رواية رحله لذيذه الفصل الثالث 3بقلم حياة محمد حصريه وجديده على مدونة قصر الروايات
رواية رحله لذيذه الفصل الثالث 3بقلم حياة محمد حصريه وجديده على مدونة قصر الروايات
(( ٣))
في الناحية التانيه كانت هدير بتحاول تتواصل مع روچر باستخدام لغتها الانجليزيه الضعيفة
هدير: انا كنت عايزه اقولك انى مع شريفه في الدفعه
روچر: معذره لا افهمك
هدير: بقولك زى شريفه شريفه
روچر: نعم اعلم ما بها شريفه
هدير: بقولك إحنا فى رحله كلنا تبع الجامعه بس وكلنا زمايل..وانا عجبنى الڤيديو اللى صورتوه وان كان يعنى نصور سوا ڤيديو سوا نغنى احنا الاتنين هيبقى حلو
روچر: لا افهمك حقا
بدات تشاور: نغنى نغنى سوا
روجر: مابها يدك؟
هدير: نغنى.
روچر:(( نفت ))وهز ايديه عند ودنه
وقفت هدير واحد من الشباب وسألته هو بيقول ايه
روچر: نفت انها تهذى بكلام لا قيمه له نفت.
الشاب: الظاهر انه بينفضلك.بيقول انك بتخرفى
هدير: انا اللى بخرف ولا هو المتخلف لايكون مش عجباه ولا ايه.!!؟.ازاى ده كل الشباب بيعجبوا بيا اشمعنى هو ولا عشان هو اجنبى شاف بنات حلوه كتير عشان كده عجبته شريفه بس ايه اللى فيها احسن منى عشان تعجبه وانا لأ.
رجعت كلمت الشاب وقالت له: طب ممكن تقوله احنا هنعمل بالليل حفله سمر سوا وانا بعزمه يحضر معانا
الشاب ماشى وترجم الكلام لروجر
روچر' : حسنا ارحب بهذه الدعوة عن إذنك
وبعدها اتجه لمكان شريفه وسألها: لماذا قمتى و تركتينا .
شريفه: شعرت بالملل قليلا
روچر: وانا أيضا.
شريفه: مارايك هل تسابقنى في السباحه حتى البراميل
روجر: حسنا موافق.
شريفه: هيا هل انت مستعد
روچر: مستعد ولكن الن ترتدى ثوب سباحه
شريفه: اكيد لا يادى النيله هو انا لو اراتديته ابقى كده لبست ولا قلعت.
روچر: نفت
شريفه: اسم الله عليك .حسنا يا روچر سأسابقك هكذا مستعد.
روچر،: هيا
$$$$$$$$$$$$$$$$
في المساء كان الكل بيضحك وبيلعب في حفلة السمر فقامت هدير بمحاولتها الجديدة في جذب انتباه روچر اللى مش مهتم بها وبيتكلم وبيضحك مع شريفه وصديقاتها
فشغلت (( الصب)) على اغانى مهرجانات شعبيه وربطت خصرها وبدات ترقص والكل يصقف لها واتجهت ناحيه روچر تطلب منه انه يرقص معاها فقام حسام ناحيتها يسحبها ويقول،:ايه اللى بتعمليه يا هدير
هدير: مالكش دعوه بيا انا حره
حسام: عيب يا هدير انتى عايزاه توصلى لايه
هدير: بتقولى انا عيب قول لقريبتك اللى لازقه في السايح ليل نهار تقولش عمرها ماشافت رجاله حلوه.
وسابته ورجعت ترقص تانى وقبل ماتوصل قامت البنات ترقص وسحبت شريفه روچر يرقص معاها.وكالعاده ارتفعت التليفونات تسجل اللحظه الحلوه وبعدها اتشيرت على الفيس واليوتيوب وكل مواقع التواصل الاجتماعي وبعد ساعات قليله اصبح الڤيديوا من الأكثر مشاهدة على كل المواقع.
&&&&&&&&&&&&-&&
دكتور ياسين: لأ ابدعتى يا شريفه وتفوقتى على نفسك
شريفه بزهق: وبعدين معاك يا دكتور هو مفيش حد في الرحله غيري
دكتور ياسين: لأ فيه طبعا
شريفه وبعدين أنا مابعملش حاجه غلط انا زيى زى كل البنات اشمعنى انا اللى كل ماتشوفنى تبكت فيا
دكتور ياسين: لأنك مش زى كل البنات انتى مختلفه اللى قدامى مش شريفه الطالبه المتميزه المتفوقه بأخلاقها قبل ما تتفوق بعلمها
شريفه: هو أنا عملت ايه يعنى عشان بقيت مشهوره والكل ببشاور عليا هى دى غلطتى
دكتور ياسين:مش سكتك دى مش دى اخلاقك بقيتى مشهوره لا براڤوا عليكى اول امبارح غنيتى وامبارح رقصتى يا ترى هتعملى ايه بكره هتتعرى
شريفه بغضب: دكتور ياسين مسمحش لك
دكتور ياسين: ليه مستغربه كلامى ماهو ده التسلسل الطبيعي بس انتى نسيتى حاجه مهمه ان التريند عندنا زى مابتركبيه في دقيقه بتتنسى بعد لحظه..بس المهم انك انتى ماتخسريش نفسك ده اخر كلامى لك
وسابها ومشى فقعدت شريفه على الشط وهى مهمومه مش عايزه تفكر في حاجه ولاتكلم حد لحد ما تفاجات بحسام واقف قدامها وقال شريفه
فبصت له وقالت نعم
فتفاجات انه نزل على ركبه واحده وقال تقبلى تتجوزينى يا شريفه قلتى إيه
حطت ايديها على فمها من الدهشه وقالت بتشكيك: بتقول ايه يا حسام
حسام: انا قلت لأمى تتصل بأختها اللى هى امك وتطلبك منها قلتى ايه
شريفه ،: مستحيل انت بتتكلم بجد
حسام: طبعا قلتى إيه بسرعه عشان ركبى وجعتنى
شريفه بفرحه شديدة: موافقه طبعا موافقه ده أنا كنت بحلم باليوم ده من زمان.
فسحبها حسام في حضنه وشالها ودار بها
في حين الكل بيصقف لهم والبعض بيزغرد.
كانت شريفه طايره من الفرحه وهى بتتلاقى التهنييات والتبريكات من الكل لحد ما جات لها هدير وقالت: اوعى تفتكرى انك انتصرتى عليا
شريفه: هو احنا كنا في حرب عشان انتصر عليكى
هدير: لأ انا بعرفك لتظنى انك اخدتى حسام منى بس الحقيقه انا اللى سيبته
شريفه: طيب شكرا يا ستى كتر خيرك فيه حاجه تانيه
هدير: لا بس انا حبيت انبهك أصلك صعبتى عليا بصى كده.وفتحت الفيس على صفحة حسام وفرجت شريفه اللى اتفاجات بان حسام مصور كل لحظه حصلت من اول ما قابلها على الشاطئ وعرض الجواز وانه منزل الڤيديوا على الفيس وأنه حصل على مشاهدات كبيره أوى.
فحست بشئ كبير بينكسر جواها.
هدير: مبروك عليكى الترند الجديد
شريفه: وانتى زعلانه ليه ولا عشان ملقتيش حد يعملك ترند
هدير: انا طبعا لأ لعلمك انا لو كنت عايزه كان زمانى دلوقتي اشهر من نجوم السينما بس أنا واحده محترمه مش زيك كل ما حد يشوفك يرفع الموبايل.
شريفه: ده قصر ديل يا هدير بدليل انك لازقه في روچر تقولى له ڤيديو فيديو وعلى العموم لو عايزه انا ممكن اقول له واهو كله بصوابه.
هدير: انا مستنيه منك انتى صواب ليه هو انت مش شايفه نفسك مش شايفه شكلك
شريفه: لأ شايفه نفسى كويس اوى الأولى على الدفعة سنتين ورا بعض ومتفوقه والكل بيشهد بأخلاقى وذكائى وطلبنى بن خالتى قدام مصر كلها عايزه حاجه تانيه
هدير: ده بيستغلك يا غبيه عشان يشتهر بسببك.
شريفه: دى حاجة متخصكيش.
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله اضغط من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا