: تمام حاضر 

احمد ودعني وطلع من الشقه وانا رجعت مكاني تاني وانا بفكر في حل للغز ده لغايه ماسمعت صوت جرس الشقه تاني فوقفت علشان افتح ولما فتحت انصدمت لما لقيت ابن صاحب العماره قدامي وقال وهو بيبصلي بنظرات كده مطمنش ابدا وقال: صباح العسل ياانسه عبير انا قولت اجي اطمن عليكي لان الشقه دي مطمنش زي مانتي عارفه وكمان حابب اقعد اتكلم معاكي خمس دقايق بس ممكن 

بصيت عليه بقرف لاني جمعت معلومات عليه وحشه اوي كل سكان العماره هنا بيقولوا عليه ولد مش تمام وبيشرب مخد*رات وليه في النسوان كمان وده اللي خلاني اشك فيه اول واحد هنا في العماره فقولت: اكيد ياستاذ معتز اتفضل

دخل معتز وهو بيبتسم بطريقه تقرف زيه وقعد في الصالون وقال: طمنيني الشقه هنا مريحه مش كده ياانسه عبير

قعدت قدامه وقولت: اكيد طبعا ياستاذ معتز 

بصلي بتفحص وقال بخبث: والنوم هنا مريح برضو مش كده ياانسه عبير 

بصيتله بقرف وشمئزاز وقولت: اكيد طبعا ياستاذ معتز اتفضل عاوز تقول ايه تاني؟! 

ضحك قدامي بطريقه غريبه اوي ووقف وقال: لا انا قولت اللي عاوز اطمن عليه خلاص ياله سلام ياانسه عبير

خلص كلامه وطلع من الشقه وانا بصيت عليه بصدمه وزهول وقولت: ايه ده ماله الشخص الغريب ده هو مجنون والا ايه؟! 

وبعدها مر الوقت زي العاده ودخل الليل وانا لسه قاعده جوه الشقه براقب اللي بيحصل بتفكير لعلي اجد حل للغز الغريب ده وارتاح بقى 

دخلت اوضه نومي وانا بفكر ياترى مين المجرم الحقيقي الاستاذ محمد المطلق اللي حط نفسه محل الشك من وقت ماشوفت خوفه وتوتره لما قرأ الملف وقتها او معتز ابن صاحب العماره اللي سمعته بتثبت عليه التهمه او شخص تاني انا لسه معرفوش 

ياااه القضيه دي طلعت صعبه بشكل بس اكيد هوصل لحل لها بأي تمن برضو ومش هستسلم ابدا 

مرت ساعات واجه وقت نومي بس المره دي عملت حسابي وقفلت الاوضه عليا بالمفتاح كويس وتوجهت للنوم علطول 

وبعد نص الليل صحيت فجأه على صوت شخص بيحاول فتح باب الاوضه بتاعتي فبصيت قدامي بصدمه وانا شايفه الظل نفسه من خارج الغرفه هو بيحاول يفتحها 

بس الصدمه الاكبر كانت انه كان بيحاول يفتحها بستخدام مفتاح بعد ماتأكد طبعا انها مقفوله كويس بس السر هنا هو جاب مفتاح اوضه نومي منين اصلا وياترى عاوز يدخل الاوضه تاني ليه؟!! 

يتبع 

تتوقعوا عبير هتتصرف ازاي دلوقتي ومين هو الشخص ده

تكملة الرواية من هناااااا

لمتابعة باقى الرواية زوروا قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا