روايه فى قبضة الفهد الجزء الثاني(عشق الابناء) الخاتمة الاخيره بقلم الكاتبة جنات (حصرية وجديدة في مدونة قصر الروايات)
روايه فى قبضة الفهد الجزء الثاني(عشق الابناء) الخاتمة الاخيره بقلم الكاتبة جنات (حصرية وجديدة في مدونة قصر الروايات)
روايه فى قبضة الفهد الجزء التانى
﴿عشق الابناء﴾
«« الخاتمة »»
﴿عشق الاحفاد﴾
بعد مرور اكتر من ٢٠ سنه على ابطالنا اللى عايشين حياه طبيعيه وسعيده جدااا
خلينا نشوف ايه اللى حصل فى السنين اللى عدت دى
←فهد وحسن وراكان وكنان سابو الشركات لاولادهم واحفادهم وبيتابعو كل حاجه من البيت
←تمارا ومريم ومروة وشروق لسه زى ماهما بيهتمو بالقصر وبقي معاهم جنه وزينه وجميله بعد ماسابو الشغل واتفرغو للبيت
←زين واسر وريان اللى متولين مسؤليه الشركات ومعاهم فهد الصغير وايان ومراد وادم بيتابعو معاهم لما بياخدو اجازة من شغلهم فى الجيش
←اسيل اللى سابت الشغل وبقت بتهتم بالبيت مع وفاه سهام والده ادهم
(علاقات الاحفاد بقي)
ـ ادم بيحب ديما وبقي عريس بنت زينه زى ما اتمنت وكمان مكتوب كتابهم وبيحضرو لفرحهم
ـ سيلا اللى مكتوب كتابها على مراد وبيحضرو لفرحهم هما كمان مع ادم وديماا
ـ فهد الصغير اللى بيحب حياه بنت عمته زينه بس طبعاا هو اخد نفس طبع ابوه ومش بيعترف بمشاعره بسهوله وفكان لازم جنه والدته تدخل وتم خطوبتهم بحمدالله
ـ ايان بقي اللى خاطب وبيعشق حنين بنت جنه وبيستنو انهم يخلصو دراستهم عشان يعملو الفرح مع فهد وحياه
﴿عشان منتلخبطش ﴾
فهد الكبير ←←الفهد
فهد الصغير←←فهد
ريان الاب وابنه ايان
اسيل الام وبنتها سيلا
ادهم الاب والابن ادم
كدا تمام عشان محدش يتلخبط بس
==================
صباح يوم جديد
جنه:زينه صحيتى البنات
زينه:لا مش فى اوضتهم
جميله:شوفتيهم فى اوضه الروايات
زينه:لا
جنه:تعالو نشوفهم
تمارا:بيفكرونى بيكوو والله
مريم:كنا كل يوم نصحيكو وانتو نايمين فوق بعض
زينه:تعالو نروح نصحيهم
جنه وزينه طلعو يثحو البنات لاقوهم نايمين زى ماكانو بينامو
جنه:حنين ديماا اصحو بقي
زينه:حياه اسرع واحده بتصحى.. حياه
حياه:امم..صباح الخير
زينه وجنه:صباح الفل
جنه:حنين
حنين قامت قعدت:فى ايه
جنه ضحكت:اصحى عشان الكليه ياحبيبتى
حنين:صباح القشطه
زينه:صباح الجمال .ديماااا
ديما:نعم ياماما
زينه:اصحى ياحبيبتى عشان متتاخريش على المستشفى
ديما:صباح الفل الاول
جنه وزينه:صباح الخير
جنه:يلا البسو وانزلو عشان نفطر كلنا سوااا
البنات:حاضر
===================
على السفره قاعد الكبار كل واحد ومراته جمبه وزين واسر وريان وجنه وزينه وجميله
الفهد:فين الشباب
زين:فهد وايان عندهم اجتماع مهم وخرجو من بدرى
حسن:والبنات فين
زينه:نازلين اهو
البنات نزلو وقعدو مكانهم:صباح الجمال
الكل:صباح الخير
اسر:ديما لسه ناقصك حاجه
ديما:حاجات بسيطه يابابا
زينه:لازم تخلصى حاجاتك لسه اسبوعين بس على الفرح
ديما بهمس سمعته حياه وحنين اللى قاعدين جمبهم:مش لما يبقي يجى العريس الاول
حياه وحنين ضحكو
كنان:بتضحكو على ايه
ديما:حنين قالت نكته بس ياعمو
الكل فطرو سواا وكل واحد راح على شغله
===================
فى الشركه
فهد داخل المكتب ووراه ايان
ايان:كدا كل حاجه تمام
فهد:تمام بس الاجتماع اللى جاى هو الاهم
ايان:احنا قدها يافهد متقلقش
الباب اتفتح ودخل مراد وادم
ادم:السلام عليكم
ايان:حمدلله على السلامه ياشباب
مراد وادم:الله يسلمك
فهد:خلصتو القضيه
ادم:اه الحمدلله
مراد:الواحد عايز شهر راحه
فهد:راحه ايه ياعريس
ايان:جهزو نفسكو لتحضيرات الفرح... عادى لو عايزين راحه ممكن ناجل الفرح
مراد بص لادم:رد عليه بقي
ادم:انا لو رديت عليه هسيبله علامه تفكره بيا
ايان:محدش يعرف يهزر معاك ابداا
فهد:طب يلا عشان تحضرو معانا الاجتماع
مراد:اجتماع ايه
فهد:مناقصه جديده
ادم:اجتماع ايه انا هروح اشوف ديما وهروح البيت ارتااااااااح
مراد:وانا زيه الصراحه
ادم:وعشان اغير على الجرح
ايان:جرح ايه
ادم:اصابه خفافى كدا فى دراعى
فهد:سلامتك ياصاحبي
ادم:تسلم ياصاحبي
مراد:انا هموت وانااام
ايان:ماتروح تنام
مراد:لسه هروح اشوف سيلا
ادم:طب انت هتروح اخر الطرقه هتلاقيها فى مكتبها
مراد:هلاقى مين
ايان:مزتك يامعلم
فهد:انت شكلك هتحضر الاجتماع وانت متعلم على وشك
ايان:وعلى ايه انا ماشى سلام
ايان خرج من المكتب
مراد:هروح اشوف سيلا
ادم:والله ياعم انت تروح ترتاح فى بيتك احسنلك من الجنان ده
مراد وهو بيخرج من المكتب:مش هرد عليك
فهد ضحك وبص لادم:وانت هتروح فين
ادم:هروح المستشفى اشوف ديما وارجع البيت
فهد:تمام
==================
فى فيلا ادهم
ادهم واسيل قاعدين على السفره
اسيل:معرفتش ادم هيرجع امته ياادهم
ادهم:لسه شغالين على القضيه وبعدين ابنك راجل وقدها متخافيش عليه
اسيل:انا ماصدقت انك بعدت عن الجيش جه ابنك وراح دخل كليه الشرطه
ادهم ضحك:طالع لابوه.. اومال فين قمرايه البيت
اسيل:صحيتها بتلبس ونازله
سيلا نزلت:صباح القشطه
وباست اسيل وادهم وقعدت مكانها
ادهم واسيل:صباح النور
ادهم:صاحيه نشيطه يعنى
سيلا:عندنا النهارده اجتماعين اهم من بعض
ادهم:عارف فهد كلمنى
سيلا:المناقصه دى مهمه اوى عند فهد وايان
ادهم:ربنا يوفقكو
اسيل وسيلا:يارب
سيلا:هو ادم ومراد هيرجعو امته
ادهم:لسه شويا ياحبيبتى
سيلا:يعنى كدا هناجل الفرح تانى
اسيل:الله اعلم يابنتى
سيلا:دى تالت مرة ناجله الموضوع بقي رخم اوى
ادهم:ده شغلهم ياحبيبتى ولازم تقدرى شغل جوزك اللى هو بيحبه
سيلا:حاضر يادومى استاذن انا بقي عشان متاخرش
ادهم:ماشي ياحبيبتى السواق بره مستنيكى
سيلا:حبيبي يادومى ياقمر
==================
فى مكتب سيلا الباب خبط
سيلا وهى باصه فى الورق اللى قدامها:ادخل
مراد فتح الباب ودخل ووقف يبص عليها وهى مركزة اوى فى شغلها
سيلا رفعت وشها وبرقت لما شافته:احلف
مراد ضحك:احلف على ايه ياهبله
سيلا:انك جيت وواقف قدامى
مراد:مانا صح قدامك
سيلا قامت وقربت منه:مراد انت جيت يعنى الفرح مش هيتاجل
مراد مسك ايدها:لا مش هيتاجل ياقلبي
سيلا اتنططت بفرحه:يعنى هابقي عروسه هابقي عروسه
مراد:خلاص الله يخربيتك هتفضحينا فى الشركه
سيلا ضحكت:حمدلله على السلامه
مراد:انتى لسه فاكرة
سيلا:الله نسيت من الفرحه
مراد:الله يسلمك ياقلبي....بقولك ايه
سيلا:ايه
مراد:انتى وحشانى
سيلا:يعنى ايه مش فاهمه
مراد:والله اخوكى ادم كان عنده حق انا اروح ارتاح فى بيتنا احسن
سيلا ضربته فى كتفه:اخس عليك
مراد:بقولك وحشانى ياسيلا
سيلا:لو فى دماغك قله ادب والله هفرج عليك الشركه كلها
مراد:الله يخربيت دماغك دى اللى بتحدف شمال دايماا
سيلا:يعنى واحد جاى من سفر وبيقولى وحشانى يبقي اكيد قصده وحش
مراد:اقولك انا قصدى ايه
مراد شدها وحضنها بقوة وبعد شويا بعد عنها:ده كان قصدى ياحبيبتى
سيلا:عيب كدا على فكرة
مراد:عيب ايه انتى مراتى ياسيلا بقولك ايه انا ماشي سلام
مراد خرج وسيلا ضحكت عليه
==============
فى كليه هندسه حنين وحياه قاعدين فى الكافتيريا
حنين:انا ايه اللى خلانى ادخل هندسه كنت دخلت تجارة واشتغلنا مع البت سيلا
حياه:ومالها هندسه ياست حنين
حنين:مالها ولا ملهاش اهى تدبيسه وخلاص طب بذمتك مش نفسك تخلصى ونتجوز بقي
حياه:بكرة تخلصى وتتجوزى ياختى
حنين:بكرة ده اللى بعد ٣ سنين مش كدا حياه:وبعدين هو ايان كان اشتكى وصدقينى هو وفهد لو حابين يعملو فرح مع مراد وادم كانو هيعملو
حنين:فهد مين اللى يعمل فرح ده لو ماكنتش جنه وزينه ادخلو كانو زمانكو لسه محدش فيكو نطق هو بارد وحضرتك بتتكسفى من خيالك
حياه:احترمى نفسك ايه بارد دى
حنين:ماشي ياختى
حياه:وده قرار عمو فهد لازم نخلص دراستنا
الاول ويلا قومى عشان منتاخرش على المحاضرة
حنين:يلا ياست الباشمهندسه
===================
فى المستشفى ديما كانت بتمر على الحالات
الممرضه:دكتورة ديما فى حد عايز حضرتك
ديما:فين
الممرضه:فى المكتب
ديما:تمام روحى انتى
ديما راحت على مكتبها وفتحت الباب واتفاجت لما شافت ادم:ادم
ادم قرب منها وحضنها بقوة:وحشتينى ياروح وقلب ادم
ديما بعدت عن حضنه:انت جيت امته
ادم:من ساعتين
ديما:حمدلله على السلامه
ادم:الله يسلمك ياحبيبتى
ديما بتشده من دراعه:تعالى نقعد
ادم اتوجع
ديما بخوف:مالك ياادم
ادم:دى اصابه خفيفه متخافيش
ديما:خفيفه ازاى يعنى طب وريهالى كدا
ادم:اهدى ياديما انا كدا كدا جيلك عشان تغيريلى عليها
ديما:ثوانى هروح اجيب الادوات واجى
ديما خرجت وجت بعد شويا ومعاها ادوات كتير وادم قلع التيشيرت وكان لابس ده بدى كط وديما بدات تفك الشاش القديم وغيرتله عليها ولفتها تانى وادم لبس التيشيرت
ادم:تسلم ايدك يادمدومه
ديما:الاصابه دى ازاى ياادم
ادم:اشتباك مع عناصر اللى كنا رايحين نقبض عليهم
ديما:الحمدلله انها جت على قد كدا
ادم مسك ايدها:الحمدلله ياحبيبتى . بعدين انتى لسه بتنزلى المستشفى ليه مش المفروض العروسه تفضل فى البيت
ديما ضحكت:انا الصراحه كنت فاقده الامل انك تيجى على معاد الفرح
ادم:والله وانا بس الحمدلله القضيه خلصت
ديما:الحمدلله..بعدين انا باجى امر على الحالات مش عندى حاجه مهمه
ادم:يبقي خلاص تاخدى الاجازة بقي عشان ترتاحى قبل الفرح
ديما:حاضر
ادم:انتى لسه وراكى حاجه
ديما:لا خلاص
ادم:طب يلا اوصلك واسلم على الناس اللى فى القصر واروح عشان ارتاح
ديما:حاضر
ديما اخدت فونها وشنطتها وادم مسك ايدها وخرجو من المكتب والعيون كلها عليهم وخرجو من المستشفى وركبو عربيه ادم وراحو على القصر
====================
زين وايان خلصو الاجتماع واخدو المناقصه وكانو فرحانين وخرجوو من اوضه الاجتماعات ومعاهم سيلا
فهد:سيلا ظبطى الميزانيه بقي
سيلا:تمام يافهد بكرة تكون عندك
ايان:المناقصه دى لو نجحت هتنقلنا نقله رهيبه
فهد:ان شاء الله هتنجح
سيلا:هروح انا بقي
فهد:خليكى نوصلك فى طريقنا
مراد من وراهم:وانا شفاف حضرتك
سيلا:انت مش المفروض مشيت
مراد:ليه متجوزه سوسن عشان امشي واسيبك من غير مااوصلك
فهد:ولما انت موجود محضرتش الاجتماع ليه
مراد:ياعم دانا نمت الساعتين دول فى المكتب
سيلا:طب يلا نمشي
مراد مسك ايد سيلا وخرجو من الشركه وركبو العربيه وراحو على فيلا ادهم
==================
فى القصر الفهد دخلت ديما مع ادم
الفهد:حمدلله على السلامه يابطل
ادم سلم عليه وحضنه:الله يسلمك ياعمى
حسن:خلصتو المهمه
ادم:الحمدلله يابوعلى
الماميز كلهم خرجو من المطبخ وسلموو على ادم
مروة:يلا ياحبيبى عشان تاكل معانا
ادم:انت عايزة بنتك تعرف انى جيت ومروحتش علطول وكمان اكلت هنا مش معاها انا كدا احتمال انام فى الجنينه يامرمر
مروة:بنتى وانا عرفاهاا
كلهم ضحكوو
ادم:انا جيت اوصل ديما واسلم عليكم هامشي بقي لانى تعبان ونبي ونفسي انام
حسن:ربنا يقويكو ياحبيبي
ادم:يلا عن اذنكووو
ادم خرج وديما خرجت وراه:ادم
ادم لف:عيونه
ديما قربت منه:هتنزل معايا وانا بجيب الفستان
ادم:اكيد طبعاا ياديما وانا اسفه انى كنت سايبك لوحدك الفترة اللى فاتت
ديما:لا طبعاا متتاسفش وبعدين انت كنت فى شغلك وانا صدقنى مش زعلانه
ادم:حبيبي ياناس يلا ادخلى عشان مش عايز اتهور وانتى قمر كدا
ديما كشرت:قليل الادب
ادم برفعه حاجب:تعرفى اوريكى قله الادب
ديما جرت على جوا بسرعه وادم ضحك عليها وخرج من القصر
ديما دخلت وقربت من الفهد:جدو حبيبي
الفهد:حبيبه جدو
ديما:السلسله بتاعتى اتعملت ولا لسه
الفهد طلعها من جيبه:اتفضلى اهى
زينه:دى كانت مش قادرة تعيش من غيرها اليومين اللى فاتو
ديما حضنت الفهد:لان دى هديه جدو حبيبي اول مااتولدت ومش بحب اقلعها ابدااا لبسهالى بقي يافهوده
تمارا:فهوده
ديما:ايه ياتوتا ياقمر انتى غيرانه ولا ايه
تماارا:انا راحت عليا من يوم مانتى وامك جيتو
زينه:ده انتى نبض الفهد ياتوتااا
تمارا:ماشي ياختى يلا روحى غيرى ياديما على ماالباقى يوصلو وناكل سوا
ديما:حاضر
===================
فى فيلا ادهم دخلت سيلا ومعاها مراد
سيلا بصوت عالى:يااااااهل البيت
مراد:ارحمى امى شويا وبطلى جنانك ده
سيلا:لا بردو
اسيل خرجت من المطبخ:صوتك عالى ليه يابت انتى... ايه ده مراد حمدلله على السلامه ياحبيبي
مراد حضن اسيل:الله يسلمك ياسولا
ادهم خرج من المكتب:انت قد الحركه دى ياض
مراد بعد عن اسيل:اسفين ياكبير
مراد حضن ادهم
ادهم:حمدلله على السلامه يابطل
مراد:الله يسلمك ياعمى
اسيل:اومال ادم فين .... ااااه اكيد راح لديما
مراد:اه ياسولا قولته روح سلم على امك الاول قالى لا مراتى وحشانى اكتر
ادم داخل من بابا الفيلا:شعلل يابابور
ادم قرب من اسيل وباس راسها:وحشانى ياست الكل
اسيل:وانتى يانور عينى طمنى عليك
ادم:قدامك اهو زى الفل
ادم سابها وراح حضن ادهم:عامل ايه ياحاج
ادهم:بخير يابطل طمنونى القضيه خلصت
مراد:انت تعرف عننا ايه
ادهم:ابطال ياولاد ربنا يحميكوو
اسيل:يلا بقي عشان ناكل كلنا سواا
مراد:اعفينى ياسولا المرة دى
اسيل:والله لو قولت ايه هتاكل معانا بردو
ادم:انسي انك تخرج من الباب ده
مراد:ماشي ياسولا
اسيل:تعالى ياسيلا حضرى الاكل معايا
سيلا:من عيونى يلا
اسيل وسيلا حضرو الاكل وحطوه على السفره والكل قعدو اتغدو سوااا
ادهم:حولو بقي تخلصو كل تجهيزات عشان معاد الفرح
مراد:احنا اخدنا اجازة ياعمى عشان كدا
ادم:بكرة ننزل معاهم عشان الفستان
سيلا:بكرة فى اجتماع مهم جداا فى الشركه عشان المناقصه الجديده
مراد:احنا كدا كدا لازم نحضره نخلصه ونروح مشوارنا
ادم:وتكون ديما خلصت شغلها فى المستشفى كمان
اسيل:هى لسه بتنزل المستشفى
ادم:بكرة اخر يوم وهتاخد اجازة
ادهم:وانتى سيلا سلمى شغلك لاحمد عشان تاخدى اجازة بقي
سيلا:حاضر يادومى
بعد شويا مراد مشي وسيلا وادم طلعو اوضهم عشان يرتاحو
=================
فى قصر الفهد
حنين وحياه وصلو القصر ونزلو من العربيه اللى بتوصلهم
حياه:حنين بطلى جنانك ده
حنين:انسي لازم اقوله
حياه:حنين عشان خاطرى ونبي انتى عارفه فهد عصبي ازاى
حنين بعند:هقوله بردو
حنين لسه هتمشي حياه مسكت ايدهاا فحنين زقتها وجرت على جواا وحياه وقعت على الارض وفى نفس الوقت وصل فهد وايان وشافو حياه واقعه على الارض
حياه:ااااه حسبي الله
ايان ضحك:اكيد فى حنين مش كدا
حياه شافتهم:هو فى غيرها ربنا على المفترى بقي
ايان ضحك:لما ادخل انا
فهد قرب من حياه اللى قاعده على الارض ومد ايده ليها وحياه ابتسمت ومسكت ايده وفهد شدها وقامت وقفت
حياه:شكراا
فهد:انتى كويسه
حياه هزت راسها باه
حياه بتدور فى الارض
فهد عرف انها بتدور على الفون لما شافه واقع جمب العربيه راح جابه وشاف شاشته مكسورة
حياه:نهار ابيض ده اتكسر ماشي ياحنين اما وريتك
فهد:مش هتبطلو خناقتكو دى بقي
حياه بصتله:والله معملتش فيها حاجه هى اللى بضايقنى وكمان كسرتلى الفون اهو
فهد ضحك:اختى وانا عرفها طب تعالى ندخل بقي
فهد وحياه دخلوو
تمارا:يلا ياشباب غيرو وتعالو عشان نتغدى سوا
فهد وحياه وايان طلعو يغيرو وبعد شويا نزلو وكل واحد قعد مكانه
حياه بهمس:حنين عشان خاطرى بقي
حنين:لا
شروق:مالكو عمالين تتخانقو من ساعه ماجيتو
جنه:ينفع توقعى حياه كدا ياحنين مش ناويه تبطلى جنانك ده
حنين بصت لحياه:انتى وقعتى
حياه:مانتى زقتينى ودخلتى تجرى
حنين:اسفه والله معرفش انك وقعتى
حياه:ولا يهمك ياحنونه
شروق:طول اليوم خناق وبيصافووفى اقل من ثانيه
مريم:الاتنين دول محدش يدخل بيهم
كنان:مجانين
راكان:الكلام ده لحنين مش حياه
ريان:دى حياه دى بسكوتايه بشكولاته
حياه:تسلميلى ياعمو
حنين بهمس:بقي كدا ماااشي
حنين بصوت عالى:الناس كلها بتحب البسكوتايه
فهد بص لاخته وحاسس انها قصدها حاجه لانه شاف توتر حياه
تمارا:طبعا العيله كلها بتحبها
حنين:و فى الكليه كمان
زينه:اصخابكو يعنى
حنين:يازينو دانتى غلبانه اوى انا هقولكو
ايان:انتى شكلك هتولعيها
حنين:النهارده بعد ماخلصنا المحاضرة الدكتور بتاعنا نادى على حياه وطلب منها انه يقابل والداها اللى هو حضرتك ياعمو اسر
اسر فهم قصدها وبص لفهد اللى ساب المعلقه وعينه على حياه اللى باصه فى طبقها
جميله:يقابل باباها ليه
حنين:شغلى عقلك معايا ياميلا عشان يتقدملها طبعااا فحياه قالتله انها مخطوبه
زينه:هو مش المفروض شايف الدبله فى ايدها
حنين:ماهى حياه ماكنتش لابسه الدبله النهارده
ديما:اومال فين دبلتك ياحياه
حياه رفعت وشها وعينها جت على فهد اللى بيبصلها اوى ورجعت بصت لديما:امبارح لما كنت مع حنين عند حمام السباحه وقعت منى
اسر:كنتى دورى عليها ياحياه
حنين:اصلها وقعت جوا حمام السباحه ياعمو
فهد قام وقف:عن اذنكو
جنه:كمل اكلك يافهد
فهد:اكلت الحمدلله ياجوجو
فهد مشي وجنه بصت لحنين:مش هتبطلى طريقتك دى ابدااا
حنين:انا عملت ايه
زين:غلطتى ياحنين انتى عارفه ان اخوكى هيضايق وبردو قولتى
حنين:انا كنت بهزر عادى يابابا وبعدين هو مش بيثق فى حياه
تمارا:فى فرق بين الثقه والغيرة ياحنين
حنين:انا اسفه انا كنت بهزر عادى
الفهد:بكرة هيكون عندك تشكيله كبيرة واختارى منها الدبله اللى تعجبك ياحياه
حياه:لا ياجدو انا هستنى لما تيجو تنضفو حمام السباحه وهابقي اخد دبلتى
الفهد:اى ريحيك ياحبيبتى
حياه:انا هطلع اذاكر شويا
حياه طلعت وحنين طلعت وراها
حياه دخلت اوضتها وحنين دخلت وراها:حياه انتى زعلانه منى بجد
حياه:انا قولتك بلاش تقولى قدام فهد وانتى بردو عملتى اللى فى راسك
حنين:احنا بنهزر ياحياه يعنى انتى كنتى وافقتى مثلا
حياه:مع علينا خلينا نذاكر بقي
حنين:يلا
===================
بليل بعد ماالكل طلعو اوضهم
فهد واقف قدام حمام السباحه وقلع التيشيرت ونط فى الميا ونزل تحت الميا وبعد مده طويله طلع وفى ايده الدبله بتاعه حياه وقعد على حافه حمام السباحه
زين:كنت عارف انك هتعمل كدا
فهد قام وقف قدام ابوه:انا عارف انها بتحب دبلتها دى
زين:عشان كدا نطيت فى الميا . طب روح اديها لخطبيتك يلا
فهد:اكيد نامت
زين:لا على السطح هى وحنين وبلاش تزعلها تمام
فهد ابتسم:تمام
فهد طلع اوضته غير وبعت رساله لحنين انها تنزل وتسيب حياه لوحدها وخرج من اوضته
وقف على السلم يستناها تنزل
================
على السطح حياه وحنين قاعدين على المرجيحه وضهرهم للباب حنين وصلها رساله فتحتها وقراتها وقفلت الفون
حنين:بقولك ايه
حياه:ايه
حنين:انا هنزل تجيب كيكه من اللى عملاها ماما واجى
حياه:هى كيكه طنط جنه حد يقولها لا
حنين:متنزليش استنينى لما اجى
حياه:حاضر
====================
فهد واقف على السلم ايان خرج من اوضته وشافه:ايه ده واقف على السلم كدا ليه
فهد لسه هيرد شاف حنين نازله
حنين:اطلع ياخويا وعد الجمايل
فهد ضربها على راسها:هعدها بس انتى بطلى جنانك ده شويا
فهد طلع وحنين باصه عليه:هو انا جيت جمبه ولا عملت فيه حاجه
ايان:هى انتى بتعمله حاجه ياختى دانتى ملاك
حنين:مانا عارفه
ايان:انتى راحه فين
حنين:هنزل اكل قطعتين او ٣ كدا من الكيكه اللى عملاها ماما
ايان:خدينى معاكى
حنين:يلا
======================
على السطح حياه قاعده على المرجيحه وفهد طلع وواقف يبص عليها شويا وراح قعد جمبها
حياه:كل ده بتجيبــــ
حياه اتفاجت انه فهد هى كانت مفكراها حنين
فهد:مالك شوفتى عفريت ولا ايه
حياه هزت راسها بلا
فهد:ماقولتليش ليه ان دبلتك وقعت منك
حياه:لسه يومين والناس هتيجى تنضف حمام السباحه قولت لما يجو هعرف بابا يقولهم يشوفو الدبله
فهد:وهتفضلى اليومين تروحى الكليه من غير دبلتك
حياه:فهد انا عارفه انك مضايق من كلام حنين بس والله انا متكلمتش معاه وقولتله انا مخطوبه وسبته ومشيت علطول حتى اسال حنين
فهد:انا مش مضايق من كلام حنين وكمان انا عندى ثقه كامله فيكى ياحياه
حياه بصتله وابتسمت:يعنى مش زعلانه منى
فهد:هزعل لو فضلتى من غير دبلتك
حياه:طب اعمل ايه
فهد مد ايده فى جيبه وطلع الدبله ومسك ايد حياه ولبسها الدبله
حياه:انت جبت زيها منين
فهد بصلها اوى وحياه برقت:انت جبتها من حمام السباحه
فهد:اممم
حياه:وشوفتها فى الضلمه دى ازاى
فهد:فى حاجه اسمها كشاف ياحياه
حياه:صح.. شكرااا على فكره جدو فهد قالى بكرة هجبلك تشكيله وتختارى منها بس انا رفضت
فهد:عارف انك هترفضى
حياه:ليه بقي
فهد:لانك بتحبي دبلتك جدااا
حياه ابتسمت بكسوف:عشان انت اللى اختارتها ليا
فهد ابتسم:عارف بكرة بعد الكليه هاجى انا وايان ناخدك انتى وحنين عشان تختارو الفساتين مع ديما وسيلا وكمان تختارو الفساتين اللى هتحضرو بيها الفرح
حياه بفرحه:بجد
فهد:بجد ويلا انزلى عشان تنامى
حياه:حنين نزلت تجيب كيكه
فهد ضحك:زمانها اكلتها هى وايان
حياه:هو انت اللى قولتلها تنزل
فهد:اممم
حياه:كان نفسي اكل قطعه واحده والله
فهد:طب تعالى ننزل المطبخ ناكل سوا ونطلع
حياه:يلا
حياه وفهد نزلو المطبخ كان ايان وحنين بياكلو كيكه اكلو معاهم وبعدها كل واحد راح على اوضته عشان ينامو
==================
تانى يوم الكل صحو فطرو وراحو على شغلهم والشباب خلصو اجتماعهم ومراد اخد سيلا راحو على المول وادم وفهد وايان كل واحد راح يجيب حبيبته وراحو على المول
وصلو كان مراد وسيلا واقفين قدام المول مستنينهم
البنات سلمو على سيلا وكلهم دخلو المول
ديما:هنبدا بايه
سيلا:هنتفرج على كل الفساتين وبعد كدا نقرر هناخد ايه
ايان:مش كنتو بتقولو هتفصلو
ديما:الوقت ضيق جدااا
حياه:على فكرة فى فساتين جاهزة شيك جداا
حنين:احنا بقي هنابس لون ايه عايزين نجيب نفس اللون
ديما:والشكل
حياه:تصدقى فكرة حلوة نلبس شبه بعض
ديما بصت لشباب:هتلفو معانا ولا تقعدو فى الكافتيريا على مانخلص
فهد:لا معاكو يلا
سيلا:طب يلا استعنا على الشقى بالله
حنين بهمس سمعو البنات بس:ماهو اكيد معانا عشان يقولو ده لا ده ضيق ده قصير وفى اخر شكلنا هنحضر الفرح بجلابيه ستى
البنات ضحكو على كلامها
ادم:احنا فى المول على فكرة وطو صوتكو ده
البنات:حاضر
حياه:والله لاقول لتمارا على موضوع جلابيه ستى دى
سيلا:احتمال عمتو تخليكى تحضرى بيها بجد
البنات كتمو ضحكتهم
ديما:اسكتو بقي لاقربو يقتلونا
البنات:حاضر
البنات فضلو يلفو كتير فى كل المحلات وتقريبا كل محل بيفضلو جواه ساعه او اكتر وكل ده لسه مش اختارو حاجه
ايان بزهق:لا كدا كتير احنا بقالنا ٦ ساعات بنلف
ادم:اهدى على نفسك لسه باقى اليوم
فهد:كل الفساتين دى مش عجباكو
ديما:لازم يكون حاجه مميزة لانه يوم واحد فى العمر مش بيتكرر تانى
سيلا:عشان كدا لازم ناخد وقتنا فى اختيار
ايان:طب انتو بتختارو فستان الفرح حضراتكو بقي لسه مش اختارتو ليه
حنين:مافيش حاجه حلوة
حياه:حرام عليكى ياحنين الفساتين كلها حلوة انتى مش عجبك حاجه ابداا
ديما:بصو لسه محل واحد فى دور التالت هندخله وبعد كدا هنقرر ناخد ايه تمام
ادم:تمام يلا بقي
البنات دخلو اخر محل وبعدها قررو ايه اكتر فستان عجبهم وبعد ساعات طويله البنات اختارو فساتيهم والشباب كمان جابو البدل بتاعتهم
مراد:يلا بقي ناكل حاجه لانى جوعت من اللف
ادم:ومين سمعك
ايان بص للبنات:انتو جعانين
البنات:جداااا
ادم:ليكو حق الصراحه احنا واصلين المول الساعه ٢ والوقت الساعه ١١ بليل
فهد:طب يلا فى مطعم جمب المول هنا اكله حلو اوى تعالو ناكل فيه
الشباب والبنات راحو المطعم وطلبو الاكل وبعد شويا الاكل وصل واكلو سواا وبعدها كل واحد اخد حبيبته وركبو العربيات وروحو
=================
مرت الايام والكل مشغولين فى تجهيزات الفرح واخيرااا جه اليوم المنتظر البنات والماميز كلهم كانو فى اوضه فى الفندق اللى فيه قاعه الفرح البنات خلصو وكانو ايه من الجمال
والماميز اللى كانو كلهم لابسين فساتين بلون الفضى وكانو قمرات
تمارا:بسم الله ماشاء الله ربنا يحميكم من العين ياحبايب قلبي
البنات:حبيبتنا ياتوتا
زينه حضنت ديما:زى القمر يادمدومه مبروك ياحبيبتى
ديما:الله يبارك فيك يازينو ياقمر
اسيل:مش مصدقه انك هتتجوزى وتبعدى عنى
سيلا:ونبي بلاش تخلينى اعيط ياماما
مروة:ياحبيبتى دى سنه الحياه مانتى اتجوزتى وبعدتى عنى كمان
اسيل:مبروك ياسيلا
سيلا حضنتها:الله يبارك فيك ياماما
زينه:دمدومه هتبقي معاكى يااسيل
اسيل حضنت ديما:دى حبيبه قلبي
ديما:حبيبتي ياسولا
شروق:يلا الشباب برا
مريم:افتحى الباب يلا
الكبار دخلو الاول وباركو للبنات وبعدها دخل ادم ومراد اللى كان شكلهم يجنن بالبدل السودا وكل واحد قرب من عروسته وباس راسها واداها بوكيه ورد الابيض ومسكو ايديهم وخرجو من الاوضه وفهد وايان اللى كانو لابسين بدل باللون الرمادى الغامق كمان كل واحد مسك ايد عروسته ونزلو معاهم حتى الكبار كمان كل واحد اخد مراته وراحو وراهم على مكان اللى هيتصورو فيه واتصورو كتير جدااا مع بعض وبعدها راحو على القاعه ودخلو على اغنيه طلى بالابيض اللى البنات اختاروها والكل انبهرو بجمالهم ورقتهم والماميز والكبار ومعاهم فهد وايان وحنين وحياه كلهم كانو قاعدين مع بعض على ترابيزة كبيرة وادم ومراد كل واحد اخد عروسته وراحو على المكان المخصص للرقص ورقصو سواا سلوو على اغنيه رومانسيه
عند ادم وديما
ادم:اخيراا هاصحى الاقيكى فى حضنى يادمدومه
ديما اتكسف:بس بقي ياادم الله
ادم:مبروك ياروح قلبي
ديما:الله يبارك فيك
ادم:تعرفر انك زى القمر النهارده
ديما:بجد
ادم:جد جدااا
ديما:وانت كمان عريس قمر اوى
ادم:عارف
ديما:ايه الغرور ده
ادم:لا مس غرور عشان شيفانى بعيونك الحلوين دول
ديما:ربنا يخليك ليا
ادم:ويديمك فى حياتى يادمدومه
=======
عند مراد وسيلا
مراد:مبروك ياقمرى
سيلا:الله يبارك فيك ياحبيبي شكلك حلو اوى
مراد:وانتى اجمل عروسه شوفتها
سيلا:بقولك ايه
مراد:ايه
سيلا:ماكفايه سلو وخليهم يشغلوا مهرجانات
مراد:مهرجانات مش كدا
سيلا:اه مهرجانات
مراد:سيلا انا النهارده فرحى ابوس ايدك بلاش تحرقى دمى
سيلا:احرق دمك فى ايه هو انا عملت ايه
مراد:ولا حاجه ياسيلا
سيلا ضحكت:تعرف
مراد:ايه تانى
سيلا:بحبك
مراد ابتسم:وانا بعشق جنانك
===============
بعد شويا شغلو مهرجانات والكل رقصو وكانو مبسوطين وكان فرح على حق وبعدها اخدو استراحه وبعد شويا دخلو تانى ورقصو سلوو وكل الكابلز طلعو يرقصو معاهم حتى الماميز
فهد وحياه اللى كانت هتموت من الكسوف
فهد:يابنتى احنا بقالنا ٦ شهور مخطوبين واحنا اساساا عايشين فى بيت واحد ولسه بتتكسف منى
حياه:الناس كلها بتبص علينا يافهد
فهد:اولا محدش بيبص علينا وبعدين ما الناس كلها بترقص اهى بطلى كسوف بقى
حياه ابتسمت:حاضر
فهد:شكلك حلو جداا النهارده
حياه:النهارده بس
فهد:انتى علطول زى القمر بس قصدى انك مش بتحطى ميكب كتير فعشان كدا شكلك حلو
حياه:شكراا وانت كمان حلو والبنات هيتهبلو عليك
فهد ضحك:انتى اخده بالك
حياه:جداا
فهد:المهم انى مش شايف غيرك
حياه ابتسمت
فهد:بحبك ياحياتى
حياه:وانا كمان
فهد:انتى كمان ايه
حياه:انت عارف يافهد الله
فهد ضحك:صح انا عارف
===========
عند ايان وحنين
ايان:جعانه ايه الوقت ياحنين
حنين:ملحقتش اكل حاجه فى الاستراحه كنت مع ديما وسيلا
ايان:الوقت البوفيه هيتفتح وابقي كولى براحتك
حنين:هتاكل معايا
ايان:اكيد يااخرة صبرى
حنين:انت حبيبي يااينو
ايان:وانتى روح وقلب اينو والنهارده طلعه قمرايه
حنين:طبعاا يابنى ده اقل حاجه عندى
ايان:نفسي نكمل سوا مشهد رومانسي من غير جنانك ده
حنين:يابنى الرومانسيه دى مش بتاكل عيش والله
ايان بسخريه:ابنك..اومال ايه اللى بياكل ياختى
حنين ضحكت:البوفيه
ايان:الصبر من عندك يارب
=============
بعد وقت طويل الفرح خلص والكل راحو على بيتهم
ديما وادم على فيلا ادهم ومراد وسيلا على شقه مراد
بعد شويا كانو المل وصلو القصر وكل واحد طلع على اوضته عشان يرتاحو
============
فى فيلا ادهم كلهم وصلوو
ادهم:مبروك يا ولاد
ادم وديما:الله يبارك فيك
ادهم:نورتى البيت ياديما
ديما:حبيبي ياعمو البيت منور بيكوو طبعاا
ااسيل:ديما حبيبتى البيت بقي بيتك واحنا اهلك ياقلبي مش عايزاكى تتكسفى ابداا
ديما:انتى محسسانى انى اول مرة اجى هنا ياسولا دانا عندكو دايماا
اسيل ضحكت:يلا ياادم خد عروسته واطلعو الجناح يلا وهتلاقو الاكل فوق يابيبي
ادم مسك ايد ديما:تسلمى ياست الكل تصبحو على خير
ادهم واسيل:تلاقو الخير
================
ادم وديما طلعو جناح ادم اللى فى الدور التالت والجناح كان كبير جدااا
ادم:اتفضلى ياعروسه
ديما دخلت وكانت متوترة جداا
ادم:انا هدخل اغير فى اوضه اللبس وانتى غيرى هنا براحتك ياحبيبتى عشان نتعشي سوا
ديما:حاضر
ديما غيرت ولبست بجامه ستان لونها ابيض وكانت عباره عن بنطلون وبدى كط وسابت شعرها الاسود اللى واصل لنص ضهرها لونه اسود وناعم زى الحرير خلصت وقعدت على طرف السرير تستنى ادم
بعد شويا ادم من جوا:حبييتى خلصتى
ديما:ايوا
ادم خرج وانبهر بجمال ديماا هما كانو كاتبين الكتاب بس دى اول مرة يشوفها بشعرها
ادم قرب منها ومسك ايدها ةديما وقفت قدامه:بقي الجمال ده كله بتاعى وعلى اسمى
ادم قرب وباسها من راسهاا:يلا عشان ناكل سوا
ادم قعد وشد ديما فى حضنه وبقي ياكلها بايده وبعد شويا خلصو ادم شال صنيه الاكل وخرجها من اوضه النوم ودخل لديما تانى
ادم:يلا يادمدومه
ديما بتوتر:يلا ايه
ادم فهم انها خايفه ومتوترة:يلا عشان نصلى ياحبيبتى
ديما:اهاا هدخل اتوضي
ديما اتوضت ولبست اسدال وصلو سواا وبعد ماخلصو ادم قال دعاء المتزوجين وقرب من ديما اللى كانت متوترة جداا
ادم بحب:ديما انتى خايفه منى
ديما هزت راسها بلا
ادم:انتى عارفه انى بحبك
ديما هزت راسها باه
ادم شالها ونيمها على السرير وقرب منها لتسكت شهرزاد عن الكلام الغير مباح ولتصبح ديما زوجه ادم قولا وفعلااا
=============
عند سيلا ومراد وصلو عند عمارة فى منطقه راقيه على النيل ومراد مسك ايدها ودخلو الاسانسير وطلعو على الدور العاشر ودخلو الشقه وسيلا كانت بتتفرج عليها والشقه كانت واسعه جدااا وجميله
سيلا:الشقه تحفه اوى يامراد
مراد:كنت خايف متعجبيكش
سيلا:انت تقريبا عامب كل حاجه زى مانا عايزة بجد حلوة اوى
مراد حضنها من ضهرها:نورتيها ياقلبي
سيلا:هى اصلا منورة بصاحبهاا
مراد:يلا عشان نصلى ونتعشي سوا
سيلا:انا جعانه جداا
مراد ضحك:طب ادخلى غيرى يلا
سيلا:حاضر
سيلا غيرت ولبست بجامه زى بتاعه ديما هما اصلا جابوها سواا عشان يلبسوها يوم الفرح وسابت شعرها اللى واصل لكتفها وخرجت من الاوضه كان مراد بيحط الاكل على السفره
سيلا:انت بتعمل ايه يامراد انا كنت هغير واجى احضره
مراد اول ماشافها صفر:ايه الجمال ده كله ياناس
سيلا:مراااد بس بقي
مراد:حاضر يلا عشان ناكل
سيلا ومراد قعدو على السفره واكلو سواا وبعدها قامو اتوضو وصلو مع بعض مراد شال سيلا ودخل اوضه النوم
مراد:جاهزة تكونى زوجه الرائد مراد
سيلا اتكسف وحضنته بقوة ومراد نيمها على السرير وقرب منها ليدخلها فى عالمه الخاص لتصبح زوجته امام الله
================
تانى يوم ادم وديما ومراد وسيلا سافرو تركيا قضو شهر العسل وبعدها رجعو وكل واحد فيهم رجع لحياته المهنيه من تانى
================
مرت الايام والشهور والسنين
مراد وسيلا بقي معاهم يزن عنده سنتين
ادم وديما معاهم حور عندها سنه ونص
فهد وايان كتبو كتابهم على حياه وحنين
حياه وحنين اتخرجو من كليتهم
والكل بيجهزو للفرح واخيرااااا جه اليوم المنتظر ياحلوين
فهد وايان قررو يعملو الفرح فى القصر ويمون مقتصر على الاهل والاصدقاء والبنات كمان قروو يلبسو فساتين رقيقه جدااا
البنات كانو قمرات وديما اللى لبست دى سيلا وكمان لبست بنتها حور فستان بنفس لون فستانهم ويزن لبس بدله بلون البيج وكانو كيوت جدااا اما الشباب فهد وايان بدل بلون الاسود ومراد وادم بدل بلون الكحلى وكانو قمه فى الوسامه
زين واسر طلعو كل واحد اخد بنته حنين وحياه ونزلو كانو فهد وايان واقفين فى اخر سلم القصر وكل واحد قرب من عروسته وباس ايدها وراسها واداها البوكيه وخرجوو الجنينه اللى كانت متزينه وكان شكلها روعه واتصورو صور كتير وبعدها كل واحد اخد عروسته ورقصو سلو سوااا
===========
عند فهد وحياه
فهد:واخيراا بقيتى ملكى ياحياتى كنت بستنى اليوم ده بفارغ الصبر
حياه:الحمدلله ياحبيبي
فهد:احلى حاجه فى السنين اللى عدت دى انك مابقيتش تتكسفى زى الاول
حياه ضحكت
فهد:عارفه احلى حاجه عملتيها ايه
حياه:ايه
فهد:انك ملبستيش الفستان المنفوش اوى ده
حياه ضحكت:انا وحنين قولنا بدام الفرح فى القصر نلبس حاجه بسيطه
فهد:رغم البساطه دى بس طالعه احلى عروسه شافتها عينى
حياه:ربنا يخليك ليا يافهد
فهد:بعشقك ياحياتى
حياه:وانا بحبك اوى
========
عند ايان وحنين
ايان:مبروك ياقلب اينو
حنين:الله يبارك فيك ياحبيبى احنا هنسافر بجد بعد الفرح علطول
ايان:امم
حنين:فين بقي
ايان:مفاجاه ياقمرى
حنين:ماااااشي يااينو
ايان:طالعه زى القمر النهارده ياحنونه
حنين:حبيبي ياقلب حنونه
ايان ضحك:بعشقك
حنين:وانا كمان
=========
خلصت رقصه السلو واشتغلت مهرجانات والكل رقصو سوااا وكانو فرحانين من قلبهم وبعدها رقصو كلهم سلو سوااا وكل الكابلز رقصوو حتى يزن وحور رقصو سواا والكل كان بيضحك عليهم
وبعد وقت طويل الفرح خلص وفهد وايان وحياه وحنين ودعو العيله وركبو كلهم فى عربيه وادم وصلهم على المطار ورجع وركبو مع بعض كلهم الطيارة والبنات نامو فى الطيارة من التعب وبعد وقت طويل الطيارة وصلت والشباب صحو البنات ونزلو من الطيارة وفرحوو جدااا لما عرفو انهم فى فرنسااا وركبو العربيه سواا وصلو الفندق اللى هينزلو فيه وكل واحد اخد عروسته وراحو على اوضتهم
=========
فى اوضه فهد وحياه
فهد حضنها:مبروك ياقلبي
حياه:الله يبارك فيك يافهد
فهد:يلا غيرى وشويا والاكل هيوصل وناكل سوا
حياه:حاضر
حياه غيرت ولبست قميص لحد الرقبه بلون الابيض وعليه الروب بتاعه وسابت شعرها اللى واصل لاخر ضهرها وخرجت من الحمام كان فهد قاعد على السرير كلم زين وطمنهم انه وصلو بسلامه رفع راسها وتاه فى جمالها ورقتها وقرب منها وباسها من خدها:حبيبي زى القمر ياناس مش قادر اشيل عينى من عليكى ياحياتى
حياه:فهد لوسمحت بطل بقي
فهد ضحك:طب يلا الاكل وصل تعالى ناكل
حياه وفهد اكلو سواا وبعد صلو مع بعض وفهد شال حياه ونيمها على السرير ليبث لها فنون عشقه وتصبح زوجته امام الله
===========
فى اوضه ايان وحنين بعد ماغيرو وحنين كانت لابسه بجامه بلون البينك ورافعه شعرها ديل حصان وبعض الخصلات نازله على وشها وكانت قمر واكلو سوااا وصلو مع بعض وايان اللى بعد محاولات كتير مع حنين اللى كانت خايفه متوترة الحمدلله هدت من كلام ايان ليها وقرب منها لتسكت شهرزاد عن الكلام الغير مباح وتصبح حنين زوجته قولا وفعلا
============
الشباب والبنات قضو شهر العسل فى فرنسا وتقريبااا اتفرجو على البلد كلهااا وكانو مبسوطين جداا وبعدها سافرو على جزر المالديف والبنات اتفاجو بالعيله كلها هناك وكمان عيله ادهم وقضو شهر سواا فى جو عائلى مافيش اروع ولا اجمل منه
=============
عدت سنتين على الكل وعيلتين عايشين بسعاده ومبسوطين
فهد وحياه بقي معاهم ياسين عنده سنه ونص
ايان وحنين معاهم ريتاج عندها سنه
============
فى يوم كان الكل متجمعين فى قصر الفهد ومعاهم عيله ادهم واتغدو سواا وقضو وقت جميل مع بعض
اياااان:يلا الكل قربو على بعض خلونا نتصور سواا
فهد:انت مش بتزهق من الصور ابدااا
مراد:احنا داخلين على ٢٠ صورة لحد الوقت يابنى
ايان:يلا بقي اخر صورة سواا والله يلا
الكل قربو من بعض وكل واحد جمبه مراته والاطفال قعدو قدامهم وايان صور الصورة
تمارا:ورينى الصوره ياايان
ايان قرب معها:ايه رايك
تمارا:حلوة اوى يا ولاد ربنا يديم لمتنا سواا ودايماا متجمعين فى الفرح يارب
الكل بصوت عالى:يااااااااااارب
&&&&&&
تمت
لمتابعة الروايه الجديده زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزء الأول 1من هناااااااااا
الرواية كامله الجزء الثاني 2من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
 الخاتمة الاخيره بقلم الكاتبة جنات (حصرية وجديدة في مدونة قصر الروايات) روايه فى قبضة الفهد …){kind=link}
تعليقات
إرسال تعليق
فضلا اترك تعليق من هنا