رواية حبيبي المدير الفصل التاسع وخمسون 59بقلم شيماء صبحي( جديده وحصريه فى مدونة قصر الروايات)
رواية حبيبي المدير الفصل التاسع وخمسون 59بقلم شيماء صبحي( جديده وحصريه فى مدونة قصر الروايات)
#الفصل_59
خرجت احلام بعدما لبست الفستان وكانت بتمشي وهيا مكسوفه جدا من شكل ماهر اول ما يشوفها!
فكان ماهر قاعد وبيتكلم مع مارك وفجاه دخلت عليهم احلام وهيا لابسه الفستان وكان شكلها ساحر بمعني الكلامه!!
وقف ماهر وهو مزهول ومكنش قادر ينطق ويقول اي كلمه فأكتفي بأنه يبصلها وعيونه بتشرح ليها كل الكلام اللي عاوز يقوله!
مارك اتكلم بزهول من شكلها: كنت اعتقد بانني فعلت شيء بسيط بداخل هذا الفستان ولاكن انتي اثبتي لي بانني وضعط كل لمساتي الساحرة بداخله!
ابتسمت احلام وبصت لماهر اللي ساكت وقالت:اي رئيك يا ماهر في الفستان؟
ماهر بابتسامه:يجنن عليكي يا احلام ، انا حاسس وكأني في حلم مش مصدق اني شايفك بالجمال دا كله؟
خجلت احلام من كلامه وبصت فى الارض فقرب ماهر منها وهو بيتأمل كل تفصيلة فيها وبيقول بحب..:طالعه وكانك اميرة من اميرات ديزني بجد مش معقوله يا احلام انا مبسوط جدا وراضي عن شكلك اللي سحرني دا؟
احلام قلبها دق بقوة من كلام ماهر ليها فقربت منه وحضنته وهيا مبتسمه وهوا غمض عينيه وهوا حاسس بانه اسعد انسان في الدنيا؟
اتدخل مارك وقال:خليني اشوفه عليكي من قريب علشان اعدل المقاس علشان يكون مظبوط عليكي اكتر!
احلام بعدت عن ماهر وقربت من مارك وبدا مارك يظبت المقاس عليها وكان بيسالها من الوقت للتاني لو مرتاحه في الفستان بعد التعديلات.
احلام بابتسامه:كده تمام انا مرتاحه فيه!
مارك ابتسم وحرك راسه وشاور ل ليزا تقلعها الفستان علشان يبدا يقفله !
ليزا اخدت ايد بنتها ودخلت تاني للغرفه الصغيره وبدات تساعدها تغير الفستان وعند ماهر ومارك!
اتكلم ماهر وسال مارك عن ديناته ومارك رد عليه وقال:انا مسلم ولاكن لم اصلي غير مرتين فقط وكان هذا بعد ان اعلنت اسلامي؟
ماهر بفضول:وليه مش بتصلي دا الصلاه حلوه جدا وبعدين دي الحاجة الوحيده اللي بتقربنا من ربنا؟
مارك بابتسامه :كنت احاول ان اتعلمها بالطريقه الصحيحة ولاكن لم يكن لدي الوقت المناسب لها ؟
ماهر ابتسم وعرض عليه فكره وقال:اي رئيك لو اعلمك انا الصلاه وبالمرة كلنا نعلمك تتكلم مصري علشان يعني تفهم كلامنا بدل ما بنكلمك بالانجليزي!
مارك عجبته الفكره جدا وحرك راسه ليه وقال:وانا موافق هنبدأ امتي؟
ماهر:ممكن بعدما ارجع من السفر علشان الموضوع محتاج وقت وانت دلوقت مش فاضي وانا كمان مشغول في ترتيبات فرحي لاني في الاول هعلمك تصلي بلغتك وبعدما تتعلم اللغه العربيه هتتعلم تصلي بيها لان دي لغةٍ القرآن الكريم الصحيحة؟
مارك حرك راسه بالموافقه وماهر ابتسم برضوا وفضلوا الاتنين مستنين احلام وليزا يخرجوا!
وفي الاسفل حسن وقف وقال:هروح انا للشقه علشان اجهز الغرفه علشان بكرا!
مريم بتساؤل:طيب ما تخليني انا اجهزها وبلاش تتعب نفسك ،اصل انا برضوا نفسي اجهز الغرفه بنفسي ؟
حسن كان هيرفض علشان ميتعبهاش بس لما لقاها مُصره وهتزعل حرك راسه وقال:خلاص انا مش هزعلك روحي انتي ومامتك واحلام وجهزوا الشقه براحتكم ،انا تقريبا خلصت كل حاجه وكنت واقف بس علي اوضة النوم بما انك عاوزه تجهزيها بنفسك يبق اعمليها انتي،،انا مقدرش ازعلك؟
مريم ابتسمت بفرحه وحركت راسها وهو قال:طيب انا هستناكوا برا في العربيه علشان اوصلكم معايا !
مريم حركت راسها وحسن قام وخرج ووقتها نزلت ليزا واحلام من فوق وقربوا منها فوقفت مريم وقالت بحماس:ماما ،،احلام اي رئيكم نروح شقتي انا وحسن ونجهز اوضة النوم بنفسنا اصله كان عاوز يجهزها هو بس انا رفضت وعاوزه اعملها علي زوقي؟
احلام ابتسمت وحركت راسها بالموافقه وليزا كانت موافقه فقالت:ماشي يا حبيبتي كويس جدا انك رفضتي انه يعملها هو؟
ضحكت مريم وقالت:الحجات دي بتكون مفجأة للعريس انما ان هو اللي يجهزها الموضوع غريب ..خلونا نروح علشان بكره مش هيكون عندنا وقت ويادوبك الحفلة هتاخد كل وقتنا؟
ليزا واحلام حركوا راسهم بالنوافقه فطلبت احلام منهم انها هتطلع تبلغ ماهر الاول ومريم وافقت فطلعت احلام وقربت من ماهر اللي قاعد وبيتكلم هو مارك وقالت:ماهر ممكن تيجي هنا ثواني!
ماهر حرك راسه ليها بالموافقه واستاذن من مارك وقرب منها وقال:خير يا حبيبتي!
احلام همست في ودنه:هروح انا وماما ومريم لشقه حسن علشان نفرش اوضة النوم لمريم ؟
ماهر ابتسم وبصلها لقي ان وشها احمر فحرك راسه وقال:خلاص ماشي يا احلام روحي معاهم بس انتي وشك احمر ليه كده؟
احلام بخجل:مفيش انا كويسه!
بص ماهر في وشها وضحك وهيا قالت:خلاص بق انا هروح علشان هما مستنيني تحت!
ماهر حرك راسه ليها وقال:هتروحوا مع حسن ولا بـ عربية من اللي هنا؟
احلام ضمت حاجبها:مش عارفه بس تقريبا هنروح مع حسن ..مش عاوز مني اي حاجه قبل ما امشي!
ماهر بابتسامه:خلي بالك علي نفسك!
احلام حركت راسها بالموافقه وشاورتله انها هتمشي وهو لما ابتسم هيا مشت ونزلت تاني وراحت لوالدتها واختها وقالت:لو جاهزين يلا بينا؟
ليزا وقفت وسندت مريم واحلام راحت سندتها من الجهه التانيه وخرجوا كلهم من باب القصر وكان حسن في استقبالهم فـ قرب منهم وسند مريم وركبها جمبه قدام وفتح الباب لـ ليزا واحلام وركبوا في الكرسي الخلفي وبعدها اتحرك حسن بالعربيه وخرج من القصر واتجه في طريق شقته!
في السجن!!!
كان ياسر قاعد وهو مخنوق وكان مش طايق اي حد يقرب منه ..ولاكن الكبير بتاع السجن لما لاحظ انه مغرور وشايف نفسه قرب منه واتكلم بصوته القوي وقال :طلع ياض اي حاجه معاك!
ياسر بصله بصدمه:افندم''انت بتكلمني انا بالاسلوب دا ياض انت؟
الكبير بتاع السجن بغضب:ايوا بكلمك انت هو انت شايف حد قاعد هنا غيرك!
ياسر قام والغضب ماليه وبصله بتحدي:غور من قدامي بدل ما اطلع غضبي كله عليك؟
الكبير بسخريه:اووو تصدق اني خوفت بص حواليه وكمل بسخريه:ركبي بترتعش من الخوف..جسمي قشعر من كلامك!
كل اللي في السجن ضحكوا علي كلام الكبير وياسر اتعصب من سخريته دي فقرب منه وصفعه في وشه بغضب وقال:انا هخلي جسمك يقشعر بحق وحقيقي يا كلب!
الكبير اتصدم وبص علي ياسر والغضب ماليه وقبل ما يقرب منه ويردله الضربه اتدخل ادهم واللي كان قاعد ومتابع كل الحكايه بصمت ولما لقاهم عاملين حفله علي ياسر قرب منه وقال:خير عاملين دوشه ليه؟
الكبير كان عارف ادهم وانه مقدم في الداخليه فهابه وخاف من غضبه وبعد عنه بسرعه وفضل ادهم يبص علي ياسر وهو بيحاول يتعرف عليه وبيقول:انت جاي في ايه هنا؟
ياسر بضيق:وانت مالك انت ما تخليك في حالك!
اتضايف ادهم وبصله بغضب:دا انت لسانك طويل بق ومش هامك حد فعلا!
ياسر صرخ في وشه:كل واحد يتزفت ويخيله في حاله ويبعد عني علشان انا لحد دلوقت مش راضي ازعل حد فيكوا؟
ادهم اتضايق من كلام ياسر فشاور للكبير يجي هو وبقيت الرجاله اللي في السحن وأمرهم يضربوا ياسر علقه محترمه علشان قليل الادب؟
ياسر فضل يقاوم فيهم بكل قوته ولاكن كان عددهم اكبر منه!! وبعدما ضربوه وخلوه مش قادر يتحرك بعدوا عنه وفي الوقت دا قرب ادهم منه ااني وقال:جاي في ايه؟
ياسر بضيق:علي فكره انا ظابط سابق وممكن ازعلك مني متفكرش اني خايف منك !
ادهم بسخريه: تصدق خوفتني من كلامك ..ما تنطق ياض جاي في ايه؟
ياسر بغضب:خليك في حالك واركن علي جنب يا اما ورحمت امك لهخلص عليك !
ادهم صفعه علي وشه بضيق وفي الوقت دا اتكلم ياسر تاني بغضب:انت شكل امك معلمتكش الادب ولا انت ملكش ام اصلا؟؟
اتعصب ادهم من كلامه والدم غلي في عروقه ولما ياسر ختم كلامه وقال:شكل اللي دخلتك السجن واحده ست علشان كده متضايق!!
ادهم محسش بنفسه وهو بيغرز المط/وة في جسم ياسر واللي بسبب الخبطة دي ياسر كان بينزف دم بقوة فاتكلم حسن وقال:شكلك مش ناوي تجيبها لبر يا حيوان انت؟
ياسر صرخ من الوجع و كح بتعب ولما ادهم لاحظ ان حضرت الصول جاي بعد عنه واول ما دخل الصول والظابط اتصدموا لما شافوا حالة ياسر ولما سالوا:مين عمل فيه كده
!
الكل سكت ومردوش ولاكن لما صرخ الظابط في وشهم وهددهم كلهم شاوروا علي ادهم اللي كان قاعد وحاطت رجل علي رجل ومش هامه حد!
العسكري قرب من ياسر علشان يساعده ولما الظابط بص علي ادهم اتضايق فقرب منه وقال:انت عارف انت بتلعب مع مين ولا عارف وبتستهبل!
ادهم بصله ببرود ومردش عليه فالظابط طلب من العساكر ياخدوا ادهم للحبس الانفرادي وأمرهم يعذبوه علشان اللي عمله في ياسر واما بالنسبه لياسر فحولوه للمستشفي يتعالج لان جسمه كله كان دم ومتكسر بسبب العلقه اللي اخدها!
في شقه حسن!!
دخلت مريم وجمبها امها واختها وحسن بعدما فتحلهم الباب بلغهم انه هيشرب سيجارا في البلكونه لحدما يخلصوا براحتهم!
فحركوا راسهم واتحركوا كلهم للاوضه واللي كانت واقفه علي تعديلات بسيطه فابتسمت مريم لان الاوضه شكلها حلو فبصت لاختها وقالت بضحكه:تعرفي اني مبسوطه اوي !
احلام بإبتسامه:يارب دايما تكوني مبسوطه يا حبيبني!
ابتسمت مريم بحب وبصت لوالدتها اللي قربت من الدولاب ولقت في لبس مريم وقالت:ماما انتي جبتي الطقم اللي طلبته منك !
ليزا حركت راسها وقالت ايوا بعته امبارح مع واحد من رجالة ماهر وقالي انه وصله هنا بنفسه استني اسال حسن حطه فين!
احلام اتكلمت وهيا بتشاور علي علبه فوق الدولاب هوا اللي فوق الدولاب دا مش كده؟
مريم بصت للطقم هيا وليزا وحركوا راسهم فقربت احلام وقالت:خلوني اقف علي الكرسي واجيبه انا !
احلام قربت من الكرسي ووقفت عليه وبدات تشد الطقم اللي فوق الدولاب لحدما شالته ونرلته وكان طقم سرير ليوم الدخله للعروسه!
احلام بابتسامه:الله يا مريم دا حلو اوي!
ضحكت مريم وحركت راسها بابتسامه:تعالوا نفرشه مع بعض يلا!
كلهم حركوا راسهم وبداوا يفرشوا السرير بكل حب وكانت مريم بتساعدهم بكل اللي تقدر عليه وبعد وقت مش كبير اوي خلصوا فاتجهت مريم لباقي الشقه علشان تشوف لو في حاجه يعملوها بس لما لقت ان الشقه مظبوطه ومش ناقصها حاجه رجعت تاني للاوضه وبداوا يحطوا قمصان النوم الخاصه بمريم في الدولاب وبعدما خلصوا بصوا للاوضه بفرحه لان شكلها كان حلو فخرجوا كلهم ومريم اتجهت للبلكونه علشان تبلغ حسن انهم خلصوا فلقته قاعد علي الكرسي اللي في البلكونه ونايم علي نفسه!
ابتسمت مريم علي شكله وقربت منه وقرب من شعره ومشت ايديها عليه بلطف فلقت حسن بشدها عليه من وسطها وبيدفن راسه فوق بطنها!
مريم حست بالم ولاكن كانت مبسوطه ان حسن بيحبها كلً احب دا ،،لمست خده واتكلمت بلطف:حسن!!حسن احنا خلصنا؟
فاق حسن علي صوتها وبصلها وقال باهتمام:خلصوتوا خلاص كل حاجه!
مريم:ايوا كده الشقه مش ناقصها حاجه كله تمام!
ابتسم حسن وحرك راسه ليها بالموافقه وقال:خلاص انا هاجي اخدك بكره بدري علشان تروحي للميكب ارتيست بلاش هيا تجيلك علشان انا عاوز اجيلك هناك الاول علشان اخدك ونعمل سيشن حلو لصورنا؟
مريم حركت راسها وقالت:انا مكنتش هجيب ميكب ارتست اصلا انا كنت هعمل ميكب لنفسي بس مادام دا قرارك انا ماعنديش اي مانع!
حسن ابتسم علي كلامها وقام وقف ولما انتبه انه كان حاطت راسه علي مكان الجرح بصلها وقال بخوف :مريم انا اسف ما اخدتش بالي خالص والله هو الجرح بيوجعك!
مريم ردت عليه بابتسامه:لا متقلقش انا لو كنت حسيت بوجع كنت صحيتك من بدري بس ما تقلقش انا بخير والله '
حسن قبل ايديها وحرك راسه وقال:خلاص ماشي خليني يلا ارجعكم تاني للقصر علشان ترتاحوا!
مريم حركت راسها وخرجت هيا وحسن وقربوا من ليزا واحلام وبلغوهم يتحركوا!
ركبوا كلهم في عربية حسن ورجعوا تاني للقصر!
وتاني يوم كانت مريم صحيت بدري لانها متحمسه فنزلت علشان تفطر ولقت احلام وماهر ومارك وليزا وحمزه مستنينها فابتسمت وسالتهم:هو انا صاحيه بدري ولا متاخر!
ضحكوا وردوا عليها:لا بدري احنا كمان صاحين بدري علشان نستعد لليوم من اوله !
فرحت مريم من كلامهم وقالت:طيب خلونا نفطر علشان نبدا اليوم بق!
حركوا راسهم وقاموا كلهم وقعدوا علي السفره ووقتها نزل الفطار وكلهم فطروا؟
وفي شقه حسن كان اخد بدلته علشان يروح للصالون اللي هيجهز فيه ولما الساعه جت ١١ الصبح اتجه حسن للقصر علشان ياخد مريم ويوديها للصالون اللي هتجهز فيه لحفلة كتب كتابها؟
مريم كانت لبست دريس بسيط وليزا كانت مجهزالها الفستان علشان تاخدوا معاها للصالون وبالنسبه لاحلام قررت انها تروح مع مريم هيا وليزا علشان يجهزوا معاها وماهر ومارك وحمزه قرروا يجهزوا في القصر!
حسن وصل ولما شاف مريم ابتسم وسلم علي الكل وهمس في ودن ماهر بكلام مش مفهوم ومن الواضح انهم متفقين علي حاجه مع بعض!
بعدما سلم حسن علي الكل اخد مريم وخرج وليزا واحلام راحوا في عربيه تبع ماهر!
وبعد مرور خمس ساعات وبعدما جهزت مريم هيا وحسن وباقي افراد العائلة ..اتجه حسن للصالون وهو راكب عربية فخمه جدا ومجهزه بورد شكله يجنن مخصص للحظة دي!
احلام عدلت شعر مريم وفردته علي ضهرها واتاكدت من ان كل حاجه مظبوطه فبصتلها وابتسمت وقالت:كل حاجه كدا مظبوطة!
ليزا فضلت تبص من بعيد علي شكل بناتها وعيونها دمعت بحب وقربت منهم حضنتهم بكل حب وقالت:مش مصدقه انكم كبرتوا وبقيتوا عرايس قمرات كده!
احلام ومريم ضحكوا وردوا عليها: ربنا يخليكي لينا ياماما وتفضلي معانا للعمر كله!
اتسمت ليزا وقالت:يارب يا حبايبي!
بلغت المسؤله عن الصالون ان عريس مريم وصل فلفت مريم بجسمها وهيا خجلانه فدخل حسن وهوا شايل بوكيه ورد ومبتسم وكان بيقرب من مريم وهوا متحمس يشوفها وهيا كانت بتفرك في ايديها بخجل ولما لقته لمس كتفها لفت بهدوء واول ما شافها حسن قال بتوهان:تبارك الرحمن ايه القمر دا !
مريم ابتسمت بخجل وهو حضنها بحب وقال:الف مبروك يا روح قلبي!
مريم بابتسامة:الله يبارك فيك يا حبيبي!
بعد حسن عنها وسلمها البوميه وقال:خلصتي خلاص!
مريم حركت راسها وحسن مسك ايديها ولفها علي اديه وشكر كل اللي في الصالون وسلم علي احلام وليزا وبعدها خرج هو ومريم وركبوا عربيتهم!
مريم بفرحه:هو ايه اللي بيحصل دا يا حسن مش انت قولتلي ان اليوم هيكون عادي ليه مكلف نفسك وجايب العربيه دي كلها!
حسن مسك ايديها وقبلها وقال:انا عارف اني قولت كده بس انا طبعا مقدرش اني اجي بعربيه عاديه لان دا ليلة فرحنا يا مريم مش حفله زي ما انتي فاهمه!
مريم بصدمه:بتقول فرح..
حسن حرك راسه ومريم بكت بفرحه وهوا لما لاحظ بكائها قال بقلق:انتي زعلتي يا مريم ولا ايه!
مريم حركت راسها وقالت :لا مش زعلانه بالعكس انا فرحانه بس كنت مفكره اني هعمل حفله كده وخلاص وانا كان نفسي اعمل فرح!
ابتسم حسن ومسك ايديها وقال بحب كبير:انا عارف اني قلقتك وخبيت عليكي بس حبيت اعملهالك مفجأة وعلي فكرة انا اللي طلبت من الكل يخبوا عليكي !
مريم بتساؤل:يعني ايه يخبوا اليا انت قصدك ان احلام وماما وماهر والباقي كانوا عارفين!
حسن ضحك وحرك راسه وهيا حست انها قليله لدرجة انهم يضحكوا عليها بس لما فكرت انهم عملوا كده علشان يفرحوها سامحتهم كلهم وحضنت حسن بحب وقالت:ربنا يخليك ليا يا حسن انت مش عارف انا مبسوطه ازاي!
حسن ابتسم علي فرحتها وخبط علي ايديها وقال:وانتي كمان يامريم ربنا يخليكي ليا بس علشان خاطري خلي رقصك خفيف علشان الجرح!
مريم حركت راسها بالموافقه وبعد وقت وصلوا القصر ودي كانت مفجأة ضخمة لـ مريم لان القصر كان كله نور وكان متصمم بطريقه تجنن فبصت مريم لحسن بزهول:اي دا ياحسن هوا انا في حلم ولا ايه !
حسن ضحك وحرك راسه بالرفض:لا يا مريم كل اللي انتي شايفاه دا حقيقي!
عيونها دمعت لما شافت كل اللي عمله عشانها فحضنته بحب وهوا لفها وهوا مبسوط واول ما دخلوا مع بعض لداخل القصر كانمن الداخل اجمل واجمل بكتير ..
مريم فضلت تبص علي كل تفصيله بفرحه ولما بصت علي عيلتها جريت عليهم حضنتهم بكل حب لانها متوقعتش ابدا انهم هيعملوا كل دا علشانها!
حسن قرب من ماهر وسلم عليه وحضنه وبعدها مارك واللي كان بيغمزله وبيديله حبايه وحسن اتصدم وقال:هيا الحجات دي وصلت امريكا!
طبعا مارك مفهمش حسن قال ايه فاكتفي حسن بانه يحرك راسه بالموافقه وبيضحك وشكره وبعدها قرب من حمزه وحضنه وقال:عقبالك يا زقرد؟
حمزه ابتسم علي كلامه وبعدها حسن قرب من مريم وقال:خلونا نكتب الكتاب!
مريم ابتسمت وحركت راسها بالموافقه وقربوا كلهم واتجهوا للجنينه في لمكان المخصص للحفله وكان وقتها في معازيم ومن ضمنهم عم مريم وبقيت العائله واصدقاء احلام زي مروة وخطيبها وزمايل ليها وبالنسبه لمريم كانت احلام عزمت اصدقاء ليها من وهيا صغيره فـ فرحت مريم بوجودهم وسلمت علي الكل بفرحه!
وبعد كتب الكتاب اشتغلت اغاني وبدا كل الكابلز يرقصوا عليها ومن ضمنهم طبعا احلام وماهر وليزا ومارك وحسن ومريم ومروه وصابر !
حسن بص في عيون حبيبته وقال بفرحه:لمعة عيونك دي انا كنت مستني اشوفها والحمدلله اني شوفتها!
مريم حضنته بحب:شكرا يا حسن علي كل اللي عملته علشاني انت بجد خليتني اسعد واحده في الدنيا النهاردة !
حسن ابتسم ووقتها الاغنيه خلصت فكانت الراقصه التاني مخصصه لحسن ومريم بس فكل اللي كانوا بيرقصوا بعدوا عنهم وبدا حسن ومريم يرقصوا عليها وكان حسن محرص انه يكون هادي في الرقصه علشان خاطر مريم
فكان الكل متابعهم ومبسوط ..وبعد انتهاء الراقصه حسن شال مريم وهو بيضحك ومريم خجلت ودفنت وشها في حضنها ووقتها حسن غمز لماهر وماهر شاورله يتجه لشقته علشان يبدأ سهرته فابتسم حسن ومشي وهوا شايل مريم لحدما وصلوا لعربيتهم وركبها فيها بهدوء وبعدها ركب هوا جمبها وساق العربيه بكل فرحه واتحركوا لبيتهم!
وفي القصر الحفله كانت انتهت فكل المعازيم مشيوا وفضلت مروه وصابر واللي سلموا علي احلام وماهر ومروه اتعرفت علي ليزا ومارك وكانت مش مصدقه ان ليزا ام احلام فباركت لاحلام علي فرح مريم وباركتلها علي معرفتها للحقيقه وعودة والدتها ليها!
احلام بحب:حبيبة قلبي يا مرة متحرمش منك ولا من وجودك في حياتي ابدا! طمنيني عليكي عامله اي انتي وصابر!
مروه بابتسامه:خلاص الحمدلله وقعت فيرحبه وخلاص حددنا الفرح بعد ثلاث شهور؟
احلام بفرحه:الف مبروك يا روح قلبي اوعي تنسي ان فرحي الاسبوع الجاي انا كمان!
مروه بضحكه:انا اقدر انسي حاجه مهمة زي دي يا احلام برضوا!
ضحكت احلام وحضنتها و صابر قرب منها واخد مروه من قدامها واستاذنهم علشان يمشي وحمزه طلع غرفته ومارك اخد ليزا وطلعوا اوضتهم وفضلت احلام واقفه تبص لماهر اللي كان شكله زي القمر!
قرب ماهر منها وقال:مش يلا احنا كمان!
احلام بتردد من نظراته ليها:اصل انا كنت عاوزه ماما في موضوع وهيا مش عارفت راحت فين!
اتحركت احلام من قدامه بسرعه علشان تدور علي مامتها بس ماهر منعها ومسك ايدهيا وقال:علي فين مفيش هروب مني تاني..بص حواليه وقال : مفيش غير انا وانتي اصلا كله طلع ينام'
احلام خجلت وبصتله وقالت:فاضل بس علي فرحنا اسبوع اوعي تعمل اي حركه كده ولا كده!
ماهر بضحكه قويه:لا متخافيش مش هعمل اي حركات من دي !
احلام حركت راسها وهو مسك ايديها باسها وقال:هننام بس متخافيش انا مش بتاع الحركات دي ما انتي عارفاني !
احلام بموافقه: طبعا ..خلاص ماشي انا مش خايفه منك اهو وواثقه فيك!
ماهر ضحك ومسك ايدهيا وطلعوا لاوضتهم واول ما قفل الباب بصلها وهيا قالت بصدمه:يا مخادع..ضحك ماهر علي شكلها وقرب منها والابتسامه علي وشه مش قادر يشيلها فـ لمس خدها وقال بحب:وحشتيني يا احلام،،برغم
اني نفسي ادخلك جوا مني واقفل عليكي بس هصبر لاجل اتفاقي معاكي!
احلام بفضول:ياعني هنام بس!
حرك ماهر راسه بضحكه وهيا حركت راسها وجريت بسرعه علشان تغير هدومها واول ما خلصت قربت منه تاني وقالت:ادخل بق جه دورك'
ماهر بزهول:دوري؟
احلام:ايوا دورك مش انت عاوز تغير لبسك. ا علشان تنام مرتاح !
ماهر وهو بيقلع هدومه قدامها:مش محتاج اني اخد دور يا احلام متنسيش انك مراتي وعاد ياني اقلع واغير قدامك..😂
يتبع
تكملة الرواية الاخير من هنااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية حبيبي المدير الفصل التاسع وخمسون 59بق…){kind=link}
تعليقات
إرسال تعليق
فضلا اترك تعليق من هنا