رواية قصة لا تنتهي الفصل الحادي عشر 11بقلم دينا (حصريه وجديده في مدونة قصر الروايات)

رواية قصة لا تنتهي الفصل الحادي عشر 11بقلم دينا (حصريه وجديده في مدونة قصر الروايات)

رواية قصة لا تنتهي الفصل الحادي عشر 11بقلم دينا (حصريه وجديده في مدونة قصر الروايات)

انسجمو مع بعض مع الحان الموسيقي الهاديه وهم يرقصون ويحتضنون بعضهم كل منهم لا يصدق ان اخيرا اليوم حفل زفافهم... دخلت في تلك اللحظة عبير وبصتلهم بغضب ثم ارتسمت علي شفتيها ابتسامه خبيثه وكأنها تنوي علي شئ ما وفجأه صرخت ودموعها تنهمر علي خديها وهيا بتجري علي اشرف 

الكل وقف وبصلها بصدمه واستغراب.. بعدت عنه سلمي بقوة.. بصتلها سلمي بصدمه وهيا مش فاهمه اي اللي بيحصل 

بصتله عبير وقالت وسط بكائها: اشرف الحقني بنتنا اسماء اتخطفت 

بصلها اشرف مصدمه يستوعب اللي قالته و صاح بها بغضب : اتخطفت ازاي... وانتي كنتي فين 

عبير بحزن ودموع: كنت جيباها تحضر فرحك زي منتا طلبت نزلتها من العربيه وفجأه بصيت جنبي ملقتهاش معرفش راحت فين 

اشرف بانفعال ممذوج بخوف علي ابنته: انا غلطان اني سبتها مع واحده مهمله زيك 

حضنته عبير تحت نظرات الصدمه من سلمي و دموعها تجمعت في عينيها.. بعدها اشرف عنه بعنف وقال: ابعدي... وتاني مره متتجاوزيش حدودك 

عبير بدموع وحزن مصتنع: انا اسفه... بس ارجوك يا اشرف رجعلي بنتي 

سابهم اشرف وطلع من القاعه جري و وراه جاسر يدوره علي اسماء... بدأ المعازيم يتكلمو عليهم وتساؤلاتهم كترت 

بصت عبير علي سلمي بخبث وقالت: مفيش في حياته اغلي من بنتنا ولا حتي انتي

بصتلها سلمي بدموع وملامح الحزن علي وشهها وصرخت بها قائله: امشي من هنا 

عبير بخبث: ماشيه متتعصبيش و الف مبروك ياقلبي 

وسابتها ومشيت وهيا بتغمز لـ صلاح اللي بصلها بابتسامة ماكره... بعد ما طلعت عبير قرب صلاح من اخته وقال بضيق: عاجبك اللي عمله اهو سابك ولا عملك اعتبار ومشي... عاجبك كلام الناس اللي بيتقال دلوقتى.... ادي اخرت اللي ميسمعش كلامي 

عصام بحده: صلاح مش وقته الكلام ده 

قرب من بنته ومسك كتفها بحنان وهوا شايف الدموع في عنيها وقال: اعذريه يا بنتي دي مهما كان بنته واللي عمله دا ردت فعل طبيعيه لأي اب في مكانه 

قربت مرات عمها هيا وابنها سيف اللي كان بيبص بـ سلمي بضيق انها رفضته وفي نفس الوقت شفقه علي الموقف اللي اتحطت فيه 

صفيه مرات عمها لوت شفايفها وقالت بضيق: هوا دا العريس اللي رفضتي ابني عشانه... رفضتي ابني عشان خاطر واحد مطلق وكمان عنده بنت 

بصتلهم و دموعها بتنزل وهيا مش قادره تتحمل ولا تسمع اي كلمه منهم.. مسكت فستانها رفعته وجريت طلعت برا... جري عصام وراها مسك ايديها برا القاعه وقال بخوف وقلق عليها: انتي رايحه فين دلوقتي

سلمي بدموع: هدور علي اسماء دي طفله صغيره والله واعلم حالتها عامله ازاي دلوقتي 

ابتسم عصام برغم الموقف اللي هيا فيه مفكرتش في نفسها وبتفكر فيها.. ربت علي كتفها بحنان وقال: فخور فيكي.... يلا وانا هدور معاكي وان شاء الله هنلاقيها 

كان اشرف بيلف في الشوارع زي المجنون وهوا بيدور عليها وبيسأل الناس عنها.. كان حاسس بقلبه مقبوض من خوفه عليها... وقف وهوا بيبص حوليه ورجع شعره لورا بقلق وخوف شديد 

قرب جاسر منه بصله اشرف بلهفه وقال: ها لقيتها 

جاسر: لا.... انت متأكد من كلامها 

بصله اشرف بعدم فهم وقال: قصدك ايه 

جاسر: مش يمكن بنتك متخطفتش ولا حاجه وعملت اللعبه دي عشان تدمر فرحتكم 

اشرف بشده وتفكير: يعني اسماء مش مخطوفه.... طيب هيا فين... انا مش هرتاح غير لما اشوفها قدام عنيا 

كانت سلمي بتدور عليها وقفت لما سمعت صوت طفله صغيره بتبكي... مشيت اتجاه الصوت... كان صادر من جوه عربية اشرف... جريت علي العربيه وفتحت الباب وانصدمت لما لقيت اسماء جواها وهيا منهاره من العياط وشكلها كانت خايفه جدا و مرعوبه وجسمها بيترعش 

مسكتها سلمي وقالت بحنان عشان متخفش منها: تعالي متخافيش هاخدك عند بابا... تعالي 

اترمت اسماء في حضنها لما حست بالامان وهيا بتبكي وجسمها بيترعش... سلمي قلبها اتقطع عليها.. طبطبت علي ضهرها وهيا بضمها لحضنها جامد وقالت بحنان: اششش اهدي متخافيش انا معاكي يحبيبتي 

رجع جاسر واشرف اللي كان مهموم من خوفه علي بنته وقف لما شافها مع سلمي وجري بلهفه عليها 

خدها من سلمي وهوا بيبوسها بلهفه وخوف وحضنها وقال: كنتي فين وقعتي قلبي عليكي 

بصتله سلمي وابتسمت من لهفته و خوفه علي بنته وهيا شيفاه اب مثالي ومناسب لأولادهم في المستقبل.... بصلها اشرف وقال: كانت فين 

سلمي: كانت جوه عربيته.... كانت خايفه و مرعوبه اوي 

شافتهم عبير وجريت عليهم بخوف مصتنع: بنتي.... لقتوها فين 

كانت لسه هتشيل اسماء بعدها اشرف عنها وبصلها بإحتقار وغضب وقال: اوعي تلمسيها... انتي متستاهليش تكوني ام

عبير بغضب: انت متقدرش تمنعني من اني اشيل بنتي 

اشرف: لا اقدر بسبب اهمالك الله وعلم كان هيجرالها ايه ولا حصلها ايه خلاها تبقا مرعوبه وبتترعش بالشكل ده 

مدهاش فرصه تتكلم وبعدها عن طريقه بعنف ومسك ايد سلمي ورجع دخل بيهم قاعة الحفل بصتلهم عبير بغل وحقد... بصلها جاسر ببرود وقال: متوقعتش انك تبقي رخيصه وعديمة المشاعر لدرجة انك تعملي كدا في بنتك وتعرضيها للرعب عشان توصلي للي انتي عايزاه 

بصتله عبير بتوتر وقالت: ا.. انت قصدك ايه 

جاسر ببرود: انتي فاهمه كويس قصدي يمكن تقدري تخدعي اشرف بس مش عليا انا الكلام ده 

وبصلها بإحتقار وقرف وسابها ودخل وراهم... بصتله عبير بصدمه انه عرف خطتها... خافت احسن يقول لـ اشرف وقتها اشرف مستحيل يخليها تشوف بنتها 

اعتذر اشرف من كل الموجودين علي اللي حصل... كانت صفيه هتتكلم بس منعها عصام عشان الليلة تعدي علي خير 

بصت سلمي على اسماء وهيا في حضن اشرف وكانت لسه بتترعش وبتبص علي الناس اللي في الحفله بخوف زعلت عليها اوي وقالت لـ اشرف: اظن كفايه كده لازم نرجعها البيت البنت لسه خايفه 

بص اشرف علي بنته بحزن وهوا بيربت علي ضهرها بحنان ويحسسها بالامان... رجع بص لـ سلمي وقال بحزن وندم: انا اسف مش دي الليله اللي انتي كنتي بتحلمي بيها 

ابتسمت له وقال وهيا بتمرر اديها علي شعر اسماء: اهم حاجه انها كويسه وبخير 

بصلها بحب ومسك اديها وباسها وقال: ربنا يخليكي لينا 

سحبت اديها بخجل مفرط لان الكل كان واقف وبيبصلهم وقالت: نمشي بقا 

هز راسه بابتسامه و ودعو الكل وركبها العربيه وخدت اسماء في حضنها... ركب اشرف ومشيو 

................

رجع جاسر القصر... شاف شربات قاعده علي الكنبه كانت لابسه بيجامه شورت احمر علي فلنه بـ حملات رفيعه علي الاكتاف.. كانت ماسكه رجلها و بتدلكها بألم 

قرب منها وقال: انتي كويسه 

بصتله وسابت رجلها وقامت وقالت: اه انا كويس.... اسخن لك الاكل 

هز راسه وقال: لا اكلت برا 

لاحظ انها مش قادره تحمل علي رجلها بصلها وقال: مالها رجلك 

شربات: مفيش وقعت بس من علي السلم فـ اتولت مني 

جاسر لهفه وخوف واضح في نبرة صوته: مش تاخدي بالك وانتي نازلها 

قعدها علي الكنبه ونزل علي ركبته مسك رجليها حطها فوق رجله وهوا بيتفحصها بصتله وهيا شايفه الخوف واضح عليه ابتسمت وقالت عشان تطمنه: متقلقش انا كويسه مفيش حاجه 

حركها رجلها بسيط فاتوجعت... نزلها علي الارض برفق وقام اتفاجئت لما شالها وطلع بيها علي فوق بصتله بشده وقالت بخجل مفرط: نزلني انت واخدني علي فين 

مردش عليها دخلها اوضته وقعدها علي السرير برفق فتح درج طلع منه مرهم قعد جنبها و رفع رجليها حطها فوق رجله وبدا يدلكها برفق من المرهم بحرص عشان متتوجعش بصلها حست بخدودها بركان من فرط خجلها ولمسات يده علي رجلها: هات انا هدلكها لوحدي 

مردش عليها وهوا بيدلك رجليها برفق لحد ما مكان المرهم نشف... نزل رجليها برفق وبصلها وقال: شويه وهتلاقيها خفت 

هزت راسها وهيا بترجع شعرها اللي نزل علي عنيها بخجل... بصلها وهوا تايه في جمالها وتفاصيلها... وقعت عنيه علي حمالة البيجامه اللي نزلت من علي كتفها... رفعتها بخجل مفرط وقامت كانت هتمشي مسك اديها وقام وقال: رايحه فين 

شربات بخجل من غير ما تبصله: رايح علي اوضتي

ابتسم علي خجلها الشديد منه..... اقترب منها بطريقة اهلكتها وقال: طيب ما تخليكي هنا 

بصتله بشده.. اقترب منها اكتر وهمس امام شفاتيها: نامي في حضني الليله دي 

احمرت وجنتيها بخجل شديد حطت اديها علي صدره بعدته عنها وقالت: قليل الادب 

ابتسمت ابتسامه ذادت وسامته وقال بمكر: اكون قليل الادب معاكي احسن ما اكون قليل الادب مع غيرك 

بصتله بشده وقالت: مع غيري... طيب ابقا اعمل كده و شوف هعمل فيك كدا 

ابتسمت علي غيرتها عليه واقترب منها وقال قدام شفاتيها: اي رأيك نتمم جوازنا 

حركت رأسها بالايجاب وهي تنظر الي عينيه غير قادرة علي مقاومة ما يفعله بها باقترابه منها 

شعرت بابتسامته علي شفتيها... ثم قبلها بعمق و شغف.... حاوطت وشه بكفيها وهيا تتفاعل معه... حاوط خصرها بايديه وهوا بيقربها منه اكتر.... ومال بها علي السرير وهوا بقا فوقها... واخذها الي عالمهم الخاص وتمم زواجهم.... 

.........

حطها اشرف علي سريرها برفق.. مسكت اسماء ايده وقالت بخوف شديد: متسبنيش هيقتلوني

حس بغصه في قلبه من خوفها واديها الصغيره اللي بتترعش في اديه قعد جنبها وقال: متخافيش يحبيبتي مش هسيبك... احكيلي ايه اللي حصل معاكي 

اسماء بعياط وخوف: في اتنين شكلهم يخوف اوي جريو ورايا وكانو عايزين يدبحوني.. جريت منهم واستخبيت في عربيتك وانا خايفه احسن يعرفو مكاني ويقتلوني.... متسبنيش يابابا ونبي 

ضمها لحضنه و دموعه نزلت من وجع قلبه عليها وقال: متخافيش مش هسيبك محدش يقدر يأذيكي انا جنبك واللي عملو كدا خلاص مشيو ومش راجعين تاني 

دخلت سلمي وبصتلها بحزن وقالت: لسه خايفه برضو 

هز راسه بحزن ممذوج بغضب: مش هرحم اللي عمل فيها كدا 

بصلها ورجع خصلات شعرها الصغير للخلف وقال: حاولي تنامي وانا هفضل جنبك 

هزت راسها وقالت بخوف: نام جنبي متسبنيش 

باس راسها بحنان وقال: مش هسيبك والله 

قعدت سلمي على السرير وهيا لسه بفستان الفرح ومررت اديها علي شعرها بحنان عشان تنام 

عبير بخبث في التليفون: متقلقش يا عمري قولتلك سيب الموضوع ده عليا... وانا متأكده مش هيقرب منها الليله دي وهيفضل جنب بنتي 

صلاح: بكرا هنشوف 

.............

بوسي بخوف وقلق: انا خايفه منه اوي.... شهر ومكلمنيش ولا قالي ايه الطلب اللي عايزه مني 

عاصي: انتي خايفه اوي كدا ليه 

بوسي بخوف: لان لازم اخاف منه علي حياتي.... انا وافقت اساعدك يبقا انت لازم تحميني منه 

طفي عاصي سيجارة وبصلها بتفكير وقال: تتجوزيني 

بصتله بصدمه وقالت: ايه 

عاصي: زي ما سمعتي نتجوز وقتها قتبقي ليا وفي حمايتي وانتي عارفه كويس مستحيل حد يأذي حاجه بتاعتي.... معايا هتبقي في امان وهتعيشي احلي ايام عمرك 

بوسي بتفكير: طيب و جاسر 

عاصي: مش هيعرف وانتي هتفضلي تتعاملي معاه زي منتي بس هتبقي مطمنه انه مش هيأذيكي طول منا معاكي 

بوسي بصدمه: يعني قصدك نتجوز في السر

عاصي: وقت مؤقت لحد منتي تخلصي شغلك معاه وقتها نعلن جوازنا.... ها قولتي ايه 

سكتت بوسي شويه بتفكير بعدين قالت: وانا موافقه 

............

صحيت سلمي وبصت علي اشرف اللي واخد بنته في حضنه ونايم ابتسمت وطبعت بوسه رقيقه علي خده و واحده علي خد اسماء 

قامت وطلعت من الاوضه وقفلت الباب بهدوء عشان ميصحوش وراحت اوضة اشرف وبدلت هدومها.. خبط الباب راحت فتحت وكانت الخدامه وقالت: اهل حضرتك يا هانم وصلو وفي انتظاركم تحت 

هزت راسها وقالت: ماشي شويه و جايين 

هزت الخدامه راسه ومشيت قفلت سلمي الباب بتفكير هتقلهم ايه 

كان قاعد عصام ومعاه صلاح و صفيه اللي كانت بتبص علي الفيلا بضيق وقالت: يعني ابني سيف عنده فيلا اكبر من دي... انا معرفش ايه اللي عاجبها فيه 

عصام بحده: كفايا يا مرات اخويا احنا جايين نطمن علي البت ونمشي مش جايين نشوف مين عنده احسن من مين 

طلعت سلمي من الاوضه كانت عايزه تروح علي اوضة اسماء عشان تصحي اشرف بس مقدترش احسن يشفوها ويعرفو ان مفيش حاجه حصلت بينهم وهيا عارفه كلام مرات عمها كويس وهيا مش عايزه مشاكل في اول يوم جواز ليها 

نزلت لهم وعلي وشها ابتسامه خفيفه: صباح الخير 

قام عصام وحضنها وقال بحنان: صباح الخير يبنتي

صفيه: صباحيه مباركه يا عروسه 

بص صلاح حوليه وقال بخبث: لومال فين العريس لسه نايم ولا ايه 

سلمي بتوتر: شويه وجاي 

قربت منها صفيه وهمست وقالت بضيق: اي الدنيا حصل ولا طلع خايب كمان 

سلمي بتوتر: ا... اه ح.. حصل 

في اللحظه دي نزلت اسماء و وراها اشرف وقف لما لاحظ وجودهم... بصله صلاح بابتسامه خبيثه لما اتأكد ان مفيش حاجه حصلت بينهم 

بصتله صفيه بسخريه وقالت: حصل ازاي وهوا نازل من اوضة البت ولسه بـ بدلة الفرح 

............

فتح جاسر عينيه علي صوت شهقات بكائها المكتومه وهي نائمه بداخل حضنه ومستنده علي صدره العاري 

رفع وشها بسرعه وهوا بيبصلها بصدمه لما شافها في حالة انهيار... قعد علي السرير وقال بخوف وقلق عليها: مالك.. بتعيطي ليه 

بصتله وهيا بتبكي اكتر... ضغط علي دراعها وقال بصوت مرتفع من خوفه عليها: ردي عليا بتعيطي ليه 

بس مفيش اي رد منها ذاد خوفه وقال: وجعتك... اذيتك... انطقي ردي عليا 

هزت راسها بـ لا ودموعها تنهمر علي خديها 

جاسر بحده: طيب فهميني مالك 

بصتله وقالت بعد صعوبه: انا خايفه حاسه ان اللي احنا عملناه ده غلط 

بصلها وهوا بيسيب اديها بصدمه وقال: مش فاهم قصدك ايه اللي احنا عملناه غلط يعني ايه 

نزلت وشها تحت وهيا بتبكي... رفع وشها وقال بصوت مرتفع: بصيلي هنا وردي عليا يعني ايه غلط وخايفه من اي

قالت وسط بكائها: مكنش لازم يحصل بينا دا دلوقتي 

بصلها بصدمه وقال: يعني افهم من كلامك انك ندمانه ان جوازنا اكتمل

بصتله وقالت ببكاء: مكنش وقته... كان لازم نستني شويه انا معرفش ازاي وافقت علي كدا 

نظر لها بصدمه ثم ابتعد عنها واخذ احدي السجائر من جانب الفراش واشعلها وهوا ينظر امامه بغضب... ثم قال وهوا ينفث غضبه بسجارته وصدره يعلو و يهبط بعنف من اثر غضبه الشديد: اانسي اللي حصل وانا مستعد لأي تعويض 

بصتله بصدمه مما يعنيه وقالت: قصدك ايه

انفلتت زمام سيطرته علي غضبه حتي ارتعدت بخوف وهي ترى بروز عروقه رقبته واحمرار عينيه من شدة الغضب ثم جذبها من دراعها وقال بعنف: اومال عايزاني اقولك ايه لما تكوني مراتي علي ذمة الله و رسوله و تقوليلي اللي حصل بينا غلط ومكنش وقته.. اومال امتي هيبقي وقته 

نظرت له بهلع من شكله وقبضته علي دراعها بخوف شديد منه........ 

#يتبع

تكملة الرواية من هنااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا