رواية مأساة حورية البارت الواحد والاربعون 41بقلم فريدة احمد (حصريه وجديده في مدونة قصر الروايات)

رواية مأساة حورية البارت الواحد والاربعون 41بقلم فريدة احمد (حصريه وجديده في مدونة قصر الروايات)

رواية مأساة حورية البارت الواحد والاربعون 41بقلم فريدة احمد (حصريه وجديده في مدونة قصر الروايات)

: تقبلي تكملي حياتك معايا

مكانتش منار مصدقة نفسها،، معقول،،اخيرا نطقها،، 

لكن اخفت كل كده في داخلها ، لهفتها ، شوقها  ، وفرحتها

يااااه اخيرا.مكانتش حاسة بنفسها، كل اللي كانت عاوزة تعمله انها تحضنه

لكن وعلي قد ما قدرت، حاولت تتصنع الثبات 

وقالت... انت

امجد.... انا بحبك.. 

ورغم انه واثق و متأكد من ردها، لانه عارف مدي حبها ليه،،

لكنه حب يحسسها انه هو اللي بيتمناها واكتر منها كمان..حب يحسسها قد ايه هي غالية 

قالها تاني.... تقبلي تكملي حياتك معايا. تقبلي يامنار 

وهو مستني ردها بكل لهفة 

مقدرتش تسيطر علي نفسها اكتر من كده، ابتسمت بدموع وهي بتهز راسها بالموافقة وقالت.. اكيد.. طبعا

ابتسم بحب وفتح ايده ليها 

اترمت في حضنه وهو ضمها ليه بحب واشتياق 

غمضت عيونها وهي بتقول باشتياق.... وحشتني اووووي

كان بيضمها اكتر بحب رد عليها وقال... انتي اللي وحشتيني ياصغنن 

رفع وشها من حضنه وهو بيبتسملها 

مد ايده يرجع شعرها لورا وهو بيبصلها باشتياق وقال

: بتعبدي عشان تعرفي غلاوتك عندي يعني 

بصتله وعضت علي شفتها بإحراج وسكتت 

وهو قال... بس عايزك تعرفي سواء بعدتي اوي مبعدتيش

اتأكدي اني بحبك يامنار 

بصتله باستفهام فقال.... مش بعدك عني اللي هيعرفني قيمتك.. او يعرفني مدي حبي ليكي.. انا بحبك وانتي معايا، وبحبك وانتي بعيدة، 

منار بدموع فرحة وهي مش مصدقة... بجد بتحبني 

امجد.... بموت فيكي.. من زمان..

حضنته بفرحة وهو ضمها ليه بحب كبير 

..... 

: يامساء اللوز علي الجامد الملفوف 

كانت واقفة بصت علي مصدر الصوت، وكان هو بيوقف بعربيته قصادها، نزل قرب عليها وهو بيقول... يامساء المانجا والانناس 

وهو ببصلها بوقاحة وبيكمل... علي البطل اللي واقف واثق من نفسه ياناس

غصب عنها ابتسمت عليه وقالت... لو خلصت معاكسة. قولي عاوز ايه 

موسي... اركبي وانا اقولك 

وهو بيفتحلها باب العربية 

بس هي قالت... مش هينفع.. انا طالبة اوبر. ودقيقة وهيوصل

موسي بحزم... اوبر ده معندناش حريم تركبه 

ضحكت وقالت بتعجب... اشمعنا.

ثواني وقالت وهي بتستوعب... وبعدين ايه حريم دي. 

مسك ايدها وقال... تعالي بس.. هوصلك انا 

لكن هي رفضت وهي بتسحب ايدها منو قالت. لا متشكرين  

لكن هو قال بحزم... انا مبعزمش عليكي ولا باخد رايك، وبحدة... اركبي 

بصتله بتحدي وقالت... طب مش راكبة. هتعمل ايه يعني

 ومفيش دقايق وكانت معاه في العربية،،بصلها وقبل ما يتحرك قال.... ها عاوزة تروحي فين 

حورية... هو مش انت هتوصلني.. وصلني البيت. اكيد مش راحة مكان اسهر يعني 

بصلها شوية وهو بيحك طرف دقنه، سرح للحظة ، وبعدين بدأ يشغل العربية، واتحرك بدون كلام

مكانتش فاهمة اللي بيدور في دماغه بس سكتت 

وبعد وقت لقته غير الاتجاه 

بصتله وقالت بخوف... انت موديني علي فين 

قال وهو مركز قي الطريق بدون مايبصلها ... هخطفك 

بلعت ريقها برعب وقالت... اوقف. اوقف بقولك 

بس هو كان مكمل ومتجاهلها 

بصتله وبرغم خوفها قالتله بتهديد... اقسم بالله لو ما وقفت هنا لاصرخ والم عليك الناس، وهرمي نفسي من العربية كمان 

وفي لحظة كانت بتفتح باب العربية 

لكن هو علطول وقف وقال .. يخربيت جنانك.. يابت اهدي. انا مكانش قصدي اخطفك بالمعنى اللي في دماغك.. انا اقصد يعني اخطفك.. 

وهو بيبصلها بوقاحة... اخدك نروح مكان هادي. ننعزل عن العالم. اسهرك، سهرة حلوة. ده اللي اقصده 

بصتله بحدة وقالت ... وصلني البيت.. انا مش هخرج معاك في حته 

قال بضحك... ليه 

حورية... انت متضمنش اصلا 

بقي يبص علي جسمها بوقاحة  ... وتفتكري لو عاوز اعمل حاجة. هغلب يعني. 

اتنهد وقال... مكنتش جريت وراكي الفترة اللي فاتت دي كلها لما قطعتي نفسي 

بصلها وقال بجدية.... انا عايزك في الحلال. وعمري ما هقربلك غير في الحلال 

كلامه الي حد ما طمنها وهو بصلها بحب وقال ها.. تحبي نروح فين 

حورية ... وصلني البيت 

بصلها بغيظ... ابو فصلانك 

واتحرك، لكن مفيش دقايق ولاقته بيغير الطريق 

بصتله و 

... 

موسي نزل من العربية وحورية معاه وبقت تقول وهي متعصبة.... انا عاوزة افهم جايبني هنا ليييه 

كانت نفس المزرعة اللي اخدها فيها قبل كده 

بدون كلام مسك ايدها ودخل بيها 

كانت هتموت من الغيظ حرفيا

موسي... اهدي مش هعضك. تعالي بس 

واخدها لمكان زي استراحة، وكان قاعد رجل يبان عليه الهيبة والثراء، كان بيشرب الشاي بتاعه بشموخ

وده بيكون الحاج عتمان والد موسي. من اعيان الصعيد،، وكمان بيكون عمدة البلد 

قرب موسي عليه وطي باس ايده وهو بيقول... ازيك ياحاج 

الحاج عتمان.. ازيك يا ولدي 

بص لـ حورية باستغراب ورجع بصله وخلاه يوطي عليه 

: من الخوجاية دي 

موسي... دي اللي هكمل بيها نص ديني ياحاج 

الحاج عتمان....و انت كل ده مكنتش كملت نص دينك 

امال الخمسين حرمة اللي اتجوزتهم قبل اكده. كانو ايه 

موسي... مانا هختم بالفرسة دي.. بس ايه رايك 

الحاح عتمان بصلها بتقييم ورجع قال... انت يازفت جايبلي مصراوية. ما حدانا اهنه الحريم كتير

موسي... عفشين. عفشين يابوي. لكن دي فرسة 

مكانتش حورية سامعة هما بيقولو ايه،لكن كانت متغاظة جدا من موسي 

بص موسي لحورية وقرب عليها وقال... هو من برا الغلاف يبان لك انها خواجاية، رجع بص لابوه وكمل ... بس في الاصل. مش هتصدق يابوي..لان الخوجاية اللي قدامك دي صعيدية ابا عن جد 

وبعد ما عرفه بيها، الحاج عتمان قال بعدم تصديق... يعني  يابتي انتي بنت مهران الله يرحمه

حورية هزت راسها بتأكيد

الحاج عتمان... ياااه. دابوكي كان غالي جوي.. تعالي يابت الغالي 

وطبطب جمبه في اشارة تقرب تقعد 

بصت ل موسي اللي هز راسه يطمنها 

قربت وراحت جمبه وموسي قال... اهي دي بقا اللي يتقال عليها السكر المحلي المحطوط علي الكريمة 

الحاج عتمان ضحك وقال... لاا في دي عندك حق. هي من ناحية زينة فهي زينة جوي. كيف امك 

موسي... شوفت بقا عشان تعرف ان ذوقي من ذوقك ياحاج

حطت وشها في الارض بكسوف وهي بتقول في سرها.. شكله مش جايبه من بره ابدا 

وقعد الحاج عتمان يتكلم معاها كتير عن ابوها وهي اندمجت وبقت تحكي معاه 

....... 

بعد يومين 

كانت راحت عند بيري اللي اول ما فتحتلها الباب 

ابتسمت بفرحة وفتحت ايديها الاتنين وحورية قربت حضنتها 

بيري... وحشاني مووت. كل ده متساليش عليا

وبزعل... زعلانة منك علي فكرة 

حورية... معلش.. بس الشغل في المكتب واخد كل وقتي

وبعد ما دخلت وقعدت

بيري بخبث... الشغل بردو

وبغمزة... ولا ابن العمدة اللي شاغل وقتك 

قربت  عليها وقعدت قدامها وبفضول...قوليلي.حبتيه صح 

حورية بصتلها وسكتت 

بيري...تبقي حبتيه. ايواا بقاا 

لكن حورية بصتلها بدموع وقالت... انا فعلا حاسة اني حبيته 

بيري بخضة... طب ليه الدموع 

حورية... علشان انا مينفعش احبه. مينفعش احب اصلا

بيري... ليه ياحبيبتي. ايه المشكلة انك تحبي وتشوفي حياتك. انتي لسه صغيرة

حورية... انتي ناسية مش هقدر اخلف. دا غير ان موسي ده بالذات مينفعش حتي اعجب بيه. مش احبه. بصتلها وقالت... اصله يفرق ايه عن محمد وعاصم. ماهو كمان بتاع ستات 

بيري... لا ياحورية. يفرق عنهم.. اه بتاع ستات. بس انتي بنفسك قولتيلي انه حلفلك انه بطل من يوم ماعرفك. 

واضح جدا حبه ليكي ياحورية.. وواضح انه بيتغير علشانك.. قوليلي بقا عاصم ومحمد امتا حاولو يتغيرو علشانك.. دا غير انهم الاتنين خانوكي وبعدها  بردو محاولوش يتغيرو.. موسي يختلف ياحورية.. واذا كان بتاع ستات فا دا كان ماضي بتاعو. انتي مكنتيش فيه.. كفاية انه من يوم ما عرفك وبطل يعرف او يشوف اي ست.. يعني انا علي حسب علمي انو كان كتير العلاقات و دايما بيتجوز... ويطلق

حورية بسخرية.. اه. كان بيغير في الستات زي الشربات 

ابتسمت بيري وقالت... طيب واحد زي ده بقالو اهو اكتر من 4 شهور مبطل كل ده عشانك.. لو ده مكانش حب يبقي اسمه ايه.. انا متأكده انو بيحبك اوي علي فكرة 

حورية... حتي لو بيحبني مش هينفع يكون بينا اي حاجة 

كملت وقالت... انا مش عارفه ازاي نسيت نفسي واتعلقت بيه. وانا عارفة ومتاكده ان مش هينفع العلاقة دي تكمل. 

بصتلها وقالت بدموع... بس انا غصب عني حبيتو.. مش عارفة امتا وازاي.. انا مستغربة نفسي ..

لكنها غمضت عيونها و اخدت نفس وهي بتستعيد نفسها وقالت بحسم ... بس لأ. انا لازم افرمل نفسي. مش لازم اعرفه تاني 

... 

تاني يوم 

كانت كلمته وطلبت تقابله بعد ما ادلتلو عنوان بيري لانها كانت بايتة عندها، نزلت قابلته تحت العمارة

كانت قاعدة معاه في العربية ساكتة 

لف وشها ليه وبقلق... مالك ياحوريتي..

وهو بيبصلها بحيرة... في حد مزعلك 

كانت دموعها علي وشك السقوط لكن علطول حاولت تتصنع الثبات وقالت... احنا مش هينفع يكون في بينا اي علاقة.. مش هينفع نكمل 

موسي... ليه. ايه اللي حصل

لفت وشها وهي بتحاول تفضل ثابتة 

لف وشها ليه وقال تاني وهو بيبص لعيونها بحيرة وقال.... بصيلي ياحورية وقوليلي.. حصل ايه 

: عشان انا منفعكش.. لاني مش بخلف 

قالتها بصعوبة وحزن شديد في داخلها لكن لحد اللحظة دي كانت ظاهريا بتمثل الجمود 

كملت وقالت... وانا اكيد مش هقبل بعد ماتتجوزني تتجوز عليا 

موسي... اكيد في حل.. اكيد في علاج 

حورية بحزن ... للاسف حالتي ملهاش علاج 

لكن موسي قال علطول.... انا هسفرك بره وهعرضك لاكبر دكاترة. هعمل المستحيل.. 

لكن هي قاطعته وقالت بيأس... انا اتعرضت علي اكبر دكاترة. كلهم اجمعو علي رأي واحد اني استحالة هخلف 

سكت بحيرة، بصتله بحزن  

وقبل ما يتكلم، فتحت العربية ونزلت 

طلعت الشقة وبمجرد ماقفلت الباب وقفت وراه وسمحت لدموعها تنزل. بقت تبكي بشدة 

جات بيري حضنتها بحزن عليها وبقت تحاول تطمنها 

.... 

بعد اسبوع

كان قاعد في شقته بيدخن بشرود وقصاده صاحبه اللي قال... انا شايف ان الموضوع مش محتاج تفكيىر ياموسي 

انساها كأنك معرفتهاش.. من امتا وواحدة بتشغل دماغك كده.. اعتبرها زي اي واحدة عرفتها 

بصله موسي وقال... انا حبيتها يارحيم.

رحيم... بس هي متنفعكش. قولي ازاي هتكمل حياتك كده من غير ميبقالك عيل يشيل اسمك. مش معقول هتكمل كده 

كان بيطفي سيجارته وقام وقف وقال باصرار وحسم... انا مش عايز عيال. انا عايزها هي.. انا هتجوزها 

رحيم... صدقني هتندم

موسي وهو خارج... انا هندم لو سيبتها تضيع من ايدي 

.. 

كانت داخلة البيت بعد ما رجعت من شغلها. فتحت الباب  لتتفاجأ بموسي ووالده ووالدته قاعدين مع اخواتها وامها 

سهام ببتسامة... تعالي ياحبيبتي 

عماد... موسي جاي هو واهله وطالبين ايدك.. احنا بصراحة موافقين.. رايك ايه ياحوية 

حورية بصتلهم وبجمود... انا مش موافقة 

يتبع...... 

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا