رواية ليلة لا تُنسي الفصل الثامن 8 بقلم دينا عبد الله)حصريه وجديده في مدونة قصر الروايات)

رواية ليلة لا تُنسي الفصل الثامن 8 بقلم دينا عبد الله)حصريه وجديده في مدونة قصر الروايات)

رواية ليلة لا تُنسي الفصل الثامن 8 بقلم دينا عبد الله)حصريه وجديده في مدونة قصر الروايات)

مضي وقت من الفرحه والرقص وجاءت لحظت تلبيس الدبل..... كان سفيان طول الوقت بيبصلهم ونار الغيره التي لا يعرف سببها تحرق قلبه 

بص علي ايد لؤلؤة اللي مسكها لؤي عشان يلبسها الخاتم... لاحظ سفيان الساعه اللي كانت لبساها لؤلؤة قام من مكانه وهوا بيبصلها بصدمه الساعه دي عارفها كويس 

خد لؤي الخاتم وكان لسه هيلبسو في ايد لؤلؤة بس الكل انصدم من تصرف سفيان لما مسك ايد لؤلؤة فجاه وبصلها وقال بغضب و لهفه: جبتي الساعه دي منين

بصتله لؤلؤة بصدمه وهيا مش مستوعبة حاجه... رد بانفعال وقال: ردي علياااا 

بعده لؤي عنها بغضب جحيمي وقال: انت اتجننت ولا ايه اللي انت بتعمله ده..... ولا انت طلعت جنانك علي اهلك و دلوقتي هتطلعه علينا 

نزل سفيان بلكمه قوية علي وش لؤي وقال بغضب: انت بالذات متتكلمش خالص 

بصله لؤي والنار مشتعله في عينيه.... وقف معتز في النص بين الاتنين وقال: خلاص مش وقت خناق دلوقتي وانا بعتذر اللي عمله صاحبي 

بص معتز علي سفيان بغضب وقال: ايه اللي انت بتعمله ده... تعال معايا 

مسك ايده عشان يمشو بس بعده سفيان وهوا بيبص علي لؤلؤة وقال: مجاوبتنيش علي سؤالي جبتيها منين 

لؤلؤة بغضب: وانت مالك 

مسكها من دراعها بقوة وقال وهوا بيضغط علي دراعها: ردي عليا جبتيها منين 

اتأوهت بألم وقالت: الساعه دي بتاعتي معايا من وقت طويل 

بصلها سفيان بشده خده معتز وخرج بسرعه من القاعه قبل ما تحصل حرب بينه وبين لؤي دا غير الصحفيين اللي كانو بيصورو كل حاجه... كان تصرف غبي من سفيان باللي عمله 

بصت لؤلؤة علي طيف سفيان وهيا مش فاهمه عمل كدا ليه وليه سألها عن الساعه.... عاصم وهوا بيحاول يهدي الوضع: يلا يا لؤي لبس خطيبتك الدبله وبلاش تأخير اكتر من كده 

هز لؤي راسه ومن جواه بيتواعد لـ سفيان ومش هيرحمه علي اللي عمله.... مسك ايد لؤلؤة ولبسها الدبله.... بصت لؤلؤة علي الدبله حست بخنقه كبيره من دخلت اصبعها.... تذكرت سيف وهوا يلبسها خاتمه.... غمضت عنيها وهيا بتحاول تتقبل الواقع الذي لا مفر منه.... خدت هيا الاخري الدبله و لبستها في اصبع لؤلؤة..... صقف الكل بفرحه وسعاده كبيره 

وقف معتز قدام العربيه ساب سفيان وقال بغضب: تقدر تقولي اي الغباء اللي انت عملته جوه دا.... من امتي وانت بتتصرف كدا 

سفيان مكنش مركذ معاه وبيفتكر رد لؤلؤة 

"الساعه دي بتاعتي معايا من وقت طويل"

سفيان: بتاعتها ازاي 

معتز: فهمني عملت ليه كده 

سفيان: الساعه اللي هيا لبساها دي انا ادتها لـ لولو انا عارفها كويس مستحيل انسي شكلها 

مسح معتز وشه بضيق وقال: يادي لولو اللي مجنناك دي..... وهيا عشان الساعه شبه الساعه اللي انت ادتها لـ لولو تبقا هيا نفسها..... في يجي مليون ساعه شبه بعض 

سفيان: دي لا.... انا اللي طلبت من بابا يعملها بالتصميم اللي انا اخترته مفيش ساعه زيها لان انا اللي عامل تصميمها وشكلها وكل حاجه فيها 

معتز: يعني قصدك ايه لؤلؤة هيا لولو صديقة طفولتك 

سفيان بحيره: معرفش 

معتز: طيب ممكن تهدى و تروح ترتاح شويه ونتكلم بعدين في الموضوع ده وانا هدخل جوا اصلح المصيبه اللي انت عملتها 

"سبهولي انا هعرف اتعامل معاه "

قالتها بنت وهيا بتقرب منهم ببطئ وهيا تنظر الي سفيان وتحاول إثارته بجمالها وكانت ترتتدي فستان اسود لامع قصير يظهر من جسدها اكثر مما يستره وفي يدها كأس من الخم*ر

بصلها سفيان بضيق ثم ابعد نظره عنها ونظر للفراغ.... بصلها معتز وقال: نيكول كويس انك جيتي اتكلمي معاه انتي بقا وانا هدخل جوا واتكلم مع الصحفيين انهم مينشروش اي حاجه من اللي صوروها 

هزت راسها بابتسامة... سابهم ومعتز ومشي..... قربت نيكون من سفيان وحطت ايدها على كتفه بدلع وقالت: لسه بتفكر فيها..... اول مره اشوف واحد لسه بيفكر في عيله صغيره سابته من عشر سنين 

بصلها سفيان بضيق ونزل ايدها من علي كتفه وقال بغضب: ومش هنساها يا نيكول و هلاقيها 

شربت من الكاس بعدين قالت: ليه متعلق بحاجه من الماضي وسايب المستقبل قدامك 

فهم سفيان قصدها وقال: لاني مش هلاقي زيها يا نيكول 

ضمت نيكول قبضة يدها علي الكأس بغضب مكتوم وقالت: مش يمكن اتغيرت.... عشر سنين كفيله انها تغير بني ادم 

سفيان: بس انا واثق انها متغيرتش..... عن اذنك 

سابها وركب عربيته ومشي بسرعه.... بصت نيكول علي طيف عربيته وهيا بتشرب من الكاس وقالت: لما تلاقيها الاول يبقا نشوف اذا اتغيرت ولا لا 

خلص معتز شغله مع الصحفيين وأمرهم انهم مينشروش اي حاجه من اللي صوروها ومن خوفهم من سفيان نفذو كلامه والصور اللي خدوها حذفوها كلها 

وقف معتز فجأه لما لقي نورهان ظهرت قدامه وقالت ببرود مصتنع: ايه اللي عمله صاحبك دا مع اختي 

معتز باحراج: انا بعتذر علي اللي عمله بس كان سوء تفاهم 

هزت راسها بهدوء وقالت بفضول: هوا كان بيسأل ومهتم بالساعه اللي لبساها اختي اوي كدا ليه 

معتز وهوا بيستغل الفرصه عشان يكلمها: طيب اي رايك نقعد لوحدنا ونتكلم في اللي انتي عايزاه 

نورهان بسخرية: لوحدنا شكلك فاهني غلط.... انا مش زي المقرفين اللي انت تعرفهم 

معتز بسرعه: لا والله مش زي منتي فاهمه وبعدين انا اصلا مش من النوع اللي كل شويه مع بنت انا محترم اوي علي فكره 

ابتسمت علي صراحته وقالت: طيب ماشي هنشوف 

معتز: انا قصدي اننا نقعد في مكان هادي عشان نعرف نتكلم واشرح لك اللي حصل سببه اي 

نورهان بتفكير: ماشي..... تعال نقعد برا الجو جميل وهادي عن هنا 

هز راسها بسعاده وشاور لها انها تتفضل قدامه... مشيت نورهان قدامه بغرور مصتنع وهوا وراها وبيبصلها بحب

جبلها كرسي قعدت عليه وجابله واحد وقعد معاها وهوا بيبصلها بحب شديد وهوا تايه في جمالها عن قرب 

ابتسمت وقالت: هتفضل تبصلي كدا.... قولي سفيان عمل كده ليه 

معتز بجديه: بصي اصل الساعه اللي لبساها اختك.... شبه ساعه هوا عطاها هديه لوحده صحبته هما وصغيرين.... و اول ما شافاها افتكرها فسألها جايباها منين.... اصل هوا بيدور علي صحبته دي لانهم افترقو من عشر سنين وهوا بيدور عليها 

سكتت نورهان بتفكير وقالت: هيا صحبته دي اسمها ايه 

معتز: هوا ميعرفش اسمها الحقيقي بس اسمها الدلع لولو 

بصتله بشده وقالت: قولت لولو.... و افترقو من عشر سنين وجبلها ساعه شبه اللي اختي لبساها 

معتز: اه بالظبط كدا 

نورهان بشده وتفكير: بس اللي جابلها الساعه اسمه سيف مش سفيان 

معتز: اه مهوا قالها ان اسمو سيف مش سف........ 

سكت لما استوعب كلامها وقال بصدمه: وانتي عرفتي منين انه قالها اسمه سيف 

نورهان: لان الساعه اللي لبساها اختي جابهالها صديق وهيا صغيره اسمو سيف..... اللي واضح من كلامك انه هوا نفسه سفيان 

قام معتز من مكانه وقال بصدمه كبيره: يعني اختك لؤلؤة هيا نفسها لولو صديقة طفولته اللي هوا دلوقتي بيدور عليها 

نورهان: اه من الواضح كدا.... وعلي فكره هيا كمان بتحاول تلاقيه وتعرف مكانه لان هيا التانيه منسيتهوش 

سكت معتز وهوا بيحك دقنه بتفكير وقال: طيب انا عندي فكره.......... 

قامت نورهان وبصتله بابتسامة ذادت جمالها وقالت: وانا معاك 

*

دخل حسام الاوضه لقي زينه قاده وشارده ومش واخده بالها من رجوعه... قعد جنبها ومسك ايديها بصتله وقالت: انت رجعت يا حبيبي 

حسام: عملتي كده ليه..... اللي عمله دا انا متفهمه كويس... هوا بيحب باباه اوي ومستحيل يتقبل وجودي.... بس انتي امه ازاي هان عليكي تسبيه 

زينه بدموع: وازاي هان عليه يحطني في موقف زي ده... هوا ابني حته مني وعمري كله وانت حبيبي و جوزي وابو بنتي... ونيره مكنش ينفع اسيبها هيا اكتر وحده محتاجه وجودي جنبها...... كنت اعمل ايه 

حسام: معلش اعذريه..... اديه شويه وقت يمكن يرجع يفكر بطريقه صح 

حضنته زينه ودموعها بتنزل علي خدها بحزن و اشتياق لابنها... حضنها حسام وهوا بيطبطب عليها بحنان وحب 

*

دخلت لؤلؤة اوضتها بعد ما الحفله خلصت.... قعدت علي السرير وهيا بتبص علي الدبله في ايدها.... نزلت دموعها بتلقائيه..... مكنتش عايزه حد يلبس لها الدبله غيره... غيره هوا..... مانت متمسكه بكلامو ليها 

"اي دا"

"انا بشوف في التلفزيون لما واحد بيحب واحده بيلبسها خاتم في ايديها" 

" يعني انت بتحبني عشان كدا لبستلي الخاتم"

" اه.... عجبك"

"خليه علي طول في ايدك" 

" بس لما اكبر هيصغر علي ايدي"

" وقتها هجبلك واحد غيره وحقيقي عن دا... عشان انا لما اكبر هتجوزك "

فاقت من شرودها علي صوت التلفون معلنا وصول رساله جديده مسحت دموعها ومسكت التلفون وفتحت الرساله وانصدمت من اللي مكتوب 

"وحشتيني يا لولو..... عشر سنين وانتي بعيده عني طول الوقت كنت بفكر فيكي من لما سبتيني ومشيتي وانا بدور عليكي لحد ما اخيرا لقيتك.... يا ترا لسه فكراني.... صديق طفولتك سيف.... لو لسه فكراني هبعتلك لوكيشن لمكان تيجي دلوقتي انا مستنيكي "

قامت بسرعه اول ما بعت لها لوكيشن المكان.... طلعت من البيت جري خدت عربيتها ومشيت بسرعه علي العنوان وجواها لهفه كبيره انها تشوفه 

*

كان واقف سفيان جنب عربيته في مكان هادي مفهوش حد وهوا باصص للسما بحزن وارهاق شديد... وصلت رساله على تليفونه... طلع التلفون من جيبه وفتح الرساله اتغيرت ملامحه لصدمه من اللي قراءه

"وحشتني اوي يا سيف..... لسه فاكرني... انا لولو... سامحني مكنش ينفع اسيبك وقتها بالطريقه دي انا اسفه بجد..... نفسي اقابلك... انا تعبت لحد ما قدرت الاقيك واعرف مكانك واسمك الحقيقي..... لو فاكرني وعايز تشوفني وتعرف انا عرفتك ازاي هبعتلك دلوقتي لوكيشن لمكان تيجي دلوقتي انا مستنياك "

شويه واتبعت له لوكيشن المكان... ركب عربيته بسرعه من غير تفكير وطلع بأقصي سرعته 

*

وقفت لؤلؤة عربيتها في مكان قريب من البحر..... نزلت وبصت حوليها... لقيته واقف جنب عربيته وعاطيها ضهره وهوا بيبص في ساعته بلهفه ومستنيها بفارغ الصبر 

سمع صوتها من وراه 

: سيف......... 

#يتبع

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هناااااا