رواية ليلة لا تُنسي الفصل السادس 6 بقلم دينا عبد الله)حصريه وجديده في مدونة قصر الروايات)

رواية ليلة لا تُنسي الفصل السادس 6 بقلم دينا عبد الله)حصريه وجديده في مدونة قصر الروايات)

رواية ليلة لا تُنسي الفصل السادس 6 بقلم دينا عبد الله)حصريه وجديده في مدونة قصر الروايات)

بصت علي الصندوق وقالت: ولسه محتفظه بكل حاجه جبتهالي.... هما اللي بيفكروني بيك و اللحظات الجميله اللي كنا بنقضيها سوا..... لو كنت اعرف اننا هنبعد عن بعض اوي كدا مكنتش سبت المكان ومشيت 

طلعت ورده حمرا صناعيه من الصندوق وقالت بابتسامة حزينه: قولتلي بحبك بس انا كنت صغيره مكنتش فاهمه معني الكلمه كويس.... بس انا دلوقتي عارفه وفاهمه معاناها اي وطول السنين اللي فاتت دي علمتني... احبك..... احبك وانت مش موجود

فلاش 

لؤلؤة بحزن: هنسافر.... طيب هنرجع هنا تاني 

فاتن: لا مش هنرجع هنعيش هناك يلا عشان هنمشي دلوقتي 

لؤلؤة بحزن: دلوقتي طيب دقيقه و راجعه 

كانت هتخرج عشان تشوف سيف قبل ما تسافر بس مسكت فاتن ايديها وقالت: انتي رايحه فين بقولك يلا عشان باباكي مستنينا 

وخدتها وطلعتها علي اوضتها وهيا كانت عايزة تشوف سيف قبل ما تسافر تشوفه للمره الاخيره 

ركبو العربيه ومكنش قدامها اي فرصه انها تقابله... بصت في مراية العربيه لمحته وهوا راجع من المدرسه وهوا بيجري ودخل بيتهم بصت لطيفه بحزن كان نفسها تودعه حست بالعربيه وهيا بتمشي وبتبعد وهوا بتبص علي بيت سيف بحزن 

باك 

بصت علي الصندوق وهيا بتفتكر كل حاجه فيه عروستها الصغيره لما اتقطع دراعها وفضلت تعيط وهوا اللي اخدها وخيط لها دراعها بنفسه لما كان بنات الجيران يتخانقو معاها ومتقدرش عليهم كان يقف معاها ويدافع عنها و يحميها منهم 

خدت الصوره اللي في قاع الصندوق كانت صوره ليها هيا و سيف ابتسمت وقالت: يا ترا شكلك عامل ازاي دلوقتي زي منتا ولا اتغيرت.... فاكرني ولا لا.... نفسي اشوفك اوي 

خبط باب الاوضه حطت لؤلؤة الحاجات في الصندوق وهيا بتقول: ادخل 

دخل عاصم حطت الصندوق علي الكمود بصتله بابتسامة وقالت: بابا 

قعد جنبها علي السرير وقال بحزن: كنت عايز اتكلم معاكي بخصوص لؤى 

لؤلؤة بابتسامة عكس اللي جواها: عارفه انت عايز تقول ايه... مش عايزاك تقلق انا مبسوطه ومتأكده من قراري 

عاصم بحزن وحنان: مش عايز يكون قرارك بالموافقه علي الجواز اكون انا السبب فيه... انا اقدر ادبر اموري كويس ومع الوقت عرجع كل حاجه 

مسك ايده وقالت بابتسامة عشان تطمنه: وانا واثقه فيك ومش عايزاك تقلق من اي حاجه انا حابه ادي لؤي فرصه ولو لقيته مش مناسب مش هكمل معاه 

خدها عاصم في حضنه وقال: ربنا يسعدك يا بنتي 

*

دخل لؤي الشركه والكل بيبصله بصدمه من وجوده فهوا يعتبر اكبر منافس لـ سفيان.... الكل بيتسائل عن سبب وجوده 

كان قاعد سفيان في مكتبه وبيتكلم في التليفون: يعني متعرفش مكانهم فين بالتحديد 

: لا والله يا باشا كل اللي عرفته انكم حاليا ساكنين في القاهره 

سفيان: ماشي اشكرك ولو عرفت اي حاجه كلمني

: حاضر يا باشا 

قفل سفيان المكلمه وهوا بيفتكر هيا هنا عنده في القاهره.... بس هيلاقيها ازاي وهوا مش عارف شكلها عنوان بيتهم اي..... اتنهد تنهيده عميقه 

دخل لؤي المكتب من غير ما يخبط ومقدرتش السكرتيره تمنعه..... بصله سفيان بدهشه من وجوده عنده في الشركه... قعد لؤي قدام سفيان علي المكتب وحط رجل على رجل وقال بوقاحه: اي مش هتطلبي قهوه ولا اي حاجه اشربها 

شاور سفيان علي السكرتيره عشان تمشي... مشيت وقفلت الباب بص سفيان علي لؤي ببرود وقال: عايز ايه 

لؤي بابتسامة مستفزه: مفيش قولت اجي اقعد معاك شويه وكمان اعزمك علي حفلة خطوبتي 

سفيان بسخرية: خطوبتك..... ومين بقاا دي اللي امها داعيه عليها 

لؤي: مقبوله منك....... الحفله هتكون بعد بكره.... وانا عارف ومتأكد انك هتيجي 

سفيان: واي اللي خلاك متأكد اوي كدا.... واي اللي خلاك اصلا تجيلي هنا بنفسك وكمان تعزمني علي حفلة خطوبتك 

لؤي: من حبي فيك يا اخي مش عايز افرح من غيرك..... بس برضو دا مش سبب وجودي لان فيه سبب تاني واهم 

سفيان ببرود: اللي هوا 

لؤي بمكر: لؤلؤة كنت عايز اعرف اذا فيه حاجه بينك وبينها ولا لا بسبب الاخبار اللي انتشرت عنكم في الفتره الاخيره 

استغرب سفيان من سؤاله عنها وقال: مجرد اشاعات مش اكتر وبعدين حتي لو فيه انت مالك 

لؤي بمكر: اصل مش عايزك تفكر اني باخد حاجه بتاعتك اصل لؤلؤة هيا مراتي المستقبليه اللي هخطبها بعد بكره 

بصله سفيان بشده مش عارف ليه ادايق من اللي سمعه بس اتظاهر بعدم اهتمام وقال ببرود: الف مبروك وهيا متخصنيش اصلا.... وياريت المره الجايه متدخلش عندي بالطريقه الهمجيه دي خلي عندك زوق 

ضحك لؤي باستفزاز وقال: وماله 

قام وكمل وقال: متنساش بعد بكره 

وسابه وطلع بصله سفيان وهوا بيضم قبضة ايده بغضب شديد وكان حاسس بنار بتحرق قلبه..... هوا مدايق اوي كدا ليه متتجوزه هوا ماله.... وهوا جاي اصلا يعزمه ليه... الا اذا كان عارف ان الموضوع هيدايقه عشان كده جي وكلمه عنها 

*

رجع سفيان علي البيت لقي حسام ماسك شنطه وبيسحبها وراه و زينه بتحاول تمنعه يمشي.... وقف لما شاف سفيان قدامه 

حسام بحزن: كان لازم من الاول ارفض اني اعيش هنا بس لولا زينه اصرت عليا انا مكنتش قعدت.... بس مش مشكله كل حاجه وليها وقتها..... خلي بالك من نفسك كويس 

بصله سفيان ببرود وسابه من غير اهتمام ومشي وكان طالع على اوضته وقفته زينه وهيا بتقول بغضب ودموع: انت هتسيبه يمشي...... هيطلع من البيت بسببك.... قوله حاجه امنعه 

بصلها ببرود وقال: وامنعه ليه هوا صغير.... هوا عارف كويس بيعمل ايه والصح فين 

بصتله نيره بغضب وقالت: لو بابا طلع من البيت دا انا همشي معاه 

سفيان ببرود: مع السلامه 

بصتله بصدمه بيتخلي عنها بالسهولة دي قالت بسخرية ودموع: الموضوع عادي بالنسبالك مش هتفرق لان عمرك في حياتك معتبرتنيش اختك...... زي ما يكون واحده غريبه في حياتك ومجبور تتعامل معاها ومجبور تقولها اختي قدام الناس 

قربت زينه منه وقالت بغضب ودموع: انت جايب القسوه دي منين 

بصلها ببرود وقال: منك 

بصتله بشده هزت راسها بنفي ودموعها بتنزل وقالت: انت مش ابني مش ابني اللي انا اعرفه مالك حصلك ايه..... انا امك ودي اختك ودا....... 

قاطعها بانفعال وغضب وقال: قولتلك مليون مره مش ابويا ولا هعتبره كدا ودي مش اختي بنتك انتي وهوا انا مليش علاقه بيها...... ولو عايزه تمشي معاه امشي 

بصتله بصدمه وقالت: عايزني امشي واسيبك 

سفيان: اختاري تفضلي معايا وتنسيه هوا خالص ولا تختاريه هوا وتنسي ان ليكي ابن 

بصتله بصدمه شديده ودموعها بتنزل وقالت: مستحيل اسيبك ومستحيل اسيبه هوا كمان دا جوزي وابو بنتي 

سفيان ببرود: اختاري انا او هوا 

كان حسام هيتكلم بس سكت لما ردت زينه علي سفيان وقالت: مش هسيبه 

بصلها سفيان قرب حسام منها وقال: انتي بتقولي ايه 

مسحت زينه دموعها وقالت: يلا نمشي من هنا..... يلا يا نيره 

حسام بصدمه: هتسيبي ابنك 

بصت زينه علي سفيان وقالت مماثل لبروده: اللي واقف دا مش ابني..... لما يرجع ابني اللي انا اعرفه يبقا ارجعله واتكلم معاها 

مسكت ايد نيره وطلعو من البيت... بصلها حسام بصدمه وبص لـ سفيان اللي كان بيبص علي زينه بهدوء وعنين خاليه من المشاعر كأنه مش زعلان انها سابته واختارته هوا.... راح خد شنطته وطلع من البيت وقفل الباب وراه 

لمجرد ان خرج حسام تجمعت الدموع في عينيه لم يتخيل انها ستتركه وتتخلي عنه وتختاره هوا بدل منه.... تخلت عن ابنها من اجل زوجها........ 

#يتبع

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا