رواية لعبة الخداع الفصل التاسع 9 بقلم نشوه عادل(حصرية وجديدة في مدونة قصر الروايات)

رواية لعبة الخداع الفصل التاسع 9 بقلم نشوه عادل(حصرية وجديدة في مدونة قصر الروايات)

رواية لعبة الخداع الفصل التاسع 9 بقلم نشوه عادل(حصرية وجديدة في مدونة قصر الروايات)

#لعبة_الخداع التاسع 

ـ ي بت انتى اختى وبنتى ومقدرش ازعلك منك يلا قومى بقى جهزى نفسك عشان فيه حد مهم لازم اعرفك عليه

لقاء باستغراب: حد مين 

خالد بغمزة: هتعرفى بس لما تجهزى الاول 

لقاء: خالد انت عارف انى مش بحب كده الفضول هيقتلنى بليز قول 

خالد: طيب المفاجأة هى ان مراتى رجعت وانا عاوز اعرفك عليها بقى 

لقاء بصدمة: رجعت رجعت امتى وازاى تسمح ليها اصلا ترجع ع حياتك كده بمنتهى البساطة

خالد بابتسامة: لو صبر القاتل ع المقتول هيموت لوحده غيرى هدومك وحصلينى ع برة 

بالفعل ارتدت لقاء ملابسها سريعاً وخرجت لملاقاة تلك التى كانت سبباً فى حزن اخيها طيلة هذا الوقت خرجت ولم تجد أحداً سوى خالد 

لقاء: هى فين دى 

خالد: جاية حالا كانت بتشترى بس دوا لوالدتها وزمانها ع وصول 

لقاء باستغراب: دوا لوالدتها وع وصول ازاى 

خالد بابتسامة: بطلى تكلمى ف نفسك بدل ما تتجننى 

دق الباب وقام خالد بفتح الباب ودخلت زوجته مع صديقتها قائلة بحب وهى تعانقه: وحشتنى اوى ي حبيبى

نظرت لقاء الى تلك الفتاة التى تعانق اخيها وحينما ادارت وجهها لها كانت الصدمة 

لقاء بصدمة: انتى ....ازاى انا ...انا مش فاهمة اى حاجة 

خالد: اهدى ي لقاء 

لقاء: اهدى ايه انت رايح تتجوز البت اللى كمال زقها عليك وتقولى مراتك اللى هربت رجعت

خالد: ما هى مهربتش ولا حاجة 

لقاء: انت عاوز تجننى انا عاوزة افهم مين دى وازاى تجوز واحدة من الشارع 

ليأتى صوت كريمة من خلفها: بس انا بنتى مش من الشارع ي استاذة لقاء

لقاء بصدمة: بنتك .... ياسمين تبقى بنتك طب ازاى انا دماغى هتروح منى 

ياسمين بابتسامة: ايوة انا مرات خالد وبنت الدادة كريمة يمكن انتى عمرك ما شوفتينى قبل كده بس انا عارفاكى كويس 

لقاء: انا مش فاهمة حاجة طب لو انتى مرات خالد فعلا ازاى اتفقتى مع كمال وحبك 

خالد: انا هفهمك 

ليعود خالد بذاكرته الى اليوم الذى ذهب فيه الى لقاء ليخبرها بزواجه ويدعوها هى وزوجها ليعرفهم ع زوجته وحينها دخل الى حديقة الفيلا دون ان يشعروا ليصدم بالحوار الذى دار بينهما

كمال: ايه بتقولى اتجوز 

لقاء: ايوة واسمها ياسمين وواضح انه بيحبها اوى ومن زمان مشوفتش طريقة كلامه عنها 

كمال: يعنى الخطة اللى بجهز فيها بقالها فترة ملهاش لازمة 

لقاء: ايوة لان خالد من النوعيات الوفية ومفيش واحدة تقدر تلعب عليه وتخليه يخون مراته لا وكمان يثق فيها ويعرفها مكان فلوسه

كمال: يبقى لازم نلاقى حل تانى وبسرعة 

حينها خرج خالد مسرعاً وهو منهار وعاد الى شقته ليجد ياسمين ف انتظارهم وما ان رآها حتى ارتمى بين احضانها كالطفل باكياً 

ياسمين: بسم الله الرحمن الرحيم مالك ي حبيبى ف ايه 

بدأ خالد يقص عليها ما سمعه... ياسمين: طيب اهدى بس انت عرفتهم انا ابقى مين 

خالد: لا 

ياسمين: انا عندى حل 

خالد: حل ايه 

ياسمين: احنا هنخليهم يكملوا خطتهم دى احسن ما يلاقوا خطة تانية ومنعرفش هى ايه 

خالد: مش فاهم تقصدى ايه بالظبط 

عاد خالد من ذكرياته ليقول: وبعدها ياسمين اقترحت الفكرة انى اعرفكم انها هربت وتدخل ع حياة كمال بأى حجة وربنا سهل الموضوع من عنده لما لقينا اعلان الوظيفة 

ياسمين: وقتها كان كل همى ان اكشف حقيقته القذرة ليكى واعرفك ان قربه منك كان بس عشان الفلوس مش لانه بيحبك 

لقاء بحزن: انا اسفة أوى ليكم انا معرفش ازاى وافقته ع حاجة زى دى ازاى فضلته ع اخويا 

خالد: خلاص بقى ي بت ننسى اللى فات ونفكر ف الجاى وانا هخلى المحامى يمشى فى اجراءات الطلاق 

كريمة: واخيرا الشمل اتلم من تانى وحشتينى ي شيماء 

شيماء: وانتى كمان ي خالتى دايما كده مغلبنى معاكم ومشحططنى وراكم 

ياسمين بضحك: معليش ي اختى يتردلك ف الافراح ان شاء الله 

كريمة: وبعدين انا مش بطمن الا لما تكونى معاها 

شيماء: حيث كده بقى انا واقعة من الجوع 

كريمة: يلا ورايا انتم الاثنين نحضر الغدا 

خالد: جهزى نفسك يا لولو عندنا مشوار مهم بليل 

لقاء: مشوار ايه 

خالد: بليل هتعرفى ي كتكوتة 

لقاء: هو انت هتخسر حاجة لو قولتلى ع القليل اعرف رايحين فين عشان اجهز نفسى

خالد: امممم لا هسيب الفضول ياكلك كده لحد بليل هقوم اخد شاور 

دخلت لقاء الى المطبخ لتساعدهم .... مضى الوقت وحل الليل وكانت لقاء جاهزة على حسب الميعاد ونزلت مع خالد وياسمين الى الاسفل

ياسمين: خير ي خالد مشوار ايه اللى هنروحه

لقاء: ايه ده هو انتى كمان متعرفيش ده انا كنت لسه هسألك 

خالد بضحك: شكلكم بجد يفطس من الضحك اصبروا شويه ان الله مع الصابرين 

قام خالد بتشغيل سيارته وانطلق .... اما عند كمال الذى يجلس ويدخن سيجارته وجد هاتفه يرن برقم يعرفه جيدا ابتسم: ها طمنينى 

............: نزلوا دلوقتى بس معرفش راحوا فين 

كمال: ومروحتيش معاهم ليه ي شيماء 

شيماء: هو مكانش عاوزنى انزل معاهم وواضح انهم رايحين مكان مهم وحتى لو كده ما انت عارف ان ياسمين مش بتخبى عنى حاجة هتقولى طبعا

كمال: وانا عند وعدى ي شيماء أيا كان المبلغ هيكون ليكى ربعه 

شيماء بابتسامة: مضمنكش ي كوكو 

كمال: يعنى ايه

شيماء: يعنى عاوزة ضمان

كمال: اللى هو 

شيماء: تمضيلى شيك ع بياض 

كمال: انتى عبيطة ي بت انتى 

شيماء: خلاص ي عم بهزر معاك المهم دلوقتى لقاء هتعمل معاها ايه 

كمال: مبقتش تلزمنى خلاص كارت واتحرق 

شيماء: اشطا انا هقفل بقى عشان اطلع للولية اللى اسمها كريمة دى 

كمال: تمام وعرفينى اللى بيحصل اول بأول 

اغلق كمال الهاتف وابتسم قائلا: فاكر نفسه هو ومراته أذكية اوى بكرة نشوف مين اللى هيضحك ف الاخر

اما عند خالد الذى وصل الى شركته ووقف بسيارته امامها 

ياسمين بتهكم: لا والله هى دى المفاجأة انت بتهزر ي خالد ووو...يتبع

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا