رواية إمرأة في عصمة صعيدي الفصل الأول والثاني والثالث والرابع والخامس للكاتبة سلسبيل كوبك كاملة

 رواية إمرأة في عصمة صعيدي الفصل الأول والثاني والثالث والرابع والخامس للكاتبة سلسبيل كوبك كاملة

رواية إمرأة في عصمة صعيدي الفصل الأول والثاني والثالث والرابع والخامس للكاتبة سلسبيل كوبك كاملة

تقديم الرواية

بنت عايشة حياة رفاهية و مستمتعة في حياتها تكون مجبرة على الزواج من صعيدي لمجرد انه ابن عمها...

هل تستطيع ان تتأقلم مع حياتها الجديدة؟

تعريف بالشخصيات الأساسية

_جاسر:"شاب صعيدي عنده 28 سنة..بشرته قمحاوية طويل و محافظ على جسمه و عنده دقن و بعيون عسلية..شخصيته قوية و لكن بيعرف يفصل بين وقت الجد و وقت الضحك"..

_حسن:"والد جاسر و شخصيته مسيطرة و متملكة و هو اكبر اخواته و كلمته سيف على رقبة الكل بيبان في نظر الكل انه قاسي و هو المسئول عن البلد يعني يعتبر العمدة او شيخ البلد"..

-فتحية:"مامت جاسر شخصية حنونة مع اولادها و بتقف في ضهر جوزها و بتسمع كلامه و تعتبر هي ست البيت و كلامها بيمشي على كل ستات البيت"..

_دعاء:"اخت جاسر بنت في الثانوية العامة عندها 18 سنة بنت مرحة و متوسطة الطول و شعر باللون الاسود و عيونها بني"..

_خالد:"ابن عم جاسر شاب جاد في كل حاجة عنده 26 سنة بيشتغل مع جاسر و متوسط الطول و بدون دقن"..

_علي:"اخو حسن حنين على اولاده و بيسمع كلام اخوه لانه كبير العائلة و بيحب ولاد اخوه"...

_اسماء:"زوجة على زوجة مطيعة و بتحب البساطة و بتحب فتحية و بتعتبرها اختها"..

_فيروز:"بنت على و اسماء بنت وحيدة و ملهاش في الجو الاجتماعي و بائسة من حياتها عندها 25 سنة"..

_جملات:"مامت خالد ست متواضعة جدا و بسيطة و محبوبة و بتحب جوزها جدا بس هو مش بيحبها"..

_ايمن:"اخو محسن طيب الاخ الصغير و بيحب كل الناس و بيحب ولاده و ولاد اخواته و بيحب الشغل"..

_عبير:"ست مش سوية و بتحب الفلوس و بتسعي علشان تخلي جوزها الكل في الكل"...

_علاء:"نسخة من مامته في الشر و عايز يتجوز دعاء علشان ياخد فلوس اكتر و بيحب الشر لكل ولاد عمه"..

_سارة:"بنت جميلة و عسولة و محترمة ظاهريا بس لكن في الحقيقة العكس 180 درجة"..

_ديما:"بنت عسولة و رقيقة بتحب الحاجات البسيطة و مقضياها سهر و خروجات و بتحب الرقص..و لماحة و شجاعة نوعا ما و بتحب المحاولة و طيوبة...متوسطة الطول لون بشرتها ابيض شعرها متوسط الطول باللون الاسود و البني الغامق..عندها 24 سنة دارسة مجال والدها لكن مش بتشتغل و بتحب اصحابها و عائلتها جدا"..

_محسن:"والد ديما بيحبها جدا و بيحب مامتها اكتر و عاني علشان يتجوزها شخص مرح و جد في وقت الشغل و حنين مع بنته اوي و بيخاف عليها من اقل حاجة"..

_تسنيم:"بتحب جوزها و بتحب بنتها و امنيتها انها تشوفهم بخير و ام صاحبة اللي تعتبر سر بنتها و طيبة"...

_دنيا:"صاحبة ديما بئر اسرارها بيحبوا السهر و الفرفشة و بيهزروا و يضحكوا و بيسافروا مع بعض و بنت حبوبة جميلة كدة...عندها 24 سنة و قصيرة شوية و شعرها قصير باللون البني و بيضاء"..

_احم كتير يعني شوية؟...معلش معلش استحملوني زي اختكوا بس انا بحب التفصيل؟...

_بحبكوا يا رب اكون عند حسن ظنكوا و الرواية تنال اعجابكم؟..

رواية إمرأة في عصمة صعيدي للكاتبة سلسبيل كوبك الفصل الثالث

محسن(بخوف): تسنيم..

ديما: ثانية..

ديما طلعت شنطتها و طلعت البرفيوم و قعدت تشممه لتسنيم..

تسنيم(و هي بتفوق): آه ديما انتي هنا؟

ديما(بابتسامة): كدة يا مزة تقلقينا عليكي يا مزة انتي..

حسن(بحدة): ممكن افهم ايه الكلام ده يا حسن؟

محسن(بتوتر): يا خوي..

ديما(بفرحة): الله حضرتك عمو حسن الكبير صح، انا ديما كان نفسي اجي هنا كتير بس بابا كان بيقولي بعدين..

ديما قامت بكل نشاط و قربت من دعاء و مدت ايديها..

ديما(بابتسامة واسعة): انا ديما انتي مين؟

دعاء(بابتسامة): انا دعاء..

ديما قربت من اللي جمبها و عملت نفس الحركة..

ديما: انا ديما و انتي؟

فيروز(بخفوت): فيروز..

ديما: تشرفت بيكوا..

ديما: و انتي؟

سارة: انا سارة..

ديما: و انت؟

علاء: محسوبك علاء ابن عمك..

ديما: تشرفت بيك، اينعم كان نفسي يبقي عندي اخ بس ممكن اعتبرك اخويا صح؟

علاء: اكيد اكيد..

محسن: لا يا ديما انتي عندك اخ..

ديما(بصدمة): انت متجوز على ماما؟

تسنيم: يا حبيبتي هفهمك..

ديما: هتفهموني ايه و انتي ازاي موافقة ان بابا يتجوز عليكي..

جملات: ليه بس يا حبيبتي عادي هنا عادي..

ديما: مين حضرتك؟

جملات: انا مرات ابوكي يا حبيبتي، و اعتبريني امك التانية..

ديما: ماما انتي موافقة على الكلام ده؟

تسنيم(بخوف من ردة فعل ديما): اه يا حبيبتي..

ديما(بابتسامة واسعة): تمام، فين اخويا بقي؟

محسن: اهو خالد..

ديما جريت على خالد و حضنته، و خالد كان هيبعدها عنه بنفور بس نفي الفكرة لما قالت..

ديما(بدموع): كان نفسي يبقي عند اخ كبير اخد رأيه و يفضل يرزل عليا، و كان نفسي في اخ كبير يحميني من اي شخص يحاول يضايقني..

و بعدين ديما بعدت عنه و ضحكت..

ديما(بابتسامة): بس مش مشكلة الايام جاية انا ديما عندي 24 سنة و انت؟

خالد: اكبر منك بسنتين...

ديما: تمام..

ديما: فين عمو ايمن و عمو علي؟

ايمن: انتي تعرفينا؟

ديما: اه ماما و بابا كانوا دايما بيتكلموا عن الكل..

حسن(بصرامة): و مين قال اننا هنتقبلك؟

محسن(بصدمة): اخوي(اخويا)دي بتي(بنتي)...

ديما: ليه حضرتك انا ابقي بنت اخوك؟

حسن: و انا مش هعترف بيكي..

جملات: ليه بس يا حاج؟

حسن: هو كان بيكدب عليكي و كمان مش كفاية انه متجوز عليكي و كمان طلع مخلف...

فتحية: اصبر بس يا حاج..

تسنيم: يا حاج دي برضو مهما كانت بنت اخوك..

حسن: هتتقبلها يا خالد؟

ديما بصت لخالد ببرائة و الدموع متجمعة في عنيها و هو مقدرش يرفض...

خالد: اه يا عمي..

ديما نطت و قعدت تضحك..

ديما(بابتسامة): شكرا..

حسن سابهم و مشي...

فتحية: تعالي يا حبيبتي انا خالتك فتحية مرات عمك الكبير..

عبير: ايه ده اللي انتي لابساه معندكيش حياء..

ديما: و حضرتك مضايقة ليه؟

عبير: لانك من عائلة القاضي وهتخشي النار بلبسك ده..

ديما: تصدقي عندك حق لازم اغير لبسي بقي علشان انتي اللي هتخشي النار مكاني و هتتحاسبي..

جاسر(بحدة): انتي من عائلة القاضي و عائلة القاضي معروف عنها الانضباط و الاحترام مش السفالة دي..

محسن: جاسر ديما ملكش دعوة بيها..

ديما: حبيبي يا بابتي انقذته من ردي..

جاسر: انا ماشي..

جاسر و خالد طلعوا ناموا...

دعاء(بابتسامة): انتي عسل اوي..

ديما: شكرا يا روحي..

فتحية: يلا بقي انتي شكلك تعبانة عايزة اوضة لوحدك..

ديما(بتفكير): اممممم..

ديما راحت و مسكت في دراع فيروز..

ديما: هنام مع السكر دي..

فيروز(بخفوت): براحتك..

ديما: باي ماما باي بابا..

ديما طلعت مع فيروز...

عبير: معندهاش حياء..

علاء: هي دي بنتك ازاي يا عمي؟

محسن: ديما مش زي اللي في دماغك يا علاء..

علاء: لا طبعا دي مهما كانت بنت عمي..

جملات: يلا يا تسنيم و يا حاج اطلعوا ريحوا..

تسنيم: بس..

جملات: يلا بقي..

محسن راح باس رأس جملات وطلع هو و تسنيم لاوضة..

اسماء: انتي يا بت يا سارة..

سارة: ها..

اسماء: مالك مبحلقة كدة ليه؟

سارة: البت جميلة اوي و بيضة اوي..

عبير: ده كله بدرة..

اسماء: طب يلا الكل على النوم...

الكل طلع نام، و فتحية راحت لحسن..

فتحية: مالك يا حاج؟

حسن: مش قابلها..

فتحية: ليه بس دي روحها جميلة..

حسن: مش عارف..

فتحية: استهدي بالله بس، البت قمر و روحها طيبة هو بس لبسها..

حسن: طب يلا هنام..

فتحية: نوم الهنا يا رب...

فتحية و حسن ناموا...

-في اوضة فيروز..

ديما: ما تفكي كدة..

فيروز: اعمل ايه؟

ديما: قومي البسي براحتك كدة ارقصي فكي شعرك اعملي اي حاجة تبسطك بدل كدة...

فيروز: لا هنام، عن اذنك..

ديما: انتي كدة انطوائية و انا رغاية احذري مني..

و بعدين تليفون ديما رن، الخط اتفتح..

دنيا: يا واطية يا زبالة يا حقيرة يا حيوانة...

ديما: بسسسسسسس، ايه يا حبيبتي راديو..

دنيا: تمشي من غير ما اعرف و الاقي في الاخر رسالة انك مسافرة طب خديني معاكي يا واطية..

ديما: يا بنتي انتي عارفة ايه اللي حصل اساسا؟

دنيا: لا..

ديما: يبقي يا حيوانة متحكميش كدة و خلاص..

دنيا: احكي يا شهرزاد...

ديما حكت كل حاجة لدنيا من ساعة اتصال السواق لغاية ما بتكلمها...

دنيا: اوف ده كله حصلك..

ديما: شوفتي..

دنيا: الواد كان مز..

ديما: شوفي بكلمك في ايه و انتي بتتكملي في ايه؟

دنيا: يعني كان مز..

ديما: يعني عادي مش بطال..

دنيا: اه تمام، يا بختك سافرتي و انا هقعد هنا اتكلم مع الحيطان..

ديما: طب ايه رأيك تيجي..

دنيا: لا يا ستي عمك ده ممكن يأكلني ده مش طايقك هيطقني انا..

ديما: طب هقولهم بكرة..

دنيا: طيب..

ديما: طب سيبيني بقي اليوم كان متعب اوي..

دنيا: تمام، تصبحي على خير..

ديما: كوابيس سعيدة دنيا..

دنيا: انا و انتي يا روحي..

و كل واحدة قفلت مع التانية وناموا...

-في الصباح الباكر...

الكل صحي، و فيروز حاولت تصحي ديما..

ديما: طيب انزلي و انا قايمة..

فيروز: تمام..

فيروز نزلت و ديما كملت نوم..

حسن(بسخرية): فين الانسة؟

فيروز: قالت قايمة..

فتحية: براحة عليها يا حاج..

حسن: فتحيةو لا كلمة..

فتحية: حاضر..

محسن: معلش اصلها مش متعودة تصحي بدري او كدة...

تسنيم: بعد اذنك خف عليها شوية لانها حساسة و دموعها بتنزل بسرعة...

عبير: هي على رجليها نقش الحنة...

جملات: عقبال ما تتعود يا عبير..

ايمن: بس بنتك دي يا محسن عسل اوي و بسكوتة كدة..

محسن: تسلم يا ايمن..

دعاء: هي كانت جاية معاك ليه يا جاسر؟

جاسر: انا لقيتها واقفة في الشارع و خايفة و سألتها و بعدين جبتها لهنا علشان نتأكد...

تسنيم: هي ديما كدة علطول بتخاف من اقل حاجة، معلش.

حسن(بسخرية): حتى مسمينها اسم مايع و مايص..

ديما: و حضرتك تعرف معني اسمي علشان تحكم عليه؟

حسن: و ده ليه معني اساسا؟

ديما: طبعا و انا فخورة باسمي لانه مفهوش اي إساءة اسمي ديما يعني المطر المطر بدون رعد او برق..

فتحية: اقعدي يا حبيبتي كلي اقعدي..

ديما: شكرا يا طنط..

سارة: اسمها مرات عمي..

ديما: شكرا يا طنط..

سارة(بغيظ): ما تسمعي الكلام يا بت..

ديما: ليه لتكوني حضرتك امي و انا معرفش، و كمان انا بقول طنط عجبك عجبك مش عجبك رأيك ميهمنيش...

تسنيم(بحدة): ديما...

ديما: ما هي اللي عصبتني الله..

خالد: اقعدي و كلي في صمت..

ديما(بابتسامة): عيوني انت يا جمر و الله انت جمر..

جاسر: احترمي نفسك..

ديما: اخويا الله..

جاسر: عندنا هنا في حدود للكلام..

ديما(بسخرية): و يا تري كام مرة لازم اتنفس؟

ايمن: خلاص يا جماعة كملوا اكل، و انت يا جاسر اهدي هي لسة جديدة...

على: النهاردة اجازة..

ديما: هو ممكن حد يوديني اتفرج على البلد؟

علاء: طبعا انا اتشرف اني اوريكي البلد..

عبير: لتكون الخدام بتاعها..

ديما: لا خالص ده زي اخويا..

محسن: لا يا ديما انا هبقي اوديكي، او خالد..

ديما: ربنا يخليك ليا يا بابتي..

ديما: اوف نسيت اطمن على بطتي..

اسماء: انتوا عندكوا بط في البيت؟

تسنيم: لا دي ناصرة..

اسماء: اه..

ديما طلعت تليفونها و اتصلت ب ناصرة تحت انظار الكل، الخط اتفتح..

ديما: و الله اسفة يا بطتي و الله عارفة اني سافرت من غير ما اقولك اسفة...

ناصرة: كدة تقلقيني عليكي...

ديما: خلاص بقي يا بطتي اسفة..

ناصرة: ماشي يا ديما..

ديما: يعني سماح..

ديما: و انتصار..

ناصرة: مجنونة..

ديما: هي البت جت عندك..

ناصرة: اه و بتأكل اهو...

ديما: همها على بطنها بنت اللظينة دي..

دنيا: عايزة ايه يا رخمة؟

ديما: اوف تصدقي نسيت موضوع امبارح اقفلي باي..

ديما قفلت التليفون و الكل بصلها بدهشة..

ديما: عمو حسن ممكن طلب؟

حسن: لا..

ديما: بليز بليز بليز بليز، و حياتي عندك طب و حياة الواد الطويل ده ابنك بليز..

جاسر(بغيظ): انتي اللي قصيرة..

ديما: مش وقتك اصبر..

حسن: اخلصي عايزة ايه؟

ديما: ممكن صاحبتي دنيا تيجي هنا؟

حسن: لا..

ديما: بليز يا عمو دي صاحبتي و اختي و متربين مع بعض و البيت جمب البيت و كنا بنام مع بعض على نفس السرير بليز..

على: متكسفش البت يا كبيرنا..

ايمن: شايف بتبصلك ازاي؟

ديما كانت بتبص زي الاطفال و خلاص هتعيط...

حسن: ماشي...

ديما(بفرحة): حبيبي يا عمو..

ديما قامت باست حسن من خده..

محسن: ديما تعالي اقعدي..

ديما: ليه هو مينفعش ابوس حد من خده و لا ايه؟

تسنيم: مفيش حاجة يا حبيبتي محدش عارف يأكل منك..

ديما: اسفة..

و الكل كمل اكله و هو مستغرب من تصرفات ديما..

ديما: متبصوش ليا كدة اه مبحبش البياض و بأكل الصفار بس...

خالد: كلي بقي و اسكتي شوية...

ديما(بلطافة): حاضر...

حسن: هاتوا شاي الرجالة في المجلس..

فتحية: حاضر..

كل الرجالة دخلت اوضة المجلس و قعدوا يتكلموا..

ديما: انتي بتدرسي ايه بقي يا دعاء؟

دعاء: انا في ثانوي، 3 ثانوي..

ديما: اه ربنا معاكي، علمي؟

دعاء: اه نفسي ابقي دكتورة ان شاء الله..

ديما: ان شاء الله تحققي حلمك..

ديما: مالك يا فيروز مش بتتكلمي ليه؟

فيروز: مفيش حاجة، عن اذنكوا..

ديما: لا و النبي، استني هنا لا بصي فرفشي كدة و هيصي يا بنتي الحياة مش مستاهلة اننا نزعل خالص..

فيروز(بدموع): عن اذنكوا...

ديما لسة هتروح وراها...

جملات: شوفوا مين هيدخل الشاي..

دميا: هاتي يا طنط..

اسماء: دعاء تعالي قطفي الملوخية..

دعاء: ورايا مذاكرة..

ديما: انا يا طنط هعمل كدة، ثانية واحدة بس..

جملات: و نعمة التربية يا تسنيم..

تسنيم: تسلمي..

ديما: طب دول بس كوبايات مين؟

اسماء: دي الحاج حسن و التلاتة دول اعمامك التانين و ابوكي، و دي بتاعت خالد اخوكي و دي جاسر و دي بتاعت علاء...

ديما: طب ايه الفرق؟

اسماء: جاسر مش بيحب السكر في الشاي..

ديما: في حد مش بيحب السكر، عموما ماشي..

ديما راحت ناحية المجلس...

فتحية: بنتك بسم الله ما شاء الله عليها قمر...

تسنيم: شكرا ليكوا و الله هي طيبة و بتحب تساعد تعمل كل حاجة بس مش عارفة اذا كانت عبير هتسيبها في حالها و لا...

جملات: هنقف ليها متخافيش..

تسنيم: بجد يا جملات انتي اصيلة اوي...

-عند ديما...

ديما دخلت المجلس من غير ما تخبط..

حسن: ازاي تخشي من غير استأذان؟

ديما: اسفة بس انا ماسكة الصينية..

محسن: تعالي يا حبيبتي..

ديما: تمام..

ديما حطت الصينية وبدأت توزع الكوبايات..

خالد: ما تجيبي يا بنتي..

ديما: ما هو الصراحة مش فاكرة فين بتاعتك و فين بتاعت جاسر..

ايمن: انتي بتنسي بسرعة..

ديما: ايه الاحراج ده؟

ديما شربت كوباية و بعدين ظهر على وشها الجزع..

ديما: دي كوبايتك لانها مفهاش سكر..

علاء: عرفتي منين انه مبيشربش بالسكر؟

ديما: طنط قالتلي..

حسن: خلاص يا حبيبتي روحي انت..

ديما: تمام يا بابتي هروح اقطف الملوخية باي..

ديما خرجت بسرعة و راحت على مكان الستات..

ايمن: بسم الله ما شاء الله..

محسن: هي ديما بتحب تساعد..

على: ربنا يحفظها..

علاء: امين..

حسن: بس انت كدبت يا محسن..

محسن: كنت خايف عليها يا حسن..

حسن: من ايه؟

محسن: متنساش العداوة اللي بينك و بين عائلة الفهد، و عائلة صقر..

خالد: طب ما هي جت اهي..

محسن: هي جت لما عرفت ان انا تعبان هي قالت لمامتها و مامتها قالتلي، لكن رفضت تقول مين اللي قالها..

حسن: اجبرها..

محسن: مهما حصل ديما مش هتفضح حد..

جاسر: غريبة..

محسن(بضحك): ديما قلبها طيب و هبلة..

-عند ديما...

ديما: اشغل اي حاجة تفرفشنا..

تسنيم: بلاش يا ديما..

ديما: ليه بس؟هشغل..

فتحية: سيبيها براحتها..

ديما: قلبي يا رب...

ديما بدأت تشغل اغنية حماسية و بتقطف الملوخية..

جملات(بضحك): ده انجليزي ده يا مرسي؟

ديما: ايه ده انتوا بتعرفوا تهزروا زينا اهو..

اسماء: فاكرة ايه؟

سارة: ايه المسخرة دي؟

ديما: بنرقص..

سارة: عمو حسن لو عرف هيزعق..

ديما: ليه هو احنا بنعمل حاجة غلط قدام ناس غريبة و كمان احنا ستات..

دعاء(بفرحة): مين ده اللي مزاجه عالي؟

ديما: تعال يا بيبي نرقص..

ديما هي و دعاء بيرقصوا و بيضحكوا و ديما قاعدة عمالة تلف بسرعة لغاية ما خبطت في جاسر و هو مسكها بسرعة...

ديما: انا دوخت..

جاسر: ايه ده؟

جاسر ساب ديما و بص لسارة اللي بصتله بغيظ..

فتحية: عايز ايه يا حبيبي؟

جاسر: الحاج بيقولك الاكل جهز؟

اسماء: اه فاضل الملوخية، هاتي يا ديما..

ديما(باحراج): ها؟

جملات: هي فين؟

ديما: الصراحة لسة مخلصتهاش..

سارة: ما طبعا كنتي بتترقصي..

خالد: في ايه؟

سارة: كانت بتترقص الهانم اختك..

ديما: ما انا مكنتش برقص قدام حد غريب و كمان ده مش رقص، ده مجرد تحريك لاعضاء جسمك...

خالد: خلاص انجزوا حضروا الغداء، يلا يا جاسر..

جاسر و خالد رجعوا لباقي الرجالة...

تسنيم: معلش علشان ديما مخلصتش الملوخية..

ديما: اسفة..

جملات: و لا يهمك ابقي اتعودي يا روحي عادي..

ديما: شكرا يا طنط...

سارة مشيت بكل غيظ و غضب، و بعدين لقت حد بيسحبها..

سارة: جاسر..

جاسر: زعلانة ليه؟

سارة: شايف كنت ماسك البت المصراوية دي ازاي؟

جاسر: دي كانت هتقع فمسكتها بس..

سارة: و لا علشان هي جميلة، علفكرة بقي ده كله بدرة و مكياج..

جاسر: حبيبتي بتغير يا ناس..

سارة: اه طبعا بغير..

جاسر: طب ما انا عارف ان ده كله بدرة و انا مبحبش غير الاصل يا حبيبتي انتي..

سارة: طب ابعد الحق امشي قبل ما حد ما يشوفنا..

جاسر: بحبك..

جسار باس رأس سارة و مشي، و سارة ابتسمت و مشيت..

بعد فترة..

ديما(بمرح): الاكل يا جدعاااااااان..

محسن(بضحك): مش هتتغيري..

ديما: لا، يلا يا جماعة علشان الاكل و انا اللي عاملة الملوخية تمام...

محسن: يعني اجيب دواء مضاد للتسمم..

ديما: خليك عارف بتشكك في قدراتي تمام..

ديما راحت و الرجالة جت و بدأوا يأكلوا، و حسن اول ما كل داق الملوخية...

ديما(بأمل): عجبتك؟

حسن(بطرف عينه): مش بطالة..

محسن: حلوة اوي يا حبيبتي..

خالد: تسلم ايدك..

علاء: ما هو القمر مبيعملش غير حاجة حلوة زي..

ايمن: علاء، تسلم ايدك يا ديما..

ديما: تسلموا، بس طنط جملات و طنط فتحية ساعدوني، فاشكروهم هما الاول..

جملات: يا حبيبتي انتي سكر اساسا..

تسنيم: اه فين ديما المغرورة؟

ديما: سيبيني بس اتعود و هتلاقي ديما القديمة موجودة..

سارة: مش فاهمين..

تسنيم: ديما بتفضل تقول على نفسها و الله انا جمر و الله القمر يجي يتصور معايا، و تفضل تمدح في نفسها..

ديما: بدل الجفاء اللي الواحد عايش فيه، هو انا لقيت حد قالي كلمة حلوة و رفضت الله...

محسن: بس يا لمضة..

فيروز: الملوخية حلوة اوي يا ديما..

عبير: لسانك اتعدل..

دعاء: هو مفيش تاني و لا ايه لا هزعل...

ديما: الله يجبر بخاطرك يا ستي..

دعاء: لا و الله حلو اوي..

ديما: طعا يا روحي مش انا اللي عاملاه اكيد حلو..

تسنيم: هنبدأ غرور بقي..

تليفون ديما رن، الخط اتفتح..

ديما: الو ايه يا بنتي؟

دنيا(بعياط): انا توهت يا ديما..

ديما: ازاي؟

دنيا(بعياط): معرفش انا في حتة مقطوعة و السواق تعبان اوي انا خايفة...

ديما: طب اهدي خلاص متعيطيش..

محسن: في ايه يا ديما؟

ديما: دنيا تاهت يا بابا..

محسن: طب وديني التليفون..

ديما: اتفضل..

دنيا: الو يا عمو بليز الحقني..

محسن: خلاص اهدي في ايه؟

دنيا: توهت و السواق مش بيرد عليا..

محسن: طب اوصفيلي انتي فين بالظبط..

دنيا: في حتة مقطوعة و يافتة مكتوب عليها().

محسن: خلاص عرفت انتي فين، اهدي و خليكي في العربية لغاية ما اجيلك..

دنيا: حاضر، بس بسرعة بليز..

محسن: خالد معلش هتروح عند()دنيا تاهت معلش، بس بسرعة..

حسن: مين دنيا؟

ديما: صاحبتي يا عمو..

خالد: تمام عن اذنكوا..

ديما: استني هاجي معاك..

خالد: طيب تعالي...

حسن: روح معاهم يا جاسر..

جاسر: بس..

حسن: يلا..

ديما و خالد و جاسر ركبوا العربية جاسر و خالد قدام و ديما ورا...

-بعد فترة...

ديما: اهي العربية..

ديما نزلت بسرعة و راحت للعربية ملقتش حد..

ديما(بدموع): دنيا...

جاسر: في ايه؟

ديما(بدموع): دنيا مش موجودة..

خالد: خلاص اهدي، اتصلي بيها..

ديما طلعت تليفونها و حاولت تتصل بدنيا لكن تليفونها بيدي جرس بس..

ديما: مش بترد..

جاسر بص لخالد بنظرة هو فهمها...

خالد: ديما روحي العربية و متخرحيش منها مهما حصل..

ديما: ابدا..

جاسر(بحدة): ما تسمعي الكلام..

ديما: لا اشوف صاحبتي الاول..

خالد: العند هنا ملهوش لازمة، انجزي اسمعي الكلام..

ديما: انا مش بعاند بس مش هسمع الكلام الا لما اشوف صاحبتي..

جاسر: لو عايزانا نلاقي صاحبتك اركبي العربية..

ديما بصت ليهم و بعدين راحت ركبت العربية..

و جاسر و خالد اتحركوا..

جاسر: تفتكر..

خالد: ليه لا، ما هما شلة فاسدة اسااسا..

جاسر و خالد راحوا لمكان فيه بيت صغير زي كوخ كدة...

و سمعوا صوت صريخ مكتوم، و شباب بيضحكوا..

خالد و جاسر دخلوا..

شاب1(بخوف): جاسر بيه...

جاسر: ايه اللي انتوا بتعملوه ده؟

خالد بص على البت اللي بتبصلهم برجاء( اه هي دنيا)..

خالد: انتي صاحبة ديما؟

دنيا هزت رأسها كتير بمعني اه..

جاسر: حسابكوا من الحاج حسن القاضي..

شاب2: مش بنخاف..

و بدأ يمسك عصاية خشب و يضرب جاسر لكن جاسر تفادي ضربة العصاية، و بدأ يضرب هو و خالد..

و بعدين خالد فك الحبل عن دنيا و الرباط اللي على بوقها..

خالد: انتي كويسة؟

دنيا: اه اه..

خالد: قومي..

دنيا: فين ديما؟

خالد: رايحين ليها..

خالد و دنيا و جاسر كانوا ماشين و فجأة سمعوا صوت صريخ...

ديما(بصريخ): الحقووووووووني...

رواية إمرأة في عصمة صعيدي للكاتبة سلسبيل كوبك الفصل الرابع

دنيا: دي ديما..

جاسر: خليك..

جاسر جري بسرعة ناحية ديما..

خالد: مدي شوية...

دنيا: حرام عليك انا تعبانة و بحاول امد علشان خاطر ديما...

جاسر راح عند ديما لقي واحد بيحاول يكتم صوتها..

جاسر: انت اتجننت ابعد عنها..

شاب: ابدا...

جاسر: اتقي شري...

شاب: البت دخلت دماغي..

ديما كانت واقفة عمالة تعيط، و بعدين لقت حد بيضرب الشاب اللي وراها و اتزقت على جاسر اللي مسكها علطول...

لكن الشاب مسك ازازة بيرة من اللي كان جايبهم و كسرها..

شاب: اللي هيقرب مني هفتحله رأسه...

دنيا: احنا معملناش ليك حاجة..

خالد: لو راجل اعملها..

جاسر: انت عارف انك ضعيف..

ديما: لو سمحت امشي و محدش هيأذيك صدقني بس بليز امشي..

و بدون مقدمات دنيا مسكت ازازة بيرة تانية و فتحت دماغ الراجل، و خالد و جاسر اتصدموا..

ديما(بفرحة): اختي..

دنيا: قلبي انتي..

ديما و دنيا قعدوا حاضنين بعض لمدة دقيقتين..

جاسر: ما تنجزوا..

دنيا(بهمس): مين الرزل ده؟

ديما: ده جاسر ابن عمي..

دنيا: بقي كدة..

ديما: ما تتلمي يا بت..

دنيا(بهمس): و الواد المز ده مين؟

ديما: اخويا خالد..

خالد: يلا انا جبتلك الشنط، انجزوا اركبوا و لا عاجبكوا المنظر..

ديما: خلاص..

ديما و دنيا ركبوا و جاسر بدأ يسوق و جمبه خالد..

و بعد فترة وصلوا للبيت..

خالد: انزلوا..

ديما(بتردد): خالد..

خالد: ايه؟

ديما(بتوتر): بليز بلاش تقول لبابا على اللي حصل..

جاسر: اشمعنا؟

دنيا: هيزعل مننا، و هيضايق و هيفضل يفحصنا و يجيب دكتور...

خالد(بسخرية): للدرجة دي بيحبك..

ديما: هتقولوا ليه؟

جاسر: انزلوا..

دنيا: بس..

خالد: ما تنزلوا هي شغلانة..

ديما و دنيا نزلوا و خدوا شنطة دنيا و دخلوا للبيت..

فتحية: يا مرحب يا مرحب..

جملات: نورتي..

دنيا(بهمس): الله شكلهم حلو اوي..

ديما: و انا منورتش و لا ايه؟

اسماء: ده انتي النور كله، اتفضلوا..

تسنيم: ديما في اوضة ليكي انتي و دنيا هتقعدوا فيها..

ديما: يعني مش هنام مع فيروز..

دنيا: اه يا واطية اسيبك يوم تروحي تحبي في غيري..

ديما: ايه يا اسطا، عديها..

دنيا: ده انا هقتلك..

ديما(بصريخ): يا ماما..

دنيا فضلت تجري ورا ديما تحت صوت ضحكهم...

دعاء: الله شكلهم حلو اوي..

تسنيم: دول تؤام يا بنتي..

ديما: بليز يا دعاء متخلهاش تمسكني...

دنيا: ايه ده مين القمر ده، ممكن نتعرف؟

دنيا: همتعك...

ديما: اه يا واطية بتحبي في غيري..

حسن: ايه الصوت العالي ده؟

دنيا: هو ده العوووو...

ديما مقدرتش تمسك نفسها من كتر الضحك وقعت على الارض...

محسن: طول عمرك هبلة...

تسنيم: عيب يا دنيا..

حسن(بحدة): بطلي ضحك...

ديما: اسفة..

على: شرفتي يا بنتي..

دنيا: شكرا يا عمو..

ايمن: البيت نور..

علاء: اوبا هو احنا روحنا القاهرة و لا ايه..

جاسر: علاء اخرس..

خالد: يلا اطلعوا..

دنيا(بهمس): طب يأمرك انتي لانك اخته يأمرني انا ليه؟

ديما: ده شكلهم من النوع اللي بيذل الواحد..

جاسر(بخبث): هتطلعوا و لا؟

ديما لاحظت نظرة الخبث اللي في عيونه و نبرة صوته...

ديما: و لا..

جاسر: طيب يا عمي، (و لسة هيكمل كلام)..

ديما: يا بابا احنا لما روحنا لقينا دنيا مخطوفة و هما راحوا جابوها و بعدين في واحد جه و كان عايز يخطفني بس اخويا و ابن عمي انقذوني انا و دنيا...

جاسر اتصدم من انها حكت الموضوع من غير خوف..

محسن: طب حصلك حاجة؟

ديما: متقلقش يا بابتي احنا بخير، و محدش يقدر يهزنا و لا يذلنا، و لا ايه يا دنيا..

دنيا: طبعا يا روحي..

سارة: هو في ايه؟

دنيا: مين؟

سارة: انتي اللي مين؟بس باين من لبسك انك صاحبة المايصة..

فتحية: سارة احترمي نفسك..

ايمن: العشاء جهزوه...

تسنيم: تمام، اطلعوا ارتاحوا عقبال ما نحضر..

ديما: تمام ممكن حد يوريني اوضتي..

اسماء: روحي يا فيروز..

فيروز ورتهم الاوضة و ديما لقت هدومها منقوله..

ديما: شكرا يا سكر معلش تعبتك..

فيروز: و لا يهمك..

دنيا: هي مالها؟

ديما: و حياتك لسة معرفش..

دنيا: علشان خايبة..

ديما: حوش حوش...

دنيا: يععع بيئة..

ديما: و النبي...

-بعد فترة...

الكل كان قاعد على السفرة...

حسن: مين اللي خطفهم يا جاسر؟

جاسر: الشباب الصايعة اللي حضرتك عارفهم يا حاج..

حسن: بعد الاكل اعمل قعدة عرب..

محسن: لا لا بلاش يا خوي..

حسن: سمعتني يا جاسر؟

جاسر: طبعا يا حاج..

على: سيبه يا محسن نجيب حق بنتك..

ديما: في ايه؟

عبير: هيعملوا قعدة عرب هيجيبوا حقك انتي و السنيورة اللي جمبك...

دنيا: لا ما احنا خدنا حقنا انا ضربت الشاب على رأسه...

علاء: لا برضو حقكوا لازم يجي انتوا من عائلة القاضي..

ديما: مليش فيه انا عايزة اتجول في ام البلد بقي انا مش جاية اتحبس..

على: خلي خالد يوريكي..

خالد: انا هسافر القاهرة ورايا شغل..

ديما: طالما انت كنت بتسافر القاهرة مكنتش بتيجي ليه تزورنا..

خالد ساب الاكل و بصلها بسخرية و قام...

حسن: من ساعة ما جيتي مجبتيش غير المشاكل..

حسن قام، و وراه ايمن و على..

ديما(بدموع): انا عملت ايه؟

جاسر(لنفسه): ايه كمية الطفولة دي؟

محسن: مضايقيش نفسك يا حبيبتي..

دنيا: خلاص با بنتي اكيد ميقصدوش..

ديما: تمام...

و بعدين الكل قام، و الستات راحت للمطبخ..

ديما: لو سمحت يا طنط جملات ممكن دقيقة؟

جملات: ماشي يا حبيبتي..

جملات و ديما راحوا للجنينة..

ديما: ممكن افهم هو ايه اللي حصل زمان مخلي عمو يكرهني هو و خالد..

جملات: يا حبيبتي متشغليش بالك عمك و اخوكي مستحيل يكرهوكي..

ديما(بدموع): بس انا مُصرة اني اعرف..

جملات: يا بنتي زمان جدك ابو ابوكي كان زي عمك حسن كدة بالظبط بنفس القسوة و الغلظة بس اطيب منهم مفيش، ابوكي سافر القاهرة و حب امك و جه هنا قال لجدك و جدك رفض و بعد محاولات كتيرة جدك قاله هتتجوز بس بشرط انك تتجوز واحدة من البلد هنا، و ابوكي وافق و اتجوزني و بعدها حملت علطول و خلفت خالد، و كان ابوكي مستمتع مع مامتك في مصر و مكنش بيجي يزورني انا و خالد هنا خالص، علشان كدة خالد مضايق شوية..

ديما: شكرا يا طنط معلش تعبتك...

جملات: و لا يهمك...

جملات قامت مشيت و بعدين دنيا جت قعدت جمب ديما..

دنيا: يا قوم نحن هنا..

ديما: خير؟

دنيا: بتفكري في ايه؟

ديما: مفيش..

ديما قامت و طلعت على السلالم و وصلت لاوضة و خبطت الباب، و دخلت..

ديما: فاضي؟

جاسر: خير؟

ديما: ممكن اتكلم دقيقتين؟

جاسر: تمام نازل وراكي..

ديما: لا عادي..

ديما دخلت وقعدت على الكنبة، تحت انظار جاسر المندهشة..

ديما: اتكلم..

جاسر: قولي..

ديما: هو خالد بيحب ايه او عيد ميلاده امتي؟عايزة اعرف كل حاجة عنه..

جاسر: ليه؟

ديما: مش اخويا..

جاسر: مش فاضي..

ديما: مش مشكلة هات رقمك و نبقي نتكلم...

جاسر: انتي هبلة؟

ديما: في ايه؟

جاسر: انتي عارفة انك في اوضتي ده معناه ايه؟

ديما: ايه؟انا و انت زي الاخوات، هات رقمك بس..

جاسر باصص ليها بصدمة، ديما خدت التليفون و بدأت تسجل رقمها عنده، و خدت رقمه..

ديما: باي اشوفك بعدين..

ديما سابته و نزلت و هو مدهوش من تصرفها...

-بعد ساعة...

كل الرجالة لبست العبايات الصعيدية و جهزوا علشان رايحين قعدة العرب...

ديما(لنفسها): ايه ده؟هما كمان الشباب بيلبسوا عبايات يععععع...

دنيا(لنفسها): احم هو في ايه؟دول جمال اوي..

فتحية: هتعوزوا حاجة؟

حسن: لا..

و الرجالة راحت مكان القعدة..

ديما: انا عايزة اشوف..

دعاء: مينفعش..

دنيا: ليه بس؟

دعاء: كدة..

ديما: تعالي بس هما بيتكلموا ربع ساعة و نيجي..

دعاء: ابدا انسوا...

بعد فترة...

فيروز: هاي..

سارة: ايه ده فيروز بتتكلم مطلعتيش خارسة..

فيروز بصت ليهم باحراج و عياط و طلعت جري لاوضتها...

ديما(بغضب): انتي مجنونة يا بت انتي؟

سارة: مين دي اللي مجنونة؟

دنيا: مش محترمة فعلا...

دعاء: شخصية رزلة..

و التلات بنات طلعوا لفيروز...

ديما: في ايه يا قمر؟

فيروز: مفيش..

دنيا: يا بنتي خليكي فري كدة فرفشي الدنيا مش محتاجة زعل..

دعاء: يلا بقي يا فيروز..

ديما: طب في سبب؟

دعاء: لا هي انطوائية كدة من زمان..

دنيا: اه..

ديما: ده احنا هنولعها يلا يا دنيا..

دنيا شغلت اغاني على موبايلها و قعدت هي و دنيا يرقصوا و قوموا فيروز و دعاء...

-في مكان تاني..

عند الرجالة...

حسن: انتوا مش ناويين تتلموا؟

شاب1: غلطة يا كبيرنا..

شاب2: ما هو مفيش واحدة بلبسها ده و في الوقت المتأخر ده و تكون واقفة في حتة مقطوعة الا اذا كانت..

محسن: دي تبقي بنت صاحبي و من القاهرة و كانت تايهة..

شاب3: طب ما البت علمت عليا اهو...

جاسر(بهمس): مش هنخلص..

خالد(بهمس): اسكت..

راجل: طب و البت التانية؟

جاسر: كنا مخلينها في العربية لغاية ما نجيب صاحبتها...

راجل: هو انتوا بيتكوا بقي فندق..

خالد: متدخلش في اللي ملكش فيه..

حسن: البت هتقعد كام يوم هي و صاحبتها و تمشي..

شاب: يعني كانت مع جاسر و خالد يعني هي سمعتها وحشة..

محسن: لا...

حسن: ملناش دعوة هي هتقعد يومين و هتمشي دي تعتبر سائحة...

راجل: يبقي ايه لازمة قعدة العرب طالما متقربش ليكوا...

ايمن: البنت كانت في ضيافة الكبير يبقي لازم نرد ليها حقها، و ده واجب الكبير بتاعنا...

شاب: و ايه المطلوب؟

حسن: طول ما البنات دول موجودين محدش يقرب منهم، فاهمين و الا هندمكوا باقي حياتكوا...

الكل: مفهوم...

محسن بص لحسن بنظرة حزن و عتاب و سابهم و مشي...

و الكل رجع على البيت...

ديما: بابتي..

محسن(بحزن): ازيك يا حبيبتي..

ديما: اممممم شكل بابتي زعلان اتكلم الانكار مش هيفيدك يا محسن القاضي..

دنيا: ايه ده ايه ده محسن القاضي بجلالة قدره هنا و زعلان و احنا موجودين لا كدة لازم نثبت بقي..

تسنيم: ديما باباكي مش زعلان يلا بقي اطلعي تنامي..

ديما: الحق دي بتشتمني..

فتحية: هي قالت حاجة يا بنتي..

ديما: قولوا كدة بقي...

ديما: انت بتوزعني انت و ماما، طب و ربي لانام في حضنك النهاردة بس..

حسن(بحدة): بطلي دلع، مفيش حد بينام جمب ابوه لما يكبر..

دنيا: ده ديما لغاية دلوقتي ساعات بتروح تنام جمب عمو و طنط..

ديما(بضحك): بنام في النص..

ايمن: يعني بتقلي راحتهم..

ديما: يا عمو ده انا الراحة بذات نفسها..

دعاء: اه و الله البت دي جوهرة..

ديما: بس بقي بتكسف..

الكل قعد يضحك ما عدا جاسر و خالد و حسن...

دنيا و ديما: يلا بقي يا طنط /ماما شوفيلك اي حتة تنامي فيها..

محسن: ده بجد يا ديما؟

ديما: من امتي و انا بهزر؟

تليفون دنيا رن، الخط اتفتح..

دنيا: عم الناس و الله...

ديما: مين مين؟

دنيا(بهمس): اخرسي..

دنيا: اه مبسوطة اوي، و معايا ديما..

ديما شدت التليفون و قعدت تجري و دنيا وراها..

ديما: الو يا عمو اه احنا كويسين ابعت اي حد ياخد البت دي من هنا، مضايقانا و عاملة مشاكل..

ديما: ما تبطل احراج شوية الله..

دنيا: يا بت هاتي اكلم بابا..

ديما: في ايه؟

ديما(بفرحة): احلف، تمام اقفل..

دنيا: في ايه؟

ديما(بغناء): هيكتبوا الكتاب يا نقاوة عيني..

دنيا: هيكتبوا كتاب مين؟

ديما: مبروك يا بيبي جالك عريس...

دنيا(بصريخ): نعم يا اختي..

تسنيم: الواحدة مصيرها تتجوز يا دنيا..

دنيا: خلوا بنتكوا هي اللي تتجوز انا مالي..

محسن: العريس ده راجل اعمال و محترم و انا و ابوكي اتفقنا عليه..

ديما: الحقي محسن كان مشارك مع ابوكي..

حسن: معودهم على الدلع و المياصة، انجزي شوفي هترجعي بلدك امتي؟

ديما(بدموع): حضرتك ليه بتكرهني انا عملتلك ايه؟انا معملتش حاجة ليك و معملتش حاجة لخالد كنت بتمني يبقي عندي اخ بس هو رافضني..

ديما: و انا هريحكوا مني خالص، عن اذنكوا..

ديما طلعت جري على اوضتها و دنيا كانت هتطلع وراها لقتها قفلت الباب...

محسن: حرام عليك يا اخويا حرام البت مش هتستحمل..

تسنيم: لو بنتي حصلها حاجة هتقلب حريقة..

عبير: خليها تغور هي و البت المايصة اللي معاها..

خالد: عن اذنكوا..

خالد لسة هيمشي، لقي ديما نازلة بشنطة هدومها..

دنيا: ديما استهدي بالله...

ديما: طالما مش متقبلني في البيت ده يبقي مليش مكان فيه...

محسن: يا حبيبتي اسمعي كلامي و اهدي بس...

ديما: نعم يا بابا..

محسن: انتي عايزة ايه؟

ديما: امشي و حالا...

تسنيم: يا حبيبتي طب ايه رأيك نمشي كلنا بكرة..

ديما: لا و حالا يعني حالا..

دنيا: و انا جاهزة يا صاحبي..

جاسر: ايه الهبل ده؟انتوا مصدقين نفسكوا هتعرفوا تمشوا بليل كدة و يا تري هتعرفوا تحموا نفسكوا، اعقلوا..

دنيا: مش مهم حتى لو هنموت المهم اننا نبقي مع بعض..

ديما: وجودي بيسبب مشاكل لحسن بيه هو و خالد بيه، و انا مبحبش اكون تقيلة على حد..

فتحية: اهدي بس..

اسماء: اطلعي ارتاحي و بكرة نتكلم..

ايمن: اسمعي كلام مرات عمك...

محسن(بتعب): طب علشان خاطري يا ديما...

ديما(بصوت عالي): اوف يا رب...

دنيا: خلاص يا ديما..

ديما: ماشي يا بابا انا هكبرك وسط اهلك اللي هما مستحيل يبقوا اهلي، عن اذنكوا..

ديما طلعت تاني و دنيا وراها، و ديما قعدت تعيط..

محسن: شكرا يا خوي على الاستضافة بتاعتك، انا ماشي انا و مراتي و بنتي و صاحبتها بكرة ان شاء الله...

و الكل راح على اوضته...

جملات دخلت على خالد لقته بيعيط..

جملات: يا ابني هي ملهاش ذنب الذنب ذنب جدك..

خالد: مش قادر يا امي..

جملات: حاول، يلا انت وراك سفر بكرة...

خالد: تمام...

-عند فتحية و حسن..

فتحية: اللي انت بتعمله غلط..

حسن: سيبيني يا فتحية...

فتحية: مصعبتش عليك و هي بتعيط، مصعبتش عليك و هي بتتكلم..

حسن: نبقي نتكلم بعدين سيبيني انام...

-عند جاسر...

الباب خبط..

جاسر: سارة! عايزة ايه؟

سارة دخلت و قفلت الباب..

سارة: وحشتني..

جاسر: سارة عيب ارجعي لاوضتك...

سارة: هو حلال للمصراوية و حرام ليا..

جاسر: هي دخلت كانت بتسأل على حاجة و هي متعرفش عادتنا و تقاليدنا...

سارة: طيب يا جاسر عن اذنك..

جاسر: يا سارة متزعليش انا بحبك بس عايز احافظ عليكي..

سارة: و انا كمان، باي..

-في الصباح الباكر...

حسن: كل الاول و امشي يا محسن...

تسنيم: ماشي يا حاج..

الكل كان قاعد على السفرة..

دنيا: صباح الخير، فين ديما؟

محسن(بصدمة): ديما مش نايمة فوق...

دنيا: لا..

اسماء: اهدوا بس، حد يتصل بيها..

خالد(بعصبية): هي مجنونة دي و لا ايه؟

عبير: هتلاقيها شافت واد هنا و..

تسنيم: اخرسي يا عبير، بنتي اشرف منك و من بنتك..

سارة: واضح..

حسن(بحدة): خلاااص...

واحد من الغفر: يا كبير..

حسن: عايز ايه اخلص؟

الراجل: البت المصرواية في الترعة..

الكل بصله بصدمة و خالد و جاسر اول اتنين جريوا..

دنيا: وسعوا لازم اروح..

دعاء: الستات مينفعش تخرج خليكي هنا..

فيروز: اهدي بس يا بنتي..

تسنيم(بعياط): بنتي..

كل الرجالة راحوا للترعة و اتصدموا ما عدا محسن..

ديما(بزعيق): هتفضلوا باصين ليا خدوا الولد..

-خالد مسك منها الولد اللي هي كانت شايلاه...

جاسر مد ايده ليها و هي مسكت في ايده و جاسر طلعها، و اول ما طلعت قعدت تعطس كتير..

محسن: بنتي..

ديما: انا بخير..

و بعدين فجأة اغمي عليها بس مسكها جاسر...

حسن: اطلبوا دكتورة بسرعة...

جاسر شال ديما و راح بسرعة على البيت و اول ما دخل بيها الكل اتصدم...

تسنيم: بنتي يا محسن...

محسن: خلاص اهدي..

دنيا(بخوف): حصل ايه؟

ايمن: اهدوا الدكتورة هتيجي تطمنا..

جاسر: حد يطلع يغير ليها هدومها...

دنيا و تسنيم طلعوا و غيروا هدوم ديما، و الدكتورة جت..

الدكتورة: وسعوا كدة لحظة..

و بعد فترة بسيطة..

الدكتورة: هي مقعدتش فترة كبيرة في الماية و مأثرش عليها اوي، درجة حرارتها ممكن تعلي فجأة لازم تعملوا كمادات ليها و تمشي على الدواء ده...

تسنيم: شكرا يا دكتورة...

حسن: اعرفولي ايه اللي حصل؟

جاسر: حاضر يا حاج...

خالد: خش غير و انا هغير...

حسن: على انت و ايمن روحوا مكان خالد...

خالد: بس يا عمي..

حسن: خلاص..

خالد و جاسر غيروا هدومهم، و نزلوا علشان يعرفوا حصل ايه...

ايمن و على لبسوا هدومهم و سافروا للقاهرة...

-بعد فترة...

حسن: ها اتكلموا؟

جاسر: اللي احنا عرفناه ان هي خرجت و كانت بتتمشي و تاهت و كانت بتسأل طفل على مكان بيت حسن القاضي، و كانت لسة هتمشي لقت الطفل هيقع و وقع في الترعة و نزلت وراه و حاولت تطلع بس معرفتش، و لما احنا روحنا خالد خد الطفل و انا طلعتها...

خالد: بس هي ازاي نزلت الترعة؟

محسن: ديما بتعرف تعوم...

دنيا: حرارتها لسة عالية..

تسنيم: يا رب، رحمتك..

و قعدوا يعملوا كمادات لديما و البيت رجع لحالته العادية، و فيروز رجعت لانطوائها تاني، و دعاء مبقاش ليها نفس تذاكر...

فتحية: بنتك كانت منورة البيت يا تسنيم...

جملات: فعلا حاسة ان البيت مبقاش بيلمع زي الاول..

حسن: الاكل جاهز؟

اسماء: اه يا حاج..

حسن: تمام جهزوا الغداء عقبال ما جاسر و خالد يرجعوا من المصنع...

حسن: فتحية احكمي على عبير شوية هي و سارة..

دنيا: صباح الخير..

حسن: مساء النور..

تسنيم: دنيا تعالي ساعدينا..

دنيا: حاضر...

دعاء: اخبار ديما ايه؟

دنيا: بتخرف و بتعيط...

فتحية: ان شاء الله ربنا هيشفيها...

علاء: عاملين ايه؟

حسن: روح اتكلم مع الرجالة يا علاء بلاش قعدة الستات...

حسن و علاء مشيوا، خالد و جاسر رجعوا...

و الكل بدأ يقعد يأكل..

حسن: كل يا خوي..

محسن: مليش نفس..

ديما: بابتي..

محسن(بفرحة و دموع): ديما اخيرا فوقتي..

محسن قام حضن ديما كتير، و الكل بصلهم بحنية..

تسنيم: سيبني احضنها شوية..

ديما: خلاص خلاص نبقي نحضن بعدين..

ديما مسحت الدموع إلى كانت في رموش محسن..

ديما: مقدرش اكون سبب في حزنك ابدا..

ديما: ازيك يا بت..

دنيا: احسن منك..

ديما: هاي دعاء ازيك يا فيروز..

ديما: ازيكوا كلكوا...

ديما: بس كان في حد بيقول ملهوش نفس، لسة ملهوش نفس..

دنيا: ما تبطلي يا بت انتي واخدة الاجواء و لا ايه؟

فتحية: حمد لله بالسلامة...

جملات: و الله البيت كان مضلم من غيرك..

ديما: شكرا..

ديما: بابا شوف هنسافر امتي؟

حسن: شكلك مش بتنسي حاجة..

ديما: بيقولوا..

حسن: ديما حصليني على اوضتي..

حسن مشي و ديما قامت وراه...

جاسر: تفتكر..

خالد: ليه لا ده ابوك..

عند ديما و حسن..

حسن: مش عارف اقول ايه الصراحة اول مرة اكون في الموقف ده..

ديما: اتكلم بحرية انا مش بقف على الكلمة زي ناس..

حسن: بصي يا ديما انا الاول مكنتش متقبلك..

ديما: يعني دلوقتي متقبلني..

حسن: انتي في الاول و الاخر شايلة من دمنا..

حسن: ايه رأيك نفتح صفحة جديدة؟

ديما(بابتسامة عريضة): الله حلو اوي كدة، خليك حلو علطول بقي..

حسن: قولتي ايه؟

ديما: موافقة..

حسن: تعالي في حضن عمك...

ديما قامت و حضنت حسن و قعدوا يتكلموا شوية، و بعدين خرجوا..

حسن: كله على شغله..

ديما: مين هيفسحني؟

دنيا: هو حصل ايه؟

ديما: ملكيش دعوة يا بت...

حسن: يلا ما كله على شغله...

جاسر: يا حاج كنت عايز حضرتك..

حسن: تعالي..

جاسر: حاج انا كنت عايز اتجوز سارة بنت عمي..

حسن: سيبني افكر يا جاسر..

جاسر: بس..

حسن: سيبني افكر يا جاسر..

جاسر: اللي تشوفه يا حاج..

رواية إمرأة في عصمة صعيدي للكاتبة سلسبيل كوبك الفصل الخامس

في الصباح الباكر...

ديما: طنط هو فين اعمامي و بابا و خالد؟

فتحية: عمك ايمن و على راحوا القاهرة، و عمك حسن هو و باباكي راحوا الارض الزراعية، و دنيا قعدت تعيط زي الاطفال الصبح عايزة تخرج تشوف البلد عمك قال لخالد يفرجها على البلد...

ديما(بغضب طفولي): طب انا مالي انا كمان عايزة اروح اتفرج على البلد...

اسماء: استني لما خالد يجي..

ديما: لا..

تسنيم: ديما بلاش شغل العيال ده..

ديما: و الله اعيط..

اسماء: جاسر..

جاسر كان ماشي و هيخرج من البيت، و بعدين رجع تاني..

جاسر: نعم يا مرات عمي..

اسماء: خد ديما وديها لخالد و دنيا او فرجها انت على البلد..

جاسر: بس انا...

جملات: متكسرش بخاطرها يا جاسر..

ديما(ببرائة): و النبي وافق..

جاسر: ماشي..

ديما(بفرحة): يحيا العدل، يلا بينا..

جاسر: هستناكي هنا اطلعي غيري..

ديما: لا انا لابسة يلا..

جاسر(بعصبية): نعم يا اختي..

فتحية: جاسر اتكلم براحة..

ديما: انا عملت ايه؟

جاسر(بيحاول يكون هادئ): بصي انتي بنت عمي يبقي اكيد شكلك من شكلي اطلعي البسي حاجة محترمة بدل المسخرة دي..

ديما: طب لو لبست هتوريني البلد..

جاسر: اه..

ديما: تمام..

ديما طلعت جري على اوضتها...

تسنيم: انت اول شخص يمشي كلامه عليها...

جاسر: انا اكيد مش قصدي بس لبسها مستفز، اذا كانت بتلبس كدة في العادي و هي نايمة بتلبس ايه؟

تسنيم: اصيع من كدة..

جملات: انتوا بتسيبوها تلبس كدة ازاي بس يا تسنيم؟

تسنيم: هي كدة لابسة محترم و حلو بالنسبة ليها..

ديما كانت لابسة شورت لغاية الركبة ابيض و تي شيرت بحمالة باللون الاصفر و قصير

ديما: انا جاهزة..

جاسر: هو كدة محترم؟

تسنيم: جاسر هي لسة جديدة خلاص بقي..

جاسر(بحدة خفيفة): قدامي..

ديما لبست بنطلون جينز ضيق محددها و تي شيرت ابيض مكتوب عليه كلام باللون الاسود كتير و جاكت اسود جلد ب ¾ كم، و كوتشي ابيض و سيبت شعرها و حطت روچ هادئ..

جاسر و ديما خرجوا من البيت..

اسماء: دي متعبة شوية..

جملات: عقبال ما تتعود..

فتحية: ربنا يخليها ليكي..

عبير: اهلا متجمعين علطول انتوا...

اسماء: عايزة تتجمعي معانا تعالي بس باحترام..

عبير: ليه مكنش مش محترمة؟

فتحية: عبير انتي جاية و ناوية على شر فابعدي احسن ما الكبير يبقي ليه تصرف مش هيعجبك انا ساكتة لاني مش عايزة مشاكل..

علاء: اخباركوا...

جملات: علاء استرجل كدة و روح اشتغل مع الحاج حسن..

علاء: ان شاء الله..

سارة: احم هو فين الباقي؟

فتحية: جاسر و ديما خرجوا علشان يوريها البلد، و دنيا و خالد برضو زيهم..

سارة(بغيظ): اشمعنا جاسر؟

جملات: في ايه يا سارة؟

سارة: مفيش..

-في مكان تاني..

خالد: متعبتيش احنا ماشين من الصبح...

دنيا: تعبتك انا اسفة..

خالد: لا عادي، بس برضو نرتاح شوية..

دنيا: تعالي عند الترومبة دي..

خالد: انتي تعرفي الترومبة؟

دنيا: اه انا بحب الارياف جدا..

خالد: تمام يلا..

دنيا: ممكن اشرب منها؟

خالد: تعالي..

خالد بدأ ينزل ليها ماية و هي تشرب و تضحك، و بعدين رشت عليه ماية..

خالد(بحدة): متعمليش كدة تاني..

دنيا(بحزن): انا اسفة مكنش قصدي..

خالد: تمام، يا ريت التعامل يبقي بحدود..

دنيا: لو مش عايز انك تفرجني على البلد براحتك مش جبراك..

خالد: انا نازل معاكي علشان عمي حسن و عمي محسن..

دنيا: شكلك مش طايقني خلاص بلاش يلا نروح..

شاب: خالد بيه..

خالد: ازيك يا معتمد..

معتمد: بخير يا خالد بيه، تعالي اضايفك كوباية شاي..

خالد: معايا ضيوف...

معتمد: ضيوفك ضيوفنا هي دي فيها كلام..

خالد: تروحي؟

دنيا: تمام...

خالد و دنيا راحوا مع معتمد و شربوا كوبايتين شاي..

-في مكان تاني..

عند جاسر و ديما..

ديما: الله الشجر حلو اوي..

ديما: تعرف كان نفسي اجي هنا كتير بس بابا مكنش بيوافق..

ديما: انت بتحب المطر؟

ديما: ما ترد، ايه اخرس؟

جاسر: لو مش عجبك ممكن نروح..

ديما: لا روح انت لوحدك..

ديما مدت قدام جاسر بس هو مسكها من ايديها جامد..

جاسر(بحدة): لما اكون معاكي اياكي تفكري اي تفكير من دماغك، فاهمة؟

ديما: سيب ايدي..

جاسر(بحدة): فاهمة؟

ديما(بصوت عالي نسبيا و دموع): فاهمة فاهمة...

-و بعدين جاسر لاحظ ان في ناس بتتفرج عليهم ف ساب ايد ديما و مشاها جمبه، و ديما كانت بتبص على العلامة الحمراء اللي على ايديها بسببه و بتمسح دموعها...

جاسر: ما تبطلي شوية ماشي مع عيلة انا..

ديما(بدموع): انت غبي ايدي احمرت بسببك..

-جاسر بص عليها لقي وشها احمر و انفها(مرخيرها؟) محمر و عيونها حمراء و ايديها محمرة...

جاسر: ايه يا بنتي انتي بقيتي طماطم؟

ديما: انا بشرتي حساسة ملكش فيه، شخص رزل..

جاسر: خلاص امشي يلا...

ديما: طب انا عايزة اتصور و اصور..

جاسر: هتصوري ايه؟

ديما طلعت الكاميرا من شنطتها و بدأت تصور الاراضي الزراعية و تصور الاطفال اللي ماشين في الشارع...

ديما: خد صورني..

جاسر: مبعرفش..

ديما: يا جاسر و النبي انا زي اختك..

جاسر: هاتي..

-جاسر بدأ يصورها و هي بتأخد وضعيات مضحكة و مجنونة...

ديما: تعالي نتصور انا و انت..

جاسر: لا مش عايز..

ديما: يا ابني هو انت بتحب كلمة لا الله..

ديما قعدت تصور جاسر غصب عنه و هي مش واخدة بالها كانت هتقع في الترعة تاني بس جاسر لحقها في اخر لحظة...

جاسر: حاسبي مش ناقصين مصيبة تاني..

ديما: طيب طيب متزعقش، هتوديني فين تاني بقي؟

جاسر: عايزة تروحي فين؟

ديما: محسسني اني عارفة حاجة هنا مثلا..

جاسر: تعالي اوريكي المصنع..

ديما: اشطا يا معلم...

جاسر و ديما راحوا للمصنع...

-في مكان تاني..

في البيت...

عبير: مالك يا بت قاعدة مش طايقة نفسك ليه؟

سارة: مفيش يا اما(امي)..

عبير: اومال؟

سارة: سيبيني في حالي يا اما..

سارة سابت عبير و نزلت...

واحد من الغفر: جاسر بيه في المصنع يا ست هانم..

سارة: لوحده؟

واحد من الغفر: لا يا ست هانم، معاه البت المصراوية..

سارة(بغضب): خلاص روح انت...

سارة(لنفسها): اما وريتك يا بنت ال، مبقاش انا سارة القاضي...

سارة مشيت...

اسماء: نعمل اكل ايه؟

دعاء: بط...

تسنيم: براحتكوا بس اعملوا اي حاجة جمبه علشان ديما تاكل..

دعاء: هي مش بتاكل البط؟

تسنيم: لا...

فتحية: ازاي بس يا تسنيم؟

جملات: اومال بتأكل ايه؟

تسنيم: ممكن صينية بطاطس و فراخ...

اسماء: خلاص هنعمل صينية بطاطس و فراخ، عندنا كام ديما يعني..

فيروز: اخباركوا؟

فتحية: الست الدكتورة اخيرا جت...

جملات: ديما و دنيا اثروا عليكي..

فيروز: اعمل معاكوا ايه؟

دعاء: اه و انا هتنازل و اساعدكوا، اومال فين ديما و دنيا؟

اسماء: بيتفرجوا على البلد...

فيروز: طب يلا نعمل الاكل..

جملات: بسم الله ما شاء الله قمرات، يلا...

و بدأوا يجهزوا الغداء...

-في مكان تاني...

عند محسن و حسن...

حسن: كلمني عن ديما يا محسن..

محسن: ديما بنت طيبة و عفوية طفلة كل تصرفاتها طفلة، بس قد المسئولية تحطها في مكان تلاقيها بتحقق نجاح بجدارة، اينعم فيها صفات وحشة زي حساسة..

حسن: و دي صفة وحشة؟

محسن: اه لانها بتصدق اي حد و ممكن تصدق اعدائها فاكرة ان كل الناس طيبين زيها و بيحبوها، متعرفش ان في ناس بتوع مصالح، بس لما كبرت فهمت هي قوية بس عندها نقاط ضعف...

حسن: ربنا يخليها ليك...

محسن: تسلم يا اخوي(اخويا)..

حسن: اهو خالد و صاحبة بتك(بنتك)..

خالد: مساء الخير...

دنيا: عمو محسن وحشتني اوي..

محسن: و انتي يا حبيبتي، كلمتي محمد؟

دنيا: اه بحاول اقنعه..

محسن: انا شايف انه راجل مناسب يا دنيا..

دنيا: حاضر هفكر..

حسن: هو انتي ينفع ترفضي؟

محسن: انا و محمد صاحبي مش بنجبر بناتنا على حاجة..

دنيا: لو قفلتوا على البنات اوي هيعملوا كل اللي هما عايزينه من وراكوا برضو و لو فتحتوها اوي هيعملوا كل حاجة وحشة ف الوسط حاجة حلوة و كويسة..

حسن: ده كلامك؟

دنيا: انا و ديما متفقين و مقتنعين بالكلام ده..

خالد: طب عن اذنك يا حاج اروح المصنع..

دنيا: ايه ده هو في مصنع هنا خدني معاك و النبي..

خالد: لا انا رايح اشتغل..

دنيا: و النبي يا عمو خليه يأخدني معاه و النبي..

حسن: خلاص متكسفهاش يا خالد..

خالد: خلاص هروح كمان شوية...

محسن: مش هتخلص من زنها..

دنيا: هو اللي هناك ده موز؟

محسن: اه..

دنيا: طب ينفع ادوق؟

حسن: كلي يا حبيبتي زي ما انتي عايزة..

دنيا: طيب هروح..

محسن: روح معاها يا خالد...

خالد(بهمس): ربنا يأخد خالد..

خالد: اه طبعا اتفضلي..

دنيا: شكرا معلش تعبتك معايا...

خالد: اتفضلي..

خالد جاب كذا موزة و وداهم لدنيا..

دنيا(بفرحة): شكرا...

دنيا بدأت تأكل و كلتهم كلهم...

دنيا: الله طعمهم مسكر اوي، هات تاني..

خالد: لاحظي ان كدة كتير...

دنيا: انت بخيل؟!

خالد: لا بس احنا لسة هنحصده و لسة هنوزعهم...

دنيا: تمام خلاص ماشي..

خالد: خدي و متتكلميش تاني..

دنيا: ليه هو انت لساني؟

خالد: بت انتي متخلنيش اتعصب عليكي..

دنيا: هو انت لسة متعصبتش، وريني العصبية بقي..

حسن: خلصت يا خالد..

خالد: اه يا حاج..

دنيا: قلبت كتكوت يعني..

خالد(بغضب مكتوم): يا بت انتي مش قدي..

دنيا: خلاص خلاص هتبخ نار من عيونك...

خالد: قدامي..

خالد و دنيا راحوا و قعدوا...

محسن: عامل ايه الموز؟

دنيا: مسكر اوي اوي اوي...

حسن: لو عايزة تاني خدي..

دنيا: لا اصل خالد قالي مينفعش...

خالد بصلها بصدمة و هي بصتله باستفزاز..

محسن: ليه يا خالد؟

خالد: مش كدة يا حاج ده بس علشان انا عارف ان بنات مصر بتعمل دايت و كدة و الموز مسكر فخفت عليها..

حسن: عاملة دايت؟

دنيا: لا انا جسمي طبيعي..

حسن: خليها تاكل اللي هي عايزاه...

خالد(بغيظ و غضب مكتوم): حاضر..

خالد و دنيا قاموا و خالد بيبص ليها بغضب..

خالد: تاني؟

دنيا: اه..

خالد: تاني؟

دنيا: اه..

خالد: تاني؟

دنيا: اه..

خالد: ايه معايا قرد ده انتي خلصتي مية واحدة..

دنيا: اروح اقول لعمو..

خالد(بعصبية): يا شيخة مقرفة و مستفزة..

دنيا(بضحك): خلاص عفوت عنك...

خالد: و النبي و انا مستنيكي يعني، قدامي..

-دنيا و خالد رجعوا قعدوا مع محسن و حسن و قعدوا يتكلموا و يهزروا...

-في مكان تاني..

عند جاسر و ديما...

ديما: حقيقي المصنع حلو و البنات اللي بتشتغل فيه ناس لطيفة...

جاسر: اتكلمتي معاهم؟

ديما: لا بس باين على وشهم...

جاسر: متغركيش المظاهر...

ديما: ليه هما اكيد طيبين و غلابة..

جاسر: تمام..

ديما: وراك شغل اروح..

جاسر: بما انك جيتي معايا يبقي هتروحي معايا، اينعم مينفعش بس ماشي..

ديما: ايه هو اللي مينفعش؟

جاسر: انك تبقي معايا هيفتكروا ان في حاجة بينا..

ديما: لا متقلقش عادي احنا اخوات..

ديما: الحق في زرار مش موجود في القميص بتاعك..

جاسر: فين؟

ديما: اهو..

جاسر: اه شكله وقع..

ديما: طب هات اعملهولك..

جاسر: لا لا..

ديما: لا هات بس اجرب بليز..

جاسر: هتجربي فيا و كمان مينفعش..

ديما: هات بس اتعلم هات..

ديما: اهو على المكتب في زراير و خيط هعملهم..

ديما قامت و حاولت تدخل الخيط في الابرة..

جاسر: فاشلة درجة اولي..

ديما: الله يسامحك..

ديما بعد محاولات دخلت الخيط في الابرة...

ديما: خلاص اهو..

ديما: هات اخيطه بقي...

ديما قربت من جاسر و هو قاعد على كرسي المكتب و كانوا قريبين من بعضه...

ديما: اصبر بقي..

جاسر: صابر، انجزي مطوليش..

جاسر: اسااسا غلط ايه اللي خلاني اطاوعك...

ديما: معلش زي اختك..

و بعدين فجأة الباب اتفتح...

تكملة الرواية من هنااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا