رواية سر زائرة الجبل الفصل الرابع 4 بقلم زهرة الربيع (حصرية وجديدة في مدونة قصر الروايات)

رواية سر زائرة الجبل الفصل الرابع 4 بقلم زهرة الربيع (حصرية وجديدة في مدونة قصر الروايات)

رواية سر زائرة الجبل الفصل الرابع 4 بقلم زهرة الربيع (حصرية وجديدة في مدونة قصر الروايات)

#الحلقه_الرابعة 🌹جاسم بلع ريقه بصعوبه من كتر الصدمه وقال..رحيل...هو...احم..هو فين اخوكي ده...مفيش حد في الاوضه غيرنا 

رحيل بصتلو بصدمه وقالت..انت بتقول ايه..ما اهو قدامك اها مد يدك سلم عليه ..هو انت تراب الجبل تعب عنيك ولا ايه مشايفش راجل طول بعرض قدامك

جاسم بقى يبص للأوضه بتوهان وزهول مكانش فيه اي حد ورحيل ابتسمت للفراغ وقالت..متزعلش يا طاهر انا رايده مصلحتك صدقني جاسم امان واضمنو برقبتي

وغمزت جاسم بايدها وقالت بهمس..قولو اي حاجه طمنو انك هتطلعو من هنه يلااا مالك متخشب كده ليه

جاسم بلع ريقه بزهول وألم واتجمعت الدموع في عيونه وحس بسكين في قلبو بالمعنى الحرفي ...حاول يتكلم بالعافيه طلع صوتو وقال...رحيل..انتي..احم...انتي شايفه حد معانا هنا..شايفه حد دلوقتي هنا غيري

رحيل اختفت ابتسامتها وبصتلو بغضب ميتوصفش نظره حقيقي تخوف وقالت...فيه ايه مالك...طاهر قدامك اها...طاهر اخوي واقف قدامك هتكلموا ولا غيرت رأيك 

جاسم لسه هيرد دخل وهدان وقال بسرعه..دقايق بس...هو ..احم هو هيرجع يكلموا يا رحيل...بس.بس اديني دقايق هقولو على حاجه هتساعدكم

بقلم..زهرة الربيع

رحيل رجعت نظرتها البريئه السعيده وقالت بحماس...صوح...يعني انت كمان هتقف معانا يا وهدان

وهدان قال بسرعه وتوتر..طبعا..طبعا ده طاهر اخوي..اخوي انتي عارفه بحبو قد ايه

جاسم كان بيبصلو بزهول ومحطم من جواه جدا ووهدان كمل وقال..انتي خليكي مع طاهر اصلو معدتو كانت وجعاه انهارده...وانا هقلو كلمتين ونرجعلكم طوالي

وشد جاسم من ايده وقال بتحذير ...تعالى معاي..يلا

جاسم كان متجمد مكانو وبيبصلها بصدمه وهيه بتضحك وتتكلم مع الفراغ وكأن فيه شخص فعلا قدامها فضل واقف مش بيتحرك

بس وهدان شدو بسرعه وطلع بيه وجاسم مشي معاه باستسلام

شديد

اول ما خرجو من البيت وهدان  بصلو بغضب وقال...انت ايه اللي جابك اهنه...روح لحال سبيلك ومتتكلمش وياها تاني... سامع

جاسم بصلو بزهول وقال بصدمه...هيه...هيه ازاي شايفه ان فيه شخص في الاوضه...هو اخوها فين ...ولا مفيش اخوها اصلا انا مبقتش فاهم حاجه

وهدان اتنهد بخنقه وقال ...اسمع يا ابن الناس انا مكنتش هطلع السر ده لحد ما اموت...بس مدام وصلت لهنه وعرفت لازم افهمك علشان تطلع من الحوار ده...رحيل من وقت موت اخوها وعقلها بعافيه شويه...ومش قابله تصدق انو مات وفاكره انو متخبي هنه كيف ما كان يتخبى قبل سابق... وبتاجي ليلاتي تجبلو وكل وتديلو فلوس وتتكلم معاه ...فهمت دلوك يعني لا فيه طاهر ولا فيه سفر خد بعضك وروح ومتتعاطاش معاها كتير

جاسم حس الأرض بتدور بيه وبصلو بصدمه وقال..يعني ايه..البنت مريضه..وانت ..انت ساكت

وهدان اتنهد بضيق وقال...مش بس انا اللي ساكت عمها اللي مسأوله منه عايز اكده ...مقابلش يتقال عليها مجنونه او تضرر ومعاه حق...رحيل زينة البنات واللي بيحصلها ده من زعلها على اخوها الوحيد فتره كده وهتنسى ..وحتى لو منسيتش هيه مش ناقصها حاجه هيه زينة قوي كده

جاسم كان بيسمعه بزهول وضحك بصدمه وقال..زينه ..لا جدا..انت هتقولي ما انا شوفت بعنيا الزين والزينه...انا مش فاهم بتفكرو كده ازاي البنت مريضه ولازم تتعالج لازم تطلع الاوهام دي من دماغها

وهدان قال بغضب...رحيل مش عيانه...ومتكترش في الكلام انا قاطع رجل اي حد يوصل هنه ولولا انها هيه اللي جابتك مكنتش هتعرف حاجه لا انت ولا غيرك..هملها في حالها وروح لحالك احسنلك

جاسم بصلو بغضب وتحدي وقال...رحيل مريضه...وده مينقصش منها اي شيئ والي انتو بتعملوه ده اسوء من مرضها بكتير..البنت بيضيع عمرها وهيه شايفه شخص مش موجود وانا مش هسمح بكده..... رحيل لازم تتعالج

ولسه هيمشي مسكو من ايده بغضب وقال...اتهفيت في دماغك ولا ايه يمكن عايز تعالجها وتعرف الناس انها اتجنت خلاص 

جاسم دفع ايده وقال بغضب..لو على اللي عرفاه الناس اللي اتقالي عن طلعتها الجبل هنا اسوء بكتير من الجنان ياريس

وهدان حمحم وقال ...احم عارف..وهكتب عليها واخرس الكل

بصلو بسخريه وقال بثقه وتحدي ....رحيل مش هتتجوز وتدفن في مقبرتكم ومقبره افكارها..رحيل هتتعالج...هسفرها معايا واعالجها غصب عن عيون اي حد واللي يقدر يمنعني يتفضل الساحه قدامو وانا جاهز احارب الكل علشانها

سر زائرة الجبل بقلم زهرة الربيع

قال كده ودخل عندها وسابو واقف باصص لطيفه بزهول وغضب

اول ما دخل عندها كانت قاعده مبسوطه وبتضحك لوحدها وهيه متخيله ان فيه شخص معاها قرب منها بحزن واضح وقال..رحيل كفايه كده خلينا نمشي الوقت اتأخر

رحيل بصتلو باستغراب وقالت..انت مهتتكلمش مع طاهر  كيف ما كنت عايز

ابتسم بالعافيه وبص قدامه وقال...لا معلش يا استاذ طاهر اكيد هجيلك مره تانيه بس خليك جاهز علشان هنمشي من هنا

وبص لرحيل وقال..يلا انتي كمان يا رحيل

رحيل بصتلو بضيق وقالت..مش ترد عليه الاول عيب كده..اهو زعل...معلش يا طاهر 

جاسم فرك جبينه بحزن وخنقه وقال..انا احم.. انا اسف يا استاذ طاهر مسمعتكش هو قال ايه معلش

رحيل قالت بهمس... سألك هنمشوا من هنه ميته

جاسم قال....اه..بكره ....بكره باذن الله هنمشي انا مش هسيبك وسطهم اكتر من كده قال جملتو وهو بيبص لرحيل ومسك ايدها وقال...يلا بينا

رحيل بصت لايده بتوتر وسحبتها بسرعه وقالت بهمس ..ايه الحركات دي افرض طاهر شافك

جاسم ابتسم والدموع بتلمع في عيونه وقال...بكره امسك ايدك قدام الكل وطاهر اولهم ومحدش هيقدر يمنعني

رحيل نزلت عيونها بكسوف 

وجاسم ابتسملها وطلع  وهيه راحت وراه بعد ما ودعت اخوها زي ما معتقده

اول ما طلعو وهدان بصلهم بضيق وقال..هتنزلي خلاص يا ست البنات

رحيل قالت...ايوه خلاص يا ريس

وهدان حمحم وقال..طب ممكن كلمتين على جمب

رحيل بصت لجاسم بحرج وهو اتنهد بخنقه وقال...انا هطلع قدامك يا رحيل ومشي بضيق شديد وهو كل شويه يبص وراه ومضايق جدا من وقفتها مع وهدان

رحيل قالت بجديه...خير يا ريس وهدان

وهدان اتنهد وقال..كل خير يا ست الناس...عمك قلك اني جيت طلبت يدك منو رسمي

رحيل اتنهدت وقالت..بس انت عارف رأيي في الموضوع ده 

وهدان قال بضيق..لاه..معارفش يا رحيل معارفش غير انك رافضه... بس رأيك معرفوش ولا اسبابك...ايه اللي يخليكي ترفضيني ده انا شاري يا بت الناس ومن زمان قوي

رحيل قالت بضيق... اسمع يا وهدان انا عارفه ان اللي هقوله هتستغربوا ويمكن متقبلوش بس يا ولد الناس انت صاحب طاهر الوحيد كنت كيف ضلو وضلي وانا طول عمري متربيه على انك زيك زيه...فاهمني يا وهدان زيك زييه في كل حاجه...يعني اخوي التاني ومعرفاش اشوفك ولا افكر فيك غير كده

وهدان بلع ريقه بحزن شديد وقال...وانا..انا مستاهلش تحاولي يا رحيل

رحيل قالت بسرعه..تستاهل..وتستاهل ارمي  روحي في النار لو طلبت لانك كيف طاهر وفداكم روحي حبكم انضف حب...بس متحرم على اوتار القلب اخره الاخوه يا وهدان دي حاجه مش بيدي

ولسه هتمشي مسك ايدها وقال بغضب...واللي عماله تتسرمحي معاه ده...هو اللي دق اوتار قلبك يا رحيل

رحيل دفعت ايده وقالت بغضب..جرالك ايه يا وهدان كيف اتكلمني كده اياك نسيت ان اخويا جوه وفاكرني مقطوعه هنه انا لولا اني معيزاش ازعلو منك مكنتش عديتلك الكلام الماسخ ده

وهدان اتنهد بحزن شديد وحس بوجع في قلبو وقال بيأس...روحي يا رحيل...روحي دي حاجات كيف ما قولتي مش باليد ولا هينفع فيها جبر...بس خليكي عارفه ان الريس وهدان عاشقك وفي حياتي ما هعتبرك اخت واصل

رحيل اتنهدت بحزن عليه ولسه هتمشي قال بغضب وجديه...استني....اخر مره هسمحلك تطلعي حد الجبل ..انتي عارفه انو ممنوع...والجدع ده بذات ميطلعش تاني

رحيل لسه هتتكلم قاطعها وقال بسرعه..ولا حتى علشان طاهر هسمحلو يطلع... ولو طلع تاني مهستخسرش فيه احسن رصاص عندي ولو مش خايفه عليه خافي على طاهر لان لو مسمعتيش الكلام المره دي همشيه من الجبل ومهيبقاش في حمايتي وخلي الصوايفه يقتلوه بقى مهيهمنيش

قال كده ومشي من قدامها بغضب وهيه بصت لطيفه بزهول ومشيت وهيه مخنوقه قوي ومش عارفه هتعمل ايه

بعد خطوات كان جاسم مستنيها وطلع قدامها فجأه وقال....اتأخرتي ليه

رحيل كانت سرحانه ومش واخده بالها ليه التفتتلو بخضه وقالت...خلعتني يا جاسم فيه ايه ...وقعت قلبي

جاسم ابتسم وهو بيبص حواليه

قالت باستغراب ....بتدور على ايه هنه

قال بسرعه..مش عارف كل ما بتقولي وقعت قلبي بقول يمكن الاقيه انا اولى بيه من غيري

رحيل ضحكت بخفه وهزت راسها بيأس ومشيت قدامه

جاسم اختفت ابتسامته وهو بيبص لطيفها بحزن ومش قادر يستوعب اللي عرفو اتنهد  ومشي وراها وحاول يبان طبيعي وقال...ها بقى مقولتليش اتأخرتي ليه..كنتو بتتكلمو في ايه كل ده

رحيل اتنهدت بحزن وقالت....مفيش..كان بيكلمني بخصوصك...ممانع انك تطلع الجبل تاني تحت اي ظرف

جاسم قال بغضب ...وهو مالو هو جبل ابوه

رحيل اتنهدت بضيق وقالت...ايوه يا جاسم هو هنه ابا عن جد وبيهدد انك لو طلعت مش هيحمي طاهر اكتر ...ونزلت دموعها وقالت بحزن...انت...انت صوح ونست طريقي ووقفت معاي...بس انا مليش غير طاهر  و

بس قاطعها لما مسك ايدها الي ماسكه الطرحه وامداريه بيها وشها  وانكشف قدامه وبص لعيونها ومد ايده عايز يمسح دموعها بس رجعت لورا خطوه ومسحت دموعها باديها وهيه بتبعد عيونها عنه

جاسم ايتسم بحزن وقال....انتي من انهارده مش لوحدك يا رحيل ولو طاهر بقى غايب عن عينك ومبقاش في ضهرك انا موجود

رحيل بصتلو باستغراب وقالت..انت

ايتسم وقال بثقه ....ايوه انا..ومش هسيبك يا رحيل..هقف جمبك للنهايه

قالت بسرعه..طب بعد طاهر عن هنه بسرعه.

ابتسم بحزن وقال...هبعده...هبعده اكيد اصلا خلاص لازم يبعد يا رحيل

رحيل ابتسمت بسعاده وقالت..معرفاش اشكرك كيف

ابتسم وقال وهو تايه في عيونها..... ولا انا عارف اشكرك ازاي برضو...مكنتش متخيل ان الرحله اللي جتها علشان اكتب كتاب ..هتكسبني احباب

رحيل رفعت عيونها ليه بدهشه وقالت...احباب

جاسم ابتسم وقال... اه احباب...انا شكلي عشقت الجبل وغرقت في عيون الجبل واخر حاجه اتوقعتها اني ممكن احب الجبل

رحيل ابتسمت وقالت بكسوف...تحب

جاسم قرب منها وقال بابتسامه.... اه احب...ايه متعرفيش الحب عمرك ما حبيتي قبل كده

رحيل قالت بسرعه..لاه طبعا حبيت...حبيت طاهر اخوي وامي وابوي الله يرحمهم ومرت عمي هنيه وعمي مختار ودعبس و

قاطعها لما قال باستغراب..دعبس... مين دعبس ده كمان

رحيل قالت بسرعه..ده العجل الي تحت بقرتنا اصل اعنيه كيف الصينين ومبيشوفش زين و

جاسم قاطعها لما قال بصدمه ..ايه ايه... ايه يا ماما حرام عليكي يا رحيل ليه كده حرام....عجل..هو انا ناقص سدت نفس ربنا مش هيسامحني على اللي بعمله في نفسي ده

رحيل قالت بضحك ....ليه هو انا زعلتك ولا ايه

جاسم قال بضيق ويأس منها ....يا شيخه اتلهي ده دعبس بيفهم عليا..على العموم هعمل بأصلي واحاول محاوله تانيه..انا مقصدش الحب الشريف النضيف ده اللي بتحبيه للأخ دعبس...قصدت الحب اللي بتشوفيه في الافلام اللي بين ست وراجل مش حيوان 

رحيل قالت بسرعه..متفرقش كتير يعني 

جاسم قال بغيظ..ربنا يكرم اصلك لا ولسانك سكر ماشاء الله ...ركذي معايا بدل ما اخبطك على دماغك اخليكي حالة نادره..قصدي الحب بتاع العلاقات ده..ودوم دوم تك مجربتهوش

رحيل ضحكت على عصبيتو وقالت..طب ما انا فهماك من اول كلمه بس بضايقك علشان زي ما قولتلك مليش في المحن..ومع ذالك هجاوب انا اصلا معرفش حاجه عن الحب ده علشان اجرب يعني يمكن لو حبيت معرفش اذا كنت حبيت ولا  لاه

جاسم ابتسم وقال...ليه ده واضح جدا يعني ليه اعراض جميله اوي مثلا  تلاقي نفسك مرتاحه ومبسوطه مع شخص معين وتتمني تقضي معاه عمرك كلو وتثقي فيه وترتاحيلو لدرجة انك تسلميه قلبك بين اديه

رحيل ابتسمت وقالت..وااه لازم اسلمو قلبي ..هو القلب لعبه ده ربنا خالقو واحد بس في جسمي ومن غيره الله جاب الله خد الله عليه العوض

جاسم ضحك وقال..امال يعني عايزه تحبيه بودانك مهو لازم قلبك

رحيل ضحكت بخفه ورفعت عيونها ليه لاول مره تبص لعيونه وقالت..لاه..بس ممكن اديلو عين يسكن فيها..لو جرحها معاي التانيه اشوف بيها

جاسم ابتسم على كلامها وبص لعيونها باعجاب وقال.....يا بختو يا رحيل..اللي يسكن في العيون دي يا بختو ويا تعب قلبو في نفس الوقت

ابتسمت بكسوف وقالت...خلاص وصلنا تصبح على خير

ومشيت  خطوات و التفتتلو وقالت... على فكره لو في يوم اتهفيت في دماغي وحبيت اضحي بقلبي مهبخلش عليك بيه يا ولد البندر  مش عشانك بس عشان الجبل كمان حبك

سر زائرة الجبل بقلم زهرة الربيع

قالت كده وجريت بسرعه وكسوف على بيتهم

و جاسم اتجمد مكانو بسعاده رهيبه وجري هو كمان عايز يلحقها بس دخلت بيتها ومرضيش يحصلها علشان ميعملهاش مشاكل ابتسم وحط ايده على قلبه وهو مش مصدق اللي قالتوا وبيعيده مع نفسه بسعاده وارتياح

في صباح يوم جديد كانت رحيل في السوق وعمها كان بيزعق جامد في البيت وقال....امبارح بردك شوفتها راجعه معاه بعد ما هروح اخدها عصايتين عملت نفسي اعمى لاني خوفت تروح في يدي يا هنيه

هنيه قالت بتوتر...اهدى بس يا حج ما انت عارف اظروفها

قال بسرعه...اظروفها ملهاش دخل يا هنيه انا متحمل كل حديت الناس عنها  وعامل نفسي اطرش لجل ظروفها ...تقدري تقوليلي رافضه وهدان ليه ناقصو ايه هو عارف بمشكلتها وقابل بيها  و

بس قبل ما يكمل الباب خبط قال بغضب..اهي شرفت افتحيلها....وقعد بخنقه

هنيه قامت وفتحت الباب بس اتفاجأت بجاسر قدامها قالت باستغراب ...نعم يا ولدي خير

جاسر قال ....خير با حجه عايز الحج مختار ...

مختار اول ما سمع صوته راح بغضب وقال...عايز ايه..وكمان جاي لحد هنه

جاسر لسه هيتكلم بس مختار مسمحلوش وقال بغضب...اوعى تكون فاكرني نايم على وداني انا بشوفك كل يوم وانت نازل تتسنكح ورا بت اخوي... وهحذرك اخر مره ..هملها في حالها رحيل مخطوبه متخلنيش اتبلي بيك

جاسم اتنهد وقال...هنتكلم على الباب يا حج دي الاصول

مختار قال بغضب.... ولا على الباب ولا على القمر انا مفيش بيني وبينك كلام

ولسه هيقفل الباب جاسم حط ايده بسرعه منعه وقال...حج مختار انا عايز اتجوز رحيل على سنة الله ورسوله وقدام البلد كلها

مختار اتصدم وبصلو بزهول وقال..ده انت هابه منك عاد

جاسم قال بسرعه...انا عارف بقول ايه انا عايز رحيل ومش عايز غيرها من بعد اذنك

مختار بصلو بغضب وقال... وانا معنديش بنات للجواز قولتلك البت مخطوبه للريس وهدان ولو عرف بحركاتك دي مش هتعرف هيجرالك ايه

جاسم اتنهد وقال...عايز تجوزها لوهدان ليه...طبعا علشان عارف بحالتها مش ده السبب

عمه اتصدم بشده ووقف الكلام على لسانه وجاسم كمل وقال..مش كفايه انكم بتوهموها ان اخوها فعلا عايش وسايبينها مغيبه كمان عايزين تستغلو مرضها وتجوزوها لحد مبتحبهوش لمجرد انو يعرف بظروفها وراضي

مختاؤ قال بغضب.... انا معرفش انت ازاي عرفت كل ده بس لو لسانك نطق بحاجه هقطعهولك غور من هنه مش عايز اشوفك في البلد كلها لو باقي على حياتك يلا غور

جاسم قال بغضب و انفعال...لا مش همشي وهاخدها معايا البنت مريضه مريضه افهمو رحيل اتجننت اخوها ميت ولسه بتشوفه انتو مجانين اكتر منها البنت لازم تتعالج

و

بس قطع كلامو لما سمعو صوت شهقه جامده التفتو وراهم وشافو رحيل واقفه بصدمه ووقعت الحاجات اللي اشترتها من ايديها

 جاسم بلع ريقه بتوتر وحزن ورحيل بصتلو بصدمه ودموعها بتلمع في عيونها وقالت...انت ..انت بتقول ايه....انت فاكرني مجنونه ....لجل كده ده رايح جاي وراي ووووو 

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا