رواية لؤم الأقارب كامله حصرياً لمدونة قصر الروايات بقلم زهرة الربيع

رواية لؤم الأقارب كامله حصرياً لمدونة قصر الروايات بقلم زهرة الربيع

رواية لؤم الأقارب كامله حصرياً لمدونة قصر الروايات بقلم زهرة الربيع

مراتك بتستغفلك كل ما بتروح شغلك بلاقيها يا  خارجه من أوضة اخوك رامي يا هو خارج من اوضتها هما صحيح كانو مخطوبين واكيد بيحنو للي كان بينهم  لاكن المفروض تفهمها انها بقت متجوزه والمفروض تحترمك حتى قدامنا

بصلها بغضب رهيب وقال..انتي بتقولي ايه ..هيه ناقصه هبل على المسا للمره المليون متختبريش صبري عليكي فاهمه

ولسه هيمشي قالت بسخريه..انا فهمت دلوقتي ليه واخده راحتها حقها..طالما حضرتك ساكت ومعندكش مشكله تخونك في قلب بيتك بس خد بالك يا عز بيه الحيطان لها ودان ولو حد سمع منظرك هيبقى ....

بس قطعت كلامها لما التفت لها بحده نظره خوفتها جدا وقال....انا لولا اني عامل حساب ان ابويا اتوفى وانتي لسه على زمته كنت رميتك مع اوسخ زباله في البيت انتي وابنك الوقح ...بس متفتكريش انها صعبه عليا للصبر حدود وانتي رصيدك قرب يخلص معايا...وادعي من قلبك ان كلامك ده ميكونش حقيقي لان وقتها مش بس هقتلها كمان هقتلك ابنك حبيب القلب اوعي تتخيلي اني ممكن ارحمه او اقول اخويا لاني مليش اخوات ولا عزيز وانتي اكتر واحده عرفاني

قال كده وطلع على اوضته وهيه بصت لطيفه بتوتر بسبب كلامه

عز طلع بسرعه ودخل واحده من الاوض بغضب رهيب 

كانت فيه بنت في العشرين بملامح هاديه شهقت بخضه لما دخل بالطريقه دي وقالت بغضب ...ايه دخلت المخبرين دي وقفت قلبي مش تخبط..بني ادم همجي

عز مسكها من دراعها بغضب رهيب وقال....انتي لسه شوفتي همجيه طلعتي من اوضتك ليه..انا مش منبه عليكي تفضلي في الاوضه

جذبت ايدها بغضب وقالت...وانا قولتلك مش هفضل محبوسه هنا...وبعدين انت اش عرفك اني نزلت...اه طبعا اكيد لطيفه هانم استقبلتك وقالتلك كلام زباله زيها وانت صدقتها وزي العاده جاي تطلعه عليا

عز بصلها بغضب رهيب وقال..انا لو كنت بصدقها ولا بسمع كلامها او حتى شكيت فيه مجرد شك وطلعتو عليكي زي ما بتقولي كان زماني دفنتك بالحيا 

وقرب منها وبص لعيونها بقوه وقال....بس انا مش بصدق اي كلمه في حقك...انني في عيوني انضف من الميه الجاريه يا ميار وقرب من شفايفها قوي وقال بهمس....كل حاجه فيكي بتقولي انت اول واحد يقربلي خصوصا شفايفك 

ميار بصتلو بتوتر وقالت ..احم...عز خليك بعيد لو سمحت و

بس عز قربها جامد ولمس شفايفها في بوسه خفيفه خلت ضربات قلبو زي الطبل 

ولسه هيكمل اتفتح باب الحمام وخرج شاب في منتصف العشرين ومش لابس تيشرت وحاطط الفوطه على كتفه وقال بسرعه...ميار حببتي  الميه مش شغاله عايز استحمى و

بس قطع كلامو وبلع ريقه برعب لما شاف عز في الاوضه

عز اتسعت عنيه على اخرهم من شدة الصدمه والزهول وكان هيقع من طوله ووووو

وبقى يبص له وهو هيتجنن ومش مصدق انه طلع من حمام اوضتها

اما ميار كانت كانها شافت شبح بقت تبصلو  اكبر من عز ونطقت بالعافيه وقالت… رامي..انت..انت ايه اللي دخلك هنا..انت هنا من امتى اصلا و

بس رامي قاطعها قبل ما تكمل وقال بدهشه مصطنعه…. في ايه يا ميار انتي عايزه تشيليني الليله لوحدي ولا ايه …..احنا كنا حلوين من شويه ولا عشان الباشا رجع..دي…دي بتضحك عليك من شويه كانت عادي على فكره

مقالات ذات صلة

مـ,ـقيـ,ـد بأكـ,ـازيبها

عيناي لا ترى الضوء

هو عوضي الجميل

عز كان واقف  ومش عارف يرد زي ما تكون دماغه وقفت

بس ميار قالت بسرعه وخوف…. والله ما حصل ده بيكدب اكيد مش هتصدقه

رامي قال بسرعه وميصدقنيش ليه متخافيش يا ميار هو عارف اللي بينا و

بس قطع كلامه لما عز هجم عليه بقوه وبقى يضربوا بغضب شديد بطريقه صعبه اوي

ميار بقيت تصرخ وتحاول تبعدهم عن بعض بس عز دفعها وكمل ضرب فيه بشده لحد ما كان هيموت في ايده وفجأه سحب سلاحه من جيبه وحطه في دماغه وهو موقعه على الارض وقال بزعيق…اتشهد على روحك يا نجس ولو انها مش هتعمل لك حاجه حتى لو قلتها

رامي بقى يبص له برعب وقال …اس..استهدي بالله انت اكيد مش هتقت..ل اخوك

عز ضربو بوكس قوي بغضب وقال….. اخويا يا وسخ دلوقتي بقيت اخوك

ميار قالت بسرعه…. سيبو يا عز هو جاي هنا علشان يستفزك ويوصل لكده محصلش حاجه من اللي قالها ولا اعرف بوجوده في الاوضه اصلا لو مصدقتنيش يا عز المره دي بجد هتبقى بتنهي اي امل بنا

عز بص لها وقال بسخريه… امل بنا هو احنا في امل بينا يا ميار…. لو خايفه على نفسك ما تقلقيش معنى ان السلاح ده مش في دماغك يبقى انا عارف انك ملكيش دخل بس هو هيموت مش هستحمله اكتر من كده

بس ميار قالت بسرعه…. لما تق..تل واحد في اوضه مراتك تبقى بتشك فيها ومتأكد كمان خصوصا لما يكون الحد ده اخوك وانا ما اقبلهاش على نفسي كده ابدا

عز زعق فيها بحده وقال ….يعني ايه…. يعني الاقيه طالع من حمام اوضتي ويقول الكلام القذر ده واسيبه علشان مبقاش بشك فيكي… اطبطب عليه واقوله برافو

ميار قالت بسرعه….. لا يتعاقب… يتعاقب ويتربى بس مش لدرجه القت….ل…. عاقبه بالطريقه اللي تشوفها مناسبه بعيد عن الدم ياعز لو سمحت

عز غمض عينيه بغضب رهيب وحاول يتمااك اعصابو بالعافيه وشدوا من قميص بغضب وقفه وقال …..تمام يتعاقب….ويتربي

ومشي بيه بغضب نزل الطابق الاول وهو ساحبو وراه ورامي مش قادر يقف من كتر الضرب

ميار جريت وراه وهيه خايفه جدا من اللي هيعمله واول ما نزل تحت نادي على واحد من الحرس وزقوا عليه وقال…. تاخد رامي بيه على النادي الرياضي بتاعي واتوصى بيه جامد اي حد عايز يتدرب على ملاكمه يتدرب فيه اي حد عايز يتدرب على مصارعه يتدرب فيه اي حد عايز يتدرب على رمايه نيشان اي حركات خطيره مهما كانت يتدرب فيه عادي وما تقلقوش هو هيستحمل معاكم رامي ده جامد اوي.

رامي بص له بزهول ووالدته جريت عليه بخوف وقالت انت بتقول ايه سيبوا الولد سيبوا الولد وبقت تشد رامي من الراجل بس كان تعبان جدا ومش قادر يقاوم من كتر ما عز ضربوا

الشاب شال رامي بدراع واحد وقال… اوامرك يا باشا واخذوا بالقوه من غير ما يهتم لوالدتو اللي كانت بتصرخ وبتقول….سيبو ابني انا هبلغ عليك البوليس هوديك في 60 داهيه رجع ابني احسن لك

عز ابتسم بسخريه وقال….روحي اقعديلك على سجادة صلاه واحمدي ربك طول اليوم انو كتب لابنك عمر جديد ولسه عايش بعد لعبتكم الوسخه القذره دي

لطيفه قالت بعصبيه…. انت ليه مش عايز تفهم ان مراتك هي اللي بتستدرجه وبتغريه و

بس قطعت كلامها لما بصلها بحده نظرة رعبتها وقال … لان ببساطه مراتي مش زيك مهما حاولتي تقنعيني انها نسخه منك لو كنت عارف انها كده ما كنتش اتجوزتها شيليها من دماغك …وابنك الحقير ده انا هعرف ازاي اربيه من اول وجديد الربايه اللي انت مكانش عندك وقت ليها و هخليه يترعب ما يبص لباب اوضتها مش يدخلها اقعدي انتي بس واتفرجي

قال كده ولسه هيطلع لقى ميار واقفه عند السلم بتسمعه وبصت له بابتسامه شكر لاول مره لانه دافع عنها بالطريقه دي وطلعت على الاوضه بسرعه

عز بص لطيفها واتنهد وطلع وراها

دخل لقاها قاعده على السرير بصلها بضيق وقال….احم… اسمعي مش معنى اني عاقبتو لوحده تبقي انت مش غلطانه انا صحيح عارف انك ملكيش دعوه بوجوده هنا بس انا محذرك 1000 مره انك لما تيجي نازله تقفلي الباب وتاخدي المفتاح معاكي واصلا قولتلك الأفضل ما تنزليش وتفضلي هنا….لاني عارفه وسخ وزباله حصل ولا لا

ميار اتنهدت بخنقه وبصيت له وقالت …..انا مش ذنبي ان هو وسخ ومش ذنبي ان حضرتك بتغير انا متربيه كويس وعارفه الصح من الغلط ومش بعمل حاجه تسئ ليك حتى في غيابك

عز قرب منها قوي وقال….طب كويس انك واخده بالك اني بغير انا مش هقول لك دي مش غيره وانتي غلطانه…. لا بغير يا ميار بغير قوي وربنا ما يوريكي نار غيرتي لانها ما بتفرقش بين عدو ولا حبيب وعندي استعداد احرق الاخضر واليابس

ميار بصت له بضيق وقالت…..انت ما بتحرقش حد غير نفسك يا عز

و لسه هتمشي شدها من ايدها بقوه بقت بين ايديها وبص لعيونها جامد وقال ….ما عنديش مشكله ممكن اتحرق في حبك 1000 مره جاهز اتكوي بنارك واعيش حياتي محروق بيها

ميار بصت لعيونه بتوتر من كلامه وقالت وهي بتحاول تبعد من بين ايديه….. سيبني يا عز شيل ايدك عني لو سمحت

عز قربها ليه اكثر وقال…. امتى هتحسي بيا …امتى هتعرفي ان عندي استعداد ابيع الدنيا كلها علشانك مفيش حد مخدش باله اني عاشقك الا انتي بتتجاهلي العشق ده يا ميار

ميار اتنهدت بضيق وقالت…..انت عارف ان انا مش بحبك يا عز انا مضحكتش عليك

عز بص لها بغضب شديد وقال…. بتحبيه هو مش كده… طب مدام بتحبيه وهتموتي عليه كده والباشا كمان بيحبك وجاي هنا يتحنجل في اوضتي ويعمل نفسه صاحب مكان… ما اتجوزتوش ليه …ليه سابك وجاش كتب الكتاب انتي عارفه ان محدش بيعمل كده الا لو اكتشف ان اللي هيتجوزها طلعت شمال و

ميار قاطعتو بغضب شديد وقالت…. اخرس …الكلام الحقير ده مش عايزه اسمعه هة مجاش كتب الكتاب علشان وسخ زيك و انا مهمنيش اصلا قرد وغار… ولو انا كنت زي ما انت بتقول كده ما كنتش اتحايلت عليا ليلتها علشان تتجوزني….واوعى تقولي عملت كده علشان الفضيحه والجو ده لان لانا ولا ابويا كانت فارقه معانا احنا مش بنفكر بطريقه العصر الحجري دي احنا متحضرين عن كده كتير والي يبيع ايا كانت اسبابه هو الي خسر

عز ابتسم بسخريه وقال….. ولما انت مش هامك كده وافقت تتجوزيني ليه وانت مش طايقاني

ميار قربت منه وقالت بتحدي…… اتجوزتك علشان اجي هنا عشان ابقى قدامه عشان يعرف كويس قوي هو خسر ايه وهو عرف وهيموت وكل يوم يعمل حوار بالنسبه لك انت بقى ما تهمنيش لو حابب تطلقني من النهارده ما عنديش مشكله وحبك اللي بتدعيه ده بله واشرب ميته لاني مش مصدقاه وحفظاك كويس اهدافك نفس اهدافي عايز تغيظ اخوك مش اكتر

لسه هتمشي شدها بقوه بين ايديه وبص لعيونها جامد وقال …مش مصدقاني مش مصدقه حبي انا ايه اللي ممكن يتقال او يتعمل علشان تصدقي انا بالنسبه لي جبت اخري ما بقاش في حاجه اعملها

ومشى ايده على شعرها بحنيه وقال… اطلبي مني اي طلب انا جاهز اعمل اي حاجه علشان تصدقيني او تديني فرصه انا بعشقك ….بعشق كل حته فيكي نفسي احضنك حضن افارق الدنيا فيه وارتاح راحه ابديه بين ايديكي

ميار بصت لعيونه اللي بيلمعوا بصدق وحست بقلبها بيدق بتوتر وقالت… عز مش شرط تعمل كل حاجه علشان احبك اوقات مش بنقدم اي شيء ونتحب واوقات بنقدم كل حاجه واحساسنا ما يوصلش او يمكن القلوب بتكون متستاهلش

ولسه هتمشي مسك ايدها وقال…بس انتي قلبك يستاهل يا ميار…يستاهل اوي

ميرا سحبت ايدها وبصتلو بحزن وقالت…بس مبقاش يصدق يا عز…مبقاش يصدق اي كلام من ده.. عن اذنك

واخذت هدوم وراحت على الحمام وعز اتنهد بيأاس وقعد على السرير وقال ….ماشي يا ميار هستنى هاستنى لو عمر بحاله ولسه هيقوم تليفونه رن رد وقال….. ايوه يا ساره…يا ساره للمره المليون قلت لك انا خلاص اتجوزت انسيني بقى مش هينفع تكملي حياتك بالطريقه دي بجد الموضوع بقى ممل

وسمعها شويه ونفخ بزهق وقال…… لا اكيد مش هقابلك يا ساره الموضوع منتهى خلصنا بقى لو سمحتي

وقفل معاها وبدل هدومه ونام على السرير بضيق

بعد شويه خرجت من الحمام ووقفت تسرح شعرها وكانت جميله جدا زي عادتها

عز فضل يبصلها باعجاب وعمل مكالمه وقال ….شاهين بقول لك ايه ابعث لي مانجا على البيت …نفسي رايحه لها قوي

ميار بصتلو بطرف عنيها باستغراب وما اهتمتش وبقت تكمل وهو قال… مش موسمها ازاي يعني ما انا شايفها قدامي اهو واتقدم عليها خطوات وقال… ايوه زي ما بقول لك لسه شايفها قدامي طريه وناعمه ومسكره وفي عز اوانها كمان

ميار ابتسمت بخفه بس حاولت ما تبينش وبقت تكمل بلا مبالاه وهو قرب منها قوي وقال بهمس عند ودنها …عايز اطري على القلب بكوبايه عصير ..اصل اللي بيستحملوا الفتره دي كتير

ميار ضحكت بخفه والتفتت له سحبت الموبايل من ايده وكان مقفول حطيته على تسريحه وبصيت له وقالت …نعم

عز ضحك بخفه ومشى ايده على رقبته بحرج وقال…احم.. كنت بكلم شاهين بس تقريبا الخط فصل

ميار ابتسمت وقالت بعدم تصديق… لا يا راجل طب المانجا كثيره في المطبخ خلي حد من الخدم يعمل لك كوبايه احسن يكون وحم ولا حاجه

عز شدها من وسطها عليه وبص لها عيونها وقال ….بس انا عايزها طازه اصل انا اموت في الطازه…. بس على ذكر الوحم ما نفسكيش ….

بس قاطعته لما بسرعه وقالت ….لا ابدا…. وانسى ما تتعبش نفسك على الفاضي

ولسه هتبعد مسك ايدها وقال….مين اللي قال ان التعب معاكي على الفاضي… ده اجمل تعب وانا وحياه عيونك راضي

ميار ابتسمت على كلامه اللي بيدخل على قلبها من غير استئذان ونظرات عيونه….. مش قادره تنكر انها اعجبت جدا بموقفه اللي عمله مع رامي لانها هي نفسها ما توقعتش انه يثق فيها بعد ما لاقاه في الاوضه بالطريقه دي وبعد كل الكلام اللي بتقوله مرات ابوه عنها اتنهدت وحاولت تبعد الافكار دي عن دماغها وحمحمت وقالت…… والله براحتك انت اللي هتتعب مدام راضي براحتك

وراحت تنام على السرير وسحبت الغطاء عليها

بس عز شده وقال بضيق…. اقدر افهم انا مش عاجبك في ايه

عدل وقفتو وشاور بايديه على نفسه وقال….. ايه شايفه ايه قدامك ناقصني ايه

ميار اتنهدت بضيق من الموضوع اللي كل يوم بيفتحوا وقعدت وقالت….. انت ما بتملش يا عز… متخيل ممكن احبك بالعافيه يعني

عز اتنهد وقال….انا حاسس ان الموضوع معاكي مجرد عند وبس يغني مفيش سبب مقنع

ميار ضحكت بسخريه وقعدت وقالت…. بجد ما فيش سبب طيب انا هديك نبذه عن الاسباب مش كلها يمكن مثلا لاننا اصلا ما حبناش بعض وجات فكره جوازنا صدفه عيش مع الواقع يا عز انت اتجوزتني علشان تعمل بطل قدام اهلي وعشان تستفز اخوك وانا مفرقش عنك وافقت علشان اضايق اخوك مش اكتر يعني احنا ما فيش اي حاجه بينا ولا اي حاجه تجبرنا ان احنا نعيش مع بعض انا مش مستوعبه انت مش عايز تطلق ليه مع اني عارفه ان في واحده تانيه في حياتك

عز حس بوجع شديد في قلبه وبص لها وقال ….جايز جوازنا جه صدفه وجاهز تكوني محبتنيش ويمكن اتجوزتيني علشان تستفزي رامي بس حرام عليكي تجمعي وتقولي اني زيك ..لان انا ولا اتجوزتك علشان استفزه ولا علشان اعمل بطل قدام حد ولا اضايق حد ولا حتى حبيت غيرك في حياتي كلها ولو قصدك على ساره انا بحاول اخرجها من حياتي من وقت ماتجوزنا ما قابلتهاش بس انا زي ما قلت لك قبل كده مش هيأس وهفضل احاول لان انت تستاهلي المحاوله مهما حاولتي تكرهيني فيكي انا متفهم وضعك

وراح نام جمبها الناحيه الثانيه وبص بعيد عنها

ميار بقت تفكر في كلامه وحست بالوجع اللي فيه كانت عايزه تقول اي حاجه تطيب خاطره بيها و تقول له انها ما تقصدش تجرحه بس اللي حصل يوم الفرح بيمنعها لسه مش قادره تنسى الموقف اللي اتحطت فيه لما رامي ما جاش هو جه وعرض الجواز رغم انه اتكلم بزوق لكن الموضوع كلو كان مهين جدا ليها خلاها فقدت الثقه في الناس ومش مصدقه اي كلمة حب تانيه بعد الخزلان اللي رامي اتسبب لها فيه

اتنهدت و فضلت وسط افكارها لحد ما راحت في النوم

بعد شويه عز التفت لها وشدها لحضنه واتنهد وهو بيحاول يتغلب على فكره الياس اللي بتتملك منه كل مره يتكلم فيها معها

في صباح يوم جديد قامت لقيت نفسها في حضنه بقت تبص لملامحه شويه ووقفت راحت تاخد هدوم ليها من الدولاب

عز فتح عيونه على حركتها وقال بنوم…. صباح الخير

ميار ما بصيتلوش وقالت…. مش هتبطل تتلزق فيا كل ليله بالشكل ده يعني اشوف لي حته تانيه انام فيها ولا ايه

عز وقف وقرب منها وضمها ليه وقال…. طب انا ليه بحس انك بترتاحي جدا في حضني دقات قلبك بتقول لي كده

ميار حاولت ما تبتسمش وبصت لو وقالت…. وفي واحد كبير وعاقل يصدق شويه دقات برده

عز ضحك بخفه وبص لعيونها وقال…..و فيها ايه ما انا مصدق عيونك مع انهم ياما كدبوا عليا

ميار اتنهدت وقالت….. طب وبعدين يا عز والله بجد صعبان عليا حالك ده….انا الاول كنت متضايقه منك ومتضايقه من فكره انك مش عايز تطلقني وتسيبني في حالي بعد اللي حصل بس تصريحك عن مشاعرك كل شويه بيحسسني بالذنب من ناحيتك

عز ابتسم وبعد خصله شعر من على عيونها وراء ودنها وقال… وتحسي بالذنب ليه انتي مغلطتيش… انا اللي جبته لنفسي وراضي بكده و عارف كويس انك مش بتبادليني نفس المشاعر وما عنديش مشكله هستناكي

ميار اتنهدت و قالت ….طب وافرض..

عز قاطعها وقال بسرعه… مش هيحصل متاكد ان لازم هتحبيني لسببين الأول اني مش هيأس ومش هتراجع والسبب الثاني لان انا اصلا مزه واتحب بس ادي نفسك فرصه انتي بس

ميار ضحكت بخفه وبصتلو وقالت …. ربنا يعينك على نفسك انت مجنون وجايب التعب لنفسك والله ….طيب انا هروح اخذ شاور وننزل

عز ابتسم وهيه مشيت خطوات ناحيه الحمام بس التفتت له قبل ما تدخل وقالت…. عز

عز التفت لها وقال بابتسامه….قلبه

ميار عضت على شفتها بخجل وقالت ….على فكره انت ما كدبتش في السبب التاني انت فعلا تتحب

ودخلت على الحمام بسرعه وسابته واقف متجمد مكانه من السعاده وحاسس بامل كبير لمجرد كلمه بسيطه قالتها

ميار قفلت الباب واتنهدت وحطت ايدها على قلبها اللي بيدق بسرعه وهي مش عارفه قالت له كده ليه و بتوهم نفسها انه يستاهل لو جمله بسيطه تخفف عن قلبه بعد كل الوجع ده بس من جواها افكارها متلخبطه جدا

بعد شويه خرجت من الحمام لقيته بيتكلم في التليفون وبيقول بغضب.. يعني ايه مش قادر يستحمل ده يادوب دخل امبارح …انا مش بقول لكم تظبطوه

وسمعو شويه وقال…طيب طيب خلاص رجعه … كده كده انتم موجودين في اي وقت امتى ما احب ابعته لكم هبعته

وقفل معاه

ميار قالت باستغراب….هو في ايه يا عز

عز التفت لها ولسه هيتكلم كانت لابس فستان رقيق جدا عليها اتنهد جامد وقال باعجاب واضح… في قمر على الارض انعكاس صورته على السما…. وكل البشر بخياله بس مغرمه

ميار ابتسمت بكسوف وقالت…. عز وبعدين انا كل ما اكلمك كلمتين هتقعد تقول لي شعر…. بجد في ايه

عز اتنهد وقال…. ابدا يا حبيبي حاجه مش مهمه ما تشغلش بالك بيها….البيه اللي كان جاي هنا فارد صدره ما ستحملش يوم واحد في النادي بيقولو بقا له ساعتين مغمى عليه وخايفينو يموت في ايديهم

ميار شهقت بخضه وقالت…. يا خبر

عز اتضايق وحاول ما يبينش وقال …احم…. زعلتي عليه معقوله لسه بتخافي عليه

ميار اتنهدت وقالت….ابدا انا بس محبش اي حد يتاذي بسببي وبقت تلف الطرحه بتاعتها وكملت وقالت…. بس انا فاهمه مغزى سؤالك …اطمن انا شلت رامي من قلبي من وقت مجاش الفرح مش لاني انجرحت منه بس لاني كنت متردده اصلا في فكره جوازنا فحسيت زي ما يكون ربنا بيقول لي ده الاحسن ليكي

عز ابتسم بارتياح شويه وقال بسرعه….هو فعلا احسن صدقيني كده احسن قوي بكره تعرفي قد ايه ربنا بيحبك

ميار ضحكت بخفه وقالت…. ما انا عرفت…. يلا علشان ناكل ولسه هتمشي

عز شدها جامد بقت بين ايديه وبص لعيونها وقال ….انا النهارده معرفش ليه العشم واخدني حبتين…و

.احم في حاجه كده يمكن تضايقك شويه بس انا ممكن تجرالي حاجه لو ما عملتهاش

ميار بصيت له باستغراب وقالت…. قصدك ايه

بس قبل ما تكمل قربها لي بقوه في لحظه اتمناها من وقت ما دق قلبه ليها

بعد عنها وبص لعيونها جامد وقال….. بعشقك انا

ميار رفعت عيونها ليه بكسوف وقالت بتوتر…انت… انت ايه اللي عملته ده اوعى تعمل كده تاني ما تقربش بجد ايه الحركات دي

وجريت بسرعه خرجت من الوضه و اول ما وقفت على السلم بصت ناحيت باب الاوضه وقلبها بيدق بقوه ابتسمت ونزلت جري ولاول مره حاسه بسعاده مش عارف سببها

اما اعز بقى فكان طاير في السما لانها مبعتتهوش عنها ولا رفضتو زي العاده بالعكس حس بقبول منها كان مبسوط جدا اخد هدوم ليه وراح على الحمام علشان ياخد دش وهو حاسس الارض مش سايعاه

عند ميار كانت نازله مبسوطه وقفتها لطيفه وقالت…. ايه يا ست الحسن نازله تتحنجلي ومبسوطه وابني اخدوه بسببك والله اعلم المجرمين دول عملوا في ايه

ميار اتنهدت بخنقه وقالت…. لا ما تقلقيش امكان اللي راح عليه ابنك ده للرجاله مش وطبعا منفعش فيه وهو دلوقتي علي الطريق جايبينو لحضن مامتو

ولسه هتمشي مسكت ايدها وقالت بغضب …هو عمل لك ايه يعني عشان تعامليه بالطريقه دي وتسلطي جوزك عليه كل ده علشان بيحبك

ميار دفعت ايدها وقالت بغضب شديد…. لا ما انا شفت الحب بتاعه شوفته يوم كتب كتابي اللي ما حضرهوش

لطيفه قالت بتمثيل…مهو انا اللي ما خليتهوش يجي كنت تعبانه حصلت لي ظروف وتعبت جدا وكنت بموت وما قدرش يتصل عليكي ويعتذر

ميار ضحكه جامد وقالت….لا والله ..لا الف سلامه… انتي بتحايلي عيله صغيره هو انا عبيطه قدامك ملحقش يعتذر ده على اساس اننا كنا خارجين سوا واتأخر على معادنا اسمعي يا مدام لطيفه موضوع ابند ده صفحه وقفلتها و الحمد لله ربنا عوضني باللي احسن منه اضعاف واضعاف انا بعد ما عرفت عز وعشت حنيته وانسانيته وحبه الكبير ليا مستحيل افكر تاني في واحد تافه زي ابنك.هو باعني بالرخيص وربنا اكرمني باللي اشترى بالغالي وانا هحطه على راسي وعمري ما اخونه حتى في تفكيري اصلا ابنك ما يستاهلش يجي في تفكيري وزي ما بيقولوا كده ما يصحش يكون معايا الايفون وارجع افكر تاني في النوكيا

ولسه هتمشي لقيت عايز ينزل على السلم وسامع كل كلامهم ابتسم برضا غمز لها بطرف عينه

ميار نزلت عنيها في الارض بكسوف ولطيفه شافتها واتغاظت جدا ومشيت

عز قرب منها وقال…. حلوه الايفون والنوكيا دي التكنولوجيا مفيده برده

ميار ضحكت بخفه وقالت….. بتتصنت على كلامنا ليه مش عيب كده

عز ضحكك بخفه وقال…. ابدا والله مش بتصنت سمعتك بالصدفه بتدافعي عني لاول مره وعجبني الكلام

ميار قربت منه وهي بتساوي له البدله بتاعته قالت… انت تستاهل كل خير ..وانا…احم..انا يعني قررت ادي لك فرصه لانك بجد تستاهل

عز بص لعيونها بسعاده شديده وهو مش مصدق اللي بيسمعه وقال…. بجد ….بجد يا ميار والله ده اجمل خبر سمعته في حياتي مش هتندمي اوعدك

ميار مسكت ايده وقالت…. طب يلا علشان نفطر

بس شدها عليه وقال….نفطر ايه دلوقتي احنا فيه ولا في ايه انا عايز اشبع من جمال عيونك وحلاوة كلامك

ميار ابتسمت زقالت برقه….بس انا عيوني ميتشبعش منها ولا لك رأي تاني

عز سند جبينه على جبينها وقال بهمس…. في دي معاكي حق… يا ام العيون ما يتقلهاش لاء

ميار ابتسمت بسعاده ولسه هترد صرخت لطيفه على دخول ابنها مع الحرس وكان متبهدل على الاخر ومضروب جدا وشبه مغمى عليه بقت تصرخ وتدعي وتقول…. منك لله يا عز اشوف فيك يوم منك لله

ميار حطت ايدها على بقها بزهول وقالت…. ايه اللي عملته ده يا عز مش للدرجه دي

عز قربها ليه اكثر وقال بصوت عالي نسبيا….. ده جزاء اي حد يفكر انا ممكن ياخدك مني يا رب تكون المعلومه وصلت بس ومتتكررش علشان مضطرش اكررها مره ثانيه

رامي ما كانش قادر ينطق وخايف جدا وكل ما تيجي والدته تمد ايدها علشان تطبطب عليه يبعد بخضه وهو متخيل ان حد تاني هيضربه

عز بصلو بسخريه وبص لميار وقال …..يلا يا قبي اطلعي انتي على اوضتك والفطار بتاعك هيوصل لك لحد عندك وانا هروح الشركه معايا حاجه مهمه هعملها

ميار لسه هتتكلم بس قاطعها وقال بابتسامه …..ما تقلقيش..ده وضع مؤقت

و رفع صوته شويه وقال ….خلاص هاخذك من هنا عندي شقه قريبه هنجهزها على زوقنا واحده واحده وهنعيش انا وانتي لوحدنا المكان هنا بقى يخنقني

ميار هزت راسها بتفهم وطلعت على اوضتها وهو طلع على شغله

وكان يوم مميز بالنساله بيتمناه من فتره طويله بقى يعد الساعات بالعافيه علشان يرجع لها واختار اكتر من ديزاين عشان يوريها ويعملوه في شقتهم ومتحمس جدا ينتقلو علشان محدش يضايقه او يضايقها ثاني

مرت الايام في استقرار لان سبب المصايب رامي كان تعبان جدا وملتزم الفراش ووالدته جنبه على طول

اما عز وميار كانوا يمشوا من الصبح كل يون ويروحوا يجهزوا في شقتهم ويرتبوها ويلونوها على ذوقهم وكانوا بيقربوا كل يوم لبعض جدا جدا ومبسوطين سوا

و في يوم كان رامي بيزعق مع والدته وبيقول…. انا مش عارف انتي ازاي بالهدوء ده انا اتهنت واتضربت كلهم هناك بقم يتدربو فيا ..بقالي اسبوعين وانا نايم على ظهري زي الست الحامل مش عارف اتحرك ازاي تطلبي مني انسى واسكت واعديها

لطيفه اتنهدت وقالت….انا بقول كده علشان مصلحتك واضح كده ان ما فيش فايده..انت من الاول غلطت لما سبت الفرح ما كانش في داعي بقى تندم بعدها وتفضل تحاول ….خلاص البيه لقى فرصته معاها هو اصلا من الاول بيحبها ونط بدالك دلوقتي ما بقاش في فرصه لينا …بلاش تعمل مشاكل اكتر من كده هما خلاص هينكشحوا على شقتهم ويسيبولنا المكان ده كله لينا لوحدنا المفروض تنبسط

رامي ابتسم بسخريه وقال……بس انا مش عايزه يسبلي البيت انا عايزه يسيبلي الدنيا دي كلها لوحدي..وهيحصل

لطيفه بصتلو بتوتر و قالت…يعني ايه يا ولا انت قصدك ايه

رامي ابتسم بخبث وقال… ما تخافيش يا ماما المره دي انا دارس ومخطط لكل حاجه كويس…انتي بس هتعملي حاجه بسيطه قوي عايز مفتاح شقتهم الجديده وسيبي الباقي على ابنك وما تقلقيش

لطيفه بصتلوا بخوف وقالت …. مفتاح الشقه سهل اوي… الشقه دي كانت موجوده من الاول وهم جددوها مفاتحها من ضمن مفاتيح الفيلا ومعايا منها نسخه عايزها ليه

رامي ابتسم بخبث وقال….. انا هقول لك عايزها ليه اسمعي بقى…

عند عز كان قاعد على السرير و بيشتغل بالتليفون وجات ميار ونطت جمبه وقالت بابتسامه …..بتعمل ايه قفشتك بتكلم حد ولا حدايه

عز ضحك وشدها لحضنه وقال….والله ما عرف اي حدايه غيرك

ميار ضربته في صدره وقالت…انا حدايه

عز ضحك ولسه هيرد

بس ميار بصت بزهول على التليفون وشافت شقتهم الجديده من بره بالجنينه بكل المنطقه وقالت باستغراب…ايه ده يا عز….مش دي شقتنا

عز ابتسم وقال..اه هيا …بما اني هضطر اوقات اسيبك في الشقه لوحدك لما ننتقل عليها فعملت برنامج الحمايه ده خفي جدا من بره و بيعمل انذار عندي على التليفون بتاعي لوحد قرب للبيت او حصلت حاجه خطر علشان اجيلك بسرعه ..هو ان شاء الله مش هيحصل اي حاجه بس ده لاني خايف عليكي ذياده

ميار ابتسمت وحضنته وقالت…. انا مبسوطه انك بتفكر فيا حتى قبل ما نروح

عز ابتسم وقربها لي وقال…انا بفكر فيكي سواء روحنا او ما رحناش انا بحبك قوي..قوي

بقول لك ايه هو مش احنا ربنا كرمنا اهو وخدنا على بعض امتى…

بس ميار قاطعته وحطت صباعها على شفايفه وقالت بضحك ….مش هيحصل متحاولش

عز اتنهد وقال ..طب ليه طيب

ميار قربت منه قوي و قالت بهمس عند ودنه… على سريرنا الجديد

عز بصلها بزهول وقال… بجد

ميار ابتسمت وبصت لعيونه وقالت…. وحياه عيونك بجد

عز ضمها ليه بقوه وقال..طب يلا….يلا بينا على سريرنا من دلوقتي قصدي يلا بينا نزور شقتنا من دلوقتي اصلا فيه حاجات لازم نرتبها هناك

ميار ضحكت جامد وقالت….. لا انا ورايا شغل كتير هنا عايزه ارتب الشنط اللي هناخدها ما تنساش ان احنا هننتقل بكره عايزه ارتب لك شنطك انت كمان اللي هتاخدها مش عايزه انسى ولا اي حاجه

عز اتنهد وقال…. طب خلاص انا هروح على الشقه لوحدي عايزه اعمل لك شويه حاجات كده في الاوضه علشان تبقى مميزه لاستقبال القمر

ميار ابتسمت و قالت….. طب خلاص انت روح وانا هجهز كل حاجه وننتقل بكره باذن الله

ابتسم بسعاده وقام وقال…..تمام…. غدا لناظره قريب… استنى …..انا علشانك استنى عمر بحاله

ميار باسته من خده برقه وقالت…وانا مش هخليك تستنى كتير

ولسه هتبعد شدها عليه وقال بهمس….هتوحشيني

وقرب من شفايفخا وباسها بقوه وشوق شديد

بعد عنها وقال بحب…مش هتأخر

ميتر ابتسمت بكسوف وهزت راسها وهو مشي بالعافيه

ز راح يرتب المكان

بعد شويه وصل بالفعل الشقه ودخل و بقى يجهز الاوضه بالاضويه والزينه والورود وكان متحمس جدا لليوم اللي هيكونوا فيه سوا ما كانش متخيل ان فيه خطر كبير قريب منه وبيحاول يدمر احلامه

بعد نص ساعه كانت ميار قاعده بتطبق الهدوم بسعاده ومسكت هدومه تشمها وهيه مش مستوعبه امتى دخل قلبها بالطريقه دي

قطع تفكيرها صوت التليفون ردت وقال ايوه يا شاهين عز بيه مشي و

بس قطعت كلامها لما سمعت جملتو اللي وقعت قلبها صرخت وقالت…. اييييييه …..انت بتقول اييييه

وصرخت بقوه ووقع التليفون من ايدها ونزلت جري بالبيجامه بتاعتها وخرجت بره البيت وهي بتصرخ باعلى صوت بطريقه جنونيه جدا وركبت العربيه وهي مش حاسه بالدنيا كلها

بعد شويه كانت قدام الشقه الجديده وكان المنظر مهول النار حرقت البيت بالكامل و المطافي بيحاولوا يطفوا المكان ورجال الشرطه والامن بيمنعو اي حد انو يقرب

ميار كانت هتقع من طولها و صرخت اول ما شافت المنظر وجريت على البيت بس منعوها ومسكوها بقوه

وشاهين قال بزعيق… اهدي يا مدام اهدي ارجوكي

ميار قالت بصراخ و… جوزي…. جوزي جوه الحقوا جوزي جوزي جووووه…عزززززززز

شاهين قال بدموع .. اهدي يا مدام ارجوكي عز بيه للاسف مستحيل يطلع عايش النار اكلت المكان كله … انا لله وانا اليه راجعون

ميار وقفت ب ودفعته بغضب وقالت بصراخ….انت بتقول اييه…انت مجنونه ابعدوا عني ابعدوا عني انا هدخل لجوزي

وبقت تحاول تدفعهم وتدخل بس منعوها بشده ووقعت على الارض بياس ودموع وهيه بتقول بانهيار…. سيبوني ابوس ايديكم والنبي تسيبوني ادخله انا هطلعه انا متاكده انه عايش ليه كده يا اعز ما تسيبنيش يا عز لااا

بس سكتت  لما قال من وراها …..مياار

اتسعت عيون الجميع لما التفتو وراهم وشافو عز واقف مرعوب ووقع التليفون من ايده وجري علي ميار حضنها بقوه على الارض هي بقت تضمه بقوه شديده ومش مصدقه نفسها وقالت بزهول…. انت…. انت كنت بره …كنت بره يا عز

عز قال وهو بيحضنها برعب ….ايوه يا قلبي..انا..انا كنت جوه ولقيت شويه حاجات ناقصه وطلعت اجيبها وانا على الطريق جالي انذار بالحريق على التليفون والكاميرا صورت ….

بس قطع كلامه لما شاف ظابط من البوليس بيقرب منه وقال ….حمد لله على سلامتك يا استاذ عز..حضرتك قولت الكاميرا صورت هو فيه كاميرا هنا….يعني عرفت حضرتك مين الفاعل

عز بص له بتوتر وقال…. احم…انا هتواصل مع حضرتك يا حضره الظابط واقولك اللي حصل بالتفصيل

الظابط بص له بتفهم ومشي هو والاسعاف والمطافي

وشاهين كمان حضن عز ومشي

عز قعد جنب ميار اللي كانت قاعده على الارض ومش قادره تقف ابدا وبص لحالتها بحزن وقال…يلا يا قلبي قومي معايا خليني ارجعك البيت ترتاحي شويه

ميار ضمته وقالت ….احضني يا عز …ضمني قوي وانا هبقى مرتاحه …انا تعبانه اوي مش قادره اتخيل اللي حصل

عز ضمها بقوه وقال وهو بيبص للبيت . ..انا اسف حبيبتي اسف.. اسف على الموقف ده كلو …. هو البيت راح بس هصلح كل حاجه و.

ميار قاطعتو وقالت….في داهيه البيت وكل حاجه انا كنت هموت افتكرتك جوه …افتكرت اني خسرتك كنت هروح فيها انا ما كنتش اعرف اني بحبك قوي للدرجه دي و

بس قطعت كلامها لما خدت بالها لجملتها

في الفيلا كان رامي بياخد حاجته بسرعه واخذ مفاتيح عربيه والتليفون وبيقول لوالدته….. يلا بينا يلا نمشي بسرعه حصلت مصيبه عز ما طلعش في البيت لما اتحرق انا شوفته بعنيا لما دخل ازاي خرج وانا ما خدتش بالي يلا نمشي زمانه بلغ عننا

لطيفه مشيت معاه وهي بتلطم وبتقول …عاجبك كده يا اخر صبري انا قلت لك بلاش بلاش مبسوط باللي حصل دلوقتي هنروح فين

رامي قال بزعيق …امشي معايا ياما دلوقتي وبعدين نتفاهم

ولسه هيركب عربيته بس وقفوه رجالة عز وواحد منهم قال…اتفضل معانا يا رامي بيه من غير شوشره هتفضل في ضيافتنا لحد ما اخوك يوصل

عند عز كان مش مصدق اللي بيسمعه بصلها بسعاده وقال ….انتي قولتي ايه…قولتي بتحبيني صح..انا سمعت صح

ميار ابتسمت و حطيت ايديها على خدوده وقالت…واكتر من الحب بكتير …انا اسفه اني عمري ما فهمتك واسفه اني عمري ما عاملتك كويس كنت بتحب من غير مقابل بس من هنا ورايح مش هتبقى مشاعرك من طرف وهعوضك عن كل ده

عز ابتسم وضمها لقلبه وقال.. انا دلوقتي اسعد انسان في الدنيا بالكلام اللي بتقوليه ده..ومش عايزك تخافي ابدا هحميك من الدنيا دي كلها وحتى هو انا هحط له حد ما تقلقيش

ميار اتنهدت و قالت…. رامي مش كده ..انا عرفت انو هو لما سكت قدام الظابط

عز اتنهد وقال….انا سكت قدام الظابط بس لان معايا تسجيل بكل اللي عمله الكاميرا صورت كل حاجه….ولو هو والدته ما سابوناش في حالنا ومشيوا من هنا خالص مش هتردد اني اسجنه والبادي اظلم… ما تقلقيش يا عمري عمره ما هيقرب لنا تاني

ميار ابتسمت وبصت لعيونه وقالت ….انا عمري ما هقلق وانت معايا..انا مبقتش عايزه غيرك من الدنيا دي كلها انت بس خليك معايا وانا هبقى ملكت الدنيا دي كلها

عز ابتسم وشالها بحنيه وراح بيها ناحيه العربيه وقال ….وانا عمري ما اسيبك ولا يفرقني عنك الا الموت لو تعرفي انا اتمنيت اسمع الكلام ده قد ايه …. انتي كل حاجه في دنيتي هنرجع كل حاجه زي ما كانت هنرجع نعمل البيت من جديد زي ما ربنا ادانا امل من جديد وبفضله كسبت حبك اللي عمري ما اتخيلت اني اكسبه نامت يا دنيتي اللي اتمنتها وحب حياتي الوحيد

كنتم مع لؤم الأقارب بقلم زهرة الربيع زهرتكم تحييكم ودمتم في امان الله مع من تحبون