رواية اسرار تحت النقاب الفصل الرابع 4 بقلم شيماء طارق (حصريه وجديده في مدونة قصر الروايات)
رواية اسرار تحت النقاب الفصل الرابع 4 بقلم شيماء طارق (حصريه وجديده في مدونة قصر الروايات)
♧اسرار تحت النقاب♥️ الكاتبة شيماءطارق ♧
♧الفصل الرابع ♧
«بسم الله الرحمن الرحيم»
"“"""""""""""""""""""""""""""""""
جه الحاج اسماعيل ومعاه اخوه عبد المجيد وحريمهم وبداوا ان هم يجهزوا كل حاجه ويكيسوا اللحمه علشان يفرقوها على الغلابه في البلد وعملوا اكل كثير و وليمه علشان الغداء للمعازيم .
محمود وهو بيتكلم في التليفون يقول: ازاي يعني الكلام ده ازاي تفاجئني يا احمد الكلام ده مفروض تقوله لي من اول ما حصل مش دلوقتي انت بتهزر على فكره انت ليه محسسني ان انا مش موجود هو انا بقى لي يومين في الصعيد الدنيا تتخرب يا عم؟!
احمد صاحب محمود وشريكه في الشركه هو شاب عنده عمره 28 سنه شخصيه طيبه وجميل هو متسرع في بعض الاحيان لكن بيحب صديقه جدا وبيحب شغله وهو مهندس معماري عنده عضلات بارزه وعنده لحيه بسيطه وعيونه زيي لون ورق الشجر حاجه كده زي القمر .
رد على أحمد وقال له :المناقصه دي كانوا حاطين عينيهم عليها من زمان انا ما كنتش عارف ان هم هياخدوها بالطريقه دي ما كنتش عامل حسابي ان هم هيعملوا فيا كده وهيغفلوني والمبلغ اللي كان معايا يا دوب على قد الميزانيه سامحني يا محمود ما كنتش عارف والله هم غفلوني كانوا عاملين حسابهم وكانوا عارفين يضربونا ازاي انا مش قادر اصدق ان دول قدروا يتغلبوا علينا احنا كنا على طول قبليهم في كل حاجه؟!
محمود بهدوء وحاول ان هو يهدى وقال له:خلاص يا احمد حصل خير بس بعد كده بالله عليك فتح عينك شويه انت عارف ان انا الفتره دي هبقى في الصعيد مش هقدر اجي القاهره فلو سمحت ممكن لو في اي حاجه تتصل بيا علشان انا مش عايز نخسر شغلنا احنا تعبنا فيه جدا احنا كنا ما بنامش ولا ليل ولا نهار انا وانت لحد ما بنينا الشركه دي مش عايزين كل حاجه تضيع من ايدينا يا احمد؟
احمد بتعب :حاضر يا محمود كل حاجه هقولها لك اول باول عن طريق التليفون اهدى كده وما تزعلش نفسك بس وزي ما احنا خدنا منهم صفقات كثيره قبل كده هناخد ثاني لحد ما يفلسوا ما تقلقش هم خدوها المره دي بس بعد كده هيشوفوا احنا هنقدر نعمل ايه !
محمود: يا عم خيرها في غيرها يلا بقى سلام يبقى سلملي على مامتك قوي وصل ايديها ؟
احمد بحب اخوي: ماشي يا حوده خلي بالك من نفسك وسلملي على كل اللي عندك ما تنساش تسلملي على عمو طنط كتير؟!
محمود: ماشي يلا سلام !
محمود غير هدومه ونزل تحت كان الكل موجود وقاعدين في الصالون والخدم كانوابيجهزوا السفره.
نزلت فاطمه من اوضتها وكانت عيون زين بتحوطها من كل مكان ومحمود كان متضايق لانه كان شايف نظارات زين لفاطمه اول ما شاف الموقف قام محمود من مكاني وراح على فاطمه وقال لها وهو بيتلكك ومتضايق جدا.
: تعالي عايزك دلوقتي؟
فاطمه بقلق واستغراب: في ايه يا محمود انت شايف ان في ناس اهنا ما ينفعش نخرج بره ونتكلم وحدينا انت نسيت اللي احنا في الصعيد ولا ايه ؟
محمود بعصبيه مفرطه: لا ما نسيتش يا فاطمه بس انتي خطيبتي وهتكوني مراتي وانا مش لبسك دوت ؟!
فاطمه باستغراب وصدمة :مش عاجبك لبسي كيف يا محمود انت بتهزر؟!
محمود بيتكلم وهو متضايق وقال لها: ايه اللون اللي حضرتك لابساه ده ملفت جدا على فكرة والفستان ضيق جدا من فوق موضح جسمك جدا على فكره ايه اللبس ده انت بتهزري!
فاطمه باستغراب وصدمه: فستان ده ده اوفر سايس يا محمود مش مبين اي حاجه كيف اللي انت بتقوله ده انت اكيد بتهزر معايا صح!
محمود صوته يعلى وقال لها: زي ما قلتلك يا فاطمه اطلعي غيري اللبس ده؟!
فاطمه وكانت بدات تتخنق بالعياط:تمام يا محمود انا هطلع علشان الناس الموجوده بس انا مش مقتنعه باي كلمه انت بتقولها بجد ضايقتني جدا وبلاش تتكلم معايا وتتعامل معايا المعامله دي يا ولد عمي علشان بجد هتزعل من رد فعلي!؟
محمود بدا قلبه يستريح لانه اول ما شافها كده هو ما قدرش يستحمل ما كانش واخد باله الاول من جمالها ما خدش باله الا لما لقى حد ثاني هياخدها منه او عينه عليها .
زين كان متابع كل حاجه عن بعد وكان قلبه مشغول جدا بفاطمه وكلمه متنحلها وعينيه كانت مش قادره تنزل من عليها اما بقى محمود ما خدش باله انه بدا يغير على فاطمه؟!
فاطمه غيرت الدريس وطولت الخمار ونزلت تاني محمود اول ما شافها ابتسم وقام وقال لها :كده تمام !
فاطمه بزعل :ممكن اعرف انت ليه بتعترض اصلا على هدومي او تخليني اغيرها غصب عني يا محمود كل اللي انا اعرفه ان انت اتجوزتني علشان خاطر جدي مش اكتر مش حبا فيا فبلاش التمثيل ده قدام الناس علشان انت اكده بتجرحني!
محمود بصدمه :تمثيل انتي شايفه اللي انا بعمله ده تمثيل يا فاطمه؟
فاطمة بحزن: انت شايفه ايه ؟!
محمود بيزعل: زي ما انتي شايفه يا فاطمه براحتك اعمل اللي انتي عايزاه بس لو لقيت حاجه في لبسك مش عجباني هتشوفي وشي التاني؟!
فاطمه بصدمه: انت اكيد بتهزر صح بطل بقى طريقتك دي ويلا عشان الكل بدا يجي واحنا رايدين نكتشف الشخص اللي جدي اتكلم عليه في الوصيه احنا مش عايزين نتخانق دلوقت بدل ما احنا اللي نكشفه هو اللي هيكشف خطتنا يلا بالله عليك يا محمود!
محمود بهدوء سكت وبعد كده قال لها: واتفضلي حضرتك وريني هتعملي ايه ؟!
فاطمه دخلت الصالون كانت خالتها سناء موجوده وابنها مؤمن اول ما شافتها راحت عليها على طول وقالت لها: ازيك يا خاله كيفك توحشتك كثير؟
سناء خدتها في حضنها وقالت لها بكل حب: الحمد لله يا بتي انتي كيفك ؟
فاطمه ابتسامه هاديه: مليحه يا خالتي !
زينب ام فاطمه: توحشتيني قوي يا سناء بقى لك كثير يا خيتي ما جيتيش عندنا لازما يعني الجماعه يعزموكي علشان تيجي ده دار عمك ودار اختك انا زعلانه منك يا سناء ينفع اكده؟!
سناء بهدوء وحاولي ان هي تصالح اختها وقالت لها: والله مشاغل يا خيتي وكمان ده دار عمي يعني مش محتاجه حد يدعيني عليه بس والله كنت مشغوله كثير ورحمه عمي يا خيتي ما كنت قادر اجي وكمان الولد الايام دي عندهم دراسه وبت اختك في الجامعه واحنا مع بعض ربنا يخليك يا خيتي ويجعل الدار منور بولاد عمي واولادهم يا رب والحاجه بدريه !
زينب بحب :يا رب يا خيتي جوزك عامل ايه وبتك ريم ايه اخبارها اتوحشتها القروبه الصغيره عامله ايه يا خيتي دلوقت؟
سناء بهدوء وقلق: والله يا خيتي ريم دلوقت عايشه في مصر علشان الجامعه بتاعتها هي عايشه في السكن الجامعي لحد ما تخلص هي دي السنه الاخيره ربنا يسهل لها وتتخرج بقى علشان ارتاح وقلبي يرتاح لاني والله ما بقدر انام الليل وانا بفكر فيها!
زينب بحب :ربنا يطمنك عليها يا خيتي
ويرجعها لك بالف خير وسلامه يلا بقى يا جماعه الوكل جاهز على السفره اتفضلوا ؟
الكل قام علشان الغداء فاطمه قعدت جنب باباها ومامتها و محمود قعد جنب فاطمه من الناحيه الثانيه لانه ما كانش حابب ان اي حد يقعد على الكرسي اللي جنب فاطمه.
فاطمه كانت مستغربه جدا طريقه محمود اللي اتغيرت فجأة وبعد ما خلصوا اكل والسفره اتلمت فاطمه راحت موجهه الكلام للكل وقالتلهم.
(بابتسامة هادئة ووجهت الكلام لكل اللي قاعدين): خلونا النهاردة نتشارك مع بعض أمنياتنا كل واحد فينا عنده حلم مختلف عن التاني لو حكيناها لبعض يمكن ربنا يسهل لنا ونقدر نحققها ممكن تكون أحلام بسيطة أو ممكن يكون في حد منا بيحلم بمستقبل أكبر وأوسع رايداكم كل واحد فيكم يتكلم عن أمنياته وليه هو شايف إن ده مهم ليه والحياه وكيف ممكن يحققها؟
(بدات فاطمة مع مؤمن الاسئله وهي مبتسمة ابتسامه بسيطه جدا): مؤمن، إنت مهندس تكييف وتبريد، وأنا عارفة إنك دايمًا بتحلم بحاجات كبيره جدا لو معاك فلوس دلوقت إيه أول حاجة هتعملها؟ او عندك خطه علشان تعمل مشروعك ده يا ريت تعرفنا ايه خطتك للمستقبل ؟
مؤمن (بحماس): والله يا بت خالتي الحقيقه أني دايمًا كان عندي حلم إني أفتح شركتي الخاصة في مجالي لو معايا فلوس دلوقت هبدأ في شراء معدات حديثة وأأسس شركة صغيرة متخصصة في تكييفات المباني والمصانع وحلمي كمان إني أوسّع النشاط ده في المستقبل وأكون عندي شبكة كبيرة من العملاء في كل مكان عايز يكون اسمي معروف في العالم كله بس ابدا بمشروع صغير على قدي يا بت خالتي وبعد اكده ربك هو اللي يبعت الرزق.
فاطمه بهدوء وابتسامه هاديه قالتله : ربنا
يحققلك كل اللي بتتمناه يا مؤمن قول لي انت يا زين انت دكتور بيطري وانا عارفه إن مجالك محتاج الاستثمار كبير لو عندك الامكانيات إيه أول خطوة هتقوم بيها علشان تطوّر حياتك المهنية؟قدامك مشروع معين ناوي تبدأه؟"
زين (بتفكير وبعد كده بص لفاطمه اوكي مبتسم بحب وقال لها): "أنا بحب مجالي جدًا، ودائمًا كنت بفكر في تطويره لو معايا فلوس دلوقت هفتح عيادة بيطرية كبيرة تكون مجهزة بأحدث الأجهزة كمان حلمي إني أبدأ أعمل مشاريع خاصة بمجال الزراعة الحيوانية كيف تربية الدواجن وباكده احقق نجاح كبير في المستقبل ودايمًا كنت بفكر أعمل شيئًا يساعد الفلاحين والمربين في تحسين جودة الإنتاج الحيواني بس الكلام ده طبعا رايد ان اشتغل كثير علشان اقدر احقق ده كله لاني المشروع ده محتاج مصاريف ياما انا والدي عرضت عليا ان هي تساعدني بس انا رايد ابني نفسي بنفسي ومش حابب اي حد يساعدني ولا حتى والدتي وان شاء الله قريب ربنا هيرزقني وهقدر اعمل كل اللي انا بتمناه.
فاطمه بهدوء: بجد يا زين انت شخص كويس جدا ومحترم وربنا هيكرمك ان شاء الله قريب !
محمود راح خابط فاطمه في رجليها من تحت السفره وقال لها بغضب: اتلمي بطلي سهوكه علشان ما تشوفيش وشي التاني؟!
فاطمه ارتبكت وما كانتش عارفه ترد على محمود؛وبعد كده كملت كلامها وقالت لعمتها:وحضرتك يا عمتي ايه طموحك او ايه الشيء اللي كنت حابه تحققيه وحضرتك لحد دلوقت محققتهوش؟
بدريه (بوضوح وطيبه): "أنا دايمًا كنت بهتم ببيتي واولادي ومعايا فلوس بس طبعا مش هتساعد اني اسوي اللي كنت رايداه بس لو معايا مال كثير كنت أشتري حته أرض أو استثمر في مكان مريح للعيلة عشان نقدر نعيش فيها كلنا بدل البيت القديم اللي احنا عايشين فيه دلوقت احنا مبسوطين وحياتنا حلوه بس كنت رايده اللي احنا نكون مع بعض و نكون تحت سقف واحد مفيش حاجة اغلى عندي من إني أشوف اخواتي واولادي واولاد اخواتي مع بعض في مكان واحد ومبسوطين دي اكتر حاجه هتريح قلبي يا بتي.
فاطمه بحب على طيبه عمتها: ربنا يخليكي لينا يا عمتي ويديك الصحه والعافيه يا حبيبتي قول لي بقى يا عم مصيلحي حضرتك لو معاك فلوس كثير هتعمل بيها ايه وايه طموحاتك للمستقبل؟!
الحاج مصيلحي (بهدوء): أنا اشتغلت طول عمري في الزراعة، والحقيقة أنا مش من الناس اللي بتلم الفلوس علشان تعملي لنفسها حاجه او تطور نفسها لا يا بتي انا كنت بلم الفلوس علشان ولادي وعلشان اعلمهم وامن مستقبلهم بس لو كان معايا وكنت في ايدي قرشين كنت هستخدمها في تطوير الأرض الزراعية كانت هتساعد ان احنا ناكل من وراها كثير لان انا بحب الارض قوي يا بتي وأتمنى أطورها علشان تفضل مصدر رزق لعيالنا كمان لو فيه فرصة، يمكن أساعد شويه من العيلة الفقيره في فتح مشاريع صغيرة كيف ما عمي الله يرحمه كان رايد يعمل."
فاطمه بابتسامه هاديه: ربنا يطول في عمرك يا عم مصيلحي وتعمل كل اللي انت بتتمناه وانت ابو الكرم كله وان شاء الله هتحقق كل اللي بتتمناه قولي انتي يا رضا رايده تعمل ايه في مستقبلك؟
رضا (بحماس): "أنا دكتورة صيدلانية لو معايا فلوس كنت هشتري صيدلية خاصة وأبني مستشفى صغير لعلاج الناس وكنت حابة أعمل مركز تدريب للشباب المهتمين بمجال الصيدلة والعلاج كنت عايزة أفتح فرص شغل وأساعد في تطوير القطاع الطبي في البلد واعمل مكان خاص للناس الفقراء اللي ما بيقدروش يشتروا العلاج واخليه من جيبي خاص."
وبعد كده بصت لخالتها وجهت لها الكلام وقالت لها : حبيبتي يا رضا بكره ربنا يكرمك وتحققي كل اللي بتتمنيه قولي بقى انتي يا خاله لو معاكي فلوس هتعملي بيها ايه؟
سناء بحزن :انا مش رايده فلوس كل اللي رايده ان ولادي يحققوا كل اللي بيتمناه وبتي ريم تيجي تعيش معايا اهنا لاني حاسه ان انا وحيده من غيرهم هم دول اهم حاجه عندي مش الفلوس ما الفلوس عندي انا كثير وعمك الله يرحمه سابلي كثير بس انا مش رايداها انا رايده ولادي يتلموا حواليا دي اهم حاجه عندي!
فاطمة بهدوء عقلانيه: ربنا يخليك يا خالتي وما يحرمناش منك ابدا ويخليلك عيالك يا رب وهم هيفضلوا معاكي وجنبك وعمره ما يعملوكي واصل؟!
سناء بابتسامه هاديه: يا رب يا بتي!
فاطمه(وبعد كده كملي كلامها بتوجه الكلام إلى الجميع): "كل واحد فينا عنده طموحات مختلفة وأنا فخورة بكل واحد فيكم لكن في ناس بتفكر في المستقبل بطريقة مختلفة أحيانًا الأمنيات الكبيرة مش دايمًا تكون بريئة وده مهم نتكلم عنه مع بعض. خلونا نفكر كويس في الخطوات اللي بعد اكده وكل واحد فينا كيف ممكن يبني مستقبله على أسس سليمة وأمان لان لازم نفكر في كل حاجه قبل ما نعملها ونبني صح متعبنا وشقانا وانا فخوره بعيلتي لانهم بيفكروا اكده."
فاطمة (وهي بتفكر مع نفسها وبتقول): كل واحد فينا عنده طموحات بس في حد لازم نكون حذرين منه لو بدأ يظهر اهتمامه الغريب بالأموال والميراث الشكوك هتبدأ تظهر لو اتصرفنا بطريقة غير طبيعية خلونا بس اللي انا شايفاها دلوقت ان كلهم مش طماعين ما فيش حد فيهمك اكده ؟
يا ترى مين اللي جدي قصده عليه ما يكونش هو؟!
تابع....؟!
تكملة الرواية من هناااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
 رواية اسرار تحت النقاب الفصل الرابع 4 بقلم شيم…){kind=link}
تعليقات
إرسال تعليق
فضلا اترك تعليق من هنا