رواية زهره لا تدبل الفصل الثاني عشر 12بقلم امانى سيد (حصريه وجديده في مدونة قصر الروايات)

رواية زهره لا تدبل الفصل الثاني عشر 12بقلم امانى سيد (حصريه وجديده في مدونة قصر الروايات)

رواية زهره لا تدبل الفصل الثاني عشر 12بقلم امانى سيد (حصريه وجديده في مدونة قصر الروايات)

زهره لا تدبل

أتى دور زهره للدخول لعمل الانترفيو ظلت تقرأ بعض الآيات القرآنية في سرها محاولة منها تهدئه حالها

دلفت الغرفه وجدت ساجد يجلس برفقه بعض الاداريين الاخرين استجمعت شجاعتها وبدأ في الحديث

ـ السلام عليكم

ـ وعليكم السلام اتفضلى يا أستاذه زهره

جلست زهره على المقعد امامهم وبدأ ساجد فى إلقاء الأسئلة عليها

ـ استاذه زهره فى الملف بتاعك إن عن حضرتك خريجه اداب لغه عربيه

ـ مظبوط

ـ وكنت. بتشتغلى فى مدرسة*** لمده ٣ سنين وبعدها مدرسه *****

ـ مظبوط وللأسف المدرسه الأولى سبتها عشان كانت بعيده عن البيت اللى كنت ساكنه فيه والمدرسه التانيه فتره الاجازه كان عندهم مشاكل ماديه فمشوا عدد من المدرسين لعدم احتياجهم

ـ طيب يا أستاذة زهرة، احنا بندور على شخص عنده مهارات التواصل مع الطلاب ويقدر يقدم دروس بطرق إبداعية. ممكن تحكيلنا أكتر عن تجربتك في تدريس اللغة العربية؟

ـ في المدرسة الأولى، كنت بستخدم الأدوات التكنولوجية في تحضير الدروس واستخدمت الألعاب التعليمية لتحفيز الطلاب على التعلم. أما في المدرسة الثانية، كنت دايما بحاول التنويع فى أساليب التدريس بين النقاش والعروض التقديمية والعمل الجماعي.

ـ ممكن تحكيلنا عن طريقة تعاملك مع الطلاب اللي عندهم صعوبات في الفهم؟

كنت بأحاول أوضح المفاهيم بطرق مختلفة، زي استخدام الأمثلة العملية، وأحيانًا كنت بأعمل جلسات إضافية للطلاب اللي محتاجين مساعدة أكتر.

ـ شكراً ليكي يا أستاذة زهرة، احنا هنراجع ملفك ونبلغك ممكن تنتظرى بره

دخل بعدها باقى المقدمين واحد تلو الآخر واختار منهم ساجد اربعه معلمين وصعد معهم لاربعه فصول وحضر شرح كل واحدة منهم وظل يسألهم حتى يعلم مدى كفائتهم

وبعد انتهاء اليوم تم اختيار زهره ومعها مدرسه أخرى

ذهبت زهره لمنزلها وهى تشعر بسعادة فهى لم تتوقع أن تعمل فى مدرسة كبيره كهذه

دخلت المنزل ووجدت ابنها حضر الطعام وقام بتوضيب المنزل

ابتسمت لا إراديا على المنزل لم تتوقع فى يوم أن يصبح ابنها هكذا فيما مضى كانت تتمنى أن يبتسم ابنها فى وجهها ام الآن فهو اصبح يساعدها فى أعمال المنزل

نادت زهره على ابنها أتى لها مسرعاً

ـ ماما حمد الله على السلامه طمنينى عملتى ايه فى الانترفيو

ـ الحمد لله وهبدا شغل من بكره

ـ كنت عارف انهم هيقبلوكى عشان كده وضبتلك الشقه وحضرتلك الاكل

ـ وانا كمان جبتلك هديه ، اتفضل

ـ الله تليفون جديد

ـ اه عجبك

ـ حلو أوى

ـ معاك خط ولا اجبلك خط جديد

ـ لا معايا رقمى القديم هحطه واشغله شكرا أوى يا ماما

وقام بإحتـ,,ــضانها وتقــ,,ــبيلها

بدأ احمد بوضع الشريحة فى الهاتف وتشغيله وتحميل بعض البرامج وبعد فتره وجد هاتفه يرن اجاب على الهاتف دون أن يلاحظ رقم المتصل وكان رأفت

ـ السلام عليكم

ـ وعليكم السلام كده يا احمد نسيت ابوك اوعى تقفل التليفون عايز اكلمك

ـ خير فى حاجة

ـ ايه بقيت وحش دلوقتي كل ده عشان اتخانقت معاك وقولتلك كلمتين وقت الغضب ودورت عليك بعدها عشان اصالحك وملاقتكش

ـ بابا انا مش عيل صغير انت كنت بتصرف على مايسه وامها وانا لا هى نجحت وجابت مجموع كويس وانا بعيد السنه

كنت بتسيب ماما هى اللى تصرف على البيت وعليك انت كمان وانت فلوسك كنت بتضيعها على الستات الغريبه انت لو كنت بتصرف الفلوس دى على ماما مكنتش اتبهدلت ونزلت تشتغل وتدى دروس طول الوقت عشان تلاحق على المصاريف وانا كمان كنت ماشى وراك زى الأعمى ومرحمتهاش بس الحمد لله أنى اخدت الدرس وفوقت قبل فوات الاوان

اوعى تكون فاكر أنى زعلان او غيران بالعكس انا بحمد ربنا على القلم اللى انا اخدته ده عشان افوق

ـ ولد انت ازاى تكلمنى كده واضح إن امك بتقومك عليا

ـ لا ماما مابتجبش سيرتك أصلا ولا انا كمان بجبها لأن بصراحه الفرق واضح بين وجودك فى حياتنا وعدم وجودك وبصراحه وجودك وباء والحمد لله انكم اطلقتوا وأنها بعدت عنك انا الحمد لله عايش مبسوط ووقتى كله فى المذاكرة والتمرين عشان اعوض السنه اللى راحت وكمان عشان ابقى احسن من الاول وانجح وافرحها بيا ومخلهاش تندم انها ادتنى فرصه تانيه

ـ طيب ايه رأيك يا احمد لو تساعدنى أرجع ماما تانى

ـ وطنط سعاد

ـ هطلقها وابقى معاك انت وماما واصرف عليكم ومش هصرف على حد غريب تانى

ـ ماما مش هتوافق وانا كمان مش موافق انا مبسوط بحيتنا كده انا وماما وبس

ثم اغلق الهاتف بوجهه ابيه ووضعه فى قائمة الحظر ولم يحكى لامه عن مكالمه ابيه

لم يشأ أن يغضبها

بعد انتهاء المكالمه عند رأفت دخلت عليه سعاد وهى غاضبة

ـ بقى يا عره الرجاله بعد ما اخدت غرضك منى عايز تطلقنى وترجع لزهره تانى نسيت لما. كنت بتحفى ورايا وتبوس ايدى ورجلى عشان اوافق عليك دلوقتي عايز تطلقنى وترجعلها وانت فاكر دخول الحمام زى خروجه

ـ بقولك ايه يا سعاد ابعدى عن وشى انا أصلا مش طايق حد ، انا بقوله كده عشان اكل عقلهم بكلمتين ويصرفوا نظر عن موضوع القضايا ده

ـ رأفت انا لحمى مر ومش هسيبك فى حالك اوعى تفكر تلعب بديلك معايا أنت فاهم

ـ انا مابتهددش يا سعاد واعمل اللى انا عايزه وطالما قولتلك مش هتنيل يبقى مش هتنيل

تركته سعاد وذهبت للمطبخ لتقوم بتحضير الغداء

فى اليوم التالى فى مدرسة رأفت كان ينتظر أن يتحدث معه الطلاب حول الدروس الخصوصية كما يفعلوا كل عام لكن مر اسبوع وبدؤا فى أسبوع اخر ولم يتحدث معه احد

وأثناء وجوده فى الحصه وجد طالب كان يأخذ عنده درس ولم يحضر معه هذا العام

قم رأفت باستدعاءه

ـ تعالى يا على

ـ ازيك يا مستر

ـ الحمد لله يا حبيبي ايه محضرتش لحد دلوقتي في ولا درس ليه

ـ مهو يا مستر انا ماما بقت تودينى لمدرس تانى قالتلى درجاتك وحشه وهغيرلك المدرس

ـ اه يا عيل يا فاشل امك بتدارى فشلك فتجيب الهيب من المدرس

والمدرس الجديد هيعمل ايه مع واحد فاشل زيك

ـ يا مستر لو سمحت انا مش فاشل

ـ لا فاشل ومش نافع فى حياتك وابقى قابلنى لو اديتك درجه واحده في أعمال السنه

ذهب الطفل من امام رأفت وظل يبكى وبعدها ذهب للمنزل وقص لأمه جميع ما حدث معه

ـ يعنى هو قالك كده قصاد الاولاد

ـ اه والفصل كله شاهد على كده

ـ طيب خش زاكر انت وانا هتصرفى

اخذت الام الهاتف وقامت بإرسال رسالة لجروب الامهات محتواها

” حسبي الله ونعم الوكيل في كل مدرس مش بيتقى ربنا ولا مقدر قيمه المكان اللى هو فيه وبيجبر الاولاد انهم ياخدوا عنده دروس خصوصيه

للاسف انهارده مستر رأفت هزأ ابنى قدام الفصل وهدده إنه مش هيديله اعمال السنه وقاله انت فاشل

انا ابنى مش فاشل يا مستر رأفت واحنا كنا بناخد معاك درس لكن الولد مكنش بيفهم منك حاجه واحنا بنتعب فى الفلوس اللى الولد بياخد بيها دروس فمن باب اولى نديها لمدرس شاطر ابنى بيفهم منه

بعد إرسال تلك الرسالة

تجرأ عدد من أولياء الأمور وقاموا بالرد عليها

ـ وأحنا كمان بيعامل اولادنا وحش وبيضايقهم بالكلام

ـ طيب إحنا هنفضل ساكتين كده إحنا نسجل فيه شكوى جماعيه ونروح بكره نقابل المدير يمشيه او ينقله إنما اولادنا خط احمر

وبالفعل قام كلا منهم بعمل شكوى فى رأفت وفى اليوم التالى ذهبوا للمدرسة وقاموا بمقابله المدير الذى قرر إحالة رأفت للتحقيق وأتت أيضا لجنه من الوزارة للتأكد من الشكوى

وتم ايقاف رأفت عن العمل واحالته للتحقيق

لم يستوعب رأفت ما حدث في ليله وضحاها

اصبح بلا عمل ومنزل مطالب بدفع ايجاره شهرياً وقضايا واجور محامين و باقى الطلبه قرروا عدم الذهاب له مره اخرى فهم يأخذوا معه دروس فقط من أجل اعمال السنه وإذا اتى مدرس جديد سيأخذوا عنده عوضاً عن رأفت

كان رأفت يجلس فى الصاله ويضع رأسه بين كفيه لا يعلم ماذا يفعل فالمصـ,,ــائب تأتى له من كل حدب وصوب

وتذكر زهره ووقوفها معه أما سعاد فهى تريد فقط المال ولا تستطيع العمل ومساعدته

ماذا يفعل يترك سعاد ويذهب لزهره يترجاها حتى تعود له سيفعل أى شئ تطلبه منه فهى الوحيدة التى وقفت بجانبه

دخلت اليه سعاد ووجدته بتلك الحالة

ـ مالك يا رأفت فى ايه

ـ اتحولت للتحقيق واحتمال اترفد والطلبه اللى بديهم دروس وقفوها

ـ نهار اسوح ومين هيصرف علينا يعنى هتقعدلى فى البيت من غير شغله ولا مشغله لا اتصرف

ـ اتصرف اعمل ايه ها عايزانى اعمل ايه انا متحول للتحقيق يعمى مافيش مدرسه هتقبلنى وغير كده الدراسه بدأت بقالها أسبوع وزيادة يعنى المدارس مكتفيه بالمدرسين

ـ طيب هتعمل ايه وهنصرف ازاى

ـ انزلى اشتغلى وانا هحاول اشوفلى شغلانه تانيه

ـ اشتغل ايه وليه أصلا

ـ آمال هنصرف منين انا خلاص بح والفلوس اللى معايا مش هتكفى يا دوبك ندفع بيهم ايجار شهر ولا اتنين كمان وأصلا بفكر اغير الشقه دى واجيب شقه اصغر

ـ كمان منك لله يا اخى يا رتنى ماتجوزتك حسبى الله ونعم الوكيل فيك

حاول بعدها رأفت الإتصال بابنه لكنه لم يستطع بسبب الحظر وحاول الإتصال بزهره وجدها قد حظرته قرر أن يتصل بها من رقم غريب ويحاول أن يقابلها فهى معها مبلغ كبير تستطيع ان تعطيه منه شيئا او يحاول أن يجذبها بكلمتين غزل لعل وعسى قلبها يميل اليه مره أخرى

**************************

فى المدرسة عند زهره كانت تعمل بجد وبحماس شديد وظلت تعمل مع الاولاد انشطه تعليميه تساعدهم من خلالها على فهم الدروس

كان ساجد يراقبها ويراقب تفاعل الاولاد معها ولم تكن تعلم زهره أن إبنه ساجد معها في نفس الفصل أراد أن يعرف كيف ستتعامل معهم وهل ستطرق مع الاولاد وتجبرهم أن يأخذوا دروس لديها

بعد انتهاء ارسلت زهره ما اخذه الاولاد لجروب المدرسه على الواتس اب الخاص بأولياء الامور واوضحت لهم إذا ارادوا الاستفسار عن أى شئ خاص بالمنهج يستطيعوا أن معهت وهى ستساعدهم

ارسل لها ساجد بعض الاستفسارات فأجابت عليه زهره دون كلل او ملل

مر اسبوع وكل يوم ساجد يرسل لزهره بعض الاستفسارات وهى تجيب عليه كما تفعل مع غيره من أولياء الأمور

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا