رواية كذبه صنعت عشق الفصل الحادي عشر والثاني عشر والثالث عشر والرابع عشر والخامس عشر للكاتبه نورهان أشرف

 رواية كذبه صنعت عشق الفصل الحادي عشر والثاني عشر والثالث عشر والرابع عشر والخامس عشر  للكاتبه نورهان أشرف

رواية كذبه صنعت عشق الفصل الحادي عشر والثاني عشر والثالث عشر والرابع عشر والخامس عشر  للكاتبه نورهان أشرف

 الحلقه الحاديه عشر

جاسر بقوه: انت بتقول ايه يا يونس 

يونس بجديه: باقول انا عاوز اتجوز سمر انا شايفها انسانه كويسه ومحترمه اى بقا الغلط فى الحكايه واى المانع 

جاسر بسخريه:بجد انت صعبا على جدا ازاى ماتعرفش اي حاجه عن الهانم اللي انت دخلتها بيتي واللي انت عايز تتجوزها الهانم اللي انت دخلتها بيتي على انها انسانه محترمه وكويسه طلعت في الاخر انسانه زباله هربت من اهلها وكذبت عليك

 يونس بصدمه :انت بتقول ايه يا جاسر قولي انك بتهزر 

جاسر بجديه :لا انا مش باهزر انا حبيت اقولك بس وعرفك انت عايز تتجوز مين هو لو انت عايز تتجوزها اتجوزها انا معنديش مانع ده انا افرحلك من قلبي بس انا حبيت اعرفك انت هتتجوز مين لان ده حقك علي لان انت اخويا وصاحبي 

يونس بهدوء: تمام يا جاسر شكرا ليك

 جاسر بجديه: يونس لو انت شاكك في الكلام اللي انا باقوله دوت ممكن تروح ضواحى القاهره في المنطقه **** وتسال وتشوف الهانم هل فعلا زي ما هي ماقالت ولا هى فعلا هى كذبت عليك ولا لا

 خرج يونس من المكتب وهو يشعر بصدمه قويه وكبيره داخله لا يعرف لماذا حدث معه كل هذا لماذا كل ما يشعر انه يحب انسانه يجد فيها عيوب واخطاء لا يمكن لها ان تنغفر اما جاسر جلس على كرسيه وهو يقول: تتجوز مين بس دى مشاكلها كتير واكيد فى حاجه وراها كثير ثم تذكر ملامحها الباكيه فاخذ مفاتيحه وخرج من غرفه مكتبه تحت انظار السكرتيره المستغربه مما يحدث امامها في خلال دقائق كان يقود جاسر سيارته تجاه القصر لكي يتحدث مع تلك المجنونه كما يقول عنها

🌺🌺🌺🌺🌺🌺🌺🌺🌺🌺🌺🌺

كانت تهبط على ارض مصر الطياره الاتيه من باريس نزلت منها لمياء وهى تنظرت الى مصر واخذ تشتم عبيرها بكل حب وفرحه نعم هي تشعر بالسعاده لانها داخل احضان بلدتها الام ولكن اتا على بالها ذكرى زوجها الراحل فترقرقت الدموع في عينيها ونزلت على سلم الطائره وهي تقرا له الفاتحه وتحاول ان تستجمع قواها واتجهت الى خارج المطار واتجهت الى قصر السيوفي لكى تبدأ راحله طويله كبيره مع ذلك المتجر ابنها

في قصر السيوفي كانت تجلس ميرنا بكل بكل ملل وحزن على الكرسي فنزلت الى الطابق السفلي ولكنها وجدت جاسر يذهب الى المطبخ لاول مره 

في المطبخ كانت تقف سمر بمفردها و سماح وباقي الخدم يحضرون بعض الاشياء في المخزن اما هي كانت تقف تغسل الصحون ولكن عقلها يتذكر ماحدث معها بالامس ولكن اخرجها من ذلك صوت جاسر التى من خلفها وهو يقول: تصدق ان كل يوم بكتشف فيكى حاجه جديده امبارح كنت كذابه النهارده كذابه ومخادعه بقى انت بتكذبي علي صاحبي وكنت عاوزه توقعى في شباكك وتخليه يتجوزك احب اقولك انا موضوع خلص واني مش خليه يتجوز واحده زباله زيك

 سمر بغضب: انت بتعمل معايا كده ليه ولا انت عايز مني ايه اقولك على حاجه انا هاسيب الشغل خالص عشان تريح نفسك وتريحني 

اقترب منها جاسر الى حد الهلاك وهو يقول :انا مش عايز منك حاجه انا بس عاوز اعرف وراكي ايه 

سمر بدموع :والله مافي حاجه انا زي ما انت عرفت عني بنت ناس غلابه ابويا كان عايز يجوزني واحد اكبر مني في السن عشان يخد فلوس يبعنى يعنى وانا ماوافقتش على كده و سبت البيت وده كان اسود يوم فى حياتى لان استاذ يونس لما حب يساعدني خلاني اشتغل عندك ودي كانت اسوء حاجه في حياتي

 جاسر بسخريه:اسود حاجه في حياتك من ناحيه ايه بالضبط من ناحيت انك اشتغلش عندي ولا من ناحيه ان كل الخطط بتاعتك ادمرت 

 سمر بغضب :خطط اى وقرف اي انا اقل من كده بكثير انا بنت ناس غلابه ولا لي في الطور ولا لي في الطحين كل اللي يهمني اعيش حياتي مرتاحه ومبسوطه وانا محدش يزعلني عاوزه اعيش الدنيا دى مرتاحه ايه الغلط في كده وبعدين يا استاذ جاسر مش معنى ان حضرتك عايش طول حياتك في صراعات ان انا كمان اكون ضمن الصراعات دي  لا عشان كده ابوس ايدك سيبني في حالي 

جاسر بجديه :انا عايزك تتجوزيني 

توسعات اعين سمر بصدمه وهي تقول:  انت بتقول ايه يعني بعد ما كنت عايشه في صراعات وتقولي انك عاوز تاذيني وتعمل فيا ده كله دلوقت تقولي تتجوزيني ده ازاي ده 

جاسر بضيق: اللى انا اقوله هيتنفذ وانتى هتتجوزيني غصبا عن عينك وصحيح احب اقولك حاجه انا دفعت فلوس اللي على ابوك كلها يعني كده ابوك مبقاش عليه ربع جنيه لحد ومقابل كده انت هتكوني مراتى وتجيبي لي ولي العهد والورث لي 

كانت تقف ميرنا خلف المطبخ وتوسعت اعينها بصدمه من ذلك الكلام ماذا هل تلك الفتاه التي كان يريدها يونس زوجه له وايضا اخوها كل ما يحدث الان لا يصدقه عقل بشر بالاصح هو خيال لا اكثر من ذلك

ولكن اخرجها من كل تلك الاسئله صوت امها التي قالت بحب ميرنا

🌺🌺🌺🌺🌺🌺🌺🌺🌺🌺🌺🌺

كان يقود يونس سيارته وهو يشعر بالغضب العارم فهي قد ضحكت عليه واستغلت طيبته بطريقه سيئه اشعارته بقدر غبائه هل لتلك الدرجه طيبته تستخدم الي جرحه وجرح كرامته لتلك الدرجه هو سيء بالنسبه لهم كان يقود سيارته و لا يفكر سوى في تلك الاشياء التي تحدث معه حتى انه لم ينتبه الى تلك الفتاه التي خبطتها بالسياره اوقف السياره بسرعه ونزل من العربيه نظر الى تلك الفتاه التي تمسك رجلها بكل تعب ودموع وهي تقول: انت يا حيوان هو عشان ربنا اداك عربيه هتدوسوا على خلق الله حسبي الله ونعم الوكيل فيكم حسبي الله ونعم الوكيل فيكم 

يونس بهدوء: معلش انا اسف تعالى نروح المستشفى واشوف فيكى ايه 

الفتاه بدموع:بعد ايه بعد ما كسرتني ودمرت زهره شبابي حسبي الله ونعم الوكيل فيك يا شيخ اه الحقوني يا عالم الحقوني يا ناس الراجل ده داس على زهره شبابي بالعربيه يا خلق 

 يونس بغضب: يا بنتي هو انا عملتلك حاجه اهدي كده وعقلي و باذن الله مش هيبقى فيك حاجه وبعدين مانتى لسانك طويل اهو

 الفتاه بدموع: حتى لساني بتبص عليه حسبي الله ونعم الوكيل يا دنيا كسرتي فرحتي ربنا ينتقم منك مسح يونس على وجهه بغضب وهويقول : ربنا ينتقم منك تصدقي وتؤمني بالله انتي عايزه الحرق انتي تستاهلي اللي حصل فيكى والمفروض كنت تدوس على لسانك بدل راجلك 

 قال ذلك وذهب إلى سيارته دون ان يرف له جفن اما رنيم تحدثت بينها وبين نفسها وهي تقول: ايه ده هو هيسبنى ولا اى ده انا ما صدقت انى عرفت اعمل كدا من ثم تحدثت بصراخ اقسم بالله لو ماخدتني معك في قلب العربيه لعمل دلوقتى بث مباشر وافضحك

 نظر لها يونس بغضب وهو يقول: باقولك ايه يا بنت انا مش طايق نفسي ومش طايق اليوم اللي اتولدت فيه فما تخليش جنان يطلع عليك 

رنيم برومانسيه حالمه مش مهم المهم دلوقتى تاخذني توديني المستشفى 

يونس باستغفار: استغفر الله العظيم يا رب قلتلك كده من الاول وانتى قولتى لا

 رنيم ببرود: مش مهم خذني يلا

 نظر لها يونس بكره طب يلا قومى ادخلي العربيه 

رنيم بهدوء: لاشلنى 

 هنا توسعت اعين يونس وهو يمسح كفه بوجه ويقول: اهدا يا يونس اهدا يا ابني متعملش حاجه تندم عليها بلاش تقتلها عشان ما تدخلش فيها السجن

 رنيم بابتسامه :ما تقلقش كده كده دخله

اى رأيكم يابنات

12 =رواية كذبه صنعت عشق للكاتبه نورهان اشرف الحلقه الثانيه عشر

الحلقه الثانيه عشر 

حملها يونس بغضب ووضعها علي مقعد السياره وهو يقول: اعمل ايه تاني يا هانم

 رنيم بهدوء :تاخدني دلوقتي وتوديني المستشفى يا اما اقسم بالله هفضحك 

 ياسين بهدوء:ملوش لازمه انك تفصحنى وانا هوديكي المستشفى دلوقتي

 قال ذلك وهو يتجه الى المقعد الامامي على الكرسي وهي  تقول في سرها: والله والظاهر لعب معاكى يا رنيم واللي كنت بتخططيله حصل قالت ذلك واخذت تتخيل نفسها وهى تجلس هى يونس فى الكوشه بجانب بعضهم البعض

ام يونس اخذ يسب ويلعن حظه العصير على ماحدث معه ولا انه اوقعه في تلك المصيبه التي تركب في الخلف لا يصدق ما يحدث معه في هذا اليوم الغريب والسي فقل ما يحدث في هذا اليوم هو قرف لا اكثر من ذلك

🌺🌺🌺✍️🌺🌺🌺🌺🌺🌺🌺🌺

في شقه عبد الحميد كان يجلس على الاريكه وهو يعد الفلوس الذي اتا بها ذلك الرجل الذي قال انه من طرف سمر بكل سعاده 

سوسن بغضب: انا عاوزه افهم دلوقتى ازاي تاخد من راجل الفلوس من غير ما تسال عن بنتك فين

 عبد الحميد بجديه باقولك يا وليه انتي خلي الواحد يعد الفلوس بمزاج 

سوسن بغضب :مزاج ايه يا راجل انت بدل ماتتنحرر وتمسك الواد تضربه لحد لما يقولك بنتك فين بدل ماتاخذ الفلوس زي الاهبل 

 عبد الحميد بيزعق: باقولك ايه يا سوسن انزلي من على دماغي وبعدين كفايه ان البنت فاكره اهلها وبعتت لنا فلوس عشان نعيش بها 

سوسن بصراخ :فلوس ايه هم ايه مش مهم عندي حاجه دلوقتي غير بنتى عايزه اعرف بنتي فين يا ناس بنتي فين يا عالم

 عبد الحميد بسخريه: ماتقلقيش يا اختي على بنتك هتلاقيها هنا ولا هنا بتشتغل عشان تجيبلي ولا اخواتها الفلوس عشان تساعدني 

سوسن بغضب:انا مش هرتاح غير لما بنت ترجع في لحضني ثاني وبعدين انا ايش ضمني بنت شغاله ايه لا يا عبد الحميد الراجل ده لو جاه تانى هنا تمسك فيه وما تسبوش غير لما يقولك بنتك فين

 عبد الحميد بملل: ماشي ماشي قوم بقى حضرنا الاكل عشان انا جعان وعايز اكل ولا اقولك ما تحضريش حاجه انا هانزل اجيب اكل جاهز من بره احسن خلينا نعيش بقى زي البني ادمين 

سوسن بسخريه :وهو الاكل اللي من بره اللي هيعيشك زي بني ادمين بني ادمين عندهم حاجات ثانيه كثير مش عندك

 ضغط عبد الحميد على شفايفه وهو يقول :تصدق انك وليه نكديه يا سوسن قال ذلك وترك سوسن تنظر له بغضب وخرج من الشقه اما سوسن جلست وهي تقول ربنا يرجعك بالسلامه يا قلبي

🌺🌺🌺🌺🌺🌺🌺🌺🌺🌺🌺🌺

في قصر السيوفي كانت تقف لمياء وهي تنظر الى ابنتها بكل سعاده وهي تقول: وحشاني وحشاني اويوي يا ميرنا عامله ايه يا قلب ماما      

ميرنا بصدمه :الحمد لله انا كويسه جدا

 لمياء باستغراب: كنت واقفه عند المطبخ ليه وبعدين هو فين اخوكي

 لمياء بسخريه :اخويا اخويا في المطبخ مع الخدامه عند تلك الكلمات صدح صوت 

جاسر الغاضب وهو يقول بغضب: ميرنا احترم نفسك 

ميرنا بسخريه: احترم نفسي ليه يا جاسر مانت فعلا كنت واقف مع خدامه بتقولها انك عايز تتجوزها طب مش عيب عليك وعيب على منصبك ولا منصب اى بقا ده انت جاسر باشا السيوفي على طول مش فارق معك اي حد وكل الناس عندك في الجزمه الا انت 

جاسر بغضب : انتى قليله الاد

 ميرنا بسخريه: اول مره اشوف انسان معندوش دم ولا كرامه بيتكلم على يقول لواحده زاى انى قليله الادب وبعدين لو انا قليله الادب انت اى

 هنا صدح صوت لمياء الصراخ وهي تقول: انتم الاثنين قليله الادب مش محترمين ان امكم واقفه قدامكم 

جاسر بسخريه:ام اى يا لمياء هانم هي الام اللي سابت عيالها في وقت هم فيه وكانوا محتاجينها ولا انتي جايه تقولي انك امنا وخلاص ولا انتى فاكره الامومه ايه بالضبط 

لمياء بصراخ :انت شكلك متربتش وعايزنى اعيد تربيتك من اول وجديد 

جاسر بسخريه: لا والله انا متربي كويس اوى و عارف انا باقول ايه ولا انتي فاكره انك لما تيجي تقولي دلوقتى اللي انت عايزه ترجعي ثاني دور الام هاقولك اه تمام يا هانم احنا مستعدين لحضرتك لا تبقي غلطانه يا لمياء هانم اللي انت كسرتيه زمان وسبتى وراء ظهرك عمرك ما هترجعي تانى تلقيه سليم لا 

لمياء بتبرير: انت متعرفش انا متدمر نفسيا ازاي من ساعه موت ابوك و حتى مش قادره اتحكم في نفسي ولا في اعصابي 

جاسر بسخرية: واحنا فين فى ده كله ولا انتي مافكرتيش فينا ان احنا كمان لغايه دلوقتي مش متقبلين الموضوع ومش قادر اصدق ان ولدى اتوفاه من ست سنين واحنا لسه مش فاهماني بدل ماكنتى سافرتي كان المفروض تفضلي قاعده معنا هنا تحاولي ترجعينا زي الاول واحسن وتقفي معنا وجنبنا لكن طبعا لا حضرتك حبيتي انك تهربي وتمشي ومتفكريش غير في نفسك وجايه دلوقتى تقولي لا انا امكم ولي حق عليكم 

ثم اكمل بصراخ لا يا لمياء هانم انتي مالكيش حق علينا ولا انتي ام لينا انتي مجرد واحده كنتى مرات ابونا مش اكتر من كدا ثم أكمل بسخرية بس حته مرات الاب مبتعملش كدا

 لمياء بغضب: وانت تعرف ايه عني يا جاسر تعرف ان انا كنت بموت كل ليله وانت بعيد عني انت واختك انت متعرفش حاجه انت حكمت من غير ما تسمع عملت زي القاضي اللي قرا نصف القضيه وسيب النص الباقي لمشاعره

جاسر بتساؤل: طب يا لمياء هانم انا ظلمتك طب انا احب اسالك سؤال دلوقتى لو مكانتش ميرنا اتصلت بيكى كنت هتنزلي مصر لا مكنتيش هتنزلي مصر لان انتي مبسوطه بانك هربانه 

لمياء بغضب وحزن: تمام يا جاسر انت حكمت واصدرت حكمك علي من غير ما تفكر عشان كده انا جايه النهارده عشان اخد بنتي وامشي واسيبلك الجمل بما حمل

كدت أن تتحدث ميرنا ولكن اوقافها صوت جاسر الغاضب وهو يقول: بنتك مين يا هانم انتت تعرفي ان بنتك بتشرب مخدرات ومدمنه هتقدري تتحكمي في واحده مدمنه في فرنسا بلد التتحرر اللي هناك هنا توسعت اعين لمياء بصدمه ولكن تحدثت ميرنا بغضب هو تقول: انا واحده مدمنه بس على الاقل مش هاتجوز خدامه عندي ولا ايه رايك انت يا جاسر باشا 

جاسر بسخريه :الخدامه اللي انتي بتتكلمي عليها دي احسن مئة مره منك على الاقل دي خدامه وبتشتغل عشان تكسب منها عرق جبينها لكن انتي بتاخدي فلوسي وفلوس ابوك وتضعيها على المخدرات يبقى بتتكلمي على ايه بقولك ايه يا ميرنا احترمي نفسك معي وتكلمي على امراتي باحترام لاني مش هسمح لى حد يدوس على طرف مراتي فاهمه ولا لا 

هنا صارخت لمياء فيهم بصدمه فهي لا تصدق ان زرعتها بهذا المنظر وهي تقول: بس انت وهي انتم بتقولوا ايه و بتعايرو بعض بقا اى انتم مجانين انتم الاثنين وانتي يا ميرنا مدمنه لي يا بنتي ده انت عمرك ما كنت كده طول عمرك انسانه محترمه وكويسه و شايفه ان الحاجات دي زباله وبعدين ده اخوكى مش كدا ازاى انتى كدا يا ميرنا 

 ميرنا بسخريه: وانتي مصدومه ط ليه ولا متضايقه ليه انتي تعرفي ايه عني انتي من ساعه ما جوزك مات انتي سيبتيني كنت بتكلميني مره فى الاسبوع وبعد كده مره فى شهر بعد كده مكنتيش بتتكلمي اصلا غير لما تفتكري أن ليكى بنت سبتيني فى اكتر وقت انا كنت محتاجك فيه سبتيني في الوقت اللي كان ابويا سندي راح فيه سبتيني بدل ما كنتي المفروض تبقي جنبي فماتجيش انتي كمان تتكلمي لان الكلام بتاعك مش هينفعنا قالت ذلك وصاعدت الى غرفتها والدموع تنهمر من عينيها

 اما جاسر ينظر الى امه بسخريه وهو يقول: اتفضلي يا مدام لمياء ارجعي مكان اللى كنتي موجوده فى لان وجودك هنا مش مرحب بيه هاقول للخدم يجيبولك واجب الضيافه واحجز لحضرتك تكت الطياره قال ذلك وترك لمياء تنظر الى طيفه بصدمه فهى تطرد من بيتها و بيت زوجها ومن ابنائها المفروض ان يكونوا هم سندها الوحيد في تلك الحياه يطردونها من المنزل كانها ليس لها قيمه كل ذلك يحدث تحت اعيون سمر المصدومه فهي لا تصدق اي شيء مما يحدث امامها فكل شيء حادث يندرج تحت كلمه حلم لا اكثر من ذلك فهل يوجد ابناء بتلك القسوه على اهلهم 

_____

في المشفى كانت تجلس رنيم على الفراش وهي تقول الطبيب: ايه يا دكتور حالتي وحشه وسيئه انا هموت صح زهره شبابي راحت فى الارض خلاص 

 الطبيب باستغراب: زهرة شباب ايه انتى حالتك كويسه جدا 

رينم بقوه :باقولك اى أن زهرت شبابي واقعت على الارض تمام 

الطبيب باستغراب :يا بنتي انتي حالتك كويسه جدا ده انت حالتك احسن مني كمان 

هنا انقضت مريم على الطبيب وهى تمسكه من ملابسه وهى تقول : اقسم بالله لو ما خرجت وقلت ان انا تعبانه لا قول انك كنت بتتحرش وخالى اللى مايشترى يتفرج عليك  

الطبيب بصدمه: الله يخربيتك ويخربيت دي شغلانه يا شيخه 

رنيم بغضب: قول كده احسنلك بدل ما والله ما افضحك

جز الطبيب على أسنانه بغضب وهو يقول

 رأيكم فى البارت

الحلقه الثالثه عشر 

جز الطبيب على اسنانه بغضب وهو يقول: ماشي حاضر هاقول اللي انتي عايزاني اقوله بس ممكن افهم انتي عايزاني اقول كده ليه 

رنيم بجديه :لا انت تعمل لي انا قلت عليه وخلاص يلا يا عسل اخرج قاله ان انا حالتي وحشه وانك لازم تكلم البوليس عشان دي حادثه

 نظر  الطبيب إليها بستغراب وخرج من الغرفه وهو يسب ويلعن تلك الشمطاء داخل نفسه اما يونس كان يقف امام الباب بملل فهو يعلم ان تلك الشيطانه سليمه مائه بالمئه ولكن هو فقط يريد ان يتاكد لا اكثر من ذلك وعندما وجد الطبيب يخرج من الغرفه ذهب اليه بهدوء وهو يقول: ايه يا دكتور حالتها كويسه مش كده 

الدكتور بجدية: لا بالعكس حالتها سيئه جدا وعلى ما اعتقد ان في كسر في رجليها وكسر كبير عشان كده لازم اكلم البوليس 

يونس بجديه  :لا ملوش لازمه انك تكلم  البوليس و باذن الله انا وهي هنتفق علي حاجه بسيطه  بس ممكن سؤال ينفع ادخلها 

الطبيب بهدوء: اه طبعا ينفع

 بعد مرور خمس دقائق كان يدخل يونس من  الغرفه وهو يشعر بخوف من تلك الشيطان كما يقول عنها ولكن وجدها تجلس على السرير بكل اريحيه كانها في منزل والدها فنظر لها باستغراب وهو يقول: سبحان الله الدكتور بيقول ان حالتك وحشه و انك احتمال تموتي وترتاح بس اللي انا شايفه ان حالتك احسن من اي احد 

رنيم بغضب:ده قر ده ولا   ايه وبعدين هو انت بدل ما تقولي الف سلامه عليك وان شاء الله انا انك هتكونى احسن جاي تقر علي 

 يونس بغضب: اللهم اخزيك يا شيطان انتي عايزه ايه يا بت انتى 

 رنيم بهدوء :تصلح غلطتك

 هنا توسعت اعيون يونس بصدمه وقال : اصلح غلطتي ايه انتي مجنونه هو انا ا

جات جنبك ده انا خبطتك بالعربيه مش اغتصبتك 

 رنيم بهدوء: انك تخبطني بالعربيه كانك تحرشت بيا  أو اغتصبتنى  بالضبط وعشان كده لازم تتجوزني وتصلح غلطتك 

يونس بسخريه :دي الخبطه مقصرتش على رجلك بقى دى قصرت على دماغك وشكلك عاوزه تخبطى عليها من اول وجديد 

 رنيم بهدوء :ماشي تمام انا معنديش مانع اعمل اللي انت عايزه  وانا هاعمل اللي انا عايزه يا يونس 

 هنا توسعت اعين يونس بصدمه : و هو انتي تعرفي اسمي منين بقى

 رنيم بهزر يعني هاكون عرفت اسمك منين يعني فى واحده من الممرضين قالت اسمك

 يونس بسخريه :طب ماشي بصي بقى انتي اخرك معايا تاخدى   قرشين اكثر من كده لا واكثر من كده مش هيحصل يلا معاكى يوم تفكر فيه اكثر من كده لا قال ذلك وخرج من الغرفه تحت انظار رنيم المصدومه  فهي لم تتوقع ماحدث معاه

وقالت بغضب:ماشي يا يونس وحيات امى ماشي 

🌺🌺🌺🌺🌺🌺🌺🌺🌺🌺🌺🌺

اما في قصر جاسر خرجت سمر من خلف الحائط وذهبت الى لمياء وهي تقول لها بهدوء: ماتزعليش باذن الله ربنا هيظهر الحق و هيرجعوا في حضنك تاني

 لمياء باستغراب: انتي مين 

سمر بضحكه مجنونه :انا سمر اللي جاسر باشا  عايز يتجوزها 

نظرات لها لمياء بسخريه: انت بقا اللى واقعتى 

 سمر بسخريه :ولا وقعت ولا نيلت انا ذات نفسي اصلا نفسي سيبني في حالي الصراحه ابنك ممرمطني ومبهدلنى  بس اعمل اى حكم  القوي على الضعيف 

لمياء باستغراب: غريبه في واحده مش عايزه تتجوز جاسر السيوفي دانتى غريبه اوى 

سمر بسخريه: وفيها ايه لما ماكنش عايزه اتجوزوا ايه الغلط ولا هو عشان جاسر السيوفي لازم  اوافق لا انا شايفه ان هو مش الشخص اللي انا نفسي اتجوزه مش هو الشخص اللى انا بحلم بيه انا نفسي يبقى في حياتي محترم وحنين يحبنى لكن  متزعليش مني ابنك متكبر وبيحب نفسه وحاطط مناخيره في السماء وهو اصلا ملوش لازمه 

توسعت اعين  لمياء وقالت بسخريه: يعني عايزه تقولي ان ابني في عيوب الدنيا والاخره 

سمر بضحك :ابنك مفهوش ميزه المهم دلوقتي اجيب ايه لحضرتك تشربيه 

لمياء بسخرية :بقا مرات جاسر باشا المستقبلية   عاوزه تجبلي انا حاجه غريبه ده انتى المفروض تقعدى وانا اخدامك

 سمر بجديه: مش معنا ان عيالك وحشين انا كل الناس تبقى وحشه وبعدين انا شايفه ان ميرنا وجاسر عندهم حق بعد موت الاب بيبقوا الاولاد محتاجين امهم جانبهم  حته لو الاب قاسي  بس حضرتك حبيتي  تبعدي فبالتالي لما تبعدي وترجعي بعد ست سنين بتطلب  بحقك  عمره ما هيحصل لان ده هيبقا مجرد حلم مش اكتر من كدا وصدقيني انا مش باقول كده ان انا بتريق على حضرتك لا بلعكس انا عاوزه اسعدك مش اكتر واسفه لو ادخلت فى حاجه انا مليش فيها قالت سمر هذا ودخلت الى المطبخ وتركت لمياء تنظر إلى طايفها بستغراب كبير 

🌺🌺🌺🌺🌺🌺🌺🌺🌺🌺🌺

فى غرفه ميرنا كنت تجلس على الفراش وهى تشعر بالحزن والضيق نظرات الى تلك الصوره التى تجمعها مع امها و ولدها بحزن وهى تقول :كنتى فكره اى انك اول ما ترجع انا هقولك اهلا بيكى يا مرحبا لا انتى غلطانه انا اه كنت عاوزه اسافر بس عشان اخرج من حكم ابنك لكن مش اكتر من كدا وبعدين لو جاسر ليه يد فى اللى حصل معايا انتى كمان ليكى يد واكبر منه كمان انتى السبب فى كل حاجه كان فيها اى لو قعدت معايا وسعدتنى اخرج من الحزن اللى انا فيه كان فيها اى لو كنتى واقفتى جانبنا زاى اى ام لتقف جانب اولادها لحد ما يخرجوا من الحزن الخاص بيهم بس انتى قرارتى تهربي انا بجد مش عارفه اقولك اى على قد ماما زعلانه منك على قد ماما بحبك ثم نظرت الى ولدها وهى تقول متقلقش عليا يا بابا انا لقيت حل كويس اوى ليا وليك انا هروح عندك لانى مش عارفه احمل حياتى من غيرك وكدا هيكون احسن لان انت الوحيد اللى بتحبنى فى الدنيا دى قالت ذلك وتجرعت ذلك الدواء بالكامل دون أن تفكر فى اى شئ دون أن تفكر فى الحلال والحرام دون أن تفكر فى الدار الاخر كل ما يهمها أن تترك الدنيا فى مشاكلها و قرفها وتذهب إلى مكان تكون فيه مع أبيها وسندها 

ام فى غرفه جاسر كان يجلس على الكرسي وهو يغمض عينه فاهو لان يترك أخته الى امه هى من اختارت طريقها لذلك هى من عليها أن تتحمل العواقب الخاصه بها ام ولكن المشكله دلوقتى فى أخته قام من على كرسيه وتوجه الى غرفه أخته لكى يتحدث معاها 

🌺🌺🌺🌺🌺🌺🌺🌺🌺🌺🌺🌺

كنت تجلس والقلق يأكل قلبها خوفا على ابنها ولكن قطع شرودها صوت عماد المرح وهو يقول اى يا روح انتى قلته كدا ليه هو عيل صغير يعنى ده راجل كبير يقدر يتحمل مسؤولية نفسه 

روح بتوتر لا يا عماد ابنى هيفضل ابنى وبعدين انت مش ام عشان كدا انت مش حاسس بوجعى وبعدين انا عاوزه اقولك حاجه انت مش قلقان لا قلقان بس انت لتحاول تداري مش اكتر من كدا لكن انت فى الحقيقه قلبك واكلك على ابنك 

عماد بهدوء :طب أهدى يا روح بلاش توتر وهو بخير والله وبعدين ابنك مش اى حد انتى بس بطلى خوفك الزياده عليه ثم أكمل بضحك انا مش عارف هتخلى يتجوز ازاى بس ده انتى بتغير عليه اكتر ما يتغير عليا 

روح بضحك:لا يا خويا هو يتجوز بس وده هيكون اسعد يوم فى عمرى يااااا يا عماد يتجوز ويخلف وسئل عياله على أيدى معقول ياجى اليوم ده 

عماد بحب :باذن الله يجي وهيكون اسعد يوم فى حياتى عشان هتكونى بتاعتى لوحدي يا بطه محدش يقدر يقسمنى فيكى ولا يونس ولا غير يونس 

هنا صدح صوت يونس المرح وهو يقول الله الله بقا انا اسيبك مع امى شويه أجي القيك قاعد تحب فيها لا يا ابنى كدا مش هينفع بنات الناس مش لعبه 

روح بغضب :انت كنت فين يا استاذ ده كله 

اتفضل يا استاذ كنت قاعد تهزار أهدى نزلت على دماغك انت

يونس بهدوء:مفيش حاجه يا حاجه انا بس كان عندى حبه حاجات بعملها فى الشغل عشان كدا اتخرت مش اكتر من كدا وبعدين الحقينى بالاكل لان انا جعان موت 

روح بحب بعد الشر عليك من الموت ياقلبي 

عماد بحب :الله الله يا عم يونس 

يونس بغمزه :فى اى يا حج انت بتغير ولا اى

روح بدلال اللى يغير يغير اهم حاجه انت ياقلبي 

قالت ذلك ودخلت المطبخ بعد دخولها تحدث عماد بجديه مالك واشك مصفر كدا ليه وقول الحقيقه بلاش اكدب لان انا مش امك هتضحك عليا بكلمتين هبل

يونس بتوتر مفيش اصل انا خبط واحده بالعربيه 

عماد بصدمه :اى خلطها ازاى طب البت عامله اى 

يونس بسخرية:متخفش ده انا المفروض يتخاف عليا لكن دى شيطان اى حاجه غير أنها بنادمه تخيل عاوزنى اتجوز عشان خبطها انا تقولى لازم تصلح غلطتك 

ولده بضحك :طب أهدى وقولى عملت اى معاها دى بقا 

يونس بسخرية هكون عملت اى يعنى طبعاً قولتلها انا ممكن لديها الفلوس اللى هى عايزاه بس تحل عن دماغي 

عماد بجدية:تمام يا يونس هدخل انا انام بقا تصبح على خير 

يونس بابتسامه:وانت من اهل الخير يا حج

دخل عماد غرفته واتصل بسرعه برنيم 

عماد بسخرية:بحبه يا باشا هخليه يدوب فيا دول يا باشا وانتى اصلا هبله صح

رنيم بضيق:لا انا مش هبله ابنك هو اللى عبيط 

عماد بصدمه :انتى بتقولى اى يا حيوان انتى 

رنيم بهدوء بقولك اى يا عمده خلينى فى حالى انت متعرفش انا عملت اى فى. نفسي عشان خاطر ابنك وفى الاخر عملنى ازاى ده كانه عاوز يقول يلا. يا بت من هنا

عماد بجدية:رنيم انا مش هقدر اسعدك اكتر من كدا اعمل اى تانى معاكى عشان تنفعى ولا شغل نافعه ولا حب شافعه أولع فيكى وخلاص منك 

رنيم بجدية مصطنع تانفى كلامها :قطعنى حته حته ارميني لي اى قطه كنت بحب سته دلوقتى بقيت بحبك ابنك اه ابنك 

عماد بسخرية:يبقا خليه يحبك يا هبله يا بنت هبله مش تقوليله صلح غلطتك هو كان قرب منك عشان يصلح حاجه 

رنيم بهدوء:ماشي يا عمده وحيات امى أهالى ابنك يموت فيا زاى ما انا بموت فيه 

عماد بسخرية:تفي على قبري

فى نفس الوقت صدح صوت روح بخوف: بعد الشر عليك يا قلبي انت بتقول اى عندم استمعت رنيم لتلك الكلمه اغلقت الهاتف بسرعه 

نظرات روح الى عماد بجدية وهى تقول بحزن :ليه قولت كدا يا عماد بعد الشر عليك

عماد بتوتر حاول أن بدريه بكلمه المعسول:بجد يا روح بتخافى عليا 

روح بابتسامه:لو مكنتش اخاف عليك هخاف على مين 

عماد بحب :ربنا يخليكي ليا يا روح قلبي 

قال ذلك وهو ياخذ روح فى حضنه و بداخله يسب رنيم بفظع الشتائم 

🌺🌺🌺🌺🌺🌺🌺🌺🌺🌺🌺

ام عند رنيم اغلقت الهاتف ونظرات إلى صوره يونس التى تضعها خلفه وهى تقول بغناء :

حلو الحلو بكل خصاله

الا دلاله ميعجبنيش .. ميعجبنيش

قالوا بيهجر قولت وماله

يهجر يهجر بس يعيش

تنهد بهدوء وهى تقول :معقول انت مش حاسس بحبي لدرجه دى انت مش شايف نظرات ليك يا شيخه ده الحيطه حست وانت جبله يخربيت برود اهلك يابن البرده قالت ذلك وهى تضع قبله على تلك الصوره التى أخذتها له وهو يقود السيارة 

🌺🌺🌺🌺🌺🌺🌺🌺🌺🌺🌺

انتهى البارت اى رأيكم فيه

14 = روايه كذبه صنعت عشق للكاتبه نورهان اشرف الحلقه الرابعه عشر

رواية كذبه صنعت عشق للكاتبه نورهان اشرف الحلقه الرابعه عشر

الحلقه الرابعه عشر

منذ خمس دقائق كان يدخل جاسر غرفه ميرنا وجد ذلك المنظر المريع امامه اخته تنام على الارض ذهب اليها بسرعه واخذ يحركها بكل سرعه هو يقول ميرنا ردى عليا مالك يا ميرنا فيكى بس ردى عليا يا قلب اخوكى 

حملها بسرعه وتجاه الى الخرج وهو يحمل أخته بين احضنه 

فى الاسفل كانت تجلس لمياء تنتظر احد يجلب لها تكت الطياره الخاص بعودتها الى باريس مره اخرى ولكن قطعها نزول جاسر السريع وهو يحمل اخته  بين احضانه ويذهب اتجاه الباب ذهبت خلفه لمياء وهي تصرخ باسمه: جاسر قولى عملت ايه في بنتي يا جاسر استنى يا جاسر اتجاهات جاسر الى السياره دون ان يرد على امه وركب السياره بسرعه واخذ يقودها بكل سرعه وقوه لكي يصل الى المستشفى  لكي يلحق اخته وحبيبته الوحيده فهو يقاسي عليها لكي يربيها ويعلمها لا لكي تفعل هذا بنفسها لا يعلم لماذا تريد ان تحرق قلبه عليها هل هذا جزاء عشقه وحبه لها وخوف عليها اما لمياء وقفت عند باب الفيلا وهي تنظر له بغضب رات احد الحراس واخذ تصرخ بسرعه :انت يا بني ادم 

ذهب لها الحارث وهو يقول :تحت امرك يا فندم 

لمياء بجديه :تعال خذني وراه سيارت جاسر باشا على طول يلا  بسرعه 

ركبت السياره واتجاهات خلف سيارات ابنها 

ام سمر نظرت اليهم بصدمه وهي تقول : عائلة مجانين ربنا يتوب علينا من ام دى عائلة يارب 

ثم نظرت الى السماء وهي تقول يارب هو انا عملت ايه في دنيتي عشان يحصل فيه ده كله ده انا هبله امال بيحصل فيا كل ده ليه 

صدح صوت سماح الغضب وهي تقول بقوه :انت يا بتاعه يا اللي اسمك سمر 

سمر بسخريه: وحياه امي بس اتجوز جاسر وانا هاربي اهلك وربيكى يا بومه  قالت ذلك ودخلت الى المطبخ وهي تقول بهدوء و ادب مصتنع :تحت امرك يا سماح هانم 

سماح بقرف: كنت واقفه بتعملي برا

سمر بهدوء: ابدا بس كان جاسر بيه طلب مني حاجه وانا رحت عشان اوديله الحاجه فى اوضه  وملقيتوش 

سماح بغضب :ماتخرجيش من مطبخ ثاني وماتنسيش انك انت هنا شغاله في المطبخ وبس لو شفتك خرجتي من المطبخ مش هيحصلك كويس

قالت ذلك ونظرت الى سمر بقرف ورحلت 

اما رنا نظرت الى سمر بسخريه   وهي تقول: كرمتك بقت فى الارض  بس مش مشكله يلا عشان نخلص شغلنا عشان الوليه البومه دي لوجات تاني هتقعد تزعق

سمر بسخريه: ماشي يا اختي اديني داخله تقوليش على خايفه على الحلل  لتخطف مرار اقسم بالله

🌺🌺🌺🌺🌺🌺🌺🌺🌺🌺🌺

اما عند جاسر كان يدخل المستشفى وهو يحمل اخته بين احضانه ويصرخ في الجماع يطلب بطبيب لكي يلحق اخته كان يخرج رامز ذلك الطبيب من غرفه مكتبه وهو يعدل نظارته الخاصه به ويقول: اهدا يا فندم وبلاش صوتك العالي دوت 

وطلب من الممرضين ترولي لكي يضع المريضه عليه وفي خلال دقائق كانت ميرنا في غرفه الكشف ورامز يكشف عليها بكل دقه وتركيز اما جاسر كان يجلس في الخارج يتاكل من كثره القلق على اخته ولكن قاطعه دخول والدته عليه وهي تمسكه من قميص وتقول: عملت ايه في بنت يا جاسر انا لو بنتى حصلها حاجه اقسم بالله اموتك ساعتها مش هاكون ندمانه 

جاسر بغضب :انا ماعملتش حاجه فى اختى وبعدين انتر ليه مارجعتيش بريس ليه على اول طياره راجعه انا هاشوف مين الحيوان اللي مجابش التكت ليه

 لمياء بغضب: عاوز ترجعني على بريس عشان تموت اختك فعلا مكنتش اتوقع انك انسان زباله بالطريقه دي

 كده ان يرد عليها جاسر بغضب ولكن اوقفه صوت الطبيب الغضب وهو يقول بقوه:اى الصوت العالي ده انتم في مستشفي محترمه وياريت وطي صوتكم عاوزين تتخانقوا ممكن تخرج وتتخانقوا برا لكن هنا لا المستشفى هنا لها احترام ولها هدوء و عشان نحافظ على صحه المرضه من اي صوت تمام 

جاسر بغضب :انت ما تعرفش انت بتكلم مين 

رامز بسخريه :مايهمنيش تكون مين انا كل اللي يهمني دلوقتي صحت المرضه اللي عندي وعشان كده احسنلك اتكلم بهدوء واطي صوتك بدل اقسم بالله اطلب الامن دلوقتي يخرجك انت بره وما تعرفش تدخل هنا ثاني 

حاول جاسر ان يهدئ من نفسه و يمسك اعصابه قبل ان تفلت منه ويقتل ذلك الطبيب المتخل من وجهه نظري ونظرله بجديه: قولى اختي فيها ايه 

الطبيب بهدوء :مفيش محاوله انتحار فاشله هنعمل لها غسيل معده وخلال ساعتين هتكون كويس قال ذلك ونظر الى جاسر بقرف وذهب لكي يجهز نفسه الى غرفه العمليات

 ام جاسر نظر الى امه بغضب وهو يقول: سمعت ان بنتك هي اللي حاولت تنتحر مش انا اللي عملت فيها حاجه ياريت بقى تسيبيني وتمشي لانك من ساعه ما جيت هنا و انتي وفى مشاكل كتير بتحصل بينى وبين اختى قعدتى هنا ساعتين بس اختي حاولت تنتحر وكانت هتروح من يدي

 لمياء بجديه: مش هسافر يا جاسر ومش هاسيب مصر تانى انا هافضل قاعده هنا مع بنتي لحد ما تقوم وتبقى كويسه وتبقى احسن من الاول وده قرار نهائي وانا مش مستعده اني ارجع فيه 

جاسر بسخريه: لا متخافيش قرارك هترجعي فيه خلال يومين لان حضرتك دائما بتقول زي انك زاى السمكه ومش بتعرفى تخرجى من باريس في احسن ليكى بدل ما تموت هنا ترجعى هناك تانى قال ذلك واترك امه وتنظر الى طيف بيصدم لا تعرف من اين جلب كل ذلك الجبروت والقوه ولكن تقسم انها سوف تعيد كل شيء الى مكانه الطبيعي فهي لن تترك ابنها او بنتها هنا وحدهم مره اخرى بل ستكون بجانبهم في كل شيء

بعد مرور ساعتين كانت تفتح ميرنا عيونها بتعب وجدت شخص اقل ما يقال عنه انه وسيم حيث تلك الخصلات السمراء والبشره القمحيه وهاتان كوبين القهوه كل شيء فيه يدل على جماله نظرت اليه ميرنا بتوهان 

ام رامز نظر لها بابتسامه ساخره وهو يقول: ايه عجبتك

 تلك الكلمه جعلت ميرنا تشعر بصدمه غريبه فقالت بغضب: انت بتقول اى يا حيوان لا 

يعلم لماذا غضب ومسكها من ذراعها وتحدث بغضب: احترم نفسك و عارفي انتي بتكلمي مين كويس انا مش شغال عندك عشان تقولي الكلام ده 

ميرنا بغضب: انت ازاي اتجرت و مسكتيني كده

 رامز بسخريه :لي ان شاء الله كنت مين ثم أكمل بقرف باقولك ايه احترمي نفسك بس وعرفى انتى بتكلمى مين ثم اكمل بسخريه ولما تيجي تنتحري ممكن تقطع شرينك ممكن تحدفي نفسك من البلكونه ممكن تقف قدام عربيه ممكن تعملي اي حاجه غير المحاوله الفاشله اللي انتي كنتي عاملاها صدقيني لو كان عيال صغير كان هينتحر بطريقه احسن من كده 

 نظرات له ميرنا بغضب كيف للطبيب ان يقول هذا فنظرت له بغضب وهي تقول: انت بتقولي ازي انتحر انت مجنون

 رامز بسخرية :والله مش انا اللي كنت عاوز اموت نفسي وانتي اللي كنت عايزه تموتي نفسك وانا واجبي كطبيب ان انا اساعدك وقولك على الطريقه الصحيحه تموتي نفسك بها 

قال ذلك وخرج من الغرفه ترك ميرنا تنظر اليه بصدمه ولكن لم تستمر تلك صدمه كثيرا حيث دخول جاسر الغضب وهو يقول: كنت بتفكري في ايه عشان تعملي كده انتي مجنونه عايزه تنتحر ليه ان شاء الله عشان قلت الحقيقه عشان قلتلك انك مدمنه ولكن 

قطع حديث جاسر الغضب صوت امه وهي تقول:اى اللي انت بتقوله ده يا جاسر احترم نفسك محدش يقول لاخته كده وبعدين ميرنا حبيبتي مش مدمنه قالت ذلك وهي تجلس بجانب ميرنا على الفراش وهي تقول صح يا قلب ماما مش انتي هتخفي باذن الله 

نظرت لهم ميرنا الاثنين وقالت بغضب: كله بره انا عايزه اقعد لوحدي 

جاسربضيق: هو انتي كمان بعد اللي عملتيه ده كله بتتشرطى يا بنتي احترمي نفسك

 ميرنا بغضب: بره اقسم بالله لموت نفسي فعلا سيبوني في حالي انتم ايه انا تعبت منك يلا بره خرج جاسر هو لمياء من الغرفه وتركوا ميرنا تبكي على حاله

🌺🌺🌺🌺🌺🌺🌺🌺🌺🌺🌺🌺

بعد مرور تلك الليله الصعبه على الجميع وفى الصباح تحديدا في المشفى التي فيها رنيم كانت تجلس على الفراش بتعب ليس تعب جسدي بلا تعب نفسي فهي تعشق يونس منذ ثلاث سنوات وذلك الاجدب لا يشعر بقلبها نعم هي من دبرت كل شيء وهي من وقعت نفسها امام سيارته و لكن لكي تلفت انتباه تلفت انتباه ذلك المتبجح الذي لا يشعر بقلبها نعم تعرف انها ليست جميله جمال باهر ولكن تعلم انها ذات قلب ابيض وطيب وروح جميله تجعل كثير يعشقون طيبتها الا ذلك يونس المتبجح الذي لا ينظر اليها تعرف انه ينظر الى جميع النساء عادا هي كانه يوجد على وجهها تعويذه بالرفض والنفور ولكن قاطعها دخول يونس الساخر وهو يقول: فكرتي ولا ايه 

رنيم بغرور: فكرت وقررت بصراحه انا شايفه اني عايزه 10 مليون جنيه 

يونس بسخريه: 10 مليون عفريت لما ينطتوكى 10 مليون جنيه اى انتي فاكره نفسك مين فاكره نفسك مني ليزا ولا كيم كاردشيان وبعدين هو انا عملت فيك ايه عشان تاخذي 10 مليون جنيه ده انتي اصلا كلك متجيش ب 10 جنيه 

رنيم بهدوء :انا اقمتى عند نفسي كبيره مش اقل من 10 مليون جنيه هتديني العشره مليون جنيه ولا اتصلح غلطتك احسن و تتجوزني وانا شايفه ان احسن حل تتجوزنى 

يونس بسخريه: يا بنتي هو انتي فاكره ان انتي لما تقولي اتجوزني انا هتجوزك انتى عبيطه وبعدين اتجوزك ليه يا ماما هو انت مين عشان اتجوزك ده انتى بالنسبه لي ذكر افهمي انتي بتقولي ايه وبعد كده اتكلمي

 رنيم بهدوء: بص يا يونس انت عندك حل من اتنين يا تتجوزني يا تديني 10 مليون جنيه وانا شايفه ان 10 مليون جنيه كثير في احسن حاجه تتجوزني وصدقني مش هكلفك 500,000 جنيه ده هو فرح وشقه وانا معنديش مانع اعيش مع مامتك و بابك يعني عادي مش فارقه كثير وبعدين مامتك هي مامتى وباباك هو ولدى وانا مابتكسفش منهم 

يونس بسخريه :هو انت تعرفيني عشان تقولي لي م مامتك هي مامتي وباباك هو بابي يا بنتي عيب كده طب خليك تقيله حته عشان احاس ان انا عايزه ابص في خلقتك وبعدين انا عندي حل احلى من ده كله

 رانيم بابتسامه: ايه قولي انا سامعك 

 يونس بسخريه: هاكلم البوليس واقوله ان انا خبطك وهقوله على المكان اللي خبطك فيه ويا ستي انا معنديش مانع اتحبس اصل الصراحه مفيش حته احسن من القعده في الزنزانه

 رنيم بدلال :وهون عليك يا يونس تسيبني انا وتحروح الزنزانه طب والله ده انا احلى من 100,000 زنزانه وبعدين فكر كده في انا وانت قاعدين الاتنين في الكوشه حاجه قمر احسن ما تكون قاعد في الزنزانه وبتاكل عدس صدقني يا يونس انت الوحيد اللي كسبان في الفكره دي 

يونس بسخريه: اقسم بالله طول ما انتي بتطلبي كده والله العظيم انا الخسران وانا مش موافق و هاقولك على حاجه انا اصلا كلمت البوليس عشان يقبض على عشان اريحك بس انا مش هتجوز واحده مهبوشه زيك وبعدين هو انتي اصلا سليمه احنا لو عملنا تقرير طبي هلاقيك صحتك بومب ومفكيش حاجه لكن انتي عايزه تلبسيني وانا الصراحه مابحبش البس

 سبلت رنيم بعيونها وهي تقول: بقى ده منظر واحده عايزه تلبسك ده انا سكر يا ناس 

يونس بسخريه: اعملي اللي تعمليه انا كده كده كلمت البوليس ضغطت رنيم على شفايفها ولكن اوقفها دخول

البارت خلص مين إلى دخل الأوضه و اى اللى هيحصل

15=رواية كذبه صنعت عشق للكاتبه نورهان اشرف الحلقه الخامسه عشر

الحلقه الخامسه عشر

ولكن قطعهم دخول عماد هو و روح التي نظرت الى رنيم ويونس مستغربه هي تقول: بقا كده يا يونس تخبط البنت الغلبانه دي ومتقوليش طب يا ابني كنت قولي عشان اجي  واشوف البنت دى  مالها ثم ذهبت الى رنيم التي اخذت تبكي وتقول ببكاء مصطنع: الحقيني والنبي يا حاجه ابنك خبطني واقوله كلم البوليس يقولي لا عاوز يضيع حقى منه لله

 ذهبت روح الى رنيم واخذتها في حضنها وهي تقول : متزعليش ونبي يا بنتى أن شاء الله تكوني بخير هو الدكتور مطمنكيش ثم نظرات اللى يونس بغضب وهى تقول  اى اللي انت عملته ده يا حيوان هو انت اول مره تسوق عربيه  ثم وضعت قبله على راس رنيم وهى تقول  معلش يا بنتي  والله  مكانش يقصد  ده غلبان والله وحمار 

رنيم بغضب: ابدا انا لازم اكلم البوليس واخد حقي ده فوق ده كله بيقولي لازم ن نتجوزوا عايز يتجوزني عشان ما يدخلش السجن 

هنا وقع فم يونس على الارض من صدمه وهو يقول انا قلتلك كده امتى يا بت دى كذابه يا ماما متصدقهاش  اقسم بالله انا ماقلتش كده 

روح بغضب :اسكت يا حيوان هو انا هصدقك بعد كده بقى تكذب علي وتقولي مفيش حاجه وانت خبطت واحده وكنت هتودي نفسك في داهيه لولا ان ابوك قالي مكنتش هعرف يا يونس حسبي الله ونعم الوكيل فيك يا يونس هو انا ربيتك على كده يا ابني ربيتك على انك تدوس على خلق الله 

 يونس بغضب :اقسم بالله ما جئت جنبها ده هي اللي رمت نفسها تحت العربيه 

ثم نظر الى رنيم بغضب وهو يقول :اتكلمي يا نيله انا جيت جنبك ولا اصلا قربت منك

 رنيم بدموع وهى تدخل داخل احضان روح وتقول : ده كان  هيقطعنى  تحت العربيه يا مدام اه يا عيني على زهره شبابي اللي راحت دمرنى ودمر زهره شبابي بعربيته ولا كمننا عشان واحده غلبانه وضعيفه ومنكسره مليش حد في الدنيا دي هيحصل فيا كدا

 روح بغضب:لا متقوليش كدا انا هجبلك حقه من حباب عينه وبعدين هو مش  ابني بس والله لا اجيبلك حق ما تضايقيش يا بنتي 

ثم نظرت الى عماد بغضب وهي تقول له: ما تتكلم يا عماد قول اى حاجه

 عماد بهدوء :يعني عايزاني اعمل  ايه كل واحد عارف مصلحته يا روح وانا مقدرش اتكلم

 روح بغضب :عارف مصلحته ايه وهباب اى  ابنك داس على بنت وكان هيموتها وانت  تقولي عارف مصلحته

 ثم نظرت الى يونس بغضب وهي تقول له: وانت يا حيوان هتتجوز البنت دي عشان تصلح غلطتك اللي انت عملتها   ثم نظرت الى عماد بجديه: وانت  يا عماد روحوا  اجيب الماذون عشان يكتب الكتاب قالت ذلك واخذت ميرنا في حضنها التي كانت تتصنع البكاء بكل حرفيه اما عماد نظر الى ميرنا وهو يغمز بعينه  كما انه يقول لها :اي خدمه انا تحت امرك

 كل هذا يحدث و ذلك المسكين ينظر لهم بصدمه فلا يصدق ما يحدث معه بتاتا فما حدث الان لا شيء سوى انه جنان رسمي اخذ ينظر الى رنيم بكره ويقسم انه سوف يجعلها تكره نفسها هى من طلبت وهى من سوف تتحمل النتيجة

🌺🌺🌺🌺🌺🌺🌺🌺🌺🌺🌺🌺

اما ميرنا كانت تجلس على الفراش بملل تفكر في شيء تفعله لكي تنتقم من كبرياء اخوها المغرور ومن امها التي تركتها في اكثر وقت كنت تحتاجها فيه  ولكن قطعها دخول الطبيب الذي نظر لها باستخفاف وهو يقول: ايه عامله ايه 

ميرنا بدون تفكير :تتجوزني

 نظر لها رامز بسخرية وهو يقول شكل الانتحار مقصرش عليكي جسدياً بس قصر عليكى عقلياً   انتي بتقولي ايه انتى اتجننتي

 ميرنا بهدوء :باقولك تتجوزني

 رامز بسخريه :لا فعلا انت شكلك بجد اتجننتي 

 قال ذلك وكدا ان يخرج من الغرفه ولكن اوقفها صوت ميرنا وهي تتحدث بهدوء: انا مش مجنونه انا واعيه  لكل كلمه  بقولهالك دلوقتي تتجوزني هاديك الفلوس اللي انت عايزاه كله شوف انت عاوز  قد ايه وانا ممكن ادفعهلك في غمضه عين بس اهم حاجه توافق انك تتجوزني لمده خمس شهور 

رامز بسخريه: طب عاوز اعرف اى سبب انك تطلبي الطلب ده اصل لو فى لعبه انا مجلس ادخل لعبه انا مش عارفها   

ميرنا ببرود : عاوزه اربي امي واخويا و اعرفهم ان اللي هم بيعملوا معايا ده غلط وفي  ها هتساعدني ولا ايه

 رامز بهدوء: بس   اللي انتي بتفكري فيه ده هيضرك انتى كمان  يعني مش هيكون حاجه عاديه لا بلعكس هيكون دمر ليكى انتى كمان 

  ميرنا بغضب وقوه :انا مش مهمه عندي حاجه دلوقتي غير  انا عايزه اعمل اللى قالتلك  عليها هتوافق تمام مش هتوافق انا ممكن الاقي الف واحد ثاني  وهياخد برده اللي هو نفسه فانا قلت اقولك انت يمكن العرض ويكون احسن ليك 

نظر لها رامز من راسها حتى قدمها وهو يقول: تمام بس انا عندي شرط

 نظرت له ميرنا بالسخريه وهي تقول: شرط اى يمكن اوفق ويمكن لا

 رامز بهدوء وهو يلعق شفايفه  وهو يقول: يكون جواز شرعي من كل الاركان يعني هتكوني امراتي فعلا 

ميرنا بغضب: انت حيوان وزباله اى اللى انت بتقوله ده اطلع برا يا حيوان

رامز بسخريه :تمام مفيش وانا لما يجي يدخل اخوكي  هاقوله على اللي انت قولتى عليه وفهمه انتى عايزه تعملي ايه ايه رايك 

نظرات له ميرنا بغضب وهو تقول بغضب: تمام ماشي انا موافقه 

رامز بهدوء: وانا كمان موافق ها  تحبي يكون جواز شرعى ولا عرفي

 ميرنا بغضب :طبعا شرعي مش عايزه اعرفي 

رامز بجديه :خلاص عندك كم سنه 

ميرنا بتوتر :21 

رامز بهدوء: يبقى تقدر تجوزي نفسك بنفسك هو ده المطلوب خلاص انا هاكلم ماذون يجيء  وهادخله غرفتك على انه دكتور ونكتب الكتاب ونقعد الجواب وتبقى عروستي 

ميرنا بغضب عايزه الجواز يبقا من خمس شهور فيتو

 رامز بهدوء: تمام الموضوع ده سهل بس لقسيمه برده هتاخذ وقت 

ميرنا بهدوء: مش مشكله هتاخذ الوقت اللي هي تاخذه بس اهم حاجه انا الجوز يكون من خمس شهور 

رامز بهدوء : وانا كمان معنديش مانع

 خرج رامز من الغرفه وهو لا يصدق ما هذا الشيء الذي وافق عليه ولكنه اقنع نفسه انه قد وافق لان ميرنا عجبته فهي من النوع المفضل انها قطه شرسه الى حد الهلاك وايضا تمتلك جسد انثى رائع يجعل اي رجل يتمنى ان تكون زوجته وغير كل ذلك  انه سوف يتزوج   لمده من الوقت  على سن الله ورسوله  ولكن يوجد مشكله واحده كيف سوف يعلم اهله بذلك القرار المفاجأ ولكن فكر لبعض من الوقت  وقال ان لا يهم ان اهله يعلمه تلك الزيجه فهي زيجه مؤقته ليس لها قيمه هو سوف يقضي خمس شهور فقط مع ميرنا ليس اكثر من ذلك 

🌺🌺🌺🌺🌺🌺🌺🌺🌺🌺🌺

بعد مرور عشرين دقيقة كان يخرج المأذون من غرفه رنيم التى كنت تنظر إلى. يونس بفرحه حته انها كدت ان ترقص من كثره الفرح ولكن ما جعلها تسعد أكثر من ذلك يد روح التى التفت حولها وهى تاخذ فى حضنها وتقول الف مبروك يا روحى يا مرات ابنى يا عسل يلهوي يا ناس بقا انا مرات ابنى قمر كدا

ولكن قطعها عماد الذي قال لها تعالى يا روح نخرج عشان نسيب العرسان يقعدوا لوحدهم شويه قال ذلك وهو يغمز لرنيم التى كدت أن تذهب وتقبله من فمه

بعد خروجهم اخذت تسبل رنيم بعيونها وهى تقول بفرح الف مبروك يا قلبي

يونس بغضب :بقولك اى يا بتاع انتى  العدة عن خلقتى عشان انا مش طايقك ولا طايق نفسي اصلا

رنيم بستغراب :ليه بس يا روحى فى اى هو فى عريس يقول كدا لعرسته ولا انت عاوزنى ازعل ولا اضيق يعنى ده انا عروستك القمر إلى انت بتحبها

انقض عليها يونس وهو يمسكها من ذراعها بقوه بقولك اى يا بت انتى بطلى. ترفع ضغطى انا هيجلى السكر بسببك بقا انا اتجوز كدا اه انتى تطلعتلى منين بس انا عاوز افهم 

رنيم بحب :طلعت من الأرض يا قلبي 

شد يونس فى شعره وهو يقول انا عاوز بس انتى ليه بتعملى فيا كدا هو انا عملت معاكى حاجه واحده عشان تعملى كدا 

رنيم بهدوء:انت مالك بس يا يونس أهدى يا قلبي بدل ماتموت وترمل وانا لسه صغيره على كدا 

هنا توسعت اعين يونس بصدمه و خرج  من الغرفه وترك رنيم التى ما انا خرج يونس من الغرفه حته اخذت ترقص كالمجنونه على الفراش ولكن قطعها دخول عماد عليها الذي نظر لها بهدوء :اى خدامه انا عملت كتير عشان اسعدك 

رنيم بابتسامه:ربنا يخليك اللغلابة يا عمده ده انت حبيبي 

عماد بسخرية:يا شيخه اتنيلى ده انا هنفخك ده انتى خليتى الود بموتك ليه عملتى فى الواد ده 

رنيم بهدوء:ليه بس كدا يا عماد ده انا بحبك المهم دلوقتى خالى ابنك يهدى شويه لان انا حسه أنه هيموتنى

عماد بسخرية:لا متخفش هو هيموتك فعلا 

قال ذلك وخرج من الغرفه وترك رنيم تنظر له بصدمه

🌺🌺🌺🌺🌺🌺🌺🌺🌺🌺🌺🌺

ام عند ميرنا كان يدخل جاسر على صوت المأذون وهو يقول بارك الله لكم وجمع بينكم فى خير

تكملة الرواية من هناااااا