رواية النصيب الفصل الخامس عشر 15بقلم نورمحمد( حصريه وجديده في مدونة قصر الروايات)

رواية النصيب الفصل الخامس عشر 15بقلم نورمحمد( حصريه وجديده في مدونة قصر الروايات)

رواية النصيب الفصل الخامس عشر 15بقلم نورمحمد( حصريه وجديده في مدونة قصر الروايات)

البارت الخامس عشر النصیب

#الفصل_الخامس_عشر(النـــصـــیــــب)

وبعد وقت خلصت الدكتوره كشف عليها وقالت ببسمه لها: اهدي يامدام انتي زي الفل ودي كلها اعراض طبيعيه في حالتك الف مبروك انتي حامل

يارا سمعتها من هنا وانتفضت من مكانها بصدمه وزهول كبير وهي بتقول: انتي بتقولي ايه حامل ازاي وانا مش بخلف اصلا

الدكتوره بصتلها بعدم فهم وستغراب وقالت بتعجب: مش بتخلفي ازاي يامدام حضرتك سليمه ميه في الميه وانا متأكده انك حامل دلوقتي وفي الشهر الثالث كمان

يارا عنيها وسعت بصدمه كبيره وقالت بزهول: انتي متأكده يادكتوره اني سليمه واقدر اخلف ودلوقتي حامل كمان يعني يعني حازم كان بيضحك عليا الفتره اللي فاتت دي كلها

الدكتوره قربت منها بقلق وقالت: ممكن تهدي يامدام الانفعال ده غلط كبير عليكي في الوقت ده وممكن تأزي طفلك كده

يارا بصتلها بتوهان وجوها غضب كبيره اوي تجاه حازم اللي اتضح انه كان بيضحك عليها السنين دي كلها بس هي برضو لازم تتأكد اكتر من الموضوع ده فقالت لدكتوره بتوتر وقلق: يادكتوره ممكن تعملي ليا تحاليل شامله علشان اطمن على نفسي اكتر لو سمحتي

الدكتوره هزت رأسها بطاعه وقالت: حاضر يامدام اهدي وانا هعمل لك كل التحاليل المطلوبه وبأذن الله تظهر النهاردا باليل وانا هبعتها لك على الوتس بس حاولي تهدي وتاخدي بالك اوي من نفسك الفتره دي

يارا هزت رأسها بطاعه وضياع وهي بتدعي ربنا يطلع كلام الدكتوره ده غلط لانه لو طلع صح هي هتبقى اخدت اكبر صدمه في حياتها فعلا

وعلى الناحيه الاخرى

في شقه جمال حازم كان قاعد جنب حبيبه وهو بيأكلها بأيده بحنان ورعايه وهو بيقول: ياله ياقلبي خلصي الاكل ده كله علشان تاخدي علاجك احنا الحمد لله اتحسنا عن الاول كتير اوي

حبيبه ابتسمت له بسعاده وقالت وهي بتلمس بطنها بحنان وحب: وكمان ابننا كبر دلوقتي وبقى بيضربني كتير ياحازم قوله دي ماما وعيب كده بقى

حازم ضحك بقوه على كلامها وقال ببسمه: حاضر ياقلبي هبقى اقوله عيب يابابا تعمل كده علشان ماما تعبانه دلوقتي

خلص جملته وضحك تاني بقوه تحت نظرات الغيظ من حبيبه لانها عارفه انه بيسخر منها بس وجمال وحنان كانوا قاعدين جنبهم بسعاده وراحه

حتي قال جمال بتسائل: هي يارا تأخرت كده ليه يابني دي من زمان قالتلي انها خارجه بره ممكن ترن انت وتطمن عليها

حازم بصله بضيق بس قال:حاضر يابابا هرن عليها

وفعلا حازم رن عليها بس يارا مردتش عليه ابدا فقال بخنقه: مش بترد عليا وانا ميه مره قولتلها لما ارن تتزفت ترد عليا و

قاطع كلامه دخول يارا عليهم الشقه وكان شكلها تعبان ومرهق اوي فجرى عليها جمال اول واحد وقال بقلق: مالك يابنتي انتي كويسه وشك بقى لونه اصفر كده ليه؟!

يارا بصتله بتعب وتوتر وقالت: مفيش ياعمو ده تعب عادي من المشوار بس و

قاطعها صوت حازم اللي قال بضيق وسخريه: والمشوار ده يقعد اكتر من ساعتين ليه بقى يايارا هانم كنتي عند الدكتور بتكشفي والا ايه ؟!

يارا سمعته ورغم انها عارفه انه بيسخر منها بس توترت اوي بسبب كلامه قدامها وقالت بتوتر وارتباك: احم لا اصلا انا روحت عند وحده صحبتي من زمان مش شوفتها وقعدت معاها شويه ومحستش بالوقت بس مش اكتر

حازم ركز نظره معاها بشك لانها لتاني مره تقول نفس الحجه وكمان لان شكلها كان واضح عليه التوتر والكذب بس تهند بقوه وقال: تمام تعالي كلي معانا اكيد زمانك جعانه اوي دلوقتي

يارا بصتله بقلق انها تتكشف قدامهم لو كلت معاهم بسبب الحمل فقالت بكذب وخوف: لا انا مش جعانه اصل اكلت مع صحبتي شكرا انا هطلع بس ارتاح فوق لاني تعبانه اوي

حازم امال لها بتفهم بس جواه شك كبير تجاها ويارا سابتهم وجرت بسرعه على شقتها فوق بعد ماحست ان نفسها غمت عليها من ريحه الاكل تحت نظرات حازم اللي كان مركز اوي في تصرفاتها الغريبه بشك وريبه كبيره 

وفي الليل يارا كانت قاعده على اعصابها وهي منتظره نتيجه التحاليل بتاعتها تظهر وفجأه سمعت صوت فونها فمسكته بسرعه ولهفه كبيره

واول مافتحت الوتس انصدمت ان كلام الدكتوره طلع صحيح فعلا  وكل التحاليل اثبتت انها كانت سليمه ميه في الميه وكمان طلعت حامل فعلا في الشهر التالت

وهنا وقع الفون منها بصدمه وزهول وهي بتقول: يعني حازم كان بيضحك عليا فعلا وانا بقيت حامل دلوقتي من احمد و

سكتت فجأه على صوت باب الغرفه وهو بيتفتح بقوه قدامها وحازم دخل الغرفه وهو زي البركان بعد ماسمع كلامها وهو بيراقبها من خارج الغرفه ووقف قدامه بصدمه وغضب وقال بحده: انتي بتقولي ايه انتي حامل ازااااي ومين احمد ده يابت  الـ****..؟!

يارا اترعبت منه وغصب عنها عنيها توجهت على الفون تحتها برعب لاحظه حازم اللي كان مركز معاها وبعدها نزل خطف الفون قبلها من على الارض وفتحه وهنا عنيه وسعت بصدمه وزهول كبير وبدون مقدمات مسك شعر يارا بقوه وعنف وهو بيقول بغضب وحده: ايه ده يازباله رد عليا انتي حامل ازاي في تلت شهور وانا من اربع شهور مقربتش منك ابدا.. خونتيني مع ميين ياو*سخه انطقي قبل مااخلص عليكي يابت الـ***

يارا حست ان شعرها هيطلع حرفيا في ايده وكانت موجوعه اوي منه وهي بتترعش برعب كبير قدامه بس فجأه دخل عليهم شخص تاني وجرى سحب حازم من قدام يارا بعنف ووو

یتبع… 

تكملة الرواية من هناااااااا 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا