رواية أنفاس جهنم كاملة بقلم ليلى العمر

رواية أنفاس جهنم كاملة بقلم ليلى العمر

رواية أنفاس جهنم كاملة بقلم ليلى العمر

#رعب

#انفاس_جهنم

#بقلم_laila_alomar (ليلى_العمر)

#الجزء_الآۆلْ_والاخير

بهدوء الليل بنص الظلام واول ماغمضت عيوني لنام بسمع هداك الصوت الي مو واضح وكانه رجال عم يصرخ علي كان يدب فيني الخوف بكل مرة اسمعو

لارجع افتح عيوني وانسى الصوت ولامرة تذكرت شو كان يقلي بس الي بذكره انه كان صوت فظ وغليظ عالسمع ويختفي بمجرد ماافتح عيوني 

انا ليلى عمري٢٥ وهالحكي اول مرة بحكيه

مرو شهور وهالصوت صار جزء مني وتعودت عليه 

ماعندي الجرأة احكي لحدا اكيد رح يضحكو علي ويتهموني بجنون او الكذب 

بيوم كنت واقفة قدام مرايتي بالحمام عم مشط شعري الساعة ١٢ قبل مايرجع زوجي من المحل يلي تعود مايسكرو لبعد الطنعش

حسيتو اجا ركضت عالباب بس ماكان في حدا دورت عليه مافي حدا نسيت لموضوع واعتبرت هالشي مجرد اوهام ورجعت عالحمام لضب شعراتي يلي تعودت اربطهن ولامرة تركتن ع راحتن

انا:كان هون المشط انا متأكدة وين بدو 

يكون دورت بالحمام مالقيتو دورت بكل مكان مشيت فيه بوقتا بس مالو اثر

انا:الله يلعن الشيطان اديش صايرة عم انسى

جبت مشط تاني وضبيت شعري لاسمع من جديد صوت لباب ركضت باتجاهو بخوف هالمرة

انا؛ انت جيت

زوجي:اي وليش ماعم تردي عالهاتف شو عم تعملي

انا:ماسمعت وينو لالمحو عالطاولة وخمس مكالمات لم يرد عليهم 

مو حاطتو صامت وهيو حدي ليش ماسمعتو دقلي لشوف

مسك موبايله واتصل 

ليرن موبايلي ويصدح صوته بهدوء البيت

انا:والله غريب الله عليم يمكن ماسمعتو وانا بالحمام

زوجي:رح نام بكرا عندي شغل كتير بدي انزل جيب بضاعة للمحل

انا:ماشي حبيبي انا رح اكتب شوي وحاول نام

زوجي:اي نامي مو تسهري للصبح 

انا:ماشي انتا نام وارتاح

توجه ع تخته وانا استلمت الكنباية ومسكت موبايلي اتصفح شوي قبل ما بلش كتابه

فجاة اجاني طلب صداقة من شخص غريب حاطت صورة سودا كتير واسمه بلغة مو مفهومة واول مرة بشوف هيك حروف وزادت غرابته لما بعتلي مسج وانا مفعلة ميزة مافيه حدا يبعتلي رسايل اذا ماقبلت طلب الصداقة 

فتحت الرسالة باستغراب 

صورة سودا بنصا في ضو صغير متل لما تصور بالظلام قدام مراية ويلمع الفلاش

شو هالغلاظة احسن شي احظره

وانا بدور ع زر الحظر طفي لموبايل اووف هلق وقتو يطفا 

بسرعة مسكت موبايل زوجي وحطيت موبايلي عالشحن

نزلت صفحتي ع موبايله لاحظر المتطفل الغريب بس مالقيتو ولا لقيت اي مسج هالشي زرع جواتي اشارة استفهام وحيرة انو شو عم يصير

شحن موبايلي٥٪شغلتو وهو عالشحن لاتأكد من الرسالة 

كانت موجودة حاولت امسحا ما انمسحت دورت ع خيار الحظر بس للاسف ما طلعلي 

خفت مابعرف ليش ودقات البي زاذت سكرت المتصفح لبطل فكر فيه والصبح بسال زوجي اذا عندو فكره ششو سر هالشخص الغريب

فتحت المذكرة لاكتب خاطرة قبل مانام 

حسيت ايدي منملين تجاهلت هالشعور وبلشت اكتب 

ومجرد ما حطيت ع لوحة المفاتيح كتبت

" لا تتهربي مني انا اقرب من انفاسك الك" 

لك انا شو عم اكتب وشو هالتخبيص مسحت ورجعت اكتب

"مو انتي يلي عم تكتبي انا يلي عم اكتب انتي مفكرة انو انتي يلي عن تفكري وتكتبي بس صدقيني هاد انا

زتيت الموبايل وتوجهت لعند زوجي وانا عم بربر" 

انا الظاهر عم اتعب حالي بالكتابة لازم ارتاح شوي وتجاهلت الشي يلي كتبته لان حسيت انو انا كتبته وانا فكرت فيه وانو هاي بداية قصة جديدة

غفيت حد زوجي لحس بانفاس سخنة وكانها من جهنم عم تلفح ضهري كونه لابسي بيجاما صيفي نص ضهر 

فتحت عيوني برعبة لشوف زوجي قدامي 

مين ورا ضهري جسمي يبس بارضه وانشلت حركتي وارتبط لساني شو اعمل حتا لتفكير وقف 

انا وبهالموقف كنت عاجزة عن اي شي والانفاس بعدا عم تلفح ضهري وسخونتا عم تزيد حسيت الجلد بلش يعرق من سخونه الانفاس

غمضت عيوني وتنهدت وفتحتن من جديد لتنحل عقدة جسمي وارتخيت مااسترجيت اطلع لورا ضميت زوجي وصرت ابكي متل طفلة خايفة من كابوس وهزيتو بايدي بقوة

زوجي:شبك شو فيه وجلس حاله

اطلعت بالغرفة وماشفت شي يمكن عم احلم

انا:مافي شي شفت كابوس 

زوجي واقعي جدا وما بصدق باي شي وبيعتبر الاشياء الخارقة للطبيعة كذبة اخترعوها الناس ليلفتو نظر 

حاولت انسى الموضوع وحطيت اللوم عالمواقع يلي عن زورا يلي بتخص الرعب والغموض وقررت اعتزلن للابد بعد هالليلة المخيفة 

صحيت تاني يوم جسمي مكسر وعيوني شاخبة وايدي اليمين مخشبة مو قادرة حرك اي اصبع فيها وفي بقع زرقا ع معصم ايدي وكانه عروق الاوردة بايدي عم تحبس الدم وماعم تسمحلو يمشي لايدي 

الخوف سيطر علي وبمجرد ماشاف زوجي ايدي دب الخوف جواه واخدني عالمشفى مباشرة لاستلقى خبر كان كارثي بنسبة الي 

ايدي انشلت بعد ما انمنع الدم بالوصول الها واتهموني اني رابطة ايدي بشي متين ومانعا الدم يوصل لايدي لفترة طويلة 

زوجي بهاللحظة استغرب لان قبل كم ساعة كنت عن اكتب فيا وعم مشط شعري وماكان فيا شي كيف فجاة بصير هيك

انهرت وتعبت نفسيتي واعتزلت الموبايل وماقدرت استوعب انو انا الي الكتابة كل حياتي هيك بهالبساطة تنشل ايدي 

بعد اسبوع من المعناة يلي عانيتا بلشت اتقبل الموضوع

الساعة ١١ المسا مسكت الموبايل بعد هجرانه اسبوع كان صعب استعماله باليسار بس حاولت اول ما شغلت النت وصلتني رسالة من نفس الشخص الغامض

"هالمرة انشلت ايدك يلي فيقتي فيها زوجك هربا مني 

مالازم تتوقعي شو ممكن اعمل اذا حكيتي لحدا" 

وقع الجوال من ايدي وتكورت ع حالي وصرت اطلع حوالي بخوف وحسيت باي لحظة رح يظهرلي جني بشع مخيف يصيبني بجنون او بالموت مو ممكن اتحمل شوف هيك شي انا اضعف من هيك بكتير 

حطني بورطة كبيرة مستحيل احكي لحدا هالمرة اكتفا بشل ايدي اذا بحكي اكيد رح يعمل شي اسوء بكتير 

ضليت ع اعدتي لرجع زوجي 

خبيت حالي بالحرام وتصنعت النوم لحتى ما اغلط واحكي كان لخوف مسيطر علي من شعري لاطمس قدمي

زوجي:ليلى حبيبتي نايمي 

مارديت حاولت اتماسك وماحسسو بجسمي يلي عم يرتعش من الخوف 

حط راسه ونام زوجي من النوع الي مجرد ما يحط راسه عالمخدة بنام

غمضت عيوني لارجع اسمع نفس الصوت يلي تعودت عليه بس هالمره كان اقرب واوضح واكثر رعب وكانه واقف حد اداني

"هالشي يلي عملتيه صح مالازم تحكي لحدا" 

حسيت بانفاس جهنم من جديد عم تلفح وجهي وتخترق انفاسي بس مو شايفي شي الا الظلام 

كنت اقوى من ما بتخيل كنت مفكرة انو من ابسط موقف مخيف ممكن اسقط وموت او جن بس لساتني متماسكي وعم فكر والانفاس عم تحرقني بعدا

فجاة اختفت الانفاس مع الصوت وماعاد حاسي بشي كان لازم اعمل شي انا لازم اعرف شو بدو لازم حدا بساعدني بس كيف ومافيني اتواصل مع حدا 

فقت تاني يوم جسمي مكسر وكاني كنت عم كسر حجار 

قمت من التخت بصعوبة عم جر حالي بين الغرف وانا بفكر شو اعمل وعندي احساس انو باي لحظة ممكن يرجع يمكن يظهر هالمرة قدامي بس لا مالازم يظهر مستحيل استحمل شوفو قدامي وانا لهلق بجهل شو هالشي

لاحت ببالي فكرة

َمسكت الموبايل بايدي اليسار

وفتحت ع محادثته وصرت اكتب بصعوبة

انا؛ شو بدك مني

هو؛ مابدي شي بدي حس اني موجود 

انا؛ ليش انتا مو موجود

هو:انا محبوس هون بين عالمي وعالمك بالفراغ مو قادر اظهر بعالمك ولا ارجع لعالمي

انا؛ليش انا من بين كل الناس

هو؛ انتي اغريتيني 

انا:انا ماعملت شي ولا بعمري فكرت فيكم انتو الجان

هو:انا من سنين عن راقبك وانتي بتتمشطي يوميا بالحمام شعرك الاسود اسرني وقيدني مو قادر ابعد ولا قادر قرب 

انا؛ وشو بدك مني 

هو:بدي ضل معك وطالما انتي ساكتة مارح اعملك شي ولا رح قرب منك بس كان لازم تحسي بوجودي

انا:بترجاك تركني بحالي مابكفي ايدي انشلت شو لسا بدك 

هو:رفعي ايدك

انصدمت لما شفت ايدي عم تتحرك وكانه مافيا شي

انا:شو بدك مني انا مافيني اتعايش معك انا متزوجة وهاي اسما خيانه

هو:بس خيانتي اصعب صدقيني لما رح تخونيني رح تتمني لو خايني زوجك بكل لحظة

زتيت الموبايل وانا خايفة وكانو هالشي كلو كذب 

مستحيل اسمحلو يملكني انا لازم اوقف بوجهه

ووقفت لانزل لعند زوجي واحكيلو يساعدني ويخلصني من هالبلوة 

فجاة فتلت فيني الدنيا ووقعت بالارض 

صحيت ع حالي بعد فترة بتختي عاجزة عن الحركة او حتي عاجزة حرك رمش عيني ومعلق بايدي سيروم وقسطرة بولية 

ومااستوعبت شو صار 

الاحساس الوحيد يلي عم حسو هلق هو انفاس جهنم يلي عم تغتصبني كل ليله 

انتهت بقلمي ليلى العمر

شو رايكم اكتب رواية طويلة رعب

دعموني بكم لايك حلوين متلكم