رواية وعشقت يا جبل الصعيد الفصل الحادى عشر والثانى عشر والثالث عشر والرابع عشر والخامس عشر للكاتبة ميادة مصطفى

رواية وعشقت يا جبل الصعيد الفصل الحادى عشر والثانى عشر والثالث عشر والرابع عشر والخامس عشر للكاتبة ميادة مصطفى 

رواية وعشقت يا جبل الصعيد الفصل الحادى عشر والثانى عشر والثالث عشر والرابع عشر والخامس عشر للكاتبة ميادة مصطفى 

رواية وعشقت يا جبل الصعيد الفصل الحادى عشر والثانى عشر والثالث عشر والرابع عشر والخامس عشر للكاتبة ميادة مصطفى 

الحلقة الحادي عشر

باسل بغضب :- انطقي ايه دا بتاخدي برشام عشان متحبليش مني ممصدقش حالي اخر شي كنت اتوقعو انه يحصل

ليندا ببكاء : اسمعني طيب ممكن انا والله عملت كدا غصب عني

باسل بعصبيه اكتر : ها زين قوي عملتي اكدي غصب عنيكي كيف متجوزتيني غصب عنيكي صوح

بس اني الغلطان اللي عملت لوحده زيكي قيمة وخليتها تعمل اكدي

ليندا بدموع : انا مش هحسبك علي كلامك دا لان عارفه انك مش وعي للبتقوله بس انا متجوزتكش غصب ابدا انا رضيت اتجوزك وانا كنت بتمني دا من يوم ما شوفتك بس كنت سكته عشان مينفعش

باسل : خلص الكلام اني مش هطلقك دلوقت عشان بس كلام الناس وهتقعدي اهني شهرين كمان وبعد اكدي هطلقك بتلاته

ليندا نزلت تحت قدامه : باسل لا متقسيش عليا والله عملت كدا من حبي فيك عملت كدا لان عرفت انك مش بتحبني انك بس اتجوزتني عشان اجبلك طفل ومجرد ما هخلف هتسبني كنت مفكره اني كدا هفضل معاك وقت اطول مفكرتش ان دا ممكن يحصل اديني فرصه وانا من بكره احمل

باسل باستهزاءه : ليه قريتي الغيب عشان متاكده انك اول ما هتسيبي البرشام دا هتحبلي ها استغفر الله العظيم حتي لو دا حوصل اني خلاص مبقتش عايزك ولا عايز منك اعيال انتي تقعدي اهني زي الجزمه

ليندا : والله فيروز السبب هيا اللي استفزتني وخلتني اخد برشام وانا مش رضيت اقولك حاجه عشان المشاكل

باسل بزعيق : متجبيش سيرة فيروز ليه هيا ضربتك علي ايدك انك تاخدي ولا هددتك بطلي تخلف

ليندا ببكاء اكتر : لا لا بس استفزتني

طلعة فيروز علي صوتهم وكانت تقف وراء الباب تستمع الحديث ثم اتكلمت فجاءة : لا لا اني مهسكتش اكتر من اكدي اني يا بت الناس بتحدتت معاكي عشان اقولك احبلي ولا متحبليش ليه هتتبلي علي حرام عليكي عملتلك ايه عشان تقولي فيروز السبب

باسل : سيبك منيها يا فيروز هيا ملقياش حديت تتحدت فيه فلازم ترمي بلاوتها علي حد

ليندا برجاء : باسل متجيش عليا ارجوك عشان خاطري دي اول غلطة اديني فرصه تاني سامحني واني هجيلك عيال كتير اوي ولو مخلفتش طلقني بس فرصه واحدة

باسل بحزن : تعرفي اني مش زعلان علي الخلفة قد ماني زعلان انك معايزاش ميني عيال ودا شي كسرني تعرفي لو كنتي مطلعتيش بتخلفي كنت هبقي في ضهرك واتمسك بيكي كيف ما عملت مع فيروز لكن انتي تمنعي حالك عشان معايزاش مني عيال اهو دا اللي مسمحش بي واصل

فيروز بخبث : طول عمرك ولد اصول يا ولد عمي ربنا يقويك يالا الحمدلله ان ربنا ظهر الحق

ليندا بعصبيه : اسكتي انتي خالص حق ايه اللي ظهر انتي مجنونة متسمعش ليها يا باسل

باسل : اني مهسمعش لحد غير لحالي بس هيا عنديها حق الحمدلله انك ظهرتي علي حقيقتك

ليندا بدموع جلست علي السرير وحطيت ايديها علي وشها باستسلام : برضو الله يسامحك انا همشي وانت ممكن تطلقني في اي وقت مفيش مشكله

باسل بتريقة : ها وهتروحي فين هترجعي تاني السكن مانتي ملقيش مكان غير دا بس اني مش هخرجك من الاقصر دا وانتي علي ذمتي اطلقك وروحي مترح ماروحي بس اني مينفعش اطلقك الوقت دا واصل فقعدي اهني حاطه جزمه في خشمك وسكته تمام يالا يا فيروز عايز استريح

سليم من الاسفل عمال ينادي : باسسسسل باسل

نزل باسل الي الاسفل : نعم يا بوي خير

سليم : في ايه سامعك عمال تزعق حوصل ايه وعمال انادم عليك وانت مهترودش

باسل بخنقة : مفيش شي يا بوي

سليم : لا في يا ولدي انطق

باسل : هطلق ليندا في اقرب فرصة

سليم بستغراب : ليه يا ولدي ايه اللي حوصل

باسل بعصبيه : ست الهانم بتاخد برشام منع الحبل معايزاش تحبل مني واني كمان معايزهاش ولا عايز حبلها

سليم : عشان اكدي محبلتش لحد دلوقت اديها فرصه تاني يا ولدي واسمع منيها ليه عملت اكدي البت هتحبك اكيد عملت كدا لسبب ومينفعش تعمل اكدي معاها

باسل : لا خلاص معايزهاش ولا عايز اسمعها هيا خولصت علي اكدي اني مسكت نفسي عنيها بلعافية ومرضيتش امد يدي عليها

سليم : وليه يا ولدي تمد يدك اعمل كيف ما بقولك اسمع منيها

باسل : خلاص يا بوي قفل علي الموضوع دا عايز مني حاجه اني طالع ارتاح شوي عند فيروز نزلت لما لقيتك هنادم علي

(((في غرفة ليندا بتبكي )))

مسكت فونها وجابت رقم ابوها واتصلت بيه وهيا بتبكي

ليندا ببكاء : الو ازيك يا بابا

صوت ست : لا يا حبيبتي انا مش بابا انا ماما ميمي

ليندا بغضب : طيب انا عايزه بابا وانتي مش ماما متقوليش ماما تاني لو سمحتي

زوجة والدها : طيب براحة طيب انتي مالك شكلك حزينه او بتعيطي ممكن اعرف ليه

ليندا : يوووووو وبعدين هتديني بابا ولا هو مش عايز يرد عليا ومخلي سيادتك تردي

زوجة والدها : لا يا حبيبتي بابا في الحمام بياخد شاور وانا لما لقيتك انتي اللي بتردي قولت لازم ارد عليكي اطمن

ليندا : كتر خيرك انا هقفل ولما يخلص خلي يكلمني

زوجة والدها : ثواني تقريبا خلص اهو

والدها : بتكلمي مين يا ميمي

زوجتة : دي ليندا يا حبيبي عايزك

والدها : يا اخيرا ازيك يا لي لي

ليندا ببكاء : تعبانة اوي يا بابا محتاجك جدا مش قادرة حاسه اني بموت كل يوم مليون مرة

والدها بخوف : مالك يا حبيبتي فيكي ايه متخانقة مع جوزك ولا ايه فيكي ايه

ليندا بانهيار : بتعاير كل شويه بانك مش ضهري بتعاير بانك مش سندي بتعاير بان محدش جنبي بتعاير اني يتيمة بتعاير ان ابويا شبه ميت وهو حي بتعاير ان محدش بيسال عليا بتعاير اني مليش مكان اروحه لما اكون في موقف زي اللي انا في دلوقتي من الاخر بتعاير ان بيتقال عليك اب

والدها : ليندا حبيبتي اهدي طيب وفهميني انا والله غصب عني

ليندا : كله غصب عنه وانا اللي مينفعش يبقي حاجه غصب عني اقل حاجة بتحاسب عليه ليه ليه انا اللي بتدفع التمن ليه انا اللي لازم علي طول احسب علي المشريب حد يقولي حد يفهمني ليه

ممكن تقولي انت عارف انا متجوزة مين عايشة فين لو مت دلوقتي هتعرف ازاي ان كنت مت ولا لا وانت مش بتتصل بيه حتي لولا انا اللي اتصل متتصلش تقدر تقولي لو مت وجوزي حب يعرفك اني موت هيوصلك ازاي ولا انت هتوصلي ازاي

والدها بتاثير : انا عارف اني ماثر في حقك كتير اوي بس مفكرتش في اي حاجة من دي خالص

ليندا : ولا عمرك هتفكر كفاية عليك ميمي ولا اسمها ايه دي الله يسامحكم ( ثم قفلت في وشه الهاتف وانهارت اكتر من البكاء وحاول والدها يتصل بيها عددت مرات لكنها لا ترد )

((في غرفة باسل وفيروز ))

فيروز تجلس ويحط باسل راسه علي قدامها وهيا تلعب في شعره : هتفضل مبوز اكدي قوم اتحمم عشان تفوق واني هنسيك حتي حالك هرقصلك واعملك كيف ما تحب

باسل بزهق : لا اني هنام زهقان

فيروز : قوم بس والله هفوقك خالص

باسل بزعيق : فيروز قولت سبني ولا اسيبلك القوضه خالص وامشي من القصر نهاءي

فيروز بتلوي شفايفها : لا وعلي ايه خليك كفاية انك معايا بس

&&&تاني يوم &&&

&&&فيروز قامت من علي السرير بتتسحب وخرجت الي غرفة مروان وسلمي &&&

خبطت فيروز فتحت لها سلمي : اصباح الخير يا سلمي مروان لستو نعسان ولا ايه

سلمي : لا هو بيتحمم تعالي ادخلي كنت جيالك اصلا عايزه اتحدتت معاكي

فيروز : خير

سلمي : عايزه اعرف ليه اللي هتعملي دا هتستفادي ايه

فيروز : مفهماش وضحي كلامك وايه اللي هعملو اني

سلمي : حركاتك انتي وخيك مع مرت باسل ليه مش انتي اللي عرضتي عليه يتجوز ليه دلوقت هتعملي اكدي طلامه مش هتستحملي ليه وافقتي من الاول انه يتجوز وتعملي الحركات دي

فيروز : اممم قولتيلي بقي اني هريحك وهقولك بصي يا بت عمي اني فعلا كنت عايزه اجوز باسل عشان عمي واني كمان نفسي ابقي عندي ولد ولسه مستعده اقنعه تاني انه يتجوز بس هو يطلق البت دي منزلليش من زور معرفش ليه ولو هيا اخر ست هتخلف مهخليهاش تخلف من باسل ولا هخليها علي ذمة طولة ولا قصرت هخلي يطلقها ههه وهجوزه تاني شوفتي بقي

سلمي مستغربه : طيب يا بت عمي طلامه هتجوزي تاني وانتي مفرقش معاكي انه هيتجوز متسبيها في حالها البنيه

فيروز بتريقه : انتي هتنسي ولا ايه يا بت عمي بقولك دي بذات لا مش طيقها

سلمي : انتي والله ما عندك دم ولا شوفت واحده كيفك اكدي مش قادره استوعب اللي هسمعو دا شكله كيف ما قال بوي

طلع مروان من الحمام وكان ينشف شعره : اه وقال ايه بقي بوكي

اتوترت سلمي : ها مقالش مقالش

رفعت فيروز احد حاجبيها : مالك اتلجلجتي ليه مانتي كان لسانك طول اكدي

مروان : سيبك منيها ايه كنتي عايزاني في ايه

فيروز : عايزاك طيب يا خوي اني هروح دلوقت عشان باسل هيصحي وبعد اكدي ابقي اكلمك في التليفون عايزاك في موضوع مهم قوي

(((في غرفة ليندا قاعدة علي السرير عنيها وارمه من كتر البكاء مسكت تليفونها ورنيت علي باسل كتير جدا محدش بيرد فجاءة فتح )))

ليندا بفرحه ولهفة : الو حبيبي قلبي هموت من غيرك طيب ادخلي اشوفك وامشي تاني ارجوك

)فجاءة سمعت صوت ست )

فيروز بضحك : ها دا مش هو يا قلبي هو قالي ارد عليكي اقولك انه مطيقش يسمع حسك ولا عايز يشوف خلقتك وبطلي رن لو عنديك دم وكرامة

غمضت ليندا عنيها بوجع وابتلعت ريقها : حاضر المهم انه بخير

قفلت معاها فيروز وابتسمت بخبث : ها باسل يا باسل يا قلبي قوم بقي كل دا نوم يالا هتتاخر علي شغلك قوم

باسل بنعاس : هيا الساعه بقت كام دلوقت

فيروز : الساعه 9 قوم يالا اتحمم عقبال ما اجبلك الفطور

باسل : فين موبيلي

فيروز عامله نفسها بدور عليه : ها معرفاش يا حبيبي مشوفتوش

باسل فضل يدور شمال ويمين : اه صوح كنت حطه تحت المخده

فيروز ابتسمت : طيب يا حبيبي ممكن تفتحلي الرقم السري بتاعه ارن علي موبيلي مش لاقيه من الصبح

فتح باسل الباسورد الخاص بي هاتفه واعطاء اليها مسكت منه الهاتف ومسحت سجل المكالمه بتاعت ليندا عشان باسل ميعرفش انها رديت عليها : اها خلاص يا روحي افتكرت هو فين تسلملي

(((ارتداءباسل ملابسه وهو نازل قبلته ليندا وحولت الكلام معه لكنه امتنع وتركها )))

(((وبعد حوالي اسبوعين والحال علي ما هو عليه باسل يمتنع عن ليندا وليندا عايشه في عذاب وفيروز و مروان يبحثون عن الشر )))

كان باسل يجلس مع فيروز في الغرفه صرخت مره واحدة فيروز : اااه بطني تعبانه قوي دايخة مقدراش

باسل مخضوض : مالك فيكي ايه اجبلك دكتور

فيروز : لا لا نادم علي مروان يجبلي دكتورة ويجي وانت خليك جنبي

باسل : هنزل اني واجي بسرعه

فيروز بتعب : اها مقدراش لا نادم علي مروان هموت من التعب

قام يجري باسل الي غرفة مروان : مروان الحق خيتك تعبانه قوي معلش انزل هات دكتورة بسرعة

مروان : ها حاضر هنزل بسرعة

خرج باسل من غرفة مروان الي غرفة فيروز ثم قابل في وجه ليندا : باسل في حاجة

باسل بغضب : ملكيش صالح ادخلي قوضتك

ليندا :طيب انت كويس

باسل بعصبية : قولت ملكيش صالح غوري مفضيش ليكي اني

(((نزل مروان الي الدكتورة جابها وجي )))

فيروز : تعبانه قوي يا دكتورة

الدكتورة : باذن الله خير متقلقيش ( بتداءت الدكتورة في الكشف )

باسل : خير يا دكتورة مالها

الدكتورة : مبروك المدام حبلة

باسل مصدوم : هتقولي ايه يا دكتورة

التاني عشر

باسل مصدوم : كيف حبلة ممكن تعيدي اللي قولتيي يا دكتورة هو اني سمعت صوح ولا بخترف ولا ايه الحكايه

الدكتورة : هقولك المدام حبلة ربنا يكملها علي خير

فيروز ببكاء : ايه مسمعش اللي قالتو يعني مستغراب ليه بس صوح من حقك تستغراب مهي غريبة

مروان : ليه يا خيتي ولا غريبه ولا شي هو بس فرحان ومعرفش يعبر

سلمي بسرحان : ربنا يكملك علي خير

مروان : زغرطي يا بت عايز الزغاريط تملي القصر دا حفيد سليم المغازي

تعالت الزغاريط في القصر وكانت في غرفتها ليندا تستمع لتلك الزغاريط وباستغراب بتتحدث مع نفسها : هو في ايه مين يا تري هيتجوز ممكن باسل اما اقوم اشوف في ايه

قامت ليندا لتعرف ما حدث فضلت دور حواليها عشان تساءل حد لكنه الجميع في غرفة فيروز اقتربت قليلا من الغرفة لتسمع اي شي يدلها سمعت باسل يتكلم مع الجميع

باسل بسعادة : اني بجد ممصدقش اني هبقي اب كيف يارب الحمدلله تقطع من اهني وتوصل من اهني

فيروز : اني فرحانة قوي ان ربنا عطاءنا وفرحتك قوي اكدي

ليندا غمضت نص عينها باستغراب :- حامل مين اللي حامل فيروز حامل ( وابتدات تاخد نفاسها بصعوبه لانه بتكتم بكاءها ) يعني خلاص حياتي انتهت مع باسل لحد كدا لا مش معقول دي النهاية اكيد في حاجة غلط بس مهما كان ايه اللي حصل انا لازم امشي من هنا خلاص مبقاش ليه مكان هنا لازم اطلب الطلاق قبل ما هو اللي يطلقني كفاية زل كفاية

(((في الاسفل عند سليم )))

سليم : خد ياواد يا يوسف امك فين

يوسف : امي فوق عند مرت خالي باسل عشان حبله وتجبلنا نونا

سليم بيكلم نفسه بابتسامة : ليندا حبله

يوسف : لا يا جدو مرت خالي فيروز

سليم باستغراب : امشي يا ولا اندهلي امك قولها كلمي جدي

يوسف : لا اني هروح العب

سليم بعصبيه : قولت روح اندها لامك بدل ما احبسك ومش هخليك تلعب واصل

خرجت زوجة سليم علي صوته : في ايه يا حج حسك عالي ليه اكدي

سليم :- هيقولو مرت باسل حبله

زوجة بفرحة : الف بركة الحمدلله دا يعيني كان هيطلقها بس كيف حبله وهو بقاله فتره مهيروحش عنديها وقبل ما سيبها كانت بتاخد البرشام

سليم : مهي المفجاءة انه الواد يوسف ولد مروان هيقول اللي حبله فيروز وهيا فعلا كانه هيقوله تعبانة وجبولها الدكتورة

زوجة : اهي الدكتورة نازله مع مروان هنعرف

مروان : اتفضلي يا دكتورة الف شكر ليكي

سليم : خير يا مروان مالها فيروز

مروان بتكبر :- فيروز حبلة حبلة يا عمي

سليم : حبلة ودا كيف دا احنا فضلنا 7 سنين هنلف عالدكاترة في مصر وبره مصر وعمليات وحقن وكل شي والكل هيقول ملهاش حبل كيف كدا مره واحدة حبله

مروان ببرود : امر الله يا عمي هنعترض علي امره

سليم :- استغفر الله العظيم لا منقدرش نعترض طبعا الحمدلله علي كل شي وهو القادر علي كل شي

زوجة : صوخ يا حج ربنا قادر علي كل شي

&&&في غرفة باسل وفيروز &&&

سلمي : اني نازلة تحت يا خوي عايز حاجة ابعتهالك

باسل :- عايزة حاجة يا فيروز طبعا لازم تاكلي وتتقوي اكدي اني عايز ولد جبل كيف ابوي اكدي مش ولد املخلع اكدي كيف عيال الايام دي

فيروز : هيطلع املخلع لمين ابوه كيف ما قولت جبل واسد وخاله ميتخيرش عن بوه وجدو هو اللي جاب الاسد يبقي هو ولد اسود صوح

باسل :- صوح طبعا

(((في غرفة ليندا )))

ليندا ببكاءه : انا اللي عملت كل دا في نفسي انا اللي وفقت بي وضع زي دا ازاي اوفق علي واحد متجوز عشان يخلف لا بس انتي متجوزتهوش عشان يخلف ولا كان عمرك هترضي بوضع زي دا لولا الفضيحة اللي عملهالك مكنتيش اتجوزتي انتي بتضحكي علي نفسك كان ممكن ميهمكيش حد وانتي من امتي كان بيهمك حد بس انتي اخدي موضوع الفضيحة دا سكة عشان تريحي ضميرك اااااااه يا ربي انا تعبانة اووووي يارب مفيش غير حاسس بيه فخفف عني العذاب اللي انا في طول عمري يارب انا مش معترضة علي اي حاجة منك ولا انا زعلانه انك اكرمتها انا فرحانة ليها جدا ولي باسل بس مكنتش اتمني انه يجي في الوقت دا لانه اعلن النهاية

ثم خبط الباب مسحت سريعا ليندا دموعها : اتفضل

باسم : انا اسف طبعا اني بخبط عليكي اكدي بس بقالي كتير مشوفتكيش

ليندا : انا بخير الحمدلله وانت اخبارك ايه

باسم :- انا تمام قوي سمعت زغاريط بسال الولاد ولد مروان في ايه قالولي مرت خالي باسل حبلة قولت اكدي بلمره اباركلك الف مبروك ومال باسل فين سايبك

ليندا ببكاء : الله يبارك فيك بس مش اني اللي حبلة دي فيروز

باسم باستغراب : فيروز كيف يعني هتهزري صوح

كان يعدي من امام الغرفة مروان وشاهد باسم يقف علي باب غرفة ليندا ضحك بسخرية : حلو قوي اللي هيوحصل دا ( ثم ذهب الي غرفة فيروز ليقول لباسل )

مروان بخبث : ايه معلش انت اهني فكرتك في غرفتك التانيه يا باسل معلش اني دخلت فجاءة اكدي

باسل : مانت خابر مش بدخل الغرفة التانية

مروان : اه خابر بس لما سمعت حس خيك باسم في الغرفة التانيه فكرتك اهناك

باسل بغضب : باسم في الغرفة التانيه كيف يعني

مروان : ها مخبرش اني كنت معدي وسمعت بيتحدتت مع مرتك

قام باسل سريعا وهو في قمة غضبة وعندما اقترب

الي غرفة ليندا وقف بجوار الحيطة ليستمع الحديث

باسم : ليه البكاء دا محدش هيستاهل اي حاجة منك اني جمبك متقلقيش

ليندا : ربنا يخليك يارب عارفة طبعا بس اللي انا في وضع صعب

باسم : عارف بس ان شاء الله هنحله في اقرب وقت وكل شي هيبقي سهل

دخل باسل فجاءة :- وضع ايه اللي بقي صعب يا بت الناس ها وانت يا خوي ممصدقش ايه اللي هتسهلو

باسم بتوتر : خوي في ايه انت فهمت ايه

باسل : خوي في قوضتي ومع اللي مفروض انها مرتي عايزني افهم ايه

ليندا ببكاء اكتر : باسل اهدا والله باسم اخ مش اكتر متخليش غضبك يخليك تعمل حاجة تندم عليها باسل بغضب :- اسكتي عشان مخلصش عليكي دلوقت ايه ملكتيش حيلة معايا قولتي تلفي علي خوي اهو اي حاجة اطلع بيها من العيلة دي وخلاص صوح

باسم : اي اللي هتقوله دا مرتك معتبراني خيها وبس واني اللي جيت عشان اطمن عليها هيا ملهاش ذنب

ليندا : والله عمري ما بصيت لباسم غير انه اخو جوزي يعني اخويا

باسل مسكها من حجابها بغضب : تعرفي اكتر حاجة ندمان عليها ايه اني اتجوزت واحده كيفك ندم عمري والحمدلله ربنا كشفك علي حقيقتك في اسرع وقت وكرم مرتي اللي طول عمرها صاينة شرفي وعرضي كرمها بلخلفة عشان واحده كيفك متبقاش علي ذمتي ( وبداءه يضرب فيها بكل غباءه )

باسم بعصبيه : اوعي يدك عنيها اكدي انت مختل عقليا مفكر كل الناس خاينة انت مريض

باسل راح ضربه في وشة بقاضبة يده : اني مختل عقليا مش هتقعد في القصر دا طول ماني عايش وانتي طااااالق يا ليندا

باسم :- اولا هيا ربنا هيحبها انها اطلقت من واحد كيفك واني مش هحسبك علي البونيه اللي اتدهالي دي وهمشي من القصر مش عشان انت قولت لا اني ليا في القصر دا كيف مانت ليك لكن اني همشي عشان مقدرش اقعد في مكان في ظلم

ليندا بصدمه وشكل متبهدل وتعب شديد راحت ناحية الدولاب لتخرج ملابسها وترحل جري عليها باسل واخد من ايديها الملابس : انتي رايحة فين هاتي الهدوم دي انتي تمشي كيف ماجيتي بلهدوم اللي عليكي وبس

ليندا نظرت له بعيون مدمعه ومش متخيله : دا حبيبي دا اللي عشقته دا اللي كان بيقولي انتي عشقي ازاي كل دا كان عبارة عن تمثيل ( وابتديت تتذكر كل حاجة كان بيقولهالها )

سليم : في ايه كل شوية زعيق وخناق وقرف وانتو عارفين اني مبقدرش اطلع في ايه وايه اللي مبهدلك اكدي يا بتي وانت ايه اللي في وشك دا يا باسم

باسم : اسال ولدك المختل

سليم بنرفزة : في ايه باسل انطق

باسل : في ان معايزش اشوف خلقت الكلبين دول اهني في القصر نهاءي لما وقسما بالله هقتلهم

سليم : تقتل مرتك وخيك ليه حصل ايه

باسم : في ان اللي حصل زمان خلي ولدك بيتهيقلو حاجات مش صوح وبقي بيشك حتي في نفسه باسل بحذرك : تنطق كلمة تاني هقتلك ( ثم ضربه قاضبة تانيه )

سليم بعصبيه : انت بتضرب خيك قدامي

باسل بخنقة : شوف قال ايه قدامك وانت سكت ( ثم تركاهم وذهب ثم وقف ) يالا غوري 10 دقايق لو لقيتك اهني تبقي انتي اللي جانيتي علي حالك فهماني

(((ليندا عدلت ملابسها ولفت حجابها وذهبت وهيا تبكي )))

باسم جري وراءها : خيتي خيتي استني

ليندا بدموع : نعم يا باسم سبني كفاية اللي حصل متثبتش علينا الكلام

باسم باسف : اني فعلا اسف وندمان اني جيت اطمن عليكي في القوضة بس اني فعلا بعتبرك كيف خيتي سلمي

ليندا : اني عارفة الذنب مش ذنبك انت الذنب ذنبي انا من الاول انا لازم امشي

باسم : طيب هتروحي فين ممكن اعرف هتقعدي في السكان

ليندا : لا طبعا انا نازله القاهرة هروح عند بابا خلاص مبقاش ليه مكان اهني في البلد

باسم : طيب ممكن اوصلك ودا اخر طلب عشان خاطري اثبتيلي انك معتبراني اخ

ليندا اتنهدت : ماشي

(((باسل يقف عند الخيل بسرحان وينظر الي الفرسه ليندا ))))

باسل بيكلم نفسه : ليه كدا يا ليندا ليه انا عشقتك ليه صدمتيني فيكي كل الصدمات دي ليه صدمتين وراء بعض كان نفسي اقتلك اموتك بس مقدرتش الغيره بتقتل فيا بس لو قتلتك هموت وراءكي مبقتش اقدر اعيش من غيرك بس انتي جيتي عليا وعلي شرفي وكرامتي اني كمان هدوس علي قلبي وقلبك بلمركوب ليه تعملي في قلب حبك اكدي ليه ( وبداءه يضرب في الفرسه بكل غيظ وغل جري عليه عدي )

عدي بيحاول يمنع باسل من الضرب في الفرسة المسكينه : ايه اللي هتعملو دا يا باسل بيه حرام اكدي

باسل بيحاول يهداءه قعد علي جنب : اني تعبان قوي يا عدي تعبان قوي

عدي :صلي عالنبي يا باسل بيه والف سلامه عليك تحب اجبلك دكتورة

باسل : لا اني مروح

&&&في القصر في غرفة فيروز &&&

فيروز متغاظة : بقي يسبني وينزل عشان خاطرها الحمدلله اهي غارت في داهيه

(((الباب خبط جريت فيروز علي السرير لتصتنع التعب )))

فيروز : اااه ياني يا مه مقدراش اه يا بوي ادخل ياللي هتخبط

سلمي : اني اللي هخبط يا بت عمي

فيروز : تعالي يا سلمي تعبانه قوي

سلمي : تعبانة من ايه يا بت عمي من الحبل الكاذب ولا من تانيب الضمير ولا من ايه ولا ايه ولا ايه

فيروز : حبل كاذب ايه يا مخلوله انتي الغيرة توغري هتبان يا ساتر يارب

سلمي : بلاش تمثيل بقي كفاياكي تمثيل

فيروز : لا انتي اتجنيتي علي الاخر اني هتصل بخيي يجي يعقلك

سلمي : مانتي وخيك كذابين انتو التنين نسخه واحدة ذنبها ايه اللي طلعتوها خاينه ذنبو ايه خواتي يكرهه بعض ها بس اني مهسكتش اكتر من اكدي اني هتتحدت مع خوي هقول كل حاجة سمعتها لازم اقول مهسكتش

فيروز ابتدا القلق يدخل قلبها : طيب ممكن تهدي وخلينا نتفاهم متخربيش علي وعلي نفسكظ

سلمي : اني مبقتش فارقة معايا بيتي يتخرب ميتخربش مبقتش فارقة

فيروز : طيب انتي ايه اللي مخليكي متوكدا اكدي عندك اثبتات ايه ان شاء الله علي كلامك ايه دكتورة نسا انتي عشان تعرفي حبله ولا مش حبله

سلمي : هقولك اني بس اصبري

(((فلاش باك )))

(((سلمي كانت نايمه قام مروان يتسحب من جنبها الي البلكونة وكان يتحدث في الهاتف بصوت منخفض جداااا )))

مروان بهمس : بس ازاي هنخلي الدكتوره تقول انك حبله

فيروز : ولا حاجة كله بلفلوس يمشي انت تروح تتكلم مع دكتورة وتتديها فلوس واول ما اعمل نفسي تعبانه هبعتلك تجيب انت الدكتورة دي

مروان : وافرض بقي حب يتؤكد واخدك عند دكتور تاني

فيروز : هقوله مقدراش وان صمم هخليك تتفق مع دكتورة تاني وتكون معروفة وتجبها البيت وتؤكدله

مروان : الله حلو دماغك بس مفكرتيش بعد اكدي مفيش بطن هتكبر

فيروز : هو بس شهر شهرين اغور اللي اسمها ليندا وبعدين هعمل نفسي تعبانه وهنجيب نفس الدكتورة تقول اني سقط وبعد اكدي عايز يتجوز تاني يتجوز

$$$$$بااااااك $$$$$$$

سلمي : ايه رايك في اللي سمعتي دا يا مرت خوي يالا حل اللي هببتي دا وصلحي وليندا ترجع دارها لما اني اللي هقول لخوي كل حاجه زي ما قولتلك دلوقت

فيروز : بس انتي طلامة سمعتي كل الحديت دا ليه مقولتيش لخييك اول ما سمعتي لي سكتي لحد دلوقت

سلمي : تقدري تقولي غباءه مني معرفش بس كنت خايفه علي بيتي بس لما خيك يخوني يبقي علي وعلي اعداءي

فيروز بضحكة مستفزة : يعني الغيرة هيا اللي كلتك وخليتك تنطقي عشان بس عرفتي انه هيتجوز عليكي صوح هههههه

سلمي : هو انتي كنتي خابرة

فيروز : طبعا دا خيي مهيخبيش علي حاجة

سلمي : قدامك لبكرة تكوني عملتي اللي قولتلك عليه وعقلتي خيك لما كل حاجه هقولها لخوي وبوي وهتمشو من القصر زي الشحاتين

فيروز بسرحان : حاضر يا بت عمي

خرجت سلمي من الغرفة ثم مسكت فيروز هاتفها واتصلت علي مروان وحكيت له ما قالته له سلمي

مروان بيكتم غيظه : طيب تمام بكره كل حاجه هتتحل متقلقيش انتي بس

فيروز : هتعمل ايه

مروان : ملقيش صالح انتي

(((تاني يوم الكل متجمع في الاسفل ))))

سلمي : انا هطلع انام بقي الوقت اتاخر قوي يالا يا مروان مش هتنام

مروان : ها اه طبعا هنام اطلعي انتي سبقيني واني طالع وراءكي هيا العيال نامت

سلمي : من بدري

باسل : متقعدي معانا شوي يا خيتي

سلمي : تعبانه قوي عايزة انام وكمان كنت عايزة مروان في حديت ( ثم نظرت لفيروز)

مروان : طالع وراءكي علي طول اهو

(((طلعة سلمي الي غرفتها فتحت باب غرفتها واشعلت نور الغرفة ثم تفاجاة باحد يرميها علي السرير بقوة وكان شخص متلاتم )))

سلمي بخوف : انت مين وعايز مني ايه

يا تري ايه اللي هيحصل لي سلمي

الثالث عشر

سلمي بخوف : انت مين وعايز ايه

الرجل المتلاتم : هقولك عايز ايه

(((بعد حوالي نص ساعة في الاسفل )))

مروان بيتاوب : يالا اني لازم اطلع بقي عشان حبيبة قلبي سلمي لوحدها

سليم : ربنا يسعدكم يا ولدي

باسل : يالا يا فيروز احنا كمان نطلعو

فيروز مسكه بطنها وضهرها بتمثل التعب : اه يالا نطلعو عشان تعبت من القعدة قوي

((((ذهب مروان الاول الي غرفتة وعند فتح الباب الاقي بسلمي جثة هامدة علي الارض والدم في كل مكان )))

بداءه مروان بصراخ : لااااااا لاااااا سلمي يا سلمي يا قلبي يا ام ولادي

&&&طلع الجميع علي صراخ مروان &&

باسل :- في ايه مروان مالك ( ثم دخل الغرفة ليتفاجاة بشقيقة مدبوحة وجثة علي الارض )

باسل يمسك دماغه بعدم تصديق : كيف دا حوصل كيف وازاي خيتي قومي قوليلي مين عمل اكدي مين اتجراءه ودخل قوضتك وعمل اكدي ازاي كيف مقدرتش اكون في ضهرك في الوقت دا واحميكي كيف تتدبحي اكدي وانتي في وسطينا كيييف خيييتي

(((فيروز بداءت هيا وام سلمي بصراخ )))

ام سلمي : بتي يا بتي قومي يامه قومي انتي هتهزري معنا صوح يابتتتتتتي يابتي

فيروز ببكاء : بت عمي خيتي كيف دا حوصولك كيف قومي

سليم في صدمة مش بينطق تمام

(((وبعد حوالي ساعة وصلت الشرطة )))

الظابط : كنتو فين اثناء الجريمه

باسل بحزن : كنا كلنا تحت وهيا كمان كانت معانا بس طلعة قبل جوزها بحاولي ساعه اكدي

الظابط : طيب في اي مسروقات اي حاجة نقصه من قوضتها

باسل : معرفش مدورناش بس القوضه كانت رايقة كيف مانت شايف مفيش قلبان ولا اي شي

الضابط : يعني اللي دخل هنا مكنش رغبته السرقة دا كان رغبته القتل صح

باسل : الله اعلم اني لو اعرف ايه نيته اين كانت نيته هدبحه كيف ما دبحها 100 مرو ومهيكفيش الظابط : ربنا يصبركم يا باسل بيه والبقاء لله

((((في القاهرة ))))

ليندا : انا بجد بشكرك جدا علي اللي عملتو معايا ربنا يخليك ونعمة الاخ فعلا

باسم : دي حاجه قليله واقل حاجه ممكن اعمله واعوضك عن اللي حصلك بي سببي

ليندا : دا نصيب ملكش ذنب في تعالي اتفضل ادخل جوه معايا بابا هيتبسط اوي

باسم : اديني عرفت البيت واكيد من الوقت لتاني هجاي ازوركم

ليندا : تشرف في اي وقت طبعا

باسم هاتفه بيرن والمتصل كان والدته كان كل شويه يكنسل : اماه بترن علي

ليندا : طيب رد عليها يمكن في شي مهم

باسم : اكيد هتفضل تقولي ارجع يا ولدي مش عارف ايه يا ولدي وانا استحاله ارجع

ليندا : طيب طمنها عليك اقل واجب

باسم :- حاضر ادخلي انتي بس الاول عشان متقفيش اكدي في الشارع واني ابقي ارد عليها

ليندا بابتسامه : طيب تصبح علي خير

باسم : وانت من اهل الخير ( ثم دخلت ليندا الي منزل والدها ورد باسم علي هاتفه ) الو ايه ياما مش راجع اني

ام باسل ببكاء وصريخ : خيتك اتقتلت خيتك ماتتت

باسم مش مستوعب اللي بيتقال : اخت مين اللي ماتت ياما انتي هتهزري عشان ارجع صح بس الهزار دا مينفعش بعد الشر علي خيتي

ام باسل بصريخ اكتر واكتر : لا مبهزرش خيتك ماتت ماتت

&&&قفل باسم بسرعه الهاتف وجري الي سيارته في حاله من الصدمه &&&

&&&في القصر &&&

تجلس فيروز وهيا ترتدي الملابس السوده وتكلم نفسها : اها يا غبي يا مروان ايه اللي هببتو دا حد يعمل كدا مفكرش في عياله دول ( لقيت باسل يخرج من غرفته سليم اصتنعت البكاء وقربت منه ) ايه عمي كيفه دلوقت الدكتور قال ايه

باسل بحزن شديد : قال جلطه ربنا يسترها عليه ( ثم جز علي سنانه بغل ) لو اعرف مين اللي اتجراءه ودخل القصر وكيف دخل ووصل لقوضيتها وقسما بالله هخلي كل حته في جسمه في مكان خيتي تتقتل في وسطينا كيف دي الناس هتخاف تعدي قدام القصر الموضوع دا كبير وكبير قوي وهعرف

فيروز بتبتلع ريقها : اكيد كان حرامي وكان هيسرق واتفاجاة بيها في القوضة ومن خوفه قتلها

باسل بسرحان :- لا دا بفعل فاعل وهعرف مين اللي وراءها

((( في القاهره طلعة ليندا الي دور شقة والدها وخبطت بعد تردد كتير جداااا)))

فتحت لها زوجة ابيها : مين حضرتك وعايزه مين

ليندا بتوتر : انا ليندا حضرتك مرات بابا صح

زوجة ابيها بفرحه :- ليندا حبيتي ماشاء الله عليكي كبرتي واحلوتي اوي اتفضلي اتفضلي نورتي

ليندا : شكرا لحضرتك ( ثم دخلت الي الشقه ) احم هو بابا نايم ولا ايه

زوجة ابيها : لا بيجيب حاجات من تحت بسرعة وطالع

ليندا باحراج : متاسفة اني جيت في وقت زي دا بس اضطريت

زوجة ابيها : بجد هتزعليني منك يا قلبي دا بيت باباكي يعني بيتك تجي في اي وقت يعجبك

ليندا : شكرا جدااا حضرتك باين عليكي زي ما بابا بيقول كويسه جدا

زوجة ابيها ابتسمت : يا قلبي تسلمي دا من ذوقك بس وانتي تتحبي ها قوليلي عامله ايه مع جوزك واسمه ايه بقي

ليندا بحزن : انا طلقت خلاص ملوش لازمة الكلام

زوجة ابيها بحزن : يا ساتر يارب ليه كدا مكنتيش بتحبي ولا ايه

ليندا بحزن وحب وشوق مشاعر مختلطه : مكنتش بحبه لا انا كنت بعشقه حتي العشق بنسبال للي جوايا لي ميجيش ذرة حتي

زوجة ابيها : طيب وليه سبتي ليه متمسكتيش بحبك ليه حرام

ليندا : اتمسك بيه لو هو كمان بيحبني ربع حتي منا بحبه لكن هو مبيحبنيش ازاي اتمسك بي بس رغم اللي بقوله دا رغم اني كنت ساعات بحس انه بيعشقني اكتر مني اصلا بس مش عارفه انا في حيره واللي اعرفه في النهاية انه باعني وظلمني وجي عليا ودا لوحدو كفيل انه يدمرني ويخليني ابعد مهما كان عشقه

ثم سمعت زوجة ابيها صوت مفاتيح : اهو بابا شكله جي

دخل والدها واتفجاءة بوجودها فرح للغاية : بنتي حبيبتي كل دا مشفكيش يا ليندا حرام عليكي مش بتردي علي تليفوناتي ولا عارف طريقك

ليندا بحزن : معلش يا بابا ظروف عامل ايه انت وصحتك اخبارها ايه طمني

والدها : انا بخير طول مانتي بخير طمنيني انتي علي احوالك وجوزك صح جوزك مجاش معاكي ليه

ليندا : عشان اطلقت يا بابا

والدها :- لا اله الا الله ليه كدا يا بنتي

ليندا : اللي حصل يا بابا يالا قدر الله وماشاء فعل

زوجة والدها :- يالا بقي سيبها دلوقتي وتبقي تحكيلك بعدين علي جوزها ولا طلقها دا يالا عشان نتعشي مع بعض

ليندا : انا مش جعانة اكل انا جعانه نوم

زوجة ابيها : لا مينفعش طبعا ازي دا اول يوم معانا لازم ناكل عيش وملح مع بعض ولا ايه

ليندا بابتسامه :حاضر يالا احضر معاكي حاجه طيب فين المطبخ

زوجة ابيها : لا يا روحي خليكي انتي مرتاحة وانا هحضر

دخلت زوجة ابيها المطبخ ثم وجهت ليندا الكلام لوالدها :- بجد من حقك تتمسك بيها تتحب

والدها بابتسامة : ولسه لما تعشريها هتحبيها اكتر

ليندا : ان شاء الله

((( وبعد حوالي يومين من مراسم العزاء والدفنه ))))

باسل ندها لمروان : وبعدين يا مروان

مروان :- وبعدين ايه يا ولد عمي

باسل : مرتك بقالها يومين بس ميته وانت ولا اكن في حاجه ولا هدور ولا هتفكر معنا مين الي عمل اكدي ولا حتي شكلك حزين ايه الحكاية يا ولد عمي قولي

مروان : يعني هعمل ايه اني هبقي اجدع من الحكومة مثلا وبعدين انت دخلت جوايا عرفت انت كنت حزين ولا لا الزعل في القلب يا ولد عمي

باسل : عنديك حق يا ولد عمي

فيروز : مالكم هتتخانقو ولا ايه

مروان : لا ايه اللي هيخلينا نتخانق نيمتي العيال

فيروز : اه يا قلب امهم نامو بعض صعوبه اللي عليهم عايزين اماه عايزين اماه

باسل بيتنهد حزن : اااه يا قلبي عليهم ربنا يتولاهم

باسم خرج من عند والده : بوي حالة بتسؤء يا جماعه لازم يروح مستشفي ضروري

باسل بغضب : ملكش دعوة انت الدكتور طمنا وقال هيتحسن واني لو حسيت انه محتاج هودي احسن مستشفي في البلد لكن ليه نبهدله في المستشفيات والزفت

باسم : ملياش دعوة ماشي بس افتكر اني قولتلك

((((في منزل والد ليندا قاعدين الثلاثه في الشرفة ))))

زوجة ابيها : بصي دي صور ابني وهو صغير

ليندا بابتسامة : الله دا امور اوي جوزهولي

زوجة ابيها :- ياريت والله لو كان معيا مكنت هلاقي واحدة احسن منك اجوزهاله

ليندا بهزار :- وياتري امور كدا زي ماهو لما كبر وريني الاهم وهو كبير انتي بتوريني صوره وهو صغير

زوجة ابيها بحزن : للاسف معيش صور ليه وهو كبير ولا حتي اعرف شكله ايه

ليندا : ربنا يجمعكم ببعض عن قريب يارب

والدها : صح يا ميمي فين جرايد النهاردة مشوفتهاش وانتي عارفة لازم اشوف اخبار الدنيا

زوجتة بضحكة :- مانا جبتهملك بس لقيتك ملهي مع ليندا مرضتش اديهملك

زوجها : طيب ممكن تجبهملي ياقلبي

جابت له زوجتة الجرايد وهو بيقراءه : لا اله الا الله

زوجتة :- في ايه خير

زوجها :- حادثه بشعه مقتل سيده في العشرينات في ظروف غامضه في البلد اللي كنتي متجوزة فيها

زوجته : ياساتر يارب دي من عيلة مين كتبين اسمها

زوجها :- اسمها سلمي سليم المغازي

ليندا بصدمه : سلمي اتقتلت

زوجتة : بنت سليم لاحول ولاقوة الا بالله لا اله الا الله

الرابع عشر

ابو ليندا : ايه ده يعني البنت اللي اتقتلت دي بنت طليقك

زوجته بحزن : ايوا

ليندا بصدمه : وريني كدا يا بابا بعد اذنك الجريدة دي

والدها : خدي يا بنتي

ليندا : لا مستحيل سلمي ازاي دا حصل ازاي لا اله الا الله مين اللي يعمل كدا مين بس

) ثم ركزت قليلا ونظرت لي زوجتة والدها ) هو حضرتك كنتي متجوزة عمو سليم

زوجة والدها : ايوا للاسف ومخلفة منه ولد لكن انتي تعرفيهم منين صح

ليندا مصدومة : يعني جضرتك مامت باسل

زوجة والدها : ايوا انا ام باسل انتي عرفتي منين انت ابني اسمه باسل

ليندا : معلش ممكن اعرف اسم حضرتك الحقيقي ايه

والدها :- اسمه ميمي يا بنتي

ليندا : يووو يا بابا بقول الحقيقي مش الدلع اكيد ميمي دا دلع

زوجة والدها : ايوا دلع انا اسمي الحقيقي مهجة

(((ليندا رجعت راسها بصدمه لوراء علي الكرسي )))

مهجة : مقولتليش بقي انتي تعرفي عيله المغازي منين وايه اللي وصلك بيهم

ليندا باسف : عيلة المغازي تبقي عيلة طليقي

مهجة بصدمة : يعني انتي كنتي متجوزة ( قاطعتة كلامها ليندا )

ليندا : كنت متجوزة ابنك باسل

والدها : بجد ايه الحكاية اللي ولا في الافلام دي بتتكلمي جد يا بنتي

ليندا طلعة هاتفها وطلعة من عليه صور : مش دا عمو سليم

مهجة : يااااه هو نفس الجبروت نفس الشكل متغيرش

ليندا بحزن : وابنك واخد نفس الجبروت دا

مهجة بلهفة : معاكي صورة لباسل

ليندا بحب : اكيد معايا صورة باسل محفورة في قلبي مش في الفون بس

مهجة : ارجوكي وريهولي

ليندا جابت كذا صورة ليها هيا وباسل وباسل لوحدو : اهي دي كل صورنا

فضلت تتفرج مهجة علي الصور بدموع : يا حبيبي كبرت وبقيت رجل وانا مشفتكش بتكبر قدام عيني وحشتني اوي يا بوب

ليندا ابتسامة : ايه بوب دي

مهجة مسحت دموعها : دا الدلع اللي كنت بدلعه بيه وهو صغير

ليندا :- انتي سبتي ابنك عشان بابا وجاية دلوقتي تعيطي عليه انتي اللي غلطانة يا طنط ودا اقل عقاب ليكي انا اسفه طبعا اني بقول كدا بس اي واحدة سوري خاينة وحبت واحد علي جوزها دي اقل حاجة تتعمل معاها

مهجة : انا معاكي في كل اللي قولتي دا بس انا هسالك سؤال واحد بس

ليندا : اتفضلي

مهجة :- انتي خانتي ابني مع اخو زي ما هو اتهمك وطلقك زي ما انتي حكتلنا

ليندا : لا طبعا استحالة اعمل كدا طبعا انا اطلقت ظلم

مهجة : بس متحكميش علي حد من غير ما تعرفي انا كمان اطلقت ظلم وغدر منهم لله اللي كان السبب

ليندا : ممكن تحكيلي ايه الحكاية لان ابنك شكلة فاهم عنك حاجات كتيى غلط

والدها : قبل متحكو وتعملو هتعملي ايه انتي يا ليندا هتعزي ولا هتعملي ايه

ليندا : هعزي ازاي دا طردني اشر الطرده

والدها : بس دا واجب وممكن انا اجي معاكي محدش يعرفني هناك اصلا

مهجة :- صح عندك حق روح معاها عشان يعرفوك ويعرفه انها عندها اب وانكم ولاد اصول

ليندا : ثواني هتصل بباسم اخو باسل( بتتصل ) الو ازيك يا باسم البقاء لله

باسم بحزن : البقاء لله وحدو انا الحمدلله انتي اخبارك ايه

ليندا بحزن : لسه عارفة حالا من الجريدة والله وقولت اتصل بيك اعزيك حصل امتي وازاي دا

باسم : حصل الليله اللي كنت بوصلك فيها فكره لما قولتلك امه شكلها هتتصل عشان ارجع القصر كان بتتصل في الوقت دا عشان تقولي الخبر يالا ربنا يرحمها

ليندا : والله لو كنت عرفت وانا معاك كنت رجعت تاني بس يعني دا حرامي ولا دا ايه بظبط

باسم : لا مش حرامي دا ذنبك

ليندا : استغفر الله العظيم اللهم لاشماته ايه اللي بتقوله دا يا باسم

باسم : بقول الحق اني تعبان قوي علي موت خيتي بس معرفش ليه حاسس ان ذنب وربنا هيخلصو

ليندا : باذن الله ربنا هيظهر الحقيقة وحقها هيجي انا بكره باذن الله هنبقي في البلد انا وبابا

باسم : طيب وباسل

ليندا : انا مليش دعوة بي باسل انا هاجي اعزي ناس عشرتهم ومشوفتيش منهم غير كل خير عمي ومرات عمي

باسم : تمام تيجي تنوره متقلقيش

(((قفلت ليندا مع باسم والخوف مسيطر عليها لكن بتحاول تجمد )))

(((في القصر )))

باسل :- فيروز تعالي نروح نطمن عليكي وعلي اللي في بطنك عشان ايام موت سلمي عيطي كتير ودا غلط عليه

فيروز : ها لا اني محساش بشي اني زينه وهو زين قوي قوي

باسل : لكن اني عايز اطمن

فيروز : ماشي اصبر كام يوم اكدي عشان في ناس داخله خارجة علينا بتعزي هيقوله ايه لما يلقونا خارجين

باسل : ماشي كام يوم بس

مروان :- هو مين اخد دهب مرتي

باسل : وانت مرتك ليها 4 ايام ميته ودا وقته تدور علي دهب

مروان بتوتر : لا انا قولت اشوف يمكن اللي دخل حرامي وكان جي يسرق وسرقهم

باسل : ايه انت عنديك زهيمر ولا ايه ما الحكومه دورت وكان كل شي في مكانه تمان وطلعة الدهب قدامنا وكل شي

مروان : اني كنت مركز في الحاجات دي

باسل قرب منه بغضب : انت مكنتش مركز غير في الحاجات دي وبس اصلا

مروان : ايه اللي هتقوله دا يا ولد عمي ملاحظ ان حديتك كتر قوي وتلمحاتك ولا ايه عايز توصل لي ايه يا ولد عمي قولي

باسل ببرود : اني ولا في دماغي اي حاجة انت اللي دماغك متركبه شمال

((((في القاهرة ))))

ليندا :- احكيلي بقي يا طنط اللي حصل

مهجة ابتسمت : شكلك مصممه تعرفي الحكايه

ليندا :- اوي اوي لان باسل في الغاز وحكايات كتير مغيب عنها

مهجة : كنتي بتحبي اوي كدا

ليندا بحب ولهفة وشوق :- كنت بحبه اوووووي زي ما قولتلك جوايا حاجه ليه اكبر من الحب من يوم ما شوفته

مهجة : ربنا يظهر الحقيقة يا بنتي وترجعه تاني لبعض

ليندا : يالا متخودنيش في دوكا واحكي

مهجة : ضحكت حاضر يا ستي هحكي من حوالي يجي 33 سنه كدا اتجوزت ابو باسل دا وكنت قبليه بحب باباكي وبس الظروف ما سمحت باباكي ان يجي يتقدم ليا عشان ظروفه وكدا وسبنت بعض وبعدها جي ابو باسل كان هنا في القاهرة في شغل وانا كنت شغاله في المصنع دا شفني عجبته وعرف انا مين وبتاع وجي اتقدملي وبابا طبعا بدون تفكير وافق زي زيي اي اب يجلها عريس معا فلوس وهيسعدها وكلام من دا المهم مش عايزه اكتر عليكي اتجوزنا وخلفنت باسل والحياة كانت جميلة جداااااا يعني لحد مبداءت سلفتي توقع بينا وتقوله مراتك انهارده خرجت بشعرها مرات عملت مراتك سويت وهو من غير ما يعرفني يضرب ويهين فيا من غير ما يسمع مني

ليندا : سلفتك كانت معاكم في القصر دا

مهجة : ايوا كانت عايشه هيا وجوزها معانا وكان معاها ولد في الفتره دي اصغر من باسل بسنه سنتين تقريبا المهم بداءت حياتي تتدمر بجد ومبقتش قادرة يحبسني بلكام يوم من غير لا اكل ولا شرب وبعدين لما يجيلو مزاجة ليا يجي يفكني ويقولي بعمل كدا من حبي ليكي وغيرتي عليكي عشان بحبك مش عايز حد يشوفك ولا يلمحك غيري وحاجات من دي كنت اوقات كتير احس انه مش طبيعي فضلنا علي الحال دا يجي 15 سنه ومستحمله عشان ابني اقول معلش مش عارف ايه لحد ما في يوم والدي كان تعبان ونزلت القاهرة اطمن عليه ونزلت معايا سلفتي دي عشان انا مينفعش اروح اي مكان لوحدي جت معايا شافت بابايا واحنا ماشيين قبلنا باباكي عادي سلمنا علي بعضنا بكل اداب واحترام وقالي انه مامتك توفت وعزيتو وكلام من دا وبعدها روحنا البلد ويعينك ما تشوف غير النور تعذيب بمعني كلمة تعذيب ويمكن كلمه تعذيب متجيش حاجة جنب اللي حصلي ضرب وكهربة واغتصاب من جوزي تخيلي ومرمية علي البلاط في قوضه عباره عن حشرات وحاجات كتير جدااااا وكل دا وانا مظلومة كل دا عشان مرات اخو قالتلو ان وقفت سلمت علي رجل وفضلت احكي معا وهو سال وعرف اننا كنا بنحب بعض قبل ما انا وهو نتجوز وطبعا ليندا بصدمه : معقول في بني ادم بشكل دا ازاي بس وهربتي ازاي من الجحيم دا

مهجة ابتسمت : الحمدلله ان وصلتلك اني كان لازم اهرب من الجحيم دا مهربتش عشان باباكي زي ما ناس كتير مفهمينك ومفهمين باسل

ليندا : بس بابا ذات نفسه كان كل ما يكلمني يقولي سابت ابنها وبيتها عشان مقدرش اسيبها

مهجة بابتسامه : باباكي مشيل نفسه الذنب عشان كدا بيقول كدا لكن ولا انت ولا هو لينا ذنب بس اللي طلعة بي من قصتي دي ان الحب الصادق بيعيش ومفيش مال بيريح البال كله نصيب وانا باباكي عشان كان حبنا صادق ربنا جمعنا ببعض بي وسيله بقي

ليندا : فعلا عندك حق والله المهم هربتي ازاي

مهجة : رجل ربنا يكرمه ويباركله من رجالته مرضيش بظلم فتحلي بليل والكل نايم وهربز بس للاسف بعدها عرفت انه مات او اتقتل مش عارفه يالا ربنا يرحمه واطلقت بعدها بسنتين تقريبا غيابي هيا دي كل حكايتي غلطانه في حاجة

ليندا : يااااه فعلا السجن فيه مظاليم يالا ربنا يردلك حقك يارب بس انا مستغربه اوووي ( ثم ضحكت بشده )

ضحكت مهجة ووالد ليندا علي ضحكها : ايه اللي انتي مستغربه

ليندا بابتسامة : يعني العيال وامهم شياطين لان انا اعرف ان عمو سليم معندهوش غير اخو اللي هو ابو مروان و فيروز دي

مهجة : فعلا سلفتي دي كان ابنها اسمه مروان

ليندا : اعوذ بالله من دي بني ادمين هما عيالها برضو سبب خراب بيتي شياطين ولاد شيطانة

(((تاني يوم في القصر )))

(((قام باسل من نومه مشتاق الي عطر ونفس ليندا قام يتسحب من جانب فيروز الي غرفة ليندا )))

جلس علي السرير وبدا يمشي يدو علي كل شبر في السرير بشوق لليندا ثم فتح دولاب وبدا يخرج ملابسها ويشم فيها عبيرها وهو يشم ويتنفس راحتها غمض عينيه : اااااه يا قلبي اللي وجعني في فراقك يا ليندا وحشتيني يا قلبي وحشتي قلب الجبل اللي انهد في بعدك نفسي اشوفك اسمع حسك نفسي المح حتي طيفك بحبك وهفضل اعشقك لحد اخر نفس في عمري حتي لو مكنتيش انتي هتحبيني اني هحبك نفسي اكلمك بس كرامتي مش سمحة حاولي انتي اديني امل هموت مبقتش قادر انام ولا اقعد ولا اعمل شي في بعدك غير اني بكابر وبس بضحك علي نفسي حاسس اني روحي بتروح مني كل ما الوقت بيعدي وانتي بعيده يا تري حاسه بيه ولا لا يارب لو حاسة بيه ابعتلي علامه اني اشوفها اسمع حسها حتي وقويني اما اشوفها اني مضعفش وابين ضعفي دا ليه ( وهو يجلس في غرفتها سمع صوت دوشه في الاسفل طلع سريع )

زوجة ابو باسل : اتفضلو اتفضلو وحشتيني قوي يا بتي (ثم بكت بشدة ) شوفتي اللي حوصل في سلمي شوفتي

ليندا حضنتها : ربنا يصبر قلبك يارب

هيا في مكان احسن من اللي احنا في دا ادعيلها برحمه والمغفرة محتاجة دعاءك اوي هيا

ام سلمي : ربنا يرحمها ويغفر لها يارب والدك دا يا ليندا يا بتي

ليندا : اه معلش نسيت اعرفكم دا بابا يا مرات عمي ودي مرات عم باسل يا بابا

ابو ليندا : البقاء لله يا هانم

باسل بصدمه :- ليندا معقول دا صوت ليندا

نزلت فيروز الي الاسفل عند ليندا : مين ست ليندا

الخامس عشر

فيروز : كيفك يا ليندا جايبه بوكي عشان تعرفينا علي ولا ايه خلاص مبقاش يلزمنا عنديكي اهل معندكيش شي مبقاش يخصنا ( ثم مسكت ضهرها وبطنها ) اه ياواد يشقي كيف بوك تمام

ليندا بدون اهمية موجهه كلامها لزوجة سليم : ممكن يا مرات عمي تعرفي عمي اننا هنا عشان نعزي ونمشي

( ليه علي طول اكدي مش لازم نضيفو الرجل الكومل دا )

اتصدمت ليندا عند سماع تلك الجملة من صوت تعرفه جيدا وتشتاق اليه : احم شكرا لحضرتك باسل بيه احنا مش جايين نتضايف انا وبابا جايين نعمل الواجب ونمشي علي طول

باسل بتريقة : لا لا مينفعش كيف يجي لاول مرة عندينا ويمشي بدون مضيفة لا هتشتمينا اكدي

ابو ليندا : شكرا يا بني والبقاء لله واتشرفت بشوفتك

باسل : طبعا اي حد يعرفني لازم يتشرف بينا

فيروز ابتسمت ابتسامة صفره : يالا يا قلبي عشان تفطور هما شكلهم واكلين في الطريق

نزل كلام باسل وجع لليندا وتحاول ان تلزم دموعها وتقوي : ها يالا يا مرات عمي دخليني لعمي عشان نمشي عشان احنا مش عايزين شرف ولا يشرفنا باسل بيه اصلا انا جيت هنا عشانك انتي وعمي وبس وبابا اللي قصر اننا نيجي نعمل الواجب غير كدا مكنتش دخلت بيت اتهنت في واي حد بيدخل في بيتهان

وقف باسل بغرور : البيت دا مبيهنش غير اللي يستاهل الاهانة وبس وعايزك تكوني متؤكدا ان اي حد اتهان اهني فهيا الاهانة ليه اقل شي

ابو ليندا : يالا يا بنتي نمشي كان عندك حق مكنش لازم نيجي هنا يالا

زوجة سليم : لا مهينفعش يا ابو ليندا باسل دول ضيوف عندينا ايه اللي هتعملو دا

باسل : ضيوف مش مرغوبه فيها يالا يا فيروز روحي هاتي الوكل سديتو نفسي علي الصبح

ليندا بدموع حطت ايديها في ايد والدها : مرات عمي ابقي بلاغي عمي بتعازي انا وبابا والبقاء لله ويارب تكون اخر الاحزان

باسل : صوح يا ست ليندا هانم ( وقفت ليندا دون ان تنظر له تنتظر ما يقوله ثم اكمل حديثه ) دي ولا مرت عمك ولا اللي جوه دا عمك ماشي

غمضت ليندا عيونها باحراج ثم اكملت وذهبت الي الباب لتخرج وعندما خرجت الي خارج القصر وقفت وانهارت بكاء : اااااه يا بابا يارتني ماكنت جيت شوفت كميه الوجع والالم والاهانة اللي انا شوفتها

ابو ليندا : شخص زي دا مفروض متبكيش عليه ولا تنزلي عليه دمعه كل دمعة منك خسارة في وفي عيلة كلها بجد بعد اللي شوفته انهاردة دا مهجة كانت عندها حق دي ناس جبارة وقادرة مينفعش يتعملو مع بشر

ليندا : بس كان معايا ملاك لو شوفته في الفتره اللي كنا مع بعض فيها دي وقارنتة بي دلوقتي هتقول اكيد اتبدل بحد تاني ( ثم مسكت راسه من الوجع )

ابو ليندا بخضه وقلق : مالك يا بنتي فيكي ايه

ليندا بتعب : متقلقش يا بابا دا صداع بيجيلي بقاله فتره كدا مش عارفه ليه بس خير باذن الله

ابو ليندا : وانتي مكشفتيش ليه طيب

ليندا : جالي الدوخة دي قبل ميحصل المشاكل بحاولي اسبوع وكنت ناويه اكشف بس حصل اللي حصل

ابو ليندا : طيب ابقي خدي ماما مهجة في اي وقت واكشفو

ليندا : حاضر يالا يا بابا اركب العربيه عشان وقفنا كتير قدام القصر والشيطانة وقفه تبص علينا من فوق

(((داخل القصر )))

سليم بعصبيه وزعيق : انتو يالا في القصر يا كلاب با كلاب

((((جري الجميع الي غرفة سليم )))

باسل : خير يا بوي هتزعق ليه

سليم : هزعق لانك محتني من الدنيا واني عايش بقيت تتحكم في كل شي واني علي وش الدنيا ايه خبر ايه محدش قادر عليك

باسل ببرود : مالك يا بوي متزربن علي ليه

سليم : هو اني عشان رقد عالسرير هتتحكم مين يدخل القصر ومين لا

باسل : اممم كل دا عشان ست ليندا وابوها ميغورو هما من بقيت اهلنا

سليم : ايوا كانت في يوم من الايام شايله اسمك كانت اسمها مرتك

باسل : اممم عنديك حق وهيا شايله اسمي كانت بتخوني مع خيي تخيل بقي وهيا مرتي كانت مانعة نفسيها تبقي ام عشان متخلفش مني يا سلام ونعمة الزوجة فعلا بوي عايز ايه دلوقت

سليم : عايز اعرف ايه اللي مخلكش تتدخلهم لي

باسل : اني ممنعتش حد واصل انه يدخلك بلعكس اني كنت عايز اضيفهم

سليم : تتضيفهم بطريقتك واسلوبك دا دا بيقوله لاقيني ولا تعشيني يا ولدي

باسل : دا رجل لايتلاقي ولايتعشي دا رجل معرفش يربي وكان سايبه بته علي حل شعرها

سليم : بلاش ترمي محصنات يا ولدي ومتنساش اللي كانت علي حل شعرها دي كانت مرتك وكانت ممكن تبقي ام لعيال في يوم من الايام

باسل بغض : والحمدلله ان دي محصولش

(((في القاهرة )))

تجلس مهجة علي كرسي وتتذكر ابنها باسل وكان عمره 9 سنين

(((فلاش باك )))

مهجة مضروبه من سليم وتبكي يجلس بجانبها باسل ويمسح دموعها : بتعيطي ليه يا اماه

مهجة بتحاول تمسك نفسها من البكاء : مفيش يا حبيبي تعبانه شويه

باسل : لا يا اماه اني شوفتك وبوي هيضربك بلخرطوم يالا نمشي ونسيبو بوي وحش وهيضربك

مهجة بدموع : عيب يا حبيبي دا بابا مينفعش تقول كدا عليه

باسل : بس هو بيضربك كل شويه يالا نسيبو انا وانتي لوحدو

(((باك )))

مهجة بدموع : يا رتني كنت سمعت كلام وسبنا لوحدو انا وانت وروحنا في اي مكان لكن هو خراب وانا

اللي دفعت التمن في سمعتي وفيك وقلب كل حاجة عليا انا وعملك غسيل مخ

(((في القصر ))))

مروان في غرفته عمال يقلب الغرفة ويكلم نفسه : هيا وديت فين الحاجة اللي يخربيتك قرفاني وانتي ميته وانتي حياة

يوسف ابنه بدموع : بوي انت هتعمل ايه اني عايز اماه

مروان : غور جتك نصيبه تاخدك كيف ما خدت امك وتريحوني بقي

يوسف ببكاء : عااااا اختي كمان بتعيط كل يوم علي اماه

مروان : بقولك ايه منقصاش غور روحو عند عمتك فيروز غور

(((في غرفة باسل )))

فيروز : انت هتلبس وهتروح فين

باسل : هروح المزرعة

فيروز : مش كنت قايل مهتروحش انهارده

باسل وهو بيلبس : وغيرت رايي عنديكي مانع

فيروز : مانع ليه هو انت حد يقدر يمنعك

(((ارتداء باسل ملابسه ونزل ذهب الي اول مكان ابتداءت في قصتهم )))

وابتدا يتذكر كل موقف في هذا المكان وتذكر عندما شالها علي كتفه ثم ابتسم علي اجمل ايام حياته : كان نفسي تدومي في حياتي بعيد عنك ببقي عايز اشوفك اكلمك عشان اسمع صوتك نفسي اجري عليكي احضنك بس اول ما اشوفك كل دا بيبقي عكس معرفش ليه انهارده عارف اني استفزيتك كتير وجرحتك اكتر بس كل دا عشان اسمع بس صوتك لاني مش هقدر اتكلم معاكي غير بطريقة دي ساعات بسال نفسي الملاك دا يعمل اللي انتي عملتي دا مش مصدق بجد تعبت من التفكير تعبت كنت جبل واتهد علي ايدك يا ليندا

(((في السيارة والد ليندا ))

ابو ليندا : ريحي شويه يا حبيبتي شكلك تعبان اوي

ليندا بتعب : فعلا حاسه اني مش قادره اول مره احس بتعب اوي كدا هحاول انام شويه لحد ما نوصل

(((رجع باسل الي القصر وكانت تجلس فيروز مع زوجة عمها ))

جريت عليه فيروز : يعني جيت دغري يا باسل متاخرتش

باسل بزهق : ايه تعبان معايزنيش ارجع اعود مترح ما كنت ولا ايه

فيروز : لا مقصدش والله دا انت نورت القصر

باسل : اني طالع انعس ومعايزش قلق متفوقنيش اني هفوق لوحدي ماشي

فيروز بستغراب : ماشي هو ماله دا

زوجة عمها : يمكن تعبان يا بتي

فيروز : بس كان خارج زين قوي

وهو طالع باسل سمع ضوضاء في غرفة مروان فتح الباب فجاءة : ايه يا ولد عمي اللي مهببو في القوضه دا

مروان بتوتر : ها لا بنظم فيها شويه حاجات اكدي مكان المرحومه

باسل : يا جدع دا كلام انت اللي هتنظم برضو ومال فين اللي شغلين في القصر لما انت اللي هتعمل الحاجات دي يبقي نمشيهم بقي واعمل انت

يوسف : خالو خالو احنا عايزين اماه

باسل بحزن مسح علي راس يوسف بحنان : اماه عند ربنا قول الله يرحمها

يوسف : طيب اني كمان عايز اطلع عند ربنا يا خالو عايز نصيبه تاخدني كيف اماه عشان اروحلها

باسل : بعد الشر عليك وحرام اللي هتقوله دا اية نصيبه تاخدك دي جبتها منين

يوسف : هو بوي اللي قالي اكدي داهيه نصيبه كيف ما خدت امك

نظر باسل لمروان نظره كالرصاص : ايه اللي هتقوله للواد دا يا مروان يا ولد عمي مصدقت خلوصت من خيتي عايز تخلص من عيالها كمان ها صوح اللي اختشو ماتو

مروان بخوف : خلصت ايه وبتاع مين انت هتصدق عيل يا باسل ولا ايه دا هيخترف

باسل : هيخترف لا العيال هتقول اللي هيتقال مبتخرفش كيف الكبار ماشي

مروان برق عينه لابنه : ايه اللي هتقوله دا يا واد هوريك كيف تكدب زين

باسل : اقتله عشان قال

اتصدم مروان من تلك الجمله : باسل بقيت هتخرف اكتير واني مهسكتش اكتر من اكدي

باسل بغضب : واني معايزكش تسكت وريني اللي عنديك

يوسف ببكاء وخوف من زعيقهم : لا يا خالو انا بكدب بوي مقلش حاجه انا بقول اكدي عشان اشوف اماه

باسل نظر للولد بحنان : بعد الشر عليك يا ولدي هيا حاسه بيك زين ادعيلها يالا انا داخل انعس عشان تعبان وانت كلامك معك بعدين يا مروان

(((في القاهرة وصلو ليندا ووالدها ))))

مهجة بابتسامه : حمدلله علي سلامتكم جيتو بسرعه

ابو ليندا : مسافة السكة رايح جاي

مهجة : ليه مقعدتوش في القصر ولا ايه

ابو ليندا : دي ناس قليلة الذوق يادوب كنا علي الباب ورجعنا تاني

مهجة : ليه كدا ( ثم نظرت لي ليندا ) مالك يا لي لي

ليندا بتعب : مفيش حاجة بابا يبقي يحكيلك انا هدخل اريح شويه عشان تعبانه

(((في القصر بعد حوالي ساعتين ))))

احد الشاغلين : ست فيروز في واحدة عايزاكي في الجنينة

فيروز : واحدة مين دي خليها تتدخل

الشغالة : معرفش والله ومش عايزه تتدخل

فيروز خرجت لتعرف مين دي : ايه دا انتي ايه اللي جابك هنا يا دكتورة مش مروان خوي قالك هيجيلك

الدكتورة : خيك مجاش واني مهمشيش من اهني غير اما اخد فلوس

كان يقف في هذا الوقت في الشرفة باسل وينظر من الاعلي : دي مين اللي واقفه مع فيروز دي وشكلهم زي اللي بيتخانقو ( ثم نزل الي الاسفل )

الدكتورة : وقسما بالله لو ماخد فلوسي دلوقت لداخل اقول للكل انك ولا حامل ولا شي

باسل : ايه مش حامل

تكملة الرواية من هنااااااااا