رواية حبيبي المدير الخاتمة بقلم شيماء صبحي( جديده وحصريه فى مدونة قصر الروايات)

رواية حبيبي المدير الخاتمة بقلم شيماء صبحي( جديده وحصريه فى مدونة قصر الروايات)

رواية حبيبي المدير الخاتمة بقلم شيماء صبحي( جديده وحصريه فى مدونة قصر الروايات)

#الخاتمة

#رواية_حبيبي_المدير

#الكاتبة_شيماء_صبحي

مريم بتساؤل:هو انتي كنت عاوزه تخلفي؟

ليزا حركت راسها واحلام قالت:خلونا نطلع ونطمن عليها الاول '

مريم حركت راسها ومشيت وليزا واحلام سندوها وطلعوا كلهم لغرفه ليزا ومارك وليزا جابتلها الاختبار بسرعه من درج التسريحه ومريم اخدته منها ودخلت بسرعه للحمام.

في القسم كان ادهم اتضاف علي القضيه بتاعته طعن ياسر بالسكي/نه  وبسبب ان ياسر حالته لسة سيئة ومفيش تحسن تم تأجيل الحكم عليه وعلي ادهم لان لو ياسر مات قضية ادهم هتتحول لفضيلة المفتي!

فكان ادهم قاعد في الحبس الانفرادي وهوا بيفرك في ايديه بطريقه غريبه ، كان خايف ودا حصله بعدما استوعب الحقيقه وانه في السجن ليس له اي قيمة وزيه زي اي مجرم كان بيقبض عليه..(حثالة المجتمع) !

الظابط دخل عليه يحطله اكل بنفسه لان ادهم بيشتم العساكر وبيغلط فيهم جامد  فاول ما الظابط شاف حالته ابتسم بسخريه:اخيرا استوعبت اللي حصل فيك دا انت هتشوف ايام سوداء!! 

ادهم بدأ يحرك رجليه وبدا يحس ببروده الحبس الانفرادي ولما شاف الظابط حالته حس انه هيتجنن بسبب اللي حصله دا فحطله الاكل ومشي وقبل ما يختفي خالص سمع هبد ادهم علي الباب وهو بيصرخ بكل قوه :خرجووني انا مش مجرد دي هيا المجرمة لازم اقتلها واقلته..هما اللي يستحقوا يبقوا مكاني انا بريئ!

كل الكلام اللي قاله زعج كل المساجين والظابط تعامل معاه ولا كانه شايفه لان ادهم مجرم ويستحق العقوبه..

وفي المستشفي كان حالة ياسر سيئه جدا لان الطعنة كانت في الكبد ودا اثر جدا علي حالته وخلاها مش مستقره..

كان ياسر في غرفة العنايه المركزة والاجهزه معلقه بجسمه..وطبعا كان في وعيه حجات بسيطة وهنا بدأ يتخيل كل اللي حصله ومر بيه!

المشهد كالتالي

(ياسر موجود علي سطح عماره عددها لا يقل عن ١٢٠ دور كان واقف علي السطح وشايف الارض بعيده جدا من تحت وكان شكلها جميل فبص ياسر وراه لقي ان السطح دا مليان بماده سوداء بدخان ريحتهم كانت بشعه جدا!!

 فضل ياسر يقاوم الريحه والماده وهيا بتقرب علي جسمه لحدما لما حس انه مش هيقدر عليها فقرر يبص علي الارض لمرة تانيه وهوا بيقرر ينط، علشان يهرب من الريحة و كل اللي حصل فيه وبالفعل ياسر بيبدأ يسيب جسمة  ببطئ وبيقع ولاكن اللي بيمسكة المادة اللي كانت لازقه في رجليه )

في الواقع !

كان ياسر فارق الحياة والدكاتره بيحاولوا يساعدوه وكان هوا مستسلم ولاكن الدكاتره رافضين يستسلموا..

(ياسر بسبب تقل جسمه الماده بتبتدي تبعد عن جسمة بـ بطئ لحدما بتسيب جسمه خالص وياسر بيقع من فوق المبني وبينزل في وسط الارض ميت)

وفي الواقع كانت الاجهزه كلها بتصفر دليلا عن مفارقه المريض للحياة!

الدكتور  قال بحزن:لا حول ولا قوة الا بالله ،البقاء لله وحده!

طبعا الخبر دا انتشر في اقل من ثواني ووصل لناني اللي كانت بتابع الاخبار وشافت انهم كاتبين عن اللي حصل لابنها وانه اتعرض لطعنه في الكبد خلته يفارق الحياه؟

فضلت ناني تصرخ بكل عزم وقوه والقهر باين علي صوتها ممدوح مكنش موجود وكان بيجيب طلبات للبيت وكان قافل عليها الباب علشان عارف ان دماغها صعبه وممكن تهرب!

 ففضلت ناني تخبط علي الباب وتصرخ بكل قوه :طلعوووني ابني ماات  يا ناااس؟

ممدوح كان وصل ولما سمع صوتها قالب العماره كلها قرب وفتح الباب وهو متعصب ناني بانهيار:ممدوح ارجوك خليني اشوف ابني..ابني مات؟

ممدوح اتصدم من كلامها:عرفتي منين ؟

ردت بصعوبه:من الاخبار!

ممدوح حرك راسه ليها وقال:ادخلي البسي هدومك بسرعه مينفعش تخرجي بالشكل دا!

ناني حركت راسها ودخلت تغير هدومها ولبست عبايه واسعه لونها اسود وعليهم طرحة وكان دا طلب ممدوح علشان تداري كل جسمها؟

ناني وممدوح خرجوا بسرعه من الشقه وراحوا للمستشفي وفي القسم الخبر كان وصل لادهم من العساكر واللي خلاص اتاكد ان نهايته قربت فبص علي السلاح اللي كان مخبيه في رجله وخرجه وقطع  بيه شرايين ايديه علشان يتخلص من حياته لانه مهما عمل مش هيخرج وفي الاول وفي الاخر حياته كانت متدمره؟

الظابط جه علشان يخرج ادهم لانه بقاله كتير بيصرخ زي المجنون فلما فتح العسكري الباب ودخل الظابط علشان يشوف ادهم اتصدم انه واقع وميت علي الارض والدم مغرق جسمة!

العسكري بصدمه:لا حول ولا قوه الا بالله دا شكله نات ياباشا !

الظابط:بلغ يابني المستشفي بسرعه وهات حد يمسح الدم دا!

العسكري حرك راسه وجري بسرعه وطبعا بسبب انه بيجري لفت انظار زمياله فلما سالوه ايه اللي حصل حكالهم عن اللي حصل  في ادهم وفي خلال وقت بسيط الخبر انتشر في السجن كله وبكده يكون انتهي الحال بالاتنين بالموت ..

في المستشفي وصلت ناني وهيا منهاره والدكاتره منعوها تقرب من ياسر وبلغوهم ان دا امر من الحكومه ملهمش دخل فيه!

ناني فضلت  تبكي بانهيار وهيا بتصرخ بإسم ابنها  اللي ضاع شبابه بدري وهوا لسا ماتهناش بيه او كون اسره وعاش زي اي شاب في سنه!

(يا حسرتاه علي حياة ليس لها معني لا زواجة هنية ولا خلفة هنية والبركة في العمر منسيه)

صدمت ناني علي موت ابنها كبرتها ولا ١٠٠ سنه وخلتها قاعده وكانها عاجوز في ال٩٠ من عمرها ممدوح برغم انه مش بيحب ياسر ولاكن حالة ناني بكته وقهرتها علي موت ابنها فقرب منها حضنها وهيا فضلت تبكي وتبعده عنها بقهر:انت كنت السبب في اللي حصله..دمرتوني ودمرتوا ابني ..انا بكرهك ابعد عني وطلقني اللي معلقك بيا  دا انا هموته ومش عايزه اشوفك تاني ابعد عني كملت بصرااخ : ابعد عنييييي؟

ممدوح بحزن:ناني انتي بتقولي ايه انا مقدرش اعيش من غيرك!

ناني بصراخ:اسمي نبيله !!ناني دي خلاص ماتت،ماتت مع ابنها و روح قلبها انا ..انا فانا نبيله ونبيله مستحيل تكون علي ذمة واحد زيك يا ممدوح..طلقني !

ممدوح بزعل:مقدرش!

ناني ضربته بالقلم وصرخت في وشه:غصب عنك هطلقني ورجلك فوق رقبتك!

ممدوح بانهيار:بحبك يا ناني ومقدرش اطلقك؟

ناني بصت في عيونه لقته بيبكي فمقدرتش تبصله اكتر من كده وفضلت تبكي وهوا يحضنها استسلمت ناني لحضنه بعدما اتأكدت ان ملهاش غيره دلوقت(فين الاصحاب في الاهل وفين اللي كانوا قاعدين في بيتها طول اليوم..طبعا مش هيكونوا موجودين لان دول عموهم ما كانوا اهل ودول عمرهم ما كانوا اصحاب )

"الحياة مجرد رحلة كلنا بنمر بيها عندك عمر الطفوله وعمر الشباب وعمر الشيب وعمر اليأس…

كل مرحلة في المراحل دي بنمر بيها وبنتعلم فيها وفيها صدمات حلوه ووحشه الدنيا فيها الحلو والوحش وفيها الحنين والقاسي..كل حاجة نقدر نختارها في الدنيا معادا اهلنا..ابويا وامي واخويا واختي دول مقدرش اغيرهم ولاكن اقدر اغير زوجي اقدر اغير صحبتي اقدر اغير صحبي ..

متخسرش/ي  حد علشان اهلك ممكن يكونوا صعبين ومش كويسين بس عمرهم ما يكونوا في قساوه الدنيا واللي فيها!

ابني حياتك بناس نظيفه متقولش دا ممكن يتغير وانا هستني؟

لو كان فيه وقت تاني تصبر لحدما يتغير كنت اختارت فيه ناس تانيه كويسه مفيهاش عيب..

(حياة ادهم خلصت بِشره وقسوته وحياة ياسر خلصت بعناده وعدم تفكيرة في اللي ممكن يحصل والعواقب الناتجه عن المشكلة التي تسبب فيها) 

بالتالي لازم نكون عقلانيين علشان منزعلش لما نخسر..قبل الخطوه نفكر وقبل الكلمة نفكر علشان الاجابة ورد الفعل ميزعلوناش…

في الفرح كان ماهر وحسن لاحظوا اختفاء مريم واحلام وقبل ما ماهر يمشي علشان يدور عليها لقي صابر ومروة واقفين قدامه وبيباركوله علي خطوبه حمزه ..

صابر اعتذر من ماهر انه مقدرش يجي الفرح علشان والدته كان تعبانه جدا وكانت في المستشفي ومروه سالت عن احلام علشان تعتذر منها لان حماتها كانت مريضه وحالتها صعبه وبسبب انها كانت مع صابرعلشان ميبقاش لوحده معرفتش هيا كمان تيجي الفرح!

ماهر بابتسامه:ولا يهمك يا صابر كفايه بس مجيك دلوقت في فرح حمزه وانت عارف انه حمزه حته مني يبق انا وهو واحد..

ابتسم صابر علي كلام ماهر ومروه بصتله وقالت:امال احلام فين يا ماهر مش شيفاها؟

ماهر وهو بيبص حواليه:هيا كانت واقفه مع اختها مريم هنا من شويه  ممكن يكونوا جوا استنوني هنا هروح اشوفها!

مروه وصابر حركوا راسهم بالموافقه واتجه ماهر لداخل القصر علشان يشوف احلام واختها اختفوا وراحوا فين!

مرسي كان واقف بيبص علي حمزه من بعيد وفرحان ليه فقرب ماهر منه وساله :مشوفتش احلام هانم واختها يا مرسي!

مرسي وهو بيحرك راسه:الهانم و اختها وامها يا بيه طلعوا فوق لان الاستاذه مريم شكلها تعبان جدا؟

حسن جه من ورا ماهر ولما سمع كلام مرسي عن مريم قلق جدا وقال:بتقول طلعوا فوق!

مرسي حرك راسه بالموافقه وحسن بص لماهر وبلغه بعيونه يطلعوا يطمنوا عليهم..

طلع ماهر وحسن لفوق واتجهوا لغرفة احلام وماهر باعتقادهم ان اكيد مريم هناك فلما دخلوا الجناح ولاقوه فاضي قرروا يروحوا غرفه ليزا وبالفعل راحوا وخبطوا علي الغرفه واحلام فتحتلهم الباب وهيا بتبكي؟

ماهر بقلق:في ايه يا احلام ايه اللي حصل!

احلام بدموع:مريم.. كانت لسا هتكمل كلامها فـ حسن دخل للغرفه بسرعه زي المجنون وبيقول:مالها مريم'

احلام بعدت شويه علشان توسع الطريق وحسن دخل وشاف مريم اللي قاعده علي السرير وبتبكي وجمبها ليزا وبتبكي..(اعتقاد حسن وماهر وقتها  ان دموعهم دي دموع حزن بس اللي هما ميعرفهوش ان دي دموع الفرحه لان مريم طلعت حامل فبتالي عندها رحم وكل كلام تسنيم طلع كدب)

ماهر بص علي احلام والقلق مالي قلبه وسالها:مالك يا احلام بتبكي ليه ومريم وليزا وبيبكوا ليه:احلام بابتسامه مليانه دموع :مريم طلعت حامل يا ماهر؟

حسن اللي كان واقف وباصص عليهم ومزهول اول ما سمع كلام احلام حس وكانه هيغمي عليه وبيقول:اززززاي؟

ماهر باندهاش:حامل!!حامل ازاي يا احلام وهيا..

احلام بابتسامه:هيا زي الفل دي عندها رحم اصل اللي كان بلغ مريم انها فقدت رحمها هيا خالتي تسنيم واللي ماما قالت لينا انها بتتخيل سينريوهات يعني اكيد لما الدكتوره طمنتهم علي حالة مريم هيا تخيلت السيناريوا دا  وحاجة مهمه زي دي لو كانت حقيقه  كان حسن علي الاقل عرفها لان في المستشفي كانوا فاهمين انه جوزها؟

ماهر حرك راسه وحسن دموعه نزلت بغراره وقرب من مريم اللي ماسكه في ايديها اختبار الحمل وبتبكي.

حسن بدموع:مريم!

مريم بصتله ومن فرحتها قامت جريت عليه حضنته وببكاء قالت:انا حامل يا حسن حامل منك في طفل في بطني!

حسن وهو بيبطبطب عليها:مش مصدق يا مريم انا مبسوط وسعيد كان نفسي اوي تكوني كويسه كان نفسي اوي  اخلف منك!

احلام وليزا وماهر كانوا باصين عليهم وهما بيدمعوا لان دي بالنسبالهم صدمه ولاكن صدمة كويسه؟

ليزا قربت من حسن وطبطبت عليه:مبروك يا حسن الف مبروك يا حبيبي مريم فعلا بخير وكل دا كان من تخطيط العقربه اختي!

حسن بضيق:هنعمل فيها ايه اكتر من اللي حصلها انا زعلان اوي منها ازاي تعمل كده في بنت يعتبر بنتها ازاي!

ليزا والحزن مالي صوتها:ربنا انتقم منها يا حسن واخدت جزائها ،متفكرش كده وافرح بحمل مراتك وانسي الماضي زي ما طلبت من مريم تنساه ،،اهم حاجه انك بخير وانها بخير واللي في بطنها بخير!

حسن حرك راسه بفرحه وحضن مريم اكتر ومكنش عارف يقول اي حاجه غير انه بيبكي ومريم في حضنه بتبكي!

احلام بصت لماهر اللي متأثر باللي حصل وقالت:عيله نكديه..يعني فرحة زي دي يعيطوا فيها ليه؟

ماهر وهو بيبص لدموعها:طيب انتي بتعيطي ليه!

احلام بابتسامه:علشان انا من العيله دي!

ضحك ماهر وبص علي حسن ومريم وقال:خلاص بق يا حضرت الظابط هتفعص البنت وابنها في ايديك سيبها تاخد نفسها وبعدين متنساش ان في فرح تحت وحمزه لو ملقناش معاه طول الحفله هيتقمص وهينكد علينا كلنا  بحق وحقيقي؟

حسن بعد عن مريم وهو بيحرك راسه وقرب ايديه من وشها ومسح لها دموعها وقال :خلاص متعيطيش  تاني وانا مش هعيط..

مريم بموافقه:دي دموع الفرحه ياحسن !

حسن بابتسامه:عارف يا قلبي الف مبروك يا روحي وربنا يخليكم ليا!

مريم حضنته تاني ووقتها احلام قالت:مش هنخلص بق؟

مريم بصتلها بغيظ وقالت:والله مش واخده بالك من نفسك وانتي متعلقه في رقبة الاستاذ طول الوقت ومحدش بيتكلم !

احلام بصت لماهر اللي بيضحك علي كلام مريم وضربته بخفه وهوا قال وهو بيمسك ايديها:خلاص انا هاخد مراتي وننزل وانتوا  ظبطوا شكلكم وامسحوا دموعكم دي وحصلونا؟

حسن حرك راسه وماهر مسك ايد مراته وخرج من الغرفه وقال:مروة وصابر تحت وبيقولوا انهم معرفوش يجيوا الفرح بناعنا علشان ام صابر كانت في المستشفي!

احلام حركت راسها وقالت:ولا يهمهم اهم حاجه انها بخير.

ماهر استغرب تقبلها للموضوع فسالها:يعني انتي مش زعلانه من مروة!

احلام ابتسمت:وهزعل من مروة ليه وبعدين الفرح دا ميجيش حاجة جمب وقفة مروه معايا كل السنين اللي فاتت وبعدين ما انا محضرتش حفلة خطوبتها لان كانت مريم  اختي تعبانه  وقتها ومعرفتش اروح..

ابتسم ماهر وحرك راسه وهيا قالت:اللي بيني وبين مروة أكبر بكتير من اننا نزعل علشان حاجه زي دي!

احلام قالت كلامها وكانوا قربوا من مروه وصابر اللي لسا واقفين مكانهم فـ احلام من بعيد قالت بفرحه:مروة'

مروه بصت عليها وقربت منها بفرحه وحضنتها..مروم بمباركة:الف مبروك يا عروسه .

أحلام بإبتسامه:الله يبارك فيكي يا قلب العروسه طمنيني عليكي عاملة ايه وحشتيني اوي؟

مروة بابتسامه:انا كويسه الحمدلله بس انتي اللي طمنيني عليكي عامله ايه؟

احلام بخجل:بخير يا مروه بخير؟

مروه بهمس:اوعي تكوني لبسيتي الطقمين يا احلام وفضحتينا؟

احلام بضحكه واسعه:لا متقلقيش رجعت في كلامي قبلها بحجات بسيطة!

ضحكت مروه علي كلامه وقالت:متزعليش مني يا احلام معرفتش احضر الحفلة بتاعتك علشان حماتي كانت بتموت في المستشفي وانتي عارفه صابر مفيش غيره ومالوش غيرها يا حبيبي!

احلام ابتسمت وقالت بتساؤل علي حالة الست ميرفت:طيب وهيا خالتي ميرفت عامله ايه طمنيني عليها!

مروه بابتسامه :الحمد لله حالتها بقت احسن!

احلام ابتسمت وضربتها بخفه:انتي يا جزمه فاكرة اني هزعل منك لا يا مروه انا لما لاحظت انك مش موجوده قلقت عليكي مش زعلت منك لاني عارفه ان حفلة زي دي مش هتروحيها غير وفي مشكله اكبر فكنت قلقانه عليكي وكويس انك بخير وام صابر بخير!

مروه حضنت صاحبتها بكل حب وقالت:ربنا يخليكي ليا يا احلام ويارب بق اشوف اولادك وهما طالعين حلوين كده زيك'

ابتسمت احلام ووقتها جت مريم في بالها فحكت لمروه عن اللي حصل وقبل ما مروه تشتم تسنيم قربت ليزا وحسن ومريم منهم فسكتت مروة وهيا بتضحك..

ماهر وهو بيبص لحسن:خلاص كده يا ابو علي؟

حسن باستغراب:مين علي؟

ماهر غمزله :دلع حسن طبعا ابو علي؟

ابتسم حسن وحرك راسه وقرب منه وقال:خلينا نروح لحمزه اللي بيرقص لواحده زي الاهبل دا !

ماهر حرك راسه واخد صابر معاه واللي كان محروج جدا وطبعا لما شافوهم البنات ضحكوا جدا علي شكلهم واحلام بصت لمريم وقالت:طبعا مروه غنيه عن التعريف!

مريم حركت راسها وسلمت علي مروه لانها حبتها جدا بعدما اتعرفت عليها من قريب وقالت:ازيك يا مروه يا حبيبتي عامله اي!

مروه بابتسامه:انا بخير انتي طمنيني عليكي عامله ايه؟

مريم بفرحه:انا بخير وفي احسن حال يا حبيبتي!

ليزا قربت من مروه وقالت:ازيك يا مروه!

مروه بصت ل ليزا وقالت:الحمدلله يا طنط ازي حضرتك!

ليزا بابتسامه لطيفه:بخير يا حبيبتي!

احلام لقت حنين قاعده ومش بترقص فاتكلمت احلام وقالت:تعالوا يا بنات نرقص شويه مع حنين بدل ما هيا قاعده كده لوحدها ..دي حفلتها برضوا ولازم تخربها؟

كل البنات ضحكوا وليزا معاهم وقربوا كلهم من حنين واللي اول ماشافتهم فرحت من كل قلبها وبرغم تعبها من الرقص الا انها قامت وكأنها مش حاسه باي ارهاق وبدات ترقص معاهم بكل فرحة طللعه بجد من قلبها……………وبكده كل اللي في الحفله بيرقصوا وهمااااا مبسوطين؟

              النـــــهـــــايـــــــة

طبعا اي كلمة هقولها هوصف بيها مشاعري اتجاه الروايه دي مش هتاخد حقها..حبي ليها وحبي لكل وقت ضيعته في اني اكتب جزء منها دا مخليني مبسوطة جدا.

كل لحظة عيشتها مع احلام وكأني بمر بيها لحظة حزن بوجع ،لحزة فرح بخجل لحظة سند لحظة اشتياق..كل اللحظات اللي بطلة قصتي مرت بيها حسيتها معاها.

انا طبعا مبسوطه جدا اني كتبت حاجه الناس حبتها واتعلقوا بيها وطبعا وزي كل مرة بنختم فيها روايه حابة أقول انتظروني في روايه جديدة ولاننا متعودين بعد كل رواية بننزل نوڤيلا قريب اوي هنزلكم حاجه حلوه عباره عن ١٠ حلقات هتستمتعوا بيها 

لمتابعة  الروايه الجديده زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا