قصة انقذ الأرنب كامله بقلم سولييه نصار

قصة انقذ الأرنب كامله بقلم سولييه نصار 

قصة انقذ الأرنب كامله بقلم سولييه نصار 

الجزء الأول(هل تريد إنقاذ الأرنب )

-هل تريد إنقاذ الارنب؟!

تنبيه جه على الكمبيوتر بتاعي  أثناء ما كنت   بلعب عليه لعبة  ...بصيت بحيرة على التنبيه الغريب ده ...كان مكتوب خيارين نعم او لا ...اي حد عاقل كان هيقلق  من الرسالة دي ويدوس لا لان الموضوع كان غريب ...بس معرفش ليه انا دوست نعم ...بعدها الشاشة بقت سودا للحظات لدرجة اني شكيت أن الكمبيوتر باظ ...بس فجأة ظهر لينك في النص وكان مفروض ادوس عليه دوست عليه بدون تفكير وبعدها جات زي صورة متصورة بتليفون قديم لأن جودة الصورة كانت وحشة اووي بس قدرت اقرى المكتوب على الصورة دي واللي كان مكتوب  فيها تعليمات اللعبة .....

كان مكتوب تعليمات لعبة هل تريد إنقاذ الارنب وتحتها حوالي تلات  تعليمات كالاتي مترقمين...

اول بند مكتوب انك مفروض تنقذ الأرنب من الموت عن طريق شوية تعليمات بتتبعها 

تاني بند مكتوب فيه أن اللعبة ملهاش نهاية وانك لو فزت ليك هدية حلوة ..وتالت بند مكتوب أنك ممنوع تستخدم الموبايل 

رابع  بند  كان غريب أوووي ..كان مكتوب اوعى تقفل اللعبة مهما حصل ..مهما حصل لازم تلعب لحد ما تفوز والا هتموت ...

رفعت حاجبي وبعدين ضحكت ..ايه الهبل ده بس فضولي كان اقوى مني بكتير وقررت العب وأشوف اللعبة دي ...دوست على الموافقة على التعليمات وبعدين دخلني على اللعبة ...افتكرت أن مع التعليمات الغريبة دي هلاقي لعبة مخيفة لكن على العكس تماما لقيت أرنب لطيف لونه بينك مبهج مربوط حوالين رقبته حبل ...وجمبه في كذا خانة وفوق مكتوب hint وكاتبين بالانجليزي اسم فيلم من بطولة ليوناردو دي كابريو وكيت وينسليت  . ....وفهمت اللعبة وقتها ...أنا مفروض عشان انقذ الأرنب من المشنقة اعرف اسماء الأفلام دي ..بصيت على فوق شوية لقيت عشرت خانات وبكده وضحت الصورة ...أنا عشان انقذ الأرنب لازم اعدي عشر مراحل وكل مرحلة مفروض اقول اسم الفيلم اللي هو مديني عنه hint 

بصيت تاني على الهنت وانا بفتكر ان الاتنين دوول مثلوا في فلمين بس عدد خروف الخانات كانت عللقد حروف كلمة تيتانك فكتبت تيتانك بالإنجليزي ...لقيت الأرنب بيبتسم ليا بلطف وجات المرحلة التانية  ...بصيت بحيرة ولقيت ان مكتوب اسم ممثل أمريكي اتعرف بأدواره الكوميدية ومات منتحراً ...

أنا عارف الممثل ده بس اسمه تاه عن بالي ...مسكت تليفوني وقررت ادور على الانترنت ...اتصدمت لما لقيت التليفون   جاب رسالة (ممنوع استخدام الهاتف )

قلبي دق بخوف وانا مش فاهم ايه اللي بيحصل ...حاولت امشي الرسالة مقدرتش ...قفلت التليفون وفتحته تاني برضه الرسالة دي موجودة....أنا مبقتش فاهم ايه اللي بيحصل ..حسيت بالخوف للحظة .والمشكلة ان مفيش حد من اهلي كان موجود وقتها كلهم سافروا يحضروا فرح.وانا اختارت ابقى هنا لوحدي  ....

سيبت التليفون وانا لسه ببص على الأرنب اللي بيبصلي بلطف بس زي ما يكون في عيونه دموع ...

غمضت عيني وانا بحاول افتكر الممثل ده ...

روبن ويليامز !!!ايوة هو أخيرا افتكرته....كتبت اسمه بسرعة وابتسمت براحة وانا بشوف ان الاجابة صح ....

جات المرحلة التالت اللي كانت اصعب من الأول بكتير والسؤال هو كام مخرج عمل في سلسلة  Saw ... نفخت بضيق وانا بقول :

-وانا ايه عرفني كام واحد...دي تفاهة دي ...

قفلت الكمبيوتر بغضب وانا ناسي البند الأخير وروحت انام ...بس وقتها حصل حاجة متوقعتهاش!!!!!

يتبع

الجزء التاني (أهلاً بك في الجحيم )

صحيت من النوم فجأة وانا بنهت من الرعب ...كان العرق مغطي جسمي ...الحلم اللي كنت بحلمه كان مرعب ...مرعب لدرجة مش عايز افتكر تفاصيله ....بس المشهد اللي لسه في عقلي من الحلم ومش راضي يفارق عقلي هو صورة جسمي وهو متعلق في السقف وراسي المربوطة في رجلي .....فضلت اسمي في سري كتير وحاولت اقرا آية الكرسي بي للاسف مكنتش حافظها ...كنت مكسوف من نفسي وانا مش عارف آية الكرسي ...امي كانت دايما بتتخانق معايا بسبب اني مقصر في الصلاة والقرآن ... وصل الموضوع اني قاطعتني كتير بسبب الحوار ده ......

قومت وانا بروح للمصحف عشان اشوف آية الكرسي بس فجأة اتجمدت مكاني حرفيا وانا بشوف ابشع منظر ممكن حد يشوفه...الحلم اللي كنت بشوفه ...كنت شايف جسمي بنفس اللبس اللي أنا لابسه ...بس راسي ...راسي كانت واقعة على الأرض ....فضلت ادعك في عيني واضرب نفسي وانا بقول مستحيل اكيد انا في حلم ...حلم وحش اووي ....بس لقيت نفس المنظر قدامي ...فضلت اصرخ واعيط وانا بحاول اجري بعيد عن اللي بيحصل ده ...روحت ناحية الباب بتاع اوضتي عشان اطلع بس فجأة لقيت الباب اختفى ...كل اللي قدامي كان حيط ....دموعي نزلت وانا حاسس اني محاصر ..مكنتش قادر افكر اعمل ايه ولا اروح فين ... فجأة حيطاني كلها اتملت دم ...وبقت مطبوعة بصورة الارنب اللي أنا كان مفروض أنقذه بس المرة دي كان مشنوق وعينيه بتنزف دم .....وصوت مخيف كان بيقولي :

-محدش هينقذك يا صلاح استسلم ...محدش هينقذك ..اهلا بك في الجحيم .....

يتبع 

الجزء الثالث والأخير (إنقاذ )

كنت قاعد مكاني وانا بعيط جامد ...مش عارف اعمل ايه ...قلبي كان هيوقف من الخوف مش عارف اعمل ايه ...حاطط ايدي على ودني وانا بصرخ...بغمض عيني فجأة سمعت صوت صوت مزعج ...زي حاجة حديد بتتسحب على الأرض ....

بصيت ورايا ورجعت لورا وانا بصرخ برعب وانا شايف الأرنب اللي كان مفروض أنقذه بس حجمه اكبر ...كانت نظراته لطيفه وعلى وشه ابتسامة لطيفة بس عينيه فيها دموع ...كان ساحب وراه فاس كبير...عيوني اتوسعت بصدمة وانا بفتكر الحلم كله ...الحلم اللي مكنتش عايز افتكره اصلا ...كان الحلم بيتشكل قدامي ...كان في الحلم هو قاعد على الأرض بيعيط وبيترجى الارنب أنه ميقتلهوش بس الارنب كان ماسك الفاس رفعه وفجأة ضرب بيه رأسه لحد ما فصل رأسه عن جسمه!!!! وبعدين رفع جسمه وربطه في السقف وربط فى رجله رأسه ...

غمض عينيه برعب والحلم بيهاجمه ...يعني الحلم هيتحقق...الارنب هيقتله!!....

كان مخه واقف مش عارف يعمل ايه ....حاول يقرأ قرآن بس مكانش عارف يقرأ ...للاسف مكانش حافظ اي سورة ....فجأة لمعت في دماغه فكرة ...والدته كانت حاطة ليه على مكتبه مصحف صغير عشان يقرأ منه ....بص للمكتب وارتاح وهو شايف المصحف ..جري بسرعة ناحية المصحف ومسكه كأنه بيحتمي بيه وبعدين فتح بسرعة ولاحظ أن الارنب بدأ يزوم ويقرب منه وعيونه اللطيفة اتحولت للون احمر زي الدم ...فتحت المصحف وبالصدفة جات على سورة البقرة ...بدأت اقرأ سورة البقرة من غير ما اوقف ...كنت دايما.بحس أن قراية سورة البقرة كانت تقيلة شوية لأنها سورة كبيرة ...كان شيطاني اقوى مني لكن المرة دي بدأت اقرأها بصوت عالي وبثقة ...كنت بقرأ بطريقة صحيحة وده بعد فضل ربنا بفضل امي اللي كانت دايما.تشغل القرآن في اوضتي وبالذات سورة البقرة ...فضلت اقرأ لفترة طويلة والارنب واقف مكانه وفيه دم بينزل من عينيه...كان بيزوم وبيصرخ  كأنه بيتعذب بس انا ما وقفتش قراية...وصلت أخيرا بآيه الكرسي وبدأت اقولها بصوت عالى وقوى 

بسم الله الرحمن الرحيم ..

ٱللَّهُ لَآ إِلَٰهَ إِلَّا هُوَ ٱلۡحَيُّ ٱلۡقَيُّومُۚ لَا تَأۡخُذُهُۥ سِنَةٞ وَلَا نَوۡمٞۚ لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ مَن ذَا ٱلَّذِي يَشۡفَعُ عِندَهُۥٓ إِلَّا بِإِذۡنِهِۦۚ يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡۖ وَلَا يُحِيطُونَ بِشَيۡءٖ مِّنۡ عِلۡمِهِۦٓ إِلَّا بِمَا شَآءَۚ وَسِعَ كُرۡسِيُّهُ ٱلسَّمَٰوَٰتِ وَٱلۡأَرۡضَۖ وَلَا يَ‍ُٔودُهُۥ حِفۡظُهُمَاۚ وَهُوَ ٱلۡعَلِيُّ ٱلۡعَظِيمُ 

فضلت اكرر في الآية وانا بعيط...بس مكنتش حاسس بأي خوف ...كنت حاسس بقوة غريبة. ...فجأة الارنب بدأ يتحرق وحجمه يقل لحد ما تحول رماد والرماد اختفى ...اوضتي رجعت لطبيعتها تماماً ولقيت الباب بتاعي رجع ...ببص على الكومبيوتر لقيت الارنب مشنوق ومكتوب Game over ....

وبعدين الكمبيوتر قفل ...روحت بخوف وفتحته ولقيته طبيعي ..حاولت ادور على اللينك اللي اتبعتلي ملقتهوش ...ابتسمت براحة وانا بحضن المصحف ....

.......

بعد اسبوع ....

كانت ماما بتفتحلي الباب وعلى وشها ابتسامة سعيدة ...كانت مبسوطة اني بدأت اصلى في الجامع ...

حضنتني وقالت:

-انا مبسوطة اووي انك بقيت بتصلي ...ربنا يديمها نعمة ..

حضنتها وانا مبسوط وانا بقول :

-الحمدلله ..

وافتكرت العهد اللي عاهدته لربنا اني ابدا مش هقطع في الصلاة وهحفظ كتاب الله ...

تمت