رواية زهره لا تدبل الفصل الحادى عشر 11بقلم امانى سيد (حصريه وجديده في مدونة قصر الروايات)

رواية زهره لا تدبل الفصل الحادى عشر 11بقلم امانى سيد (حصريه وجديده في مدونة قصر الروايات)

رواية زهره لا تدبل الفصل الحادى عشر 11بقلم امانى سيد (حصريه وجديده في مدونة قصر الروايات)

اقترب رأفت من احمد بإبتسامه محاولا أن يأخذه فى صفه مره اخرى 

ـ احمد حبيبي وحشتنى دورت عليك كتير اوى عشان اصالحك وارجعك البيت لكن ملقتكش 

نظر له احمد وبعدها نظر لسعاد وابنتها بسخريه ولم يرد عليه 

ـ انت متضايق عشان انت ومايسه متخانقين 

انا كنت مضغوط الفتره اللى فاتت فى جوازى وكده ايه رأيك اصالحك انت ومايسه وتيجى تعيش معايا انا وسعاد ومايسه زى ما كان نفسك 

ـ تركه احمد وذهب بجانب والدته دون ان يرد على رأفت 

نادى رأفت عليه بصوت عالى 

احمد يا احمد تعالى هنا مكملناش كلام لم يرد عليه احمد وقام بالحديث مع والدته 

ـ ماما إحنا هنطول هنا 

ـ لا قربتا ندخل خلاص فى حاجة حصلت ولا ايه باباك ضايقك 

ـ لا بس خلانى افتكر اللى عمله فيا عشان خاطرهم وإزاى كانوا هيضيعوا مستقبلى 

ـ انسى يا حبيبي انسى بس لو القاضي سألك عايز تعيش مع مين وسالك عن بابا هتعرف تتكلم 

ـ أه 

ـ انا مش عايزاك تكدب او تقول حاجه محصلتش انا عايزه لما القاضي يسألك تقول الحقيقة قصص وروايات أمانى سيد بدون لينكات او اعلانات 

ـ حاضر 

عاد رأفت مره اخرى لسعاد وابنتها وعلى ملامح وجهه إمارات الغضب 

ـ مالك يا رأفت فى ايه

ـ بقولك ايه يا سعاد احمد بيحبك انتى ومايسه حاولوا تروحوا تكلموه كده عشان يرجع لحضانتى تانى 

ـ ماتسيبه يروح لامه

ـ لو راح ليها هضطر ادفعلها نفقه وايجار لشقتها يعنى كل شهر هتاخد منى مبلغ اد كده غير الايجار بحجه انها تصرف على ابنها 

ـ بس انا مش عايزاه انا معايا بنت وهو في عمر خطر

ـ ينضم لحضانتى ووقتها هرميه تانى وساعتها امه مش هتسأل فيه 

ـ طيب إذا كان كده ماشى 

ذهبت سعاد ومايسه عند زهره واحمد وبدأت تفعل كما كانت تفعل فى الماضى بدأت بالسلام على زهره مع ابتسامه ماكره ثم وجهت حديثها لاحمد 

ـ ازيك يا حماده عامل ايه كده متسألش عنى أنا زعلانه منك أوى كده نستنى اوام ولما اتخانقت انت ومايسه ليه مجتليش عشان اصالحكم على بعض انت مش عارف أنى بحبك تعرف انى اتخانقت مع باباك كتير أوى بسببك ودورنا عليك ومعرفناش نوصلك ، بس فرحنا أوى انك روحت لمامتك 

ـ وانا متضايق اوى انى شوفت وشكم بصراحه كلكم بلا استثناء ومايشرفنيش أنى اقف اتكلم مع ناس زيكم ياريت انتى وبنتك وجوزك ماتتكلموش معايا تانى 

ـ ايه ده يا احمد عيب كده هى دى التربيه اللى مامتك ربتهالك 

ـ لا دى التربيه اللى انتى ورأفت ريتوهالى وابعدوا عنى بقى 

نظرت له بصدمه وذهبت مره اخرى لرأفت تقص له ما قاله احمد لها 

ـ معقول قالك كده 

ـ أه واضح إن أمه عملتله غسيل مخ 

ـ ربنا يستر جوه بقى 

بعد عده دقائق جاء دورهم ودخل احمد ورأفت وزهره والمحامين الخاصين بكلا منهم وبدأت غزل فى المرافعه واعطت القاضى كل الاوراق التى تدل على إهمال رأفت لابنه وطرده من المنزل واعطته العلامات الدراسيه 

تفاجئ رأفت ومحاميه بتلك الادله ولم يستطع محامى رأفت صنع شئ له فمن الواضح أن غزل قامت بترتيب أوراقها جيدا وبعد فتره تم الحكم بضم حضانه احمد لامه 

خرجوا من غرفه المحكمه وعلى وجهه زهره ابتسامه نصر 

وأثناء خروجها من المحكمه برفقه غزل ذهب رأفت اليها مسرعا 

ـ إنتى عايزه توصلى لايه بالظبطت أنى ارجعلك تانى طيب يا ستى أنا موافق أننا نرجع لبعض 

ـ ارجعلك انت هو اللى بيرمى زباله بيمد ايه يرجعها تانى ، رأفت أنت مش شايف الفرق بينا ايه ده انا اللى كنت بصرف عليك عايزنى ارجعلك عشان اصرف عليك تانى واكلك واشرب من جيبى ومش عايزنى بالمره اعمل مصروف لمراتك الجديدة وبنتها 

ـ لا هنتفق نمشى الدنيا مع بعض ازاى بس انا هاجى اعيش معاكى فى الشقه لانى بعت الشقه اللى احنا كنا قاعدين فيها 

ـ اه يعنى مطلوب منى ايه دلوقتي 

ـ تتنازلى عن القضيه وأنا قصاد كده هرجعك تانى لعمتى واجى اعيش معاكى وابنك يتربى بينى وبينك 

نظرت زهره لاحمد الذى نظر بها بسخريه على حديث والده فهو لم يعد يريده 

ـ وانت رأيك ايه يا احمد ارجع لباباك اللى مطلقنى ٣ طلقات تانى 

ـ انا أصلا مش عايزه 

كاد رأفت أن يضرب احمد على تدخله في الحوار لكن زهره قامت بوضع ابنها خلف ظهرها وقامت بصفع رأفت على وجهه وضع رأفت يده على وجهه متعجباً من رد فعل زهره 

ـ إنتى اتجننتى إزاى تعملى كده 

ـ بص يا عره عشان انت مش محسوب على الرجاله ايدك لو اتمدت على ابنى هعملك محضر تانى ومتنساش إن فى محضر اولانى 

ثانياً يارأفت كل الفلوس اللى ادتهالك وصرفتها عليك السنين اللى فاتت هاخدها منك بفوايدها كمان ولو انت فاكر إن حضانتى لابنك دى كده اخر حاجه تبقى اهبل مابقاش زهره لو مخلتكش تمشى تكلم نفسك 

واوعى تكون فاكر أنى هسيبلك حق السنين اللى فاتت اللى ذلتنى وجيت عليا فيها لا والله مش هسيبك فى حالك وهذلك وههينك يا رأفت ومش هتقدر تعملى حاجه هتيجى لحد عندى تبوس رجلى وتركع قدامى عشان اسامحك لكن مش هسامحك برضوا 

زهره اللى انت اخدتها من بيت اهلها وبهدلتها لحد ما دبلت رجعت تانى فتحت وبقى ليها شوك نصيحه منى بلاش اشوفك مره تانيه قدامى لأنى مش هعدى أى حركه وهاخد حقى منك وهردلك القلم بداله عشره 

صدم رأفت من حديثها فتلك المرأة التى أمامه مختلفه عن تلك التى طلقها فى السابق 

لا ينكر أن حديثها جعله يشعر بخوف من داخله عاد مره اخرى لسعاد وهو شارد حاولت سعاد الحديث معه لكنه لم يجيب عليها 

الى أن ذهبوا المنزل 

ـ مالك يا رأفت ساكت ليه 

ـ زهره مش هتسكت غير لما تاخد كل اللى حيلتى وبضم حضانتها المحامى قاللى انها هتاخد نفقه للطفل وانى هبقى ملزم يتوفير سكن ليها وانا بعت الشقه فقدامى حلين تيجى تقعد هنا ونخرج إحنا من الشقه او ادفعلها إيجار شقتها 

ـ ولو معملتش كده هيحصل ايه 

ـ هتحبس لأن معاها مفردات مرتبى والحكومه مابتهزرش 

ـ لا ادفعلها بقى وخلاص 

بقولك ايه انا عارفه إن مش وقته بس انا محتاجه ١٠٠٠ جنيه 

ـ ليه بقى مانا لسه مديكى امبارح ١٠٠٠

بتوع امبارح دول جبت بيهم كل وشرب يكفى اسبوع انما ال١٠٠٠ دى لمايسه عشان الدروس 

ـ لا يا حبيبتي بح كان في وخلص خليها بقى تاخد دروس من النت إنما انا خلاص بح كفايه عليها فلوس المحامى وايجار الشقه 

ـ ايجار ايه هو انت دفعتلهم حاجه 

ـ بصى هى كده كده بايظه فاعرفى بقى الحقيقة الشقه اللى احنا قاعدين فيها دى إيجار 

ـ نهارك اسود ومنيل انت نصبت عليا 

ـ نصبت عليكى فى ايه مانتى واكله شاربه نايمه ببلاش غير مصروف بنتك وانا اللى شايل الليله 

ـ منك لله يا رأفت منك لله انت خبيت عليا حوار الشقه ويا ترى مخبى عليا ايه تانى ، بقولك ايه انا ماليش دعوه بالكلام ده انا متجوزاك عشان تصرف عليا انا وبنتى 

ـ لا انسى كان فيه وخلص عايزه تصرفى على بنتك انزلى اشتغلى واصرفى عليها ولا اقولك نزليها تشتغل فى اى محل إنما انا عليا الطلاق ارميكى فى الشارع انتى وبنتك 

ثم تركهم ودخل غرفته ليفكر 

    *****&*****&******&****

فى جهه اخرى فى المدرسة عند ساجد 

دلفت اليه مى وبيدها ورقه 

ـ خير يا استاذه مى 

ـ اتفضل 

ـ ايه ده 

ـ دى اجازه مرضى مش هقدر انزل اشتغل الترم ده 

ـ بس انتى مش تعبانه وغير كده جايه تقولى كده دلوقتي 

ـ هو من ناحية مش تعبانه فأنا مش تعبانه إنما انت بقى هتقدر تثبت كده 

ـ انتى قصداها بقى 

ـ بصراحه اه انا همشى وبعد كده هقدم استقالتى ودور بقى على مدرسه غيرى يمكن تلاقى 

ـ انتى فاكره إنك بكده تلوى دراعى لا يا مى انا دراعى مابيتلويش ولو فاكره انك بكده هتتغطى عليا عشان اتجوزك يبقى بتحلمى بالعكس انتى اثبتيلى انى كنت صح لما قررت انى ماتجوزكيش 

ـ يعنى مصمم

ـ اه ومش بس كده انا موافق على الاجازه المرضى بس لما تخلص ماتجيش تسألى عن شغل هنا تانى لأن مش هيبقى ليكى مكان هنا 

انتى شغاله فى مدرسة الف واحده وواحد يتمنوا يشتغلوا فيها وفاكره إنك هتضغطى عليا باللى بتعمليه ده تبقى غبيه أوى 

اجازتك مقبوله اتفضلى مع السلامه عشان تقدرى ترتاحى 

خرجت مى من غرفه ساجد وهى تغلى من الغضب 

فى الجهه الاخرى نشر ساجد منشور على صفحه المدرسه يإحتياجهم لمدرسين لغه عربيه 

رأت غزل ذلك الإعلان وقامت بارساله لزهره واتصلت بها بعد ذلك 

ـ زهره مدرسه الاولاد تعبت وسابت المدرسه وهما دلوقتي محتاحين مدرسين ومرتباتهم حلوه اوى 

ـ تفتكرى محتاجين حد اكيد عندهم ناس يشغلوها منهم فيهم 

ـ لا مستر ساجد شديد ومش بيسمح بكده وغير كده بيعمل اختبار للمدرسين عشان يتأكد بنفسه إذا كان مناسبين ولا لا روحى بكره وقدمى ولو اتقبلتى هتنزلى فى نفس اليوم 

ـ خلاص هروح بكره واجهز الورق بتاعى واعمل ديمو اقدمه ( ديمو مصطلح بيكون وقت التقديم ومعناها بتجهز درس وبتشرحه امام المديرين ومجموعة من المدرسين ) 

خلاص ربما معاكى 

فى اليوم التالى ذهبت زهره للمدرسة وقامت بملء ابلكيشن وانتظرت دورها فى الانترفيو 

نظرت حولها ورأت عدد من المتقدمين الذين يرتدون ملابس لا تليق بمكان كهذا ومن داخلها بدأ الحماس يقل لكن قررت أن تكمل التجربه للاخر

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا