رواية إمرأة في عصمة صعيدي الفصل الحادي عشر والثاني عشر والثالث عشر والرابع عشر والخامس عشر للكاتبة سلسبيل كوبك

 رواية إمرأة في عصمة صعيدي الفصل الحادي عشر والثاني عشر والثالث عشر والرابع عشر والخامس عشر للكاتبة سلسبيل كوبك

رواية إمرأة في عصمة صعيدي الفصل الحادي عشر والثاني عشر والثالث عشر والرابع عشر والخامس عشر للكاتبة سلسبيل كوبك

 الفصل الحادي عشر

الرصاصة اضربت في الكوباية اللي في ايد ديما و اتكسرت و كان في ضرب نار في كل حتة حوالين البيت، و ديما وطت على الارض و حطت رأسها بين ايديها و هي بتعيط...

جاسر صحي على صوت ضرب النار و صريخ ديما بص حواليه ملقهاش..

جاسر: ديما..

جاسر خد مسدسه من الدرج اللي جمبه و نزل جري و كل اللي في البيت صحي و اتجمعوا في الصالة..

خالد: في ايه؟

جاسر راح على المطبخ مكان الصوت لقي الكوباية مكسورة و ديما ايديها مليانة دم و قاعدة مخبية وشها و بتعيط..

جاسر قرب منها و حط ايده على كتفها..

جاسر: ديما..

ديما شالت ايديها وحضنته بسرعة و هي بتعيط...

ديما(بعياط): ضربوا نار هنا...

جاسر(و هو بيملس على شعرها و ضهرها): اهدي..

جاسر: انا جمبك متخافيش...

ديما(بعياط): انا خايفة...

جاسر: لا متخافيش انا جمبك...

خالد: ديما انتي كويسة؟

ديما(بعياط): لا لا، انا عايزة اروح عايزة اروح لبابا...

حسن: خالد ايمن على علاء ورايا، خليك يا جاسر مع مراتك..

جاسر: تمام..

ديما(بعياط و صريخ): لا ارجوكوا خلوني ارجع لبابا، حازم حازم انت فين؟انا خايفة...

جاسر شدد عليها جامد و هي في حضنه و باس رأسها...

جاسر: اهدي اهدي يا ديما محدش هيقرب منك اهدي..

فتحية: استغفر الله العظيم...

اسماء: ايه المصايب دي؟

دعاء(بخوف): هو مين دول؟

جملات: منعرفش يا بنتي..

فيروز: عايزين ايه دول؟

عبير: ممكن يقتلوا البت دي؟

سارة: و ممكن يرجعوا تاني..

ديما عند الجملتين دول عيطت اكتر، و جاسر اتعصب..

جاسر(بعصبية): اسكتي يا سارة، محدش يتكلم خالص..

ديما(بعياط): ارجوك متسبنيش، انا خايفة..

جاسر شالها بين ايديه و ديما حاوطته بايديها و دفنت وشها في رقبته و بتعيط...

سارة(بغضب): بيزعق ليا علشان خاطر البت المصراوية..

فيروز: اكيد مش مراته...

فتحية: خلاص كله يقعد يستني الحاج حسن..

عند الرجالة...

حسن: لازم تعرفوا مين اللي وراها؟

علاء: ممكن قاصد يخوفنا او بينبهنا لحرب جاية...

ايمن: مين ليه مصلحة يخوفنا؟

على: ممكن اي شخص عدونا...

حسن: خالد روح شوف الحمير اللي بره دول...

خالد: حاضر يا عمي..

عند جاسر و ديما..

جاسر لسة بيحط ديما على السرير لقاها ماسكة فيه جامد و مش عايزة تسيبه...

ديما(بعياط و خوف): ار جج وك اانن اا بخاف ممن ضض رررب النار النار ممتسب نييش ارجوك انا بخاف من ضرب النار متسبنيش..

جاسر(بحنية): خلاص اهدي مفيش ضرب نار تاني و مفيش حاجة هتحصل بطلي عياط..

جاسر حط ديما على السرير و هي لسة بتعيط بصمت و كل شوية بتشهق...

جاسر لسة هيقوم لقاها مسكت ايده بسرعة و جامد..

ديما(بعياط): انت هتسبني؟

جاسر: لا اهدي هروح اجيب علبة الاسعافات الاولية اطهرلك الجرح...

ديما(بعياط): ماشي..

جاسر قام بسرعة و جاب علبة الاسعافات الاولية، و بدأ يشيل الازاز اللي في ايديها..

ديما(بعياط): بتوجع..

جاسر: معلش..

جاسر شال الازاز من ايديها و طهر الجرح و لف ايديها بشاش...

جاسر: خلاص بقي بطلي عياط...

ديما(بعياط): و انا صغيرة خطفوني و كانوا خاطفين صحاب و قتلوا بنات كتير من صحابي قدام عيني و كان هيقتلني انا كمان، فانا بخاف من الرصاص و ضرب النار...

جاسر قرب منها و حضنها و هي مسكت فيه جامد لغاية ما نامت بين ايديه...

جاسر نيمها و غطاها و باسها من رأسها، و بعدين شاف ملامحها الطفولية و الجميلة و اثار عياطها قرب منها و باسها جمب شفايفها...

جاسر نزل من الاوضة و راح للباقي..

جاسر: خشوا انتوا ناموا..

فتحية: ديما عاملة ايه؟

جاسر: بخير نامت...

فيروز: ينفع اشوفها؟

جاسر: فيروز ابقي شوفيها بكرة لما تصحي..

دعاء: طب نطلع ننام امان و لا ايه؟

جاسر: اه يلا يا جماعة ناموا...

اسماء: مش هيغمض ليا جفن الا لما اعرف مين اللي عاملها انا مش حاسة بامان يا جاسر...

جاسر قرب من اسماء و باس رأسها..

جاسر: متخافوش خير هنعرف مين قبل ما النهار ما يطلع...

كل الستات طلعوا و حاولوا يناموا، سارة قبل ما تطلع وقفت في وش جاسر..

سارة: خليك فاكر يا جاسر..

جاسر(بتعب): انتي ليه مش مقدرة اني تعبان؟مش مقدرة اي حاجة..

سارة: لا انت اللي مش مقدر، يا ريتها كانت ماتت و ارتحنا يا جاسر علشان نتجوز..

جاسر: اطلعي على اوضتك يا سارة مش ناقصك..

جاسر سابها و راح للرجالة، و سارة بصتله بغيظ..

جاسر: ها عرفتوا مين؟

ايمن: طمنا على ديما الاول..

جاسر: بخير يا عمي..

حسن: تفتكر مين ممكن يعمل كدة يا جاسر؟

جاسر: محروس الكلب..

علاء: معتقدش ليه متكونش عائلة صقر...

خالد: الغفر بيقولوا انهم ضربوا من على بعد...

على: هنعمل ايه؟الستات بقت في رعب انت شوفت ديما و دي مش متعودة على كدة يا حسن يا خوي..

حسن: اومال انا مجوزها لجاسر ليه؟و لا ايه رأيك يا جاسر؟

جاسر: دي مراتي يا ابوي و حمايتها واجب..

خالد: ده العشم يا صاحبي...

علاء: هنعمل ايه؟

حسن: مفيش هنصبر للصبح يجي، دلوقتي كله على اوضته..

جاسر: تمام يا حاج...

خالد: عن اذنك يا عمي..

علاء: تصبحوا على خير..

ايمن: عن اذنك يا اخوي..

على: يلا بينا...

حسن: استني يا جاسر انت و خالد..

خالد: اؤمر يا عمي..

حسن: ديما امانة في رقبتك يا جاسر..

جاسر: اكيد يا ابوي..

حسن: انا مش واثق في علاء يا ولدي..

خالد: ليه كدة؟

حسن: مش عارف خدوا بالكوا..

جاسر: تمام يا حاج..

حسن: زودوا الغفر بكرة، و انت خلي بالك من ديما يا جاسر...

جاسر: حاضر يا حاج..

حسن قام و راح لاوضته...

خالد: خد يا صاحبي مسدسك...

جاسر: تسلم...

خالد: هتعرف تنام؟

جاسر: هحاول...

خالد و جاسر كل واحد راح لاوضته...

جاسر دخل اوضته لقي ديما نايمة، و راح قعد على السرير من الناحية التانية لقاها اتقلبت...

ديما(و هي مغمضة عنيها و نايمة): عايزة اشرب..

جاسر قام و راح اوضة الرياضة و فتح التلاجة و طلع ازازة ماية و صب في كوباية...

جاسر: ديما ديما..

جاسر: قومي جبتلك ماية..

ديما قامت نص قعدة و هي مغمضة عنيها و جاسر شربها بايده و ديما اسااسا نايمة و مش حاسة بحاجة...

جاسر رجعها تاني لنومتها، و راح قعد مكانه فضل صاحي مش عارف ينام...

-في الصباح الباكر...

فيروز: ايه منمتوش؟

فتحية: و مين يجيله نوم؟انا اللي صعبان عليا ديما..

سارة: تتعود..

اسماء: متنسيش انها ملهاش في الكلام ده..

سارة: مش عارفة هي او؟ر اوي يعني..

عبير: و مين سمعك يا بنتي؟

جملات: مش بتفهمي يا سارة..

دعاء: ديما بقت عاملة ايه؟

فتحية: معرفش منزلتش و لا هي و لا جاسر..

جاسر: صباح الخير..

اسماء: ديما عاملة ايه يا جاسر؟

جاسر: لسة نايمة..

فيروز: طب احنا هنعمل ايه؟

جاسر: متقلقوش يا جماعة خير، مش اول مرة يعني..

عبير: بنقولهم كدة..

جملات: بس اول مرة لديما يا جاسر احنا صعايدة متعودين..

جاسر: تمام...

حسن: ايه الاخبار؟

جاسر: لسة..

خالد: لسة بشوف..

علاء: يا تري برضو هنشتغل..

جاسر: و يا تري عايزنا نقعد في البيت زي الستات..

علاء: مقصدش يا جاسر في ايه؟

خالد: خلاص..

ايمن: يلا الفطار فين يا جماعة؟

فتحية: مش هتصحوا ديما..

جاسر: سيبيها لما تفوق هتنزل..

جملات: ماشي..

الكل راح قعد على السفرة...

عند ديما...

ديما كانت بتحلم بيوم الخطف و كانت مشاهد البنات اللي قدها و هما بيتقتلوا بيتتكرر في دماغها..

ديما(بصريخ): بابااااااااا..

ديما قامت بسرعة و نزلت جري، و كان جاسر سمع صوتها كان لسة هيطلع ليها لقاها نازلة و مسكت فيه جامد قدام الكل...

ديما(بعياط): عايزين يقتلوني ارجوك متسبهمش يقتلوني قتلوا صحابي قدام عيني...

حسن: امشي يا علاء..

علاء: نعم!

حسن: انت مينفعش تشوف مرات ابن عمك كدة، قوم..

عبير: هو علشان الهانم لابسة لبس زبالة زيها تقوم الواد من الاكل..

ايمن(بحدة): قوم يا علاء..

علاء قام مشي بكل غضب، و جاسر كان بيهدئ ديما...

سارة كانت بتموت من الغيظ...

ديما(بعياط): هيقتلوني ارجوك ارجوك ابعدهم عني..

جاسر: مفيش حاجة الكلام ده كان زمان يا ديما مفيش حاجة اهدي، انا جمبك اهو...

ديما(بعياط): انا خايفة...

خالد: لا يا حبيبتي متخافيش انا اهو و جاسر و كل اعمامك متخافيش...

ديما(بعياط): شكرا...

جاسر مسح ليها دموعها و باس رأسها و حط رأسها عند صدره..

جاسر: خلاص بطلي عياط احنا جمبك...

ديما(بأحراج): شكرا..

فيروز: كدة برضو في قمر بيعيط...

دعاء: قمر ايه دي بدر منور...

ديما(بابتسامة خفيفة): شكرا..

ديما: هطلع اغير هدومي...

جاسر: يا ريت يعني...

ديما: حاضر..

ديما طلعت مع فيروز و دعاء على اوضتها...

فيروز: بس ايه البيجامات القمر دي؟

ديما: اتفضليها يا روحي..

دعاء: ده بابا لما شافك كدة خلي علاء يطلع بره..

ديما: بجد؟اصل انا كنت بحلم بكوابيس و نزلت جري بس مخدتش بالي، آسفة...

فيروز: بتعتذري على ايه يا هبلة ده كويس احنا مش بنطقيه..

ديما: هخش اخد دوش و جاية..

ديما خدت دوش و خرجت دخلت اوضة الملابس..

ديما لبست جيبة لغاية الركبة منفوشة باللون الاسود و تي شيرت احمر بنص كم و كوتشي ابيض عالي، و رفعت شعرها على شكل ديل حصان، و حطت روچ خفيف...

دعاء: يا بت انتي حلوة كدة لمين؟

ديما: شكرا يا روحي، بس انتي احلي..

فيروز: طب يلا ننزل...

البنات نزلوا ملقوش حد غير الستات..

ديما: فين خالد و عمو؟

فتحية: كل الرجالة راحت شغلها و زودا رجالة على البيت و الخدامين رجعوا تاني...

ديما: تمام..

سارة: و انتي بقي بتخافي من الرصاص حقيقي و لا بتستعبطي..

ديما: افندم! انا مش هرد عليكي حرفيا انتي بني آدمة رزلة و مقرفة...

عبير: ما تلمي نفسك يا بت انتي..

ديما: طنط انا هطلع اكلم دنيا بره عن اذنك...

فتحية: روحي يا حبيبتي..

ديما خدت تليفونها و طلعت الجنينة و قعدت على الكنبة، اتصلت بدنيا...

الخط اتفتح...

ديما: ازيك يا بيبي..

دنيا: عايزة ايه يا بت يا رخمة؟

ديما: قولت اتصل بدل ما تقولي صاحبتي عيلة واطية..

دنيا: لا ما انا جاية عندك بكرة عادي يعني..

ديما(بصدمة): بتهزري صح؟

دنيا: لا ابوكي و امك و ابويا و امي هيروحوا يصيعوا من غيري، و انا هاجي اصيع عندك..

ديما: ابقي قابليني ده انا مش عارفة اتفرج على البلد كل شوية اوامر متلبسيش كذا متكلميش ده متعمليش كدة، ده ناقص يقولي اتنفسي عشر مرات بس في اليوم، ايه ده؟

دنيا: ايوه يا حبيبتي انا عايزاه يربيكي...

دنيا: بس انا عايزة اقولك حاجة..

ديما: ايه؟

دنيا(بضحك): حلبتي الجاموسة و لا لسة؟

ديما: اه يا واطية ما هو الحق مش عليكي الحق عليا لاني فكرت انك هتقولي حاجة مهمة، ينعل ابو شكلك غوري من وشي..

دنيا: طبعا هغور لاني هجهز شنطة سفرررررر كبييييييييرة هلشان اجي اقعد عمو لسة هيكلم عمك..

ديما: تمام يا روحي، جمبك بابا؟

دنيا: لا..

ديما: تمام خلي بالك من نفسك..

دنيا: ماشي يا كبدتي..

ديما: بيئة...

-في مكان تاني...

شخص: مخافوش يعني؟

شخص2: دول نزلوا اشتغلوا عادي...

شخص: لازم نقرص ودنهم بحاجة اكبر...

شخص3: انا هتصرف بس بعد كام يوم او اسبوع بالكتير...

شخص: جدع، يلا روح..

-في مكان تاني...

خالد: بس ايه ديما بدأت تتعود عليك...

جاسر: في ايه يا ابني مش مراتي؟

خالد: خلاص يا عم خلاص..

جاسر: المهم دلوقتي مين اللي عملها؟و كان قاصد يقتل حد و لا لا..

خالد: معرفش يا ابني و الله..

حسن: خالد..

خالد: نعم يا عمي..

حسن: بكرة هتسافر القاهرة هتجيب دنيا و ترجع بيها لهنا..

جاسر: هي دنيا جاية ليه؟

حسن: محسن و تسنيم و ابو دنيا و مراته رايحين مسافرين ضروري و هي مش هينفع تقعد لوحدها في القاهرة..

خالد: طيب حاضر يا عمي..

حسن: يلا ربنا معاكوا..

جاسر: حضرتك يا حاج هتعمل قعدة..

حسن: اه بس مش النهاردة لما نشوف هيتصرف هيعمل ايه تاني..

جاسر: تمام...

حسن: انا همشي...

خالد و جاسر: مع السلامة...

شخص: يا جاسر بيه يا جاسر بيه..

جاسر: ايه؟

شخص: بيقولوا ان في خيل من الخيول تعبانة..

جاسر: طب جيب الدكتور بسرعة..

خالد: هفضل انا هنا..

جاسر: ماشي ماشي..

جاسر طلع جري على البيت بسرعة..

عند ديما...

ديما: الله في صوت خيول..

ديما قامت ناحية الصوت و دخلت زي اسطبل جمب البيت لقت خيول كتير..

ديما: الله ايه الجمال ده؟

جاسر(بسرعة): في ايه؟

ديما(بخضة): في ايه؟

جاسر: انتي بتعملي ايه هنا؟

ديما(بتوتر): مفيش سمعت صوت خيول روحت جيت..

جاسر: طب روحي على البيت دلوقتي..

ديما: و النبي خليني هنا شوية..

جاسر: ديما كلمة روحي على البيت..

ديما: طب علشان خاطر عمو بليز..

الدكتور: جاسر بيه..

جاسر: ادخل..

شخص: اهي يا دكتور..

الدكتور بدأ يفحص الخيل، و ديما كانت هتمشي بس جاسر مسك ايديها و قربها منه..

ديما مفهمتش تصرفه و مكنتش عارفة تعمل ايه..

الدكتور: في حقنة انا و ديتها ليها و كمان 8 ساعات لازم تأخد واحدة غيرها..

جاسر: تمام شكرا يا دكتور، محمد روح مع الدكتور..

محمد: حاضر يا بيه..

جاسر: بتحبي الخيول؟

ديما: اه اوي...

جاسر مسك ايديها و لسة هيخليها تلمس الخيول شالت ايديها بسرعة وبعدت عنه...

جاسر: مالك؟

ديما: الصراحة مرة و انا صغننة..

جاسر(باستغراب): صغننة!

ديما: صغيرة يعني، لما كنت صغيرة ركبت خيل بس وقعت و رجلي و اتكسرت...

جاسر: اه، انتي مع كل حاجة ليكي ذكري وحشة..

ديما: حاجة شبه كدة..

جاسر: نفسك تجربي؟

ديما: نفسي بس بخاف..

جاسر: محمد محمد...

محمد: نعم يا بيه..

جاسر: قولنا ايه؟

محمد: نعم يا ابيه..

جاسر: شاطر..

جاسر: هات رعد..

محمد: حاضر..

ديما: رعد مين؟

جاسر: هتشوفي...

محمد جاب خيل لونه اسود و شعره كثيف يعتبر خيل مثالي..

ديما: الله لونه حلو..

جاسر قعد يملس على الخيل و باسه..

جاسر: اطلعي..

ديما: لا لا بلاش انا..

جاسر: لا تعالي..

ديما: بليز سيبني..

جاسر: محمد جيب الكرسي..

محمد: حاضر..

محمد جاب كرسي و حطه عند الخيل بحيث ديما تطلع عليه...

جاسر: متخافيش انا معاكي..

ديما: لو وقعت بجد هنزعل..

جاسر: متخافيش..

ديما كانت بتحاول تطلع بس مش عارفة لان ايديها مربوطة بشاش و ايديها التانية محروقة...

و في اقل من لحظة لقت نفسها راكبة على الخيل..

ديما(بفرحة): الله، شكرا..

جاسر(بابتسامة): تاخدي جولة...

ديما: ماشي، بس لا لا انا بخاف..

جاسر: اثقي فيا..

ديما: ماشي..

و بعدين ديما لقت جاسر ركب وراها و هي كانت خايفة و محرجة...

جاسر: قولنا متخافيش..

ديما: تمام..

جاسر بدأ يمشي بالخيل براحة و ديما مبسوطة و بتضحك و صوت ضحكها عالي..

فتحية: دي ديما دي؟

دعاء(بفرحة): اه يا بختها جاسر مركبها الخيل بتاعه..

سارة(بغيظ): اشمعنا يعني ده بيرفض احنا نقرب عليه..

عبير: هتلاقي اتمحلست عليه...

فيروز: الله شكلهم حلو اوي..

جملات: ربنا يديم سعادتهم...

ديما(بفرحة): انا مبسوطة اوي...

ديما طلعت تليفونها و قعد تتصور و تجيب جاسر معاها في الصور غصب عنه..

جاسر: يا بنتي مبحبش الصور..

ديما: طب ذكري الله..

جاسر: ماشي..

جاسر كان محاوط ديما و ديما ماسكة فيه و وشهم قريب من بعض و بيتصوروا...

جاسر: جاهزة؟

ديما: لايه؟

جاسر سرع جامد و بقي الخيل يجري بسرعة...

ديما(بصريخ): لا لا يا جاسر..

جاسر: هششششش اهدي غمضي عيونك و استمتعي باللحظة..

ديما غمضت عنيها و حست براحة شديدة..

جاسر: حاسة بأيه؟

ديما(بفرحة): مبسوطة اوي اوي اوي، شكرا جدا انت طلعت كيوت اوي...

جاسر: على ما اعتقد من يومين كنت رزل و حقير صح؟

ديما: ايه ده انت زعلان يا جسورة لا اسفة..

جاسر: مقبولة يا ديما..

كان جاسر و ديما بعدوا عن المنطقة اللي فيها ناس..

و بعدين جاسر لاحظ ناس وراه راكبين خيول و ماسكين اسلحة...

جاسر سرع اكتر بكتير، ديما غمضت عنيها و ماسكة في ايد جاسر...

جاسر كان بيحاول يبعد عنهم بأي طريقة علشان ديما...

جاسر: خليكي مغمضة عنيكي...

ديما(بفرحة): حاضر...

جاسر بعد عن الرجالة بمسافة كبيرة و راح حتة مقطوعة تعتبر صحراء و مفهاش اي شخص...

جاسر: افتحي..

ديما بدأت تفتح عنيها و شافت انها في صحراء..

ديما(بخوف): هو احنا فين؟

جاسر(بابتسامة): هنرتاح و هنريح رعد و هنرجع متخافيش..

ديما: ماشي..

جاسر نزل من على الخيل و شال ديما و نزلها هي كمان..

ديما: تعرف انك شبه رومانسي...

جاسر بصلها بطرف عيونه و بعدين قال..

جاسر: ايه ناوية تكملي جوازنا؟

ديما(بتوتر و احراج): لا لا طبعا انت فهمت غلط...

جاسر: تمام ماشي ليه اتحرجتي و اتوترتي اوي كدة..

-ديما و جاسر بدأوا يتكلموا و كان جاسر بيسمع ديما و هي بتتكلم، و هي بتتكلم عن ذكرياتها و تفضل تضحك..

-في مكان تاني..

سارة: يا اما انا خارجة اجيب ليا طلب..

عبير: لا حرجوا علينا محدش يخرج..

سارة: اومال اشمعنا ديما خرجت..

عبير: دي مع جاسر...

سارة: و انا بمية راجل طبعا..

عبير: ماشي يا بنتي، خلي بالك من نفسك..

سارة: حاضر..

سارة سابتها و لبست عبايتها و خرجت من البيت و راحت لمكان قريب من البيت زي كوخ محدش بيروحه...

سارة دخلت الكوخ و قلعت عبايتها...

سارة(بدلع): اتأخرت عليك؟

رواية إمرأة في عصمة صعيدي للكاتبة سلسبيل كوبك الفصل الثاني عشر

شخص: جوي جوي..

سارة: وحشتني يا مازن..

مازن: و انتي اكتر يا قلب يا مازن، فاكرينه؟

مازن قام و حضنها و هي بادلته الحضن..

سارة: تعرف عمري ما حسيت بالامان مع حد غيرك من ساعة ما عرفتك..

مازن: طبعا يا بنتي انا الاصل..

سارة: ربنا يخليك ليا يا حبيبي..

مازن: الخطة ماشية تمام..

سارة: اه جاسر الاهبل فاكرني لسة بحبه..

مازن: محدش بيحبك غيري..

سارة: و انا مبحبش حد غيرك يا حبيبي...

عند ديما و جاسر...

جاسر: يلا..

ديما: تمام..

جاسر ركب الخيل و بعدها مد ايده لديما..

ديما: انت يعني بتقولي يا اوزعة مثلا..

جاسر: ليه؟

ديما: انت طويل اوي..

جاسر: يا رب، اعمل ايه طيب انتي اللي قصيرة..

ديما: متقولش الكلمة دي تاني...

جاسر: ديما انجزي الليل هيليل..

ديما: اوف تمام..

ديما مسكت ايد جاسر و من غير مجهود كانت قاعدة على الخيل قدام جاسر بفضل جاسر طبعا...

ديما: انا عايزة انام اوي..

جاسر: لما نوصل..

ديما: تمام...

جاسر بدأ يمشي بالخيل و ديما رجعت رأسها عليه و كانت مغمضة عنيها...

جاسر(لنفسه): محسساني انك بنتي مش مراتي الصبر يا رب، طفلة انا اتجوزت طفلة...

و بعد فترة جاسر وصل البيت و لقي ديما نامت، جاسر نزل براحة و شالها و دخل البيت..

فيروز: اه يا عم على الناس اللي بتخرج و تتأخر..

جاسر(بابتسامة): فين ناس هنا بتغير؟

ديما: جاسر..

جاسر: نعم..

ديما: عايزة اكل..

جاسر: تمام..

جاسر قعد ديما على الكنبة...

فيروز: احكي احكي حصل ايه؟

دعاء: ايه ده انتي جيتي احكي يا بنتي عملتوا ايه؟

ديما: و لا اي حاجة مستمتعتش خالص..

جاسر: تصدقي اني غلطان اني عبرتك و قولت اركبك حصان لا و مش اي حصان حصاني اللي مبخليش اختي تلمسه...

ديما: في ايه يا ابني روق، بهزر انا كنت مبسوطة اوي اوي لدرجة اني نفسي اجرب تاني...

خالد: اهلا بالناس اللي راجعة المغرب..

جاسر: تعالي معايا يا خالد..

خالد: تمام..

جاسر و خالد بعدوا عن البنات، و ديما حكت للبنات اللي حصل...

خالد: في ايه؟

جاسر: كانوا فين ناس ورانا راكبة احصنة بس انا هربت منهم علشان كان معايا ديما...

خالد: تفتكر نفس الاشخاص؟

جاسر: ليه لا؟

خالد: و ليه اه؟

جاسر: انت قاصد تتفلسف و خلاص..

خالد: انا واحد هيروح يجيب الاميرة من القاهرة قال ايه مينفعش تقعد لوحدها..

جاسر: متأكد انه هيبقي على قلبك زي العسل..

خالد: يا عم غور دي ماشية مع طوب الارض يا ابني..

جاسر: طب ما اختك كانت تعرف ولاد قد ايه، و مع ذلك تقبلتها عادي يعني..

خالد: ديما غير دنيا..

جاسر: هنشوف..

خالد: بس احكيلي عملتوا ايه؟

جاسر: اختك دي مسخرة يا ابني، تكون خايفة و بعدين تضحك و معاها مع كل حاجة ذكري وحشة..

خالد: اينعم انا معرفهاش كويس بس ممكن فعلا تكون عانت كتير...

جاسر: ممكن..

ديما(بصوت عالي): عموووووووووو جااااااااسر خااااااااالد...

جاسر: ايه صوتك عالي ليه؟

ديما: هتأكلوا..

حسن: في ايه يا مجنونة؟

ديما: انا غلطانة كنت بعمل خير...

خالد: بعد كدة تقومي و تيجي تندهينا..

ديما: و النبي؟ يا ابني ده انا و حازم كنا نأكل و نخلص الاكل و بعدين نفتكر ننادي على بابا و ماما...

جاسر(بهمس): يادي حازم يا شيخة اللي طالع في البخت...

ديما: تسلم ايديكوا الاكل حلو اوي..

اسماء: بالهنا و الشفاء يا روحي..

جملات: ده انتي اللي قمر..

دعاء: عن اذنكوا هروح الدرس..

سارة: و من امتي في بنت بتخرج في الوقت ده؟

ديما بصت على الساعة برفعة حاجب...

فيروز: ايه يا بنتي باصة كدة ليه؟

ديما: هو كدة وقت متأخر؟

فيروز: اه هنا...

ديما: على كدة انا مشفتش ساعة واحدة تربية، انا كنت برجع البيت الساعة واحدة اتنين بليل و مرة وصلت البيت الساعة 6 الصبح...

ايمن: كنتي بتعملي ايه؟

ديما: مرة كنت راجعة من رحلة بس العربية اتعطلت و دنيا كانت سكرانة و مش مركزة معايا و انا كنت واقفة في الشارع مستنية اي حد يعدي بس محدش عدى، و كان لازم حد يزق العربية و انا كنت خايفة، و بعدين على الساعة خمسة الفجر كان النهار بدأ يطلع، في عربيات بدأت تظهر و زقت معايا العربية و دنيا كانت في دنيا غير الدنيا، و انا وديت فلوس للناس و طلعت اجري بالعربية لغاية ما وصلت في ساعة و كنت بموت و اول ما دخلت بابا و ماما و عمو محمد و طنط اولفت قعدوا يزعقوا ليا و انا ساندة دنيا بين ايدي...

ديما(بضحك): رميت دنيا على الارض و طلعت جري على اوضتي و ققلت الباب و اترميت على السرير صحيت تاني يوم...

عبير: انتي بتشربي خمرة؟

ديما: لا عمري ما جربتها، بس...

جاسر: ايه؟

ديما: ها لا خلاص خلاص..

جاسر(بحدة): قولي كملي..

ديما: في واحد غصب عليا اشرب و ساعتها سكرت جامد و خدني لاوضة الديسكو بس امن المكان و دنيا لحقوني في اخر لحظة و اغمي عليا و عملولي غسيل معدة، و فضلت في المستشفي يومين..

جاسر: يا حلاوتك..

جاسر(بعصبية): و لو كان حصلك حاجة كنتي هترتاحي، ما تردي..

ديما: ده كان زمان و انا عندي 18 سنة..

جاسر: طفلة طول عمرك طفلة..

جاسر سابها و قام مشي...

حسن: انتي غلطانة برضو يا بنتي..

ديما: كنت صغيرة..

خالد: عنده حق طول عمرك هتفضلي طفلة..

كل الرجالة قامت كل واحد ورا التاني..

ديما(بدموع): هما بيحاسبوني على حاجة قديمة، ما انا كان ممكن محكيش اي حاجة..

دعاء: معلش يا حبيبتي..

فيروز: ميقصدوش هما خايفين عليكي..

ديما قامت بسرعة جري و طلعت على اوضتها..

سارة: مش متربية..

فتحية: سارة ابعدي عن ديما علشان انا هقفلك..

عبير: هي سارة عملت حاجة..

فتحية: واضح واضح..

ديما طلعت اوضتها غسلت وشها و خرجت لقت جاسر واقف في البلكونة، قربت منه و حضنته من ضهره..

جاسر: سارة..

ديما: انا ديما..

جاسر اتصدم جدا لانه قال سارة و لان ديما حضناه..

ديما: آسفة..

جاسر: و لا يهمك..

ديما: مسامحني؟عارفة انك شخص صعيدي و في حاجات ممكن تضايقك و انا مش واخدة بالي..

ديما: انا آسفة..

جاسر: خلاص و لا يهمك..

جاسر باسها من رأسها و ديما حضنته...

ديما(لنفسها): ايه الاحراج ده؟بس انا مبسوطة..

جاسر(لنفسه): حضنها دافئ زي الاطفال..

ديما: احم آسفة انفعلت، يعني اللي هو لما كنت بعتذر لحازم و كان يتقبل اعتذاري كنت بحضنه..

جاسر(بعصبية): رجعنا للزفت حازم تاني..

ديما: ده اخويا..

جاسر(بعصبية): مش اخوكي يا ديما هو بس متربي معاكي، انسي اي حاجة ليها علاقة بيه...

ديما: بس..

جاسر(بعصبية): اسمها ايه يا ديما؟

ديما: معرفش و مش هقول، انا بحب حازم و حازم اخويا..

جاسر قعد يقرب من ديما و ديما ترجع لورا بتوتر..

جاسر: قولت ايه يا ديما؟اسمها ايه؟ردي؟

ديما: معرفش..

جاسر: برضو..

ديما: كفاية بقي هقع..

ديما فعلا كانت هتقع بس مسكت في قميص جاسر جامد و مغمضة عنيها...

جاسر: افتحي عينك...

ديما: فتحتهم...

جاسر: طيب، اسمها ايه بقي؟

ديما: معرفش..

ديما بتجري علشان تهرب من قدامه مسكها جامد و قربها منه اكتر...

جاسر: مش هتعرفي تهربي..

ديما: اسمها حاضر خلاص اسمها حاضر..

جاسر: هو انا كنت بقول ايه اصلا..

ديما: انت مش عايزني اكلم حازم تاني، و انا بقولك اهو حاضر بس ابعد بليز..

جاسر يبعدها بعيد عنه، و يضحك باستفزاز...

ديما: يا مستفز يا رزل..

جاسر: متشكر...

ديما: ابقي قابلني لو سمعت كلامك...

ديما سابته و جريت على الحمام و هو ملحقهاش..

جاسر(بصوت عالي): ما انتي مش هتفضلي طول عمرك في الحمام يعني...

-عدي اليوم بدون احداث مهمة...

لما ديما خرجت ملقتش جاسر و نامت و جاسر جه و راح نام جمبها..

دعاء ذاكرت و نامت، و فيروز كانت قاعدة معاها...

و الباقي نام...

-في الصباح الباكر...

خالد: مش عارف انا اسافر القاهرة ليه الخدام بتاعها..

فيروز(بضحك): يا ابني انت قولت الجملة دي مية مرة...

خالد(بعصبية خفيفة): ابعدي عني يا فيروز ابعدي عني..

فيروز: خلاص خلاص، متزعلش..

فتحية: مالك متنرفز ليه؟

خالد: يا مرات عمي خليهم يبعدوا من وشي علشان مطلعش عصبيتي عليهم..

دعاء: انا عملتلك حاجة؟

فيروز(بضحك): خالد متنرفز علشان هيروح يجيب دنيا من القاهرة...

خالد(بعصبية): اه طبعا ما انا سواق الهانم...

جملات: علشان خاطر اختك يا خالد..

خالد: ما تتزفت تقعد لوحدها و لا متقعدش هي دي بتفهم في العيب اساسا..

اسماء: خالد عيب نتكلم في اعراض الناس ممكن تكون احسن من مية واحدة محجبة..

خالد: انا غاير في داهية..

خالد: يا رب اروح الاقيها ماتت..

دعاء(بضحك): ده اتجنن..

خالد مشي ركب عربيته و راح على القاهرة...

حسن: فتحية اسماء عبير جملات..

الكل: نعم يا حاج..

حسن: النهاردة في قعدة نشوف الرصاص اللي اضرب ده ايه...

فتحية: ماشي يا حاج...

حسن: و انتي يا سارة انتي و دعاء و فيروز تشتغلوا معاهم و تساعدوهم..

سارة: و يا تري السنيورة ديما هتشتغل معانا و لا ايه؟

حسن: لما يقوم جاسر و هي تشوف احتياجاته و تفطر لو قدرت تبقي تعمل...

عبير: هي دي اساسا ست بيت او تعرف تشوف احتياجات زوجها...

جملات: ملكيش فيه يا عبير طالما جاسر مرتاح خلاص...

حسن: مش فاضي لكلام الستات...

حسن: فين على و ايمن؟

اسماء: على راح هو و الحاج ايمن للارض...

حسن: ماشي، جهزوا نفسكوا..

حسن مشي...

فتحية: سمعتوا يلا كل واحدة تتولي حاجة تعملها، و خلوا الخدامين يعملوا معاكوا، يلا..

عند ديما و جاسر...

جاسر كان نايم و ديما نايمة على ايده..

ديما بدأت تفوق و قامت من جمب جاسر و دخلت الحمام، غسلت وشها و خرجت دخلت اوضة الملابس..

ديما لبست فستان ابيض قصير عند الركبة بحمالة عريضة و لبست صندل بكعب احمر و حطت روچ باللون الاحمر نفس لون الصندل و سيبت شعرها..

ديما لسة جاية تخرج من الاوضة لقت جاسر بيدخل..

ديما(بخضة): انت صحيت امتي؟

جاسر: مش وقته، وسعي يا ديما متأخر..

ديما: تمام ماشي..

ديما خرجت و جاسر لبس عباية باللون الزيتي و خرج...

جاسر: انتي ناوية تنزلي كدة؟

ديما: اه..

جاسر: ماشي، بس متخرجيش بيه بره البيت و لا حتى الجنينة..

ديما: اشمعنا؟

جاسر: في البيت علاء مش موجود اليومين دول، لكن بره البيت في الجنينة في غفر خلاص..

ديما: تمام ماشي...

جاسر نزل و ديما وراه..

جاسر: فين الفطار فين الحاج فين خالد؟

دعاء: ايه يا ابني نازل تسأل بس؟

جاسر: ملكيش دعوة يا لمضة...

اسماء: الفطار اهو كل انت و ديما، الحاج حسن راح الارض و خالد راح يجيب صاحبة ديما..

ديما: تمام، انا جعانة اوي..

جملات: جاسر الحاج بيقولك اجهز النهاردة القعدة..

جاسر: تمام...

كل واحد راح شاف شغله و جاسر و ديما بيأكلوا..

ديما: قعدة ايه؟

جاسر: بصي يا ستي الحاج حسن هو يعتبر شيخ البلد هنا و هو اللي بيحل الامور و المشاكل مبندخلش البوليس في الموضوع..

جاسر: لازم نعمل قعدة نشوف مين ضرب نار و لو لقيناه بيبقي في تعويض و طالما غلطوا في عائلة القاضي هتبقي العقوبة كبيرة شوية..

ديما: زي ايه مثالا؟

جاسر: ما تسيبيني اكل يا ديما..

ديما: اوف حاضر، بحاول اعرف معلومات عن البلد علشان لو طولت في العيشة هنا..

جاسر: بصي هبقي اقعد معاكي وقت ما افضي و احكيلك عن البلد بتاعتنا..

ديما(بفرحة): اشطا و انا هكلمك عن القاهرة..

جاسر: تمام سيبيني اكل بقي..

ديما: خلاص كل، شكرا...

جاسر خلص اكل و قام باس رأس ديما و خرج على شغله، و ديما اتصدمت من اللي هو عمله بس محطتش في دماغها..

فيروز: ناس تقعد تأكل و تتباس و سيبانا بنتزفت نروق البيت..

دعاء: اه لولا انك عروسة جديدة بس..

ديما(بضحك): ايوه اشتغلوا اشتغلوا...

سارة: قومي يا اختي اشتغلي شوية..

ديما قعدت و حطت رجل على رجل و بصت لسارة..

ديما(بتناكة): عروسة جديدة...

سارة: و ربي لاربيك يا بت انتي..

ديما: روحي اتربي انتي الاول..

سارة: مش دايمة يا ديما..

دميا: تصدقي النغم حلو مش دايمة يا ديما...

سارة بصت ليها بغضب و فيروز و دعاء بيضحكوا..

ديما: انا قايمة و جاية تاني..

ديما قامت و راحت على المطبخ..

ديما: يا اهلين اخباركوا؟

جملات: حبيبتي اخبارك انتي؟

ديما: فل، قوليلي بقي انا اعمل ايه؟

فتيحة: و لا اي حاجة روحي اقعدي انتي لسة جديدة، و صاحية كمان من النوم و كمان انتي لسة عروسة جديدة..

ديما: لا لا قولولي اعمل ايه؟

اسماء: ما تعملي بطة زي المرة اللي فااتت..

ديما: لا انا كفاية ايد محروقة و ايد مجروحة حرام...

جملات(بضحك): علشان كدة بنقولك روحي اقعدي..

ديما: اه قولولي بقي اعمل ايه؟

عبير: حد يلاقي دلع و ميتدلعش..

ديما: اه لاني مدلعة لوحدي..

عبير: مش انتي عايزة تعملي حاجة تعالي احشي انتي الحمام..

ديما: لا يععع انا ادخل ايدي في الحمام و كدة و هو كمان نئ لا لا، انا اروح اقعد بكرامتي احسن..

ديما سابتهم و طلعت اوضتها و قعدت على النت..

و الكل في البيت بيتشغل...

جاسر بيتشغل في الارض و تعبان و الكبار بيتكلموا..

-في مكان تاني..

عند خالد...

خالد وصل القاهرة بعد فترة و راح على بيت محسن..

خالد لقي محسن و تسنيم واقفين في الجنينة..

خالد: احم احم..

محسن: اهلا يا خالد..

خالد: اهلا يا ابوي..

تسنيم: ازيك يا خالد..

خالد: الحمد لله..

محسن: ثانية دنيا هتيجي..

محمد: جهزت يا محسن؟

محسن: اه فين دنيا؟

اولفت: بتظبط لبسها..

تسنيم: ماشي...

محمد: انت خالد؟

خالد: اه..

محمد: بنتي في عينك يا خالد..

خالد: اكيد يا عمي..

محمد: يلا ميعاد الطيارة هنتأخر...

تسنيم: هي ديما عاملة ايه يا خالد؟

خالد: كويسة الحمد لله..

تسنيم: يعني عارفة تعيش هناك؟

خالد: اه حتى جاسر خدها و ركبها الحصان بتاعه..

اولفت: ديما بتخاف من الاحصنة من ساعة ما وقعت اتكسرت...

محسن: البركة في جاسر، يلا احنا..

محمد: دنيا زمانها جاية..

خالد: تمام..

محسن و تسنيم و محمد و اولفت سافروا المانيا...

خالد واقف مستني دنيا و على اخره...

خالد: طبعا من حقها تتزفت و تتاخر مش انا السواق الخصوصي بتاع جنابها..

دنيا: خالد..

خالد: اه زفت..

دنيا: كنت بتكلم نفسك؟

خالد: اه كنت بكلم نفسي، عندك اعتراض؟

دنيا: مالك يا ابني بتكلمني كدة ليه هو انا عاملة عملة..

خالد: انتي مالك؟خشي العربية انجزي..

دنيا: و لو مدخلتش؟

خالد: هسيبك و امشي و انا اساسا مش عايز اخدك معايا...

دنيا: يا رزل..

خالد: هتركبي ولا امشي؟

دنيا: لولا انك اخو ديما بس، خد الشنطة..

خالد: مش الشيال بتاعك انا، شيليها ايه بسكوتة..

خالد سابها و راح ركب مكانه، و دنيا حاولت كتير تشيل الشنطة تحطها في العربية مش قادرة..

خالد نزل تاني و خد الشنطة حطها في العربية..

خالد: ايه جايبة برميل معاكي..

دنيا: افندم؟

خالد: مفيش..

خالد راح ركب و هي ركبت جمبه و طول الطريق ساكتين...

في الصعيد...

ديما لقت تليفونها رن، مسكته و استغربت..

الخط اتفتح..

ديما: الو..

جاسر: ديما انا جاي كمان خمس دقايق و متأخر اختاري اي طقم بسرعة عقبال ما اجي..

ديما(بصدمة): ها؟

جاسر: انجزي القعدة فاضل عليها عشر دقايق انجزي..

ديما: طيب طيب، هتلبس ايه بالظبط؟

جاسر: عباية انجزي انا قربت اوصل..

ديما: اوف ايه ده؟اختارله انا إيه بقي؟

ديما قامت و دخلت اوضة الملابس و قعدت تدور بين الهدوم لقت ان العبايات نوعها غالي و نضيفة و لقت ساعات و اطقمة شيك اوي و بدل و جذم و حاجات كتير...

ديما اختارت لجاسر عباية باللون الابيض و شال اسود فوقها{اللي هو بيبقي حاجة كدة طويلة زي الشال} و جذمة سوداء و ساعة شيك باللون الاسود..

ديما(بابتسامة): كدة تمام، الله عليا..

جاسر: اختارتي؟

ديما: اه اه..

ديما لقت جاسر بيبدأ يقلع عبايته..

ديما(بصدمة): ايه لا اهدي، لما اطلع..

جاسر: ما تخرجي انجزي متأخر..

ديما: ماشي..

ديما خرجت، و جاسر لبس الهدوم اللي ديما طلعتها و عجبه ذوقها و تنسيقها...

جاسر: عايزة حاجة؟

ديما: اي حاجة اي حاجة؟

جاسر: قولي انجزي متأخر..

ديما: كيس مارشيملو..

جاسر(بكدب): اسمه ايه؟

ديما: مارشيملو..

ديما: استني هكتبهولك في ورقة..

جاسر: هبقي ابعتلك الولد تقوليله اسمه باي..

جاسر سابها و نزل، و ديما قعدت على السرير..

ديما: يعني لو كان متعلم ده مش كنت حبيته..

ديما: انتي غبية تحبي صعيدي ليه اتجننتي..

ديما: هو انا اسااسا لما احبه هحبه علشان تعليمه ايه الهبل ده؟

ديما: انا اساساا مستحيل احبه لان عيشته غير عيشتي، عاداته غير عاداتي..

ديما نزلت للستات تحت...

دعاء: الله عليك يا جميل؟

ديما: في ايه؟

فيروز: ذوقك حلو يا قمر انتي..

ديما: حصل ايه؟حد يفهمني..

دعاء: يا بنتي ده اول ما جاسر نزل امي قالتله ايه الشياكة دي يا جاسر..

جاسر: قالها ذوق ديما..

ديما: اه طب فيها ايه؟

فيروز: عبير بقي قعدت تقول الطقم وحش اوي عليك ايه الذوق ده..

ديما: نفسي اعرف بتكرهني ليه؟

دعاء: سيبك منها، بس اخويا كان مز..

ديما: طب حلي عني انا هموت من الجوع..

طفل: ابلة ديما ابلة ديما...

ديما(بستغراب): ابلة!، ايه يا ابني؟

طفل: انتي ابلة ديما؟

ديما: اه..

طفل: ابيه جاسر بعتلك الشنطة دي..

ديما: ايه دي؟

طفل: خدي..

ديما مسكت منه الشنطة و الطفل طلع يجري..

دعاء: فيها ايه ها فيها ايه؟

ديما: هشوف..

ديما فتحت الشنطة لقت اكياس مارشيملو كتير..

ديما(بفرحة): ايه ده ده جابهم، الله..

فيروز: اه يا قلبي، يا رب جوزني واحد زي جاسر..

دعاء: ده انا اخته و معبرنيش..

دعاء: هاتي يا بت الكيس ده..

دعاء خدت الكيس من ديما و طلعت تجري..

ديما(بصوت عالي): دعاااااء و ربي لو مسكتك هنفخك، هاتي الكيس ده بتاعي..

دعاء: لا ابقي خليه يجيب تاني ليكي، باي انا بذاكر..

دعاء دخلت اوضتها و قفلت الباب..

ديما: انا عايزة المارشيملو بتاعي..

فيروز: ده دخل في حجر الحكومة باي اطلع اكل مع دعاء...

فيروز طلعت جري و ديما وراها...

فيروز: افتحي يا دعاء دي جاية..

دعاء فتحت بسرعة و فيروز و دعاء دخلوا الاوضة و قفلوا الباب..

ديما: و ربي لو مفتحتوش لتاخدوا مني علقة..

دعاء: الله المارشيملو طعمه جميل اوي..

فيروز: هاتي واحد كدة اللي اللي لونها ابيض حلوة اوي..

ديما: طب هاتوا واحدة طيب...

دعاء: ابدا..

ديما قعدت جمب الباب مستنياهم يفتحوا، و هما خايفين يخرجوا، و دعاء ذاكرت و فيروز قاعدة على السرير...

فتحية: يلا يا تهاني ودي الاكل للرجالة..

تهاني: حاضر يا ستي..

عند الرجالة..

محروس: انت كدة بتغلط يا حسن..

محروس: يعني ايه احنا اللي ممكن نكون عاملناها..

حسن: يعني انا شاكك فيك يا محروس..

محروس: اشهدوا يا رجالة الحاج حسن بيشك فيا..

جاسر: ايه هو انت ملاك يعني؟

مازن: لا مراتك هي اللي ملاك..

جاسر(بعصبية): انت بتقول ايه يا مازن؟انت اتجننت..

مازن: انا بقول الحقيقة هو في ايه؟

حسن(بحدة): خلاص، اي حد هنا يسمع الكلمتين دول مش عيلة القاضي اللي بتخاف و رجالتها تسد عين الشمس، و سواء كان اللي عمل كدة هعرفه و ساعتها ميلومش غير نفسه...

على: سمعتوا و اي شخص عارف حاجة و خايف يتكلم ميخافش هيبقي في حماية كبيرنا..

ايمن: و ليه فلوس، لان الموضوع مش هيعدي بسهولة...

حسن: خلاص كله على بيته..

و الكل كان قايم...

جاسر(بعصبية): مازن...

مازن: نعم خير؟

جاسر ضربه بوكس في وشه و مسكه من عبايته..

جاسر: قسما بربي تجيب سيرة مراتي على لسانك لاكون قاطعهولك، فاهم؟

مازن: ابعد...

على: خلاص يا جاسر...

حسن: خلاص يا ولدي..

جاسر زق مازن في الارض و مشي جمب ابوه و اعمامه...

و روحوا البيت و كل واحد طلع على اوضته و جاسر طلع لسة هيروح على اوضته..

جاسر: قاعدة عندك ليه؟

ديما(بحزن): دعاء و فيروز خدوا المارشيملو مني..

جاسر: طب انتي ليه زعلانة؟

ديما(بحزن): ما انا قولتلك اول ما فتحت الكيس و عرفوا انك جايب حاجة ليا خدوها و جريوا و قفلوا الباب عليهم و مش عايزين يودوها ليا..

جاسر: طب خلاص متزعليش هجبلك غيرهم...

ديما(بحزن): انت كنت جايب كتير انا عايزة دلوقتي بس..

جاسر: ديما خلاص بكرة هجبلك...

ديما(بحزن): لا..

جسار: عنك ما قومتي ده ايه القرف ده؟اتجوزت طفلة انا، بدل ما تبقي ست بيت تشيل مسئول..

جاسر ساب ديما و دخل اوضته و ديما دمعت..

سارة(بشماتة): ايه زهق منك و لا ايه؟

ديما: ابعدي عني يا سارة مش طيقاكي..

سارة: انتي مكانك في الارض زي ما انتي قاعدة..

ديما: ماشي شكرا..

سارة سابتها و مشيت، و بعدين ديما لقت اللي بيقعد جمبها في الارض..

ديما: خير؟

جاسر: عايزة ايه؟

ديما: شكرا مش عايزة منك حاجة..

ديما قامت و سابت جاسر قاعد مكانه في الارض..

عند خالد و دنيا..

دنيا: ما تشغل اي حاجة كدة..

خالد: بايظ..

دنيا: طب اعمل اي حاجة..

خالد: تحبي ارقصلك..

دنيا(بضحك): بتعرفي يا بيضة..

خالد: رزلة..

دنيا: يا ابني انا عملتلك ايه؟

خالد: اهو كيفي كدة..

دنيا: عيل رزل..

خالد من غير ما يأخد باله خبط في عمود..

رواية إمرأة في عصمة صعيدي للكاتبة سلسبيل كوبك الفصل الثالث عشر

دينا اتخبطت و اغمي عليها، و خالد برضو رأسه اتخبطت بس كان دايخ و مش قادر يوزن نفسه..

خالد: دنيا دنيا..

خالد: يا دنيا..

خالد حاول ينزل من العربية و راح ناحيتها حاول يفوقها لكن معرفش...

و وقف بيحاول يوقف اي عربية..

سواق: ده خالد بيه؟

شخص: اه هو شكله عمل حادثة..

سواق: انزله بسرعة...

شخص: خالد بيه..

خالد(بتعب): معتمد كويس انك هنا..

معتمد: ايه اللي حصل؟

خالد: مش وقته، جيب الشنطة من العربية..

معتمد: حاضر حاضر..

خالد قوم دنيا و سندها بأيده و مشي راح ناحية العربية..

سواق: اتفضل يا بيه..

خالد ركب دنيا و ركب جمبها، و معتمد جاب شنطة دنيا و حطها في الميكروباص و مشيوا...

معتمد: اجبلك اي حاجة يا خالد بيه؟

خالد(بتعب): لا وصلني لبيتي يا معتمد...

معتمد: حاضر حاضر...

في الصعيد...

فتحية: دعاء اطلعي نادي ديما من فوق..

دعاء: انا لا..

فتحية: خلاص انتي يا فيروز..

فيروز: ابدا..

سارة: ايه مالكوا قلبتوا عليها كدة؟هي اساسا متتعاشرش..

دعاء: لا طبعا احنا بس خدنا منها المارشيملو و هي كانت عايزاه..

دعاء لقت ايد ضربتها على قفاها...

جاسر: هو مش انا جايب الحاجة دي لديما خدتوها ليه؟

فيروز: ما انت مش بتعبرنا، من ساعة ما جت ديما و انت بتجيب كل حاجة ليها و تخليها تركب على رعد..

جاسر: بطلوا غيرة و اوعدكوا حاضر هركبكوا على رعد و هجيب ليكوا حاجات حلوة كتير، بس يلا اطلعوا صالحوها...

اسماء: اه يا ولاد ال يعني مزعلينها...

عبير: ما تخبط دماغها في الحيطة..

سارة: مهتمين بيها ليه؟ايه ده؟

جملات: هو خالد اتأخر ليه؟

جاسر: هتلاقيه زمانه جاي...

جاسر: اومال فين الحاج و اعمامي؟

فتحية: خرجوا هيتغدوا بره، و قالي اقولك خليك انت هنا لانك راجل و هتقدر تحميهم...

جاسر: تمام، انجزوا يا عيال اطلعوا صالحوها..

فيروز: هواء..

فيروز و دعاء طلعوا بسرعة لاوضة ديما و دخلوا..

فيروز: دودو متزعليش مننا..

دعاء: احنا آسفين...

ديما(بخوف): استنوا بس..

دعاء: مالك؟

ديما(بدموع): بكلم دنيا و خالد مش بيردوا...

فيروز: جاسر قال زمانهم على وصول..

ديما: لا بس انا لما بتصل بدنيا بترد عليا علطول و انا اتصلت عليها عشر مرات و مردتش...

دعاء: اهدي خير خير...

فيروز: ايوه استني نص ساعة هتلاقيهم جم..

ديما: تمام، ايه ده و بعدين اصلا انا مش بكلمكوا..

فيروز: خلاص بقي يا دودي قلبك كبير..

دعاء: اسفين، بس كنا بنعمل كدة علشان نخلي ابيه جاسر يجيب لينا احنا كمان...

ديما: هبقي افكر...

فيروز: هو احنا هنسيبك...

فيروز و دعاء قعدوا يزغزغوا لغاية ما صوت ضحكها وصل للكل تحت...

سارة: بنت مايصة..

فتحية: جاسر قول كلمة عبير و بنتها بيفضلوا يحبطوا و يشتموا في مراتك علطول...

جاسر: مرات عمي ديما مراتي و معني انك بتغلطي فيها يعني بتغلطي فيا و اعتقد ميصحش تعملي كدة، و انتي يا سارة دي قدك و جديدة لازم تحترميها برضو..

سارة: انا معملتش حاجة، انت ظالمني..

جملات: جاسر مبيعرفش الظلم..

سارة: اه ما انا عارفة..

ديما(بضحك): مساء الفل...

فتحية: مساء الهنا و السرور يا حبيبتي..

جملات: اخبارك يا حبيبتي؟

دعاء: شايفة ضحكتها لغاية ودانها لغاية ما بقت عاملة زي الهبلة..

ديما: اه يا حيوانة انا هبلة يا هاطلة..

فيروز: لا يا حبيبتي طبعا انتي مش هبلة..

ديما: قلبي..

فيروز: انتي مجنونة..

ديما: اه يا زبالة..

ديما قعدت تجري ورا فيروز و دعاء..

جاسر: خلاص بقي اقعدوا كلوا...

فيروز: ريحتنا منها..

ديما: يا بت هزعلك...

و الكل بدأ يقعد على السفرة و يبدأوا يأكلوا...

تليفون ديما رن...

ديما(بقرف): يا ربي مش بطقيك يا زفت انت...

جاسر: مين؟

ديما: الو..

شخص: ازيك يا ديما اخبارك وحشتيني..

ديما: اعتقد ازيك هي هي اخبارك فملهاش لازمة الكلمتين، و انت موحشتنيش خالص..

شخص: مالك يا ديما مش مدياني ريق حلو ليه؟

ديما: يا ابني هو انا خلفتك و نسيتك، مش انت اتقدمت خمس مرات و انا رفضتك و جيت قدام الناس و طلبت ايدي و انا احرجتك انا غيرت رقمي تلات مرات و انت جبته اعملك ايه بقي، انت مش بتفهم ليه؟

شخص: طب سبب يخليكي ترفضيني؟

ديما: متجوزة..

شخص: ايه انتي كدابة؟

ديما: هكدب ليه انا متجوزة و عن اذنك بقي و امسح رقمي لو عندك كرامة ينعل ابو معرفتك يا شيخ...

جاسر: مين ده؟!

ديما: شخص رزل و عايز يتجوزني و انا برفضه...

اسماء: طب قبل ما تعرفي جاسر كنتي بترفضيه ليه؟

ديما: شخص متملك، و انا مبحبش الاشخاص المتملكين، ده مرة انا اتأخرت خمس دقايق لما روحت كنا مجموعة صحاب كلمني بغضب و قالي انتي اتأخرتي ليه و افرضي كان حصلك حاجة و بلا بلا بلا، روحت قولتله خلصت انت مالك بقي..

ديما: و بعدين قولت لباقي صحابنا انا ماشية معرفة زبالة و قطعت علاقتي بيهم كلهم...

جاسر: اديني رقمه..

ديما: ليه؟

جاسر: ملكيش فيه..

ديما طلعت ودته الرقم و هو خده...

و بعدين الباب اتفتح...

تهاني(بصريخ): الحقووووني...

الكل قام و راح ناحية الصوت..

ديما(بخضة): دنيا خالد..

جاسر قرب من خالد و مسكه، و ديما حضنت دنيا..

ديما(بدموع): دنيا دنيا سمعاني...

جاسر: حصل ايه يا خالد؟

جملات(بدموع): ابني حصلك ايه؟

خالد(بتعب): طب دخلونا...

الستات ساعدت ديما و قعدوا دنيا على الكنبة..

ديما: دنيا حبيبتي فوقي، دنيا..

خالد: خبطت في العمود و هي اغمي عليها بسرعة..

خالد: معتمد معاه شنطتها يا جاسر..

ديما(بدموع): يا دنيا بليز فتحي عينك...

ديما(بدموع): انت كويس يا خالد؟

خالد(بابتسامة باهتة): اه يا حبيبتي..

جملات: طب ابعتوا الدكتور...

ديما: لا انا واخدة كورس اسعافات اولية...

ديما: هاتوا بس علبة الاسعافات الاولية..

جابوا ليها علبة الاسعافات، و ديما بدأت تلف رأس خالد بشاش و بدأت تفوق دنيا و خيطت ليها الجرح اللي في رأسها...

ديما: تمام، بس حاليا دنيا مش هتفوق الا بكرة الصبح ان شاء الله...

ديما: تعالي يا فيروز اسنديها معاايا..

و بدأوا يطلعوا دنيا اوضة ليها و طلعوا شنطتها و خالد طلع ينام...

اسماء: الحاج حسن و الحاج على و الحاج ايمن مش راجعين لمدة اسبوع و انت يا جاسر هتبقي كبير العائلة...

جاسر: تمام يا مرات عمي، كله يروح على اوضته..

جاسر: ديما تعالي ورايا..

جاسر طلع و ديما وراه..

ديما: ممكن طلب؟

جاسر: اتفضلي..

ديما: لو سمحت كنت عايزة اقعد مع دنيا لغاية ما تفوق..

جاسر: صعب يا ديما..

جاسر(بابتسامة خفيفة): بس معنديش مانع..

ديما(بابتسامة): شكرا..

ديما جريت و حضنته و هو بادلها الحضن و باس رأسها...

جاسر: بس تصحي من بدري تشوفي احتياجاتي علشان هبقي الكبير هنا لغاية ما الحاج ما يرجع...

ديما: هو عمو رايح فين؟

جاسر: هيحلوا قضية في مكان تاني مش في البلد دي..

ديما: تمام..

جاسر: و تلبسي محترم علشان علاء راجع بليل..

ديما: حاضر..

جاسر: طب ما انتي بتعرفي تقولي حاضر اهو من غير حاجة..

ديما: ايه الاحراج ده؟

ديما: عن اذنك..

ديما خرجت و قابلت فتحية..

فتحية: ديما..

ديما: نعم يا طنط..

فتحية: تعالي معايا..

ديما: تمام..

ديما راحت مع فتحية اوضتها..

فتحية: اقفلي الباب..

ديما: تمام..

ديما(لنفسها): هي عايزاني في ايه انا بدأت اخاف..

فتحية: اقعدي يا ديما..

ديما: ها؟تمام تمام...

فتحية: انا عارفة انك متوترة بس متتوتريش انا امك زي ما قولتلك..

ديما: لا خالص، اكيد يعني حضرتك زي مامتي اتفضلي..

فتحية: عارفة ان بنات مصر و القاهرة ساعات بيأجلوا الخلفة لوقت سنة او سنتين..

ديما(بصدمة): اه بس بس ايه اللي جاب الموضوع ده يعني؟

فتحية: انا عايزة اشوف ابن لجاسر يا ديما، يعني في اقرب وقت تحملي انتي بنتي و هو ابني بس عايزة اشوف ابنه نفسي اشوف حفيد...

ديما كل الكلام بيدور في دماغها و هي مصدومة و مش عارفة ترد...

فتحية: شكلك من النوع اللي بيتحرج، متتكسفيش مني انا امك يا بنتي..

ديما(بتوتر): لا لا ابدا، عن اذن حضرتك..

فتحية: فرحيني قريب يا ديما..

ديما: ان شاء الله..

ديما كانت هتمشي بس رجعت تاني..

ديما: هو انا لو مش بخلف هيحصل ايه؟

فتحية: اسفة يا بنتي بس عمك هيخليه يتجوز تاني..

ديما(بابتسامة باهتة): تمام، عن اذنك..

ديما مشيت و هي مصدومة و مرتبكة..

ديما: آسفة..

علاء: لا لا عادي و لا يهمك، بس مالك مصدومة؟

ديما: لا مفيش عن اذنك..

علاء مسك ايديها...

علاء: استني بس ده احنا برضو ولاد عم و لا ايه؟

ديما: عايز ايه يا علاء انجز؟

علاء: انتي قمر اوي..

ديما: تمام شكرا..

علاء: مالك مودياني وش خشب ليه كدة ما تفكي؟

ديما: لما ابقي مش متجوزة ابقي اقف معاك براحتي..

علاء: و لا يهمك جاسر مش هيعمل حاجة...

ديما: تمام سيب ايدي بقي..

علاء: لا انا يا ديما..

ديما(بعصبية): سيب ايدي يا علاء انت استحليت الموضوع و لا ايه؟

فيروز: في ايه؟انت ازاي ماسك ايديها انت اتجننت يا علاء؟

علاء: مش دايمة..

علاء سابهم و مشي...

ديما: هو ايه اللي مش دايمة الله...

فيروز: علاء و سارة دول من يومهم و هما كدة..

ديما: انا مالي انا فيا اللي مكفيني..

فيروز: مالك؟

ديما: سيبيني و النبي مش قادرة اتكلم عن اذنك..

ديما سابتها و مشيت..

ديما(لنفسها): يا ربي اتصرف دلوقتي ازاي هي كانت جوازة منيلة قال اخلف قال هو انا قادرة اشيل مسئوليتي لما اشيل مسئولية طفل لا و كمان ابوه يبقي جاسر مستحيل..

ديما طلعت فضلت قاعدة مع دنيا و تروح كل شوية تشوف خالد اخوها...

-في مكان تاني...

في ألمانيا، في الفندق..

اوضة محمد و اولفت..

اولفت: دنيا زمانها وصلت..

محمد: اه...

اولفت: صعبانة عليا ديما لانها متعرفش..

محمد: ديما عارفة يا اولفت..

اولفت(بصدمة): ازاي و من فين؟

محمد: محدش يعرف بس المهم دلوقتي انها اتجوزت جاسر علشان محسن يعمل العملية..

اولفت: طب بعد ما يعمل العملية ممكن ديما تطلق...

محمد: محسن مش هيوافق ابدا و لا حسن..

اولفت: في حاجة انتوا مخبينها عننا صح؟

محمد: اه بس مش دلوقتي يا اولفت في الوقت المناسب..

اولفت: امتي يعني؟

محمد: معرفش، دلوقتي نامي و بكرة هنروح للدكتور علشان يحدد ميعاد العملية..

اوضة محسن و تسنيم...

محسن: انا خايف العملية تفشل يا تسنيم..

تسنيم: متخافش يا حبيبي خير، و العملية هتنجح..

محسن: يا رب...

محسن: تفتكري ديما هتحب جاسر؟

تسنيم: جاسر شخص طيب و حنين بس برضو طباعه و عاداته مش هتمشي على هوا ديما...

محسن: بس برضو ديما بتغلط كتير و يعتبر جاسر بيربيها...

تسنيم: تفتكر ديما هتعمل ايه لو نجحت العملية؟

محسن: مضمنش تصرفها، بس يا رب تحب العيشة هناك في الفترة دي...

تسنيم: يا رب يا محسن...

محسن: طيب انا هنام..

تسنيم: ماشي يا حبيبي، تصبح على خير..

محسن: و انتي من اهله..

-في مكان تاني...

محروس: جاسر ده عايز اضربه عيارين و يموت...

مازن: مامتش ابن القاضي لما حاولت اقتله، كنا زمانا خلصنا منه من زمان من و هو طفل...

محروس: بس برضو مين اللي ضرب نار عليهم في بيتهم..

مازن: معرفش، بس كل اللي اعرفه انه مغصوب على البت المصراوية دي..

محروس: و انت عرفت منين؟

مازن(بخبث): عيب عليك يا حاج..

محروس: البت بت علي؟

مازن: لا بنت الحاج ايمن...

محروس: عفارم عليك يا مازن، اتأكدت انك راجل..

مازن: عيب عليك، المهم دلوقتي هو مغصوب على البت المصراوية دي و بيحب سارة نعمل ايه؟

محروس: يبقي سهل نوقع بينه و بين البت المصراوية، و سارة نستفيد منها في الموضوع ده..

مازن: بس خلي بالك انا مبشوفهاش كتير يعني وقت ما اقولك تمام و الفترة دي حاليا مش هعرف اقابلها..

محروس: مش مشكلة لسة الايام جاية كتير...

مازن: تمام يا حاج..

محروس: الكبير عايز سلاح بنص مليون جنيه..

مازن: تمام هروح المخازن و اتصرف انا في الموضوع ده...

في بيت عائلة القاضي..

جاسر كان في اوضته لقي الباب بيخبط..

جاسر: ادخل..

سارة: حبيبي وحشتني..

جاسر: انتي ايه اللي جابك دلوقتي يا سارة؟

سارة: استغليت ان البت المصراوية دي مش هنا و قولت اجي اقعد معاك شوية..

جاسر: سارة ارجعي اوضتك حالا، عيب كدة..

سارة: يرضيك...

جاسر: يا سارة امشي دلوقتي...

سارة: ماشي يا جاسر...

جاسر: يا حبيبتي امشي دلوقتي..

سارة: ماشي...

سارة مشيت و جاسر خد شهيق و زفير و كان متعصب...

و بعدين لقي حد فتح الباب و دخل...

جاسر(بعصبية): مش قولتلك امشي..

فتحية: قولت لمين يا جاسر؟

جاسر: ها لا مفيش، خير يا امي في حاجة؟

فتحية: جاية اتكلم معاك في موضوع..

جاسر: اتفضلي اقعدي..

فتحية قعدت و جاسر قعد قدامها..

فتحية: ديما..

جاسر: مالها؟

فتحية: انت و ديما لازم تحطوا موضوع الخلفة في دماغكم..

جاسر(لنفسه): الصبر يا رب..

جاسر: لما ربنا يريد يا امي...

فتحية: و نعمة بالله، بس برضو انا مش بشوفكوا بتقعدوا مع بعض خالص، ده هي طول اليوم معانا و انت طول اليوم في الشغل..

جاسر: يعني اعمل ايه مشتغلش..

فتحية: لا وفق بين ده و ده يا جاسر..

جاسر: حاضر يا امي، ان شاء الله..

فتحية: ما ديما برضو قالت نفس الكلام..

جاسر(بصدمة): انتي كلمتيها هي كمان؟

فتحية: طبعا..

جاسر: ماشي يا امي، حاجة تاني؟

فتحية: لم عبير و سارة يا جاسر...

جاسر: تمام يا امي..

فتحية: بس انا شايفة انك مايل لسارة شويتين..

جاسر: ليه بتقولي كدة؟

فتحية: انت ابني يا جاسر و هحس بيك، ديما احسن من سارة بكتير اسمع مني..

جاسر(ببرود): ماشي يا امي..

فتحية: في اقرب وقت يا جاسر..

جاسر: تمام يا امي..

-في الصباح الباكر..

في حدود الساعة 5 الفجر..

ديما في اوضة دنيا و لسة منامتش و كل شوية تروح تشوف خالد و ترجع تقعد مع دنيا...

ديما قامت و راحت على اوضتها لقت جاسر نايم..

ديما(بسخرية): نايم بسلام الباشا..

ديما دخلت و طلعت لجاسر..

عباية باللون الزيتي و جذمة باللون الاسود و ساعة

ديما خرجت و راحت عند جاسر..

ديما: جاسر جاسر..

ديما: جاسر..

جاسر فتح عيونه براحة و شاف ديما قدامه و ابتسم..

ديما: ايه موت و شايف الجنة..

جاسر كشر و بعدين تدارك الموقف..

جاسر: لا كنت فاكر الجنة بس طلعت جهنم..

ديما: طيب قوم..

جاسر: لا ديما هانم بنفسها جاية تصحيني من نومي..

ديما: مش فايقالك، هدومك على الكنبة انا راحة لدنيا..

جاسر مسك ايديها قبل ما تمشي، و قام وقف..

جاسر: طب ايه مش هتحميني؟

ديما(بصدمة): انت قولت ايه!

جاسر: ايه مسمعتيش؟

ديما: شكلك فايق و بتهزر و انا منمتش من امبارح فسبني اروح..

جاسر: انتي مش ملتزمة بكلام الحاجة فتحية و لا ايه؟

ديما: اه فهمت، طب بص بقي يا بابا مش معني اني من القاهرة و مصراوية و بعيط من اقل حاجة ابقي ضعيفة تمام، لا اللي طنط فتحية قالته مستحيل يحصل و لو فيها موتي...

جاسر: و يا تري ايه الحل؟

ديما: لسة مفكرتش بس من هنا لغاية ما افكر متذكرش الموضوع تاني...

جاسر: تمام بس يا ريت في اسرع وقت علشان مبحبش اكسر كلام امي الصراحة..

ديما: شخص رزل، انا ماشية..

جاسر: اصبري لغاية ما اغير هدومي و البس و اظبط نفسي..

ديما: ليه لاكون خدامتك و انا معرفش، و كمان انا مش فاضية انا لسة ورايا حاجات كتير ابعد عني..

ديما لسة هتمشي من قدام جاسر مسك ايديها..

جاسر: ايه هي الحاجات دي؟

ديما: مش لازم تعرف..

جاسر(بحدة): ردي..

ديما: هغير هدومي و هروح اطمن على خالد و بعدين هطمن على دنيا و بعدين هتصل على بابا اطمن عليه و هنزل لطنط فتحية و هعمل اكل معاهم و بعدين اساعد دعاء في المذاكرة لو في حاجة واقفة قدامها، و بعدين هتصل بحازم اشوف اخباره..

جاسر: و انا اللي فاكر هتعملي حاجة مهمة، و بعدين انا قولتلك متكلميش الزفت حازم ده تاني...

ديما(بصدمة): انا جبت سيرة حازم..

جاسر: انتي مش فاكرة؟

ديما: هتلاقيني مش مركزة لاني لسة منمتش سيبني بقي..

جاسر: انا مش عارف انا بتكلم معاكي ليه؟

ديما: شوفت بقي، مش عارفة انت بتصحي ليه بدري كدة؟

جاسر: علشان اتعب و اجيب المحصول اللي حضرتك بتأكليه في البيت ده..

ديما: مش دايمة يعني متخافش..

جاسر مسك دراعها و لواه ورا ضهرها..

جاسر(بحدة): بصي يا بنت الناس تحترمي نفسك بقي و تتظبطي معايا كدة و مش كل شوية تقولي همشي هطلق مش بتهدد انا انتي ممكن تلاقيني في ثواني طلقتك، فهمتي؟

ديما: خلصت كلامك؟

جاسر سابها و راح الحمام، و ديما دخلت غيرت هدومها..

ديما لبست بنطلون اسود و تي شيرت باللون الدهبي ب ¾ كم و مبين جزء من بطنها قدام و مقفول من ورا و جاكت اسود جلد و كوتشي ابيض، و لمت شعرها على شكل كحكة مش مظبوطة بس مودياها شكل جميل..

ديما نزلت قبل جاسر ما يطلع و راحت لخالد..

جاسر طلع غير هدومه و راح لخالد...

خالد: انتي هنا؟

ديما: اه يا حبيبي..

خالد: انتي شربتيني مايه امبارح؟

ديما: اه انت كنت تعبان و انا كنت بايتة مع دنيا و بأجي كل شوية..

خالد: انتي منمتيش لغاية دلوقتي؟

ديما: لا..

خالد: جاسر صحي؟

ديما: اه بيلبس هدومه..

خالد: طيب يا حبيبتي، دنيا عاملة ايه؟

ديما: فاقت بليل و بعديها نامت..

خالد: تمام، انتي اخبارك ايه؟

ديما: بخير...

خالد: مالك؟

ديما: مفيش..

الباب خبط..

جاسر(بابتسامة): صحيت يا صاحبي؟

خالد(بابتسامة): اه..

جاسر دخل و حضن خالد و قعد جمبه..

جاسر: ايه ناوية تتفرجي علينا؟

ديما كانت مودياه ضهرها و بتشتمه في سرها..

ديما: غايره..

جاسر: مبدأيا لما اكلمك متودنيش ضهرك، و روحي يلا شوفي الاكل..

ديما(بهمس): ربنا يأخدك..

خالد(و هو بيكتم ضحكه): يلا اسمعي كلام جوزك..

جاسر(بحدة): يلا...

ديما مشيت بكل غضب و هي بتدبدب في الارض..

جاسر(بصوت عالي): دبدبي حلو دبدبي..

ديما كانت خارجة و هي متعصبة..

خالد(بضحك): لا مش قادر...

جاسر: اعملك ايه اختك مش بتيجي غير كدة..

خالد: لا معلم يا ابني، استمر عايزها تطلع من تحت ايدك مولودة في الصعيد..

جاسر(بضحك): عنيا..

جاسر: المهم طمني عليك..

خالد: بخير الحمد لله، انا اساسا مكنتش عايز اروح..

جاسر: معلش حصل خير..

-عند دنيا..

ديما: يا ست البنات قومي..

ديما(بصوت عالي): يا كلب البحر قومي..

دنيا(بازعاج): في ايه؟

ديما: قومي ده انتي نمتي نوم يلا يا بت قومي..

دنيا: شوية كمان و النبي يا ديما..

ديما: قومي بس يلا يا حبيبتي..

دنيا: ليه طيب؟

ديما: قومي افطري يلا...

دنيا: طب استني شوية طيب..

ديما: لا..

دنيا: اوف حاضر، دقيقة..

ديما قعدت جمبها و بدأت تقومها و تدخلها الحمام..

دنيا: آآآآه يا قلبي..

ديما: ايه حبيتي و لا ايه؟

دنيا: اخرسي، جتك مصيبة في شكلك..

ديما: شكرا، غوري تحبي ادخل معاكي؟

دنيا: امشي يا بت من قدامي..

ديما طلعت هدوم لدنيا و دنيا طلعت..

دنيا: هلبس انا..

ديما: ماشي انا نازلة..

دنيا دخلت و لبست شورت جينز و تي شيرت ابيض بنص كم و كوتشي اسود في ابيض و سيبت شعرها..

و بعدين نزلت...

-عند ديما..

ديما: رايحة فين يا طنط؟

اسماء: هحلب الجاموسة يا بنتي، عايزة حاجة؟

ديما: اجي معاكي؟

اسماء: لا يا حبيبتي..

ديما: هروح لطنط فتحية..

اسماء: ماشي..

اسماء مشيت و سارة جت من ورا ديما..

سارة: ايه شيفاكي بتحاولي تتأقلمي على الوضع..

ديما: حد بيتكلم؟

سارة: انتي مالك يا بت شايفة نفسك عليا كدة ليه؟

ديما ربعت ايديها و بصت لسارة ببرود...

ديما: اه انا شايفة نفسي انا مغرورة، انتي شاغلة نفسك بيا ليه؟

سارة: متحاوليش يا بت انتي تعملي نفسك الكل في الكل مش هتعرفي..

ديما: تمام شكرا على المعلومة..

ديما لسة هتمشي سارة زقتها بإيديها..

ديما: انتي قد اللي انتي عملتيه ده؟

سارة: انتي عارفة مكانك فين؟مكانك في الزبالة..

ديما زقت سارة وقعتها على السلالم..

جاسر(بصوت عالي): ديمااااااا..

سارة(بدموع): شوفت يا جاسر عملت ايه؟

دنيا: ديما متعملش كدة الا لما انتي تجري شكل..

جاسر نزل بسرعة و مسك سارة و قومها..

جاسر(بغضب): عملتي كدة ليه؟

ديما(بتوتر): هي اللي غلطانة زقتني الاول..

جاسر(بصوت عالي): مش عايز اسمع صوتك..

جملات: في ايه يا جاسر؟

دنيا: سارة علفكرة هي اللي بتعمل كدة علشان بتكره ديما..

جملات: طب سارة عملت ايه و بتعيط ليه؟

ديما: مش مهم، و مش فارق معايا خليها تموت و ارتاح منها...

ديما لسة هتمشي جاسر مسك ايديها جامد و ضربها قلم على وشها و حرفيا القلم كان بكل غل..

ديما غصب عنها عيطت و سابتهم و طلعت على اوضتها...

علاء(بفرحة): ايه ده؟

جاسر(بعصبية): كل واحد يروح مكانه...

دنيا: غبي..

دنيا طلعت و راحت ورا ديما..

جملات: انت عملت ايه يا جاسر؟

جاسر(بحدة): انا قولت كله على مكانه يلا..

جملات طلعت ورا دنيا و ديما...

خالد: في ايه صوتك عالي ليه؟

جاسر: مفيش...

جاسر سابهم و مشي راح على الشغل..

خالد: في ايه يا سارة؟

دعاء: صباح الخير، ايه مالكوا؟

سارة(بشماتة): جاسر ضرب ديما قلم...

خالد: و ده ليه بقي؟

سارة: اصلها زقتني و وقعتني على السلم..

خالد(بعصبية): و المفروض اصدقك..

علاء: ما تهدي علينا احنا هنكدب ليه؟

سارة: كان الكلام ده قدام جاسر..

اسماء: مالكوا متجمعين كدة ليه؟

فتحية: مش بتشتغلوا ليه؟

خالد: قسما بربي يا مرات عمي لو جاسر غلطان متزعليش من اللي هعمله فيه..

فتحية: في ايه؟و جاسر عمل ايه؟

خالد سابهم و مشي...

فتحية(بزعيق): انطقوا حصل ايه؟

سارة: جاسر ضرب ديما قلم..

اسماء: ليه هي عملت ايه؟

علاء: زقت اختي..

فتحية: و ربي يا سارة لو وقعتي تحت ايدي لاكون كسراكي نصين..

عبير: تكسري مين يا فتحية؟

اسماء: بنتك اكيد...

فتحية: تعالي يا اسماء...

فتحية و اسماء طلعوا لديما...

عند ديما...

دنيا: خلاص يا ديما اهدي بلاش تعيطي..

ديما(بعياط): ده شخص حقير و رجعي و بيستخدم سلطته عليا...

جملات: يا حبيبتي هتلاقيه مش فاهم..

ديما(بعياط): حتى لو مش فاهم المفروض يسمع مني ومنها و يحكم، انا مستحيل كنت ازقها الا لما هي زقتني...

-فيروز و دعاء كانوا شافوا ديما بتعيط جم هما كمان..

فيروز: خلاص هي مش سالكة اسااسا..

دعاء: و الله يا ديما دي عايزة جاز و كبريت و نولع فيها...

ديما(بعياط): مليش فيه انا مستحيل اكمل حياتي مع الشخص الزبالة ده، انا عايزة اطلق مليش فيه...

جملات: يا بنتي متزعليش اهدي دي ساعة غضب...

ديما(بعياط): و انا بقي صممت على رأيي الشخص اللي ميحترمنيش و ميعمليش قيمة وسط الناس و القريب قبل الغريب مستحيل اقبل انه يكون جوزي و اماني حتى لو اسم بس..

دنيا: يا ديما هو بس فهم الموقف غلط...

ديما: و لو..

الباب خبط...

اسماء: مالك يا ست البنات؟

ديما(بعياط): انا عايزة اطلق...

فتحية: مش للدرجة دي يا ديما..

ديما(بعياط و حدة خفيفة): ده مد ايده عليا، ده راجل ده..

فتحية: ياما ستات بتضرب وبتسكت علشان تعيش و تعمر بيتها يا ديما..

ديما: و انا اساسا البيت كدة كدة مخروب مش عايزة.

دعاء: و الله ابيه جاسر طيب بس هو انفعل بس..

فيروز: اهدي كدة و فكري كويس...

جملات: ايوه يا بنتي مينفعش تطلقي و انتي مكملتيش اسبوع جواز...

فتحية: اغزي الشيطان يا بنتي..

اسماء: ها بقي يا ست البنات ورينا ضحكتك القمر..

دنيا: لا دي مش بتضحك كدة..

فيروز: اومال؟

دنيا(و هي بتلعب في خدود ديما): يا اختي كميلة يا اختي جمر يا ناس جمر..

ديما ضحكت غصب عنها..

اسماء: ايوه بقي ده انتي قمر والله..

فيروز: انتي طفلة انتي يا مزة..

ديما: بس بقي..

فتحية: خلاص بقي يا ديما فكي كدة، و يلا انزلوا هنحضر الفطار جاسر مشي من غير ما يفطر..

ديما: ان شاء الله عن اهله ما كل، لا سيرته بتعصب..

ديما(بعصبية): محدش يجيب سيرته قدامي علشان هتعصب اكتر تمام، قال البيه ماكلش ما ان شاء الله ما كل ان شاء الله يا شيخة ما يأكل خالص، ضربه في قلبه...

جملات(بضحك): خلاص يا بنتي، ده انتي بتتحولي خالص..

ديما: لا ما انا مش علطول كيوت يعني..

دنيا: و مين قال انك كيوت؟

دعاء: دي قمر..

فيروز: بالستر..

ديما: نعم يا اختي منك ليها؟

فتحية: طب يلا نحضر الفطار عقبال ما تغسلي وشك يلا..

كل الستات نزلوا و هما بيفكروا هيحصل ايه...

ديما: قولتي بقي مين اللي مش كيوت يا اختي..

دنيا: انتي..

ديما قعدت تجري ورا دنيا..

دنيا: الحقيني يا فيروز..

ديما: لا ما الست فيروز بتقول اني مش قمر و ربي لاوريها...

ديما بدأت تجري ورا دنيا و فيروز..

دعاء: انا انا في صف مين؟

ديما: معايا انا يا جمر...

و البنات قعدت تهزر و تضحك...

عند جاسر...

جاسر مشي بكل غضب و راح الارض و هو على اخره و كل شوية يفتكر و هو بيضرب ديما و يتعصب اكتر...

خالد(بعصبية): انت يا ابني فين جاسر؟

شاب: جاسر بيه مشي الناحية دي..

خالد راح ناحية ما الشاب قاله و لقي جاسر..

خالد(بعصبية): جاسر..

جاسر لف ليه و لسة هيتكلم لقي اللي بيضربه بوكس في وشه...

جاسر(بعصبية): انت غبي...

خالد(بعصبية): انت اغبي انت بتمد ايدك على اختي يا جاسر..

جاسر: ما اختك اللي غلطت و انت عارف ان محدش يقدر يحاسب زوج بيحاسب مراته...

خالد: مش لما تغلط الاول...

جاسر: و الله اومال هي كانت بتزق سارة كدة هزار و سارة هتعيط..

خالد: لان نظرتك ضيقة، لانك لسة بتحب سارة يا جاسر

رواية إمرأة في عصمة صعيدي للكاتبة سلسبيل كوبك الفصل الرابع عشر

جاسر(بعصبية): انت غبي ياض انت و لا ايه؟

خالد: ايه هي تلزمك في ايه؟ديما مش زيك و مش هتكون زيك...

جاسر: طب بص يا خالد لو انت مش خايف على سمعة عائلتنا فانا خايف عليها و مش هسمح لاي كلب انه يتكلم على عائلتنا بلفظ وحش فاهم...

خالد: لا...

جاسر: يا ابني انت ليه مش فاهم اني لو طلقت ديما دلوقتي سيريتها هتبقي على كل لسان، و عائلة القاضي هتبقي سمعتها وحشة...

خالد: و بالنسبة بقي للي انت عملته؟

جاسر: خلاص يا عم هشوف مين اللي غلطان و هحكم ما بينهم خلاص..

خالد: يعني انت مقتنع بانك غلطان..

جاسر: اه يا ابن عمي..

خالد: ماشي يا جاسر..

خالد لسة هيمشي جاسر مسكه من دراعه..

جاسر: متزعلش يا صاحبي مني..

خالد: طب سيبني يا جاسر..

جاسر: خالد احنا عمرنا ما زعلنا ما بعض مش موقف هيخلينا زعلانين مع بعض..

خالد: هي اختي يا جاسر و مهما كان برضو مش هسمح بأن حد يمد ايده عليها..

جاسر: اومال ايه اللي في وشي ده؟يخرب بيتك ايدك تقيلة...

خالد: همشي انا..

جاسر: ماشي، انا هعمل كام حاجة و هرجع بدري..

خالد: تمام...

خالد مشي و رجع على البيت، و جاسر كمل شغل..

دعاء: الثانوية متعبة اوي..

ديما: معلش يا سكر، هتعدي..

دنيا: احنا كنا بنلم المنهج قبل الامتحان بيوم..

ديما: اتكلمي عن نفسك يا ماما..

دنيا: اه دحيحة الشلة اهي..

فيروز: اه، بسم الله ما شاء الله عليكي انتي اساسا ذكية..

جملات: يا بنات الفطار يلا يلا..

ديما: هواء..

كل البنات نزلت و ديما دخلت الحمام و خرجت لقت موبايلها بيرن...

ديما(بعصبية): الحيوان بيتصل ليه؟و الله ما هرد..

ديما(بعصبية): شخص جبان و حقير بس..

ديما قفلت التليفون...

جاسر: ماشي يا ديما...

جاسر: انا تقفلي في وشي و مترديش..

ديما نزلت راحت عند الكل...

سارة(بشماتة): اخبار خدك ايه؟

ديما: بيسلم عليكي و بيقولك خافي على خدودك يا عُمري...

عبير: بنت قليلة الادب بصحيح..

ديما: تسلميلي يا طنط..

فتحية: خلاص يا جماعة...

علاء: معلش يا ديما بس انتي غلطتي..

ديما: الصبر يا رب...

ديما: لا بص لم نفسك كدة يا بابا علشان انا على آخري منك الصراحة، ايه ده حشري انت و امك و اختك..

عبير: شايفين بتشتمني..

ديما(باستعباط): ايه ده هو انتي امه معلش مكنتش اعرف...

دنيا(بهمس): خفي..

خالد دخل و باس رأس ديما...

خالد: اسف يا اختي..

ديما: و لا يهمك يا حبيبي..

جملات: تعالي كل..

خالد: تمام..

خااد بدأ يقعد و يأكل، و يبص لدنيا..

دنيا: ما تأخدلي صورة يا ابني..

خالد: الصراحة مش طايقك لولا انك موجودة لولا انه مكنش حصل اللي حصلي في رأسي ده..

دنيا: ما انت اللي غلطان دخلت في العمود..

خالد: ما حضرتك كنتي عايزة تشغلي اغاني و بتقولي بتعرفي يا بيضة...

فيروز و دعاء و ديما باصين ليهم باستغراب...

فتحية: في ايه يا خالد انت و دنيا؟

خالد: مفيش..

اسماء: طب يلا يلا ده في فرح قريب يلا..

دنياو ديما: فرح مين؟

اسماء: فرح بنت كدة الحاج حسن متكفل بكل مصاريف الفرح..

ديما: الله، حلو ده..

جاسر: احم ازيكوا...

سارة: بخير يا ابن عمي..

ديما: عن اذنكوا نفسي اتسدت..

ديما لسة هتمشي..

جاسر: ديما..

ديما كملت طريقها من غير ما تبصله و هي بتحاول تمسك دموعها لانها كل ما تشوفه تفتكر القلم...

عبير: قليلة الادب..

دنيا: عايز ايه مش كفاية اللي انت عملته؟

دعاء: و الله يا ابيه ديما معملتش كدة..

فيروز: انت حكمت عليها غلط..

جاسر: خلاص..

فتحية: ايه اللي في ايدك ده؟

جاسر: لا مفيش، عن اذنكوا..

اسماء و جملات و فتحية بصوا لبعض و ضحكوا براحة...

علاء: هي مش المفروض تعتذر لسارة..

سارة: انا مسامحة...

دنيا: لا و انتي وش كرم اوي جتك مصيبة في شكلك..

دعاء: بتحبي الشر علطول..

عبير: فتحية لمي بنتك...

فتحية: بنتي محترمة..

خالد(بحدة): خلاص كله يسكت..

خالد: اللي يخلص اكله يروح يشوف وراه ايه..

دعاء طلعت تذاكر و فيروز قعدت مع دنيا في الجنينة...

سارة طلعت اوضتها و علاء خرج، و عبير راحت تقعد مع ستات تانية بره البيت..

باقي الستات راحت تشتغل و تكلم..

خالد راح اوضة المكتب يشوف الشغل اللي وراه..

عند ديما..

ديما راحة جاية في الاوضة بعصبية..

ديما(بعصبية): اللي هو ايه لما يكلمني انا المفروض انسي بقي، هو فاكر نفسه مين؟

ديما(بعصبية): الحيوان ده حتى معتذرش، ده شخص حقير بس..

الباب خبط...

ديما: ادخل..

جاسر دخل و حط الشنط اللي كانت في ايده على الارض او لما دخل...

ديما اول ما شافته كانت هتسيبه و تمشي بس جاسر مسك ايديها..

جاسر: و يا تري دلوقتي عايزة تمشي ليه؟

ديما: افندم؟!

جاسر: يعني تحت نفسك اتسدت، دلوقتي ايه اللي حصل؟

ديما: اه الاوكسجين قل و اتخنقت، سيب ايدي بقي..

جاسر: ديما ممكن نتكلم بهدوء؟

ديما: لا شكرا مبحبش اتكلم مع حد و خصوصا خصوصا لو رجالة غريبة عني..

جاسر: طب بالنسبة اني جوزك..

ديما(بسخرية): جوزي؟! و نعمة الزوج و الله...

ديما: جاسر بعد اذنك سيبني مش قادرة اتكلم..

-جاسر لاحظ ان عنيها ابتدت تدمع، راح خدها في حضنه، ديما قعدت تبعده عنها بس معرفتش لانه كان ماسك فيها جامد لغاية ما فشلت محاولاتها، و قعدت تعيط في حضنه زي الاطفال..

ديما(بعياط): انت ظلمتني و ضربتني، انا مستحيل اسامحك يا جاسر...

ديما(بعياط): انا معملتش حاجة هي اللي زقتني الاول و الله و انا بعديها زقتها، ممكن اكون غلطانة اني زقتها بس انا مبحبش حد يضربني او يعملي حاجة و افضل ساكتة...

ديما(بعياط): انت ظالم يا جاسر، انا بكرهك...

ديما(بعياط): مستحيل اسامحك سامع مستحيل، انا مش ملاك علشان اسامحك انا بكرهك، اللي يجي عليا و يهيني قدام الناس ميستحقش اني اثق فيه...

جاسر(بهمس جمب ودانها): آسف، و الله العظيم كانت لحظة غضب، آسف سامحيني..

ديما بعدت عن جاسر و زقته و نزلت جري على تحت..

جاسر: يا رب...

ديما نزلت بسرعة و هي بتمسح دموعها و خرجت للجنينة..

دنيا: بسبس بسبس..

ديما: ايه بتنادي على قطة؟

فيروز: مالك يا ديما انفك محمر؟

ديما: عادي..

دنيا: لا مش عادي عملك ايه الواد ده؟

ديما: مفيش حاجة..

فيروز: احكي يا ديما..

ديما: و الله ما عمل حاجة الله..

دعاء: يا بنات تعالوا ماما عايزانا...

دنيا: جايين..

الكل قام، و ديما كانت لسة هتقوم و هتروح معاهم، بس راحت للاسطبل..

ديما دخلت ملقتش حد و دورت بعينيها على الخيول اللي موجودة هنا، لغاية ما لقت رعد..

ديما قربت منها و حطت ايديها عليه بتردد..

ديما: بص اينعم انا مجنونة و لما بكون مضايقة بروح اتكلم مع اي حاجة مرة اتكلمت مع صخرة ممكن اتكلم مع البحر ممكن اتكلم مع قلم اي حاجة، بس اول مرة اجي اتكلم مع خيل لاني اساااسا بخاف اقرب من الخيول، بس حبيتك اوي..

ديما: هتكلم معاك كأصحاب ماشي..

ديما: الزفت جاسر ده مضايقني، ايوه هو غلط اينعم جه اعتذر بس برضو غلط...

ديما: الاعتذار مش كفاية، ربنا عالم انها هي اللي جت شاكلتني الاول قعدت تقول انتي مكانك في الزبالة و زقتني و انا بانفعال زقتها..

ديما: هو جه في اللحظة دي كان لازم ميغضبش علطول و يفهم ايه اللي حصل..

ديما: اينعم غلطت برضو لما قولت ربنا يأخدها و ارتاح منها، بس برضو كنت غضبانة الله..

ديما: بس انا مستحيل اعتذر للي اسمها سارة دي، دي رزلة لا و اخوها الزفت علاء اللي كل ما يشوفني يوقفني و يفضل يرزل عليا..

ديما: ده حتى مجاش ورايا اعتذراه مش حقيقي ده بس بيريح ضميره...

جاسر: يرضيكي تظلميني..

ديما اتخضت منه و من صوته و مرضيتش تلف، و بعديها حست بحد وراه و حاسة بانفاسه جمبها..

ديما(بتوتر): ابعد..

جاسر: اسف..

ديما: تمام ابعد بقي..

جاسر: اقبلي اعتذاري..

ديما بصتله و عيونها مدمعة و هو زعل..

جاسر: لا و النبي بلاش الدموع دي...

محمد: جاسر بيه انت هنا؟

جاسر: اه يا محمد روح انت دلوقتي..

محمد: حاضر..

ديما: عن اذنك..

جاسر: ابدا، يعني يرضيكي تشتكيني لرعد اهو رعد عايز يصالحك، موافقة؟

ديما ابتسمت بخفوت و بصت في الارض، جاسر مسك ايديها و طلع رعد من مكانه..

جاسر(بابتسامة): تسمحي؟

ديما: ما انت طلعت رومانسي الله، ايه ده؟

جاسر: طب يلا بقي..

ديما مسكت في ايد جاسر و جاسر قعدها على الخيل و مسك اللجام و ماشي بيها..

ديما: لا لا بليز لا يا جاسر علشان خاطري..

جاسر: اهدي و اثقي فيا..

جاسر مشي بديما في الجنينة..

ديما(بضحك): جيب دعاء و فيروز خليهم يجوا..

جاسر: تهاني نادي دعاء و فيروز..

تهاني: حاضر يا بيه..

تهاني راحت عند الستات...

فتحية: هي ديما مجتش ليه؟

سارة: ما عنها ما جت..

تهاني: ست دعاء و ست فيروز جاسر بيه عايزكوا..

دعاء: طيب..

اسماء: شوفتي ديما؟

تهاني: مع جاسر بيه مركبها على رعد..

فيروز(بفرحة): الله، اتصالحوا..

الكل خرج بره ما عدا سارة و عبير كانوا بيشوفوا من مكان تاني..

فيروز: نادتونا..

دنيا: ركبوني و النبي...

دعاء: يلا يا ابيه و النبي..

ديما: استنوا هنزل..

فتحية: حاسبي..

ديما كانت هتنط من على الحصان بس جاسر مسكها بسرعة و كانت رجل ديما مش لامسة الارض و جاسر ماسكها من خصرها و وشهم ف وش في بعض..

جاسر: مش كنتي تقوليلي؟

ديما(باحراج): نزلني..

جاسر وقف ديما على الارض...

دنيا: خلصوا بقي ركبوني..

جاسر: محمد جيب الكرسي..

دنيا طلعت على الخيل و بدأت تمشي لوحدها لانها كملت تدريب...

ديما(بصوت عالي): دنيا دنيا..

دنيا: طبعا يا بنتي..

خالد: في ايه هنا؟

-خالد ركز مع دنيا اللي بتجري بالخيل و شعرها طاير من حواليها و رجليها البيضة الباينة..

خالد(بحدة): ايه إلى بيحصل؟

فيروز: بنركب على حصان جاسر..

خالد: و ايه اللي دنيا لابساه ده؟

دعاء: ما هي كانت قاعدة كدة على الفطار...

جملات: سيبها يا خالد مالك...

خالد: انا مالي فعلا..

خااد قعد و هو على اعصابه، و فتحية و جملات و اسماء مبسوطين بعيالهم...

سارة(بغيظ): شايفة يا ماما..

عبير: سيبك منهم دول ناس هبل..

جاسر: يلا يا دعاء..

دعاء ركبت على الخيل و بعدها فيروز و الكل قاعد عمال يضحك و يهزر...

جاسر: حد عايز تاني؟ما هي بقت عادي بقي..

جاسر: ده كله علشان خاطر ديما هانم..

جاسر: خدي يا ستي..

ديما(بفرحة)الله مارشيملو، شكرا..

و اليوم عدي من غير اي مشاكل و الكل كان مبسوط...

-في الصباح الباكر...

جاسر: ديما ديما قومي..

ديما: امممممم..

جاسر: قومي يلا نسيتي اللي عليكي..

ديما كانت نايمة على بطنها و مش عايزة تقوم..

جاسر: يا بنتي هتتأخري..

ديما: اوف حاضر..

ديما قامت و دخلت غيرت هدومها..

ديما لبست فستان باللون الاصفر بحمالة عريضة و قصير لغاية الركبة و كوتشي ابيض و سيبت شعرها

ديما نزلت لقت الكل قاعد على السفرة...

فتحية: ديما زي ما اتفقنا نركز النهاردة..

دنيا: طالما كلفتيها بحاجة يبقي مش هتخذلك..

اسماء: الحاج حسن عايز كل حاجة تبقي على اكمل وجه..

جاسر: لو عوزتوا حاجة ابعتوا محمد ليا او لخالد...

جملات: تسلم يا ابني...

جاسر: و لو محتاجين فلوس قولوا..

تهاني: جاسر بيه في شخص بره..

جاسر: مين؟

تهاني: معرفش..

خالد: كل الستات تطلع على فوق..

الكل وقف يراقب من بعيد..

جاسر: مين؟

شخص: بيت حسن القاضي؟

خالد: اه انجز عايز ايه؟و مين انت؟

جاسر: انت مين؟

شخص(بمرح): انا راجل..

جاسر: ب بنطلونك المقطع ده معتقدش..

شخص: اممممم كدة هتزعلني منك..

جاسر(بحدة): انت مين ياض؟

شخص: جاي لحبيبتي..

دنيا: مين الشخص الشيك ده؟

ديما: معرفش بس ايه الشياكة اللي هو فيها ده؟

دعاء: ده لابس بنطلون مقطع..

ديما: دي الموضة..

جاسر(بزعيق): حبيبتك مين دي يا روح اهلك؟

خالد: انت اهبل ياض..

شخص: طب ما تهدوا عليا بس..

شخص زق جاسر و خالد و دخل..

شخص(بصوت عالي): بسكوتي..

ديما(بفرحة): ده حازم..

ديما جريت بسرعة و حضنت حازم و الشخص ده لف بيها كتير، تحت انظار الكل..

رواية إمرأة في عصمة صعيدي للكاتبة سلسبيل كوبك الفصل الخامس عشر

حازم: ازيك يا اوزعة..

جاسر: لا ثانية بس كدة...

جاسر زق ديما بعيد عن حازم و ضرب حازم بوكس في وشه..

دنيا(بصوت عالي): انت مجنون؟

خالد: انتوا اللي مجانين..

ديما: انت عملت ايه انت غبي..

حازم: مين ده يا ديما؟

ديما(بتوتر): مش دلوقتي بعدين، انت المهم كويس..

جاسر: و النبي، ما تقوليله انا مين يا هانم..

ديما بصت لحازم بتوتر و نقلت نظرها بين جاسر و خالد و حازم و دنيا..

حازم: انطقي يا ديما..

جاسر: انا ابقي جوزها..

حازم(بصدمة): نعم، انتي اتجوزتي امتي و ازاي و فين و ليه؟

دنيا: اهدي يا حازم و احنا هنفهمك..

خالد: و مين قال انه الزفت حازم ده عدي 15 سنة..

حازم طلع سلسلة لديما و ديما اول ما شافتها ضحكت..

ديما: لا هو هو، ده حازم..

دنيا: انت لسة شايل السلسلة دي..

جاسر: المفروض يعني اعمل معاك ايه يعني؟

حازم: في ايه يا ابني انا اخو مراتك...

جملات: خلاص يا جاسر..

فتحية: شرفت يا ابني..

حازم: تسلمي يا طنط...

عبير(بسخرية): طنط..

حازم(بهمس): مين دي؟

جاسر قرب من حازم و ديما و مسك ديما و وقفها جمبه..

جاسر(بابتسامة برود): معلش راجل صعيدي بقي...

دنيا: انت ايه اللي جابك دلوقتي؟

ديما: و فين خطيبتك؟

دنيا: انت قولت انك هترجع بعد شهر و نص..

ديما: هو انت اتخانقت مع تالين و لا ايه؟

حازم: بس بس، اللي جابني اني خلصت شغلي و خدت اجازة بدري، و تالين مجتش لانها مش عايزة تنزل مصر..

خالد: طيب، نورت مش هتمشي بقي..

دعاء ضحكت بصوت ملفت غصب عنها...

جاسر(بحدة): دعاء..

دعاء: اسفة..

اسماء: يا خالد عيب ده مهما كان اخو اختك هو اللي رباها...

حازم: شكرا يا طنط، ايدك تقيلة يا غبي..

جاسر: بتقول حاجة؟

حازم: لا لا..

دنيا(بهمس): مش ملاحظة حاجة؟

ديما(بهمس): ايه؟

دنيا(بهمس): ج ح خ..

ديما(بهمس): مفهمتش..

دنيا(بهمس): جاسر حازم خالد، حروف ال ج و ال ح و ال خ...

ديما(بهمس): اه فهمت، تصدقي انك تافهة..

فيروز: طيب نسيتوا اننا ورانا حاجات كتير و لا ايه؟

فتحية: اه و الله، جاسر خد اخو مراتك و ضايفه..

حازم: لا اي حد تاني مش ده..

ديما: استني تعالي معايا..

جاسر مسك ديما من كتفها و داس عليه جامد..

جاسر: عن اذنكوا عايز مراتي، خالد روح معاه..

جاسر مسك ديما و طلع على اوضته..

خالد: امشي قدامي..

حازم: في ايه يا دنيا ايه المعاملة الناشفة دي، ده انا ارجع سويسرا...

دعاء(بصدمة): انت كنت في سويسرا..

حازم(بمرح): اه يا جميل..

خالد(بزعيق): ما تحترم نفسك ياض انت، قدامي..

جملات(بهمس): خالد و جاسر مش هيعدوها بخير..

فتحية(بهمس): ربنا يستر...

خالد خد حازم معاه على اوضة الضيوف..

عند ديما و جاسر..

جاسر: حلو اوي الحضن اللي كان تحت ده..

ديما: اوف يا جاسر ده اخويا..

جاسر(بحدة): اسمعيني..

جاسر: مبدأيا اللي حصل لو اتكرر هندمك و اندمه يا ديما، ثانيا الكلام معاه بحدود و تقعدي بعيد عنه بكام متر، و متقوليش كلمة اخويا دي تاني..

ديما: انت رزل بس كدة..

جاسر: قولت اللي عندي عايز اشوف خلاف كدة...

جاسر سابها و مشي، و ديما قعدت تدبدب في الارض..

ديما: رزل متملك...

ديما نزلت وراه...

حازم: ممكن سؤال؟

خالد: لا..

حازم: في ايه يا ابني انا قتلك قتيل..

خالد: دي اوضتك و هنا صعايدة يعني الكلام مع الستات بحساب و يستحسن متتكلمش خالص...

حازم: استني هنا فين دنيا و ديما؟

خالد: ملكش دعوة بيهم..

حازم: يا ابني انت مجنون..

خالد: انا قولت اللي عندي..

خالد سابه و مشي...

حازم: ايه المجانين دول؟الصبر..

حازم دخل خد هدوم ليه و خد دوش و خرج لبس بنطلون و تي شيرت...

حازم: ممكن اقعد؟

ديما: اه طبعا اتفضل..

جاسر بصلها بنظرة مخيفة و هي وطت رأسها...

حازم: اخبارك؟درستي ايه و عملتي ايه و فين محسن و تسنيم و اخبار محمد و اولفت و لسة الواد فارس بيضايقك ده...

ديما بصت لدنيا علشان تنقذها من الموقف..

دنيا: عمو و طنط بخير و بابا و ماما بخير، و انا و ديما درسنا ادارة اعمال و فارس ده هو و اهله عزلوا من زمان...

حازم: طيب الحمد لله...

حازم: و اخبار ال..

حازم لسة هيكمل كلامه بس لقي جاسر رمي الطبق على ترابيزة السفرة بحدة..

جاسر: اعتقد اننا بنأكل و الاكل ليه آدابه، و انت اكتر واحد عارف عايش بره يعني..

دعاء: جاسر كنت عايزة اروح درس مستر بلال...

خالد: لا يا دعاء سمعته وحشة..

دعاء: بس ده بيودينا اسئلة بتيجي في الامتحان...

جاسر: هو مش قالك سمعته وحشة يبقي خلاص يا دعاء مفيش نقاش..

فتحية: جاسر خد معاك حازم علشان هنا هنبقي كلنا ستات و بنجهز البيت علشان بكرة الفرح...

جاسر: ماشي...

خالد: طب الحق امشي انا بقي..

جاسر(بحدة): خالد..

و بعدين الكل لقي علاء قدامهم و واقف مش مظبوط..

علاء(بضحك): اهلا يا ابن عمي، اهلا يا ديما...

عبير(بصدمة): علاء انت شارب حاجة؟

جاسر قام و وقف قدام علاء و لقاه فعلا سكران..

جاسر ضرب علاء بالقلم على وشه، و علاء خاف منه..

سارة: جاسر انت ازاي تمد ايدك على علاء؟

جاسر: محدش يتدخل..

جاسر مسك علاء من رقبته..

جاسر(بعصبية): انت مش راجل ليه ها رد؟انت ليه مش عايز تبقي راجل زي ابوك الحاج ايمن ما تتعدل ياض و لا هتفضل فاشل زي ما انت..

ديما قامت بسرعة و حاولت تمسك جاسر..

ديما: جاسر اهدي بس..

جاسر(بعصبية): ابعدي يا ديما...

ديما بعدت عنهم و الكل واقف بيتفرج على جاسر و علاء...

علاء(بسكر): مراتك هتبقي في حضني قريب، و هيتقال عليك مش راجل..

جاسر نزل ضرب في علاء بكل غل و عنف، و خالد و حازم بيبعدوا جاسر عن علاء بالعافية...

حازم: خلاص يا ابني الواد بيموت في ايدك..

جاسر(بعصبية): و ربنا ما انت داخل البيت ده يا علاء طول ما الحاج حسن مش فيه، و لما الحاج حسن يرجع ساعتها يبقي هو يتصرف...

جاسر مسك علاء من هدومه و رماه بره البيت..

جاسر(بصوت عالي): لما تبقي راجل تبقي تخش البيت ده، البيت ده مش بيدخله غير رجالة...

جاسر قفل الباب في وش علاء..

عبير(بعياط): منك لله يا شيخة منك لله...

سارة: انتي ايه يا بت؟كل مشكلة انتي السبب..

ديما: انا عملت ايه؟

فتحية: يا جاسر اللي عملته غلط..

جاسر(بحدة): خالد و انت يا زفت تعالوا ورايا..

حازم(بهمس): زفت ده انا؟

دنيا: اه روح بقي علشان ميعملش من خدودك شاورما...

حازم: لا و على ايه؟

جاسر مشي و وراه خالد و حازم...

ديما: هو عمل ايه؟

دعاء: مشفتيش عمل ايه يعني؟

سارة: و ربنا ما هسيبك يا ديما..

سارة قلعت شبشبها و قربت على ديما و لسة هتضربها الكل تدخل..

جملات: سيبي الشبشب انتي مجنونة يا بت..

ديما: خليها توريني هتعمل ايه مثلا..

سارة(بعصبية): هأكلك علقة موت علشان تحرمي...

دنيا: هي عملت ايه ابعدي عنها...

فتحية(بزعيق): بس نزلي الشبشب يا سارة...

عبير مسكت سارة و بعدتها عنهم...

فتحية: دي اخرة تربيتك يا عبير واحد سكرانجي و التانية قليلة الرباية، لمي عيالك و ربيهم...

فتحية: يلا كل واحد يشوف هيعمل ايه...

دعاء و فيروز خدوا دنيا و ديما و طلعوا على فوق..

فتحية: خدي بنتك و عقليها يا عبير..

عبير خدت سارة و طلعوا على اوضتها...

اسماء: اووووف ايه ده هم هم...

جملات: سارة و ديما مع بعض مشكلة...

فتحية: انا شايفة ديما مش غلطانة...

اسماء: ايوه بس برضو سارة و عبير مش هيسكتوا دول راضعين شر...

جملات: ربنا يستر...

فتحية: يلا نشوف الاكل...

عند جاسر...

خالد: طب دلوقتي هنعمل ايه؟انت مقتنع باللي عملته؟

جاسر(بعصبية): انت مش شوفت هو عمل ايه خليه يتربي شوية..

حازم: طب انا قاعد بعمل ايه هنا؟

جاسر(بعصبية): ما تسكت شوية يا عم...

خالد: ايه ده شخص حشري؟

حازم: انت اللي قولت خالد انت و الزفت ده تعالوا ورايا..

خالد: كويس انك عارف انك زفت..

حازم(بحدة): انا ساكت من الصبح و محترم اختي ديما و دنيا اكتر من كدة ممكن اقل ادبي و ايدي تطول..

جاسر: هنخاف مثلا..

حازم: في ايه عملتلكوا ايه؟

خالد: مش طايقينك بس..

حازم: هتأخدوا عليا متخافوش..

جاسر: يا ريت تمشي في اسرع وقت...

عند البنات...

دنيا: ما تنجزي اتصلي بيه...

ديما: لا متعودتش اخد الاذن من حد علشان اخرج..

دعاء: بس ده مش حد يا ديما ده جوزك..

فيروز: ايوه اسمعي الكلام...

ديما: لا لا..

الباب خبط...

ديما: ادخل..

اسماء: يلا يا بنات، ملبستوش ليه؟

دنيا: احنا لبسنا بس فاضل ديما..

اسماء: طب يلا يا حبيبتي..

ديما: بيقولوا لازم اتصل بجاسر استأذنه و انا متعودتش استأذن من حد انا..

اسماء: لا يا حبيبتي بس ده جوزك اتصلي بيه يلا..

دعاء: هتلاقيها مكسوفة مننا هنمشي احنا يا ستي..

ديما: لا طبعا عادي...

فيروز: لا هنستناكي تحت يلا..

دنيا و فيروز و دعاء نزلوا تحت...

ديما: اوف لا مش هتصل بيه، طب اتصل بيه...

ديما: بصوا هعمل اللي عليا...

ديما طلعت تليفونها و اتصلت بجاسر...

الخط اتفتح..

جاسر: الو يا ديما..

ديما(بتردد): احم يعني بص..

جاسر: انجزي يا ديما..

ديما(بتردد): بص انا متعودتش على كدة...

جاسر(بقلق): في ايه؟

ديما(بسرعة): هما بيقولوا اني لازم استأذنك قبل ما اخرج..

جاسر: اه طيب، ايه بقي؟

ديما: ايه مفهمتش؟

جاسر: ايه بقي عايزة ايه؟

ديما(بهمس): رزل..

ديما: هروح معاهم الحنة..

جاسر: مع مين بالظبط؟

ديما: مامتك و طنط اسماء و طنط جملات و دنيا و دعاء و فيروز..

جاسر: تمام، هتلبسي ايه؟

ديما: لسة معرفش هشوف..

جاسر: قبل ما تنزلي بيه ابعتي الفستان..

ديما: نعم!

ديما: لا مش معني اني احترمتك و قولتلك اني هخرج يبقي تزيد فيها بقي...

جاسر: قولت كلمتي ملكيش خروج الا لما اعرف انتي هتلبسي ايه و الا مش هتروحي...

ديما(بعصبية): مستفز مستفز...

ديما قفلت في وشه و قعدت متعصبة...

ديما(بعصبية): ربنا يأخدك، بكرهك بس كدة اهو..

ديما دخلت اوضة الملابس بدأت تدور على طقم يليق بالصعيد بالنسبة ليها...

ديما لبست فستان طويل مفتوح من الجمب و من قدام باللون الاحمر و بنطلون رمادي واسع و مش باين انه بنطلون باين انه قطعة تبع الفستان و الفستان بحمالة عريضة و سيبت شعرها و حطت مكياج خفيف و لبست صندل باللون الاسود

-و بعدين ديما راحت وقفت قدام المراية و بدأت تأخد وضعية الصورة و اتصورت صورة ليها بشياكة و بعتتها لجاسر...

عند جاسر..

حازم: انت بتمشي كلامك على ديما؟

جاسر: طبعا...

حازم: شابوه ليك، دي صعبة في الموضوع ده..

خالد: شكلك تعرف عن ديما كتير...

حازم: اختي و انا اللي مربيها...

و بعدين جت ماسدج على تليفون جاسر و جاسر ابتسم بانتصار، و فتح التليفون..

جاسر اول ما شاف الصورة ركز في وش ديما و ابتسم، و بعدين بص على الفستان و لقاه محترم نوعا ما...

جاسر بعت ليها ماسدچ ماشي مش بطال متتأخريش و لما تيجوا تمشوا ابعتي رسالة..

ديما: و النبي، عيل رخم و زبالة و رزل...

ديما بعتت ليه ماسدچ تؤمر بحاجة تاني يا سي السيد؟!؟.

جاسر شاف رسالتها و ضحك...

جاسر بعت ماسدچ ابقي جهزي الماية السخنة علشان لما ارجع تغسليلي رجلي يا امينة؟.

ديما: رزل..

ديما بعتت ماسدچ غور في داهية..

ديما نزلت لتحت عند الباقي و جاسر قفل تليفونه و قعد يضحك و خالد و حازم باصين ليه باستغراب..

فتحية: ايه الجمال ده؟

ديما: شكرا يا طنط..

عبير: يلا بينا...

دنيا: هنروح بالحنطور صح؟

اسماء(بضحك): حنطور ايه بس، هنركب عربية..

جملات: يلا يا بنات...

ديما: مين هيسوق؟

دعاء: السواق، هيكون مين؟

فيروز: يلا بقي نحضر الحنة من اولها...

ديما(بخفوت): هي سارة و طنط عبير مش جايين..

دعاء: طلعت قولت ليهم مردوش عليا...

ديما: اه تمام طب يلا بينا..

و كلهم ركبوا عربيتين و وصلوا للبيت اللي فيه الحنة، و بدأوا ينزلوا...

ست: اتفضلي يا ست فتحية اتفضلي..

فتحية: ربنا يخليكي يا ام سعاد..

ست: اتفضلوا يا هوانم اتفضلوا...

دنيا: اهلا يا طنط..

ست: اهلا يا حبيبتي، ادخلوا يلا..

و بدأوا الكبار الاول يدخلوا و بعدين وراهم البنات..

ست: اتفضلي اقعدوا هنا...

اسماء: اقعدي يا ديما، واقفة ليه؟

ديما: معرفش بس حاسة اني اتخنقت فجأة...

جملات: طب تحبي تطلعي بره شوية؟

ديما: ماشي..

فتحية: يا ام سعاد..

ام سعاد: نعم...

فتحية: معلش وصلي ديما لبره تشم نفسها علشان مخنوقة..

ام سعاد: اتفضلي يا هانم معايا..

ام سعاد طلعت ديما بره المكان، و ديما خدت نفسها بحرية لانها كانت مخنوقة..

دينا طلعت تليفونها و اتصلت بوالدها..

الخط اتفتح..

محسن: خلاص افتكرتي دلوقتي انه ليكي اب...

ديما: اسفة يا بابا حصلت مشاكل كدة..

محسن: حصل ايه؟

ديما: خالد عمل حادثة هو و دنيا و حازم رجع كدة يعني..

محسن: و انتي كويسة؟

ديما: اه الحمد لله، جهزتوا ميعاد العملية؟

محسن: لسة..

ديما: طيب، اخبار ماما ايه و عمو و طنط..

محسن: كلنا كويسين يا حبيبتي..

ديما: بابا في حاجة عايز تقولها؟

محسن: طول عمرك لماحة يا ديما..

ديما: في ايه؟

محسن: ممكن اطلب طلب؟

ديما: اتفضل يا حبيبي..

محسن: لو حصلي حاجة يا ديما متسبيش جاسر و تطلقي منه..

ديما: بعد الشر عليك يا حبيبي، اهم حاجة انت تبقي بخير...

محسن: توعديني؟

ديما: حاضر يا بابا..

محسن: بحبك يا روحي خلي بالك من نفسك و من كل اللي حواليكي..

ديما: و انا بحبك اكتر سلملي على كل اللي عندك، باي..

محسن: باي...

ديما خلصت مكالمة و دخلت تاني البيت...

بنت: مالك يا شابة داخلة خارجة يعني؟

ديما: افندم؟!

بنت2: ايه يا حبيبتي؟مالك كدة ما تفهمينا..

ديما: طب حقيقي انا مش فايقة...

بنت3: ايه شكلك طلعتي ما زي ما بيقولوا...

ديما: اولا معرفش مين بيقول عليا ايه و لا مش بيقول ايه و لا يهمني و لا يفرق معايا اصلا، و ابعدي عني..

بنت2: لا طلعتي مغرورة زي ما بيقولوا...

ديما: مش فايقة..

ديما سابتهم و مشيت، و راحت قعدت عند الباقي..

فتحية: ايه اللي أخرك؟

ديما: بنات كدة بيضايقوا في الواحد..

فيروز: معلش دول صحاب سارة...

ديما: يا ستي ميهمنيش..

دعاء: بنات رزلين...

دنيا: اطمنتي عليهم؟

ديما: اه...

جملات: طب اطلعوا يا بنات للعروسة انتوا..

دنيا: الله ماشي..

دعاء: تعالوا معايا، و البنات طلعوا و راحوا للعروسة..

ديما: اهلين..

سعاد: انتي العروسة الجديدة؟

ديما: ايه ده طلعت مشهورة بقي...

سعاد: انتي طلعتي قمر اوي..

دنيا: ماشي يا ست سعاد...

سعاد: لا و الله مش قصدي..

فيروز: الف مبروك يا سعاد...

سعاد: الله يبارك فيكي..

ديما: مجبورة على الجواز و لا؟

سعاد: لا مش مجبورة الحمد لله...

دنيا: الحمد لله...

و البنات قعدوا يتكلموا و رسموا حنة بس ديما رفضت ترسم، و عدي الوقت و البنات مبسوطين اوي و بيضحكوا...

اسماء: يلا يا بنات بينا...

ديما: يا خسارة...

سعاد: ما انا جيالك بكرة..

دنيا: اشطا يلا..

و البنات نزلوا و الستات و لقوا خالد و جاسر و حازم واقفين...

جاسر: اركبوا...

-جاسر ركب و جمبه ديما، و ورا دعاء و دنيا و فيروز...

-خالد ركب و جمبه حازم و ورا فتحية و اسماء و جملات...

جاسر: انبسطوا يا بنات؟

دعاء و فيروز و دنيا: اه...

جاسر: ايه هو انتي مش بنت و لا ايه؟

ديما: هو فعلا في ناس بتتكلم عليا...

جاسر(بضيق): مين قال كدة؟

دنيا: يا ديما انسي دول من طرف سارة خلاص..

جاسر: حصل ايه؟

ديما: في بنات وقفوني و قعدوا يضايقوني و هما صحاب سارة و شكل سارة مسلطاهم يضايقوني، مع اني معملتش ليها حاجة..

جاسر: خلاص معلش..

دعاء: بس مشفتش ديما بتعرف ترقص ايه، اكيد شوفتها يعني انتوا متجوزين...

ديما(بإحراج): اخرسي يا دعاء...

و فجأة بدون مقدمات صوت رصاصة دوت في المكان...

تكملة الرواية من هناااااا