رواية عهد بحب كاذب الفصل الثالث وعشرون 23بقلم مريم أحمد (حصريه وجديده في مدونة قصر الروايات)

رواية عهد بحب كاذب الفصل الثالث  وعشرون 23بقلم مريم أحمد (حصريه وجديده في مدونة قصر الروايات)

رواية عهد بحب كاذب الفصل الثالث  وعشرون 23بقلم مريم أحمد (حصريه وجديده في مدونة قصر الروايات)

23

وصلوا كلهم للمستشفى و كانوا قلقانين جدا ..راحت عهد للاستقبال و قالتلها و هي الدموع في عيونها

عهد...لو سمحتي اخويا جية هنا من ساعتين كدا 

سألتها الموظفة و هي بتقولها

آية...اسم المريض ايه ؟

اتكلمت عهد و هي قلقانة انها تسمع خبر هي مش عايزة تسمعه و قالتلها

عهد...سيف صادق الأنصاري

هزت الموظفة دماغها و بصت للكومبيوتر و بعدين بصت لعهد و قالتلها

آية...الدور التالت تاني اوضة على ايدك اليمين 

هزت عهد راسها و طلعوا هما التلاتة وسط قلقهم و دعوات هالة ان سيف يكون كويس 

خبطت عهد على الباب و دخلوا كان سيف قاعد و كان موجود يوسف اللي كان قاعد جمبه

اتكلمت هالة و هي بتقوله

هالة...انت مين ؟ 

رد عليها و هو بيقولها باحترام

يوسف...انا يوسف اخو سارة يا امي 

كانت عهد مستغربة من اسلوب كلامه اللي بقى كله تقدير للناس و احترام 

هزت هالة دماغها و قالتله

هالة...اهلا يا ابني 

اتكلم سيف و هو بيقولهم بلوم

سيف...ايه اللي خلاكوا تيجوا بس

ردت عليه هالة بلوم و قلق و هي بتقوله

هالة...نعمم ؟ و انت كنت عايزنا نعرف انك ف المستشفى و منجيش ولا ايه 

بص ليوسف بلوم انه قلق امه و اخواته و هالة قالت بقلق

هالة...ايه اللي حصل ؟

يوسف...حالة تـ...

قاطع كلامه سيف لما قال لأمه 

سيف...ولا اي حاجة مجرد ضربة شمس بس و بقيت كويس الحمدلله 

بصله يوسف و سكت لما فهم انه مش عايزهم يقلقوا بس عهد كانت حسه انه بيكذب لكن داليا ف كانت متأكدة من كدا 

و برغم ان هالة برضو مكنتش مصدقة مية ف المية بس حاولت تصدق عشان تطمن نفسها و اتكلمت و هي بتقوله بلوم 

هالة...ليه كدا بس يا سيف

ابتسم و قالها

سيف...احمدي ربنا انا كويس اهو

ابتسمت و حمدت ربنا و يوسف خرج عشان يسيبهم بما اتهم عيلة و هو الغريب 

بصت عهد لسيف بعدم تصديق لكلامه 

اتكلمت هالة و هي بتقول

هالة...هخرج اصلي العصر 

هزت عهظ دماغها بمعنى ماشي و داليا قالتلهم

داليا...بابا بيرن عليا هدخل البلكونة ارد عليه  

خلصت كلامها و راحت للبلمونة اللي كانت ف نفس الاوضة 

اتكلمت عهد و هي بتقول لسيف

عهد...كذبت صح ؟

سكت و مردش عليها و هي كملت كلامها و هي بتقوله

عهد...يوسف كان هيقول الحقيقة و انت كذبت 

هز دماغه بمعنى " ايوا " و هي قالتله بقلق

عهد...جيت المستشفى ليه يا سيف

سيف...هقولك بس متعرفيش ماما ولا بابا عشان ميقلقوش

خافت عهد و قالتله بقلق

عهد...هو في ايه يا سيف

ضحك و قالها

سيف...ايه يا بنتي مفيش حاجة مجرد اني كلت الكيكة اللي كانت داليا جايباهالك و اتـ سممت بسببها بس و عملوا غسيل معدة و خلاص

حطت ايدها على بوقها بخضة و خوف و قالتله و هي الدموع ف عيونها

عهد...انت كويس طيب

ضحك سيف عليها و قالها

سيف...انتي مجنونة يا بنتي م انا هروح معاكوا اهو ولا كأن في اي حاجة  

كملت بشكر و هو بيقول

سيف...الحمدلله انك مكلتيش الكيكة دي

ابتسمتله عهد و هي حسه بالذنب ان هي السبب و ف الوقت دا خرجت داليا من البلكونة

اتكلمت عهد و هي بتقولها

عهد...كلمتي بابا ؟

هزت داليا دماغها و قالتلها

داليا...ايوا بيقول انه ساعة ساعة و نص بالكتير و هيكون ف البيت 

اتكلم سيف و هو بيقولهم

سيف..طب يلا بسرعة عشان ميقلقش هو كمان 

اتكلمت داليا و هي بتقولهم

داليا...هروح اشوف ماما

هزت عهد راسها و قالتلهم

عهد...و انا هروح ابلغ الدكتور 

و خرجوا هما الاتنين لاقيوا هالة بتشكر يوسف اللي كان كل دا واقف برة

اتكلمت داليا و هي بتقولها

داليا...كنت لسة هجيلك عشان نمشي

استغربت هالة و قالتلها 

هالة...طب خلونا نقول للدكتور الاول

هزت عهد دماغها و كانت لسة هقولها انها كانت هتعمل كدا بس سكتت لما يوسف اتكلم و هو بيقول

يوسف...متقلقوش الدكتور طمنا على حالة سيف و يقدر يروح معاكوا 

هزت هالة راسها و قالتله

هالة...شكرا يابني انك سايب شركتك كل دا 

ابتسم و قالها باحترام

يوسف... الشكرلله وحده يا امي 

هالة...روح انت طيب شركتك عشان منعطلش شغلك اكتر من كدا

اتكلم يوسف و هو بيقولها

يوسف...هتلاقوا عربية هتوصلكوا لحد البيت و كمان حسابات المستشفى خلصت

شهقت هالة بصدمة و قالتله

هالة...لأ طبعا مينفعش

ابتسم و قالها

يوسف...هو ايه دا اللي لأ سيف تعب بسبب الشغل و طبيعي علاجه يبقى على حساب الشركة يا امي

سكتت هالة و بعدين هزت دماغها و هو استأذنهم و مشي و عهد كانت مضايقة جدا انه دفعلهم فلوس المستشفى ..مش هتنكر ان اكيد اكيد حساب المستشفى غالي جدا و اعلى من مقدرتهم بس برضو كانت مضايقة جدا 

خرج سيف و قالهم

سيف...يلا يا جماعة بقى انا بتخنق من جو المستشفيات دا

هزت عهد دماغها و قالتله

عهد...يلا

مشوا كلهم و عهد كتبت لسيف على الواتساب عشان امهم متعرفش

عهد..." يوسف دفع حساب المستشفى ! "

شاف الرسالة و ظهرت تعابير الضيق على وشه و بعدين كتبلها

سيف..." هخليه يخصمهم من المرتب  "

سكتت و متكلمتش و العربية اتحركت بيهم ف اتجاه البيت 

....استغفر الله العظيم الذي لا اله الا هو الحي القيوم و اتوب اليه 

في قصر الحديدي

كانت سارة قاعدة ف بلكونة اوضتها و حاطة اللاب توب على الطربيزة و بتابع جروب تدريبات الشركة و هي بتشرب عصير

جت ندى و قعدت جمبها و هي بتقولها

ندى...بقالي سنة بخبط على باب الاوضة

ابتسمتلها سارة بأسف و قالتلها

سارة...حقك عليا بجد بس حقيقي مسمعتش خالص

هزت ندى راسها و قالتلها

ندى... ماشي

ابتسمت سارة و قالتله

سارة....كنتي عايزة حاجة؟

ندى...عهد مجاتش لية 

هزت سارة راسها بعظم معرفة و قالتلها

سارة...شكلها مش جاية 

ابتسمت ندى بعدم تصديق و قالتلها

ندى...لأ متهزريش انا سليم كان مكلمني اننا ننزل نشوف الشبكة انهاردة و انا قولتله لأ 

مسكت سارة تليفونها و قالت لندى

سارة...هرن عليها طيب 

هزت ندى دماغها و قالتلها

ندى...ماشي

رنت سارة على عهد و عهد ردت عليها 

عهد...الو

سارة...مجيتيش لية ؟

اتكلمت عهد بأسف و هي بتقولها

عهد...معلش يا سارة مش هقدر اجي لأن سيف اخويا تعب و كان ف المستشفى 

استغربت سارة و قالتلها

سارة...اخوكي ؟ انا اول مرة اعرف انك عندك اخوات

مكنتش عهد عايزة تقولهم اصلا ان اخوها كان مسجون خصوصا انها قلقت ان يوسف ميرضاش يعينه ف الشركة و اخوها ميشتغلش ف مجال الهندسة خصوصا انه مهندس معماري و طول عمره مان بيحلم انه يشتغل ف شركة كبيرة و يبقى لية اسم بعدين بس ف النهاية هي متأكدة انها لما تعرف سارة، .سارة مش هتقول لحد و ردت عليها عهد و قالتلها

عهد...دا موضوع كبير هبقى احكيلك  لما اقابلك 

هزت سارة دماغها و قالتلها

سارة...طيب

كانت ندى مشغولة بالتليفون و دا خلاها متركزش ف كلمة سارة و هي بتقول لعهد انها مكنتش تعرف ان ليها اخوات و عشان كدا مسألش 

سابت التليفون و بصت لسارة لما سمعتها بتقولها

سارة...بتقولي انها مش هتقدر تيجي للأسف 

هزت ندى دماغها بمعنى ماشي و سكتت ، و طبعا سارة حست انها متضايقة من حاجة و سألتها و هي بتقولها

سارة...مالك يا ندى

ورتلها ندى التليفون و اللي كان على شات ف الواتساب و هي بتقولها

ندى...بصي سيرين اخت سليم باعتالي ايه

خدت سارة التليفون منها و قرأت الكلام اللي سيرين باعتاه و اللي كان عبارة عن

سيرين..." انا بجد مش فاهمه ايه المنظرة الكدابة و التكبر دا بجد انتي ازاي اصلا لما اخويا يقولك انكوا تنزلوا تنقوا الشبكة ترفضي ؟ "

قفلت سارة حواجبها باستغراب و بصت لندى و قالتلها

سارة...ايه الجنون دا ؟

هزت ندى راسها يمين و شمال بعدن معؤفة و قالتلها بحزن 

ندى...اصلا انا عارفة من بدري ان لا هي ولا امهم بيحبوني 

ابتسمتلها سارة و قالتلها

سارة...عادي اغلب الناس كدا بس لما يعرفوكي بجد و يعرفوا انك طيبة و سكرة كدا هيحبوكي انا متأكدة

ابتسمت ندى على كلام سارة و بعدين قالتلها

ندى...ارد عليها اقولها ايه 

هزت سارة راسها بنفي و قالتلها

سارة...ولا اي حاجة 

استغربت ندى و قالتلها

ندى...اسيبها يعني تهزقني كدا و اسكت؟

هزت سارة راسها بتأكيد و قالتله

سارة...احيانا السكوت بيبثى انتصار، بمعنى انك لما تردي عليها هتعمل اي خناقة و تروح تقول لأخوها و وقتها سليم هيزعل منك اما لو مردتيش ف كلامها و طريقتها دي هتفضل متسجله و انتي مش هتردي ف مش هتبقي غلطانة 

ردت عليها ندى بسخرية و هي بتقولها

ندى... لا بجد دا انتي ذكية اوي .. م اكيد هتقول لسليم اني مش برد عليها و هتخليه يزعل مني

ابتسمت سارة و قالتلها

سارة...وقتها ابقي ابعتيله كلامها دا و انك مرديتيش عشان متعمليش مشكلة و هو ساعتها هيعرف انها بتعمل كدا عشان تخليكوا تتخانقوا ف مش هيزعل منك

سكتت ندى و فكرت شوية ف كلام سارة و بعدين هزت دماغها باقتناع و قالتلها

ندى...هروح انا بقى اكمل مذاكرة عشان الامتحانات

ابتسمت سارة و قالتلها

سارة...ربنا معاكي

ابتسمت ندى و ردت عليعا و هي بتقولها

ندى...امين يا رب العالمين

و راحت اوضتها و سارة رجعت كملت شغلها تاني

....لا اله الا انت سبحانك اني كنت من الظالمين

في مكان اول مرة نروحه في الشروق تحديدا ف قصر زهران الشرقاوي و اللي بيكون ابو سليم

كانت سيرين متغاظة جدا ان نظى شافت الرسالة و مردتش عليها 

فضلت رايحة جاية ف اوضتها بغضب و هي بتقول

سيرين...فاكرة نفسها مين دي عشان متردش عليا انا متردش على سيرين الشرقاوي اتجننت دي ولا ايييه 

فضلت رايحة جاية كدا لفترة مش قليلة لحد م وقفت و قررت انها تروح لأمها 

خرجت من اوضتها بغضب لاقيت واحدة من الخدامين ف الطرقة قالتلها

سيرين...ماما فين 

ردت عليها الخدامة و هي بتقولها

اميرة...لا يا سيرين هانم

زعقت سيرين و هي بتقولها

سيرين...اومال مين اللي يعرف يعني

اتكلمت اميرة بخوف و هي بتقولها

اميرة...يا هانم انا جاوبت حضرتك على سؤالك اية لازمته زعيقك دا بس

ردت عليها سيرين بغضب و هي بتقولها

سيرين...تعاااالي علمينييي ازااااي اتكلم احسن !!

دمعت عيون اميرة و هي صعبان عليها نفسها و ف الوقت دا جت حلا اخت سيرين و هي بتقول

حلا...في ايه ؟

سكتت اميرة و متكلمتش و سيرين قالتلها

سيرين...م تقولي في ايه

بصت اميرة لحلا بحزن و سيرين اتكلمت و هي بتقول

سيرين...في ان الاستاذة بتعرفني ازاي اتكلم معاها

اضايقت حلا من سيرين جدا و قالت لأميرة 

حلا...روحي كملي شغلك انتي طيب

هزت اميرة راسها و مشيت و حلا بصت لسيرين و قالتله

حلا...سيرين اسلوبك بقى وحش جدا على فكرة

ابتسمت سيرين بسخرية و قالتلها

سيرين...احسن خليكي انتي اللي اسلوبك كويس

قالت كلامها و دخلت اوضتها و قفلت الباب و حلا نفخت بغضب و رجعت اوضتها تاني

....لا اله الا انت سبحانك اني كنت من الظالمين

في بيت صادق

كانوا كلهم متجمعين بعد م طلبوا اكل من بره لأن طبعا هالة مكنتش عملت غدى

اتكلمت و هي بتقول لصادق

هالة...المهم بقى لاقيتلك عهد دي جاية و وشها غرقان بالدموع و بتقولي سيف ف المستشفى

اتكلمت عهد بزهول و هي بتقولها

عهد... لازمتها ايه انك تحكي طيب

ضحك صادق و قالها

صادق...سيبيها 

زجه كلامه لهالة و هو بيقولها

صادق...كملي كلامك 

هزت دماغها و كملت كلامها و هي بتقوله

هالة...روحنا بقى لاقيناه يا عيني جتله ضربة شمس من الشغل 

بص صادق لسيف و قاله

صادق...الف سلامة عليك

ابتسم سيف و قاله بحب

سيف...الله يسلمك يا حاج

ابتسمت هالة و قالت

هالة...بس صاحب الشركة بقى طلع بني ادم محترم و بيفهم ف الاصول و مسبناش ابدا و فضل موجود لحد م مشينا 

ابتسمت عهد بسخرية و هي باصة ف اكلها و هالة كملت كلامها و هي بتقول

هالة...يا ريت كل الناس زيه

قالتلها عهد بسرعة

عهد...ليه يعني ؟؟؟؟

ردت عليها هالة بزهول و هي بتقولها

هالة...يعني بني ادم محترم و ساب شركته اكتر من اربع ساعات و دفع حق المستشفى على حساب الشركة و تقوليلي لية ؟

ابتسمت عهد و قالتلها

عهد...ماشي يا حبيبتي 

ابتسمت هالة و هزت دماغها بمعنى ماشي و داليا بصت لعهد و هي عايزة تضحك 

....سبحانك اللهم و بحمدك

في قصر زهران الشرقاوي

كانت حلا نزلت و كانت ناوية انها تخرج مع صحابها بس وقفت مكانها لما سمعت صوت امها و هي بتقولها

ميرفت...على فين ؟

ردت حلا عليها و هي بتقولها

حلا...هخرج مع صحابك

هزت ميرفت دماغها برفض و قالتلها

ميرفت...لأ

تستغربت حلا و قالتلها

حلا...لية يعني!

ابتسمت ميرفت بسخرية و قالتلها

ميرفت...نعم؟

سكتت حلا و ميرفت قالتلها

ميرفت...كام مرة قولتلك متتكلميش مع اللي اسمها دينا دي ؟

حلا...ماما يا حبيبتي دينا تبقى بنت عمتي و سنها قريب من سني يعني طبيعي اتكلم معاها و نكون صحاب !!

زعقت فيها ميرفت و قالتلها

ميرفت...و عمتك دي بتكرهه امك 

هزت حلا دماغها بمعنى ماشي و قالتلها

حلا...بس للأسف انا مليش دعوة بكل دا لا انا ولا دينا لينا دعوة يا ماما و كمان من حقي اني اسأل على عمتو 

اضايقت ميرفت جدا منها و سيرين قالت لأمها

سيرين...مستنيه تسمعي منها كلمة حاضر يعني ؟

ضحكت و كملت بسخرية 

سيرين...متبقاش حلا

قالت ميرفت لحلا بغضب

ميرفت...امشي من وشي

هزت حلا دماغها و قالتلهم

حلا...عن اذنكوا

و خرجت من البيت كله و هي ناوية تروح لعمتها 

اتكلمت ميرفت و هي بتقول لسيرين

ميرفت...عملتي ايه

ردت عليها سيرين بكل غيظ و هي بتقولها

سيرين...بعتلها الرسالة و مردتش عليا بس مش هيأس عشان استحالة دي تكون خطيبة اخويا

هزت ميرفت دماغها بموافقة و سيرين قالتلها

سيرين...المشكلة مش عارفة افكر ف خناقة تخليهم يفشكلوا الخطوبة دي 

هزت ميرفت دماغها بلامبالاه و قالتلها

ميرفت...مفيش حد هيقبل ان عيلته تتهان 

استغربت سيرين كلام ميرفت و قالتلها

سيرين...مش فاهمه

ابتسمت ميرفت و قالت

ميرفت...يعني هنكهرهها فينا لحد م تيجي ف مرة تزعق بقى ولا تتعصب ولا تتنرفز علينا وقتها هو هيضايق عشانا و هيفسخ الخطوبة الحكاية كلها مسألة وقت مش اكتر ووووو

يتبععععع

تكملة الرواية من هنااااااا