رواية حبيبي المدير الفصل الثالث وخمسون 53بقلم شيماء صبحي( جديده وحصريه فى مدونة قصر الروايات)
رواية حبيبي المدير الفصل الثالث وخمسون 53بقلم شيماء صبحي( جديده وحصريه فى مدونة قصر الروايات)
#الفصل_53
#رواية_حبيبي_المدير
#الكاتبة_شيماء_صبحي
الدكتور حرك راسه وقال بخجل مليان بتوتر:انا اسف يا استاذ بس انا عايز اقولك ان امك حامل؟
ياسر اتصدم وبصله وهو مش مستوعب هو بيقول ايه فمسك الدكتور من لياقة قميصه وقال بتهديد:اسمعني يا دكتور انا مش فاضي لاي هزار او سخافات في الوقت الحالي دا !
الدكتور اتكلم بتوتر:يا فندم انا بتكلم بجد امك حامل والله لو مش مصدقني شوف اي دكتور غيري وهيقلك نفس الكلام؟
ياسر بص لوالدته اللي فاقت بسبب الحقنه اللي الدكتور ادهالها وقال بعصبيه:انتي حامل؟حامل ازاي؟
ناني اتصدمت واتوترت فعدلت نفسها وقالت وهي بتوجه كلامها للدكتور:إنت متأكد يا دكتور ..يعني انا حامل؟
الدكتور حرك راسه وقال:ايوا يا مدام انتي في الشهر الاول لسا وانا شايف ان حضرتك تتابعي مع دكتور علشان صحة البيبي؟
ياسر اتعصب من كلام الدكتور وصرخ فيه:اخرج برا حالا يا دكتور بدل ما اطلع غضبي عليك واخلص البشريه منك!
الدكتور اول ما سمع كلامه خرج من الغرفه بسرعه وفضل يبص لرجالة ياسر بتوتر فقرب منه واحد ودفعله مبلغ وقال:نورتنا يادكتور!
الدكتور مردش عليه وجري من قدامهم بسرعه ووقتها ممدوح اتكلم وقال بتساؤل :هيا ناني مالها حد يطمني عليها منك ليه!
قرب منه واحد من رجاله ياسر وقال بضيق:اسكت خالص مش عايز اسمعلك نفس؟
ممدوح بصله بضيق وسكت ووقتها خرج ياسر والغضب ماليه وكان بيقرب من ممدوح وموجه سلاحه عليه وبيقول بِشر:وحياة امك مانا سايبك!
ناني خرجت بسرعه من الاوضة وقربت من ابنها وقبل ما يضرب الطلقه علي دماغ ممدوح ناني نزلت ايد يا سر في الارض وصرخت فيه:انت اتجننت ،وبعدين انت مسمعتش انا وضعي ايه انا حامل منه؟
ممدوح اول ما سمع كلامها اتصدم وبق يبصلها وهو مش مستوعب هيا قالت ايه وحس وقتها انه مش في وعيه وفي دنيا تانيه ..واما عن ياسر فبص لوالدته وصرخ فيها :انتي عاوزه ايه يا ماما دا..دا حقير ولازم اخلص منه؟
ناني حركت راسها بالرفض:ارجوك يا ياسر انت مش مجرم علشان تقتله ،وبعدين..نزلت عينيها في الارض وقالت بخجل:انا برضوا مش هينفع اربي الطفل دا من غيره..سيبه علشان خاطر اللي في بطني!
ياسر حس انه هيتجنن من امه فرجع ايديه ورا دماغه بتعب وقال بضيق:اوووف بق انا مش موافق؟
ناني قربت من ممدوح ووقفت قدامه وفتحت ايديها الاتنين علشان تمنع ياسر يقرب منه وقالت:لو هتقتله يا ياسر اقلتني قبله وبعدين اقبض علي الشاب التاني هو اللي معاه كل المعلومات اللي انت عايزها !
ياسر بصلها بضيق وبص لممدوح بكره وبعد تفكير حس انه لو قتل ممدوح فمش هيستفاد حاجه فبصلها وقال بغضب: ماشي هسيبه عايش بس لو ظهر قدامي في اي مكان تاني والله ما هحله !
ناني قالت بتوتر:انا هروح معاه..،ياسر بصلها بصدمه وهيا قالت بتوتر:يعني هوصله علشان اطمن انك مش هتقتله؟
ياسر حرك راسه بغضب وهيا قالت بصوت عالي:انت من امتي وانت بتتعامل معايا كده انت نسيت اني امك؟
ياسر بص لرجالته وشاورلهم يمشوا وهوا بصلها وقال:اعملي اللي انتي عايزاه انا اصلا مش فاضي علشان اضيع وقتي مع حثالة زي دا،بس انا قولت اللي عندي لو لمحته صدفه هقتله؟
ناني بصت لممدوح اللي كان تايه ومش حاسس باي حاجه حواليه وحركت راسها:خلاص شوف انت رايح فين وانا اوعدك انك مش هتشوفه تاني؟
ياسر خرج من الشقه وهيا لفت بجسمها وبصت لممدوح بجديه وقالت:قوم مستني ايه ،عاوزه يقتلك؟
انتبه ممدوح ليها وحضنها بفرحه وقال:انتي بجد حامل يا ناني،انا مش مصدق نفسي ،انا كنت فقدت الامل؟
ناني ابتسمت بسبب حضنه دا فلمست شعره وللحظة نست كل اللي عمله فيها فبعدها ممدوح وقال:ناني انتي بجد لسا بتحبيني؟
ناني برفض:لا انت ناسي انت عملت فيا ايه انت ضحكت عليا واخدت كل فلوسي'
ممدوح لمس خدها بحب وقال بزعل من نفشه:انا اسف يا ناني بس انا بحبك والله ونفسي نكمل مع بعض'
ناني بصت في عيونه بتوهان وكانت بتضعف قدامه ولاكن افتكرت ابنها وقالت بغضب:لا يا ديحة انا مش هسامحك وافتكر اني عملت كده ومنعته يقتلك علشان خاطر اللي في بطني واللي بفكر اصلا انزله لاني مش عاوزه اولاد منك؟
ممدوح مسك ايديها بلهفه وقال بدموع:لا يا ناني اوعي تفكري تعملي كده ،انا نفسي في الطفل دا من سنين ارجوكي سيبيه حتي لو مش عايزاني بس سيبيه ؟
ناني بصت في عيونه ولقت انه صادق فحركت راسها وقالت:قوم يا ديحه امشي قبل ما ياسر يرجع ووقتها هيخلص عليك فعلا؟
ممدوح حرك راسه وقام علشان يمشي وقبل ما يختفي من قدامها بصلها بحزن وهيا كان نفسها تقرب منه وتحضنه بس كبرياءها منعها فسابته يمشي وفضلت هيا مكانها لانها واثقه ان محدش هيقرب منه !
وعند ممدوح كان جري باقصي سرعه وخرج من الشارع اللي كان فيه واول ما وصل قدام كشك طلب التيلفون بسرعه بتاع صاحب الكشك واول ما اخده اتصل علي رقم منعم لانه حافظه علشان لو حصل معاهم موقف زي دا وفي خلال دقايق منعم رد عليه وممدوح قال :انا ممدوح يا منعم انت فين ؟
منعم بلهفه:ايوا يا عم ممدوح انت بخير ، قولي انت فين وانا هجيلك؟
ممدوح بص علي المكان اللي هوا فيه وسأل صاحب الكشك عنه واول ما بلغه صاحب الكشك اسم المنطقه بلغ منعم علي طول ومنعم رد عليه:خليك مكانك وانا هكون عندك في خلال دقايق؟
ممدوح وافق وقفل معاه المكالمه ووقتها خرج منعم من الشقه وبعت رساله لماهر وبلغه ان ممدوح ظهر وانه هيجيبه للشقه وهيستني رده عليه علشان يشوفوا هيعملوا ايه؟
وفي خلال ربع ساعه وصل منعم للمكان اللي ممدوح قاعد فيه واول ما شافه من بعيد وقرب منه حضنه بلهفه وقال بصدمه من شكله:انت هربت منهم ازاي وهما عملوا فيك ايه الحيوانات دةل؟
ممدوح رد السه :انا مهربتش منهم دا هوا اللي سابني بعدما عرف مني ان ماهر باشا اللي كان السبب؟
اتوتر منعم وبصله بصدمه وقال:انت اعترفت ليه يا عم ممدوح كده انت عملت مصيبه؟
ممدوح بقلق:دا كان هيقتلني يا منعم وانا معرفتش اقاوم كل الضرب اللي اخدته؟
منعم حط ايديه علي كتفه وقال:تعالي نرجع الشقه ونرتاح وبكره نعرف ماهر بيه بكل حاجه وهو يلاقي حل لان الوقت دلوقت اتاخر والساعة بقت ثلاثة الفجر؟
ممدوح حرك راسه بالموافقه وركبوا الاتنين العربيه واتجهوا للشقه!!
_________
وفي يوم جديد صحيت احلام بدري وجهزت ولما لقت ماهر صحي قربت منه وبلغته انها هتروح لمريم لانها وعدتها وطلبت منه يروح لشغله وهيا هتروح مع اي حد من الحراس فحرك ماهر راسه بالرفض وقال:لا استني انا هجهز بسرعه وهوصلك بنفسي؟
احلام اتكلمت باعتراض:انا مش عاوزه اتعبك بس يا ماهر ؟
ماهر رفع ايديه وقام من علي السرير وقال برفض:مينفعش اسيبك لواحدك استنيني بس كلها دقايق وهخلص ..نهي كلامه ودخل للحمام علشان يغسل وشه وهيا فضلت واقفه مكانها ولما لقت انه مُصر قررت تسمع كلامه وقعدت علي الكرسي ترتاح ووقتها جت في دماغها مروه فحست انها وحشتها جدا فقررت تتواصل معاها وكانت عارفه ان مروة زمانها صاحيه لانها بتصحي بدري فاتصلت عليها وفي خلال دقايق مروة ردت !!
اتكلمت احلام بحب:وحشتيني اوي يا مروه عاملة ايه'
مروة بابتسامه:الحمدلله يا احلام انتي عاملة ايه وكمان وحشتيني اوي ..انتي مكنتيش بتردي علي اتصالاتي ايه!
احلام بهدوء:معلش يا مروه اصل كنت مضغوطه لان مريم اختي كانت تعبانه وكنت معاها في المستشفي !
استغربت مروه وسالتها:وهيا مريم ايه اللي جابها عندك…مش كانت مشت ورحعت ما كان ما حت؟
شرحتلها احلام كل الحكايه فاتصدمت مروة وقالت:يا لهوي يا احلام انتي ازاي تعدي بكل دا لواحدك!
احلام ابتسمت ابتسامه حزينه وقالت:ربنا يخليه ليا ماهر مسبنيش لحظة وكمان مريم اتغيرت معايا ابتسمت وقالت:بدات احبها بصراحه!
ابتسمت مروه:انا كان نفسي انها تتغير علشانك يا احلام علشان انتوا ملكوش غير بعض!
ابتسمت احلام علي كلام صديقتها وقالت:ربنا يخليكي ليا يا مروة وتفضلي معايا دايما كده تجبري بخاطري بكلامك اللي زي العسل دا
!
ردت عليها مروة بحب:انتي تستاهلي تسمعي اجمل كلام يا احلام والله ، بس قوليلي فاديه دي راحت فين!
احلام ضمت كتفها باعتزاض:بصراحه معرفش بس انا اتجرحت منها جامد اوي يا مروة اتمني اتخطي اللي حصل دا !
مروه بحنيه:كويس انك عرفتي الحقيقه يا احلام بدل ما كنتي عايشه في وهم كل السنين دي،
بس اقولك حاجه انا قلبي حاسس ان كلامها دا غريب يا احلام يعني ازاي فجأة كده تعرفي ان عندك خاله وتطلع فجاه انها امك وتعمل كل دا مين يصدق الكلام دا!
احلام بتساؤل:تقصدي ايه يا مروة ؟
مروة بجديه:قصدي ان كلامها دا ناقص حجات كتير يعني مش منطقي يا احلام وبعدين لو كلامها دا حقيقي علي الاقل كان الجيران هيكونوا عارفين بوجود خالتك دي انما محدش بيذكرها او بيجيب سيرتها وكل الناس عارفين انك بنت فاديه..
احلام حست ان كلام مروه حقيقي لان فعلا عمرها ما سمعت عن خالتها دي وحتي الفرق بينها وبين اختها٧ سنين يعني مريم تقدر تفتكر لو كانت ليها خاله فعلا بس الغريب ان مريم لما سمعت كلام فاديه كانت مصدومة زيها زي احلام !
فردت احلام علي مروه وقالت:عندك حق يا مروه انا هدور ورا الموضوع دا بنفسي !
مروه اتكلمت بجديه:خليني اساعدك يا احلام !
احلام بابتسامه:لا يا حبيبتي مش عايزه اتعبك وبعدين انا هسأل اقرب ناس لبابا فهيكون الموضوع سري وكمان عمي ،عمي دا اكتر شخص هيفدني اوي؟
مروه بموافقه:خلاص ماشي يا احلام بسانا برضوا هكون معاكي علشان متكونيش لواحدك!
ابتسمت احلام وشكرتها ووقتها كان خرج ماهر وكان غير هدومه فاول مشافته احلام استاذنت انها هتنهي المكالمه مع مروه وقفلت معاها؟
قرب ماهر منها وهيا قالت بهدوء:صباح الخير يا حبيبي '
رد ماهر عليها بابتسامه:صباح النور يا روح قلبي عامله ايه النهاردة!
احلام بابتسامه:في حال احسن الحمد لله.،المهم انت طمني عليك نمت كويس ؟
ماهر بموافقه:ايوا الحمد لله . انا هو انتي فطرتي ولا لسا؟
احلام بتوتر:الحقيقه لسا اصل انا مليش نفس افطر النهارده!
ماهر حرك راسه باعتراض وقال:اسرح شعري ونفطر مع بعض ،طبعا انا مش عاوز اسمع كلمة مليش نفس دي انتي مش شايفه انك محتاجه تتغذي بعد الدم اللي فقدتيه دا؟
ايتسمت احلام وحركت راسها بالموافقه وقربت منه تساعده يسرح شعره وهو كان مبسوط باهتمامها فبعدما سرح شعره بصلها وقال بحب:انا عاوز اقولك خبر ممكن يفرحك!
بصتله احلام بانتباه وهو قال:المصمم المشهور اللي انا قولتلك هيصمملك فستان فرحك ،وصل مصر امبارح وممكن يجي بكره علشان ياخد المقاسات بتاعتك وهيصمم الفستان هنا في مصر !
احلام ابتسمت وقالت بفرحه:بجد يا ماهر؟
ماهر فرح انها ابتسمت فقرب من خدها قبلها بلطف وقال:بجد يا قلب ماهر عاوزك تكوني اسعد واحده في الدنيا دي ومش عاوز اشوف زعل تاني؟
ابتسمت احلام وحركت راسها وهو وقتها حط البرفان بتاعه وقرب منها وقال:خلينا ننزل نفطر مع حمزه زمانه صحي ومستنينا ؟
حركت احلام راسها بالموافقه ونزلوا وفعلا كان حمزه قاعد علي السفره مستنيهم فقال ماهر بمشاكسة:صباح الخير صاحي بدري عندك امتحان ولا ايه!
حمزه بضيق:ايوا دا اخر يوم!
ابتسم ماهرعلي شكله وقال:بالنجاح والتوفيق ان شاء الله؟
بصله حمزه بدهشه وهو قعد جمب احلام وتجاهله وابتسم'
وبعدما الفطار نزل علي السفره واتكلم مرسي وهو بيوجه كلامه لماهر:ماهر بيه امبارح وصل المهندس وبدأ شغل في جناح حضرتك!
ماهر حرك راسه بابتسامه:تمام يا مرسي !
مرسي بص لحمزه وقال :حمزه بيه تحب حضرتك اجهزلك قهوتك ؟
حمزه برفض:لا يا مرسي متتعبش نفسك انا هشربها في الجامعه!
مرسي حرك راسه واستأذنهم ومشي وهما بدأوا يفطروا؟
________في الشقه عند منعم؟
ممدوح كان نايم نوم عميق وبيصدر اصوات عاليه وكان منعم نايم في الغرفه المجاوره والصوت واصله فصحي بضيق وهو بيدعي علي ممدوح بسبب الاصوات المزعجه اللي بيصدرها وهو نايم فافتكر وقتها الرساله اللي بعتها لماهر باشا اكلترح فقرر يشوفه رد عليه ولا لا وفي نفس اللحظة كان ماهر انهي فطاره وماسك تيلفونه وبيبص فيه ولما شاف رساله منعم رد عليه وبلغه انه هيجيلهم الشقه في خلال ساعه!
اول مشاف منعم رده قام بسرعه وهو بيبص حواليه ولقي ان الشقه مش متنظفه لان امبارح كان هو وممدوح مبهديالها بعدما شربوا البيره؟
اتجه منعم لغرفه ممدوح وصحاه بلهفه وهو بيقول:قوم يا عم ممدوح ماهر بيه علي وصول واحنا لازم نروق الشقه !
فاق ممدوح وهو مصدع ولما انتبه لمنعم قال بضيق:ما تسيبني ارتاح هو انا مش واضح عليا التعب!
منعم بشهقه:بقولك ماهر باشا علي وصول قوم خلينا نعدل اللي بوظناه دا؟
اول ما سمع ممدوح كلامه قام وبدأوا الانين ينظفوا في الشقه بكل سرعه؟
_________وفي المستشفي
عند مريم اول ما صحت لقت حسن لسا نايم علي الكرسي وواضح عليه التعب بسبب نومة علي الكرسي فـ قربت منه علشان تلمس خده لان شكله كان بريئ اوي وهو نايم واول ما لمسته حسن قام بخضه وهو بيبص حواليه !
مريم ابتسمت واتكلمت بسرعه:دا انا يا حضرت الظابط متقلقش!
حسن بصلها وغمض عينيه براحه وبعدها مسح بايديه علي وشه وقال بصوت مليان نوم:خضتيني يا مريم '
مريم بتساؤل:هو انت علي طول بتصحي مخضوض كده؟
حسن حرك راسه برفض وقال:لا بس لما بكون مقلق من حاجه'
حركت مريم راسها بتفهم وابتسمت وهوا قام وقف وقال:هروح اغسل وشي وارجعلك،حركت مريم راسها بالموافقه وهو خرج من الغرفه وقفل وراه الباب.
وعند ماهر واحلام كانوا ركبوا العربيه وكانوا في طريقهم للمستشفي وفي الطريق كانت احلام بتفكر في كل كلمة قالتها مروه واقترحت كلام مروه علي ماهر..
ماهر اول ما سمعها حرك راسه باندهاش وقال:عندك حق يا احلام الموضوع دا في وراه سر كبير ومروة بتفكر صح!
احلام حركت رأسها بـ قلق وقالت:تفتكر ان فاديه بتكدب وان القصه دي معكوسه؟
ماهر بتفكير:ممكن يا احلام واحتمال كبير فعلا تكون بتكدب علينا وعايزانا نصدق كلامها دا لغرض ..احنا مش عارفينه؟
احلام ضمت حاجبها وقالت بحزن:انا هروح اتكلم مع عمي وأشوف اصل الحكايه اكيد هيفدني باي معلومه انا معرفهاش؟
ماهر حرك راسه بالموافقه وقال:خلاص اتفقنا وانا هاجي معاكي ،خليكي انتي اقعدي مع مريم شويه وانا عندي كام مشوار هخلصهم وهاجي اخدك ونروحلة علي طول !
احلام حركت راسها بالموافقه وهوا كان بيرتب كل كلامها في دماغه وبيفكر فيه من تاني.
وبعد وقت وصلوا قدام المستشفي فخرج ماهر معاه وقرر يوصلها لحد الغرفه وكان في الغرفه حسن قاعد وبيحاول يأكل مريم وياكل معاها فاول ما الباب خبط ردت مريم وسمحت للي بيخبط بالدخول'
دخلت احلام وهيا مبتسمه واول مشافتها مريم ابتسمت وشاورتلها تقرب واحلام قالت:ماهر معايا؟
حسن شال الصينيه من قدامه وحطها علي جنب ووقف بعدما مسح ايديه كويس علشان يسلم علي ماهر واللي دخل وهو بيقول:صباح الخير عامله اي دلوقت يا مريم!
ابتسمت مريم وردت عليه:انا بخير الحمدلله !
ماهر رد:ربنا يكمل شفاكي علي خير،وجه كلامه لحسن: وانت اذيك يا حسن باشا ؟
حسن قرب منه وسلم عليه وقال:الله يسلمك يا ماهر بيه..لامؤاخذه اني بسلم عليك وايدي مش متنظفة كويس!
ضحك ماهر وحرك راسه بتواضع:لا متقولش كده دا انا يشرفني اني بسلم عليك!
ابتسم حسن وشكره وبعدها ماهر استأذن منهم وبلغ مريم انه هيجي ياخد احلام بعد ساعتين ثلاثه وهيا ابتسمت ووافقت!
فمشي ماهر وحسن كمان استأذن منهم علشان يروح القسم ووقتها مريم طلبت منه يخلي باله علي نفسه وهوا ابتسملها وحرك راسه بالموافقه وخرج؟
احلام بصت لمريم وقعدت مكان حسن وقالت بابتسامه:طمنيني عليكي عامله ايه النهاردة '
مريم بهدوء:الحمدلله في تحسن'
احلام طبطبت علي ايديها وقالت:ربنا يكمل شفاكي علي خير يا حبيبتي وتقومي بالسلامه!
مريم مسكت ايديها وقالت بلطف:طمنيني انتي عليكي عامله ايه؟
اتنهدت احلام وقالت:بحاول اتأقلم بصراحه ،بس ان شاء الله خير؟
مريم حركت راسها بطلف وشاورتلها علي الصندوق اللي جابه حسن ليها من الجبل وقالت:احلام افتحي الصندوق دا هتلاقي فيه لبس بدوي بتحبي اللبس البدوي؟
ابتسمت احلام وحركت راسها بفضول وقربت من الصندوق وفتحته واتصدمت لما شافت اللبس ..بصت لمريم وقالت:دا..بجد مش كده!
ضحكت مريم وحركت راسها وقالت:تقدري تختاري اي طقم يعجبك واعتبريه هديه مني ليكي!
احلام حركت راسها بحماس وبدات تختار طقم وعجبها واحد جدا فمسكته وحطته قدام مريم علشان تشوفه وقالت بتساؤل :بس طقم زي دا هلبسه بمناسبه ايه؟
مريم بضحكه:الاطقم دي بدويه بس مش خروج..الحجات دي هما بيعتبروها زي قمصان النوم عندنا ..فاكيد فهمتيني يا احلام؟
احلام وشها احمر بخجل وحركت راسها وقالت:بس دي مكشوفه اوي ..هتداري ايه ولا ايه بس؟
مريم ضحكت علي كلامها وقالت :اي دا يا احلام امال انتي مجهزه حجاتك ازاي ..اوعي تكوني مشترتيش قمصان نوم؟
احلام بصتلها وحركت راسها برفض:لا اكيد اشتريت بس حجات مستوره شويه..فضلت احلام تبص علي اللبس بتفحص وبعدها قالت باعتراض:لا يا مريم دا عريان اوي؟
ضحكت مريم اكتر علي كلامها وقالت :انتي بجد مش معقوله ازاي يعني دا عريان امال لو شوفتي بق الحجات التانيه اللي مش بيكون ظاهر ليها ملامح هتعملي ايه!
وش احلام احمر اكتر وقالت:يعني دا بالنسبه للحجات التانيه مستور؟
مريم بموافقه:طبعا وبعدين اسمعي مني الراجل بيحب الحجات اللي فيها دلع دي انما المستور دا..مينفعش في المواقف اللي زي دي؟
احلام حطت الطقم في الصندوق وقفلت عليه وقربت من مريم وقالت بتساؤل:بس برضوا لازم الواحده تستر نفسها؟
مريم بمعارضه:بس دا جوزها يعني لو وقفت قدامه من غير اي حاجه هيبق عادي لانه حلالها ؟
احلام بتساؤل:طيب والكسوف..الكسوف اللي ببق حاسه بيه دا ايه دانا بكون خجلانه اوي؟
مريم بضحكه:ما دا طبيعي وعلي فكرة الكسوف دا اللي بيحلي اللحظة ،وانتي برضوا لازم تكوني دلوعه يعني القفش والجمود بيزهق الراجل يا احلام؟
احلام بتوتر:دا انا كنت عامله حسابي علي طقمين هلبسهم وكنت فاكرة انهم هيكونوا حلوين؟(احلام هنا تقصد طقم الكنغر وسمكة القرش)
فردت مريم وقالت:انسي خالص كل اللي الاطقم اللي عندك دي وانا اوعدك اول ما ابق كويسه واقدر امشي هاخدك واشتريلك كل الاطقم اللي نقصاكي وهيكونوا علي زوقي!
احلام حركت راسها بالموافقه وبدات هيا ومريم يتناقشوا في أمور خاصه بالبنات ومريم عماله تديها في نصايح وبسبب كلامهم دا الثقه زادت ما بينهم؟
__________عند ياسر كان راح يطمن علي اخر ٤ شقق موجودين وقبل ما يخرج من اخر شقه لقي صوت سرينه مالي المكان فصرخوا البنات اللي في الشقه وقالوا:اهربوا بسرعه دي الحكومه!
ياسر اول ما سمع كلام البنت جري باقصي سرعته وخرج من الشقه وطلع للدور العلوي وكان وقتها الفريق اللي جاي يقبض علي الشقه كان فريق حسن وحسن مكانش موجود معاهم ولاكن بسبب مهارة الفريق قدروا يلحقوا كل اللي في الشقه قبل ما يهربوا ومسكوهم ومن ضمنهم عنايات اللي كانت موجوده بأمر من ياسر؟
واما عن ياسر كان وصل للسطح وفضل يتابع اللي بيحصل من فوق لحدما ما اتأكد ان الحكومه مشيت نزل بسرعه وهرب قبل ما حد ينتبه ليه!
وفي القسم كان اللي هيحقق مع ادهم اللوا بنفسه فـ قعد معاه في غرفة التحقيقات وقال:انت متهم في قضيه اعتداء جن/سي وكمان ضربت نار علي بنت وكنت هتسبب في موتها لولا تدخل الجراحين ..وفي اربع قضايا اغتص/اب مرفوعين عليك ومعاهم تسع قضايا تحرش..حضرتك كنت بتخفي كل القضايا دي بمنصبك كمقدم صح؟
ادهم حرك راسه بالموافقه وقال بغضب:انا عملت كده علشان البنات دي تستحق وبالزات اللي ضربتها بالنار كان نفسي اخلص منها؟
اللوا باستفسار:دي نفس البنت اللي اتسببت في رفدك من ٨ سنين !
ادهم بغل:ايوا انا انتقمت منها علشان كده ..الحقيرة الخاينه؟
اللوا اتكلم بجديه:افهم من كلامك دا انك معترف بكل اللي عملته؟
ادهم بغضب:ايوا وانا هنكر ليه!
اللوا بزعل علي حاله:يا خساره يا ادهم دي تاني مرة تخون ثقتي فيك!
أدهم سكت ومردش واللوا قام من قدامه وقال:هتتعرض بكره علي النيابه واعمل حسابك انت منفصل رسميا من الداخليه ؟
ادهم ابتسمت بسخريه واللوا خرج وطلب من العساكر يرجعوه للحبس الانفرادي مرة تانيه!
وعند حسن في مكتبه دخل فريقه ومعاه البنات والشباب اللي مسكوهم من الشقه الاخيره وقال احمد بضيق:دول كانر في شقه دعا/رو في عمارة ٢٠ يا فندم في الزمالك؟
حسن رفع عينيه بصلهم من فوق لتحت بتقزز لحدما وصل بنظره عند عنايات ووقتها افتكرها لأنها هربت منه قبل كده وعناياه اول ما شافته اتوترت ورجعت كام خطوة لورا بخوف!!
قام حسن وقرب منها ووجه نظره عليها أكتر وقال:انا شوفتك قبل كده..انتي كنتي في شقة ١٤ وهربتي مننا؟
عنايات بخوف:لا يباشا انا او لمره اشوف حضرتك واتمسك اصلا؟
حسن شك اكتر فيها وقال وهو بـ يوجه كلامه لاحمد،دخلهم للحجز وسيب القطه دي احقق معاها '
احمد حرك راسه بالموافقه وشاور للعساكر ياخدوا البنات والشباب وفضلت عنايات قدام حسن وكانت باصه للارض بخوف؟
حسن قعد علي الكرسي بتاعه وحط رجل فوق التانيه وقال بتساؤل:قوليلي اسمك ايه؟
عنايات بتوتر:يباشا والله انا مليش ذنب ومش شغاله معاهم اصلا!
حسن بصلها بغضب وهيا ردتع ليه بخوف منه:اسمي عنايات يا باشا؟
حسن ابتسم وقال وهو بيولع سيجاره:مين صاحب الشقه دي يا عنايات؟
عنايات بكدب:معرفش يا باشا انا كل اللي اعرفه اننا بنشتغل وبناخد راتب كل شهر وخلاص؟
حسن بغضب:وحياة امك انتي هتحوري عليا انا يابت،قرب منها وقال بضيق:هتنطقي ولا اجيب واحد من رجالتي من اللي واقفين برا ينطقوكي؟
عنايات بخوف:لا يباشا خلاص هتكلم ..بص ياباشا الشقق دي في منها كتير يعني حوالي ٤٠شقه ياباشا واللي مشغلهم راجل كبره مدير اعمال مشهور ..،وبس يباشا دي كل معلوماتي؟
وقف حسن وقرب منها والسيجارة في ايديه وبيقربها من دراعها العاري وبيقول:وبعدين يا عنايات كده هتزعليني منك وانا زعلي وحش؟
عنايات بصت للسيجارة برعب وحركت راسها بتوتر:ياباشا انا كده هموت دا لو عرف اني اعترفت عليه مش هيسبني عايشه؟
حسن بعد السيجاره عنها وقال وهو بيعمر سلاحه:انا برضوا هخلص عليكي يا عنايات لو متكلمتيش..ها حابه تموتي علي ايد مين انا ولا البيه؟
عنايات بلعت ريقها وقالت:لا ياباشا وعلي ايه انا هقولك كل حاجه ..صاحب الشقق دي اسمه ياسر غنيم يا باشا..رجل الاعمال اللي فلس من كام يوم ؟
حسن حرك راسه بابتسامه وقال:حلو اوي يا عنايات كد انا احبك وقدرك وارميكي في الحبس؟
عنايات بصدمه:يباشا والله انا مظلومه انا اصلا مش شغاله معاهم حتي اسالهم؟
ضغط حسن علي جهاز انذار بيوصل للعسكري اللي واقف برا وفي خلال ثواني الباب اتفتح ودخل العسكري ومسك عنايات من ايدهيا وهيا كانت بتبكي وبتحلف لحسن انها بريئه فكان حسن بيتعامل معاها بتجاهل !
فخرج حسن علي طول وراح لمكتب اللوا وبلغه بكل اللي حصل وطلب منه اذن بالقبض علي ياسر واللوا كتبهوله وحسن اخدوه ورحع لمكتبه علي طول وبعد دقايق احمد دخل عليه وقال:ها يا ريس هنعمل ايه؟
حسن وهو بيبص علي الفراغ اللي قدامه:كده معلوماتنا عن مؤسس شقق الدعا/رة كملت؟
احمد بفضول:طلع مين يا فندم؟
حسن بهدوء:ياسر غنيم؟
احمد بصدمه:مش دا يا فندم المقدم اللي اترفد من الداخليه وبق رجل اعمال؟
حسن بموافقه:ايوا هوا يا احمد هتنزل انت وبقيت الرجاله وتقبضوا عليه.. وخد دا أمر بالقبض عليه؟
مد ايديه بالورقه واحمد اخدها منه وهو لسا مندهش وبيقول:وحضرتك يا فندم هتعمل ايه؟
حسن رد عليه:انا هكون مع ادهم بكرة وهو رايح للنيابة اهم حاجه ركز انت لان ياسر دا متورط في حجات كتير وممكن يكون خطر كمان عليكوا فخلوا بالكوا؟
احمد حرك راسه بالموافقه وخرج واول ما وصل لبقيت الفريق نشر خبر ان ياسر هو اللي هيتقبض عليه وبلغهم اسمه بالكامل ووقتها اتصدم كل الفريق!!!! يتبع بقلمي شيماء صبحي
تتوقعوا بق ايه اللي هيحصل الفتره الجايه وياتري احلام هتعرف مين امها؟ولا لسا في مفجأات تاينه🥺😅
تكملة الرواية من هناااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية حبيبي المدير الفصل الثالث وخمسون 53بقل…){kind=link}
تعليقات
إرسال تعليق
فضلا اترك تعليق من هنا