رواية شيطان في بيتي الفصل السابع عشر 17بقلم زهرة الربيع حصريه وجديده في مدونة قصر الروايات
رواية شيطان في بيتي الفصل السابع عشر 17بقلم زهرة الربيع حصريه وجديده في مدونة قصر الروايات
#السابع_عشر فين اخوكي السافل..بقى انا العقيد منتصر الشرشابي اخوك الحقير يعاكس اختي يتحر،،ش بيها في النص الفرح قدام كل الناس لا وكنت ناويين تخبوا عني كمان
اسيا ارتبكت من صوته ومن طريقته وبان عليها التوتر وقالت... يا ...يا منتصر باشا اهدى مش كده احنا دلوقتي بقبنا اهل و
ولسه هتكمل منتصر زق فاز على الطاوله اللي جنبها كسرها وقال بغضب شديد ....فين الاهل دول هو احنا لو اهل اخوك يتصرف التصرف الحقير ده
هنا اكمل وقف قدام اسيا بسرعه وقال بغضب شديد..انت بتزعقلها كده ليه ...انت مش بتقول ان اخوها اللي عمل كده هي دخلها ايه ...لو على الصوت احنا كمان بنعرف نزعق وصوتنا اعلى مما تتخيل فاهدى كده وابلع ريقك لان قسما بالله لو صوتك علي عليها تاني هيبقى اخر نفس يطلع منك
منتصر افتكر وقت ما جيه انقذ علي بصله بسخريه وحاول يهدى قدر الامكان وقال ....اكمل بيه انت لك قصه تانيه معايا كنت حابب نتكلم فيها اكيد بس مش في الموضوع ده ....الموضوع ده انت تركن على جنب منه لانه اكبر منك ما تدخلش فيه
اكمل قال بحده...انا مفيش ما بيني وما بينك الا ان اللي بتزعق لها دي تبقى مراتي ومسمحش لاي حد يعلي صوته عليها فلو حابب نتفاهم اهلا وسهلا... حابب بقى تفضل تزعق زعق براحتك بس في اللي غلط معاك انما اسيا خط احمر
اسيا بقى كانت بتسمعه باستغراب شديد لثاني مره يقف قدامها بالطريقه دي ويحميها بدون تردد ...فضلت واقفه ورا ضهره ومتحركتش
منتصر قال بسرعه ....نتفاهم تمام هو فين بقى علشان فعلا معاك حق حسابي معاه هو انا جبت اخري معاه والمره دي مش هرحمه هو فييييين
اكمل لسه هيتكلم في الوقت ده طلع عمو وقال لما سمع كل شيئ وقال بسرعه.... اهلا يا منتصر يا ابني... معلش اعذرني كنت بصلي الضحى والله واول ما خلصت جيت على طول
منتصر لسه هيتكلم اكمل ضحك وقال.... عجائب انهارده بنسمعها..ههه عمك بيصلي الضحى ....حرما يا حاج عصران الشياطين بتبكي في الزاويه
عصران بصله بضيق شديد وقال ....يبقى تروح تبكي جنبهم يا شاطر وتسيب البني ادمين يتكلموا مع بعض
وبص لمنتصر وقال ....متضايق ليه يا حبيبي لو على اللي حصل في الفرح احنا خبينا لاننا مكناش حابين نضايقك بس
منتصر قال بغضب شديد....عمي انت عارف انا بحترمك قد ايه
..ولما حصل الموضوع ده قبل كده انا اخذت اختي ومشيت وعديتها ومعملتش اي تصرف بعدها مع ابن اخوك رغم انه اهاني في بيتك وفي وجودك وانت وعدتني ان دي هتكون اخر مره....تقدر تشرحلي ايه اللي حصل في الفرح ده... ولا اقولك زي ما قال ابن اخوك انتم ملكمش دخل في اللي عمله ..دلوني بس على مكانه لان حسابي معاه هو وبس بدل ما هلاقيه بطريقتي وكلو هيزعل مني
عصران بان عليه الإرتباك وقال ..احم....انت..انت فهمت الموضوع غلط يا ابني اللي وصل لك حكالك غلط
منتصر قال بسرعه وغضب....محدش حكالي حاجه....ده واحد واضح انه بيحبكم قوي بعت لي فيديو باللي حصل يعني شوفتوا صوت وصوره... كان بيتسفل على البنت عيني عينك قدام كل الخلق مفيهاش اي فهم غلط
اكمل اندهش لما قال كده واسيا بصتلو بغضب شديد وقالت بهمس من بين اسنانها.... حاضر ورحمه بابا ما هعديها لك
اكمل خد نفس عميق واتنهد وقال.... اكيد مش هتصدقي لو قولت لك مش انا
اسيا بصت له بحده وما ردتش عليه وراحت وقفت جنب عمها اللي قال بسرعه.... ما تخليش الناس توقع بينا يا ابني احنا نسايب وقرايب واهل انا هحكي لك اللي حصل هو بصراحه لؤي ندم على اللي عملو قبل كده و
منتصر قاطعو وقال بسخريه..فقال يكررو تاني ..لا واضح الندم
عصران اتنهد وقال ...لا يا ابني بس هو كان نفسه يعتذر لاختك ويتكلم معاها وهيه فهمتو غلط وهو حاول يوقفها فعشان كده مسكها كان قصدو يتكلم معاها مش اكتر
منتصر قال بغضب شديد...ويتكلم معاها ليه اصلا يا عمي انتوا هتجننوني يتكلم معاها ليه يجي جنبها اصلا ليه ماله ومالها
عصران قال بسرعه وبدون تردد..... اصل يا ابني هو بيحبها وعايز يتجوزها... هو طلب مني كده بنفسو
حصريا بقلم ...زهرة الربيع
منتصر بصله بصدمه واسيا كمان اتسعت عنيها بزهول
عند فرحه دخلت المستشفى ولسه هتسأل على اوضة علي اتفاجأت بيه مستنيها في الاستقبال وقاعد على كرسي بعجل قربت منو بزهول وقال....ايه اللي عمل فيك كده
علي ابتسم بسخريه وقال...ابدا كنت بنط الحبل فوقعت على رجلي وعملت واوا...وبصلها بغضب وقال بطريقه رعبتها...خديني من هنا اتخنقت خلينا نروح حته نتفاهم فيها..فيه كلام كتييير لازم نقوله يا ست فرحه واكيد انتي عارفه هنتكلم في ايه
فرحه بلعت ريقها بخوف وهزت راسها بالموافقه وبدأت تدفع الكرسي بتاعو وطلعت بيه من المستشفى ووقفت تاكس علشان يطلعو فيه
نزل سواق التاكس وساعدها وطلعو على مكان مجهول تحت انظار لؤي اللي كان واقف بيراقبها باستغراب واحتار جدا مين ده خصوصا انو متأكد انو هو نفسو الشاب اللي شافو بيكلم سهيله يوم ما كان راجع بفرحه وقالتلو انو اخو صاحبتها
طلع في عربيته بسرعه وراح وراهم ومصر يجيب اخرها انهارده
عند منتصر كان بيبص لعصران بزهول وقال ...نعم...بيحبها...ههه...بجد
ومسح على وشو بخنقه وقال...عمي انت مربيني يعني اكيد فاهم ان الكلام ده مش هيعدي عليا انا عقيد ومعلقتش النجوم على الفاضي... هو شافها فين علشان يحبها ويكون عايز يتجوزها كمان ..شوف الكلام ده مش هيرحمو من العقاب هو فين
اكمل ميل على اسيا وقال...بقول ايه..احم...هو عقيد عقيد يعني مفيهاش تنازل...اصلها حاجه توغوش يعني
اسيا بصتلو بحده وقالت من بين اسنانها ....اه عقيد بجد..الاهي تتعقد رقبتك ما تتفك الا بطلوع روحك
اكمل قال بهمس...سيبك من رقبتي ...انا معايا حتت حشيش مش عارف اوديها فين تاخدي تخليها معاكي لحسن نتفتش ومدها عليا
اسيا بصتلو بزهول ونزلت ايده بسرعه وقالت..يخربيتك هتفضحنا بتعمل ايه ...خبي الزفت ده قوام
اكمل قال بهمس ...يابت خليها معاكي المثل بيقول ...اللي متسترش على جوزها وتخبي حشيشو...عمرها ما تعرف تقصقص ريشو
اسيا قالت بغضب ...ده اكيد مثل الست الوالده...خبي الزفت ده خلي يومك يعدي على خير احسن اخليه يشدك بتهمة تعاطي وانت عارف اني اعملها و
بس قطعت كلامها لما عمها قال...مش كده يا اسيا حتى اسأل اسيا..اسيا قولي لمنتصر لؤي قال ايه عن نيره من اول مره شافها
اسيا بقت تبصلو وقالت بتوتر..ها..قال ايه .... اه..قال كل خير..نيره مفيش منها اصلا
منتصر بصلهم بخنقه وعدم تصديق وقال.....امم...تمام يا عمي انا طبعا مصدقك وهنتكلم في الموضوع ده وقت تاني... لاني لازم برضو اقابل لؤي الاول ...بس قبل كل ده عايز اتكلم مع مدام اسيا على انفراد
اسيا بلعت ريقها بتوتر وعصران قال بسرعه....اه...اه طبعا اتفضلو جوه
اسيا لسه هتتحرك بس اكمل مسك ايدها بقوه وقال بغضب....يتفضلو جوه فين...مراتي مش هتتحرك من هنا كلمها قدامنا
في الوقت ده نزل عدي وهو بيفرك عينه بنوم وقال..فيه ايه مين اللي بيجعر على الصبح ده
اكمل قال بسخريه...اهو استاذ غيبوبه فاق ...هشهدك انا بقى منتصر بيه عايز ياخد مراتي ها..واخد بالك انت مراااتي ويدخل يتكلم معاها على انفراد... ده ينفع بزمتك
عدي بص لاسيا ونزل عيونه بحزن وهيه كمان حاولت متبصلوش وهيه نفسها قوي تسأله عن حاله وتطمن عليه بعد اللي حصل امبارح
عدي اتنهد وسلم على منتصر وقال..سهيله كويسه
منتصر اتنهد وقال بخير...الحمد لله
والتفت لاكمل وقال..استاذ اكمل...هما كلمتين اتنين فلو سمحت ده من بعد اذنك ..لان سؤالي مدام اسيا بس اللي هتجاوب عليه ممكن
اسيا ابتسمت بخبث وشافتها فرصه انها ترد لاكمل اللي عملو لما بعت الفديو وقالت بسخريه..انسه....انسه اسيا من فضلك
الجميع اتسعت عنيهم بدهشه خصوصا منتصر اللي بص لاكمل باستغراب وحرج
وعدي ابتسم بسعاده وقلبه بيدق من فرحته هو وابوه وبصو لاكمل بشمات
اكمل بقى كان زي اللي انكب عليه ميه بتلج في عز الشتا باصص لها بزهول من جرأتها عليه خصوصا قدام عدي وحاول يطلع صوته طبيعي وقال ..احم...فعلا انسه.. لاني الصراحه مكنتش فاضيلها امبارح كان معايا حد تاني ...بس شكلها زعلت مني علشان كده هوعدها قدامكم انها هتبقى مدام انهارده...ده وعد
اسيا بلعت ريقها بخوف من طريقتو ونظراته وهو كان عايز يمشي من المكان مش طايق يقعد اكتر بس مش قابل يخليها تدخل مع منتصر يتكلمو لوحدهم بص لمتصر وقال..اتفضل معايا انت وهيه واتكلمو في وجودي
اسيا استغربت رد فعلو ده ومنتصر حس بيأس من انو يسيبو يكلمها لوحدها واتنهد ودخل معاهم على اوضة المكتب
صفوان اتوترجدا وفضل رايح جاي بقلق وبيقول استر يا رب..استر
عدي كان مش فاهم حاجه قال باستغراب ..هو فيه ايه ...مالك يا بابا ومنتصر كان بيزعق وعايز اسيا ليه..اصلا ازاي جاي يوم صباحيتو كده
ابوه اتنهد وقال بغضب ..طبعا.... هو انت فاضيلنا..حقك متعرفش المصايب اللي بتطبل على دماغنا روح اشرب تاني واتدهول على عينك تاني....مكفاكش البلاوي اللي عملتها لما سكرت قبل كده وكنت هتخسرنا اللي ورانا واللي قدامنا كمان امبارح شريت تاني وكنت هتفضحنا وخليت الحيوان ده يتجرأ يمد ايده عليك
عدي اتنهد وقعد وولع سيجاره بلا مبالاه وقال...خلصت وطلعت الشحنه اللي جواك...ها بقى فيه ايه ...منتصر ليه هنا
عصران اتنهد وقعد وسحب منو السيجاره شرب منها وقال بضيق...عرف باللي عملو ابن عمك في الفرح..عرف كل حاجه
عدي بصلو بزهول وقال..ايه عرف ازاي
عند اسيا كانت واقفه بتوتر وقالت بجديه...احم...اتفضل يا حضرة الضابط بقينا لوحدنا ..وبصت بطرف عينها لاكمل وقالت بضيق..بقينا لوحدنا نوعا ما..اتفضل
منتصر اتنهد وقال..مدام اسيا ..السؤال الي هسألو محدش غيرك يعرف اجابتو ..كمان متأكد انك مش عايزه تجاوبي عليه قدام عمك...اخوكي لؤي عمل كده ليه...انا مش مقتنع بكلام عمك..ولا كمان مقتنع ان انسان زي لؤي ممكن يعمل كده انا مش انهارده هعرفو...انا جايز اكون بعدت عنكم فتره طويله بس اعرف اخلاق كل واحد منكم ...وانا شوفت الفديو اكتر من مره...واخوكي بعد ثواني من اللي عملو بان مصدوم وحاول يهدي نيره فيه ايه بالظبط
اكمل استغرب كلامو وحس ان معاه حق واسيا قالت بلهفه....هو فع.....
بس قطعت جملتها بسرعه وهيه بتبص لاكمل وخافت يعرف بمرض لؤي فيأذيه او يهددها بمرضه اتنهدت وقالت ..مفيش حاجه هو زي ما قال عمي مهتم بنيره ومكانش يقصد يضايقها
منتصر اتنهد بيأس اصلا كان متأكد انها مش هتتكلم قدام اكمل حس بغيظ شديد من كلامها هيه وعمها لانهم بيسكتوه بالقصه دي ابتسم بخبث وقال.....تمام...هعتبر طلبكم بارتباطهم مقبول وهستنى منكم زياره تتقدمو رسمي
اسيا اتسعت عيونها بزهول كانت فاكره انو هيرفض وبلعت ربقها بتوتر وقالت...انت... انت موافق
اكمل ضحك بسخريه وقال ..بيقولك هيستنى زياره ...ايه الاشاره ساقطه عندك
وسلم على منتصر وقال بسعاده مستفزه...مبروك يا باشا ربنا يتمم على خير...و يا زين ما عملت اصلا عمي معاه حق الواد بيحبها احنا شباب زي بعض وياما قلي كده ... ده لسه اول امبارح كان عمال يحكيلي عنها..عمال يوصفلي فيها خلاني غصب عني عايز اشلها وامشي بيها.. ااا قصدي مبروك عقبال ما تشوف اولادهم
اسيا كانت بتبصلو بزهول من كلامو ومنتصر نفخ بزهق لانو مش مصدق اي حاجه من الكلام ده وخرج بسرعه
اكمل لسه هيمشي وراه مسكتو بسرعه من قميصه بقوه وهيه بتبصلو بغضب رهيب وقالت من بين اسنانها..ايه اللي عملتو ده
اكمل ابتسم وهو بيبص لعيونها اللي بتشع نار من غضبها وكانت قريبه قوي منه حاوط خصرها باديه وقال ...على مهلك يا قادر ..القلب داب على الأخر
بقلم ...زهرة الربيع
عند لؤي طلع ورا فرحه وكانت نزلت في مكان على البحر والامواج بتضرب الصخور وكان بيراقبها من بعيد وسامع صوتهم بالعافيه
فرحه قالت بتوتر شديد..نعم يا علي ادينا لوحدنا ممكن تتكلم بوظت اعصابي
علي ابتسم بسخريه وقال..سلامة اعصابك يا جميل..والله المفروض انتي اللي تبقي عايزه مني...يعني اكيد مش هتبقي حابه اني اتكلم واقول اللي عندي ..انتي اكتر واحده عارفه ان اللي عندي كتيييير
فرحه بلعت ريقها بتوتر وقالت...علي ..علي انا بنت يتيمه وبحاول اعيش ابوس اديك اشفق على حالي وسيبني اكمل حياتي وانسى اللي حصل
ضحك بسخريه وقال..هو. انتي يا فروحه هتعرفيني انهارده ما انتي عارفه يا حلوه اني لا بشفق على حد ولا بيصعب عليا ابويا حتى..قصر الكلام قضيتك لسه مفتوحه والبوليس قالب عليكي اسكندريه كلها هيبقى ازاي الحال لو عرفو انك هنا...بالميت تاخديلك تأبيده...انتي قاتله روح يا حلوه ما انتيش سارقه محفظه
لؤي سمع الجمله وكان هيقع من طوله وبقى يحاول يتأكد من اللي سمعو وهو بيكدب ودانو ومش قادر يستوعب اللي اتقال حرفيا رجليه مش شايلاه وووووو
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا