رواية مأساة حورية البارت الاربعون 40بقلم فريدة احمد (حصريه وجديده في مدونة قصر الروايات)

رواية مأساة حورية البارت الاربعون 40بقلم فريدة احمد (حصريه وجديده في مدونة قصر الروايات)

رواية مأساة حورية البارت الاربعون 40بقلم فريدة احمد (حصريه وجديده في مدونة قصر الروايات)

كانت حورية خارجة من المكتب وهي مشغولة في تليفونها، فجأة قاطعها صوته وهو بيقول... وحشتيني

رفعت وشها للتفاجأ بيه واقف قدامها بيبصلها ببتسامة 

قالت بتعجب... انت.. انت ايه اللي جابك هنا. 

موسي.. قلبي 

حورية... نعم!! 

موسي... اقصد يعني قلبي اللي جابني.. مش هما بيقولو كده لما بيحاولو يبقو رومانسيين 

حورية... هما مين 

موسي... الحبيبة 

حورية... امم. وانت بتقلدهم ليه 

موسي... ياستي بحاول ابقي رومانسي. 

وهو بيبصلها بوقاحة ويقول.. يمكن الفرسة ترضي عليا 

بصتله بغيظ.. عن اذنك 

وراحت تمشي 

بس هو علطول قال.. بقولك وحشاني وجايلك من الصعيد لحد هنا.. مش واحشك ولا ايه

لفت ليه وقالت باستغراب وسخرية.. وانت تبقي واحشني ليه مش فاهمة. 

موسي بمكر... علي اساس مش معجبة بيا 

حورية... معجبة بيك انت!! 

كملت باستهزاء.... علي ايه 

موسي بثقة .... بس انا متأكد اني عاجبك. لا وهتحبيني كمان. دا لو مكنتيش حبتيني 

حورية... احبك انت!!. هو انا مش فاهمة انت جايب الثقة دي منين

وقبل ما يرد، قالت... بقولك ايه.. ابعد عني. ابعد عني احسلك  

وراحت تمشي بس هو مسك ايدها وقال.. استني بس يابطل 

شدت ايدها منه وبعصبية.. انت عايز مني ايه. ماتحل عني بقا وتسيبني في حالي وتشوف حالك بعيد عني 

كان بيبصلها بتفحص وعينه بتاكل فيها ويقول.... انتي جامدة اوي ياحورية.. ازاي اسيبك، اقنعيني 

حورية... اقنعني انت ازاي اقبل بيك في حياتي ياصايع يابتاع الستات.

موسي... طب ما تلميني وتكسبي فيا ثواب

وقبل ما ترد قال... ها. هنتجوز امتا بقا.

حورية... لا دانت العشم واخدك اوي. 

موسي...انا واثق انك هتبقي ليا، وبمزاجك  

اتعصبت ولسه هتتكلم

قاطعها لما قال بجدية... طيب نتكلم جد شوية.. انا عاوز اتجوزك بجد قولتي ايه 

وقبل ما ترد قال بسرعة... مش اللي في دماغك.. انا حابب اكمل حياتي معاكي..انا حبيتك ياحورية

حورية ....حبيتني. ازاي معلش!! .انت شوفتني مرتين بس ..بص.انا مش غبية..انا فاهمة غرضك كويس.ومش انا اللي تقدر تضحك عليها بكلمتين 

موسي...ومين قال اني بضحك عليكي..انا فعلا حبيتك

حورية....و انا قولتلك اني مش غبية عشان اصدقك.. انت مشوفتين غير مرتين تلاته. ازاي حبيتني. 

موسي... عندك حق. انا نفسي مستغرب.لاني عمري ماحبيت واحدة قبل كده . كل اللي اتجوزتهم كان عشان مزاجي وبس. عمري ماحبيت ولا كنت اعرف يعني ايه حب 

اتنهد وبصلها وقال بحيرة .. بس انتي فيكي حاجه مختلفة. شدتيني من اول ما شوفتك..صدقيني حبيتك بجد. ومش عايزك رغبة ابدا 

حورية.. بس ده بردو مش معناه حب

موسي وهو ينظر لها بوقاحة... امال معناه ايه يا فرسة

حورية بغيظ وغضب... اهي نظراتك الوقحة دي هي اللي بتثبتلي قد ايه انت سافل ومش بتاع حب

ضحك وقال.... طب ماتجربيني وهتشوفي اذا كان حب ولا لا

حورية....  انت ليه متخيل اني ممكن اقبل بيك في حياتي..دا استحالة يحصل 

موسي... ليه يعني 

حورية... بعيد عن اني مش بفكر ارتبط عموما.. انا عمري ما هرتبط بواحد زيك بتاع ستات 

موسي... دا لو انا لسه بتاع ستات 

بصتله باستغراب فقال بصدق... انا من يوم ما شوفتك  .مشوفتش ولا لمست جنس حرمة.. انا مش شايف غيرك. انتي شاغلة كل تفكيري.. ما تديني فرصة ياحورية وصدقيني مش هتندمي 

لكن حورية بصتله وقالت بدون تفكير ...اسفة. بس انا مبفكرش ارتبط.. ياريت تبعد عني. ممكن

وسابته ومشيت 

موسي... هتيجي.و هبقي افكرك يا فرسة لما نتجوز 

مردتش عليه ومشيت بضيق وهي متعصبة منه 

فضل مكانو وهو بيقول لنفسه... شكلك هتتعب ونفسك هيتقطع ياولد العمدة علي ماترضي عليك.. استحمل بقا يا معلم

وهو بيطلع سجايره وبيسحب سيحاره يولعها 

اما حورية ففجاة وهي ماشية اتكعبلت 

مسكت رجلها بألم

كان بينفث دخان سيجارته بمجرد ما شافها رمي السيجارة علي الارض و جري عليها بلهفة 

مال عليها وهو بيقولها بقلق.. حاسة بإيه 

حورية بوجع ... رجلي 

من غير تفكير شالها وهو بيقول... تعالي نروح للدكتور 

شهقت بزهول وعينها وسعت بدهشة وقالت.. انت ازاي تشيلي. نزلني ياحيوان

وهي بتحاول تنزل  

بس هو كان مقيدها، واتجه بيها للعربية وهو بيقول... اهدي يا ماما. انا مش هعضلك. وبعدين لما انزلك هتقدري تمشي علي رجلك ازاي

.... 

كان عماد واقف بيدخن بشرود في البلكونة، جات سهي من وراه، حطت ايدها عليه

لف بصلها بدون كلام

سهي... مالك 

اتنهد عماد وقال ... نورا راكبة دماغها. مش عاوزه ترجع 

سهي بحذر.... بتحبها 

عماد... نورا ام ولادي وعشرة عمري. مقدرش اخسرها

لكن سهي قررت سؤالها تاني وهي حاسة بوجع شديد  ... بتحبها ياعماد.. بتحبها

وهي بتبصله ومستنية الاجابة

عماد .. بحبها

سهي بدموع.... وانا 

قربها ليها ومد ايده يمسح دموعها وقال... انتي حبيبتي ياسهي.. بعشقك 

كانت بتبصله بحيرة وقالت... ازاي. ازاي بتحبنا احنا الاتنين

حاوط وشها بكفوفه بعد ما باس راسها وقالها.. حبي ليكي ميتقارنش ياسهي..بحب نورا.. بس انتي عندي حاجة تانية

صدقيني انا بعشقك 

وضمها ليه بحب 

.... 

في المستشفى وبعد ما الدكتور كشف علي حورية 

سألو موسي بقلق...طمني يا دكتور في كسور او حاجة 

الدكتور... لا الحمدلله. مفيش كسر، بس هي الوقعة شكلها كانت جامدة حصل جزع بسيط في رجلها، دلوقتي هلفلها

رجلها برباط ضاغط. اسبوع وهتكون تمام 

 ‏وبعد ما انتهي الدكتور نزلت حورية من السرير بتعب وخرجت وهي بتسند علي الممرضة 

كان موسي مستنيها برا، اول ماخرجت قرب عليها بلهفة وقالها... سلامتك يابطل 

بصتله بغيظ واحراج من الممرضة 

 ‏

 ‏ابتسمت الممرضة وقالت.. علي فكرة جوزك شكله بيحبك جدا 

 ‏حورية.... جوزي مين 

 ‏الممرضة... مش الاستاذ يبقي جوزك 

 ‏لسه حورية هترد قال موسي بسرعة... جوزها طبعا وابو عيالها كمان

 ‏الممرضة... ربنا يخليكو لبعض 

 ‏عن اذنكو وراحت تمشي لكن قالها استني 

 ‏وطلع فلوس واداهلها وهو بيقولها... عاوزك بقا تدعيلنا كتير 

 ‏الممرضة ابتسمت وقالت.... ربنا يسعدكم دايما ويخليلكم ولادكم 

 ‏ومشيت وهي عمالة بتدعيلهم  

 ‏كانت خورية بتبصله بدهشة وغيظ وبمجرد ما قرب عليها قالت بعصبية... هو ايه اللي انت قولته ده.. ازاي تقول انك جوزي 

موسي.. مانا قريب هبقي جوزك. زعلانة ليه 

بصتله حورية بضيق وهو قال... يلا عشان نمشي ولا هتباتي هنا 

وقبل ما تتكلم ميل يشيلها 

لكن حورية بسرعة بصتله بتحذير و قالت... لو عملتها اقسم بالله.. 

قاطعها بعد ما ضحك بشدة وقال... طب قوليلي هتمشي ازاي علي رجلك 

حورية... متشغلش دماغك. هتسند علي الحيطة 

موسي... طب مش هشيلك. بس اسندي عليا 

بصتله بتردد لكن مكانش قدامها حل غير انها تسند عليه 

......

 ‏

: انا مش فاهماكي بصراحة. مش طلب منك تفضلي معاه في القاهرة عشان تبقي جمبه وياخد بالو منك. ليه رفضتي!!

منار... عشان مينفعش .. انا مش عاوزة امجد يكمل معايا لمجرد انه خايف عليا 

بصتلها وقالت... انا عاوزاه يكمل معايا عشان بيحبني وميقدرش يستغني عني وده مش هيحصل غير لو انا بعدت 

صاحبتها بتردد... انا مش عاوزة احبطك. بس ممكن ميحصلش.. امجد 

قاطعتها وقالت بثقة .. امجد بيحبني. انا متاكده من ده. بس هو فاكر انو لما يكمل معايا يبقي كده بيظلمني. شايف اني استاهل حد احسن منو ميكونش سبقله الزواج ولا معاه اولاد. ميعرفش انه بالنسبالي احسن راجل في العالم وكل الحجات دي متفرقش معايا.هو شايف ان المفروض احب حد من سني. ميعرفش اني اصلا مبشوفش غيره ولا عمري في حياتي هقدر تشوف راجل غيره.. هو كل حياتي. مش عاوزه غيره. 

..... 

تاني يوم 

: عملت ايه في الحتة لسه بردو ملففاك حوالين نفسك 

قالها حمزة بسخرية ل موسي قاعد بيشيش بشرود 

بصله وقال بتعب ... لسه..شكلها هتتعبني  

حمزة....  انا مستغربك بصراحة ياجدع. من امتا وواحدة بتعمل فيك كده.. انت حبيتها يلا بجد ولا ايه

موسي... انا فعلا حبيتها 

حمز.... لا بجد.انت حبيت.. ااوعااا بقاا

لكن كمل بستغراب...بس ازاي..واشمعنا هي يعني..دا انت قايلي انها متطلقة..من امتا وانت بتتجوز  واخدة متطلقة. دانت  لو مكانتش الواحدة بالغلاف وبالتيكت كمان مابتخدهاش. ايه اللي جري

موسي... ياعم كسرت القاعدة بس هي تلين 

حمزة... للدرجادي.. هي حلوة اوي كدة 

موسي... وتكايـ.. 

قطع كلامه لما انتبه لنفسه وقالو بغضب... ولااا اياك اسمعك بتجيب سيرتها. هوقعلك صف اسنانك 

حمزة بقي يضحك بشدة وهو بيقول... ااه لما الحب يبهدل صاحبه 

موسي بصله بغيظ وبقي يشرب في الشيشة 

..... 

بعد اسبوع 

فتح عماد باب شقته ودخل يشوف سهي لكنه اتصدم لما ملاقاش موجودة 

.... 

كانت سهي  في بيت اهلها، قاعدة بتبكي ووالدتها  قاعدة قصادها وهي بتقولها بحيرة وحزن عليها.... طب ليه عملتي في نفسك كده من الاول.. كنتي عارفة انك هتتعذبي وبردو اتجوزتيه 

لترد سهي وتقول بدموع... بحبه ياماما. بحبه

والدتها...يعني عشان بتحبيه توجعي قلبك بالشكل ده.. وبعدين انتي غلتطي ياحبيبتي.. مكانش ينفع تاخديه من مراته

بصتلها سهي بدهشة وقالت باندفاع... لا ياماما انا مغلتطش.. هي اللي اخدته مني في الاول. ولا نسيتي 

بقت تبكي بمرارة وتقول... انا اكتر واحدة اتظلمت. لما ابويا فرقنا عن بعض في الاول عشان مشاكل  بينو وبين عماد. مكانتش تستاهل انه يكسر قلبي بسببها..و ظلمتوني بعدها لما اجبرتوني اتخطب لواحد مش عايزاه 

بصتلها وقالت بألم ... انتو ظلمتوني وهي خا، نتني. انا كتر واحدة اتظلمت وفي الاخر تقوليلي بتخطفيه منها.!! وهي اللي عملتو كان ايه!! 

كانت دموعها بتنزل بالم شديد وهي بتقول... دي كانت اقرب واحدة ليا. مكنتش بعتبرها صاحبتي ولا بنت خالتي. كنت بعتبرها اكتر من اختي.. دا يوم ما سيبنا بعض انا وعماد هي اول واحدة جريت اشتكيلها واترمي في حضنها.. كانت اكتر واحدة عارفة وشايفة قد ايه كنت بتعذب بعد مابعدتونا عن بعض 

ابسمت من بين دموعها بسخرية وقالت... كانت بتطبطب عليا وتواسيني وفي نفس الوقت كانت بتحاول تقرب منه 

. فضلت وراه لحد ما خلته يتجوزها. وبكل بجاحه قالتلي. مادام ماحصلش بينكم نصيب ايه المشكلة اني اتجوزه 

كانت بتتذكر الموقف وهي بتبكي بشدة وبتقول ...  كانت عارفة اني بحبه. واني مستحيل هنساه.ومع ذالك  مفرقتش معاها واتجوزته وبقت معاه قدام عيني بكل بجاحة.. متعرفيش لما كنت بشوفها معاه كنت ببقي عاملة ازاي..كنت ببقي موجوعة اووي. لانه من حقي انا وانا المفروض ابقي مكانها مش هي. 

مسحت دموعها وكملت بغل... انا مش ندمانه ابدا اني وافقت يتجوزني عليها. كان لازم تحس باللي حسيت بيه يوم ماخطفته مني. كان لازم اردله اللي عملته فيا

والدتها.. طيب ليه سيبتي بيتك دلوقتي. ماهي كده هترجعله. واكيد هتحاول تخليه يطلقك 

اتنهدت سهي وقالت ...انا مش هستني لما تعمل كده 

كملت بجمود ... لاني انا اللي هطلب الطلاق 

والدتها... وليه وافقتي بيه من الاول 

اتجمعت الدموع في عيون سهي تاني وقالت...مش هقدر اكمل بالوضع ده 

قربت والدتها ضمتها وبقت تطبطب عليها بحزن 

.... 

علي القهوة، كان يوسف قاعد مع واحد صاحبه، بص لقي 

حور خارجة من بيتهم، بمجرد ماشافها قام واتحرك ناحيتها 

: علي فين يامزة

حور... رايحة السنتر 

كملت وقالت... اسكت يايوسف. دانا طلع كان فايتني كتير جداً.

كملت وهي محتاسة... انا مش عارفة هلم المنهج ازاي 

يوسف... طب انتي ايه اللي واقف قدامك 

حور... كلو.. انا محتاسة اوي.. الكيميا يعني عرفت الم منها شوية.. بس الفيزيا والاحياء مش فاهمة فيهم اااي حاجة 

يوسف... لا الاحياء دي متشليش همها

غمزلها وقال... هبقي اذاكرهالك انا

اتكسفت وقالت... سافل اوي 

ضحك يوسف بشدة وهي قالت بغيظ.. طب ايه هتوصلني للسنتر ولا اروح لوحدي 

يوسف... روحي اركبي العربية وانا جايلك 

بعد مرور ثلاثة اشهر 

موسي كان طول الفترة دي بيحاول يقرب من حورية وميأسش ابداا رغم انها كانت بتصده دايما لكن هو فضل وراها لحد ما بقت تستلطفه وتقبلتو في حياتها وابتدت كمان تعجب بشخصيته 

..... 

امجد كان طول الوقت بيتطمن علي منار لكن كان بعيد عنها بحكم ظروفه وتعب قدرية لانه كان معظم الوقت معاهم وكان قليل لما بيسافر الغردقة. لكن كان متابع منار دايما وبيطمن عليها كل يوم،  دا غير انه كان مكلف حرس تبعو يحموها لو حد من اعمامها حاول يقربلها 

... 

قدرية كانت حالتها استقرت لكن ماتحسنتش كتير غير انها ابتدت تتكلم بسيط لكن مازالت طريحة الفراش 

... 

سمر كانت  اجهضت الجنين، اما زواجها من عاصم فكان متوقف علي انهاء عدتها من جانب ومن جانب  اخر  كان متأجل نظرا للظروف اللي مرو بيها. اذا كان موت محمد ورشا او تعب قدرية 

.... 

اما عماد ففضل طول ال3 شهور بيحاول يرجع نورا وسهي 

لحد ما اخيرا وافقو يرجعو، 

سهي حبها ليه غلبها ، اما نورا كانت شايفة ان طلاقها منه مش هيكون في صالحها.من ناحية ولادها اللي محبتش تحرمهم من ابوهم، ومن ناحية تانية كانت شايفة انها لو اتطلقت هتكون بتحقق ل سهي امنيتها.،لكن هي كانت مصرة متهنيش سها بيه ابدا وهي تتقهر فرجعتله 

اما هو فكان بيحاول علي قد ما يقدر يرضيهم الاتنين 

... 

في بيت قدرية

 حضر المأذون ليعقد قران عاصم وسمر 

: ‏فين العروسة 

كريم... دقيقة ياعم الشيخ 

ومال علي هنا وقالها.. ادخلي شوفي البت اتأخرت ليه 

هنا... حاضر 

وراحت تشوف سمر اللي كانت قاعدة في الاوضة بتبكي 

دخلت هنا وهي بتستعجلها... يلا يا سمر اتاخرتي ليـه

وقربت عليها لما لاقتها بتبكي... هتفضلي تعيطي كده كتير.. امسحي دموعك ويلا اخرجي معايا. المأذون مستعجل 

سمر بدموع... يعني خلاص

بصتلها وقالت... انا خايفة 

هنا... من ايه ياحبيبتي 

سمر بدموع... عاصم مش هيرحمني انا عارفة 

مسكت هنا ايديها وهي بتحاول تطمنها وقالت... عاصم كويس متقلقيش. وبعدين انتي في الاول والاخر بنت عمه. 

يلا بقا عشان كريم وامجد بره متعصبين.

قامت سمر معاها وخرجت بخطوات مرتعشة 

زكريا... قربي 

قربت سمر وقعدت جمب عمها 

وابتدي المأذون في كتب الكتاب، 

.... 

........

في الغردقة 

فتحت منار الباب لتتفاجا ب امجد، فضلت تبصله وهي ساكته 

امجد.... تقبلي تكملي حياتك معايا 

يتبع..... 

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا